Tag: suchanatv24x7

ନୂଆ ବର୍ଷରେ ରାଜନୈତିକ ଦଳ ପାଇଁ ରହିବ ଚ୍ୟାଲେଞ୍ଜ

୨୦୨୪ ସାଧାରଣ ନିର୍ବାଚନ ପାଇଁ ଅଂଟା ଭିଡ଼ିଛନ୍ତି ସବୁ ରାଜନୈତିକ ଦଳ । ତେବେ କେଉଁ ଦଳ ପାଇଁ କ’ଣ ରହିବ ଚ୍ୟାଲେଞ୍ଜ ଓ କ’ଣ ରହିବ ରଣନୀତି? ନୂଆବର୍ଷ ନିର୍ବାଚନୀ ବର୍ଷ ହୋଇଥିବାରୁ ସବୁ ଦଳ ପାଇଁ ରହିବ ବଡ଼ ଚ୍ୟାଲେଞ୍ଜ। ତେବେ ରାଜ୍ୟରେ କଂଗ୍ରେସର ସ୍ଥିତି ଦୁର୍ବଳ ଥିବାରୁ ଚଳିତ ଥର ନିର୍ବାଚନ ଦ୍ବିମୁଖୀ ହେବ ବୋଲି କୁହାଯାଉଛି। ସେଥିପାଇଁ ଦୁଇଦଳ ଫୁଲ ଦମ ଲଗାଇଛନ୍ତି ବହୁମତ ହାସଲ କରିବାକୁ। ବିଜଦି ୧.୫ କୋଟି ଭୋଟର ଟାର୍ଗେଟ ବା ମିଶନ ୧୩୦ ନେଇ ପ୍ରସ୍ତୁତି ଆରମ୍ଭ କରିଛି । ଅନ୍ୟପଟେ ଓଡ଼ିଶା ଦଖଲ ପାଇଁ ବିଜେପି ଚଳାଇଛି ଜୋରଦାର କସରତ। ରାଷ୍ଟ୍ରୀୟ ପଦାଧିକାରୀ ବୈଠକରେ ଓଡ଼ିଶାକୁ ସ୍ବତନ୍ତ୍ର ଫୋକସ୍ ଦିଆଯାଇଛି । ୨ ଦିନିଆ ବୈଠକରେ ମୋଦି ଶାହଙ୍କ ସରକାର ଗଠନ ପାଇଁ କରିଛନ୍ତି ମାନସମନ୍ଥନ । ସେପଟେ କଂଗ୍ରେସ ଉଭୟ ସରକାର ଲୋକଙ୍କୁ ଭଣ୍ଡାଉଥିବା ଅଭିଯୋଗ ବିଜୟ ମୁକୁଟ ପିନ୍ଧିବ ବୋଲି ଦମ୍ଭୋକ୍ତି ପ୍ରକାଶ କରୁଛି।

ବିଜେପି କହିଛି, ୨୦୨୪ରେ ଦଳ ପାଇଁ ସବୁଠାରୁ ବଡ଼ ଚ୍ୟାଲେଞ୍ଜ ହେବ ସରକାରୀ କଳ । ବୁଥ ସ୍ତରରେ ସଂଗଠନକୁ ସୁଦୃଢ କରିବାକୁ ଏବଂ ୧ କୋଟି ଘର ସହ ପ୍ରତ୍ୟକ୍ଷ ସମ୍ପର୍କ ମାଧ୍ୟମରେ ସମସ୍ତ ଚ୍ୟାଲେଞ୍ଜକଚୁ ସାମ୍ନା କରିବା ପାଇଁ ପ୍ରସ୍ତୁତ ହେଉଛି ଦଳ । ଏହି କ୍ରମରେ ଜାନୁଆରୀ ୫ରୁ ବିଜେପି ଆନ୍ଦୋଳନ ଆରମ୍ଭ କରିବ ।

ସେପଟେ ବିଜେଡି କହୁଛି ଦଳ ସବୁବେଳେ ସାଂଗଠନିକ କାର୍ଯ୍ୟକ୍ରମ କରିଥାଏ।ଯେତେ ବେଳେ ନିର୍ବାଚନ ଆସେ ତାକୁ ସମ୍ମୁଖୀନ ହୁଏ। ୨୦୨୨ ମସିହାରେ ସବୁ ସ୍ତରର ନିର୍ବାଚନରେ ଦଳ ଶତ ପ୍ରତିଶତ ସଫଳତା ହାସଲ କରିଛି। ଦଳ ପ୍ରତି ଲୋକଙ୍କ ଭରସାରୁ ରାଜ୍ୟରେ କେବଳ ଗୋଟିଏ ଦଳ ଥିବା ସ୍ପଷ୍ଟ ହୋଇଛି। ଅନ୍ୟପଟେ କଂଗ୍ରେସ ଉଭୟ ଦଳ କୁ କଟାକ୍ଷ କରି କହିଛି ଗତ ନିର୍ବାଚନରେ ମଧ୍ୟ ବିଜେପି ୧୨୦ ମିଶନ କହିଥିଲା ।ଫଳ ଲୋକେ ଦେଖିଲେ। ଆଉ ବିଜେଡି ସୁପ୍ରିମୋଙ୍କ ଲୋକପ୍ରିୟତା ହ୍ରାସ ହୋଇଥିବା ମଧ୍ୟ ଦେଖିବାକୁ ମିଳିଛି। ସେମାନେ ଓଡ଼ିଶା ବାସୀ ଙ୍କ ପାଇଁ କିଛି କରୁନାହାନ୍ତି। ସେଥିପାଇଁ ଓଡ଼ିଶାବାସୀ ଆଉ ସେମାନଙ୍କ ଉପରେ ଅସ୍ଥା ରଖୁନାହାନ୍ତି । ତେଣୁ ଆଗାମୀ ନିର୍ବାଚନ ହେବ କଂଗ୍ରେସର। ୧୧ ସାଂସଦ ଓ ୯୬ ବିଧାୟକର ଟାର୍ଗେଟ ଦୋହରାଇଛନ୍ତି ପିସିସି ସଭାପତି।

ସବୁ ଦଳର ଦୃଢୋକ୍ତି, ବୟାନ ବାଜି ଓ କାଦୁଅ ଫିଙ୍ଗା ଫୋପଡାକୁ ଦେଖି ସବୁ ଦଳ ନିର୍ବାଚନ ପାଇଁ ନିଜକୁ ପ୍ରସ୍ତୁତ ରଖିଥିବା ସ୍ପଷ୍ଟ ହୋଇଛି। ଏବେ ଦେଖିବାକୁ ରହିଲା କାହା ମୁଣ୍ଡରେ ହାତୀ ସୁନା କଳସ ଢାଳୁଛି।
ଆଉ କିଛି ନଳକୂପ, ରାସ୍ତା ମରାମତି ପାଇଁ ପର୍ଯ୍ୟଟକଙ୍କ ଅନୁରୋଧ

ଶୀତ ଋତୁ ଆସିଲେ ପିକନିକ୍ କଥା ମନକୁ ଆସେ । ସାଙ୍ଗ ସାଥୀ , ବନ୍ଧୁ ପରିଜନଙ୍କ ସହ ପିକନିକ୍ ବା ବଣ ଭୋଜୀର ମଜା କିଛି ନିଆରା । ତେବେ ଏହାର ମଜା ନେବା ପାଇଁ ପିକନିକ୍ ସ୍ଥଳରେ ପର୍ଯ୍ୟଟକଙ୍କ ଜମୁଛି ଭିଡ । ସେହିଭଳି ମୟୂରଭଞ୍ଜ ଜିଲ୍ଲା ସାରସକଣା ବ୍ଲକ ଅନ୍ତର୍ଗତ ଶଙ୍ଖାଭଙ୍ଗା ନିକଟରେ ଥିବା ଖାଣ୍ଡିଆ ଜଳପ୍ରପାତରେ ପ୍ରବଳ ଭିଡ଼ ହେଉଥିବା ଦେଖିବାକୁ ମିଳୁଛି।ଜଳପ୍ରପାତ ସହିତ ଆକର୍ଷଣୀୟ ଶୁଷ୍କ ଶାନ୍ତ ବଣ ପାହାଡ ଘେରା ବାତାବରଣ, କୁଳୁକୁଳୁ ଶବ୍ଦ, ସୁନ୍ଦର ବଣଭୋଜି ସ୍ଥାନ ଦର୍ଶକଙ୍କୁ ବେଶ୍ ଆକର୍ଷିତ କରୁଛି । ଯେଉଁଥି ପାଇଁ ଶୀତ ଋତୁ ଆସିଲେ ଏଠାରେ ଜମେ ଲୋକଙ୍କ ଭିଡ । ଏବଂ ଭୋଜୀ ଭାତର ଆସର । ତେବେ ଏଠାରେ ଗୋଟିଏ ନଳକୂପ ରହିଛି ଯେଉଁଥି ପାଇଁ ଅନେକ ସମୟରେ ପାଣିର ଅସୁବିଧ ଭୋଗୁଛନ୍ତି ଏଠାକୁ ଆସୁଥିବା ପର୍ଯଟକ । ଆଉ କିଛି ନଳକୂପ ପାଇଁ ଅନୁରୋଧ କରିବା ସହିତ ରାସ୍ତା ମରାମତି କଲେ ବହୁଳ ସଂଖ୍ୟାରେ ପର୍ଯ୍ୟଟକଙ୍କ ସମାଗମ ହେବା ସହ ସେମାନେ ମଧ୍ୟ ଏହି ଜଳପ୍ରପାତର ମଜା ଉଠାଇପାରିବା ନେଇ କହିଛନ୍ତି ପର୍ଯ୍ୟଟକଙ୍କ ସମେତ ଅଞ୍ଚଳବାସୀ ।

ସେହିପରି ଆସୁଥିବା ପର୍ଯ୍ୟଟକ ବିପଦ ସଙ୍କୁଳ ଅବସ୍ଥାରେ ଜଳ ପ୍ରପାତକୁ ଲାଗିଥିବା ପାହାଡ଼ରେ ଚଢିବା ପାଇଁ ଲୋକଙ୍କ ପାଇଁ ସିଡି ସହିତ ଲୁହା ଗ୍ରିଲ୍ ପାଇଁ ସରକାରଙ୍କୁ ଅନୁରୋଧ କରିଛନ୍ତି ଲୋକେ ।
ପୋଖରୀରୁ ମିଳିଲା ମୃତ ଦେହ

ବାଲେଶ୍ୱର ଜିଲ୍ଲା ସୋର ପୌରପାଳିକା ଚାରି ନମ୍ବର ୱାର୍ଡର ରାଇପୁର ଗାଁରେ ଗତକାଲି ଘର ସମ୍ମୁଖରେ ଖେଳୁଥିବା ବେଳେ ନିଖୋଜ ହୋଇଯାଇଥିବା ଅଢେଇ ବର୍ଷର ଶିଶୁପୁତ୍ରର ମୃତଦେହକୁ ଆଜି ପୋଖରୀରୁ ଉଦ୍ଧାର କରାଯାଇଛି। ଆଜି ସକାଳେ ଅଗ୍ନିଶମ ବାହିନୀ ଘର ପାଖରେ ଥିବା ଏକ ପରିତ୍ୟକ୍ତ ପୋଖରୀକୁ ପରିଷ୍କାର କରି ଖୋଜାଖୋଜି କରିବା ବେଳେ ଶିଶୁପୁତ୍ରର ମୃତଦେହ ପାଇଥିଲା। ପୁଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହିତ ଘଟଣାର ତଦନ୍ତ କରୁଛି। ସୁଟନା ଅନୁଯୟାୀ ଗତକାଲି ରାଇପୁର ଗ୍ରାମର ମୋହନ ସାହୁ ଙ୍କ ଅଢେଇ ବର୍ଷ ର ପୁଅ ଶୁଭମ ସାହୁ ଘର ପାଖରେ ଖେଳୁ ଥିବା ବେଳେ ନିଖୋଜ ହୋଇଯାଇଥିଲା । ପରିବାର ଲୋକ ଓ ଗ୍ରାମର ବାସୀ ବିଭିନ୍ନସ୍ଥାନ ଖୋଜି ନିରାଶ ହୋଇଥିଲେ । ପରେ ସୋର ପୋଲିସ, ଅଗ୍ନିଶମ ବାହିନୀକୁ ଖବର ଦେବା ପରେ ଅଗ୍ନିଶମ ବାହିନୀ ପହଂଚି ଘର ପାଖା ପାଖି ଥିବା ଗଢିଆ, ପୋଖରୀ ରେ ଖୋଜା ଖୋଜି କରିଥିଲେ ମଧ୍ୟ କୌଣସି ପତା ମିଳିନଥିଲା । ତେବେ ଆଜି ସକାଳେ ଅଗ୍ନିଶମ ବାହିନୀ ସାହାର୍ଯ୍ୟରେ ପୋଖରୀରୁ ପାଣି ସୁଖା ଯାଉଥିବା ବେଳେ ଶିଶୁ ପୁତ୍ରଟି ର ମୃତ ଦେହ ଉଦ୍ଧାର କରାଯାଇଛି ।
ହୋ ଭାଷାଭାଷୀଙ୍କୁ ସଚେତନ କରିବାକୁ ପ୍ରୟାସ

କେନ୍ଦୁଝର ଜିଲ୍ଲା ଘଟଗାଁ ବ୍ଲକର ସମସ୍ତ ହୋ ସମାଜର ଲୋକଙ୍କୁ ସଚେତନ କରେଇବା ପାଇଁ ଘଟଗାଁ ତାରିଣୀ ଠାକୁରାଣୀ ମୋହା ବିଦ୍ୟାଳୟ ପଡିଆଠାରେ ଏକ ସଭା ଅନୁଷ୍ଠିତ ହୋଇ ଯାଇଛି। ଜିଲ୍ଲାର ହୋ ସମାଜର ସଭାପତି ରାମରାଇ ମୁଣ୍ଡୁଳିଆଙ୍କ ନେତୃତ୍ବରେ ଆୟୋଜିତ ହୋଇଥିଲା ବିରାଟ ସମାବେଶ। ସମାଜର ଲୋକମାନଙ୍କ ମୌଳିକ ଅଧିକାର ପ୍ରତି ସମସ୍ତ ହୋ ଭାଷାଭାଷୀଙ୍କୁ ସଚେତନ କରିବା ସହିତ ଶିକ୍ଷା, ସ୍ୱାସ୍ଥ୍ୟ, ନିଶା ନିବାରଣ ଦିଗରେ ସରକାରଙ୍କର ବିଭିନ୍ନ ଯୋଜନା ସମ୍ପର୍କରେ ସଚେତନ କରାଯାଇଥିଲା।

ହୋ ଭାଷା, ସଂସ୍କୃତିକୁ ବଞ୍ଚାଇ ରଖିବା ସହ ଶିକ୍ଷା, ଦିକ୍ଷା ଲାଭକରି ସମାଜର ମୁଖ୍ୟସ୍ରୋତରେ ଏହି ଜନଜାତିଙ୍କୁ ଏଠାରେ ସଚେତନ କରାଯାଇଥିଲା। ଏଥିସହ ଏହି ସଭାରେ ବିର୍ଷା ହୋ ଭାଷାକୁ ସମ୍ବିଧାନରେ ହୋ ଭାଷାର ଷଷ୍ଠ ଭାଷା ଭାବେ ମାନ୍ୟତା ଦାବି କରାଯାଇଛି। ସେହିପରି ଓଡ଼ିଶାରେ ହୋ ଭାଷାର ସାଂସ୍କୃତିକ ପରମ୍ପରାକୁ ଦ୍ୱିତୀୟ ସ୍ଥାନ ଦେବାକୁ ଦାବି ହୋଇଛି। ହୋ ଜୁମୁର ଭାଷାଭାଷୀ ଏହି କାର୍ଯ୍ୟକ୍ରମରେ ଶହ ଶହ ସଂଖ୍ୟାରେ ଯୋଗଦେଇଥିଲେ। ଏହି ଅବସରରେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ନବୀନ ଓଡିଶା କାର୍ଯ୍ୟକ୍ରମରେ ଅଣ୍ଡାମାଡ଼କୁ ନେଇ ତେଜିଲା ରାଜନୀତି

କେନ୍ଦ୍ରାପଡା ପାଟକୁରା କୋରୁଆ ସ୍ଥିତ ଲୋକନାଥ ମହାବିଦ୍ୟାଳୟରେ ମଙ୍ଗଳବାର ନୂଆ ଓ “ମୋ ଓଡିଶା ନବୀନ ଓଡିଶା ” କାର୍ଯ୍ୟକ୍ରମର ଉଦଯାପନୀ ଉତ୍ସବରେ ଘଟିଛି ବିରାଟ ବିଭ୍ରାଟ। ପାଟକୁରା ବିଧାୟିକାଙ୍କ ପ୍ରତିନିଧି ସଂଜୟ ଅଗ୍ରୱାଲଙ୍କ ଉପସ୍ଥିତିରେ ହୋଇଛି ଅଣ୍ଡାମାଡ। ଏକାଧିକ ଅଣ୍ଡାମାଡର ଛାପ ଷ୍ଟେଜର ଚତୁର୍ପାର୍ଶ୍ବର ଓ କିଛି ଉପସ୍ଥିତ ବ୍ୟକ୍ତିଙ୍କ ଦେହରେଥିବା ବେଳେ ଏହାକୁ ଖଣ୍ଡନ କରିଛନ୍ତି ମୁଖ୍ୟ ଅତିଥି ଓ ଅଧ୍ୟକ୍ଷ। ସେପଟେ ଏହା ପଛରେ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କ ହାତ ଥିବା ଅଭିଯୋଗ କରିଛନ୍ତି ଅଣ୍ଡାମାଡର ଶିକାର ହୋଇଥିବା ସ୍ଥାନୀୟ ବୁଦ୍ଧିଜୀବୀ। ମଙ୍ଗଳବାର ଦିନ କଲେଜରେ ଚାଲିଥିଲା ଉଦଯାପନୀ ଉତ୍ସବ।

ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ବିଧାୟିକାଙ୍କ ପୁଅ ଓ ପ୍ରତିନିଧି ସଞ୍ଜୟ ଅଗ୍ରୱାଲ। ମଞ୍ଚରେ ଅତିଥିଗଣ ନିଜ ନିଜର ଅଭିଭାଷଣ ଦେଉଥିବା ବେଳେ କେହି ଦୁର୍ବୃତ୍ତ କଲେଜ କ୍ୟାମ୍ପସରେ ପଶି ଦର୍ଶକ ଗ୍ୟାଲେରୀକୁ ଅଣ୍ଡା ମାଡ଼ କରିଥିଲେ। କିଛି ଅଣ୍ଡା ଏକାଧିକ ଛାତ୍ରୀଙ୍କ ଦେହରେ ବାଜିଥିଲା। କାର୍ଯ୍ୟକ୍ରମରେ ସମ୍ମାନିତ ହେବାକୁ ଆସିଥିବା ସ୍ଥାନୀୟ ଅଞ୍ଚଳର ପରିବେଶବିତ୍ ତଥା ସମାଜସେବୀ ଉଦୟ ନାଥ ଚୌଧୁରୀ ମଧ୍ୟ ଅଣ୍ଡା ମାଡର ଶିକାର ହୋଇଥିଲେ। ତାଙ୍କ ପିଠିରେ ହୋଇଥିଲା ଅଣ୍ଡାମାଡ। ହେଲେ କାର୍ଯ୍ୟକ୍ରମ ଆଗେଇ ଚାଲିଥିଲା। ଏଥିରେ କ୍ଷୁବ୍ଧ ହୋଇ ଏହି ଅଣ୍ଡାମାଡ ମନ୍ତ୍ରୀ ନାୟକଙ୍କ ଇଙ୍ଗିତରେ ହୋଇଥିବା କହିଥିଲେ ଉଦୟନାଥ

ଅନ୍ୟପଟେ ଏହାକୁ ବିରୋଧୀଙ୍କ ଚକ୍ରାନ୍ତ ବା ଛାତ୍ର ଅସନ୍ତୋଷର ପ୍ରତିଫଳନ ବୋଲି ଗଣମାଧ୍ୟମ ପ୍ରତିନିଧି ପ୍ରଶ୍ନକରିବାରୁ ମୁଖ୍ୟ ଅତିଥି ଓ ଅଧ୍ୟକ୍ଷ ଏହାକୁ ଖଣ୍ଡନ କରିଥିଲେ। ସଞ୍ଜୟ ଗଣମାଧ୍ୟମ ପ୍ରଶ୍ନରେ ଉତକ୍ଷିପ୍ତ ହୋଇ ପାଲଟା କେଉଁଠି ଅଣ୍ଡାମାଡ ହୋଇଥିଲା ବୋଲି ପ୍ରଶ୍ନ କରିଥିଲେ। ସେହିପରି ଖବର ପାଇ କୁଦାନଗରୀ ଥାନା ପୋଲିସ କିଛି ଜାଣି ନ ଥିବା କହିବା ସହ ତଦନ୍ତ ପରେ ଜଣାପଡିବ ବୋଲି କହିଥିଲେ।

ତେବେ କଲେଜ କାର୍ଯ୍ୟକ୍ରମରେ ଅଣ୍ଡାମାଡ ଘଟଣାକୁ ନେଇ ବିଭିନ୍ନ କାରଣକୁ ନେଇ ଚର୍ଚ୍ଚା ଜୋର ଧରିଛି। କିଛି ଦିନ ତଳେ ପୂର୍ବତନ ବିଧାୟକ ବେଦପ୍ରକାଶଙ୍କ ଜନ୍ମ ବାର୍ଷିକ ପାଳନ ଅବସରରେ ପୁଅ ଓ ଝିଅଙ୍କ କ୍ଷମତା ପାଇଁ କଳି ଦାଣ୍ଡରେ ପଡି ହାଟରେ ଗଡଗଡେଇଥିଲା। ତେଣୁ ଭଉଣୀଙ୍କ ହାତ ଅଣ୍ଡାମାଡ ଘଟଣା ପଛରେ ଥାଇପାରେ ବୋଲି ଅନେକ କହୁଛନ୍ତି। ସେହିପରି ମନ୍ତ୍ରୀ ନାୟକ ପାଟକୁରାରେ ନିଜ ଭାଇଙ୍କୁ ଆଗାମୀ ନିର୍ବାଚନରେ ମୈଦାନକୁ ଓହ୍ଲାଇବାକୁ ଲବି ଚଳାଇଥିବାରୁ ସଞ୍ଜୟଙ୍କ ଆଧିପତ୍ୟ ତାଙ୍କୁ ଅସହ୍ୟ ହେଉଛି ଓ ସେ ଏପରି କରାଇଥାଇ ପାରନ୍ତି ବୋଲି କୁହାଯାଉ। କାରଣ ଯାହା ହେଉନା କାହିଁକି, ଏହାକୁ ବିଭିନ୍ନ ମହଲରୁ ନିନ୍ଦା କରାଯାଉଛି
ରାଜଧାନୀରେ ସଂଘବଦ୍ଧ ଆକ୍ରମଣ: ୮ ଗିରଫ

ରାଜଧାନୀ ଭୁବନେଶ୍ବରରେ ଦୁଇ ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିବା ଘଟଣାରେ ୮ ଜଣଙ୍କୁ ଗିରଫ କରିଛି ପୋଲିସ। ଅନ୍ୟ ଅଭିଯୁକ୍ତମାନଙ୍କୁ ଗିରଫ କରିବାକୁ ଚଳାଇଛି ସର୍ଚ୍ଚ। ଅଭିଯୁକ୍ତ ଓ ଆହତ ଦୁଇ ଜଣଙ୍କ ନାମରେ ଥାନାରେ ରହିଛି ବହୁ ମାମଲା। ଗତକାଲି ଏୟାରପୋର୍ଟ ଟ୍ରାଫିକ ଛକରେ ନିକଟରେ ଶିବା ଓ ରାକା ଜଣେ ବୃଦ୍ଧଙ୍କୁ ଏକ ଜାଗାକୁ ନେଇ ଧମକ ଚମକ ଦେଉଥିବା ବେଳେ ୨୦ରୁ ଊର୍ଦ୍ଧ୍ବ ଯୁବକ ସଂଘବଦ୍ଧ ଭାବେ ଉଭୟଙ୍କ ଉପରେ ଆକ୍ରମଣ କରିଥିଲେ । ଶିବାର ମୁଣ୍ଡ ଓ ହାତରେ ଗଭୀର ଆଘାତ ଲାଗିଥିବା ବେଳେ ରାକା ସାମାନ୍ୟ ଆହତ ହୋଇଛି। ଉଭୟଙ୍କୁ ପୋଲିସ ପହଞ୍ଚି କ୍ୟାପିଟାଲ ହସ୍ପିଟାଲ ନେଇଥିଲେ। ଶିବାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଛି। ପୋଲିସ ଏହି ଘଟଣାରେ ଆକ୍ରମଣକାରୀଙ୍କୁ ଖୋଜି ଫରେଷ୍ଟ ପାର୍କ ଓ କେଦାରପଲ୍ଲୀ ବସ୍ତିରୁ ୮ ଜଣଙ୍କୁ ଗିରଫ କରିଛି। ଅନ୍ୟମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ପୋଲିସ ରେଡ ଚଳାଇଛି। ପ୍ରାଥମିକ ତଦନ୍ତରୁ ଜଣାପଡିଛି କି, ରାକା ଓ ଶିବା ଗୋଷ୍ଠି ତଥା ଆକ୍ରମଣକାରୀ ଗୋଷ୍ଠୀ ମଧ୍ୟରେ ପୂର୍ବରୁ ଏକ ଯାଗାକୁ ନେଇ ଗଣ୍ଡଗୋଳ ହୋଇଥିଲା। ଗତକାଲି ଶିବା ଓ ରାକା ଜଣଙ୍କୁ ଆକ୍ରମଣ କରିବାକୁ ଯାଉଥିବା ବେଳେ ୨୦-୨୨ ଜଣ ତାଙ୍କ ଉପରେ ଆକ୍ରମଣ କରିଥିଲେ। ସମସ୍ତଙ୍କ ନାମରେ ଥାନାରେ ଏକାଧିକ ମାମଲା ରହିଛି। ଆକ୍ରମଣକାରୀ ଗୋଷ୍ଠୀ କେବିଏନ ଗ୍ରୁପ ନାମରେ ରାଜଧାନୀରେ ରଚୁଛନ୍ତି ଆତଙ୍କ।
ଶ୍ରୀଶ୍ରୀଠାକୁର ଅନୁକୂଳଚନ୍ଦ୍ରଙ୍କ ୧୩୬ ତମ ଆବିର୍ଭାବ ଉତ୍ସବ

ତିର୍ତ୍ତୋଲ ଥାନା ଅଧୀନ ମଣିଜଙ୍ଗା ଠାରେ ଥିବା ରାହାମା ସତସଙ୍ଗ ବିହାରର ବାର୍ଷିକ ଉତ୍ସବ ସହିତ ଶ୍ରୀଶ୍ରୀଠାକୁର ଅନୁକୂଳ ଚନ୍ଦ୍ରଙ୍କ ର୧୩୬ ତମ ଆବିର୍ଭାବ ଉତ୍ସବ ଅନୁଷ୍ଠିତ ହୋଇ ଯାଇଛି। ଏହି ଅବସରରେ ସରା ଦିବସ ବ୍ୟାପି ବିବିଧ ମାଙ୍ଗଳିକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ପ୍ରତ୍ୟୁଷରୁ ବେଦ ମାଙ୍ଗଳିକ ନାହବତ ଉଷାକୀର୍ତନ,ପ୍ରାର୍ଥନା,ଗ୍ରନ୍ଥ ପାଠ, ପ୍ରଣାମି, ସ୍ୱସ୍ତି ପତାକା ଉତ୍ତୋଳନ, ଉତ୍ସବ ଉଦବୋଧନ, ସଂଗୀତାଞ୍ଜଳି,ବର୍ଣ୍ଣାଢ୍ୟ ଶୋଭାଯାତ୍ରାରେ ଶ୍ରୀଶ୍ରୀଠାକୁରଙ୍କ ନଗର ପରିକ୍ରମା, ଯୁବସତସଙ୍ଗ, ମଧ୍ୟାନ୍ନରେ ପ୍ରସାଦ ସେବନ ମାତୃସମିଳନୀ,ସନ୍ଧ୍ୟା ପ୍ରାର୍ଥନା, ସତସଙ୍ଗ ଧର୍ମସଭା, ସାଂସୃତିକ କାର୍ଯ୍ୟକ୍ରମ ପରିବେଷଣ, ପ୍ରସାଦ ସେବନ ପ୍ରଭୁତି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଉତ୍ସବ କାଳରେ ଯୁବ ଡାକ୍ତର ଆଶିଷ କୁମାର ମହାନ୍ତି,ଶକ୍ତି ସ୍ବର ସାହୁ,ସୁଶ୍ରୀଦୀପ ମହାନ୍ତିଙ୍କ ଦ୍ଵାରା ନିଶୁଳ୍କ ରୋଗୀସେବା କରାଯାଇଥିଲା। କାର୍ଯ୍ୟକ୍ରମରେ ଜିଲ୍ଲା ତଥା ଜିଲ୍ଲା ବାହାରୁ ସହସ୍ରାଧିକ ସତସଙ୍ଗ ଅନୁରାଗି ଶ୍ରଦ୍ଧାଳୁ ଯୋଗଦେଇଥିବାବେଳେ ସ .ପ୍ର.ଋ.ସର୍ବ ଶ୍ରୀ ଡମ୍ବରୁଧର ଦାସ,ସୁରେନ୍ଦ୍ର ନାଥ ଷଡଙ୍ଗୀ, ଦୀପକ ରାଜଗୁରୁ, ସତ୍ୟବାନ ତ୍ରିପାଠୀ, ନିରୋଦ ଆଚାର୍ଯ୍ୟ, ଆର୍ତ୍ତତ୍ରାଣ ମୁଦୁଲି ପ୍ରମୁଖ ଯୋଗଦେଇଥିବା ବେଳେ ସ୍ଥାନୀୟ ସରପଞ୍ଚ, ଜିଲ୍ଲାପାରିସଦ ସଭ୍ୟ ଓ ବିଜେପି ନେତା ସମ୍ପଦ ସ୍ୱାଇଁ ଉପସ୍ଥିତ ଥିବା ଦେଖିବାକୁ ମିଳିଥିଲା।
ଓଡିଶାକୁ ଦେଶ ବିଦେଶରେ ବଦନାମ ପାଇଁ ଷଡଯନ୍ତ୍ର କରୁଛି: ବିଜେପି

ଓଡିଶାର ଶିଳ୍ପ ବିକାଶରେ ଅସହିଷ୍ଣୁ ହୋଇପଡିଛି ବିଜେପି। ସଂକୀର୍ଣ୍ଣ ସ୍ୱାର୍ଥ ପାଇଁ ମିଥ୍ୟା ପ୍ରଚାର ଚଳାଇଛି ରାଜ୍ୟ ବିଜେପି। ନିଜର ସଂକୀର୍ଣ୍ଣ ସ୍ୱାର୍ଥ ପାଇଁ ଓଡ଼ିଶାକୁ ବଦନାମ କରିବାର ଅଭ୍ୟାସ ଓଡ଼ିଶା ବିଜେପିର ରହିଛି। ତେଣୁ ଏହା ଜାଣିଶୁଣି ଓଡ଼ିଶାର ଶିଳ୍ପ ବିକାଶକୁ ନେଇ ମିଥ୍ୟା ଓ ମନଗଢ଼ା ପ୍ରଚାର ଚଳାଇଛି। ତେଣୁ ଓଡିଶା ବିଜେପି ଓଡ଼ିଶାବାସୀଙ୍କୁ ଯେଭଳି ବିଭ୍ରାନ୍ତ କରୁଛି ତାହାକୁ ରୋକିବା ପାଇଁ ଓଡ଼ିଶାବାସୀଙ୍କୁ ସତ ଜାଣିବା ନିହାତି ଜରୁରୀ ବୋଲି କହିଛନ୍ତି ବିଜେଡି ମୁଖପାତ୍ର ଲେନିନ ମହାନ୍ତି ଓ ସୋଫିଆ ଆଲାମ। ଆଉ କହିଛନ୍ତି ଗତ ୨୩ ବର୍ଷ ମଧ୍ୟରେ ଶିଳ୍ପାୟନ ଓ ରୋଜଗାର ଯୋଗାଇବା ପଥରେ ଦ୍ରୁତ ଗତିରେ ଅଗ୍ରସର ହୋଇଛି। ୨୦୨୧-୨୨ ବର୍ଷ ପାଇଁ ସର୍ବାଧିକ ରାଜସ୍ୱ ବଳକା ରାଜ୍ୟ ଭାବେ ଓଡିଶା ଭାରତର ଏକ ନମ୍ବର ରାଜ୍ୟ ଭାବେ ପରିଗଣିତ ହୋଇଛି। ଭାରତର ଦ୍ରୁତ ଅଭିବୃଦ୍ଧି ରାଜ୍ୟ ତାଲିକାର ଶୀର୍ଷରେ ରହିଛି ଓଡ଼ିଶା ଏବଂ କ୍ରମାଗତ ଭାବେ ୧୧.୫ ପ୍ରତିଶତ ଅଭିବୃଦ୍ଧି ହାର ସହ ଜାତୀୟ ହାର ଠାରୁ ଅଧିକ ଅଛି।
ଦଶପଲ୍ଲାକୁ ରେଳ ଚଳାଚଳ ଦାବିରେ କଂଗ୍ରେସର ବିକ୍ଷୋଭ

ଭାରତୀୟ ରେଳବାଇକୁ ଅଧିକ ଶକ୍ତିଶାଳୀ କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ପାଣି ଭଳି ଟଙ୍କା ବୁହାଯାଉଛି । ନୂଆ ରେଳ ଧାରଣା, ନୂଆ ରେଳ ଇଞ୍ଜିନ୍, ନୂଆ କୋଚ୍, ଷ୍ଟେସନର ଆଦୁନିକିକରଣ ବାବାଦରେ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି । ହେଲେ ଏବେ ବି ଅନେକ ସ୍ଥାନ ରହିଛି ଯେଉଁଠାକୁ ରେଳ ସଂଯୋଗ ହୋଇପାରି ନାହିଁ । ନୟାଗଡ ଜିଲ୍ଲା ଦଶପଲ୍ଲାକୁ ରେଳ ଚଳାଚଳ ଦାବି କରି କଂଗ୍ରେସ ତରଫରୁ ନୂଆଗାଁ ବ୍ଲକ ମହିପୁରୁ ଟେସନ ଠାରେ ପ୍ରତିବାଦ କରାଯାଇଛି ।

ଗତକାଲି ଆଜି କେନ୍ଦ୍ର ବିଜେପି ସରକାରଙ୍କ ବ୍ୟୈମାତ୍ରୁକ ମନୋଭାବ ଏବଂ ରାଜ୍ୟ ସରକାରଙ୍କ ଉଦାସୀନତା ପ୍ରତିବାଦରେ ଏହି ବିକ୍ଷୋଭ କରାଯାଇଛି । ମହିପୁରୁ ରେଳ ଷ୍ଟେସନ ଠାରେ ଦଶପଲ୍ଲା, ଗଣିଆ ଏବଂ ନୂଆଗାଁ ବ୍ଲକ କଂଗ୍ରେସ କମିଟିର ଶତାଧିକ ନେତା ଓ କର୍ମି ଏହି ପ୍ରତିବାଦ କରିଥିଲେ । ଏହି ପ୍ରତିବାଦରେ ଜିଲ୍ଲା ସଭାପତି ରଣଜିତ ବିଶ୍ବାଳ ସାମିଲ୍ ହୋଇ ବିଜେପି ସରକାର ଉପରେ ବର୍ଷିଥିଲେ ।
ବିଭିନ୍ନ ଦାବି ନେଇ ଜିଲା ପ୍ରଶାସନକୁ ଦାବିପତ୍ର ଦେଲେ ୧୦୮ ଆମ୍ବୁଲାନ୍ସ କର୍ମଚାରୀ

ଯାଜପୁର ଜିଲା ପ୍ରଶାସନକୁ ଦାବିପତ୍ର ପ୍ରଦାନ କଲେ 108 ଆମ୍ବୁଲାନ୍ସ କର୍ମଚାରୀ ସେମାନେ କରିଥିବା ଦାବି ଗୁଡିକ ହେଉଛି ଆମ୍ବୁଲାନ୍ସ କର୍ମଚାରୀ ଙ୍କୁ ନିୟମିତ କରିବା,କାର୍ଯ୍ୟରତ ଆମ୍ବୁଲାନ୍ସ କର୍ମଚାରୀ ଙ୍କ ଦରମା ବୃଦ୍ଧି ,କାର୍ଯ୍ୟରତ କର୍ମଚାରୀ ଙ୍କୁ ଆକ୍ରମଣ କଲେ ସ୍ୱତନ୍ତ୍ର ଦଣ୍ଡ ବିଧାନ ସହ କାର୍ଯ୍ୟାନୁଷ୍ଠାନ,108 ଆମ୍ବୁଲାନ୍ସ କର୍ମଚାରୀ ଙ୍କ ପାଇଁ ରହିବା ଓ ଶୌଚାଳୟ ବ୍ୟବସ୍ଥା, ମୃତକ ଆମ୍ବୁଲାନ୍ସ କର୍ମଚାରୀ ଙ୍କୁ ଅନୁକମ୍ପା ରାଶି 20 ଲକ୍ଷ ଓ ଅକର୍ମଣ୍ୟ ହେଲେ 10 ଲକ୍ଷ ପ୍ରଦାନ କରିବା ଦାବି ପତ୍ର ପ୍ରଦାନ କରାଯାଇଛି।

ଯାଜପୁର ଜିଲ୍ଲାରେ କାର୍ଯ୍ୟରତ 108 କର୍ମଚାରୀ ସମୁହ ଏକତ୍ରିତ ହୋଇ ଜିଲା ପ୍ରଶାସନ ଦାବି ପତ୍ର ପ୍ରଦାନ କରାଯାଇଛି।।