Tag: #suchana news

ପ୍ରଦୂଷଣ କଲେ ପେଟ୍ରୋଲ୍ ବନ୍ଦ, ନୂଆ ନିୟମ

ରାଜ୍ୟରେ ବଢ଼ୁଥିବା ବାୟୁ ପ୍ରଦୂଷଣକୁ ରୋକିବା ଓ ପରିବେଶ ସୁରକ୍ଷାକୁ ମଜବୁତ କରିବା ଲକ୍ଷ୍ୟରେ ରାଜ୍ୟ ପରିବହନ ପ୍ରାଧିକରଣ (STA) ଏକ କଡ଼ା ଓ ଚରମ ପଦକ୍ଷେପ ନେଇଛି। ଏହି ନୂଆ ନିୟମ ଅନୁସାରେ, ବୈଧ ପ୍ରଦୂଷଣ ପ୍ରମାଣପତ୍ର ଅର୍ଥାତ୍ PUCC (Pollution Under Control Certificate) ନଥିବା କୌଣସି ଯାନକୁ ପେଟ୍ରୋଲ୍ କିମ୍ବା ଡିଜେଲ୍ ଦିଆଯିବ ନାହିଁ। ଏନେଇ STA ପକ୍ଷରୁ ସମସ୍ତ ତୈଳ କମ୍ପାନୀଙ୍କୁ ଆଧିକାରିକ ଭାବେ ଚିଠି ଲେଖାଯାଇଛି।

STA ସୂତ୍ରରୁ ମିଳିଥିବା ସୂଚନା ଅନୁଯାୟୀ, ରାଜ୍ୟରେ ପରିବହନ ଯୋଗୁଁ ବାୟୁ ପ୍ରଦୂଷଣ ଦିନକୁ ଦିନ ଗମ୍ଭୀର ରୂପ ନେଉଛି। ବିଶେଷକରି ପୁରୁଣା ଓ ନିୟମିତ ରକ୍ଷାବେକ୍ଷଣ ନହୋଇଥିବା ଯାନମାନେ ଅଧିକ ପରିମାଣରେ ଧୂଆଁ ଛାଡ଼ି ପରିବେଶକୁ ଦୂଷିତ କରୁଛନ୍ତି। ଏହାର ପ୍ରଭାବ ସାଧାରଣ ଜନଜୀବନ ଓ ଲୋକଙ୍କ ସ୍ୱାସ୍ଥ୍ୟ ଉପରେ ପଡ଼ୁଛି।

ଏହି ପରିସ୍ଥିତିକୁ ଦୃଷ୍ଟିରେ ରଖି STA ଏଭଳି କଡ଼ା ନିଷ୍ପତ୍ତି ନେଇଥିବା କହିଛି। ଆଗାମୀ ଦିନରେ ପେଟ୍ରୋଲ୍ ପମ୍ପରେ ଯାନ ମାଲିକଙ୍କୁ PUCC ପ୍ରମାଣପତ୍ର ଦେଖାଇବାକୁ ପଡ଼ିପାରେ। ଯଦି ପ୍ରମାଣପତ୍ର ବୈଧ ନଥାଏ, ତେବେ ତେଲ ଦିଆଯିବ ନାହିଁ।

ଏହାସହ ସମସ୍ତ ଟୋଲଗେଟରେ ଥିବା ଇ-ଡିଟେକ୍ସନ ବ୍ୟବସ୍ଥାରେ ମଧ୍ୟ PUCC ଯାଞ୍ଚକୁ ସାମିଲ କରାଯାଇଛି। ମୋଟର ଯାନ ଆଇନ ଉଲ୍ଲଙ୍ଘନ କରି ପ୍ରଦୂଷଣ କରୁଥିବା ଯାନମାନଙ୍କ ବିରୋଧରେ ଜରିମାନା ସହ କଡ଼ା କାର୍ଯ୍ୟାନୁଷ୍ଠାନ ନିଆଯିବ।

ରାଜ୍ୟ ସରକାର ଆଶା କରୁଛନ୍ତି ଯେ, ଏହି ନୂଆ ବ୍ୟବସ୍ଥା ଦ୍ୱାରା ଓଡ଼ିଶାର ବିଭିନ୍ନ ଜିଲ୍ଲାରେ ବାୟୁ ଗୁଣାବତ୍ତାରେ ସୁଧାର ଆସିବ ଏବଂ ପରିବହନ କ୍ଷେତ୍ରରୁ ହେଉଥିବା ପ୍ରଦୂଷଣ ଅନେକ କମିବ। STA ପକ୍ଷରୁ ଯାନ ମାଲିକମାନଙ୍କୁ ସମୟ ସମୟରେ ନିଜ PUCC ନବୀକରଣ କରି ନିୟମ ମାନିବାକୁ ଅନୁରୋଧ କରାଯାଇଛି।
ଶାଶୁକୁ ମାରିଦେଲେ ବୋହୂ ସମୁଦୁଣୀ, ଅଭିଯୋଗ ଆଣିଲା ପୁଅ

ମୋ ମା’କୁ ମାରିଦେଲେ । ମୁଁ ଘରେ ନଥିଲାବେଳେ ମୋ ସ୍ତ୍ରୀ ଆଉ ଶାଶୁ ମିଶି ମୋ ମା’କୁ ମାରି ଦେଇଛନ୍ତି । ମୁଁ ଘରକୁ ଆସିବା ପରେ ମା’କୁ ଖୋଜିଲି । ବହୁତ ସମୟ ଖୋଜିବା ପରେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ମା’କୁ ପାଇଲି ସତ କିନ୍ତୁ ତା ଦେହରେ ଆଉ ଜୀବନ ନଥିଲା । ମୋ ସ୍ତ୍ରୀ ଆଉ ଶାଶୁ ହିଁ ମୋ ମା’ର ଜୀବନ ନେଇଛନ୍ତି । ଏମିତି କୋହଭରା କଣ୍ଠରେ ଅଭିଯୋଗ ଆଣିଛନ୍ତି ମୃତକଙ୍କ ପୁଅ ।

ଅନୁଗୁଳ ସଦର ଥାନା ଅନ୍ତର୍ଗତ ଖଲାରୀ ଜାମୁବନ୍ଧ ଛକ ନିକଟରେ ଘଟିଛି ଭୟଙ୍କର ହତ୍ୟାକାଣ୍ଡ । ପଥରରେ ଛେଚି ଜଣେ ମହିଳାଙ୍କ ହତ୍ୟା କରାଯାଇଛି । ସବୁଠାରୁ ଆଶ୍ଚର୍ଯ୍ୟର କଥା ହେଉଛି ଘରର ବୋହୂ ନିଜ ମା’ ସହ ମିଶି ଶାଶୁଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ଜାମୁବନ୍ଧ ଛକ ନିକଟରେ ଏକ ଭଡା ଘରେ ସଦର ପୋଲିସ ଜଣେ ମହିଳାଙ୍କ ମୃତଦେହ ଉଦ୍ଧାର କରିବା ପରେ ସାରା ଗାଁରେ ଖେଳିଯାଇଛି ଚାଞ୍ଚଲ୍ୟ । ମୃତ ମହିଳା ଜଣଙ୍କ କୁନି ନାୟକ ବୋଲି ଜଣା ପଡିଛି । ପୋଲିସର ପ୍ରାଥମିକ ତଦନ୍ତରୁ କୁନିଙ୍କୁ ହତ୍ୟା କରାଯାଇଥିବା ଜଣାପଡ଼ିଛି I ଏହି ଘଟଣାରେ କୁନିଙ୍କ ବୋହୂ ଏବଂ ସମୁଦୁଣିଙ୍କୁ ଅଟକ ରଖିଛି ପୋଲିସ ।

ସୂଚନା ଅନୁସାରେ, ଗତ କାଲି ରାତି ୧୦ଟା ବେଳେ କୁନିଙ୍କ ପୁଅ କାହ୍ନୁ ନାୟକ ନିଜ ମା’ଙ୍କୁ ଖାଇବା ପାଇଁ ଡାକିଥିଲେ । କିନ୍ତୁ ଘରର କବାଟ ବନ୍ଦ ରହିଥିବା ବେଳେ କୌଣସି ଉତ୍ତର ଦେଇନଥିଲେ କୁନି । ସନ୍ଦେହ ହେବାରୁ କବାଟ ଖୋଲି ଦେଖିଥିଲେ କାହ୍ନୁ । ରକ୍ତ ଜୁଡୁବୁଡ଼ୁ ଅବସ୍ତାରେ ମା’ ତଳେ ପଡ଼ିଥିବା ଦେଖି ତାଙ୍କ ପାଦ ତଳୁ ଯେମିତି ମାଟି ଖସିଗଲା । ସଙ୍ଗେ ସଙ୍ଗେ ସଦର ପୋଲିସକୁ କାହ୍ନୁ ଖବର ଦେଇଥିଲେ । ପରେ ପୋଲିସ ଘଟଣାସ୍ଥଳରେ ପହଁଚି ଆରମ୍ଭ କରିଛି ତଦନ୍ତ I ଆଜି ସକାଳୁ ସାଇଣ୍ଟିଫିକ ଟିମ୍ ଏବଂ ସନ୍ଧାନୀ କୁକୁର ଆସି ଅଧିକ ପଚରାଉଚରା କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଇଛି ।

ମାକୁ ଖୋଜି ଖୋଜି ପାଉନି ପୁଅ। କୋହଭରା କଣ୍ଠରେ ଡାକୁଛି ମା କୁଆଡେ ଗଲୁ ମା’କୁ ପାଇଲା ବେଳକୁ ମା’ର ନଥିଲା ଜୀବନ। ଏଭଳି ମର୍ମାହତ ଦୃଶ୍ୟ ଦେଖିବାକୁ ମିଳିଛି ଅନୁଗୁଳ ସଦର ଥାନା ଅନ୍ତର୍ଗତ ଖଲାରୀ ଜାମୁବନ୍ଧ ଛକ ନିକଟରେ । ହତ୍ୟାକାରୀ କେହି ପର ଲୋକ ନୁଁହନ୍ତି ନିଜ ଝିଅ ଭଳି ଭାବୁଥିବା ବୋହୂ ଆଉ ନିଜର ସମୁଦୁଣୀ । ଶାଶୁ ପାଇଁ କଲା ସାଜିଲା ବୋହୂ ।
ତେବେ କୁନିଙ୍କ ହତ୍ୟା ପଛରେ କିଏ ଦାୟୀ ? ସତରେ କଣ ବୋହୂ ଏମିତି ହତ୍ୟାକାଣ୍ଡ କରିଛି ନା ଆଉ କିଏ ଏଥିରେ ସାମିଲ ଅଛି । ତେବେ ଘରୋଇ କଳିରୁ ଏମିତି ହୋଇଥିବା ସନ୍ଦେହ କରାଯାଉଛି ସତ କିନ୍ତୁ ତଦନ୍ତ ପରେ ହିଁ ସବୁ ସତ ପଦାକୁ ଆସିବ ।
‘ଡକାୟତ’ଫିଲ୍ମର ଟିଜର ରିଲିଜ୍, ଆକ୍ସନ ମୋଡ଼ରେ ନଜର ଆସିଲେ ଆଦିବି ସେଶ୍ ଏବଂ ମୃଣାଲ ଠାକୁର

ଶୋନେଲ ଦେବଙ୍କ ଫିଲ୍ମ ‘ଡାକଇଟ୍’ର ଟିଜର ବର୍ତ୍ତମାନ ସାମ୍ନାକୁ ଆସିଛି । ଏହି ଫିଲ୍ମରେ ଆଦିବି ସେଶ୍ ଏବଂ ମୃଣାଲ ଠାକୁରଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଛି । ଏହି ଫିଲ୍ମରେ ଅନୁରାଗ କଶ୍ୟପଙ୍କୁ ମଧ୍ୟ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି । ଯାହା ତେଲୁଗୁ ଫିଲ୍ମର ଡେବ୍ୟୁ । ଏହି ଟିଜରଟି ସେଶଙ୍କ ଜନ୍ମଦିନର ଗୋଟିଏ ଦିନ ପୂର୍ବରୁ ରିଲିଜ ହୋଇଥିଲା । ଏଥିସହ ନାଗାର୍ଜୁନଙ୍କ ଏକ କମେଡ଼ି ମଧ୍ୟ ଦେଖିବାକୁ ମିଳିବ ।

ଏହି ଟିଜରରେ ସେଶ୍ ଏବଂ ମୃଣାଲଙ୍କ ଚରିତ୍ରରେ ସେମାନଙ୍କର ବ୍ରେକ୍ଅପ୍ ୱାଲା ଲଭ୍ ଷ୍ଟୋରୀ ଦେଖିବାକୁ ମିଳୁଛି । ଏହି ଟିଜରର ଆରମ୍ଭ ସେଶ ତାଙ୍କର ଜଣେ ବନ୍ଧୁଙ୍କ ସହିତ କଥା ହେଉଥିବା ସମୟରେ ମୃଣାଲ ତାଙ୍କ ପ୍ଲାନରେ ସାମିଲ ହୋଇଛନ୍ତି । କିନ୍ତୁ ସେ ପ୍ରପୋଜ୍ କରିବା ମାତ୍ରେ ଟିଜର ଆକ୍ସନ ମୋଡ଼କୁ ଯାଇଛି । ଦୁଇଜଣ ଡକାୟତଙ୍କ ଭୂମିକାରେ ଡକାୟତମାନେ ଡକାୟତି କରୁଛନ୍ତି । ଅନୁରାଗ କଶ୍ୟପ, ପ୍ରକାଶ ରାଜ, ଅତୁଲ କୁଲକର୍ଣ୍ଣି ଏବଂ ସୁନୀଲଙ୍କୁ ମଧ୍ୟ ଫିଲ୍ମରେ ଦେଖିବାକୁ ପାଇବେ ଦର୍ଶକ । ଟିଜରଟି ସାମ୍ନାକୁ ଆସିବା ପରେ ପ୍ରଶଂସକମାନେ ଫିଲ୍ମ ଦେଖିବାକୁ ନେଇ ଉତ୍ସାହର ସହିତ ଅପେକ୍ଷା କରିଛନ୍ତି ।

ଯଦି ଫିଲ୍ମ ରିଲିଜ କଥା କୁହାଯାଏ ତେବେ ୧୯ ମାର୍ଚ୍ଚ ୨୦୨୬ରେ ରିଲିଜ ହେବ ବୋଲି କୌଣସି ଏକ ସୂତ୍ରରୁ ଜଣାପଡିଛି ।
ଘର ଭଡା ଦେବା ପଡିଲା ମହାଙ୍ଗା, ମାଲିକାଣୀଙ୍କ ଜୀବନ ନେଲେ ଭଡ଼ାଟିଆ

ଭଡ଼ା ଟଙ୍କା ମାଗିବାକୁ ଯାଇଥିଲେ ଯେ ଭଡ଼ାଟିଆଙ୍କ ହାତରେ ମାଲିକାଣୀଙ୍କ ଜୀବନ ଗଲା । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଘଟଣା ପୁରା ସତ । ଉତ୍ତର ପ୍ରଦେଶର ଗାଜିଆବାଦ ଜିଲ୍ଲାରୁ ଆସିଛି ଏଭଳି ଏକ ଆଶ୍ଚର୍ଯ୍ୟଜନକ ଘଟଣା । ନନ୍ଦଗ୍ରାମ ପୋଲିସ ଷ୍ଟେସନ ଅଞ୍ଚଳର ରାଜନଗର ଏକ୍ସଟେନସନ ସ୍ଥିତ ପଶ ଔରା କାଇମେରା ସୋସାଇଟିରେ ହୋଇଛି ହତ୍ୟାକାଣ୍ଡ । ଭଡା ବିବାଦକୁ ନେଇ ଜଣେ ଘର ମାଲିକାଣୀଙ୍କୁ ନିର୍ମମ ଭାବରେ ହତ୍ୟା କରାଯାଇଛି । ଆଉ ମହିଳାଙ୍କୁ ହତ୍ୟା କରି ତାଙ୍କ ମୃତଦେହକୁ ଏକ ସୁଟକେସରେ ଭର୍ତ୍ତି କରି ଖଟ ତଳେ ଲୁଚାଇ ଦେଇଥିଲେ ଅଭିଯୁକ୍ତ ।

ଔରା କାଇମେରା ସୋସାଇଟିର ଏମ୍-୧୦୫ ନିବାସୀ ଉମେଶ ଶର୍ମାଙ୍କ ପତ୍ନୀ ଦୀପଶିଖା ଶର୍ମା ହୋଇଛନ୍ତି ହତ୍ୟାର ଶିକାର । ପୋଲିସ କହିବା ଅନୁଯାୟୀ, ଦୀପଶିଖା ଶର୍ମାଙ୍କ ଫ୍ଲାଟରେ ଅଜୟ ଗୁପ୍ତା ଏବଂ ଆକ୍ରିତି ଗୁପ୍ତା ନାମକ ଏକ ଦମ୍ପତି ଭଡାଟିଆ ଭାବରେ ରହୁଥିଲେ । ବକେୟା ଭଡାକୁ ନେଇ ଉଭୟଙ୍କ ମଧ୍ୟରେ ଦୀର୍ଘ ଦିନ ଧରି ବିବାଦ ଚାଲିଥିଲା । ଆଉ ଏହି ବିବାଦ ଯେ ଦୀପଶିଖାଙ୍କ ଜୀବନ ନେଇଯିବ କେହି କେବେ କଳ୍ପନା କରି ନଥିଲେ । ଦୀପଶିଖା ଭଡ଼ାଟିଆଙ୍କ ଠାରୁ ଭଡ଼ା ଟଙ୍କା ଆଣିବାକୁ ଯାଇଥିଲେ । କିନ୍ତୁ ବିଳମ୍ବିତ ରାତି ପର୍ଯ୍ୟନ୍ତ ଘରକୁ ନଫେରିବାରୁ ଘରେ ରହୁଥିବା ଚାକରାଣୀର ସନ୍ଦେହ ବଢ଼ିଥିଲା । ଦୀପଶିଖାଙ୍କୁ ଖୋଜି ଖୋଜି ଭଡ଼ାଟିଆଙ୍କ ଘରେ ପହଞ୍ଚିଥିଲେ ସେ । ଯେଉଁଠାରେ ଦୀପଶିଖା ଶର୍ମାଙ୍କ ମୃତଦେହ ଏକ ଲାଲ ସୁଟକେସରୁ ମିଳିଥିଲା ।

ଡିସେମ୍ବର ୧୭ ତାରିଖ ରାତି ପ୍ରାୟ ୧୧.୧୫ ସମୟରେ ନନ୍ଦଗ୍ରାମ ପୋଲିସ ଷ୍ଟେସନକୁ ଔରା କାଇମେରା ସୋସାଇଟିରେ ମହିଳାଙ୍କ ହତ୍ୟା ନେଇ ଖବର ଆସିଥିଲା । ସୂଚନା ପାଇ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ପୋଲିସ ସୋସାଇଟିର ସିସିଟିଭି ଫୁଟେଜ୍ ଯାଞ୍ଚ କରିଥିଲା, ଯେଉଁଥିରେ ଦୀପଶିଖା ଶର୍ମା ସନ୍ଧ୍ୟାରେ ଫ୍ଲାଟ ଆଡକୁ ଚାଲି ଚାଲି ଯାଉଥିଲେ କିନ୍ତୁ ଆଉ ଫେରି ନଥିଲେ । ଏହା ପରେ ଭଡାଟିଆ ଦମ୍ପତିଙ୍କ ଉପରେ ସନ୍ଦେହ ଆହୁରି ବଢ଼ିଥିଲା ।
ସୁନା ଦର ଦେଖି ଲୋକେ ଛାନିଆ

ଗହଣା କିଣିବା ପୂର୍ବରୁ ନଜର ପକାନ୍ତୁ କେଉଁ ସହରରେ କେତେ ରହିଛି ସୁନା ଦର । ତେବେ ଯଦି ଆପଣ ଆଜି ସୁନା କିଣିବାକୁ ଚାହୁଁଛନ୍ତି ବା ଯୋଜନା କରିଛନ୍ତି ତେବେ ପ୍ରଥମେ ଜାଣି ନିଅନ୍ତୁ ଆଜିର ସୁନା ଦର ।

ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା ୧,୩୪,୮୪୦ ଟଙ୍କା ରହିଛି । ସେହିପରି ୨୨ କ୍ୟାରେଟ ସୁନା ଦର ୧,୨୩,୬୦୦ ଟଙ୍କା ଛୁଇଁଛି । ସେହିପରି ରାଜଧାନୀ ଭୁବନେଶ୍ବରରେ ୨୪ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ ପିଛା ୧,୩୪,୮୪୦ ଟଙ୍କା ରହିଥିବା ବେଳେ ୨୨ କ୍ୟାରେଟ୍ ସୁନାର ମୂଲ୍ୟ ହଜାର ୧,୨୩,୬୦୦ ଟଙ୍କାକୁ ପହଞ୍ଚିଛି । ସେହିପରି ମୁମ୍ବାଇରେ ୨୪ କ୍ୟାରେଟ୍ ମୂଲ୍ୟ ୧,୩୫,୭୧୦ ଟଙ୍କା ଓ ୨୨ କ୍ୟାରେଟ୍ ମୂଲ୍ୟ ୧,୨୪,୪୦୦ ଟଙ୍କା ରହିଛି । ନୂଆଦିଲ୍ଲୀରେ ୨୪ କ୍ୟାରେଟ୍ ୧,୩୪,୯୯୦ ଟଙ୍କା ଓ ୨୨ କ୍ୟାରେଟ୍ ୧,୨୩,୭୫୦ ଟଙ୍କା ରହିଛି । ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ୨୪ କ୍ୟାରେଟ ମୂଲ୍ୟ ୧,୩୪,୭୩୦ ଟଙ୍କା ଥିବା ବେଳେ ୨୨ କ୍ୟାରେଟ ମୂଲ୍ୟ ୧,୨୩,୫୦୦ ଟଙ୍କା ରହିଛି । ପୂର୍ବ ଭାରତର ପ୍ରମୁଖ ସହର କୋଲକାତାରେ ଯଥାକ୍ରମେ ୧,୩୪,୮୪୦ ଓ ୧,୨୩,୬୦୦ ଟଙ୍କା ରହିଛି । ଅନ୍ୟପଟେ ରୁପା ମୂଲ୍ୟ କିଲୋ ପିଛା ୨,୧୧,୦୦୦ ଟଙ୍କା ହୋଇଛି ।

ସୁନା ଦରକୁ ନେଇ ଅନେକ ଲୋକଙ୍କ ମନରେ ଆଶଙ୍କା ସୃଷ୍ଟି ହୋଇଛି । ବଡୁଛି ଯେପରି ଦିନ ସେମିତି ବଢୁଛି ସୁନା ଦର । ସୁନା ଦରକୁ ନେଇ ମଧ୍ୟବିତ୍ତ ପରିବାର ଲୋକ ବହୁତ ଚିନ୍ତିତ ଅଛନ୍ତି। ଗୋଟେ ମଧ୍ୟବିତ୍ତ ପରିବାରର ମା ତାର ଝିଅକୁ ବାହା ଦେଇପାରୁନି। ସୁନା ଦର ହୋ ହୋ ହୋଇ ବଢ଼ିବାରେ ଲାଗିଛି । ଲୋକମାନଙ୍କର ସମସ୍ୟା ବୁଝିବାକୁ ସରକାର ନାରାଜ । ସୁନା ଦାରାକୁ ନେଇ ମାଝୀ ବାବୁ କାହିଁକି ଚୁପ ବସିଛନ୍ତି । ଏହା କେବଳ ଓଡ଼ିଶାରେ ନୁହେଁ ବରଂ ରାଜ୍ୟ ଏବଂ ରାଜ୍ୟ ବାହାରେ ସୁନା ଦରକୁ ନେଇ ଅନେକ ଲୋକ ଚିନ୍ତା ଗ୍ରସ୍ତରେ ଜୀବନଯାପନ କରୁଛନ୍ତି । ଏହାକୁ ନେଇ ରାଜ୍ୟ ସରକାର ନା କେନ୍ଦ୍ର ସରକାର କାହାର ପାଟି ଫିଟୁନି।
ଦିଲ୍ଲୀ ଗସ୍ତ ପରେ ରାଜ୍ୟ ବିଜେପିର ବଡ଼ ବୈଠକ

ଆଜି ରାଜ୍ୟ ରାଜନୀତିରେ ବିଜେପିର ବଡ଼ ଦିନ। ଭୁବନେଶ୍ୱର ସ୍ଥିତ ବିଜେପି ପାର୍ଟି ମୁଖ୍ୟାଳୟରେ ସକାଳ ୧୦ଟାରେ ଦଳର ଗୁରୁତ୍ୱପୂର୍ଣ୍ଣ ବୈଠକ ବସିବ। ଏହି ବୈଠକରେ ଦଳର ସମସ୍ତ ବିଧାୟକ, ସମସ୍ତ ମନ୍ତ୍ରୀ, ମୁଖ୍ୟମନ୍ତ୍ରୀ ମୋହନ ମାଝୀ ଓ ରାଜ୍ୟ ବିଜେପି ସଭାପତି ମନମୋହନ ସାମଲ ଉପସ୍ଥିତ ରହିବେ। ଦଳର ଶୀର୍ଷ ନେତୃତ୍ୱ ଏକେ ମଞ୍ଚରେ ଥିବାରୁ ବୈଠକଟିକୁ ନେଇ ରାଜନୈତିକ ମହଳରେ ବିଶେଷ ଆଗ୍ରହ ସୃଷ୍ଟି ହୋଇଛି।

କୁହାଯାଉଛି, ଏହି ବୈଠକ କେବଳ ସାଧାରଣ ଆଲୋଚନା ପାଇଁ ନୁହେଁ, ବରଂ ସରକାର ଓ ସଂଗଠନ ମଧ୍ୟରେ ସମନ୍ୱୟ ମଜବୁତ କରିବା, ତଳସ୍ତରର ସ୍ଥିତି ସମୀକ୍ଷା କରିବା ଓ ଆଗାମୀ ଦିନର ରାଜନୈତିକ ରଣନୀତି ତୟାରି କରିବା ପାଇଁ ଗୁରୁତ୍ୱ ଦିଆଯିବ। ନିକଟରେ ରାଷ୍ଟ୍ରୀୟ ସଂଗଠନ ମନ୍ତ୍ରୀଙ୍କ ଦ୍ୱାରା ହୋଇଥିବା ରୁଦ୍ଧଦ୍ୱାର ବୈଠକ ଏବଂ ଦିନକ ତଳେ ମୁଖ୍ୟମନ୍ତ୍ରୀଙ୍କ ଦିଲ୍ଲୀ ଗସ୍ତ ପରେ, ଆଜିର ବୈଠକକୁ ଏକ ଫଲୋ-ଅପ୍ ମନ୍ଥନ ଭାବରେ ଦେଖାଯାଉଛି।

ବୈଠକରେ ସରକାରୀ କାର୍ଯ୍ୟକ୍ରମଗୁଡ଼ିକୁ କିପରି ଦ୍ରୁତ ଭାବେ ଲୋକଙ୍କ ପର୍ଯ୍ୟନ୍ତ ପହଞ୍ଚାଯିବ, ସଂଗଠନକୁ କିପରି ଆଉ ସକ୍ରିୟ କରାଯିବ ଓ ଦଳୀୟ ଶିଷ୍ଟାଚାର ନେଇ କଣ ପଦକ୍ଷେପ ନିଆଯିବ—ସେଥିରେ ମଧ୍ୟ ଆଲୋଚନା ହେବାର ସମ୍ଭାବନା ରହିଛି। ସେଥିସହ ଜନସମ୍ପର୍କ, ମାଇଦାନୀ କାର୍ଯ୍ୟ ଓ ସରକାର–ଦଳ ସମନ୍ୱୟ ଉପରେ ନୂଆ ନିର୍ଦ୍ଦେଶ ଆସିପାରେ।

ସମଗ୍ର ଭାବେ, ଆଜିର ବୈଠକକୁ ରାଜ୍ୟ ବିଜେପିର ଭବିଷ୍ୟତ ଦିଗନିର୍ଦ୍ଦେଶ ନିର୍ଣ୍ଣୟ କରୁଥିବା ଏକ ଗୁରୁତ୍ୱପୂର୍ଣ୍ଣ ମଞ୍ଚ ଭାବରେ ଦେଖାଯାଉଛି।
ବାରାଣସୀରୁ ଗାଜିଆବାଦ… ୟୁପିରେ କଂଗ୍ରେସ କରୁଛି ବିଶାଳ ୧୭ ରାଲି

କଂଗ୍ରେସ ପ୍ରାୟ ଚାରି ଦଶନ୍ଧି ଧରି ଉତ୍ତର ପ୍ରଦେଶରେ କ୍ଷମତା ବାହାରେ ଅଛି, କିନ୍ତୁ ଏହା 2024 ଲୋକସଭା ନିର୍ବାଚନରେ ଛଅଟି ଆସନ ଜିତି ପୁନଃଉତ୍ଥାନ ପାଇଁ କାର୍ଯ୍ୟ କରୁଛି। କଂଗ୍ରେସ ପଞ୍ଚାୟତ ଏବଂ ବିଧାନସଭା ନିର୍ବାଚନ ପୂର୍ବରୁ ଉତ୍ତର ପ୍ରଦେଶରେ କାଶୀରୁ ଗାଜିଆବାଦ ଏବଂ ଲକ୍ଷ୍ନୌ ପର୍ଯ୍ୟନ୍ତ 17ଟି ବଡ଼ ରାଲି କରିବାକୁ ଯୋଜନା କରିଛି । କଂଗ୍ରେସ ଦଳ ପୁଣିଥରେ ଉତ୍ତର ପ୍ରଦେଶରେ ନିଜର ରାଜନୈତିକ ପ୍ରଭାବ ବୃଦ୍ଧି କରିବା ପାଇଁ ପ୍ରୟାସରେ ନିୟୋଜିତ ହୋଇଛି । ଆଗାମୀ ପଞ୍ଚାୟତ ନିର୍ବାଚନ ଏବଂ 2027 ବିଧାନସଭା ନିର୍ବାଚନକୁ ଦୃଷ୍ଟିରେ ରଖି, ଦଳ ତାର ରାଜନୈତିକ କାର୍ଯ୍ୟକଳାପକୁ ତୀବ୍ର କରିଛି। ନୂତନ ବର୍ଷ ଆରମ୍ଭ ସହିତ, ଦଳ ଉତ୍ତର ପ୍ରଦେଶର ବିଭିନ୍ନ ସ୍ଥାନରେ 17ଟି ରାଲି ଆରମ୍ଭ କରିବ। କଂଗ୍ରେସ ଜାନୁଆରୀ 2026 ରୁ ଜିତିଥିବା ଛଅଟି ଲୋକସଭା ଆସନ ସମେତ ବାରାଣସୀ ଏବଂ ଗାଜିଆବାଦ ଭଳି ଅଞ୍ଚଳରେ 17ଟି ବଡ଼ ରାଲି କରିବାକୁ ଯୋଜନା କରିଛି। ଫେବୃଆରୀରେ ଲକ୍ଷ୍ନୌରେ ଶେଷ ରାଲି ଅନୁଷ୍ଠିତ ହେବ। ସୂତ୍ର ଅନୁସାରେ, କଂଗ୍ରେସର ଲକ୍ଷ୍ୟ ହେଉଛି ଉତ୍ତର ପ୍ରଦେଶର ରାଜନୈତିକ ଭୂମିର ମୂଲ୍ୟାଙ୍କନ ଏବଂ ଏହାର କର୍ମୀମାନଙ୍କୁ ସକ୍ରିୟ କରିବା। ୨୦୨୪ ଲୋକସଭା ନିର୍ବାଚନରେ କଂଗ୍ରେସ ଅସାଧାରଣ ଭାବରେ ଭଲ ପ୍ରଦର୍ଶନ କରିଥିଲା, ଯାହା ଦଳ ପାଇଁ ଏକ ପୁନର୍ଜୀବନ ଥିଲା। ଏହି ବିଜୟ କଂଗ୍ରେସର ମନୋବଳକୁ ବୃଦ୍ଧି କରିଛି। ଏକ ଦଶନ୍ଧି ପରେ, ଦିଲ୍ଲୀ ରାଜନୀତିରେ କଂଗ୍ରେସର ଶକ୍ତି ବୃଦ୍ଧି ପାଇଛି, ଯେତେବେଳେ ଉତ୍ତର ପ୍ରଦେଶରେ ଛଅଟି ଆସନ ଜିତିବା ପୁନର୍ଜୀବନର ଆଶା ସୃଷ୍ଟି କରିଛି। ଏହି କାରଣରୁ କଂଗ୍ରେସ ଏବେ ଉତ୍ତର ପ୍ରଦେଶରେ ତାର ରାଜନୈତିକ କାର୍ଯ୍ୟକଳାପ ବୃଦ୍ଧି କରିବାକୁ ନିଷ୍ପତ୍ତି ନେଇଛି। ଏଥର କଂଗ୍ରେସ ଉତ୍ତର ପ୍ରଦେଶରେ ଛଅଟି ଲୋକସଭା ଆସନ ଜିତିଛି, ଯେତେବେଳେ ପାଞ୍ଚଟିରେ କମ୍ ଭୋଟରେ ହାରିଛି। 2024 ମସିହାରେ କଂଗ୍ରେସ 17ଟି ଆସନରେ ପ୍ରତିଦ୍ୱନ୍ଦ୍ୱିତା କରି ଛଅଟି ଆସନ ଜିତିଥିଲା। ଏହି ଆସନଗୁଡ଼ିକ ମଧ୍ୟରେ ଆମେଥି ଏବଂ ରାୟବରେଲି ସହିତ ସୀତାପୁର, ବାରବାଙ୍କି, ଆଲ୍ଲାହାବାଦ ଏବଂ ସାହାରନପୁର ଅନ୍ତର୍ଭୁକ୍ତ, ଯେଉଁଠାରେ କଂଗ୍ରେସ 40 ବର୍ଷ ପରେ ଜିତିଥିଲା। ଏହା ବ୍ୟତୀତ, ଦଳ କାନପୁର, ଝାନ୍ସୀ, ବଂଶଗାଓଁ, ଫତେପୁର ସିକ୍ରି, ବାରାଣସୀ, ଦେଓରିଆ ଏବଂ ଅମରୋହାକୁ କମ୍ ଭୋଟରେ ପରାସ୍ତ କରିଛି। କଂଗ୍ରେସ ୧୭ଟି ଲୋକସଭା ଆସନରେ ପ୍ରତିଦ୍ୱନ୍ଦ୍ୱିତା କରି “ଧନ୍ୟବାଦ ରାଲି” ଆୟୋଜନ କରିବାକୁ ଯୋଜନା କରିଛି। ଦଳ ଚାହୁଁଛି ଯେ ଉତ୍ତର ପ୍ରଦେଶ ପଞ୍ଚାୟତ ନିର୍ବାଚନ ପୂର୍ଣ୍ଣ ଶକ୍ତି ସହିତ ଲଢ଼ାଯାଉ। ତେଣୁ, ଭୂମିଗତ ବାସ୍ତବତାକୁ ବୁଝିବା ଏବଂ ସେହି ଅନୁସାରେ ଭବିଷ୍ୟତ ରଣନୀତି ପ୍ରସ୍ତୁତ କରିବା ପାଇଁ ଏହି ରାଲିଗୁଡ଼ିକର ଉଦ୍ଦେଶ୍ୟ। କଂଗ୍ରେସ ସ୍ୱାଧୀନ ଭାବରେ ପଞ୍ଚାୟତ ନିର୍ବାଚନ ଲଢ଼ିବାକୁ ନିଷ୍ପତ୍ତି ନେଇଛି, ଏବଂ ଫଳସ୍ୱରୂପ, ଏହା ଏବେ ରାଲି ଆୟୋଜନ କରୁଛି।

ସହାରନପୁରର କଂଗ୍ରେସ ସାଂସଦ ଇମ୍ରାନ ମାସୁଦଙ୍କ ଦିଲ୍ଲୀ ବାସଭବନରେ ଉତ୍ତର ପ୍ରଦେଶର ସମସ୍ତ ଛଅ ଜଣ ସାଂସଦ ଏବଂ ଦଳର ବରିଷ୍ଠ ନେତାମାନେ ଏକତ୍ରିତ ହୋଇଥିଲେ। ଜାନୁଆରୀ ୧୫ ତାରିଖ ପରେ ଜାନୁଆରୀରୁ ଫେବୃଆରୀ ମଧ୍ୟରେ ଉତ୍ତର ପ୍ରଦେଶରେ ୧୭ଟି ରାଲି କରିବା ପାଇଁ ଏକ ରଣନୀତି ପ୍ରସ୍ତୁତ କରାଯାଇଥିଲା। ଇମ୍ରାନ ମାସୁଦ କହିଛନ୍ତି ଯେ ୨୦୨୭ ପୂର୍ବରୁ କଂଗ୍ରେସ ଦଳକୁ ମଜବୁତ କରିବା ପାଇଁ ଏକ ରଣନୀତି ପ୍ରସ୍ତୁତ କରାଯାଉଛି।
ସମାଜବାଦୀ ପାର୍ଟି ସହିତ ମେଣ୍ଟ ଏବଂ ପରବର୍ତ୍ତୀ ସମୟରେ ମୁସଲିମ ଏବଂ ଦଳିତ ଭୋଟରଙ୍କ କଂଗ୍ରେସ ସପକ୍ଷରେ ଧାରା ଯୋଗୁଁ, କଂଗ୍ରେସ 2027 ବିଧାନସଭା ନିର୍ବାଚନରେ ନିଜ ପାଇଁ ଏକ ବଡ଼ ସୁଯୋଗ ଦେଖୁଛି। ରାହୁଲ ଗାନ୍ଧୀ ଉତ୍ତର ପ୍ରଦେଶରେ ତାଙ୍କର ସକ୍ରିୟତା ବଜାୟ ରଖିବା ପାଇଁ ରାୟବରେଲିକୁ ଏକ ରାଜନୈତିକ ଅସ୍ତ୍ର ଭାବରେ ବ୍ୟବହାର କରିବାକୁ ଚେଷ୍ଟା କରୁଛନ୍ତି।

୨୦୨୪ ମସିହାରୁ, ରାହୁଲ ଗାନ୍ଧୀ ନିୟମିତ ଭାବରେ ଉତ୍ତର ପ୍ରଦେଶ ଗସ୍ତ କରି ଗତି ବୃଦ୍ଧି କରୁଛନ୍ତି। ଏହା ବ୍ୟତୀତ, ଉତ୍ତର ପ୍ରଦେଶର ବିଭିନ୍ନ ସ୍ଥାନରେ ରାଲି କରିବାର କଂଗ୍ରେସର ରଣନୀତିର ମଧ୍ୟ ସ୍ପଷ୍ଟ ରାଜନୈତିକ ପ୍ରଭାବ ରହିଛି।

କଂଗ୍ରେସର ଚାପ ରାଜନୀତିର ଚାପ କଂଗ୍ରେସ ସାଢ଼େ ତିନି ଦଶନ୍ଧି ଧରି ଉତ୍ତର ପ୍ରଦେଶରେ କ୍ଷମତାରୁ ନିର୍ବାସିତ ଅଛି। ୨୦୧୯ରେ ରାହୁଲ ଗାନ୍ଧୀ ଆମେଥିରେ ପରାଜୟର ସମ୍ମୁଖୀନ ହୋଇଥିଲେ, ଯାହା ଫଳରେ ସେ ତାଙ୍କ ମାଆ ସୋନିଆ ଗାନ୍ଧୀଙ୍କ ରାୟବରେଲି ଆସନକୁ ୨୦୨୪ ଲୋକସଭା ନିର୍ବାଚନ ପାଇଁ ନିଜର କ୍ଷେତ୍ର କରିଥିଲେ। ପ୍ରିୟଙ୍କା ଗାନ୍ଧୀଙ୍କୁ ୱାୟାନାଡ ଆସନ ହସ୍ତାନ୍ତର କରି, ଉତ୍ତର ପ୍ରଦେଶ ରାଜନୀତିରେ କଂଗ୍ରେସର ସ୍ଥିତି ପୁନରୁଦ୍ଧାର କରିବାରେ ସାହାଯ୍ୟ କରିବା ପାଇଁ ରାହୁଲ ରାୟବରେଲିକୁ ବଜାୟ ରଖିଥିଲେ। କଂଗ୍ରେସ ଦଳର ଏହି ଅଭ୍ୟାସର ଉଦ୍ଦେଶ୍ୟ ହେଉଛି ଏହାର ନିର୍ବାଚନ ଯନ୍ତ୍ରପାତି ପ୍ରସ୍ତୁତ କରିବା ଏବଂ ଭୂମି ସ୍ଥିତି ମୂଲ୍ୟାଙ୍କନ କରିବା। ଏହା ମାଧ୍ୟମରେ, କଂଗ୍ରେସ 2027 ପାଇଁ ସମାଜବାଦୀ ପାର୍ଟି ବିରୁଦ୍ଧରେ “ଚାପ ରାଜନୀତି” ଖେଳୁଛି, ଯାହା ଦ୍ୱାରା ଅଖିଳେଶ ଯାଦବଙ୍କ ସହିତ ଆସନ ବଣ୍ଟନ ପାଇଁ ଏହାକୁ ଚାପ ଦିଆଯିବ । ଏହି ରଣନୀତି କେତେ ପ୍ରଭାବଶାଳୀ ହେବ ତାହା ଦେଖିବାକୁ ବାକି ଅଛି।
ରାତିର ଯାତ୍ରା ହେଲା ଶେଷ ଯାତ୍ରା

ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ NH-353 ତିଖାଲି ନିକଟରେ ଘଟିଛି ଏକ ଭୟାବହ ସଡ଼କ ଦୁର୍ଘଟଣା। ରାତି ପ୍ରାୟ ୮ଟା ସମୟରେ ଏକ କାର ନିୟନ୍ତ୍ରଣ ହରାଇ ରାସ୍ତାକଡ଼ରେ ଥିବା ଗଛରେ ଜୋରଦାର ଧକ୍କା ହୋଇଥିଲା।

ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ NH-353 ତିଖାଲି ଛକ ନିକଟରେ ଗତ ରାତିରେ ଏକ ଭୟାବହ ସଡ଼କ ଦୁର୍ଘଟଣା ଘଟି ଅଞ୍ଚଳକୁ ଶୋକସନ୍ତପ୍ତ କରିଦେଇଛି। ଏକ କାର ନିୟନ୍ତ୍ରଣ ହରାଇ ରାସ୍ତାକଡ଼ରେ ଥିବା ଗଛରେ ଜୋରରେ ପିଟିହେବାରୁ ଘଟଣାସ୍ଥଳରେ ୨ ଜଣ ଯୁବକଙ୍କ ମୃତ୍ୟୁ ଘଟିଥିଲା ବେଳେ ଅନ୍ୟ ଜଣେ ଗୁରୁତର ଆହତ ଯୁବକଙ୍କୁ କୋମନା ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି।

ମୃତ ଯୁବକମାନେ ହେଲେ କୋମନା ଗାଁର ଅବରାର ଓରଫ ବିଟୁ ଖାନ (୨୪), ଅଜନାନ ମହମ୍ମଦ (୨୫) ଓ ମେହଫୁଜ ମହମ୍ମଦ (୨୩) ବୋଲି ଜଣାପଡିଛି। ଦୁର୍ଘଟଣାରେ ଆହତ ହୋଇଥିବା ଅନ୍ୟ ୪ ଜଣଙ୍କୁ ସ୍ଥାନୀୟ ଲୋକେ ଓ ପୋଲିସ ମିଶି ଉଦ୍ଧାର କରି ପ୍ରଥମେ କୋମନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ପରେ ସେମାନଙ୍କ ଅବସ୍ଥା ଗୁରୁତର ହେବାରୁ ନୂଆପଡ଼ା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।

ସୂଚନା ଅନୁସାରେ, ଗତ ରାତି ପ୍ରାୟ ୮ଟା ସମୟରେ କୋମନା ଗାଁର ୭ ଜଣ ଯୁବକ ଏକ କାରରେ ଖଡ଼ିଆଳ ଅଭିମୁଖେ ଯାଉଥିଲେ। ତିଖାଲି ଛକ ନିକଟରେ ହଠାତ୍ ଗାଡ଼ିଟି ଭାରସାମ୍ୟ ହରାଇ ଓଲଟି ପଡ଼ିବା ସହ ଏକ ଗଛରେ ପିଟିହୋଇଥିଲା। ଧକ୍କା ଏତେ ଭୟାବହ ଥିଲା ଯେ କାରଟି ସମ୍ପୂର୍ଣ୍ଣ ଚୁର୍ଣ୍ଣବିଚୁର୍ଣ୍ଣ ହୋଇଯାଇଥିଲା।

ଦୁର୍ଘଟଣା ଖବର ପାଇ କୋମନା ପୋଲିସ ଘଟଣାସ୍ଥଳରେ ପହଁଚି ମୃତଦେହଗୁଡ଼ିକୁ ଉଦ୍ଧାର କରି ତଦନ୍ତ ଆରମ୍ଭ କରିଛି। ଦୁର୍ଘଟଣାର କାରଣ ଦ୍ରୁତ ଗତି ନା ଅନ୍ୟ କୌଣସି ଯାନ୍ତ୍ରିକ ତ୍ରୁଟି, ସେନେଇ ପୋଲିସ ତଦନ୍ତ ଜାରି ରଖିଛି। ଏହି ଦୁର୍ଘଟଣା ପରେ କୋମନା ଗାଁରେ ଶୋକର ଛାୟା ଖେଳିଯାଇଛି।
ଆଶ୍ରମ ବିଦ୍ୟାଳୟରେ ଅଘଟଣ, ସୂଚନା ଫଳକ ପଡି ଛାତ୍ର ମୃତ

କୋରାପୁଟ ଜିଲ୍ଲା ଆଶ୍ରମ ସ୍କୁଲରେ ଆଉ ଏକ ଅଭାବନୀୟ ଘଟଣା । ପାଖାପାଖି ୯ଜଣ ଛାତ୍ର ଛାତ୍ରୀ ଏହି ତିନି ମାସ ଭିତରେ ମୃତ୍ୟୁବରଣ କରିସାରିଲେଣି । ଏବଂ ଆଜି ସଖାଳୁ ଗାନ୍ଧୀନଗର ଆଶ୍ରମ ସ୍କୁଲରେ ୩ଟି ଛାତ୍ର ବ୍ରସ କରୁଥିବା ସମୟରେ ଯାହା କର୍ତ୍ତୃପକ୍ଷ କହୁଛନ୍ତି । ସେ ଭିତରୁ ସୂଚନା ଫଳକ ପଡି ଜଣଙ୍କର ମୃତ୍ୟୁ ହେଇଗଲା। ଅନ୍ୟ ଜଣଙ୍କର ଗୋଡ଼ ଭାଙ୍ଗିଗଲା । ଏବଂ ଅନ୍ୟ ଜଣେ ସିରିୟସ କଣ୍ଡିସନରେ ମେଡିକାଲରେ ଚିକିତ୍ସିତ ଅବସ୍ଥାରେ । ପରିବାର ଲୋକ ଏବଂ ଗ୍ରାମବାସୀ ଯାହା ସନ୍ଦେହ କରୁଛନ୍ତି ଛାତ୍ର ଜଣକୁ ମର୍ଡର କରାଯାଇଛି । ଏବଂ ଗୋଟେ ସିମେଣ୍ଟ ସାଇନ ବୋର୍ଡ ପଡିଯାଇଛି ବୋଲି ମିଥ୍ୟା ତଥ୍ୟ ଦର୍ଶାଉଛନ୍ତି ଜିଲ୍ଲା ପ୍ରଶାସନ, ସ୍କୁଲ କର୍ତ୍ତୃପକ୍ଷ, ସରକାର । ଯାହାର ପ୍ରତିରୋଧରେ ବିଜେଡିର ରାସ୍ତାରୋକ । ଏଭଳି ଅଭିଯୋଗ ଆଣିଛନ୍ତି ବିଜେଡି କର୍ମଚାରୀ। ସୂଚନା ଫଳକ ପଡି ଛାତ୍ର ମୃତ୍ୟୁ । କୋରାପୁଟ ଜିଲ୍ଲା କୋଟପାଡ଼ ଥାନା ସରକାରୀ ଉନ୍ନିତ ଆଶ୍ରମ ବିଦ୍ୟାଳୟରେ ଅଘଟଣ ଘଟିଛି । ମୃତକ ଗୁମୁଡା ପଂଚାୟତ ସୁଉନିଗୁଡା ଗାଁର ପ୍ରେମାନନ୍ଦ ଭତ୍ରା । ସେ ତୃତୀୟ ଶ୍ରେଣୀରେ ପଢୁଥିଲେ । ସକାଳୁ ବ୍ରସ୍ କରିବା ସମୟରେ ଦୁଇ ଛାତ୍ରଙ୍କ ଉପରେ ସୂଚନା ଫଳକ ପଡିଯାଇଥିଲା । ଜଣଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଅଛନ୍ତି । ତାଙ୍କୁ ଜୟପୁର ମେଡିକାଲରେ ଭର୍ତ୍ତି କରାଯାଇଛି ।

ଛାତ୍ର ମୃତ୍ୟୁ ଘଟଣାରେ ତଦନ୍ତ ଦାବି ଓ ମୃତ ଛାତ୍ର ପରିବାରଙ୍କ କ୍ଷତି ପୂରଣ ଦାବିରେ ବିଜେଡିର ରାସ୍ତାରୋକ । ଧାରଣାରେ ସାମିଲେ ହେଲେ ପୂର୍ବତନ ସାଂସଦ ପ୍ରଦୀପ ମାଝୀ, ପୂର୍ବତନ ମନ୍ତ୍ରୀ ପଦ୍ମିନୀ ଦିଆନ, ପୂର୍ବତନ ବିଧାୟକ ଚଦ୍ର ଶେଖର ମାଝୀ, ଡାବୁ ଗାଁ ବିଧାୟକ ମନହର ରନ୍ଧାରୀ । ଗଣ ଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଇସ୍ତଫା ଦାବି କଲା ବିଜେଡି ।
ରୂପି ସମସ୍ୟାକୁ ନେଇ ଆପଣ ଚିନ୍ତାରେ ଅଛନ୍ତି କି?

ଶୀତ ଆସିବା ମାତ୍ରେ ରୂପି ହେବା ଏକ ସାଧାରଣ ସମସ୍ୟା । ଏଥିରୁ ମୁକ୍ତି ପାଇବା ପାଇଁ ଅନେକ ଲୋକ ବଜାରରୁ ମହଙ୍ଗା ରାସାୟନିକ ଯୁକ୍ତ ସାମ୍ପୁ ବ୍ୟବହାର କରନ୍ତି । ଆଉ କେତେକ ଘରୋଇ ଉପଚାର, ନହେଲେ ପାର୍ଲର ଯାଇ ସହ ସହ ତାଙ୍କ ଖର୍ଚ ମଧ୍ୟ କରନ୍ତି । କିନ୍ତୁ ଏହା ବିଶେଷ ଫଳପ୍ରଦ ହୋଇନଥାଏ। ରୂପି ହେବା ଦ୍ୱାରା କେଶ ଝାଡ଼ିବା ସହ କେଶରେ ଧଳା, ଏକ ସ୍ତର ହୋଇ କୁଣ୍ଡାଇ ହେବା ସହ ଜଳା ପୋଡ଼ା ଆରମ୍ଭ ହୋଇଥାଏ ।

ଏଥିପାଇଁ ନିଜ ହେୟାର କେୟାର ରୂଟୀନ ଚେଞ୍ଜ କରିବା ଦରକାର। ଏଥିସହ ଗରମ ପାଣିରେ କେଶ ଧୋଇବା ସହ କେଶ ମୂଳରେ ରୂପି ସମସ୍ୟା ଦେଖାଯାଇଥାଏ। ଏହି ସମସ୍ୟା ପାଇଁ ସଚେତନ ହେବା ସହ ଋତୁ ଅନୁସାରେ କେଶର ଯତ୍ନ ନେବା ଦରକାର ଶୀତଦିନରେ ଆମେ ଆମ ଶରୀରର ଯତ୍ନ ମଧ୍ୟ ଠିକ ଭାବରେ ନେଇନଥାଉ ଅଧିକ ଶୀତ ହେଉଥିବାରୁ ଲୋକମାନେ ଅଳସୁଆପଣ ପାଇଁ ପାଣି ଠିକ ଭାବରେ ପିଇ ନଥାନ୍ତି ଶରୀରରେ ଜଳିଅ ଅଂଶ କମ ହେବାରୁ ଚର୍ମ ସହ ସ୍କାଳ୍ପ ମଧ୍ୟ ଶୁଷ୍କ ଏବଂ ରୁକ୍ଷ ହୋଇଯାଏ| ଯାହାର ପ୍ରଭାବ ପୁରା ଶରୀର ଉପରେ ପଡିଥାଏ | ତେଣୁ ପ୍ରଥମେ ତ୍ୱଚା ଯେପରି ଶୁଷ୍କ ନହେବ ସେଥି ପାଇଁ ସଚେତନ ରହିବ ଆବଶ୍ୟକ | ରୂପି ସମସ୍ୟାକୁ ଦୂରେଇବାକୁ କେଶ ମୂଳରେ ନିୟମିତ ତେଲ ମାଲିସ କରିବା ସହ ଯଥେଷ୍ଟ ପାଣି ପିଇବା ଆବଶ୍ୟକ | ଅନେକଙ୍କର ଭୁଲ ଧାରଣା ଥାଏ ଯେ ବାରମ୍ବାର ଚୁଟି ଧୋଇବା ଦ୍ୱାରା ରୂପି ସମସ୍ୟା ଦୁରେଇ ଯାଇଥାଏ |

କିନ୍ତୁ ଏହା ଭୁଲ ସପ୍ତାହକୁ ନିୟମିତ ଭାବେ ତେଲ ମାଲିସ କରିବା ସହ ଦୁଇ ଥର ଚୁଟି ଧୋଇପାରିବେ | ହଁ ଆଜ୍ଞା ଚୁଟି ଧୋଇବା ପୂର୍ବରୁ ଆଲୋବେରା ଲଗାଇପାରିବେ | ଏବଂ ଚୁଟି ଧୋଇବା ପରେ ଗ୍ଲିସେରିଙ୍ଗ ଓ ଗୋଲାପ ଜଳର ମିଶ୍ରଣ ଲଗାଇପାରିବେ ଏହା ଦ୍ୱାରା କେଶ ସୁସ୍ଥ ରହେ | ହଁ କେଶରେ ତେଲ ମାଲିସ କରିବାକୁ ହେଲେ ଦିନରେ ନୁହେଁ ତେଲ ମାଲିସ କରି ବାହାରକୁ ଗଲେ ଏହା ବାହାରେ ଧୂଳି ଧୂସର ଏକ ଆସରନ କେଶ ଉପରେ ଜମା ହୋଇ କେଶକୁ ଆହୁରି ଖରାପ କରିଦିଏ | ତେଣୁ ଦିନରେ ତେଲ ନଲଗାଇ ବରଂ ରାତିରେ ଶୋଇବା ଆଗରୁ ତେଲ ଲଗାନ୍ତୁ | ହଁ ଆଉ ଏକ ଉପାୟ ହେଉଛି ହଟ ତାୱେଲ ଥେରାପି ଏକ ପାତ୍ରରେ ଗରମ ପାଣି କରି ସେଥିରେ ଏକ ତାୱେଲରେ ବୁଡାଇ ରଖନ୍ତୁ କିଛି ସମୟ ପରେ କାଢି ଚିପୁଡ଼ି ଦିଅନ୍ତୁ | ଏହାପରେ ଏକୁ ମୁଣ୍ଡରେ ଗୁଡ଼ାଇ ଦିଅନ୍ତୁ ଆପଣ ଏଭଳି ଚାରି ରୁ ପାଞ୍ଚ ଥର କରନ୍ତୁ | ଦେଖିବେ କେଶ ସୁସ୍ଥ ହୋଇ ଝଡ଼ିବା ସମସ୍ୟା ବି ଦୁରେଇ ଯିବ ସବୁବେଳେ ଦୃଷ୍ଟି ରଖିବେ ମୁଣ୍ଡ ଧୋଇବା ପରେ ମୁଣ୍ଡରେ ଘଉଡାଉଥିବା କପଡା ହେଉ କି ଆପଣ ବ୍ୟବହାର କରୁଥିବା ପନିହା ହେଉ କି ମୁଣ୍ଡରେ ବାନ୍ଧୁଥିବା ରିବନ ହେଉ ପରିସ୍କାର ରହିବ ନିହାତି ଆବଶ୍ୟକ | ଏହା ଦ୍ୱାରା ରୂପି ସମସ୍ୟାରୁ ଆପଣ ମୁକ୍ତି ପାଇପାରିବେ |