ବାତ୍ୟା ଦାନାକୁ ନେଇ ପାରାଦୀପ ବନ୍ଦର ପକ୍ଷରୁ ସ୍ବତନ୍ତ୍ର ପ୍ରସ୍ତୁତି ଆରମ୍ଭ ହୋଇଛି।ଆଜି ସଂନ୍ଧ୍ୟା ପୂର୍ବରୁ ବନ୍ଦରର ବର୍ଥରେ ଥିବା ସମସ୍ତ ଜାହାଜରୁ ପଣ୍ୟ ପରିବହନ ଓ ଲୋଡିଂ କାର୍ଯ୍ୟ ଶେଷ କରିବାକୁ ନିର୍ଦ୍ଦେଶନାମା ଜାରି କରାଯାଇଛି । ଆଙ୍କରେଜରେ ଥିବା ଜାହାଜ ଗୁଡିକୁ ସମୁଦ୍ରରେ ସୁରକ୍ଷିତ ସ୍ଥାନରେ ଲଙ୍ଗର ପକାଇ ରହିବାକୁ ଦିଆଯାଇଛି ନିର୍ଦ୍ଦେଶ। ବନ୍ଦରର ଇଫକୋ, ପିପିଏଲ, କେଆଇସିଟି ଓ ଜେଏସଡବ୍ଲୁ ବର୍ଥ ରେ ଲାଗିଥିବା ଜାହାଜ ର ପଣ୍ୟ ଖାଲି କରି ଆଜି ସଂନ୍ଧ୍ୟା ପୂର୍ବରୁ ଜାହାଜ କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ଦିଆଯାଇଛି ନିର୍ଦ୍ଦେଶ। ବନ୍ଦର ର ସମସ୍ତ ମେସିନ, ଲୋଡର ଓ ସମସ୍ତ ଅପରେସନ ଯନ୍ତ୍ରପାତି କୁ ସୁରକ୍ଷିତ ରଖିବା ସହିତ ନିଷିଦ୍ଧାଚଂଳରେ ଥିବା ଲାଇଟ, ହାଇମାକ୍ସ ଲାଇଟ କୁ ସୁରକ୍ଷିତ ପାଇଁ ନିଆଯାଇଛି ପଦକ୍ଷେପ।
ବାତ୍ୟାର ପରବର୍ତ୍ତୀ ପଦକ୍ଷେପ ଯଥା ଗଛ କାଟିବା, ରାସ୍ତା ସଫା କରିବା ପାଇଁ ସମସ୍ତ ବ୍ୟବସ୍ଥା କରାଯାଇଥିବା ବେଳେ ବିଭିନ୍ନ ପ୍ଲଟରେ ଥିବା କାଗୋ ଗୁଡିକୁ ବର୍ଷା ଓ ପବନରୁ ସୁରକ୍ଷିତ ରଖିବା ପାଇଁ ବନ୍ଦର ପ୍ରଶାସନ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ସେହିପରି ୬ ଟି ସ୍ଥାନରେ କଂଟ୍ରୋଲ ରୁମ ଖୋଲାଯାଇଥିବା ବେଳେ ଶୁଖିଲା ଖାଦ୍ୟ ପାଇଁ ଗୋପବନ୍ଧୁ ଷ୍ଟାଡିୟମ ଠାରେ ସ୍ଥିର କରାଯାଇଛି । ଯଦି ପାୱାରକଟ୍ ହୁଏ ତେବେ ସ୍ବତନ୍ତ୍ର ଜେନେରେଟର ର ବ୍ୟବସ୍ଥା କରାଯାଇଛି ।
