ପାକିସ୍ତାନର ବାହାୱଲପୁରସ୍ଥିତ ଇସଲାମିଆ ବିଶ୍ୱବିଦ୍ୟାଳୟ(ଆଇୟୁବି)ର ୫୫୦୦ରୁ ଅଧିକ ଛାତ୍ରୀଙ୍କ ସେକ୍ସ ଭିଡିଓ ସାମ୍ନାକୁ ଆସିବା ପରେ ସମଗ୍ର ପାକିସ୍ତାନରେ ଚହଳ ପଡ଼ିଯାଇଛି । ଏହି ଘଟଣାର କମ୍ପନ ଯୋଗୁଁ ପାକିସ୍ତାନର କେନ୍ଦ୍ରୀୟ ସରକାର ବି ଦୋହଲି ଯାଇଛି । କାରଣ ଏହି ମେଗା ସେକ୍ସ ସ୍କାଣ୍ଡାଲର ମାଷ୍ଟରମାଇଣ୍ଡ ଜଣେ ମନ୍ତ୍ରୀଙ୍କ ପୁଅ ବୋଲି ଜଣାପଡ଼ିଛି ।
ସେହବାଜ ସରିଫ କ୍ୟାବିନେଟରେ ଥିବା ଖାଦ୍ୟ ସୁରକ୍ଷା ମନ୍ତ୍ରୀ ଚୌଧୁରୀ ତାରିକ୍ ବସିର ଚିମାଙ୍କ ପୁଅ ଚୌଧୁରୀ ଓ୍ବଲିଦାଦ୍ ଚିମା ଏହି ସ୍କାଣ୍ଡାଲର ମାଷ୍ଟରମାଇଣ୍ଡ୍ ବୋଲି କୁହାଯାଉଛି । ଏହା ସହିତ ଆଇୟୁବିର ସୁରକ୍ଷା ମୁଖ୍ୟ ମେଜର ଏଜାଜ ଶାହା ମଧ୍ୟ ଏହି ସେକ୍ସ ଭିଡିଓ ଦୁର୍ନୀତିରେ ସମ୍ପୃକ୍ତ ଥିବା କୁହାଯାଉଛି । ପାକିସ୍ତାନ ଗଣମାଧ୍ୟମ ରିପୋର୍ଟ ଅନୁସାରେ ଓ୍ବଲିଦାଦ ଚିମାର ଡ୍ରଗ୍ସ କାରବାର ରହିଛି । ସେ ନିଜେ ନିଶାଶକ୍ତ ଅବସ୍ଥାରେ ବିଶ୍ବବିଦ୍ୟାଳୟର ଛାତ୍ରୀମାନଙ୍କୁ ଯୌନଶୋଷଣ କରିବା ସହ ଭିଡିଓ କରିଥାଏ । ସେହିପରି ସୟଦ୍ ଇଜାଜ ହୁସେନ ଶାହା ବିଶ୍ୱବିଦ୍ୟାଳୟର ଝିଅମାନଙ୍କୁ ଡ୍ରଗ୍ସ ଦେଉଥିଲେ ଏବଂ ଅଶ୍ଳୀଳ ଭିଡିଓ ରେକର୍ଡ କରୁଥିଲେ । ତଦନ୍ତବେଳେ ବିଶ୍ୱବିଦ୍ୟାଳୟ କର୍ମଚାରୀଙ୍କ ଠାରୁ ପୁଲିସ ପାଖାପାଖି ୫୫୦୦ ସେକ୍ସ ଭିଡିଓ ଜବତ କରିଥିଲା।
IUB କୁଳପତି ପ୍ରଫେସର ଡ. ନବୀନ ଅଖତରଙ୍କ ଦ୍ୱାରା ସାମ୍ବାଦିକ ସମ୍ମିଳନୀ ଆୟୋଜିତ
ମନ୍ତ୍ରୀ ଚିମା ଏସମ୍ପର୍କରେ ଜାଣିବା ପରେ ନିଜ ପୁଅକୁ ବଞ୍ଚାଇବାକୁ ଉଦ୍ୟମ ଆରମ୍ଭ କରିଦେଇଛନ୍ତି । ତେବେ ଏହି ଘଟଣା ପରେ ତାଙ୍କ ରାଜନୈତିକ ଭାବମୂର୍ତ୍ତୀ ପ୍ରତି ବିପଦ ଆସିଯାଇଛି । ଆସନ୍ତା ନିର୍ବାଚନରେ ସେ ନିଜ ପୁଅକୁ ଛିଡ଼ା କରିବାକୁ ଯୋଜନା କରୁଥିଲେ ।
