ବିବାହ ଏକ ପବିତ୍ର ବନ୍ଧନ ।ଏହି ବନ୍ଧନ ରେ ସାତ ଜନ୍ମ ପାଇଁ ସାଥି ହୋଇ ରବିବାକୁ ବର କନ୍ୟା ଉଭୟ ଉଭୟେଙ୍କୁ କଥା ଦେଇଥାନ୍ତି । କିନ୍ତୁ ଅନେକ ସମୟରେ ଆମେ ଦେଖିଛେ ବିବାହ ବନ୍ଧନ ରେ ବାନ୍ଧି ହେବା ପୂର୍ବରୁ ସମ୍ପର୍କରେ ଦେଖାଦିଏ ଫାଟ । ଏମିତି ବି ଘଟଣା ସାମ୍ନାକୁ ଆସିଛି ବିବାହ ମଣ୍ଡପରୁ କନ୍ୟା ଫେରାର ହୋଇଯାଏ । କିନ୍ତୁ ଉତ୍ତରପ୍ରଦେଶର ବରେଲିରେ ଦେଖିବାକୁ ମିଳିଛି ଏହାର ଓଲଟା ଘଟଣା । ବିବାହ ମମ୍ଡପରେ ଅପେକ୍ଷା କରିଥାଏ କନ୍ୟା । କିନ୍ତୁ ମଣ୍ଡପକୁ ଆସିଲା ନାହିଁ ବର । କଣ ପାଇଁ ମଣ୍ଡପକୁ ବର ଆସିଲା ନାହିଁ ତାକୁ ନେଇ ଭାଳେଣି ପଡିଥିବା ବେଳେ ନିଜେ କନ୍ୟା ବାହାରିଥିଲା ନିଜ ବରକୁ ଖୋଜିବାକୁ । ଆଉ 20 କିମି ଖୋଜିବା ପରେ ପାଇଥିଲେ ବରକୁ ।
ସୂଚନା ଅନୁଯାୟୀ ବର ଜଣକ ନିଜ ମା କୁନେବାକୁ ଆସିବା କଥା ଫୋନରେ କବିଥିଲେ ଯାହା କନ୍ୟା ଜଣକ ବିଶ୍ବାସ କରିନଥିଲେ । ଆଉ ନିଜେ ବର କୁ ଖୋଜିବାକୁ ମନସ୍ଥ କରିଥିଲେ । ଶେଷରେ ବରେଲି ସହର ସୀମା ବାହାରେ ଥିବା ଏକ ପୋଲିସ ଷ୍ଟେସନ ନିକଟରେ ଥିବା ଏକ ବସ୍ରୁ ପାଇଥିଲେ କନ୍ୟା । ତାପରେ ଦିର୍ଘ ଦୁଇ ଘଣ୍ଟା ଧରି ଚାଲିଥିଲା ଛକାପଞ୍ଝା ।
ପରେ ବର ପକ୍ଷ ଏବଂ କନ୍ୟା ପକ୍ଷ ଏକ ମନ୍ଦିରକୁ ଯାଇ ଉଭଯଙ୍କ ବିବାହ କରାଇଥିଲେ ।ତେବେ ବର ଜଣଙ୍କ କନ୍ୟା ସହ ଅଢେଇ ବର୍ଷର ସମ୍ପର୍କ ରଖିବା ପରେ ବିବାହ କରିବାକୁ ମନା କରୁଥିଲେ କିନ୍ତୁ ଶେଷରେ ନି ଜିଦ୍ ରେ ଅଟଳ ଥିବା କନ୍ୟା ବର କୁ ମନାଇଛନ୍ତି ଏବଂ ତାଙ୍କୁ ହିଁ ବିବାହ କରିଛନ୍ତି ।