Tag: suchanatv24x7

ମନ୍ଦିର ହୁଣ୍ଡି ଭାଙ୍ଗି ଲୁଟିନେଲେ ଦୁର୍ବୃତ୍ତ

ଜଗନ୍ନାଥଙ୍କୁ ବି ଛାଡିଲେନି | ଜଗନ୍ନାଥ ମନ୍ଦିରରେ ପଶି ଲୁଟିଲେ ଦୁର୍ବୃତ୍ତ | ବାଲେଶ୍ବର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ଶ୍ରଦ୍ଧା କ୍ଷେତ୍ର ଜଗନ୍ନାଥ ମନ୍ଦିରରୁ ଲୁଟ ହୋଇଛି | ବିଳମ୍ବିତ ରାତ୍ରିରେ ଦୁର୍ବୃତ୍ତ ମାନେ ମନ୍ଦିରର ମୁଖ୍ୟ ଗେଟର ତାଲା ଭାଙ୍ଗି ହୁଣ୍ଡି ବାକ୍ସ ଲୁଟ କରିଛନ୍ତି |

ସୂଚନା ଅନୁଯାୟୀ, ଗତକାଲି ମନ୍ଦିରର ନନା ପୂଜାର୍ଚ୍ଚନା ସାରି ମନ୍ଦିରର ମୁଖ୍ୟ ଫାଟକରେ ତାଲା ପକାଇ ଯାଇଥିଲେ | କିନ୍ତୁ ଆଜି ସକାଳୁ ମନ୍ଦିରକୁ ପୂଜାର୍ଚ୍ଚନା କରିବା ପାଇଁ ଆସି ଦେଖିବା ବେଳକୁ ମନ୍ଦିରର ଉତ୍ତର କବାଟ ତାଲା କାଟି ଦୁର୍ବୃତ୍ତ ମାନେ ଭିତରକୁ ପଶି ହୁଣ୍ଡି ବାକ୍ସକୁ ଭାଙ୍ଗି ଲୁଟ କରିଛନ୍ତି |

ଏନେଇ ବାଲିଆପାଳ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି |

ତେବେ ଦୁର୍ବୃତ୍ତ ମାନେ କେତେ ଟଙ୍କା ଲୁଟ କରିଛନ୍ତି ତାହା ସ୍ପଷ୍ଟ ଜଣା ପଡିନାହିଁ | ଦିନକୁ ଦିନ ବାଲିଆପାଳ ଅଞ୍ଚଳରେ ଏଭଳି ଚୋରି ବଢୁଥିବାରୁ ପୋଲିସ ପେଟ୍ରୋଲିଂ କଡାକଡି କରିବା ପାଇଁ ଦାବି କରିଛନ୍ତି ସ୍ଥାନୀୟ ଲୋକେ |
ଆବୁ ଆଜମୀଙ୍କ ପୁଅ ପାଇଁ ଢାଲ ସାଜିଲେ ତାଙ୍କ ଅଭିନେତ୍ରୀ ପତ୍ନୀ, ଗୋଟିଏ ପରେ ଗୋଟିଏ ପ୍ରମାଣ ଦେଖାଇଲେ ଗୋଆ କାଣ୍ଡ ଘଟଣାର

ସଲମାନ ଖାନଙ୍କ ଫିଲ୍ମ ‘ୱାଣ୍ଟେଡ୍’ ମାଧ୍ୟମରେ ଲୋକଙ୍କ ହୃଦୟ ଜିତିଥିବା ଅଭିନେତ୍ରୀ ଆୟେଶା ଟାକିଆ ଦୀର୍ଘ ସମୟ ପରେ ପୁଣି ଥରେ ଚର୍ଚ୍ଚାକୁ ଆସିଛନ୍ତି। ଏଥର ସେ ତାଙ୍କର କୌଣସି ଫିଲ୍ମ କିମ୍ବା ନୂତନ ପ୍ରୋଜେକ୍ଟ ପାଇଁ ଖବରରେ ନାହାନ୍ତି। ବର୍ଷ ବର୍ଷ ପରେ ପୁଣି ଥରେ ଫେରିବା ପାଇଁ ମଧ୍ୟ ପ୍ରସ୍ତୁତ ହେଉନାହାଁନ୍ତି ଏହି ଅଭିନେତ୍ରୀ। ବଲିଉଡ ଛାଡିଥିବା ଏହି ଅଭିନେତ୍ରୀ ଏବେ ତାଙ୍କ ସ୍ୱାମୀଙ୍କୁ ରକ୍ଷା କରିବାକୁ ଯଥାସମ୍ଭବ ଚେଷ୍ଟା କରୁଛନ୍ତି। ଏହି ଅଭିନେତ୍ରୀ ସୋସିଆଲ ମିଡିଆରେ ବହୁତ ସକ୍ରିୟ ଏବଂ ଖୋଲାଖୋଲି ଭାବରେ ଲୋକଙ୍କ ସହିତ ନିଜର ମତାମତ ବାଣ୍ଟିଥାନ୍ତି। ଏଥର ମଧ୍ୟ ସେ ତାଙ୍କ ସ୍ୱାମୀ ଫରହାନ ଆଜମିଙ୍କ ପକ୍ଷ ସାରା ବିଶ୍ୱ ସମ୍ମୁଖରେ ଉପସ୍ଥାପନ କରୁଛନ୍ତି। ଗୋଟିଏ ପରେ ଗୋଟିଏ ନୂଆ ଇନଷ୍ଟାଗ୍ରାମ ଷ୍ଟୋରୀ ମାଧ୍ୟମରେ, ସେ ଗୋଆରେ ତାଙ୍କ ସ୍ୱାମୀଙ୍କ ସହ ଘଟିଥିବା ଘଟଣାର ପ୍ରମାଣ ଉପସ୍ଥାପନ କରିବାରେ ବ୍ୟସ୍ତ।

ପ୍ରକୃତରେ, ମଙ୍ଗଳବାର ଦିନ, ଆବୁ ଆଜମୀଙ୍କ ପୁଅ ଏବଂ ଆୟେଶା ଟାକିଆଙ୍କ ସ୍ୱାମୀ ଫରହାନ ଆଜମୀଙ୍କୁ ଗୋଆ ପୋଲିସ ଅଟକ ରଖିଥିଲା। ତାଙ୍କ ବିରୋଧରେ ଅବହେଳା କରି ଗାଡ଼ି ଚଲାଇବା ଏବଂ ଉତ୍ତେଜନା ସୃଷ୍ଟି କରିବା ପାଇଁ ଏକ ମାମଲା ରୁଜୁ କରାଯାଇଥିଲା। ଏହି ମାମଲା ଉତ୍ତର ଗୋଆର କାଣ୍ଡୋଲିମ୍ ଅଞ୍ଚଳରୁ ରିପୋର୍ଟ ହୋଇଛି। ଏବେ ଏହି ମାମଲାରେ, ଆୟେଶା ଟାକିଆ ତାଙ୍କ ସ୍ୱାମୀଙ୍କୁ ନିର୍ଦୋଷ ବୋଲି ଘୋଷଣା କରିଛନ୍ତି ଏବଂ ଅନେକ ପ୍ରମାଣ ସହିତ ତାଙ୍କ ସ୍ୱାମୀଙ୍କ ପକ୍ଷ ବିଶ୍ୱ ସମ୍ମୁଖରେ ଉପସ୍ଥାପନ କରିଛନ୍ତି। ଆୟେଶା ଇନଷ୍ଟାଗ୍ରାମରେ ଦାବି କରିଛନ୍ତି ଯେ ତାଙ୍କ ସ୍ୱାମୀ ଏବଂ ପୁଅଙ୍କୁ ଗୋଆରେ ଧମକ ଦିଆଯାଇଥିଲା ଏବଂ ମାନସିକ ଭାବରେ ହଇରାଣ କରାଯାଇଥିଲା। ଅଭିନେତ୍ରୀ ଜଣକ ଏହା ମଧ୍ୟ ଦାବି କରିଥିଲେ ଯେ ତାଙ୍କ ସ୍ୱାମୀ ଏବଂ ପୁଅର ଜୀବନ ସେହି ସମୟରେ ବିପଦରେ ଥିଲା ଏବଂ ସେ ଘଟଣାସ୍ଥଳକୁ ପୋଲିସକୁ ଡକାଇଥିଲେ।

ଅନେକ ଯୁକ୍ତିତର୍କ ପରେ, ଆୟେଶା ଟାକିଆ ଗତ ଦିନର ଆହୁରି ଅନେକ ଇନଷ୍ଟାଗ୍ରାମ ଷ୍ଟୋରୀ ପୋଷ୍ଟ କରିଛନ୍ତି। ଏଥିମଧ୍ୟରୁ ଗୋଟିଏରେ ଆୟେଶା ଟାକିଆ ଲେଖିଛନ୍ତି, ‘ଗୋଆ ପୋଲିସ ଏହି ଦୁର୍ବୃତ୍ତମାନଙ୍କୁ ମଧ୍ୟ ଗିରଫ କରିଛି।’ ଦୟାକରି ଏହି ଭିଡିଓ ଦେଖନ୍ତୁ। ଏହି ଗୁଣ୍ଡାମାନଙ୍କୁ ଦେଖ ଏବଂ ଫରହାନ ଏବଂ ମୋର ୧୧ ବର୍ଷର ପୁଅକୁ ଦୋଷ ଦେବା ବନ୍ଦ କର, ଯେଉଁମାନେ ପ୍ରକୃତରେ ନିର୍ଦ୍ଦୋଷ। ଫରହାନ କ’ଣ ଅଧିକାରୀମାନଙ୍କୁ ଦୁର୍ବ୍ୟବହାର କରୁଛନ୍ତି? ଦୟାକରି ପ୍ରକୃତ ଖରାପ ଲୋକଙ୍କୁ ଦେଖନ୍ତୁ। ଦେଖ, ଏହି ଦୁଷ୍ଟ ମହିଳାମାନେ ମୋ ପୁଅକୁ ଗାଳି ଦେଉଛନ୍ତି ଏବଂ ତାକୁ ଉସୁକାଉଛନ୍ତି। ତାଙ୍କୁ ମାତ୍ର ୧୧ ବର୍ଷ। ଫରହାନ ପୋଲିସ ଗାଡ଼ିରେ ବସି ସାରିଥିଲା। ଏହି ଦୁଷ୍ଟ ମହିଳାମାନେ କିଏ? ଲଜ୍ଜାଜନକ। ପରବର୍ତ୍ତୀ ପୋଷ୍ଟରେ, ଅଭିନେତ୍ରୀ ଲେଖିଛନ୍ତି, ‘ଦେଖିବା କିଏ ପ୍ରକୃତରେ ତୁମକୁ କଷ୍ଟ ଦେଉଛି।’ ଦେଖ ସେ ପୋଲିସ ସହିତ କିପରି କଥା ହେଉଛି।

ଏହା ପରେ ଆୟେଶା ଆଉ ଏକ ଭିଡିଓ ପୋଷ୍ଟ କରି କ୍ୟାପସନ ଦେଇଥିଲେ, ‘ଦେଖନ୍ତୁ ସେ ଫରହାନଙ୍କ ଲାଇସେନ୍ସପ୍ରାପ୍ତ ଅସ୍ତ୍ରଶସ୍ତ୍ର ଥିବା ଏକ ବ୍ୟାଗକୁ ନେବା ପାଇଁ ପୋଲିସ ସହିତ କିପରି ବ୍ୟବହାର କରୁଛନ୍ତି।’ ଦେଖ, ସେ କେତେ ଅସଭ୍ୟ ଏବଂ ବିପଦପୂର୍ଣ୍ଣ, ତାହା ମଧ୍ୟ ପୋଲିସମାନଙ୍କ ସହିତ। ଯଦିଓ ସେ ବ୍ୟାଗରୁ ଅସ୍ତ୍ର ବାହାର କରି ନଥିଲେ, ତଥାପି ସେ ତାଙ୍କ ଅସ୍ତ୍ର ମାଗୁଥିଲେ। ଏହା ବ୍ୟତୀତ, ଅନ୍ୟ ଏକ ପୋଷ୍ଟରେ ଆୟେଶା ଲେଖିଛନ୍ତି, ‘ସତ୍ୟ ସିଂହ ପରି, ତୁମକୁ ଏହାକୁ ରକ୍ଷା କରିବାକୁ ପଡ଼ିବ ନାହିଁ।’ ତାକୁ ମୁକ୍ତ କର, ସେ ନିଜକୁ ରକ୍ଷା କରିପାରିବ।’
ବିଜେଡିର ୧୦୯ ତମ ବିଜୁ ପଟ୍ଟନାୟକଙ୍କ ଜୟନ୍ତୀ ପାଳିତ: ବିଜେପିର ହୀନ ରାଜନୀତି ବିରୋଧରେ ବର୍ଷିଲା ବିଜେଡ଼ି

ରାଜ୍ୟସ୍ତରରୁ ଆରମ୍ଭ କରି, ନିର୍ବାଚନମଣ୍ଡଳୀ, ପୌରାଞ୍ଚଳ ଏବଂ ପଞ୍ଚାୟତ ସ୍ତରରେ ୧୦୯ ତମ ବିଜୁ ପଟ୍ଟନାୟକଙ୍କ ଜୟନ୍ତୀ ପାଳନ ଲାଗି ବିଜେଡି ପକ୍ଷରୁ ପ୍ରସ୍ତୁତି କରାଯାଇଛି । ରାଜ୍ୟର ବିଭିନ୍ନ ସ୍ଥାନରେ ବିଜୁ ବାବୁଙ୍କ ଜୟନ୍ତୀ ପାଳନ ଲାଗି ବିଜେଡି ପକ୍ଷରୁ ବ୍ଯାପକ ପ୍ରସ୍ତୁତି କରାଯାଇଛି ।

ଖୋର୍ଦ୍ଧା ବିଜୁ ଜନତା ଦଳ ପକ୍ଷରୁ ବିଜୁ ପଟ୍ଟନାୟକ ପାର୍କରେ ଥିବା ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ କରାଯାଇ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଥିଲା । ପୂର୍ବତନ ବିଧାୟକ ରାଜେନ୍ଦ୍ର କୁମାର ସାହୁଙ୍କ ନେତୃତ୍ବରେ ବିଜୁ ଯୁବ ପ୍ରେମୀ ଏକ ବାଇକ୍ ରାଲିରେ ସହର ପରିକ୍ରମା କରି ବିଜୁ ପଟ୍ଟନାୟକ ଅମର ରହେ ନାରା ଦେଇଥିଲେ । ଜିଲ୍ଲା ପରିଷଦ ସଭ୍ୟ ବିଜୟ ପାଲଟା ସିଂହ, ବିଜୁ ବାବୁଙ୍କ ଜୀବନୀ ଉପରେ ଆଲୋକପାତ କରିଥିଲେ । ବିଜୁ ବାବୁଙ୍କ ନୀତି ଆଦର୍ଶରେ ପରିଚାଳିତ ବିଜୁ ଜନତା ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ପ୍ରତି ସମସ୍ତେ ଅନୁପ୍ରାଣିତ ହୋଇ ଆଗାମୀ ଦିନରେ ଲୋକଙ୍କ ସେବା କରିବାକୁ ସଂକଳ୍ପବଦ୍ଧ ହୋଇଥିଲେ ।

କଟକ ଜିଲ୍ଲା ମାହାଙ୍ଗା ବ୍ଲକରେ ମାହାଙ୍ଗାର ପୂର୍ବତନ ବିଧାୟକ ତଥା ବର୍ତ୍ତମାନ ବିଜୁଜନତା ଦଳର ବରିଷ୍ଠ ଗଣମାଧ୍ୟମ ସଂଯୋଗ ପ୍ରତାପ ଜେନାଙ୍କ ନିର୍ଦ୍ଦେଶରେ ମାହାଙ୍ଗା ବିଜେଡି ତରଫରୁ ବିଜୁପଟ୍ଟନାୟକ ଜନ୍ମ ଜୟନ୍ତୀ ପାଳନ କରାଯାଇଛି | ପ୍ରଥମେ ଛତିଆ -ଜୟପୁର ଭୋଳିଦାସପୁର ଛକରେ ଥିବା ବିଜୁପଟ୍ଟନାୟକ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହିତ ବିଜୁ ବାବୁଙ୍କ ସମ୍ବନ୍ଧରେ ଆଲୋକପାତ କରାଯାଇଥିଲା | ପରେ ପରେ ସେଠାରୁ ପ୍ରାୟ ୨୦୦ରୁ ଉର୍ଦ୍ଧ୍ବ ମଟର ସାଇକେଲ ଶୋଭାଯାତ୍ରା ବାହାରି ମାହାଙ୍ଗା ବ୍ଲକ ସମୁଖରେ ପହଞ୍ଚି ବିଜୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା |

କେନ୍ଦ୍ରାପଡ଼ା ଜିଲ୍ଲା ପାଟକୁରା ନିର୍ବାଚନ ମଣ୍ଡଳୀରେ ୧୦୯ ତମ ପ୍ରବାଦ ପୁରୁଷ ବିଜୁ ପଟ୍ଟନାୟକ ଜୟନ୍ତୀ ପାଳନ ହୋଇଯାଇଛି | ଗରଦପୁର ବ୍ଲକ ଚଅଁପୁର ଓ ଡେରାବିଶ ବ୍ଲକ ଲଣ୍ଡା ପଡିଆରେ ପାଟକୁରା ବିଧାୟକ ଅରବିନ୍ଦ ମହାପାତ୍ରଙ୍କ ନେତୃତ୍ୱରେ ହଜାର ହଜାର ବିଜୁ ପ୍ରେମୀ ଓ ବିଜେଡି କର୍ମୀଙ୍କ ସମାଗମରେ ଜୟନ୍ତୀ ପାଳିତ ହୋଇଯାଇଛି | ତେବେ ବିଜୁ ବାବୁଙ୍କ ଜନ୍ମ ଜୟନ୍ତୀରେ ପଞ୍ଚାୟତିରାଜ ଦିବସକୁ ଘୁଞ୍ଚାଇ ଦେବା ଓ ଛୁଟି ଦିବସକୁ ବାତିଲ କରିବା ଓ ମାହାଙ୍ଗାରେ ବିଜୁ ବାବୁଙ୍କ ମୂର୍ତ୍ତିରୁ ମୁଣ୍ଡ କାଟିବା ନେଇ ବିଜେପି ସରକାରକୁ ଟାର୍ଗେଟ କରି ଅରବିନ୍ଦ ବର୍ଷିଛନ୍ତି | ବିଜେପିର ହୀନ ରାଜନୀତି ବୋଲି ଅରବିନ୍ଦ କହିଛନ୍ତି |

ବିଜୁ ପଟ୍ଟନାୟକ ଥିଲେ ନାରୀ ସଶକ୍ତିକରଣର ଆଦ୍ୟ ପ୍ରବକ୍ତା। ଓଡ଼ିଶାର ସ୍ବାଭିମାନୀ ଓ ନିର୍ଭିକ ଓଡିଆ ଜାତିର ପୁନର୍ଗଠନ ପାଇଁ ମାଆ ମାନଙ୍କୁ ଆର୍ଥିକ ସ୍ବାବଲମ୍ବୀ କରିବା ପାଇଁ ପ୍ରସ୍ତୁତ କରିଥିଲେ ନାରୀ ସଶକ୍ତିକରଣର ନକ୍ସା। ସାରା ଭାରତରେ ପ୍ରଥମ ଥର ପାଇଁ କ୍ଷମତା ବିକେନ୍ଦ୍ରୀକରଣରେ ୩୩ ଭାଗ ସଂରକ୍ଷଣ ସହିତ ଗାଁକୁ କାମ ମାକୁ ସମ୍ମାନର ନାରା ଦେଇ ତିଆରି କରିଥିଲେ ମହିଳାମାନଙ୍କ ଆର୍ଥିକ ଓ ସାମାଜିକ ବିକାଶର ମୁଳଦୁଆ । ସଶକ୍ତ ଓଡ଼ିଶା ଗଠନର ମୂଳଦୁଆ ପାଇଁ ପାରାଦ୍ଵୀପ ରେ ତିଆରି କରାଇଥିଲେ ବନ୍ଦର । ଯାହା ଆଜି ଭାରତର ଏକ ନମ୍ବର ମେଜର ପୋର୍ଟ ର ମାନ୍ୟତା ହାସଲ କରିଛି। କିନ୍ତୁ ରାଜ୍ୟ ସରକାର ହୀନମନ୍ୟତାର ଶିକାର ହୋଇ ତାଙ୍କ ଜନ୍ମ ଦିବସକୁ ପାଳନ କରାଯାଉଥିବା ପଞ୍ଚାୟତ ରାଜ ଦିବସ କୁ ବନ୍ଦ କରି ଦେଇଛନ୍ତି। କିନ୍ତୁ ଓଡ଼ିଶାର ସାଡେ ଚାରି କୋଟି ଓଡିଆଙ୍କ ହୃଦୟରୁ ବିଜୁବାବୁଙ୍କୁ କାଢ଼ିବା ପାରିବେ ନାହିଁ ରାଜ୍ୟ ସରକାର। ପାରାଦ୍ଵୀପ ନଗର ବିଜେଡି ପକ୍ଷରୁ ଅଠରବାଙ୍କି ଠାରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୯ ତମ ଜନ୍ମ ଜୟନ୍ତୀ ଅବସରରେ ପ୍ରକାଶ କରିଛନ୍ତି ବିଜେଡି ନେତା। ନଗର ବିଜେଡି ସଭାପତି ତଥା ପୈାରାଧ୍ୟକ୍ଷ ବସନ୍ତ ବିଶ୍ବାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବତନ ସାଂସଦ କୁଳମଣି ସାମଲଙ୍କ ସମେତ ବହୁ ପରିଷଦ ଓ ବିଜେଡି କର୍ମୀ ସାମିଲ ହୋଇ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଅଦମ୍ୟ ସାହସ ଓ ଓଡ଼ିଶା ପ୍ରତି ତାଙ୍କର କର୍ତ୍ତବ୍ୟକୁ ମନେ ପକାଇଥିଲେ।

ଯାଜପୁର ଜିଲ୍ଲା କୋରେଇ ବିଜେଡି ପକ୍ଷରୁ ବ୍ୟାସନଗର ସହରର ବିଭିନ୍ନ ସ୍ଥାନରେ ଥିବା ବିଜୁଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାସୁମନ ଅର୍ପଣ କରିବା ସହିତ କୋରେଇ ବ୍ଲକ ତଳଗଡ଼ ପଞ୍ଚାୟତରେ ଏକ ସଭାର ଆୟୋଜନ କରିଥିଲେ | ତଳଗଡ଼ ପଞ୍ଚାୟତର ସରପଞ୍ଚ ସନ୍ତୋଷ କୁମାର ସ୍ୱାଇଁଙ୍କ ତତ୍ତ୍ଵାବଧାନରେ ଆୟୋଜିତ ଏହି ସଭାରେ ଭକ୍ତ ବତ୍ସଳ ସ୍ୱାଇଁ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବେ ବିଜେଡି ଯୁବ ନେତା ଭଵ ପ୍ରକାଶ ଦାସ ଯୋଗ ଦେଇ କର୍ମୀମାନଙ୍କ ଆଗରେ ବିଜୁ ବାବୁଙ୍କ ଅତୀତର ଗାରିମା ଗାଥାକୁ ବଖାଣି ଥିଲେ | ଏଥିସହିତ ବର୍ତ୍ତମାନ ସରକାରଙ୍କ ପରିବର୍ତନ ରାଜନୀତିକୁ ମଧ୍ୟ ଘୃଣା କରିଥିଲେ | ରଙ୍ଗବୋଳା ରାଜନୀତିକୁ କୋରେଇ ବିଜେଡି ପକ୍ଷରୁ ଦୃଢ଼ ନିନ୍ଦା କରାଯାଇଥିଲା | କୋରେଇ ବ୍ଲକର ଶତାଧିକ ବିଜେଡି ପୁରୁଷ ଓ ମହିଳା କର୍ମୀ ଏଥିରେ ସାମିଲ ହୋଇଥିଲେ |

ରାୟଗଡା ବିଜୁ ଜନତା ଦଳ ତରଫରୁ ରାୟଗଡା ନୂଆ ବସଷ୍ଟାଣ୍ଡ ନିକଟରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ବିଜୁ ବାବୁଙ୍କ ଓଡ଼ିଶାବାସୀଙ୍କ ପ୍ରତି ଥିବା ଅବଦାନର ସ୍ମୃତିଚାରଣ କରିଛନ୍ତି | ସ୍ଥାନୀୟ ନୂଆ ବସଷ୍ଟାଣ୍ଡ ସ୍ଥିତ ପ୍ରବାଦ ପୁରୁଷ ସ୍ବର୍ଗତ ବିଜୁ ପଟ୍ଟନାୟକଙ୍କ ୧୦୯ ତମ ଜନ୍ମ ଜୟନ୍ତୀ ପାଳନ ନିମନ୍ତେ ଏକାଠି ହେଇଥିଲେ ନେତା ଓ କର୍ମୀ ମାନେ | ଏହି ସମାବେଶରେ ଜିଲ୍ଲା ପରିଷଦ ଅଧ୍ୟକ୍ଷା ସରସ୍ଵତୀ ମାଝୀ, ପୌର ପରିଷଦ ଉପାଧ୍ୟକ୍ଷା ସୁଭ୍ରା ପଣ୍ଡା, ରାୟଗଡା ନିର୍ବାଚନ ମଣ୍ଡଳୀର ବିଧାୟିକା ପ୍ରାର୍ଥୀ ଅନୁସୟା ମାଝୀ, ୧୩ନମ୍ୱର ୱାର୍ଡ କାଉନସିଲର ପ୍ରତିମା ପାଣିଗ୍ରାହୀ, ପୌର ପରିଷଦର ଅଧ୍ୟକ୍ଷ ମହେଶ ପଟ୍ଟନାୟକ, ବରିଷ୍ଠ ଆଇନଜୀବି ବ୍ରଜ ସୁନ୍ଦର ନାୟକ ପ୍ରମୁଖ ଉପସ୍ଥିତ ଥିଲେ | ବିଜୁ ବାବୁଙ୍କ ଜନ୍ମଦିନକୁ ସରକାର ଅଣଦେଖା କରିବା ସହ ବିଜୁ ବାବୁଙ୍କ କୃତିକୁ ବର୍ତ୍ତମାନ ଶାସକ ଦଳ ମଳିନ କରିବା ପାଇଁ ଉଦ୍ୟମ କରୁଛନ୍ତି ବୋଲି କଡା ନିନ୍ଦା କରିଛନ୍ତି ବିଜେଡ଼ି ନେତା | ବର୍ତ୍ତମାନ ବିଜେପି ସରକାର ଏହି ନିଷ୍ପତ୍ତିକୁ ବଦଳେଇ ଦେଇ ଓଡିଶାର ଗୌରବ କ୍ଷୁର୍ଣ୍ଣ କରିଛନ୍ତି | ରାଜ୍ୟ ସରକାରଙ୍କ ଏହି ନିଷ୍ପତ୍ତି ଓଡ଼ିଆ ଅସ୍ମିତା ପ୍ରତି କୁଠାରଘାତ ଅଟେ | ବିଜେପି ରାଜ୍ୟରେ ସରକାର ଗଠନ କରିବା ପର ଠାରୁ କ୍ଷମତା ବଳରେ ବିଜୁ ପଟ୍ଟନାୟକଙ୍କ କୃତିକୁ ସୁଚିନ୍ତିତ ଉପାୟରେ ମଳିନ କରିବା ପାଇଁ ଅପେଚେଷ୍ଟା କରୁଛନ୍ତି | ଆଗାମୀ ଦିନରେ ନିର୍ବାଚନ ମଇଦାନରେ ଓଡ଼ିଶାର ଜନସାଧାରଣ ଏହାର ଉଚିତ ଜବାବ୍ ଦେବେ। ଏଥି ସହ ରାଜ୍ୟରେ ପୁଣିଥରେ ବିଜେଡ଼ି ସରକାର ଗଢ଼ିବ ଓ କ୍ଷମତାକୁ ଫେରିବ ବୋଲି ମତ ଦେଇଛନ୍ତି ଉପସ୍ଥିତ ବରିଷ୍ଠ ନେତା ଓ କର୍ମୀ ମାନେ।
ପୋଲ ତଳୁ ଯୁବକଙ୍କ ମୃତଦେହ ଉଦ୍ଧାର

ଯାଜପୁର ଟମକା ଥାନା ଅନ୍ତର୍ଗତ ମାଣତିରୀ ରାସ୍ତାର ଗୋହିରି ପୋଲ ତଳୁ ଯୁବକଙ୍କ ମୃତଦେହ ଉଦ୍ଧାର | ବ୍ୟକ୍ତି ଜଣଙ୍କ ନନ୍ଦିପଦା ଥାନା ଅନ୍ତର୍ଗତ ବଡ଼ରାମ୍ପସ ଗ୍ରାମର ରାଜନ ସେଠୀ ବୋଲି ସୂଚନା |

ମୃତ୍ଯୁର କାରଣ ଅସ୍ପଷ୍ଟ ରହିଛି | ପୋଲିସ ଶବ ଉଦ୍ଧାର କରି ଦାନଗଦି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ବ୍ୟବଚ୍ଛେଦ ନିମନ୍ତେ ଭର୍ତ୍ତି କରିଛି | ଏପଟେ ପରିବାର ଲୋକଙ୍କ ପକ୍ଷରୁ ଥାନାରେ ଏକ ଲିଖିତ ହତ୍ୟା ଅଭିଯୋଗ ଆଣିଛନ୍ତି | ସୂଚନା ଅନୁସାରେ, ଟମକା ଥାନା ଅଞ୍ଚଳରେ ଏକ ଯୁବତୀ ସହିତ ପ୍ରେମ ସମ୍ପର୍କ ଥିଲା ଓ ଘରେ କୌଣସି ଏକ କାର୍ଯ୍ୟ କରିବା ନେଇ ଘରୁ କହିକି ଆସିଲେ ବୋଲି ରାଜନର ବାପା ଓ ସମ୍ପର୍କୀୟ କହିଛନ୍ତି | ଏପଟେ ଲିଖିତ ଅଭିଯୋଗ ପାଇଁ ପୋଲିସ ତଦନ୍ତ ଜାରି ରଖିଛି |
ଟିପିଏନଓଡିଏଲ ଆନନ୍ଦପୁର ପଷରୁ ଜାତୀୟ ସୁରକ୍ଷା ସପ୍ତାହ ପାଳିତ

କେନ୍ଦୁଝର ଜିଲ୍ଲା ଆନନ୍ଦପୁର ଟିପିଏନଓଡିଏଲ ପଷରୁ ଜାତୀୟ ସୁରକ୍ଷା ସପ୍ତାହ ଓ ଲାଇନ ମ୍ୟାନ ଦିବସ ପାଳନ କରାଯାଇଛି | ଆନନ୍ଦପୁର ପୌରପାଳିକା କଲ୍ୟାଣ ମଣ୍ଡପଠାରେ ଏହା ଅନୁଷ୍ଠିତ ହୋଇଛି |

ଏହି କାର୍ଯ୍ୟକ୍ରମରେ ସାମାଜିକ ଏବଂ ଶାସନ ଉତ୍କର୍ଷତା ପାଇଁ ସୁରକ୍ଷା ଉପରେ ଆଲୋଚନା ହୋଇଥିଲା |

ଏଥିରେ ଆନନ୍ଦପୁର କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ସଭାପତିତ୍ବରେ ମୁଖ୍ୟ ଅତିଥି ଭାବେ ଆନନ୍ଦପୁର ଉପ ଜିଲ୍ଲାପାଳ ଫାଲଗୁନୀ ମାଝି, ସମ୍ନାନୀତ ଅତିଥି ଭାବେ ଏସଡ଼ିପିଓ ପ୍ରଶାନ୍ତ ବେହରା, ସୁପରିଟେନଡେଣ୍ଟ ଇଞ୍ଜିନିୟର ସୁଦୀପ୍ତ ମିଶ୍ର ଓ ଅନ୍ୟ ବହୁ ବ୍ୟକ୍ତି ମାନେ ଯୋଗ ଦେଇଥିଲେ |

ଲାଇନ ମ୍ୟାନ ମାନେ ୪୦ ଡିଗ୍ରୀ ଟେମ୍ପରେଚରରେ ରହି ଯେପରି କାମ କରୁଛନ୍ତି ଆମକୁ ସେବା ଦେଉଛନ୍ତି ତାଙ୍କ ସୁରକ୍ଷା ପାଇଁ ଏହି ଲାଇନ ମ୍ୟାନ ଡେ ପାଳନ କରାଯାଉଛି ବୋଲି ଟିପିଏନଓଡିଏଲ ସଦସ୍ୟ କହିଥିଲେ |
ଖେଳ ପଡ଼ିଆରୁ ଯୁବକଙ୍କ ମୃତଦେହ ଉଦ୍ଧାର

କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ସାଇଁକୁଳ ଫାଣ୍ଡି ଅନ୍ତର୍ଗତ ଆଗର୍ଦା ଖେଳ ପଡ଼ିଆରୁ ଜଣେ ଯୁବକଙ୍କ ମୃତ ଦେହ ଉଦ୍ଧାର କରାଯାଇଛି | ମଙ୍ଗଳବାର ଅପରାହ୍ନ ସମୟରେ ପାଖ ଅଞ୍ଚଳର କିଛି ଯୁବକ ମର୍ଣ୍ଣିଙ୍ଗ ୱାକ୍ ପାଇଁ ଯାଉଥିବା ବେଳେ ଖେଳ ପଡିଆ ପାଖରେ ଏକ ଗଛ ମୂଳରେ ମୃତ ଦେହ ପଡ଼ିଥିବା ଦେଖି ପାଖ ଫାଣ୍ଡିକୁ ଖବର ଦେଇଥିଲେ |

ଖବର ପାଇଁ ଫାଣ୍ଡି ଅଧିକାରୀ ସୁରେଶ କୁମାର ମାଝୀ ପହଞ୍ଚି ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ | ସୂଚନା ଅନୁଯାୟୀ ମୃତ ଯୁବକ ହେଲେ ରାମଚନ୍ଦ୍ରପୁର ଥାନା ନହଙ୍ଗି ଗ୍ରାମର ସୁଦର୍ଶନ ପେରେଇ |

ତେବେ ସ୍ଥାନୀୟ ଲୋକଙ୍କ କହିବା ଅନୁସାରେ ସୁଦର୍ଶନ କିଛି ଦିନ ହେବ ଆଗର୍ଦା ଗ୍ରାମରେ ନିଜ ପତ୍ନୀ ଖୁନୁ ପେରେଇଙ୍କ ସହ ରହୁଥିଲେ | ଗତ ଏକ ମାସ ହେବ ସେ ଘରକୁ ଯାଉନଥିଲେ |

ଦୁଇ ଦିନ ପୂର୍ବରୁ ସୁଦର୍ଶନଙ୍କ ଦେହ ଅସୁସ୍ଥ ଥିବାରୁ ସେ ରାସ୍ତାରେ ପଡ଼ିଯାଇଥିଲେ | ସ୍ଥାନୀୟ ଲୋକେ ସୁଦର୍ଶନକୁ ନେଇ ସାଇଁକୁଳ ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସୁଦର୍ଶନଙ୍କ ମୃତ ଶରୀରରେ ମଧ୍ୟ ଡାହାଣ ହାତରେ ସାଲାଇନ ଛୁଞ୍ଚି ଲାଗିଛି | ତେବେ କେମିତି ତାଙ୍କ ମୃତ୍ୟୁ ହେଲା ତାକୁ ନେଇ ସନ୍ଦେହ ସୃଷ୍ଟି ହେଉଛି |
୪୫୦୦ କେଜି ମହୁଲି ପୋଚ ଏବଂ ୨୫୦ ଲିଟର ଦେଶୀ ମଦ ନଷ୍ଟ

କେନ୍ଦୁଝର ଜିଲ୍ଲା ଚମ୍ପୁଆ ନିକଟ ଓଡ଼ିଶା – ଝାଡ଼ଖଣ୍ଡ ସୀମାନ୍ତରେ ଅବକାରୀ ବିଭାଗ ଓ ଝାଡ଼ଖଣ୍ଡ ପୋଲିସ ମିଳିତ ଭାବରେ ଚଢାଉ କରି ୪୫୦୦ କେଜି ମହୁଲି ପୋଚ ଏବଂ ୨୫୦ ଲିଟର ଦେଶୀ ମଦକୁ ନଷ୍ଟ କରିଛନ୍ତି ।

ସୀମାନ୍ତରେ ଥିବା ବୈତରଣୀ ନଦୀ କୂଳରେ ଚୋରା ଦେଶୀ ମଦର ଏକ ପ୍ରକାର କୁଟୀର ଶିଳ୍ପ ଚାଲିଥିଲା । ଏଠାରେ ମଦ ରନ୍ଧାଯାଇ ଚମ୍ପୁଆ ଓ ଆଖପାଖ ଅଞ୍ଚଳକୁ ଚୋରା ଚାଲାଣ ହୋଇଆସୁଥିବା ନେଇ ଅଭିଯୋଗ ହୋଇ ଆସୁଥିଲା ।

ଏହାକୁ ଦୃଷ୍ଟିରେ ରଖି କେନ୍ଦୁଝର ଅବକାରୀ ବିଭାଗ ଆଜି ଝାଡ଼ଖଣ୍ଡ ପୋଲିସ ସହ ମିଳିତ ଭାବେ ଚଢାଉ କରିଥିଲେ ମଧ୍ୟ ଜଣେ ହେଲେ ମଦ ମାଫିଆ ଧରା ପଡ଼ିନାହାନ୍ତି ।
ଜିଲ୍ଲା ଶିଶୁ ସୁରକ୍ଷା ୟୁନିଟ ସମ୍ମିଳନୀ କକ୍ଷ ଅନୁଷ୍ଠିତ

ବରଗଡ଼ ସ୍ଥିତ ଉପ-ନିର୍ଦ୍ଦେଶକ ବୟନଶିଳ୍ପଙ୍କ କାର୍ଯ୍ୟାଳୟରେ ଜିଲ୍ଲା ଶିଶୁ ସୁରକ୍ଷା ୟୁନିଟ ସମ୍ମିଳନୀ କକ୍ଷ ଅନୁଷ୍ଠିତ ହୋଇଛି | କର୍ମଶାଳାରେ ଜିଲ୍ଲା ଶିଶୁ ସୁରକ୍ଷା ଅଧିକାରିଣୀ ମଞ୍ଜୁ ଏକ୍କା ଯୋଗଦେଇ ଅତିଥିମାନଙ୍କୁ ପରିଚୟ ପ୍ରଦାନ କରିଥିଲେ |

ଜିଲ୍ଲା ଶିଶୁ ମଙ୍ଗଳ ସମିତିର ଅଧ୍ୟକ୍ଷ ଶ୍ରୀ ଦିନେଶ ଅଗ୍ରୱାଲା ଶିଶୁ ଅଧିକାରରେ ଶିଶୁ ମଙ୍ଗଳ ସମିତିର ଭୂମିକା, ସଭ୍ୟା ରାଧା ଅଗ୍ରୱାଲ ମିଶନ ବାତ୍ସଲ୍ୟ ଅନ୍ତର୍ଗତ ବିଭିନ୍ନ ଶିଶୁ ସୁରକ୍ଷା ସମ୍ପର୍କିତ ସ୍କିମ୍ ଉପରେ ଆଲୋଚନା କରିଥିଲେ | କିଶୋର ନ୍ୟାୟ ବୋର୍ଡର ସଭ୍ୟା ନିର୍ଜନା ମାହାର ଓ ପ୍ରୟାସ ଦାଶ ଦ୍ବନ୍ଦରେ ଥିବା ପିଲାମାନଙ୍କର ଯତ୍ନ ଓ ସୁରକ୍ଷା ତଥା ସେମାନଙ୍କର ଥଇଥାନ ଉପରେ ବକ୍ତବ୍ୟ ରଖିଥିଲେ |

ଆନୁଷ୍ଠାନିକ ଯତ୍ନ ଓ ସୁରକ୍ଷା ଅଧିକାରୀ ଶ୍ରୀ ତପନ କୁମାର ପାତ୍ର ପୋଷ୍ୟ ସନ୍ତାନ ଗ୍ରହଣ ଓ ପ୍ରତିପାଳନ ଯତ୍ନ ଉପରେ ବିଶେଷ ବିବରଣୀ ପ୍ରଦାନ କରିବା ସହ ସାମାଜିକ କର୍ମୀ ଶ୍ରୀ ସୁରେନ୍ଦ୍ର ଦାଶ କିଶୋର ନ୍ୟାୟ ଆଇନ ୨୦୧୫ ଉପରେ ଏକ ବିଶେଷ ତଥ୍ୟ ଉପସ୍ଥାପନ କରିଥିଲେ | ଚାଇଲ୍ଡ ହେଲ୍ପ ଲାଇନର ସଂଯୋଜକ ଶ୍ରୀ ସଞ୍ଜୟ ଶତପଥୀ ଶିଶୁ ସୁରକ୍ଷାରେ ଚାଇଲ୍ଡ ହେଲ୍ପ ଲାଇନର ଭୂମିକା ଉପରେ ବକ୍ତବ୍ୟ ରଖିଥିଲେ |

ଉକ୍ତ କର୍ମଶାଳାକୁ ସଫଳ କରିବା ପାଇଁ ଜିଲ୍ଲା ଶିଶୁ ସୁରକ୍ଷା ୟୁନିଟ କର୍ମଚାରୀ ବିକାଶ ପ୍ରଧାନ, ଜୟନ୍ତୀ ହିଆଲ, ଶୁଭେନ୍ଦୁ ପୃଷ୍ଟି, ଅଭିଷେକ ବିଶ୍ଵାଳ, ପ୍ରଭାତ କୁମାର ଚାଲାଣ, ଜିତେନ୍ଦ୍ର ସା, ମନିଷା ନାଗ, ବବିତା ରାଉତ ଏବଂ ଚାଇଲ୍ଡ ହେଲ୍ପ ଲାଇନର କର୍ମଚାରୀ ଲଳିତ ମୋହନ ପ୍ରଧାନ, ଆକାଶ ପ୍ରଧାନ, ନୈମିଶ ପ୍ରଧାନ ଓ ସୁନିଲ କୁମାର ବାରିକ ଆଦି ସହଯୋଗ କରିଥିଲେ |
ଯାଜପୁର ବିଜେପିର ନୂତନ ଜିଲ୍ଲା ସଭାପତି ଭାବେ ଦେବଜାନୀ ପ୍ରଧାନ ସମ୍ବର୍ଦ୍ଧିତ

ଯାଜପୁରର ନୂତନ ଜିଲ୍ଲା ସଭାପତି ଶ୍ରୀମତି ଦେବଜାନୀ ପ୍ରଧାନଙ୍କ ଲାଗି ଅନୁଷ୍ଠିତ ହୋଇଛି ସମ୍ବର୍ଦ୍ଧନା ସଭା | ଯାଜପୁର କୁଆଖିଆ ଠାରେ ଭାରତୀୟ ଜନତା ପାର୍ଟି ତରଫରୁ ଏହି ସମ୍ବର୍ଦ୍ଧନା ସଭା ଆୟୋଜିତ ହୋଇଛି |

ଏହି ସଭାରେ ମୁଖ୍ୟ ଅତିଥି ଭାବେ ଯାଜପୁରର ସାଂସଦ ରବି ନାରାୟଣ ବେହେରା, ମନ୍ତ୍ରୀ ସୂର୍ଯ୍ୟବଂଶୀ ସୁରଜ,ମନ୍ତ୍ରୀ ପ୍ରଦିପ ବଳ ସାମନ୍ତ,ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ,ବଡ଼ଚଣା ବିଧାୟକ ଅମର ନାୟକ ପ୍ରମୁଖ ଯୋଗ ଦେଇଥିଲେ |

କୋରେଇ ବିଧାୟକ ଆକାଶ ଦାସ ନାୟକ,ପୂର୍ବତନ ଜିଲ୍ଲା ସଭାପତି ଗୌତମ ରାୟ,ପୂର୍ବତନ ବିଧାୟିକା ସଞ୍ଚିତା ମହାନ୍ତି,ବରୀର ଯୁବନେତା ଉମେଶ ଜେନା, ବିଞ୍ଝାରପୁର ନେତ୍ରୀ ବବିତା ମଲିକ ଓ ବିଜେପିର ବହୁ କାର୍ଯ୍ୟକର୍ତ୍ତା ଉପସ୍ଥିତ ଥିଲେ |

ପ୍ରତି ୬ ବର୍ଷରେ ଥରେ ନୂତନ ଜିଲ୍ଲା ସଭାପତି ଚୟନ କରାଯାଏ | ଏଥର ଜିଲ୍ଲା ସଭାପତି ଭାବେ ଶ୍ରୀମତି ଦେବଜାନୀ ପ୍ରଧାନଙ୍କୁ ଚୟନ କରାଯାଇଛି | ତାଙ୍କୁ ସମ୍ବର୍ଦ୍ଧନା କରିବା ପାଇଁ ଏହି ଭବ୍ଯ ଉତ୍ସବ କରାଯାଇଛି |

ଏହି କ୍ରମରେ ଯାଜପୁର ଜିଲ୍ଲାର ପ୍ରଗତି ଓ ସମୃଦ୍ଧି ଦିଗରେ ଆଗେଇ ନେବାର ତାଙ୍କର ଅପାର ସଫଳତା କାମନା କରୁଛି ବୋଲି ଯାଜପୁରର ସାଂସଦ ରବି ନାରାୟଣ ବେହେରା କହିଛନ୍ତି |
ବାଲିଆପାଳ ଥାନାରେ ନୂଆ କ୍ରିମିନାଲ ଆଇନ ସମ୍ପର୍କରେ ଅପରାଧ ସଚେତନତା କାର୍ଯ୍ୟକ୍ରମ

ପୋଲିସ ପକ୍ଷରୁ ଅପରାଧ ସଚେତନତା କାର୍ଯ୍ୟକ୍ରମ ଅନୁଷ୍ଠିତ । ବାଲେଶ୍ଵର ଜିଲ୍ଲା ବାଲିଆପାଳ ବ୍ଲକରେ ବାଲିଆପାଳ ଥାନା ପରିସରରେ ପୋଲିସ ପକ୍ଷରୁ ଅପରାଧ ସଚେତନତା କାର୍ଯ୍ୟକ୍ରମ ଅନୁଷ୍ଠିତ । ବର୍ଷ ବର୍ଷ ଧରି ଚାଲିଥିବା ବ୍ରିଟିଶ୍ ଆଇନ୍ ର ଅନ୍ତ ଘଟିବା ସହିତ ଲାଗୁ ହୋଇଛି ନୂତନ ଫୌଜଦାରୀ ଆଇନ୍ । ସୂଚନା ପ୍ରକାରେ ବ୍ରିଟିଶ୍ ଆଇନ୍ ଭାରତୀୟ ପିଙ୍ଗଳ କୋଡ଼୍ (ଆଇପିସି),ଫୌଜଦାରୀ ଦଣ୍ଡ ବିଧି ଆଇନ୍ (ସିଆରପିସି) ଏବଂ ଭାରତୀୟ ସାକ୍ଷ୍ୟ ଆଇନ୍ (ଆଇଇଏ) ବଦଳରେ ଯଥାକ୍ରମେ ଲାଗୁ ହୋଇଛି ଭାରତୀୟ ନ୍ୟାୟ ସଂହିତା,ଭାରତୀୟ ନାଗରିକ ସୁରକ୍ଷା ସଂହିତା ଏବଂ ଭାରତୀୟ ସାକ୍ଷ୍ୟ ଅଧିନିୟମ । ଏହି ପ୍ରରିପ୍ରେକ୍ଷୀରେ ନୂତନ ଅପରାଧିକ ଆଇନ୍ ର କାର୍ଯ୍ୟକାରିତା ସମ୍ପର୍କରେ ଏକ ଆଲୋଚନା ।

ସଚେତନତା କାର୍ଯ୍ୟକ୍ରମ ବରିଷ୍ଟ ଏସ୍ ଆଇ ବିଶ୍ବମ୍ବର ଚକ୍ରବର୍ତ୍ତୀ ଙ୍କ ଅଧ୍ୟକ୍ଷତାରେ ବାଲିଆପାଳ ଅଞ୍ଚଳର ସମାଜସେବୀ, ନିର୍ବାଚିତ ପ୍ରତିନିଧି, ସ୍ବେଚ୍ଛାସେବୀ ସଂଗଠନ, ବୁଦ୍ଧିଜିବି ଉପସ୍ଥିତ ଥିଲେ । ଆଲୋଚନା କାର୍ଯ୍ୟକ୍ରମ ରେ ବିଶେଷ କରି ଭାରତୀୟ ନ୍ୟାୟ ସଙ୍ଗୀତା,ଭାରତୀୟ ସାକ୍ଷ୍ୟ ସଙ୍ଗୀତା, ଭାରତୀୟ ନାଗରିକ ସୁରକ୍ଷା ସଙ୍ଗିତା ରେ ରେ ଥିବା ବିଭିନ୍ନ ଦଫା ଉପରେ ଆଲୋକପାତ କରିଥିଲେ । ବିଶେଷ କରି ଗାଁ ଏବଂ ଗୋଷ୍ଠୀ ସ୍ତରରେ ଲୋକଙ୍କୁ ସଚେତନ କରାଇ ଅପରାଧ ନିୟନ୍ତ୍ରିତ କରିବା ଏହି କାର୍ଯ୍ୟକ୍ରମ ର ଲକ୍ଷ୍ୟ ଏବଂ ଉଦେଶ୍ୟ ବୋଲି ଏସ,ଆଇ, ଶ୍ରୀ ଚକ୍ରବର୍ତ୍ତୀ ଏସ,ଆଇ ଲିଲି ନାୟକ କହିଥିଲେ । ଏହି କାର୍ଯ୍ୟକ୍ରମ ରେ ଏ,ଏସ ଆଇ ପ୍ରବୋଧ କୁମାର ମଲ୍ଲିକ, ଉପେନ୍ଦ୍ର ନାଥ ବେହେରା ସହଯୋଗ କରିଥିଲେ। ସରପଞ୍ଚ ଜଗନ୍ନାଥ ବିଶ୍ୱାଳ , ମଧୁସୂଦନ ବାରିକ, ଅରବିନ୍ଦ ବେହେରା, ବିନୋଦ କୁମାର ଜେନା, ଜଗନ୍ନାଥ ବାରିକ, ଅରୁଣ ପାତ୍ର, ବରିଷ୍ଠ ସାମ୍ବାଦିକ ପ୍ରଫୁଲ୍ଲ ପାତ୍ର, ପ୍ରଦୀପ ଜେନା, ସଦାଶିବ ସେଠି, ଚନ୍ଦନ ଜେନା, ସାମ୍ବାଦିକା ରାଜଶ୍ରୀ ପାଣିଗ୍ରାହୀ ପ୍ରମୁଖ ଆଲୋଚନା ରେ ଅଂଶଗ୍ରହଣ କରିଥିଲେ ।