Tag: suchanatv24x7

ବାରହା ପାଇଁ ବିଛା ଯାଇଥିବା ବୋମା ଖାଇ ବଳଦର ମୃତୁ ସହ ସଂଘର୍ଷ

ବାରହା ଶିକାର ପାଇଁ ଦୁର୍ବୁତ୍ତ ଶିକାରୀ ମାନଙ୍କ ଦ୍ଵାରା ବିଛା ଯାଇଥିବା ବୋମା ଖାଇ ବଳଦ ମୃତୁ ସହ ସଂଘର୍ଷ କରୁଥିବା ଜଣାପଡିଛି | ମିଳିଥିବା ସୂଚନା ଅନୁଯାଇ ଗତ ଦୁଇ ଦିନ ତଳେ ଖଲ୍ଲିକୋଟ ଥାନା ଅନ୍ତର୍ଗତ କମଳା ପଦର ଗ୍ରାମର ଭାଗିରଥି ପାହାନ ଙ୍କ ସ୍ତ୍ରୀ ସଂଜୁ ପାହାନ ଜଣେ ମହିଳା ଗୋପାଳକ ଗତ ୬ ତାରିଖ ଦିନ ତାଙ୍କର ଗାଇ ଗୋଠ ଟି ଚାରାଇବା ପାଇଁ ନିକଟସ୍ଥ ଜଙ୍ଗଲ କୁ ଛାଡିଥିଲେ | ସେଠାରେ ଅନ୍ୟ ଗାଇ ଗୋରୁ ସମେତ ଗୋଟିଏ କଳା ବଳଦ ଖାଦ୍ୟ ନେଉଥିବା ବେଳେ ବାରହା ଶିକାର ପାଇଁ ଶିକାରୀ ମାନେ ବିଛଇ ଥିବା ବୋମା କୁ ଉକ୍ତ ବଳଦ ଟି ତାକୁ ଚୋବେଇ ଥିବା ବେଳେ ହଠାତ ବୋମା ଟି ପ୍ରଚଣ୍ଡ ବସ୍ଫୋରଣ ହୋଇ ଥିଲା | ଫଳରେ ବୋମା ମାଡ ରେ ବଳଦ ତଳ ପାଟି ର ଅଂଶ ଜିଭ ସହ ଉଡି ଯାଇଥିଲା | ବର୍ତମାନ ବଳଦ ଟି ଆହାର ଗ୍ରହଣ କରି ନପାରି ମୃତୁ ସହ ସଂଘର୍ଷ କରୁଛି | ତେଣୁ ଗୋପାଳକ ସଂଜୁ ଜଙ୍ଗଲ ବିଭାଗକୁ କ୍ଷତି ପୂରଣ ଦାବି କରିବା ସହ ସ୍ଥାନୀୟ ପ୍ରାଣୀ ଚିକିଛାଳୟ ରେ ବଳଦଟି ଚିକିଛିତ ହେଉଥିବା ଜଣାପଡିଛି |
ଭୁବନେଶ୍ୱର ଜିଲ୍ଲା କଂଗ୍ରେସର ସଂକୀର୍ତ୍ତନ ସତ୍ୟାଗ୍ରହ

ଶ୍ରୀମନ୍ଦିରର ବିଭିନ୍ନ ସମସ୍ୟାର ସମାଧାନ ପାଇଁ କଂଗ୍ରେସର ବାରମ୍ବାର ଦାବିକୁ ଅଣଦେଖା କରୁଛନ୍ତି ସରକାର। ଏହାକୁ ବିରୋଧ କରି କଂଗ୍ରେସ ପକ୍ଷରୁ ଆରମ୍ଭ ହୋଇଛି ସଂକୀର୍ତ୍ତନ ସତ୍ୟାଗ୍ରହ। ଏହି କ୍ରମରେ ଭୁବନେଶ୍ବର କଂଗ୍ରେସ ଭବନ ସମ୍ମୁଖରେ ସତ୍ୟାଗ୍ରହରେ ବସିଛନ୍ତି କଂଗ୍ରେସ କର୍ମକର୍ତ୍ତା। ସରକାର ତୁରନ୍ତ ଶ୍ରୀମନ୍ଦିରର ୪ ଦ୍ବାର ଖୋଲିବାକୁ ଦାବି କରିଛନ୍ତି କର୍ମକର୍ତ୍ତା। ଶ୍ରୀମନ୍ଦିର କରିଡର ପାଇଁ ଅନ୍ୟ ୩ ଦ୍ବାର ବନ୍ଦ କରାଯାଇଥିଲା। ଯାହା ଏପର୍ଯ୍ୟନ୍ତ ଖୋଲୁନାହିଁ। ଫଳରେ ଭକ୍ତ ଭାରିକେଟର ଲମ୍ବା ଲାଇନରେ ଠିଆହୋଇ ଅକଥନୀୟ ସମସ୍ୟା ଭୋଗୁଛନ୍ତି। ତେଣୁ ସବୁ ଦ୍ବାରକୁ ଭକ୍ତଙ୍କ ପାଇଁ ଖୋଲିବାକୁ ଦାବି କରିଛି କଂଗ୍ରେସ। ଅନ୍ୟପଟେ, ଭକ୍ତ ହରକତ ହେଉଥିବା ବେଳେ ମୋ ଓଡିଶା ନବୀନ ଓଡିଶା ଅଧ୍ୟକ୍ଷ ବିନା ଲାଇନରେ ଯିବା ଉପରେ ମଧ୍ୟ ପ୍ରଶ୍ନ କରିଛନ୍ତି କଂଗ୍ରେସ ନେତ୍ରୀ।

ସେହିପରି ଶ୍ରୀମନ୍ଦିର ରତ୍ନଭଣ୍ଡାର ଖୋଲିବାକୁ ନେଇ କଂଗ୍ରେସ କରିଥିବା ଦାବି ପରେ ସରକାର ରତ୍ନଭଣ୍ଡାରର ଲେଜର ସ୍କାନିଂ କରିବାକୁ ଯାଉଥିବାରୁ ସାମାନ୍ୟ ସନ୍ତୋଷ ପ୍ରକାଶ କରିଛନ୍ତି କଂଗ୍ରେସ ନେତା। ତଥାପି ଲେଜର ସ୍କାନିଂ ପରି ହାଇଟେକ୍ନୋଲୋଜିର ପ୍ରୟୋଗ ଉପରେ ସନ୍ଦେହ ପ୍ରକଟ କରାଯାଇଛି

ପୂର୍ବରୁ କଂଗ୍ରେସ ଶ୍ରୀମନ୍ଦିରର ଅନ୍ୟ ତିନି ଦ୍ବାର ଖୋଲିବା ସହ ୬ ଦଫା ଦାବି ନେଇ ଗତ ମାସ ପ୍ରଥମାର୍ଦ୍ଧରେ ପୁରୀରେ ଆନ୍ଦୋଳନ କରିଥିଲା। କିନ୍ତୁ ଏପର୍ଯ୍ୟନ୍ତ ଦାବି ପୂରଣ ହୋଇ ନ ଥିବାରୁ ଏବେ ସଂକୀର୍ତ୍ତନ କରି ଶୋଇରହିଥିବା ସରକାରକୁ ଉଠାଇବାକୁ ଚେଷ୍ଟା କରାଯାଉଥିବା କଂଗ୍ରେସ କହିବା ସହ ତୁରନ୍ତ ଦାବି ପୂରଣ ଦିଗରେ କାର୍ଯ୍ୟାନୁଷ୍ଠାନ ନ ହେଲେ ଆଗାମୀ ଦିନରେ ଆନ୍ଦୋଳନ ଭୟଙ୍କର ହେବ ବୋଲି ଚେତାବନୀ ଦିଆଯାଇଛି।
କାଳିକାପ୍ରସାଦ ଜଙ୍ଗଲରେ ହାତୀଙ୍କ ମନୋରମ ଜଳକ୍ରୀଡା

କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ କାଳିକାପ୍ରସାଦ ଜଙ୍ଗଲ ରେ ହାତୀ ଙ୍କ ମନୋରମ ଜଳକ୍ରୀଡା ଦେଖିବାକୁ ମିଳିଛି ।ଗତ କିଛି ଦିନ ଧରି ୪୨ ଟିକିଆ ହାତୀପଲ ଚମ୍ପୁଆ ରେଞ୍ଜ ଅନ୍ତର୍ଗତ କାଳିକା ପ୍ରସାଦ ରିଜର୍ଭ ଜଙ୍ଗଲ ରେ ଆଡ୍ଡା ଜମାଇ ଥିବା ବେଳେ ହାତୀ ପଲ ନିକଟସ୍ଥ ଗାଁ ଓ ଜଙ୍ଗଲ ରେ ବୁଲୁଛନ୍ତି ।ତେବେ ଏହି ହାତୀ ମାନଙ୍କ ମଧ୍ୟରେ ମାଇହାତି ୧୮, ଦନ୍ତା ୧୧ ଓ ଛୁଆ ହାତୀ ୧୩ ଟି ଥିବା ସୂଚନା ମିଳିଛି । ହାତୀପଲ ଙ୍କୁ ଘଉଡେଇବା ପାଇଁ ବନବିଭାଗ ନାକେଦମ ହେଲେଣି ।ତେବେ ଏହାରି ଭିତରେ ଗତକାଲି ଜଙ୍ଗଲ ଭିତରେ ଥିବା ଏକ ପୋଖରୀ ରେ ହାତୀମାନଙ୍କର ଜଳକ୍ରୀଡା ଦେଖିବାକୁ ମିଳିଛି ।
ଦେବଗଡ଼ରେ ଥମୁନି ହାତୀ ଉତ୍ପାତ

ଦେବଗଡ଼ ଜିଲ୍ଲା ରିଆମାଳ ବ୍ଲକ ଅନ୍ତର୍ଗତ ନୁଆଡିହ ଫରେଷ୍ଟ ରେଞ୍ଜର ମହାସିନ୍ଧୁ, ଫୁଲଝରି, ନୁଆଡିହରେ ଦୀର୍ଘ ୨ ମାସ ହେଲା ହାତୀଙ୍କ ଉପସ୍ଥିତି ଚିନ୍ତାର କାରଣ ପାଲଟିଛି । ଜଙ୍ଗଲରୁ ଗାଁ ମୁହାଁ ହେଉଛନ୍ତି ହାତୀ ଆଉ ଫସଲ ନଷ୍ଟ କରିବା ସହ ବ୍ୟାପକ କ୍ଷୟକ୍ଷତି କରୁଛନ୍ତି ।ଆଉ ଏଥିରେ ଅତିଷ୍ଠ ହୋଇପଡିଲେଣି ସ୍ଥାନୀୟ ଲୋକେ ।ତେବେ ଗତକାଲି ସନ୍ଧ୍ୟା ସମୟରେ ହାତୀପଲ ଗାଁ ରେ ପଶିଆସିଥିଲେ ଫଳରେ ଗ୍ରାମ ବାସୀ ଭୟଭୀତ ହୋଇପଡିଥିଲେ । ଖବର ପାଇ ନିକଟସ୍ଥ ବନବିଭାଗ ଉକ୍ତ ଜାଗାରେ ପହଞ୍ଚି ଦୀର୍ଘ ଏକ ଘଣ୍ଟା ପରେ ଗ୍ରାମ ବାସୀଙ୍କ ସହାୟତାରେ ହାତୀ କୁ ଘଉଡାଇବାରେ ସଫଳ ହୋଇଥିବା ବେଳେ ନଷ୍ଟ ହେଇଥିବା ଧାନ ଚାଷର କ୍ଷୟ କ୍ଷତି ଆକଳନ କରି କ୍ଷତି ପୂରଣ ଯୋଗାଇ ଦେବା ପାଇଁ ଗ୍ରାମ ବାସୀ ଦାବି କରିଥିଲେ।
ବ୍ୟବସ୍ଥା ଠାରୁ ଦୁରରେ ଯୋଡ଼ାସାହି ପ୍ରାଥମିକ ବିଦ୍ୟାଳୟ

ରାଜ୍ୟ ସରକାର ଗ୍ରାମାଞ୍ଚଳରେ ଶିକ୍ଷାର ବିକାଶ ପାଇଁ ବିଭିନ୍ନ ଯୋଜନା ମାଧ୍ୟମରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। କିନ୍ତୁ ବାସ୍ତବ ଚିତ୍ର ଦେଖିଲେ ଆପଣ ଜାଣିପାରିବେ ଶିକ୍ଷାର ବିକାଶ କେତେଦୁର ଆଗେଇଛି। ଯାହାର ବିଗତ ଦିନରେ ଅନେକ ନଜିର ରହିଛି । କେତେବେଳେ ପିଲାଙ୍କ ପାଇଁ ପ୍ରସ୍ତୁତ ମଧ୍ୟାହ୍ନ ଭୋଜନରୁ ବିଭିନ୍ନ ସରିଶୃପ ବାହାରୁଛିତ ଆଉ କେତେ ବେଳେ ମଧ୍ୟାହ୍ନ ଭୋଜନ ଖାଇ ପିଲା ଅସୁସ୍ଥ ହେଲେଣି । ତେଣୁ ପିଲାଙ୍କ ସ୍ବସ୍ଥ୍ୟକୁ ନଜରରେ ରଖି ସମସ୍ତ ସ୍କୁଲରେ ତିଆରି ହୋଇଛି ମଧ୍ୟାହ୍ନ ଭୋଜନ ଗୃହ । କିନ୍ତୁ ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ସିଙ୍ଗାର ପଲ୍ଲୀ ପଂଚାୟତର ଯୋଡ଼ା ସାହି ପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି ତାର ଓଲଟା ଚିତ୍ର । କେବଳ ମଧ୍ୟାହ୍ନ ଭୋଜନ ଗୃହ ନୁହେଁ ଏଠାରେ ଶିକ୍ଷକଙ୍କ ଅଭାବ ସହ ଶ୍ରେଣୀ ଗୃହର ମଧ୍ୟ ଅଭାବ ରହିଛି । ଥରେ ଦେଖନ୍ତୁ ଯୋଡ଼ା ସାହି ପ୍ରାଥମିକ ବିଦ୍ୟାଳୟର ଅବସ୍ଥା । ଆଉ ଏହାକୁ ନେଇ ପାଚିକା ଏବଂ ଗ୍ରାମବାସୀ କଣ କହୁଛନ୍ତି, ଶୁଣନ୍ତୁ ।

ଏନେଇ ନୂଆଗାଁ ବ୍ଲକ ଶିକ୍ଷା ଅଧିକାରୀ ପ୍ରସାନ୍ତ କୁମାର ସାହୁଙ୍କ ମତାମତ ନେଇଥୀଲୁ । ସେ କହିଛନ୍ତି ଆମର ସେମିତି କିଛି ଟଙ୍କା ନାହିଁ ଆମେ ବ୍ଲକ ଉପରେ ନିର୍ଭରଶୀଳ। କିନ୍ତୁ ଆଗକୁ କ’ଣ କରିହେବ ସେ ନେଇ ଚେଷ୍ଟା କରିବି । ତେବେ ଦେଖିବାକୁ ବାକି ରହିଲା କେବେ ବଦଳୁଛି ଯୋଡ଼ା ସାହି ପ୍ରାଥମିକ ବିଦ୍ୟାଳୟର ଭାଗ୍ୟ ।
ଦୀପାବଳିରେ ରଙ୍ଗବେରଙ୍ଗର ବିଦ୍ୟୁତ୍ ଲାଇଟ୍କୁ ଫିକା କରିବ ମାଟିଦୀପର ସ୍ତିମିତ ଆଲୋକ

ଆଉ ଦିନ କେଇଟା ପରେ ଆଲୋକର ପର୍ବ ଦୀପାବଳି । ଦୀପାବଳି ପାଇଁ ଗାଁ ରୁ ସହର ଉତ୍ସବମୁଖର। ଘରଦ୍ୱାର ପରିଷ୍କାର ପରିଚ୍ଛନ୍ନ ହେଉଥିବା ବେଳେ ବ୍ୟବସାୟୀ ମାନେ ମଧ୍ୟ ନିଜ ବ୍ୟବସାୟ ପ୍ରତିଷ୍ଠାନକୁ ସଜାଡ଼ିବାରେ ବ୍ୟସ୍ତ। ଏହି ଆଲୋକର ପର୍ବ ବହୁ ଜଣଙ୍କୁ ଖୁସି ବାଣ୍ଟିବା ସହ ନିଜ ତେଲ ଲୁଣର ଆବଶ୍ୟକତା ମେଣ୍ଟାଇବା ପାଇଁ ଲାଗି ପଡିଛନ୍ତି କୁମ୍ଭକାର ପରିବାର। କୁମ୍ଭାକାର ପରିବାରରେ ଘରେ ଘରେ ମାଟି ଦୀପ ପ୍ରସ୍ତୁତ ଚାଲିଲାଣି। ଆଧୁନିକତାର ଚାକଚକ୍ୟ ମଧ୍ୟରେ ସବୁଠି ବିଦ୍ୟୁତ୍ ରଙ୍ଗାରଙ୍ଗ ଲାଇଟ୍ ।ଏହି ଆଧୁନିକତାର ସ୍ପର୍ଶ ମଧ୍ୟରେ କମିନି ମାଟି ଦୀପର ମହକ, ସେଥିପାଇଁ ସହର ଉପକଣ୍ଠ ନେଲୁଙ୍ଗ୍ ଗ୍ରାମର କୁମ୍ଭକାର ପରିବାର ମାଟି ଦୀପ ପ୍ରସ୍ତୁତ କରିବା ଆରମ୍ଭ କରି ଦେଇଛନ୍ତି।

ମାଟି ଦୀପ ପ୍ରସ୍ତୁତ ହେଲେ ବଜାରରେ ବିକ୍ରି କରି ପରିବାର ପ୍ରତିପୋଷଣ କରିବାର ଲକ୍ଷ୍ୟ ରଖିଛନ୍ତି। ଆଧୁନିକ ଲାଇଟ୍ ବ୍ୟବହାର ବଢିଥିଲେ ମଧ୍ୟ ମାଟି ଦୀପର ମହତ୍ତ୍ଵ ଅଲଗା ଥିବା କହିଛନ୍ତି ଗ୍ରାହକ। ଆଲୋକର ପର୍ବ ଦୀପାବଳିପାଇଁ ରଙ୍ଗବେରଙ୍ଗର ଲାଇଟ ସାଙ୍ଗକୁ ଦ୍ବୀପର ଚାହିଦା ମଧ୍ୟ ଢେର ରହିଛି
ବସ୍ତିବାସୀନ୍ଦାଙ୍କ ପାଇଁ ଏକ ମାତ୍ର ଭରସା ଚୂଆ ପାଣି

ସମସ୍ୟାରେ ଯୁଝି ହେଉଛନ୍ତି ବିକାଶଠାରୁ ବହୁ ଦୂରରେ ଥିବା ପାଣ୍ଡିଆ ବସ୍ତିବାସୀନ୍ଦା । ପ୍ରଶାସନିକ ଅବହେଳା ଓ ରାଜନୈତିକ ଇଚ୍ଛାଶକ୍ତିର ଅଭାବ ପାଇଁ ବିକାଶ ଏଠି ବାଟବଣା, ଲୋକଙ୍କ ପାଖରେ ପହଞ୍ଚି ପାରୁନି ସରକାରୀ ଯୋଜନା । ରାଜ୍ୟ ସରକାର ବିକାଶର କଥା କହୁଛନ୍ତି, ହେଲେ ଏଠି ବିକାଶ କାଗଜ କଲମରେ ସିମୀତହୋଇ ଟେବୁଲ ତଳେ ଚାପି ହୋଇଯାଇଛି । ଫେଲମାରିଛି ସରକାରୀ ଯୋଜନା । ଆଜିବି ରାସ୍ତା, ପାନୀୟ ଜଳ ଭଳି ମୌଳିକ ସୁବିଧା ପାଇ ପାରୁନାହାନ୍ତି ଅଞ୍ଚଳବାସୀ । ଆସନ୍ତୁ ଦେଖିବା କେନ୍ଦୁଝର ଜିଲ୍ଲା ଯୋଡ଼ା ବ୍ଳକ ଜଜାଙ୍ଗ ପଞ୍ଚାୟତର ପାଣ୍ଡିଆ ଗାଁର ଗ୍ରାଉଣ୍ଡ ଜିରୋରୁ ଏହି ରିପୋର୍ଟ । ବିକାଶର ବାସ୍ତବ ଚିତ୍ର ଆପଣଙ୍କ ସାମ୍ନାରେ।

ଦୀର୍ଘ ବର୍ଷର ସ୍ଵାଧୀନତା ପରେ ଆଜି ବି ନିଜ ମୌଳିକ ସମସ୍ୟାରେ ଜୁଝୀ ହେଉଛନ୍ତି ପାଣ୍ଡିଆ ଗ୍ରାମବାସୀ । ଆମ ରାଜ୍ୟରେ ଦୀର୍ଘ ୨୩ ବର୍ଷର ସ୍ଥିର ସରକାର, ତଥାପି ବିକାଶ ଏଠି ବାଟବଣା । ଥରେ ଆଖି ପୁରାଇ ଦେଖି ନିଅନ୍ତୁ ରାଜ୍ୟ ସରକାରଙ୍କ ବିକାଶର ବାସ୍ତବ ଚିତ୍ରକୁ । ଗାଁ ରେ ରାସ୍ତା, ପାନୀୟ ଜଳ ଭଳି ମୌଳିକ ସମସ୍ୟା ଲୋକଙ୍କୁ କଲବଲ କରୁଛି ।ଅଭିଯୋଗ ପରେବି ସମସ୍ୟାର ସମାଧାନ ହେଉନାହିଁ । ଆମେ କହୁଛୁ ରାଜ୍ୟ ରାଜ କୋଷକୁ ସମୃଦ୍ଧ କରୁଥିବା କେନ୍ଦୁଝର ଜିଲ୍ଲାର କଥା ।

ଯୋଡା ବ୍ଳକ ଠାରୁ ମାତ୍ର ୧୦ କିଲୋମିଟର ଦୂରରେ ଅବସ୍ଥିତ ଏହି ଗାଁ । ରାଜ୍ୟ ସରକାରଙ୍କ ରେକର୍ଡ ଅନୁସାରେ ୫୦ ଟି ପରିବାରର ୨୦୦ ରୁ ଅଧିକ ଲୋକ ବସବାସ କରନ୍ତି ଏହି ଗାଁରେ । ଦୀର୍ଘ ଦିନ ହେଲା ମୁନ୍ଦାଏ ପାଣି ପାଇଁ ସଂଘର୍ଷ କରି ଆସୁଛନ୍ତି ସ୍ଥାନୀୟ ଜନ ସାଧାରଣ । ବସ୍ତିର ମୁଣ୍ଡରେ ଥିବା ଏକମାତ୍ର ନଳକୂଅ ଲୋକଙ୍କର ସାହାରା କିନ୍ତୁ ସେଥିରୁ ଗୋଳିଆ ପାଣି ବାହାରୁଥିବାରୁ ବାଧ୍ୟ ହୋଇ ଚୂଆ ପାଣି ଉପରେ ଭରସା କରୁଛନ୍ତି ବସ୍ତି ବାସିନ୍ଦା ।

କ୍ରମାଗତ ଭାବରେ ବସ୍ତି ବାସିନ୍ଦାଙ୍କ ପାନୀୟ ଜଳ ଅଭାବ ବିଷୟରେ ଅଭିଯୋଗ କରାଯିବାପରେ ପଞ୍ଚାୟତ ପକ୍ଷରୁ ଦିଆଯାଇଛି ଗୋଟିଏ ସୋଲାର ଟାଙ୍କି । କିନ୍ତୁ, ବର୍ଷାଦିନ କିମ୍ବା ମେଘୁଆ ପାଗରେ ସୋଲାର ଟାଙ୍କି ଅଚଳ ହୋଇ ପଡୁଥିବାରୁ ଚୁଆ ପାଣି ଉପରେ ନିର୍ଭରଶୀଳ ହୁଅନ୍ତି ବସ୍ତି ବାସିନ୍ଦା । ଚୁଆ ପାଣି ବ୍ୟବହାର କରିବା ଦ୍ୱାରା ବିଭିନ୍ନ ରୋଗରେ ବିଭିନ୍ନ ରୋଗରେ ଆକ୍ରାନ୍ତ ହୋଉଛନ୍ତି ଲୋକେ । ଉତ୍ତମ ପାନୀୟ ଜଳର ଅଭାବ ସହିତ ଗମନା ଗମନ କ୍ଷେତ୍ରରେ ମଧ୍ୟ ଅସୁବିଧା ଭୋଗ କରୁଛନ୍ତି ଲୋକେ ।

ଖରାପ ରାସ୍ତା ଯୋଗୁଁ ସାହି ମଧ୍ୟକୁ ଆମ୍ବୁଲାନ୍ସଟିଏ ମଧ୍ୟ ଆସି ପାରୁ ନାହିଁ । ଅନ୍ୟପଟେ, ପୂର୍ବରୁ ଖଣିରେ କାର୍ଯ୍ୟକରି ପରିବାର ପ୍ରତି ପୋଷଣ କରି ଆସୁଥିବା ସ୍ଥାନୀୟ ଅଧିବାସୀ, ନିକଟରେ ଥିବା ଖଣି ବନ୍ଦ ହେବା ପରେ ରୋଜଗାର ହରାଇ ବସି ରହିଛନ୍ତି । ତେବେ ସ୍ଥାନୀୟ ପ୍ରଶାସନ ଏବଂ ସରକାରଙ୍କ କୁମ୍ଭକର୍ଣ୍ଣ ନିଦ୍ରା କେବେ ଭାଙ୍ଗିବ ଆଉ ଏହି ବସ୍ତି ବାସିନ୍ଦାଙ୍କ ସମସ୍ୟା କେବେ ଲାଘବ ହେବ ତାହା ଦେଖିବାକୁ ବାକି ରହିଲା।
ଟାଟା ପାୱାର କାର୍ଯ୍ୟାଳୟ ସମୁଖରେ ଓଡ଼ିଶା ବିଜୁଳି କର୍ମଚାରୀ ସଂଘର କୁଶପୁତ୍ତଳିକା ଦାହ

ଓଡ଼ିଶା ବିଜୁଳି କର୍ମଚାରୀ ସଂଘର ଗଣଧାରଣା ୩ ମାସ ପୂର୍ତ୍ତି ଅବସରରେ ଟାଟା ପାୱାର କାର୍ଯ୍ୟାଳୟ ସମ୍ମୁଖରେ ଟାଟା ମ୍ୟାନେଜମେଣ୍ଟ କୁଶପୁତ୍ତଳିକା ଦାହ କରିଛି । ବ୍ରହ୍ମପୁର, ସ୍ଥାନୀୟ କମାପଲ୍ଲୀ ଛକ ନିକଟସ୍ଥ ଓଡ଼ିଶା ବିଜୁଳି କର୍ମଚାରୀ ସଂଘର ଗଣଧାରଣା ଆଜକୁ ତିନି ମାସରେ ପହଞ୍ଚିଲାଣି। ଟାଟା ପାୱାର ମ୍ୟାନେଜମେଣ୍ଟ ଜିଲ୍ଲାପାଳ ଙ୍କ ପାଖରେ ଚୁକ୍ତିନାମା ଅନୁସାରେ କାର୍ଯ୍ୟକାରୀ ହୋଇପାରୁନାହିଁ। ପୂର୍ବରୁ ଚେୟାରମେନ୍ ସହିତ ହୋଇଥିବା ଆଲୋଚନା ପ୍ରକାରେ ପ୍ରତିବର୍ଷ ୨୦୦ ପଦବୀ ନିଯୁକ୍ତି ଦେବା ନିମନ୍ତେ ସାଉଥକୋ କର୍ତ୍ତୃପକ୍ଷ ଙ୍କ ସହିତ ଚୁକ୍ତିନାମା ହୋଇଥିଲା। ଟାଟା ପାୱାର ଆସିଲା ପରେ କୌଣସି କାର୍ଯ୍ୟକାରୀ ନ ହେବାରୁ ଜିଲ୍ଲାପାଳ ଟାଟା ପାୱାର ମ୍ୟାନେଜମେଣ୍ଟ ଓ ଓଡ଼ିଶା ବିଜୁଳି କର୍ମଚାରୀ ସଂଘ ଯାହା ଆଲୋଚନା କରାଯାଇଥିଲା ତାହା କାର୍ଯ୍ୟକାରୀ ହୋଇନାହିଁ । ତେବେ ଦାବି ପୁରଣ ନହେବାରୁ ଆଜି ଟାଟା ମ୍ୟାନେଜମେଣ୍ଟ ର କୁଶପୁତ୍ତଳିକା ଦାହ କରାଯାଇଛି। ଚୁକ୍ତିନାମା ଅନୁସାରେ ଦାବି ପୂରଣ ନହେଲେ ଆନ୍ଦୋଳନ ଜାରି ରହିବ ବୋଲି ସଂଘର କାର୍ଯ୍ୟକାରୀ ସଭାପତି,ସମ୍ପାଦକ ଶ୍ରୀ ପଞ୍ଚାନନ ଜେନା,ଶ୍ରୀ ସୁଶାନ୍ତ ଗୌଡ ମତ ପ୍ରକାଶ କରିଛନ୍ତି। ଟାଟା ମ୍ୟାନେଜମେଣ୍ଟ ଓ ଓଡ଼ିଶା ସରକାର ଙ୍କ ଯୌଥ ଉଦ୍ୟୋଗ ହେତୁ ଓଡ଼ିଶା ସରକାର ହସ୍ତକ୍ଷେପ କରିବା ନିହାତି ଆବଶ୍ୟକ ଅଛି ବୋଲି ସଂଘର କାର୍ଯ୍ୟକାରୀ ସଭାପତି କହିଛନ୍ତି।
ଆର ପାରିରେ ମହେଶ୍ୱର ମହାନ୍ତି, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ

ପୂର୍ବତନ ବାଚସ୍ପତି ତଥା ୫ଥରର ବିଧାୟକ ମହେଶ୍ୱର ମହାନ୍ତିଙ୍କ ପରଲୋକ । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୬୭ ବର୍ଷ ହୋଇଥିଲା। । ଗତ ୩୧ ତାରିଖରୁ ଚିକିତ୍ସାଧୀନ ଥିଲେ ମହେଶ୍ୱର ମହାନ୍ତି।
ପୂର୍ବତନ ବାଚସ୍ପତି ମହେଶ୍ୱର ମହାନ୍ତିଙ୍କ ପରଲୋକରେ ବହୁ ବିସିଷ୍ଟ ବ୍ୟକ୍ତିଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୋକ ପ୍ରକାଶ କରିଛନ୍ତି ।ସ୍ବର୍ଗତ ମହେଶ୍ବର ମହାନ୍ତି ଜଣେ ଲୋକ ପ୍ରିୟ ଜନ ନେତା ଭାବରେ ସୁନାମ ଅର୍ଜନ କରିଥିଲେ। ଏହାସହ ଜଣେ ଦକ୍ଷ ସଂଗଠକ ଭାବରେ ତାଙ୍କର ସୁନାମ ଥିଲା। ମନ୍ତ୍ରୀ ତଥା ବିଧାୟକ ଭାବେ ରାଜ୍ୟର ବିକାଶରେ ସେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲେ ବୋଲି କହିଛନ୍ତି ମୁଖ୍ୟମନ୍ତ୍ରୀ।

ବିଶେଷକରି ପୁରୀ ଅଞ୍ଚଳର ବିକାଶରେ ତାଙ୍କର ଭୂମିକା ତାଙ୍କୁ ଅମର କରି ରଖିବ। ବାଚସ୍ପତି ଭାବରେ ଉଚ୍ଚ ଗଣତାନ୍ତ୍ରିକ, ସଂସଦୀୟ ପରମ୍ପରା ପ୍ରତିଷ୍ଠା ପାଇଁ ନିଜର ଅବଦାନ ରଖି ଯାଇଛନ୍ତି। ତାଙ୍କ ବିୟୋଗ ଓଡିଶା ପାଇଁ ଏକ ବଡ କ୍ଷତି ବୋଲି ମୁଖ୍ୟମନ୍ତ୍ରୀ କହିଛନ୍ତି। ମହେଶ୍ବରଙ୍କ ଅମର ଆତ୍ମାର ସଦଗତି କାମନା କରିବା ସହିତ ଶୋକ ସନ୍ତପ୍ତ ପରିବାର ବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ।

ପୁରୀର ପୂର୍ବତନ ବିଧାୟକ ତଥା ହେଭିୱେଟ ନେତା ମହେଶ୍ୱର ମହାନ୍ତି ୧୯୫୬ ଫେବ୍ରୁଆରୀ ୨୬ ତାରିଖରେ ଜନ୍ମଗ୍ରହଣ କରିଥିଲେ । ଛାତ୍ର ରାଜନୀତିରୁ ନିଜ କ୍ୟାରିୟର ଆରମ୍ଭ କରିଥିବା ମହେଶ୍ୱର ୧୯୭୫ ମସିହାରେ ପ୍ରଥମେ ପୁରୀ ମୁନିସିପାଲିଟି କାଉନସିଲର ଭାବେ ନିର୍ବାଚିତ ହୋଇଥିଲେ । ଏହା ପରେ ସେ ୧୯୮୫ରୁ ୧୯୯୦ ପର୍ଯ୍ୟନ୍ତ ପୁରୀ ମୁନିସିପାଲିଟିର ଅଧ୍ୟକ୍ଷ ହୋଇଥିଲେ । ୧୯୯୫ରେ ସେ ରାଜ୍ୟ ରାଜନୀତିକୁ ଆସିଥିଲେ । ୧୯୯୫ ମସିହାରେ ଜନତା ଦଳ ଟିକେଟରେ ପୁରୀ ବିଧାନସଭାରୁ ପ୍ରଥମେ ନିର୍ବାଚିତ ହୋଇଥିଲେ ।

ପରେ ବିଜେଡି ଟିକେଟରେ ୨୦୦୦, ୨୦୦୪, ୨୦୦୯, ୨୦୧୪ରେ ପୁରୀ ବିଧାୟକ ଭାବେ ନିର୍ବାଚିତ ହୋଇଥିଲେ । ୨୦୦୪ରୁ ୨୦୦୮ ପର୍ଯ୍ୟନ୍ତ ବିଧାନସଭାର ବାଚସ୍ପତି ଦାୟିତ୍ୱ ସମ୍ଭାଳିଥିଲେ । ଏହାବ୍ୟତୀତ ୨୦୧୧ରେ ପଞ୍ଚାୟତିରାଜ ମନ୍ତ୍ରୀ, ୨୦୧୨ରେ ପର୍ଯ୍ୟଟନ ଓ ସଂସ୍କୃତି ବିଭାଗ ମନ୍ତ୍ରୀ, ୨୦୧୩ରେ ଆଇନ ମନ୍ତ୍ରୀ ଭାବେ ମଧ୍ୟ ସେ କାର୍ଯ୍ୟ କରିଥିଲେ । ୨୦୧୭ରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ସମ୍ବାଳିଥିଲେ ମହେଶ୍ୱର । ତେବେ ୨୦୧୯ରେ ସେ ନିର୍ବାଚନ ହାରି ଯାଇଥିଲେ । ତେବେ ପୁରୀ ସହରର ବିଭିନ୍ନ ସାଂଗଠନିକ କାର୍ଯ୍ୟରେ ତାଙ୍କର ଅବଦାନ ଯଥେଷ୍ଟ ଥିଲା ।

ତେବେ ତାଙ୍କର ବିୟୋଗରେ ସାରା ପୁରୀ ସହରରେ ଶୋକର ଛାୟା ଖେଳି ଯାଇଛି ।
ହାତୀ ଉପଦ୍ରବ, ଭାଙ୍ଗିଲେ ଘର

କେନ୍ଦୁଝର ଜିଲ୍ଲାରେ ଥମିବାର ନାଁ ଧରୁନି ହାତୀ ଉପଦ୍ରବ। ଚମ୍ପୁଆ ରେଞ୍ଜ ଅନ୍ତର୍ଗତ ଉଖୁଣ୍ଡା ସେକ୍ସନରେ ୧୮ ଟିକିଆ ହାତୀ ପଲଙ୍କ ଉତ୍ପାତ ଦୀର୍ଘ ଦିନ ଧରି ଜାରି ରହିଛି। ବନ ବିଭାଗର ଅପାରଗତା ପାଇଁ ହାତୀ ଅଞ୍ଚଳ ଛାଡିବାର ନାଁ ନେଉ ନାହାନ୍ତି। ନିୟନ୍ତ୍ରଣ ବାହାରକୁ ଗଲାଣି ହାତୀଙ୍କ ଉତ୍ପାତ। ପୂର୍ବରୁ ଫସଲ ନଷ୍ଟ କରୁଥିବା ହାତୀ ଏବେ ଗାଁ ଭିତରେ ପସି ଭାଙ୍ଗିଲେଣି ଘର। ମୟୁରଭଞ୍ଜ ପଟୁ ଚମ୍ପୁଆ ରେଞ୍ଜ ଅଞ୍ଚଳକୁ ପଶିଆସିଥିବା ଏହି ହାତୀ ପଲ ଉଖୁଣ୍ଡା ସେକ୍ସନର ଜାଲି ଜଙ୍ଗଲରେ ରହିଛନ୍ତି। ରାତି ହେଲେ ଜଙ୍ଗଲରୁ ବାହାରି ଗାଁ ମୁହାଁ ହେଉଛନ୍ତି। ଏମାନଙ୍କୁ ନିୟନ୍ତ୍ରଣ କରିବାରେ ବନବିଭାଗ ଵିଫଳ ହେବା ସହ ହାତୀ ପଲ ଗାଁରେ ପଶି ଗତରାତିରେ ଘର ଅନନ୍ତ ନାଏକ ଓ ମୀନା ମାଝୀଙ୍କ ଭାଙ୍ଗିବା ସହ ଧାନ ଖାଇଯାଇଛନ୍ତି। ଯାହାକୁ ନେଇ ଅସନ୍ତୋଷ ପୁଞ୍ଜିଭୂତ ହେଉଛି।

ତେବେ ସୌଭାଗ୍ୟବଶତଃ ଘର ଲୋକେ ଅନ୍ୟ ଘରେ ଶୋଇଥିବାରୁ ହାତୀ ଆକ୍ରମଣରୁ ବର୍ତ୍ତିଯାଇଛନ୍ତି। ହାତୀ ଗାଁରେ ପଶି ଘର ଭାଙ୍ଗୁଥିଲେ ମଧ୍ୟ ବନ ବିଭାଗ କର୍ମଚାରୀଙ୍କ ପକ୍ଷରୁ କୌଣସି ସୂଚନା ଦେବା ତ ଦୂର କଥା କାହାରି ଦେଖା ଦର୍ଶନ ମଧ୍ୟ ମିଳି ନ ଥିଲା। ବିଭାଗର ଏପରି ଅପାରଗତା ଧୀରେ ଧୀରେ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି କରୁଛି ।