Tag: #suchana news

ରାଜ୍ୟ ଆମ୍ବୁଲାନ୍ସ କର୍ମଚାରୀ ମହାସଂଘ ତରଫରୁ ଦୁର୍ଘଟଣାରେ ପ୍ରାଣ ହରାଇଥିବା ଦୁଇ କର୍ମଚାରୀଙ୍କୁ ସହାୟତା

ରାଜ୍ୟ ଆମ୍ବୁଲାନ୍ସ କର୍ମଚାରୀ ମହାସଂଘ ପକ୍ଷରୁ ଦୁର୍ଘଟଣାରେ ପ୍ରାଣ ହରାଇଥିବା ଦୁଇ ଆମ୍ବୁଲାନ୍ସ କର୍ମଚାରୀଙ୍କ ପରିବାରକୁ ସହାୟତା ପ୍ରଦାନ କରାଯାଇଛି। ସୂଚନା ମୁତାବକ ସେପ୍ଟେମ୍ବର ମାସ ୮ ତାରିଖ ଶନିବାର ରାତି ଆନନ୍ଦପୁର ଉପଖଣ୍ଡ ଚିକିତ୍ସାଲୟରୁ କଟକ ଶିଶୁଭବନ ଛାଡି ଫେରୁଥିବା ବେଳେ ଧର୍ମଶାଳା ଥାନା ରଥିଆ ଛକ ନିକଟରେ ଆମ୍ବୁଲାନ୍ସ ଗାଡିଟି ଟ୍ରକ ପଛରେ ଧକ୍କା ଦେବା ଫଳରେ ଆମ୍ବୁଲାନ୍ସର ସହାୟକ ହେମନ୍ତ ଆଚାର୍ଯ୍ୟ ଘଟଣା ସ୍ଥଳରେ ମୃତ୍ୟ ବରଣ କରିଥିବା ବେଳେ ଚିକତ୍ସାଧୀନ ଅବସ୍ଥାରେ ଡ୍ରାଇଭରଙ୍କ ମୁର୍ତ୍ୟୁ ଘଟିଥିଲା।

ଆଜି ରାଜ୍ୟ ଆମ୍ବୁଲାନ୍ସ ମହାସଂଘ ଓ ଜିଲ୍ଲା ମହାସଂଘ ପକ୍ଷରୁ ପ୍ରାଣ ହରାଇଥିବା ଦୁଇ କର୍ମଚାରୀଙ୍କ ଅମର ଆତ୍ମାର ସଦଗତି ନିମନ୍ତେ ବିଶାଳ ଶୋଭାଯାତ୍ରା କରି ଉକ୍ତ ପରିବାରକୁ ଭେଟି ସମବେଦନା ଜଣାଇବା ସହ ଆର୍ଥିକ ସହାୟତା ରାଶି ପ୍ରଦାନ କରିଥିବା ଦେଖିବାକୁ ମିଳିଛି। ଆମ୍ବୁଲାନ୍ସ ମହାସଂଘ ପକ୍ଷରୁ ଆନନ୍ଦପୁର ବ୍ଲକ ବାଇଲୋ ପଞ୍ଚାୟତ ଗୁହାଳିଆ ଗ୍ରାମର ଡ୍ରାଇଭର ଗୋବର୍ଦ୍ଧନ ଜେନାଙ୍କୁ ୧ ଲକ୍ଷ ୩୦ ହଜାର ଟଙ୍କା ଓ ସେହିପରି ଆମ୍ବୁଲାନ୍ସ ସହାୟକ ଘସିପୁରା ବ୍ଲକ ବଳରାମପୁର ଗ୍ରାମର ହେମନ୍ତ ଆଚାର୍ଯ୍ୟଙ୍କୁ ୨ ଲକ୍ଷ ଟଙ୍କା ଆର୍ଥିକ ରାଶି ପ୍ରଦାନ କରିଥିଲେ।

ଏଥିରେ ରାଜ୍ୟ କମିଟିର ସଭାପତି ସୁବୋଧ ନାଥ ଶର୍ମା, ଶ୍ରୀରାମ ଚନ୍ଦ୍ର ଆଚାର୍ଯ୍ୟ, କ୍ରୀଷ୍ଣା ଚନ୍ଦ୍ର ନାୟକ, ଶୋଭେନ୍ଦ୍ର ସାମଲ, ପ୍ରଦୀପ କୁମାର ଦାଶ, ଗୋପାଳ ଚନ୍ଦ୍ର ସାହୁ, ନୀଳାମ୍ବର ଦାସ ଏବଂ କେନ୍ଦୁଝର ଜିଲ୍ଲା କମିଟିର ସଭାପତି ବିପିନି ବିହାରୀ ମହାନ୍ତ, ଜ୍ୟୋତି ପ୍ରକାଶ ପାତ୍ର, ଧିରେନ କୁମାର ମହାନ୍ତ ଓ ଗିରିଜା ପ୍ରସାଦ ଖୁଣ୍ଟିଆଙ୍କ ସମେତ ଶତାଧିକ ଆମ୍ବୁଲାନ୍ସ କର୍ମଚାରୀ ଉପସ୍ଥିତ ଥିଲେ।
ଦେବଶିଳ୍ପୀଙ୍କ ପୂଜାକୁ ନେଇ ଚଳଚଞ୍ଚଳ ଓଡିଶା,ବିରାଜିଛନ୍ତି ବିଶ୍ୱ ବିନ୍ଧାଣୀ

ଆଜି ହେଉଛି ବିଶ୍ୱ ବିନ୍ଧାଣୀ ବିଶ୍ୱକର୍ମା ପୂଜା । ବିଶ୍ୱକର୍ମା ହେଉଛନ୍ତି ବିଶ୍ୱର ସୃଷ୍ଟିକର୍ତ୍ତା । ବିଶ୍ବ ବିନ୍ଧାଣିଙ୍କ ଆବାହନ ପାଇଁ ଗାଁ ଠୁ ସହର ସବୁଠି ଚଳଚଞ୍ଚଳ । ପୂଜା ପାଇଁ ସବୁଠି ବ୍ୟାପକ ପ୍ରସ୍ତୁତି କରାଯାଇଛି ।ବିଶେଷ କରି ଶିଳ୍ପ କାରଖାନା ମାନଙ୍କରେ ବିଶ୍ୱକର୍ମାଙ୍କ ପୂଜା ପାଳନ କରାଯାଉଛି ।ଭିନ୍ନ ଶିଳ୍ପାନୁଷ୍ଠାନରେ ମଧ୍ୟ ଧୁମଧାମରେ ପାଳନ ହେଉଛି ବିଶ୍ବକର୍ମା ପୂଜା । ଭଗବାନ ବିଶ୍ୱକର୍ମାଙ୍କୁ ପୂଜା କରିବା ଦ୍ୱାରା ବ୍ୟବସାୟରେ ବୃଦ୍ଧି ହେଉଥିବା ବିଶ୍ୱାସ ରହିଛି…
ସୁଭଦ୍ରା ଯୋଜନାରେ ଆଧାର ସଂଯୋଗ, ଲୋକେ ହନ୍ତସନ୍ତ, ଛୋଟ ପିଲାଙ୍କ ଲମ୍ବିଛି ଧାଡି

ସୁଭଦ୍ରା ଯୋଜନା ଓ ଖାଦ୍ୟ ସୁରକ୍ଷା ଯୋଜନାରେ ଆଧାର ସଂଯୋଗ ତଥା ଇକେଓ୍ବାଇସି କରିବାକୁ ଲୋକେ ନାନା ସମସ୍ୟାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି । ଆଧାର କାର୍ଡ ସଂଯୋଗ ପାଇଁ ଘଣ୍ଟା ଘଣ୍ଟା ଧାଡ଼ି ବାନ୍ଧି ଛିଡ଼ା ହେଉଛନ୍ତି । କେନ୍ଦୁଝର ଜିଲ୍ଲା ଚମ୍ପୁଆ ସଦର ମହକୁମା ଉପ ଡାକ ଘରେ ଆଜି ଅଧରାତିରୁ ଛୋଟ ଛୋଟ ପିଲାଙ୍କୁ ଧରି ଧାଡ଼ିରେ ମହିଳା ମାନେ ଛିଡା ହୋଇଥିବା ଦେଖିବାକୁ ମିଳିଛି । ଯାହାକୁ ନେଇ ଅସନ୍ତୋଷ ଦେଖିବାକୁ ମିଳିଛି ।

ଆଧାର ନାମ ସହିତ ମୋବାଇଲ ନମ୍ବରକୁ ସଂଯୋଗ କରିବାକୁ ଲୋକେ ଚମ୍ପୁଆ ଉପ ଡାକଘର ସମ୍ମୁଖରେ ଧାଡି ବାନ୍ଧି ଛିଡ଼ା ହୋଇଥିବା ବେଳେ ଏହି ଧାଡ଼ିରେ ଛୋଟ ଛୋଟ ପିଲା ଓ ବୃଦ୍ଧ ବୃଦ୍ଧା ମଧ୍ୟ ଥିବା ଦେଖିବାକୁ ମିଳିଛି । ଲୋକେ କାମଧନ୍ଦା ଛାଡି ଆଧାର ସଂଯୋଗ କରିବାକୁ ଧାଡ଼ି ଲଗାଇଥିବା ବେଳେ ଛୋଟ ଛୋଟ ପିଲାମାନେ ସ୍କୁଲ ବନ୍ଦ୍ କରି ଧାଡ଼ି ଲଗାଇବା ଦୃଶ୍ୟ ଦେଖିବାକୁ ମିଳିଛି । ସବୁଠୁ ବଡ କଥା ହେଉଛି ଧାଡ଼ିରେ ରହିବା ପାଇଁ ଲୋକେ ଅଧ ରାତିରୁ ପିଲା ଛୁଆଙ୍କୁ ଧରି ଡ଼ାକ ଘର ସମ୍ମୁଖରେ ଭିଡ ଜମାଇଛନ୍ତି ।

ଅନ୍ୟପଟେ ଠିକ୍ ସମୟରେ ସୁଭଦ୍ରା ଓ ଖାଦ୍ୟ ସୁରକ୍ଷା ଯୋଜନାର ପୋର୍ଟାଲ ଖୋଲୁ ନଥିବା ଯୋଗୁଁ ବିଭିନ୍ନ ଜନସେବା କେନ୍ଦ୍ର ଓ ପିଡିଏସ ସେଣ୍ଟରରେ ମଧ୍ୟ ଲୋକେ ଧାଡ଼ି ବାନ୍ଧି ଛିଡ଼ା ହେବାର ଦୃଶ୍ୟ ଦେଖିବାକୁ ମିଳିଛି । ଭିଡ ମଧ୍ୟପରେ ଆଧାର ସଂଯୋଗ ପାଇଁ ବହୁ ଅବ୍ୟବସ୍ଥା ମଧ୍ୟ ଦେଖାଦେଇଛି । ଗୋଟିଏ ଦିନରେ ସ୍ବଳ୍ପ ସଂଖ୍ୟରେ ଲୋକଙ୍କ ଆଧାର ସଂଯୋଗ ହୋଇପାରୁଥିବା ବେଳେ ଦିନକୁ ଦିନ ଏହି ସମସ୍ୟା ବଢିବାରେ ଲାଗିଛି । ଏଣୁ, ଅସନ୍ତୋଷ ଯେତିକି ବଢୁଛି ଡ଼ାକ ଘର ସମ୍ମୁଖରେ ଲୋକଙ୍କ ଭିଡ଼ ସେତିକି ବୃଦ୍ଧି ପାଉଛି ।

,
‘୩୦ ବର୍ଷ ମୁଁ ଜେଲରେ ଅଛି, ରାଜୀବ ଗାନ୍ଧୀଙ୍କ ଦୋଷୀଙ୍କୁ କରାଗଲା ମୁକ୍ତ ତେବେ ମୋତେ କାହିଁକି ନୁହଁ ? ‘, କଏଦୀଙ୍କ କଥା ଶୁଣିବା ପରେ ସୁପ୍ରିମକୋର୍ଟ ଦେଇଥିଲେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି

ନିଜ ପତ୍ନୀଙ୍କ ହତ୍ୟା ଅଭିଯୋଗରେ ୩୦ ବର୍ଷ କାଳ ଜେଲରେ ସଜ୍ଜା କାଟୁଥିବା ଜଣେ ୮୪ ବର୍ଷ ବୟସ୍କ ବ୍ୟକ୍ତି ଆଜୀବନ କାରାଦଣ୍ଡକୁ ମୃତ୍ୟୁଦଣ୍ଡଠାରୁ ଖରାପ ବୋଲି ବର୍ଣ୍ଣନା କରିଛନ୍ତି। ଏହା ଉପରେ ସୁପ୍ରିମକୋର୍ଟ ବୁଧବାର (୧୧ ସେପ୍ଟେମ୍ବର ୨୦୨୪) କହିଛନ୍ତି ଯେ ତୁମେ ତୁମର ଦଣ୍ଡକୁ ମୃତ୍ୟୁରେ ପରିଣତ କରିବାକୁ ଚାହୁଁଛ। ସ୍ୱାମୀ ଜଣକ ଶ୍ରଦ୍ଧାନନ୍ଦ ଓରଫ ମୁରଲୀ ମନୋହର ମିଶ୍ର ମୁକ୍ତ ହେବା ପାଇଁ ଅନୁରୋଧ କରି କହିଛନ୍ତି ଯେ ସେ ବିନା ପାରୋଲରେ ସେ କ୍ରମାଗତ ୩୦ ବର୍ଷ ଜେଲରେ ସଜା କାଟୁଛନ୍ତି ଏବଂ ଏହି ସମୟ ମଧ୍ୟରେ ତାଙ୍କ ବିରୋଧରେ କୌଣସି ପ୍ରତିକୂଳ ମାମଲା ରୁଜୁ କରାଯାଇ ନାହିଁ।

ଜଷ୍ଟିସ ରାମକୃଷ୍ଣନ ଗଭଇ, ଜଷ୍ଟିସ ପି.କେ ମିଶ୍ର ଏବଂ ଜଷ୍ଟିସ କେ.ଭି ବିଶ୍ୱନାଥନଙ୍କ ଏକ ବେଞ୍ଚ ଜେଲରୁ ମୁକୁଳିବା ପାଇଁ ଏହି ଆବେଦନକୁ ପ୍ରତ୍ୟାଖ୍ୟାନ କରିଛି। ତେବେ ସୁପ୍ରିମକୋର୍ଟଙ୍କ ଜୁଲାଇ ୨୦୦୮ ର ପୁନଃ ସମୀକ୍ଷା ପାଇଁ ତାଙ୍କ ପୃଥକ ଆବେଦନ ଶୁଣିବାକୁ ବେଞ୍ଚ ରାଜି ହୋଇଛି, ଯାହା ତାଙ୍କୁ ସାରା ଜୀବନ ଜେଲରୁ ମୁକ୍ତ ନକରିବାକୁ ନିର୍ଦ୍ଦେଶ ଦେଇଛନ୍ତି। ବେଞ୍ଚ କହିଛି , ଆପଣ ଏହାକୁ ଫାଶୀରେ ପରିଣତ କରିବାକୁ ଚାହୁଁଛନ୍ତି କି? ଦୋଷୀଙ୍କର ଓକିଲ କହିଛନ୍ତି ଯେ ଯଦି ସମ୍ଭବ, ଆଜିର ତାରିଖକୁ ଟାଙ୍ଗିବା ଏକ ଭଲ ପରିସ୍ଥିତି ହେବ |

ବେଞ୍ଚ ପଚାରିଲା, ‘ତୁମେ ତୁମର ଓକିଲଙ୍କ ସହ କଥା ହୋଇଛ କି?’ ଓକିଲ ଉତ୍ତର ଦେଲେ, ମୁଁ ତାଙ୍କ ସହ କଥା ହୋଇ ନାହିଁ। ସେ ଯୁକ୍ତି ଦର୍ଶାଇଥିଲେ ଯେ ଶ୍ରଦ୍ଧାନଦଙ୍କୁ ଦିଆଯାଇଥିବା ଏପରି ଦଣ୍ଡ ସେତେବେଳେ ତତ୍କାଳୀନ ଭାରତୀୟ ଦଣ୍ଡ ସଂହିତା ଅନୁଯାୟୀ ପ୍ରଦାନ କରାଯାଇ ନାହିଁ। ଅଭିଯୁକ୍ତଙ୍କ ନିକଟରେ ହାଜର ହୋଇଥିବା ଆଡଭୋକେଟ୍ ବରୁଣ ଠାକୁର କହିଛନ୍ତି ଯେ ଏହି ମାମଲାରେ ଦୋଷୀ ସାବ୍ୟସ୍ତ ହେବା ନ୍ୟାୟିକ ସ୍ୱୀକାରୋକ୍ତି ଉପରେ ଆଧାରିତ। ବେଞ୍ଚ ପ୍ରଶ୍ନ କରିଛି, ‘ବର୍ତ୍ତମାନ ଆମେ ମାମଲା ପୁନଃ ଖୋଲିବା ଉଚିତ କି?’ ବେଞ୍ଚ କହିଛି ଯେ କର୍ଣ୍ଣାଟକ ହାଇକୋର୍ଟଙ୍କ ସହ ସୁପ୍ରିମକୋର୍ଟ ମଧ୍ୟ ତାଙ୍କ ଦୋଷକୁ ସମର୍ଥନ କରିଛନ୍ତି।
ବଢୁଛି “ବାର୍ଡ଼ ଫ୍ଲୁ” ବିପଦ, ପିପିଲି ପରେ କେନ୍ଦ୍ରାପଡାରେ କୁକୁଡ଼ା ମଡ଼କ

ଡେରାବିଶରେ ଆରମ୍ଭ ହେଲା କୁକୁଡ଼ାମରା ଅଭିଯାନ । ଡେରାବିଶ ବ୍ଲକର ବିଭିନ୍ନ ପଞ୍ଚାୟତରେ କୁକୁଡ଼ା ମଡ଼କ ଘଟଣା ନଜରକୁ ଆସିବା ପରେ ବିଭିନ୍ନ ଫାର୍ମରୁ କୁକୁଡ଼ାଙ୍କ ସାମ୍ପଲ ନେଇ ପରୀକ୍ଷା କରାଯାଇଥିଲା । ସାମ୍ପଲ ପରୀକ୍ଷା ପରେ ଅଂଚଳରେ ବାର୍ଡ଼ ଫ୍ଲୁ ବ୍ୟାପିଥିବା ସ୍ପଷ୍ଟ ହୋଇଥିଲା ।

ଆଜି ଏନେଇ କେନ୍ଦ୍ରାପଡ଼ା ଜିଲ୍ଲା ପ୍ରଶାସନ ଘୋଷଣା କରିବା ପରେ ଡେରାବିଶ ବ୍ଲକ ପ୍ରଶାସନ ନିର୍ଦେଶରେ ଡେରାବିଶ ବ୍ଲକ ଭେଟନାରୀ ଅଫିସର ଓ ସ୍ୱାସ୍ଥ୍ୟ ବିଭାଗର ରିସର୍ଚ୍ଚ ଅଫିସର ଜ୍ୟୋତି ରଂଜନ ବିଶ୍ୱାଳଙ୍କ ନେତୃତ୍ୱରେ ଏକ ମେଡିକାଲ ଟିମ ପହଂଚି ବାଲିଆ, ଏଣ୍ଡର ଆଦି ଅଞ୍ଚକର ବିଭିନ୍ନ କୁକୁଡ଼ା ଫାର୍ମକୁ ଯାଇ ବାର୍ଡ଼ଫ୍ଲୁ ପଜିଟିଭ ଥିବା କୁକୁଡ଼ାଙ୍କୁ ମାରି ପୋତିଦେଇଛନ୍ତି । ପାଖାପାଖି ୪୪ ବସ୍ତା କୁକୁଡ଼ାଙ୍କୁ ଗାତ ଖୋଳି ସେଥିରେ ପୋତି ଦିଆଯାଇଛି । ଏଥି ସହ, ବାର୍ଡ଼ଫ୍ଲୁ ଆକ୍ରାନ୍ତ ଥିବା କୁକୁଡ଼ା ଫାର୍ମର ଏକ କିଲୋମିଟର ପର୍ଯ୍ୟନ୍ତ କଣ୍ଟେଣ୍ଟମେଣ୍ଟ ଜୋନ ଘୋଷଣା କରାଯାଇଛି ।

ମେଡିକାଲ ଟିମ ସହାୟତାରେ ସଂକ୍ରମିତ ଅଞ୍ଚଳକୁ ସାନିଟାଇଜ କରିଥିବାର ମଧ୍ୟ ଦେଖିବାକୁ ମିଳିଛି । କୁକୁଡ଼ା ଫାର୍ମରେ କାମ କରୁଥିବା ଓ କୁକୁଡ଼ା ସଂସ୍ପର୍ଶରେ ଆସୁଥିବା ଲୋକଙ୍କୁ ଅଧିକ ସତର୍କ ରହିବା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ପରାମର୍ଶ ଦିଆଯାଇଛି । ସେପଟେ ବାର୍ଡ଼ ଫ୍ଲୁ ହେତୁ ଏବେ କୁକୁଡା ଚାଷୀମାନେ ବିପୁଳ କ୍ଷତି ସହିଥିବା କହିଛନ୍ତି ।
ଲଗାଣ ବର୍ଷାରେ ଵେହାଲ କୋଟପାଡ଼ର ତିନି ପଞ୍ଚାୟତ

କୋରାପୁଟ ଜିଲ୍ଲା କୋଟପାଡ଼ ବ୍ଲକ ନିର୍ବାଚନ ମଣ୍ଡଳୀ କୁନ୍ଦ୍ରା ବ୍ଲକର ୩ ଖଣ୍ଡ ପଂଚାୟତ l ଦିଗାପୂର୍, ଘୁମର ଓ ମଶୀଙ୍ଗା ପଞ୍ଚାୟତରେ ବର୍ଶାର ତାଣ୍ଡବ। ୧୦ ରୁ ଉର୍ଦ୍ଧ ଗ୍ରାମ ପ୍ରଭାବିତ ହୋଇଥିବା ସୂଚନା । ପ୍ରାୟ ୫୦୦ ରୁ ଅଧିକା ଏକର ଜମି ଜଳମଗ୍ନ । କୁନ୍ଦୁରା ଓ ଜୟପୁରକୁ ସମ୍ପୁର୍ଣ ଯୋଗାଯୋଗ ବିଛିନ୍ନ। ଦିଗାପୁର ଠାରୁ ଘୁମର ରାସ୍ତା ଉପରେ ୩ ଫୁଟ ରୁ ଅଧିକା ପାଣି ପ୍ରବାହିତ ହେଉଛି ଏବଂ ବିରୀନଦୀ ପୋଲ ଉପରେ ପାଞ୍ଚ ଫୁଟର ପାଣି ପ୍ରବାହିତ ହେଉଛି l

ଅନେକ ସ୍ଥାନରେ ଘର କାନ୍ଥ ଭାଙ୍ଗି ଯାଇଛି l କୁନ୍ଦ୍ରା ସଦର ମୋହକୁମା ଠାରେ ସ୍ଥାନୀୟ ଜିଲ୍ଲାପରିଷଦ ସଭ୍ୟାଙ୍କ ଘର ଭିତରେ ପାଣି ପସିଚି l ଏକ ପ୍ରକାର ବନ୍ୟା ପରିସ୍ଥିତି ମଧ୍ଯ ସୃଷ୍ଟି ହୋଇଛି l

ଗତ ୪୦ ବର୍ଷ ରେ ସବୁଠାରୁ ଅଧିକା ବର୍ଷା ବିପ୍ତାତ ଅନୁମାନ କରୁଛନ୍ତି କୁନ୍ଦୁରା ଅଂଚଳର ଲୋକେ ।
ବଜ୍ରାଘାତରେ ଜୀବନ ହାରିଲେ ମହିଳା

ରାୟଗଡା ଜିଲ୍ଲା ଅନ୍ତର୍ଗତ କଲ୍ୟାଣସିଂହପୁର ବ୍ଲକ ଅଧିନସ୍ଥ ସିଙ୍ଗାରି ଗ୍ରାମପଞ୍ଚାୟତର ଖରଜୋଡା ଗ୍ରାମରେ ବିଜୁଳି ମାରି ଜଣେ ୫୦ ବର୍ଷୀୟ ମହିଳାଙ୍କ ମୃତ୍ୟୁ ହୋଇଥିବା ଦେଖିବାକୁ ମିଳିଛି। କପା ବାଡ଼ରେ ଉକ୍ତ ମହିଳାଙ୍କୁ ଜଗି ବସିଥିଲା ଯମ । ସବୁ ଦିନପରି ସକାଳେ ଗାଁ ପାଖରେ ଥିବା କପାବାଡ଼ କୁ ଘାସ କାମ କରିବାକୁ ଯମୁନା ମହାନନ୍ଦିଆ ଯାଇଥିଲେ। ହଠାତ୍ ପବନ ସହ ଘଡଘଡି ବିଜୁଳୀ ମାରି ବର୍ଷା ହେଉ ଥିବାରୁ କପା ବାଡ଼ ରୁ ଘରକୁ ଫେରୁ ଥିଲେ ସେହି ସମୟରେ ୫୦ ବର୍ଷୀୟ ଯମୁନା ମହାନନ୍ଦିଆଙ୍କ ବଜ୍ରାଘାତରେ ମୃତ୍ୟୁ ଘଟିଛି। ଗାଁ ଲୋକ ଦେଖି କଲ୍ୟାଣ ସିଂହପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ଫଳରେ ଡାକ୍ତର ମୃତ୍ୟୁ ଘଷଣା କରିଥିଲେ। ବଜ୍ରପାତରେ ଯମୁନା ମହାନନ୍ଦିଆ ଙ୍କ ମୃତ୍ୟୁ ହୋଇଥିବାରୁ ମୃତକଙ୍କ ସ୍ବାମୀ ଓ ପରିବାର ଲୋକେ ସରକାରୀ ସହାୟତା ଯୋଗାଇ ଦେବା ନିମନ୍ତେ ପ୍ରଶାସନକୁ ନିବେଦନ କରିଛନ୍ତି।
ବିଜେପିରେ ବିଲିନ ହେବକି ବିଜେଡି ?

ପ୍ରଥମେ ମମତା ମହାନ୍ତ, ଏବେ ସୁଜିତ କୁମାର, ଏହାପରେ ଆଉ କିଏ?

ଏକଦା ବିଜେଡି ଓ ପାଣ୍ଡିଆନଙ୍କର ବିଶ୍ବସ୍ତ ଥିବା ସୁଜିତ କୁମାର ସମସ୍ତଙ୍କୁ ଚକମା ଦେଇ ଦିଲ୍ଲୀରେ ଧରିଛନ୍ତି ପଦ୍ମ । ବିଜେଡିର ବଡ଼ ବଡ଼ ନେତା ଏକଥାର ଟେର ପାଇବା ପୂର୍ବରୁ ବିଜେପିରେ ସାମିଲ ହୋଇସାରିଥିଲେ ସୁଜିତ । ତେବେ, ପ୍ରଶ ଉଠୁଛି —
ସୁଜିତ ହଠାତ୍ ଏପରି ନିଷ୍ପତ୍ତି ନେଲେ ନା ଆଗରୁ ଖୋଜୁଥିଲେ ମଉକା ? ମଉକା ଦେଖି ଛକ୍କା ମାରିଲେ କି ସୁଜିତ ? …କୁହାଯାଏ, ସୁଜିତ କୁମାର ଜଣେ ଉଚ୍ଚ ଶିକ୍ଷିତ ବ୍ୟକ୍ତି ହୋଇଥିବା ବେଲେ ବିଦେଶରେ ରହୁଥିଲେ । ଓଡ଼ିଶାରେ ତାଙ୍କୁ କେହି ଜାଣି ନ ଥିବା ବେଳେ, ପାଣ୍ଡିଆନ ଭରସା କରି ବିଜେଡିରେ ସାମିଲ କରିଥିଲେ । ଏହାପରେ ସୁଜିତଙ୍କୁ ସ୍ବତନ୍ତ୍ର ଉନ୍ନୟନ ପରିଷଦର ଉପଦେଷ୍ଟା କରାଗଲା ଏବଂ ସିଧା ରାଜ୍ୟସଭା ପଠାଗଲା ! ହେଲେ ବିଜେଡି ଭିତରେ ଏମିତି କ’ଣ ହେଲା ଯେଉଁଥିପାଇଁ ସେ ରାଜ୍ୟ ସଭା ସଦସ୍ୟତା ପଦ ଛାଡି ବିଜେପିରେ ମିଶିଲେ ? ପାଣ୍ଡିଆନଙ୍କ ଖାସ୍ ଲୋକରୁ ଏବେ ଧର୍ମେନ୍ଦ୍ରଙ୍କ ପାଖଲୋକ ହୋଇଗଲେ ? ପାଣ୍ଡିଆନ ଓ ନବୀନଙ୍କ ଉପରେ ତାଙ୍କର ଭରସା ପାଇଲାନି କି ? ଅଚାନକ ବିଜେଡି ଛାଡି ବିଜେପିରେ ମିଶିଲେ, ଆଉ ଏବେ ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିପଡିଛନ୍ତି ।

ଯଦି ବିଧାନସଭା ପରର ବିଜେଡି କଥା ତର୍ଜମା କରିବା ତେବେ ଦଳର ଅନୁଶାସନ ସମ୍ପୂର୍ଣ୍ଣ ଭାବେ ଭୁଷୁଡି ପଡିଛି କହିଲେ କିଛି ଭୁଲ୍ ହେବନି । ଅବଶ୍ୟ ଏହା ଠିକ୍ ଯେ କିଛି ଲୋକଙ୍କୁ କେତେବେଳେ ଏ ପୋଖରୀ ଆଉ କେତେବେଳେ ସେ ପୋଖରୀରେ ଗାଧୋଇବାକୁ ଭଲ ଲାଗେ । ତଥାପି ବଜେଡିର ଯେଉଁ କେତେ ଜଣ ବଡବଡିଆ ଥିଲେ ସେମାନେ କରୁଥିଲେ କ’ଣ ? ବିଶେଷ କରି ଦଳର ପାଓ୍ବାର କରିଡର କୁହାଯାଉଥିବା ଭିକେ ପାଣ୍ଡିଆନ ଏବେ ନବୀନ ନିବାସରେ କରୁଛନ୍ତି କ’ଣ? ଦଳର ପରାଜୟ ହେଲା କି ନାହିଁ ତୁରନ୍ତ ନେତାଙ୍କ ଦଳଡିଆଁ ଆରମ୍ଭ ହୋଇଗଲା ! ନିର୍ବାଚନରେ ହାରିବା ପରେ ନବୀନଙ୍କ ନେତୃତ୍ୱରେ ନାହିଁ କି ଦମ ? ୨୪ ବର୍ଷ ଶାସନରେ ଥିବା ବେଳେ ସୁଜିତ ବିଜେଡିରେ ବଡ଼ ପଦ ପଦବୀରେ ରହିଲେ ଆଉ ଏବେ କିଛି ବି କାରଣ ଦର୍ଶାଇ ହାତ ଛାଡିଦେଲେ ! ତେବେ, ଘଟଣା ଯାହା ବି ହେଉ ନା କାହିଁକି, ବିଜେଡି ଦଳକୁ ନେଇ ଆଜି ଉଠୁଛି ଅନେକ ପ୍ରଶ୍ନ ।

ଦଳର ପରାଜୟ ପାଇଁ ପାଣ୍ଡିଆନଙ୍କୁ ଦାୟୀ କରିବା ବଦଳରେ ତାଙ୍କୁ ବାରମ୍ବାର ପ୍ରଶଂସା କରି ପୁଣି ଥରେ ଦଳର ହର୍ତ୍ତାକର୍ତ୍ତା ବୋଲି ବାର୍ତ୍ତା ଦେବାପରେ ନବୀନଙ୍କ ପ୍ରତି ତୁଟୁଛି କି ଭରସା ? ପରାଜୟର କାରଣ ନ ଖୋଜିବା କ’ଣ ବିଜେଡିର ଦୁର୍ବଳତା ? ଦିନ ଥିଲା ମାଳ ମାଳ ନେତା ଅନ୍ୟ ଦଳରୁ ଆସି ବିଜେଡିରେ ଯୋଗ ଦେଉଥିଲେ; ହେଲେ ଆଜି, ବିଜେଡିରୁ ନେତା ଆମଦାନୀ କରୁଛି ବିଜେପି । ସବୁ କର୍ମଫଳ । ବିଜେଡିରୁ ନେତା ଯେପରି ଭାବେ ବିଜେପିକୁ ଆସିବା ଆରମ୍ଭ କରିଛନ୍ତି, କୁହାଯାଉଛି ଆଉ ଅଳ୍ପ ଦିନ ଭିତରେ ବିଜେଡି, ବିଜପିରେ ବିଲିନ ହୋଇଯିବ । ସତ ହେବ ବିଜେପିର ‘ଅପରେସନ ଲୋଟସ’ ।
୧୧ ଦିନ ପରେପହଁଚିଲା ମର ଶରୀର, କାନ୍ଦ ବୋବାଳିରେ ଫାଟୁଛି ଅଶୋକଙ୍କ ଗାଁ

ଅଶୋକଙ୍କ ମୃତ ଦେହ୧୧ ଦିନ ପରେ ପହଁଚିଲା , କାନ୍ଦ ବୋବାଳିରେ ଫାଟି ପଡୁଛି ଗାଁ ଦାଣ୍ଡ । ପରିବାର ପ୍ରତିପୋଷଣ ଲାଗି ସୁଦୁର ଆବୁଧାବି ଯାଇଥିବା ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳର ଜଣେ ଓଡ଼ିଆ ଶ୍ରମିକଙ୍କ ମୃତ୍ୟୁ ଘଟିଛି । ମୃତକ ଶ୍ରମିକ ଜଣଙ୍କ ହେଲେ ବାଣପୁର ଥାନା ଅନ୍ତର୍ଗତ ସୁନାକେରା ଗ୍ରାମର ଝୁଲିଆ ପ୍ରଧାନ ଙ୍କ ପୁତ୍ର ଅଶୋକ ପ୍ରଧାନ। ସେ ଆବୁଧାବିରେ ଥିବ ନାଶିର ଅଲ ହାଜିର ( NSH) କମ୍ପାନୀ ରେ ଶ୍ରମିକ ଭାବେ କାର୍ଯ୍ୟରତ ଥିଲେ । ଗତ 20 ତାରିଖ ରେ କୌଣସି କାରଣ ରୁ ତାଙ୍କର ମୃତ୍ୟୁ ହୋଇଥିଲା l ପ୍ରାୟ 11ଦିନ ପରେ ଆଜି ନିଜ ଗ୍ରାମକୁ ଫେରିଛି ମୃତ ଅଶୋକ ପ୍ରଧାନଙ୍କ ମର ଶରୀର । ଆବୁଧାବିରୁ ବିମାନ ଯୋଗେ କାଲକାଟା ଆସିଥିଲା ଅଶୋକ ଙ୍କ ମର ଶରୀର lଅଶକୋଙ୍କ ମରସରିର ଗ୍ରାମରେ ପହଞ୍ଚିଲା ପରେ ପୁରା ଗାଁରେ ଶୋକାକୁଳ ପରିବେଶ ଦେଖା ଦେଇଥିଲା । ଅଶୋକଙ୍କ ପରିବା କହିଲେ ବୁଢ଼ା ବାପା,ମା, ଓ ସ୍ତ୍ରୀ ଙ୍କ ସହିତ ଗୋଟିଏ 14 ବର୍ଷ ଝିଅ ଓ ଦୁଇଟି ପୁଅ । ଘର ର ରୋଜଗାରିଆ ଏକ ମାତ୍ର ପୁଅ ଅଶୋକ l ବର୍ତମାନ ଅଶୋକ ଙ୍କ ବିୟୋଗ ରେ ପୁରା ପରିବାର ଭାଙ୍ଗି ପଡିଛନ୍ତି । ଆଉ ପରିବାର ପ୍ରତି ଦୃଷ୍ଟି ଦେବାପାଇଁ ସରକାରଙ୍କୁ ନିବେଦନ କରିଛନ୍ତି ପରିବାର ଓ ଗ୍ରାମବାସୀ ।
ଯେଉଁ ଶେଖ ହସିନାଙ୍କୁ ନେଇ ଧର୍ମ ସଙ୍କଟରେ ମୋଦୀ ସରକାର, ସେହି ବାଂଲାଦେଶରେ ଭାରତୀୟ ପ୍ରକଳ୍ପ ଉପରେ ହୋଇଛି ପ୍ରହାର! ଭାରତର ସାକ୍ଷ୍ୟ

ସତା ପରିବର୍ତ୍ତନ ପରେ ବାଂଲାଦେଶରୁ ଭାରତକୁ ପଳାଇଆସିଥିବା ଶେଖ ହସିନା ନରେନ୍ଦ୍ର ମୋଦୀ ସରକାରଙ୍କ ସମସ୍ୟାକୁ ବଢ଼ାଇ ଦେଇଛି । ବାସ୍ତବରେ ବାଂଲାଦେଶର ବର୍ତ୍ତମାନର ସରକାର ତାଙ୍କ ପ୍ରତ୍ୟର୍ପଣ ପାଇଁ ନିରନ୍ତର ଦାବି କରୁଥିବାବେଳେ ସରକାର ଏହାକୁ ପ୍ରଣାମ କରିବାକୁ ପ୍ରସ୍ତୁତ ନୁହଁନ୍ତି। ଅଗଷ୍ଟ ୫ ରେ, ହିଂସାତ୍ମକ ବିଦ୍ରୋହ ମଧ୍ୟରେ ଶେଖ ହସିନା ବାଂଲାଦେଶରୁ ପଳାଇ ଦିଲ୍ଲୀ ନିକଟ ହିନ୍ଦନ ଏୟାରବେସରେ ଅବତରଣ କରିଥିଲେ। ସେ ଦିଲ୍ଲୀର ଏକ ଅଜ୍ଞାତ ଏବଂ ସୁରକ୍ଷିତ ସ୍ଥାନରେ ରହୁଛନ୍ତି।

ଶେଖ ହସିନାଙ୍କୁ ସତାରୁ ବେଦଖଲ କରିବା ଏବଂ ଏଠାରେ ପହଁଚିବା ପରେ ଭାରତ ଶୁକ୍ରବାର ଦିନ କହିଛି ଯେ ଦେଶରେ ଆଇନ ଶୃଙ୍ଖଳା ପରିସ୍ଥିତି ଯୋଗୁଁ ସେଠାରେ ବିକାଶମୂଳକ ପ୍ରକଳ୍ପ ପ୍ରଭାବିତ ହୋଇଛି।

ଏହି ଟଣାଟଣି ର ପ୍ରଭାବ ବର୍ତ୍ତମାନ ବାଂଲାଦେଶରେ ଭାରତ ଦ୍ୱାରା କରାଯାଉଥିବା ବିକାଶମୂଳକ କାର୍ଯ୍ୟରେ କଳହର ପ୍ରଭାବ ଦୃଶ୍ୟମାନ ହେଉଛି। ଶୁକ୍ରବାର ଦିନ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର କହିଛନ୍ତି ଯେ ଆମକୁ ମଧ୍ୟ ସ୍ୱୀକାର କରିବାକୁ ହେବ ଯେ ରାନୈତିକ ପରିବର୍ତ୍ତନ ହେଉଛି ଏବଂ ଏହା ବ୍ୟାଘାତ ସୃଷ୍ଟି କରିପାରେ। ଅନ୍ୟପକ୍ଷରେ ବୈଦେଶିକ ମନ୍ତ୍ରାଳୟ ପ୍ରବକ୍ତା ରଣନ୍ଧୀର ଜୟସୱାଲ କହିଛନ୍ତି ବଙ୍ଗଳାଦେଶରେ ଉତ୍ତେଜନା ଯୋଗୁଁ ଦ୍ୱିପାକ୍ଷିକ ପ୍ରକଳ୍ପ ପ୍ରଭାବିତ ହୋଇଛି ।

ଜୟସୱାଲ କହିଛନ୍ତି, “ମୁଁ ଆପଣଙ୍କୁ କହି ରଖୁଛି ଯେ ବାଂଲାଦେଶ ସହିତ ଆମର ବିକାଶ ସହଯୋଗ କାର୍ଯ୍ୟକଳାପ ବାଂଲାଦେଶର ଲୋକଙ୍କ କଲ୍ୟାଣ ପାଇଁ ଉଦ୍ଦିଷ୍ଟ… ତଥାପି, କେତେକ ପ୍ରକଳ୍ପର କାର୍ଯ୍ୟ ବର୍ତ୍ତମାନ ଅଟକି ରହିଛି ଏବଂ ସେଠାରେ ଆଇନ ଶୃଙ୍ଖଳା ପରିସ୍ଥିତି ଯୋଗୁଁ ଏହି କାର୍ଯ୍ୟ ପ୍ରଭାବିତ ହୋଇଛି । ପରିସ୍ଥିତି ସ୍ୱାଭାବିକ ହେବା ପରେ ଆମେ(ଢାକା ) ସହିତ କଥା ହେବୁ, ଆମର ବିକାଶମୂଳକ ପଦକ୍ଷେପ ବିଷୟରେ ମଧ୍ୟବର୍ତ୍ତୀକାଳୀନ ସରକାରଙ୍କ ସହ ଆଲୋଚନା କରିବୁ ଏବଂ ତା’ପରେ ସେମାନଙ୍କୁ କିପରି ଆଗକୁ ନିଆଯିବ ତାହା ଦେଖିବା।