Tag: #suchana news

ଗାଁ ଗାଁ ବୁଲି ଲୋକଙ୍କ ସମସ୍ୟା ବୁଝିଲେ ନର୍ଲା ବିଧୟିକା ମନୋରମା ମହାନ୍ତି

କଳାହାଣ୍ଡି ( ସତ୍ୟ ନାରାୟଣ ମହାନନ୍ଦ ) କଳାହାଣ୍ଡି ଜିଲ୍ଲା ନର୍ଲା ବିଧାୟିକା ମନୋରମା ମହାନ୍ତି କେସିଙ୍ଗା ବ୍ଲକ ର କସୃପଡ଼ା,ଘଣ୍ଟଶୋଲା, କିନ୍ଦେରକେଲା, ବିଜଖମନ,ତୁଣ୍ଡଲା, ରଜାପଡ଼ା ଓ ଆହୁରି ଅନେକ ଛୋଟ ଛୋଟ ଗାଁ ମାନଙ୍କୁ ଯାଇ ଲୋକଙ୍କ ସମସ୍ୟା ବୁଝିବା ସହିତ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ଏହି ଅବସରରେ ବିଧାୟିକା ଙ୍କୁ ପ୍ରତ୍ୟେକ ଗ୍ରାମରେ ଜୋରଦାର ସ୍ଵାଗତ ଜଣାଇଥିଲେ ଲୋକେ ।

ଦୁଃଖ ସୁଖର ସାଥି ବୋଲି ଏହି ଅଞ୍ଚଳ ରେ ଚର୍ଚ୍ଚା ରେ ରହନ୍ତି ଶ୍ରୀମତୀ ମହାନ୍ତି । ସେହିପରି ନିଜ ବିଧାୟକ ପାଣ୍ଠିରୁ ନର୍ଲା ବିଧାନସଭା ମଣ୍ଡଳୀରେ ମିଶିଥିବା କେସିଙ୍ଗା ବ୍ଲକ ର କିଛି ପଞ୍ଚାୟତ ର ଉନ୍ନତି ପାଇଁ ବିକାଶର କାମ ଅନବରତ ଚାଲିଛି । ଅନେକ ଗ୍ରାମରେ ଷ୍ଟ୍ରିଟ ଲାଇଟ ର ସମସ୍ୟା ଦୂର ହୋଇଥିବା ବେଳେ ଅନେକ ଗ୍ରାମରେ ନିଜ ବିଧାୟକ ପାଣ୍ଠିରୁ ନଳକୂପ ଖନନ କରି ଲୋକଙ୍କୁ ଜଳ କଷ୍ଟ ଦୂର କରିଛନ୍ତି ।

ମନୋରମା ଙ୍କ ମୁରୁକି ହସି ଓ ତାଙ୍କ ସମର୍ପିତ ଭାବ ଜନସମର୍ଥନ ର ମୂଳ କାରଣ ବୋଲି କେସିଙ୍ଗା ରେ ବୁଦ୍ଧିଜିବୀ ମହଲରେ ଚର୍ଚ୍ଚା ହେଉଛି । ସେ ମଙ୍ଗଳବାର ଦିନ ଟଣ୍ଡଲା ଗ୍ରସ୍ତ ସମୟରେ ତୁଣ୍ଡଲା ଧରଣୀଗୁଡ଼ି କୁ ପରିଦର୍ଶନ ରେ ଯାଇ ଯଥା ଶୀଘ୍ର କାମ ସମ୍ପୂର୍ଣ କରିବା ପାଇଁ ଦାଇତ୍ୱ ରେ ଥିବା କେସିଙ୍ଗା ବ୍ଲକ କନିଷ୍ଠ ଯନ୍ତ୍ରୀ ଙ୍କ ସହିତ ଆଲୋଚନା କରିଥିଲେ ।

ଏହି ଗ୍ରସ୍ତ ସମୟରେ ତାଙ୍କ ସହିତ କେସିଙ୍ଗା ବ୍ଲକ ବିଜେଡି ଛାତ୍ର ସଭାପତି ଶୁଭେନ୍ଦୁ କୁମାର ସାହୁ, କସୃପଡ଼ା ପୂର୍ବତନ ସରପଞ୍ଚ ପର୍ଶୁରାମ ପାଢ଼ୀ, ପୂର୍ବତନ ତୁଣ୍ଡଲା ସରପଞ୍ଚ ଭଗବାନ ସାହୁ, ସୁଲତାନ ନନ୍ଦ, ରୋହିତ ସାହୁ, ପ୍ରମିଳା ଷଡଙ୍ଗୀ ପ୍ରମୁଖ ଉପସ୍ଥିତ ଥିଲେ ।
କୃଷକ ମହିଳା ମହାସଂଘ ତରଫରୁ ବନ୍ୟା ବିପନ୍ନଙ୍କୁ ଶୁଖିଲା ଖାଦ୍ୟ ବଣ୍ଟନ

ଲଗାତାର ଲଗାଣ ବର୍ଷରେ ବ୍ରାହ୍ମଣୀରେ ସୃଷ୍ଟି ହୋଇଥିଲା | ଦୁଇ ଦୁଇଟି ବନ୍ୟା ପଟ୍ଟାମୁଣ୍ଡାଇ ବ୍ଲକ ର କିଛି ପଞ୍ଚାୟତ ସମେତ ରାଜନଗର ବ୍ଲକ ର ୪ଟି ପଞ୍ଚାୟତ ଯଥା ବନ୍ଧପଡା,ଓସ୍ତିଆ, ବେଲପାଳ ଓ ରାଜପୁର ର ଜନସାଧାରଣ ଦୀର୍ଘ ୧୫ ଦିନ ଧରି ଜଳମଗ୍ନ ମଧ୍ୟରେ ରହିଥିଲେ । ଗୋଟେ ପଟେ ବନ୍ୟାରେ ଆସିଥିବା କୁମ୍ଭୀରର ଭୟ ଥିବା ବେଳେ ଅନ୍ୟ ପଟେ ଖାଦ୍ୟ ଓ ପିଇବା ପାଣିର ଅନେକ ସମସ୍ୟା ରହିଥିଲା ।

ଏଭଳି ଅବସ୍ଥାରେ ଚାହିଁଲେ ବି କୌଣସି ସ୍ବେଛାସେବୀ ସଂଗଠନ ଜଳ ବନ୍ଦୀରେ ରହିଥିବା ପରିବାର ପାଖରେ ପହଂଚି ପାରୁନଥିଲା । କିନ୍ତୁ ବନ୍ୟା ଛାଡ଼ିବା ପରେ ପ୍ରଥମ କରି ରାଜନଗର ଗ୍ରାମାଞ୍ଚଳ କୃଷକ ମହିଳା ମହାସଂଘ ପକ୍ଷରୁ ମହିଳା ମାନଙ୍କ ଦ୍ୱାରା ଓସ୍ତିଆ ଓ ବେଲପାଳର ଦୁଇଟି ପଞ୍ଚାୟତରେ ଶୁଖିଲା ଖାଦ୍ୟ ବଣ୍ଟନ କରିଛନ୍ତି ।

ମହାସଂଘର ସମ୍ପାଦିକା ଶଶିକଳା ରାଉତ ଓ ସଭାନେତ୍ରୀ ଅନୁସୟା ମାହାନ୍ତି ଙ୍କ ନେତୃତ୍ୱରେ ସମସ୍ତ ମହିଳା ସଦସ୍ୟ ଙ୍କ ମିଳିତ ଆର୍ଥିକ ସହଯୋଗ ରେ ବନ୍ୟା ପ୍ରଭାବିତ ହୋଇଥିବା ୩୦ ରୁ ଉର୍ଦ୍ଧ ଅସହାୟ ପରିବାର ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଛନ୍ତି ।

ପରେ ସ୍ଥାନୀୟ ଅଞ୍ଚଳବାସୀଙ୍କର ଅନେକ ପ୍ରଶଂସା ସାଉଁଟି ଥିଲେ ଗ୍ରାମାଞ୍ଚଳ କୃଷକ ମହିଳା ମହାସଂଘ । ଗ୍ରାମବାସୀ କହିଥିଲେ ଯେ, ଯେତେବେଳେ ପ୍ରଶାସନିକ ଅଧିକାରୀ ମାନେ ବନ୍ୟା ପରେ ସେମାନଙ୍କ ପାଖରେ ପହଂଚି ନଥିଲେ କିମ୍ବା କେମିତି ସେମାନଙ୍କ ଅବସ୍ଥା ଅଛି ତାହା ବୁଝି ମଧ୍ୟ ନଥିଲେ, ଠିକ ସେତିକି ବେଳେ ଗ୍ରାମାଞ୍ଚଳ କୃଷକ ମହିଳା ମହାସଂଘ ର ଏଭଳି ସହାୟତା ନିଶ୍ଚୟ ପ୍ରଶଂସା ଯୋଗ୍ୟ ।

ତେବେ ଏହି ଶୁଖିଲା ଖାଦ୍ୟ ବଣ୍ଟନ କାର୍ଯ୍ୟକ୍ରମ ରେ ମହାସଂଘ ର ସମ୍ପାଦିକା ଓ ସଭାନେତ୍ରୀ ଙ୍କ ସହିତ ଅନ୍ୟ ମହିଳା ସଦସ୍ୟ ମାନେ ସାମିଲ ହୋଇଥିଲେ।
ନିଆରା ଢଙ୍ଗରେ ଜନ୍ମଦିନ ପାଳିଲେ UNO ର କାର୍ଯ୍ୟରତ ଅଧିକାରୀ

ଆନ୍ତର୍ଜାତିକ ଖ୍ୟାତି ସମ୍ପର୍ଣ୍ଣ ଓଡିଶୀ ନୁର୍ତ୍ୟ ଶିଳ୍ପୀ ତଥା UNO ର କାର୍ଯ୍ୟରତ ଅଧିକାରୀ ରୋମରେ ଅବସ୍ଥାପିତ ବୈଶାଳୀ ମହାନ୍ତି ତାଙ୍କର ଜନ୍ମଦିନ କୁ ଏକ ନିଆରା ଢଙ୍ଗରେ ଉତ୍କଳ ବାଳାଶ୍ରମ ରେ ଅନ୍ତେ ବାସୀ ଙ୍କ ସହ ପାଳିଛନ୍ତି। ପିଲାମାନଙ୍କ ସହ ଅଭିଜ୍ଞନ୍ତା ଓ ନିଜର ଅଧ୍ୟ୍ୟ ବ୍ୟସାୟ ସମ୍ପର୍କରେ ବାଣ୍ଟିବା ସହ ଭବିଷ୍ୟତରେ ନିଜକୁ ସମାଜରେ ଭଲ ମଣିଷ ଭାବେ ଗଢି ତୋଳିବା ସମ୍ପର୍କେ ପରାମର୍ଶ ଦେଇଥିଲେ।

ବୈଶାଳୀ ମହାନ୍ତି ନିଜ ମା ବିଶିଷ୍ଠ ସାହିତିକା ତଥା ସମାଜ ସେବୀ ମାନସୀ ପ୍ରଧାନ ଓ ପିତା ଅବସର ପ୍ରାପ୍ତ ଇଲେକ୍ଟ୍ରିକାଲ ଚିପି ଇଂଜିନିୟର ରାଧାବିନୋଦ ମହାନ୍ତି ଙ୍କ ସହ ଏହି ଜନ୍ମଦିନ ଅନ୍ତେ ବାସୀଙ୍କ ଗହଣରେ କେକ କାଟି ନିଜକୁ ଧନ୍ୟ ମନେକରିବାସହ ଏହିଭଳି ପିଲାମାନଙ୍କ ମୁଖରେ ଆନ୍ଦର ହସ ଖେଳାଇ ପାରିଥିବାରୁ ନିଜକୁ ଅତି ଭାଗ୍ୟ ଶାଳୀ ମନେକରିଛନ୍ତି।
ରାଷ୍ଟ୍ରପତି ଭବନ ଯିବେ ସୁବର୍ଣ୍ଣପୁରର ସୁରେଖା

ରାଷ୍ଟ୍ରପତି ଭବନ ଯିବେ ସୁବର୍ଣ୍ଣପୁର ଜିଲ୍ଲା ବିନିକା ସହର ୱାର୍ଡ ନମ୍ବର ୪ର ମହିଳା ସୁରେଖା ମଲ୍ଲିକ l ସୁରେଖା ମଲ୍ଲିକଙ୍କୁ ରାଷ୍ଟ୍ରପତି ଭବନକୁ ଆସନ୍ତା ଅଗଷ୍ଟ ୧୫ ୭୯ ତମ ସ୍ଵାଧୀନତା ଦିବସରେ ପହଞ୍ଚିବା ପାଇଁ ନିମନ୍ତ୍ରଣ କରାଯାଇଛି l ଏନେଇ ତାଙ୍କ ପାଖକୁ ରାଷ୍ଟ୍ରପତି ଭବନରୁ ଡାକ ଘର ଜରିଆରେ ଚିଠୀ ପହଞ୍ଚି ସାରିଛି l ଏହି ଖବର ଜଣାପଡିବା ପରେ ଅଞ୍ଚଳରେ ଖୁସିର ଲହରୀ ଖେଳି ଯାଇଛି l ସୂଚନା ଅନୁସାରେ ଦୁଇ ବର୍ଷ ପୂର୍ବରୁ ଶୁରେଖାଙ୍କ ସ୍ଵାମୀଙ୍କ ନାମରେ ଏକ ଆବାସ ଗୃହ ମଞ୍ଜୁର ହୋଇଥିଲା l ସେ ଘର ନିର୍ମାଣ କାର୍ଯ ଆରମ୍ଭ କରିଥିଲେ l ରାଜ୍ୟରୁ ଏକ ଗୃହ କମିଟି ତାଙ୍କ ଘରକୁ ତଦନ୍ତ ପାଇଁ ପହଞ୍ଚି ଥିଲେ l ସେହି ସମୟରେ ଶୁରେଖାଙ୍କ ସ୍ଵାମୀଙ୍କ ସ୍ବାସ୍ଥ୍ୟ ଅବସ୍ଥା ଠିକ୍ ନଥିଲା l ତାର କିଛି ଦିନ ପରେ ସ୍ବାମୀଙ୍କ ଦେହାନ୍ତ ହୋଇଯାଇଥିଲା l ଏଭଳି ଦୁଃଖଦ ଘଟଣା ପରେ ମଧ୍ୟ ସରକାରଙ୍କ ପାଖରୁ ପାଇଥିବା ସରକାରୀ ଅନୁଦାନକୁ ଉଚିତ ସମୟ ସୀମା ଭିତରେ ବ୍ୟବହାର କରିଥିଲେ l ସୁରେଖା ଚୁଡ଼ି ବ୍ୟବସାୟ କରି ପରିବାର ପ୍ରତିପୋଷଣ କରୁଥିଲେ l ଏହି ଘଟଣା ପରେ ରାଜ୍ୟରୁ ଆସିଥିବା ଗୃହ କମିଟି କେନ୍ଦ୍ରକୁ ଜଣାଇଥିଲେ l ତେବେ ରାଷ୍ଟ୍ରପତି ଏହି ଘଟଣା ଜାଣିବା ପରେ ସୂରେଖାଙ୍କୁ ରାଷ୍ଟ୍ରପତି ଆସନ୍ତା ସ୍ଵାଧୀନତା ଦିବସ ଦିନ ରାତ୍ରି ଭୋଜନ ପାଇଁ ନିମନ୍ତ୍ରନ କରିଛନ୍ତି l

ତେବେ ଆଜି ବିନିକା ଏନଏସି କାର୍ଯ୍ୟ ନିର୍ବାହୀ ଅଧିକାରି ମାନସ ରଞ୍ଜନ ଭୋଇ ଶୂରେଖାଙ୍କ ଘରେ ପହଞ୍ଚି ଶୁଭେଛା ଜଣାଇବା ସହ ରାଷ୍ଟ୍ରପତି ଭବନ ପହଞ୍ଚାଇବା ବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି l
ଭାରତ ପାଇଁ ଆସିଲା ଖୁସି ଖବର !

ଭାରତୀୟଙ୍କ ପାଇଁ ଖୁସି ଖବର , ଭାରତୀୟ ପର୍ଯ୍ୟଟକଙ୍କ ପାଇଁ ବଡ଼ ଘୋଷଣା କଲେ ଫିଲିପାଇନ୍ସ ସରକାର , ମୋଦିଙ୍କ ସହ ଆଲୋଚନା ପରେ ଏଭଳି ଏକ ବଡ଼ ଘୋଷଣା କରି ଭାରତୀୟଙ୍କ ପାଇଁ ଖୁସି ଆଣି ଦେଇଛନ୍ତି ପ୍ରଧାନମନ୍ତ୍ରୀ ମୋଦି | ଫିଲିପାଇନ୍ସ ସରକାର ଭାରତୀୟ ପର୍ଯ୍ୟଟକଙ୍କ ପାଇଁ ଭିସା-ମୁକ୍ତ ପ୍ରବେଶ ପାଇଁ ଆନୁଷ୍ଠାନିକ ଭାବରେ ଘୋଷଣା କରିଛି – ଏବେ ଯାତ୍ରା ସୁବିଧା ଏବଂ ସାଂସ୍କୃତିକ ବିନିମୟର ଏକ ନୂତନ ଯୁଗର ଆରମ୍ଭ ହେବାକୁ ଯାଉଥିବା କୁହାଯାଉଛି |

ପାଞ୍ଚ ଦିନିଆ ଭାରତ ଗସ୍ତ ସମୟରେ ଫିଲିପାଇନ୍ସ ରାଷ୍ଟ୍ରପତି ଫର୍ଡିନାଣ୍ଡ ମାର୍କୋସ ଜୁନିଅର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ପରେ ଏହି ଘୋଷଣା କରାଯାଇଥିବା ଜଣାପଡିଛି | ତେବେ ଏହାର ପ୍ରତିବଦଳରେ ମଧ୍ୟ ଭାରତ ଫିଲିପାଇନ୍ସ ନାଗରିକମାନଙ୍କୁ ମାଗଣା ଇ-ଭିସା ସୁବିଧା ପ୍ରଦାନ କରିବ। ଅକ୍ଟୋବର 1ରୁ ଦିଲ୍ଲୀ ଏବଂ ମାନିଲା ମଧ୍ୟରେ ସିଧାସଳଖ ବିମାନ ଉଡ଼ାଣ ଆରମ୍ଭ କରିବାକୁ ମଧ୍ୟ ନିଶ୍ଚିତ କରିଛନ୍ତି ସରକାର । ଏୟାର ଇଣ୍ଡିଆ ଦ୍ୱାରା ପରିଚାଳିତ ନୂତନ ବିମାନ ସପ୍ତାହରେ ପାଞ୍ଚ ଥର ଚାଲିବ ଏହାଦ୍ୱାରା ପର୍ଯ୍ୟଟନ, ବାଣିଜ୍ୟ ଏବଂ କୂଟନୈତିକ ସମ୍ପର୍କକୁ ବୃଦ୍ଧି କରିବ ବୋଲି ଆଶା କରାଯାଉଛି। ଭାରତ ଏବଂ ଫିଲିପାଇନ୍ସ ଭବିଷ୍ୟତ ପାଇଁ ସେମାନଙ୍କର ସହଭାଗୀ ଦୃଷ୍ଟିକୋଣର ପ୍ରତୀକ ଭାବରେ ଏକ ମିଳିତ ଡାକଟିକଟ ପ୍ରକାଶନ ସହିତ 75 ବର୍ଷର କୂଟନୈତିକ ସମ୍ପର୍କକୁ ମଧ୍ୟ ମନେପକାଇଥିଲେ |
ଖରିଫ ହରଡ଼ କ୍ଷେତ୍ର ପରିଦର୍ଶନ

ଢେଙ୍କାନାଳ ଜିଲ୍ଲା ସଦର ବ୍ଲକ୍ ମଧୁସାହୁପାଟଣା ଗ୍ରାମପଞ୍ଚାୟତର ମୋଟରୀ ଗ୍ରାମ ଠାରେ ଇକାର୍ଡା ଓ ଓଡିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ସହାୟତାରେ ହରଡ଼ ବିହନ ବଣ୍ଟନ ଓ ଦକ୍ଷତା ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଇକାର୍ଡା ସହାୟତାରେ ଓସ୍ବା ସଂସ୍ଥା ଦ୍ୱାରା ଆୟୋଜନ କରାଯାଇଥିଲା । ଏହି ହରଡ଼ ବିହନ ବଣ୍ଟନ କାର୍ଯ୍ୟକ୍ରମରେ ଇକାର୍ଡା,ସାଉଥ୍ ଏସିଆଏଣ୍ଡ ଚାଇନାର ରିଜୋନାଲ୍ କୋର୍ଡିନେଟର ଡ.ଶିବକୁମାର ଅଗ୍ରୱାଲ,ଜିଲ୍ଲା ସହ ସହକାରୀ କୃଷି ଅଧିକାରୀ ଶିବନାରାୟଣ ସିଂ, ଇକାର୍ଡାର ରାଜ୍ୟ ମୁଖ୍ୟ ଡ.କିଶୋର କୁମାର ବେହେରା,ଓସ୍ବାର ପରାମର୍ଶଦାତା ସତ୍ୟନାରାୟଣ ମିଶ୍ର, ଶସ୍ୟ ସଂରକ୍ଷଣର ବୈଜ୍ଞାନିକ ସଂଘମିତ୍ରା ସାହୁ, ଓସ୍ବାର ନିର୍ଦ୍ଦେଶକ ଦିଲ୍ଲୀପ କୁମାର ପଟ୍ଟନାୟକ, ଇକାର୍ଡାର ଏଫ୍.ପି.ଓ.ବାଣିଜ୍ୟ ବିକାଶ ଅଧୁକାରୀ ମେଘନାଦ ନନ୍ଦ, ମଧୁସାହୁପାଟଣା ଗ୍ରାମର ସର୍ବେଶ୍ୱର ପ୍ରଧାନ ଇକାର୍ଡର ଜିଲ୍ଲା ସଂଯୋଜକ ଆଶିଷ କୁମାର ଜେନା ପ୍ରମୁଖ ଉପସ୍ଥିତ ରହି ୧୦୦ରୁ ଉର୍ଦ୍ଧ୍ୱ ଅଗ୍ରଣୀଚାଷୀ ଭାଇ ଭଉଣୀମାନେ ଉପସ୍ଥିତ ଥିଲେ ।

ଉକ୍ତ ବୈଠକକୁ ଜି.ଟିର କ୍ଲଷ୍ଟର ପରିଚାଳକ ଶ୍ରୀ ନାରାୟଣ ଖଟୁଆ ସଂଯୋଜନା କରିଥିଲେ । ଏହି କାର୍ଯ୍ୟକ୍ରମର ପ୍ରାରମ୍ଭରେ ଡ.ବେହେରା ଇକାର୍ଡା ଓ କୃଷି ବିଭାଗ ସହାୟତାରେ ଆମ ଓଡିଶା ରାଜ୍ୟରେ ଢେଙ୍କାନାଳକୁ ମିଶାଇ ୧୦ଟି ଜିଲ୍ଲାରେ କିଭଳି ଭାବେ ହରଡ଼ ଚାଷ କରି ଲାଭବାନ ହୋଇପାରିବେ,ସେହି ବିଷୟରେ ବିସ୍ତୃତ ଭାବେ ଆଲୋଚନା କରିଥିଲେ । ଜିଲ୍ଲା ସହକାରୀ କୃଷିଅଧିକାରୀ ଉକ୍ତ ସଭାରେ ଉପସ୍ଥିତ ରହି ଇକାର୍ଡା ସମ୍ବନ୍ଧରେ ଓ ହରଡ଼ ଚାଷ ବିଷୟରେ ପରାମର୍ଶ ଦେଇଥିଲେ ।

ଏହି ସଭାରେ ଡ.ଅଗ୍ରୱାଲ ହରଡ଼ ଚାଷ ସଫଳ ହେବା ପାଇଁ ଚାରୋଟି ବିଷୟ ଉପରେ ଗୁରୁତ୍ବ ଦେଇଥିଲେ । ସେଗୁଡିକ ହେଲା ଚାଷୀମାନଙ୍କ ଦ୍ବାରା ସଠିକ୍ ସମୟରେ ବିହନ ବୁଣାଯିବା,ଠିକ୍ ସମୟରେ ଘାସ ବାଛିବା,ଠିକ୍ ସମୟରେ ରୋଗପୋକ ନିୟନ୍ତ୍ରଣ କରିବା ଓ ଠିକ୍ ସମୟରେ ଅମଳ କରିବା ଉପରେ ପରାମର୍ଶ ଦେଇଥିଲେ । ଏହାକୁ ଅବଲମ୍ବନ କରାଗଲେ ଏକର ପ୍ରତି ହାରାହାରି ୧୦ ରୁ ୧୫ କୁଇଣ୍ଟାଲ ହରଡ଼ ଅମଳ କରାଯାଇପାରିବ ବୋଲି ସୂଚନା ଦେଇଥିଲେ । କାର୍ଯ୍ୟକ୍ରମର ପରିଶେଷରେ ଦିଲ୍ଲୀପ ପଟ୍ଟନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

ପରେ ଅତିଥିମାନଙ୍କ କରକମଳରେ ଏଲ୍.ଆର୍.ଜି. ୫୨ କିସମର ହରଡ଼ ବିହନ ୬୨ଜଣ ଚାଷୀଙ୍କୁ ବଣ୍ଟନ କରିଥିଲେ । ପରବର୍ତ୍ତୀ ସମୟରେ ସମସ୍ତ ଅଧିକାରୀଙ୍କ ଉପସ୍ଥିତିରେ ମୋଟରୀ ଗ୍ରାମରେ ଧାଡି ପ୍ରଣାଳୀରେ ହରଡ଼ ବୁଣାଯାଇଥିଲା । ପରେ ଇକାର୍ଡା ଓ ସମସ୍ତ ଅଧିକାରୀ ଜିଲ୍ଲା ମୁଖ୍ୟ କୃଷି ଅଧିକାରୀ ବିଶ୍ୱନାଥ ଦାସଙ୍କ ସହିତ ହରଡ଼ ଚାଷ ଉପରେ ଆଲୋଚନା କରିଥିଲେ ।

ପରିଶେଷରେ ସମସ୍ତ ଅଧିକାରୀ ଢେଙ୍କାନାଳ ଜିଲ୍ଲାର କୃଷି ବିଜ୍ଞାନ କେନ୍ଦ୍ରକୁ ପରିଭ୍ରମଣ କରି ବରିଷ୍ଠ ବୈଜ୍ଞାନିକ ଓ ମୁଖ୍ୟ କୃଷି ବିଜ୍ଞାନ କେନ୍ଦ୍ର ଢେଙ୍କାନାଳ ଡ.ବିମଳେନ୍ଦୁ ମହାନ୍ତି ଓ ଅନ୍ୟାନ୍ୟ ବୈଜ୍ଞାନିକମାନଙ୍କ ଉପସ୍ଥିତିରେ ହରଡ଼ ଚାଷକୁ ଆଗାମୀ ଦିନରେ କିଭଳି ଅଧିକରୁ ଅଧିକ ଫସଲ କରାଯାଇ ପାରିବ ସେ ବିଷୟରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ବ୍ଲକ୍ ସଂଯୋଜକ ପ୍ରକାଶ କୁମାର ସାଠୁଆ,ଆଶୁତୋଷ ଘଡେଇ,ଆଶୀର୍ବାଦ ଜେନା,ଶତୃଘ୍ନ ନାୟକ,ବିଶ୍ଵପ୍ରକାଶ ମହାନ୍ତି ପ୍ରମୁଖ ସହଯୋଗ କରିଥିଲେ ।
ଯୋଡ଼ା ଇଷ୍ଟ ଆଇରନ ଖଣିରେ ଦୁର୍ଘଟଣା

ଟାଟା ଷ୍ଟିଲର ଯୋଡ଼ା ଇଷ୍ଟ ଆଇରନ ଖଣିରେ ଦୁର୍ଘଟଣା । କ୍ରସିଂ ଏବଂ ସ୍କ୍ରିନିଂ ପ୍ଲାଣ୍ଟର ସ୍କ୍ରିନର ଡିସଚାର୍ଜ ଚୁଟ୍ ଅଞ୍ଚଳରେ ଜାମ୍ ସଫା କାର୍ଯ୍ୟ କରୁଥିବା ବେଳେ ଘଟିଥିଲା ଅଘଟଣ । ଅଘଟଣରେ ଜଣେ ଶ୍ରମିକଙ୍କର ମୃତ୍ୟୁ ହୋଇଛି | ମୃତ ଶ୍ରମିକ ହେଉଛନ୍ତି ଝାଡ଼ଖଣ୍ଡର ସୂରଜ୍ ମାହତୋ । ସୁରଜଙ୍କ ମୁଣ୍ଡରେ ଜୋରରେ ଆଘାତ ଲାଗିବାରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି | ସେ କମ୍ପାନୀରେ ନିୟୋଜିତ ଏକ ଠିକା ସଂସ୍ଥା ଅଧୀନରେ କାମ କରୁଥିଲେ ।

ସୂଚନାଅନୁସାରେ, ଟାଟା ଷ୍ଟିଲର ଯୋଡ଼ା ଇଷ୍ଟ ଲୌହ ଖଣିରେ ଗତ ମାସରେ ଏପରି ଦୁର୍ଘଟଣାରେ ଜଣେ ଲୋଡର ଅପରେଟରଙ୍କ ମୃତ୍ୟୁ ହୋଇଥିଲା । ମାତ୍ରାଧିକ କାର୍ଯ୍ୟଚାପରେ ସେ ଦୁର୍ଘଟଣାରେ ଶିକାର ହୋଇଥିବାବେଳେ ତାଙ୍କ ମୃତ୍ୟୁ ହେବା ନେଇ ସେତେବେଳେ କ୍ଷତିପୂରଣ ଦାବୀରେ ଚମ୍ପୁଆ ବ୍ଳକ ପତଳା ଗ୍ରାମରେ ମୃତକଙ୍କ ପରିବାର ଶ୍ରମିକଙ୍କ ମୃତଦେହ ଗ୍ରହଣ କରିନଥିଲେ । ଶ୍ରମିକଙ୍କ ମୃତ ଦେହ ଦୀର୍ଘ ୪୮ ଘଣ୍ଟାରୁ ଅଧିକ ସମୟ ପଡି ରହିଥିଲା |

ବାରମ୍ବାର ଏହି କମ୍ପାନୀ ଅଧିନରେ ସଂପୃକ୍ତ ଠିକା ସଂସ୍ଥାରେ କାର୍ଯ୍ୟକରୁଥିବା ଶ୍ରମିକଙ୍କ ମୃତ୍ୟୁ ଘଟୁଥିବାବେଳେ ପ୍ରଶାସନ କିମ୍ଵା ଶ୍ରମ ବିଭାଗ ଉକ୍ତ ଦିଗ ପ୍ରତି ଗୁରୁତ୍ଵ ଦେଉ ନ ଥିବାରୁ ଆଗକୁ ଏହି କମ୍ପାନୀରେ ଆଉ କେତେ ଦୁର୍ଘଟଣା ଘଟିବ ତାହା ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଛି । ତେବେ ଏହାକୁ ନେଇ ଚମ୍ପୁଆ ସହକାରୀ ଶ୍ରମ ଅଧିକାରୀ ବୃନ୍ଦାବନ ଜୁଆଁଗଂଙ୍କୁ ଯୋଗାଯୋଗ କରିବାରୁ ସେ କ୍ୟାମେରା ସାମ୍ନାରେ କିଛି କହି ନଥିଲେ |

ଏ ଘଟଣା ସଂପର୍କରେ ମୁଁ ଆପଣଙ୍କ ଠାରୁ ଏବେ ଜାଣିଲି ଏନେଇ ତଦନ୍ତ ପରେ କଣ ହୋଇଛି ଜଣାଇବି ବୋଲି କହିଛନ୍ତି । ଅନ୍ୟ ଦିଗରେ ଦୁର୍ଘଟଣାର ୨୪ ଘଣ୍ଟା ପରେ ମଧ୍ୟ ଶ୍ରମ ଅଧିକାରୀଙ୍କ ନିକଟରେ ସୂଚନା ନ ରହିବା ବିଭାଗ ଓ କମ୍ପାନୀର କାର୍ଯ୍ୟ କାରିତା ଉପରେ ପ୍ରଶ୍ନବାଚୀ ସୃଷ୍ଟି କରୁଛି । ସୁରଜଙ୍କ ମୃତ୍ୟୁକୁ ନେଇ ଟାଟାଷ୍ଟିଲ କତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।
ବିଭିନ୍ନ ନୂତନ ପ୍ରକଳ୍ପ ଉଦଘାଟନ କଲେ ଅଧ୍ୟକ୍ଷ ନୃପରାଜ ଯାଦବ

କେସିଙ୍ଗା ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ସହରର ୬ ନଂ ୱାର୍ଡର କଲୋନୀ ପଡା ଏବଂ ୧୧ ନଂ ୱାର୍ଡ ରେ ନବ ନିର୍ମିତ ବିଭିନ୍ନ ପ୍ରକଳ୍ପ କୁ ନଗରପାଳ ନୃପରାଜ ଯାଦବ ଓ କାର୍ଯ୍ୟନିର୍ବାହୀ ଅଧିକାରୀ ଚିନ୍ମୟ ଆଚାର୍ଯ୍ୟ ଙ୍କ କରକମଳରେ ଉଦଘାଟନ କରିଥିଲେ |

ସେହିପରି ଆସନ୍ତା ମାସରେ ବଗାଡ ରେ ୧ କୋଟି ୨୬ ଲକ୍ଷ ଟଙ୍କା ବ୍ୟୟରେ ନିର୍ମିତ କଲ୍ୟାଣ ମଣ୍ଡପ ଓ ୪୨ ଲକ୍ଷ ଟଙ୍କା ବ୍ୟୟରେ ନିର୍ମିତ କଂସେଇଖାନା ପ୍ରାୟ ୧ କୋଟି ଟଙ୍କା ବ୍ୟୟରେ ନିରାଶ୍ରୟ ମାନଙ୍କ ପାଇଁ ଆଶ୍ରୟସ୍ଥଲି ଉଦଘାଟନ କରାଯିବ ବୋଲି ଅଧ୍ୟକ୍ଷ ପ୍ରକାଶ କରିଥିଲେ ।
ବିଧାୟକ ପ୍ରଦୀପ୍ତ ଦିଶାରୀ ହେଲେ ଲାଞ୍ଜିଗଡ ବିଜେଡି ଜିଲ୍ଲା ସଭାପତି

ଓଡିଶା ର ଚାରୋଟି ଜିଲ୍ଲା ରେ ବିଜେଡି ସୁପ୍ରିମୋ ତଥା ପୂର୍ବତ୍ତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜିଲ୍ଲା ସଭାପତି ଘୋଷଣା କରିଛନ୍ତି | ଏଥିରେ କଳାହାଣ୍ଡି ଜିଲ୍ଲା ବିଜେଡି ସଭାପତି ଭାବେ ଲାଞ୍ଜିଗଡ ବିଧାୟକ ପ୍ରଦୀପ୍ତ ଦିଶାରୀ ମନୋନୀତ ହୋଇଛନ୍ତି |ତେବେ ଜଣେ ଆଦିବାସୀ ନେତା ଭାବେ ୨୦୧୯ ରୁ ୨୦୨୪ ପର୍ଯ୍ୟନ୍ତ ଶ୍ରୀ ଦିଶାରୀ ଲାଞ୍ଜିଗଡ ନିର୍ବାଚନ ମଣ୍ଡଳୀ ରେ ବେଶ ଚର୍ଚିତ ଚେହେରା |ସେହିପରି ଆଗାମୀ ଦିନରେ ଦଳ ର ସଂଘଠନ କୁ ମଜବୁତ କରିବା ଏବଂ ସରକାର ଙ୍କ ଜନବିରୋଧୀ କାର୍ଯ୍ୟ ବିରୁଦ୍ଧରେ ସ୍ୱର ଉତ୍ତୋଳନ କରାଯିବ ବୋଲି ସେ ପ୍ରକାଶ କରିଛନ୍ତି |ଏହି ଅବସରରେ କଳାହାଣ୍ଡି ବିଜେଡି କର୍ମୀ ଙ୍କ ମହଲ ରେ ଖୁସିର ଲହରୀ ଖେଳିଯାଇଛି |
ନାରୀ ଅସୁରକ୍ଷିତ ପ୍ରସଙ୍ଗକୁ ନେଇ ଡିଜି ଙ୍କୁ ଦାବିପତ୍ର

ରାଜ୍ୟରେ ଛାତ୍ରୀ ଓ ନାରୀ ଅସୁରକ୍ଷିତ ପ୍ରସଂଗ କୁ ନେଇ ମଙ୍ଗଳବାର କଳାହାଣ୍ଡି ଜିଲ୍ଲା କେସିଙ୍ଗା ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ କେସିଙ୍ଗା ଆମ୍ବେଦକର ଛକ ଠାରୁ କେସିଙ୍ଗା ମହାବିଦ୍ୟାଳୟର ଛାତ୍ର ଛାତ୍ରୀ ବିକ୍ଷୋଭ ପ୍ରଦର୍ଶନ କରିବା ସହ ଏକ ଶୋଭାଯାତ୍ରାରେ ବାହାରି କେସିଙ୍ଗା ଆଦର୍ଶ ଥାନା ଅଧିକାରୀ ପ୍ରଦ୍ୟୁମ୍ନ ମହାପାତ୍ରଙ୍କ ଜରିଆରେ ପୋଲିସ ଡିଜିଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରାଯାଇଛି।ସୂଚନା ଥାଉକି ଗତ ୧୩ ମାସର ବିଜେପି ସରକାର ଶାସନରେ ରାଜ୍ୟର ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଛି | ଯାହା ନାରୀ ନିର୍ଯାତନା ଅହେତୁକ ଭାବରେ ବୃଦ୍ଧି ହୋଇଛି। ରାଜ୍ୟରେ ଛାତ୍ରୀ ମାନେ ପର୍ଯ୍ୟଟନ ସ୍ଥଳୀ ଠାରୁ ଆରମ୍ଭ କରି କଲେଜ କ୍ୟାମ୍ପସ ପର୍ଯ୍ୟନ୍ତ ସୁରକ୍ଷିତ ନାହାଁନ୍ତି। ଛାତ୍ରୀ ନିବାସରେ ନାବାଳିକା ମାନେ ଗର୍ଭବତୀ ହେଉଛନ୍ତି। ଗୋପାଳପୁର ବେଳାଭୂମିରେ ଜଣେ ଛାତ୍ରୀଙ୍କୁ ଗଣଦୁଷ୍କର୍ମ, ବାଲେଶ୍ଵର ଏଫଏମ କଲେଜ ଛାତ୍ରୀଙ୍କ ଆତ୍ମଦାହ ଘଟଣା, ବଳଙ୍ଗା ନାବାଳିକା ପୋଡ଼ି ଘଟଣା ସାରା ଦେଶରେ ଚର୍ଚ୍ଚାର ବିଷୟ ହୋଇଛି। ଏଥିପାଇଁ ରାଜ୍ୟ ସରକାରଙ୍କ ଅପାରଗତା ଓ ଦୁର୍ବଳ ନେତୃତ୍ୱକୁ ଦାୟୀ କରିଛନ୍ତି ରାଜ୍ୟ କାର୍ଯକାରୀ ସଭାପତି ଅବିନାଶ ଠାକୁର । ଏହି କାର୍ଯ୍ୟକ୍ରମରେ କେସିଙ୍ଗା ଏନଏସି ଅଧ୍ୟକ୍ଷ ନୃପରାଜ ଯାଦବ, ଉପାଧ୍ୟକ୍ଷା ସରସ୍ବତୀ ସା, ଯୁବ ବିଜେଡି ସଭାପତି ଆଦିତ୍ୟ ନନ୍ଦ, ରାଜ୍ୟ ଛାତ୍ର ବିଜେଡି କାର୍ଯକାରୀ ସଭାପତି ଅବିନାଶ ଠାକୁର, ବରିଷ୍ଠ ରାଜ୍ୟ ଯୁବ ବିଜେଡି ଉପ ସଭାପତି ମଣ୍ଟୁ ନାଏକ, ଜିଲ୍ଲା ଛାତ୍ର ବିଜେଡି ସଭାପତି ଅଜିତ ସାହୁ, ଯୁବ ବିଜେଡି ନେତା ଶିଶିର ପରିଡା, ନଳୀନ ପଟ୍ଟନାୟକ, ଦାମୋଦର ବାଗ, ପିତବାସ ବେହେରା, ଦୀପକ କୁମାର, ଛାତ୍ର ନେତା ସ୍ବାଧୀନ ପଟ୍ଟନାୟକ, ଅଭିନବ ପଟ୍ଟନାୟକ,ଅନୀଲ ନାଏକ, ପ୍ରବୀଣ ନାଏକ, ନବୀନ ନାୟକ, ଶୁଭେନ୍ଦୁ ସାହୁ, ପ୍ରୀତମ ପାଢ଼ୀ, ସମସ୍ତ କାଉନସିଲର ଓ ନଗର କମିଟି ପ୍ରମୁଖ ଯୋଗ ଦେଇଥିଲେ ।