Tag: #suchana news

କିରାଣୀଙ୍କ ଅବସର କାଳୀନ ସମ୍ବର୍ଦ୍ଧନା ଉତ୍ସବ

ବରଗଡ଼ ଜିଲ୍ଲା ଗାଇସିଲେଟ ବ୍ଲକ ତାଲପାଲି ମହାବିଦ୍ୟାଳୟର ମୁଖ୍ୟ କିରାଣୀ ଦୋଳଗୋବିନ୍ଦ ସାହୁଙ୍କ ଅବସର କାଳୀନ ବିଦାୟୀ ସମ୍ବର୍ଦ୍ଧନା ଦିଆଯାଇଛି । ଅଧ୍ୟକ୍ଷ କ୍ଷିରୋଦ୍ର ପ୍ରଧାନଙ୍କ ସଭାପତିତ୍ବରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅଧ୍ୟାପକ ଜିତେନ୍ଦ୍ର ସାହୁ, ମୋତିଲାଲ ବେହେରା, ଖେଳ ଶିକ୍ଷକ ହୃଷୀକେଶ ଗିରି, ଅଧ୍ୟାପିକା ଭୂମିସୂତା ମେହେର, ଅନୁପମା ବେହେରା, ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । ବିଦାୟୀ କିରାଣୀଙ୍କୁ ଅତିଥି ମାନେ ନିଜ ନିଜ ଅଭିଭାଷଣ ମାଧ୍ୟମରେ ଅନୁଷ୍ଠାନ ପ୍ରେମୀ, ସମୟାନୁବର୍ତିତା, କର୍ମ ନିଷ୍ଠା ଓ ଅନୁଷ୍ଠାନର ଜଣେ ଅନ୍ୟତମ ପ୍ରତିଷ୍ଠାତା ଭାବରେ ଅଞ୍ଚଳରେ ବେଶ ଖ୍ୟାତି ଅର୍ଜନ କରିଥିବା ପ୍ରକାଶ କରିଥିଲେ ।

କୃଷ୍ଣ ଚନ୍ଦ୍ର ସାହୁ ଏହି କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ପୂର୍ବତନ ଛାତ୍ର ତଥା ସାମ୍ବାଦିକ ଝସକେତନ ସାହୁ ଧନ୍ୟବାଦ ଅର୍ପଣ କରିଥିଲେ । ଦୋଳଗୋବିନ୍ଦ ସାହୁ ୧୯୯୩ ରୁ ୨୦୨୫ ଦୀର୍ଘ ୩୨ ବର୍ଷ ତାଲପାଲି ଉଚ୍ଚମାଧ୍ୟମିକ ବିଦ୍ୟାଳୟରେ କିରାଣୀ ଭାବରେ କାର୍ଯ୍ୟ କରି ଅବସର ନେଇଛନ୍ତି । ଏହି ଅବସରରେ ଉଚ୍ଚମାଧ୍ୟମିକ ବିଦ୍ୟାଳୟ ର ଅଧ୍ୟାପକ, ଅଧ୍ୟାପିକା ଏବଂ ସମସ୍ତ କର୍ମଚାରୀ ଓ ଗ୍ରାମବାସୀ ତାଙ୍କୁ ମହାବିଦ୍ୟାଳୟ ରୁ ଏକ ବିରାଟ ପଟୁଆରରେ ନାଚ ଗୀତ କରି ଗ୍ରାମ ପରିକ୍ରମା କରିଥିଲେ ।
ସୁନ୍ଦରଗଡ଼ ଜିଲ୍ଲା ସର୍ଗିପାଲିରେ ପ୍ରବେଶ ଉତ୍ସବ ଓ ଖଡ଼ି ଛୁଆଁ ଶୁଭାରମ୍ଭ

ସୁନ୍ଦରଗଡ଼ ଜିଲ୍ଲା ସ୍ଥିତ ଲେଫ୍ରିପଡା ବ୍ଲକ ଅନ୍ତର୍ଗତ ସରକାରୀ ଉଚ୍ଚ ବିଦ୍ୟାଳୟ ସର୍ଗିପାଲିରେ ଖଡ଼ିଛୁଆଁ ଓ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସୁନ୍ଦରଗଡ ସଦର ବିଧାୟକ ଯୋଗେଶ କୁମାର ସିଂ ଯୋଗଦାନ କରିଥିବା ବେଳେ ସମ୍ମାନୀତ ଅତିଥି ଭାବେ ଲେଫ୍ରିପଡା ଗୋଷ୍ଠୀ ଉନ୍ନୟନ ଅଧିକାରୀ ଆତଶି ପରିଡ଼ା, ବ୍ଲକ ଶିକ୍ଷା ଅଧିକାରୀ ଅଶୋକ ଲାକ୍ରା, ଜିଲ୍ଲା ପରିଷଦ ସଭ୍ୟା ଅଞ୍ଜଳି ଘୋଷ, ସର୍ଗିପାଲି ଜମିଦାର ପ୍ରତାପ ନାରାୟଣ ସିଂ ଯୋଗଦାନ କରିଥିଲେ। ୬ ଜଣ ଶିଶୁ ଖଡ଼ିଛୁଆଁ କରିବା ପରେ ଅତିଥି ମାନଙ୍କ ଦ୍ଵାରା ସମସ୍ତ ଶିଶୁ ମାନଙ୍କୁ ଗୋଟିଏ ଲେଖାଏଁ ସ୍କୁଲ ବ୍ୟାଗ କିଟ୍ ପ୍ରଦାନ କରାଯାଇଥିଲା। ବିଧାୟକ ସିଂ ପ୍ରବେଶ ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ ଉଦଘାଟନ କରିଥିଲେ । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ଓ ଅଭିଭାବକ ସହଯୋଗ କରିଥିଲେ ।
ଟି-୨୦ରେ ଜସ୍ ବଟଲରଙ୍କ ତେହେଲକା, ଭାରତରେ ରଚିଲେ ମହାରେକର୍ଡ, ଏପରି କରିବାରେ ସେ ହେଲେ ଏକମାତ୍ର ଇଂଲଣ୍ଡ ବ୍ୟାଟସମ୍ୟାନ୍

IPL 2025 ର ୧୪ ତମ ମ୍ୟାଚରେ, ଗୁଜରାଟ ଟାଇଟାନ୍ସ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ (RCB vs GT, IPL 2025) ୮ ୱିକେଟରେ ପରାସ୍ତ କରିଛି। ଏହି ମ୍ୟାଚ୍‌ରେ, ଜସ୍ ବଟଲର୍ ( Jos Buttler record in T20 in India) ଗୁଜରାଟ ପାଇଁ ଚମତ୍କାର ବ୍ୟାଟିଂ କରିଥିଲେ ସେ ୩୯ ବଲ୍‌ରେ ୭୩ ରନ୍ କରିବା ପରେ ଅପରାଜିତ ରହିଥିଲେ। ବଟଲର୍ ତାଙ୍କ ଇନିଂସରେ ୫ଟି ଚୌକା ଏବଂ ୬ଟି ଛକା ମାରିବାରେ ସଫଳ ହୋଇଥିଲେ। ବଟଲର୍ ତାଙ୍କର ବିସ୍ଫୋରକ ଇନିଂସ ସମୟରେ ଭାରତରେ ଟି-୨୦ ଖେଳୁଥିବା ସମୟରେ ୪୦୦୦ ରନ ପୂରଣ କରିଥିଲେ ଏବଂ ଏକକାଳୀନ ଦୁଇଟି ବଡ଼ ଭେଟେରାନ ଙ୍କୁ ପଛରେ ପକାଇ ନିଜ ନାମରେ ଏହି ମହାନ ରେକର୍ଡ ସୃଷ୍ଟି କରିଛନ୍ତି । ବଟଲର୍ ଭାରତରେ ବିଦେଶୀ ବ୍ୟାଟସମ୍ୟାନଙ୍କ ଦ୍ୱାରା ଟି-୨୦ ରେ ଚତୁର୍ଥ ସର୍ବାଧିକ ରନ ସ୍କୋରର ହୋଇଛନ୍ତି। ଏଥି ସହିତ ବଟଲର୍ ଫାଫ୍ ଡୁ ପ୍ଲେସିସ୍ ଏବଂ ଶେନ୍ ୱାଟସନଙ୍କୁ ପଛରେ ପକାଇ ଦେଇଛନ୍ତି। ଭାରତରେ ଟି-୨୦ ଖେଳିବା ସମୟରେ, ବଟଲର୍ ଏପର୍ଯ୍ୟନ୍ତ ୪୦୫୧ ରନ କରିସାରିଛନ୍ତି। ଫାଫ୍ ଡୁ ପ୍ଲେସି ଭାରତରେ ଟି-୨୦ ମ୍ୟାଚ୍‌ରେ ୪୦୪୫ ରନ୍‌ ଏବଂ ସେନ୍ ୱାଟସନ୍ ଭାରତରେ ଟି-୨୦ ମ୍ୟାଚ୍‌ରେ ୩୭୩୭ ରନ୍‌ କରିବାର ରେକର୍ଡ କରିଛନ୍ତି।

ଏହା ବ୍ୟତୀତ, ଭାରତରେ କୌଣସି ବିଦେଶୀ ବ୍ୟାଟସମ୍ୟାନଙ୍କ ଦ୍ୱାରା ସର୍ବାଧିକ ରନ କରିବାର ରେକର୍ଡ ଡେଭିଡ୍ ୱାର୍ଣ୍ଣରଙ୍କ ନାମରେ ଅଛି। ୱାର୍ଣ୍ଣର ଭାରତରେ ମୋଟ ୧୭୧ ଟି-୨୦ ଇନିଂସ ଖେଳି ମୋଟ ୬୨୭୨ ରନ କରିବାରେ ସଫଳ ହୋଇଛନ୍ତି । ଏହି ମାମଲାରେ କ୍ରିସ୍ ଗେଲ୍ ଦ୍ୱିତୀୟ ସ୍ଥାନରେ ଅଛନ୍ତି। ଗେଲ୍ ଭାରତରେ ୧୩୪ ଟି-୨୦ ଇନିଂସରେ ମୋଟ ୪୮୪୧ ରନ କରିଛନ୍ତି।

ଭାରତରେ ସର୍ବାଧିକ ଟି-୨୦ ରନ୍ ସ୍କୋର କରିବାରେ ସାମିଲ ହେଲେ ଇଂଲଣ୍ଡ ବ୍ୟାଟସମ୍ୟାନ୍ ଜସ୍ ବଟଲର୍

ଏବେ ବଟଲର୍ ଭାରତରେ ସର୍ବାଧିକ ଟି-୨୦ ରନ୍ କରିଥିବା ଇଂଲଣ୍ଡ ବ୍ୟାଟସମ୍ୟାନ୍ ହୋଇଯାଇଛନ୍ତି। ଆପଣଙ୍କୁ କହି ରଖୁଛୁ ଯେ ବଟଲର୍ ତାଙ୍କର ଅକରାତ୍ମକ ଇନିଂସରେ ୩୯ଟି ବଲ୍ ସାମ୍ନା କରିଥିଲେ ଏବଂ ୫ଟି ଚୌକା ଏବଂ ୬ଟି ଛକା ମାରିଥିଲେ। ବଟଲରଙ୍କ ଇନିଂସ ଆଧାରରେ, ଗୁଜରାଟ ମାତ୍ର ୧୭.୫ ଓଭରରେ ଏହି ମ୍ୟାଚ୍ ଜିତି ନେଇଥିଲା। ଏହି ମ୍ୟାଚ୍‌ରେ RCB ପ୍ରଥମେ ବ୍ୟାଟିଂ କରି ୨୦ ଓଭରରେ ୮ ୱିକେଟ୍ ହରାଇ ୧୬୯ ରନ୍ କରିଥିଲା, ଯାହା ପରେ ଗୁଜରାଟ ୧୭.୫ ଓଭରରେ ୨ ୱିକେଟ୍ ହରାଇ ଲକ୍ଷ୍ୟ ହାସଲ କରିଥିଲା। ବ୍ୟାଟିଂ ସମୟରେ ସାଇ ସୁଦର୍ଶନ ୪୯ ରନ କରିଥିଲେ, ଯେତେବେଳେ ଚମତ୍କାର ବୋଲିଂ କରିଥିବା ମହମ୍ମଦ ସିରାଜଙ୍କୁ ତାଙ୍କର ଗୁରୁତ୍ୱପୂର୍ଣ୍ଣ ତିନୋଟି ୱିକେଟ ପାଇଁ ପ୍ଲେୟାର ଅଫ୍ ଦି ମ୍ୟାଚ୍ ଟାଇଟଲ୍ ଦିଆଯାଇଥିଲା।

ଭାରତରେ ବିଦେଶୀ ବ୍ୟାଟସମ୍ୟାନଙ୍କ ଦ୍ୱାରା ଟି-୨୦ରେ ସର୍ବାଧିକ ରନ ସ୍କୋରର

୬,୨୭୨ – ଡେଭିଡ୍ ୱାର୍ଣ୍ଣର (୧୭୧ ଇନିଂସ) (ଅଷ୍ଟ୍ରେଲିଆ)
୪,୮୪୧ – କ୍ରିସ୍ ଗେଲ୍ (୧୩୪ ଇନିଂସ) (ୱେଷ୍ଟଇଣ୍ଡିଜ୍)
୪,୪୧୨ – ଏବି ଡିଭିଲିୟର୍ସ (୧୪୨ ଇନିଂସ) (ଦକ୍ଷିଣ ଆଫ୍ରିକା)
୪୦୫୧* – ଜସ୍ ବଟଲର୍ (୧୨୧ ଇନିଂସ) (ଇଂଲଣ୍ଡ)
୪୦୪୫ – ଫାଫ୍ ଡୁ ପ୍ଲେସିସ୍ (୧୨୩ ଇନିଂସ) (ଦକ୍ଷିଣ ଆଫ୍ରିକା)
୩,୭୩୭ – ଶେନ୍ ୱାଟସନ (୧୪୦ ଇନିଂସ) (ଅଷ୍ଟ୍ରେଲିଆ)
ଓସ୍ତପୁରା ସେବା ଆଶ୍ରମ ବିଦ୍ୟାଳୟରେ ପ୍ରବେଶ ଉତ୍ସବ ଓ ଖଡ଼ିଛୁଆଁ ଶୁଭାରମ୍ଭ

କେନ୍ଦୁଝର ଜିଲ୍ଲା ଘସିପୁରା ବ୍ଳକ ଓସ୍ତପୁରା ସରକାରୀ ସେବା ଆଶ୍ରମ ବିଦ୍ୟାଳୟରେ ପ୍ରବେଶ ଉତ୍ସବ ଓ ଖଡ଼ିଛୁଆଁ ଶୁଭାରମ୍ଭ ହୋଇଛି। ଏଥିରେ ପ୍ରଧାନ ଶିକ୍ଷକ ରଞ୍ଜନ କୁମାର ନାୟକଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଡବଲୁଓ ଆକାଶ କୁମାର ଜେନା, ଏସଏମସି ସଭାପତି ପୂର୍ଣ୍ଣଚନ୍ଦ୍ର ମହାକୁଡ଼ , ସଦସ୍ୟ ପ୍ରଦିପ ମହାକୁଡ଼ ଯୋଗଦେଇ ଛାତ୍ରଛାତ୍ରୀମାନଙ୍କୁ ଖଡ଼ି ଛୁଆଁଇ ଥିଲେ। ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନେ ସହଯୋଗ କରିଥିଲେ।
ଶ୍ରୀରାମ ନବମୀ ୨୦୨୫:କେଉଁ ୩ଟି ଦୁର୍ଲଭ ଯୋଗ ଏହି ଦିନ ଶୁଭ ଅଟେ ?

ପ୍ରତିବର୍ଷ ଚୈତ୍ର ଶୁକ୍ଳ ପକ୍ଷ ନବମୀ ଦିନକୁ ପ୍ରଭୁ ଶ୍ରୀରାମଙ୍କ ଜନ୍ମ ଜୟନ୍ତୀ ଭାବରେ ପାଳନ କରାଯାଏ। ଏହି ଦିନଟି ଚୈତ୍ର ନବରାତ୍ରିର (ଚୈତ୍ର ନବରାତ୍ରି ୨୦୨୫) ଶେଷ ଦିନ ମଧ୍ୟ। ହିନ୍ଦୁ ଧର୍ମରେ ରାମନବମୀ ପର୍ବର ଏକ ବିଶେଷ ମହତ୍ତ୍ୱ ଅଛି, ଯାହାକି ଅଧର୍ମର ପ୍ରତି ଧର୍ମର ବିଜୟପ୍ରତୀକ ମଧ୍ୟ।

ଶ୍ରୀରାମ ନବମୀରେ ଭଗବାନ ରାମଙ୍କ ପ୍ରଶଂସା ଏବଂ ପୂଜା କରିବା ଦ୍ୱାରା ଜୀବନରେ ସୁଖ, ଶାନ୍ତି ଏବଂ ସମୃଦ୍ଧି ଆସିଥାଏ। ଏହା ସହିତ, ଭଗବାନ ରାମଙ୍କ ବ୍ୟକ୍ତିତ୍ୱରୁ, ଆମେ ଏକ ମର୍ଯ୍ୟାଦାପୂର୍ଣ୍ଣ, ଆଦର୍ଶ, ଧାର୍ମିକ ଏବଂ କର୍ତ୍ତବ୍ୟପରାୟଣ ଜୀବନଯାପନ କରିବା ପାଇଁ ପ୍ରେରଣା ପାଇଥାଉ। ଆସନ୍ତୁ ଜାଣିବା ଏହି ବର୍ଷ ରାମନବମୀର ପର୍ବ କେବେ ଏବଂ ଏହି ଦିନରେ କେଉଁ ବିରଳ ଯୋଗ ସୃଷ୍ଟି ହେଉଛି।

ରାମ ନବମୀ କେବେ

କ୍ୟାଲେଣ୍ଡର ଅନୁସାରେ, ପ୍ରତିବର୍ଷ ଚୈତ୍ର ମାସର ଶୁକ୍ଳ ପକ୍ଷ ନବମୀ ତିଥିରେ ରାମ ନବମୀ ପାଳନ କରାଯାଏ। ଏହି ବର୍ଷ, ନବମୀ ତିଥି ୫ ଏପ୍ରିଲ ସନ୍ଧ୍ୟା ୭:୨୭ ରେ ଆରମ୍ଭ ହେବ ଏବଂ ୬ ଏପ୍ରିଲ ସନ୍ଧ୍ୟା ୭:୨୪ ରେ ଶେଷ ହେବ। ଉଦୟତିଥି ଅନୁଯାୟୀ, ଏହା କେବଳ ରବିବାର, ୬ ଏପ୍ରିଲରେ ପାଳନ କରାଯିବ।

ରାମ ନବମୀ ୨୦୨୫ ଶୁଭ ଯୋଗ

ଏହି ବର୍ଷ ରାମନବମୀ ଦିନ ଅର୍ଥାତ୍ 6 ଏପ୍ରିଲରେ ତିନୋଟି ଦୁର୍ଲଭ ଯୋଗ ସୃଷ୍ଟି ହେଉଛି, ଯାହା ଯୋଗୁଁ ଶ୍ରୀରାମ ନବମୀର ଗୁରୁତ୍ୱ ଆହୁରି ବୃଦ୍ଧି ପାଇବ ଏବଂ ପୂଜାର ଲାଭ ଦ୍ୱିଗୁଣିତ ହେବ। ଆସନ୍ତୁ ଆପଣଙ୍କୁ କହିବା ଯେ ଶ୍ରୀ ରାମ ନବମୀ ୨୦୨୫ ଦିନ ରବି ପୁଷ୍ପ ଯୋଗ, ସରବର୍ଥ ଯୋଗ ଏବଂ ସୁକର୍ମା ଯୋଗର ମିଶ୍ରଣ ଅଛି | ଜ୍ୟୋତିଷ ଶାସ୍ତ୍ରରେ ଏହି ଯୋଗଗୁଡ଼ିକୁ ବହୁତ ଶୁଭ ଏବଂ ଲାଭଦାୟକ ବୋଲି ବିବେଚନା କରାଯାଏ। ଏହି ଯୋଗ ପୂଜା, ଉପବାସ, ନୂତନ କାର୍ଯ୍ୟ ଆରମ୍ଭ କରିବା ଇତ୍ୟାଦିରେ ସଫଳତା ଆଣିଥାଏ।
ହାଇୱାକୁ ପଛପଟୁ ଧକ୍କା ଦେଲା ଟ୍ରକ, ଡ୍ରାଇଭର ଗୁରୁତର

ରାମଚନ୍ଦ୍ରପୁର ଥାନା ଅନ୍ତର୍ଗତ ସୁଆଁପଦା ହାଟ ପଡ଼ିଆ ନିକଟରେ ଗତକାଲି ସନ୍ଧ୍ୟାରେ ପଛପଟୁ ହାଇୱାକୁ ଧକ୍କା ଦେଲା ଟ୍ରକ୍ । ଚାପି ହୋଇ ଟ୍ରକ ଡ୍ରାଇଭର ଗୁରୁତର । ସୁଚନା ଅନୁସାରେ ଯାଜପୁରରୁ କେନ୍ଦୁଝର ଅଭିମୁଖେ ଯାଉଥିବା ଟ୍ରକ୍ ସୁଆଁପଦା ହାଟ ରାସ୍ତାରେ ଠିଆହୋଇଥିବା ହାଇୱା ପଛପଟୁ ଧକ୍କା ଦେଇଥିଲା । ଫଳରେ ଟ୍ରକ ଡ୍ରାଇଭର କେବିନରେ ଚାପିହୋଇଯିବାରୁ ଗୁରୁତର ଆହତ ହୋଇଛନ୍ତି । ଘଟଣା ସ୍ଥଳରେ ସ୍ଥାନୀୟ ବାସିନ୍ଦା ସଙ୍ଗେ ସଙ୍ଗେ ଦମକଳ ବାହିନୀଙ୍କୁ ଖବର ଦେଇଥିଲେ । ଦମକଳ ବାହୀନି ଘଟଣାସ୍ଥଳରେ ପହଂଚି କଟରରେ ଟ୍ରକ୍ କେବିନକୁ କାଟି ଡ୍ରାଇଭରକୁ ଉଦ୍ଧାର କରି ସାଇଁକୁଳ ମେଡିକାଲରେ ଭର୍ତି କରିଥିଲେ । ଅବସ୍ଥା ଗୁରୁତର ଥିବାରୁ ଡାକ୍ତର ତାଙ୍କୁ କଟକ ସ୍ଥାନାନ୍ତରିତ କରିଥିବା ଜଣାପଡିଛି। ଗୁରୁତର ଡ୍ରାଇଭର ଯାଜପୁର ଟାଉନ ଅଞ୍ଚଳର ରାଜେନ୍ଦ୍ର କୁମାର ପୃଷ୍ଟି ବୋଲି ସୁଚନା ମିଳିଛି ।
କେଶଦୁରାପାଳ ଗ୍ରାମରେ ମା ମଙ୍ଗଳା ମନ୍ଦିର ପ୍ରତିଷ୍ଠା ଉତ୍ସବ

ଘସିପୁରା ବ୍ଲକ କେଶଦୁରାପାଳ ଗ୍ରାମରେ ଦୁଇ ଦିନ ଧରି ମା’ମଙ୍ଗଳା ଙ୍କ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହେଉଛି। ପ୍ରଥମେ ବଡ ପୋଖରୀରୁ କଳସ ପୂଜା ପରେ ସରପଞ୍ଚ ମାନସୀ ମହାରଣା ଙ୍କସହ ଶତାଧିକ ମହିଳା କଳସ ଶୋଭାଯାତ୍ରା ରେ ଗ୍ରାମ ପରିକ୍ରମା କରି ମା’ଙ୍କ ପୀଠ ପର୍ଯ୍ୟନ୍ତ ନେଇଥିଲେ। ପୂଜକ ବୃନ୍ଦାବନ ଷଡ଼ଙ୍ଗୀ,ଦାଶରଥି ଆର୍ଚାର୍ଯ୍ୟ,ଦେବପ୍ରସାଦ ମିଶ୍ରଙ୍କ ଦ୍ୱାରା ସବୁ ରିତିନିତି ଅନୁଯାୟୀ ପୂଜା ଅର୍ଚ୍ଚନା ଚାଲିଥିବା ବେଳେ କର୍ତ୍ତା ଓ କର୍ତ୍ତୀ ଭାବେ କୃଷ୍ଣଚନ୍ଦ୍ର ବିନ୍ଧାଣୀ ପତ୍ନୀ ଜମ୍ବୁବତୀ ବିନ୍ଧାଣୀ, ନୀଳମଣି ଓଝା ଓ ପତ୍ନୀ ଜୋତ୍ସାରାଣୀ ଓଝା ପୂଜା ସଂକଳ୍ପ ବସି ମା ମଙ୍ଗଳା ଆଶିଷ ଭିକ୍ଷା କରିଛନ୍ତି।

ମଙ୍ଗଳବାର ଦିନ ସୂର୍ଯ୍ୟ ନାରାୟଣ ପୂଜା ,ପଞ୍ଚକର୍ମ ଓ ଅଗ୍ନି ସ୍ଥାପନ ସାହାଡ଼ା ବୃକ୍ଷ ପୂଜନ ଓ ଶାଖା ଛେଦନ ,ରତ୍ନମୁଦ କରଣ , ସୂର୍ଯ୍ୟ ପୂଜା ,ଗୋ ପୂଜନ,ଧରିତ୍ରୀ ପୂଜନ , ମାଙ୍କ ଷୋଡ଼ସହସ୍ର ପୂଜା ହୋଇଥିଲା । ବୁଧବାର ପୂର୍ଣ୍ଣାହୁତି ହେବ। ସହ ସନ୍ଧ୍ୟାରେ ଆଧ୍ୟାତ୍ମିକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଛି ।ଏଥିରେ ଶ୍ରଦ୍ଧାଳୁ ମାନଙ୍କ ପାଇଁ ପ୍ରସାଦ ସେବନ କରାଯାଇଥିଲା,ଗ୍ରାମରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି। ଏହି କାର୍ଯ୍ୟକ୍ରମକୁ କମିଟି ସଦସ୍ୟ ପୂର୍ବତନ ସରପଞ୍ଚ ପଶୁରାମ ମହାରଣା ,ଭିକାରୀ ଚରଣ ବିନ୍ଧାଣି , ରାଜ କିଶୋର ସୁତାର ,ଶତ୍ରୁଘ୍ନ ବିନ୍ଧାଣି ,ବସନ୍ତ ବେହେରା ଅନ୍ୟ ସମସ୍ତ ସଦସ୍ୟ ପ୍ରମୁଖ ସହଯୋଗ କରିଥିଲେ ।
ନସୀମ ଶାହଙ୍କ ବ୍ୟାଟରେ ବିପର୍ଯ୍ୟୟ, ୱାଣ୍ଡେରେ ରଚିଲେ ଇତିହାସ, ଏପରି ରେକର୍ଡ କରିବାରେ ସେ ହେଲେ ବିଶ୍ୱର ଦ୍ୱିତୀୟ ଖେଳାଳି

ଦ୍ୱିତୀୟ ODIରେ ପାକିସ୍ତାନ (NZ vs PAK, 2nd ODI) ନ୍ୟୁଜିଲାଣ୍ଡ ବିପକ୍ଷରେ ୮୪ ରନରେ ପରାଜୟ ବରଣ କରିଥିଲା, ହେଲେ ପାକିସ୍ତାନ ବୋଲର ନସୀମ ଶାହ ତାଙ୍କ ନାମରେ ଏକ ସ୍ୱତନ୍ତ୍ର ରେକର୍ଡ ସ୍ଥାପନ କରିଛନ୍ତି। ଏଥର ନସୀମ ଶାହ ବୋଲିଂ କରି ନୁହେଁ ବରଂ ବ୍ୟାଟିଂ କରି ଏହି ନୂଆ ରେକର୍ଡ କରିଛନ୍ତି, ଯାହା ନିଶ୍ଚିତ ଭାବରେ ଏକ ଅନନ୍ୟ କଥା। ଆପଣଙ୍କୁ କହି ରଖୁଛୁ ଯେ ଏହି ମ୍ୟାଚ୍‌ରେ ୨୯୩ ରନ୍‌ର ଟାର୍ଗେଟକୁ ପିଛା କରୁଥିବା ବେଳେ ପାକିସ୍ତାନ ଦଳ କେବଳ ୨୦୮ ରନ୍‌ କରିପାରିଥିଲା। ପାକିସ୍ତାନ ଲକ୍ଷ୍ୟଠାରୁ ୮୪ ରନ ପଛରେ ପଡ଼ିଗଲା। କିନ୍ତୁ ପାକିସ୍ତାନର ଇନିଂସ ସମୟରେ, ନସିମ ୧୧ ନମ୍ବରରେ ବ୍ୟାଟିଂ କରୁଥିବା ସମୟରେ ଅର୍ଦ୍ଧଶତକ ହାସଲ କରିଥିଲେ ଏବଂ ୫୧ ରନ କରି ଆଉଟ ହୋଇଥିଲେ। ଏହା କରି ନସୀମ ଶାହ ଏକଦିବସୀୟ କ୍ରିକେଟ ଇତିହାସରେ ୧୧ ନମ୍ବରରେ ସବୁଠାରୁ ବଡ଼ ଇନିଂସ ଖେଳିବାରେ ବିଶ୍ୱର ଦ୍ୱିତୀୟ ଖେଳାଳି ହୋଇଛନ୍ତି।

ୱାଣ୍ଡେରେ ନମ୍ବର ୧୧ ବ୍ୟାଟିଂ ପୋଜିସନରେ ସବୁଠାରୁ ବଡ଼ ଇନିଂସ ଖେଳିବାର ରେକର୍ଡ ପାକିସ୍ତାନର ମହମ୍ମଦ ଆମିରଙ୍କ ନାମରେ ଅଛି। ୨୦୧୬ରେ ଇଂଲଣ୍ଡ ବିପକ୍ଷରେ ଖେଳାଯାଇଥିବା ଏକଦିବସୀୟ ମ୍ୟାଚ୍‌ରେ ମହମ୍ମଦ ଆମିର ୧୧ ନମ୍ବରରେ ବ୍ୟାଟିଂ କରୁଥିବା ସମୟରେ ୫୮ ରନ୍‌ର ଇନିଂସ ଖେଳିଥିଲେ। ସବୁଠାରୁ ଆକର୍ଷଣୀୟ କଥା ହେଉଛି ଯେ ଏକଦିବସୀୟ ମ୍ୟାଚ୍‌ରେ ୧୧ ନମ୍ବରରେ ସବୁଠାରୁ ବଡ଼ ଇନିଂସ ଖେଳିଥିବା ଶୀର୍ଷ ତିନି ଜଣ ବ୍ୟାଟ୍ସମ୍ୟାନ୍‌ ପାକିସ୍ତାନର। ଏହି ମାମଲାରେ ସୋଏବ ଅଖତର ତୃତୀୟ ସ୍ଥାନରେ ଅଛନ୍ତି, ଯିଏ ୨୦୦୩ରେ ଇଂଲଣ୍ଡ ବିପକ୍ଷରେ ୧୧ ନମ୍ବରରେ ବ୍ୟାଟିଂ କରୁଥିବା ସମୟରେ ୪୩ ରନ କରିଥିଲେ।

୫୮ – ମହମ୍ମଦ ଆମିର (ପାକିସ୍ତାନ) ବନାମ ଇଂଲଣ୍ଡ, ୨୦୧୬
୫୧ – ନସିମ ଶାହ (ପାକିସ୍ତାନ) ବନାମ ନ୍ୟୁଜିଲାଣ୍ଡ, ୨୦୨୫
୪୩. ସୋଏବ ଅଖତର (ପାକିସ୍ତାନ) ବନାମ ଇଂଲଣ୍ଡ, ୨୦୦୩
୪୨ * – ମାଖାୟା ନଟିନି (ଦକ୍ଷିଣ ଆଫ୍ରିକା) ବନାମ ନ୍ୟୁଜିଲ୍ୟାଣ୍ଡ,୨୦୦୪
୩୭ – ଜୋଏଲ୍ ଗାର୍ନର (ୱେଷ୍ଟଇଣ୍ଡିଜ୍) ବନାମ ନ୍ୟୁଜିଲାଣ୍ଡ, ୨୦୦୪
ପୋଲିସ ପ୍ରତିଷ୍ଠା ଦିବସରେ ନିଷ୍ଠାପର କାର୍ଯ୍ୟପାଇଁ ୬ଜଣ ପୁରସ୍କୃତ

ଆଜି ହେଉଛି ଓଡ଼ିଶା ଦିବସ। ୧୯୩୬ ମସିହାରେ ଓଡ଼ିଶା ପ୍ରଦେଶ ଗଠନ ହୋଇଥିଲା। ଏହା ସହ ଓଡ଼ିଶାକୁ ସୁରକ୍ଷିତ ଓ ସଶକ୍ତ କରିବା ପାଇଁ ଗଠନ ହୋଇଥିଲା ଓଡ଼ିଶା ପୋଲିସ। ଆଜି ଓଡିଶା ପୋଲିସ ର ୯୦ ତମ ପ୍ରତିଷ୍ଠା ଦିବସ। ଏହି ଦିବସକୁ ସାରା ଓଡ଼ିଶାର ବିଭିନ୍ନ ପୋଲିସ ମୁଖ୍ୟାଳୟରେ ପାଳିତ ହେଉଥିବା ବେଳେ କେନ୍ଦୁଝର ଜିଲ୍ଲାରେ ମଧ୍ୟ ଏହା ବେଶ ଆଡମ୍ୱରରେ ପାଳିତ ହୋଇଛି।

ଏହି ଅବସରରେ କେନ୍ଦୁଝର ଜିଲ୍ଲା ରିଜର୍ଭ ଗ୍ରାଉଣ୍ଡରେ ହୋଇଥିବା ସମ୍ମିଳିତ ପ୍ୟାରେଡ ଅଭିବାଦନ କରିଥିଲେ ଜିଲ୍ଲା ଆରକ୍ଷୀ ଅଧିକ୍ଷକ ନୀତିନ କୁଶଳକର ଦଗଡୁ। ଆରକ୍ଷୀ ଅଧିକ୍ଷକ ଏହି ଅବସରରେ ମୁଖ୍ୟମନ୍ତ୍ରୀଙ୍କ ବାର୍ତ୍ତା ପଢିଥିଲେ। ଏହି ଅବସରରେ ଜିଲ୍ଲାର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ଦେଇଥିବା ଛଅ ଜଣ ପୋଲିସ ଅଧିକାରୀଙ୍କୁ ସମ୍ମାନିତ କରିଥିଲେ ଜିଲ୍ଲା ଆରକ୍ଷୀ ଅଧିକ୍ଷକ। ଆଜିର ବିଶେଷ ମୁହୂର୍ତ୍ତରେ ଜିଲ୍ଲା ଆରକ୍ଷୀ ଅଧିକ୍ଷକ ପୂର୍ବତନ ପୋଲିସ ଅଧିକାରୀ ଓ ଏନସିସି କ୍ୟାଡେଟ ସହ ମତ ବିନିମୟ କରିଥିଲେ।
ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାନୁଷ୍ଠାନ ପକ୍ଷରୁ ଉତ୍କଳ ଦିବସ ପାଳନ

ଆଜି ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାନୁଷ୍ଠାନ, କେନ୍ଦୁଝରଗଡ଼ ପକ୍ଷରୁ ଉତ୍କଳ ଦିବସ ପାଳନ କରାଯାଇଛି । ଶ୍ରୀଅରବିନ୍ଦ ‘ଶ୍ରୀମା’ଙ୍କ ଉଦ୍ଦେଶ୍ୟରେ ଶାନ୍ତିପୂର୍ଣ୍ଣ ନିରବ ପ୍ରାର୍ଥନା କରାଯାଇ ଶିକ୍ଷାନୁଷ୍ଠାନ ପକ୍ଷରୁ ବନ୍ଦେ ଉତ୍କଳ ଜନନୀ ସ୍ଲୋଗାନ ଦେବା ସହ ଓଡିଶା ତଥା ଓଡ଼ିଆ ଗୌରବର ପରିଚୟ ଆମେ ଓଡ଼ିଆ ଆମେ ବଢିଆ.. କବିତାର ଗୁଞ୍ଜରଣ କରି ଜିଲ୍ଲାପାଳ ଅଫିସ ଅଭିମୁଖେ ଛାତ୍ରଛାତ୍ରୀ ମାନେ ପ୍ରଭାତ ଫେରି ବାହାରି ଥିବା ଦେଖାଯାଇଥିଲା। ଜିଲ୍ଲାପାଳ ଅଫିସ ଠାରେ ବନ୍ଦେ ଉତ୍କଳ ଜନନୀ ଗାନ କରାଯିବା ସହିତ ଉତ୍କଳମଣି ଗୋପବନ୍ଧୁ ଦାସଙ୍କ, ଦେଶର ବରପୁତ୍ର ସୁବାଷ ବୋଷ, ଉତ୍କଳ ଗୌରବ ମଧୁସୂଦନ ଦାସଙ୍କର ଜୟଗାନ କରାଯାଇଥିଲା।

ସେହିପରି ସ୍କୁଲରେ ମଧ୍ୟ ଓଡିଶା ପ୍ରଦେଶ ଗଠନ ନେଇ, ସ୍କୁଲର ଭାଇ ଭଉଣୀ ମାନେ ଉଦବୋଧନ ଦେଇ, ଦେଶ ଭକ୍ତି ଉଦ୍ଦେଶ୍ୟ କବିତା ତଥା ସଂଗୀତ ଗାନ କରଥିବା ଦେଖା ଯାଇଥିଲା। ଏଥିରେ ସ୍କୁଲ ଅଧ୍ୟକ୍ଷ ପଦ୍ମ ଲୋଚନ ମହାନ୍ତ ନେତୃତ୍ୱ କରିବା ସହିତ ସବୁ କାର୍ଯ୍ୟକ୍ରମରେ ମହେନ୍ଦ୍ର ସାର, ଅମିତ ଭାଇ, ଅଜୟ ଭାଇ, ଗୋକୁଳ ଭାଇ, ପ୍ରତିଭା ଅପା, ଜଲ୍ଲି ଅପା, ପଦ୍ମିନୀ ଅପାଙ୍କ ସାହାର୍ଯ୍ୟ ସହଯୋଗ ରହିଥିଲା।