Tag: suchanatv24x7

‘ଓପିଟିସିଏଲର ମନମାନୀରେ ବୁଡିବ ୫ଖଣ୍ଡ ପଞ୍ଚାୟତର ଚାଷ ‘

ଓପିଟିସିଏଲ ପ୍ରକଳ୍ପକୁ ନେଇ ଉତ୍ତେଜନା। ସରକାର ତଥା କମ୍ପାନୀ ସ୍ଥାନୀୟ ଲୋକଙ୍କୁ ସର୍ବସ୍ବାନ୍ତ କରିବାକୁ ମସୁଧା କରୁଥିବା ହେଉଛି ଅଭିଯୋଗ। ଜନଶୁଣାଣିରେ ଦିଆଯାଇଥିବା ପ୍ରତିଶ୍ରୁତି ପୂରଣ ନ କରି ପ୍ରକଳ୍ପ କାମ ଆରମ୍ଭକୁ ବିରୋଧ କରୁଛନ୍ତି ଲୋକେ। ଯାହାକୁ ନେଇ ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅଧୀନ ଇବ୍ରିସିଂ ପଞ୍ଚାୟତବାସୀ ଆନ୍ଦୋଳନ ପାଇଁ ହେଉଛନ୍ତି ସଜ।

ତିର୍ତ୍ତୋଲ ବ୍ଲକ ଇବ୍ରିସିଂ ପଞ୍ଚାୟତ ଯାଆଁବେଡୁଆଁ ଗ୍ରାମ ପିପଳ ଦଣ୍ଡାରେ ଓ.ପି.ଟି.ସି.ଏଲ ପକ୍ଷରୁ ବିଦ୍ୟୁତ ଗ୍ରୀଡ୍ ପ୍ରକଳ୍ପ ନିର୍ମାଣ ଆରମ୍ଭ କରାଯିବାକୁ ଲୋକେ ବିରୋଧ କରୁଛନ୍ତି। ସେମାନଙ୍କ ମୁତାବକ, ଜଗତସିଂହପୁର ଜିଲ୍ଲା ପ୍ରଶାସନ ଓ ତିର୍ତ୍ତୋଲ ତହସିଲଦାରଙ୍କ ପକ୍ଷରୁ ୨୦୨୧ ମସିହାରେ ପ୍ରକଳ୍ପ ପାଇଁ ଯାଆଁବେଡୁଆଁ ଗ୍ରାମରେ ଜନଶୁଣାଣୀ କରାଯାଇଥିଲା। ଏଥିରେ ସ୍ଥାନୀୟ ଲୋକେ ଦାବି କରିଥିଲେ କି, ଚାଷଜମିକୁ ରାସ୍ତା,ଅଞ୍ଚଳର ଜଳନିଷ୍କାସନ ପାଇଁ ଜମି ଓ ଚାଷୀଙ୍କ ଶସ୍ୟ ଅମଳ ପାଇଁ ଖଳା ଜମି ସହ ପ୍ରକଳ୍ପ ନିର୍ମାଣରେ ସ୍ଥାନୀୟ ଲୋକଙ୍କୁ ନିଯୁକ୍ତି ଦିଆଯିବ। ସବୁ ଦାବି ପୂରଣ ହେବ ଓ ଦାବି ପୂରଣ ପରେ କାମ ଆରମ୍ଭ ହେବ ବୋଲି ପ୍ରତିଶ୍ରୁତି ଦିଆଯାଇଥିଲା। କିନ୍ତୁ ଦାବି ପୂରଣ ନ କରି ପ୍ରକଳ୍ପ ନିର୍ମାଣ ଆରମ୍ଭ କରାଯିବାରୁ ସ୍ଥାନୀୟ ୪-୫ଟି ପଞ୍ଚାୟତର ଚାଷ ଜମି ବର୍ଷା ଋତୁରେ ପାଣିରେ ବୁଡିଯିବ ବୋଲି ଅଭିଯୋଗ ହେଉଛି। ଏପରି ହେବା ଦ୍ବାରା ଲୋକେ ଚାଷ ହରାଇବେ। ଏନେଇ ବାରମ୍ବାର ତହସିଲଦାରଙ୍କଠୁ ଆରମ୍ଭ କରି ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଥିଲେ ମଧ୍ୟ କେହି ଶୁଣୁନଥିବା ଅଭିଯୋଗ ହେଉଛି।

ଏହି ଗୋଚର ଜମି ଆଖପାଖ ବହୁ ଗାଁର ଗୋରୁ ଗାଈଙ୍କ ଚାରଣରେ ଲାଗୁଥିଲା। କିଛି ସ୍ଥାନୀୟ ଗରିବ ଲୋକେ ଏହାକୁ ବ୍ୟବହାର କରି କିଛି ଚାଷବାସ କରି ପରିବାର ପ୍ରତିପୋଷଣ କରୁଥିଲେ। ପ୍ରକଳ୍ପ ନିର୍ମାଣ ଦ୍ବାରା ସେମାନଙ୍କ ପେଟ ଅପୋଷା ରହିବ। ଅନ୍ୟପଟେ ପ୍ରକଳ୍ପରେ ସ୍ଥାନୀୟ ଲୋକଙ୍କୁ ନିଯୁକ୍ତି ଦିଆ ନ ଯିବାକୁ ମଧ୍ୟ ଲୋକେ ବିରୋଧ କରିଛନ୍ତି। ସ୍ଥାନୀୟ ଲୋକଙ୍କ ଦାବି ପୁରଣ ନହେଲେ ଚାଷୀ ଆନ୍ଦୋଳନକୁ ଓହ୍ଲାଇବେ ବୋଲି ଦିଆଯାଇଛି ଚେତାବନୀ।

ସୂଚନା ଯୋଗ୍ୟ, ତିର୍ତ୍ତୋଲ ବ୍ଲକ ଇବ୍ରିସିଂ ପଞ୍ଚାୟତ ଯାଆଁବେଡୁଆଁ ଗ୍ରାମ ପିପଳ ଦଣ୍ଡାରେ ଓ.ପି.ଟି.ସି.ଏଲ ପକ୍ଷରୁ ବିଦ୍ୟୁତ ଗ୍ରୀଡ୍ ପ୍ରକଳ୍ପ ନିର୍ମାଣ ହେବାକୁ ଯାଉଛି। ୫୫ନମ୍ବର ଜାତୀୟ ରାଜପଥ ଓ ୧୨ନମ୍ବର କେନାଲକୁ ଲାଗି ଥିବା ପିପଳା ଦଣ୍ଡାର ୫୪ ଏକର ଜମିରେ ଆଠଶହ କୋଟି ଟଙ୍କା ବ୍ୟୟ ଅଟକଳରେ ଏହାର ନିର୍ମାଣ ହେବ। ଏହି ଉଚ୍ଚ କ୍ଷମତା ସମ୍ପନ୍ନ ଗ୍ରୀଡ୍ ଦ୍ବାରା ଜିଲ୍ଲା ସମେତ ପାରାଦ୍ୱୀପ ଶିଳ୍ପାଞ୍ଚଳକୁ ବିଦ୍ୟୁତ ସରବରାହକୁ ସୁବ୍ୟବସ୍ଥିତ କରାଯିବାକୁ ଯୋଜନା ରହିଛି।
ଓଡିଶାର କାଶ୍ମୀରରେ ଇକୋ ରିଟ୍ରିଟ୍

ଶୀତ ଆସିଲେ କନ୍ଧମାଳର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିରେ ପର୍ଯ୍ୟଟକଙ୍କ ଭିଡ଼ ଜମୁଥିବାରୁ ଏଠାର ପର୍ଯ୍ୟଟନ ଶିଳ୍ପକୁ ଆହୁରି ଅଧିକ ସୁଦୃଢ କରିବାକୁ ଆରମ୍ଭ ହୋଇଛି ଇକୋ ରିଟ୍ରିଟ୍। ଚଳିତ ବର୍ଷ ମଧ୍ୟ ରାଜ୍ୟ ସରକାରଙ୍କ ଅନୁଦାନରେ ଦାରିଙ୍ଗବାଡ଼ିରେ ଇକୋ ରିଟ୍ରିଟର ଶୁଭାରମ୍ଭ ହୋଇଛି। ମୁଖ୍ୟମନ୍ତ୍ରୀ ଭିଡିଓ କନଫେରେନ୍ସ ମାଧ୍ୟମରେ ଚଳିତ ବର୍ଷର ଇକୋ ରିଟ୍ରିଟର ଶୁଭ ଉଦ୍ଘାଟନ କରିଥିବା ବେଳେ ଦାରିଙ୍ଗବାଡ଼ିରେ ଜି.ଉଦୟଗିରି ବିଧାୟକ ସାଲୁଗା ପ୍ରଧାନ ଏହାର ଉଦଘାଟନ କରିଛନ୍ତି । ଏଥିରେ ରହିବା ପାଇଁ ଲଗ୍ଜୁରୀ ଟେଣ୍ଟ ସହ ବାହାର ପର୍ଯ୍ୟଟକଙ୍କ ସୁବିଧା ପାଇଁ ଅନ୍ ଲାଇନ୍ ବୁକିଂ ବ୍ୟବସ୍ଥା କରାଯାଉଛି। ବିଜେଡି ମୁଖପାତ୍ର ଲେନୀନ ମହାନ୍ତି ଇକୋ ରିଟ୍ରିଟକୁ ନେଇ କହିଛନ୍ତି କି, ରାଜ୍ୟର ବିଭିନ୍ନ ସ୍ଥାନରେ ଇକୋ ରିଟ୍ରିଟ ହେଉଅଛି।ଏଥିରେ ଦାରିଙ୍ଗବାଡ଼ି ଅଞ୍ଚଳକୁ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ହେବ। ଜିଲ୍ଲାପାଳ କହିଛନ୍ତି କି କନ୍ଧମାଳ ଜିଲ୍ଲାର ପର୍ଯ୍ୟଟନ ସ୍ଥଳୀ ସୌନ୍ଦର୍ଯ୍ୟରେ ଭରପୁର। ସେଥି ମଧ୍ୟରୁ ଦାରିଙ୍ଗବାଡ଼ି ସ୍ୱତନ୍ତ୍ର ସ୍ଥାନ ଅଧିକାର କରିଛି। ପର୍ଯ୍ୟଟକଙ୍କ ଆଗମନକୁ ଦୃଷ୍ଟିରେ ରଖି ଚଳିତ ବର୍ଷ ଆଗୁଆ ଭାବରେ ନଭେମ୍ବର୧ରୁ ଏହାକୁ ଆରମ୍ଭ କରାଯାଇଛି

ଏହି କାର୍ଯ୍ୟକ୍ରମରେ କନ୍ଧମାଳ ଏସ ପି ଶୁଭେନ୍ଦୁ କୁମାର ପାତ୍ର, ସ୍ବତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷଙ୍କ ସମେତ ସ୍ଥାନୀୟ ପ୍ରଶାସନିକ ଅଧିକାରୀ ଉପସ୍ଥିତ ରହିଥିଲେ।
ସହଦେବଖୁଣ୍ଟା ରୟାଲ କ୍ଲବ ସିଲ

ବାଲେଶ୍ଵର ଜିଲ୍ଲା ସହଦେବଖୁଣ୍ଟା ରୟାଲ କ୍ଲବକୁ ସିଲ କଲା ପୌରପାଳିକା। ସରକାରୀ ଜମିରେ କ୍ଲବ ଘର ହୋଇଥିବାରୁ ଏପରି ପଦକ୍ଷେପ ନିଆଯାଇଛି। ତହସିଲଦାରଙ୍କ ଉପସ୍ଥିତିରେ ପୌରପାଳିକା ପକ୍ଷରୁ ଏହି କ୍ଲବ ସିଲ କରାଯାଇଛି। ଏକେ ତ କ୍ଲବ ସରକାରୀ ଜମିରେ ନିର୍ମାଣ ହୋଇଛି ଦୁଇରେ କ୍ଲବ ପରିସରରେ ଏକ ଟାୱାର ମଧ୍ୟ ନିର୍ମାଣ କରାଯାଇଛି। ସରକାରୀ ଜମିରେ ବେଆଇନ କୋଠା ଓ ଟାୱାର ନିର୍ମାଣ ଅଭିଯୋଗରେ କ୍ଲବ ସିଲ କରାଯାଇଛି। ଏନେଇ ପୂର୍ବରୁ କ୍ଲବ ସଭାପତିଙ୍କୁ ନୋଟିସ କରାଯାଇଥିଲା। ଅନ୍ୟପକ୍ଷରେ ସ୍ଥାନୀୟ ଅଞ୍ଚଳରେ ଉନ୍ନତି ନିମନ୍ତେ ଏହି କ୍ଲବ ବିଭିନ୍ନ କାର୍ଯ୍ୟ କରୁଛି। ଅନେକ ଲୋକଙ୍କୁ ସାହାଯ୍ୟ କରୁଛି ବୋଲି ସଭାପତି କହିବା ସହ ନୋଟିସକୁ ନେଇ କୋର୍ଟର ଦ୍ବାରସ୍ଥ ହୋଇଥିଲେ। କୋର୍ଟ ପକ୍ଷରୁ ମଧ୍ୟ ଷ୍ଟେ ଅର୍ଡର ଦିଆଯାଇଛି। ଏପରି ସ୍ଥଳେ କାହିଁକି କ୍ଲବ ସିଲ କରାଗଲା ବୋଲି ପ୍ରଶ୍ନ ଉଠାଇଛନ୍ତି ସଭାପତି।

କ୍ଲବ ସିଲ କାର୍ଯ୍ୟରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବା ଭୟରେ ସ୍ଥାନୀୟ ପୋଲିସ ମଧ୍ୟ ମୁତୟନ ଥିଲା। ତେବେ କୋର୍ଟଙ୍କ ରାୟକୁ ଅବମାନନା କରାଯାଇ ନିଆଯାଇଥିବା କାର୍ଯ୍ୟାନୁଷ୍ଠାନ ବିରୋଧରେ ଆଇନଗତ ଲଢେଇ ଜାରି ରହିବ ବୋଲି କ୍ଲବ ସଦସ୍ୟ କହିଛନ୍ତି।
ଦୁର୍ଘଟଣାରେ ପତ୍ନୀ ମୃତ, ପତି ସଙ୍କଟାପନ୍ନ: କ୍ଷତିପୂରଣ ଦାବିରେ ରାସ୍ତାରୋକ

ଭଦ୍ରକ ଚାନ୍ଦବାଲି ମୁଖ୍ୟ ରାସ୍ତା ଉଗ୍ରତରା ମୁନି ନିକଟରେ ଏକ ପିକଅପ୍ ଭ୍ୟାନ ବାଇକକୁ ଧକ୍କା ଦେବାରୁ ବାଇକରେ ଥିବା ଦମ୍ପତିଙ୍କ ମଧ୍ୟରୁ ପତ୍ନୀଙ୍କ ହସ୍ପିଟାଲରେ ମୃତ୍ୟୁ ହୋଇଥିବା ବେଳେ ସ୍ବାମୀଙ୍କ ଅବସ୍ଥା ସଂକଟାପନ୍ନ। ଦୁର୍ଘଟଣାର ଶିକାର ଦମ୍ପତି ହେଉଛନ୍ତି ଚାନ୍ଦବାଲି ବ୍ଲକ ଅନ୍ତର୍ଗତ ଓରାସାହି ପଂଚାୟତ ବାଘଟନା ଗାଁର ଦେବେନ୍ଦ୍ର ରାଉଳ ଓ ତାଙ୍କ ସ୍ତ୍ରୀ ଅନିତା ନାୟକ। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା, ଲୋକେ ରାସ୍ତାରୋକକୁ ଓହ୍ଲାଇଥିଲେ। ଦୁର୍ଘଟଣା ପରେ ଘଟଣାସ୍ଥଳରୁ ସ୍ଥାନୀୟବାସିନ୍ଦା ଦମ୍ପତିଙ୍କୁ ଉଦ୍ଧାର କରି ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ। କିନ୍ତୁ ସେମାନଙ୍କ ଅବସ୍ଥା ସଂଗୀନ ଥିବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଥିଲା। କିନ୍ତୁ କଟକରେ ପତ୍ନୀଙ୍କ ମୃତ୍ୟୁ ହୋଇଛି। ସେପଟେ ଭ୍ୟାନ ବାଇକକୁ ଧକ୍କା ଦେଇ ଉଲଟି ପଡିଥିଲା। ଚାଳକ ଖସି ପଳାଇବାକୁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକେ ଧନବିଲରୁ ତାଙ୍କୁ ଧରିଥିଲେ। ଖବର ପାଇ ଚାନ୍ଦବାଲି ପୋଲିସ ପହଞ୍ଚିବା ପରେ ଚାଳକକୁ ଚାନ୍ଦବାଲି ପୋଲିସ ଜିମା ଦେଇଥିଲେ । ଏହି ଦୁର୍ଘଟଣା ପରେ ସ୍ଥାନୀୟ ବାସିନ୍ଦା କ୍ଷତିପୂରଣ ଦାବିରେ ରାସ୍ତାରୋକ କରିଥିଲେ। ଚାନ୍ଦବାଲି ଆଇଆଇସି ପଞ୍ଚାନନ ମୋହାନ୍ତି ଘଟଣାସ୍ଥଳରେ ପହଁଚି ଲୋକଙ୍କୁ ବୁଝାସୁଝା କରିବା ପରେ ସ୍ଥିତି ଶାନ୍ତ ପଡିଥିଲା ଓ ଗାଡ଼ିଚଳାଚଳ ସ୍ବାଭାବିକ୍ ହୋଇଥିଲା ।
ବାହାର ରାଜ୍ୟ କୁ ଦାଦନ ଖଟିବାକୁ ଯାଇ ସ୍ବାମୀ ନିଖୋଜ

ଗଜପତି ଜିଲ୍ଲାରେ ଥମୁନି ଦାଦନ ଦୁଃଖ। ବାହାର ରାଜ୍ୟ କୁ ଦାଦନ ଖଟିବାକୁ ଯାଇ ସ୍ବାମୀ ନିଖୋଜ । ଏଭଳି କରୁଣ ଦୃଶ୍ୟ ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ଥାନା ମାର୍ଦ୍ଦିଗୁମା ଗାଁ ରେ । ମମିତା ଙ୍କ ସ୍ୱାମୀ ଦାଦନ ଖଟିବାକୁ ଯାଇ ଫେରିନାହାନ୍ତି । ଦୁଇ ଦୁଇଟି କୋମଳମୋତି ଶିଶୁ, ରୋଗୀଣା ମାଁ , କୁଲିମୂଲ ଖଟି ପରିବାର ଚଳାଉଛନ୍ତି ନିଖୋଜ ଉଜ୍ଜ୍ୱଳ ଙ୍କ ସ୍ତ୍ରୀ ମମିତା । ଆର୍ଥିକ ଅଭାବ ଅନଟନ ସ୍ଥିତି ଦେଇ ଗତିକରୁଥିବା ଗରୀବ ପରିବାରର ଏବେ ଦୁର୍ଦ୍ଦିନରେ ଜୀବନ ବିତାଉଛନ୍ତି। ଭଙ୍ଗା କୁଡିଆ ରେ ଜୀବନ ବିତାଉଛନ୍ତି ଚାରି ପ୍ରାଣୀ କୁଟୁମ୍ବ ।ଘଓଳିଏ ଖାଇଲେ ତିନି ଓଳି ଉପବାସ ରେ ଜୀବନ କାଟୁଛନ୍ତି। ସ୍ବାମୀ କେଉଁ ଭଳି ପରିସ୍ଥିତି ରେ ଅଛନ୍ତି ସେ ନେଇ ଅନେକ ଖୋଜାଖୋଜି ପରେ ଏବେ ସାଧୁ , ତାନ୍ତ୍ରିକ ଙ୍କ ସାହାରା ନେଉଛନ୍ତି। ଆଖି ଛଳ ଛଳ କରି ପୁଅର ଫେରିବା ବାଟକୁ ଚାହିଁ ରହିଛି ମାଁ । ଏ ନେଇ ପୋଲିସ ତଦନ୍ତ ଜାରି ରଖିଥିବା କହିଥିବା ବେଳେ ବ୍ଳକ ଅଧ୍ୟକ୍ଷ କହିଛନ୍ତି ଖୋଜିଆଣିବାକୁ ପଦକ୍ଷେପ ନେବେ ବୋଲି ପ୍ରକାଶ କରିଛନ୍ତି।

ଅଭାବୀ ଅନାଟନ ଦେଇ ଗତି କରୁଥିବା ଆଦିବାସୀ ପରିବାର ର ପ୍ରତିପୋଷଣ ପାଇଁ ଘର ଏକମାତ୍ର ମୂରବୀ ଉଜ୍ଜ୍ୱଳ ଗାଁ ରେ କୌଣସି କାମ ନ ମିଳିବାରୁ ଆଜକୁ ଦେଢ଼ ବର୍ଷ ତଳେ ବାହାର ରାଜ୍ୟ କୁ ଯାଇଥିଲେ ଦାଦନ ଖଟିବାକୁ । ହେଲେ ଗଲା ଦିନଠାରୁ ଘରକୁ ନାଁ ଫେରିଛନ୍ତି, ନାଁ ‌ହୋଇପାରିଛି ଯୋଗାଯୋଗ। ସାଥିରେ ଯାଇଥିବା ଅନେକ ଦାଦନ ଶ୍ରମିକ ନିଜ ଗାଁ କୁ ଫେରିଆସିଲେଣି । ହେଲେ ଉଜ୍ଜ୍ୱଳ ର ଏଯାଏ ମିଳିପାରିନାହିଁ ପତ୍ତା । ଏ ନେଇ ଗତ ମେ ମାସ ୩ ତାରିଖ ୨୨ରେ ମୋହନା ଥାନା ରେ ପରିବାର ପକ୍ଷରୁ ଅଭିଯୋଗ ହୋଇଥିଲେ ସୁଧା କୌଣସି ସୁଫଳ ମିଳିନାହିଁ। ନିଃସହାୟ ପରିବାର ପାଇଁ ସମାବେଦନା ଜଣାଇବା ସହ ସରକାର ତୁରନ୍ତ ଦୃଷ୍ଟି ଦେଇ ନିଖୋଜ ଦାଦନ ଉଜ୍ଜ୍ୱଳ କୁ ଖୋଜିଆଣିବାକୁ ଗ୍ରାମବାସୀ ଦାବୀ କରିଛନ୍ତି

ଦାଦନ ଖଟିବାକୁ ଯାଇ ହଜିଲା ପୁଅର ଫେରିବା ବାଟକୁ ଚାହିଁ ରହିଛି ଅସହାୟ ବୃଦ୍ଧା ମାଁ। ଅଭାବ ଅନଟନ ପରିସ୍ଥିତି ଦେଇ ଗତି କରୁଥିବା ପରିବାର ପାଇଁ ପ୍ରଶାସନ ପକ୍ଷରୁ ସହାୟତା ଯୋଗାଇ ଦେଲେ ବିଶେଷ ଉପକୃତ ହୋଇପାରିବେ ବୋଲି ଆଶା ରହିଛି।
କନ୍ଧମାଳ: ବିଭିନ୍ନ ସ୍ଥାନରେ ଗଜଲକ୍ଷ୍ମୀଙ୍କ ମୂର୍ତ୍ତି ବିସର୍ଜନ

କେଉଁଠି ଡିଜେ ବଜାଇ ବିସର୍ଜନ ହେଉଛି, ତ କେଉଁଠି ପାରମ୍ପରିକ ବାଦ୍ୟ ବଜାଇ, ଆଉ କେଉଁଠି ଆଧ୍ୟାତ୍ମିକ ପରିବେଶ ମଧ୍ୟରେ ମା ଗଜଲକ୍ଷ୍ମୀଙ୍କ ବିସର୍ଜନ ହେଉଛି କନ୍ଧମାଳ ଜିଲ୍ଲାରେ। ଟ୍ରକରେ ମାଆଙ୍କ ମୁଣ୍ମୟୀ ମୂର୍ତ୍ତି ବିସର୍ଜନ ପାଇଁ ଆଗେଇ ଯାଉଥିବା ବେଳେ ପୂଜା ମଣ୍ଡପର କର୍ମକର୍ତ୍ତା ବିଭିନ୍ନ ବାଦ୍ୟଯନ୍ତ୍ର, ଡିଜେ ବଜେଇ ମାଆଙ୍କ ଆଗ ଓ ପଛରେ ଭକ୍ତି ଭାବରେ ଚାଲିଛନ୍ତି। ଏକ ସୁସ୍ଥ, ଶୃଙ୍ଖଳିତ ବାତାବରଣ ଭିତରେ ମହିଳାମାନଙ୍କ ଦ୍ୱାରା କଳସ ଯାତ୍ରା ସହ ନଗର ପରିକ୍ରମା କରାଯାଇଛି। ହିନ୍ଦୁ ସଂସ୍କୃତିର ସ୍ୱତନ୍ତ୍ର ପରିଚୟ ସୃଷ୍ଟି କରି ଦେଖାଇଛନ୍ତି ପଦାସାହି ବାସିନ୍ଦା । ପ୍ରତ୍ୟେକ ପୂଜା ଶେଷରେ ବିଭିନ୍ନ ପ୍ରକାରର ବିକଟାଳ ବାଜା ଡି.ଜେ ସହ ଅଶ୍ଳୀଳ ନୃତ୍ୟ ଏବଂ ମଦ୍ୟପାନ କରି ମୂର୍ତ୍ତି ବିସର୍ଜନ କରାଯାଇଛି।

ଏଥିପାଇଁ ସହରରେ ଏକ ନିଆରା ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା। ଏହିପରି ସଂସ୍କୃତି ସମ୍ପନ୍ନ ବିସର୍ଜନ ବ୍ୟବସ୍ଥାକୁ ଅଞ୍ଚଳ ବାସୀ ଭୁରି ଭୁରି ପ୍ରଶଂସା କରିଛନ୍ତି । ସେହିପରି ବରାଲିନି ବଜାର କମିଟି ପକ୍ଷରୁ ମଧ୍ୟ ଜାକଜମକରେ ବିସର୍ଜନ ହେଉଅଛି। ଜିଲ୍ଲା ଏବଂ ଜିଲ୍ଲା ବାହାରୁ ବହୁ ସାଂସ୍କୃତିକ ଟିମ୍ ସେମାନଙ୍କ କଳା ପ୍ରଦର୍ଶନ କରୁଛନ୍ତି ଏହି କାର୍ଯ୍ୟକ୍ରମରେ। ବିସର୍ଜନ ଦେଖିବାକୁ ମଧ୍ୟ ରାସ୍ତା କଡରେ ଅନେକ ଲୋକଙ୍କ ଗହଳି ଦେଖିବାକୁ ମିଳିଛି।
ଭରସା ପରିବାର ସବୁ ବେଳେ ସବୁ ସମୟରେ

ଲୋକଙ୍କ ସୁଖ ଦୁଖରେ ସବୁବେଳେ ସବୁ ସମୟରେ ରହିଆସୁଛି ଭରସା ପରିବାର । ସୁଚନା ଅନୁଯାୟୀ କେନ୍ଦୁଝର ଜିଲ୍ଲା ସାହାରପଡା ବ୍ଲକ ଖଜିରିପାଟ ଗ୍ରାମ ପଞ୍ଚାୟତର ଅନ୍ତର୍ଗତ ମୁକ୍ତାପୁର ଗ୍ରାମର ନିଶାମଣି ନାଏକ ରୋଗଗ୍ରସ୍ତ ହୋଇ ମୃତ୍ୟୁ ବରଣ କରିଥିଲେ ଏହାପରେ ଶୁଦ୍ଧିକ୍ରିୟା କରିବା ପାଇଁ ଅର୍ଥ ଅଭାବରୁ ଝିଅ ମଞ୍ଜୁଳା ନାଏକ ଭରସା ପରିବାରକୁ ଅନୁରୋଧ କରିଥିଲେ ଖବର ପାଇ ଘଟଣାସ୍ଥଳରେ ଭରସା ପରିବାର ମଞ୍ଜୁଳାଙ୍କ ଘରକୁ ଯାଇ ଶୁଦ୍ଧିକ୍ରିୟା ପାଇଁ ଆବଶ୍ୟକୀୟ ତେଜରାତି ସାମଗ୍ରୀ ଶୁଖିଲା ଖାଦ୍ୟ ଓ ପନିପରିବା ନୂତନ ବସ୍ତ୍ର ପ୍ରଦାନ କରିଥିଲେ । ତେବେ ପୁରା ପରିବାର ଭରସା ପରିବାରକୁ ଧନ୍ୟବାଦ ଜଣାଇଛନ୍ତି
ଖଜୁରିଆ ଜାତି ସମାଜ ମହାସଂଘ ଅଧିବେଶନ ଅନୁଷ୍ଠିତ

ଅନୁଗୋଳ ଜିଲ୍ଲା ଆଠମଲ୍ଲିକ ନିର୍ବାଚନ ମଣ୍ଡଳୀର କିଶୋର ନଗର ବ୍ଲକ ନାକିଚି ପଞ୍ଚାୟତ ଜୟଗଡ ବଙ୍ଗଳାଠାରେ ଖଜୁରିଆ ସମାଜ ମହାସଂଘ ଅଧିବେଶନ ଅନୁଷ୍ଠିତ ହୋଇଯାଇଛି। ସଭାପତି ନବ ବେହେରା, ସମ୍ପାଦକ ପବିତ୍ର ବେହେରାଙ୍କ ଆହ୍ଵାନ କ୍ରମେ ଆଠମଲ୍ଲିକ ଉପଖଣ୍ଡସ୍ତରୀୟ ଅଧିବେଶନରେ ଖଜୁରୀଆ ସମାଜର ସାମୂହିକ ବିକାଶ ପାଇଁ ଭିତ୍ତିଭୂମି ସୁଦୃଢ କରିବା ଉପରେ ଗୁରୁତ୍ବାରୋପ କରାଯାଇଥିଲା। ପୂର୍ବତନ ଅନୁଗୋଳ ଜିଲ୍ଲାପରିଷଦ ଅଧ୍ଯକ୍ଷା ସସ୍ମିତା ବେହେରା ମୁଖ୍ୟ ଅତିଥି ଭାବେ ଯୋଗଦେଇ ସଭାକୁ ଉଦ୍ଘାଟନ କରିଥିଲେ । ସମସ୍ତଙ୍କ ସହ ସମାନ ହୋଇ ମଣିଷ ପରି ମଣିଷ ବଞ୍ଚିବାକୁ ସମ୍ୱିଧାନ ଦେଇଥିବା ଅଧିକାର କିପରି ହାସଲ କରାଯାଇ ପାରିବ ତା ଉପରେ ବିସ୍ତୃତ ଆଲୋଚନା ହୋଇଥିଲା । ଅନ୍ୟପଟେ ଖଜୁରିଆ ସମାଜ ଆଗରେ ପ୍ରତିବନ୍ଧକ ହୋଇ ଠିଆ ହୋଇଥିବା ସରକାରୀ ନୀତି ନିୟମ ଦୂର କରିବା ଦିଗରେ ସମସ୍ତେ ଏକତ୍ରିତ ହୋଇ କାମ କରିବାକୁ ଏଠାରେ ଉପସ୍ଥିତ ବ୍ୟକ୍ତିମାନେ ମତ ଦେଇଥିଲେ। ଏହି ସମାବେଶରେ ଖଜୁରୀଆ ସମାଜର ୨୦୦ ରୁ ଉର୍ଦ୍ଧ ସଦସ୍ୟ ଯୋଗଦେଇଥିଲେ । ଖଜୁରୀଆ ମହାସଂଘର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଆମନ୍ତ୍ରିତ ଅତିଥିମାନେ ବିଭିନ୍ନ ପ୍ରକାର ବକ୍ତବ୍ୟ ପ୍ରଦାନ କରି ଉପସ୍ଥିତ ଜାତିଭାଇଙ୍କୁ ସଚେତନ କରିଥିଲେ।
ସମୁଦ୍ରରେ ମାଛ ଧରା ଉପରେ କଟକଣା, ଚିନ୍ତାରେ ମତ୍ସ୍ୟଜୀବି

ସମୁଦ୍ର ଭିତରେ ମାଛ ଧରା ଉପରେ କଟକଣା ଲାଗୁ କଲେ ସରକାର। ଯାହାକୁ ନେଇ ଏବେ ଚିନ୍ତାରେ ମତ୍ସ୍ୟଜୀବି। କଇଁଛ ସୁରକ୍ଷା ପାଇଁ ସରକାର ସାତ ମାସର କଟକଣା ଟ୍ରଲର ମାଲିକ ଓ ମତ୍ସ୍ୟଜୀବିଙ୍କୁ ପକାଇଛି ଚିନ୍ତାରେ। ନଭେମ୍ବର ୧ ରୁ ମଇ ୩୧ ଯାଏ ଉପକୁଳ ରୁ ସମୁଦ୍ର ଭିତରକୁ ମାଛ ଧରିବା ପାଇଁ କଟକଣା ଜାରି କଲେ ସରକାର। ତେବେ କଇଁଛ ଙ୍କ ସୁରକ୍ଷା ପାଇଁ ସରକାର ଯେମିତି ତର୍ତରତା ଦେଖାୁଛନ୍ତି ସେମିତି ମତ୍ସ୍ୟଜୀବିଙ୍କ କଥା ମଧ୍ୟ ଚିନ୍ତା କରିବାକୁ କହିଛନ୍ତି ପାରାଦ୍ବିପ ମେରାଇନ କୋପରେଟିଭ୍ ସୋସାଇଟର ସଭାପତି ପୁରନ୍ଦର ବିଶ୍ବାଳ

ସରକାରଙ୍କ ନିୟମ ଅନୁଯାୟୀ ସମୁଦ୍ର କୂଳ ରୁ ୨୦ କିଲୋମିଟର ପର୍ଯ୍ୟନ୍ତ କୌଣଷି ଯନ୍ତ୍ର ଚାଳିତ ଡଙ୍ଗା କିମ୍ବା ଟ୍ରଲର ଯାଇ ମାଛ ଧରି ପାରିବେ ନାହିଁ। କାରଣ ଏହି ସମୟରେ ଦୂର ସମୁଦ୍ର କୂଳ କୁ ଅଣ୍ଡା ଦେବା ପାଇଁ ଆସିଥାନ୍ତି ଲକ୍ଷ୍ୟ ଲକ୍ଷ୍ୟ କଇଁଛ। ଓଡିଶା ର ଦେବୀ , ଋଷିକୁଲ୍ୟା ଓ ବରୁଣେଇ ମୁହାଣ ମୁହଁ ରେ ଏଭଳି ପ୍ରତିବନ୍ଧକ ଲଗାଇଛନ୍ତି ସରକାର।ଆଉ ନିୟମ ଉଲ୍ଲଂଘନ କଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ବରିଷ୍ଟ ନାଗରିକ ମଞ୍ଚର ଆବାସ ଦୁର୍ନୀତି ଅଭିଯୋଗରେ ବ୍ଲକ ଆଗରେ ଆମରଣ ଅନଶନ

ରାଜ୍ୟ ଓ କେନ୍ଦ୍ର ସରକାର ଗରିବ ଯୋଗ୍ୟ ହିତାଧିକାରୀ ମାନଙ୍କ ପାଇଁ ଆବାସ ଗୃହ ଯୋଗାଇ ଦେଉଥିବା ବେଳେ କିଛି କୁଜିନେତା ଏବଂ ବିଭାଗୀୟ ଅଧିକାରୀ ଟଙ୍କା ନେଇ ଅଯୋଗ୍ୟ ହିତା ଧିକରୀ ମାନଙ୍କୁ ଆବାସ ଗୃହ ଯୋଗାଇ ଦେଉଥିବା ଅଭିଯୋଗ ଆସିଛି ଘଂଟେଶ୍ୱର ବାଜରପୂର ପଞ୍ଚାୟତରୁ ।ଏନେଇ ଚାନ୍ଦବାଲି ବ୍ଲକ ଆଗରେ ବଜରାପୁର ପଞ୍ଚାୟତରେ ବରିଷ୍ଠ ନାଗରିକ ମଞ୍ଚ ତରଫରୁ ଆମରଣ ଅନଶନ ଦେଖିବାକୁ ମିଳିଛି । ଗରିବ ଯୋଗ୍ୟ ହିତାଧିକାରୀ ମାନଙ୍କ ପାଇଁ ସରକାର ଆବାସ ଗୃହ ଆସୁଥିବା ବେଳେ କିଛି ଅଯୋଗ୍ୟ ହିତାଧିକାରୀ ଏହାର ଫାଇଦା ନେବା ପାଇଁ ଚେଷ୍ଟା କରିଛନ୍ତି।ଏହି ଘଟଣାର ବଜରାପୁର ଗ୍ରାମଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ଏହାର ପ୍ରତିବାଦ କରିବାରୁ କିଛି କୁଚକ୍ରି ଆମରଣ ଅନଶନ କରୁଥିବା କଥା କହିଛନ୍ତି।ଚାନ୍ଦବାଲି ବିଡ଼ିଓ ଅନଶନ କାରି ମାନଙ୍କ ପାଖରେ ପହଞ୍ଚି ୧୫ଦିନ ଭିତରେ ଏହାର ସଠିକ୍ ତଦନ୍ତ କରି ସମାଧାନ କରିବା ପାଇଁ ପ୍ରତିସୃତି ଦେବାପରେ ଅନଶନକାରି ଘଟଣା ସ୍ଥଳରୁ ଓହୋରି ଥଲେ । କିନ୍ତୁ ଏ ଅଭିଯୋଗର ସଠିକ୍ ତଦନ୍ତ ପାଇଁ ଚାନ୍ଦବାଲି ବିଡ଼ିଓଙ୍କୁ ସୁପାରିଶ କରିଛନ୍ତି ।

ଗୋଟିଏ ପଟେ ଯୋଗ୍ୟ ହୀତାଧିକାରୀ ଯୋଜନାରୁ ବଞ୍ଚିତ ହେଉଥିବା ଅଭିଯୋଗ ହୋଇଥିବା ବେଳେ ଏହାକୁ ମମ୍ପୁର୍ଣ୍ଣ ରୂପେ ଖଣ୍ଡନ କରିଛନ୍ତି ସରପଞ୍ଚ । ତେବେ କିଏ ସତ କହୁଛି ଏବଂ କିଏ ମିଛ ତାହା ତଦନ୍ତ ପରେ ସ୍ପଷ୍ଟ ହେବ ।