ଚମ୍ପୁଆ ରେଞ୍ଜ ସୀତାରାମପୁର ଗାଁରେ ଆଜି ସକାଳୁ ଏକ ଦନ୍ତା ପଶି ଯାଇଛି | ଦନ୍ତାଟି ସକାଳୁ ସଦର ରେଞ୍ଜରୁ ଚମ୍ପୁଆ ରେଞ୍ଜରେ ପ୍ରବେଶ କରି ଚକୁଳିଆ ଗାଁର ଏକ ଗାଇକୁ ଆକ୍ରମଣ କରି ମାରି ଦେଇଛି | ସୀତାରାମପୁର ଗାଁର ଦୁଇଟି ଘର ମଧ୍ୟ ଭାଙ୍ଗିଯାଇଥିବା ଜଣାପଡିଛି |
ସୂଚନାଯୋଗ୍ୟ ଗତକାଲି ମୟୁରଭଞ୍ଜ ଆଡୁ ଏକ ଚାରିଦଳିଆ ହାତୀପଲ ଚମ୍ପୁଆ ରେଞ୍ଜକୁ ଆସି ହାତୀ ପଲ ଝାଲିଆବେଡା ଗାଁ ଜଙ୍ଗଲରେ ଥିବା ଜଣାପଡିଛି | ହାତୀ ପଲ ଗତ ରାତି ଚମ୍ପୁଆ ବ୍ଲକ ବରପଦା ଗ୍ରାମରେ ବ୍ୟାପକ ପନିପରିବା ନଷ୍ଟ କରିଥିବାରୁ ହାତୀପଲଙ୍କୁ ନେଇ ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି |
କନ୍ଧମାଳ ଜିଲ୍ଲା ଜି ଉଦୟଗିରି ବ୍ଲକ କଳିଙ୍ଗା ପଞ୍ଚାୟତ ଅନ୍ତର୍ଗତ ରାଇପଦା ଛକ ନିକଟରେ ଏକସ୍କୁଟି ଦୁର୍ଘଟଣା ଗ୍ରସ୍ତ ହୋଇଛି | ସୂଚନା ଅନୁଯାୟୀ କଳିଙ୍ଗା ଦୁଗୁଡ଼ିପାରି ଗ୍ରାମର ବାପି ଚନ୍ଦ୍ର ସାହୁ ଏକ ସ୍କୁଟିରେ କଳିଙ୍ଗା ଠାରୁ ଜି.ଉଦୟଗିରି ଅଭିମୁଖେ ଯାଉଥିଲେ | ସ୍କୁଟିଟି ଭାରସାମ୍ୟ ହରାଇ କାନ୍ଥରେ ବାଡ଼େଇ ହୋଇଯାଇଥିଲା |ଫଳରେ ସ୍କୁଟିରେ ଥିବା ବ୍ୟକ୍ତି ଗୁରୁତର ଆହତ ହୋଇଥିଲେ |
ଲୋକଙ୍କ ସାହାଯ୍ୟରେ ଏକ ଡାଲା ଅଟୋରେ ଆହତଙ୍କୁ ଜି.ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଥିଲା | ସେଠାରେ ଡାକ୍ତର ଆହତ ସୁବାଷ ନାୟକ ଓ ବାପି ଚନ୍ଦ୍ର ସାହୁଙ୍କୁ ମୃତ ଘୋଷଣା କରିଛନ୍ତି |ଏସ.ଆଇ କାମରାଜ ରେଡ୍ଡୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି|
ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପାର୍ଶାଲି ପଞ୍ଚାୟତର ତୋଟା ଗ୍ରାମର ଜଣେ ମହିଳା ହାତୀ ଆକ୍ରମଣରେ ଗୁରୁତର ହୋଇଛନ୍ତି | ନିୟମଗିରି ପାହାଡ଼ ଅନ୍ତର୍ଗତ ଲାଖପଦର, ଡ଼ଙ୍ଗାମାଠି, ଗୁମା, ପଟାଙ୍ଗପଦର, ବୁଡୁଣୀ, ଚାଟିକଣା, ଭଳି ଅନେକ ଗ୍ରାମରେ ହାତୀଙ୍କ ଉତ୍ପାତ ଯୋଗୁ ଅଞ୍ଚଳବାସୀ ପଦାକୁ ବାହାରି ପାରୁନାହାନ୍ତି | ହାତୀ ଯୋଗୁ ନିଜ ଜୀବନ ଜୀବିକା ହରାଇ ବସିଛନ୍ତି ବୋଲି ଡାଙ୍ଗରିଆ ମାନେ ଅଭିଯୋଗ କରିଛନ୍ତି। ଗତକାଲି ସନ୍ଧ୍ୟାରେ ପାହାଡ଼ ଉପରୁ ନିଜଘରକୁ ଫେରିବା ରାସ୍ତାରେ ହାତୀପୋଲ ମହିଳାଙ୍କୁ ଆକ୍ରମଣ କରିଥିଲେ। ମହିଳାଙ୍କୁ ଦେଖି ଗ୍ରାମବାସୀ ଘରକୁ ଆଣିଥିଲେ |
ନିକଟସ୍ଥ ଜଙ୍ଗଲରେ ହାତୀପୋଲ ରହିଥିବାରୁ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆସିନପାରିବାରୁ ମହିଳା ଗୁରୁତର ହୋଇପଡିଥିଲେ।ମହିଳାଙ୍କୁ ଡାକ୍ତର ଖାନା ଆଣିବା ପାଇଁ ଗ୍ରାମବାସୀ ଓ ବନ ବିଭାଗ ଚେଷ୍ଟା କରି ପର ଦିନ ସକାଳୁ କଲ୍ୟାଣସିଂହପୁର ମେଡିକାଲକୁ ଆଣି ଚିକିତ୍ସା କରିଥିଲେ | ଗତ ୩ ମାସରେ କଳାହାଣ୍ଡି ଓ ରାୟଗଡା ଜିଲ୍ଲାର ନିୟମଗିରି ପାହାଡ଼ ଉପରେ ତିନିଜଣଙ୍କର ହାତୀ ଆକ୍ରମଣରେ ମୃତ୍ୟୁ ହୋଇଥିଲା | ରେଞ୍ଜରେ ହାତୀଙ୍କ ଉପଦ୍ରବ ଦିନକୁ ଦିନ ବଢ଼ୁଥିବା ବେଳେ ହାତୀ ଗାର୍ଡ ନିଯୁକ୍ତି ନଥିବାରୁ ଲୋକଙ୍କୁ ସଚେତନା ସୃଷ୍ଟି ହେଉନଥିବାରୁ ଲୋକଙ୍କର ଅକାରଣେ ଜୀବନ ଯାଉଛି ବୋଲି କହିଛନ୍ତି ଗ୍ରାମବାସୀ |
କାନ୍ଦରେ କମ୍ପି ଉଠୁଛି ଗାଁ ଦଣ୍ଡ । ଭୋ ଭୋ ହୋଇ କାନ୍ଦୁଛନ୍ତି ପରିବାର ଲୋକ ଓ ଗାଁ ସାହି ପଡିଶା । କେମିତି ବା କିଏ ଲୁହ ସମ୍ଭାଳିବ । ଅବେଳରେ ଚାଲିଯାଇଛି ଭେଣ୍ଡିଆ ପୁଅର ଜୀବନ । ହୋଲି ଦିନ ବେଶ ହସ ଖୁସିରେ ହୋଲି ଖେଳିଲେ । ହୋଲି ଖେଳି ସାରି ନଦୀକୁ ଗାଧୋଇବାକୁ ଗଲେ ହେଲେ ଗାଧୋଇବାକୁ ଯାଇ ଆଉ ଫେରିନଥିଲେ ସୌଭାଗ୍ୟ ଓ ଚନ୍ଦନ । ଫେରିଲା ତ କେବଳ ମୃତଦେହ । ଅକାଳରେ ଚାଲିଗଲା ଦୁଇ ଦୁଇଟା ନିରୀହ ଜୀବନ । ଏଭଳି ଦୁଃଖଦ ଘଟଣା ଘଟିଛି କେନ୍ଦ୍ରାପଡା ନିକିରାଇ ଥାନା ଅନ୍ତର୍ଗତ କୁତରଙ୍ଗ ଓ ଘାଗରା ଗାଁରେ । କେନ୍ଦ୍ରାପଡା ପଞ୍ଚୁଦୋଳ ଦିନ ଘଟିଯାଇଛି ଏଭଳି କିଛି ଦୁଃଖଦାୟକ ଘଟଣା । ହୋଳି ଖେଳି ସାରି ଗାଧୋଇବାକୁ ଯାଇ ବ୍ରାହ୍ମଣୀ ନଦୀରେ ବୁଡିଗଲେ ଘାଗରା ଗାଁର ସୌଭାଗ୍ୟ ପରିଡା । ସାଙ୍ଗରେ ଗାଧୋଇ ଯାଇଥିବା କିଛି ବନ୍ଧୁ ସୌଭାଗ୍ୟ ଙ୍କୁ ରକ୍ଷା କରି ପାରିନଥିଲେ । ମାତ୍ର କିଛି ସମୟ ପରେ ନଦୀ ଭିତରୁ ଉଦ୍ଧାର ହେଲା ସୌଭାଗ୍ୟଙ୍କ ମୃତ ଦେହ । ସୌଭାଗ୍ୟ ଦାଣ୍ଡିସାହି ସ୍ଥିତ ବ୍ରାହ୍ମଣୀ କଲେଜର ଯୁକ୍ତଦୁଇର ବିଜ୍ଞାନ ଛାତ୍ର । ଏବେ ତାଙ୍କର ପରୀକ୍ଷା ଚାଲିଥିଲା । ଆସନ୍ତା ମାର୍ଚ୍ଚ ୨୭ ତାରିଖରେ ଥିଲା ପରବର୍ତ୍ତୀ ପରୀକ୍ଷା ।
କିନ୍ତୁ ଜୀବନର ସବୁ ପରୀକ୍ଷାକୁ ଅଧାରୁ ଛାଡି ସେ ଆରପାରିକୁ ଚାଲିଗଲେ । ଘରର ଏକ ମାତ୍ର ପୁଅ ସୌଭାଗ୍ୟ ଘରେ ଆଉ ବସ କେବଳ ବାପା,ମା ଓ ସାନ ଭଉଣୀ । ତେବେ ପରିବାର ଲୋକେ ଏଭଳି ଦୁଖ ସମୟରେ ବି ମହତ କାମ କରିଛନ୍ତି । ଶେଷ ମୁହୂର୍ତ୍ତରେ ସୌଭାଗ୍ୟଙ୍କ ଚକ୍ଷୁ ଦାନ କରିବା ପାଇଁ ନିଷ୍ପତ୍ତି ନେଇଥିଲେ । ସେଥିପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ପକ୍ଷରୁ ସମସ୍ତ ସହଯୋଗ ଯୋଗାଇ ଦିଆଗଲା । ପୁଅ ସିନା ଚାଲିଗଲା ପୁଅର ଆଖିରେ ଆଉ କେହି ଦୁନିଆ ଦେଖିବାର ସୁଯୋଗ ପାଇବ ବୋଲି ପରିବାର ଲୋକେ କହିଛନ୍ତି । ସେହିପରି ନିକିରାଇ ଥାନା ଅନ୍ତର୍ଗତ କୁତରଙ୍ଗ ଗାଁର ଚନ୍ଦନ ସ୍ଵାଇଁଙ୍କ ଜୀବନ ମଧ୍ୟ ଚାଲିଯାଇଛି । ହୋଲି ଖେଳିସାରି ଘରପାଖ ପୋଖରିକୁ ଗାଧୋଇବା ପାଇଁ ଯାଇଥିଲେ । ପୋଖରୀରେ ଗାଧୋଇବା ସମୟରେ ଗୋଡ ଖସିଯିବାରୁ ଦେଖୁ ଦେଖୁ ପାଣିରେ ବୁଡିଯାଇଥିଲେ ଚନ୍ଦନ । ଖୋଜା ଖୋଜି କରି ଉପରକୁ ଆଣିବା ବେଳକୁ ଶରୀରରେ ଆଉ ପ୍ରାଣ ନଥିଲା । ଆଉ ଦୁଇଦିନ ପରେ ନୂଆ କରି ପୋଲିସ ଚାକିରିରେ ଯୋଗ ଦେଇ ଥାନ୍ତେ ଚନ୍ଦନ । ରାଉରକେଲା ଠାରେ OSAP ଚତୁର୍ଥ ବାଟାଲିଅନରେ ତାଙ୍କର ଚାକିରି ହୋଇଯାଇଥିଲା । ଚାକିରିକୁ ଯିବେ ବୋଲି ସବୁ ପ୍ରସ୍ତୁତି ସରିଥିଲା । କିନ୍ତୁ ଦଇବର ଇଚ୍ଛା କିଛି ଅଲଗା ଥିଲା ।
ପୋଲିସ ଚାକିରି କରିବା ପୂର୍ବରୁ ଆର ପାରିକୁ ଚାଲିଗଲେ ଚନ୍ଦନ । ଚନ୍ଦନଙ୍କର ଦୁଇ ଭଉଣୀ ବିବାହ କରିଥିବାବେଳେ ଚନ୍ଦନ ବାପା ମାଙ୍କର ଗୋଟିଏ ପୁଅ ଥିଲେ । ଏହି ଘଟଣା ପରେ ପରିବାରର ଦୁଃଖ କହିଲେ ନସରେ । ରୋଜଗାରିଆ ପୁଅକୁ ହରାଇ ଦାଣ୍ଡ ପିଣ୍ଡାରେ ବସି ଲୁହ ଗଡାଉଛନ୍ତି ବୃଦ୍ଧ ପିତାମାତା । ଅକାଳରେ ପୁଅକୁ ହରାଇ ଉଭୟ ପରିବାର ଲୋକଙ୍କ ଆଖିରୁ ଲୁହ ଶୁଖୁନି । ସୌଭାଗ୍ୟ ଓ ଚନ୍ଦନଙ୍କ ଅକାଳ ବିୟୋଗରେ କେବଳ ପରିବାର ଲୋକ ନୁହଁ ବରଂ ସ୍ଥାନୀୟ ଅଞ୍ଚଳରେ ମଧ୍ୟ ଶୋକର ଛାୟା ଖେଳିଯାଇଛି ।
ବରଗଡ଼ ଜିଲ୍ଲାରେ ଜିଲ୍ଲା ସ୍ତରୀୟ ବିଶ୍ଵ ବନ ଦିବସ-୨୦୨୫ ପାଳିତ ହୋଇଛି | ବରଗଡ଼ ଜିଲ୍ଲା ବନଖଣ୍ଡ ବିଭାଗ ଦ୍ଵାରା ସ୍ଥାନୀୟ ବିଜୁ ପଟ୍ଟନାୟକ ହଲଠାରେ ପାଳନ କରାଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲାପାଳ ବରଗଡ଼ ଶ୍ରୀ ଆଦିତ୍ୟ ଗୋୟଲ, ମାନ୍ୟବର ବିଧାୟକ ସନତ କୁମାର ଗଡ଼ତିଆ, ଜିଲ୍ଲା ବନଖଣ୍ଡ ଅଧିକାରୀ ବିକ୍ରମଦେବ ପଟ୍ଟନାୟକ, ସମ୍ବଲପୁର ଆଞ୍ଚଳିକ ବନ ସଂରକ୍ଷଣ ଅଧିକାରୀ ଟି. ଅଶୋକ କୁମାର, ବିଭିନ୍ନ ବିଭାଗର ଅଧିକାରୀଗଣ ଯୋଗ ଦେଇଥିଲେ । ଜିଲ୍ଲାପାଳ ଗୋୟଲ ଏବଂ ମାନ୍ୟବର ବିଧାୟକ ଗଡ଼ତିଆଙ୍କ ସମେତ ଅନ୍ୟାନ୍ୟ ଅଧିକାରୀମାନେ ପ୍ରଦୀପ ପ୍ରଜ୍ଜ୍ଵଳନ କରିବା ସହ ବନଖଣ୍ଡ ଅଧିକାରୀ ବିକ୍ରମଦେବ ପଟ୍ଟନାୟକ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ଉକ୍ତ ବିଭାଗ ତରଫରୁ ଆୟୋଜିତ ୫ କିମି ମାରାଥନ ଦୌଡ ପ୍ରତିଯୋଗିତାରେ ବିଜୟୀ ପ୍ରତିଯୋଗୀମାନଙ୍କୁ ଅତିଥିମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା |
ବିଭାଗରେ କାର୍ଯ୍ୟରତ ଫରେଷ୍ଟର ଓ ଫରେଷ୍ଟ ଗାର୍ଡ଼ମାନଙ୍କୁ ଅତିଥିମାନେ ମାନପତ୍ର ପ୍ରଦାନ କରାଯାଇଥିଲା । ଜିଲ୍ଲାର ବିଭିନ୍ନ ଗ୍ରାମରୁ ଆସିଥିବା ଗ୍ରାମବାସୀଙ୍କୁ ମୁଖ୍ୟ ଅତିଥିଙ୍କ ଦ୍ଵାରା ସିଆରର ଓ ସିଫ୍ଆର ପ୍ରଦାନ କରଯାଇଥିଲା । ଜିଲ୍ଲାପାଳ ଆଦିତ୍ୟ ଗୋୟଲ ଏବଂ ମାନ୍ୟବର ବିଧାୟକ ସନତ କୁମାର ଗଡ଼ତିଆ ଜଙ୍ଗଲର ରକ୍ଷଣାବେକ୍ଷଣ ଓ ମାନବ ସମାଜରେ ଏହାର ଉପକାରିତା ସମ୍ପର୍କରେ ନିଜର ଅଭିଭାଷଣ ରଖିଥିଲେ ।
ମୟୂରଭଞ୍ଜ ରାଇହରିରେ ୭୩ ତମ ବାର୍ଷିକ ପଞ୍ଚଦୋଳ ମହୋତ୍ସବ ଓ ବିଶ୍ଵଶାନ୍ତି ଶ୍ରୀନାମଯଜ୍ଞ ଅନୁଷ୍ଠିତ ହୋଇଛି | ମୟୂରଭଞ୍ଜ ଜିଲ୍ଲା ବାବନଘାଟି ଉପଖଣ୍ଡ ବିଜାତଳା ବ୍ଲକ ରାଇହରି ଗ୍ରାମରେ ଜପ ହରେ କୃଷ୍ଣ ହରେ ରାମ ସଙ୍କୀର୍ତ୍ତନ ଅନୁଷ୍ଠିତ ହୋଇଛି |ଏଠାରେ ୭୩ ବର୍ଷ ପୂର୍ବରୁ ଅଷ୍ଟପ୍ରହରୀ ନାମ ଯଜ୍ଞରୁ ଶୁଭାରମ୍ବ ହୋଇଥିଲା |ଏହି ପଞ୍ଚଦୋଳ ମହୋତ୍ସବରେ ଠାକୁର ଘର ଘର ବୁଲି ଭୋଗ ଖାଇଥାନ୍ତି | ସର୍ବଧର୍ମ ପ୍ରତିଷ୍ଠିତ ହେଉ ସମସ୍ତଙ୍କ ଭିତରେ ଆଧାତ୍ମକ ଚିନ୍ତାଧାରା ବଜାୟ ରହୁ ଏହା ହିଁ ଏହି ଯଜ୍ଞର ମୂଳ ଉଦ୍ଧ୍ୟେଶ |
ଏହି ନାମଯଜ୍ଞ ପାଇଁ ହଜାର ହଜାର ହରି ଭକ୍ତମାନେ ଆସିଥିଲେ । ଯଜ୍ଞରେ ଭକ୍ତ ମାନଙ୍କ ପାଇଁ ସକାଳ,ଦ୍ବିପ୍ରହର ଏବଂ ସଂଧ୍ୟାର ପ୍ରସାଦ ସେବନର ଆୟୋଜନ ହୋଇଥିଲା | ପ୍ରତି ବର୍ଷ ପରି ଚଳିତବର୍ଷ ମଧ୍ୟ ଧୁମଧାମରେ ଯଜ୍ଞ ପାଳନ ହୋଇଥିଲା | ସଙ୍କୀର୍ତ୍ତନର ପ୍ରେସିଡେଣ୍ଟ ସଂଜିବ କୁମାର ନନ୍ଦ, ସେକ୍ରେଟାରୀ ଅମିୟ ବିକାଶ ନନ୍ଦ,ଉପଦେଷ୍ଟା ମଣ୍ଡଳି ଗୋପାଳ ଚନ୍ଦ୍ର ନନ୍ଦ , ଗ୍ରାମ ମଣ୍ଡଳି ବୃନ୍ଦ ପ୍ରମୁଖଙ୍କ ଉପସ୍ଥିତରେ ମହାସମାରୋହରେ ପାଳିତ ହୋଇଥିଲା ।
ପଖାଳ ପ୍ରତ୍ୟେକ ଓଡ଼ିଆଙ୍କ ଘରର ପ୍ରିୟ ଖାଦ୍ୟ । କିନ୍ତୁ ବର୍ତ୍ତମାନର ସାମାଜିକ ଚଳଣିରେ ଫାଷ୍ଟ ଫୁଡ୍ ପ୍ରତି ଲୋକଙ୍କର ଆଗ୍ରହ ବଢ଼ିଛି । ଏହାର କାରଣ ଆମେ ଆମର ଚଳଣି ଓ ପରମ୍ପରାକୁ ଭୁଲି ଆଧୁନିକତାର ପଛରେ ଗୋଡାଉଛେ । ଯେଉଁଥିପାଇଁ ଆମେ ବିଭିନ୍ନ ଶାରୀରିକ ଅସୁସ୍ଥତାର ଶିକାର ହେଉଛେ । ତେଣୁ ଆମର ପାରମ୍ପରିକ ଖାଦ୍ୟ ପଖାଳ ପ୍ରତି ଲୋକଙ୍କୁ ଆକର୍ଷିତ କରିବା ପାଇଁ ପଖାଳ ଦିବସ ଉପଲକ୍ଷେ ବିଭିନ୍ନ ସ୍ଥାନରେ ପଖାଳ ଦିବସ ପାଳିତ ହୋଇଯାଇଛି ।
ପାରାଦ୍ଵୀପରେ ହୋଟେଲ ଏମ୍ପିୟର୍ସ ପକ୍ଷରୁ ପଖାଳ ଦିବସ ଅବସରରେ ଏକମାସ ପର୍ଯ୍ୟନ୍ତ ଏହି ପଖାଳ ଫେଷ୍ଟିଭାଲ ଆରମ୍ଭ ହୋଇଛି । ମାତ୍ର ୫୯୯ ଟଙ୍କାରେ ପାଖାପାଖି ୧୨ ପ୍ରକାରର ବ୍ୟଞ୍ଜନ ସହିତ ଭେଜ୍ ପଖାଳ କଂସା ଓ ୭୯୯ ଟଙ୍କାରେ ନନଭେଜ ପଖାଳ କଂସା ପ୍ରସ୍ତୁତ କରାଯାଉଛି । ଏହି ଅବସରରେ ହୋଟେଲ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ କରି ପ୍ରକାଶ କରାଯିବା ସହିତ ସାଧାରଣ ଲୋକେ ଏହି ଉତ୍ସବରେ ସାମିଲ ହୋଇ ପାରିବା ଭଳି ଟଙ୍କା ରଖାଯାଇଥିବା କୁହାଯାଇଛି ।
ବରଗଡ ଜିଲ୍ଲା ବରପାଲି ବ୍ଲକ ଆଗଲପୁର ପ୍ରାଥମିକ କୃଷି ସମବାୟ ସମିତିର ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇଯାଇଛି | ସମିତିର ସଭାପତି ବିରୋସନ ସାହୁଙ୍କ ଅଧକ୍ଷତାରେ ରକ୍ସା ପଞ୍ଚାୟତ ଖେଳପଡିଆ ପରିସରରେ ଏହି ସଭା ଅନୁଷ୍ଠିତ ହୋଇଯାଇଛି। ସମିତିର ସମ୍ପାଦକ ସୁମିତ୍ ପ୍ରଧାନ ସମିତିର ବାର୍ଷିକ ବିବରଣି ପାଠ କରିଥିଲେ | ବରପାଲି ସମ୍ବଲପୁର ଜିଲ୍ଲା କେନ୍ଦ୍ର ସମବାୟ ଶାଖା ପରିଚାଳକ ସାଲବେଗ ବାଦି ଯୋଗଦାନ କରି ଚାଷୀ ମାନଙ୍କ ପାଇଁ ସରକାରଙ୍କ ଦ୍ୱାର ଅନୁମୋଦିତ ହୋଇଥିବା ଯନ୍ତ୍ରପାତି ବିନା ସୁଧାରେ ଋଣ ସାର ଇତ୍ୟାଦି ଜିନିଷ ଠିକ ସମୟରେ କେମିତି ପାଇ ପାରିବେ ସେ ଉପରେ ଆଲୋଚନା ହୋଇଥିଲା |
ୟୁରିଆ ସାରର ବ୍ୟବହାର ଏବଂ ଇୟୁରିଆ ସାର ସମିତିକୁ କମ୍ ଆସୁଥିବାରୁ ସଭାରେ ଅସନ୍ତୋଷ ଦେଖାଯାଇଥିଲା। ଏହି ବାର୍ଷିକ ସମିତି ସଭାରେ ଆଗଲପୁର ସମବାୟ ବ୍ୟାଙ୍କ ସମିତି ସମସ୍ତ ସଭ୍ୟ ଶ୍ରୀମତୀ କୁନ୍ତଳା ପଧାନ, ଉପେନ୍ଦ୍ର ଖେତି,ଶ୍ରୀମତୀ ରୁକ୍ମଣୀ ବେହେରା,ସୁରେନ୍ଦ୍ର ସାହା, ବଳରାମ ନେଗି, ,ପ୍ରମୋଦ କୁମାର ସାହା, ଘନଶ୍ୟାମ ପଧାନଙ୍କ ଉପସ୍ଥିତ ଥିଲେ | ରାଜ୍ୟ ସମବାୟ ସମିତି ଉପ ସଭାପତି ପେକ୍ସ ସଭାପତି ବିରୋସନ ସାହୁ,ବରପାଲି ପେକ୍ସ ସଭାପତି ଗୁରୁ ମେହେର,କୁମ୍ଭାରୀ ପେକ୍ସ ସଭାପତି ପ୍ରଫୁଲ୍ଲ ପଧାନ, କଣ୍ଟାପାଲି ପେକ୍ସ୍ ସଭାପତି ଧୂର୍ବ ସାହୁ, ଆଗଲପୁର ଜୋନ ଜିଲ୍ଲାପରିଷଦ ସଭ୍ୟ ଅନନ୍ତ ସେଠ୍,କୁମ୍ଭାରୀ ଡାଇରେକ୍ଟର ଶତ୍ରୁ ଘନ୍ ପଧାନ,ଯୋଗ ଦେଇ ଚାଷୀ ମାନଙ୍କ ଉନ୍ନତି ତଥା ଚାଷୀ ମାନେ କିଭଳି ଅଧିକ ଲାଭବାନ ହୋଇ ସାବଲମ୍ବୀ ହୋଇପାରିବେ ସେ ଉପରେ ଅଭିଭାଷଣ ରଖିଥିଲେ ।
ଆଜି ବିଶ୍ବ ପଖାଳ ଦିବସ | ସବୁ ଓଡ଼ିଆଙ୍କର ପ୍ରିୟର ଖାଦ୍ୟ ପଖାଳ |ପ୍ରତିଟି ଓଡ଼ିଆଙ୍କ ପରିଚୟ କହିଲେ ପଖାଳକୁ ବୁଝାଏ|ଓଡିଶା ହିଁ ପଖାଳ ଭାତର ଜନ୍ମଦାତା କହିଲେ ଅତିକ୍ୟୁତି ହେବନାହିଁ| ବର୍ତ୍ତମାନ ସୋସିଆଲ ମିଡ଼ିଆ ଯୁଗରେ ରେ ଏହାର ପ୍ରଚାର ପ୍ରସାର ବହୁଳ ପରିମାଣରେ ଦେଖିବାକୁ ମିଳୁଛି| ମାର୍ଚ୍ଚ ୨୦ ତାରିଖ ଅର୍ଥାତ ଆଜି ପଖାଳ ଦିବସ ଅବସରରେ କୁଆଖିଆ ସ୍ଥିତ ସତସଙ୍ଗ କେନ୍ଦ୍ରରେ ସମସ୍ତ ଅନୁକୂଳୁଚନ୍ଦ୍ର ଭକ୍ତ ପ୍ରେମୀ ମାନେ ଏହି ପଖାଳ ଦିବସକୁ ଆଡ଼ମ୍ବରରେ ପାଳନକରିଛନ୍ତି | ଅନେକ ପ୍ରକାର ଖାଦ୍ୟ ବ୍ୟଞ୍ଜନ ସହିତ ପଖାଳ ଖାଇବାର ମଜା ଉଠାଇଥିଲେ ସମସ୍ତେ|
ନିଜ ଭିତରେ ଭାଇଚାରାକୁ ବଞ୍ଚାଇ ରଖିବା ଓ ସମସ୍ତେ ଏକତ୍ରିତ ହେଇ ଏକ ଜାଗାରେ ଗୋଟିଏ ମନ ନେଇ ଏହି ଦିବସକୁ ପାଳନ କରିଥିବା କହିଛନ୍ତି | ପଖାଳ ସାଙ୍ଗକୁ ବିଭିନ୍ନ ପ୍ରକାର ସୁସ୍ଵାଦୁ ଖାଦ୍ୟ ସମସ୍ତଙ୍କ ମନକୁ ଆକୃଷ୍ଟ କରିଥିଲା |
ଆଜି ହେଉଛି ବିଶ୍ବ ପଖାଳ ଦିବସ |ଓଡ଼ିଆ ମାନଙ୍କର ପ୍ରିୟ ଖାଦ୍ୟ ପଖାଳ କଂସା। ଗାଁ ଠୁ ନେଇ ସହର ଯାଏଁ ସବୁଠି ପଖାଳର ପରିଚୟ ନିଆରା| ଆଜି ପ୍ରତିଟି ଓଡିଆ ସବୁଠି ପଖାଳ ଦିବସ ପାଳନ କରୁଛନ୍ତି |
ଆଜିର ଯୁବ ପିଢ଼ି ଆଧୁନିକ ଖାଦ୍ୟ ପ୍ରତି ଆକୃଷ୍ଟ ହେଉଥିବା ବେଳେ ପଖାଳକୁ ଧୀରେ ଧୀରେ ଭୁଲିଯିବାକୁ ବସିଲେଣି |ଏହାକୁ ନେଇ ଆନନ୍ଦପୁର ପ୍ରେସ କ୍ଲବ ପକ୍ଷରୁ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ପଖାଳ ଦିବସ ଆୟୋଜନ ହୋଇଥଲା ।
ଦହି ପଖାଳ କଂସା ସହିତ ବଢ଼ିଚୁରା,ବାଇଗଣ ଭର୍ତା, ଆଳୁ ଭର୍ତ୍ତା, ଶାଗ ଭଜା, ଚଟଣି, ସଜନା ଛୁଇଁ ବେସର, କଲରା ଚିପିସ, ପୁଟୋଳ କସା, ଛତୁ ବେସର, ଚୁନା ମାଛ, ଫୁଲ ବଡ଼ି, ବଡି ଚୁରା ଭଳି ୧୮ପ୍ରକାର ବ୍ୟଞ୍ଜନ ପ୍ରସ୍ତୁତ ହୋଇଥଲା। ଏହି କାର୍ଯ୍ୟକ୍ରମରେ ଆନନ୍ଦପୁର ଉପଖଣ୍ଡର ସମସ୍ତ ପ୍ରଶାସନିକ ଅଧିକାରୀ ମାନେ ଯୋଗଦେଇ ପଖାଳ ଦିବସ ଉପରେ ନିଜ ନିଜର ଅଭିଭାଷଣ ରଖିଥିଲେ।