Tag: #suchana news

ଯଦି ଟ୍ରମ୍ପ ଏବଂ କମଲା ହାରିସ୍ ସମାନ ସଂଖ୍ୟକ ଭୋଟ୍ ପାଆନ୍ତି ତେବେ କିପରି ନିଷ୍ପତି ହେବ କିଏ ଜିତିଲା? ଏ ହେଉଛି ନିୟମ

ଦୀର୍ଘ ଦିନ ଧରି ଚାଲିଥିବା ନିର୍ବାଚନ ସମାବେଶ, ବକ୍ତୃତା ଏବଂ ବାଦ-ପ୍ରତିବାଦ ଧାରା ଆଜି ଶେଷ ହୋଇଯିବ। ଆଜି ସନ୍ଧ୍ୟାରୁ ଆମେରିକାରେ ମତଦାନ ଆରମ୍ଭ ହେବ।

ଆଜି ଆମେରିକାରେ ରାଷ୍ଟ୍ରପତି ନିର୍ବାଚନ ହେବାକୁ ଯାଉଛି । ଏହି ଦିନଟି ସମଗ୍ର ଆମେରିକା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଦୀର୍ଘ ଦିନ ଧରି ଉଭୟ ରିପବ୍ଲିକାନ୍ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଏବଂ ଡେମୋକ୍ରାଟିକ୍ ପାର୍ଟି ପ୍ରାର୍ଥୀ କମଲା ହାରିସ୍ ଦୁହେଁ ଏହି ନିର୍ବାଚନ ପାଇଁ ବଳ କଷରତ ଲଗେଇ ଚାଲିଛନ୍ତି। ତେବେ ଏହି ନିର୍ବାଚନରେ ଦୁଇ ପ୍ରାର୍ଥୀଙ୍କ ମଧ୍ୟରେ କଠିନ ପ୍ରତିଯୋଗିତା ରହିଛି। ଆଜି ୫ ନଭେମ୍ବର (ମଙ୍ଗଳବାର)ଭାରତୀୟ ସମୟ ଅନୁଯାୟୀ ୪:୩୦ ରେ ଭୋଟ୍ ଆରମ୍ଭ ହେବ | କିଛି ଘଣ୍ଟାର ବ୍ଯବଧାନ ପରେ ପୁରା ବିଶ୍ୱ ଜାଣିବାକୁ ପାଇବ ଯେ ସବୁଠାରୁ ଶକ୍ତିଶାଳୀ ଏବଂ ବୃହତ୍ତମ ଗଣତାନ୍ତ୍ରିକ ଦେଶ ରେ ସାମିଲ ଆମେରିକାର ନେତୃତ୍ୱ କାହାର ହାତରେ ରହିବ ।

ତେବେ ଉଭୟ ପ୍ରାର୍ଥୀଙ୍କ ମଧ୍ୟରେ କଡ଼ା ସଂଘର୍ଷ ଚାଲିଛି। ଏଭଳି ପରିସ୍ଥିତିରେ ବର୍ତ୍ତମାନ ପ୍ରଶ୍ନ ହେଉଛି ଯେ ଯଦି ଆମେରିକାର ନିର୍ବାଚନରେ ଡୋନାଲ୍ଡ ଟ୍ରମ୍ପ ଏବଂ କମଲା ହାରିସ ସମାନ ସଂଖ୍ୟକ ଭୋଟ୍ ପାଆନ୍ତି ଅର୍ଥାତ୍ ଉଭୟଙ୍କ ମଧ୍ୟରେ ଚାଲିଥିବା ମୁକାବିଲା ଟାଏ ହୋଇଯାଏ ତେବେ କିଏ ଜିତିବ ତାହା କିପରି ସ୍ଥିର କରାଯିବ?

ଆମେରିକାର ରାଷ୍ଟ୍ରପତି କିପରି ନିର୍ବାଚିତ ହୁଅନ୍ତି

ଆମେରିକୀୟ ବ୍ୟବସ୍ଥା ଅନୁଯାୟୀ,ରାଷ୍ଟ୍ରପତି ହେବାର ନିଷ୍ପତ୍ତି ୫୩୮ ଜଣ ସଦସ୍ୟଙ୍କ ‘ଇଲେକ୍ଟୋରାଲ କଲେଜ’ଦ୍ୱାରା ହୋଇଥାଏ,ଯେଉଁଥିରେ ଆମେରିକାର ପ୍ରତ୍ୟେକ ରାଜ୍ୟକୁ ସେତିକି ଇଲେକ୍ଟୋରାଲ ମିଳିଥାଏ,ଯେତିକି ତାଙ୍କ ଚୟନକର୍ତ୍ତା ଆମେରିକାର କଂଗ୍ରେସରେ ହୋଇଥାଏ ।
ବେଅ।ଇନ ବାଣ କାରବାର ! ବର୍ଷକରେ ପୁରୀରେ ଗଲାଣୀ ୧୮ ଜୀବନ

ପୁରୀରେ ବଢୁଛି ବେଅ।ଇନ ବାଣ କାରବାର ! ପୁଲିସ ଚୁପ୍… ପ୍ରଶାସନ ଚୁପ… ଯାହାର ଫଳ ଭୋଗିବାକୁ ପଡୁଛି ସାଧାରଣ ଲୋକଙ୍କୁ, ପୁରୀ ନରେନ୍ଦ୍ର ପୁଷ୍କରଣୀ ବାଣ ବିଷ୍ପୋରଣ ଘଟଣା ମନରୁ ନଲିଭୁଣୁ ବାଟଗାଁରେ ବାଣ ଭିଡୁଥିବା ବେଳେ ବିସ୍ଫୋରଣ ଘଟି ଚାଲିଗଲା ୨ ଜଣକ ଜୀବନ । ଅନ୍ୟଜଣେ ଗୁରତର କଟକ ମେଡ଼ିକାଲରେ ଚିକିତ୍ସାଧୀନ ଅଛନ୍ତି ।
ତେବେ କାହିଁକି ହେଲା ଏପରି ଅଘଟଣ ?… ପୁରୀ ପୁଲିସ କରୁଥିଲା କ’ଣ ? ବେଅ।ଇନ ବାଣ କାରବାର ରୋକିବାରେ କାହିଁକି ବିଫଳ ହେଲା ପୁଲିସ ?… ଗୃହ ବିଭାଗ ନିୟମ ଅନୁସାରେ ଦୀପାବଳୀ ପୂର୍ବରୁ ରାଜ୍ୟର ପ୍ରତ୍ୟକ ଥାନା ଅଂଚଳରେ ଚାଲୁଥିବା ବେଅ।ଇନ ବାଣ କାରବାରକୁ ରୋକିବା ସହ ଅଭିଯୁକ୍ତଙ୍କ ଉପରେ କାର୍ଯ୍ୟାନୁଷ୍ଠାନ ନେବାରେ କାହିଁକି ଫେଲ ମାରିଲା ପୁଲିସର ଗୁଇଁନ୍ଦା ରିପୋର୍ଟ ?…ତେବେ ଏ ଘଟଣା ପାଇଁ ଦାୟୀ କିଏ ? …କାହା ଉପରେ କାର୍ଯ୍ୟାନୁଷ୍ଠାନ ନେବେ ସରକାର ? …ଏ ଘଟଣାକୁ ନେଇ ଉଠିଛି ଏଏବେ ମିତି ଅନେକ ପ୍ରଶ୍ନ ?…

ମଇ ୨୦୨୪ ରେ, ନରେନ୍ଦ୍ର ପୁଷ୍କରିଣୀରେ ଭଉଁରୀ ସମୟରେ ବାଣ ବିଷ୍ପୋରଣରେ ଚାଲିଯାଇଥିଲା ୧୬ ଜଣ ନିରିହ ଶ୍ରଦ୍ଧାଳୁଙ୍କ ଜୀବନ । ଆସିଥିବା ବ୍ୟକ୍ତିମାନଙ୍କ ମଧ୍ୟରୁ କିଏ ପୁଅକୁ ହରାଇଲା ତ ଅ।ଉ କିଏ ବାପାକୁ ହରାଇଲା… କିଏ ଝିଅକୁ ହରାଇଲା ତ ଅ।ଉ କିଏ ମା’କୁ … ମୃତ୍ୟୁର କରୁଣ ଚିତ୍କାର ମନରୁ ନଲିଭୁନୁ, ଏବେ ପୁଣି ବାଟଗାଁରେ ବାଣ ବିଷ୍ପୋରଣ ଘଟଣା , ପୁରୀ ପୁଲିସର ପାରିବା ପଣିଅ।କୁ ପଦାରେ ପକାଇଛି । ।

ପୁରୀ ସଦର ଥାନା ବାଟଗାଁ ରାଉତ ସାହିରେ ମୃତକ ବୁଲା ରାଉତ ନିଜ ଘରେ ବେଅ।ଇନ ବାଣ ଭିଡୁଥିଲେ ଓ ବାଣ ବିକ୍ରୀ କରୁଥିଲେ, ସହ ଯୋଗ କରୁଥିଲେ ପରିବାର ଲୋକ ।
ଗାଁ ଲୋକ ଜାଣି ଥିଲେ .. ବାଣ କିଣିବାକୁ ବୁଲା ପାଖକୁ ଯାଉଥିଲେ । ବାଣ ବିକ୍ରୀକରି ବୁଲା ବଡଲୋକ ହେବାକୁ ଚାହୁଁଥିଲା । ହେଲେ, ସବୁ କିଛି ସର୍ବନାଶ ହୋଇଗଲା ।

ବୁଲା ବାଣ ଭିଡୁଥିବା ବେଳେ ଘରପାଖରେ ଥିଲେ ଭାଉଜ ଲିପା ରାଉତ। ବାଟଗାଁର ସଞ୍ଜୟ ଜେନା ବାଣ କିଣିବାକୁ ଯାଇଥିଲେ । କିଛି ବୁଝିବା ପୂର୍ବରୁ ବାଣ ଭିଡୁଥିବା ବେଳେ ବିସ୍ଫୋରଣ ହୋଇଥିଲା । ଘଟଣା ସ୍ଥଳରେ ବୁଲା ରାଉତଙ୍କ ମୃତ୍ୟୁ ହୋଇଥିଲା । ସଞ୍ଜୟ ଜେନା ଓ ଲିପା ରାଉତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପୁରୀ ପରେ କଟକସ୍ଥିତ SCB ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ଉକ୍ତ ଘଟଣାରେ ୨ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଥିବା ବେଳେ ବର୍ଷକ ମଧ୍ୟରେ ପୁରୀରେ ବିସ୍ଫୋରଣରେ ୧୮ ବ୍ୟକ୍ତି ଜୀବନ ହରାଇଥିବା ଯାଇଥିବା କୁହାଯାଉଛି ।

ତେବେ, ଏ ଘଟଣାରେ ପୁରୀ ଏସପି ଭିନିତ ଅଗ୍ରଓ୍ବାଲଙ୍କ ଘଟଣା ସ୍ଥଳ ପରିଦର୍ଶନ କରିବା ପରେ ତଦନ୍ତ ଅ।ରମ୍ଭ କରିଛି ପୋଲିସ୍ ।
ପିଉସୀ ଘରକୁ ପାଳିବାକୁ ଯାଉଥିଲେ ଦିପାବଳୀ, ଅଧା ବାଟରେ ଲିଭିଗଲା ଜୀବନ ଦୀପ

କେନ୍ଦୁଝର ଜିଲ୍ଲା ଚମ୍ପୁଆ ନିକଟସ୍ଥ ରାମଲା ଆମ୍ବବଗିଚା ନିକଟରେ ଏକ ସଡ଼କ ଦୁର୍ଘଟଣାରେ ଜଣେ ନାବାଳିକାଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି। ଘଟଣା ଅନୁସାରେ ଚମ୍ପୁଆ ନିକଟସ୍ଥ ଅଙ୍ଗାରପଦା ଗ୍ରାମର ମଧୁସୂଦନ ମହାନ୍ତ ବାଇକ୍ ରେ ନାବାଳିକା ଝିଅ ଖୁସିରାଣୀ ମହାନ୍ତଙ୍କୁ ନେ଼ଇ ରିମୁଳି ନିକଟସ୍ଥ ରାମଚନ୍ଦ୍ରପୁର ଗ୍ରାମରେ ଥିବା ଭଉଣୀ ଘରକୁ ଯାଉଥିଲେ । ସେଠାରେ ଦିପାବଳୀ ପାଇଁ ଝିଅକୁ ଛାଡ଼ି ଘରକୁ ଫେରିଥାନ୍ତେ । ହେଲେ ଦଇବ ସହିଲା ନାହିଁ। ଏକ ବେପରୁଆ ବାଇକ୍ ଚାଳକଙ୍କ ଯୋଗୁ ଦୁର୍ଘଟଣାରେ ନାବାଳିକା ଝିଅ ର ଜୀବନ ଦୀପ ଅକାଳରେ ଲିଭିଗଲା ।

ରାମଲା ଆମ୍ବ ବଗିଚା ନିକଟରେ ଆଗରେ ଯାଉଥିବା ଏକ ଟ୍ରେଲରକୁ ଓଭରଟେକ୍ କରୁଥିବା ବେଳେ ବିପରୀତ ଦିଗରୁ ଦୃତ ଗତିରେ ଆସୁଥିବା ଏକ ବାଇକ୍ ଧକ୍କା ରେ ମଧୁସୂଦନ ଓ ଖୁସିରାଣୀ ଛିଟିକି ପଡି ଟ୍ରଲରରେ ବାଡେଇ ହୋଇଯାଇଥିଲେ । ଗୁରୁତର ଅବସ୍ଥା ରେ ଆହତ ମାନଙ୍କୁ ଉଦ୍ଧାର କରାଯାଇ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲେ ମାତ୍ର ସେଠାରେ ଡାକ୍ତର ଖୁସିରାଣୀଙ୍କୁ ମୃତ ଘୋଷଣା କରିଥିଲେ। ମଧୁସୂଦନ ଙ୍କ ଅବସ୍ଥା ଗୁରୁତର ରହିଛି। ସେହିପରି ବେପରୁଆ ଗାଡ଼ି ଚାଳନା କରି ମଧୁସୂଦନଙ୍କ ବାଇକ୍ କୁ ଧକ୍କା ଦେଇଥିବା ଡେଣୁଆ ଗ୍ରାମର କୁଶଧ୍ଵଜ ହେସା କୁ ମଧ୍ୟ ଗୁରୁତର ଆହତ ଅବସ୍ଥାରେ ଚମ୍ପୁଆ ଡାକ୍ତରଖାନା ରେ ଭର୍ତ୍ତି କରାଯାଇଛି। ମୃତ ଖୁସିରାଣୀ ସପ୍ତମ ଶ୍ରେଣୀ ରେ ପାଠ ପଢୁଥିବା ଜଣାପଡିଛି।।
ହେଲମେଟ ନାହିଁ ଚାଲାଣ କାଟ, ଚେକିଙ୍ଗ ସହ ଗାଡି ଯାଞ୍ଚ

ବାଲେଶ୍ବର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ଗେଙ୍ଗୁଟିଆ ଛକ ନିକଟରେ ଚାଲିଛି ଯୋରଦାର ହେଲମେଟ ଚେକିଙ୍ଗ ସହ ଗାଡି କାଗଚପତ୍ରର ଜାଞ୍ଚ । ହେଲେମେଟ ପିନ୍ଧିନଥିଲେ କିମ୍ବା ଗାଡିର କାଗଚ ପତ୍ର ଠିକ୍ ନଥିଲେ ମୋଟା ଅଙ୍କରର ଚାଲଣ କାଟୁଛି ପୋଲିସି । କାରଣ ଦିନକୁ ଦିନ ବାଲିଆପାଳରେ ସଡକ ଦୁର୍ଘଟଣା ଦେଖିବାକୁ ମେଳୁଛି । କେଛି ଅମାନିଆଙ୍କ ବେପରୁା ଗିଡି ଚାଳନା ପାଇଁ ଚାଲିଯାଉଛି ଅନେକ ଜୀବନ ।

ଅମାନିଆଙ୍କୁ ସାବାଡ କରିବା ସହ ଲୋକଙ୍କୁ ସଚେତନ କରାଇବା ପାଇଁ ବାଲେଶ୍ଵର ଟ୍ରାଫିକ ଇନ୍ସପେକ୍ଟର ସମେନ୍ଦ୍ର ମହାପାତ୍ର ଓ ବାଲିଆପାଳ ପୋଲସ ଆରମ୍ବ କରିଛନ୍ତି ଛକ ଛକରେ ଚେକିଂ । ବିନା ହେଲମେଟରେ ଯାତ୍ରା କରିବା, ବାଇକ ରେ ୨ରୁ ଉର୍ଦ୍ଧ୍ବ ଯାତ୍ରୀ ବସିବା,ଗାଡ଼ି ଚଲେଇବା ସମୟରେ ମୋବାଇଲ ରେ କଥା ହେବା,ଡ୍ରାଇଭିଂ ଲାଇସେନ୍ସ, ଗାଡ଼ିର ଅନ୍ୟାନ୍ୟ କାଗଜପତ୍ର ନଥିବାରୁ ବହୁ ଲୋକ ଅର୍ଥଦଣ୍ଡ ଗଣିଥିବା ଦେଖିବାକୁ ମିଳିଛି । ଆଗାମୀ ଦିନରେ ମଧ୍ୟ ଚେକିଙ୍ଗ କଡ଼ାକଡ଼ି ହେବ ବୋଲି ବାଲେଶ୍ବର ଇନ୍ସପେକ୍ଟର ସମେନ୍ଦ୍ର ମହାପାତ୍ର କହିଛନ୍ତି।
ଅସଲି ଏବଂ ନକଲି ଏନସିପି ର ଲଢେଇକୁ ନେଇ ଅଜିତ ପାୱାର କଲେ ବଡ ଘୋଷଣା

ମହାରାଷ୍ଟ୍ର ବିଧାନସଭା ନିର୍ବାଚନ ୨୦୨୪ ମଧ୍ୟରେ ରାଜ୍ୟରେ ରାଜନୈତିକ କାର୍ଯ୍ୟକଳାପ ତୀବ୍ର ହୋଇଯାଇଛି ଏବଂ ସମସ୍ତ ଦଳ ଜିତିବା ପାଇଁ ପ୍ରାଣପଣେ ଚେଷ୍ଟାରେ ଲାଗିଯାଇଛନ୍ତି । ଏହି ସମୟରେ ଆଜି ଏନସିପି ମୁଖ୍ୟ ତଥା ମହାରାଷ୍ଟ୍ର ଡେପୁଟି ସିଏମ ଅଜିତ ପାୱାରଏକ ଘରୋଇ ଗଣମାଧ୍ୟମରେ ସ୍ୱତନ୍ତ୍ର କାର୍ଯ୍ୟକ୍ରମ ସମ୍ମିଳନୀରେ ଭାଗ ନେଇଥିଲେ। ଏହି ସମୟରେ ସେ ମହାରାଷ୍ଟ୍ର ରାଜନୀତି ଏବଂ ନିର୍ବାଚନ ସହିତ ଏନସିପି ଏବଂ ଶରଦ ପାୱାରଙ୍କୁ ନେଇ ମଧ୍ୟ ଖୋଲାଖୋଲି କଥା ହୋଇଥିଲେ।

ଅଜିତ ପାୱାରଙ୍କୁ ପ୍ରଶ୍ନ କରାଯାଇଥିଲା କି ଏଥର ମଧ୍ୟ ‘ଅସଲି’ ଏବଂ ‘ନକଲି’ ଏନସିପି ମଧ୍ୟରେ ଲଢେଇ ହେବ କି? ଯାହାର ଉତ୍ତରରେ ସେ କହିଛନ୍ତି ଯେ ସେମିତି କୌଣସି ଲଢେଇ ନାହିଁ। ଅଜିତ ପାୱାର କହିଛନ୍ତି,”ମୁଁ ଦାୟିତ୍ଵର ସହିତ କହୁଛି ଯେ ମହାରାଷ୍ଟ୍ରରେ ଅସଲି ଏବଂ ନକଲି ଏନସିପି ମଧ୍ୟରେ କୌଣସି ଲଢେଇ ନାହିଁ। ଶରଦ ପାୱାର ଜଣେ ଜାତୀୟ ନେତା, ଏଥିରେ କୌଣସି ସନ୍ଦେହ ନାହିଁ। ଦେଢ ବର୍ଷ ପୂର୍ବେ ଆମର ୪୦-୫୦ ବିଧାୟକ ଏକାଠି ହୋଇ ଦଳ ପାଇଁ ଏକ ନିଷ୍ପତି ନେଇଛନ୍ତି “ଏହା ପରେ ଶରଦ ପାୱାର ନିଜର ଅଲଗା ପାର୍ଟିକୁ ପଞ୍ଜୀକୃତ କରାଇ ତାକୁ ଚଳାଉଛନ୍ତି । ଦୁଇ ଦଳ ମଧ୍ୟରେ କୌଣସି ଲଢେଇ ନାହିଁ।”
ଗଣମାଧ୍ୟମ ମହାପ୍ରଭାବ,ଖବର ପ୍ରସାରଣ ପରେ ସିଡିପିଓ ଅଫିସରେ ତଦନ୍ତ ଆରମ୍ଭ

ଗଣମାଧ୍ୟମର ମହାପ୍ରଭାବ, ସିଡିପିଓ ଙ୍କ ଖବର ପ୍ରସାରଣ ପରେ ଜିଲ୍ଲା ସମାଜ ମଙ୍ଗଳ ଅଧିକାରୀ ଡେରାବିଶ ସିଡିପିଓ ଅଫିସ ରେ ପହଂଚି ତଦନ୍ତ ଆରମ୍ଭ କରିଛନ୍ତି.ଅନ୍ୟପଟେ ପୀଡିତା କ୍ଲର୍କଙ୍କ ବାପା ମା ବଖାଣିଲେ ସେଦିର ର ଲୋମ ହର୍ଷକ କଥା. ହେର୍ଡ କ୍ଲର୍କ ବର୍ଷା ପ୍ରିୟଦର୍ଶିନୀ ମହାପାତ୍ର ଗତ ପଚିଶ ତାରିଖ ଦିନ ଡେରାବିଶ ସିଡିପିଓ ଙ୍କ ଅଫିସ ଭିତରେ ଗର୍ଭ ଯନ୍ତ୍ରଣା ରେ ଛଟପଟ ହେଉଥିଲେ. କିନ୍ତୁ ଡେରାବିଶ ସିଡିପିଓ ସ୍ନେହଲତା ସାହୁ ତାଙ୍କୁ ମେଡିକାଲ ନେବା ତଥା ଆମ୍ବୁଲାନ୍ସ ଡାକିବା ପରିବର୍ତ୍ତେ ବର୍ଷା ଙ୍କୁ ମାନସିକ ନିର୍ଯାତନା ଦେଇଥିଲେ ଫଳରେ ସେ ଚେୟାର ରୁ ତଳେ ପଡିଯାଇଥିଲେ. ଖବର ପାଇଁ ବର୍ଷା ଙ୍କ ବାପା ଓ ପରିବାର ଲୋକେ ସେଠାରେ ପହଂଚି ଭିଡିଓ ଉତ୍ତୋଳନ କରିବା ପରେ ସିଡିପିଓ ଦୁର୍ବ୍ୟବହାର କରିଥିଲେ ଓ ଫୋନ ଛଡାଇ ଥିଲେ . ତେବେ ବର୍ଷା ଙ୍କୁ ପରିବାର ଲୋକେ ଉଦ୍ଧାର କରି ନିକଟସ୍ତ ସାଇ ହସ୍ପିଟାଲ କୁ ନେବା ବେଳେ ବିଳମ୍ବ ହୋଇଯାଇଥିଲା. ଫଳରେ ପେଟରେ ପିଲାଟି ନଷ୍ଟ ହୋଇଯାଇଥିଲା.

ତେବେ ସିଡିପିଓଙ୍କ ନିର୍ଯାତନାରେ ପିଲାଟି ନଷ୍ଟ ହୋଇଯାଅଥିବା ପରିବାର ଲୋକେ ଜିଲ୍ଲା ସମାଜ ମଙ୍ଗଳ ଅଧିକାରୀ ଅଭିଯୋଗ କରିଥିଲେ.ଏନେକ ସେଦିନ ର ଘଟଣାର ଏକ ଭିଡିଓ ଭାଇରଲ ହୋଇଥିଲା.ଏହି ବିଷୟରେ ଗଣମାଧ୍ୟମରେ ଖବର ପ୍ରସାରଣ ହେବା ପରେ ଆଜି ଜିଲ୍ଲା ସମାଜ ମଙ୍ଗଳ ଅଧିକାରିଣୀ ମନୋରମା ସ୍ୱାଇଁ ଡେରାବିଶ ସିଡିପିଓ ଙ୍କ ଅଫିସ ଚାମ୍ବର କୁ ଆସି ତଦନ୍ତ ଆରମ୍ଭ କରି ସାମ୍ବାଦିକ ସମିଳନି କରିଛନ୍ତି ଓ ଅନ୍ୟ ପଟେ ଅଭିଯୋଗ ସତ୍ୟତା ଥିଲେ ଖୁବ ଶୀଘ୍ର ସିଡିପିଓ ସ୍ନେହ ଲତା ସାହୁଙ୍କ ଉପରେ ଦୃଢପଦକ୍ଷେପ ନିଆଯିବ ବୋଲି ପ୍ରତିକ୍ରିୟା ରଖିଛନ୍ତି କେନ୍ଦ୍ରାପଡ଼ା ଜିଲ୍ଲପାଳ ସ୍ମୁତିରଞ୍ଜନ ପ୍ରଧାନ
ବାଲୁକା କଳାରେ ଭୋଟର ତାଲିକା ସଂଶୋଧନ କାର୍ଯ୍ୟର ଶୁଭାରମ୍ଭ

ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଆର ଏସ ଗୋପାଳନ ପୁରୀ ନୀଳାଦ୍ରୀ ବିଚ୍ ଠାରେ ୨୦୨୫ ର ସ୍ୱତନ୍ତ୍ର ସଂକ୍ଷିପ୍ତ ଭୋଟର ତାଲିକା ସଂଶୋଧନ (SSR)ର ଥିମ୍ ଉପରେ ବାଲୁକା କଳା ମାଧ୍ୟମରେ ଶୁଭାରମ୍ଭ କରିଛନ୍ତି।

ଭୋଟର ତାଲିକା ର ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ କାର୍ଯ୍ୟକ୍ରମ ଅକ୍ଟୋବର ୨୯ ରୁ ଆରମ୍ଭ ହୋଇ ୨୮ ନଭେମ୍ବର ୨୦୨୪ ରେ ଶେଷ ହେବ | ଏହି ଅବସରରେ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ, ଅତିରିକ୍ତ ସିଇଓ ଶତ୍ରୁଘ୍ନ କର, ଅତିରିକ୍ତ ସିଇଓ ମିହିର ପ୍ରସାଦ ମହାନ୍ତି,ଅତିରିକ୍ତ ସିଇଓ ପଦ୍ମଜା ଦାଶ,ଅତିରିକ୍ତ ସିଇଓ ଅନାମିକା ସିଂ,ଅତିରିକ୍ତ ସିଇଓ ଲକ୍ଷ୍ମୀ ପ୍ରସାଦ ସାହୁ,ଏଏଫଏ ତଥା ଯୁଗ୍ମ ସଚିବ ସଞ୍ଜୟ ଲୁଗୁନ,ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ,ଅତିରିକ୍ତ ଜିଲ୍ଲାପାଳ ପ୍ରଶାସନ ଶରତ ଚନ୍ଦ୍ର ବେହେରା, ଅତିରିକ୍ତ ଜିଲ୍ଲାପାଳ ପ୍ରୋଟୋକଲ ନିଳମାଧବ ଭୋଇ,ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଉପଜିଲ୍ଲାପାଳ ଗୋପୀନାଥ କୁଅଁର,ଡେପୁଟି କଲେକ୍ଟର ରାକେଶ କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ।

ସିଇଓ ଶ୍ରୀ ଗୋପାଳନ ଗଣମାଧ୍ୟମ କୁ ସୂଚନା ଦେଇ ପ୍ରତ୍ୟେକ ଭୋଟର ସେମାନଙ୍କ ମୂଲ୍ୟବାନ ମତାଧିକାରକୁ ସାବ୍ୟସ୍ତ କରିବାକୁ ନିଜ ନାମ ଭୋଟର ତାଲିକାରେ ସାମିଲ କରିବା ଜରୁରୀ, ନିର୍ଭୁଲ ଭୋଟର ତାଲିକା ନିର୍ବାଚନ କମିଶନଙ୍କ ଉଦ୍ଦେଶ୍ୟ ବୋଲି କହିଥିଲେ। ଯଦି ଜଣେ ୧୮ ବର୍ଷ ବୟସ ପୂରଣ କରିଛନ୍ତି ତେବେ ସେମାନେ ଭୋଟର ଭାବେ ନାମ ପଞ୍ଜିକରଣ କରିପାରିବେ।ଭୋଟର ହେଲ୍ପ ଲାଇନ ଆପ ମାଧ୍ୟମରେ ମଧ୍ୟ ସେମାନେ ପଞ୍ଜିକରଣ କରି ପାରିବେ ବୋଲି ସେ ସୂଚନା ଦେଇଥିଲେ।ଏହି ବାଲୁକା କଳା ମାଧ୍ୟମରେ ଭୋଟର ସଚେତନତା ର ବାର୍ତ୍ତା ସମସ୍ତଙ୍କ ପହଞ୍ଚିବା ସହ ଭାରତର ନିର୍ବାଚନ କମିଶନର ଙ୍କ ସୁସ୍ଥ ଓ ନିର୍ଭୁଲ ଭୋଟର ତାଲିକା ପ୍ରସ୍ତୁତ ରେ ସହାୟକ ହେବ ବୋଲି ସେ କହିଥିଲେ।
ଓପିଏସ୍‌ସି ପରୀକ୍ଷାରେ କୃତିତ୍ବ, ଘଷିପୁରା ତଥା ଓଡ଼ିଶାର ସେବା କରିବା ସତ୍ୟବ୍ରତଙ୍କ ଲକ୍ଷ୍ୟ

ଆନନ୍ଦପୁର ପୌରାଞ୍ଚଳ ମୁରାବାଲିସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିର ଘଷିପୁରାର ପୂର୍ବତନ ଛାତ୍ର ସତ୍ୟବ୍ରତ ସାହୁ ଓଡ଼ିଶା ଲୋକସେବା ଆୟୋଗ ପରୀକ୍ଷାରେ କୃତିତ୍ବ ଅର୍ଜନ କରି ୯୫ତମ ସ୍ଥାନ ଅଧିକାର କରିଛନ୍ତି। ସେ ପ୍ରାଥମିକ ଓ ଉଚ୍ଚ ପ୍ରାଥମିକ ଶିକ୍ଷା ଶିଶୁ ମନ୍ଦିରରେ ଅଧ୍ୟୟନ କରିବା ସହ ଜାତୀୟ ଗ୍ରାମାଞ୍ଚଳ ମେଧାବୃତ୍ତି ପରୀକ୍ଷା ୨୦୧୦ ମସିହାରେ ମଧ୍ୟ ସଫଳତା ଅର୍ଜନ କରିଥିଲେ। ବିଦ୍ୟାଳୟ ତରଫରୁ ତାଙ୍କୁ ପୁଷ୍ପଗୁଚ୍ଛ ସହ ଉପଢୌକନ ଦେଇ ସ୍ୱାଗତ ସମ୍ବର୍ଦ୍ଧନା ଦିଆଯାଇ ଥିଲା ।

ଏହି ଅବସରରେ, ସତ୍ୟବ୍ରତ ତାଙ୍କର ଛାତ୍ର ଜୀବନ ଏବଂ ଗୁରୁଜୀ ଗୁରୁମା’ଙ୍କର ଭୂମିକା ସ୍ମରଣ କରିଥିଲେ । ସେ ଏ ଅଞ୍ଚଳର ବିକାଶ କରିବା ସହ ଓଡ଼ିଶାର ବିକାଶ ଦିଗରେ କାର୍ଯ୍ୟ କରିବେ ବୋଲି ସତ୍ୟବ୍ରତ କହିଛନ୍ତି। ଏହି ସଫଳତା ପାଇଁ ସେ ନିଜର ପିତାମାତା, ସମସ୍ତ ଗୁରୁଜୀ, ଗୁରୁମା’, ଶିକ୍ଷକ ବୃନ୍ଦ, ପରିବାରବର୍ଗ,ବନ୍ଧୁ ଏବଂ ସମସ୍ତ ଶୁଭାକାଂକ୍ଷୀମାନଙ୍କୁ ଶ୍ରେୟ ଦେଇଛନ୍ତି ।

ସତ୍ୟବ୍ରତଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯିବା ଅବସରରେ, ପରିଚାଳନା ସମିତିର ସଂପାଦକ ରଶ୍ମୀ ରଞ୍ଜନ ନନ୍ଦ, ସଭାପତି ମଦନମୋହନ ରାଉତ, କୋଷାଧ୍ୟକ୍ଷ ଅକ୍ଷୟ କୁମାର ସାହୁ, ଉପ-ସଭାପତି ଚନ୍ଦ୍ରିକା ସାହୁ, ସଦସ୍ୟ ବିନୋଦ ବିହାରୀ ସେଠୀ, ପୂର୍ବତନ ସଂପାଦକ ଶୁକଦେବ ସାହୁ, ପୂର୍ବତନ ସହ-ସଂପାଦକ ବାବୁଲି ଚରଣ ବେହେରାm ପ୍ରଧାନ ଆଚାର୍ଯ୍ୟ ବାବାଜୀ ପଣ୍ଡାm ଓ ସମସ୍ତ ଗୁରୁଜୀ ଏବଂ ଗୁରୁ ମା’ ପ୍ରମୁଖ ଉପସ୍ଥିତ ଥିଲେ।
କେରଳରେ ବଡ ଦୁର୍ଘଟଣା, ଆତସବାଜି ସମୟରେ ବିସ୍ଫୋରଣରେ ୯୮ଜଣ ଆହତ, ୮ ଗୁରୁତର

ସୋମବାର ବିଳମ୍ବିତ ରାତିରେ କେରଳର କାସରଗୋଡ ଜିଲ୍ଲାର ନୀଲେଶ୍ୱରମରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ ଅଗ୍ନିକାଣ୍ଡ ଘଟି ନିଆଁ ଲାଗିବା ପରେ ପ୍ରାୟ ୯୮ ଜଣ ଲୋକ ଆହତ ହୋଇଥିବାବେଳେ ୮ ଜଣଙ୍କ ଅବସ୍ଥା ଗୁରୁତର ରହିଛି। ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ଗଣମାଧ୍ୟମ ସୂଚନା ଅନୁଯାୟୀ ସୋମବାର ବିଳମ୍ବିତ ରାତିରେ କେରଳର କାସରଗୋଡର ନୀଲେଶ୍ୱରମ୍ ନିକଟରେ ଏକ ମନ୍ଦିର ପର୍ବରେ ଆତସବାଜି ଫୁଟା ଯାଉଥିଲା। ତା’ପରେ ଏହି ଘଟଣା ଘଟି ପ୍ରାୟ ୯୮ ଜଣ ଆହତ ହୋଇଥିଲେ। ଆହତମାନଙ୍କୁ କାସରଗୋଡ, କନ୍ନୁର ଏବଂ ମଙ୍ଗଲୁରୁର ବିଭିନ୍ନ ଡାକ୍ତରଖାନାକୁ ନିଆଯାଇଛି।

ଭେରାକାଭୁ ମନ୍ଦିର ନିକଟରେ ଥିବା ଆତସବାଜି ଷ୍ଟୋରେଜରେ ଅଗ୍ନିକାଣ୍ଡ ଘଟି ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି। ଅଧିକାରୀମାନେ ଅଗ୍ନିକାଣ୍ଡର କାରଣ ଅନୁସନ୍ଧାନ କରୁଛନ୍ତି। ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି ଯେ କନହଂଗଡର ଜିଲ୍ଲା ଡାକ୍ତରଖାନାରେ ଭର୍ତ୍ତି ହୋଇଥିବା ପାଞ୍ଚ ଜଣଙ୍କ ଅବସ୍ଥା ଗୁରୁତର ରହିଛି। ଅନ୍ୟ ଏକ ଖବରକାଗଜ ରିପୋର୍ଟ କରିଛି ଯେ ୩୩ ଜଣଙ୍କୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି। ୧୯ ଜଣଙ୍କୁ କନହଂଗଡର ଏଶଲ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ୧୨ ଜଣଙ୍କୁ ଆରିମାଲା ହସ୍ପିଟାଲରେ ଭର୍ତ୍ତି କରାଯାଇଛି। ସଞ୍ଜୀବନୀ ହସ୍ପିଟାଲରେ ୪୦ ଜଣଙ୍କୁ ଭର୍ତ୍ତି କରାଯାଇଥିବା ବେଳେ ଅନ୍ୟ ୧୧ ଜଣଙ୍କୁ ନୀଲେଶ୍ୱରମ୍ ତାଲୁକ ହସ୍ପିଟାଲରେ ଏବଂ ୫ ଜଣଙ୍କୁ କନ୍ନୁରସ୍ଥିତ ଏଷ୍ଟର ଏମଆଇଏମଏସ ହସ୍ପିଟାଲରେ ଭର୍ତ୍ତି କରାଯାଇଛି।

ପ୍ରତ୍ୟକ୍ଷଦର୍ଶୀଙ୍କ ମତରେ ସ୍ଥାନୀୟ ଖବର କାଗଜ ରିପୋର୍ଟରେ କହିଛନ୍ତି ଯେ କାସରଗୋଡ ଜିଲ୍ଲାର ନୀଲେଶ୍ୱରରେ ମୁଲମ୍କୁଝୀ ଚାମୁଣ୍ଡି ଥେୟମ୍ ମହୋତ୍ସବ ଚାଲିଥିଲା । ଏହି ସମୟ ମଧ୍ୟରେ ଲୋକମାନେ ଆତସବାଜି ଫୁଟାଉଥିଲେ | ବାଣ ଫୁଟାଉଥିବା ସମୟରେ ଗୋଟେ ଆତସବାଜି ଯାଇ ବାଣ ଷ୍ଟୋରର ଏକ କୋଠା ଭିତରକୁ ଖସିପଡିଥିଲା। ଏହି କାରଣରୁ ଏଠି ନିଆଁ ଲାଗିଯାଇଥିଲା ଏବଂ ବିସ୍ଫୋରକ ସାମଗ୍ରୀ ଗୋଟିଏ ପରେ ଗୋଟିଏ ବିସ୍ଫୋରଣ ଆରମ୍ଭ କରିଥିଲା। ଅଗ୍ନିକାଣ୍ଡ ଏବଂ ବିସ୍ଫୋରଣ ଯୋଗୁଁ ଅନେକ ଲୋକ ଆହତ ହୋଇଥିଲେ। ଆହତଙ୍କ ମଧ୍ୟରେ ଶିଶୁ ଓ ମହିଳା ମଧ୍ୟ ଅଛନ୍ତି।
ଏକାକୀ ଉଡିଲେ ପାଣ୍ଡିଆନ,ପଛରେ ପଡିଲେ ନବୀନ

ରାଜ୍ୟରେ ହୁ ହୁ ହୋଇ ବଡୁଛି ବେକାରି ସମସ୍ୟା । ଚପରାସୀ ଚାକିରୀ ପାଇଁ ଲାଗୁଛି ଲମ୍ବା ଲାଇନ । ଏହାରୀ ଭିତରେ ନିର୍ବାଚନ କମିଶନଙ୍କ ତଥ୍ୟ ସମସ୍ତଙ୍କୁ ତାଜୁବ କରିଛି । ଜାତୀୟ ସର୍ଭେକ୍ଷଣ ୨୦୨୩-୨୪ ଅନୁସାରେ, ଓଡ଼ିଶାରେ ବେକାରି ହାର ୩.୯ ପ୍ରତିଶତ ରହିଥିବା ବେଳେ ସାରାଦେଶରେ ୨୧ ତମ ସ୍ଥାନରେ ରହିଛି ଓଡ଼ିଶା। ଓଡିଶାରୁ ପ୍ରାୟ ୨୦ ଲକ୍ଷରୁ ଉର୍ଦ୍ଧ ବେକାର ଯୁବକ ଯୁବତୀ ନିଜର କର୍ମସଂସ୍ଥାନ ପାଇଁ ଦେଶ କିମ୍ବା ବାହରକୁ ଦାଦନ ଯିଵାକୁ ବାଧ୍ୟ ହେଉଥିବା ବେଳେ ସରକାରୀ ଚାକିରୀ ପାଇଁ ଜିଲ୍ଲା ଦକ୍ଷତା ବିକାଶ ଓ ନିୟୋଜନ କାର୍ଯ୍ୟାଳୟରେ ନାମ ପଞ୍ଜିକରଣ କରିଛନ୍ତି, ୧୧ ଲକ୍ଷ ୪ ହଜାର ୨୨୯ ଯୁବକ ଯୁବତୀ। ଏମାନଙ୍କ ମଧ୍ୟରୁ ନିୟୋଜନ କାର୍ଯ୍ୟାଳୟ ମାଧ୍ୟମରେ ଗତ ୧୦ ବର୍ଷରେ ନିଯୁକ୍ତି ପାଇଛନ୍ତି ୮ ହଜାର ୪୦୧ ।

ଏପରି ସ୍ଥିତିରେ ଭୋଟ ପାଇଁ ଓଡିଶାରେ ହଜାର ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି ତିନି ପ୍ରମୁଖ ରାଜନୈତିକ ଦଳ। ୨୦୨୪ ଲୋକସଭା ଓ ବିଧାନସଭା ନିର୍ବାଚନରେ ୪୧୫ କୋଟି ୨୧ ଲକ୍ଷ ୨୫ ହଜାର ୧୬୪ ଟଙ୍କା ଖର୍ଚ୍ଚ କରିଛି ବିଜେଡି । ବିଜେଡି ଦଳୀୟ ମତ ପ୍ରଚାର ପାଇଁ ୨୭୭ କୋଟି ଏକ ଲକ୍ଷ ଟଙ୍କା ଖର୍ଚ୍ଚ କରିଥିବା ବେଳେ, ପ୍ରାର୍ଥୀଙ୍କ ନିର୍ବାଚନ ଖର୍ଚ୍ଚ ବାବଦରେ ୧୩୮ କୋଟି ୧୯ ଲକ୍ଷ ଟଙ୍କା ଖର୍ଚ୍ଚ କରିଛି । ସେହିପରି, ଗଣମାଧ୍ୟମରେ ବିଜ୍ଞାପନପାଇଁ ୪୭ କୋଟି ୧୪ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ନିର୍ବାଚନ ପ୍ରଚାର ଉପକରଣ ବାବଦରେ ୩୨ କୋଟି ୬୫ ଲକ୍ଷ ଟଙ୍କା ଏବଂ ତାରକା ପ୍ରଚାରକଙ୍କ ପାଇଁ ହେଲିକେପ୍ଟର ଓ ବିମାନ ଜରିଆରେ ଗସ୍ତ ବାବଦରେ ୨୫ କୋଟି ୪୬ ଲକ୍ଷ ଟଙ୍କା ଖର୍ଚ୍ଚ ହୋଇଛି।

ବିଜେଡିର ତାରକା ପ୍ରଚାରକ ନବୀନ, ଭି.କେ ପାଣ୍ଡିଆନଙ୍କ ସହ ଅନ୍ୟ ୩୮ ଜଣ ବରିଷ୍ଠ ବିଜେଡି ନେତା ୨୩୧ ଥର ହେଲିକେପ୍ଟର ଓ ବିମାନରେ ଗସ୍ତ କରିଥିଲେ। ନବୀନ ଏକାକା ୬ ଥର ହେଲିକପ୍‌ଟର ଓ ୫ ଥର ଏୟାରକ୍ରାଫ୍ଟରେ ଗସ୍ତ କରିଥିବା ବେଳେ, ପାଣ୍ଡିଆନ ୧୫୭ ଥର ଏକାକୀ ସର୍ବାଧିକ ଗସ୍ତ କରିଥିଲେ। ନବୀନ ଓ ପାଣ୍ଡିଆନ ମିଳିତଭାବେ ୫୫ ଥର ହେଲିକପ୍‌ଟରରେ ଯାଇ ନିର୍ବାଚନ ପ୍ରଚାରରେ ସାମିଲ ହୋଇଥିଲେ । ସେହି କ୍ରମରେ, ବିଜେଡି ନେତା ପ୍ରଣବ ପ୍ରକାଶ ଦାସ ୬ ଥର, ଅତୁନୁ ସବ୍ୟସାଚୀ ନାୟକ ୩ ଥର ଓ ପ୍ରଣବ ବଳବନ୍ତରାୟ ଥରେ ହେଲିକେପ୍ଟରରେ ଗସ୍ତ କରିଥିଲେ।

ରାଜ୍ୟ ସ୍ତରୀୟ ନେତାଙ୍କ ଗସ୍ତ ବାବଦରେ ୭୧ଲକ୍ଷ ୨୧ ହଜାର ଟଙ୍କା ଖର୍ଚ୍ଚ କରିବା ସହ ନିଜ ପାଖରେ ୬୨୫ କୋଟି ଟଙ୍କା ରଖିଥିବା ନେଇ ଭାରତୀୟ ନିର୍ବାଚନ ଆୟୋଗ (ଇସିଆଇ)ଙ୍କ ନିକଟରେ ଦାଖଲ ୬୦ ପୃଷ୍ଠା ସଂବଳିତ ବ୍ୟୟ ରିପୋର୍ଟ ଦାଖଲ କରିଛି ବିଜେଡି । ଯାହା ସାର୍ବଜନୀନ ହେବା ପରେ ଅନ୍ୟ ରାଜନୈତିକ ଦଳମାନଙ୍କ ମଧ୍ୟରେ ଛନକା ପଶିଛି । ଗୋଟେ ପଟେ ବିକାଶ ନାଁରେ ବିଜେଡି ୨୪ ବର୍ଷ ଧରି ଓଡିଶାର ଜଳ, ଜମି, ଜଙ୍ଗଲ, ଖଣିକୁ ବିଭିନ୍ନ -କର୍ପୋରେଟ୍ ସଂସ୍ଥାକୁ ଟେକି ଦେବାପରେ ସଂଗୃହିତ ଟଙ୍କାକୁ ଭୋଟ ନାଁରେ ପାଣି ପରି ଖର୍ଚ୍ଚ କରିଛି । ପୂର୍ବତନ ସରକାରଙ୍କ ଚିତ୍ର ଓ ଚରିତ୍ର ଏବେ ଦାଣ୍ଡରେ ପଡି ହାଟରେ ଗଡୁଛି ଯାହାକି ଭୋକିଲା ପେଟରେ ଲାତ ମାରିବା ସଦୃଶ୍ୟ । ସେହିପରି, ଅନ୍ୟ ଦଳମାନଙ୍କର ନିର୍ବାଚନୀ ଖର୍ଚ୍ଚ ସାର୍ବଜନୀନ ହେବାକୁ ସାଧାରଣରେ ଦାବି ହୋଇଛି ।