Tag: #suchana news

କନ୍ଧମାଳରେ ୧୦ ଡିଗ୍ରୀ ତଳେ ପାରଦ, ଅସ୍ତବ୍ୟସ୍ତ ଜୀବନ

କିଛି ସ୍ଥାନରେ ଲୋକମାନେ ନିଆଁ ଜାଳି ଶୀତ ଦାଉରୁ ରକ୍ଷା ପାଉଛନ୍ତି, କିଛି ସ୍ଥାନରେ ବ୍ୟାୟାମ କରୁଅଛନ୍ତି। ଶୀତୁଆ ଦିନର ପରିବା ଜି. ଉଦୟଗିରି ବଜାରରେ ଆସି ବିକ୍ରି ହେଉଅଛି ସତ, କିନ୍ତୁ ଦରଦାମ ଆକାଶ ଛୁଆଁ ରହିଅଛି। କୁହୁଡି ଯୋଗୁଁ ସକାଳ ଆଠ ଘଣ୍ଟା ଯାଏଁ ସୂର୍ଯ୍ୟ କିରଣ ପଡୁନାହିଁ।

କନ୍ଧମାଳ ଜିଲ୍ଲାରେ ପ୍ରବଳ ଶୀତ ଅନୁଭୂତ ହେଉଅଛି। ଲଗାତାର ଭାବେ ତାପମାତ୍ରା ୧୦ ଡିଗ୍ରୀ ତଳେ ରହିଅଛି। ସର୍ବନିମ୍ନ ତାପମାତ୍ରା ୬.୨ ଡିଗ୍ରୀ ଜି. ଉଦୟଗିରିରେ ରହିଥିବାର ଜଣା ପଡ଼ିଅଛି। ଓଡ଼ିଶାରର ସବୁଠାରୁ ଶୀତୁଆ ସହର ଭାବେ ଜି. ଉଦୟଗିରି ରହିଥିବାର ଜଣା ପଡ଼ିଅଛି। ଶୀତ ସାଂଗକୁ ଲୋକଙ୍କୁ ଅସ୍ତବ୍ୟସ୍ତ କରିପକାଉଅଛି କୁହୁଡି। କିଛି ସ୍ଥାନରେ ଲୋକମାନେ ନିଆଁ ଜାଳି ଶୀତ ଦାଉରୁ ରକ୍ଷା ପାଉଛନ୍ତି, କିଛି ସ୍ଥାନରେ ବ୍ୟାୟାମ କରୁଅଛନ୍ତି। କାକର ପଡ଼ି ଗଛର ପତ୍ରସବୁ ଅତି ସୁନ୍ଦର ଦେଖା ଯାଉଅଛି। କୁହୁଡି ଯୋଗୁଁ ସକାଳ ଆଠ ଘଣ୍ଟା ଯାଏଁ ସୂର୍ଯ୍ୟ କିରଣ ପଡୁନାହିଁ।

ଜିଲ୍ଲାର ଜି. ଉଦୟଗିରି,ଦାରିଙ୍ଗିବାଡି, ଫୁଲବାଣୀ, ରାଇକିଆ, ଟିକାବାଲି ,ବାଲିଗୁଡ଼ା, ବେଲଘର ଆଦି ବିଭିନ୍ନ ସ୍ଥାନରେ ପ୍ରବଳ ଶୀତ ଅନୁଭୂତ ହେଉଛି। ଶୀତୁଆ ଦିନର ପରିବା ଜି. ଉଦୟଗିରି ବଜାରରେ ଆସି ବିକ୍ରି ହେଉଅଛି ସତ, କିନ୍ତୁ ଦରଦାମ ଆକାଶ ଛୁଆଁ ରହିଅଛି। ସ୍ଥାନୀୟ ଅଞ୍ଚଳରୁ ସଂଗୃହିତ ହେଉଥିବା ପରିବା ବାହାରେ ବିକ୍ରି ହେଉଥିବାରୁ ଦର୍ ଖସିବାର ନା ଧରୁନି। ପରିବା ଦର ଚଢ଼ା ଥିବାରୁ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି। ରାସ୍ତା କଡ଼ରେ ଚାଷୀମାନେ ନିଜେ ଅମଳ କରୁଥିବା ପରିବା ଆଣି ରାସ୍ତା କଡ଼ରେ ବିକ୍ରି କରୁଛନ୍ତି। ବିଶେଷ କରି ବିନ, ଫୁଲକୋବି ଭଳି ପରିବାର ବଜାରରେ ଖୁବ ଚାହିଦା ରହିଛି ।
ସାବଧାନ! ବାଲି ମାଫିଆ ଏଣିକି ବେଆଇନ କାର୍ଯ୍ୟରେ କଡା କାର୍ଯ୍ୟାନୁଷ୍ଠାନ

ବାଲେଶ୍ବର ଜିଲ୍ଲା ଜଳେଶ୍ବର ତହସିଲ ଅନ୍ତର୍ଗତ ସୁବର୍ଣ୍ଣରେଖା ନଦୀରୁ ବେଆଇନ ବାଲି ଉତ୍ତୋଳନ ବେଳେ, ମହମ୍ମଦନଗର ପାଟଣା, ଅଗ୍ରୱାଲା ଛକ ଓ ଆମ୍ବଳିଅଠା ଛକରେ ଅଚାନକ ଚଢ଼ାଉ କରି ଗୋଟିଏ ବାଲି ବୋଝେଇ ଡମ୍ପର, ୬ ଟି ଟ୍ରାକ୍ଟର ଏବଂ ଗୋଟିଏ ଜେସିବି ମେସିନ ଜବତ କରିଛି ଜଳେଶ୍ୱର ପୋଲିସ ।

ବାଲେଶ୍ବର ଜିଲ୍ଲା ଜଳେଶ୍ବର ତହସିଲ ଅନ୍ତର୍ଗତ ସୁବର୍ଣ୍ଣରେଖା ନଦୀରୁ ବେଆଇନ ବାଲି ଉତ୍ତୋଳନ ବେଳେ ଚଢ଼ାଉ କଲା ଜଳେଶ୍ୱର ପୋଲିସ । ମହମ୍ମଦନଗର ପାଟଣା, ଅଗ୍ରୱାଲା ଛକ ଓ ଆମ୍ବଳିଅଠା ଛକରେ ଅଚାନକ ଚଢ଼ାଉ ଗୋଟିଏ ବାଲି ବୋଝେଇ ଡମ୍ପର, ୬ ଟି ଟ୍ରାକ୍ଟର ଏବଂ ଗୋଟିଏ ଜେସିବି ମେସିନ ଜବତ କରିଛି ପୋଲିସ ।

ସୂଚନା ଅନୁଯାୟୀ, ବାଲେଶ୍ୱର ଜିଲ୍ଲା ଜଳେଶ୍ୱର ତହସିଲ ଅଧିନସ୍ଥ ସୁବର୍ଣ୍ଣରେଖା ନଦୀର ଥିବା ସରକାରୀ ବାଲି ସୌରାତ ଗୁଡିକ ବନ୍ଦ ଥିଲା ବେଳେ ଏହାର ସୁଯୋଗ ନେଇ ବାଲି ମାଫିଆ ମାନେ ପୋଲିସକୁ ଚକମା ଦେଇ ବିଳମ୍ବିତ ରାତିରେ ବାଲି ଉତ୍ତୋଳନ କରି ମାଲେମାଲ ହେଉଥିଲେ ।

ଅନ୍ୟପଟେ, ବାଲି ମାଫିଆଙ୍କ ଦୌରାତ୍ମ୍ୟ ଯୋଗୁ କୋଟି କୋଟି ଟଙ୍କାର ରାଜସ୍ୱ ହରାଉଥିଲେ ସରକାର । ବିଶ୍ୱସ୍ତ ସୂତ୍ରରୁ ଖବର ପାଇ, ଜଳେଶ୍ୱର ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରିବାପରେ ଅଧିକ ତଦନ୍ତ ଜାରୀ ରଖିଛି ।
କାହିଁକି ପ୍ରଥମାଷ୍ଟମୀ ପାଳନ କରାଯାଏ?

ପ୍ରଥମାଷ୍ଟମୀ ମାର୍ଗଶିର ମାସ କୃଷ୍ଣ ପକ୍ଷର ଅଷ୍ଟମୀ ତିଥିରେ ପାଳନ କରାଯାଏ।ମୁଖ୍ୟତଃ ଏହି ଅଷ୍ଟମୀରେ ଘରର ପ୍ରଥମ ସନ୍ତାନକୁ ପୂଜା କରାଯିବାର ବିଧାନ ରହିଛି। ପ୍ରଥମ ସନ୍ତାନଟି ପୁଅ ହେଉ କିମ୍ବା ଝିଅ, ତାଙ୍କୁ ବନ୍ଧାପନା କରାଯାଇ ପୂଜା କରାଯାଇଥାଏ।କେବଳ ପ୍ରଥମାଷ୍ଟମୀ ଉପଲକ୍ଷେ ଏଣ୍ଡୁରି ପିଠାରେ ହଳଦୀପତ୍ରର ବ୍ୟବହାର ପରମ୍ପରା ରହିଛି।

ପ୍ରଥମାଷ୍ଟମୀ ମାର୍ଗଶିର ମାସ କୃଷ୍ଣ ପକ୍ଷର ଅଷ୍ଟମୀ ତିଥିରେ ପାଳନ କରାଯାଏ। ଏହାକୁ ପଢୁଆଁ ଅଷ୍ଟମୀ ବୋଲି ମଧ୍ୟ କୁହାଯାଏ। ଏହି ପର୍ବ ଓଡିଶାର ଏକ ଲୋକପ୍ରିୟ ପର୍ବ ଭାବେ ପରିଚିତ। ଏହି ଦିନକୁ ଓଡିଆ ଘରେ ବେଶ ଜାକଜମକରେ ପାଳନ କରାଯାଇଥାଏ। ମୁଖ୍ୟତଃ ଏହି ଅଷ୍ଟମୀରେ ଘରର ପ୍ରଥମ ସନ୍ତାନକୁ ପୂଜା କରାଯିବାର ବିଧାନ ରହିଛି। ପ୍ରଥମ ସନ୍ତାନଟି ପୁଅ ହେଉ କିମ୍ବା ଝିଅ, ତାଙ୍କୁ ବନ୍ଧାପନା କରାଯାଇ ପୂଜା କରାଯାଇଥାଏ। ଏହିଦିନ ପରିବାରର ଜ୍ୟେଷ୍ଠ ସନ୍ତାନର ସୁଖ ସମୃଦ୍ଧି ଓ ଦୀର୍ଘଜୀବନ ପାଇଁ ପୂଜାବିଧି ଅନୁଷ୍ଠିତ ହୋଇଥାଏ।

ଏହି ଦିନ ସେମାନଙ୍କର ଦୀର୍ଘଜୀବନ କାମନା କରି ମାଆମାନେ ଷଠୀ ଦେବୀଙ୍କର ପୂଜା ଅର୍ଚ୍ଚନା କରିଥାଆନ୍ତି। ପଞ୍ଚପଲ୍ଲବ ଓ ପଞ୍ଚଶସ୍ୟରେ କଳସ ପୂଜା ଓ ବରୁଣ ପୂଜା ମଧ୍ୟ ହୋଇଥାଏ। ଓଡ଼ିଆ ପରମ୍ପରା ଅନୁଯାୟୀ ଜ୍ୟଷ୍ଠ ସନ୍ତାନଙ୍କୁ ସ୍ନାନ କରାଯାଇ ନୂତନ ବସ୍ତ୍ର ପିନ୍ଧାଯାଇଥାଏ ।ବନ୍ଦାପନା ପରେ ଜ୍ୟେଷ୍ଠ ସନ୍ତାନ ଷଠୀ ଦେବୀଙ୍କୁ ମୁଣ୍ଡିଆ ମାରିବା ସହିତ ପିତାମାତାଙ୍କୁ ଓ ଗୁରୁଜନଙ୍କୁ ମୁଣ୍ଡିଆ ମାରି ଆଶୀର୍ବାଦ ଭିକ୍ଷା କରନ୍ତି। ପରିବାରର ଜ୍ୟେଷ୍ଠ ପୁତ୍ର ବା ଜ୍ୟେଷ୍ଠା କନ୍ୟାର ନବ ବସ୍ତ୍ର ପରିଧାନ ଓ ବନ୍ଦାପନା ହେବାର ଏହି ବିଶେଷ ବିଧିକୁ ‘ପଢୁଆଁ ହେବା’ କହିଥାନ୍ତି ।

ପରମ୍ପରା ଅନୁଯାୟୀ ଏହି ଦିନ ଜ୍ୟେଷ୍ଠ ସନ୍ତାନ ପିନ୍ଧୁଥିବା ନୂତନ ବସ୍ତ୍ର ମାମୁ ଘରୁ ଆସିଥାଏ, ସେଥିପାଇଁ ମାମୁଁଙ୍କୁ ଶ୍ରଦ୍ଧାରେ ଅଷ୍ଟମୀ ବନ୍ଧୁ ବୋଲି ମଧ୍ୟ କୁହାଯାଏ। ଏଣ୍ଡୁରି ପିଠା ପ୍ରଥମାଷ୍ଟମୀର ବିଶେଷତ୍ୱ। ଏହି ପିଠା ପାଇଁ ହଳଦୀପତ୍ର ବ୍ୟବହାର ମଧ୍ୟ ଅନ୍ୟ ଏକ ବିଶେଷତ୍ୱ। ଅନ୍ୟ କୌଣସି ପିଠାରେ ହଳଦୀ ପତ୍ର ବ୍ୟବହୃତ ହୁଏ ନାହିଁ। କେବଳ ପ୍ରଥମାଷ୍ଟମୀ ଉପଲକ୍ଷେ ଏଣ୍ଡୁରି ପିଠାରେ ହଳଦୀପତ୍ରର ବ୍ୟବହାର କରିବାର ପରମ୍ପରା ରହିଛି।
ଅସଲି ଶିବସେନାର ଯୁଦ୍ଧ, ଉଦ୍ଧବ ନଚେତ ସିନ୍ଦେ

ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଭୋଟ୍ ଗଣନା ଶନିବାର ସକାଳ ୮ ଟାରୁ ଆରମ୍ଭ ହୋଇଯାଇଛି। ଏହି ନିର୍ବାଚନରେ ଶାସକ ଭାରତୀୟ ଜନତା ପାର୍ଟି (ବିଜେପି) ନେତୃତ୍ୱାଧୀନ ସହଯୋଗୀ ଦଳ ଏବଂ କ୍ଷମତାକୁ ଫେରିବାକୁ ଚେଷ୍ଟା କରୁଥିବା ମହା ବିକାଶ ଆଗାଡି (MVA) ମଧ୍ୟରେ ଚାଲିଥିବା ପ୍ରତିଯୋଗିତାର ଫଳାଫଳ ଉପରେ ସମସ୍ତଙ୍କ ନଜର ରହିଛି। ପ୍ରାରମ୍ଭିକ ଧାରାରେ,ମହାୟୁତି ଅଗ୍ରଣୀ ଗତିରେ ଆଗେଇ ଚାଲିଛି | ୱର୍ଲି ଆସନରୁ ଶିବସେନା (ୟୁବିଟି) ପ୍ରାର୍ଥୀ ଆଦିତ୍ୟ ଠାକରେ ଅଗ୍ରଣୀ ଅଛନ୍ତି। ଯେଉଁଠାରେ ଏକନାଥ ସିନ୍ଦେ କୋପ୍ରି-ପାଚପାଖଡି ଆସନରୁ ଆଗୁଆ ଅଛନ୍ତି।

ଏକନାଥ ସିନ୍ଦେ ବନାମ ଉଦ୍ଧବ ଠାକରେ, କିଏ ଜିତିବ ଯୁଦ୍ଧରେ?

ବିଧାନସଭା ଆସନ ଶିବସେନା ଶିବସେନା (UBT) ଫଳାଫଳ |
ବାଇକୁଲ୍ଲା ୟାମିନୀ ଯାଦବ ମନୋଜ କାମସୁଟକର
ୱର୍ଲି ମିଲିନ୍ଦ ଦେଓରା ଆଦିତ୍ୟ ଠାକରେ ଆଦିତ୍ୟ ଠାକରେ
ମହୀମ ସଦା ଶ୍ରବଣକର ମହେଶ ସାୱନ୍ତ
ଯୋଗେଶ୍ୱରୀ ପୂର୍ବ ମନୀଷ ୱାକର ଅନନ୍ତ ନର ମନୀଷ ୱାକର ଆଗରେ
ମାଗଥାନେ ପ୍ରକାଶ ସର୍ଭେ ଉଦେଶ ପାଟେକର ପ୍ରକାଶ ସର୍ଭେ ଆଗରେ
କୁର୍ଲା ମଙ୍ଗେଶ କୁଦାଲକର ପ୍ରବୀନା ମୋଜକର ମଙ୍ଗେଶ କୁଦାଲକର ଆଗରେ
ଭିକ୍ରୋଲି ସୁଭର୍ନା କରଣଜେ ସୁନୀଲ ରାଉତ ସୁନୀଲ ରାଉତ ଆଗରେ
ଦିନ୍ଦୋଶୀ ସଞ୍ଜୟ ନିରୁପମ୍ ସୁନୀଲ ପ୍ରଭାସ ସଞ୍ଜୟ ନିରୁପମ୍ ଆଗରେ
ଚେମ୍ବୁର ଟୁକାରାମ ପ୍ରକାଶ ଫାଟଫେକର ପ୍ରକାଶ ଫାଟଫେକର ଆଗରେ
ଆଣ୍ଡେରି ଇଷ୍ଟ ମୁର୍ଜି ପଟେଲ ରୁତୁଜା ଲଟକେ ମୁର୍ଜି ପଟେଲ ଆଗରେ
ଭଣ୍ଡୁପ ଅଶୋକ ପାଟିଲ ରମେଶ କୋରାଗାଓଁକର
ଶିବରୀ NA ଅଜୟ ଚୌଧରୀ
କୋପ୍ରି-ପାଚପାଖଡି ଏକନାଥ ସିନ୍ଦେ କେଦାର ଦିଗେ ଏକନାଥ ସିନ୍ଦେ ଆଗରେ

ଅମ୍ବରନାଥ ବାଲାଜୀ କିନିକର ରାଜେଶ ୱାନକେଡେ ବାଲାଜୀ କିନିକର ଆଗରେ
କଲ୍ୟାଣ ପଶ୍ଚିମ ବିଶ୍ୱନାଥ ଭୋଇର ସଚିନ ଭାସେର୍ ବିଶ୍ୱନାଥ ଭୋଇର ଆଗରେ
ଭବନ୍ଦୀ ଗ୍ରାମୀଣ ଶାନ୍ତାରାମ ମୋରେ ମହାଦେବ ଘଟଲ ଶାନ୍ତାରାମ ଆଗରେ
କଲ୍ୟାଣ ଗ୍ରାମୀଣ ରାଜେଶ ମୋରେ ସୁଭାଷ ଭୋଇର ରାଜେଶ ମୋରେ ଆଗରେ
ଓଭାଲା-ମାଜିୱାଡା ପ୍ରତାପ ସାରନାଇକ ନରେଶ ମନେରା
ବଦଳିଲା ସରକାର, ବଦଳିନାହିଁ ପୋଲିସର ବ୍ୟବହାର ଓ ଆଚରଣ, ଯଥା ପୂର୍ଵମ ତଥା ପରଂ…

ପରିବର୍ତ୍ତନ ହେଲା ସରକାର, ହେଲେ ପରିବର୍ତ୍ତନ ହେଲାନି ପୋଲିସର ବ୍ୟବହାର ଓ ନ୍ୟାୟ ଦେବାର ପ୍ରଣାଳୀ । ଅଭିଯୋଗ ହେଉଛି, ବିଜେପି ସରକାରଙ୍କ ‘ଜିରୋ କାଜୁଆଲିଟି’ ରେ ପୋଲିସ ବାବୁ ଗରିବ ଅସହାୟ ବିଧବା ମହିଳାଙ୍କୁ ନ୍ୟାୟ ଦେଇପାରୁନି… ନ୍ୟାୟ ଦେବା ତ ଦୂରର କଥା, ଠିକ ସମୟରେ ଅଭିଯୋଗ ପଞ୍ଜିକରଣ ମଧ୍ୟ କରାଯାଉନାହିଁ । ଏଭଳି ଘଟଣା ଘଟିଛି ମହାକାଳପଡ଼ା ବ୍ଲକ ତନ୍ତିଆପାଳ ସାମୁଦ୍ରିକ ଥାନାରେ ଯେଉଁଠି ବିଜେପିର ଜଣେ ଦକ୍ଷ ତଥା ସାଧାରଣ ଲୋକଙ୍କୁ ନ୍ୟାୟ ଦେଉଥିବା ବିଧାୟକ ଦୁର୍ଗା ପ୍ରସନ୍ନ ନାୟକ ଜନତାଙ୍କ ପ୍ରତିନିଧି ଭାବେ ବିଜୟଲାଭ କରିଛନ୍ତି ।

ପେଟ ପୋଷିବା ପାଇଁ ରତନପୁର ଗ୍ରାମ ବିଦ୍ୟାଳୟରେ ପାଚିକା ଭାବେ କାମ କରୁଥିବା ଗରିବ ବିଧବା ମହିଳା ଅଞ୍ଜଳି ସାହୁ ସେହି ଗ୍ରାମର ସରକାରୀ ଶିକ୍ଷକ ବୃନ୍ଦାବନ ନାୟକ ଏବଂ ତାଙ୍କ ସାଥୀଙ୍କ ବିରୁଦ୍ଧରେ ଆଣିଛନ୍ତି ସଂଘାତିକ ଅଭିଯୋଗ । ଅଞ୍ଜଳି ଅଭିଯୋଗ କରିଛନ୍ତି ବୃନ୍ଦାବନ ନାୟକ ଏବଂ ତାଙ୍କ ସାଥି ତାଙ୍କୁ ଦୁର୍ବ୍ୟବହାର କରିବା ସହିତ ଜୀବନରୁ ମାରିଦେବାକୁ ଧମକ ଦେଇଥିଲେ । ଯେଉଁ ଘଟଣାକୁ ନେଇ ତନ୍ତିଆପାଳ ସାମୁଦ୍ରିକ ଥାନାରେ ଗତ ମାସ ୫ ତାରିଖରେ ଅଭିଯୋଗ କରିଥିଲେ, କିନ୍ତୁ ଆସାମୀଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା ପୋଲିସ । ପୋଲିସ ତରଫରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯିବାରୁ, ଆସାମୀମାନେ ପୁଣିଥରେ ଅଞ୍ଜଳିଙ୍କୁ ଦୁର୍ବ୍ୟବହାର କରିଥିଲେ । ଆସାମୀମାନଙ୍କ ଦୁର୍ବ୍ୟବହାରରେ ଅତିଷ୍ଟ ହୋଇ, ଅଞ୍ଜଳି ଗତ ୩ ତାରିଖ ଦିନ ସେମାନଙ୍କ ବିରୁଦ୍ଧରେ ଆଉ ଥରେ ଅଭିଯୋଗ କରିଥିଲେ । କିନ୍ତୁ ଅଭିଯୋଗର ୨୦ ଦିନ ବିତିଯାଇଥିଲେ ସୁଦ୍ଧା, ସାମୁଦ୍ରିକ ଥାନାର ଅଧିକାରୀ ସଂଜୟ କୁମାର ଜେନା ଅପର ପକ୍ଷଠାରୁ ଟଙ୍କା ଖାଇ ଆସାମୀଙ୍କୁ ଧରିବା ତ ଦୂରର କଥା ଉକ୍ତ ଅଭିଯୋଗକୁ ପଞ୍ଜିକୃତ ମଧ୍ୟ କରିନାହାଁନ୍ତି ବୋଲି କହିଛନ୍ତି ଅଞ୍ଜଳି ।

ସାମୁଦ୍ରିକ ଥାନା ଅଧିକାରୀ ସଂଜୟ କୁମାର ଜେନା କେବଳ ଆଜିକାଲି କହି ସମୟ ଅତିକ୍ରାନ୍ତ କରିବା ସହ ଘଟଣାର ତଦନ୍ତପରେ କେସ କରିବାକୁ କହୁଥିବାରୁ, ଆଜି ସକାଳୁ ଥାନା ଆଗରେ ଅଖିଆ ଅପିଆ ବସିରହି ନ୍ୟାୟ ପାଇଁ ଲୁହ ଗଡାଉଛନ୍ତି ଅଞ୍ଜଳି । ତେବେ ବିଧାୟକ ଦୁର୍ଗା ପ୍ରସନ୍ନ ନାୟକ ଅଞ୍ଜଳି ସାହୁଙ୍କୁ କେବେ ନ୍ୟାୟ ପ୍ରଦାନ କରୁଛନ୍ତି ତାହା ଦେଖିବାକୁ ବାକି ରହିଲା ।
କୋରେଇ ବିଧାୟକଙ୍କ ଦ୍ୱାରା ନୂତନ ରାଜସ୍ବ ନିରୀକ୍ଷକଙ୍କ ଅଫିସ ଗୃହର ଶୁଭ ଭିତ୍ତିପ୍ରସ୍ତର ସ୍ଥାପନ

ଯାଜପୁର ଜିଲ୍ଲା କୋରେଇ ନିର୍ବାଚନ ମଣ୍ଡଳୀ ତଳଗଡ଼ ପଂଚାୟତରେ ବହୁ ଦିନ ହେଲା ଲାଗୀ ରହିଥିବା ଜମି ବାଡି ସମସ୍ୟାର ସମାଧାନ ପାଇଁ ବିଧାୟକ ଆକାଶ ଦାସ ନାୟକଙ୍କ କରକମଳରେ ଏକ ନୂତନ ରାଜସ୍ବ ନିରୀକ୍ଷକଙ୍କ ଅଫିସ ଗୃହର ଶୁଭ ଭିତ୍ତିପ୍ରସ୍ତର ସ୍ଥାପନ ହୋଇଯାଇଛି । ଏକ କୋଟି ସତେଇଶି ଲକ୍ଷ୍ୟ ଟଙ୍କା ବେୟରେ ନିର୍ମିତ ହେବାକୁ ଥିବା ଏଇ ଗୃହଟି ଟେଣ୍ଡର ହୋଇଥିବା ଉଦୟଭାନୁ ପତିଙ୍କ ଦ୍ଵାରା ନିର୍ମାଣ କାର୍ଯ୍ୟ ଆରମ୍ଭ ହେବ ବୋଲି ବିଧାୟକ କହିଛନ୍ତି। ଦୀର୍ଘ ଦିନ ଧରୀ ତଳଗଡ଼ ପଂଚାୟତ ବାସି ଜମି ଜମା ନେଇ ନାନା ଅସୁବିଧାରେ ସମ୍ମୁଖୀନ ହେଉଥିଲେ। ଆଗରୁ ପଛି କୋଟ ଆରାଇ ଅଧୀନ ରେ ଥିବା ବେଳେ ଆଗକୁ ସେମାନେ ତଳଗଡ଼ ଆରାଇ ଅଧୀନ ରେ ସମସ୍ତ ଜମି ଜମା କାର୍ଯ୍ୟ କରିବେ ବୋଲି ବିଧାୟକ କହିଥିଲେ। ଏହି କାର୍ଯ୍ୟକ୍ରମରେ ଗ୍ରାମ୍ୟ ଉନ୍ନୟନ ବିଭାଗର ଅଧିକ୍ଷଣ ଯନ୍ତ୍ରୀ ଓ ନିର୍ବାହୀ ଯନ୍ତ୍ରୀ ପ୍ରମୁଖ ଉପସ୍ଥିତ ରହି କାର୍ଯ୍ୟର ଶୈଳୀ ବିଷୟରେ ବିଧାୟକଙ୍କୁ ଅବଗତ କରାଇଥିଲେ । ବିଧାୟକଙ୍କ ଏହି କାର୍ଯ୍ୟ ପାଇଁ ତଳଗଡ଼ ପଞ୍ଚାୟତ ବାସୀ ବିଧାୟକ ଙ୍କୁ ଧନ୍ୟବାଦ ଦେଇଥିଲେ
ଜାନୁଆରୀ ୭ରୁ ଧାନ କିଣା,ଅବହେଳା ହେଲେ ଦୃଢ କାର୍ଯ୍ୟାନୁଷ୍ଠାନ: ଉପ ମୁଖ୍ୟମନ୍ତ୍ରୀ

୨୦୨୪-୨୫ ଖରିଫ ଧାନ ସଂଗ୍ରହ ଜାନୁଆରୀ ୭ ତାରିଖ ରୁ ଶୁଭାରମ୍ଭ ହେବ ଓ ବିଭିନ୍ନ ବ୍ଲକରେ ଧାନ ଅମଳକୁ ଦେଖି ଭିନ୍ନ ଭିନ୍ନ ତାରିଖ ରେ ସଂଗ୍ରହ ପାଇଁ ସର୍ବସମ୍ମତ କ୍ରମେ ସ୍ଥିର କରାଯାଇଛି ।

ଧାନ ବିକ୍ରୀ ସମୟରେ ଯେଭଳି କୌଣସି ଚାଷୀ ହଇରାଣ ନ ହୁଏ ଓ ଅବହେଳାର ଶୀକାର ନ ହୁଏ ତାହା ଦେଖିବା ଆମ ସମସ୍ତଙ୍କ ଦାୟିତ୍ୱ ଏବଂ କୌଣସି କ୍ଷେତ୍ରରେ ଅବହେଳା ବା ଅନିୟମିତତା କୁ ବରଦାସ୍ତ କରାଯିବ ନାହିଁ ବୋଲି କଡା ଚେତାବନୀ ଦେଇଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। ମଙ୍ଗଳବାର ଅପରାହ୍ନରେ ସର୍କିଟ ହାଉସ ଠାରେ ଅନୁଷ୍ଠିତ ଜିଲ୍ଲା ସ୍ତରୀୟ ଧାନ ସଂଗ୍ରହ କମିଟି ବୈଠକରେ ଯୋଗ ଦେଇ ଉପ-ମୁଖ୍ୟମନ୍ତ୍ରୀ କହିଥିଲେ ଯେ ଚଳିତ ବର୍ଷ ସରକାର ଧାନର ସହାୟକ ମୂଲ୍ୟକୁ ଛାଡି କୁଇଣ୍ଟାଲ ପିଛା ଅତିରିକ୍ତ ୮୦୦ ଟଙ୍କା ଚାଷୀଙ୍କୁ ପ୍ରଦାନ କରିବେ । ଚଳିତ ବର୍ଷ ଚାଷୀ ଧାନ ବିକ୍ରି କରି କୁଇଣ୍ଟାଲ୍ ପିଛା ୩,୧୦୦ ଟଙ୍କା ପାଇବେ ଓ ଧାର୍ଯ୍ୟ କରାଯାଇଥିବା ଶତକଡା ଶହେ ଭାଗ ଧାନ କ୍ରୟ କରାଯିବ ।

ବୈଠକରେ ପିପିଲି ବିଧାୟକ ଆଶ୍ରିତ ପଟ୍ଟନାୟକ ଓ ସତ୍ୟବାଦୀ ବିଧାୟକ ଓମ ପ୍ରକାଶ ମିଶ୍ର ଯୋଗ ଦେଇ ଚାଷୀ ମାନଙ୍କ ଧାନ ସଂଗ୍ରହକୁ ସୁନିୟନ୍ତ୍ରିତ ଓ ସରକାରଙ୍କ ମାର୍ଗଦର୍ଶିକା ଆଧାରରେ ଶୃଙ୍ଖଳିତ ଭାବେ କ୍ରୟ କରିବାକୁ ମତ ଦେବା ସହ ସମସ୍ତ ମଣ୍ଡିରେ ଚାଷୀ ମାନଙ୍କ ପାଇଁ ସର୍ବନିମ୍ନ ସୁବିଧା ବ୍ୟବସ୍ଥା କରିବାକୁ ପରାମର୍ଶ ଦେଇଥିଲେ। ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ଏଥିରେ ଅଧ୍ୟକ୍ଷତା କରିବା ସହ ଧାନ ସଂଗ୍ରହ କୁ ସରକାରୀ ନିୟମ ଅନୁସାରେ ସଂଗ୍ରହ ପାଇଁ ସମସ୍ତ ବ୍ୟବସ୍ଥା କରିବାକୁ ଦାୟିତ୍ୱ ରେ ଥିବା ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ।ଧାନ ସଂଗ୍ରହ ପୂର୍ବରୁ ବ୍ୟାପକ ଜନ ସଚେତନତା ସହ ଚଳିତ ବର୍ଷ ଧାର୍ଯ୍ୟ ଲକ୍ଷ୍ୟର ଶତକଡ଼ା ଶହେ ଭାଗ ଧାନ ସଂଗ୍ରହ ହେବା ସମ୍ପର୍କରେ ଅବଗତ କରାଇବାକୁ ପରାମର୍ଶ ଦେଇଥିଲେ। କୌଣସି ବି କ୍ଷେତ୍ରରେ ଅନିୟମିତତା ବା ବିଶୃଙ୍ଖଳା କୁ ବରଦାସ୍ତ କରାଯିବ ନାହିଁ ବୋଲି ଜିଲ୍ଲାପାଳ କହିଥିଲେ।ଜିଲ୍ଲା ଯୋଗାଣ ଅଧିକାରୀ ସୁବୋଧ ହୋତା ସମସ୍ତ ଙ୍କୁ ସ୍ୱାଗତ କରିବା ସହ ଆଲୋଚନା କରିଥିଲେ।

୨୦୨୪-୨୫ ରେ ମୋଟ ୪୯,୨୪୦ ଜଣ ଚାଷୀ ପଞିକରଣ କରିଛନ୍ତି । ଖରିଫ ଧାନ ସଂଗ୍ରହ ଜାନୁଆରୀ ୭ ତାରିଖ ରୁ ଶୁଭାରମ୍ଭ ହେବ ଓ ବିଭିନ୍ନ ବ୍ଲକରେ ଧାନ ଅମଳକୁ ଦେଖି ଭିନ୍ନ ଭିନ୍ନ ତାରିଖରେ ସଂଗ୍ରହ ପାଇଁ ସର୍ବସମ୍ମତ କ୍ରମେ ସ୍ଥିର କରାଯାଇଛି । ୨୦୨୩-୨୪ ଖରିଫ ଓ ରବି ଋତୁରେ ୧୩୬୮୧୪.୮୭୫ ମେଟ୍ରିକ ଟନ ଧାନ ସଂଗ୍ରହ ହୋଇ ଥିଲା। ଚଳିତ ଖରିଫ୍ ଋତୁରେ ପ୍ରଥମ ଦଫାରେ ୧୮୭ ଟି ପ୍ୟାକ୍ସ ରେ ୧୧୬୮୬୦.୨୯୪ ମେଟ୍ରିକ ଟନ ଧାନ ସଂଗ୍ରହ ପାଇଁ କରାଯିବ। ଚାଷୀ ମାନଙ୍କ ପାଇଁ ମଣ୍ଡିରେ ଆଶ୍ରୟସ୍ଥଳୀ, ପିଇବା ପାଣି ବ୍ୟବସ୍ଥା ନିଶ୍ଚିତ କରିବା ସହ ନିର୍ଦ୍ଧାରିତ ଦିନରେ ମିଲର ମାନଙ୍କ ଦ୍ୱାରା ଧାନ ଉଠାଣ ସହ ଧାନ ସଂଗ୍ରହ ସଠିକ୍ ଭାବେ କରିବାକୁ ଚାଷୀ ପ୍ରତିନିଧିମାନେ ପ୍ରସ୍ତାବ ଦେଇଥିଲେ ଯାହା ଗ୍ରହଣ କରାଯାଇଥିଲା। ଅତିରିକ୍ତ ଜିଲ୍ଲାପାଳ ପ୍ରୋଟୋକଲ ନୀଳମାଧବ ଭୋଇ ଧନ୍ୟବାଦ ଅର୍ପଣ କରିଥିଲେ।

ଏହି ବୈଠକରେ ଉପଜିଲ୍ଲାପାଳ ନୀଳମାଧବ ମାଝୀ, ଡିଆରସିଏସ ସୁନିତା ପତି, ଏଆରସିଏସ ସ୍ବରୂପ କୁମାର କର, ମୁଖ୍ୟ ଜିଲ୍ଲା କୃଷି ଅଧିକାରୀ ପ୍ରଦୀପ କୁମାର ଦାସ, ବିଭିନ୍ନ ବିଭାଗର ଅଧିକାରୀ, ଆର ଏମ ସି ର ସମ୍ପାଦକ, ମିଲର, ଯୋଗାଣ ନିରୀକ୍ଷକ ପ୍ରମୁଖ ଯୋଗ ଦେଇଥିଲେ।
୨ ଡିସେମ୍ବରରୁ ବଲାଙ୍ଗିରରେ ଖରିଫ ଋତୁର ଧାନ କିଣା ଆରମ୍ଭ

ବଲାଙ୍ଗିର ଜିଲ୍ଲାରେ ଖରିଫ‌ ବର୍ଷ ୨୦୨୪ -୨୫ ପାଇଁ ଜିଲାସ୍ତରୀୟ ଧାନ ସଂଗ୍ରହ କମିଟି ବୈଠକ ବୁଧବାର ପୂର୍ବାହ୍ନରେ ଜିଲ୍ଲାପରିଷଦ ସ୍ଥିତ ସମ୍ମିଳନୀ କକ୍ଷଠାରେ ଅନୁଷ୍ଠିତ ହୋଇଛି । ଜିଲ୍ଲାପାଳ ଗୌରୱ ଶୀୱାଜୀ ଈସାଲୱାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ କ୍ୟାବିନେଟ ମନ୍ତ୍ରୀ ଡ଼ ମୁକେଶ ମହାଲିଙ୍ଗ, ବଲାଙ୍ଗିର ଲୋକସଭା ସାଂସଦ ସଙ୍ଗୀତା କୁମାରୀ ସିଂ ଦେଓ, ରାଜ୍ୟସଭା ସାଂସଦ ନିରଞ୍ଜନ ବିଶି, କଣ୍ଟାବାଞ୍ଜି ବିଧାୟକ ଲକ୍ଷଣ ବାଗ , ଟିଟିଲାଗଡ଼ ବିଧାୟକ ନବୀନ ଜୈନ, ଅତିରିକ୍ତ ଜିଲ୍ଲାପାଳ ଡ଼ ବିଜୟାନନ୍ଦ ସେଠୀ , ମୁଖ୍ୟ ନିର୍ବାହୀ ଅଧିକାରୀ ପ୍ରଭାତ ମହାପାତ୍ର , ଜିଲ୍ଲା ଯୋଗାଣ ଅଧିକାରୀ ଶ୍ରୀ ବେଣୁଧର ପାଣିଗ୍ରାହୀ ଉପସ୍ଥିତ ଥିଲେ ।

ଆସନ୍ତା ଡିସେମ୍ବର ୨ ତାରିଖରୁ ପର୍ଯ୍ୟାୟକ୍ରମେ ୯୫,୦୮୭ ପଞ୍ଜୀକୃତ ଚାଷୀ ମାନଙ୍କ ଠାରୁ ୧୭୬ ଗୋଟି ମଣ୍ଡି ମାଧ୍ୟମରେ (୧୫୮ ପେକ୍ସ ଏବଂ ୧୮ ଏସଏଚଜି ) ୩୪,୦୯,୦୭୩ କୁଇଣ୍ଟାଲ ଧାନ ସଂଗ୍ରହ କରାଯିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଜିଲ୍ଲାପାଳ ଚାଷୀମାନଙ୍କ ସୁବିଧା ପାଇଁ ମଣ୍ଡିରେ ପର୍ଯ୍ୟାପ୍ତ ସୁବିଧା, ଶୀଘ୍ର ଧାନ ଉଠିବା ପାଇଁ ନିଆଯାଉଥିବା ପଦକ୍ଷେପ ଓ ଚୋରା ଚାଲାଣ ହେଉଥିବା ଧାନ ଗାଡ଼ିକୁ ଜବତ କରିବା ସହ ଗତଥର ମଣ୍ଡିରେ ଉପୁଜିଥିବା ବିଭିନ୍ନ ସମସ୍ୟାର ପୁନରାବୃତ୍ତି ନଘଟିବା, ଚାଷୀମାନେ ଯେପରି କଟଣି ଛଟଣୀର ଶିକାର ନହେବେ ସେଥିପ୍ରତି ବିଶେଷ ଧ୍ୟାନ ଦେବା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ସମସ୍ତ ମଣ୍ଡି ମାନଙ୍କରେ ଜଣେ ଲେଖାଏ ନୋଡ଼ାଲ ଅଧିକାରୀ ଏବଂ ୪-୫ ଟି ମଣ୍ଡି ରେ ଜଣେ ଲେଖାଏ ସୁପରଭାଇଜିଙ୍ଗ ଅଧିକାରୀ ଙ୍କୁ ଦାୟୀତ୍ବ ଦିଆଯାଇଛି ।

ଝୋଟ ବସ୍ତାର ପର୍ଯ୍ୟାପ୍ତ ଯୋଗାଣ,ମଣ୍ଡିରେ ବିଜୁଳି, ଭିତ୍ତିଭୂମି,ଆଶ୍ରୟ ସ୍ଥଳ,ଟୋକନ୍ ସମୟ ସୀମା, ଓଜନ ମେସିନର ଉପଲବ୍ଧି ଉପରେ ଆଲୋଚନା କରିବା ସହ ଚାଷୀ ପ୍ରତିନିଧି, ମିଲର ତଥା ପ୍ରଶାସନିକ ସହଯୋଗରେ ଚଳିତ ଖରିଫ ଧାନ ସଂଗ୍ରହକୁ ବିନା କୌଣସି ଅସୁବିଧାରେ ସମ୍ପନ୍ନ କରିବାକୁ କହିଥିଲେ । ରାଜ୍ୟ ସରକାରଙ୍କ ନିଷ୍ପତ୍ତିକ୍ରମେ ଚଳିତ ବର୍ଷ ଏଫ୍.ଏ.କ୍ୟୁ ଧାନ ର ସର୍ବନିମ୍ନ ସହାୟକ ମୂଲ୍ୟ ପ୍ରତି କ୍ଵିଣ୍ଟାଲ ପିଛା ୨,୩୦୦/- ଟଙ୍କା ଏବଂ ଗ୍ରେଡ-ଏ ମୂଲ୍ୟ ପ୍ରତି କ୍ଵିଣ୍ଟାଲ ୨୩୨୦/- ଟଙ୍କା ରଖାଯାଇଛି । ଏହାବାଦ ରାଜ୍ୟ ସରକାରଙ୍କ ନିଷ୍ପତ୍ତି ଅନୁଯାୟୀ ସର୍ବନିମ୍ନ ସହାୟକ ମୂଲ୍ୟ ସମେତ ୮୦୦ ଟଙ୍କାର ଅତିରିକ୍ତ ଇନପୁଟ ଆସିଷ୍ଟାନ୍ସ ମଧ୍ୟ ଦିଆଯିବ ଯାହା ସର୍ବମୋଟ ୩,୧୦୦ ଟଙ୍କା ହେବ । ଧାନ ମିଳିବାର ୪୮ ଘଣ୍ଟା ମଧ୍ୟରେ ଯେପରି ଚାଷୀ ଟଙ୍କା ପାଇବ ସେ ବାବଦରେ ମଧ୍ୟ ଧ୍ୟାନ ଦେବାକୁ କହିଥିଲେ ।

ପ୍ରତ୍ୟେକ ଧାନ ମଣ୍ଡିରେ ଗୁଣାତ୍ମକ ମାନ ଯାଞ୍ଚ କରିବା ପାଇଁ ବ୍ୟବସ୍ଥା କରାଯିବ । ଏଥିନିମନ୍ତେ ରେଜିଷ୍ଟର ରଖାଯାଇ ମାନଯାଞ୍ଚ ତଥ୍ୟ ଓ କୃଷକ ମାନଙ୍କ ନାମ ଉଲ୍ଲେଖ ରହିବ । ଏଥିନିମନ୍ତେ ପ୍ରାଥମିକ କୃଷି ସମବାୟ ସମିତି ଓ ନିୟନ୍ତ୍ରଣ ବଜାର କମିଟି ସମ୍ପାଦକ ଆବଶ୍ୟକୀୟ ପଦକ୍ଷେପ ଗ୍ରହଣ କରିବେ । ସଂଗୃହୀତ ଧାନର ମାନ ନିରୀକ୍ଷଣ କରିବା ପାଇଁ ଯନ୍ତ୍ରର ବ୍ୟବହାର କରାଯିବ (ଗ୍ରେନ ଆନାଲାଇଜର ) ଏବଂ ଡିଜିଟାଲ ଆଦ୍ରତା ମାପ ଯନ୍ତ୍ର ଲଗାଯିବ ବୋଲି ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ସୂଚନା ଦେଇଥିଲେ । ଧାନର ଏଫଏକ୍ୟୁ ମାନ ବିଷୟରେ ଚାଷୀଙ୍କୁ ପୂର୍ବରୁ ସଚେତନ କରିବା, ମଣ୍ଡିକୁ ଧାନ ଆସିବାର ଯଥା ସମୟ ପୂର୍ବରୁ ଚାଷୀ ମାନଙ୍କୁ ଟୋକେନ୍ ଦେବା ବ୍ୟବସ୍ଥା କରିବା, କଳାବଜାରୀ ଭଳି ବେଆଇନ କାର୍ଯ୍ୟଗୁଡିକୁ ରୋକିବା ପାଇଁ ବୈଠକରେ ନିଷ୍ପତି ନିଆଯାଇଥିଲା । କୌଣସି ଟୋକନ ଯେପରି କ୍ଷତି ନ ହୁଏ ସେଥିପ୍ରତି ଜିଲ୍ଲାପାଳ ଙ୍କୁ ୭ ଦିନ ଅବଧି ବଢାଇବାକୁ ମଧ୍ୟ କ୍ଷମତା ଦିଆଯାଇଛି । ବାହାର ଜିଲାରୁ କିମ୍ବା ଆନ୍ତରାଜ୍ୟ ଧାନ ବିକ୍ରି ରୋକ ପାଇଁ ଆରକ୍ଷୀ ଅଧିକ୍ଷକ ବିଭିନ୍ନ ସ୍ଥାନରେ ନାକାବନ୍ଦୀ କରିବା ତଥା ସିସିଟିଭି ଦ୍ବାରା ପୋଲିସ ବିଭିନ୍ନ ସ୍ଥାନରେ ଜଗିବ ବୋଲି ସୂଚନା ଦେଇଥିଲେ ।
ହରଡ଼ଘଣାରେ ବାଲି ମାଫିଆ, ଜରିମାନା ବାବଦରେ ଆଦାୟ ହେଲା ଲକ୍ଷାଧିକ ଟଙ୍କା

ବାଲି ମାଫିଆଙ୍କ ଉପରେ କେନ୍ଦ୍ରାପଡ଼ା ଜିଲ୍ଲା ପ୍ରଶାସନଙ୍କ କଡ୍ଡା ଆକ୍ସନ । ଡେରାବିଶ ବ୍ଲକ ଗହଗା ସ୍ଥିତ ଲୁଣା ନଦୀ ପଠା ବାଲି ଘାଟରୁ ବେଆଇନ ଭାବେ ବାଲି ଉଠାଉ ଥିବା ବାଲି ମାଫିଆଙ୍କ ଉପରେ ଚଢ଼ାଉ କରି ପନ୍ଦରଟି ଟ୍ରାକ୍ଟର ଜବତ କରିଛନ୍ତି କେନ୍ଦ୍ରାପଡ଼ା ଖଣି ଅଧିକାରି। ବାରଟି ବାଲି ବୋଝେଇ ଟ୍ରାକ୍ଟର ସମେତ ତିନୋଟି ଖାଲି ଟ୍ରାକ୍ଟରକୁ ମଧ୍ଯ ଜବତ କରାଯାଇଛି। ବାରଟି ବାଲି ବୋଝେଇ ଟ୍ରାକ୍ଟରକୁ ଜବତ କରି ଗୋଟି ପିଛା କୋଡିଏ ହଜାର ଟଙ୍କା ଲେଖାଏଁ ଜୋରିମାନା ସହ ତିନି ଖାଲି ଟ୍ରାକ୍ଟର ଙ୍କୁ ପନ୍ଦର ହଜାର ଜରିମାନା କର।ଯାଇଛି । ମୋଟ ଦୁଇ ଲକ୍ଷ୍ୟରୁ ଉର୍ଦ୍ଧ ଟଙ୍କା ଜୋରିମାନା ଆଦାୟ କରାଯାଇଥିବା ସୂଚନାମିଳିଛି । ମିଳିଥିବା ସୂଚନା ଅନୁଯାୟୀ ବେଆଇନ ଭାବେ ଲୁଣ ନଦୀ ପଠାରୁ ବାଲି ଚୋରା ଚାଲାଣ କରାଯାଉଥିବା ବେଳେ ଡେରାବିଶ ବ୍ଲକ ପ୍ରଶାସନ, ପୋଲିସ ଓ ଖଣି ଅଧିକାରୀ ମିଳିତ ଭାବେ ଚଢ଼ାଉ କରିଥିଲେ । ଡେରାବିଶ, ମାର୍ଶାଘାଇ ଓ ଗରଦପୂର ଅଞ୍ଚଳ ରେ ବାଲି ମାଫିଆଙ୍କ ଉତ୍ପାତ ବଢ଼ି ଚାଲିଥିବାବେଳେ ପ୍ରଶାସନ ତତ୍ପରତା ଦେଖାଇ ବାଲି ମାଫିଆଙ୍କ ଚୋରା ଓ ବେଆଇନ ବାଲି ଚାଲାଣ ଉପରେ ରୋକ ଲଗାଇବାପାଇଁ କାର୍ଯ୍ୟନୁଷ୍ଠାନ ନେବା ଆରମ୍ଭ କରିଛନ୍ତି ।
ବମ୍ପର ଭୋଟିଂ ରେ ଉତ୍ସାହିତ ଦେବେନ୍ଦ୍ର ଫଡନାଭିସ୍ ଆରଏସଏସ ମୁଖ୍ୟ ମୋହନ ଭଗବତଙ୍କୁ କରିଛନ୍ତି ସାକ୍ଷାତ, ବିଜୟ ସମ୍ବନ୍ଧରେ କଲେ ଏହି ଘୋଷଣା

ଅବଶ୍ୟ ମହାରାଷ୍ଟ୍ର ବିଧାନସଭା ନିର୍ବାଚନର ଫଳାଫଳ ନଭେମ୍ବର ୨୩ ରେ ଆସିବ, କିନ୍ତୁ ରାଜ୍ୟରେ ରାଜନୈତିକ ଉଷ୍ମତା ଏବେଠାରୁ ଜୋର ଧରିଲାଣି । ସମସ୍ତ ଏକଜିଟ୍ ସର୍ଭେରେ ବିଜେପି ନେତୃତ୍ୱାଧୀନ ମହାୟୁତି ସହଯୋଗୀ ଦଳକୁ ସଂଖ୍ୟାଗରିଷ୍ଠତା ପ୍ରଦାନ କରାଯାଇଛି। ଏସବୁ ମଧ୍ୟରେ ବରିଷ୍ଠ ବିଜେପି ନେତା ତଥା ଡେପୁଟି ସିଏମ ଦେବେନ୍ଦ୍ର ପଦ୍ନାଭିସ୍ ଗୁରୁବାର (୨୧ ନଭେମ୍ବର ୨୦୨୪) ଆରଏସଏସ ମୁଖ୍ୟ ମୋହନ ଭଗବତଙ୍କୁ ସାକ୍ଷାତ କରିବାକୁ ପହଁଚିଥିଲେ। ଏହି ମିଳନରୁ ଅନେକ ରାଜନୈତିକ ଅର୍ଥ କଢ଼ା ଯାଉଛି |

ବାସ୍ତବରେ ରାଜ୍ୟରେ ଅଧିକ ଭୋଟିଂ ହୋଇଥିବା ନେଇ ବିଜେପି ଉତ୍ସାହିତ ଅଛି। ବୁଧବାର (୨୦ ନଭେମ୍ବର ୨୦୨୪) ନିଜେ ଫଡନାଭିସ୍ କହିଥିଲେ ଯେ ଭୋଟ୍ ବୃଦ୍ଧିରେ ସେ କେବଳ ଉପକୃତ ହେବେ। ବିଜେପି ଏବଂ ମହାଯୁତି ପୁଣିଥରେ ଜନସାଧାରଣଙ୍କ ଆଶୀର୍ବାଦ ପାଇବେ। ଆପଣଙ୍କୁ କହିରଖୁଛୁ ଯେ ଏଥର ମହାରାଷ୍ଟ୍ରରେ ଭୋଟ୍ ହାର ୬୫ ପ୍ରତିଶତରୁ ଅଧିକ ହୋଇଛି।