Tag: #suchana news

ହେଉଛି ଥଣ୍ଡା, ତେବେ କିପରି ପାଇବେ ମୁକ୍ତି ?

ଶୀତ ଦିନ ଯେତିକି ଭଲ ଲାଗେ ସେତିକି ଦେହ ମଧ୍ୟ ଖରାପ ହୁଏ | ଶୀତ ଦିନେ ପିଲାଙ୍କ ଠୁ ନେଇ ବୁଢା ପର୍ଯ୍ୟନ୍ତ ସମସ୍ତଙ୍କୁ ଥଣ୍ଡା କାଶ ଜ୍ଵର ଲାଗି ରହିଥାଏ | ଏହିଥିରୁ ମୁକ୍ତି ପାଇଁ କିଛି ଘରୋଇ ଉପକାର ଜାଣି ନିଅନ୍ତୁ |

ଅଧିକ ସମୟରେ ପିଲାଙ୍କ ଠୁ ନେଇ ବୁଢା ପର୍ଯ୍ୟନ୍ତ ଥଣ୍ଡା କାଶ ପଡିଥାନ୍ତି | ଏଥିରୁ ମୁକ୍ତି ପାଇଁ ଘରୋଇ ଉପଚାର ସବୁଠୁ ଲଢଦାୟକ ହୋଇଥାଏ | ଏହା ଏକ ପ୍ରାକୃତିକ ଘରୋଇ ଉପଚାର | ଏହି ଉପଚାରରେ ବ୍ୟବହାର ହେଉଥିବା ପଦାର୍ଥ ଘରେ ଘରେ ମିଳିଥାଏ |

ଏଥି ପାଇଁ ତୁଳସୀ ଜଟା ର ବ୍ୟବହାର କରାଯାଏ | ତୁଳସୀ ର ଗୁଣ ଆଉ ଉପକାରିତା ବିଷୟରେ ଆମକୁ ଜଣାଅଛି | ତୁଳସୀ ପତ୍ର ଅନେକ ରୋଗରୁ ଉପଶମ ଦେଇଥାଏ | ସେହିପରି ତୁଳସୀ ଜଟା ରେ ବି ଅନେକ ଗୁଣ ରହିଛି | ଏହା ଆପଣଙ୍କ ବାଡି ଘରେ ଥିବା ତୁଳସୀ ଗଛରୁ ଅତି ସହଜରେ ମିଳିଥାଏ |

କିପରି ପ୍ରସ୍ତୁତ କରିବେ?

ତେବେ ୧୦ ଟି କଞ୍ଚାଥିବା ତୁଳସୀ ଜଟା କୁ ସଂଗ୍ରହ କରିବେ | ତାପରେ ଏକ ଗ୍ଳାସ ପାଣିକୁ ନେଇ ସେଥିରେ ଜଟା ଗୁଡିକୁ ପକାଇ ଫୁଟାନ୍ତୁ | ପାଣି କୁ ୧୦ ରୁ ୧୫ ମିନିଟ ପର୍ଯ୍ୟନ୍ତ ଭଲ ଭାବେ ଫୁଟିବାକୁ ଦେବେ | ଅଧ ଗ୍ଳାସ ପାଣି ହେବ ପର୍ଯ୍ୟନ୍ତ ଫୁଟାନ୍ତୁ, ଦେଖିବେ ଏହାର ରଙ୍ଗ ମଧ୍ୟ ପରିବର୍ତ୍ତନ ହୋଇଯିବ | ତାହା ପରେ ଏହାକୁ ଛାଣି ନେଇ ଥଣ୍ଡା ହେବାକୁ ଦେବେ | ତାପରେ ଏହାକୁ ସେବନ କରିବେ |

କିପରି ସେବନ କରିବେ?

ଏହାକୁ ଆପଣ ସକାଳେ ସନ୍ଧ୍ୟାରେ ଏବଂ ମଧ୍ୟାନ ସମୟରେ ସେବନ କରିପାରିବେ | ଅଧିକ କାଶ କିମ୍ବା ଥଣ୍ଡା ହେଲେ ଏଥିରେ ମହୁ ମିଶାଇ ସେବନ କରିପାରିବେ |
କ୍ଲବ କିଙ୍ଗ ରୁ ମୋଷ୍ଟୱାଣ୍ଟେଡ ଲୁଥ୍ରାବ୍ରଦର୍ଶ

ଗୋଆ ନାଇଟ୍ କ୍ଲବ୍ ଅଗ୍ନିକାଣ୍ଡ ପରେ ଦେଶ ଛାଡି ପଳାୟନ କରିଥିବା ଅଭିଯୁକ୍ତ ଲୁଥ୍ରାବ୍ରଦର୍ଶ ଥାଇଲ୍ୟାଣ୍ଡରେ ଅଟକ ରଖାଯାଇଛି । ନାଇଟ କ୍ଲବ କିଙ୍ଗ ରୁ ମୋଷ୍ଟୱାଣ୍ଟେଡ ଲୁଥ୍ରାବ୍ରଦର୍ଶ । ଡିସେମ୍ବର ୬ ତାରିଖରେ ଗୋଆର ଏକ ନାଇଟ୍ କ୍ଲବରେ ଅଗ୍ନିକାଣ୍ଡ ଯୋଗୁଁ ୨୫ ଜଣଙ୍କର ମୃତ୍ୟୁ ହୋଇଥିଲା, ତାହା ପରେ କ୍ଲବ ମାଲିକ ଥାଇଲ୍ୟାଣ୍ଡ ପଳାଇ ଯାଇଥିଲେ ।

ଗୋଆର ବିର୍ଚ ନାମକ ଏକ ନାଇଟ୍ କ୍ଲବର ମାଲିକ ଲୁଥ୍ରାବ୍ରଦର୍ଶଙ୍କ କ୍ଲବରେ ଅଗ୍ନିକାଣ୍ଡ ଘଟିଥିଲା । ଏହି ଅଗ୍ନିକାଣ୍ଡରେ ୨୫ ଜଣଙ୍କର ମୃତ୍ୟୁ ହୋଇଥିଲା | ଯାଞ୍ଚ ରୁ ଜଣା ପଡିଲା ଯେ ଯେଉଁ କ୍ଲବ ରେ ଅଗ୍ନିକାଣ୍ଡ ହୋଇଥିଲା ତାହା ସୌରଭ ଲୁଥ୍ରା ଆଉ ଗୌରବ ଲୁଥ୍ରାଙ୍କର । ଅଗ୍ନିକାଣ୍ଡର କିଛି ସମୟ ପରେ ଦିଲ୍ଲୀ ଏୟାରପୋର୍ଟ ରୁ ଫ୍ଲାଇଟ ଧରି ଦେଶ ଛାଡି ଚାଲି ଯାଇଥିଲେ ।

ରିପୋର୍ଟ ଅନୁଯାଇ ଲୁଥ୍ରାବ୍ରଦର୍ଶ ବିର୍ଚ ଭଳି ମାମାସ ବ୍ୟୟ ଭଳି ବ୍ରାଣ୍ଡ ଲଞ୍ଚ କରିଥିଲେ । ୪ ଟି ଦେଶ ଆଉ ୨୨ ଟି ସହରରେ ନିଜର କ୍ଲବର ବ୍ୟବସାୟ ଥିଲା । ବହୁତ ମାଗାଜିନ ରେ ତାଙ୍କ ବ୍ୟବସାୟ ପ୍ରଶଂସା କରାଯାଇଥିଲା । ଦିଲ୍ଲୀ ନୋଇଡା ଗୁରୁଗ୍ରାମ ଗୋଆ ଭୋପାଲ ଡେରାଡୁନ ଇନ୍ଦୋର ରେ ନିଜର ବ୍ୟବସାୟ ଥିଲା ତାସହ ଆଗ୍ରା ମଥୁରା ପାଟଣା ସମେତ ଅନ୍ୟ ରାଜ୍ୟ ଗୁଡିକରେ ବ୍ୟବସାୟ ଆରମ୍ଭ କରିବାର ଯୋଜନା ଥିଲା ।

ବହୁତ ଗଣମାଧ୍ୟମ ଖବର ଅନୁଯାୟୀ, ଇଣ୍ଟରପୋଲ୍ ଲୁଥ୍ରା ଭାଇମାନଙ୍କ ବିରୁଦ୍ଧରେ ଏକ ବ୍ଲୁ କର୍ଣ୍ଣର ନୋଟିସ୍ ଜାରି କରିଥିଲା, ଯାହା ପରେ ସେମାନଙ୍କ ଅଟକର ଖବର ପ୍ରକାଶ ପାଇଥିଲା। ଏହା ପୂର୍ବରୁ, ବୈଦେଶିକ ମନ୍ତ୍ରଣାଳୟ ମଧ୍ୟ ଲୁଥ୍ରା ଭାଇମାନଙ୍କ ପାସପୋର୍ଟକୁ ସ୍ଥଗିତ କରିଥିଲା। ବୁଧବାର (ଡିସେମ୍ବର ୧୦, ୨୦୨୫) ସେମାନଙ୍କର ଟ୍ରାଞ୍ଜିଟ୍ ଆଣ୍ଟିସିପେଟୋରୀ ଜାମିନ ଆବେଦନର ଶୁଣାଣି ସମୟରେ, ଲୁଥ୍ରା ଭାଇମାନଙ୍କ ପ୍ରତିନିଧିତ୍ୱ କରୁଥିବା ଓକିଲ ସେମାନଙ୍କ ପଳାୟନ ଅଭିଯୋଗକୁ ଅସ୍ୱୀକାର କରି କହିଥିଲେ ଯେ ସେମାନେ ଏକ ବ୍ୟବସାୟିକ ବୈଠକ ପାଇଁ ଥାଇଲ୍ୟାଣ୍ଡ ଯାଇଥିଲେ। ଓକିଲ କହିଥିଲେ ଯେ ତାଙ୍କର କୌଣସି ଦାୟିତ୍ୱ ନାହିଁ, ପରୋକ୍ଷ ଭାବରେ ମଧ୍ୟ ନୁହେଁ। ଲୁଥ୍ରା ଭାଇମାନଙ୍କ ପ୍ରତିନିଧିତ୍ୱ କରୁଥିବା ଓକିଲ କହିଥିଲେ, “ମୋର ଅନ୍ୟ ରେଷ୍ଟୁରାଣ୍ଟଗୁଡ଼ିକୁ ଭାଙ୍ଗି ଦିଆଯାଇଛି। କର୍ତ୍ତୃପକ୍ଷ ଏବଂ ଗଣମାଧ୍ୟମ ମଧ୍ୟ ମୋ ପଛରେ ପଡିଯାଇଛନ୍ତି ।”
ବଢୁଛି ଜାଡ, ଥରୁଛି ଓଡିଶା

ଆଜିଠୁ ରାଜ୍ୟରେ ବଢିବ ଶୀତ । କିଛିଦିନ ହେବ ରାଜ୍ୟରେ ହାଡ଼ ଭଙ୍ଗା ଜାଡ଼ ଜନଜୀବନକୁ ଅସ୍ତବ୍ୟସ୍ତ କରୁଛି । କିଛି ସହରରେ ରାତିରେ ତାପମାତ୍ରା କମିବା ସହ ଅଧିକ ଥଣ୍ଡା ଅନୁଭୂତ ହେଉଛି । ଆସନ୍ତା ୧୨ ତାରିଖ ଯାଏ ଶୀତର ପ୍ରକୋପ ଜାରି ରହିବ। ଆସନ୍ତା ୧୩ ତାରିଖରୁ ପଶ୍ଚିମାଝଡ଼ ପ୍ରଭାବରେ ରାଜ୍ୟରେ ଶୀତ କମିବ ।

ସେଥିପାଇଁ ୧୧ ତାରିଖରେ ସୁନ୍ଦରଗଡ଼, କନ୍ଧମାଳ, କୋରାପୁଟ, କଳାହାଣ୍ଡି ଓ ଝାରସୁଗୁଡ଼ା ଜିଲ୍ଲାକୁ ଘନ କୁହୁଡ଼ି ନେଇ ୟେଲୋ ୱାର୍ଣ୍ଣିଂ ରହିଛି । ୧୨ ତାରିଖରେ ସୁନ୍ଦରଗଡ଼, ଝାରସୁଗୁଡ଼ା ଓ ଅନୁଗୁଳ ଜିଲ୍ଲାରେ ଶୀତ ଲହରୀ ନେଇ ପାଣିପାଗ କେନ୍ଦ୍ର ୟେଲୋ ୱାର୍ଣ୍ଣିଂ ଦେଇଛି । ୧୧ଟି ସ୍ଥାନ ରେ ତାପମାତ୍ରା ୧୦ ଡିଗ୍ରୀ ରହିଛି ବୋଲି କୁହାଯାଇଛି ।

ଜିଲ୍ଲାର ଜି.ଉଦୟଗିରିରେ ସର୍ବନିମ୍ନ ତାପମାତ୍ରା ୫ ଡିଗ୍ରୀ ତଳେ ରହୁଛି । ଆଜି ସକାଳ ୫ଟା ୩୦ରେ ଝାରସୁଗୁଡ଼ା ତାପମାତ୍ରା ୯ ଡିଗ୍ରୀ ରେକର୍ଡ କରାଯାଇଛି । ସେହିଭଳି ସକାଳ ୬ଟା ସୁଦ୍ଧା ଶିମିଳିପାଳ ଅଭୟରଣ୍ୟର ବାରହାକାମୁଡାରେ ସର୍ବନିମ୍ନ ତାପମାତ୍ରା ୩ ଡିଗ୍ରୀ ରହିଛି , ବରେହିପାଣିରେ ୬ ଡିଗ୍ରୀ, ଗୁରୁଗୁଡ଼ିଆରେ ୭ ଡିଗ୍ରୀ ସାତକୋଶିଆରେ ୧୨ ଡିଗ୍ରୀ ରେକର୍ଡ କରାଯାଇଥିବା ଶିମିଳିପାଳ ବ୍ୟାଘ୍ର ପ୍ରକଳ୍ପ ତରଫରୁ ସୂଚନା ପ୍ରଦାନ କରାଯାଇଛି ।

ଭୁବନେଶ୍ୱରରେ ସର୍ବନିମ୍ନ ରାତ୍ରି ତାପମାତ୍ରା ୧୧.୮ ଡିଗ୍ରୀ ରେକର୍ଡ ହୋଇଥିବାବେଳେ କଟକର ସର୍ବନିମ୍ନ ତାପମାତ୍ରା ୧୧.୬ ଡିଗ୍ରୀ ରହିଛି । ଆଗାମୀ ୨ ଦିନ ପର୍ଯ୍ୟନ୍ତ ରାଜ୍ୟର କିଛି ଜିଲ୍ଲାରେ ଘନ କୁହୁଡ଼ି ଏବଂ ୩ ଦିନ ପର୍ଯ୍ୟନ୍ତ ଶୀତ ଲହରୀ ଅନୁଭୂତ ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଶୀତରେ ଲୋକେ ଘରୁ ବାହାରିବା ମୁସ୍କିଲ ହୋଇପଡୁଛି । ପାହାନ୍ତିଆରୁ ଘନ କୁହୁଡି ପାଇଁ ଲୋକଙ୍କ ଯାତାୟତରେ ବି ସମସ୍ୟା ଉପୁଜୁଛି । ଶୀତରେ ଲୋକେ ନିଜକୁ ଫିଟ୍ ରଖିବାକୁ ମର୍ଣ୍ଣିଂ ୱାର୍କ ସହ ଖେଳ କୁଦ କରି ସମୟ କାଟୁଛନ୍ତି ।
ଏଆରପୋର୍ଟରେ ଆଉ ଦିଶୁନାହାନ୍ତି ଲୋକେ,ଦିଶୁଛି କେବଳ ଲଗେଜ୍

ଇଣ୍ଡିଗୋ ସଙ୍କଟରୁ ଦିଲ୍ଲୀର କ୍ଷତି: ସପ୍ତାହେ ହେଲାଣି ଯାତ୍ରୀଙ୍କୁ ନାକେଦମ କରୁଛି ଇଣ୍ତିଗୋ । ଥରେ ନୁହଁ ଦୁଇ ଥର ନୁହଁ ବାରମ୍ବାର ଅସୁବିଧାର ସମୁଖିନ ହେଉଛନ୍ତି ଯାତ୍ରୀ । ଲଗାତାର ଆଠ ଦିନ ଧରି ଇଣ୍ଡିଗୋ ବିମାନ ସଙ୍କଟ ଜାରି ରହିଛି ଏବଂ ଏହା ଯୋଗୁଁ କେବଳ ଯାତ୍ରୀମାନେ ସମସ୍ୟାର ସମ୍ମୁଖୀନ ହୋଇଛନ୍ତି ତାହା ନୁହେଁ, ବରଂ ଦିଲ୍ଲୀର ବ୍ୟବସାୟୀ ଏବଂ ଏଠାକାର ପର୍ଯ୍ୟଟନ ଶିଳ୍ପ ମଧ୍ୟ ଏକ ବଡ଼ କ୍ଷତିର ସମ୍ମୁଖୀନ ହୋଇଛି। ଇଣ୍ଡିଗୋ ସଙ୍କଟ ଗତ ଆଠ ଦିନ ଧରି ଜାରି ରହିଛି ଏବଂ ଦେଶର ବିଭିନ୍ନ ବିମାନବନ୍ଦରରେ ଯାତ୍ରୀମାନେ ଅସୁବିଧାର ସମ୍ମୁଖୀନ ହେଉଛନ୍ତି। ସରକାରଙ୍କ କଠୋରତା ଏବଂ ଅନେକ ପ୍ରୟାସ ସତ୍ତ୍ୱେ, ଇଣ୍ଡିଗୋ ଏୟାରଲାଇନ୍ସର କାର୍ଯ୍ୟ ଏପର୍ଯ୍ୟନ୍ତ ସମ୍ପୂର୍ଣ୍ଣ ସ୍ୱାଭାବିକ ହୋଇନାହିଁ। ପ୍ରତିଦିନ ଶହ ଶହ ଉଡ଼ାଣ ବାତିଲ ହେଉଛି। ଏହା ଇଣ୍ଡିଗୋ ଏବଂ ଏହାର ଇଣ୍ଡିଗୋ ସଙ୍କଟ ଯୋଗୁଁ ଦିଲ୍ଲୀର ବ୍ୟବସାୟ ଏବଂ ପର୍ଯ୍ୟଟନ କ୍ଷେତ୍ର ଦ୍ୱାରା ହୋଇଥିବା କ୍ଷତିର ବିସ୍ତୃତ ତଥ୍ୟ ଉପସ୍ଥାପନ କରିଛି। ସିଟିଆଇ ଅଧ୍ୟକ୍ଷ ବ୍ରିଜେଶ ଗୋୟଲଙ୍କ ଅନୁଯାୟୀ, ଇଣ୍ଡିଗୋ ଏୟାରଲାଇନ୍ସ ଘଟଣାର ଯୋଗୁଁ ଦିଲ୍ଲୀର ବାଣିଜ୍ୟ, ପର୍ଯ୍ୟଟନ ଏବଂ ଅନ୍ୟାନ୍ୟ କ୍ଷେତ୍ରକୁ ୧୦୦୦ କୋଟି ଟଙ୍କାର ବ୍ୟବସାୟ କ୍ଷତି ସହିବାକୁ ପଡିଛି। କେବଳ ଏତିକି ନୁହେଁ, ଇଣ୍ଡିଗୋ ସଙ୍କଟ ଯୋଗୁଁ ଗତ ୧୦ ଦିନରେ ଦିଲ୍ଲୀରେ ଯାତ୍ରୀଙ୍କ ସଂଖ୍ୟା ୨୫% ହ୍ରାସ ପାଇଛି। ଏହି କାରଣରୁ, ଏଠାରେ ଥିବା ହୋଟେଲ , ରେଷ୍ଟୁରାଣ୍ଟ, ଭୋଜି ଏବଂ ରିସର୍ଟର ହଜାର ହଜାର ବୁକିଂ ମଧ୍ୟ ବାତିଲ କରାଯାଇଛି। ସେ କହିଛନ୍ତି ଯେ ସାମଗ୍ରିକ ଭାବରେ, ଇଣ୍ଡିଗୋ ବିମାନ ବାତିଲର ଏହି ସମସ୍ୟା ଯୋଗୁଁ ଦିଲ୍ଲୀର ଅନେକ ଶିଳ୍ପକୁ ବଡ଼ କ୍ଷତି ସହିବାକୁ ପଡିଛି।
ଶୀତ ଦିନେ ଖଜୁରୀ ସେବନର ଉପକାରିତା

ଶୀତ ଦିନ ଆସିବା ମାତ୍ରେ ବହୁତ କିଛି ରୋଗର ଲକ୍ଷଣ ଦେଖାଯାଇଥାଏ । ବହୁତ ଲୋକଙ୍କୁ ଶୀତ ଦିନରେ ସର୍ଦ୍ଦି ଜ୍ୱର , ଓ ଆଣ୍ଠୁଗଣ୍ଠି ବାତ ଆଦି ରୋଗର ହୋଇଥାଏ । ଏମିତି ପରିସ୍ଥିତିରେ ଖଜୁରୀ ଖାଇଲେ ସବୁ ଅସୁବିଧାରୁ ରକ୍ଷା ମିଳିଥାଏ ।

ଖଜୁରୀ ଏକ ଏପରି ଫଳ ଯାହାକୁ ପ୍ରାଚୀନ କାଳରୁ ଶକ୍ତି, ସ୍ୱାସ୍ଥ୍ୟ ଏବଂ ପୁଷ୍ଟିକର ଉତ୍ସ ଭାବରେ ବିବେଚନା କରାଯାଏ । ଏହା ଏକ ସ୍ୱାଦିଷ୍ଟ ଏବଂ ପୁଷ୍ଟିକର ଡ୍ରାଏ ଫ୍ରୁଟ୍ସ, ଯାହାକୁ ବିଶ୍ୱର ଅନେକ ସ୍ଥାନରେ ଲୋକମାନେ ଖାଇବାକୁ ପସନ୍ଦ କରନ୍ତି। ଏହା ଆପଣଙ୍କ ଶରୀରକୁ ସୁସ୍ଥ ରଖିବା ଏବଂ ଦୀର୍ଘ ସମୟ ପାଇଁ ରୋଗରୁ ଦୂରରେ ରଖିବାରେ ସାହାଯ୍ୟ କରେ ।

ଖଜୁରୀ ଖାଇବାର ଅନେକ ଲାଭ ରହିଛି । ଭିଜା ଖଜୁରରେ ଭିଟାମିନ୍ ଏ, ବି, ସି ଏବଂ ଇ, ଏବଂ ପୋଟାସିୟମ୍, ମ୍ୟାଗ୍ନେସିୟମ୍, ଆଇରନ୍ ଏବଂ କ୍ୟାଲସିୟମ୍ ଭଳି ଖଣିଜ ପଦାର୍ଥ ଥାଏ । ଏଗୁଡ଼ିକ ଶକ୍ତି ପ୍ରଦାନ କରେ, ହାଡ଼ ଏବଂ ମାଂସପେଶୀକୁ ମଜବୁତ କରେ । ଯେତେବେଳେ ଖଜୁରକୁ ରାତିସାରା ପାଣିରେ ଭିଜାଇ ସକାଳେ ଖାଇବା ଦ୍ୱାରା ଶରୀରକୁ ସହଜରେ ପୋଷକ ତତ୍ତ୍ୱ ଏବଂ ଆଣ୍ଟିଅକ୍ସିଡାଣ୍ଟ ମିଳିଥାଏ ।

ଖଜୁରୀର ଉପକାରିତା

ହୃଦୟକୁ ସୁସ୍ଥ ରଖେ- ଖଜୁରୀରେ ୫୪ ପ୍ରତିଶତ ଚିନି ଓ ୭ ପ୍ରତିଶତ ପ୍ରୋଟିନ୍ ମିଳିଥାଏ। ହୃଦରୋଗୀଙ୍କ ପାଇଁ ଖଜୁରୀ ଖାଇବା ବହୁତ ଭଲ ହୋଇଥାଏ। ଯଦି କୌଣସି ବ୍ୟକ୍ତିକୁ ହୃଦରୋଗ ଥାଏ ତେବେ ସେ ଦିନକୁ ୩-୪ ଟି ଖଜୁରୀ ଖାଇବା ଉଚିତ୍। କାରଣ ଖଜୁରୀ ଶରୀରର କୋଲେଷ୍ଟ୍ରୋଲ୍‌କୁ ନିୟନ୍ତ୍ରଣ କରିଥାଏ। ଯାହା ଦ୍ୱାରା ହାର୍ଟ ଆଟାକ୍ ସମ୍ଭାବନା କମ୍ କରିଥାଏ।

ରୋଗ ପ୍ରତିରୋଧକ କ୍ଷମତା- ଯଦି ଆପଣ ଶୀତ ଦିନରେ ନିୟମିତ ଖଜୁରୀର ସେବନ କରୁଛନ୍ତି । ଏହା ଭିତରେ ଥିବା ଗ୍ଲୁକୋଜ୍ ଓ ଫ୍ରୁଟୋଜ୍ ଶରୀରରେ ରୋଗ ପ୍ରତିରୋଧକ କ୍ଷମତା ବଢାଇଥାଏ । ଆପଣଙ୍କ ଶରୀରରେ ରୋଗକୁ ଲଢିବା ପାଇଁ ଶକ୍ତି ଦେଇଥାଏ ।

ଚର୍ମକୁ ଉଜ୍ଜ୍ୱଳ କରେ-ଭିଜା ଖଜୁରୀ ଭିଟାମିନ୍ ସି ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର । ଏହା ଚର୍ମକୁ ସୁସ୍ଥ, ଉଜ୍ଜ୍ୱଳ ଏବଂ ଯୁବା ରଖିବାରେ ସାହାଯ୍ୟ କରେ ।

ଏଥିରେ ଏମିତି କିଛି ଉତ୍ପାଦନ ରହିଛି ଯାହା ଗର୍ଭବର୍ତୀ ମହିଳା ଓ ଗର୍ଭରେ ଥିବା ଶିଶୁ ପାଇଁ ମଧ୍ୟ ଏହା ଲାଭଦାୟକ ।ଖଜୁରୀ କେବଳ ଏକ ସ୍ୱାଦିଷ୍ଟ ଫଳ ନୁହେଁ, ବରଂ ସ୍ୱାସ୍ଥ୍ୟ ଏବଂ ସୌନ୍ଦର୍ଯ୍ୟର ଏକ ଉତ୍ତମ ମିଶ୍ରଣ ମଧ୍ୟ ।
ରାଜରାସ୍ତାରେ ଦେଶର ଭବିଷ୍ୟତ

ପୁଣି ଥରେ ଆନ୍ଦୋଳନକୁ ଓହ୍ଲାଇଲେ ଓଡ଼ିଶା କନିଷ୍ଠ ଶିକ୍ଷକ ସଂଘ । ସଂଘର ଶିକ୍ଷକମାନେ ବିଭିନ୍ନ ଜିଲ୍ଲାରୁ ଆସି ମାଷ୍ଟରକ୍ୟାଣ୍ଟିନ୍ ଛକରେ ଏକାଠି ହୋଇ ବିଧାନସଭା ଆଡ଼କୁ ଶୋଭାଯାତ୍ରାରେ ଯାଇଥିଲେ । ସାରା ରାଜ୍ୟରେ ଥିବା ପ୍ରାଥମିକ ଶିକ୍ଷା ବ୍ୟବସ୍ଥାରେ ଶିଶୁ ବାଟିକା ପାଖରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ମାନଙ୍କୁ ସମସ୍ତ ବିଷୟ ପଢ଼ାଉଥିବା ବେଳେ, ଠିକା କର୍ମଚାରୀ ଭାବେ ସାରା ରାଜ୍ୟରେ ୧୩ ହଜାରରୁ ଅଧିକ ଶିକ୍ଷକ କାର୍ଯ୍ୟରତ ।

ଦାବି ସରକାର ପୂରଣ କର ନାରା ଦେଇ ବସିଛନ୍ତି ପ୍ରାଥମିକ ଶିକ୍ଷକ ସଂଘ । ଅଗଷ୍ଟ ୨୨ ତାରିଖରେ ଶିକ୍ଷାକଙ୍କୁ ନିୟମିତ କରିବାକୁ ଘୋଷଣା କରିଥିଲେ ମଧ୍ୟ, ୪ ମାସ ବିତିଯିବା ପରେ ବି କନିଷ୍ଠ ଶିକ୍ଷକମାନଙ୍କୁ ନିୟମିତ କରିବା ପାଇଁ ସରକାରୀ ନିର୍ଦ୍ଦେଶନାମା ବାହାରୁନି । ଯାହାକୁ ନେଇ ଅସନ୍ତୋଷ ପ୍ରକାଶ କରିଛି ଶିକ୍ଷାକ ସଂଘ ।

ବିଦ୍ୟଳୟରେ ଯେଉଁ ଶିକ୍ଷକ ଶିକ୍ଷୟିତ୍ରୀମାନେ ନିଯୁକ୍ତି ପାଇଛନ୍ତି, ସେମାନଙ୍କ ଭବିଷ୍ୟତ ଆଜି ଅଜୀବି ଅସୁରକ୍ଷିତ । ସେମାନେ ସରକାରୀ କର୍ମଚାରୀ ନୁହନ୍ତି। ଏବେ ଯାଏଁ ୨୪ ମୃତ ଶିକ୍ଷକଙ୍କର ପରିବାର ଭୋକ ଉପାସରେ ଦିନ କାଟୁଛନ୍ତି । ତାହା ପ୍ରତି ସରକାର କୌଣସି ଦୃଷ୍ଟି ଦେଉନାହାନ୍ତି ।ଏଥିପାଇଁ ପ୍ରାଥମିକ ଶିକ୍ଷକଙ୍କ ଦାବିହେଉଛି ଯେ, ଗ୍ରେଡ୍ ପେ’କୁ ୨୨ଶହ ରୁ ୪୨ଶହ କରାଯାଉ । ୪୨ଶହ ଗ୍ରେଡ୍ ପେ’ ହେଲେ ଶିକ୍ଷକଙ୍କ ମୂଳ ଦରମା ୩୪,୫୦୦ ଟଙ୍କା ହେବ । ୨୨ଶହ ଗ୍ରେଡ୍ ପେ’ ଅନୁସାରେ ସେମାନଙ୍କ ମୂଳ ଦରମା ୨୩,୦୦୦ ଟଙ୍କା ରହିଛି ।

ସେହିପରି ଠିକାରେ ନିଯୁକ୍ତ ପ୍ରାୟ ୧୩ ହଜାର ଶିକ୍ଷକଙ୍କୁ ନିୟମିତ କରିବାକୁ ସଂଘ ଦାବି କରୁଛି । ୨୦୧୭, ୨୦୨୨ ଓ ୨୦୨୩ରେ ବି ଏମିତି ପ୍ରାଥମିକ ଶିକ୍ଷକ ଗ୍ରେଡ୍ ପେ’ ବୃଦ୍ଧି ଦାବିରେ ରାଜଧାନୀରେ ଆନ୍ଦୋଳନ କରିଥିଲେ । ସେତେବେଳେ ବି ସରକାର ଦେଇଥିଲେ ପ୍ରତିଶ୍ରୁତି, ଏମିତିକି ୨୦୧୭ରେ ଲିଖିତ ପ୍ରତିଶ୍ରୁତି ଦେଇଥିଲେ ବି ଦାବି ପୂରଣ କରି ନ ଥିଲେ ପୂର୍ବ ସରକାର । ଏହି ଆନ୍ଦୋଳନ ଯୋଗୁଁ ପିଲାଙ୍କ ପାଠପଢାରେ ବାଧା ସୃଷ୍ଟି ହେଉଛି । ଆଗକୁ ବାର୍ଷିକ ପରୀକ୍ଷା ମଧ୍ୟ ରହିଛି । ଏପଟେ ଦାବିଗୁଡ଼ିକ ପୂରଣ ନହେଲେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ ହେବ ବୋଲି ମହାସଂଘର ରାଜ୍ୟ ସଭାପତି ଚେତାବନୀ ଦେଇଛନ୍ତି ।
ବିଜୟପରେ ମୁଖ୍ୟମନ୍ତ୍ରୀଙ୍କ ବଡଘୋଷଣା

ବାରବାଟୀରେ ଭାରତର ବଡ ବିଜୟ |୧୦୧ ରନ୍ ରେ ଦକ୍ଷିଣ-ଆଫ୍ରିକା କୁ ହରାଇଲା ଭାରତ |କଟକ ବାରବାଟୀ ଷ୍ଟାଡିୟମ୍ ରେ ମଙ୍ଗଳବାର (ଡିସେମ୍ବର ୯) ଦିନ ଭାରତ ଓ ଦକ୍ଷିଣ-ଆଫ୍ରିକା ମଧ୍ୟରେ ପ୍ରଥମ T – 20 ମ୍ୟାଚ ଅନୁଷ୍ଠିତ ହୋଇଥିଲା | ଯେଉଁଥିରେ ଭାରତୀୟ ଦଳ ନିଜର ଦମଦାର ପ୍ରଦର୍ଶନ କରିଥିଲା |

ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକା ପାଇଁ ୧୭୬ ରନ୍ ଟାର୍ଗେଟ୍ ଦେଇଥିଲା।ପରେ ୧୭୬ ରନ୍‌ ବିଜୟ ଲକ୍ଷ୍ୟ ପିଛା କରିବାକୁ ଆସି ପ୍ରଥମ ଓଭରରୁ ହିଁ ୱିକେଟ ହରାଇବା ଆରମ୍ଭ କରିଥିଲା ଦକ୍ଷିଣ ଆଫ୍ରିକା । ପ୍ରଥମ ଓଭର ଅର୍ଶଦୀପ ସିଂ କ୍ୱିଣ୍ଟନ ଡିକକ୍‌ଙ୍କୁ ପାଭେଲିୟନ ପଠାଇ ଦେଇଥିଲେ । ଏହାପରେ ଦକ୍ଷିଣ ଆଫ୍ରିକାର କୌଣସି ବ୍ୟାଟରଙ୍କୁ ପିଚ୍‌ରେ ସମୟ ବିତାଇବାକୁ ଦେଇନଥିଲେ ଭାରତୀୟ ବୋଲର ।

ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିଲେ ଟିମ ଭାରତୀୟ | । ମାତ୍ର ୫ ରନ୍ ଦଳୀୟ ସ୍କୋର୍‌ରେ ଶୁବମନ ଗିଲ ଆଉଟ ହୋଇ ପାଭେଲିୟନ ଫେରିଥିଲେ । ଅଭିଶେଷ ଶର୍ମା କିଛିଟା ବଡ଼ ସଟ୍‌ ଖେଳିଥିଲେ ମଧ୍ୟ ବଡ଼ ସ୍କୋର୍‌ କରିପାରିନଥିଲେ ।ଏହି ସମୟରେ ପିଚ୍‌କୁ ଓହ୍ଲାଇଥିଲେ ହାର୍ଦ୍ଦିକ ପାଣ୍ଡ୍ୟା । ଗୋଟିଏ ପରେ ଗୋଟିଏ ୱିକେଟ ଭାରତ ହରାଉଥିବା ବେଳେ ଏକାକୀ ଦଳୀୟ ସ୍କୋର୍‌କୁ ଆଗକୁ ବଢ଼ାଇଥିଲେ ହାର୍ଦ୍ଦିକ ପାଣ୍ଡ୍ୟା । ସେ ୨୮ଟି ବଲ୍‌ର ୪ଟି ଛକା ଓ ୬ଟି ଚୌକା ବଳରେ ୫୯ ରନ୍‌ କରିଥିଲେ । ଯାହାଫଳରେ ଟିମ୍‌ ଇଣ୍ଡିଆର ଦଳୀୟ ସ୍କୋର୍‌ ୬ ୱିକେଟ ବିନିମୟରେ ୧୭୫ ରନ୍‌ରେ ପହଞ୍ଚିଥିଲା ।

ବାରବାଟୀରେ ବଡ଼ ବିଜୟ ସହ ଭାରତୀୟ ଖେଳାଳିମାନେ ଏହି ମ୍ୟାଚ୍‌ରେ ଅନେକ ଗୁରୁତ୍ୱପୂର୍ଣ୍ଣ ରେକର୍ଡ ମଧ୍ୟ ନିଜ ନାଁରେ କରିଛନ୍ତି । ଏହାକୁ ନେଇ ଦର୍ଶକଙ୍କ ଖୁସି କହିଲେ ନସରେ | ହାର୍ଦ୍ଦିକ ପାଣ୍ଡ୍ୟାଙ୍କ ଏପରି ଶକ୍ତି ପ୍ରଦର୍ଶନକୁ ନେଇ ପୁରା ଷ୍ଟାଡିୟମ୍ ରେ ହାର୍ଦ୍ଦିକଙ୍କ ନାଁର କମ୍ପି ଉଠିଥିଲା |

ଏହା ପରେ ବାରବାଟୀରେ ସିଟ୍ ବଢ଼ିବା ନେଇ ମୁଖ୍ୟମନ୍ତ୍ରୀ କରିଛନ୍ତି ବଡ ଘୋଷଣା । ବାରବାଟୀରେ ବଢ଼ିବ ସିଟ୍, ଷ୍ଟାଡିୟମର ହେବ ଉନ୍ନତି । ଟିମ୍ ଇଣ୍ଡିଆର ଦମଦାର ବିଜୟ ପରେ ଖୁସି ଖବର ଦେଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଥିଲେ, ଆଜିର ମ୍ୟାଚ୍ ବହୁତ ଉତ୍କଣ୍ଠା ପୂର୍ଣ୍ଣ ଥିଲା । ଏଥର ବାରବାଟୀରେ ମ୍ୟାଚ୍ ପରିଚାଳନା ବହୁତ ଭଲ ଭାବରେ ହୋଇଥିଲା ।ଏଥିପାଇଁ ପରିଚାଳନା ଦାୟିତ୍ୱରେ ଥିବା ସଂସ୍ଥା, ଓଡ଼ିଶା କ୍ରିକେଟ୍ ଆସୋସିଏସନ୍, ସହଯୋଗ କରୁଥିବା ପ୍ରଶାସନିକ ଟିମ୍, ପୁରା ପୋଲିସ ପ୍ରଶାସନ ଓ ଏଥିରେ ସାମିଲ ଅନ୍ୟ ସମସ୍ତଙ୍କୁ ମୁଖ୍ୟମନ୍ତ୍ରୀ ପ୍ରଶଂସା ମଧ୍ୟ କରିଥିଲେ । ଆଗକୁ ଷ୍ଟାଡିୟମ୍‌ରେ ଆହୁରି ମ୍ୟାଚ୍ ହେବ । ସେସବୁର ପରିଚାଳନାକୁ ଅଧିକ ଉନ୍ନତ କରାଯିବ ବୋଲି ମୁଖ୍ୟ ମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ।
ଇଣ୍ଡିଗୋ କମ୍ପାନୀ କୁ ଶକ୍ତ ଝଟକା

ଇଣ୍ଡିଗୋକୁ ସରକାରଙ୍କ ଶକ୍ତ ଚାପୁଡା । ବିଗତ ସପ୍ତାହ ରୁ ଲୋକଙ୍କୁ ହଇରାଣ କରିଆସୁଛି ଇଣ୍ଡିଗୋ। ଦେଶରେ ବିମାନ ଉଡାଣରେ ବିଶୃଙ୍ଖଳା ପାଇଁ ଇଣ୍ଡିଗୋ ବିରୁଦ୍ଧରେ କେନ୍ଦ୍ର ସରକାରଙ୍କ କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି । ଦେଶର ବିମାନ ଚଳାଚଳ ନିୟାମକ ଏବଂ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ, ଇଣ୍ଡିଗୋର ଶୀତକାଳୀନ ସମୟସୂଚୀକୁ ହ୍ରାସ କରିଛି । ଯାହା ଫଳରେ ଉଡ଼ାଣ ସଂଖ୍ୟା ୫ ପ୍ରତିଶତ ହ୍ରାସ ପାଇଛି ।

ଦେଶର ଅଗ୍ରଣୀ ବିମାନ ସେବା ଇଣ୍ଡିଗୋ ବିମାନ ଉଡ଼ାଣ ବାତିଲ କରିବା ପରେ ଯାତ୍ରୀମାନଙ୍କୁ ଟିକେଟ ପଇସା ଫେରାଇବା କାର୍ଯ୍ୟ ଜାରି ରହିଛି। ସୋମବାର ଡିସେମ୍ବର ୮ତାରିଖ ସୁଦ୍ଧା ୮୨୭ କୋଟି ଟଙ୍କାର ରିଫଣ୍ଡ କରିଛି ବୋଲି ଇଣ୍ଡିଗୋ ଦାବି କରିଛି। ଅବଶିଷ୍ଟ ରିଫଣ୍ଡ ୧୫ ଡିସେମ୍ବର ୨୦୨୫ ପର୍ଯ୍ୟନ୍ତ ଜାରି କରାଯିବ ବୋଲି କମ୍ପାନୀ କହିଛି।

କେବଳ ସେତିକି ନୁହେଁ, ବୋର୍ଡିଂ ପାଇଁ ଯାଇଥିବା ଗ୍ରାହକଙ୍କ ବ୍ୟାଗ୍ ଫେରାଇବା କଥା ଇଣ୍ଡିଗୋ କହିଛି। ୪୫୦୦ ରୁ ଅଧିକ ବ୍ୟାଗ ଗ୍ରାହକଙ୍କ ପାଖକୁ ପହଞ୍ଚାଇଥିବା ବେଳେ ,ଆଗାମୀ ୩୬ ଘଣ୍ଟା ମଧ୍ୟରେ ବାକି ବ୍ୟାଗ ପହଞ୍ଚାଇବା କାର୍ଯ୍ୟ ଜାରି ରଖିଛି ବୋଲି ସୂଚନା ଦେଇଛି । ଯୋଗାଯୋଗ କରି ପ୍ରତିଦିନ ୨ ଲକ୍ଷରୁ ଅଧିକ ଗ୍ରାହକଙ୍କୁ ସହାୟତା କରାଯାଉଛି ବୋଲି ଇଣ୍ଡିଗୋ କହିଛି । ସାରା ଦେଶରେ ଇଣ୍ଡିଗୋ ସେବା ଲମ୍ବା ସମୟ ଧରି ବ୍ୟାହତ ହେବାପରେ ଯାତ୍ରୀମାନେ ନିଜର ଅସନ୍ତୋଷ ଝଡ଼ିଥିବା ଦେଖିବାକୁ ମିଳିଛି ।

ଇଣ୍ଡିଗୋ ପ୍ରତିଦିନ ପ୍ରାୟ ୨,୨୦୦ ଘରୋଇ ଏବଂ ଆନ୍ତର୍ଜାତୀୟ ଉଡ଼ାଣ ପରିଚାଳନା କରେ, କିନ୍ତୁ ସରକାରଙ୍କ ନିର୍ଦ୍ଦେଶ ଅନୁଯାୟୀ ଇଣ୍ଡିଗୋର ୧୧୦ ଟି ଉଡ଼ାଣ ହ୍ରାସ କରାଯାଇଛି । ଇଣ୍ଡିଗୋର ବଡ ପଡିଥିବା ଏହି ସ୍ଲଟ୍ ଅନ୍ୟ ବିମାନ କମ୍ପାନୀଗୁଡ଼ିକୁ ଦିଆଯିବ ବୋଲି ସରକାର କହିଛନ୍ତି ।ସେ ସମସ୍ତ ବିମାନ କମ୍ପାନୀକୁ ସ୍ପଷ୍ଟ ଚେତାବନୀ ଦେଇ କହିଛନ୍ତି ଯେ ଯାତ୍ରୀମାନଙ୍କୁ ହଇରାଣ କରିବାକୁ କାହାକୁ କ୍ଷମତା ଦିଆଯିବ ନାହିଁ ଏବଂ ସେମାନଙ୍କ ସୁରକ୍ଷା ସହିତ କୌଣସି ପ୍ରକାରର ସାଲିଶ କରାଯିବ ନାହିଁ।
ଖୋଲିବ ଗର୍ଭଗୃହ, ଭିତରେ ରହିଛି କ’ଣ?

୧୩ଶହ ଶତବଦ୍ଧି ରେ ନିର୍ମିତ ଐତିହାସିକା କୋଣାର୍କ ସୂର୍ଯ୍ୟ ମନ୍ଦିର ବାଲି ମୁକ୍ତ ହେବ । ୧୨୨ ବର୍ଷ ପରେ କୋଣାର୍କ ସୂର୍ଯ୍ୟ ମନ୍ଦିର ଗର୍ଭ ଗୃହରୁ କଢ଼ା ହେବ ବାଲି । ବହୁତ ଦିନର ବ୍ୟବଧାନ ପରେ ଏନେଇ ଏଏସ୍‌ଆଇ ପକ୍ଷରୁ ପ୍ରକ୍ରିୟା ଆରମ୍ଭ ହୋଇ ସାରିଛି ।

ପୂର୍ବେ ମନ୍ଦିରର ଗର୍ଭଗୃହରୁ ପଥର ଖସିବାରୁ, ଏହାର ସୁରକ୍ଷା ପାଇଁ ୧୯୦୩ ମସିହାରେ ଇଂରେଜ ସରକାର, ସେଥିରେ ବାଲି ଓ ପଥର ଭର୍ତ୍ତି କରି ଦ୍ଵାର ସିଲ୍ କରି ଦେଇଥିଲେ। ୮୦ ଫୁଟ ଉଚ୍ଚରେ ମନ୍ଦିରର ପଶ୍ଚିମ ପାର୍ଶ୍ଵ କାନ୍ଥରେ ୨୬ ଫୁଟରୁ ଅଧିକ କାନ୍ଥ ଖୋଳା ସରିଛି । ପରେ ଗର୍ଭଗୃହ ଭିତର ବାଲି ଓ ପଥରକୁ ସଂଗ୍ରହ କରାଯାଇ ପରୀକ୍ଷା ପାଇଁ ଆଇଆଇଟି ମାଡ୍ରାସ ଲ୍ୟାବ୍‌କୁ ପଠାଯାଇଛି ।

ତାପରେ ଏହା କେତେ ସୁରକ୍ଷିତ , ଯଦି ଏହାର ଗର୍ଭଗୃହରୁ ବାଲି କାଢ଼ିବା ପରେ ମନ୍ଦିର ସୁରକ୍ଷିତ ରହିବ କି ନାହିଁ ସେନେଇ ଅଧିକ ଅନୁଧ୍ୟାନ କରୁଛି ଏଏସ୍‌ଆଇ ବୈଷୟକ ଟିମ୍ । ତେବେ ଗର୍ଭଗୃହ ଭିତରର ପଥର ଓ ବାଲିର ପରୀକ୍ଷା ପରେ ଏହି ସବୁ ପ୍ରଶ୍ନର ଉତ୍ତର ମିଳି ପାରିବ ବୋଲି କୁହାଯାଉଛି । ଡ୍ରିଲିଂ ବେଳେ ଯେପରି ସୁକ୍ଷ୍ମ କାରୁକାର୍ଯ୍ୟ ସଂପନ୍ନ ପଥରକୁ ଆଞ୍ଚ ନଆସେ, ସେଥିପାଇଁ ଡାଇମଣ୍ଡ ଡ୍ରିଲ ମେସିନ୍ ସହ ଜିରୋ ଭାଇବ୍ରେସନ ମେସିନର ବ୍ୟବହାର ହୋଇଛି ।

ବାଲି ଓ ପଥର ନିଷ୍କାସନ କାମ ସରିଲେ ପର୍ଯ୍ୟଟକଙ୍କ ପାଇଁ ଖୋଲିବ କୋଣାର୍କ ସୂର୍ଯ୍ୟମନ୍ଦିର ଜଗମୋହନ ଦ୍ଵାର ସବୁଦିନ ପାଇଁ ଖୋଲିଦିଆଯିବ ବୋଲି ଏଏସ୍‌ଆଇ ପୁରୀ ସର୍କଲ ସୁପରିଟେଡେଣ୍ଟଟ ଡକ୍ଟର ଡି ବି. ଗଡନାୟକ ସୂଚନା ଦେଇଛନ୍ତି ।
ରାଇରଙ୍ଗପୁରରେ ଲୋକଙ୍କ ଦୁଃଖ ଶୁଣିଲେ ଜିଲ୍ଲାପାଳ

ରାଇରଙ୍ଗପୁରରେ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ଜନ ଶୁଣାଣି ଅଭିଯୋଗ ଶିବିର ଅନୁଷ୍ଠିତ ହୋଇଛି। ଜିଲ୍ଲାପାଳ ଶ୍ରୀ ହେମକାନ୍ତ ସୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଜିଲ୍ଲା ଆରକ୍ଷୀ ଅଧିକ୍ଷକ, ଶ୍ରୀ ବରୁଣ ଗୁଣ୍ଟୁପାଲ୍ଲି ବାମନଘାଟି ଉପ ଜିଲ୍ଲାପାଳ ଶ୍ରୀ ସୌମ୍ୟରଞ୍ଜନ ପ୍ରଧାନ, ରାଇରଙ୍ଗପୁର ଅତିରିକ୍ତ ଜିଲ୍ଲାପାଳ ଶ୍ରୀ ସୁଚାରୁ କୁମାର ବଳ, ରାଇରଙ୍ଗପୁର ଉପଖଣ୍ଡ ଆରକ୍ଷୀ ଅଧିକାରୀ ଗୋକୁଳା ନନ୍ଦ ସାହୁ,ରାଇରଙ୍ଗପୁର ଉପଖଣ୍ଡ ଚିକିତ୍ସାଧିକାରୀ ଡା. ରବୀନ୍ଦ୍ର କୁମାର ମାର୍ଣ୍ଡି ପ୍ରମୁଖ ଯୋଗ ଦେଇଥିଲେ । ଏହି ଶିବିରରେ ଜନସାଧାରଣଙ୍କ ଠାରୁ ମୋଟ ୧୦୯ଟି ଅଭିଯୋଗ ପତ୍ର ଗ୍ରହଣ ହୋଇଥିବା ବେଳେ ୯୪ଟି ବ୍ୟକ୍ତିଗତ ସମସ୍ୟା ଭିତ୍ତିକ ଏବଂ ୧୫ଟି ଗ୍ରାମବାସୀଙ୍କ ବିଭିନ୍ନ ସମସ୍ୟା ଭିତ୍ତିକ ସାମୁହିକ ଅଭିଯୋଗ ଥିଲା । ଆବେଦନର ଗୁରତ୍ୱକୁ ବିଚାର କରି ମୁଖ୍ୟମନ୍ତ୍ରୀ ରିଲିଫ ପାଣ୍ଠି ରୁ ଜଣଙ୍କୁ ୧୦,୦୦୦ ଟଙ୍କା ଓ ରେଡକ୍ରସ ପାଣ୍ଠିରୁ ଜଣଙ୍କୁ ୧୦, ୦୦୦ ଟଙ୍କା ଜିଲ୍ଲାପାଳ ମଂଜୁର କରିଛନ୍ତି। ଅନ୍ୟାନ୍ୟ ଆପତ୍ତି ଅଭିଯୋଗ ଗୁଡିକର ବିଷୟ ପ୍ରସଙ୍ଗ ଉପରେ ସବିଶେଷ ତଦନ୍ତ କରି ଅନୁଧ୍ୟାନ ପୂର୍ବକ ବିହିତ କାର୍ଯ୍ୟାନୁଷ୍ଠାନ ନେବା ସହ ତ୍ୱରିତ ପ୍ରକ୍ରିୟାରେ ସମାଧାନ କରିବା ପାଇଁ ସମ୍ପୃକ୍ତ ବିଭାଗୀୟ ଅଧିକାରୀ ମାନଙ୍କୁ ଜିଲ୍ଲାପାଳ ନିର୍ଦେଶ ଦେଇଥିଲେ ।