Tag: #suchanatvodia

T20 World Cupରେ ଭାରତକୁ ଝଟକା, ୭୬ ରନ୍‌ରେ ଭାରତର ବଡ଼ ପରାଜୟ

ଅଟକିଲା ଟିମ ଇଣ୍ଡିଆ ବିଜୟ ରଥ |ICC Men’s T20 ବିଶ୍ବ Cupର ସୁପର-୮ ପର୍ଯ୍ୟାୟରେ ଭାରତର ବିଜୟରଥକୁ ଅଟକାଇଦେଲା South Africa national cricket team| ଅହମଦାବାଦରେ ଖେଳାଯାଇଥିବା ଏହି ମ୍ୟାଚରେ ଭାରତ ଦକ୍ଷିଣ ଆଫ୍ରିକା ନିକଟରୁ ୭୬ ରନ୍‌ର ବଡ଼ ବ୍ୟବଧାନରେ ହାରିଛି ଭାରତ |ପରାଜୟ ସହ ଟିମ ଇଣ୍ଡିଆର ସେମିଫାଇନାଲ ଯିବା କଷ୍ଟକର ହୋଇଛି |ରବିବାର ଅହମଦାବାଦରେ ଖେଳାଯାଇଥିବା ମ୍ୟାଚରେ ଦକ୍ଷିଣ ଆଫ୍ରିକା ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା । ୨୦ ରନରେ ୩ ୱିକେଟ୍‌ ହରାଇ ଦକ୍ଷିଣ ଆଫ୍ରିକା ସଙ୍କଟରେ ପଡ଼ିଥିଲେ । ହେଲେ ଏହାର ଫାଇଦା ଉଠାଇପାରିନଥିଲେ ଭାରତୀୟ ବୋଲର |ଶେଷରେ ଭାରତ ନିର୍ଦ୍ଧାରିତ ଓଭର ପୂର୍ବରୁ ଆଲଆଉଟ୍‌ ହୋଇ ୭୬ ରନ୍‌ରେ ମ୍ୟାଚ୍‌ ହାରିଥିଲା।

ଏହି ପରାଜୟ ସହ ଭାରତର ସେମିଫାଇନାଲ ପ୍ରବେଶ ଏବେ କଷ୍ଟକର ହୋଇପଡ଼ିଛି। ଅର୍ଥାତ୍ ସେମିଫାଇନାଲ୍ ପାଇଁ ବଡ଼ ବ୍ୟବଧାନରେ ବିଜୟ ସହ ଦୁଇଟି ମ୍ୟାଚ୍ ଜିତିବାକୁ ପଡ଼ିବ| ଟୁର୍ଣ୍ଣାମେଣ୍ଟରେ ଆଗକୁ ବଢ଼ିବା ପାଇଁ ଏବେ ଭାରତ ପାଇଁ ପ୍ରତ୍ୟେକ ମ୍ୟାଚ୍‌ ‘କରୋ କି ମରୋ’ ସମାନ ହୋଇପଡ଼ିଛି।
ଖତ ଖାଉଛି ସରକାର ସମ୍ପତ୍ତି, ଅଚଳ ଅବସ୍ଥାରେ ଶିଶୁ ଉଦ୍ୟାନ ଓ ବିଳାସପୂର୍ଣ୍ଣ ବାଉଁଶ ଘର

କୋଟି କୋଟି ଟଙ୍କାରେ ନିର୍ମିତ ଉଦ୍ଯାନ ସବୁ ମାଟିରେ ମିଶିବାକୁ ବସିଲାଣି । ଯୁଆଡେ ଦେଖିବ ସିଆଡେ ଭଙ୍ଗାରୁଜା ହୋଇ ଦୟନୀୟ ଅବସ୍ଥାରେ ସବୁକିଛି ପଡିରହିଛି ପାର୍କରେ ଥିବା ଖେଳ ସାମଗ୍ରୀ, ବାଉଁଶ ନିର୍ମିତ ରେସ୍ତୁରାଣ୍ଟ , ଜେଟସ୍କି , ସହିତ ଆଲୋକ ମାଳା ସବୁ ଭାଙ୍ଗିଯାଇଛି l ଖେଳ ସାମଗ୍ରୀ କୋଉଠି ଅଧା ଭାଙ୍ଗି ଝୁଲୁଥିବା ବେଳେ କୋଉଠି ପୁରା ଭାଙ୍ଗି ପଡ଼ିଛି । ବାଉଁଶର ବିଳାସପୂର୍ଣ୍ଣ ରେସ୍ତୁରାଣ୍ଟ ପୁରା ଭାଙ୍ଗିରୁଜି ଚୁରମାର ହୋଇଯାଇଛି l ଏଭଳି କିଛି ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବଡକୁଳ ପାନ୍ଥ ନିବାସରେ l ଏସିଆ ମହାଦେଶର ସର୍ବ ବୃହତ ଲୁଣା ହ୍ରଦ ହେଉଛି ଚିଲିକା l

ଏହା ଏକ ପର୍ଯ୍ୟଟନ ସ୍ଥଳ ଭାବେ ପରିଚିତ । ଏଠାକୁ ପ୍ରତିଦିନ ବହୁ ପର୍ଯ୍ୟଟକ ଓ ସ୍ଥାନୀୟ ବାସିନ୍ଦାଙ୍କ ସୁଅ ଛୁଟୁଥିବା ଦେଖିବାକୁ ମିଳିଥାଏ l କିନ୍ତୁ ପାନ୍ଥନିବାସର ପରିସରରେ ଥିବା ଚିଲିକାକୁ ଲାଗିରହିଥିବା ୱାଟର ପାର୍କ ସହିତ ସୁନ୍ଦର ଶିଶୁ ଉଦ୍ୟାନ ଓ ବାଉଁଶରେ ତିଆରି ବହୁ ବିଳାସପୁର୍ଣ ଘର ରହିଛି ଯାହା ସରକାରୀ ଅର୍ଥରେ କୋଟି କୋଟି ଟଙ୍କା ବିନିଯୋଗରେ ଏହି ସବୁ ନିର୍ମାଣ କରା ଯାଇଥିଲା ।

ହେଲେ ଏ ସବୁ ଅବସ୍ତା ନକହିବା ଭଲ ପୂର୍ବରୁ ଶିଶୁ ଉଦ୍ୟାନରେଟି ବିଭିନ୍ନ ପ୍ରକାରର ଖେଳ ସାମଗ୍ରୀ ସହିତ ଆଲୋକ ମାଳାରେ ଝଲସୁ ଥିଲା l ମାତ୍ର କିଛି ବର୍ଷ ନପୁରୁଣୁ ରେସ୍ତୁରାଣ୍ଟ ବନ୍ଦ ହୋଇ ଭାଙ୍ଗି ପଡ଼ିରହିଛି, ତା ସହିତ ପାର୍କରେ ନିର୍ମାଣ ବିଳାସପୂର୍ଣ୍ଣ ଘର ରେସ୍ତୁରାଣ୍ଟ ପାର୍କରେ ତାଲା ଝୁଲିବା ଫଳରେ ଏଠାକୁ ଆସୁଥିବା କୁନି କୁନି ପିଲାମାନେ ଅନ୍ୟ ରାସ୍ତା ଦେଇ ଏହି ଭଙ୍ଗା ସାମଗ୍ରୀରେ ଖେଳି ଆହତ ହୋଉଥିବା ନଜିର ଅଛି l ନଳବାଉଁଶରେ ନିର୍ମାଣ ହୋଇଥିବା ରେସ୍ତୁରାଣ୍ଟ ସମ୍ପୂର୍ଣ ଭାବରେ ଭାଙ୍ଗିରୁଜି ମାଟିରେ ମିଶିବାକୁ ବସିରହିଛି l ଆଉ କୋଉ କୋଉ ଘରର ଟିଣ ଉଡିଯାଇଥିବା ବେଳେ, ଅନାବନା ଗଛ ସହିତ କଣ୍ଟା ବଣରେ ଘେରି ରହିଛି ଏହି ବିଳାସପୁର୍ଣ ବାଉଁଶ ଘର l

ଆଉ ଏହି ବାଉଁଶ ଘରେ କିଛି ଲୋକେ ରହୁଥିବା ଦେଖିବାକୁ ମିଳିଛି l ଏହି ବାଉଁଶ ଘରେ କିଏ ରହୁଛନ୍ତି ? ଆଉ କାହା ନିର୍ଦ୍ଦେଶରେ ରହୁଛନ୍ତି ତାହା ଏବେ ପ୍ରଶ୍ନବାଚୀ ସୃଷ୍ଟି କରୁଛି ? ଯେଉଁ ପରିତ୍ୟକ୍ତ ରେସ୍ତୁରାଣ୍ଟ ମଧ୍ୟରେ ଦିନ ଓ ରାତି ଅସାମାଜିକ ବ୍ୟକ୍ତିଙ୍କ ଆଡସ୍ଥଳୀ ସହିତ ବହୁ ବେଆଇନି କାର୍ଯ୍ୟ ଚାଲୁଥିବାର ସ୍ଥାନୀୟ ଲୋକେ ଅଭିଯୋଗ କରିଛନ୍ତି lୱାଟର ପାର୍କ ପାଇଁ ଆସିଥିବା ବହୁ ଜେଟସ୍କି ସହିତ ପେଡାଲ ବୋଟ ନଷ୍ଟ ହୋଇ ପଡ଼ିରହିଛି l ବର୍ତମାନ ଏହାର ରକ୍ଷଣାବେକ୍ଷଣ କାହା ହାତରେ ? କଣ ପାଇଁ ଏହାର ଦାୟିତ୍ୱ ନିଆଯାଉନାହିଁ ? ବଡକୁଳ ପାନ୍ଥନିବାସ ଦାୟିତ୍ୱରେ ଥିବା ଅଧିକାରୀ କରୁଛନ୍ତି କଣ ?? ଯାହା ବର୍ତମାନ ବୁଦ୍ଧିଜୀବୀ ମହାଲରେ ଚର୍ଚ୍ଚା ଜୋର ଧରିଛି l

ଚିଲିକା ଭଳି ପ୍ରମୁଖ ପର୍ଯ୍ୟଟନ ସ୍ଥଳ ପାଇଁ ଓଡିଶା ସରକାରଙ୍କ ପର୍ଯ୍ୟଟନ ବିଭାଗରୁ କୋଟି କୋଟି ଟଙ୍କା ଆସି ଖର୍ଚ୍ଚ ହୋଇଥିବା ସ୍ଥଳେ । ଏ ସଂକ୍ରାନ୍ତ ରେ ବଡକୁଳ OTDC ର ଅଧିକାରୀଙ୍କ ସହିତ ଯୋଗାଯୋଗ କରିବାରେ ସେ କ୍ୟାମରେ ସାମ୍ନାରେ କିଛି କହିବା ପାଇଁ ସିଧାସିଧା ମନା କରିଥିଲେ lଏଥିପ୍ରତି ପ୍ରଶାସନିକ ଅଧିକାରୀଙ୍କ କେବେ ଦୃଷ୍ଟି ପଡିବ ତାହା କେବଳ ଦେଖିବାକୁ ବାକି ରହିଲା ।
ନ୍ୟୁଜ ସଂଗ୍ରହ କରି ଫେରିବା ବାଟରେ ଅଜଣା ଗାଡି ଧକ୍କାରେ ଯୁବ ସାମ୍ବାଦିକଙ୍କ ମୃତ୍ୟୁ

ଅନୁଗୋଳ ଜିଲ୍ଲା ବଅଁରପାଳ ଥାନା ବଉଳିଗଡ଼ ପଞ୍ଚାୟତ ଅଞ୍ଚଳରେ ନ୍ୟୁଜ କରି ଫେରିବା ବାଟରେ ଅଜଣା ଗାଡି ଧକ୍କାରେ ଯୁବ ସାମ୍ବାଦିକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ମୃତ ସାମ୍ବାଦିକ ଜଣକ ହେଲେ ବଅଁରପାଳ ସମ୍ବାଦ ପ୍ରତିନିଧି ତଥା ବ୍ଲକ୍ ସାମ୍ବାଦିକ ସଂଘ ସଭାପତି ରାଜେଶ କୁମାର ନାୟକ।

ରାଜେଶ ଆଜି ସକାଳେ ନ୍ୟୁଜ ସଂଗ୍ରହ ପାଇଁ ବଅଁରପାଳ ଆସି ଘରକୁ ଫେରିବା ସମୟରେ ବଉଳିଗଡ଼ ପଞ୍ଚାୟତ ବ୍ରିଜ ଉପରେ କୌଣସି ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ଦୁର୍ଘଟଣାରେ ଗୁରୁତର ଆହତ ରାଜେଶଙ୍କୁ ସ୍ଥାନୀୟ ଲୋକେ ଓ ପରିବାର ସଦସ୍ୟ ବଅଁରପାଳ ଡାକ୍ତରଖାନାକୁ ନେଇ ଯାଇଥିଲେ। ସେଠାରେ, ରାଜେଶଙ୍କ ଅବସ୍ତା ସଙ୍କଟାପନ୍ନ ହେବାରୁ ତାଙ୍କୁ ଜିଲ୍ଲା ମୁଖ୍ୟଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା। ତେବେ, ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ଯୁବ ସାମ୍ବାଦିକ ରାଜେଶ ଜଣେ ମିଷ୍ଟଭାଷୀ ଓ ପରୋପକାରୀ ବ୍ୟକ୍ତି ହୋଇଥିବାରୁ ତାଙ୍କ ବିୟୋଗରେ ବଅଁରପାଳ ଅଞ୍ଚଳରେ ଶୋକର ଛାୟା ଖେଳିଯାଇଛି । ସାମ୍ବାଦିକଙ୍କ ମୃତ୍ୟୁ ଘଟଣାରେ ବ୍ୟଥିତ ହୋଇ ଅନୁଗୋଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ, ଛେଣ୍ଡିପଦା ବିଧାୟକ ଅଗସ୍ତି ବେହେରା ଓ ଜିଲ୍ଲାର ସମସ୍ତ ସାମ୍ବାଦିକ ପ୍ରତିନିଧିଗଣ ତାଙ୍କର ଶେଷ ଦର୍ଶନ କରିବାପାଇଁ ବଅଁରପାଳ ଡାକ୍ତରଖାନାରେ ପହଂଚିଥିଲେ ।

— ବଅଁରପାଳରୁ ଅଜିତ ଭୋଇଙ୍କ ରିପୋର୍ଟ, Suchanatv24x7
ଡିପଥେରିଆ ମୁକାବିଲା ପାଇଁ ସଂକ୍ରମିତ ଅଞ୍ଚଳରେ ଦିଆଯିବ ବୁଷ୍ଟର ଡୋଜ

ଡିପଥେରିଆ ମୁକାବିଲା ପାଇଁ ହେବ ଟୀକାକରଣ। ଆସନ୍ତା କାଲିଠାରୁ ସଂକ୍ରମିତ ଅଞ୍ଚଳରେ ଦିଆଯିବ ବୁଷ୍ଟର ଡୋଜ। ସଂକ୍ରମଣ ରୋକିବାକୁ ମାସ୍କ ପରିଧାନ କରିବାକୁ ସୂଚନା ଦେଲେ ପରିବାର କଲ୍ୟାଣ ନିର୍ଦ୍ଦେଶକ। ପ୍ରାୟ ୧୫ ଦିନ ହେବ ରାୟଗଡା କାଶୀପୁରରେ ଆତଙ୍କ ଖେଳାଇଥିବା ସଂକ୍ରମଣ ଏବେ କୋରାପୁଟ ଓ କଳାହାଣ୍ଡିକୁ ବ୍ୟାପିଲାଣି। ଏହି ରୋଗରେ ତିନୋଟି ଜିଲ୍ଲାରେ ୨୧ ଜଣ ସଂକ୍ରମିତ ହୋଇଥିବା ବେଳେ ଜଣଙ୍କ ସ୍ଥିତି ଗୁରୁତର ରହିଛି।

ସେମାନଙ୍କ ମଧ୍ୟରୁ ଏକା ରାୟଗଡା ଜିଲ୍ଲାରୁ ୧୫ ଜଣ ଥିବା ବେଳେ କଳାହାଣ୍ଡିରୁ ୫ ଓ କୋରାପୁଟରେ ଜଣେ ଡିପଥେରିଆ ସଂକ୍ରମିତ ଚିହ୍ନଟ ହୋଇଛନ୍ତି। ଏହି ରୋଗରେ ବର୍ତ୍ତମାନ ପର୍ଯ୍ୟନ୍ତ ୫ ଜଣଙ୍କ ମୃତ୍ୟୁ ହଲାଣି। ସେପଟେ ଡାକ୍ତରୀ ଟିମ ସଂକ୍ରମିତଙ୍କ ନମୁନା ସଂଗ୍ରହ ପରେ ଜାଣିବାକୁ ପାଇଥିଲା କି, ଏହି ଅଜଣା ରୋଗ ହେଉଛି ଡିପଥେରିଆ ଜୀବାଣୁ ଦ୍ବାରା ସଂକ୍ରମିତ ରୋଗ। ସଂକ୍ରମିତଙ୍କ ଚିକିତ୍ସା ପାଇଁ ସଂକ୍ରମିତ ସ୍ଥଳରେ ଜିଲ୍ଲା ଓ ରାଜ୍ୟ ସ୍ବାସ୍ଥ୍ୟ ବିଭାଗ ସହ ବିଶ୍ବ ସ୍ବାସ୍ଥ୍ୟ ସଂସ୍ଥାର ଟିମ ମଧ୍ୟ ପହଞ୍ଚିଛନ୍ତି।

ସଂକ୍ରମଣ ରୋକିବାକୁ ଆସନ୍ତା କାଲିଠାରୁ ସଂକ୍ରମିତ ଅଞ୍ଚଳରେ ପିଲାମାନଙ୍କ ଟୀକାକରଣ କରାଯିବ। ଏହି ରୋଗରେ ସାଧାରଣତଃ ଛୋଟ ପିଲାମାନେ ଏପର୍ଯ୍ୟନ୍ତ ଆକ୍ରାନ୍ତ ହୋଇଥିବା ଦେଖିବାକୁ ମିଳୁଥିବା ବେଳେ ଏଥିରେ ୬୦ ବର୍ଷରୁ ଅଧିକ ବୟସର ବ୍ୟକ୍ତି ମଧ୍ୟ ଆକ୍ରାନ୍ତ ହେବା ସମ୍ଭବନା ରହିଛି। ଅନ୍ୟପଟେ ସବୁ ଦଳର ନେତା ରାୟଗଡାର ସଂକ୍ରମିତ ଅଞ୍ଚଳକୁ ଯାଇ ସ୍ଥିତି ଅନୁଧ୍ୟାନ କରୁଛନ୍ତି

— ରାୟଗଡା ବିଷମ କଟକରୁ ରବିନ୍ଦ୍ର ସାହୁଙ୍କ ରିପୋର୍ଟ
ଭି.କେ ପାଣ୍ଡିଆନଙ୍କୁ ମିଳିଲା କ୍ୟାବିନେଟ୍ ପାହ୍ୟା

ସରକାରୀ ଚାକିରିରୁ ସ୍ବେଚ୍ଛାକୃତ ଅବସର ନେବା ପରେ ଭି କାର୍ତ୍ତିକେୟ ପାଣ୍ଡିଆନଙ୍କୁ ମିଳିଛି ନୂଆ ନିଯୁକ୍ତି। 5T ଓ ନବୀନ ଓଡ଼ିଶାର ଅଧ୍ୟକ୍ଷ ହେଲେ ଭି.କେ ପାଣ୍ଡିଆନ୍ । ଭି.କେ ପାଣ୍ଡିଆନଙ୍କୁ ମିଳିଲା କ୍ୟାବିନେଟ୍ ମନ୍ତ୍ରୀ ପାହ୍ୟା । ସେ ସିଧାସଳଖ ଭାବେ ମୁଖ୍ୟମନ୍ତ୍ରୀଙ୍କ ଅଧିନରେ କାର୍ଯ୍ୟ କରିବା ନେଇ ସାଧାରଣ ପ୍ରଶାସନ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।ଗତକାଲି ତାଙ୍କ ଅବସର ଆବେଦନକୁ କେନ୍ଦ୍ର ସରକାରଙ୍କ ଦ୍ବାରା ଅନୁମୋଦିତ ହେବା ପରେ ରାଜ୍ୟ ସରକାର ଭି କାର୍ତ୍ତିକେୟ ପାଣ୍ଡିଆନଙ୍କୁ ଏହି ନୁଆ ଦାୟିତ୍ବ ଦେଇଛନ୍ତି। ଏହାଫଳରେ ତାଙ୍କର କ୍ଷମତା ବୃଦ୍ଧି ପାଇଛି।ଏଠାରେ କହି ରଖୁଛୁ କି ଭି.କେ ପାଣ୍ଡିଆନ୍‌ ଓଡିଶାର ୨୦୦୦ ବ୍ୟାଚରୁ ଜଣେ ଭାରତୀୟ ପ୍ରଶାସନିକ ସେବା (IAS) ସଦସ୍ୟ ଅଟନ୍ତି ।। ସେ ପ୍ରଥମେ କଳାହାଣ୍ଡିର ଧର୍ମଗଡ଼ରେ ଉପଜିଲ୍ଲାପାଳ ପଦବିରେ ନିଯୁକ୍ତ ହୋଇଥିଲେ। ସେ କଳାହାଣ୍ଡିରେ ୨୦୦୨ ଅଗଷ୍ଟ ୧ରୁ ୨୦୦୪ ଫେବ୍ରୁଆରି ୨୯ ପର୍ଯ୍ୟନ୍ତ କାର୍ଯ୍ୟ କରିଥିଲେ। ୨୦୦୪ ମାର୍ଚ୍ଚ ୧ରୁ ଜୁନ୍‌ ୩୦ ଯାଏ ଓଡ଼ିଶା ନିର୍ବାଚନ ବିଭାଗରେ ଉପ ମୁଖ୍ୟ ନିର୍ବାଚନ ଅଧିକାରୀ ଥିଲେ। ୨୦୦୪ ଜୁଲାଇ ୧ରୁ ୨୦୦୫ ଏପ୍ରିଲ ୩୦ ଯାଏଁ ରାଉରକେଲାର ଅତିରିକ୍ତ ଜିଲ୍ଲାପାଳ ଭାବେ କାର୍ଯ୍ୟ ତୁଲାଇଥିଲେ।ସେହିପରି ଶ୍ରୀ ପାଣ୍ଡିଆନଙ୍କୁ ୨୦୦୫ ମେ’ ୧ରୁ ୨୦୦୭ ଏପ୍ରିଲ ୮ ଯାଏଁ ମୟୂରଭଂଜ ଜିଲ୍ଲାପାଳ ଭାବେ ନିଯୁକ୍ତି ମିଳିଥିଲା। ଏହାପରେ ସେ ଗଂଜାମ ଜିଲ୍ଲାପାଳ ଭାବେ ୨୦୦୯ ଜାନୁଆରି ୧ ତାରିଖ ପର୍ଯ୍ୟନ୍ତ କାମ କରିଥିଲେ। ଏହି ସମୟରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସଂସ୍ପର୍ଶରେ ଆସିବା ପରେ ୨୦୧୧ ମେ ମାସରେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭାବେ ଅବସ୍ଥାପିତ ହୋଇଥିଲେ। ଏହି ପଦବିରେ ଥିବା ସମୟରେ ତାଙ୍କର କ୍ଷମତା କ୍ରମଶଃ ବୃଦ୍ଧି ହୋଇଥିଲା ଓ କାର୍ଯ୍ୟ ପରିସର ବ୍ୟାପକ ହୋଇଥିଲା। ଏହାପରେ ୨୦୧୯ ମସିହାରେ ‌ତାଙ୍କୁ 5T ସଚିବ ଭାବେ ମୁଖ୍ୟମନ୍ତ୍ରୀ ନିଯୁକ୍ତ କଲେ। ଏହାପରେ ସେ ଆହୁରି ଅଧିକ କ୍ଷମତାଶାଳୀ ହୋଇଉଠିଲେ। ଏଥିସହ ସେ ରାଜ୍ୟର ସବୁଠାରୁ ପ୍ରଭାବଶାଳୀ ବ୍ୟକ୍ତି ଭାବେ ପରିଗଣିତ ହେଲେ।୨୩ ବର୍ଷ ଧରି ଭାରତୀୟ ପ୍ରଶାସନିକ ସେବାରେ କାର୍ଯ୍ୟରତ ଥିଲେ ଏବଂ ଗତକାଲି ଜଣେ ଦକ୍ଷ ପ୍ରଶାସନିକ ଅଧିକାରୀ ଭାବେ ତାଙ୍କର ୨କ୍ୟାରିୟରରେ ପୂଣ୍ଣଚ୍ଛେଦ ପଡ଼ିଯାଇଛି।
ICC World Cup 2023: ଜାଣନ୍ତୁ କେତେବେଳେ ଏବଂ କେଉଁଠି ଖେଳାଯିବ ମ୍ୟାଚ

ଆଉ ମାତ୍ର ୧୩ ଦିନ ପରେ ଭାରତରେ ଆରମ୍ଭ ହେବାକୁ ଯାଉଛି ଆଇସିସି ପୁରୁଷ କ୍ରିକେଟ୍ ବିଶ୍ୱକପ୍ 2023 (ICC Men’s Cricket World Cup 2023) |

ଆଇସିସି ପୁରୁଷ କ୍ରିକେଟ୍ ବିଶ୍ୱକପ୍ 2023 (ICC World Cup 2023) ସର୍ବ ବୃହତ କ୍ରିକେଟ୍ ବିଶ୍ୱକପ୍ ହେବାକୁ ଯାଉଛି, ଯେଉଁଥିରେ ସାରା ବିଶ୍ୱରେ କ୍ରିକେଟର, ଆୟୋଜକ ଏବଂ କୋଟି କୋଟି ପ୍ରଶଂସକଅଂଶଗ୍ରହଣ କରିବାକୁ ଯାଉଛନ୍ତି |

କ୍ରିକେଟ୍ ର ଏହି ମହାପର୍ବ ଅହମ୍ମଦାବାଦସ୍ଥିତ ନରେନ୍ଦ୍ର ମୋଦୀ ଷ୍ଟାଡିୟମରେ ଅକ୍ଟୋବର ୫ ତାରିଖରୁ ଆରମ୍ଭ ହେବାକୁ ଯାଉଥିବାବେଳେ ଫାଇନାଲ ମ୍ୟାଚ ନଭେମ୍ବର ୧୯ ରେ ସେହି ଷ୍ଟାଡିୟମରେ ଅନୁଷ୍ଠିତ ହେବ |

କ୍ରିକେଟ ପ୍ରେମୀଙ୍କୁ ଉତ୍ସାହିତ କରିବା ପାଇଁ, ନିକଟରେ, ଆଇସିସି କ୍ରିକେଟ୍ ବିଶ୍ୱକପ୍ 2023 ର ଅଫିସିଆଲ୍ ଗୀତ ‘ଦିଲ୍ ଯଶନ ମେଁ’ ରିଲିଜ ହୋଇଛି । ଏହି ଅଫିସିଆଲ୍ ଗୀତରେ ବଲିଉଡ ଅଭିନେତା ରଣବୀର ସିଂ ଅଭିନୟ କରିଛନ୍ତି।

ଆଇସିସି ପୁରୁଷ କ୍ରିକେଟ୍ ବିଶ୍ୱକପ୍ 2023 (ICC Men’s Cricket World Cup 2023) ର ମ୍ୟାଚ୍ ଗୁଡିକ ବାୱଁଖେଡେ ଷ୍ଟାଡିୟମ (ମୁମ୍ବାଇ), ରାଜୀବ ଗାନ୍ଧୀ ଆନ୍ତର୍ଜାତିକ ଷ୍ଟାଡିୟମ (ହାଇଦ୍ରାବାଦ), ନରେନ୍ଦ୍ର ମୋଦୀ ଷ୍ଟାଡିୟମ (ଅହମ୍ମଦାବାଦ), ଏମସିଏ ଆନ୍ତର୍ଜାତିକ ଷ୍ଟାଡିୟମ୍ (ପୁଣେ), ଏମ. ଏ. ଚିଦାମ୍ବରମ୍ ଷ୍ଟାଡିୟମ୍ (ତାମିଲନାଡୁ), ଏମ. ଚିନ୍ନାସ୍ୱାମୀ ଷ୍ଟାଡିୟମ୍ (କର୍ଣ୍ଣାଟକ), ହିମାଚଳ ପ୍ରଦେଶ କ୍ରିକେଟ୍ ଆସୋସିଏସନ୍ ଷ୍ଟାଡିୟମ୍ (ହିମାଚଳ ପ୍ରଦେଶ), ଇଡେନ୍ ଗାର୍ଡେନ୍ (କୋଲକାତା, ପଶ୍ଚିମବଙ୍ଗ), BRSABV ଏକାନା କ୍ରିକେଟ୍ ଷ୍ଟାଡିୟମ୍, (ଲଖନଉ), ଅରୁଣ ଜେଟଲୀ ଷ୍ଟାଡିୟମ୍ (ଦିଲ୍ଲୀ) ରେ ଖେଳାଯିବ ।

ICC Men’s Cricket World Cup 2023 FIXTURE

Thursday 05 October — Narendra Modi Stadium, Ahmedabad — ENGLAND Vs NEW ZEALAND

Friday 06 October, 2023 — Rajiv Gandhi International Stadium, Hyderabad — PAKISTAN Vs NETHERLANDS

Saturday 07 October — HPCA Stadium, Dharamsala — BANGLADESH Vs AFGHANISTAN

Saturday 07 October — Arun Jaitley Stadium, Delhi — SOUTH AFRICA Vs SRI LANKA

Sunday 08 October — MA Chidambaram Stadium, Chennai — INDIA Vs AUSTRALIA

Monday 09 October — Rajiv Gandhi International Stadium, Hyderabad — NEW ZEALAND Vs NETHERLANDS

Tuesday 10 October — HPCA Stadium, Dharamsala — ENGLAND Vs BANGLADESH

Tuesday 10 October — Rajiv Gandhi International Stadium, Hyderabad — PAKISTAN Vs SRI LANKA

Wednesday 11 October — Arun Jaitley Stadium, Delhi — INDIA Vs AFGHANISTAN

Thursday 12 October — BRSABV Ekana Cricket Stadium, Lucknow — AUSTRALIA Vs SOUTH AFRICA

Friday 13 October — MA Chidambaram Stadium, Chennai — NEW ZEALAND Vs BANGLADESH

Saturday 14 October — Narendra Modi Stadium, Ahmedabad — INDIA Vs PAKISTAN

Sunday 15 October — Arun Jaitley Stadium, Delhi — ENGLAND Vs AFGHANISTAN

Monday 16 October — BRSABV Ekana Cricket Stadium, Lucknow — AUSTRALIA Vs SRI LANKA

Tuesday 17 October — HPCA Stadium, Dharamsala — SOUTH AFRICA Vs NETHERLANDS

Wednesday 18 October — MA Chidambaram Stadium, Chennai — NEW ZEALAND Vs AFGHANISTAN

Thursday 19 October — MCA International Stadium, Pune — INDIA Vs BANGLADESH

Friday 20 October — M. Chinnaswamy Stadium, Bengaluru — AUSTRALIA Vs PAKISTAN

Saturday 21 October — BRSABV Ekana Cricket Stadium, Lucknow — NETHERLANDS Vs SRI LANKA

Saturday 21 October — Wankhede Stadium, Mumbai — ENGLAND Vs SOUTH AFRICA

Sunday 22 October — HPCA Stadium, Dharamsala — INDIA Vs NEW ZEALAND

Monday 23 October — MA Chidambaram Stadium, Chennai — PAKISTAN Vs AFGHANISTAN

Tuesday 24 October — Wankhede Stadium, Mumbai — SOUTH AFRICA Vs BANGLADESH

Wednesday 25 October — Arun Jaitley Stadium, Delhi — AUSTRALIA Vs NETHERLANDS

Thursday 26 October — M. Chinnaswamy Stadium, Bengaluru — ENGLAND Vs SRI LANKA

Friday 27 October — MA Chidambaram Stadium, Chennai — PAKISTAN Vs SOUTH AFRICA

Saturday 28 October — HPCA Stadium, Dharamsala — AUSTRALIA Vs NEW ZEALAND

Saturday 28 October — Eden Gardens, Kolkata — NETHERLANDS Vs BANGLADESH

Sunday 29 October — BRSABV Ekana Cricket Stadium, Lucknow — INDIA Vs ENGLAND

Monday 30 October — MCA International Stadium, Pune — AFGHANISTAN Vs SRI LANKA

Tuesday 31 October — Eden Gardens, Kolkata — PAKISTAN Vs BANGLADESH

November 2023

Wednesday 01 November — MCA International Stadium, Pune — NEW ZEALAND Vs SOUTH AFRICA

Thursday 02 November — Wankhede Stadium, Mumbai — INDIA Vs SRI LANKA

Friday 03 November — BRSABV Ekana Cricket Stadium, Lucknow — NETHERLANDS Vs AFGHANISTAN

Saturday 04 November — M. Chinnaswamy Stadium, Bengaluru — NEW ZEALAND Vs PAKISTAN

Saturday 04 November — Narendra Modi Stadium, Ahmedabad — ENGLAND Vs AUSTRALIA

Sunday 05 November — Eden Gardens, Kolkata — INDIA Vs SOUTH AFRICA

Monday 06 November — Arun Jaitley Stadium, Delhi — BANGLADESH Vs SRI LANKA

Tuesday 07 November — Wankhede Stadium, Mumbai — AUSTRALIA Vs AFGHANISTAN

Wednesday 08 November — MCA International Stadium, Pune — ENGLAND Vs NETHERLANDS

Thursday 09 November — M. Chinnaswamy Stadium, Bengaluru — NEW ZEALAND Vs SRI LANKA

Friday 10 November — Narendra Modi Stadium, Ahmedabad — SOUTH AFRICA Vs AFGHANISTAN

Saturday 11 November — Eden Gardens, Kolkata — ENGLAND Vs PAKISTAN

Sunday 12 November — M. Chinnaswamy Stadium, Bengaluru — INDIA Vs NETHERLANDS

SEMI-FINALS

Wednesday 15 November — Wankhede Stadium, Mumbai — 1ST PLACE Vs 4TH PLACE

Thursday 16 November — Eden Gardens, Kolkata — 2ND PLACE Vs 3RD PLACE

FINAL MATCH

Sunday 19 November — Narendra Modi Stadium, Ahmedabad —

WINNER OF SEMI-FINAL 1 MEN

Vs

WINNER OF SEMI-FINAL 2 MEN
ସମୁଦ୍ରର ପ୍ରଖର ସ୍ରୋତରେ ବୁଡିଗଲା ମାଛଧରା ବୋଟ

ଚାହୁଁ ଚାହୁଁ ସମୁଦ୍ରର ପ୍ରଖର ସ୍ରୋତରେ ବୁଡିଗଲା ମାଛଧରା ବୋଟ । ସମୁଦ୍ରରୁ ମାଛ ଧରି ଫେରୁଥିବା ସମୟରେ ପାରାଦୀପର ନେହେରୁବଙ୍ଗଳା ମହାନଦୀ ମୁହାଣ ମୁହଁରେ ଘଟିଛି ଏପରି ଦୁଃଖଦାୟକ ଘଟଣା । ବୁଡିଯାଇଥିବା ‘ମା’ ବାସୁଳେଇ ଭରଷା-୨’ ନାମକ ବୋଟରେ ଥିଲେ ୮ ଜଣ ମତ୍ସ୍ୟଜୀବୀ । ଜୀବନ ବଞ୍ଚାଇବା ପାଇଁ ବୋଟରେ ଥିବା ପ୍ଲାଷ୍ଟିକ ଜାର ଧରି ମୁହାଁଣରେ ମମତ୍ସ୍ୟଜୀବୀ ମାନେ ପହଁରିବା ଆରମ୍ଭ କରିଥିଲେ । ସେମାନଙ୍କୁ ଉଦ୍ଧାର କରିବା ପାଇଁ ତୁରନ୍ତ ଓଡିଶା ସାମୁଦ୍ରିକ ମତ୍ସ୍ୟ ଉତ୍ପାଦକ ସଙ୍ଘ ତରଫରୁ ଏକ ବୋଟ ପଠାଯାଇଥିଲା । ଯେଉଁଥିରେ ସମୁଦ୍ର ମଧ୍ୟରୁ ତିନି ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରିବା ସମ୍ଭବ ହୋଇଥିଲା ।

ସେପଟେ ଏହି ଅଘଟଣ ସମୟରେ ଫେଲ୍ ମାରିଲା କୋଷ୍ଟଗାର୍ଡର ରେସ୍କ୍ବ ହେଲିକପ୍ଟର । ଅନ୍ଧାର ଯୋଗୁଁ ଗତକାଲି ଉଦ୍ଧାର କାର୍ଯ୍ୟ ବନ୍ଦ କରି ଦିଆଯାଇଥିଲା । ଶେଷ ସୂଚନା ମୁତାବକ ମୋଟ ୫ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଏବେ ବି ୩ ମତ୍ସ୍ୟଜୀବୀ ନିଖୋଜ ଅଛନ୍ତି। ଏହି ଘଟଣାରେ ମେରାଇନ ପୋଲିସ, ପାରାଦ୍ଵୀପ ବନ୍ଦର, ମତ୍ସ୍ୟଜୀବୀ ଓ କୋଷ୍ଟଗାର୍ଡର ମିଳିତ ଅପରେସନ ଚଳାଇଥିଲା । ମତ୍ସ୍ୟଜୀବୀ ମାନେ ତିନି ଜଣଙ୍କୁ ଉଦ୍ଧାର କରିଥିବା ବେଳେ ପାରାଦ୍ଵୀପ ବନ୍ଦରର ଡକ୍ ବୋଟ ଦ୍ବାରା ଦୁଇ ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଇଛି ।

ଲଘୁଚାପ ଯୋଗୁଁ ମୁହାଣରେ ପ୍ରଖର ସ୍ରୋତ କାରଣରୁ ମତ୍ସ୍ୟଜୀବୀ ମାନଙ୍କୁ ଉଦ୍ଧାର କରିବା ସମ୍ଭବପର ହୋଇପାରି ନାହିଁ । ତେବେ ମୁହାଣ ମୁହଁରେ ମୃତ୍ୟୁ ସହିତ ସଂଗ୍ରାମ କରୁଥିବା ମତ୍ସ୍ୟଜୀବୀମାନଙ୍କୁ ପ୍ରଶାସନ ତରଫରୁ ଉଦ୍ଧାର କାର୍ଯ୍ୟ ବିଫଳ ହୋଇଥିବା ନେଇ ଓମ୍ଫା ତରଫରୁ ପ୍ରକାଶ କରାଯାଇଥିବା ବେଳେ ଫସି ରହିଥିବା ମତ୍ସ୍ୟଜୀବୀ ମାନଙ୍କୁ ତୁରନ୍ତ ହେଲିକପ୍ଟର ସହାୟତାରେ ଉଦ୍ଧାର କରାଯିବାକୁ ଓଡିଶା ସାମୁଦ୍ରିକ ମତ୍ସ୍ୟ ଉତ୍ପାଦକ ସଙ୍ଘ ଓ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି । ତେବେ ମୁହାଣ ମୁହଁରେ ପ୍ରଖର ସ୍ରୋତ ସତ୍ୱେ ଓମ୍ଫା ତରଫରୁ ସମୁଦ୍ର ମୁହାଣ ମୁହଁରେ ଫସି ରହିଥିବା ମତ୍ସ୍ୟଜୀବୀ ମାନଙ୍କୁ କିପରି ଉଦ୍ଧାର କରାଯାଇପାରିବ ଏ ନେଇ ପ୍ରଚେଷ୍ଟା ଜାରି ରହିଛି ।
ଚୀନର ମନମୁଖୀ ମ୍ୟାପକୁ ଭାରତ ସହ ୪ ଦେଶର ବିରୋଧ

ମାନଚିତ୍ରରେ ଭାରତର ଅରୁଣାଚଳ ପ୍ରଦେଶକୁ ଦର୍ଶାଇ ବିବାଦରେ ଚୀନ,ଏବେ ଭାରତ ପରେ ଫିଲିପାଇନ୍ସ, ଭିଏତନାମ, ମାଲେସିଆ ଓ ତାଇୱାନ୍ ଚୀନକୁ ବିରୋଧ କରିଛନ୍ତି । ବିବାଦୀୟ ମାନଚିତ୍ରରେ ଦକ୍ଷିଣ ଚୀନ ସାଗର ଉପରେ ଡ୍ରାଗନ କରିଥିବା ଦାବିକୁ ଫିଲିପାଇନ୍ସ ଓ ମାଲେସିଆ ଅଗ୍ରାହ୍ୟ କରିଛନ୍ତି । ଚୀନ ଅନ୍ତର୍ଜାତୀୟ ଆଇନର ପାଳନ କରୁ ବୋଲି ଫିଲିପାଇନ୍ସ କହିଥିବା ବେଳେ ମାନଚିତ୍ରକୁ ନେଇ କୂଟନୈତିକ ସ୍ତରରେ ପ୍ରତିବାଦ କରିଛି ବୋଲି ମତ ରଖିଛି ମାଲେସିଆ । ମାନଚିତ୍ରରେ ଚୀନ ହୈନାନ୍ ଦ୍ୱୀପର ଦକ୍ଷିଣରେ ୧୫୦୦ କିଲୋମିଟର ପର୍ଯ୍ୟନ୍ତ ଏକ ୟୁ ସେପ୍ ଲାଇନ୍ ଦେଖା ଯାଉଛି । ଯାହାକି ଭିଏତନାମ, ଫିଲିପାଇନ୍ସ, ବ୍ରୁନେଈ ଓ ଇଣ୍ଡୋନେସିଆ ଏକ୍ସକ୍ଲୁସିଭ୍ ଇକୋନୋମିକ୍ ଜୋନ୍ ଦେଇ ଯାଉଛି । ଚୀନର ଏହି ନୂଆ ମ୍ୟାପରେ ଅଧିକ ଭୌଗଳିକ ଅଞ୍ଚଳକୁ ଦର୍ଶା ଯାଇଛି । ଯେଉଁଥିରେ ତାଇୱାନକୁ ନିଜର ବୋଲି ଚୀନ ଦାବି କରିଛି । ଏହି ମ୍ୟାପ୍ ୧୯୪୮ ଜାରି ନକ୍ସା ଭଳି । ନୂଆ ମ୍ୟାପକୁ ନେଇ ତାଇୱାନ ବିଦେଶ ମନ୍ତ୍ରୀ କହିଛନ୍ତି, ଆମେ ଚୀନର ଅଂଶ ନୁହଁ । ଚୀନ ଯେତେ ଯାହା ପକ୍ଷ ରଖିଲେ ବି ଆମ ଦେଶର ଅସ୍ତିତ୍ୱକୁ ମାଟିରେ ମିଶାଇ ପାରିବ ନାହିଁ । ସେହିଭଳି ଭିଏତନାମ କହିଛି, ଚୀନ ଜାରି କରିଥିବା ନୂଆ ନକ୍ସାର କିଛି ମହତ୍ତ୍ୱ ନାହିଁ । ଏହା ଭିଏତନାମ ସୀମା ଓ ଅନ୍ତର୍ଜାତୀୟ ଆଇନର ଉଲ୍ଲଂଘନ କରୁଛି ।
ଇନ୍ଦିରା ଗାନ୍ଧୀଙ୍କ ଠାରୁ ଅଟଳ ବିହାରୀ ବାଜପାୟୀଙ୍କ ପର୍ଯ୍ୟନ୍ତ, ସରକାର ମଧ୍ୟ ଅତୀତରେ ଲୋକସଭା ନିର୍ବାଚନକୁ ସମୟ ପୂର୍ବରୁ କରିସାରିଛନ୍ତି

ପଶ୍ଚିମବଙ୍ଗର ମୁଖ୍ୟମନ୍ତ୍ରୀଙ୍କ ଠାରୁ ବିହାରର ମୁଖ୍ୟମନ୍ତ୍ରୀ ନୀତୀଶ କୁମାର ପର୍ଯ୍ୟନ୍ତ କହିଛନ୍ତି ଯେ ମୋଦୀ ସରକାର ଦେଶରେ ଲୋକସଭା ନିର୍ବାଚନ ପୂର୍ବରୁ କରିପାରନ୍ତି ।

ବର୍ତ୍ତମାନର ୧୭ତମ ଲୋକସଭାର କାର୍ଯ୍ୟକାଳ ମେ ୨୦୨୪ ପର୍ଯ୍ୟନ୍ତ ରହିଛି। ଏଭଳି ପରିସ୍ଥିତିରେ ସମସ୍ତ ରାଜନୈତିକ ନେତା ଅନୁମାନ କରୁଛନ୍ତି ଯେ ଏନଡିଏ ସରକାର ପ୍ରଥମେ ନିର୍ବାଚନ କରିବାକୁ ନିଷ୍ପତ୍ତି ନେଇପାରନ୍ତି। ଯଦି ଏହା ଘଟେ, ଏହା ପ୍ରଥମ ଥର ହେବ ନାହିଁ | ଏହାପୂର୍ବରୁ ମଧ୍ୟ ଲୋକସଭା ଭଙ୍ଗ ହେବା ପରେ ଅନେକ ଥର ସାଧାରଣ ନିର୍ବାଚନ ଅନୁଷ୍ଠିତ ହୋଇଯାଇଛି।

୧୯୭୧ ର ଆରମ୍ଭରୁ, ଇନ୍ଦିରା ଗାନ୍ଧୀ ଲୋକସଭାକୁ ସମୟ ପୂର୍ବରୁ ଭଙ୍ଗ କରିବା ଏବଂ ନିର୍ବାଚନ କରିବା ପାଇଁ ସୁପାରିଶ କରିଥିଲେ। ସେତେବେଳେ ସେଠାରେ କଂଗ୍ରେସ ଏବଂ ବାମପନ୍ଥୀଙ୍କ ସଂଖ୍ୟାଲଘୁ ସରକାର ଥିଲା। ଅକାଳ ପଞ୍ଚମ ଲୋକସଭା ନିର୍ବାଚନରେ ଇନ୍ଦିରା ଗାନ୍ଧୀଙ୍କ ନେତୃତ୍ୱରେ କଂଗ୍ରେସ ୩୫୨ ଟି ଆସନ ସହ ବହୁମତ ହାସଲ ହୋଇଥିଲା ।

୩୧ ଅକ୍ଟୋବର ୧୯୮୪ ରେ ଇନ୍ଦିରା ଗାନ୍ଧୀଙ୍କ ହତ୍ୟା ପରେ ରାଜୀବ ଗାନ୍ଧୀଙ୍କୁ ମଧ୍ୟବର୍ତ୍ତୀକାଳୀନ ପ୍ରଧାନମନ୍ତ୍ରୀ କରାଯାଇଥିଲା। ରାଜୀବ ଗାନ୍ଧୀ ସେହି ବର୍ଷ ନଭେମ୍ବରରେ ଲୋକସଭାକୁ ଭଙ୍ଗ କରିଦେଇଥିଲେ, ଯାହା ଫଳରେ ସମୟ ପୂର୍ବରୁ ନିର୍ବାଚନ କରାଯାଇଥିଲା । ଅଷ୍ଟମ ଲୋକସଭା ନିର୍ବାଚନରେ ଇନ୍ଦିରା ଗାନ୍ଧୀଙ୍କ ମୃତ୍ୟୁ କାରଣରୁ ଲୋକମାନେ କଂଗ୍ରେସକୁ ବହୁଳ ଭୋଟ ଦେଇଥିଲେ। ରାଜୀବ ଗାନ୍ଧୀଙ୍କ ନେତୃତ୍ୱରେ ଆଜି ପର୍ଯ୍ୟନ୍ତ ଦଳ ସର୍ବାଧିକ ୪୧୪ ଟି ସିଟ୍ ପାଇଥିଲା ।

୧୯୯୯ ରେ ସଂଖ୍ୟାଗରିଷ୍ଠତା ହାସଲ କରିବା ପରେ ଅଟଳ ବିହାରୀ ବାଜପେୟୀ ମଧ୍ୟ ୨୦୦୪ ରେ ପୂର୍ବରୁ ନିର୍ବାଚନ କରିଥିଲେ। କୁହାଯାଉଛି ଯେ ଆନ୍ଧ୍ରପ୍ରଦେଶର ତତ୍କାଳୀନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ଚାପରେ ପ୍ରଧାନମନ୍ତ୍ରୀ ବାଜପେୟୀ ନିର୍ବାଚନ ସମୟ ପୂର୍ବରୁ କରିଥିଲେ। ତେବେ ଏହି ନିର୍ବାଚନ ତାଙ୍କ ସପକ୍ଷରେ ନଥିଲା । ୧୪ ତମ ଲୋକସଭା ନିର୍ବାଚନରେ ବିଜେପି ଅପେକ୍ଷା କଂଗ୍ରେସ ଅଧିକ ଆସନ ପାଇଥିଲା ।

ଏବେ ଯାହା ଅନୁମାନ କରାଗଲାଣି ଯେ ପ୍ରଧାନମନ୍ତ୍ରୀ ମୋଦୀ ମଧ୍ୟ ସମୟ ପୂର୍ବରୁ ୨୦୨୪ ନିର୍ବାଚନ କରାଇପାରନ୍ତି | ଅନେକ ଲୋକଙ୍କ ଏହା ଦାବି ଯେ ଡିସେମ୍ବର ପର୍ଯ୍ୟନ୍ତ ବିଜେପି ସମସ୍ତ ରାଜ୍ୟରେ ହୋଟେଲ ଏବଂ ବହୁ ସଂଖ୍ୟକ ହେଲିକପ୍ଟର ବୁକ୍ କରିସାରିଛି। ଏହା ସହିତ ମିଳିତ ବିରୋଧୀଙ୍କ ସଂଖ୍ୟା ମଧ୍ୟ ଏନଡିଏ ଉପରେ ଚାପ ପକାଉଛି।

ରାଷ୍ଟ୍ରପତି ଲୋକସଭାକୁ ଭଙ୍ଗ କରିବା ଏବଂ ନୂତନ ନିର୍ବାଚନ କରିବା ପାଇଁ ନିର୍ଦ୍ଦେଶ ଦେଇପାରିବେ। ଯଦି ପ୍ରଧାନମନ୍ତ୍ରୀ ରାଷ୍ଟ୍ରପତିଙ୍କୁ ସମୟ ପୂର୍ବରୁ ଲୋକସଭା ଭଙ୍ଗ କରିବାକୁ ଏବଂ ନିର୍ବାଚନ କରିବାକୁ ସୁପାରିଶ କରନ୍ତି। ଭାରତୀୟ ସମ୍ବିଧାନର ଧାରା ୮୫ ଅନୁଯାୟୀ ପ୍ରଧାନମନ୍ତ୍ରୀଙ୍କ ପରାମର୍ଶ କ୍ରମେ ଲୋକସଭାକୁ ଭଙ୍ଗ କରିବାର କ୍ଷମତା କେବଳ ରାଷ୍ଟ୍ରପତିଙ୍କର ଅଛି।
ଚଳିତ ୨୨ ରୁ ବିଧାନସଭା ଆରମ୍ଭ

ଚଳିତ ସେପ୍ଟେମ୍ବର ୨୨ ତାରିଖରୁ ଆରମ୍ଭ ହେବ ବିଧାନସଭାର ସ୍ବଳ୍ପକାଳୀନ ମୌସୁମୀ ଅଧିବେଶନ। ଏହା ୪ ଅକ୍ଟୋବର ପର୍ଯ୍ୟନ୍ତ ଚାଲିବାର ସୂଚନା ମିଳିଛି ଅଧିବେଶନର ପ୍ରଥମ ଦିବସରେ ପ୍ରଥମ ଅତିରିକ୍ତ ବଜେଟ୍‌ ୨୦୨୩-୨୪ ଆର୍ଥିକବର୍ଷ ପାଇଁ ଆଗତ ହେବ। ଏହି ଅଧିବେଶନରେ ମୋଟ ୮ଟି କାର୍ଯ୍ୟ ଦିବସ ରହିଛି। ଅକ୍ଟୋବର ୩ ତାରିଖରେ ଅତିରିକ୍ତ ବ୍ୟୟମଞ୍ଜୁରୀ ବିଲ୍‌ ଆଗତ ହେବ।

ବିକ୍ରମ କେଶରୀ ଆରୁଖ ବାଚସ୍ପତି ପଦରୁ ଇସ୍ତଫା ଦେବା ପରେ ବିଧାନସଭାରେ ଖାଲିି ପଡ଼ିଥିବା ବାଚସ୍ପତି ପଦବୀ ପାଇଁ ସେପ୍ଟେମ୍ବର ୨୧ ତାରିଖରେ ନିର୍ବାଚନ ଅନୁଷ୍ଠିତ ହେବ। ବାଚସ୍ପତି ନିର୍ବାଚନ ପାଇଁ ପ୍ରାର୍ଥତ୍ପତ୍ର ଦାଖଲ ୧୮ ତାରିଖରେ ହେବ। କିଏ ବାଚସ୍ପତି ହେବେ ଓ କେବେ ନିର୍ବାଚନ ହେବ ତାକୁ ନେଇ ଗତ କିଛି ମାସ ଧରି କଳ୍ପନାଜଳ୍ପନା ଜାରି ରହିଥିଲା । ବାଚସ୍ପତି ନିର୍ବାଚନ ପାଇଁ ତାରିଖ ଘୋଷଣା ହେବା ପରେ ଏହାର ଅନ୍ତ ଘଟିଛି।

ସୂଚନାନୁଯାୟୀ, ଗତ ମେ’ ୧୨ ତାରିଖରେ ବିକ୍ରମ କେଶରୀ ଆରୁଖ ବାଚସ୍ପତି ପଦରୁ ଇସ୍ତଫା ଦେଇଥିଲେ। ମେ’ ୨୨ ତାରିଖରେ ସେ ଅର୍ଥ ବିଭାଗ ମନ୍ତ୍ରୀ ଭାବେ ଶପଥ ନେଇଥିଲେ। ଦାୟିତ୍ୱ ନେବା ପୂର୍ବରୁ ଅର୍ଥ ବିଭାଗ ନିରଞ୍ଜନ ପୂଜାରୀଙ୍କ ହାତରେ ଥିଲା। ନିରଞ୍ଜନ ପୂଜାରୀ ଏବେ ସ୍ବାସ୍ଥ୍ୟ ଓ ପରିବାର କଲ୍ୟାଣ ଏବଂ ସଂସଦୀୟ ବ୍ୟାପାର ମନ୍ତ୍ରୀ ଦାୟିତ୍ୱରେ ଅଛନ୍ତି। ୨୦୨୨ ଜୁନ୍‌ରେ ସୂର୍ଯ୍ୟନାରାୟଣ ପାତ୍ର ବାଚସ୍ପତି ପଦରୁ ଇସ୍ତଫା ଦେବା ପରେ ଏହି ଆସନରେ ବିକ୍ରମ କେଶରୀ ଆରୁଖ ବସିଥିଲେ। କଥା ଉଠୁଛି ବାଚସ୍ପତି ପଦବୀ ପାଇଁ ତାରିଖ ଘୋଷଣା ହେବା ପରେ ଏହି ପଦବୀରେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ନୃସିଂହ ଚରଣ ସାହୁ, ଦେବୀ ମିଶ୍ର ଓ ସ୍ନେହାଙ୍ଗିନୀ ଛୁରିଆ ପ୍ରମୂଖ ବାଚସ୍ପତି ଦୌଡ଼ରେ ସାମିଲ ଅଛନ୍ତି ।

Tag: #suchanatvodia

ICC Men’s Cricket World Cup 2023 FIXTURE

November 2023

SEMI-FINALS

FINAL MATCH