Tag: suchanatv24x7

ଧୁମ ଧାମରେ ପାଳିତ ହେଲା ଶନିଶ୍ଚର ମେଳା

ଯାଜପୁରର ରାଛିପୁର ଗାଁରେ ଧୁମଧାମରେ ପାଳିତ ହୋଇଛି ଗ୍ରହରାଜ ଶନିଦେବଙ୍କର ପବିତ୍ର ଜନ୍ମୋତ୍ସବ। ଗ୍ରହରାଜଙ୍କର ଦର୍ଶନ ଓ ପୂଜାର୍ଚ୍ଚନା ପାଇଁ ହଜାର ହଜାର ଶ୍ରଦ୍ଧାଳୁଙ୍କ ଭିଡ ଜମିଛି ।ଏ ବର୍ଷ ୭୬ ବର୍ଷ ପୁରିଛି ଗତକାଲି ବିଳମ୍ବ ରାତି ଠୁଁ ବିଭିନ୍ନ ଆଡୁ ଛୁଟିଛି ଲୋକଙ୍କ ସୁଅ । ଶହ ଶହ ସଂଖ୍ୟାରେ ମହିଳା ଓ ପୁରୁଷ ଶନିଶ୍ଚରଙ୍କ ଠାରେ ଜଳଲାଗି କରି ଗ୍ରହରାଜଙ୍କୁ ସନ୍ତୁଷ୍ଟ କରୁଛନ୍ତି। ସେପଟେ ମେଳାକୁ ଶ୍ରୁଙ୍ଖଳିତ କରିବାପାଇଁ ସମସ୍ତ ବନ୍ଦବୋସ୍ତ କରାଯାଇଛି ।

ପ୍ରତିବର୍ଷ ଅକ୍ଷୟ ତ୍ରୁତୀୟା ପର ଶନିବାର ପାଳିତ ହୁଏ ଗ୍ରହରାଜ ଶନିଦେବଙ୍କ ପବିତ୍ର ଜନ୍ମୋତ୍ସବ । ବ୍ୟାସନଗର ସହର ନିକଟସ୍ଥ ରାଛିପୁର ଗାଁର ଶନିଙ୍କ ପୀଠ ଚଳଚଞ୍ଚଳ ହୋଇଉଠିଛି । ଏହି ଅବସରରେ ମନ୍ଦିର ପରିସରରେ ଭଜନ କିର୍ତ୍ତନ ସାଙ୍ଗକୁ ଚାଲିଛି ବିଶ୍ବଶାନ୍ତି ମହାଯଜ୍ଞ । ପୂଜା ଏବଂ ଯଜ୍ଞ କାର୍ଯ୍ୟରେ ନିୟୋଜିତ ଅଛନ୍ତି ପୂଜକ ପୁରୋହିତ । ଏହି ଦିନ ଭକ୍ତିର ସହିତ ଶନିଶ୍ଚରଙ୍କୁ ପୂଜାର୍ଚ୍ଚନା କଲେ ସକଳ ଗ୍ରହପୀଡା ଖଣ୍ଡନ ହେବା ସହ ପରିବାରର ସକଳ ଦୁଃଖଦୁର୍ଦ୍ଦଶା ଦୂର ହୁଏ ବୋଲି ବିଶ୍ବାସ ରହିଆସିଛି । ସେଥିଲାଗି ରାଛିପୁରର ଏହି ପ୍ରସିଦ୍ଧ ଶନିଶ୍ଚର ପୀଠରେ ଠାକୁରଙ୍କ ପଛପଟେ ଥିବା ଆମ୍ବଗଛରେ ଜଳାଭିଷେକ କରିଛନ୍ତି ସହସ୍ରାଧିକ ଶ୍ରଦ୍ଧାଳୁ । ଦିଅଁ ଦର୍ଶନ କରିବା ସାଙ୍ଗକୁ ଠାକୁରଙ୍କ ନିକଟରେ ଭୋଗ ଲଗାଇଥାନ୍ତି ଶ୍ରଦ୍ଧାଳୁ । ଏବର୍ଷ ପାଗ ଅନୁକୂଳ ଯୋଗୁଁ ଠାକୁରଙ୍କ ନିକଟରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ଶ୍ରଦ୍ଧାଳୁ ମାନେ ହାତରେ ପସରା ଧରି ଲମ୍ବା ଧାଡିରେ ଛିଡା ହୋଇଥିବାର ଦୃଶ୍ୟ ଥିଲା ନିଆରା ।

ରାଛିପୁରର ଶନି ମହୋତ୍ସବକୁ ୭୭ ବର୍ଷ ଚାଲିଲା । ଏଠାକାର ଶନିଦେବତା ବେଶ୍ ପ୍ରତ୍ୟେକ୍ଷ ବୋଲି ଲୋକଙ୍କର ବିଶ୍ବାସ ରହିଛି । ସେଥିଲାଗି ଜିଲ୍ଲା ଏବଂ ଜିଲ୍ଲା ବାହାରୁ ମଧ୍ୟ ବହୁ ଶ୍ରଦ୍ଧାଳୁ ଏଠାକୁ ଆସିଥିବାର ଲକ୍ଷ୍ୟ କରାଯାଇଛି । ଶ୍ରଦ୍ଧାଳୁ ମାନେ ଯେପରି ଶାନ୍ତିଶ୍ରୁଙ୍ଖଳାରେ ଠାକୁର ଦର୍ଶନ କରିବେ ସେଥିଲାଗି ମେଳା କମିଟି ପକ୍ଷରୁ ବ୍ୟାପକ ବନ୍ଦବୋସ୍ତ କରାଯାଇଛି । ମେଳା ପରିସରରେ ଲମ୍ବା ବାରିକେଟ ଠାରୁ ଆରମ୍ଭ କରି ବିଜୁଳି ପଙ୍ଖା ଓ ପାଣି ସିଞ୍ଚନର ବ୍ୟବସ୍ଥା କରାଯାଇଛି । ମହିଳା ଓ ପୁରୁଷ ମାନେ ଅଲଗା ଅଲଗା ଧାଡିରେ ରହି ଗ୍ରହରାଜଙ୍କ ଦର୍ଶନ କରୁଛନ୍ତି । ଦର୍ଶନ ପରେ ମେଳା ବୁଲି ଘରକରଣା ଜିନିଷ କିଣୁଛନ୍ତି ଶ୍ରଦ୍ଧାଳୁ । ପ୍ରଚଣ୍ଡ ଖରା ଓ ଲକ୍ଷାଧିକ ଲୋକଙ୍କ ସମାଗମକୁ ଦ୍ରୁଷ୍ଟିରେ ରଖି ବିଭିନ୍ନ ସ୍ବେଚ୍ଛାସେବୀ ସଂଗଠନ ପକ୍ଷରୁ ଜଳଛତ୍ର ଓ ସୂଚନା କେନ୍ଦ୍ର ମଧ୍ୟ ଖୋଲାଯାଇଛି । ପରିସ୍ଥିତି ନିୟନ୍ତ୍ରଣ ପାଇଁ ବ୍ୟାପକ ପୋଲିସ ମୁତୟନ କରାଯାଇଛି ।

ଯାଜପୁର ଜିଲ୍ଲାର ଅନ୍ୟ କେତେକ ସ୍ଥାନରେ ଶନିଶ୍ଚରଙ୍କ ମେଳା ପାଳିତ ହେଉଥିଲେ ହେଁ ରାଛିପୁରର ଶନି ମହୋତ୍ସବ ସ୍ବତନ୍ତ୍ର ଓ ନିଆରା ।
ବାଂଲାଦେଶୀଙ୍କୁ ଭାରତରେ ପ୍ରବେଶ କରାଇଥିବା ମାଷ୍ଟରମାଇଣ୍ଡ ଗିରଫ, ୪୦ ଅଟକ

ଦେଶବ୍ୟାପୀ ବେଆଇନ ଭାବରେ ରହୁଥିବା ବାଂଲାଦେଶୀମାନଙ୍କ ବିରୁଦ୍ଧରେ ଏକ ନିରନ୍ତର ଅଭିଯାନ ଚାଲିଛି। ଏହି କ୍ରମରେ, ଦିଲ୍ଲୀ ପୋଲିସ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଦିଲ୍ଲୀ ପୋଲିସ ବାଂଲାଦେଶୀମାନଙ୍କୁ ବେଆଇନ ଭାବରେ ଭାରତରେ ପ୍ରବେଶ କରିବାରେ ସାହାଯ୍ୟ କରୁଥିବା ଅଭିଯୁକ୍ତକୁ ଗିରଫ କରିଛି। ଏହା ବ୍ୟତୀତ ୪୦ ରୁ ଅଧିକ ଅବୈଧ ବାଂଲାଦେଶୀଙ୍କୁ ମଧ୍ୟ ଧରାଯାଇଛି। ବର୍ତ୍ତମାନ ପୋଲିସ ଏହି ବ୍ୟକ୍ତିଙ୍କୁ ପଚରାଉଚରା କରୁଛି। ମାମଲାର ତଦନ୍ତ ଚାଲିଛି। ସମାନ କ୍ରମରେ, ଆଜମେର ପୋଲିସ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରି ୬ ଜଣ ବାଂଲାଦେଶୀଙ୍କୁ ଗିରଫ କରିଛି।

୪୦ରୁ ଅଧିକ ଧରା ପଡିଛନ୍ତି ବାଂଲାଦେଶୀ

ପ୍ରକୃତରେ, ଦକ୍ଷିଣ ପୂର୍ବ ଜିଲ୍ଲାର ପୋଲିସ ଅବୈଧ ବାଂଲାଦେଶୀମାନଙ୍କ ଅନୁପ୍ରବେଶ ପଛର ମାଷ୍ଟରମାଇଣ୍ଡକୁ ଗିରଫ କରିଛି। ଏହି ମାଷ୍ଟରମାଇଣ୍ଡ ସହିତ, ପୋଲିସ ୪୦ ରୁ ଅଧିକ ଅବୈଧ ବାଂଲାଦେଶୀଙ୍କୁ ମଧ୍ୟ ଗିରଫ କରିଛି। ଏହି ମାଷ୍ଟରମାଇଣ୍ଡ ୧୦ ବର୍ଷରୁ ଅଧିକ ସମୟ ଧରି ବାଂଲାଦେଶୀମାନଙ୍କୁ ଭାରତରେ ପ୍ରବେଶ କରାଇବା କାର୍ଯ୍ୟରେ ଜଡିତ ଥିଲା। ସେ ଟଙ୍କା ନେଇ ବାଂଲାଦେଶରୁ ଲୋକଙ୍କୁ ଆଣି ଭାରତରେ ବସାଉଥିଲା। ବର୍ତ୍ତମାନ ପୋଲିସ ମାଷ୍ଟରମାଇଣ୍ଡକୁ ପଚରାଉଚରା କରୁଛି। ଏହା ସହିତ, ଏହା ମଧ୍ୟ ତଦନ୍ତ କରାଯାଉଛି ଯେ ଏହା ଏପର୍ଯ୍ୟନ୍ତ କେତେ ବାଂଲାଦେଶୀଙ୍କୁ ଭାରତରେ ପ୍ରବେଶ କରିବାରେ ସାହାଯ୍ୟ କରିଛି।

ଆଜମେରରେ ୬ ଜଣ ବାଂଲାଦେଶୀ ଗିରଫ

ଏହା ବ୍ୟତୀତ ଆଜମେର ପୋଲିସକୁ ଏକ ବଡ଼ ସଫଳତା ମଧ୍ୟ ମିଳିଛି। ପୋଲିସ ଆଜମେରରେ ବେଆଇନ ଭାବରେ ରହୁଥିବା ୬ ଜଣ ବାଂଲାଦେଶୀ ନାଗରିକଙ୍କୁ ଗିରଫ କରିଛି। ଆପଣଙ୍କୁ କହିରଖୁଛୁ ଯେ ପ୍ରତିଦିନ ପୋଲିସ ସହରର ବିଭିନ୍ନ ଅଞ୍ଚଳରେ ଚଢାଉ କରୁଛି। ଏହି କ୍ରମରେ ଏକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପୋଲିସ କହିଛି ଯେ ଶୁକ୍ରବାର ୨,୧୫୧ ଟି କାଗଜପତ୍ର ଯାଞ୍ଚ କରାଯାଇଥିଲା, ଯାହା ପରେ ୬ ଜଣଙ୍କୁ ଅଟକ ରଖାଯାଇଥିଲା। ସେମାନେ ସମସ୍ତେ ଆଜମେରରେ ବେଆଇନ ଭାବରେ ରହୁଥିଲେ। ଆଜମେର ଏସ୍ପି ବନ୍ଦିତା ରାଣା କହିଛନ୍ତି, “ଅବୈଧ ଭାବରେ ରହୁଥିବା ରୋହିଙ୍ଗ୍ୟା, ବାଂଲାଦେଶୀ ନାଗରିକ ଏବଂ ସନ୍ଦିଗ୍ଧ ଲୋକଙ୍କ ବିରୁଦ୍ଧରେ ସ୍ୱତନ୍ତ୍ର ଅଭିଯାନର ଅଂଶ ସ୍ୱରୂପ ସମସ୍ତ ପୋଲିସ ଷ୍ଟେସନରେ ସ୍ୱତନ୍ତ୍ର ଦଳ ଗଠନ କରାଯାଇଛି। ଜିଲ୍ଲାର ହୋଟେଲ, ଧର୍ମଶାଳା, ରେଳ ଷ୍ଟେସନ, ବସ୍ ଷ୍ଟାଣ୍ଡ, ଇଟା ଭାଟି, କାରଖାନା, ବସ୍ତି, ଦରଘା ଅଞ୍ଚଳ, ତାରାଗଡ଼ ପାହାଡ଼ ଏବଂ ଅନ୍ୟାନ୍ୟ ଅଞ୍ଚଳରେ କଡ଼ା ଯାଞ୍ଚ କରାଯାଇଥିଲା। ଏହି ସମୟରେ ଦରଘା ଅଞ୍ଚଳରେ ଚାରି ଜଣ ବାଂଲାଦେଶୀ ନାଗରିକଙ୍କୁ ଏବଂ ଅବୈଧ ଭାବରେ ରହିବା ଅଭିଯୋଗରେ ସରୱାଡର ଦୁଇ ଜଣ ବାଂଲାଦେଶୀ ନାଗରିକଙ୍କୁ ଅଟକ ରଖାଯାଇଛି।”
ହ୍ୱାଟ୍ସଆପ୍ ଚାଟବଟ୍, ଚାଲାଣ ଭରିବା ହେଉ କିମ୍ବା ଯାନବାହାନ ପଞ୍ଜିକରଣ, ସବୁକିଛି ହେବ ସହଜ

ସରକାରୀ ସେବାଗୁଡ଼ିକୁ ଅଧିକ ସୁଲଭ ଏବଂ ଦକ୍ଷ କରିବା ପାଇଁ, ଉତ୍ତର ପ୍ରଦେଶ ପରିବହନ ବିଭାଗ ଏକ 24/7 WhatsApp ଚାଟବଟ୍ ପ୍ରଚଳନ କରିଛି, ଯାହା ପରିବହନ ସମ୍ବନ୍ଧୀୟ ପ୍ରମୁଖ ସେବା ପ୍ରଦାନ କରିଥାଏ । ଆପଣଙ୍କୁ କହିରଖୁଛୁ ଯେ ଏହି ଚାଟବଟ୍ ଶୁକ୍ରବାର ଲଞ୍ଚ ହୋଇଥିଲା। ଏହା ମାଧ୍ୟମରେ, ଗାଡ଼ି ପଞ୍ଜିକରଣ, ଡ୍ରାଇଭିଂ ଲାଇସେନ୍ସ ସୂଚନା ଏବଂ ଚାଲାଣ ସ୍ଥିତି ଭଳି ସେବା ସ୍ମାର୍ଟଫୋନ ମାଧ୍ୟମରେ ହିଁ ପାଇପାରିବେ। ଆପଣଙ୍କ ଫୋନରେ ଏହି ଚାଟବଟ୍ ସହିତ, ଆପଣଙ୍କୁ ଆଞ୍ଚଳିକ ପରିବହନ କାର୍ଯ୍ୟାଳୟ (RTO) କାର୍ଯ୍ୟାଳୟକୁ ଯିବାକୁ ପଡିବ ନାହିଁ। ଏହି ପଦକ୍ଷେପ ରାଜ୍ୟର ବ୍ୟାପକ ଡିଜିଟାଲ ପରିବର୍ତ୍ତନ ଏଜେଣ୍ଡାର ଏକ ଅଂଶ ଯାହାର ଲକ୍ଷ୍ୟ ସାର୍ବଜନୀନ ସେବା ପ୍ରଦାନରେ ସ୍ୱଚ୍ଛତା ଏବଂ ଦକ୍ଷତା ବୃଦ୍ଧି କରିବା।

କିପରି ବ୍ୟବହାର କରିବେ ଏହି ଚାଟବଟ୍ ?

ପରିବହନ କମିଶନର ବ୍ରଜେଶ ନାରାୟଣ ସିଂହ କହିଛନ୍ତି, “ଏହି ହ୍ୱାଟ୍ସଆପ୍ ଚାଟବଟ୍ ନାଗରିକ କଲ୍ୟାଣ ପାଇଁ ପ୍ରଯୁକ୍ତିବିଦ୍ୟା ବ୍ୟବହାର କରିବା ପ୍ରତି ଆମର ପ୍ରତିବଦ୍ଧତାକୁ ପ୍ରତିଫଳିତ କରେ।” ସେ କହିଥିଲେ, “ଏହି ପଦକ୍ଷେପ ପରିବହନ ବିଭାଗକୁ ଜନସାଧାରଣଙ୍କ ନିକଟତର କରିଥାଏ ଏବଂ ସ୍ୱଚ୍ଛ, ଦକ୍ଷ ଏବଂ ଦାୟିତ୍ୱପୂର୍ଣ୍ଣ ଶାସନ ଦିଗରେ ଏକ ପଦକ୍ଷେପ।” ଏହି ଚାଟବଟ୍ ବ୍ୟବହାର କରିବା ପାଇଁ, ନାଗରିକମାନେ ପ୍ରଥମେ ସେମାନଙ୍କ ଫୋନରେ 8005441222 ନମ୍ବରଟି ସେଭ୍ କରିବା ଉଚିତ। ଏହା ପରେ, “ହାଏ” ଲେଖନ୍ତୁ ଏବଂ ଏହାକୁ WhatsApp ମାଧ୍ୟମରେ ଏହି ନମ୍ବରରେ ପଠାନ୍ତୁ। ତା’ପରେ ଚାଟବଟ୍ ଆପଣଙ୍କୁ ବିଭିନ୍ନ ପ୍ରତିକ୍ରିୟା ସହିତ ଏକ ମେନୁ ପଠାଇବ। ଏହି ସେବା ୨୪ ଘଣ୍ଟା ଏବଂ ସପ୍ତାହର ୭ ଦିନ ଉପଲବ୍ଧ।

କେନ୍ଦ୍ରୀୟ ଯାନ ଏବଂ ଡାଟାବେସ୍ ର ରହିଛି ଲିଙ୍କ୍

ପରିବହନ ବିଭାଗର ଅଧିକାରୀମାନେ କହିଛନ୍ତି ଯେ ଚାଟବଟ୍ ପ୍ରଚଳନ ଦ୍ୱାରା କେବଳ କାଗଜପତ୍ର କାମ ହ୍ରାସ ପାଇବ ନାହିଁ ବରଂ ପ୍ରକ୍ରିୟାକରଣ ସମୟ ମଧ୍ୟ ହ୍ରାସ ପାଇବ। ଏହାର ଲକ୍ଷ୍ୟ ହେଉଛି ନାଗରିକମାନଙ୍କୁ ଅତ୍ୟାବଶ୍ୟକୀୟ ସେବାଗୁଡ଼ିକର ସିଧାସଳଖ, ସ୍ୱଚ୍ଛ ପ୍ରବେଶ ପ୍ରଦାନ କରି ସଶକ୍ତ କରିବା। ଏହି ଚାଟବଟ୍ କେନ୍ଦ୍ରୀୟ ବାହନ ଏବଂ ସାରଥି ଡାଟାବେସ୍ ସହିତ ଲିଙ୍କ୍ ହୋଇଛି, ଯାହା ନିଶ୍ଚିତ କରେ ଯେ ଉପଭୋକ୍ତାମାନଙ୍କୁ ପ୍ରଦାନ କରାଯାଇଥିବା ତଥ୍ୟ ପ୍ରକୃତ ଏବଂ ସଠିକ୍। ନାଗରିକମାନେ ଏବେ ଚାଟବଟ୍ ମାଧ୍ୟମରେ ଚାଲାଣ ବିବରଣୀ ଯାଞ୍ଚ କରିବା, ଡ୍ରାଇଭିଂ ଲାଇସେନ୍ସ ନବୀକରଣ କରିବା ଏବଂ ରୋଡ୍ ଟ୍ୟାକ୍ସ ଦେବା ଭଳି କାର୍ଯ୍ୟ କରିପାରିବେ।
ଖବରକାଗଜ ବିତରକ ସଙ୍ଘର ବାର୍ଷିକ ଉତ୍ସବ

ପାରାଦ୍ଵୀପ ଖବରକାଗଜ ବିତରକ ସଙ୍ଘର ୧୧ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଶ୍ରମିକ ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ପାରାଦ୍ଵୀପ ପୈାରପରିଷଦ ଅଧ୍ୟକ୍ଷ ବସନ୍ତ ବିଶ୍ବାଳ, ବରିଷ୍ଠ ସାମ୍ବାଦିକ ସଞ୍ଜୟ ମିଶ୍ର, ଶୁକଦେବ ଜେନା, ରତ୍ନାକର ଜେନା , ଚିତ ସ୍ବାଇଁ ପ୍ରମୁଖ ଯୋଗ ଦେଇଥିଲେ। ବର୍ତ୍ତମାନ ର ଇଣ୍ଟରନେଟ ଯୁଗରେ ଆନ୍ତର୍ଜାତିକ ବନ୍ଦର ନଗରୀ ପାରାଦ୍ଵୀପ ରେ ପେପର ବିକ୍ରୟ କରି ପରିବାର ପ୍ରତିପୋଷଣ କରିବା ନିଶ୍ଚିତ କଷ୍ଟକର। ତଥାପି ଏହି ପେଶା କୁ ଆପଣାଇ ଥିବା ଭାଇମାନଙ୍କୁ ଧନ୍ୟବାଦ ଦେଇଥିଲେ ପୈାରାଧ୍ୟକ୍ଷ। ଖବରକାଗଜ ବିତରକ ମାନଙ୍କ ଯୋଗୁଁ ହିଁ ଜଣେ ସାମ୍ବାଦିକ ନିଜକୁ ସାମ୍ବାଦିକ ବୋଲି ଗର୍ବ କରିଥାଏ। କାରଣ ସାମ୍ବାଦିକ ର ଲେଖାକୁ ଘରେ ଘରେ ପହଞ୍ଚାଉଥିବା ବ୍ୟକ୍ତି ହେଉଛି ଖବରକାଗଜ ର ହକର ବୋଲି ବରିଷ୍ଠ ସାମ୍ବାଦିକ ମାନେ ମତବ୍ୟକ୍ତ କରିଥିଲେ। ବର୍ତ୍ତମାନ ର କଠିନ ସମୟରେ ସବୁ ବର୍ଗର ଲୋକ ଏମାନଙ୍କ ନିକଟରେ ଠିଆହେବା ସହିତ ସେମାନଙ୍କୁ ସରକାରୀ ସ୍ବୀକୃତି ଓ ପ୍ରୋତ୍ସାହନ ପାଇଁ ଦାବୀ କରାଯାଇଥିଲା।
ଶ୍ରମିକ ଦିବସରେ ଗୁଣପୁର ଠାରେ ଶୋଭାଯାତ୍ରା

ଶ୍ରମିକ ଦିବସ ଅବସରରେ ଗୁଣପୁର ବାଳିକା ବିଦ୍ୟାଳୟଠାରୁ ଏକ ଶୋଭାଯାତ୍ରା ବାହାରିଥିଲା । ଏହି ଶୋଭାଯାତ୍ରା ଗୁଣପୁର ପୁରୁଣା ବସଷ୍ଟାଣ୍ଡ ଦେଇ ବାଇପାସ୍ ଛକ ନାଗଭୂଷଣ ପଟ୍ଟନାୟକଙ୍କୁ ମୋଟର କର୍ମଚାରୀ ସଂଘ ର ସଭାପତି ଫଣୀଭୁଷଣ ପଟ୍ଟନାୟକ ଓ ତ୍ରିପତି ଗମାଙ୍ଗ ପୁଷ୍ପ ମାଲ୍ୟାର୍ପଣ କରିଥିଲେ । ପରେ ଗୁଣପୁର ନୁଆଁ ବସଷ୍ଟାଣ୍ଡ ଠାରେ ପତାକା ଉତ୍ତୋଳନ କରାଯାଇଥିଲା । ମଇ ୧ ତାରିଖ ଦିନ ଆମେରିକାର ଚିକାଗୋ ସହରରେ ୧୮୮୬ ମସିହାରେ ୮ ଘଣ୍ଟା ଶ୍ରମ ଆଇନ ନେଇ ଲଢେଇରେ ଶ୍ରମିକ ମାନଙ୍କ ୮ ଘଣ୍ଟା ଶ୍ରମ ଆଇନ କରାଯାଇଛି । ତେଣୁ ସେହି ୪ ଟି ଶ୍ରମ ଆଇନ ବାତିଲ କରିବା ଓ ଘରୋଇ କରଣ ବନ୍ଦ କରିବା ସହ କୃଷକ ବିରୋଧି କୃଷି ଆଇନ୍ ବାତିଲ କରିବା ପାଇଁ ଦାବି ଜଣାଇଛନ୍ତି ।

ସେହିପରି ଓପିଏସ୍ କୁ ଲାଗୁକରିବା ଓ ଏନପିଏସ ଓ ୟୁପିଏସ କୁ ବାତିଲ କରିବା ଭଳି ୩ ଟି ଅପରାଧୀକ କଳା ଆଇନ ବାତିଲ କରିବା ଓ କର୍ପୋରେଟ ଲୁଟ ବନ୍ଦ କରିବା ସହ ଶ୍ରମିକ ମାନଙ୍କୁ ମାସିକ ୨୬ ହଜାର ଟଙ୍କା ଓ ପେନସନ ୧୫ ହଜାର ଟଙ୍କା ପ୍ରଦାନ କରିବା ନେଇ ଫଣୀଭୁଷଣ ପଟ୍ଟନାୟକ ଦାବି କରିଥିଲେ । ଏହି ରାଲି ଶୋଭାଯାତ୍ରା ରେ ସଭାପତି ଫଣୀଭୁଷଣ ପଟ୍ଟନାୟକ, କୋଷାଧ୍ୟକ୍ଷ କିଶୋର ମହାନ୍ତି, ପି ଭେଙ୍କଟ ରାଓ , ଦିଲ୍ଲୀପ କୁମାର ପଟ୍ଟନାୟକ, ସି ପି ଆଇ .ଏମଏଲ . ଲିବରେସନ ରାୟଗଡା ଓଡିଶା ସମ୍ପାଦକ ତ୍ରିପତି ଗମାଙ୍ଗ ଉପସ୍ଥିତ ରହି ଆନ୍ତର୍ଜାତୀୟ ଶ୍ରମିକ ଦିବସ ଉପଲକ୍ଷେ ପାଳନ କରି , ନିଜର ପାରିଶ୍ରମିକ ହକ ପାଇବା ପାଇଁ ଗୁଣପୁର ସହରରେ ଏକ ଶୋଭାଯାତ୍ରାରେ ବାହାରି ଦାବି ଜଣାଇବା ଥିବା ଦେଖିବାକୁ ମିଳିଥିଲା ।
ଯାଜପୁରରେ ଆନ୍ତର୍ଜାତୀୟ ଶ୍ରମିକ ଦିବସ ପାଳିତ

ଯାଜପୁର ଜିଲ୍ଲା ବ୍ୟାସନଗର ସ୍ଥିତ ସଂସ୍କୃତିଭବନ ପରିସରରେ ଶ୍ରମିକ ମାନଙ୍କ ଉଦେଶ୍ୟରେ ଜିଲ୍ଲା ସ୍ତରୀୟ ଶ୍ରମିକ ଦିବସ ପାଳିତ ହୋଇଛି । ଜିଲ୍ଲା ସହକାରୀ ଶ୍ରମ ଅଧିକାରୀ ସଂଜିତ କୁମାର ଦେଓଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ ଯାଜପୁର ସାଂସଦ ଡ଼ ରବୀନ୍ଦ୍ର ନାରାୟଣ ବେହେରା ଯୋଗ ଦେଇଥିଲେ । ସଂମାନ୍ନୀତ ଅତିଥି ଭାବେ ବଡ଼ଚଣା ବିଧାୟକ ଅମର ନାୟକ, କଳିଙ୍ଗନଗର ଅତିରିକ୍ତ ଜିଲ୍ଲାପାଳ ସପନ କୁମାର ନନ୍ଦ,ଯାଜପୁର ରେଞ୍ଜ ଯୁଗ୍ମ ଶ୍ରମ ଆଯୁକ୍ତ ଶ୍ରୀ ଶିବ ଶଙ୍କର ମିଶ୍ର, ପ୍ରମୁଖ ଯୋଗ ଦେଇ ସରକାରଙ୍କ ତରଫରୁର ଶ୍ରମିକ ମାନଙ୍କ ପାଇଁ ପ୍ରଣୟନ ହୋଇଥିବା ଜନହିତକାରୀ ଯୋଜନା ଗୁଡିକ ବିଷୟରେ ଆଲୋକପାତ କରାଇଥିଲେ । ଦେଶ ତଥା ରାଜ୍ୟର ଉର୍ନତି ନିମନ୍ତେ ଉଭୟ ସଂଗଠିତ ଓ ଅଣ ସଂଗଠିତ କ୍ଷେତ୍ର ରେ କାର୍ଯ୍ୟରତ ଶ୍ରମିକ ଭାଇ ଓ ଭଉଣୀ ମାନଙ୍କ ଭୂମିକା ଅତ୍ୟନ୍ତ ଗୁରୁତ୍ୱ ପୂର୍ଣ୍ଣ ଅଟେ । ସେମାନଙ୍କର ସାମାଜିକ ଓ ଅର୍ଥନୈତିକ ବିକାଶ ନିମନ୍ତେ ରାଜ୍ୟ ସରକାର ଗୁରୁତ୍ୱ ପ୍ରଦାନ କରି ବିଭିନ୍ନ କଲ୍ୟାଣକାରୀ ଯୋଜନା ହାତକୁ ନେଇଛନ୍ତି । ଏ ସବୁ ଯୋଜନା ସେମାନଙ୍କ ଜୀବନର ମାନ ବୃଦ୍ଧିରେ ନିଶ୍ଚିତ ରୂପେ ସହାୟକ ହୋଇପାରିବ ବୋଲି ମୁଖ୍ୟ ଅତିଥି ନିଜ ଅଭିଭାଷଣରେ ବକ୍ତବ୍ୟ ରଖିଥିଲେ । ଜିଲ୍ଲା ଶ୍ରମ ଅଧିକାରୀ ସୁଧୀର କୁମାର ସାହୁ ଜିଲ୍ଲାରେ କାର୍ଯ୍ୟ କରୁଥିବା ଦୁଇ ବୋର୍ଡ ତରଫରୁ ଶ୍ରମିକ ମାନଙ୍କୁ ଯୋଗାଇଦିଆଯାଉଥିବା ବିଭିନ୍ନ ସହାୟତା ବିଷୟରେ ସୂଚନା ଦେଇଥିଲେ । ଏହି କାର୍ଯ୍ୟକ୍ରମରେ ଓଡିଶା କୋଠାବାଡି ଓ ଅନ୍ୟାନ୍ୟ ନିର୍ମାଣ ଶ୍ରମିକ ବୋର୍ଡ ଅଧୀନରେ ଥିବା ୧୫୦ ଜଣ ଆବେଦନକାରୀଙ୍କୁ ନୂତନ କାର୍ଡ ବଣ୍ଟନ ଓ ୨୮୪ ଜଣ ହିତାଧିକାରୀଙ୍କୁ ବିଭିନ୍ନ ଯୋଜନାରେ ମୋଟ ଏକ କୋଟି ୪୬ ଲକ୍ଷ ୧୮ହଜାର ଟଙ୍କାର ଅର୍ଥ ରାଶି ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ସହକାରୀ ଶ୍ରମ ଅଧିକାରୀଣି ସୁନନ୍ଦା ବିଶ୍ୱାଳଙ୍କ, ସୋମ୍ୟସୁନ୍ଦର ରାଉତରାୟ, ସୋମ୍ୟ ରଞ୍ଜନ ବେହେରା, ସ୍ମୃତିରଞ୍ଜନ ପଣ୍ଡା, ରଚନା ସେଠିଙ୍କ ସମେତ ଶ୍ରମ କାଯ୍ୟଳୟର ସମସ୍ତ କର୍ମଚାରୀ ସହଯୋଗ କରିଥିଲେ ।
ଏରୋନଟିକ୍ସ ମହାବିଦ୍ୟାଳୟରେ ଆଲୁମିନି ମିଟ

କୋରାପୁଟ ଜିଲ୍ଲା ସୁନାବେଡ଼ା ହାଲ ସହରାଞ୍ଚଳ ସ୍ଥିତ ଏରୋନଟିକ୍ସ ମହାବିଦ୍ୟାଳୟରେ ଆଲୁମିନି ମିଟି ସୁନାବେଡ଼ା ଭଞ୍ଜ ମଣ୍ଡପଠାରେ ଅନୁଷ୍ଠିତ ହୋଇଯାଇଛି। ପ୍ରାଧ୍ୟାପକ ଅଧ୍ୟକ୍ଷ ବସନ୍ତ କୁମାର ମିଶ୍ର ସଭାପତିତ୍ୱ କରିଥିଲାବେଳେ ମୁଖ୍ୟ ଅତିଥି ଭାବେ ହାଲ କୋରାପୁଟ ପ୍ରଭାଗର କାର୍ଯ୍ୟନିର୍ବାହୀ ଅଧିକାରୀ ସୁଧାଂଶୁ ମୋହନ ଜେନା ଓ ବରେଣ୍ୟ ଅତିଥି ଭାବେ ହାଲ ଇଞ୍ଜିନ ପ୍ରଭାଗର ମହାପ୍ରବନ୍ଧକ କଲ୍ଲୋଳ ଭଟ୍ଟାଚାର୍ଯ୍ୟ, ଏରୋନଟିକ୍ସ ମହାବିଦ୍ୟାଳୟର ସାଧାରଣ ସମ୍ପାଦକ ସରୋଜ କୁମାର ପଣ୍ଡା, କୋଷାଧକ୍ଷ ଅନୁଜ କୁମାର ସିଂଚୋହାନ, ସମ୍ପାଦକ ସ୍ମିତା ମହାପାତ୍ର ଆଦି ଯୋଗ ଦେଇଥିଲେ। ସଭା ସଂଯୋଜନା ଡ. ରବିନାରାୟଣ ସାମନ୍ତରାୟ କରିଥିଲେ।

ମହାବିଦ୍ୟାଳୟର ପୂର୍ବତନ ଛାତ୍ରଛାତ୍ରୀ ସେମାନଙ୍କର ସ୍ମୃତିକୁ ମନେପକାଇ ଭାବବିହ୍ୱହଳ ହେବାସହ ସେମାନଙ୍କ ସ୍ମୃତି ଉପସ୍ଥାପନ କରିଥିଲେ । ପୂର୍ବତନ ଛାତ୍ରଛାତ୍ରୀଙ୍କୁ ମହାବିଦ୍ୟାଳୟ ତରଫରୁ ଉତ୍ତରୀୟ ଦେଇ ସମ୍ମାନିତ କରାଯାଇଥିଲା।ମହାବିଦ୍ୟାଳୟର ବର୍ତ୍ତମାନ ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ଅଧ୍ୟାପିକା ହରିଣ୍ମୟୀ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।

ଏହି ସଭାରେ ପ୍ରାଧ୍ୟାପିକା ଡ. ଅନସୂୟା ନନ୍ଦ, ଡ. ସଞ୍ଜୟ ପୁରୋହିତ, ଗୌରୀଶଙ୍କର ରଥ, ସଞ୍ଜୟ ଲେଙ୍କା, ବିଶ୍ୱଜିତା ପାଢ଼ୀ, ଦିଲ୍ଲୀପ ସାହୁ, ସସ୍ମିତା ମହାପାତ୍ର, ପ୍ରଜ୍ଞା ଦେବହୂତି ଦାସ, ଚିନ୍ମୟ ମିଶ୍ର, ସ୍ମୃତି ରଞ୍ଜନ ରାଉତ, ଶ୍ଵେତା ସୁମନ ଗିରି, ପ୍ରମୁଖଙ୍କ ସଙ୍ଗେ ମହାବିଦ୍ୟାଳୟର ସମସ୍ତ କର୍ମଚାରୀ ଓ କଣ ଅନୁକୋଣ ରୁ ଆସିଥିବା ସତାଧିକ ଛାତ୍ରଛାତ୍ରୀ ଉପସ୍ଥିତ ରହି କାର୍ଯ୍ୟକ୍ରମକୁ ସଫଲ କରିଥିଲେ।
ପବିତ୍ର ଅକ୍ଷୟ ତୃତୀୟା ଅବସରରେ ଜିଲ୍ଲାସ୍ତରୀୟ କୃଷକ ଦିବସ ୨୦୨୫ ପାଳିତ

ପବିତ୍ର ଅକ୍ଷୟ ତୃତୀୟା ଦିବସ ଅବସରରେ ଜିଲ୍ଲାସ୍ତରୀୟ କୃଷକ ଦିବସ ୨୦୨୫ କୃଷି ବିଜ୍ଞାନ କେନ୍ଦ୍ର ପରିସରରେ ପାଳିତ ହୋଇଯାଇଛି । ଜିଲ୍ଲା କୃଷି ଓ କୃଷକ ସଶକ୍ତିକରଣ ବିଭାଗ ଓ କୃଷି ବିଜ୍ଞାନ କେନ୍ଦ୍ର ପକ୍ଷରୁ ଆୟୋଜିତ କୃଷକ ଦିବସ ପାଳନରେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ପାରମ୍ପରିକ ପୂଜାର୍ଚ୍ଚନା ପରେ ଅକ୍ଷୀମୁଠି ଅନୁକୂଳ କରିଥିଲେ । ଜିଲ୍ଲା କୃଷି ଅଧିକାରୀ ଧୀରେନ୍ଦ୍ର ସିଂ ବରିହାଙ୍କ ସଭାପତିତ୍ୱରେ ଅନୁଷ୍ଠିତ ଅକ୍ଷୟ ତୃତୀୟା ସମାରୋହରେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ ଚଳିତ ଖରିଫ ଋତୁରେ କୃଷି ଆୟକୁ ଦ୍ବିଗୁଣିତ କରିବା ଲକ୍ଷ୍ୟରେ କୃଷି ପ୍ରଧାନ ସୁବର୍ଣ୍ଣପୁର ଜିଲ୍ଲାରେ ଧାନ ସହ ଅଧିକରୁ ଅଧିକ ଅର୍ଥନୈତିକ ଚାଷ ଉପରେ ଧ୍ୟାନ ଦେବାକୁ ଚାଷୀଙ୍କୁ ଆହ୍ୱାନ ଦେଇଛନ୍ତି ।

ଚଳିତ କୃଷିବର୍ଷରେ ସମଗ୍ର ସୁବର୍ଣ୍ଣପୁର ଜିଲ୍ଲାରେ ମୋଟ ୧ଲକ୍ଷ ୨୮ହଜାର ହେକ୍ଟରରେ ଧାନଚାଷ ସହ ଅଣଧାନ ଚାଷ କରିବାକୁ ପ୍ରଶାସନିକ ସ୍ତରରେ ନିଷ୍ପତ୍ତି ହୋଇଥିବାବେଳେ ୭୦ ହଜାର ହେକ୍ଟରରେ ଧାନଚାଷ ଏବଂ ବୀରମହାରାଜପୁର ଓ ସଦର ସୁବର୍ଣ୍ଣପୁର ବ୍ଲକରେ ୨ହଜାର ହେକ୍ଟରରେ ପ୍ରଥମଥର ପ୍ରାକୃତିକ କୃଷି ଅଭିଯାନରେ ଜୈବିକ ଧାନଚାଷକୁ ଗୁରୁତ୍ୱ ଦିଆଯାଇଛି । ମୃତ୍ତିକା ପରୀକ୍ଷଣ,କମ୍ପୋଷ୍ଟ ଖତ, ଜିଆ ଖତ ବ୍ୟବହାର ସହ ଜଳର ସୁପରିଚାଳନାକୁ ଗୁରୁତ୍ୱ ଦେବାକୁ କେ.ବି.କେ କୃଷି ବିଜ୍ଞାନୀ ଶ୍ରୀ ବିଶ୍ୱରଞ୍ଜନ ପଟ୍ଟନାୟକ ଆଲୋକପାତ କରିଥିଲେ ।

ଏହି କାର୍ଯ୍ୟକ୍ରମରେ ଜିଲ୍ଲା କୃଷି ଅଧିକାରୀ ସୋନପୁର ଉପଖଣ୍ଡ ଘନଶ୍ୟାମ ଦେହୁରୀ , ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ ପ୍ରମୁଖ ଉପସ୍ଥିତ ରହିଥିଲେ। ପବିତ୍ର ଅକ୍ଷୟ ତୃତୀୟା ଅବସରରେ ଅନୁଷ୍ଠିତ ରାଜ୍ୟ ସ୍ତରୀୟ କୃଷକ ଦିବସ ପାଳନର ଶୁଭ ଅବସରରେ ମାନ୍ୟବର ମୁଖ୍ୟମନ୍ତ୍ରୀ ଓଡିଶା ଶ୍ରୀ ମୋହନ ଚରଣ ମାଝୀ ଆଭାସୀ ଜରିଆରେ ଖରିଫ ୨୦୨୫ ସିଏମ କିସାନ ସହାୟତା ରାଶିର ହସ୍ତାନ୍ତର କରିଛନ୍ତି । କାର୍ଯ୍ୟକ୍ରମ ଅବସରରେ ଜିଲ୍ଲାର ବହୁ ଅଗ୍ରଣୀ ଚାଷୀ, କୃଷକ ଅନୁଷ୍ଠାନର ସଦସ୍ୟ ସଦସ୍ୟା ତଥା ଗଣମାଧ୍ୟ୍ୟମ ପ୍ରତିନିଧି ପ୍ରମୁଖ ଯୋଗଦାନ କରିଥିଲେ।
ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଜିଲ୍ଲାସ୍ତରୀୟ ଜୟନ୍ତୀ ସମାରୋହ

ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଜିଲ୍ଲାସ୍ତରୀୟ ଜୟନ୍ତୀ ସମାରୋହ ଉତ୍ସବ ବରଗଡ,ଜିଲ୍ଲାପାଳଙ୍କ ସମ୍ମିଳନୀ କକ୍ଷଠାରେ ଅନୁଷ୍ଠିତ ହୋଇଛି | ଏହି ଅବସରରେ ପ୍ରଥମେ ପାରଳା ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଫଟୋ ଚିତ୍ରରେ ପୁଷ୍ପମାଲ୍ୟାର୍ପଣ କରି ଶ୍ରଦ୍ଧାସୁମନ ଅର୍ପଣ କରିବା ପରେ ସମ୍ମିଳନୀ କାକ୍ଷଠାରେ ଏକ ସାଧାରଣ ସଭା ଆରମ୍ଭ ହୋଇଥିଲା । ଏହି ଉତ୍ସବରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ମହେନ୍ଦ୍ର ମହାପାତ୍ର ଏବଂ ଶ୍ରୀମତୀ ମଧୁଛନ୍ଦା ସାହୁଙ୍କ ସମତେ ସମ୍ମାନିତ ଅତିଥି ଭାବେ ସହକାରୀ ଉଦ୍ୟାନ କୃଷି ନିର୍ଦ୍ଦେଶକ ଶ୍ରୀ ଗୋବିନ୍ଦ ଚନ୍ଦ୍ର ପଣ୍ଡା ଯୋଗ ଦେଇ ସ୍ୱତନ୍ତ୍ର ଓଡିଶା ପ୍ରଦେଶ ଗଠନରେ ପାରଳା ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଅବଦାନକୁ ସ୍ମୃତିଚାରଣ କରିଥିଲେ। ମୁଖ୍ୟ ବକ୍ତା ଡ଼ଃ ରବିନାରାୟଣ ସାହୁ ସ୍ୱତନ୍ତ୍ର ମହାରାଜ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ବାଲ୍ୟ ଜୀବନଠୁ ଆରମ୍ଭ କରି ଓଡିଶା ପ୍ରଦେଶ ଗଠନ ତଥା ଓଡିଶାର ଶିକ୍ଷା, ସାହିତ୍ୟ, ସଂସ୍କୃତିର ବିକାଶ କ୍ଷେତ୍ରରେ ଥିବା ମହତ ଅବଦାନକୁ ବର୍ଣନା କରି କହିଵା ସହ ବିକଶିତ ଓଡିଶା ଗଠନ ନିମନ୍ତେ ଏଭଳି ମହାପୁରୁଷଙ୍କ ଆଦର୍ଶରେ ସମସ୍ତେ ଅନୁପ୍ରାଣିତ ହଵା ଜରୁରୀ ବୋଲି କହିଥିଲେ। ମହାରାଜା କୃଷ୍ଣଚନ୍ଦ୍ର ଗଜପତିଙ୍କ ଜୀବନୀ ଅନେକ ଜୀବନକୁ ସୃଜନଶୀଳ କରିବାକୁ ପ୍ରୋତ୍ସାହିତ କରି ଓଡିଆ ଭାଷା,ସାହିତ୍ୟ,ସଂସ୍କୃତି କୁ ଆଗକୁ ବଢେଇବାରେ କର୍ଣ୍ଣଧାର ସାଜିଥିଲା । ବରପୁତ୍ରଙ୍କ ଜୀବନୀ ଜାଣିବାରେ କୁଣ୍ଠା ବୋଧ ନ କରିବାକୁ ବର୍ତ୍ତମାନର ଯୁବପିଢୀକୁ ଉପଦେଶ ଦେଇଥିଲେ । କୃଷ୍ଣଚନ୍ଦ୍ର ଗଜପତିଙ୍କ ଜୀବନରୁ ସାଲିଶ ବିହୀନ ମାନସିକତାକୁ ହଟେଇ ଅନ୍ୟାୟ ବିରୁଦ୍ଧରେ ମୂହଁ ଖୋଲି ଆଗକୁ ବଢିବାକୁ ଶିଖିବା ଦରକାର ବୋଲି ସେ କହିଥିଲେ ।

ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ଏବଂ ଜିଲ୍ଲା ପ୍ରଶାସନ ସମନ୍ଵୟରେ ଆୟୋଜିତ ଏହି କାର୍ଯ୍ୟକ୍ରମରେ ବରଗଡ଼ ଜିଲ୍ଲା ବରିଷ୍ଠ ନାଗରିକ ସଙ୍ଘର କର୍ମକର୍ତ୍ତା ତଥା ବୁଦ୍ଧିଜୀବୀଙ୍କ ସମେତ ଜିଲ୍ଲା ପାଠାଗାରର ସମସ୍ତ ଯୁବ ପାଠକ ପାଠିକା, ଗଣମାଧ୍ୟମ ପ୍ରତିନିଧି ଉପସ୍ଥିତ ଥିବା ବେଳେ ଜିଲ୍ଲା ସୂଚନା ଏବଂ ଲୋକ ସମ୍ପର୍କ ଅଧିକାରୀ ଶ୍ରୀ ପ୍ରହଲ୍ଲାଦ ଖୋସଲା କାଯ୍ୟକ୍ରମକୁ ପରିଚାଳନା କରିଥିଲେ।
ପହଲଗାମ ଆତଙ୍କି ଆକ୍ରମଣରେ ମୃତକଙ୍କୁ ଶ୍ରଦ୍ଧାଞ୍ଜଳି

ଜମ୍ମୁ କାଶ୍ମୀର ପହଲଗାମରେ ଆତଙ୍କବାଦୀଙ୍କ ଗୁଳିରେ ପ୍ରାଣ ହରାଇଥିବା ଓଡ଼ିଆ ପୁଅ ପ୍ରଶାନ୍ତ କୁମାର ଶତପଥୀକୁ ବାଲିଆପାଳ ବଜରଙ୍ଗଦଳ ତରଫରୁ ଜଗନ୍ନାଥ ମନ୍ଦିର ଠାରେ ଦୀପ ଜାଳି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ଜାମ୍ମୁ-କାଶ୍ମୀରରେ ଭୟଙ୍କର ଆତଙ୍କବାଦୀ ଆକ୍ରମଣ ହୋଇଛି । ହିନ୍ଦୁ ପର୍ଯ୍ୟଟକଙ୍କୁ ଟାର୍ଗେଟ କରି ହତ୍ୟା କରିଛନ୍ତି ମୁସଲ୍ ମାନ୍ ଆତଙ୍କବାଦୀ ମାନେ । ଜମ୍ମୁ କାଶ୍ମୀର ପହଲଗାମର ଆତଙ୍କବାଦୀମାନେ ସେନା ପୋଷାକ ପିନ୍ଧି ପ୍ରବେଶ କରିବା ସହ ପର୍ଯ୍ୟଟକଙ୍କ ଉପରେ ଗୁଳି ମାଡ଼ କରିଛନ୍ତି । ପର୍ଯ୍ୟଟକମାନେ ମଜାମସ୍ତି କରିବା ସହ ଖାଉଥିବା ବେଳେ ହଠାତ୍ ଆତଙ୍କବାଦୀ ବନ୍ଧୁକ ଧରି ପ୍ରବେଶ କରିଥିଲେ । ସେମାନେ ପ୍ରଥମେ ପର୍ଯ୍ୟଟକଙ୍କ ପରିଚୟ ମାଗିଥିଲେ ।

ଏହାପରେ ଜଣକ ପରେ ଜଣଙ୍କୁ ଗୁଳି କରିଥିଲେ । ଏଥିରେ ଜଣେ ବାଲେଶ୍ଵର ଓଡ଼ିଆ ଯୁବକଙ୍କ ସହ ପର୍ଯ୍ୟଟକଙ୍କ ମୃତ୍ୟୁ ହୋଇଛି । ଜଣେ ଓଡ଼ିଆ ଯୁବକଙ୍କ ଘର ବାଲେଶ୍ବରର ରେମୁଣାର ପ୍ରଶାନ୍ତ ଶତପ‌ଥୀ । ସେ ଜମ୍ମୁ-କଶ୍ମୀରକୁ ପତ୍ନୀ ଓ ପୁଅଙ୍କ ସହ ବୁଲିବା ପାଇଁ ଯାଇଥିବା ବେଳେ ପହଲଗାମ କୁ ବୁଲିବା ପାଇଁ ଯାଇଥିଲେ । ସେହି ସମୟରେ ଆତଙ୍କବାଦୀଙ୍କ ଗୁଳିରେ ପ୍ରଶାନ୍ତ ଙ୍କ ମୃତ୍ୟୁ ହୋଇଥିଲା । ସେଥିପାଇଁ ବାଲିଆପାଳ ବଜରଙ୍ଗ ଦଳ ତରଫ ରୁ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ଏହାକୁ ପ୍ରତିବାଦ କରିବା ସହ ମୃତ ବ୍ୟକ୍ତିଙ୍କ ଆତ୍ମାର ସଦଗତି ନିମନ୍ତେ ଏକ ଶୋକ ସଭାରେ ୨ ମିନିଟ୍ ନୀରବ ପ୍ରାର୍ଥନା କରିବା ସହ ସାମୂହିକ ଦୀପ ଦାନ କରାଯାଇଥିଲା ।