Tag: #suchana news

ଭାଲୁକୁମା ଠାରେ ମହାଦେବ ଗୋପେଶ୍ୱର ନୂତନ ମନ୍ଦିର ପ୍ରତିଷ୍ଠା ଉତ୍ସବ

କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ଧକୋଠା ପଞ୍ଚାୟତ ଭାଲୁକୁମା ଠାରେ ମହାଦେବ ଗୋପେଶ୍ୱର ନୂତନ ମନ୍ଦିର ପ୍ରତିଷ୍ଠା ଉତ୍ସବ ବହୁ ଆଡମ୍ବରରେ ତିନି ଦିନ ଧରି ରୀତି ନୀତି ଅନୁଯାୟୀ ପାଳନ କରାଯାଇଛି |

ପ୍ରଥମ ଦିନ ବ୍ରାହ୍ମଣଙ୍କ ଦ୍ଵାରା ପୂଜାର୍ଚ୍ଚନା କରି ବୈତରଣୀ ନଦୀରୁ କଳସ ଶୋଭାଯାତ୍ରା କରିଥିଲେ |ଆଜି ତୃତୀୟ ଦିନରେ ମହାପ୍ରଭୁଙ୍କ ବିଗ୍ରହ ଗ୍ରାମ ପରିକ୍ରମା କରି ମନ୍ଦିର ଚତୁଃପାର୍ଶ୍ବ କରିକ୍ରମା କରି ବିଗ୍ରହ ମାନଙ୍କୁ ପୂଜାର୍ଚ୍ଚନା କରି ସ୍ଥାପନ କରିଥିଲେ |

ଗ୍ରାମର ହଜାର ହଜାର ଭକ୍ତ ଏହି ମନ୍ଦିର ପ୍ରତିଷ୍ଠାରେ ସାମିଲ ହୋଇ ସହଯୋଗ କରିଥିଲେ ।
ଚମ୍ପୁଆରେ ସିପିଆଇ ପକ୍ଷରୁ ବଜେଟକୁ ବିରୋଧ କରି ବିକ୍ଷୋଭ

ଚଳିତ ବଜେଟ ବିରୋଧରେ କମ୍ୟୁନିଷ୍ଟ ପାର୍ଟି ତରଫରୁ ଚମ୍ପୁଆରେ ବିକ୍ଷୋଭ ପ୍ରଦର୍ଶନ କରାଯାଇଛି । କର୍ପୋରେଟ ସପକ୍ଷବାଦୀ ବଜେଟ ବିରୋଧରେ ଏବଂ ବିକଳ୍ପ ବିଜେଟ ପ୍ରସ୍ତାବ ଉପରେ ବାମଦଳ ଏହି ଆନ୍ଦୋଳନ କରିଛି ।

ସିପିଆଇ ନେତା ବିଦ୍ୟା ମହାନ୍ତ ଓ ସିପିଏମ ନେତା ଇନ୍ଦ୍ରମଣୀ ବେହେରାଙ୍କ ନେତୃତ୍ଵରେ ଆନ୍ଦୋଳନ କରାଯାଇଛି |

ଏହି ଆନ୍ଦୋଳନରେ ଶତାଧିକ କମ୍ୟୁନିଷ୍ଟ କର୍ମୀ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେଇ ଚମ୍ପୁଆ ଉପଜିଲ୍ଲାପାଳଙ୍କ କାର୍ଯ୍ୟାଳୟ ବାହାରେ ବିକ୍ଷୋଭ ପ୍ରଦର୍ଶନ ଥିଲେ ।

ଚଳିତ ବଜେଟରେ ଜନସାଧାରଣଙ୍କ ପ୍ରତି ବିଶ୍ୱାସ ଘାତକତା କରାଯାଇଛି |

କେନ୍ଦ୍ର ସରକାର ବଜେଟ ମାଧ୍ୟମରେ ଦେଶର ଧନୀବର୍ଗଙ୍କ ପାଇଁ ସୁବିଧା ବୃଦ୍ଧି କରିବା, ଜନସେବା ପାଇଁ ବ୍ୟୟବରାଦ ହ୍ରାସ କରିବା ଏବଂ ସରକାରୀ ପୁଞ୍ଜିକୁ ବେସରକାରୀ ଘରୋଇକରଣ କ୍ଷେତ୍ର ପାଇଁ ବ୍ୟବହାରକୁ ବିରୋଧ କରି ଏହି ବିକ୍ଷୋଭ ପ୍ରଦର୍ଶନ କରାଯାଇଛି ।
ବିଧାନସଭା ନେତାଙ୍କ ଜନ୍ମଦିନ ଅବସରରେ ବିଶାଳ ରକ୍ତଦାନ ଶିବିର

ଭଦ୍ରକ ଜିଲ୍ଲା ବାସୁଦେବପୁରରେ ଭାରତୀୟ ଜନତା ପାର୍ଟି ପକ୍ଷରୁ ଏକ ବିଶାଳ ରକ୍ତଦାନ ଶିବିର ଆୟୋଜିତ ହୋଇଯାଇଛି। ବାସୁଦେବପୁର ବିଧାନସଭା ନେତା ବାଣୀକଲ୍ୟାଣ ମହାନ୍ତିଙ୍କ ଜନ୍ମଦିନ ଅବସରରେ ସମସ୍ତ ମଣ୍ଡଳ ସଭାପତି ଓ କାର୍ଯ୍ୟକର୍ତ୍ତାମାନଙ୍କ ମିଳିତରେ ଆୟୋଜନ ହୋଇଯାଇଛି ବିଶାଳ ରକ୍ତ ଦାନ ଶିବିର ଓ ଫଳ ବଣ୍ଟନ କାର୍ଯ୍ୟକ୍ରମ।

ବାସୁଦେବପୁର ନୀଳମଣି ଟାଉନ ହଲ ପରିସରରେ ରକ୍ତଦାନ ଶିବିର ଆୟୋଜନ ହେବା ସହ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଫଳବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଭଦ୍ରକ ସାଂସଦ ଅଭିମନ୍ୟୁ ସେଠୀ, ଜିଲ୍ଲା ସଭାପତି ଭଗବାନ ପଣ୍ଡା ଓ ବିଧାନସଭା ନେତା ବାଣୀକଲ୍ୟାଣ ମହାନ୍ତି ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିବା ସହ ସେ ନିଜେ ରକ୍ତଦାନ କରିବା ସହ ଆଜିର ଯୁବ ସମାଜ ନିଜ ନିଜର ଜନ୍ମଦିନରେ ରକ୍ତଦାନ ଭଳି ମହତ୍ କାର୍ଯ୍ୟ କରିବାକୁ ଆହ୍ବାନ କରିଛନ୍ତି।
ଧଳାଜହର ବେପାରୀ ଗିରଫ; ୯.୨ ଗ୍ରାମର ବ୍ରାଉନ ସୁଗାର ଜବତ

ପାରାଦ୍ଵୀପ ଲକ୍ ଥାନା ପକ୍ଷରୁ ଏକ ବ୍ରାଉନ ସୁଗାର ବ୍ୟବସାୟୀକୁ ଗିରଫ କରାଯାଇଛି। ତା ନିକଟରୁ ୯.୨ ଗ୍ରାମର ବ୍ରାଉନ ସୁଗାର, ଗୋଟିଏ ମୋବାଇଲ, ୧୧୨୦ ଟଙ୍କା ଓ ଗୋଟିଏ କଳା ପଲସର ଗାଡ଼ି ଜବତ କରାଯାଇଛି। ଗିରଫ ଅଭିଯୁକ୍ତ ଜଣଙ୍କ କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଅଧିନ ବଡକୁଳ ଗ୍ରାମର ବିଶ୍ବନାଥ ବେହେରା ।

ବିଶ୍ବନାଥ ପାରାଦ୍ଵୀପ ଜିରୋ ପ‌ଏଣ୍ଟ ନିକଟରେ ନିଜ ସହଯୋଗୀ ସହିତ ବ୍ରାଉନ ସୁଗାର ବିକ୍ରି କରୁଥିବା ବେଳେ ଲକ୍ ଥାନା ଏସ‌ଆଇ ଲାକ୍ରା ପାଟ୍ରୋଲିଂ କରୁଥିବା ବେଳେ ଖବର ପାଇ ଚଢ଼ାଉ କରିଥିଲେ।

ଏଥିରେ ବିଶ୍ବନାଥକୁ ଗିରଫ କରାଯାଇଥିବାବେଳେ ସହଯୋଗୀ ଖସି ପଳାଇଥିଲା। ବିଶ୍ବନାଥ ନାମରେ ପୂର୍ବରୁ ବ୍ରାଉନ ସୁଗାର ବ୍ୟବସାୟର ଅଭିଯୋଗ ଥିବା ବେଳେ ତାର ସହଯୋଗୀ ସମ୍ପର୍କରେ ମଧ୍ୟ ତଥ୍ୟ ମିଳିଛି। ବିଶ୍ବନାଥକୁ ଆଜି କୋର୍ଟ ଚାଲାଣ କରାଯାଇଥିବା ବେଳେ, ତାର ସହଯୋଗୀକୁ ଖୁବଶିଘ୍ର ଗିରଫ କରାଯିବ ବୋଲି ପାରାଦ୍ଵୀପ ଅତିରିକ୍ତ ଏସପି ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି।
ଗାଇସିଲେଟଠାରେ ବ୍ଲକସ୍ତରୀୟ ଜନଶୁଣାଣୀ

ଆଜି ବରଗଡ଼ ଜିଲ୍ଲା ଗାଇସିଲେଟ ବ୍ଲକ ପଞ୍ଚାୟତ ସମିତି ସଭାଗୃହ ମଧ୍ୟରେ ଏମଜିଏନଆରଇଜିଏସ ଏବଂ ପଞ୍ଚଦଶ ଅର୍ଥ କମିଶନର ବ୍ଲକସ୍ତରୀୟ ଜନଶୁଣାଣୀ କାର୍ଯ୍ୟକ୍ରମ ପଦ୍ମପୁର ଅତିରିକ୍ତ ଜ଼ିଲ୍ଲାପାଳ ଚବନ କୁନାଲ ମୋତିରାମଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି |

ଏହି କାର୍ଯ୍ୟକ୍ରମରେ ବରଗଡ ଜିଲ୍ଲା ସାମାଜିକ ସମୀକ୍ଷା ଅଧିକାରୀ ଆନନ୍ଦ ପଧାନ ଓ ଗାଇସିଲେଟ ବ୍ଲକ ବିଡ଼ିଓ ଲକ୍ଷ୍ମଣ ମାଝୀ ଓ ବ୍ଲକ ଅଧ୍ୟକ୍ଷ ପ୍ରଣୟ କୁମାର ସାହୁ, ପଦ୍ମପୁର ବନାଞ୍ଚଳ ଅଧିକାରୀ ସୁଦାମ ଜଗଦଳା ମଞ୍ଚାସିନ ଥିଲେ |

ଫରେଷ୍ଟ ଅଧିକାରୀ ଅଶ୍ଵିନୀ ଭୋଇଙ୍କ ୪୦୨୫ ଟି ପ୍ରକଳ୍ପ ରହିଥିବା ବେଳେ ୧୭୫୦ ଟି ପ୍ରକଳ୍ପ କାର୍ଯ୍ୟ ସମ୍ପୂର୍ଣ୍ଣ ହୋଇଛି ବୋଲି ସୂଚନା ଦେଇଥିଲେ | ଆଉ ୨୦୦୫୯ ଟି ପରିବାରର ଜବକାର୍ଡଧାରୀଙ୍କୁ କାର୍ଯ୍ୟ ଦିଆଯାଇଥିବା ବେଳେ ୫୮୦୮ ଟି ରେ ପରିବାର କାର୍ଯ୍ୟ କରିଛନ୍ତି ଓ ୧୦୦ ଦିନର କାର୍ଯ୍ୟ ୨୩୮ ଟି ପରିବାର, ୨୦୦ ଦିନର କାମ ୧୪ ଟି ପରିବାର କାମ କରିଥିବାର ଏପିଓ ମାନସ କୁମାର ଭୋଇ କହିଛନ୍ତି |

ଏହି ଗାଇସିଲେଟ ବ୍ଲକ ସାମାଜିକ ସମୀକ୍ଷକ ଉମାକାନ୍ତ ସାହୁ ସାମାଜିକ ସମୀକ୍ଷାର ପଂଚାୟତ ସମିତି, ବନ ବିଭାଗ, ଉଦ୍ୟାନ ବିଭାଗ, ଜଳ ଛାୟା ପ୍ରକଳ୍ପରେ ହୋଇଥିବା ବିଭିନ୍ନ ପ୍ରକଳ୍ପର ନଥିପତ୍ର, ଗ୍ରାମ୍ୟ ସମ୍ବଳ ବ୍ୟକ୍ତି ମାନଙ୍କ କ୍ଷେତ୍ର ପରିଦର୍ଶନ ରେ ବାହାରି ଥିବା ୨୦୭ ଟି ଅଭିଯୋଗ ଓ ସମସ୍ୟା ଉପସ୍ଥାପନ କରାଯାଇଥିଲା |

ଏହାସହ ଗ୍ରାମ ସଭାରେ ହୋଇଥିବା ବିଭିନ୍ନ କାର୍ଯ୍ୟ ସମସ୍ୟାର ସମାଧାନ ପାଇଁ ପନ୍ଥା ନିରୂପଣ କରାଯାଇ ଥିଲା | ଏହି ସବୁ ସମସ୍ୟା ଉପରେ ଆଜିର ଏହି ଜନ ଶୁଣାଣିରେ ଆଲୋଚନା ହୋଇଥିଲା |
ଯୋଡ଼ା ଫ୍ଲାଇ ଓଭରରେ ଦୁର୍ଘଟଣା, ହାଇୱା ଡ୍ରାଇଭର ମୃତ

ଯୋଡ଼ା ସହର ଦେଇ ଯାଇଥିବା ଫ୍ଲାଇ ଓଭରରେ ଘଟିଯାଇଛି ଭୟଙ୍କର ଦୁର୍ଘଟଣା । ଘଟଣା ସ୍ଥଳରେ ଚାପି ହୋଇ ଜଣେ ହାଇୱା ଡ୍ରାଇଭରଙ୍କ ଶୋଚନୀୟ ମୃତ୍ୟୁ ଘଟିଛି । ମୃତକ ଡ୍ରାଇଭରଙ୍କ ପରିଚୟ ମିଳିପାରି ନଥିବା ବେଳେ ଫ୍ଲାଇ ଓଭର ଉପରେ ଯାତାୟତ ସମ୍ପୂର୍ଣ୍ଣ ଭାବରେ ଠପ୍ ହୋଇଯାଇଛି । ଘଟଣା ସ୍ଥଳରେ ଯୋଡ଼ା ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଡ୍ରାଇଭରଙ୍କ ମୃତଦେହ ଉଦ୍ଧାର କରିଛନ୍ତି ।

ସୂଚନା ଅନୁସାରେ, ଗତକାଲି ରାତିରେ ଫ୍ଲାଇ ଓଭର ପିଲାର ନଂ ୫୯ ନିକଟରେ ଏହି ଦୁର୍ଘଟଣା ଘଟିଯାଇଛି। ଘରୋଇ ଖଣି କମ୍ପାନୀ JSW ର ଏକ ହୋଲ୍ ପ୍ୟାକ୍ ଡାଲାକୁ ଗୋଟିଏ ଟ୍ରେଲରରେ ଲୋଡ୍ କରି ନିଆଯାଉଥିଲା । ତେବେ ହୋଲ୍ ପ୍ୟାକ୍ ଡାଲା ଅଧିକ ଓସାରିଆ ଥିବାରୁ କିଛି ଅଂଶ ଟ୍ରେଲରର ବାହାରକୁ ବାହାରି ରହିଥିଲା । ଏହି ସମୟରେ ସାମ୍ନାପଟୁ ଆସୁଥିବା ଏକ ଆଇରନ୍ ଓର୍ ବୋଝେଇ ହାଇୱା ଦ୍ରୁତ ଗତିରେ ଆସି ଟ୍ରେଲରରେ ଲୋଡ୍ ହୋଇଥିବା ହୋଲ୍ ପ୍ୟାକ୍ ଡାଲାକୁ ଜୋରଦାର ଟକ୍କର ମାରି ପଛପଟୁ ଆସୁଥିବା ଆଉ ଏକ ହାଇୱା ସହିତ ଧକ୍କା ହୋଇଥିଲା ଏବଂ ଗାଡ଼ି ଭିତରେ ଚାପି ହୋଇ ହାଇୱା ଡ୍ରାଇଭର ମୃତ୍ୟୁ ବରଣ କରିଥିଲେ । ଦୁର୍ଘଟଣା ପରେ ଟ୍ରେଲର ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି । ତେବେ ରାତିରେ ଟ୍ରେଲରରେ ଲୋଡ୍ ହୋଇଥିବା ହୋଲ୍ ପ୍ୟାକ୍ ଡାଲା ବାହାରକୁ ବାହାରି ରହିଥିବା ଦେଖି ନ ପାରିବାରୁ ହାଇୱାଟି ଧକ୍କା ଦେଇଥିବା ଅନୁମାନ କରାଯାଉଛି । ଯୋଡ଼ା ପୋଲିସ୍ ଗାଡ଼ି ଗୁଡ଼ିକୁ ଜବତ୍ କରି ତଦନ୍ତ ଚଳାଇଛି ।
ଅଲିଭ ରିଡଲେଙ୍କ ଗଣ ଅଣ୍ଡାଦାନ

ଗଞ୍ଜାମ ଜିଲ୍ଲା ଋଷିକୁଲ୍ୟା ମୁହାଣ ସମୁଦ୍ର ବେଳାଭୂମିରେ ହୋଇଛି । ପାଗର ଅନୁକୂଳ ଅବସ୍ଥା ଯୋଗୁଁ ଏବଂ ଦକ୍ଷିଣା ପବନ ବୋହିବା ଫଳରେ ଏହି ଅଣ୍ଡାଦାନ ପ୍ରକ୍ରିୟା ଆରମ୍ଭ ହୋଇଥିବା ନେଇ ବନ ବିଭାଗ ତରଫରୁ ସୂଚନା ମିଳିଛି । ଗଞ୍ଜାମ ବ୍ଲକର ନୁଆଁ ପୋଡ଼ମପେଟା ଠାରୁ ପୁରୁଣା ପୋଡ଼ମପେଟା ତଥା ବଟେଶ୍ୱର ମନ୍ଦିର ବେଳାଭୂମି ମଧ୍ୟରେ ଗଣ ଅଣ୍ଡାଦାନ କରିଛନ୍ତି ଅଲିଭ ରିଡ଼ଲେ କଇଁଛ। ପ୍ରଥମ ପର୍ଯ୍ୟାୟରେ ୧୧,୩୯୦ କଇଁଛ ଗଣ ଅଣ୍ଡାଦାନ କରିଥିବା ବନ ବିଭାଗକୁ ସୂଚନା ମିଳିଥିବା ବେଳେ ଲକ୍ଷ ଲକ୍ଷ କଇଁଛ ଅଣ୍ଡାଦାନ କରିବାର ଦେଖିବାକୁ ମିଳିଛି । କିଭଳି ଭାବେ ସୁରକ୍ଷିତ ଗଣ ଅଣ୍ଡାଦାନ ହୋଇପାରିବ, ସେନେଇ ବନ ବିଭାଗ ପକ୍ଷରୁ ପୂର୍ବରୁ ୫ କିମି ପ୍ରଯ୍ୟନ୍ତ ବ୍ୟାରିକେଡ଼୍ ଦିଆଯାଇଛି ।

ଅଣ୍ଡାଦାନ ପାଇଁ ପରିବେଶ ଅନୁକୂଳ ରହିଛି । ପ୍ରତ୍ୟେକ କଇଁଛ ପ୍ରାୟ ୧୨୦ରୁ ଅଧିକ ଅଣ୍ଡାଦେବା ପରେ ବାଲିରେ ପୋତି ସମୁଦ୍ର ମଧ୍ୟକୁ ଫେରିଯାଇଥାନ୍ତି । ଅଣ୍ଡା ଦେବାର ୪୫ ଦିନ ପରେ ଅଣ୍ଡାରୁ ଛୁଆ ବାହାରି ସମୁଦ୍ରକୁ ଯାଇଥାନ୍ତି । ବନ ବିଭାଗ କର୍ମଚାରୀମାନେ ସାମୁଦ୍ରିକ କଇଁଛ ସୁରକ୍ଷିତ ସମେତ ଗଣ ଅଣ୍ଡାଦାନ ଉପରେ ଦୃଷ୍ଟି ରଖିଛନ୍ତି । ୨୦୨୪ ରେ ଗଣ ଅଣ୍ଡାଦାନ ହୋଇନଥିବା ବେଳେ ଚଳିତ ବର୍ଷ ଏହି ଗଣ ଅଣ୍ଡାଦାନ ହେଉଥିବା ଦେଖିବାକୁ ମିଳିଛି । ଅନ୍ୟପଟେ ସେମାନଙ୍କ ସୁରକ୍ଷା ବ୍ୟବସ୍ଥା କୁ ବନ ବିଭାଗ ପକ୍ଷରୁ କଡାକଡ଼ି କରାଯାଇଛି ।
ପାରାଦ୍ଵୀପ ବନ୍ଦର ପକ୍ଷରୁ ୩୯ ତମ ପୁଷ୍ପ ପ୍ରଦର୍ଶନୀ ଓ ପ୍ରତିଯୋଗିତା ଅନୁଷ୍ଠିତ

ପାରାଦ୍ଵୀପ ବନ୍ଦର ପକ୍ଷରୁ ୩୯ ତମ ପୁଷ୍ପ ପ୍ରଦର୍ଶନୀ ଓ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ବନ୍ଦର ନଗରୀରେ ରହୁଥିବା ପରିବାର ନିଜ ବାଡି ଓ ବଗିଚାରେ ଲଗାଇଥିବା ବିଭିନ୍ନ ପ୍ରକାରର ଫୁଲ, ଫଳ ଓ ପନିପରିବାକୁ ଏହି ପ୍ରତିଯୋଗୀତାରେ ପ୍ରଦର୍ଶିତ କରାଯାଇଛି।

କୌଣସି ରସାୟନିକ ସାର ପ୍ରୟୋଗ ନକରି ଜୈବିକ ପଦ୍ଧତିରେ ଲଗାଯାଇଥିବା ଫୁଲ ଓ ପନିପରିବାକୁ ଏଥିରେ ପ୍ରାଧାନ୍ୟ ଦିଆଯାଇଥିଲା। ବଜାର ପରିବା ଅପେକ୍ଷା ନିଜ ବାଡ଼ିରେ ଜୈବିକ ପ୍ରଣାଳୀରେ ପରିବା ଉତ୍ପାଦନ କରି ବ୍ୟବହାର କରିବାକୁ ବନ୍ଦର ପକ୍ଷରୁ ଦିର୍ଘ ବର୍ଷ ହେଲା ପ୍ରୟାସ କରାଯାଉଛି।

ଚଳିତ ବର୍ଷ ଏହି ପ୍ରତିଯୋଗୀତାକୁ ବନ୍ଦର ଅଧ୍ୟକ୍ଷ ପି ଏଲ ହାରାନାଦ ଉଦଘାଟନ କରିବା ସହିତ ସନ୍ଧ୍ୟାରେ ଆୟୋଜିତ ପୁରସ୍କାର ବିତରଣ ଉତ୍ସବରେ ଯୋଗଦେଇ ପ୍ରତିଯୋଗୀତାରେ ପ୍ରଥମ , ଦ୍ବିତୀୟ ଓ ତୃତୀୟ ହୋଇଥିବା ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ।
ବିଶୋଇ ଅଞ୍ଚଳରେ ଗୁଣି ଗାରେଡ଼ି ସନ୍ଦେହରେ ପତି ପତ୍ନୀଙ୍କୁ ହତ୍ୟା

ପୁଣି ଗୁଣି ଗାରେଡ଼ି ସନ୍ଦେହ ପାଇଁ ଗଡିଛି ଦୁଇ ମୁଣ୍ଡ। ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ଖଡମବେଡା ପଞ୍ଚାୟତ କିତାବେଡା ଗ୍ରାମର ସ୍ଵାମୀ ସ୍ତ୍ରୀ ଦୁଇ ଜଣଙ୍କୁ ସୋମବାର ରାତିରେ ଡାହାଣି ସନ୍ଦେହରେ ଦୃର୍ବୁତ୍ତ ହତ୍ୟା କରିଥିବା ଜଣାପଡିଛି।

ସୂଚନା ମୁତାବକ, ସୋମବାର ସନ୍ଧ୍ୟା ୭/୮ ଟା ସମୟରେ ବିଶୋଇ ଥାନା ଅର୍ନ୍ତଗତ ଖଡମବେଡା ପଞ୍ଚାୟତ କିତାବେଡା ଡୁଙ୍ଗରି ସାହି ରେ ୪୮ ବର୍ଷିୟ ଦେବେନ୍ଦ୍ର ନାଏକ ନିଜ ଘର ସମ୍ମୁଖ ରେ ଚାଷ କରିଥିବା ବିଲାତି ବାଗିଚରେ ପାଣି ମଡାଉଥିବା ସମୟରେ ପୂର୍ବରୁ ଡାହିଣି ସନ୍ଦେହରେ ରାଗ ରଖିଥିବା ସେହି ସାହିର ୨୫ ବର୍ଷିୟ ଅଜୟ ନାଏକ ଦେବେନ୍ଦ୍ର ନାଏକ ଙ୍କୁ ପଛ ପଟୁ ବୁଡିଆ ରେ ଚୋଟ ମାରି ଘଟଣାସ୍ଥଳରେ ମାରି ଦେଇ ଘର ଭିତରକୁ ପ୍ରବେଶ କରିଥିଲା, ଏବଂ ସେହି ସମୟରେ ଘର ଭିତରେ ପୁଅ ବୋହୁ ସୁମିତ୍ରା ନାଏକ ଓ ତାର ଏକ ଦୁଇ ବର୍ଷର ଶିଶୁ କନ୍ୟା ଏବଂ ସ୍ତ୍ରୀ ୪୫ ବର୍ଷିୟା ଚମ୍ପା ନାଏକ ଶୋଇବା ଅବସ୍ଥାରେ ଥିଲେ।

ଯେତେ ବେଳେ ଘର ଭିତରକୁ ଅଜୟ ନାଏକ ପ୍ରବେଶ କଲା ସେହି ସମୟରେ ଘର ଭିତରୁ ପୁଅ ବୋହୁ ସୁମିତ୍ରା ଦୁଇ ବର୍ଷର ଏକ ଶିଶୁ କନ୍ୟାକୁ ଛାଡ଼ି ଭୟରେ ଦୌଡ଼ି ପଳାଇ ଥିଲା। ପରେ ଆସି ଘରେ ଦେଖିଲା ବେଳକୁ ବିଲାତି ବାଗିଚରେ ଶଶୁର ଦେବେନ୍ଦ୍ର ନାଏକ ଓ ଘର ଭିତରେ ଶାଶୁ ଚମ୍ପା ନାଏକଙ୍କୁ ଅଜୟ ନାଏକ ହତ୍ୟା କରି ଘଟଣାସ୍ଥଳରୁ ଚମ୍ପଟ ମାରିଥିଲା।

ତେବେ ଶିଶୁ କନ୍ୟାର କୌଣସି ଆଘାତ କରି ନ ଥିଲା। ତେବେ ଆଜି ସକାଳୁ ତା ସାନ ପୁଅ ରାବେନ୍ଦ୍ର ନାଏକ ଘରକୁ ଆସି ବାପା ମା ର ମୃତ ଦେଖି ବିଶୋଇ ଥାନା କୁ ଫୋନ୍ ଯୋଗେ ଜଣାଇଥିଲା। ଖବର ପାଇ ଆଜି ଘଟଣାସ୍ଥଳରେ ଏଡିସନାଲ ଏସ୍ ପି.ଯଦୁନାଥ ଜେନା,ଏସ୍ ଡ଼ି ପି ଓ ଗୋକୁଳାନନ୍ଦ ସାହୁ, ବାରିପଦା ସାଇନ୍ଟିଫିକ ଟିମ୍ ଏବଂ ବିଶୋଇ ଥାନା ଅଧିକାରିଣୀ ମିନି ଭୋଇ ସହିତ ପୋଲିସ ଟିମ୍ ପହଞ୍ଚି ଘଟଣାର ଅନୁଧ୍ୟାନ କରିବା ସହିତ ଫେରାର ଅଭିଯୁକ୍ତକୁ ଧରିବାରେ ସଫଳ ହୋଇଥିବା ପୋଲିସ ସୂତ୍ରରୁ ଜଣାପଡ଼ିଛିା
ରେଖା ଗୁପ୍ତାଙ୍କ ସମେତ ୭ ଜଣ ବିଧାୟକ ଆଜି ନେବେ ଶପଥ

ଶାଲିମାର ବାଗର ବିଜେପି ବିଧାୟକ ରେଖା ଗୁପ୍ତା ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ଶପଥ ଗ୍ରହଣ ଉତ୍ସବ ଦିନ ୧୨ଟାରେ ରାମଲୀଳା ମଇଦାନରେ ଆରମ୍ଭ ହେବ।

ଦିଲ୍ଲୀର ମୁଖ୍ୟମନ୍ତ୍ରୀ ପଦ ଘୋଷଣା କରାଯାଇଛି। ବିଜେପି ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀ ପଦ ପାଇଁ ରେଖା ଗୁପ୍ତାଙ୍କ ନାମ ଚୂଡ଼ାନ୍ତ ହୋଇଛି। ଏପରି ପରିସ୍ଥିତିରେ ଦିଲ୍ଲୀରେ ସରକାର ଗଠନ ସହ ଜଡିତ ଏକ ବଡ଼ ଖବର ସାମ୍ନାକୁ ଆସିଛି। ଦିଲ୍ଲୀର ସମ୍ଭାବ୍ୟ ମନ୍ତ୍ରୀଙ୍କ ତାଲିକା ମଧ୍ୟ ପ୍ରକାଶ ପାଇଛି। ରେଖା ଗୁପ୍ତାଙ୍କ ସହିତ ଅନ୍ୟ ଛଅ ଜଣ ବିଧାୟକ ଶପଥ ନେବେ। ପ୍ରବେଶ ବର୍ମା, ଆଶିଷ ସୁଦ, ମଞ୍ଜିନ୍ଦର ସିରସା, ପଙ୍କଜ ସିଂହ, କପିଲ ମିଶ୍ର, ରବିନ୍ଦ୍ର ଇନ୍ଦ୍ରଜ ମନ୍ତ୍ରୀ ଭାବରେ ଶପଥ ନେବେ। ଏହି ସମସ୍ତ ନେତାଙ୍କୁ କ୍ୟାବିନେଟ୍ ମନ୍ତ୍ରୀ କରାଯିବ। ତଥାପି, ମନ୍ତ୍ରୀମାନଙ୍କ ବିଭାଗ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।

କିଏ ରେଖା ଗୁପ୍ତା?
ରେଖା ଗୁପ୍ତାଙ୍କ ବୟସ ୫୦ ବର୍ଷ ଏବଂ ସେ ମୂଳତଃ ହରିୟାଣାର ଜିନ୍ଦ ଜିଲ୍ଲାର। ପ୍ରାପ୍ତ ସୂଚନା ଅନୁଯାୟୀ, ରେଖା ଗୁପ୍ତାଙ୍କ ପରିବାର ୧୯୭୬ ମସିହାରେ ଦିଲ୍ଲୀ ସ୍ଥାନାନ୍ତରିତ ହୋଇଥିଲେ। ତାଙ୍କ ସ୍ୱାମୀଙ୍କ ନାମ ମନୀଷ ଗୁପ୍ତା। ରେଖା ଗୁପ୍ତା ଏଲଏଲବି କରିଛନ୍ତି ଏବଂ ପେଶାରେ ଜଣେ ଓକିଲ ମଧ୍ୟ। ରେଖା ଗୁପ୍ତା ଦିଲ୍ଲୀର ଶାଲିମାର ବାଗ ବିଧାନସଭା ଆସନରୁ ବିଧାୟକ ଅଛନ୍ତି । ସେ ଭାରତୀୟ ଜନତା ପାର୍ଟିର ମହିଳା ମୋର୍ଚ୍ଚାର ରାଷ୍ଟ୍ରୀୟ ଉପାଧ୍ୟକ୍ଷ ମଧ୍ୟ। ଦିଲ୍ଲୀ ବିଧାନସଭା ନିର୍ବାଚନରେ୨୦୨୫ରେ ରେଖା ଗୁପ୍ତା ଶାଲିମାର ବାଗ ବିଧାନସଭା ଆସନରୁ ଆମ ଆଦମୀ ପାର୍ଟିର ବନ୍ଦନା କୁମାରୀଙ୍କୁ ୨୯୫୯୫ ଭୋଟରେ ପରାସ୍ତ କରିଥିଲେ।

ରେଖା ଗୁପ୍ତା ବି.କମ୍ ଏବଂ ଏଲଏଲବି ପଢିଛନ୍ତି। ଏହା ପରେ ସେ MA ଏବଂ MBA ମଧ୍ୟ କରିଛନ୍ତି । ସେ ତାଙ୍କର ପ୍ରାରମ୍ଭିକ ଶିକ୍ଷା ଦିଲ୍ଲୀରୁ ଆରମ୍ଭ କରିଥିଲେ ଏବଂ ମେରଠର ଚୌଧୁରୀ ଚରଣ ସିଂହ ବିଶ୍ୱବିଦ୍ୟାଳୟରୁ ମଧ୍ୟ ଶିକ୍ଷା ଗ୍ରହଣ କରିଥିଲେ। ରେଖା ଗୁପ୍ତା ତାଙ୍କ ଛାତ୍ର ଜୀବନରୁ ରାଜନୀତିରେ ସକ୍ରିୟ ଅଛନ୍ତି। ସେ ୧୯୯୨ ମସିହାରେ ଦିଲ୍ଲୀ ବିଶ୍ୱବିଦ୍ୟାଳୟର ଦୌଲତ ରାମ କଲେଜରୁ ତାଙ୍କର ରାଜନୈତିକ ଯାତ୍ରା ଆରମ୍ଭ କରିଥିଲେ। ସେ ୧୯୯୬-୯୭ ମସିହାରେ ଦିଲ୍ଲୀ ବିଶ୍ୱବିଦ୍ୟାଳୟ ଛାତ୍ର ସଂଘର ସଭାପତି ମଧ୍ୟ ଥିଲେ।

ମନ୍ତ୍ରୀ ଯେଉଁମାନେ ମନ୍ତ୍ରୀପଦ ଶପଥ ଗ୍ରହଣ କରିବେ
ପ୍ରବେଶ ବର୍ମା
ଆଶିଷ ସୁଦ
ମଞ୍ଜିନ୍ଦର ସିରସା
ରବିନ୍ଦ୍ର ଇନ୍ଦ୍ରରାଜ ସିଂହ
କପିଲ ମିଶ୍ର
ଡକ୍ଟର ପଙ୍କଜ କୁମାର ସିଂହ