୨୦୧୯ ଫେବ୍ରୁଆରୀ ୧୨ ବିଳମ୍ବିତ ରାତିରେ ବରମୁଣ୍ଡା ବସ୍ଷ୍ଟାଣ୍ଡ୍ ଟିକେଟ କାଉଣ୍ଟରରେ ସୁପରଭାଇଜର ଥିବା ବରମୁଣ୍ଡାର ସହଦେବ ରାଉତରାୟଙ୍କୁ ବୁବୁ ଓ ସନିଆ ଅଟକାଇ ଖଣ୍ଡା ଓ ଲୁହା ରଡ୍ରେ ଆକ୍ରମଣ କରି ୧୨ ହଜାର ୫୦୦ ଟଙ୍କା ଓ ସୁନାଚେନ୍ ଲୁଟି ନେଇଥିଲେ । ସହଦେବ ଏନେଇ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ପୁଲିସ ଏକ ମାମଲା ରୁଜୁକରି ତଦନ୍ତ ଚଳାଇଥିଲା । ତେବେ ବୁବୁ ଓ ସହଯୋଗୀ ଫେରାର ହୋଇଯାଇଥିଲେ । କିଛି ଦିନ ହେଲା ସେମାନେ ପୁଣି ଭୁବନେଶ୍ବର ଫେରିଥିଲେ ବି ପୁଲିସ ହାବୁଡ଼ରୁ ବର୍ତ୍ତିବାକୁ ବିଭିନ୍ନ ସ୍ଥାନରେ ଲୁଚି ରହୁଥିଲେ। ପାର୍ବଣ ଆରମ୍ଭ ହେବାକୁ ଯାଉଥିବା ବେଳେ ସେମାନେ ଦାଦାବଟି ଆଦାୟ କରିବାକୁ କିଛି ଦିନ ହେଲା ଭୁବନେଶ୍ବରରେ ଲୁଚିଛପି ଡେରା ପକାଇଥିଲେ। କିନ୍ତୁ ପୁଲିସ ସେମାନଙ୍କ ଉପରେ କଡ଼ା ନଜର ରଖିଥିଲା।
ଦୀର୍ଘଦିନ ପୁଲିସ ସହ ଲୁଚକାଳି ଖେଳିବା ପରେ ଶୁକ୍ରବାର ରାତିରେ ଜାଗମରା ରାସ୍ତାରେ ବୁବୁ ଓ ସନିଆ ଖଣ୍ଡାଧରି ବୁଲୁଥିବା ବେଳେ ପୁଲିସ ଉଭୟଙ୍କୁ ଗିରଫ କରିଥିଲା । ଅଭିଯୁକ୍ତମାନେ ହେଲେ ଖଣ୍ଡଗିରି ଗଣ୍ଡମୁଣ୍ଡା ଅଞ୍ଚଳର ଦେବୀ ପ୍ରସାଦ ଜେନା ଓରଫ୍ ବୁବୁ(୨୫) ଓ ପୋଖରୀପୁଟ ଅଞ୍ଚଳର ସନାତନ ବେହେରା ଓରଫ୍ ସନିଆ (୨୩)। ପୁଲିସ ସେମାନଙ୍କ ନିକଟରୁ ଆକ୍ରମଣରେ ବ୍ୟବହୃତ ଖଣ୍ଡା ଜବତ କରିଛି।
