Tag: suchanatv24x7

ପାରମ୍ପରିକ ବିହନ ଗୁଳା ମାଧ୍ୟମରେ ନୂତନ ଜଙ୍ଗଲ ସୃଷ୍ଟି ଅଭିଯାନ

ଉତ୍ତର ଘୁମୁସର ବନଖଣ୍ଡ ର ତାରାସିଂ ବନାଂଚଳ ର ବୁଢ଼ାବାର ଵନ ସୁରକ୍ଷା ସମିତି ଓ ଗ୍ରାମ ବିକାଶ ବିଦ୍ୟା ବିହାର ହାଇସ୍କୁଲ ଗାୟଗଣ୍ଡା ଅଧୁନା ଏକ ଉଲ୍ଲେଖନିୟ ପଦକ୍ଷେପ ସୃଷ୍ଟି କରିଛି । ବନ ବିଭାଗ ର ବନ ଉନ୍ନୟନ ପ୍ରକଳ୍ପ ଓ ସ୍ୱାତୀ ଅନୁଷ୍ଠାନ ର ମିଳିତ ସହଯୋଗ ରେ ମାଟି ଓ ଜୈବିକ ଖତର ସମିଶ୍ରଣ ରେ ବିହନଗୁଳା ପ୍ରସ୍ତୁତ କରି, ସୁଖାଇ ସେ ସବୁକୁ ଜଙ୍ଗଲରେ ପକାଇ ନୂତନ ଜଙ୍ଗଲ ସୃଷ୍ଟି କରିବା ଏକ ପ୍ରଶଂସନିୟ ପଦକ୍ଷେପ ଅଟେ । ଗତ ମଙ୍ଗଳବାର ଦିନ ତାରାସିଂ ବନାଂଚଳ ଉନ୍ନୟନ ପ୍ରକଳ୍ପର ଗୋଟିଏ ବନ ସୁରକ୍ଷା ସମିତି ଯଥା ବୁଢ଼ାବାରି ସଭାପତି ରଞ୍ଜିତ ବାରିକ ଓ ଗ୍ରାମ ବିକାଶ ଵିଦ୍ୟା ବିହାର ହାଇସ୍କୁଲ ର ପ୍ରିନ୍ସିପାଲ ଲିଙ୍ଗରଜ ସାର୍, ସ୍କୁଲ ର ପ୍ରଧାନ ଶିକ୍ଷକ କାହ୍ନୁ ସାର୍, ନିତ୍ୟାନନ୍ଦ ସାର୍ ଙ୍କ ନେତୃତ୍ୱରେ ପୃଥକଭାବେ ୧୦୦ ରୁ ଉର୍ଦ୍ଧ ସଭ୍ୟ, ସଭ୍ୟା ସହିତ ସ୍କୁଲ ପିଲାମାନଙ୍କୁ ନେଇ ପାରମ୍ପରିକ ପଦ୍ଧତି ରେ ପୂଜା ବିଧି କରିବା ପରେ ପୂର୍ବ ପ୍ରସ୍ତୁତ ବିହନ ଗୁଳା କୁ ଧରି ହରିବୋଲ ହୁଳ ହୁଳି ଧ୍ୱନି ଦେଇ ଜଙ୍ଗଲ କୁ ପ୍ରବେଶ କରିଥିଲେ । ଜଙ୍ଗଲ ମଧ୍ୟରେ ମାଟି ଦେବତା ଓ ବୃକ୍ଷ ଦେବତା କୁ ପୂଜା କରି ଅନ୍ୟନ୍ୟ ୧୪୦୦ ବିହନ ଗୁଳା କୁ ଜଙ୍ଗଲର ଖାଲି ଥିବା ସ୍ଥାନରେ ବିକ୍ଷିପ୍ତ ଭାବରେ ପକାଇଥିଲେ । ଏହା କୁ ପ୍ରଥମ କରି ପରିକ୍ଷା ମୂଳକ ଭାବରେ ବ୍ୟବହାର କରାଯାଉଛି ବୋଲି ଉଭୟ ବନ ସୁରକ୍ଷା ସମିତି ର ସଭାପତି ଉଲେଖ କରିଛନ୍ତି । ସଭାପତି ଓ ଗ୍ରାମବାସୀ ଙ୍କ କହିବା ମୁତାବକ ବନ ବିଭାଗ ଅଧିକାରୀ ଙ୍କ ପ୍ରେରଣାରେ ଅନୁପ୍ରାଣିତ ହୋଇ ସ୍ୱାତୀ ଅନୁଷ୍ଠାନ ର ସହଯୋଗ ମାଧ୍ୟମରେ ପ୍ରଥମ ଥର ପାଇଁ ତାଲିମ ଗ୍ରହଣ କରି ଏହା କୁ ବ୍ୟବହାର କରାଯାଇଛି । ବନ ସୁରକ୍ଷା ସମିତି ର ସଭ୍ୟ ସଭ୍ୟା ମାନେ ମାଟି, ଗୋବର ଓ ଜିଆ ଖତ ସହିତ ଅସନ, ଚମ୍ପା, ଜାମୁ, ଲିମ୍ବ, ଦେବଦାରୁ, ପଣସ, ତେନ୍ତୁଳି, ଆତ ଓ କରଞ୍ଜ ଇତ୍ୟାଦି ମଞ୍ଜି କୁ ନେଇ ଗୁଳା ପ୍ରସ୍ତୁତ କରିଥିଲେ । ସ୍ୱାତୀ ଅନୁଷ୍ଠାନ ର ସଂପାଦକ ଇଂ ହରିଶଙ୍କର ରାଉତ ଙ୍କ ମତରେ ଏହା ଏକ ଅଭିନବ ପ୍ରୟାସ ଯାହା ଦ୍ୱାରା ବିନା ଖର୍ଚ୍ଚରେ ଜଙ୍ଗଲ ଦୃତଗତି ରେ ବୃଦ୍ଧି ଲାଭ କରିପାରିବ । ସ୍ୱାତୀ ର ବରିଷ୍ଠ କର୍ମୀ ପ୍ରଦୀପ କୁମାର ସ୍ୱାଇଁ ଓ କାର୍ଯ୍ୟରତ ପ୍ରକଳ୍ପ କର୍ମକର୍ତା ଯୋଗେନ୍ଦ୍ରନାଥ ସ୍ୱାଇଁ, ମନୋରଂଜନ ପାଣି, ରାମଚନ୍ଦ୍ର ବାରିକ ଓ ରଞ୍ଜନ କୁମାର ବେହେରା ଙ୍କ ସହ ବନରଖି ସନ୍ତୋଷ କୁମାର ଗୌଡ ଓ ଵନପାଳ ସୁଭସ୍ମିତ ଦାସ ସିକ୍ଷା ପ୍ରଦାନ ସହିତ ଏହି ଅଭିନବ ଅଭିଯାନ ରେ ସାମିଲ ହୋଇଥିଲେ । ଗ୍ରାମର ଛୋଟ ପିଲା ମାନେ ଏହି ଅଭିଜାନ କୁ ଏକ ଖେଳଭଳି ଅନୁଭବ କରି ଖୁସି ବ୍ୟକ୍ତ କରିବା ସହିତ ଆଗାମି ବିଦ୍ୟାଳୟ ଛୁଟି ଦିନରେ ଏହାକୁ ଅଧିକ କରିବେ ବୋଲି ଆଗ୍ରହ ପ୍ରକାସ କରିଥିଲେ । ଆଗାମି ଦିନରେ ବିଭିନ୍ନ ପ୍ରାନ୍ତରେ ଏହା କୁ ଅଧିକ ରୁ ଅଧିକ କରିବା ପାଇଁ ପ୍ରକଳ୍ପ କର୍ମକର୍ତା ମାନେ ଖସଡା ପ୍ରସ୍ତୁତ କରିଥିଲେ । ଏହି ଅଭିଯାନ କୁ ତ୍ୱରାନିତ କରିବା ପାଇଁ ଉତର ଘୁମୁସର ବନଖଣ୍ଡ ଅଧିକାରୀ ହିମାଂସୁ ସେଖର ମହାନ୍ତି , ଏ.ସି,ଏଫ୍ ଡା.ରଶ୍ମିରଞ୍ଜନ ସ୍ୱାଇଁ ଓ ତାରାସିଂ ବନାଂଚଳ ଅଧିକାରୀ ପ୍ରଶାନ୍ତ କୁମାର ବେହେରା ମତ ବ୍ୟକ୍ତ କରିବା ସହିତ ସମସ୍ତ ବନ ସୁରକ୍ଷା ସମିତି କୁ ଏହି ଅଭିଯାନ ରେ ସାମିଲ ହେବା କୁ ଆହ୍ୱାନ କରିଥିଲେ । ଫଟୋ
ଭିଜିଲାନ୍ସ ଜାଲରେ ସରକାରୀ କିରାଣୀ ବାବୁ

ଭିଜିଲାନ୍ସ ଜାଲରେ ସରକାରୀ କିରାଣୀ ବାବୁ । ଜନ୍ମ ପ୍ରମାଣ ପତ୍ର ପ୍ରଦାନ କରିବା ପାଇଁ ୩୦୦୦ ଟଙ୍କା ଲାଞ୍ଚ ନେଉଥ‌ିବା ବେଳେ ମାଡ଼ିବସିଲା ଭିଜିଲାନ୍ସ ଟିମ୍ । ଜିଲ୍ଲାର ମୁନିଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର କିରାଣୀ କୁଞ୍ଜ ବିହାରୀ ରାଉତକୁ ଗିରଫ କରିଛି ଭିଜିଲାନ୍ସ । ଅଭିଯୁକ୍ତଙ୍କଠାରୁ ଟଙ୍କା ମଧ୍ୟ ଜବତ କରାଯାଇଛି ।

ସୂଚନା ଅନୁସାରେ ରାୟଗଡା ଜିଲ୍ଲା ମୁନିଗୁଡ଼ା ସି ଏଚ୍ ସି ର କିରାଣୀ କୁଞ୍ଜ ବିହାରୀ ରାଉତ ଜଣେ ଗରିବ ଅଭିଯୋଗକାରୀଙ୍କ ଠାରୁ ତାଙ୍କ ପୁଅର ଜନ୍ମ ପ୍ରମାଣପତ୍ର ପ୍ରଦାନ ପାଇଁ ତାଙ୍କ ଅଫିସ ରୁମରେ ମୋଟ ୬,୦୦୦ ଟଙ୍କା ଲାଞ୍ଚ ଦାବି କରିଥିଲେ । ପ୍ରଥମ କିସ୍ତି ବାବଦରେ ୩୦୦୦ ଟଙ୍କା ନେଇ ଦ୍ଵିତୀୟ କିସ୍ତିର ୩,୦୦୦ ଟଙ୍କା ଲାଞ୍ଚ ପାଇଁ ଜିଦ୍ ଧରିଥିଲେ ଅନ୍ୟ କୌଣସି ଉପାୟ ଅଭିଯୋଗକାରୀ ଭିଜିଲାନ୍ସର ଦୃଷ୍ଟି ଆକର୍ଷଣ କରିଥିଲେ।

ଭିଜିଲାନ୍ସ ଟିମ୍‌ର ପୂର୍ବ ଯୋଜନା ମୁତାବକ ଅଭିଯୋଗକାରୀ ବୁଧବାର ଦିନ ଶ୍ରୀ ରାଉତଙ୍କୁ ବଳକା ୩୦୦୦ ଟଙ୍କା ଲାଞ୍ଚ ଦେବା ସମୟରେ ଭିଜିଲାନ୍ସ ଟଙ୍କା ସହ ତାଙ୍କୁ ଗିରଫ କରିଛି। ଆୟ ବହର୍ଭୂତ ସମ୍ପତି ଠୁଳ ଆଶଙ୍କା କରି ରାଉତ ଙ୍କ ଦୁଇଟି ସ୍ଥାନରେ ଥ‌ିବା ଘରେ ଏକକାଳୀନ ଚଢ଼ଉ କରାଯାଇଛି। ଏ ସମ୍ପର୍କରେ କୋରାପୁଟ ଭିଜିଲାନ୍ସ ପିଏସ୍ କେସ୍ ନମ୍ବର ୨୭/୨୦୨୫, ଧାରା ୭ ପିସି (ସଂଶୋଧନ) ଆଇନ, ୨୦୧୮ ଅନ୍ତର୍ଗତ ଅଭିଯୁକ୍ତ ଶ୍ରୀ ରାଉତ, ପୁରୁଷ ସ୍ବାସ୍ଥ୍ୟକର୍ମୀଙ୍କ ବିରୁଦ୍ଧରେ ତଦନ୍ତ ଜାରି ରହିଥ‌ବା ଜଣାପଡିଛି।
ଚାନ୍ଦବାଲି ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ହର ଘର ତ୍ରିରଙ୍ଗା କାର୍ଯ୍ୟକ୍ରମ

ସ୍ୱାଧୀନତା ଦିବସକୁ ଆଖି ଆଗରେ ରଖି ସାରା ଦେଶରେ ଆରମ୍ଭ ହୋଇଛି ହର ଘରେ ତ୍ରିରଙ୍ଗା କାର୍ଯ୍ୟକ୍ରମ । ଏହି ଅବସରରେ ଚାନ୍ଦବାଲି ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଆରମ୍ଭ ହୋଇଛି ହର ଘର ତ୍ରିରଙ୍ଗା କାର୍ଯ୍ୟକ୍ରମ ।

ସ୍ଥାନୀୟ ଶିବଦୁର୍ଗା ସରକାରୀ ଉଚ୍ଚ ବିଦ୍ୟାଳୟର ପରିସରରୁ ସମସ୍ତ ଛାତ୍ରଛାତ୍ରୀ ମାନଙ୍କୁ ନେଇ ଏକ ବିଶାଳ ରାଲି ଚାନ୍ଦବାଲି ବଜାର ପରିକ୍ରମା କରିଥିଲେ ।

ଏହି କାର୍ଯ୍ୟକ୍ରମରେ ଅଧ୍ୟକ୍ଷା ଶାନ୍ତିଲତା ସେଠୀ, ଏନ ଏ ସି ଅଧିକାରୀ ଆଭାସ ପାଣିଗ୍ରାହୀଙ୍କ ସମେତ ଏନ ଏ ସି ଅଫିସର ସମସ୍ତ କର୍ମଚାରୀ, କାଉନସିଲର, ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିଲେ ।
ବସଷ୍ଟପ ନିର୍ମାଣ ପାଇଁ ଏନଏସି ଅଧ୍ୟକ୍ଷଙ୍କୁ କଲେଜ ଛାତ୍ରଙ୍କ ଦାବୀ

କଳାହାଣ୍ଡି ( ସତ୍ୟ ନାରାୟଣ ମହାନନ୍ଦ) କେସିଙ୍ଗା ମହାବିଦ୍ୟାଳୟ ସାମ୍ନା ଏବଂ ଜଗନ୍ନାଥ ପଡା ଛକ ନିକଟରେ ଦୁଇଟି ବସଷ୍ଟପ ନିର୍ମାଣ ପାଇଁ କେସିଙ୍ଗା ମହାବିଦ୍ୟାଳୟ ର ଛାତ୍ରନେତା ଅନୁଭବ ପଟ୍ଟନାୟକ ଙ୍କ ନେତୃତ୍ୱ ରେ ମଙ୍ଗଳ ବାର କେସିଙ୍ଗା ନଗର ପାଳ ନୃପରାଜ ଯାଦବ ଙ୍କୁ ସାକ୍ଷାତ କରି ଦାବିପତ୍ର ପତ୍ର ପଦାନ କରିଥିଲେ | ସେହିପରି ରାସ୍ତାରେ ଗୋଟିଏ ସ୍ପିଡ଼ ବ୍ରେକର ଏବଂ ଡ୍ରାଇଭ ସ୍ଲୋ ସାଇନ ବୋର୍ଡ ପାଇଁ ମଧ୍ୟ ଅନୁରୋଧ କରିଛନ୍ତି | ତେବେ କଲେଜ ରେ ଅଧ୍ୟୟନ ଛାତ୍ରଛାତ୍ରୀ ପ୍ରାୟ ଖରା, ବର୍ଷା ଏବଂ ଧୂଳି ମାଟିରେ ବସ କୁ ଅପେକ୍ଷା କରୁଥିବା ବେଳେ ଅନେକ ସମସ୍ୟା ହୋଉଥିବା ନେଇ ଏହି ପଦକ୍ଷେପ ଉଠାଇଥିବା ଛାତ୍ର ସଂଘଠନ ପକ୍ଷରୁ କହିଛନ୍ତି |ତେବେ ଏଦିଗରେ ଅତିଶୀଘ୍ର ପଦକ୍ଷେପ ନିଆଯିବ ବୋଲି ଏନଏସି ନାଗାଲାପାଳ ନୃପରାଜ ଯାଦବ ଛାତ୍ରଛାତ୍ରୀ ଙ୍କୁ ପ୍ରତିଶୃତି ଦେଇଥିବା ଛାତ୍ରନେତା ଅନୁଭବ ପଟ୍ଟନାୟକ ପ୍ରକାଶ କରିଛନ୍ତି |
ହର ଘର ତ୍ରିରଙ୍ଗା ପତାକା ସଭା ଯାତ୍ରା ଅନୁଷ୍ଠିତ

ମୁନିଗୁଡ଼ା : ରାୟଗଡ଼ା ଜିଲ୍ଲା ମୁନିଗୁଡା ବ୍ଲକରେ ହର ଘର ତ୍ରିରଙ୍ଗା ପତାକା ସଭା ଯାତ୍ରା ଅନୁଷ୍ଠିତ ହୋଇଯାଇଛି। ଆଜି ୧୪ ଅଗଷ୍ଟ ଦେଶ ପାଳୁଛି ୭୯ତମ ସ୍ଵାଧୀନତା ଦିବସ । ଏହି ଅବସରରେ ମୁନିଗୁଡା ବ୍ଲକ ମଣ୍ଡଳ ସଭାପତି ସୁବାଷ ଗୈଡ ଙ୍କ ନେତୃତ୍ୱରେ ମୁନିଗୁଡା ମହାବିଦ୍ୟାଳୟ ଠାରୁ ସଭା ଯାତ୍ରା ବାହାରି ମୁନିଖୋଲ କନିକା ମନ୍ଦିର ଛକ ପର୍ଯ୍ୟନ୍ତ ହର ଘର ତ୍ରିରଙ୍ଗା ପଦଯାତ୍ରା ଆଜି ଅନୁଷ୍ଠିତ ହୋଇଯାଇଛି।

ମୁଖ୍ୟ ଅତିଥି ଶ୍ରୀ ଜଗନ୍ନାଥ ନୁଣ୍ଡୃକା ତତ୍ତ୍ଵାବଧାନରେ ଆୟୋଜିତ କାର୍ଯ୍ୟକ୍ରମରେ ମୁନିଗୁଡ଼ା ସମ୍ମାନିତ ଅତିଥି କୋରାପୁଟ ଲୋକ ସଭା ପ୍ରତିନିଧି କାଳିରାମ ମାଝୀ, ସମ୍ମାନୀୟ ଅତିଥି ଓବିସି ମୋର୍ଚ୍ଚା ରାଜ୍ୟ ଉପସଭାପତି ରାମ ଚନ୍ଦ୍ର ବେହେରା ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ଉପସ୍ଥିତ ଜନତାଙ୍କୁ ସମ୍ବୋଧିତ କରି କହିଲେ ଘରେ ଘରେ ତ୍ରିରଙ୍ଗା ଅଭିଯାନ ଆମ ସମସ୍ତଙ୍କୁ ଦେଶ ପ୍ରେମର ସୂତ୍ରରେ ବାନ୍ଧିବାରେ ସଫଳ ହେଉଛି ।

ଜାତୀୟ ପତାକା ଦେଶ ବାସୀଙ୍କ ପାଇଁ ସମ୍ମାନ ଓ ଗୌରବ ବହନ କରିଥାଏ। ଏହା ହେଉଛି ଆମ ଦେଶର ପ୍ରତୀକ । ଆମ ଜାତୀୟ ପତାକା ଆମର ସଂକଳ୍ପ, ସଂଘର୍ଷ, ବଳିଦାନ ଓ ତ୍ୟାଗର ପ୍ରେରଣାଦାୟୀ ମୁକସାକ୍ଷୀ, ଏହା ମଧ୍ୟ ରାଷ୍ଟ୍ରୀୟ ଏକତା, ସହିଷ୍ଣୁତା ଓ ବନ୍ଧୁତାର ପ୍ରତୀକ ଅଟେ। ଜାତି, ଧର୍ମ ନିର୍ବିଶେଷରେ ସବୁ ଭାରତୀୟ ତ୍ରିରଙ୍ଗା ତଳେ, ଯେତେବେଳେ ଏକଜୁଟ ହେବେ ସେତେବେଳେ କୌଣସି ଶକ୍ତି ଆମ ବିରୋଧରେ ସଫଳ ହେବେ ନାହିଁ। ତ୍ରିରଙ୍ଗାର ତିନି ରଙ୍ଗ ଆମକୁ ଶ୍ରଦ୍ଧା ଓ ସୌହାର୍ଦ୍ଦ୍ୟର ଆଦର୍ଶରେ ଅନୁପ୍ରାଣିତ କରିଥାଏ।

ଆମ ଜାତୀୟ ପତାକା ଆମର ସଂକଳ୍ପ, ସଂଘର୍ଷ, ବଳିଦାନ ଓ ତ୍ୟାଗର ପ୍ରେରଣାଦାୟୀ ମୂକ ସାକ୍ଷୀ। ଆଜି ର ଏହି ହର ଘର ତ୍ରିରଙ୍ଗା ପତାକା ସଭା ଯାତ୍ରାରେ ମୁନିଗୁଡା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ କୃଷ୍ଣ ଚନ୍ଦ୍ର ଦଳପତି, ମୁନିଗୁଡା ଆଇ . ଆଇ . ସି ସୈଦାମିନି ବେହେରା , ମୁନିଗୁଡା ବ୍ଲକ୍ ଯୁବ ମୋର୍ଚ୍ଚା ସଭାପତି ଟୁନା କରକରିଆ , ମୁନିଗୁଡା ସ୍ନାତକ ମହାବିଦ୍ୟାଳୟର ଅଧ୍ୟାପକ ହୃଷିକେଶ ଜାଲି , ପୂର୍ବତନ ମଣ୍ଡଳ ସଭାପତି ଜଗା ଶବର , ଜିଲ୍ଲା ସଂମ୍ପାଦକ ରାମ କୃଷ୍ଣ ପଣ୍ଡା , ରାୟଗଡ଼ା ଜିଲ୍ଲା ମହିଳା ସଂମ୍ପାଦିକା ସୁଶିଳା ଶରାପ, ସାଧାରଣ ସମ୍ପାଦକ ଗରିବ ଗରଡିଆ ପ୍ରମୁଖ ଉପସ୍ଥିତ ଥିଲେ ।

ଏହି ଅବସରରେ ୪୦୦ ମିଟର ତ୍ରିରଙ୍ଗା ପତାକା ଧରି ପଦଯାତ୍ରା କରାଯାଇଥିଲା । ମୁନିଗୁଡ଼ା ସ୍ନାତକ ମହାବିଦ୍ୟାଳୟ ଠାରେ ଦେଶାତ୍ମବୋଧକ ନୃତ୍ୟ ଓ ସଙ୍ଗୀତ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଲୋକ ପ୍ରତିନିଧି, ଛାତ୍ରୀଛାତ୍ର, ବ୍ଲକ ସ୍ତରୀୟ ଅଧିକାରୀ, ଏବଂ ବିଏସଏଫ୍ ଯବାନ ଓ ପୋଲିସ ବିଭାଗର କର୍ମଚାରୀ ମିଳିତ ରେ ସ୍ଥାନୀୟ ଜନସାଧାରଣଙ୍କୁ ସଚେତନ ଟ୍ରାଫିକ ନିୟନ୍ତ୍ରଣ ରଖି ଆଜିର ଏହି ହର ଘର ତ୍ରିରଙ୍ଗା ପତାକା ସଭା ଯାତ୍ରା କାର୍ଯ୍ୟକ୍ରମ କୁ ସହଯୋଗ କରିଥିଲେ।
ବୋରିଆ ବିଜେପି ମଣ୍ଡଳ ପକ୍ଷରୁ ତ୍ରିରଙ୍ଗା ଶୋଭାଯାତ୍ରା

କଳାହାଣ୍ଡି (ସତ୍ୟ ନାରାୟଣ ମହାନନ୍ଦ ) କେସିଙ୍ଗା ବ୍ଲକ ବୋରିଆ ବିଜେପି ମଣ୍ଡଳ ସଭାପତି ଝସକେତନ ସାହୁ ଙ୍କ ନେତୃତ୍ୱ ରେ ଗୁରୁବାର ଗୁର୍ଜିମୁଣ୍ଡା ଯୋଗମାୟା ପିଠରୁ କାଣ୍ଡେଲ ଗ୍ରାମ ପର୍ଯ୍ୟନ୍ତ ଶୋଭାଯାତ୍ରା ବାହାରିଥିଲା | ଏହ ଅବସରରେ ଦେଶ ପାଇଁ ବଳିଦାନ ଦେଇଥିବା ବିରଶହୀଦ ତେମନ୍ତ ମାଝୀ ଏବଂ କାଣ୍ଡେଲ ସ୍ଥିତ ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇଥିଲା ବୋଲି ବରିଷ୍ଠ ବିଜେପି କର୍ମକର୍ତ୍ତା ପ୍ରକାଶ କରିଥିଲେ |

ଏଥିରେ ଯୁବମୋର୍ଚ୍ଚା ସଭାପତି ମୁନା ସ୍ୱାଇଁ, ରାଜ୍ୟ ସଂଯୋଜକ ତଥା ଓବିଶି ମୋର୍ଚ୍ଚା ଶଶାଙ୍କ ଶେଖର ମହଲା,ରାଜ୍ୟ କାର୍ଯ୍ୟକାରିଣୀ ସଦସ୍ୟ ଓ ଓବିଶି ମୋର୍ଚ୍ଚା ପ୍ରତାପ ବାଗ, ଜିଲ୍ଲା ପ୍ରତିନିଧି ଅଶୋକ କୁମାର, ପୋଢ଼, ଯୁବମୋର୍ଚ୍ଚା ସଂଯୋଜକ ଧନେଶ୍ଵର ସାହୁ, ପଥର୍ଲା ଶକ୍ତିକେନ୍ଦ୍ର ପ୍ରମୁଖ କୁଞ୍ଜବିହାରୀ ସାହୁ, କୁଣ୍ଡାବନ୍ଧ ଶକ୍ତିକେନ୍ଦ୍ର ପ୍ରମୁଖ ଅକ୍ଷୟ ରଣା ଓବିଶି ମୋର୍ଚ୍ଚା, ଲାଇତରା ଶକ୍ତିକେନ୍ଦ୍ର ପ୍ରମୁଖ ପ୍ରଭାତ ବିଶି, ଓବିଶି ସଭାପତି ସୁବାଷ ସାହୁ, କୃଷକ ମୋର୍ଚ୍ଚା ସଭାପତି ଡିଡିଓ ପ୍ରଧାନ,ପ୍ରମୁଖ ଉପସ୍ଥିତ ଥିଲେ |
ପୁଣି ଆଉ ଜଣେ ନାବାଳିକା…

ରାଜ୍ୟରେ ଅସୁରକ୍ଷିତ ମହିଳା … ଘରକୁ ଫେରିବା ବାଟରେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ….ଓଡିଶାରେର ଢେଙ୍କାନାଳରେ ଟପିଗଲା ସବୁ ସୀମା …. ସବୁ ସୀମା ପାର କରି ଭିଅଉଛନ୍ତି ନାରକୀୟ କାଣ୍ଡ, ନା ଅଛି ପୋଲିସ ର ଭୟ, ନା ମାନୁଛନ୍ତି ଆଇନ କାନୁନ, ହଁ ଦର୍ଶକବନ୍ଧୁ.ଢେଙ୍କାନାଳ ସଦର ଥାନା ତରଭା ଫାଣ୍ଡି ଅଞ୍ଚଳରେ ଘଟିଛି ଏଭଳି ଘଟଣା।ଘରକୁ ଫେରିବା ବାଟରେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗ।ପିଡିତା ଛାତ୍ରୀ ଜଣଙ୍କ ପାଟି କରି ଚିଲେଇବାରୁ ଘରୁ ଧାଇଁ ଆସିଥିଲେ ମାଆ। ଘଟଣାସ୍ଥଳରୁ ଚମ୍ପଟ ମାରିଥିଲେ ତିନି ଜଣ।ଫାଣ୍ଡିରେ ଏତଲା ପରେ ସଦରଥାନ ପୋଲିସ ତିନିଜଣଙ୍କୁ ଅଟକ ରଖି ଛାନଭିନ ଆରମ୍ଭ କରିଛି।

ଛାତ୍ରୀଙ୍କୁ ଡାକ୍ତରୀମାଇନା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଛି।ଘଟଣାକୁ ଚପାଇ ଦେବାକୁ ପୋଲିସ ଉଦ୍ୟମ କରୁଥିବା ଅଭିଯୋଗ କରିଛନ୍ତି ପିଡିତା ଛାତ୍ରୀ ଙ୍କ ମାଆ। ଏ ସମ୍ପର୍କରେ ପୋଲିସ୍ ର ପ୍ରତିକ୍ରିୟା ମିଳିପାରିନାହିଁ । ଢେଙ୍କାନାଳ ରେ ଦୁଇ ଟୀ ଘଟଣା ଘଟି ଲାଣି ଛାତ୍ରୀ ମାନଙ୍କ ସହ ଏଇଭଳି ଘଟଣା ନିନ୍ଦା କରୁଛନ୍ତି ସାଧାରଣ ଲୋକମାନେ
ବାଲି ମାଫିଆଙ୍କ ଷଡ଼ଯନ୍ତ୍ର,ଚାଲିଛି ବ୍ଲୁ ପ୍ରିଣ୍ଟ!

ଚୋରା ବାଲି ବେପାର ପାଇଁ ବାଲି ମାଫିଆଙ୍କ ବଡ଼ ଷଡ଼ଯନ୍ତ୍ର , ବାଲେଶ୍ବର ମାଇନ୍ସ ବିଭାଗ ଅଧିକାରୀଙ୍କୁ ମାରିବା ପାଇଁ ଚାଇଛି ବ୍ଲୁ ପ୍ରିଣ୍ଟ , ଏବେ ବାଲି ମାଫିଆଙ୍କ ଗାଡ଼ି ଧରିବା ହେଲେ ପଡ଼ିବ ମହଙ୍ଗା , ଖଣି ଅଧିକାରି ଙ୍କୁ ଗ୍ୟାଙ୍ଗରେଫ୍ କରିବାକୁ ଜଳେଶ୍ବରରେ ଚାଲିଛି ବଡ଼ ଯୋଜନା , କେମିତି ଓ କିପରି ଗ୍ୟାଙ୍ଗ ରେଫ୍ କରାଯିବ ଯୋଜନାର ଭିଡ଼ିଓ ଏବେ ସୋସିଆଲ ମିଡ଼ିଆରେ ହେଉଛି ଭାଇରାଲ , ତେବେ କେତେ ସୁରକ୍ଷିତ ରହିବେ ସରକାରୀ ଅଧିକାରୀ ଯାହା ଭାଇରାଲ ଭିଡ଼ିଓ ଏବେ ଜଳେଶ୍ବର ପୋଲିସକୁ ଦେଉଛି ବଡ଼ ଚ୍ୟାଲେଞଜ ।
ଜିଲ୍ଲାପାଳଙ୍କ ମିଳିତ ଅଭିଯୋଗ ଶୁଣାଣି

ଆନନ୍ଦପୁର ବଳଭଦ୍ର ନାରାୟଣ ଉଚ୍ଚ ବିଦ୍ୟାଳୟ ର ହଷ୍ଟେଲ ନିର୍ମାଣ କାମ ଅତି ନିମ୍ନ ମାନର ହେଉଥିବା ସମ୍ପର୍କରେ ତତ୍କାଳ ତଦନ୍ତ କରିବା ପାଇଁ କେନ୍ଦୁଝର ଜିଲ୍ଲାପାଳ ଙ୍କୁ ଅନୁରୋଧ କଲେ ଆନନ୍ଦପୁର ପ୍ରେସ ଫୋରମ୍ ସଭାପତି । ଆଜିର ଶିଶୁ କାଲିର ଭବିଷ୍ୟତ କୁହାଯାଉଥିବା ବେଳେ । ତାଙ୍କ ପାଇଁ ନିର୍ମାଣ ହେଉଥିବା ଏହି ନିମ୍ନ ମାନର ହଷ୍ଟେଲ ରୁ ସ୍ପଷ୍ଟ ଭାବରେ ଜଣାପଡୁଛି ଯେ କିଭଳି ଭାବେ ଶିଶୁ ମାନଙ୍କ ଜୀବନ ସହ ଖେଳା ଯାଉଛି । ରାଜ୍ୟ ସରକାରଙ୍କ ପକ୍ଷରୁ ଶିକ୍ଷାକୁ ଗୁରୁତ୍ଵ ଦିଆଯାଇ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି ହେଲେ ଏଠି କିଛି ପେଟି କଣ୍ଟାକଟର କୋଟି କୋଟି ଟଙ୍କା ଚଳୁ କରିବାକୁ ଉଦ୍ୟମ ଚଳାଇଛନ୍ତି । ଏନେଇ ଆନନ୍ଦପୁର ବ୍ଲକରେ ଚାଲିଥିବା ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ଜିଲ୍ଲାପାଳଙ୍କୁ ଦୃଷ୍ଟି ଆକର୍ଷଣ କରାଯାଇଛି ।

ଫୋରମ୍ ସଭାପତି ଉମେଶ ଚନ୍ଦ୍ର ପାଢ଼ୀ ଏନେଇ ପ୍ରେସମିଟ ଜରିଆରେ ସୂଚନା ଦେଇଛନ୍ତି । ପେଟି କଣ୍ଟାକଟର, ଓ ନୀରବ ରହିଥିବା ଯନ୍ତ୍ରୀ ମାନଙ୍କ ବିରୋଧରେ ଜିଲ୍ଲାପାଳ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ କରିଛନ୍ତି । ଆନନ୍ଦପୁର ବ୍ଲକ୍ ପରିସରରେ ସୋମବାର ଜିଲ୍ଲାପାଳଙ୍କ ମିଳିତ ଅଭିଯୋଗ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ବିଶାଲ ସିଂ, ଜିଲ୍ଲା ଆରକ୍ଷୀ ନୀତିନ କୁଶଲକର, ଜିଲ୍ଲା ପ୍ରକଳ୍ପ ନିର୍ଦ୍ଦେଶକ କୁମାର ନାଗଭୂଷଣ, ଆନନ୍ଦପୁର ।

ଉପଜିଲ୍ଲାପାଳ ନୀଳମାଧବ ସୁନା, ଏସ୍‌ଡିପିଓ ପ୍ରଶାନ୍ତ କୁମାର ବେହେରାଙ୍କ ସମେତ ଜିଲ୍ଲା ଓ ବିଭିନ୍ନ ବିଭାଗୀୟ ଉପଖଣ୍ଡସ୍ତରୀୟ ଅଧିକାରୀ ଉପସ୍ଥିତ ରହି ମୋଟ ୧୩୬ଟି ପଞ୍ଜିକୃତ ଅଭିଯୋଗର ଶୁଣାଣି କରିଥିଲେ । ଆବାସ, ଭତ୍ତା ଠାରୁ ଆରମ୍ଭ କରି ସରକାରୀ ସହାୟତା ସହିତ ବିଭିନ୍ନ ସମସ୍ୟାକୁ ନେଇ ଲୋକମାନେ ଜିଲ୍ଲାପାଳଙ୍କ ନିକଟରେ ଅଭିଯୋଗ ଦାଖଲ କରିଥିଲେ । ଲୋକମାନଙ୍କ ଅଭିଯୋଗ ଆଧାରରେ ସମ୍ପୃକ୍ତ ଅଧିକାରୀମାନେ ତୁରନ୍ତ ସମାଧାନ ଦିଗରେ ଦୃଷ୍ଟି ଦେବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ଆନନ୍ଦପୁର ବିଡିଓଙ୍କ ସଂଯୋଜନାରେ ବ୍ଳକର ସମସ୍ତ କର୍ମଚାରୀ ଅଭିଯୋଗ ଶୁଣାଣି କାର୍ଯ୍ୟକ୍ରମ ପରିକଳ୍ପନାରେ ସହ‌ଯୋଗ କରିଥିଲେ ।
ଟ୍ରାନ୍ସପୋର୍ଟ ଅଫିସରୁ ବଡ଼ ଧରଣର ଲୁଟ୍

ବଡ଼ବିଲରେ ଏକ ଟ୍ରାନ୍ସପୋର୍ଟ ଅଫିସରୁ ବଡ଼ ଧରଣର ଲୁଟ୍ । ବଡ଼ବିଲ – କିରିବୁରୁ ରାସ୍ତାରେ ଏସଡିପିଓ ଅଫିସ ଠାରୁ ମାତ୍ର ୧୦୦ ମିଟର ଦୂରରେ ଥିବା ସିଟି ସେଣ୍ଟର୍ ମାର୍କେଟ କମ୍ପ୍ଲେକ୍ସରେ ଏହି ଲୁଟ୍ ହୋଇଛି । କମ୍ପ୍ଲେକ୍ସର ବେସମେଣ୍ଟରେ ରହିଥିବା ରିଦ୍ଧିକନ୍ ଲଜିଷ୍ଟିକ୍ ଅଫିସର ପଛପଟ ଝରକା ଭାଙ୍ଗି ମଧ୍ୟ ରାତ୍ରୀରେ କଳାକନା ବୁଲାଇଛନ୍ତି ଦୃବୃର୍ତ୍ତ । ଅଫିସ ଲକରରେ ରହିଥିବା ଲକ୍ଷାଧିକ ଟଙ୍କା ନେଇଯିବା ସହଉ ବିଭିନ୍ନ ନଥିପତ୍ର, ପ୍ରିଣ୍ଟର ଓ ଡିଭିଆର୍ ଆଦି ପୋଡ଼ି ଦେଇଛନ୍ତି ଦୃବୃର୍ତ୍ତ। ଏଥିସହ ୪ଟି ସିସିଟିଭି କ୍ୟାମେରା ତାଡ଼ି ନେଇଯାଇଛନ୍ତି । ତେବେ କମ୍ପ୍ଲେକ୍ସ ଓ ଆଖ ପାଖରେ ଲାଗିଥିବା ଅନ୍ୟ କେତେକ ସିସିଟିଭି କ୍ୟାମେରାରେ ଦୃବୃର୍ତ୍ତଙ୍କ ଚିତ୍ର କଏଦ୍ ହୋଇଥିବା ଜଣାପଡ଼ିଛି ।

ଘଟଣାରେ ଏକାଧିକ ଦୃବୃର୍ତ୍ତ ସାମିଲ ଥିବାବେଳେ, ସେମାନେ ରେନ୍ କୋର୍ଟ ପିନ୍ଧିଥିବା କୁହାଯାଉଛି । ଖବର ପାଇ ବଡ଼ବିଲ ଏସଡିପିଓ ଏବଂ ଥାନା ଆଇଆଇସି ଘଟଣା ସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛନ୍ତି । ବିଭିନ୍ନ ସିସିଟିଭି ଫୁଟେଜକୁ ଯାଞ୍ଚ କରିବା ସହ ଅଧିକ ତଦନ୍ତ ପାଇଁ ସାଇଣ୍ଟିଫିକ୍ ଟିମକୁ ମଧ୍ୟ ଡକାଯାଇଛି । ଏନେଇ ସଂପୃକ୍ତ ଟ୍ରାନ୍ସପୋର୍ଟ ସଂସ୍ଥା କିମ୍ବା ପୋଲିସ କୌଣସି ପ୍ରତିକ୍ରିୟା ରଖିନାହାନ୍ତି ।