Tag: suchanatv24x7

ସ୍ୱର୍ଗତ ଲୁଲୁ ମହାପାତ୍ରଙ୍କ ନବମ ଶ୍ରାଦ୍ଧ ଦିବସ ପାଳିତ

ମୋର ଜୀବନ ଥିବା ପର୍ଯ୍ୟନ୍ତ ମୋର ପ୍ରିୟ ବନ୍ଧୁ ସ୍ୱର୍ଗତ ଲୁଲୁ ମହାପାତ୍ରଙ୍କର ଶ୍ରଦ୍ଧାଞ୍ଜଳି ଦେଇଆସୁଥିବି : ଅମିୟ ଦାସ

ଓଡ଼ିଶାର ବିଶିଷ୍ଟ ରାଜନେତା ସ୍ଵର୍ଗତ ଲଲାଟେନ୍ଦୁ ବିଦ୍ୟାଧର ମହାପାତ୍ର (ଲୁଲୁ ମହାପାତ୍ର) ଙ୍କ ନବମ ଶ୍ରାଦ୍ଧବାର୍ଷିକୀ ଭୁବନେଶ୍ୱରସ୍ଥିତ ଚେତନା କଲେଜ ଅଫ୍ ସ୍ପେଶାଲ୍ ଏଜୁକେସନ ଠାରେ ଆୟୋଜିତ ହୋଇଯାଇଛି। ଅମିୟ କୁମାର ଦାସ ଫାଉଣ୍ଡେସନ ଏବଂ କଳିଙ୍ଗ ଯୁବ ସେନାର ମିଳିତ ସହଯୋଗରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ଚେତନା ଅନୁଷ୍ଠାନର ଦିବ୍ୟାଙ୍ଗମାନଙ୍କୁ ଖାଦ୍ୟ ପ୍ରଦାନ କରାଯିବା ସହ ବିଭିନ୍ନ କାର୍ଯ୍ୟକ୍ରମ କରାଯାଇଥିଲା। ଏଥିସହିତ ସ୍ୱର୍ଗତ ଲୁଲୁ ମହାପାତ୍ରଙ୍କୁ ସମସ୍ତେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଜଣାଇଥିଲେ।ଲୁଲୁଙ୍କ ଦାମ୍ଭିକତା, ନିର୍ଭୀକତା , ଅପ୍ରିୟ ସତ କହିବାର ସାହସ ଓ ରାଜନୀତିରେ ଦୁଃସାହସିକତା ପ୍ରଦର୍ଶନ କରିବାର ପ୍ରବଣତା ଅନନ୍ୟ ପ୍ରେରଣା ପ୍ରଦାନ କରିଥିଲା। ଜୀବନର ଅନ୍ତିମ ମୁହୁର୍ତ୍ତ ପର୍ଯ୍ୟନ୍ତ ତାଙ୍କ ସହ ଯୋଡି ହୋଇରହିଥିଲି। ଛାତ୍ର ସଂଗଠନର ଦାୟିତ୍ୱ ନେଇ ଛାତ୍ର ସମାଜକୁ ଆଗେଇ ନେବାରେ ଲୁଲୁଙ୍କର ରହିଥିଲା ବଳିଷ୍ଠ ଭୂମିକା ବୋଲି ଏହି କାର୍ଯ୍ୟକ୍ରମରେ କହିଛନ୍ତି ଶ୍ରୀ ଅମୀୟ ଦାସ। ଆହୁରି ମଧ୍ୟ ମୋର ଜୀବନ ଥିବା ପର୍ଯ୍ୟନ୍ତ ମୋର ପ୍ରିୟ ବନ୍ଧୁ ସ୍ୱର୍ଗତ ଲୁଲୁ ମହାପାତ୍ରଙ୍କର ଶ୍ରଦ୍ଧାଞ୍ଜଳି ଦେଇଆସୁଥିବି ବୋଲି ସେ କହିଛନ୍ତି।

ଏଠାରେ ସୂଚନାଥାଉକି, ଆଜିକୁ ଦୀର୍ଘ ନଅ ବର୍ଷ ହେବ ସ୍ୱର୍ଗତ ଲୁଲୁ ମହାପାତ୍ରଙ୍କର ଶ୍ରାଦ୍ଧ ଦିବସ ଅମିୟ କୁମାର ଫାଉଣ୍ଡେସନ ପାଳନ କରି ଆସୁଛି। ଲୁଲୁ ମହାପାତ୍ରଙ୍କ ସହ ଛାତ୍ର ଜୀବନରୁ ଜଡିତ ଥିବା ଅମୀୟ ଦାସ, ଲୁଲୁଙ୍କ ଦେହାନ୍ତ ପରେ ପ୍ରତିବର୍ଷ ତାଙ୍କୁ ସ୍ମରଣୀୟ ଭାବେ ପାଳନ କରନ୍ତି। ଲୁଲୁଙ୍କ ଶ୍ରାଦ୍ଧ ଦିବସରେ ଅମୀୟ ଦାସ ରକ୍ତଦାନ ଶିବିର, ଦିବ୍ୟାଙ୍ଗ ପିଲାମାନଙ୍କୁ ଖାଦ୍ୟ ଦେବା, ଅସହାୟ ଲୋକମାନଙ୍କୁ ସାହାଯ୍ୟ ଯୋଗାଇ ସ୍ୱର୍ଗତ ଲୁଲୁଙ୍କ ଶ୍ରାଦ୍ଧ ଦିବସକୁ ସ୍ମରଣୀୟ କରିଥାନ୍ତି।

ଆଜିର କାର୍ଯ୍ୟକ୍ରମରେ ଚେତନାର ସମସ୍ତ କର୍ମଚାରୀମାନେ ଯୋଗ ଦେଇଥିଲେ। ଦିବ୍ୟାଙ୍ଗ ପିଲାମାନେ ନିଜର ଖୁସି ବ୍ୟକ୍ତ କରିଥିଲେ। ସ୍ୱର୍ଗତ ଲୁଲୁଙ୍କ ଭଳି ଅସମ୍ଭବତାକୁ ସମ୍ଭବ କରି ଦେଖାଇବା ଏବଂ ସାହସର ସହ ସାଲିସବିହୀନ ଜୀବନ ବଞ୍ଚିବା ନେଇ ପିଲାମାନେ ସଂକଳ୍ପ ନେଇଥିଲେ। ଅନ୍ୟମାନଙ୍କ ମଧ୍ୟରେ କଳିଙ୍ଗ ଯୁବ ସେନାର ପ୍ରତିଷ୍ଠାତା ଚନ୍ଦ୍ରଶେଖର ଦାସଙ୍କ ସମେତ ସ୍ମୃତି ରଂଜନ ଲେଙ୍କା, ଶୁଭଜିତ୍ ପଟ୍ଟନାୟକ, ଅଜିତ୍ ସାମଲ୍, ପ୍ରଭୁ ଦତ୍ତ ସାହୁ, ମନୋରଞ୍ଜନ ଛୋଟରାୟ, ସୁମନ୍ତ ସ୍ବାଇଁ, ସିଦ୍ଧାର୍ଥ ଦାସ୍, ଅମିତ୍ ଜେନା, ତ୍ରିଦେବ ରାଉତରାୟ ପ୍ରମୁଖ ସଦସ୍ୟ ଉପସ୍ଥିତ ଥିଲେ। ଶେଷରେ କଳିଙ୍ଗ ଯୁବ ସେନାର ଥିବା ଗୋଶାଳାରେ ଗାଇମାନଙ୍କୁ ଖାଦ୍ୟ ବଣ୍ଟନ କରାଯାଇଥିଲା।
ICC ମହିଳା ବିଶ୍ୱକପରେ କେଉଁ ଖେଳାଳି ସର୍ବାଧିକ ୱିକେଟ୍ ନେଇଛନ୍ତି? ଶ୍ରେଷ୍ଠ ପାଞ୍ଚ ଖେଳାଳିଙ୍କ ମଧ୍ୟରେ ଦୁଇ ଭାରତୀୟ

ମହିଳା ବିଶ୍ୱକପ୍୨୦୨୫ ରେ ସର୍ବାଧିକ ୱିକେଟ୍ ଟେକର: ଭାରତ ପ୍ରଥମ ଥର ପାଇଁ ମହିଳା ବିଶ୍ୱକପ୍ ଟାଇଟଲ୍ ଜିତିଛି। ଟିମ୍ ଇଣ୍ଡିଆର ପ୍ରତ୍ୟେକ ଖେଳାଳି ବିଶ୍ୱକପ୍ ଜିତିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଭାରତୀୟ ଖେଳାଳିମାନେ ବ୍ୟାଟ୍ ଏବଂ ବଲ ସହିତ ଚମତ୍କାର ପ୍ରଦର୍ଶନ କରିଥିଲେ। ଟିମ୍ ଇଣ୍ଡିଆର ଏପରି ଜଣେ ଖେଳାଳି ଦୀପ୍ତି ଶର୍ମା ଦଳକୁ ସବୁ ପ୍ରକାରର ଅବଦାନ ଦେଇଥିଲେ। ଦୀପ୍ତି ବ୍ୟାଟ୍ ରୁ ରନ ସଂଗ୍ରହ କରିବା ସହିତ, ସେ ତାଙ୍କ ବୋଲିଂ ଦ୍ୱାରା ବିପକ୍ଷ ବ୍ୟାଟସମ୍ୟାନମାନଙ୍କୁ ଆତ୍ମସମର୍ପଣ କରିବାକୁ ବାଧ୍ୟ କରିଥିଲେ। ଦୀପ୍ତି ଶର୍ମା ଚମତ୍କାର ବୋଲିଂ କରି ବିଶ୍ୱକପରେ ସର୍ବାଧିକ ୱିକେଟ୍ ନେଇବାରେ ସକ୍ଷମ ହୋଇଛନ୍ତି ।

ମହିଳା ବିଶ୍ୱକପରେ ସର୍ବାଧିକ ୱିକେଟ୍
ଦୀପ୍ତି ଶର୍ମାଙ୍କ ନାମରେ ଆଇସିସି ମହିଳା ବିଶ୍ୱକପ୍ ୨୦୨୫ ରେ ସର୍ବାଧିକ ୱିକେଟ୍ ନେବାର ରେକର୍ଡ ରହିଛି। ଦୀପ୍ତି ବିଶ୍ୱକପ୍ ଫାଇନାଲରେ ଏତେ ଆଗକୁ ବଢ଼ିଥିଲେ ଯେ ତାଙ୍କୁ କୌଣସି ଚ୍ୟାଲେଞ୍ଜ ମିଳିନଥିଲା। ମହିଳା ବିଶ୍ୱକପ୍‌ରେ ଶ୍ରେଷ୍ଠ ପାଞ୍ଚ ୱିକେଟ୍ ନେଇଥିବା ଖେଳାଳିଙ୍କ ମଧ୍ୟରେ ଦୁଇ ଜଣ ଭାରତୀୟ ଖେଳାଳି ଅଛନ୍ତି।

ଦୀପ୍ତି ଶର୍ମା

ମହିଳା ବିଶ୍ୱକପ୍ ୨୦୨୫ରେ ଦୀପ୍ତି ଶର୍ମା ନଅଟି ମ୍ୟାଚ୍‌ରେ ୨୨ ୱିକେଟ୍ ନେଇଥିଲେ। ବିଶ୍ୱକପ୍ ସେମିଫାଇନାଲ୍ ସୁଦ୍ଧା ତାଙ୍କର ୧୭ ୱିକେଟ୍ ଥିଲା, କିନ୍ତୁ ଫାଇନାଲରେ ସେ ପାଞ୍ଚ ୱିକେଟ୍ ହାସଲ କରିଥିଲେ। ଏହି ପାଞ୍ଚ ୱିକେଟ୍ ଟିମ୍ ଇଣ୍ଡିଆର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଏହି ବିଶ୍ୱକପ୍‌ରେ ତାଙ୍କର ଉତ୍କୃଷ୍ଟ ପ୍ରଦର୍ଶନ ପାଇଁ ଶର୍ମାଙ୍କୁ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ୍ ମଧ୍ୟ ବିବେଚିତ କରାଯାଇଥିଲା।

ଆନାବେଲ ସଦରଲାଣ୍ଡ

ଅଷ୍ଟ୍ରେଲିୟ ଖେଳାଳି ଆନାବେଲ ସଦରଲ୍ୟାଣ୍ଡ ୭ଟି ମ୍ୟାଚ୍‌ରେ ୧୭ଟି ୱିକେଟ୍ ନେଇଥିଲେ। ଏହା ତାଙ୍କୁ ବିଶ୍ୱକପ୍‌ରେ ଅଷ୍ଟ୍ରେଲିଆ ପାଇଁ ଦ୍ୱିତୀୟ ସର୍ବାଧିକ ୱିକେଟ୍ ନେଇଥିବା ବୋଲର କରିଛି। ଏହି ବିଶ୍ୱକପ୍‌ରେ ସଦରଲ୍ୟାଣ୍ଡ ଅଷ୍ଟ୍ରେଲିଆର ପ୍ରମୁଖ ୱିକେଟ୍ ନେଇଥିବା ବୋଲର ମଧ୍ୟ ହୋଇଥିଲେ।

ସୋଫି ଏକ୍ଲେଷ୍ଟୋନ୍

ଇଂଲଣ୍ଡ ବୋଲର ସୋଫି ଏକ୍ଲେଷ୍ଟୋନ୍ ଏହି ତାଲିକାରେ ତୃତୀୟ ସ୍ଥାନରେ ଅଛନ୍ତି। ଏହି ବିଶ୍ୱକପରେ ସାତଟି ମ୍ୟାଚ୍ ଖେଳି ଏକ୍ଲେଷ୍ଟୋନ୍ ୧୬ ୱିକେଟ୍ ନେଇଥିଲେ। ଏହି ଇଂଲଣ୍ଡ ଖେଳାଳି ଟୁର୍ଣ୍ଣାମେଣ୍ଟରେ ନଅଟି ମେଡେନ୍ ଓଭର ବୋଲିଂ କରିଥିଲେ, ଯାହା ତାଙ୍କୁ ଏହି ବିଶ୍ୱକପରେ ସର୍ବାଧିକ ମେଡେନ୍ ଓଭର ନେଇଥିବା ବୋଲର କରିଥିଲା। ସେ ଦକ୍ଷିଣ ଆଫ୍ରିକା ଖେଳାଳି ମାରିଜାନ୍ କାପ୍ ସହିତ ସମାନ, ଯିଏ ମଧ୍ୟ ନଅଟି ମେଡେନ୍ ଓଭର ବୋଲିଂ କରିଥିଲେ।

ଶ୍ରୀ ଚରଣୀ

ଏହି ତାଲିକାରେ ଭାରତୀୟ ବୋଲର ଶ୍ରୀ ଚରଣୀ ମଧ୍ୟ ସାମିଲ ଅଛନ୍ତି। ଶ୍ରୀ ଚରଣୀ ଏହି ବିଶ୍ୱକପରେ ୯ଟି ମ୍ୟାଚ୍ ଖେଳି ୧୪ଟି ୱିକେଟ୍ ନେଇଥିଲେ। ଶ୍ରୀ ଚରଣୀ ଭାରତର ଦ୍ୱିତୀୟ ସର୍ବାଧିକ ୱିକେଟ୍ ନେଇଥିବା ବୋଲର ହୋଇପାରିଛନ୍ତି ।

ଆଲାନା କିଙ୍ଗ

ଅଷ୍ଟ୍ରେଲିଆର ଏଲାନା କିଙ୍ଗ ମହିଳା ବିଶ୍ୱକପରେ ପଞ୍ଚମ ସର୍ବାଧିକ ୱିକେଟ୍ ନେଇଥିବା ବୋଲରଙ୍କ ସ୍ଥାନରେ ଅଛନ୍ତି, ସେ ସାତଟି ମ୍ୟାଚ୍‌ରେ ୧୩ ୱିକେଟ୍ ନେଇଛନ୍ତି।
ରାଇରଙ୍ଗପୁରରେ ୨୦ ତମ ତ୍ରିଦିବସୀୟ ବାର୍ଷିକ ଶ୍ୟାମ ମହୋତ୍ସବ ପାଳିତ

ଆଜି ପବିତ୍ର ଦେଵଉତ୍ଥନୀ ଏକାଦଶୀ । ଆଜିର ଦିନରେ ଶ୍ୟାମ ବାବାଙ୍କ ଜନ୍ମୋତ୍ସବ ।ମାରଓ୍ବାଡୀ ସଂପ୍ରଦାୟର ଆରାଧ୍ୟ ଦେବତା ଶ୍ୟାମ ଖଟୁ ବାବା । ରାଇରଙ୍ଗପୁରରେ ଶ୍ୟାମ ମିତ୍ର ମଣ୍ଡଳ ଆନୁକୁଲ୍ୟରେ ତ୍ରୀଦିଵସୀୟ ୨୦ ତମ ଶ୍ୟାମ ମହୋତ୍ସବ ଶନିବାର ଦେଵଉତ୍ଥନୀ ଏକାଦଶୀ ଅବସରରେ ଶୁଭାରମ୍ଭ ହୋଇଛି । ଆଜି ସକାଳେ ଶ୍ୟାମ ଅଖଣ୍ଡ ଜ୍ୟୋତି ପାଠ କରାଯାଇଥିଲା। ୧୦୦୦ ରୁ ଉର୍ଦ୍ଧ୍ବ ଆବାଳ ବୃଦ୍ଧ ବନିତା ରାଇରଙ୍ଗପୁର ସହରର ଅଁଳାଡୁଵାସ୍ଥ ଠାକୁରାଣୀ ବେଡା ମନ୍ଦିର ପରିସରରେ ପୂଜାର୍ଚ୍ଚନା କରିଥିଲେ ।

ପରେ ଏକ ଆକର୍ଷଣୀୟ ସୁସଜ୍ଜିତ ରଥରେ ଶ୍ୟାମ ବାବାଙ୍କୁ ରଖି ସମସ୍ତେ ନୂତନ ରଙ୍ଗବେରଙ୍ଗ ପୋଷାକ ପରିଧାନ କରି ହାତରେ ନିଶାନା ଧରି ନାଚି ନାଚି ସହରର ଜଗନ୍ନାଥ ମନ୍ଦିର, ଗୋଲେଇ ଛକ ପରେ ବଜାରର ରାମ ମନ୍ଦିର ପରିକ୍ରମା କରିଥିଲେ । ପରେ ରାମ ମନ୍ଦିର ପହଞ୍ଚି ସେଠାରେ ନିଶାନା ଓହ୍ଲାଇ ଶ୍ୟାମ ବାବାଙ୍କ ଦର୍ଶନ କରିଥିଲେ । ମନ୍ଦିର କମିଟି ତରଫରୁ ସମସ୍ତଙ୍କୁ ପ୍ରସାଦ ବଣ୍ଟନ କରାଯାଇଥିଲା
“ଆରଏସଏସକୁ ନିଷିଦ୍ଧ କରାଯିବା ଉଚିତ,” ଖର୍ଗେ

ଜବଲପୁରରେ ଅନୁଷ୍ଠିତ ଅଖିଳ ଭାରତୀୟ ବୈଠକରେ, ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ)ର ମହାସଚିବ ଦତ୍ତାତ୍ରେୟ ହୋସାବଲେ ଅନେକ ପ୍ରସଙ୍ଗରେ ବିସ୍ତୃତ ଭାବରେ ବକ୍ତବ୍ୟ ଦେଇଥିଲେ ଏବଂ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କ ଆରଏସଏସକୁ ନିଷିଦ୍ଧ କରିବା ସମ୍ପର୍କରେ ବକ୍ତବ୍ୟକୁ ସମ୍ପୂର୍ଣ୍ଣ ପ୍ରତ୍ୟାଖ୍ୟାନ କରିଥିଲେ।

ଖାର୍ଗେଙ୍କ ବକ୍ତବ୍ୟର ଜବାବରେ ହୋସାବାଲେ କହିଛନ୍ତି, “ଆରଏସଏସକୁ ନିଷିଦ୍ଧ କରିବା ପାଇଁ ପୂର୍ବରୁ ତିନିଥର ଆଲୋଚନା ହୋଇଛି, କିନ୍ତୁ ନିଷେଧ ପାଇଁ ଏକ କାରଣ ନିଶ୍ଚୟ ଅଛି। ସମ୍ପ୍ରଦାୟ ସମ୍ପୂର୍ଣ୍ଣ ଭାବରେ ଆରଏସଏସକୁ ଗ୍ରହଣ କରିଛି।” ସେ ଆହୁରି ମଧ୍ୟ କହିଛନ୍ତି ଯେ ଆରଏସଏସର ବର୍ତ୍ତମାନ 8,399 ସକ୍ରିୟ ଶାଖା ଅଛି ଏବଂ ଆଦିବାସୀ ଅଞ୍ଚଳରେ ସେଗୁଡ଼ିକୁ ବିସ୍ତାର କରିବା ପାଇଁ ବିଶେଷ ପ୍ରୟାସ ଚାଲିଛି।

ପ୍ରକୃତରେ, କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ଏକ X-ପୋଷ୍ଟରେ ଲେଖିଛନ୍ତି ଯେ ଗାନ୍ଧୀଜୀ, ଗଡସେ, RSS ଏବଂ 2002 ଗୁଜରାଟ ଦଙ୍ଗା ସହିତ ଜଡିତ ବିଷୟଗୁଡ଼ିକୁ NCERT ର ତିନୋଟି ପାଠ୍ୟପୁସ୍ତକରୁ ସମ୍ପ୍ରତି ହଟାଇ ଦିଆଯାଇଛି। ସେ ଅଭିଯୋଗ କରିଛନ୍ତି ଯେ ମୋଦି ସରକାର ନିରନ୍ତର ମିଥ୍ୟାକୁ ସତ୍ୟ ଭାବରେ ପରିବେଷଣ କରିବାକୁ ଚେଷ୍ଟା କରୁଛନ୍ତି, ଯାହା ଏହାର ଉଦ୍ଦେଶ୍ୟକୁ ସ୍ପଷ୍ଟ ଭାବରେ ପ୍ରକାଶ କରେ।

ସେ ଆହୁରି କହିଛନ୍ତି, “ପୂର୍ବରୁ, ଅମଲାତନ୍ତ୍ରର ଲୋକମାନେ RSS ବିଚାରଧାରାର ପ୍ରସାର କରୁଥିଲେ। ଫଳସ୍ୱରୂପ, ସରକାରୀ କର୍ମଚାରୀମାନଙ୍କୁ RSS ଏବଂ ଜମାତ-ଏ-ଇସଲାମି ଭଳି ରାଜନୈତିକ ସଂଗଠନ ସହିତ ଜଡିତ ହେବା ନିଷେଧ ଥିଲା। ତଥାପି, 9 ଜୁଲାଇ, 2024 ରେ, ମୋଦି ସରକାର ଏହି ନିଷେଧକୁ ଉଠାଇ ଦେଇଥିଲେ, ଯାହା ଦ୍ଵାରା ସରକାରୀ କର୍ମଚାରୀମାନଙ୍କୁ RSS ଏବଂ ଏହାର କାର୍ଯ୍ୟକଳାପରେ ଯୋଗଦାନ କରିବାକୁ ଅନୁମତି ଦିଆଯାଇଥିଲା। ବିଜେପି ଏବେ ସରକାରୀ କର୍ମଚାରୀମାନଙ୍କୁ ସେହି ସଂଗଠନରେ ଯୋଗଦାନ କରିବାକୁ ଅନୁମତି ଦେଇଛି ଯାହାର ସଦସ୍ୟମାନେ ଗାନ୍ଧୀଙ୍କ ହତ୍ୟା ପଛରେ ଥିଲେ, ଯାହାକୁ ସର୍ଦ୍ଦାର ପଟେଲ ନିଷେଧ କରିଥିଲେ।”
ରାଷ୍ଟ୍ରୀୟ ଏକତା ଦିବସର ଶପଥ ପାଠ କରାଇଲେ ଜିଲ୍ଲାପାଳ

ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ୧୫୦ ତମ ଜୟନ୍ତୀ ଅବସରରେ ଆଜି ପୁରୀ ଜିଲ୍ଲା ପ୍ରଶାସନ ପକ୍ଷରୁ ରାଷ୍ଟ୍ରୀୟ ଏକତା ଦିବସ ର ଶପଥ ପାଠ କରାଯାଇଥିଲା । ଜିଲ୍ଲାପାଳଙ୍କ ଆବାସିକ କାର୍ଯ୍ୟାଳୟ ଠାରେ ଜିଲ୍ଲାପାଳ ଦିବ୍ଯ ଜ୍ୟୋତି ପରିଡା ଲୌହ ମାନବ ଙ୍କ ପ୍ରତି ଶ୍ରଦ୍ଧା ସୁମନ ଅର୍ପଣ ସହ ସମସ୍ତ ଅଧିକାରୀ ଓ କର୍ମଚାରୀ ଙ୍କୁ ରାଷ୍ଟ୍ର ର ଏକତା, ଅଖଣ୍ଡତା ଏବଂ ସୁରକ୍ଷା କୁ ବଜାୟ ରଖିବା ପାଇଁ ନିଜକୁ ସମର୍ପିତ କରିବା ନିମିତ୍ତ ଶପଥ ପାଠ କରାଇଥିଲେ ।

ଏହି ଶପଥ ପାଠରେ ଅତିରିକ୍ତ ଜିଲ୍ଲାପାଳ ରାଜସ୍ଵ ଡ.ଶରତ ଚନ୍ଦ୍ର ମହାପାତ୍ର, ଡେପୁଟି କଲେକ୍ଟର ପ୍ରଶାନ୍ତ କୁମାର ଜେନା, ଆଦ୍ୟାଶା ରଥ, ପ୍ରିୟଦର୍ଶିନୀ ମଲ୍ଲିକ,ଅନୁସ୍ରବ ଗନ୍ତାୟତ, ସହଦେଵ ସାହୁ, ଜିଲ୍ଲା କ୍ରୀଡା ଅଧିକାରୀ ଚନ୍ଦନ କୁମାର ସାହୁ ,ଅନ୍ୟାନ୍ୟ ଅଧିକାରୀ,ଆବାସିକ କାର୍ଯ୍ୟାଳୟର ଅଧିକାରୀ, କର୍ମଚାରୀ ଓ ଅନ୍ୟାନ୍ୟ କର୍ମଚାରୀ ମାନେ ଉପସ୍ଥିତ ରହିଥିଲେ ।
ବେଆଇନ ଦେଶୀ ଓ ବିଦେଶୀ ମଦ ବ୍ୟବସାୟୀଙ୍କ ଉପରେ ଚଢ଼ାଉ

ବେଆଇନ ଦେଶୀ ଓ ବିଦେଶୀ ମଦ ବ୍ୟବସାୟ ବିରୋଧରେ ବାଲେଶ୍ବର ମୋବାଇଲ ସ୍କ୍ୱାଡ୍ ଏବଂ ବାଲିଆପାଳ ଅବକାରୀ ବିଭାଗ ମିଳିତ ଭାବରେ ଚଢ଼ାଉ କରିଛନ୍ତି । ଦେଢ଼ ଲକ୍ଷ ଟଙ୍କାରୁ ଅଧିକ ଟଙ୍କାର ବିଭିନ୍ନ ପ୍ରକାର ଦେଶୀ ଓ ବିଦେଶୀ ମଦ ଜବତ ହୋଇଛି ।

ବାଲିଆପାଳ ବଜାର ସହିତ ବ୍ଲକ ଅଞ୍ଚଳର ନାରାୟଣପୁର, କାଳିଆଖାଇ ଓ ଜମ୍ଭିରାଇ ଅଞ୍ଚଳରେ ବେଆଇନ ମଦ ଚାଲାଣ ହେଉଥିବା ସୂଚନା ମିଳିଥିଲା । ଏହି ଅଭିଯୋଗ ଉପରେ କାର୍ଯ୍ୟକାରୀ ହୋଇ, ୯ ଜଣ ଅଧିକାରୀଙ୍କ ଟିମ୍ ମିଳିତ ଭାବରେ ରାତି ସମୟରେ ଚଢ଼ାଉ କରି ବିପୁଳ ପରିମାଣରେ ମଦ ଜବତ କରିଛନ୍ତି ।

ଏଥିରେ ସମ୍ପୃକ୍ତ ଥିବା ୩ ଜଣ ମହିଳା ଏବଂ ୩ ଜଣ ପୁରୁଷଙ୍କୁ ଗିରଫ କରାଯାଇଛି । ଅବକାରୀ ବିଭାଗ ତାଙ୍କୁ ଅଟକ ରଖି ତଦନ୍ତ ଚଳାଇଛି । ତେବେ, ଏହି ଅବୈଧ ବ୍ୟବସାୟ ପଛରେ ଥିବା ମୁଖ୍ୟ କାର୍ପଟଦାର ଫେରାର ଥିବା ସୂଚନାମିଳିଛି ।
ପୁରୀରେ ବାତ୍ୟାର ପ୍ରଭାବ

ପୁରୀରେ ବାତ୍ୟାର ପ୍ରଭାବ । ଲଗାଣ ବର୍ଷା ଓ ପବନରେ ପୁରୀର ଜନଜୀବନ ଅସ୍ତବ୍ୟସ୍ତ ହୋଇପଡି ଥିବା ବେଳେ ଏଵେ ରାସ୍ତା ଉପରେ ନଡିଆ ଗଛ ପଡିଥିବା ଦେଖିବାକୁ ମିଳିଛି ।

ପୁରୀରେ ଆଜି ପବନର ବେଗ ବଢିଥିବାରୁ ଏହାର ପ୍ରଭାବରେ ବନମାଳୀପୁର ଅଞ୍ଚଳରେ ରାସ୍ତା ଉପରେ ଗୋଟିଏ ନଡିଆ ଗଛ ପଡି ରାସ୍ତା ଅବରୋଧ ହୋଇଥିଲା । ଖବରପାଇ ଅଗ୍ନିଶମ ବିଭାଗର କର୍ମଚାରୀ ମାନେ ଘଟଣାସ୍ଥଳରେ ପହଂଚି କଟର୍ ମେସିନ୍ ସାହାଯ୍ୟରେ ଗଛକୁ କାଟି ରାସ୍ତା ସଫା କରିଥିଲେ । ତେବେ ବାତ୍ୟାର ପ୍ରତିଟି ପରିସ୍ଥିତିରେ ଅଗ୍ନିଶମ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ରହିଥିବା ଟେଲିଫୋନ ଯୋଗେ ଅଧିକାରୀ ପ୍ରଭାତ ରାଉତ କହିଛନ୍ତି ।
ପିଆଇସିଟି ବର୍ଥରେ ଅଘଟଣ

ପାରାଦୀପ ବନ୍ଦର ର ୫ ନମ୍ବର ଗେଟ ନିକଟରେ ଥିବା ପିଆଇସିଟି ବର୍ଥରେ ଅଘଟଣ । ଏମ ଭି ସାବରୀମଲାଇ ଜାହାଜରେ ଥିବା ଚିଫ୍ ଇଞ୍ଜିନିୟରଙ୍କ ମୃତ୍ୟୁ ହୋଇଛି । ମୃତ ଇଞ୍ଜିନିୟର ଉତ୍ତରପ୍ରଦେଶ ଲକ୍ଷ୍ନୋ ର ରାମ ଦୁଲାର ଯାଦବ ବୋଲି ସୂଚନା ମିଳିଛି । ମୃତ ଚିଫ୍ ଇଞ୍ଜିନିୟର ଆଜି ସକାଳେ ଜାହାଜ ଉପରେ ଥିବାବେଳେ କୌଣସି କାରଣରୁ ଅସୁସ୍ଥ ହୋଇ ପଡିଥିଲେ ।

ତାଙ୍କୁ ସଙ୍ଗେ ସଙ୍ଗେ ପାରାଦ୍ୱୀପ ପୋର୍ଟ ମେଡିକାଲରେ ଭର୍ତ୍ତି କରାଯାଇବା ବେଳେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଜାହାଜଟି ହଳଦିଆ ପୋର୍ଟ ରୁ ପାରାଦୀପକୁ ଆସିଥିଲା ଓ ଏଠାରୁ ଭାଇଜାକ୍ ଯାଇଥାନ୍ତା ବୋଲି ଜଣାପଡିଛି ।
ଦେଉଳି ମଠ ଅଭିମୁଖେ ପୁରୀର ରଥ ଚକ

କାକଟପୁରର ଦେଉଳି ମଠ ଅଭିମୁଖେ ପୁରୀର ରଥ ଚକ । ଶ୍ରୀମନ୍ଦିର ପ୍ରଶାସନ ପକ୍ଷରୁ ନନ୍ଦିଘୋଷ ରଥର ଚକଙ୍କୁ ବିନାମୂଲ୍ୟରେ କାକଟପୁର ଦେଉଳି ମଠକୁ ଦେବାପାଇଁ ସେଠାର ଅନୁଷ୍ଠାନ ପକ୍ଷରୁ ଅନୁରୋଧ କରାଯାଇଥିଲା ।

ସେ ନେଇ ଆଜି ଶ୍ରୀମନ୍ଦିର ପ୍ରଶାସନ ପକ୍ଷରୁ ରଥ ଚକ ଦିଆଯିବା ପରେ ଭଜନ କୀର୍ତନ ଓ ସଂକୀର୍ତନ କରି ରଥ ଚକକୁ ପୁରୀରୁ ଦେଉଳି ମଠ ନିଆଯାଇଛି ।

ନବକଳେବର ସମୟରେ ଦେଉଳି ମଠରେ ବନଯାଗ ଯାତ୍ରୀ ସେବାୟତ ରହି ଦାରୁ ସଂଗ୍ରହ ପାଇଁ ଯାଇଥାନ୍ତି । ସେହିଁ ପରମ୍ପରା ଆଧାରରେ ଆଜି ରଥ ଚକ ଦିଆଯାଇଛି l ବର୍ଣ୍ଣାଢ୍ୟ ପରିବେଶ ମଧ୍ୟରେ ମହାପ୍ରଭୁଙ୍କ ରଥ ଚକକୁ ଦେଉଳିମଠକୁ ନିଆଯାଇଥିଲା l
ଦୁର୍ନୀତି ନିବାରଣ ସଚେତନତା ଶପଥ ପାଠ

ପୁରୀ : ଚଳିତ ବର୍ଷ ଅକ୍ଟୋବର ୨୭ ତାରିଖ ଠାରୁ ନଭେମ୍ବର ୨ ତାରିଖ ପର୍ଯ୍ୟନ୍ତ ସମଗ୍ର ଦେଶ ରେ ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ କରାଯାଉଛି । ଏହି ଅବସରରେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଏକ ଶପଥ ପାଠ ଅନୁଷ୍ଠିତ ହୋଇଥିଲା । ଜିଲ୍ଲାପାଳ ଦିବ୍ୟ ଜ୍ୟୋତି ପରିଡାଙ୍କ ପରାମର୍ଶ କ୍ରମେ ଅତିରିକ୍ତ ଜିଲ୍ଲାପାଳ ପ୍ରଶାସନ ଶରତ ଚନ୍ଦ୍ର ବେହେରା ଓ ଅତିରିକ୍ତ ଜିଲ୍ଲାପାଳ ରାଜସ୍ୱ ଡ଼. ଶରତ ଚନ୍ଦ୍ର ମହାପାତ୍ର ସମସ୍ତ ଙ୍କୁ ଶପଥ ପାଠ କରାଇଥିଲେ । ଦୁର୍ନୀତି ବିକାଶ ର ମୁଖ୍ୟ ବାଧକ । ତେଣୁ ସମ୍ମିଳିତ ଭାବେ ଜିଲ୍ଲା, ରାଜ୍ୟ ଓ ଦେଶର ଉନ୍ନତି ପାଇଁ ଦୁର୍ନୀତି ର ମୂଳୋତ୍ପାଟନ କରିବାକୁ ସମସ୍ତେ ଶପଥ ପାଠ କରିଥିଲେ । ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ ସମସ୍ତଙ୍କୁ ସ୍ବାଗତ କରିବା ସହ ଦୁର୍ନୀତି ବିକାଶ ର ପଥରୋଧ କରିଥାଏ ଓ ଏହାର ପ୍ରତିହତ ପାଇଁ ପ୍ରତ୍ୟେକ ପ୍ରତିଶ୍ରୁତିବଦ୍ଧ ହେବାକୁ ଅନୁରୋଧ କରି ଶପଥ ପାଠ ପରିଚାଳନା କରିଥିଲେ ।

ଅନ୍ୟ ମାନଙ୍କ ମଧ୍ୟରେ ଡେପୁଟି କଲେକ୍ଟର ଆଦ୍ୟାଶା ରଥ, ପ୍ରିୟଦର୍ଶିନୀ ମଲ୍ଲିକ,ସହଦେବ ସାହୁ, ବିବେକାନନ୍ଦ ସାହୁ, ଜିଲ୍ଲା ମଙ୍ଗଳ ଅଧିକାରୀ ମମତା ରାଣୀ ପରିଡା,ଜିଲ୍ଲା କ୍ରୀଡା ଅଧିକାରୀ ଚନ୍ଦନ କୁମାର ସାହୁ,ଜିଲ୍ଲା ଶିଶୁ ସୁରକ୍ଷା ଅଧିକାରୀ ମନୋଜ କୁମାର ତ୍ରିପାଠୀ, ଜିଲ୍ଲା ସଂସ୍କୃତି ଅଧିକାରୀ ହେମନ୍ତ ବେହେରା ଓ ସମସ୍ତ ବିଭାଗର ଅଧିକାରୀ,କର୍ମଚାରୀ ପ୍ରମୁଖ ଉପସ୍ଥିତ ହୋଇ ଶପଥ ପାଠ କରିଥିଲେ । ସେହିପରି ଜିଲ୍ଲା ପରିଷଦ କାର୍ଯ୍ୟାଳୟ,ଉପ ଜିଲ୍ଲାପାଳ ଙ୍କ କାର୍ଯ୍ୟାଳୟ,ଅନ୍ୟାନ୍ୟ ବିଭାଗ ,ଲାଇନ ଡିପାର୍ଟମେଣ୍ଟରେ,ସମସ୍ତ ବ୍ଲକ, ତହସିଲ କାର୍ଯ୍ୟାଳୟ ଓ ସମସ୍ତ ଶିକ୍ଷାନୁଷ୍ଠାନରେ ଏହି ଶପଥ ପାଠ କରାଯାଇଥିଲା।