Tag: suchanatv24x7

ବିଜେପିର ଗୋବର ମାଡ ଘଟଣାରେ କଠୋର କାର୍ଯ୍ୟାନୁଷ୍ଠାନ ଦାବି କଲା କଂଗ୍ରେସ

ବିଜେପି କର୍ମୀଙ୍କ ଗିରଫଦାରୀ ଦାବିରେ କଂଗ୍ରେସର ପ୍ରତିବାଦ । ପୋଲିସ କମିଶନରଙ୍କ କାର୍ଯ୍ୟାଳୟକୁ ଘେରିଲା ରାଜ୍ୟ କଂଗ୍ରେସ। ସଂସଦରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ହିନ୍ଦୁ ବିରୋଧୀ ବୟାନକୁ ନେଇ ମଙ୍ଗଳବାର ବିଜେପିର ବିରୋଧ ପ୍ରଦର୍ଶନ କାଳରେ କିଛି ବିଜେପି କର୍ମୀଙ୍କ ପକ୍ଷରୁ ରାଜଧାନୀ ସ୍ଥିତ କଂଗ୍ରେସ ଭବନ କାନ୍ଥରେ ଥିବା ରାହୁଲ ଗାନ୍ଧୀଙ୍କ ପୋଷ୍ଟରରେ ଗୋବର ମାଡ଼ ଓ କଂଗ୍ରେସ ଅଫିସ ଭିତରେ ହଙ୍ଗାମା କରାଯାଇଥିଲା। ଯାହାକୁ ନେଇ ଦୁଇ ଦଳ ମୁହାଁମୁହିଁ ହୋଇଥିଲେ ଓ ଉଭୟ ପକ୍ଷରୁ ଥାନାରେ ଏତଲା ହୋଇଥିଲା। ହେଲେ ଘଟଣାକୁ ୩ ଦିନ ବିତିଯାଇଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନଥିବାକୁ ବିରୋଧ କରି ଆଜି ପୋଲିସ କମିଶନରଙ୍କ କାର୍ଯ୍ୟାଳୟ ଘେରାଉ କରିଛି ରାଜ୍ୟ କଂଗ୍ରେସ। କଂଗ୍ରେସର ଅଭିଯୋଗ, ରାଜ୍ୟରେ ବିଜେପି ସରକାର ଗଠନ କରିବା ପରଠାରୁ ରାଜ୍ୟବ୍ୟାପୀ ହିଂସା ବଢିଚାଲିଛି। ଏଥିସହ ଏକ ଜାତୀୟ ଦଳର କାର୍ଯ୍ୟାଳୟ ଭିତରେ ପଶି ହିଂସା ଘଟାଇଥିବା ଘଟଣାରେ ମୁଖ୍ୟମନ୍ତ୍ରୀ କଠୋର କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେଇ ନିଜ ସ୍ବଚ୍ଛତା ପ୍ରତିପାଦନ କରିବାକୁ ଦାବି କରିଛନ୍ତି କଂଗ୍ରେସ ନେତା ୟାସିର ନୱାଜ ଓ ରମେଶ ଜେନା।

ସେହିପରି କଂଗ୍ରେସ ଭବନ ଉପରେ ହୋଇଥିବା ଗୋବର ମାଡକୁ ନେଇ ପ୍ରତିକ୍ରିୟାଶୀଳ ହୋଇପଡିଛନ୍ତି ପୂର୍ବତନ କଂଗ୍ରେସ ନେତା ସୁରେଶ ରାଉତରାୟ। ଏପରି କାର୍ଯ୍ୟରୁ ବିଜେପି କ୍ଷାନ୍ତ ନ ହେଲେ ପରିସ୍ଥିତି ଭୟଙ୍କର ହେବ ବୋଲି ଚେତାବନୀ ଦେଇଛନ୍ତି ରାଉତରାୟ

ସେପଟେ କଂଗ୍ରେସ ପକ୍ଷରୁ ଆଜି ହୋଇଥିବା ଘେରାଉ ପାଇଁ ପୋଲିସ କମିଶନରେଟ ପୋଲିସ କାର୍ଯ୍ୟାଳୟ ପୋଲିସ ଛାଉଣୀରେ ପରିବର୍ତ୍ତିତ ହୋଇଥିଲା। ୬ ପ୍ଲାଟୁନ ଫୋର୍ସ,୪ ଜଣ ଏସିପି,୩ ଜଣ ଆଇଆଇସି,ଜଣେ ଅତିରିକ୍ତ ଡିସିପି ସୁରକ୍ଷା ପାଇଁ ନିୟୋଜିତ ରହିଥିଲେ।
ଭଲ ରାସ୍ତା ଅଭାବରୁ କାଦୁଅ, ସ୍ବାଧୀନତାର ୭୭ ବର୍ଷ ପରେ ମଧ୍ୟ ଜଗନ୍ନାଥ ପାଲି ଗାଁକୁ ନାହିଁ ରାସ୍ତା

ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ପଞ୍ଚାୟତ ଅନ୍ତର୍ଗତ ଜଗନ୍ନାଥ ପାଲି ଗାଁକୁ ସ୍ବାଧୀନତାର ୭୭ ବର୍ଷ ପରେ ମଧ୍ୟ ନାହିଁ ରାସ୍ତା ଖଣ୍ଡିଏ। ତେଣୁ ସାମାନ୍ୟ ବର୍ଷାରେ ରାସ୍ତାର ଅବସ୍ଥା ବେହାଲ ହୋଇ କାଦୁଅ ପଚପଚ ହୋଇଛି। ଯାହା ଫଳରେ ଲୋକଙ୍କ ଯାତାୟାତରେ ସମସ୍ୟା ହେଉଛି। ଏହି ରାସ୍ତା ଉପରେ ଗାଁର ସବୁ ଲୋକ ନିର୍ଭରଶୀଳ। ଘରୁ ବାହାରି ସ୍କୁଲକୁ ଯିବାର ହେଉ ବା ହାଟ, ବାଟକୁ, ଅବା ବିଲ ବାଡି,ପଞ୍ଚାୟତ କାର୍ଯ୍ୟାଳୟ,ବ୍ୟାଙ୍କ ଯିବାକୁ ଏହି ରାସ୍ତା ଦେଇ ଯାଆ ଆସ କରିଥାନ୍ତି। ହେଲେ ସାମାନ୍ୟ ବର୍ଷାରେ ଏହି ମାଟି ରାସ୍ତା କାଦୁଅରେ ଭରିଯାଏ। ଠାଏ ଠାଏ ପାଣି ଜମି କୃତ୍ରିମ ହ୍ରଦର ଭ୍ରମ ସୃଷ୍ଟି କରେ। ଆଉ ଏହି ରାସ୍ତାରେ ଯିବା ବେଳେ ଅନେକ ସମୟରେ ଖସି ପଡି କାଦୁଅ ଲଟପଟ ହୋଇଥାନ୍ତି ଲୋକେ। ଏମିତି ନୁହେଁ କି ରାସ୍ତା କାମ ପୂର୍ବ ସରକାର କରି ନାହାନ୍ତି। ହେଲେ ଠିକାଦାରମାନେ ନିମ୍ନମାନର କାର୍ଯ୍ୟ କରି ମାଲେମାଲ ହେଉଥିବା ବେଳେ ସାଧାରଣ ଜନତା ହେଉଛନ୍ତି ହନ୍ତସନ୍ତ ହେଉଛନ୍ତି
ଏସଆଇ ବାବୁ ୮ ହଜାର ଟଙ୍କା ଲାଞ୍ଚ ନେଲା ବେଳେ ମାଡିବସିଲା ଭିଜିଲାନ୍ସ

ଭିଜିଲାନ୍ସ କବଜାରେ କୁଜଙ୍ଗ ଥାନା ସବ ଇନ୍ସପେକ୍ଟର। ଏକ ମାମଲାର ରଫାଦଫା କରିବାକୁ ଏସଆଇ ବିବେକାନନ୍ଦ ସାହୁ ୮ ହଜାର ଟଙ୍କା ଲାଞ୍ଚ ନେଉଥିବା ବେଳେ କାବୁ କରି ନେଇଛି ଦୁର୍ନୀତି ନିବାରଣ ସଂସ୍ଥା। ସୂଚନା ମୁତାବକ, ଗତ ମେ ୧୪ ତାରିଖରେ ବାଗୋଇ ଗ୍ରାମରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା। ପରବର୍ତ୍ତୀ ସମୟରେ ଉଭୟ ପଟରୁ ଥାନାରେ ଏତଲା ଦିଆଯାଇଥିଲା। ବିବେକାନନ୍ଦ ସାହୁ ଗୋଟିଏ ପଟର କେସ ରୁଜୁ କରିଥିଲେ ମଧ୍ୟ ଅନ୍ୟ ପକ୍ଷରେ ଥିବା ସରୋଜ କୁମାର ସ୍ବାଇଁଙ୍କ ଏତଲା ଗ୍ରହଣ କରିନଥିଲେ। ସରୋଜ ଏ ସମ୍ପର୍କରେ ପୋଷ୍ଟାଲା ମାଧ୍ୟମରେ ଏସପିଙ୍କୁ ଜଣାଇଥିଲେ । ଏଥିରେ ମଧ୍ୟ ସରୋଜଙ୍କୁ କୌଣସି ସୁଫଳ ମିଳି ନ ଥିଲା। ତେଣୁ ସରୋଜ ଗିରଫଦାରୀ ଭୟରେ କୋର୍ଟରୁ ଆଗୁଆ ବେଲ ନେଇଥିଲେ। ତଥାପି ଏସଆଇ ବିବେକାନନ୍ଦ ତାଙ୍କୁ ବିଭିନ୍ନ ଉପାୟରେ ଫସାଇବାକୁ ଧମକାଉଥିଲେ ଓ କେଶରୁ ମୁକୁଳେଇବା ପାଇଁ ସରୋଜଙ୍କଠାରୁ ୮ ହଜାର ଟଙ୍କା ଦାବି କରିଥିଲେ । ବିବେକାନନ୍ଦଙ୍କ ଚାପରେ ଅତିଷ୍ଠ ହୋଇ ସରୋଜ ଏସମ୍ପର୍କରେ ଜଗତସିଂହପୁର ଭିଜିଲାନ୍ସ ବିଭାଗରେ ଗୁହାରୀ କରିବାକୁ ବାଧ୍ୟ ହୋଇଥିଲେ। ଯାହାକୁ ନେଇ ଭିଜିଲାନ୍ସ ଜାଲ ବିଛାଇଥିଲା ବିବେକାନନ୍ଦଙ୍କୁ ଧରିବାକୁ। ବିବେକାନନ୍ଦ ଭିଜିଲାନ୍ସରୁ ବର୍ତ୍ତିବାକୁ ସିଧାସଳଖ ସରୋଜଙ୍କଠାରୁ ଟଙ୍କା ନ ନେଇ, ମଧ୍ୟସ୍ଥିଙ୍କ ମାଧ୍ୟମରେ ୮ ହଜାର ଟଙ୍କା ପଠାଇବାକୁ କହିଥିଲେ। ସେହି ଅନୁଯାୟୀ ମଧ୍ୟସ୍ଥି ଟଙ୍କା ଦେଇଥିଲେ ବିବେକାନନ୍ଦଙ୍କୁ। ହେଲେ ଏସବୁ ବିଷୟରେ ଅବଗତ ଥିବା ଭିଜିଲାନ୍ସ ବିଭାଗର ଅଧିକାରୀମାନେ ପୂର୍ବରୁ ସେଠାରେ ଛକିଥିଲେ ଓ ଏସଆଇ ବିବେକାନନ୍ଦଙ୍କୁ ଟଙ୍କା ଧରୁଥିବା ବେଳେ କାବୁ କରି ତାଙ୍କ ନିକଟରୁ ଟଙ୍କା ଜବତ କରିବା ସହ ତାଙ୍କୁ ଗିରଫ କରି ଜଗତସିଂହପୁର ନେଇଯାଇଛି । ଥାନା ଭିତରେ ଥିବା ଏସଆଇଙ୍କ କ୍ଵାଟରର ଯାଞ୍ଚ ମଧ୍ୟ କରିଛି। ଏଠାରେ କହି ରଖୁଛୁ କି, ପୂର୍ବରୁ ନାଉଗାଁ ଥାନାରେ ଥିବା ବେଳେ ଏହି ପୋଲିସ ବାବୁଙ୍କ ମଦ ପିଇବା ଭିଡିଓ ଭାଇରାଲ ହୋଇ ସେ ବେଶ ଚର୍ଚ୍ଚାରେ ଥିଲେ।
ଝିଅର ଅସ୍ବାଭାବିକ ମୃତ୍ୟୁ ପରେ ପରିବାର ଲୋକ ଆଣିଲେ ହତ୍ୟା ଅଭିଯୋଗ

ନାଁଟି ଲକ୍ଷ୍ମୀପ୍ରିୟା, ଦେଖିବାକୁ ମଧ୍ୟ ସାକ୍ଷାତ ଲକ୍ଷ୍ମୀ ଠାକୁରାଣୀ ପରି। ତିନି ବର୍ଷ ତଳେ ଆଖିରେ ଆଖିଏ ସ୍ବପ୍ନ ନେଇ ବିବାହ କରିଥିଲେ ନୟାଗଡର ଲକ୍ଷ୍ମୀପ୍ରିୟା। ହେଲେ ବିବାହର ମାତ୍ର କେଇଟା ଦିନରେ ସ୍ବପ୍ନ ସବୁ ଆଖିର ଲୁହରେ ଧୂଆଳିଆ ହୋଇଗଲା। ଯେଉଁ ଲୋକଟିକୁ ଦେବତା ଭାବେ ଗ୍ରହଣ କରିଥିଲା ତା ମୁହଁରୁ ହଟିଗଲା ମୁଖୋଟା। ସାମ୍ନାକୁ ଆସିଲା ସ୍ବାମୀର ବିକଟାଳ ରୂପ ନିଶା ସେବନ ସହ ଅନ୍ୟ ଯୁବତୀଙ୍କ ସହ ରଖିଥିଲା ସମ୍ପର୍କ। ବିବାହର କିଛି ମାସ ପରେ ସ୍ତ୍ରୀ ଲକ୍ଷ୍ମୀପ୍ରିୟାକୁ ମାରଧର କରିବା ଆରମ୍ଭ କରିଦେଇଥିଲା। ଆଉ ଦିନ ଗଡିବା ସହ ଲକ୍ଷ୍ମୀପ୍ରିୟାଙ୍କ ଜୀବନ ହୋଇଗଲା ଦୁଃସହ। ଖାଲି ଅଗ୍ନିକୁ ସାକ୍ଷୀ ରଖି ବିବାହ କରିଥିବାରୁ ମୁଣ୍ଡପାତି ୩ ବର୍ଷ ହେଲା ସବୁ ସହୁଥିଲା। ହେଲେ ଆଉ ପାରିଲାନି। ଶେଷରେ ବୁଧବାର ଦିନ ମଞ୍ଚେଶ୍ବର ଥାନା ଅଧୀନ ତାଙ୍କ ଭଡା ଘରୁ ମିଳିଥିଲା ଲକ୍ଷ୍ମୀପ୍ରିୟାଙ୍କ ମୃତଦେହ। ଝିଅର ଏପରି ସନ୍ଦେହଜନକ ମୃତ୍ୟୁ ପରେ ବାପା ଭାଇ ଆଣିଛନ୍ତି ହତ୍ୟା ଅଭିଯୋଗ। ଏକ ଗଣମାଧ୍ୟମରେ କାମ କରୁଥିବା ତାଙ୍କ ଜ୍ବାଇଁ ସରୋଜ ବିଶ୍ବାଳ ଝିଅକୁ ମାରଧର କରିଆସୁଥିଲା। ତାର ବହୁ କୁଅଭ୍ୟାସ ଥିଲା ଓ ଶେଷରେ ଝିଅକୁ ମାରିଦେଇଥିବା ଥାନାରେ କରିଛନ୍ତି ଅଭିଯୋଗ। ତୁରନ୍ତ ହତ୍ୟାକାରୀ ଜ୍ବାଇଁକୁ ଗିରଫ କରିବାକୁ କରୁଛନ୍ତି ଦାବି

ଅନ୍ୟପଟେ ପୋଲିସ ମୃତଦେହର ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଦେଇଛି। ଏହି ଘଟଣାରେ ତଦନ୍ତ ଚଳାଇଛି। ସରୋଜକୁ ମଧ୍ୟ ଥାନାରେ ଅଟକ ରଖି ପଚରା ଉଚରା କରୁଛି।
ମୁଖ୍ୟମନ୍ତ୍ରୀ ହେବା ପରେ ପ୍ରଥମଥର ଲୋକସେବା ଭବନରୁ କାର୍ଯ୍ୟ ଆରମ୍ଭ କରିଛନ୍ତି ମୋହନ ବାବୁ

ଶପଥ ନେବାର ୨୨ ଦିନ ପରେ ଆଜିଠୁ ମୁଖ୍ୟମନ୍ତ୍ରୀ ମୋହନ ମାଝୀ ଲୋକସେବା ଭବନରୁ ବିଧିବଦ୍ଧ ଭାବେ କାମ ଆରମ୍ଭ କରିଛନ୍ତି। ଏହି ଅବସରରେ ସେ କହିଛନ୍ତି ଓଡିଆ ଭାଷାରେ ସରକାରୀ କାର୍ଯ୍ୟ ହେବ । ଏଥିପାଇଁ ଆବଶ୍ୟକ ପଡିଲେ ଆଇନଗତ ସଂଶୋଧନ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଓଡ଼ିଆ ଭାଷା ପ୍ରତିଷ୍ଠାନର ପୁନର୍ଗଠନ କରାଯିବ । ଓଡ଼ିଆ ଭାଷାର ପ୍ରଚାର ପ୍ରସାର ପାଇଁ କମିଶନ ଗଠନ ହେବ । ଓଡିଆ ଭାଷାରେ ହେବ ସମସ୍ତ ସରକାରୀ କାର୍ଯ୍ୟ । ଆବଶ୍ୟକ ପଡିଲେ ଆଇନରେ ହେବ ସଂଶୋଧନ ।

ମୁଖ୍ୟମନ୍ତ୍ରୀ କହିଛନ୍ତି ଭୌତିକ ପ୍ରଗତି ସହ ସାଂସ୍କୃତିକ ପ୍ରଗତିକୁ ଗୁରୁତ୍ୱ ଦିଆଯିବ। ଓଡ଼ିଆ ଅସ୍ମିତା ସଂରକ୍ଷଣ ଓ ପ୍ରସାର ଉପରେ ଗୁରୁତ୍ୱାରୋପ କରାଯାଇଛି। ସାହିତ୍ୟ, କଳା, ସଙ୍ଗୀତ ଓ ଲଳିତ କଳା ଏକାଡେମୀର ପୁନଃଗଠନ ପାଇଁ ପଦକ୍ଷେପ ନେବେ ସରକାର ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ନିର୍ଭେରାମ ଖଣିରେ ଏବେବି ଧାରଣା…

ବିଭିନ୍ନ ଦାବି ନେଇ ଯୋଡା ବ୍ଲକ ଟଣ୍ଟୋସ୍ଥିତ ନର୍ଭେରାମ ପାୱାର ଏଣ୍ଡ ଷ୍ଟିଲ ପ୍ରାଃ ଲିଃ ଖଣି ମୁଖ୍ୟ ଫାଟକ ସମ୍ମୁଖରେ ୫ ଦଫା ଦାବି ନେଇ ଭଦ୍ରାସାହି ଓ ସେରେଣ୍ଡା ୨ ପଞ୍ଚାୟତର ଅଧିବାସୀ ଧାରଣାରେ ବସିଥିବା ଦେଖିବାକୁ ମିଳିଛି । । ସ୍ଥାନୀୟ ବାସିନ୍ଦାଙ୍କ ଧାରଣା ଯୋଗୁଁ ଖଣିରୁ ପରିବହନ ସମ୍ପୂର୍ଣ୍ଣ ବନ୍ଦ ଥିବା ବେଳେ ଖଣି କାର୍ଯ୍ୟ ମଧ୍ୟ ବନ୍ଦ ରହିଛି । ଗ୍ରାମବାସୀ ଗଣମାଧ୍ୟମରେ ମୁହଁ ଖୋଲିଛନ୍ତି । କମ୍ପାନୀ କହିବା ମୁତାବକ କମ୍ପାନୀ ପ୍ରାୟ ୩ଶହ ସ୍ଥାନୀୟ ଲୋକଙ୍କୁ ସ୍ଥାୟି ନିଯୁକ୍ତି ଦେଇଥିବା ବେଳେ ପରିବହନରେ ମଧ୍ୟ ୪୭ଜଣ ସ୍ଥାନୀୟ ଲୋକଙ୍କୁ ଅଗ୍ରାଧିକାର ଦିଆଯାଇଥିବା ଦାବି କରୁଥିବା ବେଳେ ଏହାକୁ ସ୍ଥାନୀୟ ଗ୍ରାମବାସୀମାନେ କମ୍ପାନୀ ସମ୍ପୂର୍ଣ୍ଣ ମିଛ କହୁଛି ବୋଲି ଅଭିଯୋଗ କରିଛନ୍ତି । ପୂର୍ବରୁ ଖଣିଟି କେ.ଏନ୍. ରାମଙ୍କ ନାମରେ ଥିବା ବେଳେ ୨୦୨୦ ନୂତନ ଖଣି ନିଲାମରେ ଏହାକୁ ନର୍ଭେରାମ ପାୱାର ଏଣ୍ଡ ଷ୍ଟିଲ ପ୍ରାଃ ଲିଃ କମ୍ପାନୀ ହାତେଇବାରେ ସଫଳ ହୋଇଥିଲା । ତେବେ ଏହି ଖଣିରୁ ମାସିକ ୩ ଲକ୍ଷ ୫୦ ହଜାର ଟନ୍ ପରିମାଣର ମୂଲ୍ୟବାନ ଲୁହାପଥର ବାହାରକୁ ରପ୍ତାନୀ ହେଉଥିବା ବେଳେ ଏହି ଖଣିରେ ଜଣେ ହେଲେ ସ୍ଥାନୀୟ ଲୋକ ସ୍ଥାୟୀ ନିଯୁକ୍ତି ପାଇନାହାନ୍ତି । ଅତି ଚତୁରତାର ସହିତ ପୂର୍ବ ଖଣି ମାଲିକ କେ.ଏନ୍. ରାମଙ୍କ ଜିଏସ୍ଟି ବାକି ଥିବା ଗ୍ରାମବାସିଙ୍କୁ କହି ତାଙ୍କ ନାମରେ ଏକ ପରିବହନ ଲାଇସେନ୍ସ ବାହାର କରି ସେବେଠାରୁ ପରିବହନ କାର୍ଯ୍ୟ ଚଳାଇଆସୁଛନ୍ତି । ତେବେ ତାଙ୍କ ଅଧିନରେ ଜଣେ ପେଟି ଠିକାଦାର ୯୫ ପ୍ରତିଶତ ପରିବହନ କାର୍ଯ୍ୟ ତୁଲେଇଆସୁଥିବା ବେଳେ ଏହି ବ୍ୟକ୍ତି ଜଣଙ୍କ ରାଜନୈତିକ ଛତ୍ରଛାୟା ତଳେ ରହି ତାଙ୍କର ବ୍ୟବସାୟ ଚଳାଇଆସୁଛନ୍ତି । ବଳକା ୫ ପ୍ରତିଶତକୁ ଗାଁର କାଁ ଭାଁ ଲୋକଙ୍କୁ କମିସନ ଆଧାରରେ ଗାଡି ଲଗାଇବା ପାଇଁ ନିଯୁକ୍ତି କରାଯାଇଛି ବୋଲି ଗ୍ରାମବାସୀଙ୍କ ପକ୍ଷରୁ ପୂର୍ବତନ ସରପଞ୍ଚ ଅର୍ଜୁନ ସାଣ୍ଡିଲ ଗଣମାଧ୍ୟମକୁ ସୂଚନା ଦେଇଛନ୍ତି ।
ବାଲିଗୁଡା ରେ ବନମହୋତ୍ସବ ପାଳନ

ବାଲିଗୁଡା ରେ ବନ ମହୋତ୍ସବ ପାଳିତ l ବାଲିଗୁଡ଼ା ଡିଭିଜନ ପକ୍ଷରୁ ବନ ମହୋତ୍ସବ ସପ୍ତାହ ପାଳିତ ହୋଇ ଯାଇଛି l ପ୍ରଥମ ଦିବସ ରେ ବାଲିଗୁଡ଼ା ଡି ଏଫ୍ ଓ ବିଶ୍ବରାଜ ପଣ୍ଡା ଉପସ୍ଥିତ ରହି ମାଗଣା ଚରା ବିକ୍ରୟ କେନ୍ଦ୍ର ର ଶୁଭ ଉଦଘାଟନ କରିଥିଲେ ଏବଂ କଂଧମାଳ ଜିଲ୍ଲା ବାଲିଗୁଡ଼ା ଡିଭିଜନ ଅଞ୍ଚଳ ରେ ବୃକ୍ଷ ରୋପଣ କରି ନୂତନ ଜଙ୍ଗଲ ସୃଷ୍ଟି କରିବା ଉଦ୍ଦେଶ୍ୟରେ ବାର୍ତ୍ତା ଦେଇଥିଲେ l ବାଲିଗୁଡ଼ା ର ବହୁ ଜନ ସାଧାରଣ ବିଭିନ୍ନ କିସମ ର ବହୁମୂଲ୍ୟ ବାନ ଚାରା ରୋପଣ ପାଇଁ ଘରକୁ ନେଇ ଥିଲେ ଅନ୍ୟମାନଙ୍କ ମଧ୍ୟରେ ଏସ ସି ଏଫ୍ ମନୋରଂଜନ ବାଘ ଏସି ଏଫ୍ ପ୍ରଫୁଲ୍ଲ କୁମାର ମଲ୍ଲିକ ରେଞ୍ଜର ଅତୁଲ୍ୟ କୁମାର ମହାନ୍ତି ଫରେଷ୍ଟର ପ୍ରଭାତ କୁମାର ଦୋରା ଓ ସମସ୍ତ ବନ କର୍ମଚାରୀ ଉପସ୍ଥିତ ଥିଲେ l
ଚଳିତ ବର୍ଷ ଦୁଇ ଦିନ ଧରି ଚାଲିବ ରଥଯାତ୍ରା, ମୁଖ୍ୟମନ୍ତ୍ରୀ କଲେ ସମୀକ୍ଷା ବୈଠକ

ଚଳିତ ବର୍ଷ ଦୁଇ ଦିନ ଧରି ଚାଲିବ ରଥଯାତ୍ରା । ତେଣୁ ସେଥିପାଇଁ ମଧ୍ୟ ପ୍ରସ୍ତୁତି ଚୂଡାନ୍ତ ହୋଇଛି । ଆସନ୍ତା ୭ ତାରିଖରେ ଟଣାହେବ ରଥ । ଅନ୍ୟପଟେ ରାଜ୍ୟରେ ନୂତନ କରି ସରକାର ଗଢିଥିବା ବିଜେପି ରଥଯାତ୍ରା ଅବସରରେ ଏକ ନୂଆ ଘୋଷଣା କରିଛନ୍ତି । ଏଥର ୨ ଦିନ ରହିବ ଛୁଟି । ଆସନ୍ତା ୭ ଓ ୮ ତାରିଖରେ ସରକାରୀ କାର୍ଯ୍ୟାଳୟ, ସ୍କୁଲ, କଲେଜ ସବୁ ବନ୍ଦ ରହିବ । ତେବେ ଏହି ଛୁଟିକୁ ନେଇ ତୁରନ୍ତ ବିଧିବଦ୍ଧ ବିଜ୍ଞପ୍ତି ପ୍ରକାଶ କରିବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।

ଆଜି ମୁଖ୍ୟମନ୍ତ୍ରୀ ମୋହନ ମାଝୀ ରଥ ଯାତ୍ରା ସମୀକ୍ଷା ବୈଠକରେ ଯୋଗ ଦେବାକୁ ପୁରୀରେ ପହଞ୍ଚିଥିଲେ । ଟାଉନ୍ ହଲରେ ସ୍ୱତନ୍ତ୍ର ସମୀକ୍ଷା ବୈଠକ ହୋଇଥିଲା । ତ୍ରୁଟିଶୂନ୍ୟ ଭାବେ ରଥଯାତ୍ରା ସଂପନ୍ନ ପାଇଁ ସମସ୍ତ ସହଯୋଗ କାମନା କରିଛନ୍ତି ମୁଖ୍ୟମନ୍ତ୍ରୀ । ମହାପ୍ରଭୁଙ୍କ ସେବାକୁ ଜୀବନର ବ୍ରତ ଭାବେ ପାଳନ କରିବାକୁ ସରକାରୀ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।

ମୁଖ୍ୟମନ୍ତ୍ରୀଙ୍କ ସହ ଦୁଇ ଉପମୁଖ୍ୟମନ୍ତ୍ରୀ, ବିଭିନ୍ନ ବିଭାଗର ମନ୍ତ୍ରୀ, ଜିଲ୍ଲାର ସମସ୍ତ ବିଧାୟକ, ମୁଖ୍ୟ ଶାସନ ସଚିବ, ଶ୍ରୀମନ୍ଦିର ମୁଖ୍ୟ ପ୍ରଶାସକ, ଜିଲ୍ଲାପାଳ, ଏସପି, ସେବାୟତ ସମେତ ବିଭିନ୍ନ ବର୍ଗର ବ୍ୟକ୍ତି ବିଶେଷ ମଧ୍ୟ ସମୀକ୍ଷା ବୈଠକରେ ଉପସ୍ଥିତ ଥିଲେ। ତେବେ ଏବି ବୈଠକରେ ରଥଯାତ୍ରାର ସମସ୍ତ ଦିଗ ପ୍ରତି ଆଲୋଚନା ହୋଇଛି ।
ଆଦିବାସୀ ମହିଳାଙ୍କୁ ଗଣଦୁଷ୍କର୍ମ, ତିନି ଜଣଙ୍କୁ ଗିରଫ କଲା ଚାନ୍ଦବାଲି ପୋଲିସ

ଭଦ୍ରକ ଜିଲ୍ଲାରେ ପୁଣି ଲଜ୍ଜା। ଗରିବ,ନିଶାସକ୍ତ, ଆଦିବାସୀ ମହିଳାଙ୍କୁ ସୁରକ୍ଷିତ ଘରେ ଛାଡିବାକୁ କହି ଗଣଦୁଷ୍କର୍ମ। ମହିଳାଙ୍କ ଅଭିଯୋଗ ପରେ ପୋଲିସ ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି। ସୂଚନା ମୁତାବକ ଭଦ୍ରକ ଜିଲ୍ଲାର ବେତଡା ଅଞ୍ଚଳର ଜଣେ ଆଦିବାସୀ ମହିଳା କାମ ଅନ୍ବେଷଣରେ ଚାନ୍ଦବାଲି ଚାଲି ଆସିଥିଲେ। ଭୁଁଇମୂର୍ତ୍ତି ପଞ୍ଚାୟତ ଅନ୍ତର୍ଗତ ଜଗନ୍ନାଥପୁରର ସଞ୍ଜୟ ଦାସ ନାମକ ଜଣେ ପରିଚିତଙ୍କ ଘରେ ରହିବା ସହ ଜଣକ ଘରେ ଉଭୟ ସଞ୍ଜୟ ଓ ମହିଳା କାମ କରୁଥିଲେ । କିଛି ଦିନ ତଳେ ସେ ତାଙ୍କ ଗାଁ ବେତଡା ଚାଲିଯାଇଥିଲେ ଓ ଗତ ୨୫ ତାରିଖ ଦିନ ଚାନ୍ଦବାଲି ଫେରିଥିଲେ। ଚାନ୍ଦବାଲିରେ ପହଞ୍ଚିବା ପରେ ମହିଳାଙ୍କର ସଞ୍ଜୟଙ୍କ ସହ ଦେଖା ହୋଇଥିଲା। ମହିଳା କାମକରୁଥିବା ମାଲିକ ପାଖରେ ତାଙ୍କ ବକେୟା ଟଙ୍କା ଆଣିବାକୁ ସାଙ୍ଗରେ ଯିବାକୁ ସଞ୍ଜୟକୁ କହିଥିଲେ। ହେଲେ ସଞ୍ଜୟ କଟକରୁ ଫେରୁଥିବାରୁ କ୍ଲାନ୍ତ ହୋଇଯାଇଥିଲେ ଓ ପରେ ଯିବାକୁ କହିଥିଲେ। ଉଭୟ ସଞ୍ଜୟଙ୍କ ଘରକୁ ଆସିଥିଲେ। ମାତ୍ର ଉକ୍ତ ମହିଳା ମଦ୍ୟପାନ କରିଥିବାରୁ ସଞ୍ଜୟଙ୍କ ସ୍ତ୍ରୀ ତାଙ୍କୁ ଘରେ ରଖାଇ ଦେଇ ନ ଥିଲେ । ରାତି ହୋଇଯାଇଥିବାରୁ ଜଣେ ନିଶାସକ୍ତ ମହିଳାଙ୍କୁ ଏକା କୁଆଡେ ଛାଡିବେ ଭାବି ସଞ୍ଜୟ ତାଙ୍କୁ ଚାନ୍ଦବାଲିରୁ ତାଙ୍କ ଗାଁକୁ ପଠେଇବାକୁ ବାହାରି ଥିଲେ ।ସେହି ସମୟରେ ଜଗନ୍ନାଥପୁରରୁ ଚାନ୍ଦବାଲିକୁ ବାଇକ ଯୋଗେ ଗ୍ରାମର ଜଗନ୍ନାଥ ଦାସ ଓ ପଦ୍ମ ଲୋଚନ ଦାସ ଯାଉଥିଲେ । ସଞ୍ଜୟ ମହିଳାଙ୍କୁ ସେମାନଙ୍କ ବାଇକରେ ବସାଇ ଦେଇ ଚାନ୍ଦବାଲିରେ ଛାଡି ଦେବାକୁ କହିଥିଲେ । ଜଗନ୍ନାଥ ଓ ପଦ୍ମଲୋଚନ ମହିଳାଙ୍କୁ ବାଇକରେ ନେଇ କିଛି ବାଟ ଯିବା ପରେ ଏକ ନିଛାଟିଆ ଜାଗା ଦେଖି ରହିଥିଲେ ଓ ସେମାନଙ୍କର ଅନ୍ୟ ଜଣେ ସହଯୋଗୀ ପ୍ରଦୀପ ଦାସକୁ ଡାକିଥିଲେ। ପ୍ରଦୀପ ଆସିବା ପରେ ତିନି ଦୁର୍ବୃତ୍ତ ମହିଳାଙ୍କ ସହ ଗଣଦୁଷ୍କର୍ମ କରିଥିଲେ।

ମହିଳାଙ୍କ ସହ ଜୋରଜବରଦସ୍ତ କରୁଥିବା ବେଳେ ସେ ବଡ ପାଟିରେ ଚିତ୍କାର କରିଥିଲେ। ସ୍ଥାନୀୟ ଲୋକ ପାଟି ଶୁଣି ଆସିବାରୁ ଦୁର୍ବୃତ୍ତମାନେ ସେଠାରୁ ଚାଲିଯାଇଥିଲେ। ମହିଳା ଲୋକଙ୍କୁ ସବୁ କଥା କହିବା ପରେ ସେମାନେ ତାଙ୍କୁ ଥାନାକୁ ନେଇଯାଇଥିଲେ। ମହିଳାଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରିବା ସହ ତିନି ଅଭିଯୁକ୍ତଙ୍କୁ ଗିରଫ କରିଥିବା ସୂଚନା ଦେଇଛନ୍ତି ଏସଡିପିଓ।

ପୋଲିସ ମହିଳାଙ୍କ ଡାକ୍ତରୀ ମାଇନା କରିବା ପରେ ଚାନ୍ଦବାଲି ମାଜିଷ୍ଟ୍ରେଟ ନିକଟରେ ବୟାନ ରେକର୍ଡ କରିଛି । ସେପଟେ ଏହି ଘଟଣାରେ ଗିରଫ ହୋଇଥିବା ତିନି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। ସେମାନେ ସମସ୍ତ ଅଭିଯୋଗକୁ ଖଣ୍ଡନ କରୁଥିଲେ ମଧ୍ୟ କୋର୍ଟ ସେମାନଙ୍କୁ ଜେଲ ପଠାଇ ଦେଇଛନ୍ତି।

— ଭଦ୍ରକ ଚାନ୍ଦବାଲିରୁ ଦେବକାନ୍ତ ମହାନ୍ତିଙ୍କ ରିପୋର୍ଟ, SUCHANATV24X7
ମଦ ମୁକ୍ତ ଓଡିଶା ଗଠନ ଦିଗରେ ସାମାଜିକ ସୁରକ୍ଷା ବିଭାଗ ପକ୍ଷରୁ ପ୍ରୟାସ ଆରମ୍ଭ

ଓଡିଶା ହେବ ରାମ ରାଜ୍ୟ। ମୋହନ ସରକାର ରାଜ୍ୟକୁ ନିଶା ମୁକ୍ତ କରିବେ। ଏନେଇ ସରକାରଙ୍କ ପକ୍ଷରୁ ଚିନ୍ତନ ହୁଏତ ଚାଲିଛି। ରାଜସ୍ବ ଆଦାୟ କରିବାକୁ ରାଜ୍ୟବାସୀଙ୍କୁ ନିଶାସକ୍ତ ଓ ରୋଗରେ ଘାଣ୍ଟି ଚକଟିବାକୁ ପୂର୍ବ ସରକାର ଯେଉଁ କାର୍ଯ୍ୟଧାରା ପ୍ରସ୍ତୁତ କରିଥିଲେ ତାଉପରେ ଲାଗିବାକୁ ଯାଉଛି ବ୍ରେକ୍। ରାଜ୍ୟ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀଙ୍କ ଏକ ବୟାନ ପରେ ରାଜ୍ୟକୁ ମଦ ମୁକ୍ତ କରିବାକୁ ସରକାର କାର୍ଯ୍ୟ ଆରମ୍ଭ କରୁଥିବା ଅନୁଭୂତ ହେଉଛି। ମନ୍ତ୍ରୀ ନିତ୍ୟାନନ୍ଦ ଗଣ୍ଡ ତାଙ୍କ ଏକ ବୟାନରେ କହିଛନ୍ତି, ମଦ ପାଇଁ ସମାଜ କଳୁଷିତ ହେଉଛି। ପରିବାରରେ ଅଶାନ୍ତି ବଢୁଛି। ଅନ୍ୟ ରାଜ୍ୟରେ ମଦକୁ ବ୍ୟାନ କରାଯାଇଛି ତ ଓଡିଶାରେ କାହିଁକି ଏପରି କରାଯାଇ ପାରିବ ନାହିଁ ବୋଲି ପ୍ରଶ୍ନ କରିଛନ୍ତି ମନ୍ତ୍ରୀ। ଆଜି ଆନ୍ତର୍ଜାତିକ ନିଶା ନିବାରଣ ଦିବସ ପାଳନ ଅବସରରେ ମନ୍ତ୍ରୀ ମଦ ପ୍ରଚଳନ ବନ୍ଦ କରିବା ଦିଗରେ ସରକାର ବିଚାର ବିମର୍ଷ କରୁଥିବା କହିଛନ୍ତି। ସେ କହିଛନ୍ତି, ଏନେଇ ଅବକାରୀ ବିଭାଗ, ସରକାରୀସ୍ତରରେ ଆଲୋଚନା କରି ମଦ ବିକ୍ରି ଓ ଦୋକାନ ଖୋଲିବା ଉପରେ ପଦକ୍ଷେପ ନିଆଯିବ। ମଦ ଦୋକାନ ରହିବ ନାହିଁ ତ ଲୋକେ ପିଇବେ କୋଉଠୁ ବୋଲି କହିଚନ୍ତି ମନ୍ତ୍ରୀ। ଏହି ଅବସରରେ ବିଜେପି ବିଧାୟକ ବାବୁ ସିଂହ ମଧ୍ୟ ମଦ ବନ୍ଦ ଉପରେ ଗୁରୁତ୍ବ ଦେଇଛନ୍ତି। ଏମିତି କି ନିଶା ଦ୍ରବ୍ୟ ବିକିଲେ ଫାଶୀ ମିଳିବ ବୋଲି କହିଛନ୍ତି