Tag: suchanatv24x7

ଗାଡି ସବୁ ଅଟକା ଗଲା, ଜାତି ଚିହ୍ନଟ ହେଲା ଏବଂ ଚଳାଇଦେଲେ ଗୁଳି, ପାକିସ୍ତାନରେ ୨୩ ଜଣଙ୍କୁ ହତ୍ୟା କଲେ ଆତଙ୍କବାଦୀ

ପାକିସ୍ତାନର ବଲୁଚିସ୍ତାନରେ ଆତଙ୍କବାଦୀମାନେ ୨୩ ଜଣ ଲୋକଙ୍କୁ ଗୁଳି କରି ହତ୍ୟା କରିଛନ୍ତି । ସୋମବାର ଦକ୍ଷିଣ-ପଶ୍ଚିମ ପାକିସ୍ଥାନରେ ବନ୍ଧୁକଧାରୀମାନେ ୨୩ ଜଣ ଲୋକଙ୍କୁ ସେମାନଙ୍କ ଗାଡିରୁ ଓଲ୍ହାଇ ଗୁଳି କରି ହତ୍ୟା କରିଛନ୍ତି । ଏଏଏଫପି ରିପୋର୍ଟ ଅନୁଯାୟୀ, ବଲୁଚିସ୍ତାନ ପ୍ରଦେଶର ମୁସାଖେଲ ଜିଲ୍ଲାରେ ଆତଙ୍କବାଦୀମାନେ ଅନେକ ବସ୍, ଟ୍ରକ୍ ଏବଂ ଭ୍ୟାନ୍ ଅଟକାଇଥିଲେ। ଆତଙ୍କବାଦୀମାନେ ସେମାନଙ୍କର ଜାତି ଚିହ୍ନଟ କରିବା ପରେ ଲୋକଙ୍କୁ ଗୁଳି କରିଥିଲେ।

ଏହି ଘଟଣାରେ ପାଞ୍ଚ ଜଣ ମଧ୍ୟ ଆହତ ହୋଇଛନ୍ତି। ମୁସାଖେଲର ଜଣେ ବରିଷ୍ଠ ଅଧିକାରୀ ନଜିବୁଲ୍ଲା କାକର କହିଛନ୍ତି ଯେ ଆତଙ୍କବାଦୀମାନେ ପଞ୍ଜାବକୁ ବଲୁଚିସ୍ତାନ ସହ ସଂଯୋଗ କରୁଥିବା ରାଜପଥରେ ଅନେକ ବସ୍, ଟ୍ରକ୍ ଏବଂ ଭ୍ୟାନ୍ ଅଟକାଇଥିଲେ। ଏହି ସମୟ ମଧ୍ୟରେ ଅତି କମରେ୨୩ ଜଣଙ୍କର ମୃତ୍ୟୁ ହୋଇଥିବାବେଳେ ୫ ଜଣ ଆହତ ହୋଇଥିଲେ। ସେ କହିଛନ୍ତି ଯେ ପଞ୍ଜାବରୁ ଆସୁଥିବା ଯାନଗୁଡିକ ଯାଞ୍ଚ କରାଯାଇ ପଞ୍ଜାବରୁ ଆସୁଥିବା ଲୋକଙ୍କୁ ଚିହ୍ନଟ କରାଯାଇ ଗୁଳି ଚଳାଯାଇଥିଲା।

ପାକିସ୍ତାନୀ ଖବରକାଗଜ ଡନ୍ ରିପୋର୍ଟ ଅନୁଯାୟୀ ଆସିଷ୍ଟାଣ୍ଟ କମିଶନର ନଜୀବ କାକର କହିଛନ୍ତି ଯେ ସଶସ୍ତ୍ର ବ୍ୟକ୍ତିମାନେ ମୁସାଖେଲରେ ରାଜପଥ ଅବରୋଧ କରି ଯାତ୍ରୀମାନଙ୍କୁ ଛାଡିଥିଲେ। ସେମାନେ ୧୦ ଟି ଗାଡିରେ ମଧ୍ୟ ନିଆଁ ଲଗାଇ ଦେଇଛନ୍ତି।
ଖୁଲମଖୁଲା ଗୁଣ୍ଡାଗର୍ଦ୍ଦିଦୋକାନରେ ପଶିଲା ଗ୍ରାହକଙ୍କୁ ହାଣିଲା

ଚିକେନ ସେଣ୍ଟର ଭିତରେ ଦିପକ ସେନାପତିଙ୍କ ଦାଦାରିଗି । ଦୋକାନ ଭିତରେ ଜଣେ ଗ୍ରାହକଙ୍କୁ ଖୁଲମଖୁଲା ଚିକେନ୍ କଟା ଚାପଡରେ ହାଣିଲେ । ପ୍ରଥମେ ଧକ୍କା ଦେଲେ ତାପରେ ମାରଣାସ୍ତ୍ରରେ କଲେ ଆକ୍ରମଣ । ତେବେ ଏଭଳି ଏକ ଭୟାନକ ଘଟଣା ଘଟିଛି ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ରାହାମା ହାଟରେ ଥିବା ଚିକେନ ଦୋକାନରେ । ତେବେ ଆକ୍ରମଣ କରିଥିବା ଲୁଲୁର ଘର ହେଉଛି ତାଳପଡା ପଞ୍ଚାୟତର ଭାଲିଆପାଟଣାରେ । ଆଉ ଆକ୍ରମଣର ଶିକାର ହୋଇଥିବା ବ୍ୟକ୍ତି ହେଉଛନ୍ତି ଖୁଣ୍ଟଳ ଗ୍ରାମର ରବିନ୍ଦ୍ର ପ୍ରଧାନ । ତେବେ ଏହା ତାଙ୍କର ପ୍ରଥମ ଦାଦାଗିରି ନୁହଁ ସେ ଏମିତି ଆଗରୁ ମଧ୍ୟ ବହୁତ ଥର କରିଥିବା ବେଳେ ତା ନାଁରେ ଥାନାରେ କେଶ ମଧ୍ୟ ରହିଥିବା କହିଛନ୍ତି ସ୍ଥାନୀୟ ଲୋକେ ।
‘ମା ପାଇଁ ଗଛଟିଏ’ କାର୍ଯ୍ୟକ୍ରମରେ କୋରେଇ ବିଧାୟକ

ଆଜି ଯାଜପୁର ଜିଲ୍ଲା କୋରେଇ ବିଧାୟକ ଆକାଶ ଦାସ ନାୟକ ବ୍ୟାସନଗର ପୌରାଞ୍ଚଳର ୨୪ ନମ୍ବର ୱାର୍ଡରେ ଗୋପୀନାଥ ଗଜପତି ଭୂୟାଁ ଚାରିଟେବଲ ଟ୍ରଷ୍ଟ ସହାୟତାରେ ମା ପାଇଁ ଗଛଟିଏ କାର୍ଯ୍ୟକ୍ରମରେ ଯୋଗ ଦେଇ ବୃକ୍ଷ୍ୟ ରୋପଣ କରିଛନ୍ତି । ଜିଲ୍ଲା ବିଜେପି ଉପସଭାପତି ପ୍ରସନ ସାମଲଙ୍କ ନେତୃତ୍ୟରେ ଆୟୋଜିତ ଏହି ସଭାରେ ୱାର୍ଡର ଶତାଧିତ ମହିଳା ଉପସ୍ଥିତ ରହି ବିଧାୟକଙ୍କ ଏଭଳି ମହତ କାର୍ଯ୍ୟ ପାଇଁ ପ୍ରଶଂସା କରିଥିଲେ । ବୃକ୍ଷ୍ୟ ହେଉଛି ଆମ ଜୀବନ । ବୃକ୍ଷ ବିନା ଜୀବନ ଅସମ୍ଭବ ତେଣୁ, ମା ପାଇଁ ଆମେ ସମସ୍ତେ ଗୋଟେ ଗୋଟେ ଗଛ ଲଗାଇ ସମାଜ ପାଇଁ ଉଦାହରଣ ସାଜିବାକୁ ବିଧାୟକ ସମସ୍ତଙ୍କୁ ପରାମର୍ଶ ଦେଇଛନ୍ତି । ଦିନକୁ ଦିନ ଆମ ପରିବେଶର ସ୍ଥିତି ବିଗିଡିବାରେ ଲାଗିଛି । ଯାହାକୁ ନେଇ ପରିବେଶବିତ ମାନେ ଉଦବେଗ ପ୍ରକାଶ କରିଛନ୍ତି । ତେଣୁ ସରକାରଙ୍କ ତରଫରୁ ମଧ୍ୟ ଅନେକ ସମୟରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଥାଏ । ଏବେ ମା ପାଇଁ ଗଛଟିଏ ଅଭିଯାନ ଚାଲିଥିବା ବେଳେ କୋରେଇରେ ତାହାର ପ୍ରତିଫନ ଦେଖିବାକୁ ମିଳିଛି । ତେବେ ଯେମିତି ଜଣେ ପିଲା ପାଇଁ ମା ଟିଏ ହେଉଛି ସବୁକିଛି ଠିକ୍ ସେମିତି ଗଛଟିଏ ମଧ୍ୟ ଆମ ପାଇଁ ତଥା ଏ ଜୀବଜଗତ ପାଇଁ ସବୁକିଛି । ତେଣୁ ତାକୁ ଦୃଷ୍ଟିରେ ରଖି ଏପରି କାର୍ଯ୍ୟକ୍ରମ ହାତକୁ ନିଆଯାଇଛି ।
ବିଜେଡି ନେତାଙ୍କୁ ଆକ୍ରମଣ: ପୋଲିସର ନିଷ୍କ୍ରିୟତା ବିରୋଧରେ ଆଦର୍ଶ ଥାନା ଘେରାଉ

ପାରାଦ୍ଵୀପ ପୌରପରିଷଦର ଉପାଧ୍ୟକ୍ଷା ଛବିଲତା ରାଉତ ଓ ତାଙ୍କ ସ୍ୱାମୀ ନଗେନ୍ଦ୍ର ରାଉତଙ୍କ ଉପରେ ହୋଇଥିବା ମରଣାନ୍ତକ ଆକ୍ରମଣ ଓ ପୋଲିସ ନିଷ୍କ୍ରିୟତାର ଘୋର ବିରୋଧ କରିଛି ପାରାଦ୍ୱୀପ ବିଜେଡି। ଅଗଷ୍ଟ ୧୪ ତାରିଖରେ ଛବିଲତା ଓ ନଗେନ୍ଦ୍ରଙ୍କ ଉପରେ କିଛି ଅସାମାଜିକ ଯୁବକଙ୍କ ଆକ୍ରମଣ କରିବା ସହିତ ସେମାନଙ୍କୁ ବନ୍ଧୁକ ଦେଖାଇ ଭୟଭୀତ କରିଥିଲେ । ଏହି ଘଟଣାରେ ଗୁରୁତର ହୋଇଥିବା ଉପାଧ୍ୟକ୍ଷାଙ୍କ ସ୍ୱାମୀ ଏବେବି କଟକରେ ଚିକିତ୍ସିତ ହେଉଛନ୍ତି; କିନ୍ତୁ ଆକ୍ରମଣକାରୀ ଯୁବକମାନେ ଖୁଲମଖୁଲା ବୁଲୁଥିବାବେଳେ, ପୋଲିସ ସେମାନଙ୍କୁ ଗିରଫ କରୁନାହିଁ।

ଘଟଣାର ବିରୋଧ କରି ପୂର୍ବତନ ବିଧାୟକ ସମ୍ବିତ ରାଉତରାୟଙ୍କ ନେତୃତ୍ବରେ ବିଜୁ ଶ୍ରମିକ ସାମ୍ମୁଖ୍ୟର କାର୍ଯ୍ୟକାରୀ ସଭାନେତ୍ରୀ ମୋନିଦିପା ସାର୍ଖେଲ, ବିଜେଡି ନେତା କୈଳାସ ସାହୁ , ବିଜେଡି ଜିଲ୍ଲା ଉପସଭାପତି ଜ୍ୟୋତିକାନ୍ତ ପରିଡା, ଅରିନ୍ଦମ ସାର୍ଖେଲ ପ୍ରମୁଖ ବହୁ ବିଜେଡି କର୍ମୀ ଏକ ବିଶାଳ ରାଲିରେ ପାରାଦ୍ୱୀପ ମାର୍କେଟ ପରିକ୍ରମା କରିବା ସହିତ ଆଦର୍ଶ ଥାନା ଘେରାଉ କରିଥିଲେ। ତୁରନ୍ତ ଅଭିଯୁକ୍ତ ମାନଙ୍କୁ ଗିରଫ କରିବା ସହିତ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦଳ ଦାବୀ କରିଛି।

ତେବେ, ବିଜେଡି ପକ୍ଷରୁ କରାଯାଇଥିବା ଏହି ଥାନା ଘେରାଉରେ ପୌରାଧ୍ୟକ୍ଷ ତଥା ପାରାଦ୍ଵୀପ ନଗର ବିଜେଡି ସଭାପତି ବସନ୍ତ ବିଶ୍ବାଳଙ୍କୁ ଦେଖିବାକୁ ମିଳି ନଥିଲା। ଯାହାକୁ ନେଇ ପ୍ରଶ୍ନ କରିବାରୁ , ସମ୍ବିତ ରାଉତରାୟ କହିଛନ୍ତି ଯେ ବର୍ତ୍ତମାନ ବିଜେଡିର ସମସ୍ତ କମିଟିକୁ ଭାଙ୍ଗି ଦିଆଯାଇଛି ଏବଂ ଦୁଇଦିନ ମାଧ୍ୟରେ ଦଳର ୧୫ ଜଣିଆ କମିଟି ଏକ ବୈଠକ କରିବା ପରେ ନୂତନ କମିଟି ତିଆରି ହେବ ।

ସାମ୍ବାଦିକ ମାନଙ୍କ ପ୍ରଶ୍ନର ଉତ୍ତର ଦେଇ ପୂର୍ବତନ ବିଧାୟକ ସମ୍ବିତ ରାଉତରାୟ ପ୍ରକାଶ କରିଛନ୍ତି ଯେ ୨୪ ବର୍ଷ ହେଲା ଯେଉଁ ପୋଲିସ ଯେକୌଣସି ଘଟଣାରେ ସଙ୍ଗେ ସଙ୍ଗେ ଆକ୍ସନ ନେଉଥିଲା, ଆଜି ସେହି ପୋଲିସ ନିଷ୍କ୍ରିୟ ହୋଇଯାଇଛି। ରାଜ୍ୟରେ ଆଇନ ଶୃଙ୍ଖଳା ବ୍ୟବସ୍ଥା ଭୁଷୁଡି ପଡ଼ିଥିବାରୁ ବାଧ୍ୟ ହୋଇ ଥାନା ଘେରାଉ କରିବା ଭଳି ପରିସ୍ଥିତି ସୃଷ୍ଟି ହୋଇଛି ।
ନ୍ୟାୟ ପାଇଁ ଥାନା ଘେରାଉ

ମାହାଙ୍ଗା ଥାନା ଆଗରେ ଆତ୍ମାହୁତି ଉଦ୍ୟମ କରିଥିବା ରଶ୍ମିତା ଦାସଙ୍କ ମୃତ୍ୟୁ । ନ୍ୟାୟ ସହ ଆଇଆଇସିଙ୍କ ଗିରଫ ଦାବିରେ ମୃତଦେହ ରଖି ଥାନା ଘେରିଲେ ଗାଁ ଲୋକେ। ୧୬ ତାରିଖ ଦିନ କଟକ ଜିଲ୍ଲା ମାହାଙ୍ଗା ଥାନା ଖର୍ତ୍ତାଙ୍ଗ ଗାଁର ରସ୍ମିତା ଦାସ ଏକ ଚୋରି କେସରେ ପୂର୍ବ ଦିନ ତାଙ୍କ ସ୍ୱାମୀକୁ ଉଠାଇ ଆଣିଥିବାକୁ ବିରୋଧ କରି ନିଜ ସ୍ୱାମୀ ଶଙ୍କର ଦାସଙ୍କୁ ନିର୍ଦୋଷ କହି ତାଙ୍କୁ ଛାଡ଼ିଦେବା ପାଇଁ ପୋଲିସକୁ ଗୁହାରି କରିଥିଲେ। ତେବେ ପୋଲିସର ବ୍ୟବହାରରେ ଅତିଷ୍ଠ ହେବାରୁ ଥାନା ଆଗରେ ହିଁ ସେ ପେଟ୍ରୋଲ ଢାଳି ଜଳିଯିବା କହିବା ସହ ମୃତ୍ୟୁ ପୂର୍ବରୁ ଏଥିପାଇଁ ପୋଲିସକୁ ସେ ସମ୍ପୂର୍ଣ୍ଣ ଭାବେ ଦାୟୀ କରିଥିଲେ।

ତେବେ ଗତକାଲି କଟକ ବଡ ମେଡିକାଲରେ ତାଙ୍କର ଚିକିତ୍ସାଧୀନ ଭାବରେ ମୃତ୍ୟୁ ହେବା ପରେ ଆଜି ତାଙ୍କ ପରିବାର ଲୋକ ସମେତ ଗ୍ରାମବାସି ପୋଲିସ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ସହ କ୍ଷତିପୂରଣ ଦାବିରେ ଥାନା ସମ୍ମୁଖରେ ଶବ ରଖି ଧାରଣାରେ ବସିଥିଲେ। ଘଟଣା ସ୍ଥଳରେ ଅତିରିକ୍ତ ଏସପିଙ୍କ ସମେତ ମାହାଙ୍ଗା ତହସିଲଦାର ରହି ଧାରଣାକାରୀଙ୍କ ସହ ଆଲୋଚନା କଲାପରେ ଆଲୋଚନା ସଫଳ ହୋଇଛି।

ଆସନ୍ତା କାଲି ସନ୍ଧ୍ୟାରେ ଉଭୟ ପୋଲିସ, ପ୍ରଶାସନ ଓ ମୃତକର ପରିବାରର ସମସ୍ତ ଦାବି ବିଷୟରେ ଆଲୋଚନା କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ପ୍ରତିଶ୍ରୁତି ଦେବାରୁ ଧରଣାକାରୀ ଶବ ଉଠାଇଥିଲେ। ତେବେ ଥାନା ଅଧିକାରୀଙ୍କ ସମେତ ଦୁଇ ପୋଲିସ କର୍ମଚାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ସହ ମୃତ ମହିଳାଙ୍କ ଦୁଇ ନାବାଳକ ପିଲାଙ୍କ ରକ୍ଷଣ ବେକ୍ଷଣ ଓ ସହାୟତା ରାଶି ଆଦି ଦାବି ଯଦି ଅଲୋଚନାରେ ସଫଳ ନହୁଏ ତେବେ ପୁଣି ଥାନା ଆଗରେ ଧାରଣା ଦିଆଯିବ ବୋଲି ମୃତା ମହିଳାଙ୍କ ପରିବାର ଲୋକ କହିଥିଲେ।
ମାସେ ନୁହେଁ କି ଦୁଇ ମାସ, ନିଖୋଜ ଯୁବକ ୮ମାସ ହେବ ଫେରିନାହାନ୍ତି ଘରକୁ, ଚିନ୍ତା ବଢୁଛି ପରିବାର ଲୋକଙ୍କ

କନ୍ଧମାଳ ଜିଲ୍ଲା ଜି. ଉଦୟଗିରି ବିଜ୍ଞାପିତ ଅଞ୍ଚଳ ପରିଷଦ ୧୩ ନମ୍ବର ୱାର୍ଡ ଅନ୍ତର୍ଗତ କନବାଗିରି ର ବିପୁଳ କୁମାର ନାୟକ (୪୧, )।
୮ ମାସ ହେଲା ନିଖୋଜ ଥିବା ବେଳେ ତାକଂ ଫେରିବା ବାଟକୁ ଚାହିଁ ରହିଛନ୍ତି ସ୍ତ୍ରୀ। ନିଖୋଜ ଯୁବକ ବିପୁଳ କୁମାର ନାୟକ ଯାଜପୁରଠାରେ ଏକ ଘରୋଇ କମ୍ପାନୀରେ କାମ କରୁଥିଲେ ଏବଂ ଖ୍ରୀଷ୍ଟମାସ୍ ପାଳିବା ନିମନ୍ତେ ଛୁଟିରେ ନିଜ ଗାଁକୁ ଫେରୁଥିଲେ।

ଡିସେମ୍ବର ୨୪ ତାରିଖ ଅପରାହ୍ନ ୪ ଘଣ୍ଟିକା ସମୟରେ ସୁକିନ୍ଦା, ଜଖାପୁର ଷ୍ଟେସନରେ ବଡ଼ବିଲ-ପୁରୀ ଟ୍ରେନ ସଂଖ୍ୟା ୧୮୪୧୫, ଡି ଟୁ କୋଚ ବଗିରେ ଭୁବନେଶ୍ବର ଆସିବା ପାଇଁ ଚଢ଼ିଥିଲେ ବୋଲି ସ୍ତ୍ରୀ କୁ ଫୋନକରି କହିଥିଲେ। ରାତି ୮ ଘଣ୍ଟିକା ସମୟରେ ବିପୁଳଙ୍କ ସ୍ତ୍ରୀ ପୁଣିଥରେ କଲ କରିଥିଲେ କିନ୍ତୁ ବିପୁଳ କଲ୍ ରିସିଭ୍ କରିବା ବଦଳରେ ଖୋର୍ଦ୍ଧା ଜଟଣି ଷ୍ଟେସନ କର୍ମଚାରୀ କଲ ରିସିଭ୍ କରି ତାଙ୍କ ଜିନିଷ ପତ୍ର ଅଛି କିନ୍ତୁ ବିପୁଳ ଅନୁପସ୍ଥିତ ଥିବା କହିଥିଲେ।ଖବର ପାଇ ପରିବାର ଲୋକେ ଉକ୍ତ ଷ୍ଟେସନକୁ ଯାଇ ବୁଝା ବୁଝି କରିଥିଲେ।

ସେହି ଦିନ ଠାରୁ ପରିବାର ଲୋକେ ବହୁ ସ୍ଥାନରେ ଖୋଜା ଖୋଜି କଲା ପରେ ନିରାଶ ହୋଇ କଟକ ଜିଆରପି ଷ୍ଟେସନରେ ଏକ ଲିଖିତ ଅଭିଯୋଗ କରିଥିଲେ। ଏବେ ସେ ନିଖୋଜ ହୋଇ ୮ ମାସ ବିତିଲାଣି। ତଥାପି ବିପୁଳ ଖୋଜ ଖବର ନାହିଁ। ସ୍ୱାମୀକୁ ଖୋଜି ଆଣିବାକୁ ଜିଲ୍ଲାପାଳ,ଜିଲ୍ଲା ଆରକ୍ଷୀ ଅଧିକ୍ଷକ,ଥାନା ଅଧିକାରୀ ଏତେ ତେଣେ ସବୁ ଆଡେ ଗୁହାରି କରିଥିଲେ ମଧ୍ଯ କିଛି ସୁଫଳ ମିଳିନି। ପରିବାରକୁ ସେ ଜଣେକଂ ରୋଜଗାରରେ ପରିବାର ପେଟ ପୋସୁଥିଲେ। ପରିବାର କେମିତି ଚଳିତ ଭବିଷ୍ଯତ କଣ ହେବ ତାହାକୁ ନେଇ ଚିନ୍ତିତ ସ୍ତ୍ରୀ ରଶ୍ମୀରେଖା ନାୟକ। କୋଳରେ ୬ ମାସର ଶିଶୁ। ତାର ଭବିଷ୍ଯତ କଣ ହେବ। କେମିତି ପରିବାର ପ୍ରତିପୋଷଣ କରିବେ, କଣ ଉପାୟ କରିବେ , ଏହି ଭଳି ପରିସ୍ଥିତି ରେ କିଏ ସାହାୟ୍ଯ କରିବ ଏମିତି କିଛି ଭାବି ଭାବି ଆଖିରୁ ଲୁହ ସୁଖୁନି। ତେଣୁ ସେ ସରକାରକୁଂ ଗୁହାରି କରିଛନ୍ତି ତାକ୍ଂ ସ୍ୱାମୀକୁ ଖୋଜି ଆଣିବାକୁ।

ଏହି ଆର୍ଥିକ ଅନାଟନ ଗତି କରୁଥିବା ପରିବାର ପାଇଁ ସରକାରୀ ଯୋଜନାରେ ସାମିଲ କରିବାକୁ ଅନୁରୋଧ କରିଛନ୍ତି। ଯାହା ଏକ ଅସହାୟ ପରିବାର ପାଇଁ ଲାଭବାନ ହୋଇ ପାରିବ।
ଭାରତର ଟେନସନ ବଢାଉଛି ବାଂଲାଦେଶ, ଶେଖ ହସିନାଙ୍କୁ ଶରଣ ପଡିପାରେ ମହଙ୍ଗା

ବାଂଲାଦେଶର ମୁଖ୍ୟ ବିରୋଧୀ ବାଂଲାଦେଶ ନ୍ୟାଶନାଲିଷ୍ଟ ପାର୍ଟି ବା ବିଏନପି ଭାରତରେ ଶରଣ ନେଇଥିବା ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ପ୍ରତ୍ୟର୍ପଣ କରିବାକୁ ଦାବି କରିଛି । ବାଂଲାଦେଶରେ କ୍ଷମତା ପରିବର୍ତ୍ତନ ପରେ ଏହା ଭାରତ ପାଇଁ ସବୁଠୁ ବଡ ଆହ୍ବାନ । ହତ୍ୟା ସମେତ ଅନ୍ୟ କେତେକ ଅପରାଧିକ ମାମଲା ଶେଖ ହସିନାଙ୍କ ବିରୋଧରେ ମାମଲା ରୁଜୁ ହୋଇଛି ବୋଲି ବିଏନପି କହିଛି । ବିଏନପି କହିଛି, ‘ଆମେ ଅନୁରୋଧ କରୁଛୁ ଯେ ଆପଣ ଶେଖ ହସିନାଙ୍କୁ ଆଇନଗତ ଦୃଷ୍ଟିରୁ ବାଂଲାଦେଶ ସରକାରଙ୍କୁ ହସ୍ତାନ୍ତର କରିବାକୁ ପଡିବ । ତେବେ ହସିନା ଛାତ୍ର ଆନ୍ଦୋଳନ ସମୟରେ ସୃଷ୍ଟି ହୋଇଥିବା ଅରାଜକ ପରିସ୍ଥିତିରେ ଅଗଷ୍ଟ ୫ ତାରିଖରେ ଦେଶ ଛାଡିଦେଇଥିଲେ । ଏବେ ସେ ଭାରତରେ ରହୁଛନ୍ତି ।

ବର୍ତ୍ତମାନ ଶେଖ ହସିନାଙ୍କ ପାର୍ଟି ଆୱାମୀ ଲିଗର ମୁଖ୍ୟ ପ୍ରତିଦ୍ୱନ୍ଦ୍ୱୀ ବିଏନପି ଭାରତ ଉପରେ ଚାପ ପକାଇବାକୁ ଚେଷ୍ଟା କରୁଛି । ବିଏନପି ମହାସଚିବ କହିଛନ୍ତି ଯେ, ବାଂଲାଦେଶର ବାସିନ୍ଦା ଶେଖ ହସିନାଙ୍କ ବିରୋଧରେ ମାମଲା ରୁଜୁ କରିବାକୁ ନିଷ୍ପତ୍ତି ନେଇଛନ୍ତି । ଏବେ ତାଙ୍କୁ କେଶର ସାମ୍ନା କରିବାକୁ ଦିଅନ୍ତୁ । ଶେଖ ହାସିନାଙ୍କୁ ଆଶ୍ରୟ ନେବାକୁ ଅନୁମତି ଦେବା ଗଣତାନ୍ତ୍ରିକ ନୀତିର ସୁରକ୍ଷା ଦୃଷ୍ଟିରୁ ଭାରତର ସଂକଳ୍ପର ଅନୁରୂପ ନୁହେଁ । ବାଂଲାଦେଶ ଏବଂ ଭାରତ ମଧ୍ୟରେ ଏକ ପ୍ରତ୍ୟର୍ପଣ ଚୁକ୍ତି ଅଛି, ତେଣୁ ଯେଉଁମାନଙ୍କ ବିରୋଧରେ କୋର୍ଟ ମାମଲା ଅଛି ସେମାନଙ୍କୁ ହସ୍ତାନ୍ତର କରାଯିବା ଆବଶ୍ୟକ ବୋଲି ମହାସଚିବ ମିର୍ଜା ଫଖରୁଲ ଇସ୍ଲାମ ଅଲମଗିରା କହିଛନ୍ତି ।
ଭରତ ବନ୍ଦ ଉପରେ ଜୟନ୍ତ ଚୌଧରୀଙ୍କର ପ୍ରଥମ ପ୍ରତିକ୍ରିୟା, କହିଲେ- ବର୍ତ୍ତମାନ ଆଉ କିଛି ବାକି ନାହିଁ …

ଏସସି-ଏସଟି ସଂରକ୍ଷଣରେ କ୍ରିମି ଅଭାବ ସୃଷ୍ଟି କରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ବିରୋଧରେ ବୁଧବାର ଭାରତ ବନ୍ଦ ପାଳନ କରାଯାଇଛି । ବିଜେପିର ବିରୋଧୀ ଦଳ ଏହି ବନ୍ଦକୁ ସମର୍ଥନ କରୁଛନ୍ତି। ଯେଉଁଠି ଏନଡିଏର ଚିରାଗ ପାସୱାନ୍ ସମର୍ଥନ କରୁଛନ୍ତି |

ଅନୁସୂଚିତ ଜାତି ଏବଂ ଜନଜାତି ମୋର୍ଚ୍ଚା ଏବଂ ଭୀମ ସେନା ଦ୍ୱାରା ଆହ୍ୱାନ କରାଯାଇଥିବା ଭାରତ ବନ୍ଦ ସମଗ୍ର ଦେଶରେ ଏସସି ଏବଂ ଏସଟି ସଂରକ୍ଷଣରେ କ୍ରିମି ସ୍ତର ଏବଂ ଉପ-ବର୍ଗୀକରଣ ସୃଷ୍ଟି କରିବାକୁ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ବିରୋଧ କରିଛି। ଭାରତ ବନ୍ଦରେ ଆରଏଲଡି ମୁଖ୍ୟ ତଥା କେନ୍ଦ୍ର ମନ୍ତ୍ରୀ ଜୟନ୍ତ ଚୌଧରୀଙ୍କ ପ୍ରତିକ୍ରିୟା ଆସିଛି।

ଏସସି / ଏସଟି ସଂରକ୍ଷଣ ଉପରେ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ବିରୋଧ କରି ଆଜି ସାରା ଦେଶରେ ଭାରତ ବନ୍ଦ ସମ୍ପର୍କରେ କେନ୍ଦ୍ର ମନ୍ତ୍ରୀ ଜୟନ୍ତ ସିଂ ଚୌଧରୀ କହିଛନ୍ତି ଯେ ସୁପ୍ରିମକୋର୍ଟ ଟିପ୍ପଣୀ ଦେଇଥିଲେ, ଏହା ପରେ ଆଇନମନ୍ତ୍ରୀ ମଧ୍ୟ ସଂସଦରେ ସ୍ପଷ୍ଟୀକରଣ ଦେଇଛନ୍ତି। କ୍ୟାବିନେଟ୍ ମଧ୍ୟ ଏହାର ମତ ସ୍ପଷ୍ଟ କରିଛି, ତେଣୁ ବର୍ତ୍ତମାନ ଆଉ କିଛି ବାକି ନାହିଁ … “
ଯୋଧପୁରରେ ଗୁଣ୍ଡାରାଜ!, ଛାତ୍ର ନେତାଙ୍କୁ ଗୋଡ଼ାଇ ଗୋଡ଼ାଇ ପିଟିଲେ, ବାଡ଼ି ଓ ଲୁହା ପାଇପ୍ ରେ କଲେ ଆକ୍ରମଣ

ଯୋଧପୁର ଜୟନାରାୟଣ ବ୍ୟାସ ବିଶ୍ୱବିଦ୍ୟାଳୟରେ ଛାତ୍ର ନିର୍ବାଚନକୁ ନେଇ ଛାତ୍ର ନେତାମାନେ ଦୀର୍ଘ ଦିନ ଧରି ସଂଘର୍ଷ କରିଆସୁଛନ୍ତି। ଜେଏନଭିୟୁ ଛାତ୍ର ନେତାଙ୍କ ଉପରେ ଆକ୍ରମଣର ଏକ ଭିଡିଓ ସାମ୍ନାକୁ ଆସିଛି। ହଷ୍ଟେଲ ଛାତ୍ରଙ୍କ ଦ୍ୱାରା ଛାତ୍ର ନେତା ଜିତୁ ସିଂ ଗଡାଙ୍କୁ ମାଡ ଦିଆଯାଇଥିଲା। ସେମାନେ ତାଙ୍କ ହଷ୍ଟେଲ ରୁମରେ ପଶି ବାଡ଼ି ଓ ଲୁହା ପାଇପ୍ ସାହାଯ୍ୟରେ ତାଙ୍କୁ ଆକ୍ରମଣ କରିଥିଲେ।

ଏହି ଘଟଣାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି। ଭିଡିଓ ଆଧାରରେ ଅଭିଯୁକ୍ତକୁ ଖୋଜିବାରେ ପୋଲିସ ଯାଞ୍ଚ କରିବାରେ ଲାଗିଛି । ଛାତ୍ର ନେତାଙ୍କ ଉପରେ ଆକ୍ରମଣ ମାମଲା ଯୋଧପୁରର ରତାନଡା ଅଞ୍ଚଳରେ ଅବସ୍ଥିତ ହଷ୍ଟେଲ ନମ୍ବର ୩ ର ହଲ ନମ୍ବର ୯ ର ଘଟଣା । ଝଗଡା ପରେ ରକ୍ତରେ ଜୁଡୁବୁଡୁ ଜିତୁ ସିଂଙ୍କୁ ତାଙ୍କ ସାଙ୍ଗମାନେ ଡାକ୍ତରଖାନା ନେଇଥିଲେ।

ଯୋଧପୁର ପୋଲିସ କମିଶନର ପୂର୍ବ-ରତନଡା ପୋଲିସ ଷ୍ଟେସନ ଅଧିକାରୀ ପ୍ରଦୀପ ଡାଙ୍ଗା କହିଛନ୍ତି ଯେ ସନ୍ଧ୍ୟାରେ ରାଜପୁତ ୩ ହଷ୍ଟେଲରେଝଗଡା ସମ୍ପର୍କରେ ସୂଚନା ମିଳିଥିଲା। ଏହି ଘଟଣାର ଶିକାର ହୋଇଥିବା ଛାତ୍ର ନେତା ଜୟପୁରର ଜୟନାରାୟଣ ବ୍ୟାସ ବିଶ୍ୱବିଦ୍ୟାଳୟର ପୂର୍ବତନ ଛାତ୍ର ନେତା। ହଷ୍ଟେଲ ନମ୍ବର ୩ ହଲ ନମ୍ବର ୯ ରେ ଓମ ସିଂଙ୍କ ଗୋଷ୍ଠୀ ଜିତୁ ସିଂଙ୍କୁ ପିଟିଥିଲେ। ଆହତଙ୍କ ଚିକିତ୍ସା ଚାଲିଛି। ଏଥିସହ ଭିଡିଓ ଆଧାରରେ ଅଭିଯୁକ୍ତଙ୍କୁ ଗିରଫ କରାଯାଉଛି।
କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଅସୁସ୍ଥ

ଅସୁସ୍ଥ ସୁନ୍ଦରଗଡ଼ ସାଂସଦ ତଥା କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ । ତାଙ୍କୁ ଦିଲ୍ଲୀ ଏମସର ନ୍ୟୁ ପ୍ରାଇଭେଟ୍ ୱାର୍ଡରେ ଭର୍ତ୍ତି କରାଯାଇଛି ।ସୋମବାର ବିଳମ୍ବିତ ରାତିରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଚାଲିଛି ଚିକିତ୍ସା । ବର୍ତ୍ତମାନ ମନ୍ତ୍ରୀଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ଡାକ୍ତର କହିଛନ୍ତି।ଗତ ୧୧ରେ ଡେଙ୍ଗୁରେ ଆକ୍ରାନ୍ତ ହେବା ପରେ ଚିକିତ୍ସିତ ହେବା ପରେ ସୁସ୍ଥ ହୋଇ ଫେରିଥିଲେ ଜୁଏଲ୍ ଓରାମ । ଗତ ୩ ଦିନ ତଳେ ଜୁଏଲଙ୍କ ପତ୍ନୀ ଝିଙ୍ଗିଆ ଓରାମଙ୍କ ଦେହାନ୍ତ ହୋଇଥିଲା। ଝିଙ୍ଗିଆ ଓରାମ ୯ ଦିନ ଧରି ଡେଙ୍ଗୁରେ ଆକ୍ରାନ୍ତ ଥିବା ବେଳେ ଭୁବନେଶ୍ୱରର ଏକ ଘରୋଇ ହସ୍‌ପିଟାଲରେ ଚିକିତ୍ସାଧୀନ ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଥିଲେ।