ନିଶାରେ ଟାଟା ପାୱାର କର୍ପୋରେସନ ଓଡିଶା ଡିଷ୍ଟ୍ରିବ୍ୟୁସନ ଲିମିଟେଡ। ମନ ଇଛା ଲୋକଙ୍କ ଉପରେ ଚଳାଇଛି ଜୁଲମ। ପୂର୍ବରୁ ଅଧିକ ଇଲେକ୍ଟ୍ରିସିଟି ବିଲକୁ ନେଇ ଅଭିଯୋଗ ହୋଇଆସୁଥିବା ବେଳେ ମେ’ ମାସରେ ଜନୈକ ବ୍ୟକ୍ତିଙ୍କର ବିଦ୍ୟୁତ୍ ବିଲ ପ୍ରମାଣିତ କରି ଦେଉଛି କି, କିପରି ଟାଟା ପାୱାର ନିଶାସକ୍ତ ଅବସ୍ଥାରେ ରହିଛି। ଗୋଟିଏ ମାସରେ ବ୍ୟକ୍ତିଙ୍କୁ ମିଳିଛି ୭ କୋଟି ଟଙ୍କାର ବିଦ୍ୟୁତ ଶୁଳ୍କ। ଆଉ ବିଲ ପାଇ କିଛି କ୍ଷଣ ପାଇଁ ବ୍ୟକ୍ତି ହରାଇବସିଥିଲେ ମାନସିକ ସ୍ଥିରତା। ମୁଣ୍ଡ ହୋଇଯାଇଥିଲା ସମ୍ପୂର୍ଣ୍ଣ ଶୂନ।
ଏକ ସାଧାରଣ ପରିବାରର ଇଲେକ୍ଟ୍ରିସିଟି ମାସକୁ ଅନ୍ୟୁନ ୫୦୦ ଟଙ୍କାରୁ ୧୦୦୦ ଟଙ୍କା ଭିତରେ ଆସିବ। ବର୍ତ୍ତମାନ ଗ୍ରୀଷ୍ମ ଋତୁ ହୋଇଥିବାରୁ ଏସି ବ୍ୟବହାର କରୁଥିଲେ ତାହା ସର୍ବାଧିକ ୩୦୦୦କୁ ଛୁଇଁଥିବା। କିନ୍ତୁ ସ୍ମାର୍ଚ ସିଟି ଭୁବନେଶ୍ୱରର ନିଳାଦ୍ରୀ ବିହାରରେ ରହୁଥିବା ଦୁର୍ଗା ପ୍ରସାଦ ପଟ୍ଟନାୟକଙ୍କ ମେ ମାସର ଇଲେକ୍ଟ୍ରିସିଟ ବିଲ ମିଳିଛି ୭.୯୦ କୋଟିର। ବିଲଟି ହାତକୁ ଆସିବା ପରେ ସେ ହତବାକ୍ ହୋଇଯାଇଥିଲେ। ପଟ୍ଟନାୟକ ଏକ ଭଡା ଘରେ ରହୁଛନ୍ତି।
ପଟ୍ଟନାୟକ ବିଲ ସମ୍ପର୍କରେ କୁହନ୍ତି କି, ମାର୍ଚ୍ଚ ମାସରେ ତାଙ୍କ ଘରର ଇଲେକ୍ଟ୍ରି ମିଟର ପରିବର୍ତ୍ତନ କରି ସ୍ମାର୍ଟ ମିଟର ଲଗାଇଥିଲେ। ଏହା ପରେ ମାର୍ଚ୍ଚରେ ୨୪୦୦ ଟଙ୍କାର ବିଲ ପାଇଥିବା ବେଳେ ଏପ୍ରିଲରେ ବିଲ ଆସିଥିଲା ୬୦୦୦ ଟଙ୍କା। କିନ୍ତୁ ସ୍ମାର୍ଟ ମିଟର ଲଗାଇବା ପୂର୍ବରୁ ଆସୁଥିଲା ୭୦୦ରୁ ..୨୪୦୦ ଟଙ୍କା ଭିତରେ। ଏପ୍ରିଲରେ ୬୦୦୦ଟଙ୍କା ହୋଇଥିଲେ ବି ସେ ସେହି ଟଙ୍କା ପଇଠ କରିଥିଲେ ଏହା ଭାବି କି ହୁଏତ ନୂଆ ମିଟର ଲାଗିଥିବାରୁ କିଛି ପ୍ରୋସେସିଂ ଚାର୍ଜ ରହିଥିବ। କିନ୍ତୁ ମେ ମାସର ବିଲ ତାଙ୍କ ହୋସ ଉଡାଇ ଦେଇଥିଲା, ଯେତେବେଳେ ତାଙ୍କୁ ୭.୯୦ କୋଟି ଟଙ୍କା ଦେଖିଥିଲେ।
ଏନେଇ ସେ ଡିପିସିଓଡିଏଲ କର୍ତ୍ତୃପକ୍ଷଙ୍କୁ ଜଣାଇଥିଲେ ଟ୍ୱିଟ ଯୋଗେ। କିନ୍ତୁ ଏନେଇ ସେପଟରୁ ତାଙ୍କୁ କୌଣସି ଉତ୍ତର ମିଳିନାହିଁ ଏଯାବତ୍। ତେବେ ବିଲ ପଇଠ ନ କଲେ ବର୍ତ୍ତମାନର ଗରମ ଓ ଗୁଳୁଗୁଳିରେ ଯଦି ତାଙ୍କ ବିଦ୍ୟୁତ ସଂଯୋଗକୁ କାଟିଦିଆ ଯିବ ସେ କଣ କରିବେ? ଏହି ଚିନ୍ତା ତାଙ୍କ ରାତିର ନିଦ ହଜାଇଦେଲାଣି। ସେ ଏସମ୍ପର୍କରେ କମ୍ପାନୀରେ ଏକ ଅଭିଯୋଗ ମଧ୍ୟ କରିଛନ୍ତି, ତାର ବି ଉତ୍ତର ମିଳୁନାହିଁ କି କେହି ତାଙ୍କ ସହ ସମ୍ପର୍କ ସ୍ଥାପନ କରୁ ନାହାନ୍ତି ବୋଲି ସମ୍ପୃକ୍ତ ବ୍ୟକ୍ତି କହିବା ସହ ଚିନ୍ତା ପ୍ରକଟ କରିଛନ୍ତି।