Tag: #suchana news

ରାଉରକେଲା ସେକ୍ଟର-୪ ରେ ପିସ୍ତଲ ସହ କାର ଜବତ, ଯୁବକ ଅଟକ

ସ୍ମାର୍ଟସିଟି ରାଉରକେଲାରେ ଦିନକୁ ଦିନ ବଢ଼ିଚାଲିଛି ଅପରାଧ । ଏବେ ସହରର ବିଭିନ୍ନ ସ୍ଥାନରେ ବନ୍ଧୁକ କାରବାର ମଧ୍ୟ ବଢ଼ିଲାଣି । ବିଶ୍ଵସ୍ତ ସୂତ୍ରରୁ ଖବର ପାଇ ଡିଏସପିଙ୍କ ନିର୍ଦ୍ଦେଶରେ ଏସ ଆଇ ରବିନ୍ଦ୍ର ଭୁଏ ଏକ ଟିମ ସହିତ ସେକ୍ଟର – ୪ ସ୍ଥିତ ହନୁମାନ ମନ୍ଦିର ନିକଟରେ ଛିଡ଼ା ହୋଇଥିବା ଏକ ଗାଡିକୁ ଯାଞ୍ଚ କରିଥିଲେ । ଗାଡି ଭିତରୁ ମିଳିଥିବା ଗୁଳି ଭର୍ତ୍ତି ପିସ୍ତଲ ସହ ଦୁଇ ଯୁବକଙ୍କୁ ଗିରଫ କରିବା ସହ କାରକୁ ମଧ୍ୟ ଜବତ କରିଥିଲେ ଭୁଏ । ଗିରଫ ଅଭିଯୁକ୍ତମାନେ ବିକି ଚୌଧୁରୀ ଏବଂ ସୁମିତ ରଞ୍ଜନ ରାଉତ ବୋଲି ଜଣାପଡିଛି । ଏ ନେଇ ସେକ୍ଟର-୩ ଥାନାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଡିଏସ୍‌ପି ପୁଷ୍ପାଞ୍ଜଳି ନିଙ୍ଗୀ ଏବଂ ଥାନା ଅଧିକାରୀ ପ୍ରତିଭା ମଞ୍ଜରୀ ସାହୁ ସୂଚନା ଦେଇଛନ୍ତି। ପୋଲିଶ ସେମାନଙ୍କୁ ପଚାରିବାରୁ ସଠିକ ଉତ୍ତର ଦେଇ ନ ପାରିବାରୁ ଉଭୟଙ୍କ ପ୍ରାଥମିକ ଯାଞ୍ଚ ପରେ ସେମାନଙ୍କୁ ଜେଲକୁ ପଠାଇ ଦିଆଯାଇଛି | ଏହି ଘଟଣାକୁ ନେଇ ସହରରେ କଡାକଡି ଯାଞ୍ଚ ଚାଲିଛି । କେହି ବି ସନ୍ଦିଗ୍ଧ ଧରାପଡିଲେ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିଏସପି କହିଛନ୍ତି ।
ଧାର ଦେଇଥିବା ଟଙ୍କା ମାଗିବାରୁ ବନ୍ଧୁକ ଦେଖାଇ ଧମକ

ଠିକାଦାର କାମ କରିବାକୁ ଟଙ୍କା ଲେଣଦେଣ ହେବାର ପାଞ୍ଚ ବର୍ଷ ପରେ ମଧ୍ୟ ଟଙ୍କା ସୁଝି ନ ପାରିବାରୁ ହେଲା ବଚସା । ଆଉ ବଚସା ବଢ଼ି ବନ୍ଧୁକ ଦେଖାଇ ଧମକ ଦେବାପର୍ଯ୍ୟନ୍ତ କଥାଗଲା । କିନ୍ତୁ ଘଟଣା ଏତିକିରେ ଶେଷ ହେଲାନାହିଁ, ନ୍ୟାୟ ପାଇଁ ଉଭୟ ପକ୍ଷ ପାଟକୁରା ଥାନାର ଦ୍ୱାରସ୍ତ ହେଲେ । ଘଟଣାଟି ଘଟିଛି ପାଟକୁରା ଥାନା ଅନ୍ତର୍ଗତ ତଳସଙ୍ଗା ଅଞ୍ଚଳରେ।

ତଳସଙ୍ଗାର ରଂଜିତ ନାୟକ ଓ ଜଣେ ସରକାରି ଶିକ୍ଷକ ସୁସାନ୍ତ ପଲେଈ ଗରାପୁର ଅଞ୍ଚଳର ତୁଷାରକାନ୍ତ ପରିଡାଙ୍କଠାରୁ ଠିକାଦାରି କାମ ପାଇଁ ପାଖାପାଖି ୧୨ ଲକ୍ଷ ଟଙ୍କା ଉଧାର ନେଇଥିଲେ । ଉଧାର ଟଙ୍କାରେ ଠିକାଦାରି କାମ ଶେଷ ହୋଇଥିଲା; କିନ୍ତୁ ଟଙ୍କା ଧାର ଦେଇଥିବା ତୁଷାରକାନ୍ତ ପରିଡା ତାଙ୍କ ୧୨ ଲକ୍ଷ୍ ଟଙ୍କା ଫେରସ୍ତ ପାଇନଥିଲେ । ଏହା ଭିତରେ ଟଙ୍କା ଉଧାର ଆଣିବା ଘଟଣାକୁ ୫ ବର୍ଷ ବିତି ଯାଇଥିଲା । ସରକାରୀ ଶିକ୍ଷକ ସୁଶାନ୍ତ ଟଙ୍କା ଫେରେଇଦେବେ ବୋଲି ରଂଜିତ କହିଥିଲେ । କିନ୍ତୁ, ଟଙ୍କା ଫେରସ୍ତ କରିବା ତ ଦୂରର କଥା,ତୁଷାରକାନ୍ତଙ୍କୁ ରଂଜିତ ନାୟକ ଓ ତାଙ୍କ ସହଯୋଗୀ ତାଳସଙ୍ଗାକୁ ଡାକି ବନ୍ଧୁକ ଦେଖାଇ ଧମକ ଦେଇଥିଲେ ।

ଯାହାଫଳରେ, ତୁଷାର ରଂଜିତଙ୍କ ବିରୁଦ୍ଧରେ ମାନ୍ୟବର କୋର୍ଟଙ୍କ ଦ୍ୱାରସ୍ତ ହେବାସହ ପାଟକୁରା ଥାନାରେ ଠକେଇ ଅଭିଯୋଗ କରିଥିଲେ । ଅନ୍ୟପଟେ, ରଂଜିତଙ୍କ ସହଯୋଗୀ ସୁଶାନ୍ତ ପଲେଇ କହିଛନ୍ତି ତାଙ୍କ ସାନଭାଇ କଣ୍ଟ୍ରାକ୍ଟର ହୋଇଥିବାରୁ ଠିକାଦାରୀ କାମ ପାଇଁ ସେ ତୁଷାରକାନ୍ତଙ୍କଠାରୁ ଟଙ୍କା ଆଣିଥିଲେ ଏବଂ ଉକ୍ତ ଟଙ୍କାକୁ ସେ ତୁଷାରଙ୍କୁ ଫେରାଇ ଦେଇଛନ୍ତି । ଏହାସହ, ସୁଶାନ୍ତ ପାଲଟା ଅଭିଯୋଗ କରିଛନ୍ତି ଯେ ଟଙ୍କା ଫେରି ପାଇବାପରେ ତୁଷାର ସେମାନଙ୍କୁ ବ୍ଲାକ ମେଲିଙ୍ଗ କରୁଛନ୍ତି । ତେବେ, ଏ ନେଇ ପାଟକୁରା ପୋଲିସର ପ୍ରତିକ୍ରିୟା ମିଳିପାରିନାହିଁ ।
୫ ମାସ ପୁରିଲା ସୁକେଶ ମଣ୍ଡଳ ହତ୍ୟା, ହେଲେ ପୁଲିସ ହାତ ଖାଲି, ଏବେ ବି ରହସ୍ୟ ଘେରରେ…

ଦିର୍ଘ ୫ ମାସ ପରେ କେଶ ମଣ୍ଡଳର ହତ୍ୟା ଘଟଣା ଉପରୁ ପରଦା ହଟାଇ ପାରିଲାନି ପୁଲିସ । କେତେ ଅସହାୟ ପୁଲିସ ବିଭାଗ । ପାରାଦ୍ଵୀପ ଆଦର୍ଶ ଥାନାର କାର୍ଯ୍ୟରତ ପିସିଆର ଭ୍ୟାନ ଡ୍ରାଇଭର ସୁକେଶ ମଣ୍ଡଳର ହତ୍ୟା ଘଟଣା କୁ ବିତଛି ୫ ମାସ । ହେଲେ ପୁଲିସ ହାତ ଖାଲି ।ଏଘଟଣାରେ ପୁଲିସ ପ୍ରଥମେ ନିଖୋଜ ପରେ ହତ୍ୟା, ମାମଲା ରୁଜ୍ଜୁ କରିଥିଲେ ମଧ୍ୟ ମାତ୍ର ପୋଲିସ ଏପର୍ଯ୍ୟନ୍ତ ଏହି ଘଟଣାର ରହସ୍ୟ ଖୋଲିବାରେ ବିଫଳ ହୋଇଛି। ଯାହାକୁ ନେଇ ଆଜି ସନ୍ଧ୍ୟାରେ ପିସିସି ଜେନେରାଲ ସେକ୍ରେଟାରୀ ନିରଞ୍ଜନ ନାୟକ ଙ୍କ ନେତୃତ୍ବରେ ପାରାଦ୍ଵୀପ ନଗର କଂଗ୍ରେସ ପକ୍ଷରୁ ଏକ ବିଶାଳ ରାଲି କରାଯିବା ସହିତ ଥାନା ସମ୍ମୁଖରେ ଧାରଣା ଦିଆଯାଇଥିଲା। ପୋଲିସ ସମ୍ପୃକ୍ତ କମ୍ପାନୀ ଅଧିକାରୀ ଙ୍କୁ ଘଣ୍ଟ ଘୋଡାଇବା ସହିତ ନିଜ ପିସିଆର ଭ୍ୟାନ ଡ୍ରାଇଭର କୁ ନ୍ୟାୟ ଦେବାରେ ପଛଘୁଞ୍ଚା ଦେଉଛି ବୋଲି କଂଗ୍ରେସ ଅଭିଯୋଗ କରିଛି।

ମିଳିଥିବା ସୂଚନା ଅନୁସାରେ ଅଗଷ୍ଟ ୨୦ ତାରିଖରେ ସୁକେଶ ଘରୁ ଥାନାକୁ ଆସିଥିଲେ ପିସିଆର ଚଲାଇବା ପାଇଁ, କିନ୍ତୁ ଆଉ ଘରକୁ ଫେରି ନଥିଲେ । ୨୧ ତାରିଖରେ ସୁକେଶ ଙ୍କ ବାପା ଆଦର୍ଶ ଥାନା ରେ ପୁଅ ନିଖୋଜ ନେଇ ଏତଲା ଦେଇଥିଲେ । ମାତ୍ର ପୋଲିସ କୌଣସି ତତ୍ପରତା ଦେଖାଇ ନଥିଲେ। ୩୧ ତାରିଖ ଅର୍ଥାତ ଘଟଣାର ୧୦ ଦିନ ପରେ ଜେବି କଲୋନୀ ନିକଟରୁ ସୁରେଶଙ୍କ ଗଳିତ ଶବ ଉଦ୍ଧାର ହୋଇଥିଲା। ଯାହାକୁ ନେଇ ପରିବାର ବର୍ଗଙ୍କ ଏତଲା ଅତଲା ଅଧାରେ ପୁଲିସ ହତ୍ୟା ମାମଲା ରୁଜ୍ଜୁ କରିଥିଲା । ହେଲେ ତଦନ୍ତରେ ଅଗ୍ରଗତି ହୋଇନଥିଲ। । ସୁକେଶଙ୍କ ମୃତ୍ୟୁର କିଛି ଦିନ ପୂର୍ବରୁ ପାରାଦ୍ଵୀପ ବନ୍ଦର ରେ କାର୍ଯ୍ୟରତ ରାଧା କମ୍ପାନୀ ର ଦୁଇଜଣ କର୍ମଚାରୀଙ୍କ ସହ ଅଗଷ୍ଟ ୧୬ ତାରିଖରେ ଗଣ୍ଡଗୋଳ ହୋଇଥିଲା । ସେମାନେ ସୁକେଶ ଙ୍କୁ ପ୍ରବଳ ମାଡ଼ ମାରିଥିବା ଅଭିଯୋଗ ହେବା ସହିତ ସେହିମାନେ ହିଁ ଏହି ହତ୍ୟାକାଣ୍ଡ ଘଟାଇଥିବା ସୁକେଶଙ୍କ ବାପା ଅଭିଯୁକ୍ତଙ୍କୁ ଗିରଫ କରିବାକୁ ଦାବି କରିଥିଲେ ।ହେଲେ ଫଳ ଶୂନ । ତେବେ ଏହି ଘଟଣାରେ ପୋଲିସ ଅ।ଖି ଦୃଶିଅ। ପଦକ୍ଷପ ଗ୍ରହଣ ନକରେ ,କଂଗ୍ରେସ ଆନ୍ଦୋଳନକୁ ଆହୁରି ତିବ୍ରତର କରିବ ବୋଲି ଚେତାବନୀ ଦେଇଛି ।
ପୋକ ସାଲୁ-ବାଲୁ ଛତୁଆ ଖାଇବ କିଏ,ଛୋଟ ପିଲା ନାଁ ଗର୍ଭବତୀ ମହିଳା ?

ପୁଣି ଖୋର୍ଦ୍ଧା ଜିଲ୍ଲା ରେ ପୋକ ସାଲୁବାଲୁ ଛତୁଆ ଓ ଚଣା ଖଜା ବଣ୍ଟନ । ଚିଲିକା ବ୍ଲକ ଅନ୍ତର୍ଗତ କୁମାଣ୍ଡୋଳ ସ୍ଥିତ ଦତ୍ତପୁର ଅଙ୍ଗନବାଡି ପକ୍ଷରୁ କୋମଳମତି ଶିଶୁ ,ପ୍ରସୂତୀ ଓ କୋଶରୀଙ୍କୁ ବଣ୍ଟନ ହୋଇଥିବା ଛତୁଆ ଓ ଚଣା ଖଜାରେ ପୋକ ବାହାରୁ ଥିବା ନେଇ ଅଭିଯୋଗ ହୋଇଛି । ତେବେ ପ୍ରସୂତୀଙ୍କୁ ଖାଦ୍ୟ ନାଁରେ ଅଖାଦ୍ୟ ଦିଆଯାଉଛି ଏହାକୁ ଥରେ ଆଖି ପୁରାଇ ଦେଖିନିଅନ୍ତୁ । ଦର୍ଶକ ବନ୍ଧୁ ଅ।ପଣ ଦେଖୂଥିବା ପୋକ ସାଲୁ ବାଲୁ ଅଖାଦ୍ୟ କୁ ଖାଇବ କିଏ ,ଛୋଟ ପିଲା ନାଁ ଗର୍ଭବତୀ ମହିଳା । ଏହି ପୋକ ଶାଲୁବାଲୁ ଖାଦ୍ୟ କୁ ନେଇ ଏବେ ହଟଚମଟ ସୃଷ୍ଟି ହୋଇଥିବା ବେଳେ ନିଜ ଦୋଷ ଦୃର୍ବଳତା ପଦାରେ ନ ପଡିବାପାଇଁ ଲୁଚକାଳି ଖେଳ ଖେଲୂଛନ୍ତୋ ଅଧୀକରୀ । ତେବେ ଦାୟୀ କିଏ ଯୋଗାଣ ସଂସ୍ଥା ନା ଅଙ୍ଗନବାଡି ୱାର୍କର ।

ଏଘଟଣାର ତଦନ୍ତ କରୁନାହାନ୍ତି ସମନ୍ବିତ ଶିଶୁ ବିକାଶ ଅଧୀକାରୀ । ତେବେ ଏନେଇ ଅଙ୍ଗନବାଡିର ୱାର୍କର ଙ୍କୁ ଫୋନ ଯୋଗେ ପଚାରିବାରେ ସେକହିଥିଲେ ଆମକୁ ଯାହା ମିଳୁଛି ଆମେ ବାଣ୍ଟି ଦେଉଛୁ । ଆମେ କଣ ପ୍ୟାକେଟ ଖୋଲି ଦେଖୁଛୁ କି ? ଯେଉଁ ଠାରୁ ପ୍ୟାକେଟ ସବୁ ଆସୁଛି ସେଠାରେ କଣ ହୋଇଥିବ ଆମେ ଜାଣିନୁ । ତେବେ କିଛି ସମୟପରେ ଉକ୍ତ ନମ୍ବରକୁ ଏକ ଅଜଣା ନମ୍ବରରୁ କଲ ଆସିଥିଲା ଏବଂ କୁହାଗଲା ଏହି ବାବଦରେ ଅଙ୍ଗନବାଡି ୱାର୍କରକୁ ଫୋନ କରୁଛ କହିଁକି । ଏଘଟଣାରୁ ତୁମେ ଦୂରେଇ ଯାଅ ନଚେତ ମୁଁ ତୁମ ନାମରେ ବାଲୁଗାଁ ଥାନାରେ କେସ କରିବୁ କହି ଧମକକାଇ ଥିଲେ । ତେବେ କିଏ ଦେଉଛି ଠିକା ସଂସ୍ଥାକୁ ସୁ୍ରକ୍ଷା । କାହିଁକି ସମନ୍ବିତ ଶିଶୁ ବିକାଶ ଅଧୀକାରୀ ଚୁପ ତାକୁ ନେଇ ସବୁଠି ଚର୍ଚ୍ଚା ।
ଭ୍ଲାଦିମିର ପୁଟିନ ଦେବେ ଭାରତୀୟଙ୍କୁ ବଡ଼ ଉପହାର, ୨୦୨୫ ରୁ ଭାରତୀୟଙ୍କ ପାଇଁ ଋଷରେ ଭିସା ମାଗଣା!

ଭାରତ ଏବଂ ଋଷ ମଧ୍ୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କ ଆଜି ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଦୁଇ ଦେଶ ମଧ୍ୟରେ ସମ୍ପର୍କକୁ ପୂର୍ବ ଅପେକ୍ଷା ଭଲ ଏବଂ ମଜବୁତ କରିବା ପାଇଁ ଅନେକ ସମୟରେ ଆଲୋଚନା ହୋଇଥାଏ | ବର୍ତ୍ତମାନ ଋଷ ପୁଣି ଥରେ ବନ୍ଧୁତ୍ୱପୂର୍ଣ୍ଣ ସମ୍ପର୍କର ଏକ ଉଦାହରଣ ସୃଷ୍ଟି କରୁଛି ଏବଂ ଭାରତୀୟଙ୍କୁ ଏକ ବଡ଼ ଉପହାର ଦେଉଛି | ୨୦୨୫ ମସିହାରେ ଭାରତୀୟ ଋଷକୁ ଭିସା ମୁକ୍ତ ଯାତ୍ରା କରିପାରିବେ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଋଷର ନୂତନ ଭିସା ନିୟମ ଲାଗୁ ହେବା ପରେ ଭାରତୀୟମାନେ ଭିସା ବିନା ଋଷ ଯାଇପାରିବେ। ଏହାପୂର୍ବରୁ ଜୁନ୍ ମାସରେ ଋଷ ଏବଂ ଭାରତ ପରସ୍ପର ପାଇଁ ଭିସା ପ୍ରତିବନ୍ଧକକୁ ହ୍ରାସ କରିବା ପାଇଁ ଦ୍ୱିପାକ୍ଷିକ ଚୁକ୍ତି ଉପରେ ଆଲୋଚନା କରିଥିବା ଖବର ପ୍ରକାଶ ପାଇଥିଲା। ସୂଚନାନୁଯାୟୀ ଯେ ଅଗଷ୍ଟ ୨୦୨୩ ରୁ ରୁଷିଆ ଯାତ୍ରା କରିବାକୁ ଭାରତୀୟମାନେ ଇ-ଭିସା ପାଇଁ ଯୋଗ୍ୟ ଅଟନ୍ତି। ତେବେ ଇ-ଭିସା ଜାରି କରିବାକୁ ପ୍ରାୟ ଚାରି ଦିନ ସମୟ ଲାଗିଥାଏ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ ବର୍ଷ ଜାରି ହୋଇଥିବା ଇ-ଭିସା ସଂଖ୍ୟା ଦୃଷ୍ଟିରୁ ଭାରତ ମଧ୍ୟ ଶ୍ରେଷ୍ଠ ପାଞ୍ଚଟି ଦେଶ ମଧ୍ୟରେ ସ୍ଥାନ ପାଇଛି। ଭାରତୀୟ ଯାତ୍ରୀମାନଙ୍କୁ ରୁଷ ୯,୫୦୦ ଇ-ଭିସା ଦେଇଛି |

ମୁଖ୍ୟତ, ଭାରତୀୟମାନେ ବ୍ୟବସାୟ କିମ୍ବା ଯାତ୍ରା ପାଇଁ ଋଷକୁ ଯାଆନ୍ତି | ୨୦୨୩ ମସିହାରେ ୬୦,୦୦୦ ରୁ ଅଧିକ ଭାରତୀୟ ମସ୍କୋ ପରିଦର୍ଶନ କରିଥିଲେ, ଯାହା ୨୦୨୨ ତୁଳନାରେ ୨୬ ପ୍ରତିଶତ ଅଧିକ | ଅଣ-ସିଆଇଏସ୍ ଦେଶ ମଧ୍ୟରେ ଭାରତ ତୃତୀୟ ସ୍ଥାନରେ ଅଛି ଯେଉଁଠାରୁ ଅଧିକାଂଶ ଲୋକ ଋଷକୁ ଯାତ୍ରା କରିଥାନ୍ତି। କେବଳ ୨୦୨୪ ର ପ୍ରଥମ ତ୍ରୟ ମାସରେ ପ୍ରାୟ ୧,୭୦୦ ଇ-ଭିସା ଦିଆଯାଇଥିଲା |

ଭାରତ ଏବଂ ଋଷର ବନ୍ଧୁତାକୁ ନେଇ ଆମେରିକା ସବୁବେଳେ କ୍ରୋଧିତ ହୋଇଥାଏ । ନିକଟରେ ନିକ୍କି ହେଲି କହିଛନ୍ତି ଯେ ଭାରତ ରୁଷ ସହିତ ବୁଝାମଣା କରୁଛି କାହିଁକିନା ତାକୁ ଆମେରିକାର ନେତୃତ୍ୱ ଉପରେ ବିଶ୍ୱାସ ନାହିଁ | ହେଲି କହିଛନ୍ତି, “ଭାରତ ଆମ ସହ ଅଂଶୀଦାର ହେବାକୁ ଚାହୁଁଛି। ସେମାନେ ଋଷ ସହ ସହଭାଗୀ ହେବାକୁ ଚାହାଁନ୍ତି ନାହିଁ। ସମସ୍ୟା ହେଉଛି ଭାରତ ଆମର ବିଜୟକୁ ବିଶ୍ୱାସ କରେ ନାହିଁ। ସେମାନେ ଆମର ନେତୃତ୍ୱକୁ ବିଶ୍ୱାସ କରନ୍ତି ନାହିଁ। ସେମାନେ ଆମକୁ ଦୁର୍ବଳ ବୋଲି ଭାବନ୍ତି।”
ଅଲବିଦା ଉସ୍ତାଦ,ତବଲାର ବାଦ୍ୟରେ ବିଶ୍ୱର ହୃଦୟ ଜିଣିଥିବା ଜାକିର ହୁସେନ୍‌ଙ୍କ ଦେହାନ୍ତ,ଏପରି ଥିଲା ଯାତ୍ରା…

ଭେଟେରାନ୍ ତବଲା ବାଦକ ଜାକିର ହୁସେନ୍ ଆଉ ନାହାଁନ୍ତି | ଛଅ ଦଶନ୍ଧି ଧରି ଆମେ ଶୁଣୁଥିବା ତବଲାର ଧ୍ଵନି ଆଉ ଶୁଣାଯିବ ନାହିଁ | ସାନ ଫ୍ରାନ୍ସିସ୍କୋର ଏକ ଡାକ୍ତରଖାନାରେ ଜାକିର ହୁସେନ୍‌ଙ୍କର ୭୩ ବର୍ଷ ବୟସ ହୋଇଥିଲା। ତାଙ୍କ ପରିବାରର କହିବା ଅନୁଯାୟୀ, ଇଡିଓପାଥିକ ଫୁସଫୁସ ଫାଇବ୍ରୋସିସ୍ ହେତୁ ହୁସେନ୍‌ଙ୍କ ମୃତ୍ୟୁ ହୋଇଥିଲା। ତାଙ୍କୁ ଗତ ଦୁଇ ସପ୍ତାହ ଧରି ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ଏହି ସମୟରେ ତାଙ୍କ ଅବସ୍ଥା ଖରାପ ହେବା ପରେ ତାଙ୍କୁ ଆଇସିୟୁକୁ ନିଆଯାଇଥିଲା, କିନ୍ତୁ ତାଙ୍କୁ ସୁସ୍ଥ କରାଯାଇ ପାରି ନଥିଲା। ହୁସେନ୍ କଥକ ନୃତ୍ୟଶିଳ୍ପୀ ତଥା ଶିକ୍ଷୟତ୍ରୀ ଆଣ୍ଟୋନିୟା ମିନେକୋଲାଙ୍କୁ ବିବାହ କରିଥିଲେ। ତାଙ୍କର ଦୁଇ ଝିଅ ଅନିସା କୁରେଶି ଏବଂ ଇସାବେେଲା କୁରେଶି ଅଛନ୍ତି। ଜାକିର ହୁସେନ୍ ତାଙ୍କ କ୍ୟାରିୟରରେ ୪ ଟି ଗ୍ରାମୀ ପୁରସ୍କାର ଗ୍ରହଣ କରିଛନ୍ତି, ସେଥିମଧ୍ୟରୁ ତିନୋଟି ଚଳିତ ବର୍ଷ ଆରମ୍ଭରେ ୬୬ ତମ ଗ୍ରାମୀ ପୁରସ୍କାରରେ ଅନ୍ତର୍ଭୁକ୍ତ ହୋଇଥିଲା |

ପଦ୍ମଶ୍ରୀ, ପଦ୍ମଭୂଷଣ, ପଦ୍ମବିଭୂଷଣ ଏବଂ ଗ୍ରାମୀ ପୁରସ୍କାର
ଉସ୍ତାଦ୍ ଜାକିର ହୁସେନ୍ ଜଣେ କଳାକାର ଥିଲେ ଯିଏକି ଭାରତୀୟ ବାଦ୍ୟଯନ୍ତ୍ର ତାବଲା ସହିତ ସମଗ୍ର ବିଶ୍ୱକୁ ପରିଚିତ କରାଇଥିଲେ ଏବଂ ତାଙ୍କ ସଙ୍ଗୀତ ସହିତ ଲୋକଙ୍କ ହୃଦୟରେ ସ୍ଥାନ ସୃଷ୍ଟି କରିଥିଲେ | ଜାକିର ହୁସେନ୍‌ଙ୍କ ରକ୍ତଚାପ ସମସ୍ୟା ଥିଲା। ହୃଦୟ ସମ୍ବନ୍ଧୀୟ ସମସ୍ୟା ହେତୁ ତାଙ୍କୁ ଗତ ଦୁଇ ସପ୍ତାହ ଧରି ସାନ ଫ୍ରାନ୍ସିସ୍କୋର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଜାକିର ହୁସେନ୍ ଚାରୋଟି ଗ୍ରାମୀ ପୁରସ୍କାର ଜିତିଥିଲେ। ମହାନ ତବଲା ବାଦକ ଆଲ୍ଲା ରଖାଙ୍କ ଜ୍ୟେଷ୍ଠ ପୁତ୍ର ଜାକିର ହୁସେନ୍ ତାଙ୍କ ପିତାଙ୍କ ପଥକୁ ଅନୁସରଣ କରି ଭାରତ ତଥା ସାରା ବିଶ୍ୱରେ ନିଜର ନାମ ସ୍ଥାପନ କରିଥିଲେ। ସେ ତାଙ୍କ ସଙ୍ଗୀତ କ୍ୟାରିୟରରେ ୪ ଟି ଗ୍ରାମୀ ପୁରସ୍କାର ଗ୍ରହଣ କରିଛନ୍ତି, ସେଥିମଧ୍ୟରୁ ତିନୋଟି ଚଳିତ ବର୍ଷ ଆରମ୍ଭରେ ୬୬ ତମ ଗ୍ରାମୀ ପୁରସ୍କାରରେ ଗ୍ରହଣ କରାଯାଇଥିଲା | ଭାରତର ଅନ୍ୟତମ ଜଣାଶୁଣା ଶାସ୍ତ୍ରୀୟ ସଂଗୀତଜ୍ଞ ଜାକିର ହୁସେନ୍ ଙ୍କୁ ୧୯୮୮ ରେ ପଦ୍ମଶ୍ରୀ, ୨୦୦୨ ରେ ପଦ୍ମ ଭୂଷଣ ଏବଂ ୨୦୨୩ ରେ ପଦ୍ମ ବିଭୂଷଣ ପ୍ରଦାନ କରାଯାଇଥିଲା।
ଆରପି ପ୍ରଡକ୍ସନର ପ୍ରଥମ ଅବଦାନ ‘ଅକ୍ସିଜେନ’ ଖୁବ ଶୀଘ୍ର ଆପଣଙ୍କ….

ବିଷ୍ଣୁ ପୁରାଣରେ କୁହାଯାଇଛି ଯେ କଳିଯୁଗ ଶେଷ ଆଡକୁ ବ୍ରହ୍ମାଣ୍ଡ ବିନାଶକୁ ଗତି କରିବ। ବନ୍ୟା ପୂର୍ବରୁ ଉତ୍ତାପ ସୃଷ୍ଟିକୁ ବିନାଶ ଆଡକୁ ନେଇଯିବ। ଭଗବାନ ବିଷ୍ଣୁ ସୂର୍ଯ୍ୟଙ୍କ କମଳା କିରଣରେ ଅବଶୋଷିତ ହେବେ ଯେଉଁଥିପାଇଁ ଉତ୍ତାପ ଏତେ ଗରମ ହେବ ଯେ ଭୟଙ୍କର ଦୁର୍ଭିକ୍ଷ ଘଟିବ। ଲୋକମାନେ ଆକାଶରୁ ବର୍ଷା ବୁନ୍ଦା ପାଇଁ ଇଚ୍ଛା କରିବେ କିନ୍ତୁ ଆକାଶରେ ବର୍ଷା ହେବ ନାହିଁ ଏବଂ ବର୍ଷା ଅଭାବରୁ କୃଷି ନଷ୍ଟ ହୋଇଯିବ | ମାନବ ଶରୀର ସଠିକ୍ ଭାବରେ କାର୍ଯ୍ୟ କରିବା ପାଇଁ ଅମ୍ଳଜାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଆମେ ନିଶ୍ୱାସ ନେଉଥିବା ବାୟୁରୁ ଶରୀର ଅମ୍ଳଜାନ ପାଇଥାଏ, ଯାହା ଫୁସଫୁସ ଦ୍ୱାରା ଶୋଷିତ ହୁଏ ଏବଂ ପରେ ରକ୍ତ ପ୍ରବାହରେ ପ୍ରବେଶ କରେ। ଏହିପରି ଏକ ଧାରଣାକୁ ନେଇ ତିଆରି ହୋଇଛି ଓଡିଆ ଫିଲ୍ମ ‘ଅକ୍ସିଜେନ’।

କାହାଣୀ ଅନୁଯାୟୀ ଜଣେ forest ଅଫିସର ବହୁତ କଷ୍ଟରେ ଜଙ୍ଗଲର ରକ୍ଷଣାବେକ୍ଷଣ କରନ୍ତି। ତାଙ୍କ ଝିଅ ଜଣେ IT Engineer ଯିଏକି ଜଣେ ପରିବେଶବିତ ମଧ୍ୟ । କିଛି ଖଳ ଲୋକଙ୍କ କୁଚକ୍ରାନ୍ତ ଯୋଗୁଁ forest officer ର ହଠାତ ମୃତ୍ୟୁ ହୋଇଯାଏ । ସମୟ କ୍ରମେ ତାଙ୍କ ଶିକ୍ଷିତ ଝିଅ ନିଜ ବାପାର କଥା ରଖିବା ପାଇଁ ନିଜକୁ ଏବଂ ତାର pharmacist ପ୍ରେମୀକୁ କିପରି ପ୍ରକୃତି କୁ ସଜାଡିବାକୁ ଚେଷ୍ଟା କରେ ହେଉଛି କାହାଣୀର ମୂଳ ବସ୍ତୁ। ସମ୍ପୂର୍ଣ ମନୋରଞ୍ଜନ ଭିତ୍ତିକ ନୂଆ content ର ଫିଲ୍ମ ଟିଏ ତିଆରି ହୋଇଛି ଦର୍ଶକଙ୍କ ମନୋରଞ୍ଜନ ପାଇଁ।

ମୁଖ୍ୟ ଭୂମିକାରେ ଅଭିନୟ କରିଛନ୍ତି ସଂବିତ, ତମନ୍ନା ଏବଂ ବବି ମିଶ୍ର। କାହାଣୀ ର ପ୍ରତିଟି ଚରିତ୍ର ଜୀବନ୍ତ ହୋଇଛି । କଳାକାର ମାନଙ୍କର ଦମଦାର ଅଭିନୟ ସାଙ୍ଗକୁ, ଫିଲ୍ମର ଗୀତସବୁ ବହୁତ ମଧୁର ଏବଂ ଉଚ୍ଚକୋଟୀର ହୋଇଛି । ଗୀତସବୁ ପ୍ରତି ଓଡିଆ ଲୋକଙ୍କ ଘରେ ବାଜିବ ବୋଲି ପ୍ରଯୋଜକ ଶ୍ରୀ ଶିବ ପ୍ରସାଦ ପଣ୍ଡା ଆଶା ରଖିଛନ୍ତି । କାହାଣୀ ଏବଂ ସଂଳାପ ଶ୍ରୀ ରଶ୍ମି ରଞ୍ଜନ ପଣ୍ଡା ଲେଖିଥିବା ବେଳେ, ସଙ୍ଗୀତ ନିର୍ଦ୍ଦେଶନା ଦେଛନ୍ତି ଶ୍ରୀ ଅଭିଜିତ ମଜୁମଦାର। ଫିଲ୍ମ ର ନିର୍ଦ୍ଦେଶନା ଦେଇଛନ୍ତି ପିନୁ ନାୟକ।
ପ୍ରେମିକା ପାଇଁ ଜୀବନ ହାରିଲେ ସାବିତ୍ରୀ!

ସୁନ୍ଦରଗଡ ବଣାଇଁ ଅଞ୍ଚଳରେ ଗର୍ଭବତୀଙ୍କୁ ହତ୍ଯା ମାମଲାରେ ଚାଞ୍ଚଲ୍ୟକର ଖୁଲାସା । ଘଟଣାର ୩୬ ଘଣ୍ଟା ଭିତରେ ସାମନାକୁ ଆସିଲା ମର୍ଡର ମିଷ୍ଟ୍ରିର ପୁରା କାହଣୀ । ଆଉ କେହି ନୁହେଁ ବରଂ ସ୍ୱାମୀ ହିଁ ନେଇଥିଲା ସ୍ତ୍ରୀ ଓ ଗର୍ଭସ୍ଥ ଶିଶୁର ଜୀବନ । ଘଟାଇଥିଲା ଲୋମଟାଙ୍କୁରା ହତ୍ୟାକାଣ୍ଡ । ପରକୀୟା ପ୍ରୀତି ପାଇଁ ସ୍ତ୍ରୀକୁ ହତ୍ୟା କରି ଚୋରି ନାଟକ ରଚିଥିଲା ସ୍ୱାମୀ ଦେବେନ୍ ବେହେରା । ଯୋଜନାବଦ୍ଧ ଭାବେ ସୌମ୍ୟାମୟୀଙ୍କୁ ହତ୍ୟା କରିଥିଲେ ସ୍ବାମୀ ଦେବେନ ବେହେରା। ଦେଖନ୍ତୁ ଏହି video ଟିକୁ କିପରି ଅଭିନୟ କରୁଛି ସୈତାନ ସ୍ବାମୀ | ଆଖି ଛଳ ଛଳ କରି କହୁଛି ମୋ ସ୍ତ୍ରୀକୁ ଆସି ସେମାନେ ମାରି ଚାଲିଗଲେ। ମୋ ସ୍ତ୍ରୀ ସାତ ମାସର ଗର୍ଭବତୀ ଥିଲା।

ସୂଚନାନୁସରେ , ୨୦୨୩ ଫେବ୍ରୁଆରୀ ମାସରେ ଅନୁଗୋଳ ଜିଲ୍ଲା ଛେଣ୍ଡିପଦା ଅଞ୍ଚଳର ସୌମ୍ୟାମୟୀ ବେହେରାଙ୍କ ସହିତ ଦେବେନଙ୍କ ର ବିବାହ ହୋଇଥିଲା । ବିବାହାକୁ ବର୍ଷେ ନପୁରୁଣୁ ଘଟିଗଲା ଏଭଳି ଘଟଣା | ବୁଧବାର ବିଳମ୍ବିତ ରାତିରେ ଗୁଳିର ଶିକାର ହୋଇଥିଲେ ସୌମ୍ୟାମୟୀ ବେହେରା । ହଠାତ୍ ବିଳମ୍ବିତ ରାତିରେ କେହି ତାଙ୍କ ଘରର କବାଟ ବାଡ଼େଇ ଥିଲେ। କେହି ଚିହ୍ନା ପରିଚିତ ହୋଇଥିବେ ଭାବି କବାଟ ଖୋଲିଥିଲେ ସୌମ୍ୟାମୟୀ। ଦେବେନ ଅତି ନିକଟରୁ ସୌମ୍ୟାମୟୀଙ୍କ ଛାତିକୁ ଗୁଳି ମାରିଥିଲେ। ସୌମ୍ୟାମୟୀଙ୍କୁ ଗୁଳି କରି ହତ୍ୟା କରିବା ପରେ ପୁଲିସ୍‌ ଏଏସ୍‌ଆଇ ଭିଣୋଇ ସତ୍ୟନାରାଣ ବେହେରାଙ୍କୁ ଫୋନ୍‌ କରି ଡାକିଥିଲେ ଦେବେନ। ସୌମ୍ୟାମୟୀଙ୍କୁ ଧରି ବଣାଇଁ ଉପଖଣ୍ଡ ଚିକିତ୍ସାଳୟକୁ ନେଇଥିଲେ |ହେଲେ ଡାକ୍ତର ମୃତ ଘୋଷଣା କରିଥିଲେ । ସ୍ବାମୀ କେବଳ ସ୍ତ୍ରୀକୁ ହତ୍ୟା କରିନାହିଁ ବରଂ ଦୁନିଆ ଦେଖିବା ଆଗରୁ ମାଆ ଗର୍ଭରେ ବଢ଼ୁଥିବା ନିଷ୍ପାପ ଶିଶୁକୁ ହତ୍ୟା କରିଛି । ଖବର ପାଇଁ ପୁଲିସ୍‌ ଦେବେନଙ୍କ ଘରେ ପହଞ୍ଚି ଘଟଣାର ତଦନ୍ତ କରିଥିଲା । ପରକୀୟା ପ୍ରୀତି ପାଇଁ ସେ ସ୍ତ୍ରୀକୁ ରାସ୍ତାରୁ ହଟେଇ ଦେବାକୁ ଚାହୁଁଥିଲେ। ସେଥିପାଇଁ ସ୍ତ୍ରୀଙ୍କୁ ଯୋଜନା ବଦ୍ଧ ଭାବେ ହତ୍ୟା କରିଥିବା ସାମ୍ବାଦିକ ସମିଳନୀରେ ଏନେଇ ସୂଚନା ଦେଇଛନ୍ତି ଡିଆଇଜି ବୃଜେଶ ରାୟ ଓ ଏସପି ନୀତେଶ ବାଘବାନୀ |

ହେଲେ ବୟାନରେ ତାଳମେଳ ନଥିବାରୁ ଦେବେନଙ୍କ ସହ ୪ ଜଣଙ୍କୁ ଅଟକ ରଖି ତଦନ୍ତ ଚଳାଇଥିଲା ଟିକାୟତପାଲି ପୋଲିସ । ସେପଟେ ମୃତା ମହିଳାଙ୍କର ବାପା ଲିଖିତ ଅଭିଯୋଗ କରିବା ସହ ଜ୍ବାଇଁ ଉପରେ ସନ୍ଦେହ କରିଥିଲେ । ଲିଖିତ ଅଭିଯୋଗକୁ ଭିତ୍ତିକରି ପୋଲିଶ ଅଭିଯୁକ୍ତ ସ୍ଵାମୀ ଦେବେନ ବେହେରାକୁ ରାଉରକେଲା ଆଣି ପଚରା ଉଚରା କରିବା ପରେ ସମସ୍ତ ସତ୍ୟାସତ୍ୟ ଓଗାଳି ଦେଇଥିଲା | ତାଙ୍କ ବୟାନ ଆଧାରରେ ପୁଲିସ୍‌ ଏଏସ୍‌ଆଇ ଭିଣୋଇ ସତ୍ୟନାରାୟଣ ବେହେରାଙ୍କୁ ଗିରଫ କରିଛି। ହତ୍ୟାରେ ବ୍ୟବହୃତ ପିସ୍ତଲ ଓ ଗୁଳି ମଧ୍ୟ ଜବତ ହୋଇଛି । ବୁଦ୍ଧିଜୀବୀ ମହଲରେ ପୋଲିଶର ଏଭଳି କାର୍ଯ୍ୟକୁ ଭୁରି ଭୁରି ପ୍ରଶଂସା କରାଯାଇଛି ।
ସର୍ବ ପୁରାତନ ଟ୍ରକ ମାଲିକ ସଂଘ ନିର୍ବାଚନ

ପାରାଦୀପ ର ସର୍ବ ପୂରାତନ #ର ହେବ ନିର୍ବାଚନ । ଏନେଇ ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଛି । ପୂର୍ବତନ ସଭାପତି ସୁମନ୍ତ ବିଶ୍ବାଳଙ୍କ ପ୍ୟାନେଲ ନାମାଙ୍କନ ପତ୍ର ଦାଖଲ କରି ସାରିଥିବା ବେଳେ ବିରଞ୍ଚି ନାରାୟଣ ପରିଡା ସଭାପତି ଭାବେ ମୈଦାନ କୁ ଓହ୍ଲାଇଛନ୍ତି । ବିରଞ୍ଚି ନାରାୟଣ ପରିଡାଙ୍କ ପ୍ୟାନେଲର ସମସ୍ତ ୭ଜଣ ପ୍ରାର୍ଥୀ ପାରାଦୀପ ଗଡ ଲୋକନାଥ ମନ୍ଦିର ରୁ ଏକ ବିଶାଳ ରାଲିରେ ଆସି ପ୍ରାର୍ଥୀପତ୍ର ଦାଖଲ କରିଥିଲେ।

ତେବେ ପାରାଦୀପ ଟ୍ରକ ମାଲିକ ସଂଘ ଏକ ବୃହତ ସଂଘ ହୋଇଥିବା ବେଳେ ଏହା ଉପରେ ସମସ୍ତଙ୍କ ନଜର ରହିଛି । ଚଳିତ ନିର୍ବାଚନକୁ ନେଇ ସରଗରମ ହେବ ବୋଲି ଚର୍ଚା କରାଯାଉଛି । ଟ୍ରକ ମାଲିକ ମାନଙ୍କ ର ବିଭିନ୍ନ ସମସ୍ୟା କୁ ଏକାଠି କରି ସଂଘର ସଦସ୍ୟ ମାନକ ନିକଟରେ ପହଞ୍ଚିବେ ବୋଲି ପ୍ରାର୍ଥୀପତ୍ର ଦାଖଲ କରିଥିବା ପ୍ରାର୍ଥୀ ମାନେ କହିଛନ୍ତି |

ଏତତବ୍ୟତିତ ପାରାଦୀପ ଟ୍ରକ ମାଲିକ ସଂଘ କୁ ନେଇ ଚଳିତ ଥର ବିଧାନସଭା ରେ ମଧ୍ୟ କମ୍ପନ ସୃଷ୍ଟି ହୋଇଥିଲା । ତେବେ ଏସବୁକୁ ଦୃଷ୍ଟିରେ ରଖି ଚଳିତ ଥର ପାରାଦୀପ ଟ୍ରକ ମାଲିକ ସଂଘ ର କର୍ମକର୍ତ୍ତା ନିର୍ବାଚନ ବହୁ ସରଗରମ ହେବ ବୋଲି ଆଶା କରାଯାଉଛି।
ଏଠି,ସେଠି ସବୁଠି ଚାଲିଛି ମନମୁଖୀ, ଚଞ୍ଚକତାର ଶିକାର ହେଲେ CRP ଦିଦି

ସଭାପତି ଓ ସମ୍ପାଦକ ନାଁରେ ଆସିଲା ସାଙ୍ଘତିକ ଅଭିଯୋଗ | ଏହି ଘଟଣା ଘଟିଛି ଯାଜପୁର ଜିଲା ସୁକିନ୍ଦା ଅଞ୍ଚଳରେ | ନିଜର ମନମୁଖୀ ଶାସନ ଦ୍ବାରା ଦୁଇଜଣ CRP ଙ୍କୁ ଚାକିରୀରୁ ବହିଷ୍କାର କରିବା, ଦୀର୍ଘ ଅଢେଇ ବର୍ଷର ଦରମା ନ ଦେବା ନେଇ ଅଭିଯୋଗ ହୋଇଛି |ସୁକିନ୍ଦା ଗଡ଼ GPLF ର ଅଧୀନ ରେ ଥିବା ଦୁଇ CRP କର୍ମୀ ଏନେଇ ଜିଲ୍ଲାପାଳ,ମୁଖ୍ୟମନ୍ତ୍ରୀ ଓ ମିଶନ ଶକ୍ତି ସଚିବଙ୍କ ନିକଟରେ ଅଭିଯୋଗ କରି ନିରାଶ ହୋଇଛନ୍ତି |ଦୁଇ CRP କର୍ମୀ ହେଉଛନ୍ତି ବୈଜୟନ୍ତୀ ସେଠି ଓ ଗୀତାଞ୍ଜଳି ବାରିକ |

ସୂଚନାନୁସରେ, ୨୦୧୨ ମସିହା ରୁ ଏହି ଦୁଇ ମହିଳା ଆଜି ପର୍ଯ୍ୟନ୍ତ ସୁକିନ୍ଦା ଗଡ଼ ଆରାଧନା GPLF ଅଧୀନରେ ଥିବା ବିରଜା ଓ ଗରିବେଶ୍ୱର OLF ର ସମସ୍ତ SHG ଗ୍ରୁପ ମହିଳା ମାନଙ୍କ ର କାର୍ଯ୍ୟ ସୁଚାରୁ ରୂପେ କରିଆସୁଛନ୍ତି | କିନ୍ତୁ ୨୦୨୨ ଜାନୁଆରୀ ମାସ ଠାରୁ GPLF ର ସଭାପତି କବିତା ବେହୁରି ଓ ସମ୍ପାଦକ ରଶ୍ମିତା ଭଟାଚାର୍ଯ୍ୟ ଚଞ୍ଚକତା କରିବା ସହ ମହିଳା ମାନଙ୍କୁ କିଛି ମିଛ ପ୍ରତିଶୃତି ଦେଇଥିଲେ | SHG ଗ୍ରୁପ ର ସଦସ୍ୟ ମାନଙ୍କ ଠାରୁ ଦସ୍ତଖତ ନେବା ସହ ଅନ୍ୟ କିଛି ମହିଳା ଙ୍କ ଜାଲ ଦସ୍ତଖତ କରି ଏହି ଦୁଇଜଣ CRP ଙ୍କୁ ବହିଷ୍କାର କରିବା ସହ ଅଢେଇ ବର୍ଷ ର ଦରମା ମଧ୍ୟ ଦେଉ ନ ଥିବା ଅଭିଯୋଗ ହେଉଛି |ଏହି ଦୁଇ CRP ସୁକିନ୍ଦା ବିଡ଼ିଓ, ଯାଜପୁର ଜିଲ୍ଲାପାଳ,ମିଶନଶକ୍ତି ସଚିବ, ମୁଖ୍ୟମନ୍ତ୍ରୀ ଙ୍କୁ ଅଭିଯୋଗ କରିଥିଲେ ମଧ୍ୟ ଆଜି ପର୍ଯ୍ୟନ୍ତ ତାଙ୍କ ର କୌଣସି ସମାଧାନ ହେଉନ ଥିବା ସେମାନେ ଅଭିଯୋଗ କରିଛନ୍ତି |ମୁଖ୍ୟମନ୍ତ୍ରୀ, ଜିଲ୍ଲାପାଳ ଓ ମିଶନଶକ୍ତି ସଚିବ ଙ୍କ ଅଭିଯୋଗ ପ୍ରକୋଷ୍ଠ ରେ ଅଭିଯୋଗ କରିଥିଲେ ମଧ୍ୟ ସେମାନେ ଏହାର ତଦନ୍ତ ନିର୍ଦେଶ ଦେଇଥିବା ସତ୍ୱେ ସୁକିନ୍ଦା BPM ଓ ଯାଜପୁର DPM କାହିଁକି ଚୁପ ବସିଛନ୍ତି ତାହା ଏବେ ପ୍ରଶ୍ନ ବାଚୀ ସୃଷ୍ଟି କରୁଛି | ତୁରନ୍ତ ଏହାର ଉଚ୍ଚ ସ୍ତରୀୟ ତଦନ୍ତ କରି ଏ ଦୁଇଜଣ ଙ୍କୁ ଚାକିରୀ ଦେବା ସହିତ ସମ୍ପୂର୍ଣ ବକେୟା ଦରମା ପ୍ରଦାନ ନ କରା ଗଲେ ସେମାନେ SHG ମହିଳାମାନଙ୍କ ଙ୍କ ସହିତ ବ୍ଲକ ସମୁଖ ରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି |