Tag: #suchana news

ସନାତନ ଧର୍ମର ସୁରକ୍ଷାକୁ ନେଇ ଉଠିଲା ସ୍ବର

ଗଞ୍ଜାମ : ଶ୍ରୀରାମ ନାରାରେ କମ୍ପି ଉଠିଲା ଲକ୍ଷ୍ମୀ ନୃସିଂହ ପାହାଡ଼ । ହିନ୍ଦୁ ଧର୍ମର ବିଶ୍ଵାସ ସେବା, ସୁରକ୍ଷା ଏବଂ ସଂସ୍କାରକୁ ନେଇ ଉଠିଲା ସ୍ୱର । ଆଜି ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ କୋକୋଳବା ଲକ୍ଷ୍ମୀ ନୃସିଂହ ପାହାଡ଼ ଉପରେ ପ୍ରଖଣ୍ଡର ସଭାପତି ଚନ୍ଦ୍ରକାନ୍ତ ଷଡ଼ଙ୍ଗୀଙ୍କ ନେତୃତ୍ବରେ ରାଷ୍ଟ୍ରୀୟ ସ୍ଵୟଂ ସଂଘ ଓ ବିଶ୍ଵ ହିନ୍ଦୁ ପରିଷଦର ବରିଷ୍ଠ କର୍ଯ୍ୟକର୍ତ୍ତା ସହିତ ବିଭିନ୍ନ ଅଞ୍ଚଳର ହିନ୍ଦୁ ବିଚାରଧାରା କର୍ମୀ ଆସିଥିଲେ । ଉକ୍ତ ବୈଠକରେ ହିନ୍ଦୁ ଧର୍ମର ବିଭିନ୍ନ ପ୍ରକାର ସମସ୍ୟା ଓ ଏଥିସହ ଅଞ୍ଚଳରେ ଘଟୁଥିବା ହିନ୍ଦୁଙ୍କ ପ୍ରତି ଅଘଟଣ ଅତ୍ୟନ୍ତ ନିନ୍ଦନୀୟ ବୋଲି କହିଥିଲେ ବରିଷ୍ଠ କାର୍ଯ୍ୟକର୍ତ୍ତା ।

ଏହି କାର୍ଯ୍ୟକ୍ରମରେ ଜଗନ୍ନାଥ ପ୍ରସାଦ ପ୍ରଖଣ୍ଡର ପ୍ରାୟ ଦୁଇ ଶହରୁ ଉର୍ଦ୍ଧ୍ବ କର୍ମୀ ଯୋଗଦେଇଥିଲେ । ହିନ୍ଦୁ ଧର୍ମର ଲୋକଙ୍କୁ ଯେଉଁଭଳି ଭାବେ ପ୍ରଲୋଭିତ କରାଇ ସେମାନଙ୍କୁ ଧର୍ମାନ୍ତିକରଣ କରାଯାଉଛି ସେ ଉପରେ ଆଲୋଚନା କରାଯାଇଥିଲା । ଏହି କାର୍ଯ୍ୟକ୍ରମରେ ନୂତନ କର୍ଯ୍ୟକ୍ରତା ଭାବେ ସମ୍ପାଦକ ବିନୋଦ କୁମାର କୁମାର ମହାରଣା,ଗୋରକ୍ଷ ପ୍ରମୁଖ ସଞ୍ଜୟ ପ୍ରଧାନ ସମେତ ଅନେକ ନୂତନ କାର୍ଯ୍ୟକର୍ତ୍ତା ରୂପେ ବହୁ ଯୁବକ ଯୋଗଦେଇ ନିଜର କାର୍ଯ୍ୟ ହିନ୍ଦୁ ସମାଜ ପାଇଁ ଉଦାହରଣ ସୃଷ୍ଟି ଲକ୍ଷ୍ୟରେ କାର୍ଯ୍ୟ କରିବେ ବୋଲି କହିଛନ୍ତି ।
ଭଗବତୀ ସରକାରୀ ଉଚ୍ଚ ବିଦ୍ୟାଳୟର ବାର୍ଷିକ ପୁରସ୍କାର ବିତରଣ ଉତ୍ସବ

କେନ୍ଦୁଝର : କେନ୍ଦୁଝର ଜିଲ୍ଲା ଘସିପୁରା ବ୍ଲକ ଅନ୍ତର୍ଗତ ଭଣ୍ଡାରିଡିହା ସ୍ଥିତ ଭଗବତୀ ସରକାରୀ ଉଚ୍ଚ ବିଦ୍ୟାଳୟରେ ବାର୍ଷିକ ଉତ୍ସବ ମହାସମାରୋହରେ ପାଳନ କରାଯାଇଛି । କାର୍ଯକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ବିଦ୍ୟାଧର ସାହୁଙ୍କ ସଭାପତିତ୍ବ କରିଥିବାବେଳେ ମୁଖ୍ୟ ଅତିଥି ଭାବେ ସମାଜସେବୀ ଯୁଧିଷ୍ଠିର ନାୟକ,ମୁଖ୍ୟ ବକ୍ତା ଆନନ୍ଦପୁର ପୂର୍ବତନ ବ୍ଲକ ଶିକ୍ଷାଧିକାରୀ ଶରତ ରାଉତ, ସମ୍ମାନିତ ଅତିଥି ଭଣ୍ଡାରିଡିହା ପଞ୍ଚାୟତ ସରପଞ୍ଚ କୃଷ୍ଣଚନ୍ଦ୍ର ରାଉତ , ଦେଓଗାଁ ବାଳିକା ଉଚ୍ଚବିଦ୍ୟାଳୟ ପ୍ରଧାନ ଶିକ୍ଷକ ଶଙ୍କର୍ଷଣ ଜେନା, ବଳରାମପୁର ପଞ୍ଚାୟତ ଉଚ୍ଚବିଦ୍ୟାଳୟ ପ୍ରଧାନ ଶିକ୍ଷକ ଅନିଲ ନାୟକ, ପଞ୍ଚସଖା ଶିକ୍ଷା ସେତୁ ସଭାପତି ଅଜୟ ପଟ୍ଟନାୟକ,ଅବସରପ୍ରାପ୍ତ କ୍ରୀଡ଼ା ଶିକ୍ଷକ ସୁଦର୍ଶନ ଭଞ୍ଜ, ବିଦ୍ୟାଳୟ ପରିଚାଳନା କମିଟି ସଭାପତି ପବିତ୍ର ମୋହନ ରାଉତ , ଭଣ୍ଡାରିଡିହା ବାଳିକା ଉଚ୍ଚବିଦ୍ୟାଳୟ ପ୍ରଧାନ ଶିକ୍ଷକ ପ୍ରଶାନ୍ତ ବାସ୍, ସିଆରସିସି ଭଣ୍ଡାରିଡିହା ସତ୍ୟଶିବ ସୁନ୍ଦର ପଟ୍ଟନାୟକ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ମୁଖ୍ୟ ଅତିଥି ସମାଜସେବୀ ଯୁଧିଷ୍ଠିର ନାୟକ ଦଶମ ଶ୍ରେଣୀର ଟପ୍ପର ଙ୍କୁ ୧୦୦୦ ହଜାର ଟଙ୍କା ଓ ଗଣିତ ରେ ସର୍ବାଧିକ ନମ୍ବର ରଖିଥିବା ଛାତ୍ରଛାତ୍ରୀ ଙ୍କୁ ୫୦୦ ଶହ ଟଙ୍କା ପ୍ରତିବର୍ଷ ବାର୍ଷିକ ଉତ୍ସବରେ ପ୍ରଦାନ କରାଯିବ ବୋଲି ଘୋଷଣା କରିଥିଲେ । ସରପଞ୍ଚ କୃଷ୍ଣ ଚନ୍ଦ୍ର ରାଉତ ବିଦ୍ୟାଳୟ ରେ ଏକ ସ୍ଥାୟୀ ମଣ୍ଡପ ନିର୍ମାଣ କରିବାକୁ ଘୋଷଣା କରିଥିଲେ। ଛାତ୍ରଛାତ୍ରୀ ମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ ପରେ ସଭାକାର୍ଯ୍ୟ ଆରମ୍ଭ ହୋଇଥିଲା। ବିଦ୍ୟାଳୟ ର ଶିକ୍ଷୟିତ୍ରୀ ପଦ୍ମିନୀ ସାହୁ ବିଦ୍ୟାଳୟ ର ବାର୍ଷିକ ବିବରଣୀ ପାଠ କରିଥିଲେ ଓ ଶିକ୍ଷକ ସୌମ୍ୟରଞ୍ଜନ ନାୟକ ଅତିଥି ପରିଚୟ ପ୍ରଦାନ କରିଥିଲେ । ଶିକ୍ଷକ ସନାତନ ଦାଶ ଧନ୍ୟବାଦ ଅର୍ପଣ କରିଥିଲେ। ଛାତ୍ର ଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ହୋଇଥିବା କ୍ରୀଡ଼ା ପ୍ରତିଯୋଗିତା ରେ କୃତି ଛାତ୍ର ଛାତ୍ରୀ ମାନଙ୍କୁ ଅତିଥି ମାନେ ପୁରସ୍କାର ବିତରଣ କରିଥିଲେ। ଶେଷରେ ଟିଟୁ ପାତ୍ର ଙ୍କ ପରିଚାଳନା ରେ ପିଲାମାନଙ୍କ ଦ୍ଵାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।
ତୁରିଆ ସରକାରୀ ଉଚ୍ଚ ବିଦ୍ୟାଳୟରେ ବାର୍ଷିକ ଉତ୍ସବ

କୋରାପୁଟ : କୋରାପୁଟ ଜିଲ୍ଲା ପଟ୍ଟାଙ୍ଗି ବ୍ଲକର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ତୁରିଆ ଠାରେ ବାର୍ଷିକ ଉତ୍ସବ ପାଳନ କରାଯାଇଛି | କାର୍ଯ୍ୟକ୍ରମରେ ପଟ୍ଟାଙ୍ଗି ବିଧାୟକ ତଥା ବିଧାୟକ ଦଳର ନେତା ରାମଚନ୍ଦ୍ର କାଡାମ ମୁଖ୍ୟ ଅତିଥି ଭାବେ ଯୋଗ ଦେଇ ପୁରୁଣା ସ୍କୁଲ ଘର ଗୁଡିକ ନୂତନ ଭାବେ ନିର୍ମାଣ କରାଯିବା ସହ ଛାତ୍ରଛାତ୍ରୀଙ୍କ ଭବିଷ୍ୟତ ଓ ଶିକ୍ଷା ପ୍ରତି ଗୁରୁତ୍ବ ଦେବାକୁ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଗୁରୁତ୍ବାରୋପ କରିଥିଲେ |

କାର୍ଯକ୍ରମରେ ସମ୍ମାନିତ ଅଥିତି ଭାବେ ପଟ୍ଟାଙ୍ଗି ଜିଲ୍ଲା ପରିଷଦ ସଭ୍ୟା ଟୀକାଇ ଗେମେଲ, ପଟ୍ଟାଙ୍ଗି ବ୍ଲକ ଅଧ୍ୟକ୍ଷା କଳ୍ପନା ପାଙ୍ଗି, ସାମାଜିକ ସେଵୀ ରୋଞ୍ଜିତ ପାଙ୍ଗି, ପ୍ରଧାନ ଶିକ୍ଷକ କୃପା ପ୍ରସାଦ ଜାନି, ଜିଲ୍ଲା ମଙ୍ଗଳ ଅଧିକାରି ସୁନୀଲ କୁମାର ତାଣ୍ଡି, ସାଂସଦ ପ୍ରତିନିଧି ଶୂକ୍ରା ଖରା, ବିଧାୟକ ପ୍ରତିନିଧି ଅର୍ଜୁନ ବାଙ୍କା, ବ୍ଲକ ମଙ୍ଗଳ ଅଧିକାରୀ, ଅନିଲ ସେଠୀ, ଏସ ଏମ ସି କମିଟି ସଭାପତି ଗଦ୍ରୁ ଖରା ଯୋଗ ଦେଇଥିଲେ | ଶେଷରେ ଆୟୋଜିତ ବିଭିନ୍ନ କ୍ରିଡା ପ୍ରତିଯୋଗିତାରେ ଉତ୍ତୀର୍ଣ୍ଣ ଛାତ୍ରଛାତ୍ରୀଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କାର ବିତରଣ କରାଯାଇଥିଲା |
ଏ କି ପ୍ରକାରର ଜାତୀୟ ପତକାକୁ ସମ୍ମାନ!

ସାରାଦେଶ ୭୬ ତମ ସାଧାରଣତନ୍ତ୍ର ଦିବସ ଆନନ୍ଦ ଉଲ୍ଲାସରେ ପାଳନ କରୁଥିବା ସମୟରେ ଜାତୀୟ ପତାକା ଉତ୍ତୋଳନ ନେଇ ଦେଖିବାକୁ ମିଳିଛି ଅଭାବନୀୟ ଘଟଣା । ପତାକା ଉତ୍ତୋଳନ ଅଧାରେ ରହିଲା | ଏଭଳି ଘଟଣା ଘଟିଛି ନିଶ୍ଚିନ୍ତ କୋଇଲି ଥାନା ଅନ୍ତର୍ଗତ ଅସୁରେଶ୍ଵର ଆଥଲେଟିକ୍ ଆସୋସିଏସନ୍ ରେ ।

ଅସୁରେଶ୍ଵର ଆଥଲେଟିକ୍ ଆସୋସିଏସନ୍ ସମ୍ପାଦକ ତଥା ମାହାଙ୍ଗା ବିଧାୟକ ସାରଦା ପ୍ରଧାନଙ୍କ ଅନୁଗତ ଅନନ୍ତ କୁମାର ସିଂହ ଜାତୀୟ ପତାକା ଉତ୍ତୋଳନ କରିବା ସମୟରେ ଅଚାନକ ଅସୁରେଶ୍ଵର ଆଥଲଟିକ୍ ଆସୋସିଏସନ୍ ର ପୂର୍ବତନ ସମ୍ପାଦକ ତଥା ବିଜେପି ନେତା ବିଜୟ କୁମାର ବଳ ଜାତୀୟ ପତାକା ଉତ୍ତୋଳନକୁ ବିରୋଧ କରିଥିଲେ । ପରେ, ରାଗିଯାଇ ବାଉଁଶ ଏବଂ ଜାତୀୟ ପତକାକୁ ଉପାଡି ଫିଙ୍ଗି ଦେଇଥିଲେ ବଳ ।

ବିଜେପି ନେତା ଏବଂ ବିଧାୟକଙ୍କ ମଧ୍ୟରେ ଟଣା ଓଟରା ଚାଲିଛି । କେବଳ ସେତିକି ନୁହେଁ ହାତାହାତି ଯାଏଁ ମଧ୍ୟ କଥା ଯାଇଛି । ଜାତୀୟ ପତାକାକୁ ଅସମ୍ମାନ, ଦୁଇ ନେତାଙ୍କ ମଧ୍ୟରେ ଟଣା ଓଟରାର ଏହି ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି । ଯାହାକୁ ନେଇ ଜନସାଧାରଣ ନିନ୍ଦା କରିଛନ୍ତି । ତେବେ, ଏ ନେଇ ନିଶ୍ଚିନ୍ତକୋଇଲି ଥାନା ଅସୁରେଶ୍ଵର ଆଥଲେଟିକ୍ ଆସୋସିଏସନ୍ ସମ୍ପାଦକ ଅନନ୍ତ ରାମ ସିଂହ ଲିଖିତ ଅଭିଯୋଗ କରିଥିବା ଜଣାପଡିଛି ।
ଡିପୋଜିଟ୍ ଫର୍ମରେ ଏମିତି କଣ ଲେଖିଲେ ମହିଳା…

ଚର୍ଚ୍ଚାରେ ଭାଇରାଲ ବ୍ୟାଙ୍କ ଡିପୋଜିଟ୍ ଫର୍ମ । ବ୍ୟାଙ୍କ୍ ଫର୍ମରେ ଲେଖାଥିବା କଥାକୁ ନେଇ ଏବେ ସୋସିଆଲ ମିଡିଆରେ ଭାରି ଚର୍ଚ୍ଚା ହେଉଛି। ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ଡିପୋଜିଟ୍ ଫର୍ମରେ ଟଙ୍କା ଜାଗାରେ ଲେଖାଅଛି- ସ୍ବାମୀଙ୍କ ସହ ମେଳା ବୁଲିବାକୁ ଯିବାର ଅଛି ଏବଂ ଆମାଉଣ୍ଟ ସ୍ଥାନରେ ଲେଖାଅଛି କୁମ୍ଭ ମେଳା । ଏହି ଡିପୋଜିଟ୍ ଫର୍ମକୁ ଦେଖି ବ୍ୟାଙ୍କ କର୍ମଚାରୀ ହସିହସି ବେଦମ ହେଇଥିବା ବେଳେ ଏହି ଫର୍ମଟି ଏବେ ସୋସିଆଲ ମିଡିଆରେ ବେସ୍ ଭାଇରାଲ ହେବାରେ ଲାଗିଛି ।

ସତକଥା ତେବେ ସୋସିଆଲ ମିଡ଼ିଆରେ କିଏ କେତେବେଳେ ଭାଇରାଲ ହେଇଯିବ ତାହା କହିହେବନି । ତେବେ ଭାଇରାଲ ହେଉଥିବା ଏହି ଫର୍ମରେ ଖାତାଧାରୀଙ୍କ ନାଁ ରାଧିକା ଶର୍ମା ଲେଖା ହୋଇଛି। ସିଏ ୧୦ ହଜାର ଟଙ୍କା ଡିପୋଜିଟ୍ କରିବାକୁ ଫର୍ମ ଭରିଥିଲେ, ମାତ୍ର ଟଙ୍କା ବିବରଣୀ ସ୍ଥାନରେ ସ୍ବାମୀଙ୍କ ସହ ମେଳା ବୁଲି ଯିବାକୁ ଚାହୁଁଛି ଲେଖି ବେଶ ଭାଇରାଲ ହୋଇଛନ୍ତି । ତେବେ ଖାତାଧାରୀଙ୍କ ନାଁ ଜଣା ପଡିଥିଲେ ବି ଏହା କେଉଁ ଅଞ୍ଚଳର କିମ୍ବା କେଉଁ ବ୍ୟାଙ୍କ ଅଧିନରେ ଏହା ଘଟିଛି ତାହା ଜଣାପଡିନାହିଁ । ତେବେ ଏହି ଘଟଣାକୁ ନେଇ ବିଭିନ୍ନ ପ୍ରକାରର ମତ ଦେଉଛନ୍ତି ପବ୍ଲିକ। କିଏ ଥଟା କରୁଛନ୍ତି ତ ଆଉ କିଏ ସାବାସ ବୋଲି କହୁଛନ୍ତି ।
ମହାକୁମ୍ବ ଦଳାଚକଟାରେ ବଢିପାରେ ମୃତ୍ୟୁସଂଖ୍ୟା, ସରକାର ଏପର୍ଯ୍ୟନ୍ତ ଦେଇନାହାଁନ୍ତି ସରକାରୀ ବିବୃତ୍ତି

ପ୍ରୟାଗରାଜ ମହାକମ୍ବୁରେ ବିଳମ୍ବିତ ରାତିରେ ମୋୖନି ଅମାବାସ୍ୟା ରେ ଶ୍ରଦ୍ଧାଳୁଙ୍କ ଭାରି ଭିଡ଼ ଜମିବା କାରଣରୁ ବିଳମ୍ବିତ ରାତିରେ ତ୍ରିବେଣୀରେ ଦଳାଚକଟା ଭଳି ପରିସ୍ଥିତି ସୃଷ୍ଟି ହୋଇଥିଲା। ଯେଉଁ କାରଣରୁ କିଛି ମହିଳା ଶ୍ୱାସରୁଦ୍ଧ ହୋଇ ଆହତ ହୋଇଥିଲେ। ଅନେକ ଆହତଙ୍କ ପରିସ୍ଥିତି ଭୟାଭୟ କରାଯାଉଛି। ତ୍ରିବେଣୀର ଦୃଶ୍ୟ ଏବଂ ଭିଡିଓରେ ମହିଳାଙ୍କ ଚପଲ ଏବଂ ଜିନିଷଗୁଡିକ ଛିନ୍ନଛତ୍ର ହୋଇଥିବାର ଦେଖାଯାଏ | କେତେ ଲୋକ ଆହତ ହୋଇଛନ୍ତି ସେନେଇ ମେଳା ପ୍ରଶାସନ ଏପର୍ଯ୍ୟନ୍ତ ସୂଚନା ଦେଇନାହିଁ। ହଠାତ୍ ଖରାପ ଅବସ୍ଥାକୁ ନିୟନ୍ତ୍ରଣ କରି ମେଳା ପ୍ରଶାସନ ସବୁଜ କରିଡର ତିଆରି କରି ଆହତ ମହିଳାମାନଙ୍କୁ ଡାକ୍ତରଖାନାକୁ ନିଆଯାଇଛି ।

ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପରିସ୍ଥିତି ଉପରେ ନଜର ରଖିଛନ୍ତି। ପ୍ରଧାନମନ୍ତ୍ରୀ ମୋଦୀ ମଧ୍ୟ ତାଙ୍କୁ ଫୋନ କରି ଘଟଣା ସମ୍ପର୍କରେ ପଚାରି ବୁଝୁଛନ୍ତି। ମୌନି ଅମାବାସ୍ୟାରେ, ଶ୍ରଦ୍ଧାଳୁଙ୍କ କ୍ଷମତା ବାହାରେ ଯାହା ଅଣାୟତ୍ତ ହୋଇପଡ଼ିଥିଲା ତେଣୁ ସେମାନଙ୍କ ଅମୃତ ସ୍ନାନକୁ ସ୍ଥଗିତ ରଖିବିକୁ ପଡିଥିଲା | ତେବେ ସାଧାରଣ ଭକ୍ତମାନେ ସଙ୍ଗମରେ ସ୍ନାନ ଜାରି ରଖିଛନ୍ତି। ରେକର୍ଡ ସଂଖ୍ୟକ ଭକ୍ତ ମୋୖନି ଅମାବାସ୍ୟାରେ ପବିତ୍ର ସ୍ନାନ ପାଇଁ ପ୍ରୟାଗରେ ପହଞ୍ଚିଛନ୍ତି | ଆଠରୁ ଦଶ କୋଟି ଭକ୍ତ ଆଜି ପ୍ରୟାଗରରେ ପହଞ୍ଚିବେ ବୋଲି ଆଶା କରାଯାଉଛି।

ପ୍ରୟାଗରାଜରେ ଏ ପର୍ଯ୍ୟନ୍ତ ୧୭ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ତେବେ ଏପର୍ଯ୍ୟନ୍ତ ସରକାରୀ ନିଶ୍ଚିତକରଣ କରାଯାଇ ନାହିଁ।
ମହାକୁମ୍ଭ ପୋଲିସ୍ ମୁଖ୍ୟ ବୈଭବ କୃଷ୍ଣ କହିଛନ୍ତି ଯେ ଅଖଡା ମାର୍ଗ ଆମର ପ୍ରସ୍ତୁତ ସରିଛି । କିଛି ସମୟ ପରେ ସେମାନେ ସାନ୍ନ କରିବାକୁ ଆସିବେ ଆମେ ଅଖଡାକୁ ଜଣାଇଛୁ ଯେ ଆମେ ପ୍ରସ୍ତୁତ |

ଆଜି ମୋୖନି ଅମାବାସ୍ୟାରେ ପ୍ରୟାଗରାଜ ମହାକୁମ୍ବରେ ଥିବା ଅଖଡାରେ ହେବ ନାହିଁ ଅମୃତ ସ୍ନାନ | ଦେବତାମାନଙ୍କୁ କେବଳ ସାଙ୍କେତିକ ଭାବରେ ସ୍ନାନ କରାଯିବ | କେବଳ ପରମ୍ପରାର ନିର୍ବନ୍ହ ପାଳନ କରାଯିବ | ସର୍ବାଧିକ ପଚିଶରୁ ତିରିଶ ସନ୍ୟାସୀ ଦେବତାଙ୍କ ସହିତ ସରଳତା ସହିତ ସଙ୍ଗମକୁ ଯିବେ | ବଡ ସାଧୁ ଏବଂ ମହାତ୍ମା ଯିବେ ନାହିଁ | ସେଠାରେ କୌଣସି ରାଜକୀୟ ରଥ ଏବଂ ବାଦ୍ୟଯନ୍ତ୍ର ରହିବ ନାହିଁ | ଅଖଡା ପରିଷଦର ସଭାପତି ମହନ୍ତ ରବିନ୍ଦ୍ର ପୁରୀଙ୍କ କହିବା ଅନୁଯାୟୀ ଦେବତାଙ୍କ ସ୍ନାନରେ ସନ୍ଥ ମହାତ୍ମା ନିଜ ସ୍ନାନ ଉପଭୋଗ କରିବେ।
ମୁକୁନ୍ଦ ଚନ୍ଦ୍ର ସାହୁ ଟ୍ରଷ୍ଟ ପକ୍ଷରୁ ମତୋରେ ନୂତନ ବିଶ୍ରାମାଗାର ଉଦଘାଟିତ

ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ମତୋ ବଜାରରେ ଏକ ନୂତନ ବିଶ୍ରାମାଗାର ଉଦଘାଟିତ ହୋଇଯାଇଛି। ମୁକୁନ୍ଦ ଚନ୍ଦ୍ର ସାହୁ ଟ୍ରଷ୍ଟ ପକ୍ଷରୁ ଏହି ବିଶ୍ରାମ ଗାର ହୋଇଛି, ଏହି ବିଶ୍ରାମ ଗାର ଟିକୁ ମୁଖ୍ୟ ଅତିଥି ଭାବେ ଚାନ୍ଦବାଲି ତହସିଲଦାର ଭବତୋଷ ମଲ୍ଲିକ, ଚାନ୍ଦବାଲି ଆଇଆଇସି ପଞ୍ଚାନନ ମହାନ୍ତି, ଛତିଶ କୁମାର ଗଛି ଉପସ୍ଥିତ ରହି ଫିତା କାଟି ଉଦଘାଟନ କରିଛନ୍ତି। ଏହି ବିଶ୍ରାମ ଗାରଟି ନିହାତି ଆବଶ୍ୟକ ବୋଲି ଅଞ୍ଚଳବାସୀ କହିଛନ୍ତି।

ମତୋ ବଜାରରେ ବିଶିଷ୍ଟ ବ୍ୟବସାୟୀ ତଥା କମ୍ୟୁନିଷ୍ଟ ପାର୍ଟିର ଜଣେ ଆଗଧାଡିର ନେତୃବୃନ୍ଦ, ଆଜି ସ୍ବର୍ଗତ ମୁକୁନ୍ଦ ଚନ୍ଦ୍ର ସାହୁଙ୍କ ଶ୍ରାଦ୍ଧ ବାର୍ଷିକୀରେ ସୁପୁତ୍ର ବାବୁଲାଲ ସାହୁ ବାପାଙ୍କ କଥାକୁ ରକ୍ଷାକରି ଏହି ମାନବ ସେବା ମନ୍ଦିରଟି ଆରମ୍ଭ କରିଛନ୍ତି।

ଏହି ଶୁଭ ଉଦଘାଟନ ଉତ୍ସବରେ ମତୋ ପଞ୍ଚାୟତର ବିଜୁଜନତା ଦଳର ସଭାପତି ପ୍ରଦୀପ ପଲ୍ଲାଇ, ପୂର୍ବତନ ସରପଞ୍ଚ ଅଭୟ ସାହୁ, ପୂର୍ଣ୍ଣଚନ୍ଦ୍ର ପଣ୍ଡାଙ୍କ ସମେତ ମତୋ ଅଞ୍ଚଳର ବୁଦ୍ଧିଜୀବୀଙ୍କ ସମେତ ଜନ ସାଧାରଣ ଉପସ୍ଥିତ ରହିଥିଲେ।
ମହାକୁମ୍ଭକୁ ଯାଉଥିବା ଟ୍ରେନରେ ନାହିଁ ନ ଥିବା ଭିଡ଼, ଉପଦ୍ରଵୀଙ୍କ ପଥର ଫିଙ୍ଗା, କ୍ରୋଧିତ ଯାତ୍ରୀମାନେ ପଥର ଫିଙ୍ଗି ଭାଙ୍ଗିଲେ କାଚ

ପ୍ରୟାଗରାଜ ମହାକୁମ୍ଭ ଯାଉଥିବା ଟ୍ରେନରେଏହି ସମୟରେ ନାହିଁ ନଥିବା ଭିଡ଼ ଦେଖିବାକୁ ମିଳୁଛି | ଏପଟେ ମହାକୁମ୍ଭ ଯିବାକୁ ରେଳ ଷ୍ଟେସନରେ ମଧ୍ୟ ବହୁ ସଂଖ୍ୟାରେ ଲୋକ ଦେଖିବାକୁ ମିଳୁଛି | ଠିକ ଏହି ସମୟରେ ମହାକୁମ୍ଭ ଯାଉଥିବା ଯାତ୍ରୀମାନେ ଛତ୍ରପୁର ରେଳ ଷ୍ଟେସନରେ ହଙ୍ଗାମା କରିଛନ୍ତି। ଏହି ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି। ମହାକୁମ୍ଭ ଯାଉଥିବା ଯାତ୍ରୀମାନେ ମଧ୍ୟ ଟ୍ରେନରେ ପଥର ଫିଙ୍ଗି ଟ୍ରେନର ଗ୍ଲାସ ଭଙ୍ଗା ଭଙ୍ଗି କରିଛନ୍ତି। ଆମ୍ବେଦକର ନଗରରୁ ଚାଲୁଥିବା ଟ୍ରେନର ସମସ୍ତ କବାଟ ଓ ଝରକା ବନ୍ଦ ଥିବାରୁ ପ୍ଲାଟଫର୍ମରେ ଠିଆ ହୋଇଥିବା ଯାତ୍ରୀମାନଙ୍କ ମଧ୍ୟରେ କ୍ରୋଧ ଉଠିଥିଲା, ଯାହା ପରେ ସେମାନେ ପଥର ଫୋପଡା ଫିଙ୍ଗା କରିଥିଲେ ।

କେଉଁ କାରଣରୁ ଟ୍ରେନରେପଥର ଫିଙ୍ଗା ହୋଇଥିଲା
ବିରାଙ୍ଗନା ଲକ୍ଷ୍ମୀବାଇ ଝାନସିରୁ ପ୍ରୟାଗରାଜକୁ ଯାଉଥିବା ଟ୍ରେନ୍ ନମ୍ବର 11801ରେ ପଥର ମାଡ଼ ହୋଇଥିଲା । ସୂଚନା ଅନୁଯାୟୀ ଯେ ବହୁ ସଂଖ୍ୟାରେ ଯାତ୍ରୀ ହରପାଲପୁର ରେଳ ଷ୍ଟେସନରେ ବହୁ ସଂଖ୍ୟାରେ ଯାତ୍ରୀଙ୍କ ଭିଡ଼ ଲାଗିଥିଲା । କିନ୍ତୁ ଟ୍ରେନ୍ ଭିତରେ ଥିବା ଯାତ୍ରୀମାନେ ଟ୍ରେନ୍ ଗେଟ୍ ଖୋଲୁ ନଥିଲେ। ଯାହା ଫଳରେ ଷ୍ଟେସନରେ ଉପସ୍ଥିତ ଜନତା କ୍ରୋଧିତ ହୋଇ ପଥର ଫିଙ୍ଗିବା ଏବଂ ଭଙ୍ଗାରୁଜା କରିବା ଆରମ୍ଭ କରିଥିଲେ। ପଥର ଫିଙ୍ଗିବା ଏବଂ ଭଙ୍ଗାରୁଜା ଯୋଗୁଁ ଯାତ୍ରୀମାନେ ଚିତ୍କାର କରିବା ଆରମ୍ଭ କରିଥିଲେ। ଯାତ୍ରୀମାନେ କହିଥିଲେ ଯେ ହଠାତ୍ ଷ୍ଟେସନରେ ଉପସ୍ଥିତ ଜନତା ପଥର ଫିଙ୍ଗିବା ସହ ଆକ୍ରମଣ ଆରମ୍ଭ କରିଥିଲେ। ମହାକୁଂଭ ସ୍ନାନ କରିବାକୁ ପ୍ରୟାଗରାଜକୁ ଯାଉଥିବା ଟ୍ରେନ୍ ଭିତରେ ମହିଳା ଏବଂ ଶିଶୁ ସମସ୍ତେ ଉପସ୍ଥିତ ଥିଲେ।

ମୁହଁରେ ବନ୍ଧା ହୋଇଥିଲା କପଡା
ଏହି ଟ୍ରେନ୍ ଝାନସିରୁ ପ୍ରୟାଗରାଜ ଅଭିମୁଖେ ଯାଉଥିଲା, କିନ୍ତୁ ଯେତେବେଳେ ଟ୍ରେନ୍ ମଧ୍ୟପ୍ରଦେଶର ହରପାଲପୁର ଷ୍ଟେସନରେ ପହଞ୍ଚିଥିଲା। ଟ୍ରେନ୍ ସେହି ସ୍ଥାନରେ ଛିଡା ହୋଇଥିଲା ଏବଂ କିଛି ଲୋକ ସେଠାକୁ ଆସିଥିଲେ | ଏହା ପରେ ସେମାନେ ପଥର ଫିଙ୍ଗି ଯାତ୍ରୀମାନଙ୍କୁ ଆଘାତ କରିବାକୁ ଚେଷ୍ଟା କରିଥିଲେ। ସେମାନଙ୍କ ପାଟିରେ କପଡା ବନ୍ଧା ହୋଇଥିଲା, ସେମାନଙ୍କ ସଂଖ୍ୟା ୮-୧୦ ବୋଲି କୁହାଯାଏ | ବର୍ତ୍ତମାନ ସିସିଟିଭି ଫୁଟେଜ ଆଧାରରେ ଏହି ଲୋକଙ୍କୁ ଚିହ୍ନଟ କରିବା ପାଇଁ କାର୍ଯ୍ୟ ଚାଲିଛି।

ଟ୍ରେନରେ ପ୍ରବେଶ କରିବାକୁ ପୁରା ଚେଷ୍ଟା
ଦୁଷ୍କର୍ମକାରୀମାନେ ଟ୍ରେନରେ ପ୍ରବେଶ କରିବାକୁ ଯଥାସମ୍ଭବ ଚେଷ୍ଟା କରିଥିଲେ କିନ୍ତୁ ଲୋକମାନେ ଠିକ ସମୟରେ ଟ୍ରେନ୍ ଫାଟକ ବନ୍ଦ କରିଦେଇଥିଲେ। ଯେଉଁଥିପାଇଁ ଲୋକମାନେ ଅଧିକ ଆଘାତ ପାଇନାହାଁନ୍ତି | ଗତକାଲି ରାତି ୧୦ ରୁ ୧୧ ମଧ୍ୟରେ ଏହା ଘଟିଥିବା କୁହାଯାଉଛି | ଏହି ଘଟଣା ଘଟିବା ମାତ୍ରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ତୁରନ୍ତ ଟ୍ରେନକୁ ପଠାଯାଇଥିଲା। ଯେଉଁ ଲୋକମାନେ ଷ୍ଟେସନରେ ଥିଲେ ସେମାନେ ଯେଉଁ ଭିଡିଓ ପ୍ରସ୍ତୁତ କରିଛନ୍ତି। ସେହି ଆଧାରରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଏହି ପ୍ରସଙ୍ଗରେ ଅଧିକ ଅନୁସନ୍ଧାନ ଚାଲିଛି।
ଆସ କିଏ ଖାଇବ ଆମ ସ୍କୁଲ ଖାନା, ଗରମ ପାଣିକୁ ଗୁଣ୍ଡ ହଳଦୀ ଦିଅ ଚାଖି ଦିଅ…

ପିଲାଙ୍କୁ ପୁଷ୍ଟିକର ଖାଦ୍ୟ ଯୋଗାଇବା ଲକ୍ଷ୍ୟରେ ସ୍କୁଲରେ ମଧ୍ୟାହ୍ନ ଭୋଜନର ବ୍ୟବସ୍ଥା କରାଯାଇଛି । ସେପଟେ ଉଭୟ କେନ୍ଦ୍ର ଓ ରାଜ୍ୟ ସରକାର ଛାତ୍ର ଛାତ୍ରୀଙ୍କ ଉତ୍ତମ ଶାରୀରିକ ଓ ମାନସିକ ବିକାଶ ପାଇଁ ବିଦ୍ୟାଳୟ ମାନଙ୍କରେ ମଧ୍ୟାହ୍ନ ଭୋଜନରେ ପୃଷ୍ଟିକର ଖାଦ୍ୟ ମଧ୍ୟ ଯୋଗାଉଛନ୍ତି । କିନ୍ତୁ କିଛି ନିର୍ଦ୍ଧିଷ୍ଟ ବିଦ୍ୟାଳୟରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ଏଭଳି ଅଭିଯୋଗ ଆସିଛି ରାଜନଗର ମଣ୍ଡଳ ଶିକ୍ଷାଧିନସ୍ଥ କହ୍ନୁଆ ପ୍ରାଥମିକ ବିଦ୍ୟାଳୟରେ । ଏହି ବିଦ୍ୟାଳୟରେ ଦୀର୍ଘ ଦିନ ହେବ ଛାତ୍ର ଛାତ୍ରୀମାନଙ୍କୁ ସିଝା ଅଣ୍ଡା ସହିତ ଗରମ ପାଣିରେ ହଳଦୀ ଗୁଣ୍ଡ ପକା ତରକାରୀ ଖାଇବାକୁ ଦିଆଯାଉଛି ।

ମିଳିଥିବା ସୂଚନାନୁସାରେ , ମଧ୍ୟାହ୍ନ ଭୋଜନରେ ପୃଷ୍ଟିକର ଖାଦ୍ୟ ବଦଳରେ ଛାତ୍ରଛାତ୍ରୀ ମାନଙ୍କୁ ଅତି ନିମ୍ନ ମାନର ଖାଦ୍ୟ ଯୋଗାଉଛନ୍ତି ଶିକ୍ଷକ,ଶିକ୍ଷୟତ୍ରୀ ମାନେ । ଶିକ୍ଷକ ମାନେ ନିଜ ଖାଦ୍ୟକୁ ସୁଆଦିଆ କରି ଖାଉଥିବା ବେଳେ ପିଲା ଡାଲି ବଦଳରେ ସିଝା ଆଳୁ ପାଣି ପାଉଛନ୍ତି । ଟିକେ ଭଲ କରି ଦେଖନ୍ତୁ ଏ ଭିଡିଓକୁ | କୁନି କୁନି ପିଲା ମାନଙ୍କୁ କିପରି ନିମ୍ନ ମାନର ଖାଦ୍ୟ ମିଳୁଛି | ଏଭଳି ଅଭିଯୋଗ ଆଣିଛନ୍ତି ବିଦ୍ୟାଳୟର ଛାତ୍ର ଛାତ୍ରୀ ଓ ଅଭିଭାବକ ।

କହ୍ନୁଆ ପ୍ରାଥମିକ ବିଦ୍ୟାଳୟରେ ଛାତ୍ରଛାତ୍ରୀଙ୍କ ପାଇଁ ସ୍ୱପ୍ନ ପାଲଟିଛି ପୃଷ୍ଟିକର ଖାଦ୍ୟ । ଏନେଇ ବିଦ୍ୟାଳୟର ପ୍ରଧାନ ଶିକ୍ଷକ ଦୋଳଗୋବିନ୍ଦ ମହାସେଠୀଙ୍କୁ ପଚାରିବାରୁ ସେ କହିଛନ୍ତି ଯେ, ସରକାର ଅଣ୍ଡାର ବଜାର ମୂଲ୍ୟ ଠାରୁ କମ ଟଙ୍କା ଦେଉଥିବାରୁ ଆମେ ଏଭଳି ନିମ୍ନ ମାନର ଖାଦ୍ୟ ଛାତ୍ରଛତ୍ରୀଙ୍କୁ ଦେବାକୁ ବାଧ୍ୟ ହେଉଛୁ । ପୂର୍ବ ବିଜେଡି ସରକାର ପ୍ରତି ଅଣ୍ଡା ମୂଲ୍ୟ ପିଛା ୫ ଟଙ୍କା ୫୦ ପଇସା ଦେଉଥିବା ବେଳେ ଏବେ ବିଜେପି ସରକାର ଆସିବା ପରେ ମଧ୍ୟାହ୍ନ ଭୋଜନ ଅଣ୍ଡାର ମୂଲ୍ୟ ୫ ଟଙ୍କାରୁ ବୃଦ୍ଧି କରି ୭ ଟଙ୍କା ୬୭ ପଇସା କରିଛି । ତଥାପି ଶିକ୍ଷକ ଓ ଶିକ୍ଷୟତ୍ରୀ ମାନେ ଦୁର୍ନୀତି କରିବା ବାହାନାରେ ପୂର୍ବ ବିଜେଡି ସରକାର ଦେଇଥିବା ଅଣ୍ଡାର ମୂଲ୍ୟକୁ ବର୍ତ୍ତମାନ ସରକାର ଦେଉଥିବା କହି ମଧ୍ୟାହ୍ନ ଭୋଜନ ଟଙ୍କା ଲୁଟୁଛନ୍ତି ।

ଏ ବିଷୟରେ ଉଚ୍ଚ କତୃପକ୍ଷ ଜାଣିଛନ୍ତି କି ନାହିଁ ତାହା ଏବେ ବଡ଼ ପ୍ରଶ୍ନ ସୃଷ୍ଟି ହୋଇଛି । ବିଦ୍ୟାଳୟରେ ଦିଆଯାଉଥିବା ଏହିଭଳି ନିମ୍ନ ମାନର ମଧ୍ୟାହ୍ନ ଭୋଜନ ଛାତ୍ରଛାତ୍ରୀ ଙ୍କ ସ୍ୱାସ୍ଥ୍ୟ ଅବସ୍ଥା ଉର୍ନ୍ନତି ହେବା ବଦଳରେ ଅବନତି କରିଛି । ତେବେ ନିରୀହ ଛାତ୍ର ଛାତ୍ରୀ ଙ୍କ ପ୍ରତି ଅନ୍ୟାୟ କରୁଥିବା ବିଦ୍ୟାଳୟର ପ୍ରଧାନ ଶିକ୍ଷକ ଓ ଶିକ୍ଷୟତ୍ରୀ ମାନଙ୍କ ଉପରେ କି ପ୍ରକାର ପଦକ୍ଷେପ ନିଆ ଯାଉଛି ତାହା ଦେଖିବାକୁ ବାକି ରହିଲା । ଯଦି ଏହା ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯାଏ ତେବେ ଆଗାମୀ ଦିନରେ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଆଗରେ ଅବିଭାବକ ମାନେ ଅନଶନ କରିବାକୁ ଚେତାବନୀ ଦେଇଛନ୍ତି ।
ସାବଧାନ! ଘରେ ପାଳିଛନ୍ତି କି ପାରା, ଜୀବନ ନେଉଛନ୍ତି ପାରା, ସଂକ୍ରମିତ ହେଉଛି ‘ବର୍ଡ ବ୍ରିଡର୍ସ ଲଙ୍ଗ୍’ ରୋଗ

ଦର୍ଶକ ବନ୍ଧୁ ପାରା, ପାରାକୁ କିଏ ବା ପସନ୍ଦ ନ କରେ । ମଣିଷ ଆଉ ପାରାର ସଂପର୍କ ବେଶ୍ ପୁରୁଣା। ପାରା ଥିଲା ମଣିଷର ବିଶ୍ବସ୍ତ ପତ୍ରବାହକ। ସବୁବେଳେ ଦୂରଦେଶୀ ପ୍ରିୟଜନଙ୍କ ପାଖରେ ପତ୍ର ପହଞ୍ଚାଇବାର ମାଧ୍ୟମ ଥିଲା ତ ପୁଣି ପୋଲିସ ଓ ପ୍ରଶାସନର ଜରୁରୀ ବାର୍ତ୍ତାକୁ ସଠିକ ଠିକଣାରେ ପହଞ୍ଚାଉଥିଲା। ହେଲେ ଏହି ଉପଯୋଗୀ ପକ୍ଷୀ ପାରା ଆଜି ମଣିଷ ପାଇଁ ବିପଦ ପାଲଟିଛି । ପାରାଙ୍କ ସଂଖ୍ୟାବୃଦ୍ଧି ମଣିଷ ସମାଜ ପାଇଁ ଚିନ୍ତାର କାରଣ ହୋଇଛି। ତେବେ ପାରା ସଂଖ୍ୟା କମାଇବାକୁ ବୈଶ୍ୱ ସ୍ତରରେ ଆରମ୍ଭ ହୋଇଛି ପ୍ରୟାସ।

ଯୁଗ ଯୁଗରୁ ଘରକୁ ପାରା ଆସିଲେ ଶୁଭ ବୋଲି ବିଶ୍ବାସ ରହିଛି । ଏହି କାରଣରୁ ପାରାକୁ ଦାନା ଦେବା ମଙ୍ଗଳକର ବୋଲି କୁହାଯାଏ। ଏଣୁ ସକାଳୁ ଉଠି ଅନେକ ପାରାକୁ ନିଜ ଘର ଛାତରେ ବା ଅଗଣାରେ ଧାନ, ମୁଗ, ସୋରିଷ ବା ଖୁଦ ଆଦି ଖାଇବାକୁ ଦେଇଥାନ୍ତି ଲୋକେ …. କିନ୍ତୁ ବିଜ୍ଞାନ ମତରେ, ପାରାଙ୍କଠାରୁ ଦୂରେଇ ରହିବା ମଣିଷ ତଥା ପରିବେଶ ପାଇଁ ଭଲ । ଯେମିତି କି ସିଙ୍ଗାପୁରରେ ପାରାଙ୍କୁ ଦାନା ପକାଇଲେ ୫୦୦ ଡଲାର୍ଗ ଜରିମାନା ଦେବାକୁ ପଡ଼ିଥାଏ। ଆମେରିକା ଓ ୟୁରୋପରେ ପାରା ଓ ଗୁଣ୍ଡୁଚିମୂଷାଙ୍କୁ ଗର୍ଭନିରୋଧକ ଔଷଧ ଦିଆଯାଉଥ‌ିବା ବେଳେ ଭାରତରେ ମଧ୍ୟ ଏହାର ଆବଶ୍ୟକତା ରହିଛି ବୋଲି ବୈଜ୍ଞାନିକ ମାନେ ମତ ଦେଲେଣି।

ତେବେ ମୂଷା ଭଳି ପାରାମାନେ ମଧ୍ୟ ବହୁ ରୋଗଜୀବାଣୁ ବାହାକ । ଏଣୁ ପାରାଙ୍କୁ ଦାନା ପକାଇବାର ପ୍ରଚଳିତ ଅଭ୍ୟାସରେ ରୋକ୍ ଲଗାଇବାକୁ ବୈଜ୍ଞାନିକମାନେ ଅନୁରୋଧ କରିଛନ୍ତି। ପାରାଙ୍କ ଯୋଗୁଁ ‘ବର୍ଡ ବ୍ରିଡର୍ସ ଲଙ୍ଗ୍’ ବା ‘ହାଇପର୍ସେନ୍ସିଟିଭିଟି ନ୍ୟୁମାଟାଇଟିସ୍’ ରୋଗ ମଣିଷ ଠାରେ ସଂକ୍ରମିତ ହୋଇଥାଏ। ହିଷ୍ଟୋପ୍ଲାଜ୍ମା କାମ୍ବୁଲାଟମ୍, କ୍ୟାଶ୍ରିଡା ସ୍ଥେସିସେସ୍ ଓ କ୍ରିପ୍ଟୋକୋକସ୍ ନିଓଫର୍ମାନ୍ସ ଭଳି କବକ ପାରାଙ୍କ ମଳରେ ବଢ଼ିଥାନ୍ତି । ଏହି ରୋଗ ସୃଷ୍ଟିକାରୀ କବକକୁ ପାରା ମଣିଷଙ୍କ ସଂସ୍ପର୍ଶକୁ ଆଣିଥାଏ। ଏକ ୪୦୦ ଗ୍ରାମ୍ ଓଜନର ପାରା ତା’ର ସମ୍ପୂର୍ଣ୍ଣ ଜୀବନକାଳ ମଧ୍ୟରେ ୧୧ କେ.ଜି. ମଳତ୍ୟାଗ କରିଥାଏ।

ଏହି ମଳ ସହର ବା ଗ୍ରାମାଞ୍ଚଳର ଏଣେତେଣେ ପଡ଼ି ଧୂଳିକଣା ହୋଇ ବାୟୁମଣ୍ଡଳରେ ମିଶି ଯାଇଥାଏ। ଏହି ଧୂଳିକଣା ଶ୍ବାସକ୍ରିୟା ଦ୍ବାରା ମଣିଷର ଫୁସଫୁସରେ ପ୍ରବେଶ କରେ । ସେଥ‌ିରେ ଥ‌ିବା କବକ ଓ ଜୀବାଣୁ ଫୁସ୍ଫୁସ୍ ସଂକ୍ରମଣର କାରଣ ହୁଅନ୍ତି। ଏହା ଫୁସ୍ଫୁସ ବାୟୁକୋଷ ଫୁଲାଇଦିଏ। ଫଳରେ ମଣିଷକୁ ଅଣନିଃଶ୍ବାସୀ ଲାଗିବା ସହ କାଶ ହୋଇଥାଏ। ଏହି ସ୍ଥିତିକୁ ‘ବର୍ଡ ବ୍ରିଡର୍ସ ଲଙ୍ଗ୍’ ବା ‘ହାଇପର୍ସେନ୍ସିଟିଭିଟି ନ୍ୟୁମାଟାଇଟିସ୍’ କୁହାଯାଏ। ଯଥାଶୀଘ୍ର ଏହାର ଚିକିତ୍ସା ନ କଲେ ମୃତ ଆଶଙ୍କା ବି ରହିଛି। ଏଥିସହ ଏହା ନିମୋନିଆ, ବ୍ରୋଙ୍କାଇଟିସ୍ ଓ ଶ୍ବାସ ଆଦି ରୋଗକୁ ମଧ୍ଯ ବଢ଼ାଇଦିଏ।

ବୈଜ୍ଞାନିକଙ୍କ ମତରେ ପାରାମାନେ ସାଧାରଣତଃ ମଣିଷ ଖାଉଥିବା ଖାଦ୍ୟ ସହ ନିଜକୁ ଖାପଖୁଆଇ ନିଅନ୍ତି। ସହର ଓ ଗ୍ରାମାଞ୍ଚଳରେ ପ୍ରଚୁର ପରିମାଣରେ ଖାଦ୍ୟ ମିଳିଯାଉଥ‌ିବାରୁ ସେମାନଙ୍କ ପ୍ରଜନନ ହାର ବଢ଼ିବା ସହ ବଂଶବୃଦ୍ଧି ହେଉଛି। ବିଶେଷ କରି ଦିଲ୍ଲୀ, ପୁନେ, ମୁମ୍ବାଇ, ଭୁବନେଶ୍ବର ଆଦି ସହରାଞ୍ଚଳରେ ପାରାମାନଙ୍କ ସଂଖ୍ୟା ବଢୁଥ‌ିବା ବେଳେ ଫୁସ୍ଫୁସ୍ ସଂକ୍ରମଣଜନିତ ରୋଗୀଙ୍କ ସଂଖ୍ୟା ମଧ୍ୟ ବଢୁଛି । ମିଳିଥିବା ତଥ୍ଯ ଅନୁସାରେ ଭାରତରେ ଇଣ୍ଟଷ୍ଟିସିଆଲ୍ ଫୁଟୁସ୍ ରୋଗର ୪୭.୩% କେବଳ ‘ହାଇପର୍ସେନ୍ସିଟିଭିଟି ନ୍ୟୁମାଟାଇଟିସ୍’ ମାମଲା ଅଟେ। ପାରା ମନୁଷ୍ୟ ସ୍ବାସ୍ଥ୍ୟ ପାଇଁ କେତ ହାନିକାରକ, ତାହା ଏଥିରୁ ସୃଷ୍ଟ ଜଣାପଡୁଛି ।

ବିଶେଷକରି ଯେଉଁ ସ୍ଥାନରେ ଅଧିକ ପାରା ରହିଛନ୍ତି ବା ପାରାମାନଙ୍କୁ ଖାଇବାକୁ ଦିଆଯାଉଛି, ସେହି ଅଞ୍ଚଳରେ କ୍ରୋନିକ୍ କ୍ଲିଭ୍ ପଲ୍ଲୋନାରି ଡିଜିଜ୍ l ଅଧିକ ହେଉଥିବା ଦେଖାଯାଉଛି।

ବୟସ୍କମାନେ ଏଥିରେ ଅଧୂକ ସଂକ୍ରମିତ ହେଉଛନ୍ତି। ପ୍ରକୃତିର ପ୍ରତିଟି ଜୀବଜନ୍ତୁଙ୍କର ନିଜସ୍ବ ବଞ୍ଚିବା କ୍ଷମତା ରହିଛି। ବୁଲାକୁକୁର ମାନେ ଯେଉଁ ଭଳି ଭାବେ ବିଭିନ୍ନ ଆଡୁ ଖାଦ୍ୟ ସଂଗ୍ରହ କରନ୍ତି, ପାରା ବି ସେମିତି କରିପାରିବେ। ସେମାନଙ୍କୁ ଗୋଟିଏ ସ୍ଥାନରେ ରୁଣ୍ଡ କରି ଖାଇବାକୁ ଦେବା ଅନୁଚିତ।D