Tag: #Suchana tv odia

  • ସଂସଦର ସ୍ବତନ୍ତ୍ର ଅଧିବେଶନ ପୂର୍ବରୁ ରାଷ୍ଟ୍ରପତିଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

    ସଂସଦର ସ୍ବତନ୍ତ୍ର ଅଧିବେଶନ ପୂର୍ବରୁ ରାଷ୍ଟ୍ରପତିଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

    ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଛନ୍ତି। ଏହି ସମୟରେ ଚନ୍ଦ୍ରାୟଣ ୩ ର ସଫଳତା ପାଇଁ ରାଷ୍ଟ୍ରପତି ପ୍ରଧାନମନ୍ତ୍ରୀ ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି । ରାଷ୍ଟ୍ରପତିଙ୍କୁ ଭେଟିବା ପାଇଁ ପ୍ରଧାନମନ୍ତ୍ରୀ ମୋଦୀ ରାଷ୍ଟ୍ରପତି ଭବନରେ ପହଞ୍ଚିଥିଲେ। ସେଠାରେ ରାଷ୍ଟ୍ରପତି ତାଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ । ସଂସଦର ସ୍ୱତନ୍ତ୍ର ଅଧିବେଶନ ଏବଂ ଜି -୨୦ ବୈଠକ ପୂର୍ବରୁ ରାଷ୍ଟ୍ରପତିଙ୍କ ସହ ପ୍ରଧାନମନ୍ତ୍ରୀଙ୍କ ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି । ଏହି ସମୟରେ ଉଭୟଙ୍କ ମଧ୍ୟରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହୋଇଛି । ରାଷ୍ଟ୍ରପତି କାର୍ଯ୍ୟାଳୟ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ବୈଠକର ପଟୋ ସେୟାର କରି କହିଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରପ୍ରତି ଭବନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଛନ୍ତି । ରାଷ୍ଟ୍ରପତି ତାଙ୍କୁ ଏକ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ ଏବଂ ଭାରତର ଚନ୍ଦ୍ରଯାନ- ୩ମିଶନର ସଫଳତା ପାଇଁ ତାଙ୍କୁ ଅଭିନନ୍ଦନ ଜଣାଇଛନ୍ତି । ସେପ୍ଟେମ୍ବର ୧୮ ରେ କେନ୍ଦ୍ର ସରକାର ସଂସଦର ଏକ ସ୍ୱତନ୍ତ୍ର ଅଧିବେଶନ ଡାକିଛନ୍ତି। ଏହି ଅଧିବେଶନ ୨୨ ସେପ୍ଟେମ୍ବର ପର୍ଯ୍ୟନ୍ତ ଚାଲିବ । ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ମୋଦୀ ଏବଂ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମଧ୍ୟରେ ହୋଇଥିବା ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ ।

  • ପୂର୍ବତନ ବାଚସ୍ପତି ସୂର୍ୟ୍ୟ ପାତ୍ରଙ୍କ ବିୟୋଗରେ ଶୋକ

    ପୂର୍ବତନ ବାଚସ୍ପତି ସୂର୍ୟ୍ୟ ପାତ୍ରଙ୍କ ବିୟୋଗରେ ଶୋକ

    ପୂର୍ବତନ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ଶନିବାର ପରଲୋକ ଘଟିଛି। ସେ ଅସୁସ୍ଥ ଥିବାରୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଥିବା ଜଣାପଡ଼ିଛି। ତାଙ୍କ ବିୟୋଗରେ ଗଞ୍ଜାମ ଜିଲ୍ଲା ସମେତ ସାରା ରାଜ୍ୟରେ ଶୋକର ଛାୟା ଖେଳିଯାଇଛି।

    ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି।

    ଆସନ୍ତାକାଲି ପୂର୍ବାହ୍ନରେ ତାଙ୍କ ପାର୍ଥିବ ଶରୀରକୁ ବିଧାନସଭା, ଲୋକସେବା ଭବନକୁ ନିଆଯିବ। ସେଠାରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇବା ପରେ ତାଙ୍କର ଶେଷକୃତ୍ୟ ସଂପନ୍ନ ହେବ। ତାଙ୍କ ବିୟୋଗ ଗଞ୍ଜାମ ରାଜନୀତିରେ ଏକ ବିରାଟ ଶୂନ୍ୟସ୍ଥାନ ସୃଷ୍ଟି କରିଛି ବୋଲି ବିଭିନ୍ନ ମହଲରେ ମତ ପ୍ରକାଶ ପାଇଛି।

    ସୂର୍ଯ୍ୟ ଜଣେ ଦକ୍ଷ ରାଜନୀତିଜ୍ଞ ଥିଲେ। ପ୍ରଥମେ ଜନତା ଦଳ ଓ ପରେ ବିଜେଡିର ଆଗଧାଡ଼ିରେ ନେତା ଭାବେ ସୂର୍ଯ୍ୟ ପାତ୍ର ଜଣାଶୁଣା ଥିଲେ। ୧୯୪୮ ଡିସେମ୍ବର ୨୪ରେ ଜନ୍ମଗ୍ରହଣ କରିଥିଲେ। ରାଜ୍ୟ ରାଜନୀତିରେ ଗଞ୍ଜାମ ଜିଲ୍ଲାର ଅନ୍ୟତମ ଟାଣୁଆ ନେତା ସ୍ବର୍ଗତ ପାତ୍ରଙ୍କ ଏକ ସ୍ବତନ୍ତ୍ର ସ୍ଥାନ ରହିଥିଲା। ସେ ଓଡ଼ିଶା ବିଧାନସଭାରେ ଜଣେ ବିଧାୟକ ତଥା ୧୬ତମ ଓଡ଼ିଶା ବିଧାନସଭାର ବାଚସ୍ପତି ଥିଲେ। ୧୯୯୦, ୧୯୯୫, ୨୦୦୦, ୨୦୦୪, ୨୦୦୯, ୨୦୧୪ ଓ ୨୦୧୯ରେ ହୋଇଥିବା ବିଧାନସଭା ନିର୍ବାଚନରେ ସେ ମୋହନା ଓ ଦିଗପହଣ୍ଡି ବିଧାନସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୧୦ମ, ୧୧ତମ, ୧୨ତମ, ୧୩ତମ, ୧୪ତମ, ୧୫ତମ ଓ ୧୬ତମ ଓଡ଼ିଶା ବିଧାନସଭାକୁ ନିର୍ବାଚିତ ହୋଇଥିଲେ।

    ସୂର୍ଯ୍ୟ ଓଡ଼ିଶା ରାଜନୀତିରେ ବିଜୁ ଜନତା ଦଳର ରାଜନେତା ଭାବରେ କାର୍ଯ୍ୟ କରୁଥିଲେ । ସେ ଗଞ୍ଜାମ ଜିଲା ଦିଗପହଣ୍ଡି ବିଧାନସଭା ନିର୍ବାଚନ ମଣ୍ଡଳୀରୁ ପ୍ରତିନିଧିତ୍ୱ କରୁଥିଲେ। ତାଙ୍କ ପରଲୋକରେ ବିଭିନ୍ନ ମହଲରେ ଶୋକ ପ୍ରକାଶ ପାଇଛି। ମୃତ୍ୟୁବେଳକୁ ତାଙ୍କୁ ୭୫ ବର୍ଷ ହୋଇଥିଲା।

  • ଦୁର୍ଗା ମଣ୍ଡପ ପାଖରେ ମାଡି ବସିଲା ଭିଜିଲାନ୍ସ

    ଦୁର୍ଗା ମଣ୍ଡପ ପାଖରେ ମାଡି ବସିଲା ଭିଜିଲାନ୍ସ

    ରାଇରଙ୍ଗପୁର ଦୁର୍ଗା ମଣ୍ଡପ ଠାରେ ପାଞ୍ଚ ହଜାର ଟଙ୍କା ଲାଞ୍ଚ ନେଉଥିବା ବେଳେ ଲାଞ୍ଚୁଆ ଆରଆଇ ବାବୁଙ୍କୁ ମାଡ଼ିବସିଲା ଭିଜିଲାନ୍ସ । ମୟୂରଭଞ୍ଜ ଜିଲ୍ଲା ବାବନଘାଟି ଉପଖଣ୍ଡ ବାଦାମ ପାହାଡ଼ କୁସୁମୀ ତହସିଲ ଅଧୀନ କୁଲଡ଼ିହା Ri ରାକେଶ କୁମାର ପାତ୍ର ଜୟପୁର ସର୍କଲର ଜମିମାପ କରି ଏହା ବାବଦକୁ, ୱାର୍ଡ ନମ୍ବର ୬ ନିବାସୀ ରାମଦାସ ସାହୁଙ୍କ ଠାରୁ 5 ହଜାର ଟଙ୍କା ଦାବି କରିଥିଲେ । ଏଥି ପାଇଁ ସେ ରାଇରଙ୍ଗପୁର ଦୁର୍ଗା ମଣ୍ଡପ ଠାରେ ଅପେକ୍ଷା କରିଥିଲେ । ଏହି ସମୟରେ ରାମଦାସ ସାହୁଙ୍କ ଠାରୁ ଆରଆଇ ରାକେଶ କୁମାର ପାତ୍ର ଲାଞ୍ଚ ନେଉଥିବା ବେଳେ ବାଲେଶ୍ବର ଭିଜିଲାନ୍ସ ବିଭାଗର ଏକ ଟିମ ପୂର୍ବରୁ ଯୋଜନା ମୁତାବକ ଚଢାଉ କରି ଟଙ୍କା ସହ ଆଇଆରଙ୍କୁ ମାଡ଼ିବସି ଥିଲେ। ଏଥିସହିତ ଭିଜିଲାନ୍ସ ଟିମ ଅଭିଯୁକ୍ତ ରାଜସ୍ଵ ନିରୀକ୍ଷକ ରାକେଶ କୁମାର ପାତ୍ରଙ୍କ ଜୟପୁର କାର୍ଯ୍ୟାଳୟ ସ୍ଥିତ ସରକାରୀ ବାସଭବନ, ରାଇରଙ୍ଗପୁର ଓ ବାରିପଦା ମୁର୍ଗାବାଡି ଭଡ଼ା ଘରେ ଚଢ଼ାଉ କରିଛି । ଅଭିଯୁକ୍ତ ରାଜସ୍ଵ ନିରୀକ୍ଷକ ରାକେଶ କୁମାର ପାତ୍ର ପୂର୍ବରୁ ବିବାଦୀୟ ରହିଥିବା ଏକାଧିକ ଲାଞ୍ଚ ଅଭିଯୋଗ ତାଙ୍କ ବିରୋଧେ ରହିଛି । ଭିଜିଲାନ୍ସ ଅତିରିକ୍ତ SP ହରେକୃଷ୍ଣ ମାଝୀ ଙ୍କ ନେତୃତ୍ବରେ ଇନ୍ସପେକ୍ଟର ଦୁଷ୍ମନ୍ତ ନାୟକ ଓ ଅନ୍ୟାନ୍ୟ ବାଲେଶ୍ଵର ଭିଜିଲାନ୍ସ କର୍ମଚାରୀ ମାନେ ଚଢ଼ାଉ କରିଥିଲେ।

  • ୨ ଘଣ୍ଟା କାଳ ଗର୍ଜିଲା ଓ କାଚିଲା, ବେହାଲ ଟ୍ୱିନସିଟି

    ୨ ଘଣ୍ଟା କାଳ ଗର୍ଜିଲା ଓ କାଚିଲା, ବେହାଲ ଟ୍ୱିନସିଟି

    ମାତ୍ର ଦେଢ଼ ଘଣ୍ଟାରେ କଟକ ଓ ଭୁବନେଶ୍ୱରରେ ଅତି ପ୍ରବଳ ବର୍ଷା, କେବଳ ଭୁବନେଶ୍ୱରରେ ୭୧ ମିମି ବର୍ଷା ନେଇ ପାଣିପାଗ ବିଭାଗ ସୂଚନା ଦେଇଛି। ସେପଟେ ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ଅତି ପ୍ରବଳ ବର୍ଷା ଯୋଗୁଁ ବିଭିନ୍ନ ସ୍ଥାନରେ ବିଭିନ୍ନ ସ୍ଥାନରେ ପାଣି ଜମି ରହିଛି । ଫଳରେ ଟୁଇନ୍‌ ସିଟିରେ ଟ୍ରାଫିକ୍‌ ସମସ୍ୟା ଦେଖା ଦେଇଛି । ପ୍ରାୟ ୨ ଘଣ୍ଟା କାଳ ଭୁବନେଶ୍ୱରରେ ଅତି ପ୍ରବଳ ବର୍ଷା ହୋଇଛି। ସ୍କୁଲ ଓ ଅଫିସ ଛୁଟି ସମୟ ହୋଇଥିବାରୁ ଲୋକ ବିଭିନ୍ନ ସ୍ଥାନରେ ଫସି ରହିଯାଇଥିଲେ । ଭୁବନେଶ୍ୱରର ବିଭିନ୍ନ ରାସ୍ତାରେ ଆଣ୍ଠୁଏରୁ ଅଣ୍ଟାଏ ପାଣି ଜମି ରହିଛି । ଅନେକ ସ୍ଥାନରେ ଲୋକଙ୍କ ଘରେ ପାଣି ପଶିଛି। କଟକ ସହରର ପଟାପୋଲ, ବକ୍ସି ବଜାର, ରାଉସାପାଟଣା, ଫ୍ରେଣ୍ଡସ କଲୋନୀ ଓ ମହାନଦୀ ବିହାର ଆଦି ଅନେକ ସ୍ଥାନରେ ପାଣି ଜମି ରହିଥିବାବେଳେ ବାଦାମବାଡି ସମେତ ଅନେକ ସ୍ଥାନରେ ପାଣି ଜମି ରହିଛି ।

  • ରାଜ୍ୟରେ ଥମୁନି ଡ୍ରଗ୍ସ କାରବାର,ପୁଣି ଜବତ ହେଲା ବିପୁଳ ପରିମାଣର ଧଳା ଜହର

    ରାଜ୍ୟରେ ଥମୁନି ଡ୍ରଗ୍ସ କାରବାର,ପୁଣି ଜବତ ହେଲା ବିପୁଳ ପରିମାଣର ଧଳା ଜହର

    କ୍ରାଇମ୍ ବ୍ରାଞ୍ଚ ଏସଟିଏଫକୁ ବଡ଼ ସଫଳତା । ଏକ କୋଟି ଟଙ୍କାରୁ ଉର୍ଦ୍ଧ ମୂଲ୍ଯର ବ୍ରାଉନ ସୁଗାର ଜବତ । ଏହା ସହ ୨ ଜଣ ବ୍ରାଉନ୍ ସୁଗାର ବେପାରୀ ଗିରଫ ରାଜ୍ୟରେ ବ୍ରାଉନ୍ ସୁଗାର ଚୋରା ବେପାରକୁ ସଂପୂର୍ଣ୍ଣ ବନ୍ଦ କରିବା ପାଇଁ ଚାଲିଥିବା ଅପରେସନରେ କ୍ରାଇମ୍ ବ୍ରାଞ୍ଚ ଏସଟିଏଫ ଏକ ବଡ ଧରଣର ରେଡ୍ କରିଛି । ଗତକାଲି ସଂଧ୍ଯାରେ ଗୁପ୍ତ ତଥ୍ଯ ପାଇ ଏସଟିଏଫର ଏକ ଟିମ୍ ପୁରୀ ଜିଲ୍ଲା ପିପିଲି ଓ ଉତ୍ତରା ଛକ ନିକଟରେ ଛକି ରହିଥିଲା । ଏହି ସମୟରେ ପିପିଲି ଦେବିଗଳିର ଲିପୁନ୍ ପାଣ୍ଡେ ଓ ଖୋର୍ଦ୍ଦା ଜିଲ୍ଲା ଖୋର୍ଦ୍ଦା ଥାନା ଅନ୍ତର୍ଗତ ଶରଧାପୁର ମସଜିଦ୍ ଗଳିର ଶେଖ୍ ସୁଲେମାନ ସେଠାରେ ବ୍ରାଉନ ସୁଗାର ବିକ୍ରି କରିବା ପାଇଁ ପହଞ୍ଚିଥିଲେ । ଏହି ସମୟରେ ଏସଟିଏଫ୍ ସେମାନଙ୍କୁ ଗିରଫ କରିଥିଲା । ଏହା ସହ ସେମାନଙ୍କ ପାଖରେଥିବା ଏକ କେଜି ୮୦ ଗ୍ରାମ ଓଜନର ବ୍ରାଉନ୍ ସୁଗାର ଜବତ କକରିଥିଲା । ସେମାନେ ଏହି ନିଷିଦ୍ଧ ଡ୍ରଗ୍ସ କେଉଁଠୁ ଆଣିଥିଲେ, କେଉଁଠାରେ ବିକ୍ରି କରିଥାନ୍ତେ ତାହାର କୋଣସି ଉତ୍ତର ଦେଇ ପାରି ନ ଥିଲେ । ଏହା ପରେ ତାଙ୍କୁ ଗିରଫ କରାଯାଇଥିଲା ।

    ଏସଟିଏଫର ସୂଚନା ଅନୁସାରେ ୨୦୨୦ ରୁ ଆରମ୍ଭ ହୋଇଥିବା ଏହି ଅପରେସନରେ ୭୨ କେଜିରୁ ଉର୍ଦ୍ଧ ବ୍ରାଉନ ସୁଗାର, ୨୦୨ ଗ୍ରାମ୍ କୋକନ୍, ୧୧୬ କେଜି ଗଞ୍ଜେଇ ୭୫୦ ଗ୍ରାମ୍ ଅଫିମ ଜବତ କରିଛି । ଏହା ସହ ୧୭୮ ଜଣ ନିଶା ବେପାରୀ ଗିରଫ ହୋଇଛନ୍ତି ।

  • ନୟାଗଡ଼ କଣ୍ଟେଇମୁଣ୍ଡି ବାଇଗଣକୁ ମିଳିଲା ଜିଆଇ ଟ୍ୟାଗ

    ନୟାଗଡ଼ କଣ୍ଟେଇମୁଣ୍ଡି ବାଇଗଣକୁ ମିଳିଲା ଜିଆଇ ଟ୍ୟାଗ

    ନୟାଗଡ଼ ଜିଲ୍ଲାର ପ୍ରସିଦ୍ଧ କଣ୍ଟେଇମୁଣ୍ଡି ବାଇଗଣକୁ ମିଳିଲା ଜିଆଇ ଟ୍ୟାଗ୍ । କେନ୍ଦ୍ର ସରକାର ଏହି ପରିବାକୁ ଜିଆଇ ଟ୍ୟାଗ ଦେବାକୁ ଅନୁମତି ଦେଇଛନ୍ତି । ଏହି ଦେଶୀ ବାଇଗଣ ବିଶେଷ ଭାବେ କଣ୍ଟିଲୋର ମହାନଦୀ ଅବବାହିକାରେ ଚାଷ କରାଯାଇଥାଏ । ଏହା ଆକାରରେ ଛୋଟ ଓ ଏହାର ମୁଣ୍ଡରେ ଛୋଟ ଛୋଟ କଣ୍ଟା ଥାଏ । ଏହା ଅନ୍ଯ ବାଇଗଣ ଅପେକ୍ଷା ମିଠା । ଏହି ବାଇଗଣ କେବଳ ନୟାଗଡ ଜିଲ୍ଲାରେ ଏବଂ କଣ୍ଟିଲୋ ମହାନଦୀ ଅବବାହିକା ଜମିରେ ହିଁ ହୋଇଥାଏ । ସ୍ଥାନୀୟ ଚାଷୀ ଏହାକୁ ବହୁଳ ମାତ୍ରାରେ ଚାଷ କରିଥାନ୍ତି । ଏବି ବିଶେଷ ବାଇଗଣକୁ ଜିଆଇ ଟ୍ୟାଗ ଦେବାକୁ ରାଜ୍ୟ ପ୍ରଶାସନ କେନ୍ଦ୍ର ସରକାରଙ୍କ ନିକଟରେ ଆବେଦନ କରିଥିଲା । ଏହାର ସ୍ବତନ୍ତ୍ରତା ଏବଂ ଚାଷ ବିଶେଷତାକୁ ଅନୁଧ୍ଯାନ କରିବା ପରେ କେନ୍ଦ୍ର ସରକାର ଏହ ଜିଆଇ ମାନ୍ଯତା ବା ଜିଓଲୋଜିକାଲ ଆଇଡିଏଣ୍ଟିଫିକେସନ୍ ପ୍ରଦାନ କରିଛନ୍ତି । କଣ୍ଟେଇମୁଣ୍ଡି ବାଇଗଣ ହେଉଛି ଅନ୍ୟ ପ୍ରଜାତିର ବାଇଗଣ ତୁଳନାରେ ଆକାରରେ ବହୁତ ଛୋଟ । ଏହାସହ ଅନ୍ୟ ବାଇଗଣ ତୁଳନାରେ ଏହି ପ୍ରଜାତିର ବାଇଗଣରେ ମଞ୍ଚି ଅଧିକ ଥାଏ । ଗଛର ଉଚ୍ଚତା ବିଶେଷ ନ ଥାଏ । ଏହା ସ୍ୱାସ୍ଥ୍ୟ ପାଇଁ ଅତି ଲାଭଦାୟକ । ଏହା ବିଶେଷ ଭାବେ ବାଲିଆ ଅଞ୍ଚଳରେ ଚାଷ କରାଯାଇଥାଏ । ଏହି ବାଇଗଣ ଖାସ୍ କରି କଳାପଥର,ଧଳାପଥର, ସାରୁଅ ବାଘମାରି ଏବଂ ଖୋର୍ଦ୍ଦା ବଜାରରେ ପ୍ରଚୁର ମାତ୍ରାରେ ମିଳେ । କିଲୋ ଅତି କମରେ ୬୦ ଟଙ୍କା ରୁହେ । କଟକ ଭୁବନେଶ୍ବର ବଜାର ଆସିବା ବେଳକୁ ଏହା ସରିଯାଏ । ତେଣୁ ଭୁବନେଶ୍ବରବାସୀ ବି ଏହାକୁ ଖାଇବାକୁ ପାଆନ୍ତି ନାହିଁ ।

  • ଗର୍ଭବତୀ ମହିଳାଙ୍କୁ ଉଲଗ୍ନ କରି ବିଚ୍‌ ରାସ୍ତାରେ ଚଲାଇଲେ ସ୍ୱାମୀ

    ଗର୍ଭବତୀ ମହିଳାଙ୍କୁ ଉଲଗ୍ନ କରି ବିଚ୍‌ ରାସ୍ତାରେ ଚଲାଇଲେ ସ୍ୱାମୀ

    ବିଚ୍‌ ରାସ୍ତାରେ ମହିଳାଙ୍କ ଉପରେ ହୋଇଛି ପାଶବିକ ଅତ୍ୟାଚାର । ଆଉ ଏହାର ମୁକସାକ୍ଷୀ ପାଲଟିଛନ୍ତି ଶହ ଶହ ଲୋକ । ଜଣେ ୨୧ ବର୍ଷୀୟା ଆଦିବାସୀ ଗର୍ଭବତୀ ମହିଳାଙ୍କୁ ଉଲଗ୍ନ କରି ବିଚ୍‌ ରାସ୍ତାରେ ଚଲାଇଲେ ସ୍ୱାମୀ ସମେତ ପରିବାର ଲୋକେ। ଏପରି ଏକ ଅମାନୁଷିକ ଲଜ୍ଜାଜନକ ଘଟଣା ରାଜସ୍ଥାନର ପ୍ରତାପଗଡ଼ ଜିଲ୍ଲାର ଧରିୟାବଦର ପହାଡ଼ା ଗାଁରେ ଘଟିଛି। ପୁଣି ଥରେ ଲଜ୍ଜିତ ହୋଇଛି ମାନବ ସମାଜ । ମଣିପୁରରେ ୨ ମହିଳାଙ୍କୁ ଉଲଗ୍ନ କରି ରାସ୍ତାରେ ଚଲାଇବା ଘଟଣା ଯୋଗୁ ସମଗ୍ର ଦେଶବାସୀଙ୍କୁ ମୁଣ୍ଡ ନଇଁ ଯାଇଥିବା ବେଳେ ଏବେ ରାଜସ୍ଥାନରେ ଦେଖିବାକୁ ମିଳିଛି। ଏହାକୁ ନେଇ ରାଜସ୍ଥାନର ରାଜନୀତି ସରଗରମ ହୋଇଥିବା ବେଳେ ମୁଖ୍ୟମନ୍ତ୍ରୀଙ୍କୁ ଘେରିଛନ୍ତି ବିରୋଧୀ ।

    ଯଦିଓ ଭିଡିଓଟି ଚାରି ଦିନ ପୂର୍ବର ହେଲେ ତାହା ଏବେ ଖୁବ ଭାଇରାଲ ହେବାରେ ଲାଗିଛି। ସୂଚନାନୁଯାୟୀ ପୀଡ଼ିତାଜଣକ ବର୍ଷେ ପୂର୍ବେ ବିବାହ କରିଥିବା ବେଳେ ଏବେ ସେ ଗର୍ଭବତୀ ଅଛନ୍ତି। ମାତ୍ର ଇତି ମଧ୍ୟରେ ଗାଁର ଅନ୍ୟ ଜଣେ ଯୁବକଙ୍କ ସହ ତାଙ୍କର ପ୍ରେମ ସମ୍ପର୍କ ଆରମ୍ଭ ହୋଇଥିଲା। କିଛିଦିନ ଦିନ ତଳେ ମହିଳାଜଣକ ନିଜ ପ୍ରେମିକଙ୍କ ସହ ଫେରାର ହେବା ପାଇଁ ଘରଛାଡି ଦେଇଥିଲେ। ସୂଚନା ପାଇ ତୁରନ୍ତ ତାଙ୍କ ଶାଶୁ ଘର ଲୋକେ ପିଛା କରି କାବୁ କ ରି ନେଇଥିଲେ। ଅଭିଯୁକ୍ତ ସ୍ୱାମୀ କାନା ମିନାଙ୍କୁ ପୁଲିସ୍‌ ଗିରଫ କରିଛି। ପୀଡ଼ିତାଙ୍କ ବାପଘର ଲୋକେ ଝିଅ ଉପରେ ହେଉଥିବା ଏପରି ନିର୍ଯାତନାର ମୁକସାକ୍ଷୀ ପାଲଟିଥିଲେ ବି ପାଟି ଫିଟାଇ ନ ଥିଲେ।

  • ଆଜି କ୍ରିକେଟ ମହାମୁକାବିଲା

    ଆଜି କ୍ରିକେଟ ମହାମୁକାବିଲା

    ଚଳିତ ଏସିଆ କପ୍‌ର ୩ୟ ଲିଗ୍‌ ମ୍ୟାଚରେ ଉପ ମହାଦେଶର ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବି ଭାରତ ଓ ପାକିସ୍ତାନ ଏକ ହାଇଭୋଲଟେଜ କ୍ରିକେଟ ମ୍ୟାଚରେ ପରସ୍ପରକୁ ଭେଟିବାକୁ ଯାଉଛନ୍ତି। ରୋହିତ ଶର୍ମାଙ୍କ ଭାରତୀୟ ଦଳ ଶନିବାର ବାବର ଆଜାମଙ୍କ ପାକିସ୍ତାନ ଦଳକୁ ଭେଟିବ। ଶ୍ରୀଲଙ୍କାର କାଣ୍ଡିସ୍ଥିତ ପାଲେକେଲେରେ ଖେଳାଯିବାକୁ ଥିବା ଗ୍ରୁପ-ଏ ର ଉକ୍ତ ମ୍ୟାଚ ଉପରେ ସାରା ବିଶ୍ବର ନଜର ରହିଛି। ଏହି ମହାମୁକାବିଲା ପାଇଁ କ୍ରିକେଟପ୍ରେମୀମାନେ ଉତ୍ସାହର ସହିତ ଅପେକ୍ଷା କରି ରହିଛନ୍ତି। ତେବେ ବର୍ଷା ହେବାର ସମ୍ଭାବନା ଥିବାରୁ ମ୍ୟାଚ ବାଧାପ୍ରାପ୍ତ ହେବାର ମଧ୍ୟ ଆଶାଙ୍କା ରହିଛି। ଦୁଇ ଦେଶ ମଧ୍ୟରେ ଚାଲିଥିବା ରାଜନୈତିକ, କୁଟନୈତିକ ତିକ୍ତତା ଏହି ମ୍ୟାଚର ଗୁରୁତ୍ବକୁ ବଢାଇ ଦେଇଛି। ଏହା ଏକ ସାଧାରଣ ମ୍ୟାଚ ନୁହେଁ ;ଏହା ସ୍ବତନ୍ତ୍ର ମ୍ୟାଚ ବୋଲି ଦୁଇ ଦେଶର ଖେଳାଳି ଓ କ୍ରିକେଟପ୍ରେମୀମାନେ ହୃଦୟଙ୍ଗମ କରିଛନ୍ତି। ଭାରତ ଓ ପାକିସ୍ତାନ ଅନ୍ତର୍ଜାତୀୟ କ୍ରିକେଟରେ ଶେଷ ଥର ପାଇଁ ୨୦୨୨ ଅକ୍ଟୋବର ୨୩ରେ ଆଇସିସି ଟ୍ବେଣ୍ଟି୨୦ ବିଶ୍ବକପ ମ୍ୟାଚରେ ମେଲବୋର୍ଣ୍ଣରେ ମୁହାଁମୁହିଁ ହୋଇଥିଲେ। ଏଥିରେ ଭାରତ ୪ ୱିକେଟରେ ବିଜୟ ହାସଲ କରିଥିଲା। ପାଖାପାଖି ୧୧ ମାସ ପରେ ଦୁଇ ଦଳ ପୁଣି ଥରେ ଅନ୍ତର୍ଜାତୀୟ କ୍ରିକେଟରେ ମୁହାଁମୁହିଁ ହେବାକୁ ଯାଉଛନ୍ତି।

  • ଶ୍ରୀହରିକୋଟାରୁ ISROର ସୂର୍ଯ୍ୟ ମିଶନ ‌ଆଦିତ୍ୟ-ଏଲ୍‌୧ ଉତ୍‌କ୍ଷେପଣ LIVE

    ଶ୍ରୀହରିକୋଟାରୁ ISROର ସୂର୍ଯ୍ୟ ମିଶନ ‌ଆଦିତ୍ୟ-ଏଲ୍‌୧ ଉତ୍‌କ୍ଷେପଣ LIVE

    ସୌର ବାୟୁ ଓ ସୌର ବାତାବରଣ ଉପରେ ଗବେଷଣା ପାଇଁ ଭାରତର ପ୍ରଥମ ସୂର୍ଯ୍ୟ ମିସନ ‌ଆଦିତ୍ୟ-ଏଲ୍‌୧ ଆଜି ଉତ୍‌କ୍ଷେପଣ ହେବ। ଆଦିତ୍ୟ-ଏଲ୍‌୧ ମହାକାଶ ଯାନକୁ ଇସ୍ରୋ ପୃଥିବୀଠାରୁ ୧.୫ ନିୟୁତ କିମି ଉଚ୍ଚରେ ସ୍ଥାପନ କରିବ। ଆଜି ଆଉ ଏକ ସଫଳତା ଦିଗରେ ପାଦ ବଢାଇବ ଇସ୍ରୋ।

    ଚନ୍ଦ୍ରମା ଉପରେ ଅନୁଧ୍ୟାନ ପରେ ପ୍ରଥମ କରି ସୂର୍ଯ୍ୟଙ୍କ ରହସ୍ୟ ଭେଦିବ। ଆନ୍ଧ୍ରପ୍ରଦେଶ ସ୍ଥିତ ଶ୍ରୀହରିକୋଟା ସତୀଶ ଧାବନ ଲଞ୍ଚ ପ୍ୟାଡରୁ ଏହି ମିଶନର ଉତକ୍ଷେପଣ କରାଯିବ। ରକେଟ PSLV-C57 ମାଧ୍ୟମରେ ମହାକାଶକୁ ଯିବ ଆଦିତ୍ୟ-ଏଲୱାନ୍। ପୂର୍ବାହ୍ନ ପ୍ରାୟ 11ଟା 50 ମିନିଟ୍ ସମୟରେ ଲଞ୍ଚିଂ ନେଇ ସମୟ ଧାର୍ଯ୍ୟ କରାଯାଇଛି।

    ଆଜି ଉତକ୍ଷେପଣ ହେଲେ ସୂର୍ଯ୍ୟଙ୍କ ଉପରେ ତଥ୍ୟ ହାସଲ ପାଇଁ ଇସ୍ରୋକୁ ଲାଗିଯିବ ଚାରି ମାସ।

    ପୃଥିବୀଠାରୁ ସୂର୍ଯ୍ୟଙ୍କ ଦୂରତା ୧୫ କୋଟି କିଲୋମିଟର ହୋଇ ଥିବାବେଳେ ଏହା ମାତ୍ର ୧୫ ଲକ୍ଷ କିମି ଦୂରରେ ରହି ଅନୁସନ୍ଧାନ କରିବ। ଆସନ୍ତା ବର୍ଷ ଜାନୁଆରୀରେ ଆଦିତ୍ୟ-ଏଲୱାନ୍ ଲାଗ୍ରାଞ୍ଜ ପଏଣ୍ଟରେ ପହଞ୍ଚିବା ନେଇ ଆଶା ରଖିଛି ଇସ୍ରୋ।

    ଏଥିରେ ୭ ଟି ପେ’ଲୋଡ୍ ମଧ୍ୟ ମହାକାଶକୁ ପଠାଯିବ। ଏଥିମଧ୍ୟରୁ ୪ ଟି ପେ’ଲୋଡ୍ ସୂର୍ଯ୍ୟଙ୍କ ଉପରେ ଏବଂ ଅନ୍ୟ ୩ ଟି ଲାଗ୍ରାଞ୍ଜ ପଏଣ୍ଟ ଏଲୱାନ ଉପରେ ପରୀକ୍ଷା ନିରୀକ୍ଷା କରିବେ।

    ଏହାପରେ ସୂର୍ଯ୍ୟଙ୍କ ଫଟୋସ୍ଫିୟର୍, କ୍ରୋମୋସ୍ଫିର୍ ସହ ସୂର୍ଯ୍ୟଙ୍କ ବାହ୍ୟ ସ୍ତର କରୋନା ଓ ସୌର ବାୟୁ ଉପରେ ଅନୁଧ୍ୟାନ କରିବ। ବିଶେଷ କରି ସୌରଝଡର ଆକଳନ ଓ ମୁକାବିଲା ଦିଗରେ ଏହି ମିଶନ୍ ସହାୟକ ହୋଇପାରେ ବୋଲି ଆଶା ରଖିଛି ଇସ୍ରୋ। ଏଥିପାଇଁ ଇସ୍ରୋର ସୂର୍ଯ୍ୟ ମିଶନ ଉପରେ କେବଳ ଦେଶ ନୁହେଁ ରହିଛି ପୂରା ବିଶ୍ୱ ନଜର।

  • ବଜ୍ରାଘାତ ନେଲା ଦଶ ଗୋରୁଙ୍କ ଜୀବନ

    ବଜ୍ରାଘାତ ନେଲା ଦଶ ଗୋରୁଙ୍କ ଜୀବନ

    ବଜ୍ରାଘାତରେ ଚାଲିଗଲା ୧୦ ଗାଈଙ୍କ ଜୀବନ । ଏଭଳି ଅବାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ବେଲଗୁଣ୍ଠା ଥାନା ଅଧୀନ ସିରିକୋଇ ଗ୍ରାମରେ ।ସୁଚନା ଅନୁୟାୟୀ ସିରିକୋଇ ଗ୍ରାମର ଜୟ ଗୌଡ଼ ତାଙ୍କର ୧୦ ଟି ଗାଈକୁ ଅପରାହ୍ନରେ ନିକଟରେ ଥିବା ଏକ ଜଙ୍ଗଲକୁ ଚରାଇବାକୁ ନେଇଥିଲେ । ହଠାତ୍ ସେଠାରେ ବର୍ଷା ପବନ ହେବା ସହ ବଜ୍ରାଘାତ ହୋଇଥିଲା । ଫଳରେ ୧୦ ଟି ଗାଈଙ୍କ ଉପରେ ବଜ୍ରାଘାତ ପଡିବାରୁ ସେଠାରେ ହିଁ ଗାଈ ଗୁଡ଼ିଙ୍କର ମୃତ ଘଟିଥିଲା । କିନ୍ତୁ ଅଳ୍ପକ୍କେ ବର୍ତ୍ତି ଯାଇଥିଲେ ଗାଈ ଚରାଳି ଜୟ ଗୌଡ଼ । ଖବର ପାଇ ନେଟେଙ୍ଗା ରାଜସ୍ୱ ବିଭାଗ ଅଧିକାରୀ ପହଁଚି ତଦନ୍ତ କରିଥିବା ବେଳେ କ୍ଷତିପୁରଣ ଦେବାକୁ ସାଧାରଣରେ ଦାବି କକିଛନ୍ତି ଗ୍ରାମବାସୀ ।