Tag: #suchana news

ବିଶ୍ଵ ଆଦିବାସୀ ଦିବସ ପାଳିତ

ଆଜି ବିଶ୍ୱ ପ୍ରସିଦ୍ଧ ଆଦିବାସୀ ଦିବସ ମହା ଆଡ଼ମ୍ବରରେ ପାଳନ କରାଯାଇଛି । ଏହି ବିଶ୍ଵ ଆଦିବାସୀ ଦିବସ ରାୟଗଡ଼ା ଜିଲ୍ଲାର ୧୧ ଟି ବ୍ଲକରେ ପାଳନ କରାଯାଇଥିବା ଦେଖିବାକୁ ମିଳିଛି । ସାରା ବିଶ୍ବରେ ଆଦିବାସୀ ଦିବସ ପାଳନ କରୁଥିବା ବେଳେ ରାୟଗଡ଼ା ଜିଲ୍ଲା ର ରାୟଗଡ଼ା, ବିଷମକଟକ , ମୁନିଗୁଡା ବ୍ଲକ ଠାରେ ମହା ଆଡମ୍ବରରେ ପାଳନ କରାଯାଇଥିବା ଦେଖିବାକୁ ମିଳିଛି ।

ଏହି ବିଶ୍ଵ ପ୍ରସିଦ୍ଧ ଆଦିବାସୀ ଦିବସରେ ଆଦିବାସୀ ମାନେ ପ୍ରଥମେ ନିଜର ଜଳ , ଜଙ୍ଗଲ, ମାଟି ,ପବନ ର ଅଧିକାରୀ ଆମେ ଆମ ମାଟି ଆମ ମା କୁ ଛାଡ଼ିବୁ ନାହିଁ ବୋଲି ସ୍ଳୋଗାନ ଦେଇ ସହର ପରିକ୍ରମା କରି ନିଜ ପାରମ୍ପରିକ ବାଜା ବଜାଇ ନୃତ୍ୟ ପରିବେଷଣ କରିଥିଲେ ।

ବର୍ଷକୁ ଥରେ ଆସିଥାଏ ଏହି ବିଶ୍ଵ ଆଦିବାସୀ ଦିବସ । ଏହି ବିଶ୍ଵ ଆଦିବାସୀ ଦିବସ ରେ ଆଦିବାସୀ ମାନେ ତାଙ୍କର ପାରମ୍ପରିକ ନୃତ୍ୟ କୁ ସବୁଦିନ ପାଇଁ ବଜାଇ ରଖିବା ପାଇଁ ବିଭିନ୍ନ ଢ଼ଙ୍ଗରେ ନୃତ୍ୟ ପରିବେଷଣ କରି ସଚେତନ କରିବା ସହ ଏହି ବିଶ୍ଵ ଆଦିବାସୀ ଦିବସ ପାଳନ କରୁଥିବା ଦେଖିବାକୁ ମିଳୁଛି ।
ପ୍ରଜାପିତା ବ୍ରହ୍ମକୁମାରୀରେ ପବିତ୍ର ରକ୍ଷାବନ୍ଧନ ଉତ୍ସବ

ପାରାଦୀପରେ ଥିବା ପ୍ରଜାପିତା ବ୍ରହ୍ମକୁମାରୀ ଇଶ୍ୱରୀୟ ବିଶ୍ବବିଦ୍ୟାଳୟ ପକ୍ଷରୁ ପବିତ୍ର ରକ୍ଷାବନ୍ଧନ ଉତ୍ସବ ପାଳିତ ହୋଇଯାଇଛି। ବ୍ରହ୍ମକୁମାରୀ ଇଶ୍ୱରୀୟ ବିଶ୍ଵବିଦ୍ୟାଳୟର ମୁଖ୍ୟ ପରିଚାଳିକା ଭଉଣୀ ସୁମନ ରକ୍ଷାବନ୍ଧନର ମହତ କଣ କାହିଁକି ରାକ୍ଷୀ ବନ୍ଧାଯାଏ ଏବଂ ପ୍ରକୃତ ରାକ୍ଷୀ କଣ ସେ ବିଷୟରେ ଉପସ୍ଥିତ ଗଣମାଧ୍ୟମର ପ୍ରତିନିଧି ମାନଙ୍କୁ ଅବଗତ କରାଇଥିଲେ । ରକ୍ଷା ବନ୍ଧନର ଉଦ୍ଦେଶ୍ୟ ହେଲା ଖରାପ ଜିନିଷ ଛାଡିବା ଓ ଭଲ ଜିନିଷ ଗ୍ରହଣ କରିବା ଏବଂ ଭଗବାନଙ୍କୁ ସ୍ମରଣ କରିବା ।

ବର୍ତମାନ ସମାଜରେ ନାରୀ ମାନଙ୍କୁ ସମ୍ମାନ ଦେବା ସେମାନଙ୍କୁ ସ୍ନେହ ଶ୍ରଦ୍ଧା କରିବା ସହିତ ଜଣେ ରିକ୍ସାଚାଳକ ହେଉ କିମ୍ବା ଅନାଥ ପିଲା ସମସ୍ତଙ୍କୁ ସମାନ ଦୃଷ୍ଟିରେ ଦେଖିବା ଏବଂ ସେମାନଙ୍କୁ ରାକ୍ଷୀ ବାନ୍ଧି ସେମାନଙ୍କ ସହିତ ମିଠା ମିଠା କଥା କହିବା ଭଳି କାର୍ଯ୍ୟକ୍ରମ ୫ ଦିନ ହେବ ପାରାଦୀପରେ ଥିବା ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ପକ୍ଷରୁ ପାଳନ କରାଯାଉଛି ବୋଲି ମୁଖ୍ୟ ପରିଚାଳିକା ପ୍ରକାଶ କରିଥିଲେ । ତେବେ ବିଶ୍ଵବିଦ୍ୟାଳୟ ପରିସରରେ ଅନୁଷ୍ଠିତ ରକ୍ଷାବନ୍ଧନ କାର୍ଯ୍ୟକ୍ରମ ରେ ଉପସ୍ଥିତ ଗଣମାଧ୍ୟମର ପ୍ରତିନିଧି ମାନଙ୍କୁ ଭଉଣୀ ସୁମନ ଏବଂ ଅନ୍ୟ ଭଉଣୀମାନେ ରାକ୍ଷୀ ବାନ୍ଧିଥିଲେ |
ଜଗନ୍ନାଥ ଓ ବଳଭଦ୍ରଙ୍କୁ ରାକ୍ଷୀ ପିନ୍ଧାଇଛନ୍ତି ଭଉଣୀ ସୁଭଦ୍ରା

ଆଜି ପବିତ୍ର ଗହ୍ମା ପୁନେଇ ରେ ମହାପ୍ରଭୁ ଶ୍ରଜଗନ୍ନାଥ ଓ ପ୍ରଭୁ ବଳଭଦ୍ର ଙ୍କୁ ରାକ୍ଷୀ ପିନ୍ଧାଇଛନ୍ତି ଭଉଣୀ ସୁଭଦ୍ରା । ବଡ ଠାକୁର ପିନ୍ଧିଛନ୍ତି ବଡ ରାକ୍ଷୀ । ଭାଇ ଭଉଣୀଙ୍କ ଥିବା ଏହି ସମ୍ପର୍କ ଡୋରିର ନିଦର୍ଶନ କୁ ଦର୍ଶନ କରି ନିଜ କୁ ଧନ୍ୟ ମଣିଛନ୍ତି ଭକ୍ତ । ମହାପ୍ରଭୁଙ୍କ ରାକ୍ଷୀ ତିଆରି କରିଛନ୍ତି ସ୍ଵତନ୍ତ୍ର ପାଟରା ବିଷୋୟୀ ସେବକ । ଗତ ଚିତାଲାଗି ଅମାବାସ୍ୟା ଠାରୁ ଏହି ପ୍ରସ୍ତୁତି କାର୍ଯ୍ୟ ଆରମ୍ଭ ହୋଇଥିଲା । ବିଧି ମୁତାବକ ମହାପ୍ରଭୁ ଶ୍ରଜଗନ୍ନାଥ ଦୁଇଟି ଓ ଶ୍ରୀ ବଳଭଦ୍ର ଦୁଇଟି ଲେଖାଏଁ ରାକ୍ଷୀ ପରିଧାନ କରିଥାନ୍ତି । ଏଥି ସହ ହାତରେ ଦୁଇଟି ଲେଖାଏଁ ଗୁଆମାଲ ପରିଧାନ କରି ରାକ୍ଷୀ ପୂର୍ଣ୍ଣିମାରେ ଭକ୍ତ ଙ୍କୁ ଦର୍ଶନ ଦେଉଛନ୍ତି ଶ୍ରୀଜିଉ । ଗହ୍ମା ପୂର୍ଣ୍ଣିମାରେ ଶ୍ରୀ ବଳଭଦ୍ରଙ୍କ ଜନ୍ମଦିନ ମଧ୍ୟ ପାଳନ ହେଉଛି ।

ଶ୍ରୀ ମନ୍ଦିର ଚୁନାର ସେବକ ଶରତ ମହାନ୍ତି କହିଛନ୍ତି , ପବିତ୍ର ରାକ୍ଷୀ ପୂର୍ଣ୍ଣିମା ହେଉଛି ଭାଇ ଭଉଣୀ ଙ୍କ ମଧ୍ୟରେ ଏକ ଅତୁଟ ବନ୍ଧନ ର ପର୍ବ । ଯେମିତି ଭାଇ ଠାରୁ ସୁରକ୍ଷା ଆଶା ନେଇ ଭଉଣୀ ଭାଇ ହାତରେ ରାକ୍ଷୀ ଭିଡ଼ିଥାଏ ଠିକ୍ ସେହିଭଳି ଶ୍ରୀକ୍ଷେତ୍ର ରେ ମାନବୀୟ ଲୀଳା କରୁଥିବା ମହାପ୍ରଭୁ ଶ୍ରଜଗନ୍ନାଥ ଓ ପ୍ରଭୁ ବଳଭଦ୍ର ନିଜ ଅଲିଅଳି ଭଉଣୀ ସୁଭଦ୍ରା ଙ୍କ ହାତରୁ ରାକ୍ଷୀ ପିନ୍ଧିଥାନ୍ତି । ୪ଟି ବୃହତ କାୟ ରାକ୍ଷୀ ଓ ଗୁଆମାଲ ମହାପ୍ରଭୁ ଶ୍ରଜଗନ୍ନାଥ ଓ ପ୍ରଭୁ ବଳଭଦ୍ର ଶ୍ରୀ ହସ୍ତରେ ଧାରଣ କରିଥାନ୍ତି । ମହାପ୍ରଭୁ ଙ୍କ ଭୋଗ ମଣ୍ଡପ ନୀତି ସରିବା ପରେ ମହାପ୍ରଭୁ ଙ୍କ ଶ୍ରୀଭୂଜ ରେ ରାକ୍ଷୀ ଲାଗି ନୀତି ଅନୁଷ୍ଠିତ ହୋଇଥାଏ । କେବଳ ସେତିକି ନୁହେଁ ପରମ୍ପରା ଅନୁଯାୟୀ ଜଜ ମାନଙ୍କ ମଙ୍ଗଳ ଓ ଉନ୍ନତି ପାଇଁ ପୁରୋହିତ ମାନେ ରକ୍ଷା ବନ୍ଧନ ପୂର୍ବକ ହାତରେ ଡୋରୀ ପିନ୍ଧାଇଥାଆନ୍ତି । ଶ୍ରୀ ମନ୍ଦିର ପାଟରା ବିଷୋୟୀ ସେବକ ମାନେ ମହାପ୍ରଭୁ ଙ୍କ ପାଇଁ ରାକ୍ଷୀ ତିଆରି କରିଥାନ୍ତି ।

ରାକ୍ଷୀ ତିଆରି ପାଇଁ ଶ୍ରୀ ମନ୍ଦିର ପ୍ରଶାସନ ପକ୍ଷରୁ ପାଟରା ବିଷୋୟୀ ସେବକ ଙ୍କୁ ଆବଶ୍ୟକ ପରିମାଣ ର ବାସୁଙ୍ଗା ପାଟଯୋଗାଇ ଦିଆଯାଏ । ଏହାକୁ ପ୍ରାକୃତିକ ରଙ୍ଗ ରେ ବୁଡ଼ାଇ ଖରାରେ ସୁଖାଯାଇଥାଏ । ହଳଦିଆ, ନାଲି, ନେଳି ଓ ବାଇଗଣୀ ରଙ୍ଗରେ ବାସୁଙ୍ଗା ପାଟ କୁ ରଙ୍ଗୀନ କରାଯିବା ପରେ ତାକୁ ନିର୍ଦ୍ଦିଷ୍ଟ ମାପରେ କଟାଯାଇ ଗୋଲେଇ ଆକାରରେ ପ୍ରସ୍ତୁତ କରାଯାଇଥାଏ । କାଠ ପାନିଆ ରେ ଏହାକୁ ସାଇଜ କରାଯାଇ ୫ ଥାକିଆ ରାକ୍ଷୀ ପ୍ରସ୍ତୁତ କରାଯାଏ । ବାଶୁଙ୍ଗା ପାଟରେ ଡୋରି ମଧ୍ୟ ପ୍ରସ୍ତୁତ କରାଯାଇଥାଏ । ଏଥି ସହିତ ୫୪ ଟି ଲେଖାଏଁ ଗୁଆରେ ୪ ଟି ଗୁଆମାଳ ପ୍ରସ୍ତୁତ କରାଯାଏ । ମହାପ୍ରଭୁ ଶ୍ରଜଗନ୍ନାଥ ହଳଦିଆ ଓ ନାଲି ରଙ୍ଗର ଗୁଆମାଳ ଏବଂ ପ୍ରଭୂ ଶ୍ରୀ ବଳଭଦ୍ର ନେଳି ଓ ବାଇଗଣୀ ରଙ୍ଗର ଗୁଅମାଳ ପରିଧାନ କରିଥାନ୍ତି । ଏହା ବ୍ୟତୀତ ବାସୁଙ୍ଗା ପାଟରେ ୧୫ ଟି ଛୋଟ ରାକ୍ଷୀ ପ୍ରସ୍ତୁତ ହୋଇଥାଏ । ଶ୍ରୀ ମନ୍ଦିର ଭିତରେ ଥିବା ପାର୍ଶ୍ଵ ଦେବଦେବୀ ମଧ୍ୟ ଏହି ଛୋଟ ରାକ୍ଷୀ ପରିଧାନ କରିଥାନ୍ତି ।
ପାଚିକା ନିଯୁକ୍ତି ରେ ଅନିୟମିତତା

ପାଚିକା ନିଯୁକ୍ତି ରେ ଅନିୟମିତତା । ମିଛ ବୟସ ପ୍ରମାଣପତ୍ରରେ ପାଚିକାଙ୍କୁ ମିଳୁଛି ନିଯୁକ୍ତି । ଏଭଳି ଘଟଣା ଦେଖିବାକୁ ମିଳିଛି ସୁବର୍ଣ୍ଣରେଖା ସରକାରୀ ପ୍ରାଥମିକ ବିଦ୍ୟାଳୟରେ । ବାଲେଶ୍ବର ଜିଲ୍ଲା ବାଲିଆପାଳ ବ୍ଲକ ଅସ୍ତି ପଞ୍ଚାୟତ ଅନ୍ତର୍ଗତ ଡାଳୁଅ – ୨ ଗ୍ରାମରେ ଥିବା ସୁବର୍ଣ୍ଣରେଖା ସରକାରୀ ପ୍ରାଥମିକ ବିଦ୍ୟାଳୟରେ ପାଚିକା ନିଯୁକ୍ତି ରେ ଅନିୟମିତତା ହୋଇଥିବା ଅଭିଯୋଗ ହୋଇଛି । ସୂଚନା ଅନୁସାରେ , ସୁବର୍ଣ୍ଣରେଖା ସରକାରୀ ପ୍ରାଥମିକ ବିଦ୍ୟାଳୟରେ ଆଜକୁ ୨୫ ବର୍ଷ ଧରି ଡାଳୁଆ – ୨ ଗ୍ରାମର ଅମ୍ବିକା ଗିରି ଏବଂ ଭାରତୀ ଗିରି ପାଚିକା ଭାବରେ କାର୍ଯ୍ୟ କରି ଆସୁଛନ୍ତି । ହେଲେ ଜାନୁୟାରୀ ୨୦୨୫ ସୁଦ୍ଧା ଉଭୟ ଙ୍କ ବୟସ ୬୧ବର୍ଷ ହୋଇଥିବା ବେଳେ ବିଦ୍ୟାଳୟର ପ୍ରଧାନ ଶିକ୍ଷକ ଅରବିନ୍ଦ ସାମଲ ପାଚିକା ଅମ୍ବିକା ଗିରି ଙ୍କ ବୟସାଧିକ ହୋଇଥିବା ରୁ ତାଙ୍କୁ ଆଉ ଚାକିରୀ ରେ ରଖାଯିବ ନାହିଁ ବୋଲି ସୂଚନା ଦେଇଛନ୍ତି ।

ଅନ୍ୟପଟେ ପାଚିକା ଭାରତୀ ଗିରି ଙ୍କ ବୟସ ୬୧ ବର୍ଷ ହୋଇଥିବା ବେଳେ ଚଞ୍ଚକତା କରି ଭୋଟର ପରିଚୟ ପତ୍ର ଏବଂ ଆଧାର କାର୍ଡ ରେ ବୟସ କମାଇ 49 ବର୍ଷ କରି ପ୍ରଧାନ ଶିକ୍ଷକ ତାଙ୍କୁ ପୂନଃ ନିଯୁକ୍ତି ଦେଇଥିବା ଅଭିଯୋଗ କରିଛନ୍ତି ଅମ୍ବିକା । ତେବେ ୬୦ ବର୍ଷ ପରେ କୌଣସି ମହିଳା ପାଚିକା ଭାବରେ କାର୍ଯ୍ୟ କରି ପାରିବେ ନାହିଁ ସରକାରୀ ନିୟମ ରହିଥିବା ବେଳେ ବିଦ୍ୟାଳୟର ପ୍ରଧାନ ଶିକ୍ଷକ ଅରବିନ୍ଦ ସାମଲ ତାଙ୍କୁ କେଉଁ ଆଧାରରେ ନିଯୁକ୍ତି ଦେଇଛନ୍ତି ତାକୁ ନେଇ ପ୍ରଶ୍ନ ଉଠାଇଛନ୍ତି ଅମ୍ବିକା ।

ତେବେ ଏନେଇ ଅମ୍ବିକା ପ୍ରଧାନଶିକ୍ଷକଙ୍କୁ ବୟସ ଚଞ୍ଚକତା ବିଷୟରେ ପଚାରି କୌଣସି ସନ୍ତୋଷଜନକ ଉତ୍ତର ନପାଇବାରୁ ଅମ୍ବିକା ଗତ ବିଧାନସଭା ନିର୍ବାଚନ ଭୋଟର ଲିଷ୍ଟ ଯାଞ୍ଚ କରିବାରୁ ସେଥିରେ ୬୦ ବର୍ଷ ହୋଇଥିବା ଜାଣିବାକୁ ପାଇଥିଲେ । ଏହାସହ ଭାରତୀ ଅନଲାଇନ ରେ ଭୋଟର ପରିଚୟ ପତ୍ରରେ ବୟସ ସଂଶୋଧନ ପାଇଁ ଆବେଦନ କରିଥିବା ବେଳେ ବୟସ କମେଇ ନୂତନ ଭୋଟର ପରିଚୟ ପତ୍ର ପାଇଥିବା ଜଣାପଡିଛି | ତେବେ ଦାୟିତ୍ବ ରେ ଥିବା ବିଏଲଓ କେମିତି ୧୨ ବର୍ଷ କମେଇ ଭୋଟର ପରିଚୟ ପତ୍ର ଆବେଦନ ପତ୍ର ଗ୍ରହଣ କରି ନୂତନ ଭୋଟର ପରିଚୟ ପତ୍ର ପ୍ରଦାନ କରିଛନ୍ତି ତାହା ସାଧାରଣ ରେ ପ୍ରଶ୍ନବାଚୀ ସୃଷ୍ଟି ହୋଇଛି ।

ଏନେଇ ଅମ୍ବିକା ବାଲିଆପାଳ ଗୋଷ୍ଠୀ ଶିକ୍ଷାଧିକାରୀ ଙ୍କ ସମେତ ଜିଲ୍ଲା ଶିକ୍ଷାଧିକାରୀ, ଜିଲ୍ଲାପାଳ ଏବଂ ବିଭାଗୀୟ ମନ୍ତ୍ରୀ ଙ୍କୁ ଲିଖିତ ଅଭିଯୋଗ କରିଥିବା ବେଳେ ନିରପେକ୍ଷ ତଦନ୍ତ କରି ତାଙ୍କୁ ନ୍ୟାୟ ପ୍ରଦାନ କରିବା ସହ ଏଭଳି ଅନିୟମିତତା କରିଥିବା ଅଧିକାରୀ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି କରିଛନ୍ତି |
ଯାତ୍ରୀବାହୀ ବସ ଓଲଟି କୋଡିଏରୁ ଉର୍ଦ୍ଧ୍ୱ ଆହତ

ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ତଥା ତୁମୁସିଂହା ଥାନା ଅନ୍ତର୍ଗତ କନ୍ତିଓକାଟେଣୀ ଗ୍ରାମ ନିକଟବର୍ତ୍ତୀ ରେଙ୍ଗାଲି କେନାଲ ରାସ୍ତାରେ ଏକ ଯାତ୍ରୀବାହୀ ବସ ଓଲଟି କୋଡିଏ ରୁ ଉର୍ଦ୍ଧ ଯାତ୍ରୀ ଆହତ ହୋଇଛନ୍ତି l

ଖବରପାଇ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଅଁଳାବେରେଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବାର ଜଣାଯାଇଛି l ପରଜଙ୍ଗ ଥାନା କୁମୁସୀ ଗ୍ରାମରୁ ଜଗନ୍ନାଥ ନାମକ ଏକ ଯାତ୍ରୀବାହୀ ବସ ଶୁକ୍ରବାର ପୂର୍ବାହ୍ନରେ ଭୁବନେଶ୍ୱର ଅଭିମୁଖେ ଯାଉଥିଲା l

କନ୍ତିଓକାଟେଣୀ ଗ୍ରାମ ଦେଇ ଯାଇଥିବା ରେଙ୍ଗାଲି କେନାଲ ରାସ୍ତାରେ ବସ ଟି ଯାଉଥିବା ସମୟରେ ଭରସାମ୍ୟ ହରାଇ କେନାଲ ମଧ୍ୟକୁ ଓଲଟି ପଡିଥିଲା l ଫଳରେ ବସରେ ଥିବା ଯାତ୍ରୀଙ୍କ ମଧ୍ୟରୁ କୋଡିଏ ରୁ ଉର୍ଦ୍ଧ ଯାତ୍ରୀ ଆହତ ହୋଇଥିବାର ଜଣା ଯାଇଛି l
ଲଷ୍ମୀପୁର ପୋଲିସକୁ ସଫଳତା

ଗତ ଚାରି ତାରିଖ ଦିନ ଦିପହରେ ପାଣ୍ଡକା ପଦର ଛକ ନିକଟରେ ଏକ ଇନୋଭା କାର୍ ଯୋଗେ କୋରାପୁଟ ଓକିଲ ଲିଙ୍ଗରାଜ ବେହେରା ପୁଅ ଓ ଡ୍ରାଇଭର ସହ ବ୍ରହ୍ମହପୁର କଲେଜ ରେ ଜୋଇଁ କରିବା ଯାଉଥିବା ସମୟରେ ଲଷ୍ମୀପୁର ଥାନା ଅନ୍ତର୍ଗତ ପାଣ୍ଡକା ପଦର ଛକ ପାଖରେ ଗାଡ଼ି ରଖି ପରିସ୍ରା କରୁଥିବା ସମୟରେ ୧୩ ରୁ ଉର୍ଦ୍ଧ ଲୋକ ଆସି ଏକ ଲକ୍ଷ ଟଙ୍କା ସହ ଷାଠିଏ ଗ୍ରାମ ସୁନା ଚେନ ଗୋଟିଏ ମୋବାଇଲ ଚୋରିକରି ଫେରାର ହୋଇଯାଇଥିଲେ।

ଏନେଇ ଲଷ୍ମୀପୁର ଥାନାରେ ମାମଲା ରୁଜୁ ହେଲା ପରେ ଲଷ୍ମୀପୁର ପୋଲିସ ତଦନ୍ତ କରି ଆଜି ଚାରି ଜଣଙ୍କୁ ଗିରିଫ କରି ଆଜି କୋର୍ଟ ଚାଲାଣ କରିଛନ୍ତି ଓ ଦଶରୁ ଉର୍ଦ୍ଧ ଲୋକ ଏବେ ବି ଫେରାର ଅଛନ୍ତି। ଏନେଇ ପୋଲିସ ଅଧିକ ଖୋଳତାଡ଼ କରୁଛି ବୋଲି SDPO ମନୋଜ ବେହରା ଏକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି।
ପାଣିରେ ବୁଡ଼ି ରହିଛି କୋଠାଘର, ବିଛେଇ ହୋଇ ପଡିଛି ଭଗ୍ନାବଶେଷ

ପୁଣି ଥରେ ଉତ୍ତରାଖଣ୍ଡରେ ବିପର୍ଯ୍ୟୟର ଏକ ଦୃଶ୍ୟ ଦେଖିବାକୁ ମିଳିଛି। ଉତ୍ତରକାଶୀର ଧରାଲି ଗାଁରେ ବାଦଲ ଫଟା ଵର୍ଷା ଯୋଗୁଁ ୫ ଜଣଙ୍କର ମୃତ୍ୟୁ ହୋଇଛି। ଭାରତୀୟ ମହାକାଶ ଗବେଷଣା ସଂଗଠନ (ISRO) ଦ୍ୱାରା ଏହି ବିପର୍ଯ୍ୟୟର ସାଟେଲାଇଟ୍ ଚିତ୍ର ସେୟାର କରାଯାଇଛି। ବାଦଲ ଫଟା ବର୍ଷା ପରେ, ଏକ ଭୟଙ୍କର ବନ୍ୟା ଆସିଥିଲା, ଯାହା ଫଳରେ ଅନେକ କୋଠା ପାଣିରେ ବୁଡ଼ି ଯାଇଥିଲା। ରାସ୍ତାରେ ଭଗ୍ନାବଶେଷ ମଧ୍ୟ ବିଛାଡ଼ି ପଡ଼ିଥିବା ଦେଖାଯାଇଥିଲା।

ISRO ଧରାଳିର ଦୁଇଟି ସାଟେଲାଇଟ୍ ଚିତ୍ର ଜାରି କରିଛି। ଏଥିମଧ୍ୟରୁ ଗୋଟିଏ ବିପର୍ଯ୍ୟୟ ପୂର୍ବର,ଯେଉଁଠି ଦ୍ୱିତୀୟଟି ବିପର୍ଯ୍ୟୟ ପରର। ପ୍ରଥମ ଚିତ୍ରଟି ଜୁନ୍ ୧୩, ୨୦୨୪ର, ଅନ୍ୟଟି ଅଗଷ୍ଟ ୭, ୨୦୨୫ର। ଉଚ୍ଚ-ରିଜୋଲ୍ୟୁସନ୍ ଚିତ୍ରରେ ଭଗ୍ନାବଶେଷ ବିଛାଡ଼ି ହୋଇଥିବା ଦେଖାଯାଉଛି। ଗୁରୁତ୍ୱପୂର୍ଣ୍ଣ କଥା ହେଉଛି ନଦୀ ମଧ୍ୟ ତାର ଗତିପଥ ପରିବର୍ତ୍ତନ କରିଛି। କୋଠାଗୁଡ଼ିକ ପାଣିରେ ବୁଡ଼ି ରହିଥିବା ଦେଖାଯାଉଛି। ବାଦଲ ଫଟା ବର୍ଷା ପରେ ଏକ ଭୟଙ୍କର ବନ୍ୟା ଆସିଥିଲା, ଯାହା ଯୋଗୁଁ ଅନେକ ଲୋକ ନିଖୋଜ ମଧ୍ୟ ହୋଇଥିଲେ।

ଗଣମାଧ୍ୟମ ରିପୋର୍ଟ ଅନୁଯାୟୀ, ସ୍ଥାନୀୟ ଲୋକମାନେ ଏହି ବିପର୍ଯ୍ୟୟ ପ୍ରତି ପ୍ରତିକ୍ରିୟା ପ୍ରକାଶ କରିଛନ୍ତି। ମଙ୍ଗଳବାର (ଅଗଷ୍ଟ ୫) ମଧ୍ୟାହ୍ନ ପରେ ସେମାନେ ନିଜ ଆଖି ଆଗରେ ଏହି ଦୁଃଖଦ ଘଟଣା ଘଟିବାର ଦେଖିଥିଲେ। ପାହାଡ଼ରୁ ଭଗ୍ନାବଶେଷ ଦ୍ରୁତ ଗତିରେ ତଳକୁ ଖସି ଆସିଥିଲା, ଯାହା ଧରାଳି ଗାଁର ଅଧାରୁ ଅଧିକକୁ ଧ୍ୱଂସ କରିଦେଇଥିଲା। ଅନେକ ସ୍ଥାନୀୟ ଲୋକ କହିଛନ୍ତି ଯେ ନିଖୋଜ ଲୋକଙ୍କ ସଂଖ୍ୟା ୧୫୦ ରୁ କମ୍ ହେବ ନାହିଁ।
ଅଭିନେତା କପିଲ ଶର୍ମା କାହିଁକି ଲରେନ୍ସ ଗ୍ୟାଙ୍ଗର ଟାର୍ଗେଟରେ? ଧମକପୂର୍ଣ୍ଣ ପୋଷ୍ଟରେ ସାମ୍ନାକୁ ଆସିଲା ଶୁଭମ ଲୋଙ୍କାରଙ୍କ ସମ୍ପର୍କ

କାନାଡାର ସହରର ସରେରେ ଥିବା କପିଲ ଶର୍ମାଙ୍କ କାପ୍ସ କାଫେରେ ପୁଣି ଥରେ ଗୁଳି ଚାଳନା ହୋଇଛି। ଗୋଟିଏ ମାସ ମଧ୍ୟରେ ଏହା ଦ୍ୱିତୀୟ ଥର ପାଇଁ ଯେ ସରେରେ ଥିବା କପିଲ ଶର୍ମାଙ୍କ କାପ୍ସ କାଫେରେ ଗୁଳି ଚାଳନା ହୋଇଛି। ଏହା ପରେ ଅନେକ ପ୍ରଶ୍ନ ଉଠୁଛି। ଯେପରିକି ଲରେନ୍ସ ବିଶ୍ନୋଇ କପିଲ ଶର୍ମାଙ୍କୁ କାହିଁକି ଟାର୍ଗେଟ କରିଛନ୍ତି? ସୋସିଆଲ ମିଡିଆରେ ପୋଷ୍ଟ ମାଧ୍ୟମରେ କପିଲ ଶର୍ମାଙ୍କୁ କାହିଁକି ଧମକ ଦିଆଯାଇଥିଲା?

କାପ୍ସ କାଫେରେ ଗୁଳିକାଣ୍ଡରେ କେହି ଆହତ ହୋଇଥିବା ସମ୍ପର୍କରେ କୌଣସି ସୂଚନା ନାହିଁ, ଯାହା ସିଧାସଳଖ ଦର୍ଶାଉଛି ଯେ କାହାକୁ ହତ୍ୟା କରିବା ନୁହେଁ ବରଂ କପିଲ ଶର୍ମାଙ୍କୁ ଭୟଭୀତ କରିବାର ଉଦ୍ଦେଶ୍ୟ ଥିଲା। ଏଥର କାଫେରେ ଗୁଳିକାଣ୍ଡର ଦାୟିତ୍ୱ ଲରେନ୍ସ ବିଷ୍ନୋଇ ଆଲାଏନ୍ସ ଅର୍ଥାତ୍ ଗୋଲ୍ଡି ଢିଲୋନ୍, ଅଙ୍କିତ ବଧୂ ଶେରୱାଲା, ଜିତେନ୍ଦ୍ର ଗୋଗି ମାନ ଗ୍ରୁପ୍, କାଲା ରାଣା, ଆରଜୁ ବିଷ୍ନୋଇ, ହରି ବକ୍ସର, ଶୁଭମ ଲୋଙ୍କାର ଏବଂ ସାହିଲ ଦୁହାନ ପେଟୱାଡ୍ ନେଇଛନ୍ତି। ଏବେ ପ୍ରଶ୍ନ ଉଠୁଛି ଯେ ଅଭିନେତା ଏବଂ ପ୍ରସିଦ୍ଧ ହାସ୍ୟାଭିନେତା କପିଲ ଶର୍ମା କାହିଁକି ଲରେନ୍ସ ଗ୍ୟାଙ୍ଗର ଟାର୍ଗେଟରେ?

କୃଷ୍ଣ ମୃଗ ମାମଲା ପରଠାରୁ ଲରେନ୍ସ ଗ୍ୟାଙ୍ଗ ସଲମାନଙ୍କୁ ଟାର୍ଗେଟ କରିଛି। ସଲମାନଙ୍କ ଘର ଉପରେ ଅନେକ ଥର ଟାର୍ଗେଟ କରାଯାଇଛି। ଅନ୍ୟପଟେ କିଛି ସମୟ ଧରି କପିଲ ସଲମାନଙ୍କ ସହିତ ଜଡିତ ଅଛନ୍ତି। ଲରେନ୍ସ ଗ୍ୟାଙ୍ଗ ଏହାକୁ ପସନ୍ଦ କରେ ନାହିଁ। ସେଥିପାଇଁ ଲରେନ୍ସ ଗ୍ୟାଙ୍ଗ ସମୟ ସମୟରେ କପିଲ ଶର୍ମାଙ୍କ ପ୍ରତି ନିଜର କ୍ରୋଧ ପ୍ରକାଶ କରୁଥିବା ଦେଖାଯାଇଛି।
ଡୋନାଲ୍ଡ ଟ୍ରମ୍ପଙ୍କ ବିରୋଧରେ ପ୍ରଧାନମନ୍ତ୍ରୀ ମୋଦି ନେବେ କଡା ନିଷ୍ପତ୍ତି!

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଆମେରିକାର ଶୁଳ୍କ ବୃଦ୍ଧି ସମ୍ପର୍କରେ ତାଙ୍କ କ୍ୟାବିନେଟ୍ ସହିତ ଏକ ଉଚ୍ଚସ୍ତରୀୟ ବୈଠକ କରିବେ। ଆମେରିକା ଭାରତୀୟ ସାମଗ୍ରୀ ଉପରେ ୫୦ ପ୍ରତିଶତ ପର୍ଯ୍ୟନ୍ତ ଶୁଳ୍କ ବୃଦ୍ଧି କରିବାକୁ ନିଷ୍ପତ୍ତି ନେବା ପରେ ଦୁଇ ଦେଶ ମଧ୍ୟରେ ବୃଦ୍ଧି ପାଉଥିବା ବାଣିଜ୍ୟ ଉତ୍ତେଜନା ମଧ୍ୟରେ ଏହି ପଦକ୍ଷେପ ନିଆଯାଇଛି। କ୍ୟାବିନେଟ୍ ବୈଠକରେ ଆମେରିକାର କାର୍ଯ୍ୟାନୁଷ୍ଠାନ ପ୍ରତି ଭାରତର ରଣନୈତିକ ପ୍ରତିକ୍ରିୟା ଉପରେ ଆଲୋଚନା ହେବାର ଆଶା କରାଯାଉଛି।

ଭାରତ ବିରୁଦ୍ଧରେ ଆମେରିକାର ନୂତନ ଶୁଳ୍କରେ ଅତିରିକ୍ତ ୨୫ ପ୍ରତିଶତ ବୃଦ୍ଧି ଅନ୍ତର୍ଭୁକ୍ତ। ବୁଧବାର ଦିନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଘୋଷଣା କରିଛନ୍ତି। ଟ୍ରମ୍ପ ଏହାର ମୁଖ୍ୟ କାରଣ ଭାବରେ ଭାରତ ଦ୍ୱାରା ରୁଷୀୟ ଅଶୋଧିତ ତୈଳ ଆମଦାନୀ ଜାରି ରଖିବା ଉଲ୍ଲେଖ କରିଛନ୍ତି। ଏହା ଜୁଲାଇ ୨୦ ରୁ କାର୍ଯ୍ୟକାରୀ ହୋଇଥିବା ପୂର୍ବ ୨୫ ପ୍ରତିଶତ ଶୁଳ୍କ ସହିତ ଅତିରିକ୍ତ। ଏହିପରି ଭାବରେ, ଆମେରିକା ଭାରତ ଉପରେ ମୋଟ ୫୦ ପ୍ରତିଶତ ଶୁଳ୍କ ଲାଗୁ କରିଛି।

ଆମେରିକାର ଏହି ପଦକ୍ଷେପ ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରି ବୈଦେଶିକ ମନ୍ତ୍ରଣାଳୟ ଏହି ନିଷ୍ପତ୍ତିକୁ ଅନୁପଯୁକ୍ତ ଏବଂ ଅଯୌକ୍ତିକ ବୋଲି କହିଛି। ବୈଦେଶିକ ମନ୍ତ୍ରଣାଳୟ କହିଛି ଯେ ଭାରତର ଶକ୍ତି ଆବଶ୍ୟକତା ଏବଂ ରଣନୈତିକ ସ୍ୱାୟତ୍ତତାକୁ ସମ୍ମାନ ଦିଆଯିବା ଉଚିତ।
ବାଇକ୍ ଉପରେ ମାଡ଼ିଗଲା ହାଇଓ୍ବା

ବାଇକ୍ ଉପରେ ମାଡ଼ିଗଲା ହାଇଓ୍ବା, ଘଟଣାସ୍ଥଳରେ ବାଇକ୍ ରେ ଯାଉଥିବା ବାପ ଝିଅ ମୃତ । କୁଜଙ୍ଗ କୋଠିଆସାହି ନିକଟରେ ଘଟିଛି ଏଭଳି ଅଭାବନୀୟ ଘଟଣା । ମୃତକଙ୍କ ଘର କୁଜଙ୍ଗ ଷଣ୍ଢପୁର ଅଞ୍ଚଳର ବାବୁ ବିଶ୍ବାଳ ଓ ତାଙ୍କ ଝିଅ ଲୋରୀ ବିଶ୍ବାଳ । ପାରାଦ୍ଵୀପ ଡିପିଏସ ସ୍କୁଲ ରୁ ନିଜ ୧୦ ବର୍ଷର ଝିଅ କୁ ଧରି ବାପ ଝିଅ ଫେରୁଥିଲେ । କଟକ ପଟରୁ ଆସୁଥିବା ଏକ ହାଇଓ୍ବା ଉଭୟଙ୍କୁ ଧକ୍କା ଦେବା ସହିତ ଉଭୟଙ୍କ ଉପରେ ଚଢ଼ି ଯାଇଥିଲା । ଘଟଣାସ୍ଥଳରେ ହିଁ ବାପ ଝିଅ ଙ୍କ ମୃତ୍ୟୁ ହୋଇଛି ।

ସ୍ଥାନୀୟ ଲୋକଙ୍କ ପକ୍ଷରୁ କୋଠିଆସାହି ନିକଟରେ ରାସ୍ତା ଅବରୋଧ କରାଯିବା ସହିତ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି । କୁଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝା ସୁଝା କରୁଛି । ହାଇଓ୍ବା ଡ୍ରାଇଭର ଫେରାର ହୋଇଯାଇଛି ।