Tag: suchanatv24x7

ଘର ସଜାଡୁଛି ବିଜେଡି!

ଆରମ୍ଭ ହେଲାଣି ବିଜେଡିର ଘର ସଜଡା, ଶଙ୍ଖ ଗଡ଼କୁ ମଜଭୁତ କରିବାକୁ ମୂଳରୁ ଡାଳ ହେଲେଣି ସଭିଏଁ ପ୍ରସ୍ତୁତ, ଜନତାଙ୍କ ଠାରୁ ଆରମ୍ଭ କରି କର୍ମୀ, ନେତାଙ୍କଠୁ ନେତାମୂଖ୍ୟ ଅସଜଡ଼ା ହୋଇ ଥିଲେ ପ୍ରାୟ ବର୍ଷେ କାଳ, ସବୁ ଠିକ ଥିବାବେଳେ ପାଣ୍ଡିଆନ ଦମ୍ପତିଙ୍କ ଆବିର୍ଭାବ ବିଜେଡିକୁ ଅଡୁଆ ସୂତାରେ ଛନ୍ଦି ଦେଇଥିଲା। ଠିକ ଏତିକିବେଳେ ମନେ ପଡିଲା ଦଳର ସ୍ଥିତି ଓ ନେତାଙ୍କ ସମ୍ପର୍କରେ, ଦର୍ଶକବନ୍ଧୁ, ପୁରୁଖା ଅଲୋଡ଼ା ଥିବାବେଳେ ବହୁ ନେତାଙ୍କୁ ପାଣ୍ଡିଆନଙ୍କ ପାୱାର କରିଡରରେ ଦବଦବା ହଜମ ହେଉନି, ଆଉ ହେବ ବା କେମିତି, ନେତାମୁଖ୍ୟ ନବୀନ ଯେତେବେଳେ ତାଲା ମରା ଗୃହରେ ଆଉ ଚାବିକାଠି ଆଉଜଣଙ୍କ ହାତରେ ସେତେବଳେ ସିନିଅର ଓ ଜୁନିଅର ଦଳ ବିରୋଧି ହେବା ସ୍ୱାଭାବିକ, ହଁ ଆଜ୍ଞା ବୋଧହୁଏ ନବୀନ ଜଣିପାରିଲେ, ଯେ ଶଙ୍ଖ ଘର ଛାଡିବାକୁ ଅନେକ ହେଲେଣି ପ୍ରସ୍ତୁତ, ସେଥିପାଇଁ ଯୁବ ଓ ଛତ୍ର ନେତାଙ୍କୁ ନିଯୁକ୍ତ କରି ବିଜେଡି ନିଜର ଅସ୍ତିତ୍ବ ଜାହିର କରିବାର ଏହା ଏକ ରଣନୀତି ମଧ୍ୟ ହୋଇପାର, ତାହା ନ ହେଲେ ଏତେଦିନ ପରେ ପାଣ୍ଡିଆନଙ୍କୁ ଘୋର ବିରୋଧ ହେବା ସମୟରେ ଅଧାଅଧୁରା କାର୍ଯ୍ୟକୁ ପୁରା କରିବା ପାଇଁ କେମିତି ବା ମନେ ପଡିଲା, ତାହା ସାଧାରଣରେ ଆଶ୍ଚର୍ଯ୍ୟ କରୁଛି।

ଅନ୍ୟପଟେ ମହିଳା ମୋର୍ଚା ସଭାପତି ଚୟନ କେବେ ହେବ ଓ କିଏ ହେବେ ତାକୁ ନେଇ ବିଜେଡିରେ ମାନସ ମନ୍ଥନ ପ୍ରକ୍ରିୟା ଖୁବ ଜୋରସୋରରେ ଚାଲିଥିବା ନେଇ ଜଣାପଡିଛି। ଅନେକ ଦିନ ଧରି ବିଜେଡିର ଛାତ୍ର ଓ ଯୁବ ବିଜେଡି କର୍ମୀଙ୍କୁ ଏକ କରିବା ସହ ଦଳରେ ଲୋକଙ୍କୁ ଯୋଡିବା କାର୍ଯ୍ୟ ଜାରି ରଖିଛନ୍ତି ସମ୍ପୃକ୍ତ ବିଜେଡି ନେତାମାନେ, ତେବେ ହଠାତ କାହିଁକି ପାଣ୍ଡିଆନ ଝଡ଼ ସମୟରେ ବିଜେଡିର ଏ ନିଷ୍ପତ୍ତି? କିଏ ନେଉଛନ୍ତି ବିଜେଡି ଗୃହର ନିଷ୍ପତ୍ତି? ଏ ଅସମାହିତ ପ୍ରଶ୍ନ ଭିତରେ ଛନ୍ଦି ହୋଇଯାଇଛନ୍ତି ରାଜ୍ୟର ସାଧାରଣ ଜନତା, ତେବେ ଦେଖିବାକୁ ବାକି ରହିଲା, ରାଜ୍ୟରେ ଆଉଥରେ ବିଜେଡିର ପ୍ରତ୍ୟାବର୍ତ୍ତନର ପ୍ରଚେଷ୍ଟା କେତେ ସଫଳ ହେଉଛି।
ଓଡିଶାର ଯୁବା ଆଜି ବିପଥଗାମୀ!

ରାଜ୍ୟରେ ବଢିବାକୁ ଲାଗିଛି HIV ଏହା ଆପଣଙ୍କୁ ଏକ ଛୋଟ ସମସ୍ୟା ଭଳି ମନେ ହେଉଥିବ ନିଶ୍ଚୟ କିନ୍ତୁ ଏକ ରିପୋର୍ଟ ଆପଣଙ୍କୁ ଆଶ୍ଚର୍ଯ୍ୟଚକିତ କରିଦେବ କାରଣ ଏହି ସଂକ୍ରମଣରେ ଘାଣ୍ଟି ହେଉଛନ୍ତି ଯୁବ ଗୋଷ୍ଠୀ । ଓଡ଼ିଶା ରାଜ୍ୟ ଏଡସ୍ ନିୟନ୍ତ୍ରଣ ସୋସାଇଟିର ରିପୋର୍ଟ ଅନୁସାରେ ପୁରୁଷ ସହ ପୁରୁଷଙ୍କ ଅପ୍ରାକୃତିକ ଯୌନ ସମ୍ପର୍କ ଯୋଗୁଁ ଏଚଆଇଭି ପଜିଟିଭଙ୍କ ସଂଖ୍ୟା ବଢିବାରେ ଲାଗିଛି । ଯେଉଁଥିରୁ ପାଖାପାଖି ଅଧା ହେଉଛନ୍ତି ଯୁବ ଗୋଷ୍ଠୀ । ସେପଟେ ପଞ୍ଜିକୃତ ଏଡସ୍ ରୋଗୀଙ୍କ ଭିତରୁ ୩ ହଜାରରୁ ଅଧିକଙ୍କ ପତ୍ତା ନ ମିଳୁଥିବାରୁ ସଂକ୍ରମଣ ବୃଦ୍ଧିର ଭୟ ଦେଇ ଗତି କରୁଛି ଓଡ଼ିଶା । ଆସନ୍ତୁ ଜାଣିବା କଣ ରହିଛି ଏହାର ପ୍ରଭାବ HIV ରୋଗ କବଳରେ ଯୁବ ଗୋଷ୍ଠୀ, କାରଣ ଯୁବ ଗୋଷ୍ଠୀ ଏବେ ସମଲିଙ୍ଗୀ ଅପ୍ରାକୃତିକ ଯୌନ ସମ୍ପର୍କରେ ବ୍ୟସ୍ତ । ୧୭ରୁ ୩୫ ବର୍ଷ ବୟସର ୪୧ ପ୍ରତିଶତ ଯୁବଗୋଷ୍ଠୀ ଏଚଆଇଭି ପଜିଟିଭ ଯାହା ଦ୍ୱାରା ଯେଉଁମାନଙ୍କ ଭିତରେ ପ୍ରତିଶେଧକ ଶକ୍ତି କମ୍ ରହିଥାଏ ସେମାନେ ଏଡସ୍ ଆଡ଼କୁ ଠେଲି ହୋଇ କଲବଲରେ ଜୀବନ ହାରନ୍ତି ।

ତେବେ ଯଦି ଆମେ ମୃତ୍ୟୁ ହାର କଥା କହିବା ୧୩ ହଜାର ୧୭୭ ଏଚଆଇଭି ପଜିଟିଭଙ୍କ ମୃତ୍ୟୁ ହୋଇଥିବା ସରକାରୀ ସ୍ତରରେ ରିପୋର୍ଟ ଦିଆଯାଇଛି, ତେବେ ଯଦି ଆପଣଙ୍କୁ ଲାଗୁଛି ବିପଦ ଏତିକି ରେ ସରିଯାଇଛି ବୋଲି, ଆପଣ ଭୁଲ ଭାବୁଛନ୍ତି ବିପଦ ଏତିକିରେ ସରିନି ଓଡିଶାରେ ପଞ୍ଜିକୃତ ୬୫ ହଜାର ୨୧୪ ଏଚଆଇଭି ପଜିଟିଭଙ୍କ ଭିତରୁ ଯେଉଁ ୩୯୯୮ ସଂକ୍ରମିତଙ୍କ ପତ୍ତା ମିଳୁନି । ସେମାନଙ୍କ ଭିତରୁ ଅନେକ ରାଜ୍ୟ ବାହାରକୁ ଚାଲି ଯାଇଛନ୍ତି ବା କିଛି ଲୋକ ବାହାର ରାଜ୍ୟରୁ ଆସି ଓଡ଼ିଶାରେ ଟେଷ୍ଟିଂ କରିଛନ୍ତି । ଏପରିକି କିଛି ଲୋକ ସମାଜ ବାସନ୍ଦ ଭୟରେ ନିଜ ଭୁଲ ପରିଚୟ ଦେଇଥିବା କଥା ଯାଞ୍ଚ ପରେ ଜଣାପଡ଼ିଛି । ଏହି ନିଖୋଜ ଏଚଆଇଭି ପିଜିଟିଭ ସଂକ୍ରମିତଙ୍କ ସହ ଅଜାଣତରେ ଯଦି କେହି ଶାରୀରିକ ସଂପର୍କ ରଖନ୍ତି ପରିସ୍ଥିତି ସଙ୍ଗୀନ ହୋଇଯିବ ।

ଏଚଆଇଭ ପିଜିଟିଭରୁ ଏଡସ୍ । ଏହାର କୌଣସି ଚିକତ୍ସା ନାହିଁ। ହେଲେ ଏଚଆଇଭି ପିଜିଟିଭ ଜଣାପଡ଼ିବା ମାତ୍ରେ ସଂକ୍ରମିତଙ୍କୁ ଆଣ୍ଟି ରେଟ୍ରୋଭାଇରାଲ ଥେରାପି ଏଆରଟି ଦେବା କଥା । ତେବେ ୬୫ ହଜାର ୨୧୪ ସଂକ୍ରମିତଙ୍କ ମଧ୍ୟରୁ ୫୫ ହଜାର ୧୪୨ ଜଣ ଏଆରଟି ପଞ୍ଜିକରଣ କରିଛନ୍ତି । ବାକି ୧୦ ହଜାର ୧୨୯ ଏଆରଟି ପଞ୍ଜିକରଣ କରି ନଥିବାରୁ ଚିନ୍ତା ଆହୁରି ବଢିଛି ।
ସରୋବର ଯୋଜନାରେ ମହାଦୁର୍ନୀତି

ଅମୣତ ସରୋବର ଯୋଜନାରେ ମହାଦୁର୍ନୀତି। ଯୋଜନା ନାମରେ ଖାଇଗଲେ ଲକ୍ଷାଧିକ ଟଙ୍କା । ଖେlଦ ମୂଖ୍ୟମନ୍ତ୍ରୀ ବ୍ଲକରେ ଏଭଳି ଏମିତି ଦୁର୍ନୀତି ସାମ୍ନାକୁ ଆସିଛି ।ଏହାର ଉଚ୍ଚ ସ୍ତରୀୟ ତଦନ୍ତ ଦାବୀ କରିଛନ୍ତି ଗ୍ରାମବାସୀ । କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ କୁଟୁଗାଁ ପଞ୍ଚାୟତ ଅନ୍ତର୍ଗତ ସାନଯେlଡା ଗାଁ ରେ ଅମୣତ ସରୋବର ଯୋଜନାରେ ହରିଲୁଟ ହେବା ନେଇ ଗ୍ରାମବାସୀ ଅଭିଯୋଗ କରି ତଦନ୍ତ ପାଇଁ ଦାବୀ କରିଛନ୍ତି ।

ଏହି ଦୂର୍ନୀତିରେ ପଞ୍ଚାୟତ କର୍ତୣପକ୍ଷ ସହିତ ବ୍ଲକ କର୍ତୣପକ୍ଷ ମିଶି ଅର୍ଥ ହରିଲୁଟ ବେଳେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ସତ୍ୱେ ଗାଁ ର ଏକ ମାତ୍ର ପୋଖରୀ ଲୋକଙ୍କ କାମରେ ଲାଗି ପାରୁନାହିଁ । ଝୁମ୍ପୁରା ବ୍ଲକ ସାନଯୋଡା ଗାଁ ପୋଖରୀ ର ଉନ୍ନତି କରଣ ପାଇଁ ୨୦୨୧-୨୨ ଆର୍ଥିକ ବର୍ଷରେ ଚାରି ଲକ୍ଷ ଟଙ୍କା ଯୋଗାଇ ଦିଆଯିବା ପରେ ୨୦୨୨-୨୩ ଆର୍ଥିକ ବର୍ଷରେ ଅମୣତ ସରେlବର ଯେlଜନାରେ ସେହି ପେlଖରୀକୁ ଦଶ ଲକ୍ଷ ଟକାଂ ଯେlଗାଇ ଦିଆଯାଇଥିଲା ।

ତେବେ ୧୪ ଲକ୍ଷ ଟକାଂ ଅନୁଦାନ ସତ୍ୱେ ଏହି ପେlଖରୀ ଏବେ ଯଥା ପୂର୍ବଂ ତଥା ପରଂ ସ୍ଥିତିରେ ରହିଛି l ନାମକୁ ମାତ୍ର ପେlଖରୀରେ ଏକ ପାହଚ କାମ ସହିତ କିଛି ଅଂଶରେ ଗାଡଓ୍ବାଲ କାମ କରାଯାଇ ଅନୁଦାନର ସି଼ଂହ ଭାଗ ଅଂଶ ହରିଲୁଟ କରାଯାଇଥିବା ବେଳେ ଏବେ ଏହି ପେlଖରୀରେ ଗାଧେlଇବାକୁ ଗ୍ରାମବାସୀ ଭୟ କରୁଛନ୍ତି l ଗାଁ ଗୁଡିକରେ ରହିଥିବା ପେlଖରୀ ଗୁଡିକର ପୁନ୍ନରରୁଦ୍ଧାର ସହ ପେlଖରୀର ଚର୍ତୁପାର୍ଶ ସୈlନ୍ଦର୍ଯ୍ୟ କରଣ ପାଇଁ ଏହି ଅନୁଦାନ ଯେlଗାଇ ଦିଆଯାଇଥିବା ବେଳେ ଏଠାରେ ନାମ ମାତ୍ର କାମ କରାଯାଇ ଏହି ଅନୁଦାନ ଅର୍ଥକୁ ହରିଲୁଟ କରାଯାଇଥିବାରୁ ଏନେଇ ଗାଁ ରେ ଅସନ୍ତୋଷ ସହ ଏହାର ତଦନ୍ତ ଦାବୀ କରିଛନ୍ତି ଗ୍ରାମ ବାସୀ
ଯାଦବ ମହାସଭା ପକ୍ଷରୁ ଜିଲ୍ଲା କାର୍ଯ୍ୟକାରିଣୀ ବୈଠକ

ଯାଜପୁର ଜିଲ୍ଲା ଯାଦବ ମହାସଭା ପକ୍ଷରୁ ପୂର୍ଣ୍ଣାଙ୍ଗ କାର୍ଯ୍ୟକାରିଣୀ ବୈଠକ ଅନୁଷ୍ଠିତ।ଦାନଗଦି ବ୍ଲକ ସଭାପତି ଶ୍ରୀଯୁକ୍ତ ରବୀନ୍ଦ୍ର ବାରିକଙ୍କ ଆହ୍ବାନ କ୍ରମେ ଯାଜପୁର ଜିଲ୍ଲା ଯାଦବ ମହାସଭା ପକ୍ଷରୁ ବ୍ଲକ କାର୍ଯ୍ୟକାରିଣୀ ଓ କର୍ମକର୍ତ୍ତା ଚୟନ ବୈଠକ ଚିତ୍ରୀ ଗ୍ରାମରେ ଅନୁଷ୍ଠିତ ହୋଇଯାଇଛି । ଉକ୍ତ ସଭାକୁ କାର୍ଯ୍ୟକାରୀ ସଭାପତି ନିର୍ମଳ କୁମାର ଜୋତି ସଭାପତିତ୍ୱ କରିଥିଲେ ।

ଯାଦବ ସଂଗଠନ କିପରି ଆହୁରି ସୁଦୃଢ଼ ଓ ସଶକ୍ତ ହୋଇପାରିବ ଏହି ବିଷୟରେ ଜିଲ୍ଲା ସଭାପତି ରାମଚନ୍ଦ୍ର ବେହେରା ଆହ୍ୱାନ ଦେବା ସହିତ ହଜିଯାଉଥିବା ଯାଦବ ବଂଶର ପରମ୍ପରା ଓ ସଂସ୍କୃତି କିପରି ଉଜିବିତ ରହିପାରିବ ପରାମର୍ଶ ଦେଇଥିଲେ ।

ଉକ୍ତ ବୈଠକରେ ଉପଦେଷ୍ଟା ପଦ୍ମକର ଗୁରୁ,ସାଧାରଣ ସମ୍ପାଦକ ମନୋଜ କୁମାର ଦାସ,ମହିଳା ସଭାପତି ସ୍ନେହଲତା ବାରିକ,ପ୍ରସନ୍ନ କୁମାର ବେହେରା ପ୍ରମୁଖ ସହ ୧୦ବ୍ଳକର ସଭାପତି,ଅନ୍ୟ କର୍ମକର୍ତ୍ତା ଓ ଜିଲ୍ଲାରୁ ଆସିଥିବା ଯାଦବ ସଦସ୍ୟ ଉପସ୍ଥିତ ଥିଲେ ।
ସାମୁହିକ ଭାବେ ନୂଆଖାଇ ପାଲିଲେ କୁଳିଆମାଳ ସାହୁ ପରିବାର

ପଶ୍ଚିମ ଓଡିଶା ର କୃଷି ଭିତ୍ତିକ ମୁଖ୍ୟ ଗଣପର୍ବ ହେଉଛି ନୂଆଖାଇ |ଯାହା ଆଜି ସମଗ୍ର ପଶ୍ଚିମ ଓଡିଶା ନୂଆଖାଇ ପର୍ବ କୁ ପାଳନ କରୁଛନ୍ତି |ଏହି ପର୍ବ ସହର ଠାରୁ ପୂରପଲ୍ଲୀ ପର୍ଯ୍ୟନ୍ତ ହର୍ଷ ଉଲ୍ଲାସ ରେ ଭାଦ୍ରବ ମାସ ଶୁକ୍ଳ ପକ୍ଷ ପଞ୍ଚମୀ ତିଥିରେ ପୂର୍ବ ପରମ୍ପରା ଅନୁସାରେ ପୂର୍ବ ପୁରୁଷ ମାନେ ନିଜର ପ୍ରଥମ ଉତ୍ପାଦନ ଶସ୍ୟ କୁ ନିଜର ଇଷ୍ଟ ଦେଵୀ ପାଖେ ଭୋଗ ଲଗାଇବା ସହ ନବାନ୍ନ ଭକ୍ଷଣ କରିବା କାହିଁ କେଉଁ ଯୁଗରୁ ଏହି ପ୍ରଥା ଚାଲିଆସୁଅଛି |ଏହି ଅବସରରେ କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଅଧୀନ କୁଳିଆମାଲ ଗାଁ ର ସାହୁ ପରିବାର ମଧ୍ୟ ପ୍ରତିବର୍ଷ ଭଳି ଚଳିତ ନୂଆଖାଇ ରେ ମଧ୍ୟ ନିଜର ପୂର୍ବ ପୁରୁଷ ଙ୍କ ଦ୍ୱାରା ପ୍ରଚଳିତ ପରମ୍ପରା ଅନୁଯାଇ ଏହି ବର୍ଷ ପାରିବର ୪୯ ଜଣ ସାମୁହିକ ଭାବେ ନୂଆଖାଇ ପାଳନ କରି ନିଜର ଭାତୃତ୍ବ ଏବଂ ଭାଇଚାରା ର ସମ୍ପର୍କ କୁ ନିବିଡ଼ କରିଥିଲେ | ଏବଂ କୁଳିଆମାଳ ଗାଁ ର ସାହୁ ପଶ୍ଚିମ ଓଡିଶା ର ମହାନ କୃଷି ଭିତ୍ତିକ ଗଣପର୍ବ ନୂଆଖାଇ କୁ ସ୍ୱପରିବାର ମିଶି ବେଶ ଆନନ୍ଦ ଉଲ୍ଲାସ ରେ ପାଳନ କରିଥିଲେ |

ସର୍ବ ପ୍ରଥମେ ପରିବାର ମୁଖିଆ ଙ୍କ ନେତୃତ୍ୱ ରେ ଘର ର ଅନ୍ୟ ବୟଜ୍ୟୋଷ୍ଠ ଏକତ୍ରିତ ହୋଇ ଘର ଇଷ୍ଟ ଦେବଦେବୀ ଙ୍କୁ ପୂଜାର୍ଚ୍ଚନା କରିଥିଲେ |ଶେଷ ରେ ପରିବାର ମୁଖିଆ ସମସ୍ତ ଙ୍କୁ ନବାନ୍ନ ଖାଇବା କୁ ପାଛୋଟି ଥିଲେ |ନୂଆଖାଇ ବା ନବାନ୍ନ ଭକ୍ଷଣ ପରେ ଆରମ୍ବ ହେଲା ନୂଆଖାଇ ଜୁହାର ଭେଟଘାଟ ଯାହା ସମସ୍ତେ ନୂତନ ବସ୍ତ୍ର ପରିଧାନ ପରେ ଛୋଟ ମାନେ ପରିବାର ବଡ ଲୋକଙ୍କୁ ମୁଣ୍ଡିଆ ମାରି ଆଶ୍ରିବାଦ ଲାଭ କରିଥିଲେ | ଏହି ଅବସରରେ ପରିବାର ଯୁବକ ଯୁବତୀ ମହିଳା ପ୍ରମୁଖ ନୂଆଖାଇ ର ମଜା କୁ ସଂସ୍କୃତିକ କାର୍ଯ୍ୟକ୍ରମ ରେ ଭରପୁର ଉପଭୋଗ କରିଥିଲେ | ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ବେଶ ଉତ୍ସାହ ଆନନ୍ଦ ଏବଂ ଭାଇଚାରା ର ସମ୍ପର୍କ କୁ ବଜାଇ ରଖିଲୁ ବୋଲି ସାହୁ ପରିବାର ଛୋଟ ରୁ ବଡ଼ ବେଶ ଉତ୍ସଵ ମୁଖଥିଲେ |
ମହାସିନ୍ଧୁ ଗ୍ରାମରେ ଆରମ୍ଭ ହେଲା ସାପ୍ତାହିକ ବଜାର

ରିଆମାଳ ବ୍ଳକ ଅନ୍ତର୍ଗତ ନୂଆଡିହ ପଞ୍ଚାୟତ ଅନ୍ତର୍ଗତ ମହାସିନ୍ଧୁ ଗ୍ରାମରେ ଆଜି ଠାରୁ ସାପ୍ତାହିକ ବଜାର ଆରମ୍ଭ ହୋଇଯାଇଛି |

ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ଗୁଣ୍ଡିଆପାଲି ପଞ୍ଚାୟତ ସରପଞ୍ଚ ପ୍ରକାଶ କୁମାର ଆଚାର୍ଯ୍ୟ ଓ ନୂଆଡିହ ଗ୍ରାମ ପଞ୍ଚାୟତର ସରପଞ୍ଚ ମୋତିମାଳା ମହାକୁଳ , ଓ କୋଲ୍ହବସା ପଞ୍ଚାୟତର ସରପଞ୍ଚ ଶ୍ରୀମତୀ ସୁଶ୍ରୀ ସଂଗୀତା ସାହୁ ତାଙ୍କ ସହିତ ନୂଆଡିହ ପଞ୍ଚାୟତ ର ନାଏବ ସରପଞ୍ଚ ବିଷ୍ଣୁ ଚରଣ ଦେହୁରୀ, ବୁଦ୍ଧିଜିବୀ ମନମୋହନ ମହାକୁଳ ଗ୍ରାମ ର ଦେବାଧୀ ସାହୁ ରହି ଉଦଘାଟନ କରିଥିଲେ |

ଏହି ବଜାରଟି ପ୍ରତ୍ୟେକ ଗୁରୁବାର ସକାଳ ସମୟରେ ଆରମ୍ଭ ହେବା ପାଇଁ ସ୍ଥିରୀକୃତ ହୋଇଛି |ଏହି ବଜାର ପାଇଁ ମହାସିନ୍ଧୁ,ବନାକାଲ,ତଥା ନିକଟରେ ଥିବା ଗ୍ରାମ ର ଲୋକ ମାନେ ସୁବିଧା ପାଇପାରିବେ |
ଗଣେଷ ପୂଜା ପାଇଁ ଚଳଚଞ୍ଚଳ ବନ୍ଦର ନଗରୀ ପାରାଦୀପ

ଆରମ୍ଭ ହୋଇଛି ପାର୍ବଣ ଋତୁ । ସର୍ବାଗ୍ରେ ପୂଜା ପାଉଛନ୍ତି ବିଘ୍ନରାଜ ଗଣେଷ । ଗଣେଷ ପୂଜାକୁ ନେଇ ଚଳ ଚଞ୍ଚଳ ବନ୍ଦର ନଗରୀ ପାରାଦୀପ। ପାରାଦୀପରେ ପାଖାପାଖି ୪୦ ରୁ ଉର୍ଦ୍ଧ୍ବ ପୂଜା ମଣ୍ଡପରେ ପୂଜା ପାଉଛନ୍ତି ବିଘ୍ନରାଜ ଗଣେଷ। ସେହିପରି ବିଭିନ୍ନ ସ୍କୁଲ ମାନଙ୍କରେ ପୂଜା ପାଉଛନ୍ତି ବାବା ଗଣେଷ। ସକାଳୁ ସକାଳୁ ଛାତ୍ର,ଛାତ୍ରୀମାନେ ନୂତନ ପୋଷାକ ପରିଧ୍ୟାନ କରି ହାତରେ ଭୋଗସାମଗ୍ରୀ ଧରି ସ୍କୁଲରେ ପହଞ୍ଚିବା ପରେ ଆରମ୍ଭ ହୋଇଥିଲା ବାବା ଗଜାନନଙ୍କ ପୂଜା।

ବ୍ରାହ୍ମଣଙ୍କ ମନ୍ତ୍ର ଧ୍ୱନିରେ ଆବାହନ କରାଯାଇଥିଲା ବାବା ଗଜାନନଙ୍କୁ। ହୋମ ଯଜ୍ଞରେ ପ୍ରକମ୍ପତ ହୋଇଥିଲା ପୂଜା ସ୍ଥାନ। ଛାତ୍ର,ଛାତ୍ରୀମାନେ ପୁଷ୍ପାଜଂଳି ଦେବା ସହିତ ନଡିଆ ଭାଙ୍ଗି ଗଜାନନଙ୍କ ସାନିଧ୍ୟ ଲାଭ କରିଥିଲେ। ଶେଷରେ ନିଜର ମନଷ୍କାମନା, ପରିବାରର ମଙ୍ଗଳ ଓ ସମାଜର ମଙ୍ଗଳ ପାଇଁ ବିଘ୍ନରାଜ ଗଣେଷଙ୍କ ନିକଟରେ ଆଳତି କରିବା ସହିତ ପ୍ରଣାମ କରିଥିଲେ ।
ବାଲୁକା ଚିତ୍ରକଳାରେ ପ୍ରଧାନମନ୍ତ୍ରୀ ଙ୍କ ବାର୍ତ୍ତା ‘ଆତ୍ମ ନିର୍ଭର ଭାରତ ‘

ପ୍ରଭୁ ଗଜାନନ ଙ୍କ ପୂଜା ତଥା ଗଣେଶ ପୂଜା କୁ ନେଇ ସାରା ଦେଶ ଏବେ ଉତ୍ସବ ମୁଖର । ସବୁଆଡ଼େ ଗଣେଶ ପୂଜା କୁ ଧୁମ୍ ଧାମ ରେ ପାଳନ ପାଇଁ ହୋଇଚି ବ୍ୟାପକ ପ୍ରସ୍ତୁତି । ତେବେ ଏହି ଅବସର ରେ ଗଣେଶ ପୂଜା ର ଅଭିନନ୍ଦନ ବାଲୁକା ଚିତ୍ରକଳା ମାଧ୍ୟମ ରେ ଦେଇଛନ୍ତି ବିଶିଷ୍ଟ ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।

ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଏକ ନିଆରା ବାଲୁକା ଚିତ୍ରକଳା ନିର୍ମାଣ କରିଛନ୍ତି ସୁଦର୍ଶନ । ବାଲିରେ ଲେମନ୍ ଗଣେଶ ମୂର୍ତି ସେ ନିର୍ମାଣ କରିଛନ୍ତି । ଦେଢ଼ ହଜାର (୧୫୦୦) ଲେମ୍ବୁ କୁ ଏହି ବାଲୁକା ଚିତ୍ରକଳା ରେ ସ୍ଥାପନ କରାଯାଇଛି। ଯାହାକି ବେଶ୍ ଆକର୍ଷଣୀୟ ହୋଇଛି। ତେବେ ଏହି ବାଲୁକା ଚିତ୍ରକଳା ମାଧ୍ୟମ ରେ ପ୍ରଧାନମନ୍ତ୍ରୀ ଙ୍କ ବାର୍ତ୍ତା ‘ଆତ୍ମ ନିର୍ଭର ଭାରତ ‘ ର ବାର୍ତ୍ତା ରହିଛି ।
କିଏ ମାଡି ବସିଲା ରାହୁଲଙ୍କୁ!

ଭିଡରୁ ଦୈଡି ଆସିଲା ରାହୁଲ ପ୍ରେମି … କିଛି କହିବା … ବୁଝିବା ଆଗରୁ ମାଡି ବସିଲା ଉପରେ ଆଉ ତା ପରେ କିସ୍ କରିବାକୁ ଚେଷ୍ଟା ….ଚାଲିଥିଲା ବାଇକ ରାଲି। ହେଲମେଟ ପିନ୍ଧି ବୁଲେଟ୍‌ ଚଲାଉଥିଲେ ରାହୁଲ ଗାନ୍ଧୀ। ପଛରେ ବସିଥିଲେ କଂଗ୍ରେସର ପ୍ରଦେଶ ଅଧ୍ୟକ୍ଷ ରାଜେଶ ରାମ । ଆଉ ସାଙ୍ଗରେ ଥିଲେ ସୁରକ୍ଷା କର୍ମୀ । ବିଭିନ୍ନ ନାରାରେ କମ୍ପୁଥିଲା ପୂରା ରାସ୍ତାଘାଟ। ହଜାର ହଜାର ଲୋକଙ୍କ ଭିଡ଼ ଭିତରେ ଅଧିକାର ଯାତ୍ରା କରୁଥିଲେ କଂଗ୍ରେସର ଯୁବରାଜ । ଏତିକି ବେଳେ ହଠାତ ଜଣେ ଯୁବକ ଗହଳି ଭିତରୁ ମାଡି ଆସିଥିଲେ। ଆଉ ରାହୁଲଙ୍କୁ କିସ୍‌ କରିବାକୁ ଚେଷ୍ଟା କରିଥିଲେ। ନାଲି ସାର୍ଟ ପିନ୍ଧିଥିବା ଜଣେ ଯୁବକ ଗହଳିରୁ ବାହାରି ଆସି ରାହୁଲଙ୍କ ନିକଟରେ ପହଞ୍ଚିଥିଲେ । ଆଉ ରାହୁଲଙ୍କୁ ଚୁମ୍ବନ ଦେବାକୁ ଟ୍ରାଏ କରିଥିଲେ । କିନ୍ତୁ ତା ପୂର୍ବରୁ ମାଡ଼ି ବସିଥିଲେ ସୁରକ୍ଷାକର୍ମୀ ।

ବିହାରରେ ଭୋଟର୍‌ ଅଧିକାର ଯାତ୍ରା ସମୟରେ ପ୍ରଥମ ଥର ପାଇଁ ପୂର୍ଣ୍ଣିଆରେ ରାହୁଲ ଗାନ୍ଧୀ ଏବଂ ତେଜସ୍ୱୀ ଯାଦବ ବୁଲେଟ ଚଢ଼ିଥିଲେ। ଉଭୟ ନେତା ପ୍ରାୟ ୨୦ କିଲୋମିଟର ଦୂର ବାଇକରେ ଅତିକ୍ରମ କରିଥିଲେ। ଏହି ସମୟରେ ସୁରକ୍ଷା କର୍ମୀଙ୍କ ପାଇଁ ନେତାଙ୍କ ସୁରକ୍ଷା ଥିଲା ଏକ ବଡ଼ ଚ୍ୟାଲେଞ୍ଜ। ଆଉ ସୁରକ୍ଷାରେ ତ୍ରୁଟି ମଧ୍ୟ ଘଟିଥିଲା । ସୁରକ୍ଷା ବଳୟ ଭେଦ କରି ଜଣେ ଯୁବକ ଲାଇନବଜାର ନିକଟରେ ରାହୁଲ ଗାନ୍ଧୀଙ୍କ ନିକଟରେ ପହଞ୍ଚି ତାଙ୍କୁ କୁଣ୍ଢେଇ ପକାଇବା ସହ କିସ୍ କରିବାକୁ ଚେଷ୍ଟା କରିଥିଲେ । ହେଲେ ଅଳ୍ପକେ ବର୍ତ୍ତି ଯାଇଥିଲେ ରାହୁଲ । ଏହା ପରେ ସୁରକ୍ଷା କର୍ମୀମାନେ ତୁରନ୍ତ ତାଙ୍କୁ ଟାଣି ଚାପୁଡ଼ା ମାରିବା ସହ ସେଠାରୁ ଦୂରକୁ ନେଇ ଯାଇଥିଲେ। ପୋଲିସକୁ ହସ୍ତାନ୍ତର କରିଥିଲେ । ଏହି ଘଟଣା ପରେ ରାହୁଲଙ୍କ ଗାଡି କିଛି ସମୟ ପାଇଁ ଅଟକି ଯାଇଥିଲା। ତେବେ ରାହୁଲଙ୍କୁ କିସ୍‌ କରୁଥିବା ଚେଷ୍ଟା କରୁଥିବା ଯୁବକ ଜଣକ କିଏ? ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ଏହି ପୂରା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଡ୍ୟାମରୁ ମିଳିଲା ମୃତଦେହ

ରାୟଗଡ଼ା ଜିଲ୍ଲା ବିଷମକଟକ ଥାନା ଅନ୍ତର୍ଗତ ଦୁର୍ଗୀ ପଞ୍ଚାୟତ ର କଣ୍ତମପଦର ଡ଼୍ୟାମରେ ମୃତ ଶବ ଭାସୁଥିବା ଦେଖିବାକୁ ମିଳିଥିଲା । ଆଜି ଭାଲେରି ସୋମବାର ହାଟକୁ ଯିବା ସମୟରେ ମୃତ ଶବ ଡ଼୍ୟାମରେ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ସଙ୍ଗେ ସଙ୍ଗେ ସ୍ଥାନୀୟ ସରପଞ୍ଚଙ୍କୁ ଖବର ଦେଇ ଥିଲେ । ଘଟଣା ସ୍ଥଳରେ ସରପଞ୍ଚ ପହଞ୍ଚି ପୋଲିସ୍ ଓ ଅଂଗ୍ନିଶମ ବାହିନୀ କୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ୍ ଓ ଅଂଗ୍ନିଶମ ବାହିନୀ ପହଞ୍ଚି ଶବ ଟିକୁ ଡ଼୍ୟାମ ଭିତରୁ ଉଦ୍ଧାର କରିଥିଲେ । ଉଦ୍ଧାର କରିବା ପରେ ସ୍ଥାନୀୟ ଲୋକେ ଶବକୁ ଚିହ୍ନଟ କରି ତାଙ୍କ ସଂମ୍ପର୍କୀୟ ଲୋକ ଙ୍କୁ ଖବର ଦେଇଥିଲେ ।

ମୃତ ମହିଳା ଜଣକ ହେଲେ କବିତା କୁମ୍ବ୍ରିକା । ସ୍ବାମୀ ନୂଆ ପ୍ରାସ୍କାକା ଗ୍ରାମ ବଡକାଚାପାଇ । ଦୁହେଁ ପରସ୍ପରକୁ ଭଲ ପାଇ ବିବାହ କରିଥିଲେ । ବିବାହ ର ଗୋଟିଏ ବର୍ଷ ନପୁରୁଣୁ ନିରିହ ଜୀବନ ଚାଲିଗଲା । ନା ଦେଖିଥିଲା ସଂସାର ନା ପାଇଥିଲା ପରିବାର । ମୃତ ମହିଳା ଜଣକ କାଲପାଇ ଗ୍ରାମର ବୋଲି ଜଣାପଡିଛି । ତାଙ୍କ ବଡ ଭଉଣୀ କହିବା ଅନୁଯାୟୀ ସେ ଏକ ଘରୋଇ ପାଳ ମିଲ୍ ରେ କୁଲି କାମ କରୁଥିଲେ । ଶନିବାର ଦିନ ସାଙ୍ଗ ସାଥିଙ୍କ ସହ କାମକୁ ଯାଇ ସବୁ ଦିନ ପରି ଆଉ ଘରକୁ ଫେରିନଥିଲେ ।

ତାଙ୍କ ସ୍ବାମୀ ଘରକୁ ଏପର୍ଯ୍ୟନ୍ତ ଫେରି ନାହାନ୍ତି ବୋଲି ଗାଁ ସାରା ଓ ସମ୍ପର୍କୀୟ ଲୋକଙ୍କୁ ପଚରାଉଚରା କରି ଖୋଜାଖୋଜି କରିଥିଲେ କିନ୍ତୁ ପାଇନଥିଲେ । ହଠାତ୍ ହାଟକୁ ଯାଉଥିବା ଲୋକମାନଙ୍କ ଠାରୁ ଖବର ପାଇଥିଲେ ଏକ ମୃତ ଦେହ ଡ଼୍ୟାମ ଭିତରେ ଭାସୁଛି । ଏନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ତେବେ କେଉଁ କାରଣରୁ ମୃତ୍ୟୁ ଘଟିଛି ତାହା ଅସ୍ପଷ୍ଟ ଥିବା ବେଳେ ପୋଲିସ ସେନେଇ ଅଧିକ ତଦନ୍ତ ଚଳାଇଥିବା ଜଣାପଡିଛି ।