Tag: #Suchana tv odia

୫୦ ଲକ୍ଷ କୋଟିରେ ପହଞ୍ଚିଲା ଭାରତର ବିଦେଶୀ ଋଣ

ଗତବର୍ଷ ଦେଶ ଉପରେ ବିଦେଶୀ ଋଣ ଭାର ବୃଦ୍ଧି ପାଇଥିବା ନେଇ କହିଛନ୍ତି ଅର୍ଥ ମନ୍ତ୍ରୀ ନିର୍ମଳା ସୀତାରମଣ । ଏବେ ପ୍ରଶ୍ନ ଉଠୁଛି ଯେ ବିଦେଶୀ ଲୋନ ବଢିବା ଯୋଗୁଁ ଦେଶର ଅର୍ଥନୀତି ଉପରେ ଏହା ପ୍ରଭାବ ପକାଇଥାଏ କି ? ସାଧାରଣ ଲୋକ ସହ ଏହାର କଣ ସମ୍ପର୍କ ? ଯାହାର ଉତ୍ତକ ଦେବାକୁ ଯାଇ ଅର୍ଥମନ୍ତ୍ରୀ କହିଛନ୍ତି ଯେ ଆମର ବିଦେଶୀ ଲୋନ ଏବେ ଆୟତ୍ତରେ ଅଛି । ଅର୍ଥନୀତିକୁ ନେଇ କୌଣସି ଚିନ୍ତାଜନକ ସ୍ଥିତି ଆସିନାହିଁ ।

ଗତ ମାର୍ଚ୍ଚ ୨୦୨୩ ପର୍ଯ୍ୟନ୍ତ ବିଦେଶୀ ଋଣ ବଢି ୬୨୪ ଡଲାର ଅର୍ଥାତ୍‌ ୫୦ ଲକ୍ଷ କୋଟି ଟଙ୍କାରେ ପହଞ୍ଚିଥିଲା । ଏହା ଦେଶର ବିଦେଶୀ ମୁଦ୍ରା ଭଣ୍ଡାର ଠାରୁ ଅଧିକ । ସେପଟେ ଅର୍ଥନୀତି ଅନୁପାତରେ ଦେଖିଲେ ବିଦେଶୀ ଋଣ ୫.୪ ପ୍ରତିଶତରେ ପହଞ୍ଚିଛି ।

୨୦୨୧-୨୨ ମୁକାବଲାରେ ୨୦୨୨-୨୩ରେ ବାହାର ଋଣ ୦.୯ ପ୍ରତିଶତରେ ପହଞ୍ଚିଛି । ଯାହାକି ପାଖାପାଖି ୫.୬ ଆରବ ଡଲାର । ଯଦି ମାର୍ଚ୍ଚରୁ ବର୍ତ୍ତମାନ ପର୍ଯ୍ୟନ୍ତ ଅନୁପାତ ଦେଖାଯାଏ ଭାରତର ବିଦେଶୀ ମୁଦ୍ରା ଭଣ୍ଡାର ସର୍ବମୋଟ ଋଣର ୯୨.୬ ପ୍ରତିଶତ ଥିଲା ।

ରିପୋର୍ଟ ମୁତାବକ ମହାମାରୀ ପରେ ସମଗ୍ର ଦୁନିଆରେ ଋଣର ସୁଧ ବଢିଯାଇଛି । ଯାହାର ପ୍ରଭାବ ଭାରତ ଉପରେ ବି ପଡିଛି । ଋଣ ସୁଝିବା ପାଇଁ ସୁଧ ଦର ଯାହା ଗତବର୍ଷ ୫.୨ ପ୍ରତିଶତ ଥିଲା ତାହା ଏବେ ୫.୩ ପ୍ରତିଶତରେ ପହଞ୍ଚିଛି ।

ସେହିପରି ଅର୍ଥବ୍ୟବସ୍ଥାରେ ଯଦି ବିଦେଶୀ ଋଣ ଭାର ବଢିଥାଏ ଏହା ଦେଶର ସଭରେନ ରେଟିଂ ଉପରେ ପ୍ରଭାବ ପକାଇଥାଏ । ଖାସ କରି ବିକାଶଶୀଳ ଅର୍ଥବ୍ୟବସ୍ଥା ଉପରେ ଏହାର ସର୍ବାଧିକ ପ୍ରଭାବ ପଡିଥାଏ ।

ଯଦି ବିଦେଶୀ ଋଣ ଡିଫଲ୍ଟ ହୋଇଯାଏ ସଭରେନ ରେଟିଂ ସହ ଋଣ ମିଳିବାର ରାସ୍ତା ବନ୍ଦ ହୋଇଯାଏ । ଏହାଦ୍ବାରା ଦେଶର ବିକାଶ ଦର ପ୍ରଭାବିତ ହୋଇଥାଏ ।ସେହିପରି ବିଦେଶୀ ନିବେଶକଙ୍କ ପାଖକୁ ନକରାତ୍ମକ ବାର୍ତ୍ତା ଯାଇଥାଏ । ଏହାର ପ୍ରଭାବ ଉଦ୍ଦ୍ୟୋଗୀ ଓ ପ୍ରୋଜେକ୍ଟ ଉପରେ ପଡିଥାଏ ।

ଫଳରେ ରୋଜଗାରର ସୁଯୋଗ କମ ହୋଇଯାଏ । ଋଣ ଡିଫଲ୍ଟ ହେବା ଯୋଗୁଁ ଏହାକୁ ସୁଝିବା ସରକାରଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଥାଏ । ଯେଉଁଥିପାଇଁ ସରକାରଙ୍କ ରାଜସ୍ବ ପ୍ରଭାବିତ ହୋଇଥାଏ । ଏଣୁ ସରକାର ସାଧାରଣ ଲୋକଙ୍କ ପାଇଁ ଥିବା ଯୋଜନାରେ କାଟ୍‌ଛାଟ୍‌ କରିବା ପାଇଁ ବାଧ୍ୟ ହୋଇଥାନ୍ତି ।
ପୋଲିସ ଟ୍ରେନିଂ କଲେଜକୁ ୮୬ ବର୍ଷ ପୁର୍ତ୍ତୀ ନେଇ ରକ୍ତ ଦାନ ଶିବିର ଅନୁଷ୍ଠିତ

ଅନୁଗୋଳ ଜିଲ୍ଲାର ପୋଲିସ ଟ୍ରେନିଂ କଲେଜ ଠାରେ ଆଜି ଶନିବାର ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ସୂଚନା ଯେ, ଆଜି ଅନୁଗୋଳ ପୋଲିସ ଟ୍ରେନିଂ କଲେଜକୁ ୮୬ ବର୍ଷ ପୁର୍ତ୍ତୀ ନେଇ ଏହି ରକ୍ତ ଦାନ ଶିବିର ଅନୁଷ୍ଠିତ କରାଯାଇଥିଲା ।

ଏହି ରକ୍ତ ଦାନ ଶିବିରଟିକୁ ଅନୁଗୋଳ ଡି ଆଇ ଜି ଯେ.ଏନ ପଙ୍କଜ ଉଦଘାଟନ କରିବା ସହିତ ରକ୍ତ ଦାତା ମାନଙ୍କୁ ଉତ୍ସାହିତ କରିଥିଲେ। ଏହି ରକ୍ତ ଶିବିରଟି ସକାଳ ୯ ଘଟିକାରୁ ଆରମ୍ବ ହୋଇଥିଲା । ଏହି ରକ୍ତ ଦାନ ଶିବିରଟିକୁ ଅନୁଗୋଳ ପୋଲିସ ଟ୍ରେନିଂ କଲେଜର ଅଧିକାରୀ ମାନେ ଆୟୋଜନ କରିଥିଲେ।
ଚାଷ ଜମିରେ ବଜ୍ରାଘାତ, ଯୁବକଙ୍କ ମୃତ୍ୟୁ

ପୁଣି ଜଣେ ବ୍ଯକ୍ତିଙ୍କର ବଜ୍ରାଘାତରେ ମୃତ୍ଯୁ ଘଟିଛି। ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ଚାନ୍ଦବାଲି ବ୍ଲକ ବାଶଂଡା ଥାନା ଅଧିନସ୍ଥ ଘଣ୍ଟେଶ୍ବର ବିଜାପୁର ଗ୍ରାମରେ । ଗତକାଲି କ୍ଷେତକୁ ବାସୁଦେବ ନାୟକ ଚାଷ କାର୍ଯ୍ୟ ପାଇଁ ଯାଇଥିବାବେଳେ ବଜ୍ରପାତରେ ମୃତ୍ୟୁ ବରଣ କରିଛନ୍ତି ।

ମୃତ ନାୟକ ତିହିଡ଼ି ବ୍ଲକ ଅନ୍ତର୍ଗତ ଯାମଜୋଡି ପଞ୍ଚାୟତ ଥିବା ଚାଷ ଜମି କୁ ଯାଉଥିବା ସମୟରେ ବଜ୍ରାଘାତରେ ତାଙ୍କର ଦେହର ଅଳ୍ପ କିଛି ଅଂଶ ପଡିଯାଇଥିଲା। ତା’ପରେ ତାଙ୍କୁ ତିହିଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା, ଏବଂ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ଖବର ପାଇ ବାଶଂଡା ପୋଲିସ ପହଞ୍ଚିଥିଲା ଏବଂ ଶବ ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲା ।
କୋଣାର୍କ ଚକ୍ର ସମ୍ମୁଖରେ ପ୍ରଧାନମନ୍ତ୍ରୀ ମୋଦୀଙ୍କ ବିଶ୍ୱଅତିଥିଙ୍କୁ ସ୍ଵାଗତ-କରମର୍ଦ୍ଦନ

‘ଜି୨୦’ ଶିଖର ସମ୍ମିଳନୀରେ ଯୋଗ ଦେବାକୁ ଆସିଥିବା ବିଶ୍ବର ବିଭିନ୍ନ ଦେଶର ନେତାମାନଙ୍କୁ ସ୍ବାଗତ କରିବା ଲାଗି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଗତି ମୈଦାନରେ ନିର୍ମିତ ‘ଭାରତ ମଣ୍ଡପମ୍‌’ରେ ଉପସ୍ଥିତ ରହି ଅଷ୍ଟାଦଶ ‘ଜି୨୦’ ଶିଖର ସମ୍ମିଳନୀରେ ଯୋଗ ଦେବାକୁ ଆସିଥିବା ବିଶ୍ବ ନେତାମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡ଼ିଶାର କୋଣାର୍କସ୍ଥିତ ସୂର୍ଯ୍ୟ ମନ୍ଦିରର ପ୍ରସିଦ୍ଧ ଚକ୍ରର ପ୍ରତିକୃତି ଥିବା ପୃଷ୍ଠଭୂମି ସମ୍ମୁଖରେ ସ୍ବାଗତ କରିବା ସହିତ କରମର୍ଦ୍ଦନ କରିଛନ୍ତି। ଏହି ଅବସରରେ, ‘ଏକ୍ସ୍‌’ କରି ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି: ନୂଆଦିଲ୍ଲୀରେ ଅନୁଷ୍ଠିତ ‘ଜି୨୦’ର ୧୮ଶ ଶିଖର ସମ୍ମିଳନୀକୁ ‘ଜି୨୦’ ରାଷ୍ଟ୍ରର ପ୍ରତିନିଧି ଦଳର ମୁଖ୍ୟ, ଅତିଥି ରାଷ୍ଟ୍ର ଓ ଅଂଶଗ୍ରହଣକାରୀ ଆନ୍ତର୍ଜାତିକ ସଙ୍ଗଠନମାନଙ୍କୁ ହାର୍ଦ୍ଦିକ ସ୍ବାଗତ। ଭାରତର ‘ଜି୨୦’ ଅଧ୍ୟକ୍ଷତାର ଭାବଧାରା ହେଉଛି ‘ବସୁଧୈବ କୁଟୁମ୍ବକମ୍’। ଦୀର୍ଘସ୍ଥାୟୀ, ସାମଗ୍ରିକ ଓ ମାନବକେନ୍ଦ୍ରିକ ବିକାଶର ବୈଶ୍ବିକ ମାର୍ଗ ହେଉଛି ଏକ ବିଶ୍ବ, ଏକ ପରିବାର ଓ ଏକ ଭବିଷ୍ୟତ। ଏହି ବିଚାରଧାରାକୁ ହୃଦୟଙ୍ଗମ କରିବା ଉଦ୍ୟମରେ ‘ଜି୨୦’ ଶିଖର ସମ୍ମିଳନୀର ଅଂଶଗ୍ରହଣକାରୀମାନେ ସଫଳ ହେବେ ବୋଲି ଆଶା। ଏ ସଂକ୍ରାନ୍ତରେ ‘ଏକ୍ସ୍‌’ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଲେଖିଛନ୍ତି: ‘ଜି୨୦’ ସ୍ବାଗତ-କରମର୍ଦ୍ଦନସ୍ଥଳରେ ଓଡ଼ିଶାର ଚିର ବିସ୍ମୟ କୋଣାର୍କ ଚକ୍ର। ସମଗ୍ର ଭାରତବାସୀ ଓ ବିଶେଷକରି ମୋ ଓଡ଼ିଶାର ଭାଇଭଉଣୀଙ୍କ ପାଇଁ ଅତି ଗୌରବର ମୁହୂର୍ତ୍ତ। ନିର୍ଦ୍ଧାରିତ କାର୍ଯ୍ୟସୂଚୀ ଅନୁସାରେ ଆଜି ସକାଳ ୯.୩୦ରୁ ୧୦.୩୦ ମଧ୍ୟରେ ନେତା ଓ ପ୍ରତିନିଧିମାନେ ‘ଭାରତ ମଣ୍ଡପମ୍’ରେ ପହଞ୍ଚି,ତା’ପରେ ‘ଟ୍ରି ଅଫ୍‌ଲାଇଫ୍‌ ଫର୍‌ ଫୟର୍‌’ରେ ପ୍ରଧାନମନ୍ତ୍ରୀଙ୍କ ସହିତ ସ୍ବାଗତକାଳୀନ ଫଟୋ ଉତ୍ତୋଳନ କରିବେ। ଏବଂ ତା’ପରେ ‘ସଭିଏଁ ଲାଉଞ୍ଜ୍‌ ଲେଭଲ୍‌୨’ ସମବେତ ହେବେ।
ଆନ୍ଧ୍ରର ପୂର୍ବତନ ମୁଖ୍ୟମନ୍ତ୍ରୀ ଏନ୍‌. ଚନ୍ଦ୍ରବାବୁ ନାଇଡୁ ଗିରଫ

ଦକ୍ଷତା ବିକାଶ ଦୁର୍ନୀତି ମାମଲାରେ ‘ସିଆଇଡି’ ଆଜି ପ୍ରତ୍ୟୁଷରେ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ‘ତେଲୁଗୁ ଦେଶମ୍‌ ପାର୍ଟି’ର ମୁଖ୍ୟ ଏନ୍‌. ଚନ୍ଦ୍ରବାବୁ ନାଇଡୁଙ୍କୁ ନନ୍ଦୟାଲାରେ ଗିରଫ କରିଛି । ଦକ୍ଷତା ବିକାଶ ନାମରେ ଦୁର୍ନୀତି ହୋଇଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଏଥିପାଇଁ ‘କ୍ରିମିନାଲ୍‌ ଇନ୍‌ଭେଷ୍ଟିଗେସନ୍‌ ଡିପାର୍ଟମେଣ୍ଟ୍‌’ (ସିଆଇଡି) ବାବୁଙ୍କ ନିକଟକୁ ଗିରଫ ପର୍‌ୱାନା ପଠାଇଥିଲା। ଗତରାତି ପ୍ରାୟ ୩ଟା ବେଳେ ନନ୍ଦୟାଲା ରେଞ୍ଜ୍‌ର ‘ଡିଆଇଜି’ ରଘୁରାମି ରେଡ୍ଡୀଙ୍କ ନେତୃତ୍ବରେ ବହୁସଂଖ୍ୟକ ପୁଲିସ ଓ ‘ସିଆଇଡି’ ‘ଆର୍‌. କେ. ଫଙ୍କ୍‌ସନ୍‌ ହଲ୍‌’ରେ ପଡ଼ିଥିବା ନାଇଡୁଙ୍କ କ୍ୟାମ୍ପ୍‌ରେ ଚଢ଼ଉ କରିଥିଲେ। ୨୦୨୧ ମସିହା ଡିସେମ୍ବର ୯ ତାରିଖରେ ଆନ୍ଧ୍ର ସିଆଇଡି ଏ ନେଇ ଏକ ମାମଲା ରୁଜୁ କରିଥିଲା । ଏଥିରେ ୨୫ ଜଣ ଅଭିଯୁକ୍ତ ଥିଲେ । ତଦନ୍ତ ପରେ ଚନ୍ଦ୍ରବାବୁ ନାଇଡୁଙ୍କୁ ଗିରଫ କରାଯାଇଥିବା ଜଣା ପଡିଛି । କୁର୍ନୁଲର ଡିଆଇଜି ରଘୁରାମ ରେଡ୍ଡୀ ଚନ୍ଦ୍ରବାବୁଙ୍କୁ ଆନ୍ଧ୍ର ସିଆଇଡି ଆଇପିସି ଧାରା ୧୨୦ ଖ, ୧୬୬,୧୬୭, ୪୧୮, ୪୨୦, ୪୬୮, ୪୬୫, ୪୭୧, ୪୦୯, ୨୦୧, ୧୦୯ ସହ ଦୁର୍ନୀତିର ଅନ୍ୟଧାରାରେ ତାଙ୍କୁ ଗିରଫ କରିଛି । ‘ଆନ୍ଧ୍ରପ୍ରଦେଶ ଦକ୍ଷତା ବିକାଶ ନିଗମ’ ଦୁର୍ନୀତିରେ ସେ ହେଉଛନ୍ତି ପ୍ରଥମ ଅଭିଯୁକ୍ତ। ଏ ସଂକ୍ରାନ୍ତରେ ଏକ ନୋଟିସ୍‌ ବି ତାଙ୍କୁ ଦିଆଗଲା। ତା’ପରେ ତାଙ୍କୁ ଗାଡ଼ିରେ ବସାଇ ବିଜୟୱାଡ଼ା ନିଆଯାଇଛି। ଜନସାଧାରଣଙ୍କ ଅର୍ଥ ‘ଲୁଟ୍‌’ କରିଛନ୍ତି ବୋଲି ଦୋଷାରୋପ କରି ଆନ୍ଧ୍ରପ୍ରଦେଶର ସାମାଜିକ ଜନକଲ୍ୟାଣ ମନ୍ତ୍ରୀ ମେରୁଗା ନାଗାର୍ଜୁନ ଚନ୍ଦ୍ରବାବୁ ନାଇଡୁଙ୍କ ଗିରଫଦାରି ଦାବି କରିଥିଲେ। ଏହା ଜାମିନ ନ ମିଳିବା ପରି ଅପରାଧ ହୋଇଥିବାରୁ ତାଙ୍କୁ ଜାମିନରେ ଛଡ଼ାଯାଇ ପାରିବ ନାହିଁ ବୋଲି ନୋଟିସ୍‌ରେ ଉଲ୍ଲେଖ ଅଛି। ଜାମିନ ପାଇଁ ଆମେ ହାଇକୋର୍ଟରେ ଆବେଦନ କରିବୁ ବୋଲି ତାଙ୍କ ଓକିଲ କହିଛନ୍ତି।
ଉତ୍ତର ଆଫ୍ରିକୀୟ ରାଷ୍ଟ୍ର ମରକ୍କୋରେ ଶକ୍ତିଶାଳୀ ଭୂକମ୍ପ, ୨୯୬ ମୃତ

ଉତ୍ତର ଆଫ୍ରିକୀୟ ରାଷ୍ଟ୍ର ମରକ୍କୋରେ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି । ଏହି ଶକ୍ତିଶାଳୀ ଭୂମିକମ୍ପ ଯୋଗୁଁ ଅନ୍ୟୂନ ୨୯୬ଜଣ ଲୋକ ପ୍ରାଣ ହରାଇଥିବା କଥା ଆଜି ସକାଳେ ମୋରକୋର ଗୃହମନ୍ତ୍ରାଳୟ କହିଛି। ଏହାଛଡ଼ା, ଭୂମିକମ୍ପ ଯୋଗୁଁ ଆହତ ହୋଇଥିବା ୧୫୩ଜଣଙ୍କୁ ଚିକିତ୍ସା ନିମନ୍ତେ ଡାକ୍ତରଖାନାକୁ ପଠାଯାଇଛି। ଭୂକମ୍ପରେ ବଡ଼ ବଡ଼ କୋଠା ଥରିବା ସହ ତାସର ଘର ପରି ଭୁଶୁଡ଼ି ପଡିଛି । ଭୟରେ ଲୋକେ ଭୟରେ ଘରୁ ବାହାରି ରାସ୍ତା ଉପରକୁ ପଳାଇ ଆସିଥିଲେ। ସୂଚନା ଅନୁସାରେ, ଭୂମିକମ୍ପ ଯୋଗୁଁ ମାରକେସ ଓ କ୍ବାର୍‌ଜାଜାଟେ ପ୍ରଦେଶରେ ଅଧିକ ଲୋକ ପ୍ରାଣ ହରାଇଛନ୍ତି। ଅଧିକାଂଶ କ୍ଷୟକ୍ଷତି ସହର ଓ ନଗର ବାହାରେ ହୋଇଥିବା କଥା ମନ୍ତ୍ରାଳୟ ସୂଚନା ଦେଇଛି। କିନ୍ତୁ, କେତେ ପରିମାଣର କ୍ଷୟକ୍ଷତି ହୋଇଛି ତାହା ସରକାରୀ କର୍ତ୍ତୃପକ୍ଷମାନେ ଏପର୍ଯ୍ୟନ୍ତ ଆକଳନ କରିପାରି ନାହାନ୍ତି। ତେବେ ଭୂକମ୍ପର ଭୟାବହତାକୁ ଲକ୍ଷ୍ୟ କଲେ ମୃତ୍ୟୁ ସଂଖ୍ୟା ଯଥେଷ୍ଟ ବୃଦ୍ଧି ପାଇବାର ସମ୍ମାବନା ରହିଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୮ ରେକର୍ଡ କରାଯାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଘଟଣାରେ ଗଭରୀ ଦୁଃଖ ପ୍ରକାଶ କରିଛନ୍ତି । ମରକ୍କୋରେ ଭୂମିକମ୍ପଜନିତ ପ୍ରାଣହାନୀ ଯୋଗୁଁ ଖୁବ୍‌ ବ୍ୟଥିତ। ଏଭଳି ଦୁଃଖଦ ସମୟରେ ମୋରକୋବାସୀଙ୍କୁ ସହାନୁଭୂତି ଜଣାଉଛି। ସେ ମୃତକଙ୍କ ପରିବାରକୁ ସମବେଦନା ଜଣାଇବା ସହ ଆହତମାନଙ୍କର ଆଶୁ ଆରୋଗ୍ୟ କାମନା କରୁଛି। ଏଭଳି ଦୁର୍ଦ୍ଦିନରେ ମୋରକୋକୁ ଯଥାସମ୍ଭବ ସହାୟତା ଯୋଗାଇ ଦେବାକୁ ଭାରତ ପ୍ରସ୍ତୁତ।
ସାହାଯ୍ୟ କରିବା ଆଳରେ ପ୍ରେମ ନିବେଦନ

ରକ୍ଷକ ଯଦି ଭକ୍ଷକ ସାଜେ ତେବେ ନ୍ୟାୟ କାହାକୁ ମାଗିବା ଏଭଳି ଏକ ସଂଗୀନ ମାମଲା ଆସିଛି କେନ୍ଦୁଝର ଜିଲ୍ଲା ନୟାକୋଟ ଥାନାରୁ, ସୂଚନାନୁଯାୟୀ ବାମେବାରି ଥାନାରେ ଅଞ୍ଚଳରେ ବିବାହ କରିଥିବା ନୟାକୋଟ ଥାନା ଅଞ୍ଚଳର ଜଣେ ମହିଳା ସ୍ବାମୀଙ୍କ ସହ କଳହ ପରେ ବାପାଘରେ ଆସି ରହୁଥିଲେ। ନ୍ୟାୟ ପାଇଁ ସେ କିଛିମାସ ତଳେ ଥାନାକୁ ଆସି ଅଭିଯୋଗ କରିଥିଲେ। ପରେ ମହିଳାଙ୍କୁ ସାହାଯ୍ୟ କରିବା ଆଳରେ ତାଙ୍କ ମୋବାଇଲ ନମ୍ବର ନେଇ ଏସ୍‌ଆଇ ଶ୍ରୀ ମହାନ୍ତ ନିୟମିତ କଥା ହେଉଥିଲେ। ମହିଳାଙ୍କୁ ଅଶ୍ଳୀଳ ମେସେଜ ଓ ଫଟୋ ପଠାଇ ଥାନା ଏସ୍‌ଆଇ ଫଣିଭୂଷଣ ମହାନ୍ତ ନିଲମ୍ବିତ ହୋଇଛନ୍ତି।

ପ୍ରେମ ନିବେଦନ କରିବା ସହ ହ୍ବାଟସଆପ୍‌ରେ ଅଶ୍ଳୀଳ ଭିଡିଓ ଓ ବାର୍ତ୍ତା ପଠାଉଥିଲେ। ଏନେଇ ମହିଳା ଜଣକ ପ୍ରଥମେ କେନ୍ଦୁଝର ଏସ୍‌ପିଙ୍କୁ ଭେଟିଥିଲେ। ଏସ୍‌ପି ଏହାର ତଦନ୍ତ ପାଇଁ ବଡ଼ବିଲ ଏସ୍‌ଡିପିଓଙ୍କୁ ନିର୍ଦେଶ ଦେଇଥିଲେ। ତଦନ୍ତ ପରେ ଏସ୍‌ଆଇ ଶ୍ରୀ ମହାନ୍ତଙ୍କୁ ଏସ୍‌ପି ନୀତିନ କୁଶଳକର ଡାଗୁଡ଼ ନିଲମ୍ବନ କରିବା ସହ ଜିଲ୍ଲା ପୁଲିସ ମୁଖ୍ୟାଳୟରେ ହାଜର ହେବାକୁ ନିର୍ଦେଶ ଦେଇଛନ୍ତି।
ବିଶ୍ୱକପ ମ୍ୟାଚ୍ ପାଇଁ ସଚିନଙ୍କୁ ଗୋଲଡେନ ଟିକେଟ ଭେଟି

କ୍ରିକେଟର ବାଦଶାହ ସଚିନ ତେନ୍ଦୁଲକରଙ୍କୁ ମିଳିଲା ଗୋଲଡେନ ଟିକେଟ୍ । କ୍ରିକେଟ ବିଶ୍ୱକପର ମ୍ୟାଚ୍ ପାଇଁ ସଚିନଙ୍କୁ ଭେଟି ଏହି ଗୋଲଡେନ ଟିକେଟ ଦେଇଛନ୍ତି ବିସିସିଆଇ ସମ୍ପାଦକ ଜୟ ଶାହା । ଭାରତରେ ବିଶ୍ୱକପ ହେଉଥିବାରୁ ଜଣାଶୁଣା ବ୍ୟକ୍ତିତ୍ୱଙ୍କୁ ଗୋଲଡେନ ଟିକେଟ ପ୍ରଦାନ କରୁଛି ବିସିସିଆଇ । ସଚିନଙ୍କୁ ଗୋଲଡେନ ଟିକେଟ ପ୍ରଦାନ କରୁଥିବାର ଫଟୋ ଟ୍ୱିଟ୍ କରିଛି ବିସିସିଆଇ ।

🏏🇮🇳 An iconic moment for cricket and the nation!

As part of our "Golden Ticket for India Icons" programme, BCCI Honorary Secretary @JayShah presented the golden ticket to Bharat Ratna Shri @sachin_rt.

A symbol of cricketing excellence and national pride, Sachin Tendulkar's… pic.twitter.com/qDdN3S1t9q
— BCCI (@BCCI) September 8, 2023

ଟ୍ୱିଟ୍ ହୋଇଥିବା ଫଟୋରେ ସଚିନଙ୍କ ସହ ଜୟ ଶାହାଙ୍କୁ ଦେଖିବାକୁ ମିଳିଛି । ବିିସିସିଆଇ ଏହି ଟ୍ୱିଟ୍ କରି ଲେଖିଛି, ଦେଶ ଓ କ୍ରିକେଟ ପାଇଁ ଏହା ସ୍ମରଣୀୟ ମୁହୂର୍ତ୍ତ । ଗୋଲଡେନ ଟିକେଟ ଫର୍ ଇଣ୍ଡିଆ ଆଇକନ୍ସ ପୋଗ୍ରାମ କାର୍ଯ୍ୟକ୍ରମ ଅନୁଯାୟୀ ବିସିସିଆଇର ସମ୍ପାଦକ ଜୟ ଶାହା ଭାରତ ରତ୍ନ ସଚିନ ତେନ୍ଦୁଲକରଙ୍କୁ ଏହି ଗୋଲଡେନ ଟିକେଟ ପ୍ରଦାନ କରିଛନ୍ତି ।ଏହାପୂର୍ବରୁ ବିସିସିଆଇ ପକ୍ଷରୁ ଅମିତାଭ ବଚ୍ଚନଙ୍କୁ ଗୋଲଡେନ ଟିକେଟ ପ୍ରଦାନ କରାଯାଇଥିଲା । ଅମିତାଭଙ୍କୁ ଭେଟି ଜୟ ଶାହା ଏହି ଗୋଲଡେନ ଟିକେଟ ପ୍ରଦାନ କରିଥିଲେ । ଆସନ୍ତା ୫ ଅକ୍ଟୋବରରୁ ଆରମ୍ଭ ହେବ କ୍ରିକେଟ ମହାକୁମ୍ଭ । ଇଂଲଣ୍ଡ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ମୁକାବିଲା ଖେଳାଯିବ । ସେହିଭଳି ଭାରତ ଅଷ୍ଟ୍ରେଲିଆ ବିପକ୍ଷରେ ୮ ଅକ୍ଟୋବରରେ ମ୍ୟାଚ୍ ଖେଳି ନିଜର ବିଶ୍ୱକପ ଅଭିଯାନ ଆରମ୍ଭ କରିବ ।
ଦଳ ନା ସ୍ୱାଧୀନରୁ ଲଢ଼ିବେ ସୁରଙ୍କ ପୁଅ ମନ୍ମଥ ରାଉତରାୟ ?

କିଛି ଦିନ ଧରି ବରିଷ୍ଠ କଂଗ୍ରେସ ବିଧାୟକ ସୁରେଶ ରାଉତରାୟ ଓ ପୁଅ ମନ୍ମଥ ରାଉତରାୟଙ୍କ ମଧ୍ୟରେ ରାଜନୀତିକୁ ନେଇ ବିଭିନ୍ନ କଥା ସାମ୍ନାକୁ ଆସିବା ସହ ବିଭିନ୍ନ ଚର୍ଚ୍ଚା କରାଯାଉଥିଲା। ଏହାକୁ ନେଇ ଉଭୟଙ୍କ ମନ୍ତବ୍ୟ ମଧ୍ୟ ଗଣମାଧ୍ୟମ ଜରିଆରେ ସାମ୍ନାକୁ ଆସିଥିଲା। ମୁଁ କଂଗ୍ରେସରୁ ଲଢ଼ିବିନାହିଁ । ଏକଥା ବୁଧବାର ଗଣମାଧ୍ୟମ ଆଗରେ ସ୍ପଷ୍ଟ କରିଛନ୍ତି ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁରେଶ କୁମାର ରାଉତରାୟଙ୍କ ପୁଅ ମନ୍ମଥ ରାଉତରାୟ । ୨୦୨୪ ସାଧାରଣ ନିର୍ବାଚନରେ ସେ କେଉଁ ଦଳରୁ ପ୍ରାର୍ଥୀ ହେବେ ତାକୁ ନେଇ ଚର୍ଚ୍ଚା ଜୋର ଧରିଥିଲା । ହେଲେ ସେ କଂଗ୍ରେସ ଟିକେଟରେ ନିର୍ବାଚନ ଲଢ଼ିବେ ନାହିଁ ବୋଲି କହିବା ପରେ ଚର୍ଚ୍ଚା ଆହୁରି ବଢ଼ିଯାଇଛି । ସେ ବିଜେଡି ନା ଅନ୍ୟ କୌଣସି ଦଳରେ ସାମିଲ ହେବେ ଏପରି ନାନା କଳ୍ପନାଜଳ୍ପନା ଓ ପ୍ରଶ୍ନ ଲୋକଙ୍କ ମଧ୍ୟରେ ଉଙ୍କି ମାରିଛି। ଏହାମଧ୍ୟରେ ଶୁକ୍ରବାର କଂଗ୍ରେସରୁ ନିଲମ୍ବିତ ହେଲେ ମନ୍ମଥ ରାଉତରାୟ। ବରିଷ୍ଠ କଂଗ୍ରେସ ବିଧାୟକ ସୁରେଶ ରାଉତରାୟଙ୍କ ପୁଅ ମନ୍ମଥ ରାଉତରାୟ କଂଗ୍ରେସରୁ ନିଲମ୍ବିତ ହୋଇଛନ୍ତି। କଂଗ୍ରେସ ଶୃଙ୍ଖଳା କମିଟି ପକ୍ଷରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପିସିସି ସଦସ୍ୟ ଥାଇ ମଧ୍ୟ କଂଗ୍ରେସରୁ ଲଢିବେନି ବୋଲି ମନ୍ତବ୍ୟ ଦେବା ସହ କଂଗ୍ରେସର ନହେବା ନେଇ ଗଣମାଧ୍ୟମ ସମ୍ମୁଖରେ କହିଥିଲେ। ଏହାପରେ କାରଣ ଦର୍ଶାଅ ନୋଟିସ୍‌‌ର ଉତ୍ତର ନଦେବା ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ବୋଲି ସୂଚନା ମିଳିଛି।
ହିମାଞ୍ଚଳରେ ଘଟୁଥିବା ପ୍ରାକୃତିକ ବିପର୍ଯ୍ୟୟ କେବଳ ଲୋକଙ୍କ ମାଂସ ଖାଇବାଦ୍ୱାରା ହେଉଛି: ଆଇଆଇଟି ମଣ୍ଡି ନିର୍ଦେଶକ

ଆଇଆଇଟିର ଡାଇରେକ୍ଟର ଲକ୍ଷ୍ମୀଧର ବେହରା କହିଛନ୍ତି , ଯଦି ଆମେ ପଶୁଙ୍କୁ ହତ୍ୟା କରିବା ବନ୍ଦ ନକରିବା ତ ହିମାଚଳ ପ୍ରଦେଶର ପତନ ହୋଇଯିବ । ଆପଣ ପଶୁଙ୍କୁ କାଟୁଛନ୍ତି , ସେହି ପଶୁଙ୍କର ପରିବେଶ ସହ ସମ୍ୱନ୍ଧ ରହିଛି । ସେହି ସମ୍ୱନ୍ଧ ଆପଣଙ୍କୁ ଦେଖା ଯାଉ ନାହିଁ । ବାସ୍ତବରେ କଥାଟି ହେଉଛି ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବରେ ସବୁକିଛି ଧ୍ୱଂସବିଧ୍ୱଂସ ହୋଇ ଯାଇଥିଲା । ବର୍ଷା ଓ ଭୂସ୍ଫଳନରେ ଭୁଶୁଡ଼ି ପଡ଼ିଥିଲା ପାହାଡ଼ ଓ ଘର ଏହାର ଭିଡ଼ିଓ ଦେଖି ସାରାବିଶ୍ୱର ଲୋକେ ଆଶ୍ଚର୍ଯ୍ୟ ହେବା ସହ ଦୁଃଖରେ ଭାଙ୍ଗି ପଡିଥିଲେ। ୨୩୮ରୁ ଅଧିକ ଲୋକଙ୍କ ଜୀବନ ଚାଲିଗଲା । ଶ୍ରୀଯୁକ୍ତ ବେହେରା କହିଛନ୍ତି ହିମାଚଳରେ ଏହି ଧ୍ୱଂସ ଲୀଳ ମାଂସ ଖାଇବା ଯୋଗୁଁ ହୋଇଛି,ପଶୁଙ୍କ ଉପରେ କ୍ରୁର ଆଚରଣ ଯୋଗୁଁ ହିମାଚଳରେ ବାଦଲ ଫଟା ବର୍ଷା ହେଉଛି । ଏହାସହ ସେ ପିଲାଙ୍କୁ ମାଂସ ନଖାଇବାର ସଂକଳ୍ପ ନେବାକୁ କହିଛନ୍ତି । କେବଳ ଏତିକି ନୁହେଁ ,ଏହା ପୂର୍ବରୁ ମଧ୍ୟ ଲକ୍ଷ୍ମୀଧର ବେହରା ନିଜର ଏକ ବୟାନକୁ ନେଇ ଚର୍ଚ୍ଚାରେ ଥିଲେ। ସେ ଗତବର୍ଷ କହିଥିଲେ କି ପବିତ୍ର ମନ୍ତ୍ରର ଜପ କରି ସେ ନିଜର ବନ୍ଧୁଙ୍କ ଘର ଓ ପରିବାରକୁ ଖରାପ ଆତ୍ମା ଠାରୁ ମୁକ୍ତି ଦେଇଥିଲେ । ଏବେ ପୁଣି ଥରେ ହିମାଚଳରେ ପ୍ରଳୟ ପଛରେ ମାଂସ ଖାଇବାକୁ ଦାୟୀ କହି ଲକ୍ଷ୍ମୀଧର ବେହରା ଆଲୋଚନାରେ ରହିଛନ୍ତି।