ପାରାଦ୍ଵୀପ ଓ କେନ୍ଦ୍ରାପଡା ଜିଲ୍ଲାର କୈବର୍ତ୍ତ ପରିବାର ଏବେ ଭୋକ ଉପାସରେ। କମ୍ପାନୀର ବର୍ଜ୍ୟ ବସ୍ତୁ ପ୍ରଭାବରେ ନଦୀ ଗୁଡିକର ଜଳ ଏବେ ପ୍ରଦୁଷିତ ହେଉଛି । ମାଛ ବଂଶ ବୃଦ୍ଧିରେ ବାଧକ ସାଜିଛି କମ୍ପାନୀ ଗୁଡ଼ିକର ବର୍ଜ୍ୟ ଜଳ। ପୂର୍ବରୁ କୁଜଙ୍ଗର ଷଣ୍ଢ ରାଜା କୈବର୍ତ୍ତ ମାନଙ୍କୁ କୁଜଙ୍ଗ ଓ ପାରାଦ୍ଵୀପ ଅଞ୍ଚଳର ୫୭ କିତା ନଦୀ ପ୍ରଦାନ କରିଥିଲେ । ଯାହାର ମାଲିକ ହେଉଛନ୍ତି ଷୋଳଭାଇ କୈବର୍ତ୍ତ ସମାଜ | ସେମାନେ ନଦୀରୁ ମାଛ ମାରି ପରିବାର ପ୍ରତିପୋଷଣ କରୁଥିଲେ । ଧିରେ ଧିରେ ଏହି ନଦୀ ଗୁଡିକ ଜବରଦଖଲ କରାଯିବା ସହିତ କମ୍ପାନୀ ର ପ୍ରଦୁଷିତ ଜଳ ବାଧକ ସାଜିଛି ।
ମହାନଦୀ ମୁହାଣ ଦେଇ ସମୁଦ୍ର ରୁ ମାଛ ମହାନଦୀ କୁ ଆସିଥାନ୍ତି ଏବଂ ଏହି ମାଛ ଧରି ସେମାନେ ପରିବାର ପ୍ରତିପୋଷଣ କରୁଥିଲେ । ମାତ୍ର ଏବେ ତାହା ସମ୍ଭବ ହେଉନାହିଁ, ଯାହାକୁ ନେଇ କୁଜଙ୍ଗ ବ୍ଲକର ବିଶ୍ବାଳୀ ଠାରେ କୁଜଙ୍ଗ, ଏରସମା, କେନ୍ଦ୍ରାପଡା ଜିଲ୍ଲାର କୈବର୍ତ୍ତ ମାନଙ୍କୁ ନେଇ ଏକ ବିଶାଳ ସମାବେଶ ଅନୁଷ୍ଠିତ ହୋଇଥିଲା ।