Tag: #suchana news

ରାଜ୍ୟସଭା ରେସ୍‌ରେ ତିବ୍ର ଲବିଂ: ବିଜେଡି ଓ ବିଜେପିରେ ପ୍ରାର୍ଥୀ ଚୟନ ନେଇ ଚଞ୍ଚଳତା

ରାଜ୍ୟସଭା ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ରାଜନୈତିକ ମହଳରେ ଚଞ୍ଚଲ୍ୟତା ଖେଳିଯାଇଛି | କିଏ ଯିବେ ରାଜ୍ୟସଭାକୁ, ତାହାକୁ ନେଇ ଆରମ୍ଭ ହୋଇଛି ଅଙ୍କକଷା | ରାଜ୍ୟର ପ୍ରମୁଖ ଦଳ ବିଜେଡି ଓ ବିଜେପି ମଧ୍ୟରେ ପ୍ରାର୍ଥୀ ଚୟନକୁ ନେଇ ଚର୍ଚ୍ଚା ତିବ୍ର ଧରିଛି |

ଖବର ଅନୁସାରେ, ଦିନେ ଦୁଇଦିନ ମଧ୍ୟରେ ବିଜେଡି ପକ୍ଷରୁ ରାଜ୍ୟସଭା ପ୍ରାର୍ଥୀଙ୍କ ନାଁ ଘୋଷଣା ହୋଇପାରେ। ଗତକାଲି ସାଂସଦ ସସ୍ମିତ୍ ପାତ୍ର ବିଧାନସଭା ସମ୍ମିଳନୀ କକ୍ଷରୁ ୬ ସେଟ୍ ନାମାଙ୍କନ ଫର୍ମ ନେଇଥିବା ଖବର ମିଳିଛି। ଏହା ପରେ ତାଙ୍କ ନାଁ ପୁନଃ ପ୍ରାର୍ଥୀ ଭାବେ ଚର୍ଚ୍ଚାରେ ଆସିଛି। ସବୁଥର ଭଳି ଏଥର ମଧ୍ୟ ବିଜେଡି ସୁପ୍ରିମୋ ନବୀନ ପଟ୍ଟନାୟକ ସରପ୍ରାଇଜ୍ କାର୍ଡ ଖେଳିପାରନ୍ତି ବୋଲି ଦଳୀୟ ମହଳରେ ଆଲୋଚନା ଚାଲିଛି।

ଅନ୍ୟପଟେ ବିଜେପି ମଧ୍ୟ କୌଣସି ମୁହୂର୍ତ୍ତରେ ନିଜ ପ୍ରାର୍ଥୀଙ୍କ ନାଁ ଘୋଷଣା କରିପାରେ। ରେସ୍‌ରେ ସବୁଠାରୁ ଆଗରେ ଅଛନ୍ତି ସୁଜିତ୍ କୁମାର। ସେହିପରି ମନମୋହନ ସାମଲ, ବିଜୟପାଲ ସିଂ ତୋମାର, ଗୋଲକ ମହାପାତ୍ର ଓ ସମୀର ମହାନ୍ତିଙ୍କ ନାଁ ମଧ୍ୟ ଚର୍ଚ୍ଚାରେ ରହିଛି। ତେବେ ଶେଷ ନିଷ୍ପତ୍ତି ପାର୍ଟିର ସଂସଦୀୟ ବୋର୍ଡ ବୈଠକରେ ହେବ। ବିଧାନସଭାରେ ଦଳଗୁଡ଼ିକର ସଂଖ୍ୟାବଳକୁ ଦେଖିଲେ ରାଜ୍ୟସଭା ସିଟ୍ ବଣ୍ଟନରେ ଗଣିତ ଗୁରୁତ୍ୱପୂର୍ଣ୍ଣ ଭୂମିକା ନେବ। ଏହିପରିସ୍ଥିତିରେ ଶେଷ ପର୍ଯ୍ୟନ୍ତ କେଉଁ ଦଳ କାହାକୁ ପ୍ରାର୍ଥୀ କରେ, ସେଥିପାଇଁ ରାଜନୈତିକ ମହଳର ନଜର ରହିଛି। ରାଜ୍ୟସଭା ନିର୍ବାଚନକୁ ନେଇ ଆଗାମୀ କିଛି ଦିନ ରାଜ୍ୟ ରାଜନୀତିରେ ତିବ୍ର ଚଞ୍ଚଳତା ଜାରି ରହିବା ସମ୍ଭାବନା ରହିଛି।
ବିଜୁ ମୈଦାନ, ପାରାଦ୍ଵୀପରେ ଆତ୍ମନିର୍ଭର ଭାରତ ଓ ସ୍ବଦେଶୀ ମେଳା ଆରମ୍ଭ

ପାରାଦ୍ଵୀପ ବିଜୁ ମୈଦାନ ବାଲିଯାତ୍ରା ପଡିଆରେ ଜିଲ୍ଲା ପ୍ରଶାସନ ପକ୍ଷରୁ “ଆତ୍ମନିର୍ଭର ଭାରତ ଓ ସ୍ବଦେଶୀ ମେଳା” ଉଦଘାଟିତ ହୋଇଯାଇଛି। ୫ ଦିନ ଧରି ଚାଲିବାକୁ ଥିବା ଏହି ମେଳାରେ ଜଗତସିଂହପୁର ଜିଲ୍ଲା ସହ ଜିଲ୍ଲା ବାହାରର ମହିଳା ଓ ଯୁବ ଉଦ୍ୟୋଗୀମାନେ ଯୋଗଦେଇଛନ୍ତି।

ମେଳାରେ ପ୍ରାୟ ୨୦୦ଟି ଷ୍ଟଲ୍‌ ଖୋଲାଯାଇଛି। ଏଠାରେ ହାତ ତିଆରି ଘରକରଣା ସାମଗ୍ରୀ, ଖେଳନା, ହସ୍ତତନ୍ତ ଲୁଗା ଓ ବିଭିନ୍ନ ସ୍ବଦେଶୀ ପଣ୍ୟର ପ୍ରଦର୍ଶନୀ ଲାଗିଛି। ସାଧାରଣ ଲୋକଙ୍କ ଭଲ ପ୍ରତିସାଦ ମିଳିବା ସହ ଉଦ୍ୟୋଗୀମାନେ ଭଲ ବ୍ୟବସାୟ କରିବେ ବୋଲି ଜିଲ୍ଲା ଓ ମ୍ୟୁନିସିପାଲଟି ପ୍ରଶାସନ ଆଶା ପ୍ରକାଶ କରିଛନ୍ତି।ମେଳାର ମୁଖ୍ୟ ଉଦ୍ଦେଶ୍ୟ ହେଲା ଲୋକମାନଙ୍କୁ ଆତ୍ମନିର୍ଭରଶୀଳ ହେବାକୁ ପ୍ରୋତ୍ସାହନ ଦେବା। ଏଠାକୁ ଆସୁଥିବା ଲୋକମାନେ ନିଜେ କିପରି ଛୋଟ ଉଦ୍ୟମ ଆରମ୍ଭ କରିପାରିବେ, ସେଥିପାଇଁ ଅଭିଜ୍ଞତା ଓ ପ୍ରେରଣା ହାସଲ କରିପାରିବେ। ଏହା ସ୍ଥାନୀୟ ଅଞ୍ଚଳର ଆର୍ଥିକ ଓ ସାମାଜିକ ବିକାଶରେ ସହାୟକ ହେବ ବୋଲି କୁହାଯାଇଛି।

ଉଦଘାଟନୀ ଉତ୍ସବରେ ସ୍ଥାନୀୟ ବିଧାୟକ ଓ ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଏହା ସହ ବିଭୁପ୍ରସାଦ ତରାଇ, ମ୍ୟୁନିସିପାଲଟି ଅଧ୍ୟକ୍ଷ ବସନ୍ତ ବିଶ୍ବାଳ, ଅତିରିକ୍ତ ଜିଲ୍ଲାପାଳ ଜ୍ୟୋତି ଶଙ୍କର ରାୟ, କୁଜଙ୍ଗ ବିଡ଼ିଓ ଦୀପକ ପ୍ରସାଦ ସ୍ବାଇଁ ଓ ଉପ ଜିଲ୍ଲାପାଳ ପ୍ରଶାନ୍ତ କୁମାର ତରାଇ ପ୍ରମୁଖ ଉପସ୍ଥିତ ଥିଲେ। ସେମାନେ ମହିଳା ଓ ଯୁବବର୍ଗଙ୍କୁ ଆତ୍ମନିର୍ଭର ହେବା ପାଇଁ ପରାମର୍ଶ ଦେଇଥିଲେ। ଏହି ମେଳା ସ୍ଥାନୀୟ ଉଦ୍ୟୋଗୀମାନଙ୍କ ପାଇଁ ଏକ ବଡ଼ ମଞ୍ଚ ହୋଇ ଉଭୁ କରିଛି।
ବିକୃତ ଯୁବକକୁ ନିର୍ଘାତିଆ ମାଡ଼

ବର୍ବରତା ର ସୀମା ଟପିଲେ ଯୁବକ। ଜଣେ ମାନସିକ ବିକୃତ ଯୁବକକୁ ନିର୍ଘାତ ମାଡ଼ ମାରିବା ସହିତ ଭିଡିଓ ଉତ୍ତୋଳନ କରି ଏହାକୁ ବିଭିନ୍ନ ଗୃପରେ ଭାଇରାଲ କରିଛନ୍ତି। ଏଭଳି ଅଭାବନୀୟ ଅମାନୁଷିକ କାର୍ଯ୍ୟ ଘଟିଛି ପାରାଦ୍ଵୀପ ଷଣ୍ଢକୁଦ ବସ୍ତି ଅଞ୍ଚଳରେ। ମାନସିକ ବିକୃତ ଯୁବକ ଜଣଙ୍କ ଗତ କିଛି ବର୍ଷ ହେଲା ଷଣ୍ଢକୁଦ ବସ୍ତି ଅଞ୍ଚଳରେ ଘୁରି ବୁଲୁଥିବା ବେଳେ କେତେବେଳେ କେମିତି ବାହାରେ ଶୁଖୁଥିବା ଡ୍ରେସ୍ ଗୁଡିକ ଉଠାଇ ନିଅନ୍ତି। ଯେହେତୁ ତାଙ୍କର ମାନସିକ ବିକୃତି ରହିଛି, ତେଣୁ ଲୋକମାନେ ତାକୁ କିଛି କୁହନ୍ତି ନାହିଁ।

ହେଲେ ସ୍ଥାନୀୟ କିଛି ଯୁବକ ତାଙ୍କୁ ଏକ ଘରେ ପୁରାଇ ପାଖାପାଖି ଦୁଇ ଘଣ୍ଟା କାଳ ଏକ ତାର କେବୁଲ୍ ଓ ବାଡ଼ି ସାହାଯ୍ୟରେ ବାଡ଼େଇବା ସହିତ ବିଧା ଗୋଇଠା ମଧ୍ୟ ମାରୁଥିବା ଭିଡିଓ ରେ ଦେଖିବାକୁ ମିଳିଛି। ଏଭଳି ଘଟଣା କେଉଁଦିନ ଘଟିଛି ତାହା ସ୍ପଷ୍ଟ ହୋଇନଥିଲେ ମଧ୍ୟ ଆଜି ସକାଳୁ ଏହାର ଦୁଇଟି ଭିଡିଓ ବିଭିନ୍ନ ହ୍ବାଟ୍ସ ଆପ ଗୃପରେ ଘୁରି ବୁଲୁଛି। ଯାହା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଥିବା ବେଳେ ପୋଲିସ ଏହା ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ।
ଅଶ୍ଳୀଳ କଣ୍ଟେଣ୍ଟ ଉପରେ କେନ୍ଦ୍ରର କଠୋର ଆକ୍ସନ୍: ୫ ଓଟିଟି ପ୍ଲାଟଫର୍ମ ବନ୍ଦ

ମଙ୍ଗଳବାର କେନ୍ଦ୍ର ସରକାର ଅଶ୍ଳୀଳ ଓ ଆପତ୍ତିଜନକ ବିଷୟବସ୍ତୁ ପ୍ରସାରଣ କରୁଥିବା ୫ଟି ଓଟିଟି ପ୍ଲାଟଫର୍ମକୁ ବନ୍ଦ କରିବାକୁ ବଡ଼ ପଦକ୍ଷେପ ନେଇଛନ୍ତି। Ministry of Information and Broadcasting ପକ୍ଷରୁ ଜାରି ହୋଇଥିବା ନିର୍ଦ୍ଦେଶ ଅନୁଯାୟୀ ଏହି ପ୍ଲାଟଫର୍ମଗୁଡ଼ିକୁ ତୁରନ୍ତ ଅବରୋଧ କରିବାକୁ କୁହାଯାଇଛି।

ବନ୍ଦ ହୋଇଥିବା ପ୍ଲାଟଫର୍ମମାନଙ୍କ ମଧ୍ୟରେ MoodXVIP, Koyal PlayPro, Digi Movieplex, Feel ଓ Jugnu ରହିଛି। ଏହି ସବୁ ଓଟିଟି ମାଧ୍ୟମରେ ଅଶ୍ଳୀଳ ଓ ସାମାଜିକ ଶାଳୀନତା ବିରୋଧୀ କଣ୍ଟେଣ୍ଟ ପ୍ରସାରିତ ହେଉଥିବା ଅଭିଯୋଗ ଥିଲା। ସରକାର Information Technology Act 2000ର ଧାରା 69A ଅନୁଯାୟୀ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏହି ଧାରା ଅନୁସାରେ ସରକାର ଜାତୀୟ ସୁରକ୍ଷା, ସାର୍ବଜନୀନ ଶାଳୀନତା ଓ ନୈତିକତାକୁ କ୍ଷତି ପହଞ୍ଚାଉଥିବା ଅନଲାଇନ ବିଷୟବସ୍ତୁକୁ ବନ୍ଦ କରିପାରିବେ। ସେଥିସହିତ Information Technology Rules 2021 ଅନୁଯାୟୀ ଇଣ୍ଟରନେଟ୍ ସେବା ପ୍ରଦାନକାରୀଙ୍କୁ ଏହି ପ୍ଲାଟଫର୍ମଗୁଡ଼ିକୁ ଅବରୋଧ କରିବା ପାଇଁ ନିର୍ଦ୍ଦେଶ ଦିଆଯାଇଛି।

କେନ୍ଦ୍ର ସରକାର କହିଛନ୍ତି ଯେ, ଡିଜିଟାଲ୍ ପ୍ଲାଟଫର୍ମରେ ସାମ୍ବାଦିକତା ନୈତିକତା ଓ ସାର୍ବଜନୀନ ଶାଳୀନତାକୁ ବଜାୟ ରଖିବା ଏବଂ ଯୁବପିଢ଼ୀଙ୍କୁ ଅପପ୍ରଭାବରୁ ସୁରକ୍ଷା କରିବା ପାଇଁ ଏପରି ପଦକ୍ଷେପ ଆବଶ୍ୟକ। ଉଲ୍ଲେଖନୀୟ ଯେ, ଗତବର୍ଷ ଜୁଲାଇ ମାସରେ ମଧ୍ୟ ଅଶ୍ଳୀଳ ଓ ଆପତ୍ତିଜନକ କଣ୍ଟେଣ୍ଟ ପ୍ରସାରଣ କରୁଥିବା ଅନେକ ଆପ୍‌ ଓ ୱେବସାଇଟ୍‌କୁ ସରକାର ବନ୍ଦ କରିଥିଲେ। ଏହାରୁ ସ୍ପଷ୍ଟ ଯେ, ଡିଜିଟାଲ୍ ମାଧ୍ୟମରେ ଅନୁଚିତ ବିଷୟବସ୍ତୁ ପ୍ରତି କେନ୍ଦ୍ର ସରକାର କଠୋର ମନୋଭାବ ଅବଲମ୍ବନ କରୁଛନ୍ତି।
ମାର୍ଚ୍ଚ ପ୍ରଥମ ସପ୍ତାହରେ ହେବ ରତ୍ନଭଣ୍ଡାର ଗଣତି

ଭୁବନେଶ୍ୱର: ମାର୍ଚ୍ଚ ମାସର ପ୍ରଥମ ସପ୍ତାହରେ ରତ୍ନଭଣ୍ଡାର ଗଣତି ମଣତି ଆରମ୍ଭ କରାଯିବ। ଏହି ମହତ୍ତ୍ୱପୂର୍ଣ୍ଣ ଘଟଣା ସମ୍ବନ୍ଧରେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଘୋଷଣା କରିଛନ୍ତି। ଖବର ଅନୁଯାୟୀ, ଗଣତି ପ୍ରକ୍ରିୟାକୁ ଦୁଇଟି ଟିମ୍ ମଧ୍ୟରେ ଭାଗ କରି, ପ୍ରତ୍ୟେକ ଟିମ୍ ନିର୍ଦ୍ଦିଷ୍ଟ କ୍ଷେତ୍ରରେ ରତ୍ନଭଣ୍ଡାର ଗଣନା ପାଇଁ ଦାୟିତ୍ୱ ନେବ। ଆଇନ ମନ୍ତ୍ରୀ କହିଛନ୍ତି ଯେ ,କାର୍ଯ୍ୟକରିତା କମିଟି ଓ ମନ୍ଦିର ପ୍ରଶାସନକୁ ଏହି ପ୍ରକ୍ରିୟାର ଦାୟିତ୍ୱ ଦିଆଯାଇଛି। ସେମାନେ ଛତିଶା ନିଯୋଗ ସହିତ ଆଲୋଚନା କରି, ଠାକୁରଙ୍କ ନୀତିକାନ୍ତି ଅନୁଯାୟୀ ଗଣତି ପ୍ରକ୍ରିୟାର ଦିନ ଓ ସମୟ ନିର୍ଦ୍ଧାରଣ କରିବେ। ଗଣତି ପ୍ରକ୍ରିୟା ସୁରକ୍ଷିତ ଓ ପାରଦର୍ଶୀ ଭାବରେ ଚାଲିବା ପାଇଁ ଭିନ୍ନ ନିୟମ ଓ ପ୍ରକ୍ରିୟା ତିଆରି କରାଯାଇଛି। ଗତକାଲି ଏହି ବିଷୟରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଗଣତି ମଣତି ପ୍ରକ୍ରିୟା, ରତ୍ନଭଣ୍ଡାର ସୁରକ୍ଷା ଓ ଏହାର ସଂରକ୍ଷଣ ବିଷୟରେ ଚର୍ଚ୍ଚା ହୋଇଥିଲା। ସୂଚନା ଅନୁଯାୟୀ, ଗଣତି ପ୍ରକ୍ରିୟାରେ ଦୁଇଟି ଭିନ୍ନ ଟିମ୍ ନିୟୋଜିତ ହେବା ସହିତ, ପ୍ରତ୍ୟେକ ଟିମ୍ ରତ୍ନଭଣ୍ଡାର ନିର୍ଦ୍ଦିଷ୍ଟ ଅଂଶର ଗଣନା ନିଶ୍ଚିତ କରିବ। ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ, ଯାହା ଠାକୁରଙ୍କ ଧନ-ଦ୍ରବ୍ୟର ସୁରକ୍ଷା ଏବଂ ମନ୍ଦିର ପରିଚାଳନାର ପାରଦର୍ଶୀତା ବଢ଼ାଇବ।
ଭିଜିଲାନ୍ସରେ ଧରା ପଡ଼ିଲେ କଟକ ଖଣି ଉପନିର୍ଦ୍ଦେଶକ,₹4 କୋଟି ଜବତ

ଭିଜିଲାନ୍ସ ହାତରେ ଧରା ପଡିଲେ ଖଣି ଉପ ନିର୍ଦ୍ଦେଶକ ଦେବବ୍ରତ ମହାନ୍ତି। ଆଳୁ ଖୋଳୁ ଖୋଳୁ ମହାଦେବ ବାହାରିଲା ପରି ହୋଇଛି ବାବୁଙ୍କ ପର୍ଦ୍ଦାଫାଶ। ଟଙ୍କାର ପାହାଡ଼ କରିକି ବି ବାବୁଙ୍କର ଛାଡି ନଥିଲା ଲୋଭ। ୩୦ ହଜାର ଟଙ୍କା ଲାଞ୍ଚ ନେବାବେଳେ ମାଡ଼ି ବସିଲା ଭିଜିଲାନ୍ସ । କଟକ ସର୍କଲ ଖଣି ଉପନିର୍ଦ୍ଦେଶକ ଦେବବ୍ରତ ମହାନ୍ତି । ଜଣେ ଲାଇସେନ୍ସପ୍ରାପ୍ତ କୋଇଲା ବ୍ୟବସାୟୀଙ୍କଠାରୁ ମଙ୍ଗଳବାର ରାତିରେ ୩୦ ହଜାର ଟଙ୍କା ଲାଞ୍ଚ ନେଉଥିଲା ବେଳେ ଭିଜିଲାନ୍ସ ପଞ୍ଝାରେ ପଡ଼ିଛନ୍ତି। ଆଜି ଦେବବ୍ରତ ମହାନ୍ତିଙ୍କ ୩ଟି ଠିକଣାରେ ଏକକାଳୀନ ଚଢ଼ାଉ କରାଯାଇଛି । ତଢାଉ ସମୟରେ ତାଙ୍କ ଘରୁ ନଗଦ 4 କୋଟିରୁ ଅଧିକ ଟଙ୍କା ଜବତ ହୋଇଛି । ସୂଚନା ଅନୁଯାୟୀ, କୋଇଲା ଡିପୋ ଭଲରେ ଚାଲିବା ତଥା ପରିବହନ ପାଇଁ ଅନୁମତି ଦେବା ପ୍ରତିଶ୍ରୁତି ଦେଇ ଖଣି ଉପ ନିର୍ଦ୍ଦେଶକ ଦେବବ୍ରତ ମହାନ୍ତି ଲାଞ୍ଚ ନେଉଥିଲେ । ଆଉ ଚୋର ଘର ସବୁବେଳେ ଅନ୍ଧାର ନଥିବା ଭଳି ଧରା ପଡ଼ିଯାଇଥିଲେ । ପରେ ଭୁବନେଶ୍ୱର ଭିଜିଲାନ୍ସ ଥାନା ପକ୍ଷରୁ ମାମଲା ରୁଜୁ କରାଯାଇଛି । ଏ ନେଇ ଦେବବ୍ରତଙ୍କୁ ଅଧିକ ପଚରାଉଚରା ଜାରି ରହିଛି ।

ଭିଜିଲାନ୍ସ ପକ୍ଷରୁ ମିଳିଥିବା ସୂଚନା ଅନୁସାରେ, ଆଜି ଅର୍ଥାତ ବୁଧବାର ଖଣି ଉପନିର୍ଦ୍ଦେଶକ ଦେବବ୍ରତ ମହାନ୍ତିଙ୍କ ଭୁବନେଶ୍ୱର ଶ୍ରୀବିହାର ନେଚର୍ସ ଆପର୍ଟମେଣ୍ଟ ଫ୍ଲାଟ ନଂ-302 ସ୍ଥିତ ବାସଭବନରେ ତଢାଉ କରାଯାଇ 4 କୋଟିରୁ ଅଧିକ ନଗଦ ଟଙ୍କା ଜବତ ହୋଇଛି । ଭିଜିଲାନ୍ସ ଇତିହାସରେ ଏହା ସର୍ବାଧିକ ଟଙ୍କା ଜବତ ହୋଇଥିବା ବିଭାଗ ପକ୍ଷରୁ କୁହାଯାଇଛି । ଏହି ଟଙ୍କା ଏକ ଟ୍ରଲି ବ୍ୟାଗରେ ଏବଂ ଆଲମିରାରେ ଲୁଚାଇ ରଖାଯାଇଥିଲା । ଭିଜିଲାନ୍ସ ଟିମ ଟଙ୍କା ଗଣି ଗଣି ନୟାନ୍ତ ହେଲେଣି। ଏହା ବ୍ୟତୀତ ମହାନ୍ତିଙ୍କ ଅଫିସ ଡ୍ରୟାରରୁ ଏକ ଲକ୍ଷ 20 ହଜାର ଟଙ୍କା ଜବତ କରାଯାଇଛି । ଏଥିସହିତ ତାଙ୍କ ପୈତୃକ ଘର ଭଦ୍ରକ ମଠସାହିସ୍ଥିତ ଘର, କଟକ ଅଫିସରେ ଚଢାଉ ଚାଲିଛି ।

ଏସବୁ ବ୍ୟତୀତ ଖଣି ଉପନିର୍ଦ୍ଦେଶକ ଦେବବ୍ରତ ମହାନ୍ତି ଭୁବନେଶ୍ପର ପାହାଳ ନିକଟରେ 2400 ବର୍ଗଫୁଟର ଏକ ଦୁଇ ମହଲା କୋଠା, 130 ଗ୍ରାମର ସୁନା ଭିଜିଲାନ୍ସ ଠାବ କରିଛି । ଏନେଇ ଭୁବନେଶ୍ୱର ଭିଜିଲାନ୍ସ ଥାନା ପକ୍ଷରୁ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି। ଏବେ ସୁଦ୍ଧା ଚଢାଉ ଜାରି ରହିଛି । ତେବେ ଚଢାଉ ପରେ ତାଙ୍କର ସମସ୍ତ ସମ୍ପତ୍ତିର ଆକଳନ କରାଯିବ । ଆଉ ତାହା କେତେ ହେବ ତା ଉପରେ ସମସ୍ତଙ୍କ ନଜର ରହିଛି।
ପାରାଦ୍ଵୀପ ବଡ଼ପଡ଼ିଆ ପରିବା ମାର୍କେଟରେ ଭୟାବହ ଅଗ୍ନିକାଣ୍ଡ: ୭୦ରୁ ଅଧିକ ଦୋକାନ ଭସ୍ମ, କ୍ଷତିଗ୍ରସ୍ତଙ୍କୁ ଭେଟିଲେ ବାପି ସାର୍ଖେଲ

ଘଟୁଛି ଦୁର୍ଘଟଣା ତୁନି ସମସ୍ଯା। ଏହି ଦୁର୍ଘଟଣା ଏମିତି ଭାବରେ ଘଟିଚାଲିଛି ଯାହା ସାଧାରଣ ଲୋକଙ୍କ କ୍ଷତିଗ୍ରସ୍ତ ହେବାରେ ଲାଗିଛି। ଆସନ୍ତା କାଲି ରାଜଧାନୀ ସୁପରମାର୍ଟ ରେ ଘଟିଥିବା ଅଗ୍ନିକାଣ୍ଡର ଭୟ ଲୋକଙ୍କ ମନରୁ ନ ଲିଭୁଣୁ, ପୁଣି ଏକ ଘଟଣା ପାରାଦ୍ଵୀପର ବଡ଼ପଡ଼ିଆ ପରିବା ମାର୍କେଟରେ ଘଟିଥିବା ଭୟାବହ ଅଗ୍ନିକାଣ୍ଡ ସମ୍ପୂର୍ଣ୍ଣ ଅଞ୍ଚଳକୁ ଶୋକାକୁଳ କରିଦେଇଛି। ଅଗ୍ନିକାଣ୍ଡ ଘଟି ୭୦ ରୁ ଉର୍ଦ୍ଧ୍ୱ ଦୋକାନ ପୋଡ଼ି କୋଟି କୋଟି ଟଙ୍କାର ସମ୍ପତ୍ତି ନଷ୍ଟ ହେବା ଘଟଣା।

କ୍ଷତିଗ୍ରସ୍ତ ପରିବା ବ୍ୟବସାୟୀ ଙ୍କୁ ଭେଟିଲେ ବିଜେଡି ନେତା ବାପି ସାର୍ଖେଲ। ସ୍ଥାନୀୟ ପାରିଷଦ ଓ ଦଳୀୟ କର୍ମୀମାନଙ୍କ ସହିତ ପରିବା ବ୍ୟବସାୟୀ ମାନଙ୍କୁ ଭେଟି ଆଲୋଚନା କରିବା ସହିତ କ୍ଷୟକ୍ଷତି ସମ୍ପର୍କରେ ପଚାରି ବୁଝିଛନ୍ତି। ଦୀର୍ଘ ୪୦ ବର୍ଷ ହେଲା ସେମାନେ ଏଠାରେ ଜରି ପାଲ ବାନ୍ଧି ବ୍ୟବସାୟ କରୁଛନ୍ତି। ବର୍ଷା ଦିନେ ବ୍ୟବସାୟୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବନ୍ଦର ର ଏହି ଜଗା ଟି ଛୋଟ ହେଉଛି ତେଣୁ ପାରାଦ୍ଵୀପ ବନ୍ଦର ଅଧ୍ୟକ୍ଷ ଙ୍କ ସହିତ ଆଲୋଚନା କରି ଏଠାରେ ବାଲି ପକାଇ ଭେଣ୍ଡିଂ ଜୋନ୍ ତିଆରି କରାଇବା ପାଇଁ ବ୍ୟବସ୍ଥା କରିବା ପାଇଁ ବ୍ୟବସାୟୀଙ୍କୁ ପ୍ରତିଶ୍ରୁତି ଦେଇଛନ୍ତି ବାପି ସର୍ଖେଲ। ଯାହାଦ୍ବା ପରିବା ବ୍ୟବସାୟୀ ମାନଙ୍କର ଦିର୍ଘ ଦିନର ସମସ୍ୟା ସମାଧାନ ହେବା ସହିତ ଉଠା ଦୋକାନୀ ମାନେ ମଧ୍ୟ ବ୍ୟବସାୟ କରିବାରେ ସୁବିଧା ହେବ ବୋଲି ସିଏ ପ୍ରକାଶ କରିଛନ୍ତି।
ଲକ୍ଷ୍ନୌ ବିଶ୍ୱବିଦ୍ୟାଳୟରେ ଧାର୍ମିକ ପାଠକୁ ନେଇ ଉତ୍ତେଜନା

ଲକ୍ଷ୍ନୌ ବିଶ୍ୱବିଦ୍ୟାଳୟ କ୍ୟାମ୍ପସରେ ଧାର୍ମିକ ପାଠକୁ ନେଇ ଦୁଇ ଦଳ ଛାତ୍ରଙ୍କ ମଧ୍ୟରେ ତିବ୍ର ବିବାଦ ସୃଷ୍ଟି ହୋଇଥିବାରୁ ଉତ୍ତେଜନା ଚରମସୀମାକୁ ପହଞ୍ଚିଛି। ଗତକାଲି ନମାଜ ପାଠକୁ ନେଇ ବିରୋଧ ପ୍ରଦର୍ଶନ ହେବା ପରେ, ଆଜି ହନୁମାନ ଚାଳିଶା ପାଠକୁ ନେଇ ଅବସ୍ଥା ଆହୁରି ଗୁରୁତର ହୋଇଯାଇଛି।

ସକାଳଠୁ ଅନେକ ଛାତ୍ର ବିଶ୍ୱବିଦ୍ୟାଳୟର ମୁଖ୍ୟ ଫାଟକରେ ଏକାଠି ହୋଇ ନାରାବାଜୀ କରୁଛନ୍ତି। ଅବସ୍ଥା ଅନିୟନ୍ତ୍ରିତ ହୋଇପାରେ ବୋଲି ପୁଲିସ ମୁତୟନ କରାଯାଇଛି। ଅନେକ ପ୍ରଦର୍ଶନକାରୀ ଛାତ୍ରଙ୍କୁ ବଳପୂର୍ବକ ହଟାଇ ଅଟକ ରଖାଯାଇଛି। ଲାଲ ବରାଦାରୀ ଅଞ୍ଚଳରେ ନମାଜ ପାଠ କରିଥିବା 13 ଛାତ୍ରଙ୍କୁ ବିଶ୍ୱବିଦ୍ୟାଳୟ ପ୍ରଶାସନର ତରଫରୁ ନୋଟିସ ଜାରି ହୋଇଛି। ଶାନ୍ତି ଭଙ୍ଗର ଅଭିଯୋଗରେ ପ୍ରତ୍ୟେକଙ୍କ ଉପରେ 50,000 ଟଙ୍କା ପର୍ଯ୍ୟନ୍ତ ଜରିମାନା ଲାଗୁ କରାଯାଇଛି।

ବିକ୍ଷୋଭକାରୀ ଛାତ୍ରମାନେ ଦାବି କରୁଛନ୍ତି ଯେ, ମସଜିଦ ପ୍ରବେଶ ଦ୍ୱାରକୁ ଜାଣିଶୁଣି ବନ୍ଦ କରାଯାଇଛି, ଯାହା ସେମାନଙ୍କ ଧାର୍ମିକ ସ୍ୱାଧୀନତାକୁ ଠେସ ପହଞ୍ଚାଉଛି। ଅନ୍ୟପଟେ, ବିଶ୍ୱବିଦ୍ୟାଳୟ ପ୍ରଶାସନ ଓ ପୁଲିସର ପକ୍ଷରେ କୁହାଯାଇଛି ଯେ ,ଏହି ସ୍ଥାନରେ ନିର୍ମାଣ କାମ ଚାଲିଥିବାରୁ ସୁରକ୍ଷା ଦୃଷ୍ଟିରୁ ବ୍ୟାରିକେଡ୍ ଲଗାଯାଇଛି। ସୋମବାର ସକାଳେ ନମାଜ ପାଠକୁ ନେଇ ହିନ୍ଦୁ ଓ ମୁସଲିମ ଛାତ୍ର ଦଳ ମଧ୍ୟରେ ତୀବ୍ର ବିବାଦ ହୋଇଥିଲା | ତାହା ପରେ କ୍ୟାମ୍ପସ ରଣକ୍ଷେତ୍ର ପରିଣତ ହୋଇଥିଲା। ଗୋଟିଏ ପଟେ “ଜୟ ଶ୍ରୀ ରାମ” ନାରାବାଜୀ ଚାଲିଥିବାବେଳେ , ଅନ୍ୟପଟେ ବିରୋଧ ପ୍ରତିବାଦ ପରିସ୍ଥିତି ବେଶ ତୀବ୍ର ହୋଇଥିଲା।
ଭୁବନେଶ୍ୱରରେ ପ୍ରଥମ ବର୍ଷା, ପାଣିପାଗ ବିଭାଗ ପକ୍ଷରୁ ‘ୟେଲୋ ଆଲର୍ଟ’ ଜାରି

ଚଳିତ ବର୍ଷର ପ୍ରଥମ ବର୍ଷାକୁ ନେଇ ଭୁବନେଶ୍ୱର ପାଇଁ ଆଗାମୀ ୩ ଘଣ୍ଟା ପର୍ଯ୍ୟନ୍ତ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ। ମଧ୍ୟମ ଧାରଣର ବର୍ଷା ସହ ବିଜୁଳି ଘଡ଼ଘଡ଼ି ହେବାର ସମ୍ଭାବନା ଥିବାରୁ ସମସ୍ତିଙ୍କୁ ସତର୍କ ରହିବା ପାଇଁ ପରାମର୍ଶ ଦିଆଯାଇଛି |

ଖୋର୍ଦ୍ଧା, କଟକ,ପୁରୀ,ଜଗତସିଂହପୁର,ମୟୂରଭଞ୍ଜ,କେନ୍ଦୁଝର,ଗଞ୍ଜାମ,ଗଜପତି, ରାୟଗଡ଼ା ଓ କେନ୍ଦ୍ରାପଡ଼ା ଏହି ଜିଲ୍ଲାଗୁଡ଼ିକ ପାଇଁ ମଧ୍ୟ ୩ ଘଣ୍ଟାର ‘ୟେଲୋ ଆଲର୍ଟ’ ଜାରିକରାଯାଇଛି | ଏହି ଅଞ୍ଚଳଗୁଡ଼ିକରେ ବିଜୁଳି ସହିତ ଅଲ୍ପ ରୁ ମଧ୍ୟମ ବର୍ଷା ହେବାର ପୂର୍ବାନୁମାନ ରହିଛି।

ବରଗଡ଼ ଜିଲ୍ଲାରେ ଲଘୁଚାପ ଜନିତ ବର୍ଷାର ପ୍ରଭାବ ଦେଖାଯାଉଛି । ବିଗତ ୨୪ ଘଣ୍ଟାରେ ବିଭିନ୍ନ ସ୍ଥାନରେ ହୋଇଥିବା କୁଆ ବର୍ଷା ଏବଂ ଝଡ଼-ତୋଫାନ ଫଳରେ ଚାଷୀମାନେ ଚିନ୍ତିତ। ବରପାଲି ବ୍ଲକର କୁମ୍ଭାରି, ବାଦପାଲି, ଲାଉଁନସରା, ତୁମଗାଁ ଅଞ୍ଚଳରେ ଆଳୁ ଘୁଣ୍ଡି ଧରି ହୋଇ ଥିବା ବର୍ଷା ସହ ତୀବ୍ର କୁଆପଥର ପଡ଼ିଛି। ଏହାର ଫଳରେ ଅନେକ ପରିବା ଚାଷରେ ଅଳ୍ପ କିମ୍ବା ବ୍ୟାପକ କ୍ଷୟକ୍ଷତି ହୋଇଥିବା ଚିତ୍ର ମିଳିଛି। କୁଆପଥର ଘାତରେ ଅମଳ ଗଛ ଭାଙ୍ଗି ପଡ଼ିବା, ପତ୍ର ଛିଣ୍ଡିଯିବା, ଏବଂ ଗଛର ଶୀର୍ଷ ଅଂଶ ନଷ୍ଟ ହେବା ପର୍ଯ୍ୟନ୍ତ ପ୍ରଭାବ ଦେଖାଦେଇଛି।ଯଦିଓ ବ୍ୟାପକ ଫସଲ କ୍ଷତିର ବିସ୍ତୃତ ଖୋଜ ଚାଳୁ ଅଛି, କୃଷକମାନଙ୍କ ଆଶଙ୍କା ଫସଲର ଉତ୍ପାଦନ ବହୁଳ ମାତ୍ରାରେ ହ୍ରାସ ପାଇପାରେ।
କେନ୍ଦ୍ର କ୍ୟାବିନେଟର ମହତ୍ତ୍ୱପୂର୍ଣ୍ଣ ନିଷ୍ପତ୍ତି: ‘କେରଳ’ ଏବେ ‘କେରଳମ୍‌’

ଭାରତ ସରକାର ଆଜି ବଡ଼ ପଦକ୍ଷେପ ନେଇଛନ୍ତି | କେନ୍ଦ୍ର କ୍ୟାବିନେଟ କେରଳର ନାମ ପରିବର୍ତ୍ତନ କରି “କେରଳମ୍‌” କରିବାକୁ ଅନୁମୋଦନ କରିଛନ୍ତି। ଏହାର ଘୋଷଣା କରିଛନ୍ତି ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ | ସେ କହିଛନ୍ତି, “ଭାଷା ଭିତ୍ତିରେ ରାଜ୍ୟ ଗଠନ ହେବାଠାରୁ ‘କେରଳମ୍‌’ ନାମର ଦାବି ଚାଲିଆସୁଛି। କେନ୍ଦ୍ର କ୍ୟାବିନେଟ ଏହି ଦୀର୍ଘଦିନର ଆବଶ୍ୟକତାକୁ ଆଜି ଅନୁମୋଦନ କରିଛି।” ଏହି ନିଷ୍ପତ୍ତି ଚାଲୁ ବର୍ଷ ହେବାକୁଥିବା କେରଳ ବିଧାନସଭା ନିର୍ବାଚନ ପୂର୍ବରୁ ନିଆଯାଇଥିବାରୁ ରାଜନୈତିକ ଭାବେ ମଧ୍ୟ ଗୁରୁତ୍ୱପୂର୍ଣ୍ଣ |

ମନ୍ତ୍ରୀ ବୈଷ୍ଣବ କହିଛନ୍ତି ଯେ ନାମ ପରିବର୍ତ୍ତନ ବିଲ୍‌ ଏବେ କେରଳ ବିଧାନସଭା ପାଖକୁ ଅନୁମୋଦନ ପାଇଁ ପଠାଯିବ। ନୂତନ ପ୍ରଧାନମନ୍ତ୍ରୀ କାର୍ଯ୍ୟାଳୟରେ ହୋଇଥିବା କ୍ୟାବିନେଟ ବୈଠକ ଥିଲା ଏହା ପ୍ରଥମ ବୈଠକ। ସେଠାରେ 1.4 କୋଟି ଲୋକଙ୍କ ସ୍ୱାର୍ଥକୁ ପ୍ରାଥମିକତା ଦେବାକୁ ସଂକଳ୍ପ ପାରିତ ହୋଇଛି। ୨୪ ଜୁନ୍ 2024 ରେ କେରଳ ବିଧାନସଭା ସର୍ବସମ୍ମତିକ୍ରମେ ସଂକଳ୍ପ ପାସ୍ କରି କେନ୍ଦ୍ରକୁ ‘କେରଳମ୍‌’ ନାମକରଣ ପାଇଁ ଅନୁରୋଧ କରିଥିଲା। ପ୍ରଥମ ସଂକଳ୍ପର ସମୀକ୍ଷା କରିବା ସମୟରେ କେନ୍ଦ୍ର ଗୃହ ମନ୍ତ୍ରଣାଳୟ କିଛି ବୈଷୟିକ ପରିବର୍ତ୍ତନ ପରାମର୍ଶ ଦେଇଥିବାରୁ କେରଳ ବିଧାନସଭା ଦ୍ୱିତୀୟ ଥର ପାଇଁ ସଂକଳ୍ପ ପାରିତ କରିଛି।କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ ଚାହୁଁଥିଲେ ଯେ କେନ୍ଦ୍ର ସରକାର ସମ୍ବିଧାନର ଅଷ୍ଟମ ଅନୁସୂଚୀରେ ତାଲିକାଭୁକ୍ତ ସମସ୍ତ ଭାଷାରେ ଦକ୍ଷିଣ ରାଜ୍ୟର ନାମ “କେରଳ” ରୁ “କେରଳମ୍‌” କରନ୍ତୁ। କେରଳ ବିଧାନସଭା ଅଗଷ୍ଟ ୨୦୨୩ ରେ ସମାନ ସର୍ବସମ୍ମତ ପ୍ରସ୍ତାବ ପାସ୍ କରି କେନ୍ଦ୍ର ସରକାରଙ୍କୁ ପଠାଇଥିଲା, କିନ୍ତୁ ଗୃହ ମନ୍ତ୍ରଣାଳୟ କିଛି ବୈଷୟିକ ପରିବର୍ତ୍ତନ ପାଇଁ ପରାମର୍ଶ ଦେଇଥିଲା।

ଭାରତୀୟ ଜନତା ପାର୍ଟିର କେରଳ ରାଜ୍ୟ ସଭାପତି ରାଜୀବ ଚନ୍ଦ୍ରଶେଖର ମଧ୍ୟ ଏହି ବର୍ଷ ଆରମ୍ଭରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖି ରାଜ୍ୟର ସରକାରୀ ନାମ “କେରଳ” ରୁ “କେରଳମ୍‌” କରିବାକୁ ଦାବି କରିଥିଲେ। ସେ କହିଥିଲେ ଯେ ‘କେରଳମ୍‌’ ନାମ ମାଲାୟଲମ ଭାଷା ଏବଂ ରାଜ୍ୟର ସାଂସ୍କୃତିକ ପରିଚୟ ସହିତ ଗଭୀର ଭାବରେ ଜଡିତ।