Tag: #suchana news

ଦୁର୍ବଳ ପୋଲୋ ଉପରେ ସେଲଫି ନେବା ପଡ଼ିଲା ମହଙ୍ଗା, ନେତାଙ୍କ ସମେତ ସମସ୍ତ ସମର୍ଥକ ଏକ ଧକ୍କାରେ ପଡ଼ିଲେ ତଳେ

ସୋସିଆଲ ମିଡିଆରେ ଲୋକମାନେ ସକାଳରୁ ସନ୍ଧ୍ୟା ପର୍ଯ୍ୟନ୍ତ କିଛି ନା କିଛି ପୋଷ୍ଟ କରି ଚାଲିଥାନ୍ତି ଯାହା ଆପଣ ଏବଂ ମୁଁ ଆମ ଟାଇମଲାଇନ୍‌ରେ ଦେଖିଥାଉ । କାହାର ଫିଡ୍‌ରେ ଭିଡିଓ ଥାଏ ଆଉ କାହାର ଫିଡ୍‌ରେ ଅନ୍ୟ କିଛି। ଏହା ବ୍ୟତୀତ ଲୋକମାନେ ସୋସିଆଲ ମିଡିଆରେ ଭାଇରାଲ ଭିଡିଓ ମଧ୍ୟ ଦେଖିବାକୁ ପାଆନ୍ତି। କେତେବେଳେ ଜୁଗାଡ୍, କେତେବେଳେ ଷ୍ଟଣ୍ଟ, କେତେବେଳେ ଡ୍ରାମା, କେତେବେଳେ ଝଗଡ଼ା, କେତେବେଳେ ନାଚ, କେତେବେଳେ ଲୋକଙ୍କ ସହିତ ଘଟିଥିବା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିରହିଛି । ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ଏବେ ଯେଉଁ ଭିଡିଓ ଭାଇରାଲ ହେଉଥିବାର ଦେଖାଯାଉଛି ଯେ ଜଣେ ନେତା କୌଣସି ଅଞ୍ଚଳରେ ପହଞ୍ଚିଛନ୍ତି ଏବଂ ତାଙ୍କର କିଛି ସମର୍ଥକ ମଧ୍ୟ ସାଙ୍ଗରେ ଅଛନ୍ତି। ଅନେକ ଲୋକଙ୍କ ବେକରେ ଫୁଲମାଳ ପିନ୍ଧିଥିବାର ନଜର ଆସିଛି । ଠିକ ଏହି ସମୟରେ, ସେମାନେ ଏକ ଛୋଟ ନଦୀ ପାର ହେଉଛନ୍ତି ଯାହା ଉପରେ ଏକ କାଠ ପୋଲ ସ୍ଥାପିତ ହୋଇଛି। ସେମାନେ ସେହି ପୋଲ ଉପରେ ଠିଆ ହୋଇ ସେଲ୍ଫି ନେଉଥିଲେ ଏବଂ ତା’ପରେ ହଠାତ୍ ପୋଲ ଭାଙ୍ଗିଯାଏ ଏବଂ ସମସ୍ତେ ନଦୀରେ ପଡ଼ିଯାଆନ୍ତି। କିନ୍ତୁ ଆଶ୍ୱସ୍ତିର କଥା ହେଉଛି ନଦୀ ଛୋଟ ଥିଲା ଏବଂ ଏଥିରେ ପାଣି ପ୍ରବାହ ନଥିଲା, ତେଣୁ ସମସ୍ତେ ସୁରକ୍ଷିତ ଥିଲେ।
ସ୍ୱାସ୍ଥ୍ୟ କେନ୍ଦ୍ରରେ ଏକ୍ସପାଇରୀ ମେଡ଼ିସିନ୍, ରୋଗୀ ହନ୍ତସନ୍ତ

ନିରାମୟରେ ଦିଆଯାଉଛି ନିମ୍ନମାନର ଔଷଧ । ରୋଗୀଙ୍କୁ ମାଗଣାରେ ଏକ୍ସପାରୀ ମେଡିସିନ୍ ଦିଆଯାଉଥିବା ଅଭିଯୋଗ ହୋଇଛି । ଏପରି ଘଟଣା ଆଠମଲ୍ଲିକ ବିଧାନ ସଭା ନିର୍ବାଚନ ମଣ୍ଡଳୀ ଅନ୍ତର୍ଗତ କିଶୋର ନଗର୍ ବ୍ଲକ୍ ଅନ୍ତର୍ଗତ ହଣ୍ଡପା ସ୍ୱାସ୍ଥ୍ୟ କେନ୍ଦ୍ରରେ ଦେଖିବାକୁ ମିଳିଛି। ରୋଗୀଟିଏ ସରକାରୀ ଡାକ୍ତରଖାନାକୁ ଗଲେ ନିରାମୟରୁ ଔଷଧ ପାଇଁ ଆଶା ରଖିଥାଏ। ଡାକ୍ତର ଦେଖାଇବା ପରେ ଧାଡିରେ ଠିଆ ହୋଇ ଔଷଧ ନିଏ। ହେଲେ ନିରାମୟରେ ମିଳୁଛି ନିମ୍ନମାନର ଔଷଧ ।

ସୂଚନା ଅନୁସାରେ ଗ୍ରାମର ହଣ୍ଡପା ଗାଁର ଗୁଲଜାର ଖାଁ ନାମକ ଜଣେ ବ୍ୟକ୍ତିଙ୍କ ହାତ ଆଙ୍ଗୁଠିରେ ଆଘାତ ଲାଗିଥିଲା । ଏଥିପାଇଁ ସେ ହଣ୍ଡପା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ଯାଇଥିଲେ । ସେଠାରେ ଡ୍ରେସର ତାଙ୍କ କ୍ଷତ ଜାଗାକୁ ଡ୍ରେସିଂ କରିଥିଲେ । ତେବେ ଡ୍ରେସିଂ ବେଳେ ସେ ଯେଉଁ ଔଷଧ ଲଗାଉଥିଲେ ସେହି ଔଷଧ ଉପରେ ଗୁଲଜାରଙ୍କ ନଜର ପଡିଥିଲା । ଯାହାର ଏକ୍ସପାରି ଦେଢ଼ ବର୍ଷ ହେଲା ପଳାଇଥିବା ଗୁଲଜାର ଦେଖିବାକୁ ପାଇଥିଲେ । ଏଭଳି ଔଷଧ କାହିଁକି ଦିଆଯାଉଛି ବୋଲି ଡାକ୍ତରଖାନାର ଫାର୍ମାସିଷ୍ଟଙ୍କୁ ମଧ୍ୟ ପଚାରିଥିଲେ । ଫାର୍ମାସିଷ୍ଟ ସନ୍ତୋଷଜନକ ଉତ୍ତର ନଦେଇ ଲୋକଙ୍କୁ ଭ୍ରମିତ କରିବାକୁ ଚେଷ୍ଟା କରିଥିଲେ। ପରେ ଅନ୍ୟ କିଛି ଯୁବକ ଖବର ପାଇ ଡାକ୍ତରଖାନାରେ ପହଞ୍ଚି ହୋହଲ୍ଲା କରିଥିଲେ ।

ପରେ କିଶୋର ନଗର୍ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ମେଡିକାଲ୍ ଅଫିସର୍ ଯୋଵା ତ୍ରିପାଠୀ ଘଟଣା ସ୍ଥଳରେ ପହଞ୍ଚି ତଦାରଖ କରିଥିଲେ । ଏ ଦିଗରେ ଡାକ୍ତରଖାନାର ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିବା ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।ଆଉ ଏ ଦିଗରେ ଡାକ୍ତରଖାନାର ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିବା ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ତେବେ କାର୍ଯ୍ୟାନୁଷ୍ଠାନ କେବେ ନିଆ ଯିବ ତାହା ଦେଖିବାକୁ ବାକି ରହିଲା ।
ଭାସିଗଲା ଆମେରିକା, ବଢିଲା ଭୟ

ପ୍ରଚଣ୍ଡ ବନ୍ୟାରେ ଭାସୁଛି ଆମେରିକା , ହା ହା କାର ସ୍ଥିତିରେ ଲୋକେ , କାମ କରୁନି ସୁପର ପାୱାର , ରାଷ୍ଟ୍ରପତି ଟ୍ରମ୍ପଙ୍କ ଅକଲ୍ ଗୁଡୁମ । ଭାସି ଯାଉଛନ୍ତି ଲୋକେ , ବଞ୍ଚାଇପାରୁନି ସରକାର । ବିଶ୍ବ ଅର୍ଥନୀତିରେ ସର୍ବ ବୃହତ ରାଷ୍ଟ୍ର ଭାବେ ବେଶ ଜଣାଶୁଣା ଆମେରିକା ଏବେ ବନ୍ୟା ଘେରରେ ରହିଥିବା ଦେଖିବାକୁ ମିଳିଛି । ଉଛୁଳା ପାଣିରେ ଭାସିଯାଉଛି ହଜାର ହଜାର କୋଟୀୟ ତାଙ୍କର ସମ୍ପତ୍ତି । ପ୍ରକୃତିର ତଣ୍ଡ ଆବ ଆଗରେ ଆଜି ହାର ମାନିଛି ସୁପର ପାୱାର । ଲଗାଣ ବର୍ଷ ପରେ ବେହାଲ ହୋଇପଡିଛି ସ୍ଥିତି ।

ରବିବାର କେନ୍ଦ୍ରୀୟ ଟେକ୍ସାସରେ ଘଟିଥିବା ଭୟଙ୍କର ବନ୍ୟାରେ ମୃତ୍ୟୁ ସଂଖ୍ୟା ୮୨ ଜଣ ଲୋକଙ୍କ ମୃତ୍ଯୁ ଘଟିଥିବା ଜଣାପଡିଛି । ଯାହାକୁ ନେଇ ଏବେ ଭୟ ବଢିବାରେ ଲାଗିଛି । ଏହାକୁ ନେଇ କର୍ତ୍ତୃପକ୍ଷ ସତର୍କ କରାଇବା ଶହ କୁହାଯାଉଛି ଯେ ମୃତ୍ୟୁ ସଂଖ୍ୟା ଆଗକୁ ଆହୁରି ବଢିପାରେ । ଉଦ୍ଧାରକାରୀମାନେ ଏହି ଅଞ୍ଚଳରେ ସନ୍ଧାନ ଅଭିଯାନ ଜାରି ରଖିଛନ୍ତି। ଟେକ୍ସାସ ରାଜ୍ୟପାଳ ଗ୍ରେଗ୍ ଆବୋଟ୍ କହିଛନ୍ତି ଯେ ସାରା ରାଜ୍ୟରେ ଏଯାଏ ୪୧ ଜଣଙ୍କର ପତ୍ତା ମିଳିପାରି ନାହିଁ ଏବଂ ଆହୁରି ଅନେକ ନିଖୋଜ ରହିଥିବା ସନ୍ଦେହ କରାଯାଉଛି ।

ସେରିଫ୍ ଲାରି ଲିଥା କହିଛନ୍ତି ଯେ ଉଦ୍ଧାରକାରୀମାନେ ରବିବାର ସନ୍ଧାନ ସମୟରେ୨୮ ଜଣ ଶିଶୁ ସମେତ ୬୮ ଜଣଙ୍କ ମୃତଦେହ ଉଦ୍ଧାର କରିଛନ୍ତି। ସମସ୍ତେ ନମିଳିବା ପର୍ଯ୍ୟନ୍ତ ଖୋଜା ଜାରି ରହିବ ବୋଲି ସେରିଫ୍ ପ୍ରତିଶ୍ରୁତି ଦେଇଛନ୍ତି। ଟେକ୍ସାସର ଜନ ସୁରକ୍ଷା ବିଭାଗର ନିର୍ଦ୍ଦେଶକ କର୍ଣ୍ଣେଲ ଫ୍ରିମ୍ୟାନ୍ ମାର୍ଟିନ ସତର୍କ କରାଇ ଦେଇଛନ୍ତି ଯେ ଆଗାମୀ କିଛି ଦିନ ମଧ୍ୟରେ ମୃତ୍ୟୁ ସଂଖ୍ୟା ବଢ଼ିବାର ସମ୍ଭାବନା ଅଛି। ବର୍ନେଟ୍, କେଣ୍ଡାଲ୍, ଟମ୍ ଗ୍ରୀନ୍ ରେ ଆଉ ୧୦ ଜଣଙ୍କ ମୃତ୍ୟୁ ଘଟିଥିବା ପ୍ରସାଶନ ପକ୍ଷରୁ ସୂଚନା ମିଳିଛି ।

ଏକ ରିପୋର୍ଟ ଅନୁଯାୟୀ, ରାଜ୍ୟପାଳ ଆବଟ୍ ନାଗରିକମାନଙ୍କୁ ସତର୍କ କରାଇ କହିଛନ୍ତି ଯେ ଯେ ମଙ୍ଗଳବାର ପର୍ଯ୍ୟନ୍ତ ପ୍ରବଳ ବର୍ଷାର୍ ଆଶଙ୍କା ରହିଛି ଯାହା ଆଗକୁ ଭୟଙ୍କର ବନ୍ୟା ସୃଷ୍ଟି କରିବ ବୋଲି ଜଣାପଡିଛି । ଏହି ସମୟରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ସେ ଶୁକ୍ରବାର ଦିନ ଟେକ୍ସାସ ଗସ୍ତ କରିବେ। ଟ୍ରମ୍ପ ରବିବାର ଦିନ ବନ୍ୟାକୁ ଏକ ବଡ଼ ବିପର୍ଯ୍ୟୟ ଘୋଷଣା କରିଛନ୍ତି, ଟେକ୍ସାସରେ ଉଦ୍ଧାର କାର୍ଯ୍ୟ ପାଇଁ ଫେଡେରାଲ୍ ଜରୁରୀକାଳୀନ ପରିଚାଳନା ସଂସ୍ଥାକୁ ଆଦେଶ ଦେଇଛନ୍ତି । ଡ୍ରୋନ ସାହାଜ୍ୟରେ ଉଦ୍ଧାରକାରୀମାନେ ପୀଡିତମାନଙ୍କୁ ଖୋଜିବା କାରଜ୍ୟରେ ଲାଗିଛନ୍ତି । ଲୋକମାନଙ୍କୁ ଉଦ୍ଧାର କରିବା ପାଇଁ ହେଲିକପ୍ଟର, ଡଙ୍ଗା ମୁତୟନ କରାଯାଇଛି । ଅଧିକାରୀଙ୍କ କହିବାନୁଯାୟୀ ପ୍ରଥମ 36 ଘଣ୍ଟା ମଧ୍ୟରେ 850 ରୁ ଅଧିକ ଲୋକଙ୍କୁ ଉଦ୍ଧାର କରାଯାଇଥିଲା।
ରଣବୀର ସିଂହଙ୍କ ‘ଧୁରନ୍ଧର’ ସହ ଏହି ଫିଲ୍ମଗୁଡ଼ିକର ହେବ ଟକ୍କର, କିଏ ମାରିବ ବାଜି?

ଡିସେମ୍ବର ୫ ତାରିଖରେ ଗୋଟିଏ କି ଦୁଇଟି ନୁହେଁ ବରଂ ତିନୋଟି ଫିଲ୍ମ ଏକାସଙ୍ଗେ ସିନେମା ହଲକୁ ଆସିବାକୁ ଯାଉଛି। ଏପରି ପରିସ୍ଥିତିରେ ବକ୍ସ ଅଫିସରେ ଏକ ବଡ଼ ଧମାକା ଦେଖିବାକୁ ମିଳିବ। ରଣବୀର ସିଂହ, ପ୍ରଭାସ ଏବଂ ଶାହିଦ କପୁରଙ୍କ ମଧ୍ୟରେ ଏହି ମେଗା ଟକ୍କର ହେବାକୁ ଯାଉଛି। ଆଶ୍ଚର୍ଯ୍ୟ କଥା ହେଉଛି ଏହି ତିନୋଟି ଫିଲ୍ମକୁ ନେଇ ସିନେପ୍ରେମୀଙ୍କ ମଧ୍ୟରେ ଜବରଦସ୍ତ ଚର୍ଚ୍ଚା ଚାଲିଛି। ତିନି ବଡ଼ ଷ୍ଟାରଙ୍କ ସବୁଠାରୁ ପ୍ରତୀକ୍ଷିତ ସିନେମା ପରସ୍ପର ସହିତ ଲଢେଇ କରିବେ। ରଣବୀର ସିଂହଙ୍କ ଜନ୍ମଦିନ ୬ ଜୁଲାଇ ଥିଲା ଏବଂ ଏହି ବିଶେଷ ଅବସରରେ ‘ଧୁରନ୍ଧର’ର ରିଲିଜ୍ ତାରିଖ ଘୋଷଣା କରାଯାଇଥିଲା। ଏହି ଫିଲ୍ମ ଡିସେମ୍ବର ୫ ତାରିଖରେ ରିଲିଜ୍ ହେବାକୁ ଯାଉଛି। ସେହି ଦିନ ପ୍ରଭାସଙ୍କ ‘ଦି ରାଜା ସାବ’ ଏବଂ ଶାହିଦ କପୁରଙ୍କ ଆଗାମୀ ଆକ୍ସନ୍ ଫିଲ୍ମ ମଧ୍ୟ ସିନେମା ହଲକୁ ଆସିବ।

ଗତ କିଛି ବର୍ଷ ମଧ୍ୟରେ ଡିସେମ୍ବରରେ ଅନେକ ବଡ଼ ବଜେଟ୍ ଫିଲ୍ମ ମୁକ୍ତିଲାଭ କରିଥିଲା ଏବଂ ନିର୍ମାତାମାନଙ୍କୁ ମଧ୍ୟ ବହୁ ସଫଳତା ମଧ୍ୟ ମିଳିଥିଲା। ଏପରି ପରିସ୍ଥିତିରେ, ଏବେ ଫିଲ୍ମ ନିର୍ମାତାମାନେ ଡିସେମ୍ବରରେ ସେମାନଙ୍କର ସିନେମା ମୁକ୍ତିଲାଭ କରିବାକୁ ଯାଉଛନ୍ତି । କାରଣ ଗତ କିଛି ବର୍ଷ ମଧ୍ୟରେ ଡିସେମ୍ବରର ପ୍ରଥମ ସପ୍ତାହରେ ଯେକୌଣସି ଫିଲ୍ମ ମୁକ୍ତିଲାଭ କରିଛି। ସେଗୁଡ଼ିକ ହିଟ୍ ପ୍ରମାଣିତ ହୋଇଛି, ଯେପରିକି ଭିକି କୌଶଳଙ୍କ ‘ସାମ୍ ବାହାଦୁର’ ଏବଂ ରଣବୀର କପୁରଙ୍କ ଫିଲ୍ମ ‘ଆନିମଲ୍’ ଯାହା ଡିସେମ୍ବର ୨୦୨୩ ର ପ୍ରଥମ ସପ୍ତାହରେ ଆସିଥିଲା। ସେହି ସମୟରେ, ଆଲୁ ଅର୍ଜୁନଙ୍କ ‘ପୁଷ୍ପା-୨ : ଦି ରୁଲ୍’ ଡିସେମ୍ବର ୨୦୨୪ ରେ ମୁକ୍ତିଲାଭ କରିଥିଲା। ଏହି ଫିଲ୍ମଗୁଡ଼ିକ ବକ୍ସ ଅଫିସରେ ଜବରଦସ୍ତ କଲେକ୍ସନ କରିଥିଲା। ତେଣୁ, ୨୦୨୫ ରେ ମଧ୍ୟ ନିର୍ମାତା ଅନେକ ଫିଲ୍ମ ଆଣୁଛନ୍ତି।

ଗତ ବର୍ଷ ପରି, ଚଳିତ ବର୍ଷ ମଧ୍ୟ ତିନୋଟି ଧମାକାଦାର ସିନେମା ହଲରେ ମୁକ୍ତିଲାଭ କରିବାକୁ ପ୍ରସ୍ତୁତ। ରଣବୀର ସିଂହଙ୍କ ‘ଧୁରନ୍ଧର’, ପ୍ରଭାସଙ୍କ ‘ଦ ରାଜା ସାବ’ ଏବଂ ଶାହିଦ କପୁରଙ୍କ ଅଭିନୀତ ‘ଅର୍ଜୁନ ଉସ୍ତ୍ର’ ବକ୍ସ ଅଫିସରେ କଡ଼ା ପ୍ରତିଯୋଗିତା ଦେବାକୁ ଯାଉଛି । ‘ଧୁରନ୍ଧର’ରେ ରଣବୀର ସିଂହଙ୍କ ସହ ଆର ମାଧବନ, ସଞ୍ଜୟ ଦତ୍ତ ଏବଂ ଅର୍ଜୁନ ରାମପାଲ ନଜର ଆସିବେ। ସାଉଥ୍ ସୁପରଷ୍ଟାର ପ୍ରଭାସଙ୍କ ‘ଦ ରାଜା ସାବ’କୁ ନେଇ ମଧ୍ୟ ଚର୍ଚ୍ଚା ଜୋରରେ ଚାଲିଛି। ତୃତୀୟ ସିନେମା ହେଉଛି ‘ଅର୍ଜୁନ ଉସ୍ତ୍ର’। ପ୍ରାୟ ୮ ବର୍ଷ ପରେ ବିଶାଲ ଭରଦ୍ୱାଜ ଏବଂ ଶାହିଦ ଏହି ସିନେମା ପାଇଁ ଏକାଠି ହୋଇଛନ୍ତି।
ମୟୂରଭଞ୍ଜ ଜିଲ୍ଲା କାରାଗାରରେ ବୃକ୍ଷ ରୋପଣ

ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଉପ କାରାଗାର ରେ ଆଜି ଗୋଟିଏ ଗଛ ମା ଙ୍କ ନାମରେ ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇଥିଲା। ଅତିରିକ୍ତ ଜିଲ୍ଳା ଦୈରା ଜର୍ଜ ଡକ୍ଟର ଭି.ସୁଜାତା ଙ୍କ ତତ୍ବାବଧାନରେ ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇଥିଲା ଏଥିରେ ମାନଗନ ବ୍ୟକ୍ତି ଙ୍କ ଉପସ୍ଥିତିରେ ଲେମ୍ବୁ, ଡାଳିମ୍ବ, ଆମ୍ବ , ଅଁଳା ,ବଉଳ ଓ ବିଭିନ୍ନ ଗଛ କୁ ଆଜି ରାଇରଙ୍ଗପୁର ଉପ କାରାଗାର ପରିସର ରେ ବୃକ୍ଷ ରୋପଣ କରାଯାଇଥିଲା।

ଏଥିରେ ରାଇରଙ୍ଗପୁର ବନଖଣ୍ଡ ଅଧିକାରୀ ଶିବ ପ୍ରସାଦ ରାଉତ,ରାଇରଙ୍ଗପୁର ରେଞ୍ଜର ଜତିରଞ୍ଜନ ସେନାପତି, ସରକାରୀ ଆଇନଜୀବୀ ପଙ୍କଜ ଦାସ , ଆଇନଜୀବୀ ନନ୍ଦରାଣୀ ହେମ୍ବ୍ରମ , ଉପସ୍ଥିତ ରାଇରଙ୍ଗପୁର ଜର୍ଜ ମାନ ଙ୍କ ଉପସ୍ଥିତିରେ ରାଇରଙ୍ଗପୁର ଉପ କାରାଗାର ରେ ସମସ୍ତ ମିଶି ଗୋଟାଏ ଲେଖାଏଁ ଗଛ ଲଗାଇଥିଲେ। ମଣିଷ ଜୀବନ କାଳରେ ଗୋଟାଏ ଲେଖାଏଁ ଗଛ ଲଗାଇବା ଓ ଏହାର ଯତ୍ନ ନେବା ଅତ୍ୟନ୍ତ ଆବଶ୍ୟକ। ଏହାଦ୍ବାରା ପରିବେଶ ପ୍ରଦୂଷଣ ମୁକ୍ତ ହେବ ଓ ସମସ୍ତଙ୍କ ମଙ୍ଗଳ ହେବ ବୋଲି କହିଛନ୍ତି ରାଇରଙ୍ଗପୁର ଜେଲର ଅଞ୍ଜନ କୁମାର୍ ପଣ୍ଡା।
ହାଟଡିହି ବ୍ଲକ କାର୍ଯ୍ୟାଳୟ ପରିସରରେ ରକ୍ତଦାନ ଶିବିର ଅନୁଷ୍ଠିତ

ହାଟଡିହି ବ୍ଲକ କାର୍ଯ୍ୟାଳୟ ପରିସରରେ ଏକ ରକ୍ତଦାନ ଶିବିରର ଆୟୋଜନ ହୋଇଯାଇଛି। ବିପିସି ସୁବ୍ରତ ନାୟକଙ୍କ ସଂଯୋଜନାରେ ଅନୁଷ୍ଠିତ ଏହି ଶିବିରକୁ ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଅନ୍ୟ ମାନଙ୍କ ମଧ୍ୟରେ ବିଡ଼ିଓ ରଞ୍ଜନ କୁମାର ପରିଡ଼ା, ବ୍ଲକ ଅଧ୍ୟକ୍ଷା ସାବିତ୍ରୀ ସେଠୀ, ଉପାଧ୍ୟକ୍ଷ ରତିକାନ୍ତ ରାଉତ, ଜିଲ୍ଲା ପରିଷଦ ଉପାଧ୍ୟକ୍ଷ ସୋମନାଥ ଦାସ ପ୍ରମୁଖ ଯୋଗଦେଇ ରକ୍ତଦାନ ମହାପୁର୍ଣ୍ୟ ସଚେତନତାର ଉକ୍ତି ବାଢ଼ିଥିଲେ । ତେଣୁ ସମସ୍ତ ବ୍ୟକ୍ତିମାନେ ରକ୍ତଦାନ ଶିବିର ଆୟୋଜନ କରିବାକୁ ଆହ୍ବାନ ଦେଇଥିଲେ। ଆନନ୍ଦପୁର ରକ୍ତଭଣ୍ଡାରର ଡାକ୍ତର ଓ କର୍ମଚାରୀ ମାନେ ଉପସ୍ଥିତ ରହି ରକ୍ତଦାତାଙ୍କ ଠାରୁ ରକ୍ତ ସଂଗ୍ରହ କରିଥିଲେ।
ସକାଳେ ଖାଲି ପେଟରେ ଗ୍ରୀନ୍ ଟି ପିଇବା ଉଚିତ କି? ଜାଣନ୍ତୁ ପିଇବାର ସଠିକ୍ ସମୟ…

ସ୍ୱାସ୍ଥ୍ୟ ପାଇଁ ଗ୍ରୀନ୍ ଟି ବହୁତ ଲାଭଦାୟକ ବୋଲି ବିବେଚନା କରାଯାଏ। ଆଣ୍ଟିଅକ୍ସିଡାଣ୍ଟରେ ଭରପୂର ଏହି ପାନୀୟ ଓଜନ ହ୍ରାସ କରିବାରେ ବହୁତ ପ୍ରଭାବଶାଳୀ। ଏପରି ପରିସ୍ଥିତିରେ କିଛି ଲୋକ ସକାଳ ଗ୍ରୀନ୍ ଟି ସହିତ ଆରମ୍ଭ କରିଥାନ୍ତି। କିନ୍ତୁ ଏହା ସ୍ୱାସ୍ଥ୍ୟ ପାଇଁ ଲାଭଦାୟକ କି? ତେବେ ଆମେ ଆପଣଙ୍କୁ କହି ରଖୁଛୁ ଯେ, ଖାଲି ପେଟରେ ଗ୍ରୀନ୍ ଟି ପିଇବା ବିଷୟରେ ବିଶେଷଜ୍ଞଙ୍କ ମତ ଭିନ୍ନ, କିନ୍ତୁ ଅଧିକାଂଶ ବିଶେଷଜ୍ଞ ଖାଲି ପେଟରେ ଗ୍ରୀନ୍ ଟି ପିଇବାରୁ ଦୂରେଇ ରହିବାକୁ ପରାମର୍ଶ ଦିଅନ୍ତି।

ଖାଲି ପେଟରେ ଗ୍ରୀନ୍ ଟି ପିଇବା କାହିଁକି ଏଡ଼ାଇବା ଉଚିତ୍?
ଗ୍ରୀନ୍ ଟିରେ ଟାନିନ୍ ଏବଂ ପଲିଫେନୋଲ୍ ଥାଏ, ଯାହା ଖାଲି ପେଟରେ ପିଇଲେ ପେଟରେ ଏସିଡ୍ ଉତ୍ପାଦନ ବୃଦ୍ଧି କରିପାରେ। ଏହା ଏସିଡିଟି, ହାର୍ଟବର୍ଣ୍ଣ, ବଦହଜମୀ କିମ୍ବା ବାନ୍ତି ଭଳି ସମସ୍ୟା ସୃଷ୍ଟି କରିପାରେ। ଏହା ପେଟର ପ୍ରାକୃତିକ ପାଚନକୁ ମଧ୍ୟ ପ୍ରଭାବିତ କରିପାରେ।ଗ୍ରୀନ୍ ଟିରେ ଥିବା କ୍ୟାଟେଚିନ୍ ଖାଦ୍ୟରୁ ଲୁହା ଶୋଷଣକୁ ହ୍ରାସ କରିପାରେ।

ଗ୍ରୀନ୍ ଟି ପିଇବାର ସଠିକ୍ ସମୟ
ବିଶେଷଜ୍ଞଙ୍କ ମତରେ, ଗ୍ରୀନ୍ ଟି ପିଇବାର ସର୍ବୋତ୍ତମ ସମୟ ହେଉଛି ସାଧାରଣତଃ ଖାଦ୍ୟ ପରେ କିମ୍ବା ହାଲୁକା ଜଳଖିଆ ପରେ। ସକାଳେ ଜଳଖିଆ ପରେ ଗ୍ରୀନ୍ ଟି ପିଇବାକୁ ସର୍ବୋତ୍ତମ ବୋଲି ବିବେଚନା କରାଯାଏ। ଏହା ଶରୀରକୁ ଆବଶ୍ୟକୀୟ ଆଣ୍ଟିଅକ୍ସିଡାଣ୍ଟ ଯୋଗାଇଥାଏ ଏବଂ ଶକ୍ତି ସ୍ତର ବୃଦ୍ଧି କରେ। ଖାଦ୍ୟ ପରେ ଗ୍ରୀନ୍ ଟି ପିଇବା ପାଚନ ତନ୍ତ୍ର ପାଇଁ ଲାଭଦାୟକ।

ଏହା ହଜମ ପ୍ରକ୍ରିୟାକୁ ତ୍ୱରାନ୍ୱିତ କରେ ଏବଂ ପେଟ ସମସ୍ୟାରୁ ମୁକ୍ତି ଦେବାରେ ସହାୟକ ହୁଏ। ସନ୍ଧ୍ୟାରେ ଯେତେବେଳେ ଶରୀରରେ ଶକ୍ତିର ଅଭାବ ଅନୁଭବ ହୁଏ, ସେତେବେଳେ ଗ୍ରୀନ୍ ଟି ଏକ ପ୍ରାକୃତିକ ଶକ୍ତି ବର୍ଦ୍ଧକ ଭାବରେ କାର୍ଯ୍ୟ କରେ। କିଛି ଲୋକ ବ୍ୟାୟାମ ପୂର୍ବରୁ କିମ୍ବା ପରେ ଗ୍ରୀନ୍ ଟି ପିଇବାକୁ ପସନ୍ଦ କରନ୍ତି କାରଣ ଏହା କାର୍ଯ୍ୟଦକ୍ଷତା ସ୍ତରକୁ ଉନ୍ନତ କରିବାରେ ଏବଂ ଷ୍ଟାମିନା ବୃଦ୍ଧି କରିବାରେ ସାହାଯ୍ୟ କରିପାରେ।

କେତେ ମାତ୍ରା ପିଇବା ଉଚିତ?
ସାଧାରଣତଃ, ଦିନକୁ ୨ ରୁ ୩ କପ୍ ଗ୍ରୀନ୍ ଟି ଯଥେଷ୍ଟ ବୋଲି ବିବେଚନା କରାଯାଏ। ଅତ୍ୟଧିକ ଗ୍ରୀନ୍ ଟି ପିଇବା ଦ୍ୱାରା ପେଟ ଖରାପ, ଅନିଦ୍ରା ଏବଂ ଯକୃତ ଉପରେ ଚାପ ପରି ସମସ୍ୟା ହୋଇପାରେ।
ଛାତ୍ର-ଛାତ୍ରୀଙ୍କୁ ବଜ୍ରାଘାତ ତାଲିମ, କିପରି ରହିବେ ସୁରକ୍ଷିତ

କେନ୍ଦୁଝର ଜିଲା ହାଟଡିହି ଶିକ୍ଷା ସର୍କଲ ବୈଦଖିଅ ଆଶ୍ରମ ବିଦ୍ୟାଳୟରେ ବଜ୍ରାଘାତ ତାଲିମ ଶିବିର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ମନ୍ମଥ ଜେନାଙ୍କ ନେତୃତ୍ଵରେ ଛାତ୍ରଛାତ୍ରୀମାନେ କିପରି ବଜ୍ରାଘାତରେ ରକ୍ଷା ପାଇପାରିବେ କିପରି ସୁରକ୍ଷିତ ରହିପାରିବେ ତାହାକୁ ନେଇ ଆଲୋଚନା ହୋଇଥିଲା। ପରେ ଡିବେଟ କୁଇଜ ପ୍ରତିଯୋଗିତା ମଧ୍ୟ ହୋଇଥିଲା ଏହି ପ୍ରତିଯୋଗିତାରେ ୨୦୦ ରୁ ଉର୍ଦ୍ଧ ଛାତ୍ର ଛାତ୍ରୀ ଭାଗ ନେଇଥିବା ବେଳେ ପ୍ରଥମ ଦ୍ୱିତୀୟ ଏବଂ ତୃତୀୟ ହୋଇଥିବା ଛାତ୍ର ଛାତ୍ରୀଙ୍କୁ ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମରେ ବିଦ୍ୟାଳୟର ଗୌରୀଡତ ମାଝୀ ଗଜେନ୍ଦ୍ର ପ୍ରସାଦ ଢାଂମୁରିୟା ଅମୀୟ ରଞ୍ଜନ ରାଉତ ଜଗନାଥ ବାରିକ ପ୍ରମୁଖ ଶିକ୍ଷକ ଉପସ୍ଥିତ ଥିଲେ .
ବଡ ଦେଉଳରେ ଜଗା ଦେଖିଥିଲା ମୃତ୍ୟୁ: ଏଠି ଜଗାକୁ ନେଇ ତୁମ୍ବିତୋଫାନ

ମୁହଁ ମାଡି କଚାଡି ପଡ଼ିଥିଲେ ବ୍ରହ୍ମାଣ୍ଡର ମାଲିକ, ବଡଦେଉଳର ବଡ ଠାକୁର, ଜଗାର ପ୍ରିୟ ଭକ୍ତ ଠିକ କହିଥିଲେ,ଓଡ଼ିଶା ପାଇଁ ମାଡ଼ିଆସୁଛି ବିପଦ, ଯାହା କେବେ ହୋଇନଥିଲା ତାହା ଏ ବର୍ଷ ଘଟିଗଲା । ଲୋକେ ସନ୍ଦେହରେ ଥିଲେ, ଭାବିଥିଲେ ଏ ବର୍ଷ ବି ହେବ ପୂର୍ବବର୍ଷ ପରି କିଛି ଘଟଣା, ସତକୁ ସତ ତାହା ହିଁ ହେଲା, ନୂଆ ସରକାର ଏବେବି ଶିଶୁ ଅବସ୍ଥାରେ ରହିଥିବା ସ୍ପଷ୍ଟ ପ୍ରମାଣିତ ହୋଇଗଲା, ରଥଯାତ୍ରାରେ ଠେଲାପେଲା ପର୍ଯନ୍ତ ସୀମିତ ଥିଲା, ତାହା ସମସ୍ତେ ଜାଣନ୍ତି, ଜଗାର ଯାତରେ ପଡିଥିଲା ଜୟ ଜଗନ୍ନାଥ, ହେଲେ କିଏ ଜାଣିଥିଲା ତାହା ହେବ ଜଗା ସହ ଶେଷ ଦେଖା, ଆଉ ଶେଷ ରଥଯାତ୍ରା, ଚଳିତ ରଥଯାତ୍ରାରେ ଅବ୍ୟବସ୍ଥାର ଘଟଣା ଦେଶ ବିଦେଶରେ ଖବରର ଶିରୋନାମା କମ ବେଶୀ ରାଜ୍ୟ ତଥା ରାଜ୍ୟ ସରକାରଙ୍କ ଅପାରଗତାକୁ ନେଇ ଡିଣ୍ଡିମ ବାଜୁଛି, ଯାହାକୁ ସରକାରୀ ପଣତକାନିରେ ଢାଙ୍କିବାକୁ ପ୍ରୟାସ ଚଳାଇଥିଲେ ରାଜ୍ୟ ସରକାର, ତାଙ୍କ ମନ୍ତ୍ରୀ ତଥା ପ୍ରଶାସକଙ୍କର ଅଜବ ବୟାନ ସାଧାରଣ ଲୋକଙ୍କ ଚିନ୍ତାଧାରାକୁ ଭେଦି ପରିନଥିଲେ ମଧ୍ୟ ବୁଦ୍ଧିଜୀବୀ ମହଲରେ ବୟାନକୁ ତୀବ୍ର ନିନ୍ଦା କରାଯାଉଛି । ଏଥିରୁ ସ୍ପଷ୍ଟ ଯେ, ସରକାର ଥାଇ ଯେତେ ନ ଥାଇ ସେତେ, ଏବେ ନିଜ କଥା ନିଜେ ହିଁ ବୁଝିବାକୁ ହେବ, ସରକାର କେଉଁ କାମକୁ ବୋଲି ଲୋକେ ପ୍ରଶ୍ନ କରୁଛନ୍ତି ।
ଶେଷରେ ବନ୍ଧା ହେଲେ ଜଗା, ଲାଗିଛି ୧୧ଟି ଦଫା

ବିଏମସି ଅତିରିକ୍ତ କମିଶନ ମାଡ଼ ଘଟଣାର ଶେଷରେ ଅନ୍ତ ଘଟିଛି। ଭୁବନେଶ୍ବର ମହାନଗର ନିଗମର ଅତିରିକ୍ତ କମିସନର ରତ୍ନାକର ସାହୁଙ୍କୁ ମାଡ଼ ମରାଯିବା ଘଟଣାରେ ବିଜେପି ନେତା ଜଗନ୍ନାଥ ପ୍ରଧାନଙ୍କୁ ଖାରବେଳ ଥାନା ପୋଲିସ ଗିରଫ କରିଛି । ଜଗନ୍ନାଥ ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି ଖାରବେଳ ପୋଲିସ । ଏଥିରେ ଉତ୍‌କ୍ଷିପ୍ତ ହୋଇ ବିଜେପି ନେତାଙ୍କ ସମର୍ଥକ ରାତି ପ୍ରାୟ ୧୦ଟା ବେଳେ ଭୁବନେଶ୍ବରର ଜନପଥ ଓ ଜାତୀୟ ରାଜପଥ ଅବରୋଧ କରିଥିଲେ। କୋର୍ଟରେ ଜଗନ୍ନାଥ ପ୍ରଧାନଙ୍କ ଜାମିନ ନାମଞ୍ଜୁର ପରେ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ଗଲେ ଜଗନ୍ନାଥ ପ୍ରଧାନ। ଅଘଟଣ ଆଶଙ୍କାରେ ରାଜଧାନୀର ବିଭିନ୍ନ ଜାଗାରେ ବ୍ୟାପକ ପୁଲିସ ମୁତୟନ କରାଯାଇଛି। ଅନ୍ୟପଟେ ଜଗନ୍ନାଥଙ୍କ ଗିରଫ ପରେ ଓଏଏସ୍‌ ସଂଘ ତା’ର ଆନ୍ଦୋଳନ ପ୍ରତ୍ୟାହାର କରି ନେଇଛି।

ଆଜିଠୁ କାର୍ଯ୍ୟରେ ଯୋଗ ଦେବେ ସମସ୍ତ କର୍ମଚାରୀ । ଗତକାଲି ରାତିରୁ ହିଁ ସଂଘ କାର୍ଯ୍ୟରେ ଯୋଗ ଦେଇଥିବା ଘୋଷଣା କରିଛି ଓଏଏସ୍ ସଂଘ। ଆଜିଠୁ ପୂର୍ବ ଭଳି ରାଜ୍ୟର ସମସ୍ତ ସଂଘର କର୍ମଚାରୀ କାର୍ଯ୍ୟରେ ଯୋଗ ଦେବେ ବୋଲି ଓଏଏସ୍ ସଂଘର ସଭାପତି ଜ୍ୟୋତିରଂଜନ ମିଶ୍ର କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଆମେ ଦୁଇ-ତିନି ଦିନ ସାମୟିକ ଛୁଟିରେ ଥିଲୁ। ଆମେ ଜନସାଧାରଣଙ୍କୁ ସେବା ଯୋଗାଇ ଆସୁଥିଲୁ। ଆଗାମୀ ଦିନରେ ମଧ୍ୟ ସୂଚାରୁ ରୂପେ ସେବା ଯୋଗାଇ ଦେବୁ। କାର୍ଯ୍ୟାନୁଷ୍ଠାନ ନେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଧନ୍ୟବାଦ ଜଣାଉଛି ସଂଘ।