Tag: #Roadaccident

ଜୀବନ ନେଲା Google Maps: ଅଧାଗଢା ବ୍ରିଜରୁ ଖସି ୩ ମୃତ; ତଦନ୍ତର ସାମନା କଲା…

ଉତ୍ତରପ୍ରଦେଶର ବରେଲିରେ ଘଟିଥିବା ଏହି ଦୁଃଖଦାୟକ ଘଟଣା ସାରା ଦେଶରେ ଚାଞ୍ଚଲ୍ୟ ଖେଳାଇ ଦେଇଛି। ଜୀବନ ରକ୍ଷାକାରୀ ବା ସହାୟକ କୁହାଯାଉଥିବା ଟେକ୍ନୋଲୋଜି କେମିତି କେତେବେଳେ କାଳ ସାଜିପାରେ, ଏହା ତାହାର ଏକ ବଡ଼ ଉଦାହରଣ। ବାଟ ଖୋଜିବା ସମୟରେ Google Maps ଉପରେ ଭରସା କରିଥିବା ୩ ଜଣ ଯାତ୍ରୀ ଅଧାଗଢା ବ୍ରିଜରୁ କାର ସହିତ ତଳକୁ ଖସି ପଡି ମୃତ୍ୟୁ ବରଣ କରିଛନ୍ତି।

କେମିତି ଘଟିଲା ଦୁର୍ଘଟଣା?

ଗୁରୁଗ୍ରାମର ବିବେକ ଓ ଅମିତ ଜଣେ ଡ୍ରାଇଭର ସହ ଏକ ବିବାହ ଉତ୍ସବରେ ଯୋଗ ଦେବା ପାଇଁ ବାହାରିଥିଲେ। ସେମାନେ ଦତ୍ତାଗଞ୍ଜରୁ ଫରିଦପୁର ଯାଉଥିବା ବେଳେ ରାସ୍ତା ଭୁଲିଯାଇଥିଲେ। ରାତି ହୋଇଥିବାରୁ ସ୍ଥାନୀୟ ଲୋକଙ୍କୁ ପଚାରିବା ସମ୍ଭବ ହୋଇନଥିଲା।

ଶେଷରେ ସେମାନେ Google Maps ଉପରେ ନିର୍ଭର କରିଥିଲେ। ଜିପିଏସ୍ ଦେଖାଇଥିବା ରାସ୍ତା ଅନୁସରଣ କରି ଆଗକୁ ବଢିଥିଲେ, କିନ୍ତୁ ଆଗରେ ଥିବା ଅଧାଗଢା ଫ୍ଲାଏଓଭର ବିଷୟରେ ସେମାନେ ଅଜଣା ଥିଲେ। କାରଟି ବ୍ରିଜ ଉପରେ ଯାଇଥିବା ବେଳେ ହଠାତ୍ ପ୍ରାୟ ୫୦ ଫୁଟ ତଳକୁ ଖସି Ramganga River ଭିତରେ ପଡିଯାଇଥିଲା। ଏଥିରେ ଡ୍ରାଇଭର ସହିତ ୩ ଜଣଙ୍କର ମୃତ୍ୟୁ ହୋଇଥିଲା।

ଗୁଗୁଲ୍‌ର ପ୍ରତିକ୍ରିୟା ଓ ତଦନ୍ତ

ଏହି ମାମଲାର ଗମ୍ଭୀରତାକୁ ଦେଖି ପୋଲିସ ଗୁଗୁଲ୍‌ର ଅଧିକାରୀ ଏବଂ ପୂର୍ତ୍ତ ବିଭାଗ ବିରୋଧରେ ତଦନ୍ତ ଆରମ୍ଭ କରିଛି। ଗୁଗୁଲ୍ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି ଯେ, ସେମାନେ ଭାରତୀୟ ତଦନ୍ତକାରୀ ସଂସ୍ଥାକୁ ସମ୍ପୂର୍ଣ୍ଣ ସହଯୋଗ କରିବେ ଏବଂ ନିଜର ବୈଷୟିକ ତ୍ରୁଟିର ଯାଞ୍ଚ କରିବେ।
ବ୍ରିଜ୍ ଉପରେ କାଳ ସାଜିଲା ଦୁର୍ଘଟଣା: ଧାନ ମିଲିଙ୍ଗ୍ ସାରି ଫେରୁଥିଲେ, ଚାଲିଗଲା ଦୁଇଟି ମୂଲ୍ୟବାନ ଜୀବନ

ଖୁସିରେ ଖୁସିରେ ଧାନ ମିଲିଙ୍ଗ୍ ସାରି ଚାଉଳ ଧରି ଘରକୁ ଫେରୁଥିଲେ, ହେଲେ ବାଟରେ ଜକି ବସିଥିଲା ମୃତ୍ୟୁ। ରାୟଗଡ଼ା ଜିଲ୍ଲାରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଯାଇଛି, ଯେଉଁଥିରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ବ୍ୟକ୍ତି ଗୁରୁତର ଆହତ ହୋଇଛନ୍ତି। ରାୟଗଡ଼ା ଜିଲ୍ଲା ବିଷମକଟକ ବ୍ଲକ୍‌ ଅନ୍ତର୍ଗତ ଡୁକୁମ୍ ପଞ୍ଚାୟତର କାଚାପାଜୁ ବ୍ରିଜ୍ ନିକଟରେ ଗତକାଲି ରାତି ପ୍ରାୟ ୮ଟା ସମୟରେ ଏହି ଅଭାବନୀୟ ଘଟଣା ଘଟିଛି। ସୂଚନା ଅନୁଯାୟୀ, ଗ୍ରାମବାସୀମାନେ ଏକ ଗାଡ଼ିରେ ଧାନ ମିଲିଙ୍ଗ୍ ସାରି ଚାଉଳ ଧରି ଘରକୁ ଫେରୁଥିବା ବେଳେ ବ୍ରିଜ୍ ନିକଟରେ ଗାଡ଼ିଟି ହଠାତ୍ ଭାରସାମ୍ୟ ହରାଇ ଓଲଟି ପଡ଼ିଥିଲା। ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ହିଁ ଜଣଙ୍କର ପ୍ରାଣବାୟୁ ଉଡ଼ିଯାଇଥିଲା। ଅନ୍ୟ ଜଣଙ୍କୁ ଡାକ୍ତରଖାନା ନିଆଯାଇଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଡ୍ରିଞ୍ଜ ସାରକା ଏବଂ ମଦନ ସାରକା।

ଦୁର୍ଘଟଣାରେ ମୋଟ ୭ ଜଣ ଗୁରୁତର ହୋଇଥିବା ବେଳେ ୩ ଜଣଙ୍କୁ ବିଷମକଟକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଜଣେ ବ୍ୟକ୍ତିଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ଥିବାରୁ ତାଙ୍କୁ ଉନ୍ନତ ଚିକିତ୍ସା ପାଇଁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଛି। ରାତିର ଅନ୍ଧାର ଏବଂ ବ୍ରିଜ୍ ନିକଟରେ ରାସ୍ତାର ସ୍ଥିତି ଯୋଗୁଁ ଏହି ଦୁର୍ଘଟଣା ଘଟିଥିବା ପ୍ରାଥମିକ ଭାବେ ଅନୁମାନ କରାଯାଉଛି। ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ପରିବାର ଲୋକଙ୍କ କାନ୍ଦବୋବାଳିରେ କାଚାପାଜୁ ଗାଁର ପରିବେଶ ଫାଟି ପଡ଼ୁଛି। ସ୍ଥାନୀୟ ଲୋକେ ଆହତମାନଙ୍କୁ ଉଦ୍ଧାର କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। “ଧାନ ହେଉଛି ଜୀବନର ଆଧାର, କିନ୍ତୁ ସେହି ଆହାର ପାଇଁ ଯାଇ ଆଜି ଦୁଇଟି ପରିବାର ନିଜର ଆତ୍ମୀୟଙ୍କୁ ହରାଇଛନ୍ତି।”

ବର୍ତ୍ତମାନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମୃତଦେହ ବ୍ୟବଚ୍ଛେଦ ପାଇଁ ପଠାଇଛି। ଆହତମାନଙ୍କ ଶୀଘ୍ର ଆରୋଗ୍ୟ ପାଇଁ ଅଞ୍ଚଳବାସୀ ପ୍ରାର୍ଥନା କରୁଛନ୍ତି।
ରାଜପଥରେ ରକ୍ତରଞ୍ଜିତ ହେଲା ଯାତ୍ରା: ଠିଆ ହୋଇଥିବା ହାଇୱାକୁ ପଛରୁ ପିଟିଲା ବସ୍, ଭୟଙ୍କର ଧକ୍କାରେ ୩ ଯାତ୍ରୀ ଗୁରୁତର

୧୬ ନମ୍ବର ଜାତୀୟ ରାଜପଥରେ ରକ୍ତରଞ୍ଜିତ ହେଲା ‘ନୀଳମାଧବ’ ବସ୍; ଛିଡ଼ା ହୋଇଥିବା ହାଇୱାକୁ ପଛରୁ ପିଟିଲା, ଚୂରମାର ହେଲା ସମ୍ମୁଖ ଭାଗ ଭଦ୍ରକ ଜିଲ୍ଲା ୧୬ ନମ୍ବର ଜାତୀୟ ରାଜପଥର ନେହେରୁ ଷ୍ଟାଡିଅମ ସମ୍ମୁଖରେ ଗତକାଲି ବିଳମ୍ବିତ ରାତିରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଭୁବନେଶ୍ୱରରୁ କଲିକତା ଅଭିମୁଖେ ଯାଉଥିବା ‘ନୀଳମାଧବ’ ନାମକ ଏକ ଯାତ୍ରୀବାହୀ ବସ୍ ରାସ୍ତା କଡ଼ରେ ଛିଡ଼ା ହୋଇଥିବା ଏକ ହାଇୱା ଟ୍ରକକୁ ପଛ ପଟୁ ପ୍ରଚଣ୍ଡ ଧକ୍କା ଦେଇଛି। ଏହି ଦୁର୍ଘଟଣାରେ ୩ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଲୋକେ ଓ ପୋଲିସ ସହାୟତାରେ ସେମାନଙ୍କୁ ତୁରନ୍ତ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ଧକ୍କା ଏତେ ଜୋରଦାର ଥିଲା ଯେ ବସର ସମ୍ମୁଖ ଭାଗ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି। କ୍ୟାବିନ୍ ଭିତରେ କିଛି ଯାତ୍ରୀ ଫସି ରହିଥିବା ବେଳେ ସେମାନଙ୍କୁ ଉଦ୍ଧାର କରାଯାଇଥିଲା। ଖବର ପାଇ ଭଦ୍ରକ ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଦୁର୍ଘଟଣାଗ୍ରସ୍ତ ଗାଡ଼ି ଦୁଇଟିକୁ ଜବତ କରାଯାଇଛି। ବିଳମ୍ବିତ ରାତିରେ ପ୍ରବଳ କୁହୁଡ଼ି ଯୋଗୁଁ ରାସ୍ତା ସ୍ପଷ୍ଟ ଦେଖାଯାଉ ନଥିଲା, ଯାହା ଏହି ଦୁର୍ଘଟଣାର ଅନ୍ୟତମ କାରଣ ହୋଇଥାଇପାରେ ବୋଲି ସନ୍ଦେହ କରାଯାଉଛି। ଏଥିସହ ବସ୍ ଚାଳକଙ୍କୁ ନିଦ ଆସିଯାଇଥିବାରୁ ଏହି ଅଘଟଣ ଘଟିଥାଇପାରେ। ଦୁର୍ଘଟଣା ସମୟରେ ବସରେ ପ୍ରାୟ ୪୫ ଜଣ ଯାତ୍ରୀ ଥିଲେ। ଶୋଇଥିବା ଅବସ୍ଥାରେ ହଠାତ୍ ଜୋରରେ ଧକ୍କା ହେବାରୁ ଯାତ୍ରୀମାନେ ଭୟଭୀତ ହୋଇ ଚିତ୍କାର କରିବାକୁ ଲାଗିଥିଲେ। ଅଳ୍ପକେ ଅନ୍ୟ ଯାତ୍ରୀମାନେ ବଡ଼ ବିପଦରୁ ବର୍ତ୍ତି ଯାଇଛନ୍ତି। ରାସ୍ତା କଡ଼ରେ ବିପଜ୍ଜନକ ଭାବେ ଗାଡ଼ି ଛିଡ଼ା କରିବା ଯୋଗୁଁ ବାରମ୍ବାର ଦୁର୍ଘଟଣା ଘଟୁଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଜାତୀୟ ରାଜପଥରେ ପାଟ୍ରୋଲିଂକୁ କଡ଼ାକଡ଼ି କରିବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି।
ବେଙ୍ଗାଲୁରୁ ନିକଟରେ ଭୟଙ୍କର ସିରିଜ୍ ଦୁର୍ଘଟଣା; ୭ ଜଣଙ୍କ ଘଟଣାସ୍ଥଳରେ ମୃତ୍ୟୁ

ବେଙ୍ଗାଲୁରୁ ନିକଟରେ ହୋସକୋଟ୍‌- ଦୋବ୍ସପେଟ ରାସ୍ତାରେ ଶୁକ୍ରବାର ସକାଳେ ଘଟିଛି ଏକ ଭୟଙ୍କର ଘଟଣା | ସେହି ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଛି । ପୁଲିସ ସୂଚନା ଅନୁସାରେ, ଦ୍ରୁତଗତିରେ ଯାଉଥିବା ଏକ ଏସ୍‌ୟୁଭି କାର୍ ନିୟନ୍ତ୍ରଣ ହରାଇ ପ୍ରଥମେ ଏକ ମଟୋରସାଇକେଲକୁ, ତାପରେ ଏକ କ୍ୟାଣ୍ଟର ଟ୍ରକ୍ କୁ ଧକ୍କା ଦେଇଥିଲା । ସେଥିପରେ ସେହି କାର୍ ଅନ୍ୟ ଏକ ଯାନ ସହିତ ମଧ୍ୟ ଧକ୍କା ହୋଇଥିଲା । ଦୁର୍ଘଟଣାରେ ଏସ୍‌ୟୁଭି ଭିତରେ ଥିବା ୬ ଜଣ ଯାତ୍ରୀ ଏବଂ ମୋଟରସାଇକେଲ ଚାଳକ ଘଟଣାସ୍ଥଳରେ ମୃତ୍ୟୁ ହୋଇଥିଲା ।

ପ୍ରାଥମିକ ଖବର ଅନୁସାରେ, ମୃତକମାନେ ବେଙ୍ଗାଲୁରୁର କୋଥାନୁର ଅଞ୍ଚଳର ବାସିନ୍ଦା ବୋଲି ସନ୍ଦେହ କରାଯାଉଛି | ତଥାପି ସେମାନଙ୍କ ପରିଚୟ ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ | ଘଟଣାସ୍ଥଳରୁ ମୃତଦେହଗୁଡିକୁ ଉଠାଇ ହୋସକୋଟ ସରକାରୀ ହସ୍ପିଟାଲ‌କୁ ପଠାଯାଇଥିଲା। ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାର କାରଣ ଖୋଜିବା ପାଇଁ ତଦନ୍ତ ଆରମ୍ଭ କରିଛି ।
ଭୁବନେଶ୍ୱର–ପୁରୀ ଜାତୀୟ ରାଜପଥରେ ମହିଳା ସାମ୍ବାଦିକାଙ୍କ ମୃତ୍ୟୁ

ଭୁବନେଶ୍ୱର–ପୁରୀ ଜାତୀୟ ରାଜପଥରେ ଆଜି ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଦୁଇ ଜଣ ମହିଳା ସାମ୍ବାଦିକାଙ୍କ ଜୀବନ ଯାଇଛି। ପିପିଲି ଥାନା ଅନ୍ତର୍ଗତ ମଙ୍ଗଳପୁର ନିକଟ ଜମାଲପୁର ଗ୍ରାମ୍ୟଛକ ସାମ୍ନାରେ ଏହି ଦୁଃଖଦ ଘଟଣା ଘଟିଛି। ରାସ୍ତାରେ ଯାଉଥିବା ଏକ ସ୍କୁଟି ଉପରେ ପଛଦିଗରୁ ଆସୁଥିବା ଏକ ଘରୋଇ ଯାତ୍ରୀବାହୀ ବସ୍‌ ଚଢ଼ିଯିବାରୁ ଦୁର୍ଘଟଣା ଘଟିଥିଲା।

ସୂଚନା ଅନୁଯାୟୀ, ରାସ୍ତା ଉପରେ ବାଲିଗଦା ହୋଇଥିବା କାରଣରୁ ସ୍କୁଟି ଚାଳକା ଗତି କମାଇଥିଲେ। ଏହି ସମୟରେ ପୁରୀ ଅଭିମୁଖେ ଯାଉଥିବା ଏକ ଯାତ୍ରୀବାହୀ ବସ୍‌ ସ୍କୁଟିକୁ ପଛଦିଗରୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣଙ୍କୁ ଗୁରୁତର ଆହତ ଅବସ୍ଥାରେ ମଙ୍ଗଳପୁର ମେଡିକାଲକୁ ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ମୃତକ ମହିଳାମାନଙ୍କ ମଧ୍ୟରୁ ଜଣେ ଶିଲା ପଟ୍ଟନାୟକ ବୋଲି ଚିହ୍ନଟ ହୋଇଥିବା ବେଳେ, ଅନ୍ୟ ଜଣଙ୍କ ପରିଚୟ ମିଳିପାରିନାହିଁ। ଜଣେ ମହିଳା ସାମ୍ବାଦିକା ବୋଲି ସୂଚନା ମିଳିଛି।

ଦୁର୍ଘଟଣା ପରେ ଜାତୀୟ ରାଜପଥରେ ଭାରି ଟ୍ରାଫିକ ଜାମ୍‌ ସୃଷ୍ଟି ହୋଇଥିଲା। ଖବର ପାଇ ପିପିଲି ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଟ୍ରାଫିକ ପରିସ୍ଥିତି ସମ୍ଭାଳିବା ସହ ବସ୍‌ ଓ ସ୍କୁଟିକୁ ଜବତ କରିଛି। ପୁଲିସ ଦୁର୍ଘଟଣାର କାରଣ ନେଇ ତଦନ୍ତ ଆରମ୍ଭ କରିଥିବା ବେଳେ, ବସ୍‌ ଚାଳକଙ୍କ ଭୂମିକାକୁ ମଧ୍ୟ ତଦନ୍ତ ଆଧୀନରେ ରଖାଯାଇଛି।
ରାଜଧାନୀରେ ପୁଣି ଏକ ମୁଣ୍ଡ ନେଲା ଆମ ବସ

ଗତ କଲି ସକାଳ ପ୍ରାୟ ୧୧ଟା ସମୟରେ ରାଜଧାନୀର ରୁପାଲି ଛକ ନିକଟରେ ଘଟିଛି ଏକ ଭୟଙ୍କର ସଡ଼କ ଦୁର୍ଘଟଣା। ଟ୍ରାଫିକ୍ ରେଡ୍ ସିଗ୍ନାଲ୍‌ରେ ଅଟକି ରହିଥିବା ଏକ ଅଟୋକୁ ପଛପଟୁ ଆସି ଧକ୍କା ଦେଇଛି ‘ଆମ ବସ’। ଧକ୍କା ଏତେ ଭୟଙ୍କର ଥିଲା ଯେ ଅଟୋଟି ଛିନ୍‌ଛତ୍ର ହୋଇଯାଇଥିଲା।

ଏହି ଦୁର୍ଘଟଣାରେ ଅଟୋ ଚାଳକ ବିଷ୍ଣୁ ପାତ୍ରଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଛି। ଅଟୋରେ ବସିଥିବା ୩ ଯାତ୍ରୀଙ୍କ ମଧ୍ୟରୁ ୨ ଜଣ ଆହତ ହୋଇଥିବାବେଳେ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ଆହତଙ୍କୁ ତୁରନ୍ତ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି।

ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ଅଟୋଟି ରାମ ମନ୍ଦିର ପଟୁ ବାଣୀବିହାର ଅଭିମୁଖେ ଯାଉଥିଲା। ଛକରେ ରେଡ୍ ସିଗ୍ନାଲ୍ ଥିବାରୁ ଅଟୋ ଅଟକିଥିଲା। ସାମ୍ନାରେ ଏକ ସ୍କୁଲ ବସ ଥିବାବେଳେ ପଛପଟୁ ତୀବ୍ର ଗତିରେ ଆସିଥିଲା ‘ଆମ ବସ’ ଏବଂ ଅଟୋକୁ ଚାପି ଦେଇଥିଲା।

ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଥିଲା। ଆମ ବସ୍ ଚାଳକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରି ଉତ୍ୟକ୍ତ ଲୋକେ ବସ୍‌ଟିକୁ ଭଙ୍ଗାରୁଜା କରିଥିଲେ। ପ୍ରାୟ ଘଣ୍ଟାଏ କାଳ ଜନପଥରେ ଟ୍ରାଫିକ୍ ଯାମ ହୋଇଥିଲା।

ଘଟଣାସ୍ଥଳରେ ଡିସିପି ପହଞ୍ଚି ଲୋକମାନଙ୍କୁ ବୁଝାସୁଝା କରିବା ପରେ ପରିସ୍ଥିତି ସ୍ୱାଭାବିକ ହୋଇଥିଲା। ପୁଲିସ ଘଟଣାର ତଦନ୍ତ ଆରମ୍ଭ କରିଥିବାବେଳେ ‘ଆମ ବସ’ ଦୁର୍ଘଟଣା ଉପରେ ପୁଣିଥରେ ପ୍ରଶ୍ନ ଉଠିଛି।

ସୂଚନା ଅନୁଯାୟୀ, ଗତ ଜୁନ୍ ୨୦୨୪ ପରଠାରୁ ଟ୍ବିନ୍‌ସିଟିରେ ‘ଆମ ବସ’ ଦ୍ୱାରା ୨୫ରୁ ଅଧିକ ଦୁର୍ଘଟଣା ଘଟିଥିବାବେଳେ ୧୦ ଜଣଙ୍କ ମୃତ୍ୟୁ ହୋଇଛି। ମାତ୍ର କାର୍ଯ୍ୟକାରୀ ପଦକ୍ଷେପ ନ ନେଉଥିବାରୁ ଦୁର୍ଘଟଣାରେ ବ୍ରେକ୍ ଲାଗୁନି ।
ପୁରୀ ବଡଦାଣ୍ଡରେ ମର୍ମନ୍ତୁଦ ଦୁର୍ଘଟଣା, ୫ ବର୍ଷୀୟ ଶିଶୁର ମୃତ୍ୟୁ

ପୁରୀ ବଡଦାଣ୍ଡର ବଳଗଣ୍ଡି ଛକରେ ଆଜି ସକାଳୁ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଅଞ୍ଚଳକୁ ସ୍ତବ୍ଧ କରିଦେଇଛି। ବୋଲେରୋ ଗାଡ଼ିର ଧକ୍କାରେ ୫ ବର୍ଷୀୟ ଜଣେ ନାବାଳକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ୨ ଜଣ ଗୁରୁତର ଆହତ ହୋଇ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି।

ମିଳିଥିବା ସୂଚନା ଅନୁସାରେ, ଆଜି ସକାଳେ ଜଣେ ବୃଦ୍ଧ ଓ ତାଙ୍କ ୫ ବର୍ଷୀୟ ନାତି ସ୍କୁଟିରେ ଜଳଖିଆ କିଣିବା ପାଇଁ ବଡଦାଣ୍ଡ ଦେଇ ବଳଗଣ୍ଡି ଛକକୁ ଆସିଥିଲେ। ଜଳଖିଆ କିଣି ସ୍କୁଟିରେ ଫେରୁଥିବା ବେଳେ ପଛରୁ ଆସୁଥିବା ଏକ ବୋଲେରୋ ହଠାତ୍‌ ଧକ୍କା ଦେଇଥିଲା। ଧକ୍କାରେ ଜେଜେ ତଳେ ପଡ଼ିଯାଇଥିବାବେଳେ ବୋଲେରୋଟି ଛୋଟ ପିଲାଟିକୁ କିଛି ଦୂର ପର୍ଯ୍ୟନ୍ତ ଘୋଷାଡ଼ି ନେଇଥିଲା।

ଘଟଣା ଦେଖି ସ୍ଥାନୀୟ ଲୋକେ ହୋହାଲ୍ଲା କରିଥିବାବେଳେ ବୋଲେରୋ ଡ୍ରାଇଭର ଘଟଣାସ୍ଥଳରୁ ପଳାଇବାକୁ ଚେଷ୍ଟା କରୁଥିଲେ। ତେବେ ଲୋକମାନେ ତାଙ୍କୁ କାବୁ କରି ପୁଲିସଙ୍କୁ ସୂଚନା ଦେଇଥିଲେ। ସାଙ୍ଗେ ସାଙ୍ଗେ ଗୁରୁତର ଆହତ ପିଲାଟିକୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଯାଯାଇଥିଲା, କିନ୍ତୁ ସେଠାରେ ଡାକ୍ତର ପିଲାଟିକୁ ମୃତ ଘୋଷଣା କରିଥିଲେ।

ଘଟଣା ପରେ ବଳଗଣ୍ଡି ଛକ ଓ ଆଖପାଖ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ବୋଲେରୋ ଗାଡ଼ିକୁ ଜବତ କରିବା ସହ ଡ୍ରାଇଭରକୁ ହେପାଜତ ନେଇ ତଦନ୍ତ ଆରମ୍ଭ କରିଛି।
ରାତିର ଯାତ୍ରା ହେଲା ଶେଷ ଯାତ୍ରା

ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ NH-353 ତିଖାଲି ନିକଟରେ ଘଟିଛି ଏକ ଭୟାବହ ସଡ଼କ ଦୁର୍ଘଟଣା। ରାତି ପ୍ରାୟ ୮ଟା ସମୟରେ ଏକ କାର ନିୟନ୍ତ୍ରଣ ହରାଇ ରାସ୍ତାକଡ଼ରେ ଥିବା ଗଛରେ ଜୋରଦାର ଧକ୍କା ହୋଇଥିଲା।

ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ NH-353 ତିଖାଲି ଛକ ନିକଟରେ ଗତ ରାତିରେ ଏକ ଭୟାବହ ସଡ଼କ ଦୁର୍ଘଟଣା ଘଟି ଅଞ୍ଚଳକୁ ଶୋକସନ୍ତପ୍ତ କରିଦେଇଛି। ଏକ କାର ନିୟନ୍ତ୍ରଣ ହରାଇ ରାସ୍ତାକଡ଼ରେ ଥିବା ଗଛରେ ଜୋରରେ ପିଟିହେବାରୁ ଘଟଣାସ୍ଥଳରେ ୨ ଜଣ ଯୁବକଙ୍କ ମୃତ୍ୟୁ ଘଟିଥିଲା ବେଳେ ଅନ୍ୟ ଜଣେ ଗୁରୁତର ଆହତ ଯୁବକଙ୍କୁ କୋମନା ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି।

ମୃତ ଯୁବକମାନେ ହେଲେ କୋମନା ଗାଁର ଅବରାର ଓରଫ ବିଟୁ ଖାନ (୨୪), ଅଜନାନ ମହମ୍ମଦ (୨୫) ଓ ମେହଫୁଜ ମହମ୍ମଦ (୨୩) ବୋଲି ଜଣାପଡିଛି। ଦୁର୍ଘଟଣାରେ ଆହତ ହୋଇଥିବା ଅନ୍ୟ ୪ ଜଣଙ୍କୁ ସ୍ଥାନୀୟ ଲୋକେ ଓ ପୋଲିସ ମିଶି ଉଦ୍ଧାର କରି ପ୍ରଥମେ କୋମନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ପରେ ସେମାନଙ୍କ ଅବସ୍ଥା ଗୁରୁତର ହେବାରୁ ନୂଆପଡ଼ା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।

ସୂଚନା ଅନୁସାରେ, ଗତ ରାତି ପ୍ରାୟ ୮ଟା ସମୟରେ କୋମନା ଗାଁର ୭ ଜଣ ଯୁବକ ଏକ କାରରେ ଖଡ଼ିଆଳ ଅଭିମୁଖେ ଯାଉଥିଲେ। ତିଖାଲି ଛକ ନିକଟରେ ହଠାତ୍ ଗାଡ଼ିଟି ଭାରସାମ୍ୟ ହରାଇ ଓଲଟି ପଡ଼ିବା ସହ ଏକ ଗଛରେ ପିଟିହୋଇଥିଲା। ଧକ୍କା ଏତେ ଭୟାବହ ଥିଲା ଯେ କାରଟି ସମ୍ପୂର୍ଣ୍ଣ ଚୁର୍ଣ୍ଣବିଚୁର୍ଣ୍ଣ ହୋଇଯାଇଥିଲା।

ଦୁର୍ଘଟଣା ଖବର ପାଇ କୋମନା ପୋଲିସ ଘଟଣାସ୍ଥଳରେ ପହଁଚି ମୃତଦେହଗୁଡ଼ିକୁ ଉଦ୍ଧାର କରି ତଦନ୍ତ ଆରମ୍ଭ କରିଛି। ଦୁର୍ଘଟଣାର କାରଣ ଦ୍ରୁତ ଗତି ନା ଅନ୍ୟ କୌଣସି ଯାନ୍ତ୍ରିକ ତ୍ରୁଟି, ସେନେଇ ପୋଲିସ ତଦନ୍ତ ଜାରି ରଖିଛି। ଏହି ଦୁର୍ଘଟଣା ପରେ କୋମନା ଗାଁରେ ଶୋକର ଛାୟା ଖେଳିଯାଇଛି।
ସଡକ ଦୁର୍ଘଟଣାରେ ଥରିଲା ସାରା ରାଜ୍ୟ, ମୃତକଙ୍କୁ ମିଳିବ ୧ଲକ୍ଷ

ଗତ କାଲି ଆନ୍ଧ୍ରପ୍ରଦେଶ ଆଲୁରୀ ସୀତାରାମା ରାଜୁ ଜିଲ୍ଲା ଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ସାରା ରାଜ୍ୟରେ ଶୋକର ଛାୟା ଖେଳାଇ ଦେଇଛି ସୂଚନା ଅନୁଯାୟୀ ଏକ ବସ ଖାଇରୁ ଖସିପଡିବା ଦ୍ୱାରା ୯ ଜଣଙ୍କର ମୃତ୍ୟୁ ଏବଂ ଅନେକ ଆହତ ହୋଇଥିଲେ |

ପୁଲିସ ଅଧ୍ୟକ୍ଷ ଅମିତ ବଡାରଙ୍କ ସୂଚନା ଦେଇଥିଲେ, ଭୋର ୪:୩୦ ମିନିଟରେ ଏକ ଘରୋଇ ବସ ଚିଣ୍ଟୁର୍ ମାରେ ଡୁମୁଲିଘାଟ ରୋଡ଼ରେ ଥିବା ଦୁର୍ଗା ମନ୍ଦିର ପାଖରେ ଏହି ଦୁର୍ଘଟଣାଟି ଘଟିଥିଲା | ବସରେ ଡ୍ରାଇଭର ସମେତ ୩୭ ଜଣ ଯାତ୍ରା କରୁଥିଲେ ସେହି ସମୟରେ ବସଟି ନିୟନ୍ତ୍ରଣ ହରାଇ ଖାଇରୁ ଖସି ଓଲଟି ପଡିଥିଲା | ଯାହାଫଳରେ ୯ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା ଆଉ ୨୨ ଜଣ ଗୁରୁତର ଆହତ ହୋଇଥିଲେ | ସେଥିରୁ ୬ ଜଣ ସୁରକ୍ଷିତ ଅବସ୍ଥାରେ ଉଦ୍ଧାର ହୋଇଥିଲେ | ଆହତମାନଙ୍କୁ ଭଦ୍ରାଚଲମ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା |

ଏହି ଘଟଣାକୁ ନେଇ ସିଏମ ନାଏଡୁ ଦୁଃଖ ପ୍ରକାଶ କରିବା ସହ କହିଥିଲେ,”ଏହା ଏକ ହୃଦୟ ବିଦାରକ ଘଟଣା” | ଏହି ସଡକ ଦୁର୍ଘଟଣାରେ କେତେ ଲୋକ ଆହତ ହୋଇଛନ୍ତି ତାର ଯାଞ୍ଚ ସହ ଆହତ ମାନଙ୍କୁ କିପରି ଭଲ ଚିକିତ୍ସା ପ୍ରଦାନ କରାଯିବ ଏଥିପ୍ରତି ବିଶେଷ ଧ୍ୟାନ ଦିଆଯିବ | ପଏମ ନରେନ୍ଦ୍ର ମୋଦୀ ଟ୍ଵିଟ କରି ଦୁଃଖ ପ୍ରକାଶ କରିଛନ୍ତି | ଯେଉଁମାନଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି ସେମାନଙ୍କ ପରିବାରକୁ ୧ଲକ୍ଷ ଟଙ୍କା ଏବଂ ଆହତ ହୋଇଥିବା ଯାତ୍ରୀଙ୍କୁ ୫୦ହଜାର ସହାୟତ ରାଶି ପ୍ରଦାନ କରାଯିବା ନେଇ ଘୋଷଣା କରାଯାଇଛି | ରାଷ୍ଟ୍ରପତି ମଧ୍ୟ ଏହି ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି |
ଅଜଣା ଗାଡ଼ି ଧକ୍କାରେ ଅଜଣା ଯୁବକ ମୃତ୍ୟୁ

ଏକ ଅଜଣା ଗାଡି ଧକ୍କା ରେ ଅଜଣା ଯୁବକଙ୍କ ମୃତ୍ୟୁ । ଘଟଣା ଘଟିଛି ଚମ୍ପୁଆ ଥାନା ଅନ୍ତର୍ଗତ ମହେଶ୍ୱରପୁର ଛକ ନିକଟରେ । ଗତକାଲି ସଂଧ୍ୟାରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ବରଣ କରିଥିବା ବ୍ୟକ୍ତିଙ୍କ ପରିଚୟ ଜଣା ପଡ଼ିନଥିବା ବେଳେ ଅଜଣା ଗାଡ଼ି ଧକ୍କାରେ ତାଙ୍କର ମୃତ୍ୟୁ ହୋଇଥିବା ଅନୁମାନ କରାଯାଉଛି।ସୁଚନା ଅନୁଯାୀ ମହେଶ୍ବରପୁର ଛକ ନିକଟରେ ମୃତ ଯୁବକକୁ ଦେଖି ସ୍ଥାନୀୟ ଲୋକେ ପ୍ରଥମେ ଚମ୍ପୁଆ ପୋଲିସ କୁ ଖବର ଦେଇଥିଲେ । ତେବେ ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ମୃତଦେହ କୁ ଜବତ କରିବା ସହ ବ୍ୟବଚ୍ଛେଦ ପାଇଁ ଚମ୍ପୁଆ ଉପଖଣ୍ଡ ଚିକିତ୍ସାଳୟ କୁ ପଠାଇଛି । ଅନ୍ୟପଟେ ଦୁର୍ଘଟଣା ସମ୍ପର୍କରେ ତଦନ୍ତ ଆରମ୍ଭ କରିଥିବା ଜଣା ପଡିଛି ।

Tag: #Roadaccident

କେମିତି ଘଟିଲା ଦୁର୍ଘଟଣା?

ଗୁଗୁଲ୍‌ର ପ୍ରତିକ୍ରିୟା ଓ ତଦନ୍ତ