Tag: #suchana news

ହରଡ଼ଘଣାରେ ବଡ଼ ବାବୁ, କରିଥିଲେ ମହିଳା ସହଯୋଗୀଙ୍କ ସହ ଅସଦାଚରଣ

ବଡ଼ ବାବୁଙ୍କୁ ମହଙ୍ଗା ପଡିଲା ମହିଳା ସହଯୋଗୀଙ୍କୁ ଅସଦାଚରଣ । ଅଭିଯୋଗର ୮ ମାସ ପରେ ଅଭିଯୁକ୍ତ ବଡ଼ ବାବୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ । ଜଗତସିଂହପୁର ଜିଲ୍ଲାର ଆସିଷ୍ଟାଣ୍ଟ କଲେକ୍ଟର(ସହକାରୀ ଜିଲ୍ଲାପାଳ) ଉମେଶ ଚନ୍ଦ୍ର ଲେଙ୍କାଙ୍କୁ ନିଲମ୍ବନ କରିଛନ୍ତି । ଗତ ଏପ୍ରିଲ ମାସ ୧୦ ତାରିଖ ଦିନ ଜଗତସିଂହପୁର ଜିଲ୍ଲାର ଆସିଷ୍ଟାଣ୍ଟ କଲେକ୍ଟର ଉମେଶ ଚନ୍ଦ୍ର ଲେଙ୍କା ଜିଲ୍ଲାପାଳଙ୍କ କାର୍ଯ୍ୟାଳୟରେ କାର୍ଯ୍ୟରତ ଜଣେ ମହିଳା କର୍ମଚାରୀଙ୍କୁ ଅସଦାଚରଣ ପ୍ରଦର୍ଶନ କରିଥିବାର ଅଭିଯୋଗ ଆସିଥିଲା । ଅଭିଯୋଗକାରିଣୀ କାର୍ଯ୍ୟରତ ମହିଳା ଜଣକ ତାଙ୍କ ଉପରେ ଉଭୟ ଶାରୀରିକ ଓ ମାନସିକ ନିର୍ଯାତନା ଅଭିଯୋଗ ଆଣିଥିଲେ । ଅଭିଯୋଗର ତଦନ୍ତ କରିଥିଲେ ଜିଲ୍ଲା ଅଭିଯୋଗ କମିଟି ଏବଂ ଜିଲ୍ଲାପାଳ । ଜିଲ୍ଲା ଅଭିଯୋଗ କମିଟି ଏବଂ ଜିଲ୍ଲାପାଳଙ୍କ ରିପୋର୍ଟ ଆଧାରରେ ଅଭିଯୁକ୍ତ ଆସିଷ୍ଟାଣ୍ଟ କଲେକ୍ଟର ଉମେଶ ଚନ୍ଦ୍ର ଲେଙ୍କାଙ୍କ ବିରୋଧରେ ହୋଇଛି କାର୍ଯ୍ୟାନୁଷ୍ଠାନ । ମନ୍ତ୍ରୀ କହିଛନ୍ତି, “ମହିଳା ସଶକ୍ତିକରଣ ପାଇଁ ଆମ ସରକାର ବଦ୍ଧପରିକର । ମହିଳା ହିଂସା ଓ ନିର୍ଯାତନାକୁ ଆଦୌ ବରଦାସ୍ତ କରାଯିବ ନାହିଁ ।” ଜଣେ ମହିଳା ତଦନ୍ତକାରୀ ଅଧିକାରୀ ଓ ଜଣେ ମହିଳା ମାର୍ଶାଲିଂ ଅଧିକାରୀ ଙ୍କ ଦ୍ବାରା ତଦନ୍ତ କରାଯାଇ ତିନି ମାସ ମଧ୍ୟରେ ରିପୋର୍ଟ ଦେବାକୁ ନିର୍ଦେଶ ଦିଆଯାଇଛି।
୧-୧ ବରାବରୀରେ ବିଜିଟି ୨୦୨୪-୨୫, ଗାବା ଟେଷ୍ଟ ଡ୍ର ପରେ ଟିମ୍ ଇଣ୍ଡିଆର ମେଲବୋର୍ଣ୍ଣ ଯାତ୍ରା

ବର୍ଡ଼ର -ଗାଭାସ୍କର ଟ୍ରଫି ୨୦୨୪-୨୫ ବର୍ତ୍ତମାନ ଏକ ରୋମାଞ୍ଚକର ମୋଡ଼ରେ ପହଞ୍ଚିଛି | ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ପାଞ୍ଚ ମ୍ୟାଚ୍ ଟେଷ୍ଟ ସିରିଜରେ ତିନୋଟି ମ୍ୟାଚ୍ ଖେଳାଯାଇଛି। ଗାବା ଟେଷ୍ଟ ଡ୍ର ପରେ ସିରିଜ୍ ୧-୧ ରେ ବରାବର ହୋଇଛି | ବର୍ତ୍ତମାନ ଏହି ଟେଷ୍ଟ ସିରିଜରେ ଦୁଇଟି ମ୍ୟାଚ୍ ବାକି ଅଛି | ଚତୁର୍ଥ ଟେଷ୍ଟ ମ୍ୟାଚ୍ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ | ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ପ୍ରବେଶ କରିବାର ଆଶାକୁ ଜୀବନ୍ତ ରଖିବା ପାଇଁ ଭାରତ ଏହି ଟେଷ୍ଟ ମ୍ୟାଚ୍ ଜିତିବା ଜରୁରୀ ଅଟେ। ଯେଉଁଥି ପାଇଁ ଭାରତୀୟ ଦଳ ମେଲବର୍ଣ୍ଣ ଅଭିମୁଖେ ଯାତ୍ରା କରିଛନ୍ତି।

ଟିମ୍ ଇଣ୍ଡିଆ ୧୯ ଡିସେମ୍ବରରେ ବସ୍ ଯୋଗେ ସେମାନଙ୍କ ହୋଟେଲରୁ ବିମାନବନ୍ଦର ଅଭିମୁଖେ ଯାତ୍ରା କରିଛି | ଯେଉଁଠାରୁ ଭାରତୀୟ ଦଳ ମେଲବର୍ଣ୍ଣ ଅଭିମୁଖେ ଯାତ୍ରା କରିଥିଲା । ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ଟେଷ୍ଟ ମ୍ୟାଚ୍ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ୨୬ ଡିସେମ୍ବରରୁ ୩୦ ଡିସେମ୍ବର ମଧ୍ୟରେ ଖେଳାଯିବ |

TEAM INDIA ON THE WAY TO MELBOURNE…!!!! 🇮🇳

– It's time to make 2-1 [RevSportz] pic.twitter.com/3ypKuYDkuX
— Johns. (@CricCrazyJohns) December 19, 2024

ଆପଣଙ୍କୁ ଏଇଠି କହିରଖୁ ଯେ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡକୁ କ୍ରିକେଟ୍ ର ଐତିହାସିକ ପଡିଆ ଭାବରେ ବିବେଚନା କରାଯାଏ | ଏହି ପିଚ୍ ଦ୍ରୁତ ବୋଲରମାନଙ୍କୁ ପ୍ରାରମ୍ଭିକ ସହାୟତା ପ୍ରଦାନ କରିଥାଏ, କିନ୍ତୁ ସମୟ ସହିତ ବ୍ୟାଟ୍ସମ୍ୟାନ୍ ମାନଙ୍କ ପାଇଁ ଏହା ଅନୁକୂଳ ହୋଇଯାଏ | ଏଠି ସ୍ପିନରଙ୍କ ପାଇଁ କିଛି ଅଧିକ ନ ଥାଏ |

ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ପାଇଁ ମେଲବୋର୍ଣ୍ଣ ହେଉଛି ଗୁରୁତ୍ୱପୂର୍ଣ୍ଣ

ଗାବା ଟେଷ୍ଟ ଡ୍ର ହେବା ସହ ଭାରତ ବିଶ୍ୱ ଟେଷ୍ଟ ଚାମ୍ପିଅନସିପର ପଏଣ୍ଟ ଟେବୁଲରେ ଖସି ଆସିଛି। ଏବେ ଭାରତକୁ WTC ଫାଇନାଲରେ ପହଞ୍ଚିବାରେ ବହୁତ କମ୍ ସମ୍ଭାବନା ରହିଛି | ବର୍ତ୍ତମାନ ଭାରତକୁ ଆଗାମୀ ଦୁଇଟି ଟେଷ୍ଟ ମ୍ୟାଚ୍ ଜିତିବାକୁ ପଡ଼ିବ, ତେବେ ଟିମ ଇଣ୍ଡିଆ ଫାଇନାଲ ଦୌଡ଼ରେ ନିଜ ସ୍ଥିତି ବଜାୟ ରଖିପାରିବ |
ବିଜେପି ସାଂସଦ ପ୍ରତାପ ଷଡ଼ଙ୍ଗୀ ଆହତ, କହିଲେ ଧକ୍କା ଦେଲେ -ରାହୁଲ ଗାନ୍ଧୀ

କଂଗ୍ରେସ ଦଳ ବାବା ସାହେବ ଆମ୍ବେଦକରଙ୍କୁ ଅପମାନିତ କରିଥିବା ଅଭିଯୋଗ କରି ବିଜେପି ସାଂସଦମାନେ ସଂସଦରେ ବିରୋଧ କରିଥିଲେ। ଏହି ସମୟରେ ବିଜେପି ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ରାହୁଲ ଗାନ୍ଧୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ ରାହୁଲ ଗାନ୍ଧୀ ଜଣେ ସାଂସଦଙ୍କୁ ଧକ୍କା ଦେଇଥିଲେ, ଯିଏ ତାଙ୍କ ଉପରେ ପଡ଼ିଯାଇଥିଲେ ଯାହା ଫଳରେ ସେ ତଳେ ପଡ଼ିଯାଇ ତାଙ୍କ ମୁଣ୍ଡରେ ଆଘାତ ଲାଗିଥିଲା।

ଏହା ବ୍ୟତୀତ କଂଗ୍ରେସ ଦାବି କରିଛି ଯେ ବାବାସାହେବ ଆମ୍ବେଦକରଙ୍କ ଅପମାନକୁ ବିରୋଧ କରୁଥିବା ମଲ୍ଲିକାର୍ଜୁନ ଖରଗେ ଏବଂ ପ୍ରିୟଙ୍କା ଗାନ୍ଧୀଙ୍କ ସହ ବିଜେପି ସାଂସଦମାନେ ସଂସଦର ମକର ଦ୍ୱାରରେ ଧସ୍ତାଧସ୍ତି ହୋଇଛନ୍ତି।

ବିଜେପି ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ କହିଛନ୍ତି, “ରାହୁଲ ଗାନ୍ଧୀ ଜଣେ ସାଂସଦଙ୍କୁ ଧକ୍କା ଦେଲେ ଯିଏ ମୋ ଉପରେ ପଡ଼ିଗଲେ ଯାହା ଫଳରେ ମୁଁ ତଳେ ପଡ଼ିଗଲି। ମୁ ଶିଢ଼ି ପାଖରେ ଠିଆ ହୋଇଥିଲି ଯେତେବେଳେ ରାହୁଲ ଗାନ୍ଧୀ ଆସିଲେ ଆଉ ଜଣେ ସାଂସଦକୁ ଧକ୍କା ଦେଲେ ଯିଏ ମୋ ଉପରେ ପଡ଼ିଗଲା ।” ଏଥି ସହ ପ୍ରତାପ ଚନ୍ଦ୍ର ଷଡ଼ଙ୍ଗୀଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଛି। ଏହା ପରେ ତାଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇଥିଲା

ଲୋକସଭା ବିରୋଧୀ ଦଳର ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀ କହିଛନ୍ତି, “ଯେତେବେଳେ ମୁଁ ସଂସଦର ପ୍ରବେଶ ଦ୍ୱାର ଭିତରକୁ ଯିବାକୁ ଚେଷ୍ଟା କରୁଥିଲି, ସେତେବେଳେ ବିଜେପି ସାଂସଦମାନେ ମୋତେ ଅଟକାଇବାକୁ ଚେଷ୍ଟା କରୁଥିଲେ। ସେମାନେ ମୋତେ ଧମକ ଦେଉଥିଲେ, ତେଣୁ ଏହା ହିଁ ଘଟିଲା। ସେ କହିଛନ୍ତି ସଂସଦର ଏ ହେଉଛି ପ୍ରବେଶ ଦ୍ୱାର ଆଉ ଆମର ଭିତରକୁ ଯିବା ଅଧିକାର ଅଛି । ମୁଖ୍ୟ ପ୍ରସଙ୍ଗ ହେଉଛି ସେମାନେ ସମ୍ବିଧାନ ଉପରେ ଆକ୍ରମଣ କରୁଛନ୍ତି।”
ଆଇଆଇସିଙ୍କୁ ପିଟିଲେ ବାଲି ମାଫିଆ

ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ଅଂଚଳରେ ବାଲି ମାଫିଆଙ୍କ ଆତଙ୍କରାଜ I ବେଆଇନ ଭାବେ ଗଛିତ ରଖିଥିବା ବାଲିକୁ ଜବତ ଲାଗି ଯାଇଥିବା ଥାନା ଅଧିକାରୀଙ୍କୁ ମାଡ଼ ମାରିଛନ୍ତି I ପଥର ମାରି ପୁଲିସ ଭ୍ୟାନ୍ କୁ ବି ଭାଙ୍ଗିଛନ୍ତି I

କପ୍ତିପଦା ଥାନାର ଭାରପ୍ରାପ୍ତ ଅଧିକାରୀ ପ୍ରକାଶ ରଥ ସୂଚନା ଦେଇଛନ୍ତି ଏହି ଅଂଚଳରେ ଚୋରା ବାଲି ଓ ପଥର ଚାଲାଣ ବଢ଼ିବାରେ ଲାଗିଛି I ଏହାକୁ ରୋକିବା ପାଇଁ କପ୍ତିପଦା ଉପଜିଲ୍ଲାପାଳଙ୍କ ନିର୍ଦେଶରେ ସେ ଓ ଅତିରିକ୍ତ ତହସିଲଦାର ଉମାକାନ୍ତ ମାଝୀ ମଙ୍ଗଳବାର ରାତି ପ୍ରାୟ ୧୧ ଟାରୁ ୩ଟା ଯାଏ ବିଭିନ୍ନ ସ୍ଥାନରେ ଚଢ଼ଉ କରିଥିଲେ I

ସେହି ରାତିରେ ଡାହିସାହି ନିକଟସ୍ତ ଖପରପାଳ ଘାଟରେ ବେଆଇନ ଭାବେ ଗଛିତ ରଖାଯାଇଥିବା ବିପୁଳ ପରିମାଣର ବାଲି ଜବତ କରିଥିଲେ I ଘେରା ନାମକ ଜଣେ ବ୍ୟକ୍ତି ଓ ଅନ୍ୟ କିଛି ମାଫିଆ ଏହି ବାଲି ରଖିଥିବା ଜାଣିବାକୁ ପାଇ ବାଲି ନ ଉଠେଇବା ପାଇଁ ତାଗିଦ କରିଥିଲେ I ତେବେ ତା ଆର ଦିନ ସକାଳେ ଘଟଣାସ୍ଥଳରେ ପହଂଚିବା ବେଳକୁ ଉକ୍ତ ଜବତ ବାଲିକୁ ମାଫିଆମାନେ ରାତାରାତି ଉଠାଇ ନେଇଥିଲେ I

ପୋଲିସ ଅଭିଯୁକ୍ତ ଘେରାକୁ ଖୋଜିବାବେଳେ ଘେରାର ସ୍ତ୍ରୀ ସମେତ ଅନେକ ମହିଳା ହଠାତ ଆଇଆଇସିଙ୍କୁ ସଙ୍ଘବଦ୍ଧ ଆକ୍ରମଣ କରିଥିଲେ I ତାଙ୍କୁ ପଥର ମାରିବା ସହ ଗାଡିକୁ ଭଙ୍ଗାରୁଜା କରିଥିଲେ I

ଏହି ଆକ୍ରମଣରେ ଆଇଆଇସି ଆହତ ହୋଇ କପ୍ତିପଦା ଡାକ୍ତରଖାନରେ ଚିକିତ୍ସା ପରେ ଏନେଇ ଥାନାରେ ଲିଖିତ ଅଭିଯୋଗ କରିଥିଲେ I ପୋଲିସଙ୍କୁ ଆକ୍ରମଣ ଘଟଣାକୁ ପ୍ରଶାସନ ଗୁରୁତ୍ୱର ସହ ନେଇଥିଲା I ଏହି ମାଫିଆଙ୍କୁ ଧରିବା ପାଇଁ କପ୍ତିପଦା ତହସିଲଦାର, ପରିବହନ ଅଧିକାରୀଙ୍କ ସହ ୧ ପ୍ଲାଟୁନ ପୋଲିସ ଫୋର୍ସ ତୁରନ୍ତ ଡାହିସାହି ଗ୍ରାମରେ ପହଂଚିଥିଲେ I

ପୁରା ଗାଁ ପୋଲିସ କବ୍ଜାରେ ଆସିବା ପରେ ମାଫିଆଙ୍କ ଗଛିତ ୨୦ ଟ୍ରାକ୍ଟର ବାଲିକୁ କପ୍ତିପଦା ଥାନା ପରିସରକୁ ନେଇ ଆସିଥିଲା ପ୍ରଶାସନ I ମାଫିଆମାନେ ନିକଟସ୍ଥ ସୋନ ନଦୀରୁ ବେଆଇନ ଭାବେ ଦୈନିକ ୩୦ରୁ ୪୦ ଟ୍ରିପ ବାଲି ଉଠାଇ ଚୋରାରେ ବିକ୍ରି ଚାଲିଥିଲା ବୋଲି ଜଣାପଡିଛି I
ସଭା ଭଣ୍ଡୁର,ମୂଖ୍ୟ ଅତିଥି ଭାଷଣ ଦେବା ପୂର୍ବରୁ ଷ୍ଟେଜ ଖାଲି!

ଧାର୍ଯ୍ୟ ସମୟଠାରୁ ବହୁ ବିଳମ୍ବରେ ମୂଖ୍ୟ ଅତିଥି ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଆସିବା ଯୋଗୁଁ ବିଳମ୍ବରେ ସଭା କାର୍ଯ୍ୟ ଆରମ୍ଭ ହୋଇଥିଲା। ମାତ୍ରାଧିକ ବିଳମ୍ବ ଯୋଗୁଁ ମୂଖ୍ୟ ଅତିଥି ବିଧାୟକ ଭାଷଣ ଦେବା ପୂର୍ବରୁ କାର୍ଯ୍ୟକ୍ରମକୁ ଆସିଥିବା ଚାଷୀ ଓ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ସଭାସ୍ଥଳ ଛାଡି ଚାଲିଯିବା ଦେଖିବାକୁ ମିଳିଥିଲା।

ଚମ୍ପୁଆ କୃଷି ବିଭାଗ ତରଫରୁ ଆଜି ବ୍ଲକ କାର୍ଯ୍ୟାଳୟ ପରିସରରେ ବ୍ଲକ-ସ୍ତରୀୟ କୃଷି ଯନ୍ତ୍ରପାତି ମେଳା ଆରମ୍ଭ ହୋଇଯାଇଛି। ଆଜି ପ୍ରଥମ ଦିବସରେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ମୂଖ୍ୟ ଅତିଥି ରୂପେ ଯୋଗଦେଇ ମେଳାର ଶୁଭାରମ୍ଭ କରିଥିଲେ। ଚମ୍ପୁଆ କୃଷି ଜିଲ୍ଲା ଅଧିକାରୀ ସତ୍ୟବାନ୍ ସୋରେନଙ୍କ ତତ୍ବାବଧାନରେ ମହା ଆଡ଼ମ୍ବରରେ ଆୟୋଜିତ ଏହି ମେଳାରେ ୪୫ଟି ଷ୍ଟଲ ସ୍ଥାପନ କରାଯାଇଥିବା ଦେଖିବାକୁ ମିଳିଥିଲା।କୃଷି, ଉଦ୍ୟାନ, ମତ୍ସ୍ୟ, ପଶୁଧନ, ମୃତ୍ତିକା ସଂରକ୍ଷଣ, ବିଭାଗର ଷ୍ଟଲ ସ୍ଥାପନ କରାଯାଇଥିବା ବେଳେ କୃଷି ଯନ୍ତ୍ରପାତିର ବହୁ ଷ୍ଟଲ ଖୋଲାଯାଇ ଚାଷୀଙ୍କୁ ଆଧୁନିକ ପ୍ରଣାଳୀରେ କୃଷି କରାଯିବା ନିମନ୍ତେ ସଚେତନ କରିବା ନେଇ ଏକ ସଭାର ଆୟୋଜନ କରାଯାଇଥିଲା। ତେବେ, ଧାର୍ଯ୍ୟ ସମୟଠାରୁ ବହୁ ବିଳମ୍ବରେ ମୂଖ୍ୟ ଅତିଥି ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଆସିବା ଯୋଗୁଁ ବିଳମ୍ବରେ ସଭା କାର୍ଯ୍ୟ ଆରମ୍ଭ ହୋଇଥିଲା। ମାତ୍ରାଧିକ ବିଳମ୍ବ ଯୋଗୁଁ ମୂଖ୍ୟ ଅତିଥି ବିଧାୟକ ଭାଷଣ ଦେବା ପୂର୍ବରୁ କାର୍ଯ୍ୟକ୍ରମକୁ ଆସିଥିବା ଚାଷୀ ଓ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ସଭାସ୍ଥଳ ଛାଡି ଚାଲିଯିବା ଦେଖିବାକୁ ମିଳିଥିଲା।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା କୃଷି ଅଧିକାରୀ ପର୍ଶୁରାମ ବେହେରା, ଚମ୍ପୁଆ ବିଡ଼ିଓ ରାଜା ରଞ୍ଜିତ ପ୍ରତାପ ବଳ, ଚମ୍ପୁଆ ବ୍ଲକ ଅଧ୍ୟକ୍ଷ ସୁରେଶ ନାଏକ, ଯୋଡା ବ୍ଲକ ଅଧ୍ୟକ୍ଷ କବିନ୍ଦ୍ର ନାଏକ ପ୍ରମୂଖ ଯୋଗ ଦେଇଥିବା ଜଣାପଡିଛି।
ବନ୍ଦର ନଗରୀରେ ଚାଲିଛି ନକଲି ଔଷଧ କାରବାର!

ବନ୍ଦର ନଗରୀ ପାରାଦ୍ଵୀପରେ ଚାଲିଛି କି ନକଲି ଔଷଧ କାରବାର ? ନାଁ ବିନା କାଗଜପତ୍ରରେ ଚାଲିଛି ଔଷଧ ଦୋକାନ ? ମଙ୍ଗଳବାର ସନ୍ଧ୍ୟାରେ ଅଚାନକ ପାରାଦ୍ଵୀପ ଅଠରବାଙ୍କିରେ ଜିଲ୍ଲା ଡ୍ରଗ୍ସ କଣ୍ଟ୍ରୋଲର, କୁଜଙ୍ଗ ଅତିରିକ୍ତ ତହସିଲଦାର ଓ ପୋଲିସ ପହଞ୍ଚି ଔଷଧ ଦୋକାନର କାଗଜପତ୍ର ଓ ମେଡ଼ିସିନ ଗୁଡ଼ିକର ଯାଞ୍ଚ୍ ଆରମ୍ଭ କରିଥିଲେ। ଯାହାକୁ ନେଇ ଏଭଳି ଏକ ଗୁଜବ ପ୍ରଚାରିତ ହେବା ସହିତ ଲୋକଙ୍କ ଭିଡ଼ ମଧ୍ୟ ଦେଖାଦେଇଥିଲା। ମାତ୍ର ଡ୍ରଗ୍ସ କଣ୍ଟ୍ରୋଲର କାଳି ମନ୍ଦିରର ତଳେ ଥିବା ମେଡିସିନ ଦୋକାନ ର କାଗଜପତ୍ର ଓ ମେଡ଼ିସିନ ଯାଞ୍ଚ୍ କରିବା ପରେ ସେଠାରୁ ଫେରିଯାଇଥିଲେ। ଉପସ୍ଥିତ ଗଣମାଧ୍ୟମ କୁ ମଧ୍ୟ କୈାଣସି ସୂଚନା ଦେଇନଥିଲେ। ତେବେ ଭିତିରି ସୂଚନା ମୁତାବକ ଏହି ଯାଞ୍ଚ୍ ପ୍ରକ୍ରିୟା ସରକାରୀ ଜାଗାରେ ମେଡ଼ିସିନ ଦୋକାନ ଖୋଲିବା କୁ ନେଇ ହୋଇଛି। କାରଣ ସରକାରୀ ଜାଗାରେ ମେଡିସିନ ଦୋକାନ ର ଅନୁମତି ମିଳିନଥାଏ, ଏଥିପାଇଁ ପୂର୍ବରୁ ମଧ୍ୟ କେତେଜଣ ଆବେଦନ କରି ବିଫଳ ହୋଇଛନ୍ତି। ମାତ୍ର ଏହି କାଳି ମନ୍ଦିରର ତଳେ ଦୁଇଟି ମେଡିସିନ ଷ୍ଟୋର ଖୋଲାଯାଇଛି। ଯାହାକୁ ନେଇ ଅଭିଯୋଗ ହେବା ପରେ ଜଗତସିଂହପୁର ଜିଲ୍ଲା ଡ୍ରଗ୍ସ କଣ୍ଟ୍ରୋଲର ଅଠରବାଙ୍କି ରେ ପହଞ୍ଚି ଯାଞ୍ଚ୍ କରି ଫେରି ଯାଇଛନ୍ତି। ତେବେ ମେଡିସିନ ଦୋକାନୀଙ୍କ କହିବା ଅନୁଯାୟୀ ଆମର ଲାଇସେନ୍ସ ରହିଛି ଏବଂ ସେମାନେ ଆସି ଆମର‌ କାଗଜପତ୍ର ଯାଞ୍ଚ୍ କରିବା ସହିତ ମେଡିସିନ କିଣା ବିକା ର‌ କାଗଜ ଯାଞ୍ଚ୍ କରିଥିଲେ।
ବନ୍ଦର ନିଷିଦ୍ଧାଞ୍ଚଳରେ ଟ୍ରେନ୍ ଧକ୍କାରେ ଶ୍ରମିକ ମୃତ

ପାରାଦ୍ଵୀପ- ବନ୍ଦର ନିଷିଦ୍ଧାଞ୍ଚଳରେ ଟ୍ରେନ୍ ଧକ୍କାରେ ଗୁରୁତର ଶ୍ରମିକ ସତ୍ୟ ସୁବ୍ରତ ଦଳାଇ ମୃତ। ଘଟଣାକୁ ନେଇ ପରିବାର ଓ ଶ୍ରମିକ ମାନଙ୍କ ପକ୍ଷରୁ ୩ ନମ୍ବର ଗେଟ ସମ୍ମୁଖରେ ଧାରଣା ଦିଆଯାଇଛି। ବନ୍ଦର ର ୩ ନମ୍ବର ଗେଟ ସମ୍ପୁର୍ଣ୍ଣ ବନ୍ଦ, ଫଳରେ ବନ୍ଦର ଭିତରୁ କୈାଣସି ଶ୍ରମିକ ବାହାରକୁ ଆସିପାରୁ ନାହାନ୍ତି କି ଭିତରକୁ କେହି ଯାଇପାରୁ ନାହାନ୍ତି। ମୃତ ଶ୍ରମିକ ଙ୍କ ଘର କୁଜଙ୍ଗ ଥାନା ନବାଡିଆ ଗ୍ରାମରେ। କ୍ଷତିପୂରଣ ଦାବିରେ ପରିବାର ଓ ଶ୍ରମିକ ଧାରଣା ଦିଆଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ଆଲୋଚନା ଆରମ୍ଭ କରିଛି। ତେବେ ଗତ ଦୁଇଦିନ ତଳେ ବନ୍ଦର ର ରେଲ୍ ଆଣ୍ଡ ରୋପ‌ଓ୍ବେ କମ୍ପାନୀରେ କାମ କରୁଥିବା ସତ୍ୟ ସୁବ୍ରତ ଦଳାଇ ଦୂର୍ଘଟଣାର ଶିକାର ହୋଇଥିଲେ। ଓ୍ବାଗନ ନିକଟରେ କାମ କରୁଥିଲା ବେଳେ ଟ୍ରେନ୍ ଟି ପଛକୁ ଗଡିଯିବାରୁ ତାଙ୍କ ଛାତିରେ ଜୋରରେ ମାଡ଼ ହୋଇଥିଲା।

ସେଠାରେ କାମ କରୁଥିବା ଅନ୍ୟ କର୍ମଚାରୀ ତାଙ୍କୁ ସଙ୍ଗେ ସଙ୍ଗେ ଅଠରବାଙ୍କି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ କଟକ ସ୍ଥାନାନ୍ତର କରାଥିଲା। ସେଠାରେ ଗୁରୁତର ଥିବା ଜାଣିବା ପରେ ମେଡିକାଲ ନେଇଥିବା କର୍ମଚାରୀ ସେଠାରେ ତାଙ୍କୁ ଛାଡି ଚାଲି ଆସିଥିଲେ। ଆଜି ସକଳେ ତାଙ୍କର ମୃତ୍ୟୁ ହୋଇଥିଲା। ମାତ୍ର କମ୍ପାନୀ କତ୍ତୃପକ୍ଷ ଏହି ଘଟଣାରେ ସମ୍ପୃକ୍ତ ପରିବାର ନିକଟରେ ପହଞ୍ଚିବା ବଦଳରେ ଧରାଛୁଆ ଦେଇନଥିଲେ। ଯାହାକୁ ନେଇ ପରିବାର ଓ ଅନ୍ୟ ଶ୍ରମିକ ମାନେ ସତ୍ୟ ସୁବ୍ରତ ଙ୍କ ଶବ ରଖି ୩, ନମ୍ବର ଗେଟ୍ ସମ୍ପୁର୍ଣ୍ଣ ବନ୍ଦ କରିଦେଇଛନ୍ତି। ଯେ ପର୍ଯ୍ୟନ୍ତ ଉଚିତ୍ କ୍ଷତିପୂରଣ ନମିଳିଛି , ସେପର୍ଯ୍ୟନ୍ତ ଗେଟ୍ ବନ୍ଦ ରହିବ ବୋଲି ଚେତାବନୀ ଦିଆଯାଇଛି। ଅନ୍ୟପକ୍ଷରେ ଘଟଣାସ୍ଥଳରେ ପାରାଦ୍ଵୀପ ଅତିରିକ୍ତ ଏସପି ପହଞ୍ଚି ସେମାନଙ୍କ ସହିତ ଆଲୋଚନା କରିବା ସହିତ ଥାନାରେ ଆଲୋଚନା କରିବା ପାଇଁ କମ୍ପାନୀ ଓ ମୃତକଙ୍କ ପରିବାରକୁ ଡାକିଛନ୍ତି।
ସିବିଆଇ ଜାଲରେ ଆଇଏଏସ୍ ବିଷ୍ଣୁପଦ ସେଠୀ, ଆଜି ହୋଇପାରନ୍ତି ହାଜର

ଟେଣ୍ଡର ଫିକ୍ସିଂ ମାମଲାରେ ସିବିଆଇ ସହ ଲୁଚକାଳି ଖେଳୁଥିବା ବରିଷ୍ଠ ଆଇଏଏସ୍ ବିଷ୍ଣୁପଦ ସେଠୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ମୋହନ ସରକାର । ଆଜି ତାଙ୍କୁ ୩ଟି ଯାକ ଗୁରୁତ୍ୱପୂର୍ଣ୍ଣ ବିଭାଗର ସଚିବ ପଦରୁ ହଟାଇ ଦେଇଛନ୍ତି । ତାଙ୍କୁ ସାଧାରଣ ପ୍ରଶାସନ ବିଭାଗର ଓଏସଡି(ଅଫିସର ଅନ୍ ସ୍ପେଶାଲ ଡ୍ୟୁଟି) ଭାବେ ପନିସମେଂଟରେ ପଠାଇ ଦିଆଯାଇଛି । ରାଷ୍ଟ୍ରାୟତ୍ତ ଉଦ୍ୟୋଗ ବ୍ରିଜ୍ ଆଣ୍ଡ ରୁଫ୍ କର୍ପୋରେସନ୍ ଜିଜିଏମ୍ଙ୍କୁ ୧୦ ଲକ୍ଷ ଟଙ୍କା ଲାଞ୍ଚ ମାମଲାରେ ଆଜି ଦିନ ୧୨ଟା ସୁଦ୍ଧା ସିବିଆଇ କାର୍ଯ୍ୟାଳୟରେ ହାଜର ହେବାକୁ ଆଇଏଏସ୍ ବିଷ୍ଣୁପଦ ସେଠୀଙ୍କୁ ସିବିଆଇ ଚିଠି କରିଛି। ଏହି ମାମଲାରେ ଆଇଏଏସ୍ ବିଷ୍ଣୁପଦ ସେଠୀ ସିବିଆଇ ଜେରାର ସମ୍ମୁଖୀନ ହେବା ଆପାତତଃ ନିଶ୍ଚିତ ବୋଲି କୁହାଯାଉଛି।

ଉଲ୍ଲେଖଯୋଗ୍ୟ, ଲାଂଚ କାରବାର ଓ ଟେଣ୍ଡର ଫିକ୍ସିଂ ମାମଲାରେ ସିବିଆଇ ଗତ ୧୦ତାରିଖରୁ ବିଷ୍ଣୁପଦ ସେଠୀଙ୍କୁ ହାଜର ପାଇଁ ନୋଟିସ୍ ଦେଇଥିଲେ ମଧ୍ୟ ସେ ତାହାକୁ ଏଡ଼ାଇ ଚାଲିଛନ୍ତି । ସିବିଆଇ ସହ ବିଷ୍ଣୁପଦ ଲୁଚକାଳି ଖେଳୁଥିବାବେଳେ ରାଜ୍ୟ ସରକାରଙ୍କ ଭୂମିକାକୁ ନେଇ ସନ୍ଦେହ ସୃଷ୍ଟି ହୋଇଥିଲା । ଗଣମାଧ୍ୟମରେ ଚର୍ଚ୍ଚା ପରେ ସରକାର ବିଷ୍ଣୁପଦଙ୍କ ଉପରେ ଆକ୍ସନ ନେଇଛନ୍ତି । ଗତକାଲି ରାଜ୍ୟ ସରକାର ବିଷ୍ଣୁପଦ ସେଠୀଙ୍କୁ ତିନିଟି ଯାକ ବିଭାଗରୁ ହଟାଇ ଦେଇଥିବାରୁ ସିବିଆଇ ତାଙ୍କୁ ଜେରା କରିବ। ଏହି କାରବାରରେ ଆଇଏଏସ୍ ବିଷ୍ଣୁପଦଙ୍କ କି ପ୍ରକାର ସମ୍ପୃକ୍ତି ରହିଛି, ସେନେଇ ସିବିଆଇ ପଚାରିଥିଲା। ସେହିଭଳି ୪ ତାରିଖରେ ଜିଏମ୍ ଭୂପେନ୍ଦ୍ର ଆଇଏଏସ୍ ବିଷ୍ଣୁପଦ ସେଠୀଙ୍କ ବ୍ୟକ୍ତିଗତ ସଚିବଙ୍କୁ ଏକ ହାତଲେଖା ଚିଠି ଲେଖିଥିବା ପ୍ରସଙ୍ଗରେ ମଧ୍ୟ ସିବିଆଇ ଖୋଳତାଡ଼ କରୁଛି।
ଗଞ୍ଜେଇ ମାଫିଅ।କୁ ପ୍ରୋତ୍ସାନ ଦେଇ ଫସିଲେ ପୁଲିସ ବାବୁ

ସାରା ରାଜ୍ୟରେ ଅବାଧ ଗଞ୍ଜେଇ ଚାଷ କୁ ଦମନ କରିବାକୁ ନିର୍ଦ୍ଦେଶ ଦେଇଛନ୍ତି ପୁଲିସ ଡି.ଜି ଓ୍ବାଇ.ବି ଖୁରାନିଅ। । ରାଜ୍ୟ ସରକାରଙ୍କ ଅନୁମତି କ୍ରମେ ଏହି ଟିମ୍ ରେ ସାମିଲ ହୋଇଛନ୍ତି ବନବିଭାଗ ଓ ଅବକାରୀ ବିଭାଗ । ଉପାନ୍ତ ଜିଲ୍ଲାରେ ବେଧଡକ୍ ଚାଲିଛି ପୁଲିସର ଦମନ ଲୀଳା । ହେଲେ ଢୋଲ ଭିତରେ ମୂଷା ପାଳଟିଛନ୍ତି ପୁଲିସର ତଳିଅ। କାର୍ମଚାରୀ । ମାଫିଅ।ଙ୍କ ସହ ଫୋନ କଲର ଅଡିଓ ଭାଇରାଳ ହେବାପରେ ଅ।କ୍ସନ ମୋର୍ଡରେ କନ୍ଧମାଳ ପିୁଲିସ ।

କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ରେ କାର୍ଯ୍ୟରତ ଜଣେ ହୋମଗାର୍ଡଙ୍କ ସହ ଗଞ୍ଜେଇ ମାଫିଅ।ଙ୍କ ମଧୂଚନ୍ଦ୍ରିକାକୁ ନେଇ ସାରା ରାଜ୍ୟରେ ଚର୍ଚ୍ଚା । ଗୋଟେ ପଟେ ପୁଲିସ ଗଞ୍ଜେଇ ଚାଷକୁ ସମୂଳେ ନାଶ କରିବାକୁ ଅଭିଯାନ ଚାଳାଇଥିବା ବେଳେ ମାଫିଅ।ଙ୍କୁ ପ୍ରୋତ୍ସାହିତ କରୁଥିଲେ କାର୍ଯ୍ୟରତ ହୋମଗାର୍ଡ ସତ୍ୟଜିତ୍ ମଲ୍ଲିକ । ଗଛ କଟାଯିବ ନାହିଁବୋଲି କହି ଚାଷୀଙ୍କୁ ମୋଟା ଅଙ୍କର ଉତ୍କୋଚ ଦ!ଦି କରିଥିଲେ । ଏହି ଅଡିଓ କଲ୍ ଭାଇରାଲ ହେବା ପରେ ପୁଲିସ ବିଭାଗ ଅ।କ୍ସନ ମୋଡକୁ ଅ।ସିଛି । ସତ୍ୟଜିତଙ୍କ ସହ ସଂପୃକ୍ତ ୫ଜଣ ଅଭିଯୁକ୍ତଙ୍କୁ ଗିରଫ କରିଛି ଦାରିଙ୍ଗବାଡି ପୁଲିସ ।

ଗିରଫ ବ୍ୟକ୍ତିମାନେ ହେଲେ ଦାରିଙ୍ଗବାଡ଼ି ଥାନାର ହୋମଗାର୍ଡ ସତ୍ୟଜିତ ମଲିକ। ଗଞ୍ଜେଇ ଚାଷରେ ସମ୍ପୃକ୍ତି ଥ‌ିବା ମାନସ ପ୍ରଧାନ, ରାଜୁ ବେହେରା, ପ୍ରଫୁଲ କୁମାର ପ୍ରଧାନ ଏବଂ ଆଦିକନ୍ଦ ପ୍ରଧାନ । ଏନେଇ ଏକ ଖବରଦାତା ସମ୍ମିଳନୀରେ କନ୍ଧମାଳ ଜିଲ୍ଲା ଅତିରିକ୍ତ ଆରକ୍ଷୀ ଅଧୀକ୍ଷକ ସ୍ନେହାଶିଷ ସାହୁ ସୂଚନା ଦେଇଛନ୍ତି।

ମିଳିଥିବା ସୂଚନା ଅନୁସାରେ କନ୍ଧମାଳ ଏସ୍‌ପି ହରିଶ ବିଶିଙ୍କ ନିର୍ଦ୍ଦେଶ କ୍ରମେ ଗୁରୁବାର ଉକ୍ତ ଥାନା ପରପାଙ୍କା ଏବଂ ପ୍ଲିହେରି ଅଞ୍ଚଳ ଞ୍ଚଳରୁ ଆଇଆଇସି ଅଶୋକ କୁମାର ହାଁସଦାଙ୍କ ନେତୃତ୍ୱରେ ୭୦ ଏକର ଜମିରେ ଗଞ୍ଜେଇ ଚାଷ ନଷ୍ଟ କରାଯାଇଥିଲା । ତେବେ ଏହା ପୂର୍ବରୁ ଏହି ଚାଷକୁ କାର୍ଯ୍ୟରତ ହୋମଗାର୍ଡ ସତ୍ୟଜିତ୍ ମଲ୍ଲିକ ଗଛ କଟାଯିବ ନାହିଁ ବୋଲି ଅସ୍ବାସନା ଦେବା ସହ ଚାଷୀଙ୍କ ଠାରୁ ମୋଟା ଅଙ୍କର ଉତ୍କୋଚ ଦାଦି କରିଥିଲେ । ଯାହାକୁ ନେଇ ଏବେ ଅଡିଓ ଭାଇରାଲ ହେବା ପରେ ଅ।କ୍ସନ ମୋଡରେ ପୁଲିସ।
କନ୍ଧମାଳ ରୁ ଅରୁଣ କୁମାର ଷଡଙ୍ଗୀ ଙ୍କ ରିପୋର୍ଟ
ତିନି ଦଫା ଦାବିରେ ରାଜପଥ ଅବରୋଧ କଲେ ଠିକା ଶ୍ରମିକ

ତିନି ଦଫା ଦାବି ପୁରଣ ପାଇଁ ବରଗଡ଼ ଜିଲା ଅମ୍ବାଭୋନା ବ୍ଲକ ଡୁଙ୍ଗୁରି ଚୂନପଥର ଖଣିର ଠିକା ଶ୍ରମିକମାନେ ପିଲାଛୁଆ ଧରି ବରଗଡ଼ ସହର ଉପକଣ୍ଠ ହଳଦୀପାଲି ଛକରେ ରାଜପଥ ଅବରୋଧ କରିଛନ୍ତି । ଖଣିର ଲିଜ୍‌ ଅବଧି ଥିବା ପର୍ଯ୍ୟନ୍ତ ଖଣିକୁ କାର୍ଯ୍ୟକ୍ଷମ କରିବା, ଖଣି କାର୍ଯ୍ୟକ୍ଷମ ନହେଲେ ଲିଜ ଅବଧି ପର୍ଯ୍ୟନ୍ତ ସମସ୍ତ ଶ୍ରମିକଙ୍କୁ ସମ୍ପୂର୍ଣ୍ଣ ଦରମା ପ୍ରଦାନ, ଏବଂ ୨୦୨୩ ଅକ୍ଟୋବରରୁ ବର୍ତ୍ତମାନ ପର୍ଯ୍ୟନ୍ତ ବକେୟା ଦରମା ପ୍ରଦାନ ପାଇଁ ଦାବି କରିଛନ୍ତି ଶ୍ରମିକ ।

ରାଜରାସ୍ତାରେ ଠିକା ଶ୍ରମିକ | ବରଗଡ଼ ଜିଲା ଅମ୍ବାଭୋନା ବ୍ଲକ ଡୁଙ୍ଗୁରି ଚୂନପଥର ଖଣିର ଠିକା ଶ୍ରମିକମାନେ ରାଜରାସ୍ତାକୁ ଓହ୍ଲାଇଛନ୍ତି । ତିନି ଦଫା ଦାବି ନେଇ ପିଲାଛୁଆ ଧରି ବରଗଡ଼ ସହର ଉପକଣ୍ଠ ହଳଦୀପାଲି ଛକରେ ରାଜପଥ ଅବରୋଧ କରିଛନ୍ତି । ଯାହା ଫଳରେ ବରଗଡ଼-ବଲାଙ୍ଗୀର,ପଦ୍ମପୁର ରାସ୍ତାରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ଖଣିର ଲିଜ୍‌ ଅବଧି ଥିବା ପର୍ଯ୍ୟନ୍ତ ଖଣିକୁ କାର୍ଯ୍ୟକ୍ଷମ କରିବା, ଯଦି ଖଣି କାର୍ଯ୍ୟକ୍ଷମ ନ ହୁଏ, ତେବେ ଲିଜ ଅବଧି ପର୍ଯ୍ୟନ୍ତ ସମସ୍ତ ଶ୍ରମିକଙ୍କୁ ସମ୍ପୂର୍ଣ୍ଣ ଦରମା ପ୍ରଦାନ, ୨୦୨୩ ଅକ୍ଟୋବରରୁ ବର୍ତ୍ତମାନ ପର୍ଯ୍ୟନ୍ତ ବକେୟା ଦରମା ପ୍ରଦାନ ଆଦି ପାଇଁ ଦାବି କରିଛନ୍ତି । ପ୍ରଶାସନିକ ଅଧିକାରୀ ଏବଂ ପୋଲିସ ଆନ୍ଦୋଳନ ସ୍ଥଳରେ ପହଞ୍ଚି ଆଲୋଚନା ଜାରି ରଖିଛନ୍ତି।