ରାୟଗଡ଼ା ଜିଲ୍ଲା କାଶିପୁର ବ୍ଲକ ମାରିଭଟା ନିକଟରେ କାଠ ବୋଝେଇ ପିକଅପ୍ ଭେନ୍ ଜବତ ହୋଇଛି । ଲେଲିଗୁମା ସଂରକ୍ଷିତ ଜଙ୍ଗଲ ଅଞ୍ଚଳରେ କିଚିଖାଲ ଗ୍ରାମରୁ ମାରିଭଟା ଗ୍ରାମକୁ ଯିବା ରାସ୍ତାରେ ଧରିଥିଲା ବନବିଭାଗ । ଆଜି ସକାଳେ ଏକ ପିକଅପରେ ସାଇଜ୍ କାଠ ବୋଝେଇ ହେଉଥିବା ସୂଚନା ପାଇଥିଲା ବନବିଭାଗ । ବେଆଇନ୍ ଭାବେ କାଠ ଚାଲାଣ ବେଳେ ଟିକିରି ରେଞ୍ଜର ଅନୀଲ ପାଣିଗ୍ରାହିଙ୍କ ନେତୃତ୍ଵରେ, ଲେଲିଗୁମା ଫରେଷ୍ଟର ୟେରକାନ ଶବର, ଶଙ୍କରଅଡା ଫରେଷ୍ଟର ଗୌତମ କୁମାର ପଣ୍ଡା ଓ ବନରକ୍ଷୀ ଖଗ ମାଝୀ, ଜଗତମହୋନ ସାହୁ ପ୍ରମୁଖ ଏକ ଟିମ୍ ଗଠନ କରି ଚୋରାଚାଲାଣ କରୁଥିବା ଭେନକୁ ଜବତ କରିଥିଲେ ।
ରାତ୍ରି ପାଟ୍ରଲିଂ ସମୟରେ ପ୍ରାୟ ୨ଟା ବେଳେ କାଠ ସହ ପିକଅପ ଓ କାଠ ଚାଲାଣରେ ସମ୍ପୃକ୍ତ ଦୁଇ ଜଣ ଯୁବକଙ୍କୁ ଗିରଫ କରିଛି ବନବିଭାଗ । ଗିରଫ ହୋଇଥିବା ଯୁହକ ହେଉଛନ୍ତି ବଡ ମାରିଭଟା ଗ୍ରାମର ଗୋପାଳ ଚନ୍ଦ୍ର ନାଏକ ଅନ୍ୟ ଜଣ ପଞ୍ଚାଳି ଗ୍ରାମର ସୁଶାନ୍ତ ଟାକିରି । ତେବେ ଜବତ ହୋଇଥିବା କାଠର ଆନୁମାନିକ ମୂଲ୍ୟ ୫୦.୦୦୦ ଟଙ୍କା ହେବ ବୋଲି ରେଞ୍ଜର କହିଛନ୍ତି ।
