Tag: suchanatv24x7

ତ୍ରୟଦଶ ରାଜ୍ୟ ସ୍ତରୀୟ ଯାଜପୁର ପୁସ୍ତକ ମେଳା ପାଇଁ ସାମ୍ୱାଦିକ ସମ୍ମିଳନୀ

ଆସନ୍ତା ଡିସେମ୍ୱର ୧୫ ତାରିଖରୁ ୨୨ ତାରିଖ ପର୍ଯ୍ୟନ୍ତ ଯାଜପୁର ବାଳାଶ୍ରମ ପଡିଆରେ ତ୍ରୟଦଶ ରାଜ୍ୟ ସ୍ତରୀୟ ପୁସ୍ତକ ମେଳା ଅନୁଷ୍ଠିତ ହେବ। ଯାଜପୁର ଜିଲା ପରିଷଦ ସମ୍ମିଳନୀ କକ୍ଷରେ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଯାଜପୁର ଜିଲା ପ୍ରଶାସନ ଏବଂ ଅନନ୍ୟା ସାହିତ୍ୟ ସଂସଦ ଆନୁକୂଲ୍ୟରେ ବାଳାଶ୍ରମ ପଡିଆରେ ତ୍ରୟଦଶ ରାଜ୍ୟ ସ୍ତରୀୟ ପୁସ୍ତକ ମେଳା ନେଇ ସାମ୍ବାଦିକ ସମ୍ମିଳନୀ ରେ ସୂଚନା ଦିଆଯାଇଛି । ଅନନ୍ୟା ସାହିତ୍ୟ ସଂସଦ ସଭାପତି ସନ୍ତୋଷ କୁମାର ନନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଅତିରିକ୍ତ ଜିଲ୍ଲାପାଳ ରାଜସ୍ୱ ଶୁଭେନ୍ଦ୍ର କୁମାର ସାମଲ, ଜିଲ୍ଳ। ସୂଚନା ଓ ଲୋକ ସଂପର୍କ ଅଧିକାରୀ ଲକ୍ଷ୍ମଣ କୁମାର ବେହେରା , ସଂପାଦକ ଡଃ କାହ୍ନୁ ଚରଣ ମିଶ୍ର, ଊପ-ସଭାପତି ବିଭୁତି ଭୂଷଣ ମହାପାତ୍ର ପ୍ରମୁଖ ଯୋଗ ଦେଇଥିଲେ। ଏହି ପୁସ୍ତକ ମେଳାରେ କବି ସମ୍ମିଳନୀ, କବିତା ପାଠୋତ୍ସବ, ବ୍ୟଙ୍ଗ କବି ସମ୍ମିଳନୀ ପ୍ରଭୃତି କାର୍ଯ୍ୟକ୍ରମ ସହ ବିଷୟବସ୍ତୁ ସଂପର୍କରେ ବିଜ୍ଞ ଆଲୋଚକଙ୍କ ଦ୍ୱାରା ଆଲୋଚନା ଚକ୍ର ଅନୁଷ୍ଠିତ ହେବ । ମୁକ୍ତ କୁଇଜ୍ ମାଧ୍ୟମରେ ପିଲା ମାନଙ୍କୁ ପୁରସ୍କୃତ କରାଯିବା ସହିତ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରୀୟ ଚିତ୍ରାଙ୍କନ, ତର୍କ ଓ ନୃତ୍ୟ ପ୍ରତିଯୋଗିତା ଏହି ମଂଚରେ ଅନୁଷ୍ଠିତ ହେବାର କାର୍ଯ୍ୟକ୍ରମ ସ୍ଥିର କରାଯାଇଚ୍ଥି ।
ସୂର୍ଯ୍ୟ ମୁଖୀ ଚାଷ କରି ଉପକୃତ ହୋଇପାରିବେ ଚାଷୀ

ରାୟଗଡ଼ା ଜିଲ୍ଲା ମୁନିଗୁଡ଼ା ବ୍ଲକ ମୁନିଗୁଡ଼ା କୃଷି ବିଭାଗ କାର୍ଯ୍ୟାଳୟ ଠାରେ ସୂର୍ଯ୍ୟ ମୁଖୀ ବିହନ ବଣ୍ଟନ କାର୍ଯ୍ୟକ୍ରମ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ବକ୍ତା ମୁନିଗୁଡ଼ା ADO ଶ୍ରୀଯୁକ୍ତ ଚିତ୍ତରଞ୍ଜନ ସତପଥି, ବକ୍ତା AO ହିମାଂଶୁ ବୁଷଣ ମହାନ୍ତି, AO ପ୍ରକାଶ ବେହେରା, AO ରମାକାନ୍ତ ସର ଉପସ୍ଥିତ ରହିଥିଲେ । ଏବଂ ସମସ୍ତ ଗାଁ ଲୋକ ମାନଙ୍କୁ ନିମନ୍ତ୍ରଣ କରି ମୁନିଗୁଡ଼ା କୃଷି ବିଭାଗ କେନ୍ଦ୍ର ଠାରେ ସୂର୍ଯ୍ୟ ମୁଖୀ ବିହନ ବଣ୍ଟନ କରାଯାଇଥିଲା। ଏହି କ୍ଷେତ୍ରରେ ସମସ୍ତ ଗାଁ ଗୁଡିକ ଲୋକ ମାନଙ୍କୁ ସୂର୍ଯ୍ୟ ମୁଖୀ ବିହନ ଉତ୍ପାଦନ ବିଷୟରେ ଆଲୋଚନା କରି କେଉଁ ପ୍ରକାର ବିହନ ଲଗାଯିବ ସେ ନେଇ ବୁଝାଇ କହିଥିଲେ। ସେହିପରି ଲୋକ ମାନେ କିଭଳି ଭାବରେ ସୂର୍ଯ୍ୟ ମୁଖୀ ବିହନ ଉତ୍ପାଦନ କରି କେମିତି ଲାଭ ବାନ୍ ହୋଇ ପାରିବେ ସେ ନେଇ ମଧ୍ୟ ଚାଷୀ ମାନଙ୍କୁ ବୁଝାଇଥିଲେ । ସେହିପରି ଚାଷୀ ମାନେ ବିଭିନ୍ନ ଜିଲ୍ଲାରେ ସମସ୍ତ ଚାଷୀ ସରକାର ଙ୍କୁ ଅନେକ ଥର ଆନ୍ଧଳନ କରିବା ସତ୍ତ୍ୱେ ସରକାର କୈାଣସି ଚାଷୀ ଙ୍କ ଉପରେ ଗୁରୁତ୍ବ ଦେଇନଥିବା ବେଳେ ଗତକାଲି ମୁନିଗୁଡ଼ା କୃଷି ବିଭାଗ କାର୍ଯ୍ୟାଳୟ ରେ ଏଭଳି ସୂର୍ଯ୍ୟ ମୁଖୀ ଚାଷ ବିଷୟରେ ଆଲୋଚନା କରାଯାଇଥିବା ଦେଖିବାକୁ ମିଳିଛି।
ଜିଲ୍ଲାପାଳ ଅଫିସ ପରିସରରେ ଚିତ୍ର କଳା ପ୍ରଦର୍ଶନୀ

ଓଡିଶା ଲଳିତ କଳା ଏକାଡେମୀ ଆନୁକୂଲ୍ୟରେ ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ୩ ଦିନିଆ ଭ୍ରାମ୍ୟମାଣ ଚିତ୍ରକଳା ପ୍ରଦର୍ଶନୀ ଉଦଘାଟିତ ହୋଇଯାଇଛି। ଏହାକୁ ଅତିରିକ୍ତ ଜିଲ୍ଲାପାଳ ରାଜସ୍ୱ ଶୁଭେନ୍ଦ୍ର କୁମାର ସାମଲ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । ଐତିହ୍ୟ ଓ ସଂସ୍କୃତିକୁ ଉଜ୍ଜିବୀତ କରି ରଖିବାରେ ଚିତ୍ରକଳା ଏକ ଉତ୍କୃଷ୍ଟ ମାଧ୍ୟମ ଏବଂ ଛାତ୍ର ଛାତ୍ରୀମାନେ ଏହି ଚିତ୍ରକଳା ପ୍ରଦର୍ଶନୀର ଭରପୁର ସୁଯୋଗ ନେଇ ପରିଦର୍ଶନ କରିବା ସହ ଓଡିଶାର ପାରମ୍ପରିକ ଐତିହ୍ୟ ଓ ସଂସ୍କୃତି ସମ୍ୱନ୍ଧରେ ଚିତ୍ରକଳାରୁ ଜ୍ଞାନ ଆହରଣ ପାଇଁ ପରାମର୍ଶ ଦେଇଥିଲେ । ଓଡିଶା ଲଳିତ କଳା ଏକାଡେମୀ ପ୍ରଦର୍ଶନୀ ଅଧିକାରୀ ସୁବ୍ରତ କୁମାର ମହାନ୍ତିଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏବଂ ଜିଲ୍ଲା ସଂସ୍କୃତି ଅଧିକାରୀ ସୋନାଲି ବେହେରାଙ୍କ ସହଯୋଗରେ ଅନୁଷ୍ଠିତ ଏହି ୩ ଦିନିଆ ଭ୍ରାମ୍ୟମାଣ ଚିତ୍ରକଳା ଷ୍ଟଲରେ ଓଡିଶାର ଜଗନ୍ନାଥ ସଂସ୍କୃତି, ଐତିହ୍ୟ ସଂପନ୍ନ ଗ୍ରାମ, ପାରମ୍ପରିକ ଲୋକକଳା ଏବଂ ଓଡିଶାର ବିଭିନ୍ନ କିମ୍ୱଦନ୍ତୀ ସମ୍ୱନ୍ଧୀୟ ଆକୃଷ୍ଟ ଚିତ୍ରକଳା ଏହି ପ୍ରଦର୍ଶନୀରେ ସ୍ଥାନ ପାଇଛି।
ନୂତନ ସଂସଦର ସୁରକ୍ଷା କ୍ଷେତ୍ରରେ ବଡ ଭୁଲ, ଦର୍ଶକ ଗ୍ୟାଲେରୀରୁ ଡେଇଁଲେ ଦୁଇ ଲୋକ ଆଉ ହଳଦିଆ ଧୂଆ…

ସଂସଦର ସୁରକ୍ଷା କ୍ଷେତ୍ରରେ ଏକ ବଡ଼ ଧରଣର ଅସାବଧାନତା ମାମଲା ସାମ୍ନାକୁ ଆସିଛି। ଏଠାରେ ଲୋକସଭାର ଅଧିବେଶନ ସମୟରେ ଜଣେ ଯୁବକ ଗୃହରେ ପ୍ରବେଶ କରିଥିଲେ।

ସଂସଦର ସୁରକ୍ଷା କ୍ଷେତ୍ରରେ ଏକ ବଡ଼ ଧରଣର ମାମଲା ସାମ୍ନାକୁ ଆସିଛି। ଏଠାରେ ଲୋକସଭାର ଅଧିବେଶନ ସମୟରେ ଦୁଇଜଣ ଯୁବକ ଦର୍ଶକଙ୍କ ଗ୍ୟାଲେରୀରୁ ଗୃହର ଏକ ଚେୟାର ଉପରକୁ ଡେଇଁପଡିଥିଲେ, ଯାହା ବିଶୃଙ୍ଖଳା ସୃଷ୍ଟି କରିଥିଲା।

ଏହି ଅଧିବେଶନରେ ଉପସ୍ଥିତ ସାଂସଦଙ୍କ ଅନୁଯାୟୀ ଉଭୟ ଯୁବକଙ୍କ ହାତରେ ଲୁହବୁହା ଗ୍ୟାସ କ୍ୟାଣ୍ଟର ଥିଲା। ତେବେ ସାଂସଦମାନେ ସେମାନଙ୍କୁ ଧରି ସୁରକ୍ଷା କର୍ମୀଙ୍କୁ ହସ୍ତାନ୍ତର କରିଥିଲେ।

ସେପଟେ ଲୋକସଭାର ଅଧିବେଶନ ଅପରାହ୍ନ ୨ଟା ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା ।

ବିକ୍ଷୋଭକାରୀଙ୍କ ମଧ୍ୟରେ ଜଣେ ମହିଳା ଏବଂ ଜଣେ ପୁରୁଷ ଥିଲେ। ପୋଲିସ ଉଭୟଙ୍କୁ ଗିରଫ କରି ପଚରାଉଚରା କରୁଛି ବିଶେଷ କଥା ହେଉଛି କାଲି ସଂସଦରେ ଆତଙ୍କବାଦୀ ଆକ୍ରମଣର ୨୨ ତମ ବାର୍ଷିକୀ ଥିଲା । ୨୧ ବର୍ଷ ପୂର୍ବେ କାଲି ଆତଙ୍କବାଦୀମାନେ ପୁରୁଣା ସଂସଦ ଗୃହ ଉପରେ ଆକ୍ରମଣ କରିଥିଲେ।

ସୂଚନାନୁସାରେ, ଅଧିବେଶନ ସମୟରେ ପ୍ରବେଶ କରିଥିବା ଦୁଇ ଜଣଙ୍କ ମଧ୍ୟରୁ ଜଣଙ୍କ ନାମ ସାଗର। ଉଭୟ ସାଂସଦଙ୍କ ନାମରେ ଲୋକସଭା ପରିଦର୍ଶନରେ ଆସିଥିଲେ। ମିଡିଆ ରିପୋର୍ଟ ଅନୁଯାୟୀ, ଉଭୟ ଲୋକ ମୋୖଶୁର ବିଜେପି ସାଂସଦ ପ୍ରତାପ ସିଂହାଙ୍କ ନାମରେ ଲୋକସଭା ପରିଦର୍ଶକ ପାସ୍ ରେ ଆସିଥିଲେ।
ଆନ୍ଧ୍ରପ୍ରଦେଶର ଏକ ଫ୍ୟାକ୍ଟ୍ରୀକୁ କାମ କରିବାକୁ ଯାଇ ୨ ନାବାଳକ ମୃତ

ଦାଦନ ଖଟିବାକୁ ୨ ମାସ ତଳେ ଘରୁ ପାଦ କାଢ଼ିଥିଲେ ୨ ନାବାଳକ। କଅଁଳ କାନ୍ଧରେ ବଡ଼ ଦାୟିତ୍ୱ ନେବାକୁ ନିଷ୍ପତ୍ତି ନେଇଥିଲେ। କିନ୍ତୁ ସେତକ ବି ସହିଲାନି ଦଇବ। ଯେଉଁଠି ଦୁଇ ଭାଇ ଦାଦନ ଖଟୁଥିଲେ, ସେଠି ମିଳିଲା ନିର୍ଯାତନା। କୌଶଳ କ୍ରମେ ଖସି ଆସିଥିଲେ ବି ଘରେ ପହଞ୍ଚି ପାରିନଥିଲେ। ଅଧାବାଟରେ ଚାଲିଯାଇଥିଲା ଦୁଇ ଭାଇଙ୍କ ଜୀବନ। ୨ପୁଅଙ୍କ ମୃତ୍ୟୁ ଖବର ପାଇ ଆଖିରୁ ଲୁହ ଗଡ଼ାଉଛନ୍ତି ବାପାମା’। ଏପରି ଏକ ହୃଦୟ ବିଦାରକ ଘଟଣା ଘଟିଛି ରାୟଗଡ଼ା ଜିଲ୍ଲା ଟିକିରି ଥାନା ଅନ୍ତର୍ଗତ ମକାପଦର ଗାଁରେ। ସୁଚନା ଅନୁଯାୟୀ ମକାପଦର ଗାଁର ଦୁଇ ଭାଇ ଗଙ୍ଗାଧର ମାଝି ଓ ମହେଶ୍ୱର ମାଝି ଦାଦନ ଖଟିବାକୁ ଆନ୍ଧ୍ରପ୍ରଦେଶର ବିଶାଖାପଟନମରେ ଏକ ଚିଙ୍ଗୁଡି ଫେକ୍ଟ୍ରି କମ୍ପାନୀକୁ ଯାଇଥିଲେ। କିଛି ଦିନ ସେହି କମ୍ପାନୀରେ କାମ କରିବା ପରେ ସେମାନଙ୍କ ଦେହ ଅସୁସ୍ଥ ହୋଇଥିଲା। ହେଲେ କଂପାନୀ କର୍ତ୍ତୃପକ୍ଷ ସେମାନଙ୍କର ଚିକିତ୍ସା ପାଇଁ କୌଣସି ସହାୟତା କରିନଥିଲା। ବରଂ ସେମାନଙ୍କୁ ନର୍ଯାତନା ଦିଆଯାଇଥିବା ଅଭିଯୋଗ ହୋଇଛି। ଫଳରେ ଦିନକୁ ଦିନକୁ ଦୁଇ ଭାଇଙ୍କ ଦେହ ଅଧିକ ଖରାପ ହୋଇଥିଲା। ସେମାନେ ଘରକୁ ଫେରିଆସିବା ପାଇଁ ମନ ସ୍ଥିର କରିଥିଲେ। ସୁପର ଭାଇଜରଙ୍କଠାରୁ କିଛି ଟଙ୍କା ଧାର ମାଗି ଟ୍ରେନ୍ ଯୋଗେ ରାୟଗଡ଼ା ପଳାଇ ଆସିଥିଲେ ଦୁଇ ଭାଇ। ରବିବାର ରାୟଗଡ଼ା ଷ୍ଟେସନରେ ପହଞ୍ଚିବା ପରେ ଦୁଇ ଭାଇ ଚାଲି ପାରୁ ନଥିଲେ। ଦୁଇ ଜଣଙ୍କ ଅବସ୍ଥା ଗୁରୁତର ଥିଲା। ଉଭୟ ଷ୍ଟେସନରେ ଗୋଟିଏ ସ୍ଥାନରେ ବସିଥିଲେ।ଜିଆରପି ଉଭୟଙ୍କ ଦେଖି ପଚରାଉଚରା କରିବା ପରେ ସେମାନଙ୍କୁ ଆମ୍ବୁଲାନ୍ସ ଯୋଗେ ରାୟଗଡ଼ା ମେଡିକାଲରେ ଭର୍ତ୍ତି କରିଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଅବସ୍ଥାରେ ଗଙ୍ଗାଧରର ମୃତ୍ୟୁ ଘଟିଥିଲା। ମହେଶ୍ୱରର ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଥିଲା। ଗତକାଲି ବିଳମ୍ବିତ ରାତିରେ ମହେଶ୍ୱରଙ୍କ ମୃତ୍ୟୁ ଘଟିଛି। ଦୁଇ ଭାଇଙ୍କ ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି।
ରମେସ ସ୍ୱାଇଁଙ୍କ ପରେ ତାଙ୍କ ପୁତୁରାଙ୍କ ନାମ ରେ ସାଙ୍ଘାତିକ ଅଭିଯୋଗ

ରସିକିଆ ଡାକ୍ତର ରମେଶ ସ୍ୱାଇଁ ଙ୍କ କଥାତ ସମସ୍ତଙ୍କ ମନେଥିବ ନିଶ୍ଚୟ ।ଦେଢ଼ ବର୍ଷ ପୂର୍ବେ ଅଢ଼ଙ୍ଗା-ଭଗବାନ ଅଞ୍ଚଳ ର ନକଲି ରସିକିଆ ଡାକ୍ତର ରମେଶ ସ୍ୱାଇଁ ଏକାଧିକ ବିବାହ କରିବା ଓ ଲୋକ ଙ୍କୁ ଠକିବା ନେଇ ବିଭିନ୍ନ ଥାନା ରେ ଏକାଧିକ ଅଭିଯୋଗ ପରେ ଗିରଫ ହୋଇ ଜେଲ ଯାଇଥିଲେ ଏହି ନକଲି ଡାକ୍ତର ଜଣଙ୍କ ।ଆଉ ଏବେ ତାଙ୍କ ସମ୍ପର୍କୀୟ ପୁତୁରା ଦୀପ୍ତି ରମେସ ସ୍ୱାଇଁ ଦାଦାଙ୍କ ପଥ ଅନୁସରଣ କରି ଚାଲିଛନ୍ତି ବୋଲି ଚର୍ଚ୍ଚା ହେଉଛି । ଦୀପ୍ତି ରଞ୍ଜନ ସ୍ୱାଇଁ ୨୦୧୭ ମସିହା ରେ କରିଲୋ ପାଟଣା ତଳଗାଁ ଅଞ୍ଚଳ ର ଜଣେ ମହିଳା ଙ୍କୁ ପ୍ରେମ ବିବାହ କରି ଛ ବର୍ଷ ହେବ କଟକ ଜଗତପୁର ରେ ରହିଆସୁଥିଲେ. ଦୁହେଁ କୋର୍ଟ ମ୍ୟାରେଜବି କରିଥିଲେ। ହେଲେ କିଛି ମାଶ ତଳେ ଦୀପ୍ତି ରଞ୍ଜନ ନିଜ ସ୍ତ୍ରୀ ସୁନିତା ଙ୍କୁ ଛାଡି ଆଉ ଜଣେ ଯୁବତୀ ଙ୍କୁ ଗରଦପୁର ମାହାଳ ମନ୍ଦିର ରେ ବିବାହ କରୁଥିବା ଖବର ପାଇଥିଲେ ସୁନିତା ।ତେବେ ସୁନିତାଙ୍କ କହିବା କଥା ଦୀପ୍ତି ରଞ୍ଜନ ତାଙ୍କ ପରିବାରଲୋକଙ୍କ କଥାରେ ଏଭଳି ତାଙ୍କ ଉପରେ ଏଭଳି ଅତ୍ଯାଚାର କରୁଛନ୍ତି ।

ମହିଳା ଜଣଙ୍କ ନିରାଶ ହୋଇ କୁଦାନଗରୀ ଥାନା ରେ ସ୍ୱାମୀ ଙ୍କ ବିରୋଦ୍ଧରେ ଅଭିଯୋଗ କରିବା ସହ କେନ୍ଦ୍ରାପଡ଼ା ଜିଲ୍ଲପାଳ ଓ ଏସପି ଙ୍କୁ ଦେଖାକରି ନ୍ୟାୟ ଭିକ୍ଷା କରିଛନ୍ତି ଓ ନିଜ ଅଧିକାର ମାଗିଛନ୍ତି. ତେବେ ଦୀପ୍ତିରଞ୍ଜନ ଅନେକ ସମୟରେ ମଦ ପିଉଥିବା ର ଭିଡିଓ ମହିଳା ଜଣଙ୍କ ପୋଲିସକୁ ଦେଖାଇବା ସହ ତାଙ୍କ ଅଜାଣତ ରେ ଗର୍ଭ ନିରୋଧକ ମେଡ଼ିସିନ ଦେଇ ଗର୍ଭ ନଷ୍ଟ କରିଥିବା ଭଳି ସଂଗିନ ସଂଗୀନ ଅଭିଯୋଗ
ବିଜେପି କଂଗ୍ରେସର ଚୋରା ପୀରତି; ବିଜେଡି

ସମ୍ପ୍ରତି ରାଜ୍ୟରେ ଚାଲିଥିବା ଆଇଟି ରେଡରେ ଗଦା ଗଦା ଟଙ୍କା ଓ ପୁଳା ପୁଳା ସୁନା ବାହାରିବା ପରେ ଏହାକୁ କୁ ନେଇ ଆହୁରି ଗୋଳିଆ ହୋଇଛି ରାଜ୍ୟ ରାଜନୀତି । ରାଜନୀତିର ତେରେଛା ବାଣରେ ପ୍ରତ୍ୟେକ ଦଳ ଅନ୍ୟ ଦଳ ପ୍ରତି ନିସାନା ସାଧୁଥିବା ବେଳେ ସେଥିରୁ ବାଦ ପଡିନାହିଁ ବିଜେଡି । ତେବେ ଏହାକୁ ନେଇ ବିଜେଡି ମୁଖପାତ୍ର ଲେଲିନ ମହାନ୍ତି ଏକ ପ୍ରେସ ମିଟ୍ କରି କଣ କହିଛନ୍ତି ଶୁଣନ୍ତୁ ।

ଶୁଣିଲେ ତ ଲେଲିନଙ୍କ କହିବା କଥା ଓଡିଶା ବିଜେପି ଓ ଓଡିଶା କଂଗ୍ରେସର ଚାଲିଛି ଚୋରା ପୀରତି । ଆୟାକର ବିଭାଗ ଚଢ଼ାଉ ରୁ 300 କୋଟି ମିଳିବା ପରେ ବିଜେପିର କେନ୍ଦ୍ରୀୟ ନେତୃତ୍ୱ କଂଗ୍ରେସର ସାଂସଦ ଧୀରଜ ସାହୁଙ୍କୁ ସମାଲୋଚନା କରିଛନ୍ତି । କଂଗ୍ରେସ ଦୁର୍ନୀତି କରିଥିବା କଥା ବରିଷ୍ଠ ନେତା ମାନେ କହିଥିବା ବେଳେ ବିଜେପି ସାଂସଦ ମାନେ ସାଂସଦରେ ଗାନ୍ଧୀ ମୂର୍ତ୍ତି ତଳେ ଧାରଣା ଦେଇଛନ୍ତି। ଓଡିଶାରେ କିନ୍ତୁ ବିଜେପି କଂଗ୍ରେସ କୁ ସୁରକ୍ଷା ଦେବା ପାଇଁ ଠିକା ନେଇଛି। ନିଜ ନିହିତ ସ୍ୱାର୍ଥ ପାଇଁ ରାଜ୍ୟ ବିଜେପି ଓଡିଶା କୁ ନିନ୍ଦା କରିବାକୁ ବହୁତ ବ୍ୟଗ୍ର। ମିଛ ଓ ମନ ଗଡା଼ କାହାଣୀ କହି ଓଡିଶା କୁ ବଦନାମ୍ କରିବାକୁ ଚାଁହୁଛି ବିଜେପି । ତେବେ ଆଶ୍ଚର୍ଯ୍ୟର କଥା ଆଇ.ଟି ରେଡ ପରେ ଓଡିଶା ବିଜେପି ଓ କଂଗ୍ରେସ ନିଜ ନିଜ ସୁରକ୍ଷା ପାଇଁ ଲାଗି ପଡିଛନ୍ତି । ଓଡିଶା କଂଗ୍ରେସ କୁ ରାଜ୍ୟ ବିଜେପି କାହିଁକି ବଞ୍ଚେଇବାକୁ ଚାଁହୁଛି ଉତ୍ତର ଦିଅନ୍ତୁ ବୋଲି ବିଜେଡି ଏକ ପ୍ରେସମିଟରେ କହିଛି ।
୪୦୦ କୋଟିରୁ ଅଧିକ ଟଙ୍କା ଜବତ ହେବା ଘଟଣାରେ ବିଜେପିର ପ୍ରତିବାଦ

ମଦ ଦୁର୍ନୀତି ଓ କଳା ଟଙ୍କା ବିରୋଧରେ ବିଜେପିର ଆନ୍ଦୋଳନ।କଂଗ୍ରେସ ସାଂସଦ ଧୀରଜ ସାହୁଙ୍କ ଲିଙ୍କରୁ ୪୦୦ କୋଟିରୁ ଅଧିକ ଟଙ୍କା ଜବତ ହେବା ଘଟଣାରେ ପ୍ରତିବାଦ କରିଛି ବିଜେପି । ସସଂଦ ଭବନ ସମ୍ମୁଖିରେ ବିଜେପି ପକ୍ଷରୁ ପ୍ରତିବାଦ କରାଯାଇଛି । ବିଜେପି ରାଷ୍ଟ୍ରୀୟ ସଭାପତି ଜେ.ପି ନଡ୍ଡାଙ୍କ ଅଧ୍ୟକ୍ଷତାରେ ବିଜେପି ସାଂସଦମାନେ ଗାନ୍ଧୀମୂର୍ତ୍ତି ତଳେ ଆନ୍ଦୋଳନ କରିଛନ୍ତି । ଦୁର୍ନୀତି, ଭ୍ରଷ୍ଟାଚାର ପାଇଁ କଂଗ୍ରେସକୁ ଲୋକେ ଜାଣିଛନ୍ତି । ଗରିବ ଲୋକଙ୍କ ଠାରୁ ଲୁଟ୍ କରି କୋଟି କୋଟି ଟଙ୍କା କଂଗ୍ରେସ ନେତାମାନେ ରଖିଛନ୍ତି ବୋଲି କହିଛନ୍ତି ଜେ.ପି ନଡ୍ଡା । ରାହୁଲ ଗାନ୍ଧୀଙ୍କୁ ପ୍ରଶ୍ନ କରି ନଡ୍ଡା କହିଛନ୍ତି, ତଦନ୍ତକାରୀ ସଂସ୍ଥା କାର୍ଯ୍ୟ ଉପରେ ପ୍ରଶ୍ନ ଉଠାଉଥିବା ନେତା ଏବେ ଧୀରଜ ସାହଙ୍କୁ ମାମଲାରେ କାହିଁକି ଚୁପ୍ ବସିଛନ୍ତି । ଆଗକୁ ନିର୍ବାଚନ ଥିବାରୁ ଏହି ଟଙ୍କା ମହଜୁଦ ରଖାଯାଇଥିବା କହିଛନ୍ତି ଜିଲ୍ଲା ବିଜେପି ସଭାପତି । କଂଗ୍ରେସ ସାଂସଦ ଧୀରଜ ସାହୁଙ୍କୁ ଗିରଫ କରାଯିବା ସହ ଦୁର୍ନୀତି ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି ଦଳ ।
ବିଜେପି ସାଂସଦ ଅପରାଜିତା ଷଡଙ୍ଗୀଙ୍କୁ ଦେଇପାରନ୍ତି ଚେକ୍

ଆଗକୁ ଆସୁଛି ୨୦୨୪ ସାଧାରଣ ନିର୍ବାଚନ ।ଏଥର ଲୋକସଭା ଆସନରେ ମହିଳାଙ୍କ ଲଢେଇ ଦେଖିବାକୁ ମିଳିପାରେ ବୋଲି ଚର୍ଚ୍ଚା ହେଉଛି ।ଏବେଠୁ ନିର୍ବାଚନ ପାଇଁ ଆରମ୍ଭ ହେଲାଣି ସଜବାଜ ।କିଏ କେଉଁ ଦଳର ପାର୍ଥୀ ହେବ ତାକୁ ନେଇ ଚର୍ଚ୍ଚା ।ଏହାରି ଭିତରେ ଏକ ନୂଆ ଦିଗ ସାମ୍ନାକୁ ଆସିଛି ।ଆଜି ଶ୍ରୀମୟୀ ମିଶ୍ର ଭୁବନେଶ୍ୱରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଭୁବନେଶ୍ୱର ଉପକଣ୍ଠ କଲ୍ୟାଣପୁର ଗାଁରେ ଜନସର୍ମ୍ପକ ଅଭିଯାନ ଆରମ୍ଭ କରିଛନ୍ତି ଶ୍ରୀମୟୀ ମିଶ୍ର ।ଏହି ପଦଯାତ୍ରାରେ ଶ୍ରୀମୟୀ ମିଶ୍ରଙ୍କ ସମର୍ଥକ ମାନେ ‘ଭୁବନେଶ୍ୱର ସାଂସଦ ପ୍ରାର୍ଥୀ ଶ୍ରୀମୟୀ ମିଶ୍ରଙ୍କୁ ସ୍ୱାଗତମ ସ୍ୱାଗତଂ ର ନାରାଦେଇଥିଲେ ।କୁହାଯାଉଛି ବିଜେପି ସାଂସଦ ଅପରାଜିତା ଷଡଙ୍ଗୀଙ୍କୁ ଚେକ୍ ଦେବାକୁ ଶ୍ରୀମୟୀ ମିଶ୍ରଙ୍କୁ ପ୍ରାର୍ଥୀ କରିପାରେ ବିଜୁ ଜନତା ଦଳ ।ମହିଳା ଚେହେରା ସାମ୍ନାକୁ ଆସିବା ନେଇ ଅଧିକ ସମ୍ବାବନା ଥିବା ବେଳେ ଚର୍ଚ୍ଚା ମଧ୍ଯ ଜୋରଦାର ହେଉଛି ।ବିଜେଡି ଏଥର ଅଧିକ ମହିଳାଙ୍କୁ ଟିକେଟ ଦେବାର ସମ୍ଭାବନା ଥିବାରୁ ଅପରାଜିତାଙ୍କ ବିରୋଧରେ ଶ୍ରୀମୟୀ ନିର୍ବାଚନକୁ ଓହ୍ଲାଇବା ସମ୍ଭାବନା ସୃଷ୍ଟି ହୋଇଛି ।ତେବେ ଦେଖିବାକୁ ବାକି ମୁଖିଆ କାହା ଉପରେ ଭରଷା କରୁଛନ୍ତି ।ଶ୍ରୀମୟୀ ମିଶ୍ର ଲୋକସଭା ଆସନ ପାଇଁ ପାର୍ଥୀନି ହଉଛନ୍ତି ନା ଆଉ କାହା ନା ଚର୍ଚ୍ଚାର ପରିଷରକୁ ଆସୁଛି ତାହା ସମୟ କହିବ….
ଶନି ମହାପ୍ରଭୁ ଙ୍କର ଅପାର କୃପା: ଗ୍ରାମବାସୀ କଲେ ପୂଜା ମହୋତ୍ସବ

ବଲାଙ୍ଗୀର ଜିଲ୍ଲା ପାଟଣାଗଡ଼ ବେଲପଡା ବ୍ଲକ ଦର୍ଲିପଲି ଗ୍ରାମରେ ମହାସମାରୋହରେ ପାଳିତ ହେଉଛି ଶନି ମହାପ୍ରଭୁଙ୍କର ବାର୍ଷିକ ମହୋତ୍ସବ l
ହଜାର ହଜାର ସଂଖ୍ୟାରେ ଭକ୍ତଙ୍କର ସମାବେଶ ଓ ମନ୍ତ୍ର ଧ୍ୱନିରେ ପ୍ରତିଧ୍ବନିତ ହୋଇଉଠୁଛି ମନ୍ଦିର ପରିବେଶ l କେବଳ ଧାର୍ମିକ ନୁହଁ ସାମାଜିକ ଓ ସାଂସ୍କୃତିକ ଭାବର ମିଳନସ୍ଥଳୀ ସାଜିଛି ଦର୍ଲିପଲି ଗ୍ରାମ l ଭକ୍ତଙ୍କ ମନୋରଞ୍ଜନ ପାଇଁ ମିନାବଜ଼ାର ସହ ଏଠାରେ ଅନୁଷ୍ଠିତ ହେଉଥିବା ପରାୟଣ ଶନିଦେବଙ୍କ ପ୍ରତି ଭକ୍ତମାନଙ୍କର ଭକ୍ତିଭାବକୁ ଆହୁରି ନିବିଡ଼ କରୁଛି l ଷୋହଳ ବର୍ଷ ପୂର୍ବରୁ ଦର୍ଲିପଲି ଗ୍ରାମର ଚିତ୍ର ଏପରି ନଥିଲା l ଶନିଦେବଙ୍କ ପୂଜାପାଇଁ ଗ୍ରାମବାସୀ ଶନି ମହାପ୍ରଭୁଙ୍କ ମହିମା ଉପରେ ପର୍ଯ୍ୟବେସିତ ଏକ ନାଟକ ପରିବେଷଣ କରିବା ସହିତ ତାଙ୍କର ପୂଜାର୍ଚନା ମଧ୍ୟ କରିଥିଲେ l ମାତ୍ର ପାଞ୍ଚ ବର୍ଷ ମଧ୍ୟରେ ବଦଳି ଯାଇଥିଲା କାୟକଳ୍ପ l ଗ୍ରାମବାସୀଙ୍କର ଏହି ଛୋଟ ପଦକ୍ଷେପଟି ଚାହୁଁ ଚାହୁଁ ଏକ ବିଶାଳ ଉତ୍ସବରେ ପରିଣତ ହୋଇଥିଲା l କଥାରେ ଅଛି ଚମତ୍କାରକୁ ନମସ୍କାର l ପୂଜକଙ୍କ କହିବା ଅନୁସାରେ, ଶନି ମହାପ୍ରଭୁଙ୍କ ଅପାର କରୁଣାରୁ ଭକ୍ତଗଣଙ୍କ ମନସ୍କାମନା ପୂର୍ଣ ହେଉଥିବାରୁ ଏହି ସ୍ଥାନକୁ ଧାଇଁ ଆସିଥିଲେ ଶହ ଶହ ଶ୍ରଦ୍ଧାଳୁ l ତେଣୁ, କ୍ରମବର୍ଦ୍ଧିଷ୍ଣୁ ଭିଡ଼କୁ ଦୃଷ୍ଟିରେ ରଖି ଗ୍ରାମବାସୀ ଶନିଦେବଙ୍କର ଏକ ମନ୍ଦିର ନିର୍ମାଣ କରିଥିଲେ l ଷୋହଳ ବର୍ଷ ହେବ ଏହି ଦେବସ୍ଥଳୀରେ ପ୍ରଶାସନର ବିନା ସାହାଯ୍ୟରେ ମହାଆଡମ୍ବରରେ ପ୍ରତିବର୍ଷ ଶନି ମହାପ୍ରଭୁଙ୍କର ମହୋତ୍ସବ ଅନୁଷ୍ଠିତ ହୋଇ ଆସୁଛି lବର୍ତ୍ତମାନ ଦର୍ଲିପଲି ଗ୍ରାମବାସୀ ଏକାଠି ହୋଇ ପ୍ରତି ବର୍ଷ ଶନିଦେବଙ୍କ ଉତ୍ସବ ପାଳନ କରୁଛନ୍ତି l ଶନିଶ୍ଚରଙ୍କର ଦର୍ଶନ ପାଇଁ ଏଠାରେ ହଜାର ହଜାର ସଂଖ୍ୟାରେ ଭକ୍ତଙ୍କର ସମାଗମ ହେଉଥିବାରୁ ସେମାନଙ୍କ ପାଇଁ ଅନ୍ନଛତ୍ର ବ୍ୟବସ୍ତା ମଧ୍ୟ ହୋଇଥାଏ