Tag: #Rape

ପ୍ରେମିକ ସାମ୍ନାରେ ପ୍ରେମିକାକୁ . . .

ପୁରୀ ବ୍ରହ୍ମଗିରି ର ବାଲିହରଚଣ୍ଡି ପୀଠରେ ଜଣେ ଯୁବତୀଙ୍କୁ ଗଣ ଦୁଷ୍କର୍ମ ହୋଇଥିବା ସାଂଘାତିକ ଅଭିଯୋଗ ଆସିଛି। ଏହି ଘଟଣା ସାରା ବ୍ରହ୍ମଗିରି ଅଞ୍ଚଳରେ ଚର୍ଚ୍ଚା ହୋଇଥିବା ବେଳେ ପୋଲିସ ୨ଜଣଙ୍କୁ ଗିରଫ କରିଛି। ଘଟଣାକୁ ନେଇ ଆଜି ଯୁବତୀର ଡାକ୍ତରୀ ମାଇନା କରାଯାଇଛି।

ଗତ ଶନିବାର ସ୍ପେସଲ ସ୍କ୍ୱାର୍ଡ ସ୍ଥାନୀୟ ଚଣ୍ଡୀପୁଟ ଗ୍ରାମର ତିନିଜଣ ଯୁବକଙ୍କୁ ଅଟକ ରଖି ପଚରଉଚରା କରୁଚି। ବାଲିହରଚଣ୍ଡି ଏକ ପର୍ଯ୍ୟଟନ ସ୍ଥଳୀ। ଏଠାକୁ ବିଭିନ୍ନ ସ୍ଥାନରୁ ପର୍ଯ୍ୟଟକ ମାନେ ବୁଲିବାକୁ ଆସୁଥିବା ବେଳେ ନିକଟରେ ଥିବା ସମୁଦ୍ର ବେଳାଭୂମିକୁ ବୁଲିବାକୁ ଯାଇ ଥାଆନ୍ତି। ଶୁକ୍ରବାର ଜଣେ ଯୁବକ ଓ ଯୁବତୀ ବାଲିହରଚଣ୍ଡି ବୁଲିବାକୁ ଆସି ଥିବାବେଳେ ସ୍ଥାନୀୟ ଚଣ୍ଡୀପୁଟ ଗ୍ରାମର ଚାରି ଜଣ ଯୁବକ ସେମାନଙ୍କର ଫଟୋ ଚିତ୍ର ଉତ୍ତୋଳନ କରିବା ସହିତ ବ୍ଳାକ୍ ମେଲିଂ ମଧ୍ୟ କରିଥିଲେ।

ପରେ ଯୁବତୀଙ୍କୁ ଦୁଷ୍କର୍ମ କରିଥିଲେ ବୋଲି ଅଭିଯୋଗ ହୋଇଛି। ପୋଲିସ ତିନି ଜଣ ଯୁବକ ଙ୍କୁ ଅଟକ ରଖିଥିବା ବେଳେ ମାଷ୍ଟର ମାଇଣ୍ଡ କୁ ଖୋଜୁଥିବା ଜଣା ପଡିଛି। ଏହି ଘଟଣାରେ ବ୍ରହ୍ମଗିରି ଥାନା ଚଣ୍ଡିପୁଟ ଗ୍ରାମର ଯୁବକ ଙ୍କ ସଂପୃକ୍ତି ଥିବା ପୋଲିସ ପକ୍ଷରୁ ସୂଚନା ମିଳିଛି |
ପୁଣି ଆଉ ଜଣେ ନାବାଳିକା…

ରାଜ୍ୟରେ ଅସୁରକ୍ଷିତ ମହିଳା … ଘରକୁ ଫେରିବା ବାଟରେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ….ଓଡିଶାରେର ଢେଙ୍କାନାଳରେ ଟପିଗଲା ସବୁ ସୀମା …. ସବୁ ସୀମା ପାର କରି ଭିଅଉଛନ୍ତି ନାରକୀୟ କାଣ୍ଡ, ନା ଅଛି ପୋଲିସ ର ଭୟ, ନା ମାନୁଛନ୍ତି ଆଇନ କାନୁନ, ହଁ ଦର୍ଶକବନ୍ଧୁ.ଢେଙ୍କାନାଳ ସଦର ଥାନା ତରଭା ଫାଣ୍ଡି ଅଞ୍ଚଳରେ ଘଟିଛି ଏଭଳି ଘଟଣା।ଘରକୁ ଫେରିବା ବାଟରେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗ।ପିଡିତା ଛାତ୍ରୀ ଜଣଙ୍କ ପାଟି କରି ଚିଲେଇବାରୁ ଘରୁ ଧାଇଁ ଆସିଥିଲେ ମାଆ। ଘଟଣାସ୍ଥଳରୁ ଚମ୍ପଟ ମାରିଥିଲେ ତିନି ଜଣ।ଫାଣ୍ଡିରେ ଏତଲା ପରେ ସଦରଥାନ ପୋଲିସ ତିନିଜଣଙ୍କୁ ଅଟକ ରଖି ଛାନଭିନ ଆରମ୍ଭ କରିଛି।

ଛାତ୍ରୀଙ୍କୁ ଡାକ୍ତରୀମାଇନା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଛି।ଘଟଣାକୁ ଚପାଇ ଦେବାକୁ ପୋଲିସ ଉଦ୍ୟମ କରୁଥିବା ଅଭିଯୋଗ କରିଛନ୍ତି ପିଡିତା ଛାତ୍ରୀ ଙ୍କ ମାଆ। ଏ ସମ୍ପର୍କରେ ପୋଲିସ୍ ର ପ୍ରତିକ୍ରିୟା ମିଳିପାରିନାହିଁ । ଢେଙ୍କାନାଳ ରେ ଦୁଇ ଟୀ ଘଟଣା ଘଟି ଲାଣି ଛାତ୍ରୀ ମାନଙ୍କ ସହ ଏଇଭଳି ଘଟଣା ନିନ୍ଦା କରୁଛନ୍ତି ସାଧାରଣ ଲୋକମାନେ
ଦୁଷ୍କର୍ମ ପୀଡିତାଙ୍କ ଘରେ ନାରୀ ନ୍ୟାୟ ବାହିନୀର କର୍ମକର୍ତ୍ତା

ବୟସ ମାତ୍ର ସତର ବର୍ଷ, ବର୍ତମାନ ଝିଅଟିର ଶରୀର ପାଇଁ ଖାଦ୍ୟରେ ପୋଷଣର ନିହାତି ଆବଶ୍ୟକତା ରହିଛି। ତେବେ ପରିବାର କହିଲେ ଘରେ ବାପା ହିଁ ଜଣେ, ତେବେ ଝିଅଟିର ଯତ୍ନ ନବ କିଏ? ଏଭଳି ମନ୍ତବ୍ୟ ଦେଇ ଝିଅ ପାଇଁ ନ୍ୟାୟ ଦାବି କରିଛନ୍ତି ନାରୀ ନ୍ୟାୟ ବାହିନୀର କର୍ମକର୍ତ୍ତାମାନେ।

ସୂଚନା ଅନୁଯାୟୀ, ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ଅନ୍ତର୍ଗତ କାଠଗୋଠ ପଞ୍ଚାୟତର ବାଣେଶ୍ୱରା ଗ୍ରାମରେ ଘଟିତ ଦୁଇ ଭାଇଙ୍କ ଗଣଦୁଷ୍କର୍ମର ଶିକାର ହୋଇଥିବା ପୀଡ଼ିତାଙ୍କ ପରିବାର ପାଖରେ ପହଂଚିଛି ନାରୀ ନ୍ୟାୟ ବାହିନୀ। ପୀଡ଼ିତାଙ୍କ ପରିବାରକୁ ଭେଟି ପୀଡ଼ିତାଙ୍କ ସୁରକ୍ଷା ପାଇଁ ରେହାଇବିଟେସନ୍ରେ ରଖିବା ପାଇଁ କହିବା ସହ ଏହି ସମ୍ବେଦନଶୀଳ ଘଟଣାରେ ଜିଲ୍ଲାପାଳଙ୍କ ହସ୍ତକ୍ଷେପ ଲୋଡ଼ିଛନ୍ତି। ନ୍ୟାୟ ବାହିନୀର ନେତ୍ରୀ ପୀଡ଼ିତାର ସୁରକ୍ଷା ପାଇଁ ନାରୀ ଜାତିକୁ ସମ୍ମାନ ଦେବା ପାଇଁ ଆତ୍ମ ସୁରକ୍ଷା ପାଇଁ ବିଭିନ୍ନ ପଦକ୍ଷେପ ନେବାକୁ ଚେଷ୍ଟିତ ଅଟେ। ପ୍ରତି ଜିଲ୍ଲା ବ୍ଲକ ପଞ୍ଚାୟତରେ ସଚେତନତା ଶିବିର କରି ନାରୀ ସୁରକ୍ଷା, ସୃଜନଶୀଳତା ବୃଦ୍ଧି ପାଇଁ ଟ୍ରେନିଂ ପ୍ରୋଗ୍ରାମ ବ୍ୟବସ୍ଥା କରାଯିବ ଏବଂ ଜଣ ଜଣଙ୍କୁ ନିଯୁକ୍ତି ଦିଆଯିବ ବୋଲି ପ୍ରକାଶ କରିଛନ୍ତି। ଏଭଳି ଏକ ନିନ୍ଦନୀୟ ଘଟଣାକୁ ସେ ଘୋର ନିନ୍ଦା କରିବା ସହ ବାପ ବୟସର ଅଭିଯୁକ୍ତକୁ କଠୋରରୁ କଠୋର ଦଣ୍ଡ ଦିଆ ଯିବା ଉଚିତ୍ ବୋଲି ସରକାରଙ୍କୁ ଅନୁରୋଧ କରିଛନ୍ତି।
ମିଟର ଚେକିଙ୍ଗ ଆଳରେ ବିଦ୍ୟୁତ କର୍ମଚାରୀଙ୍କ ବଳାତ୍କାର ଉଦ୍ୟମ, ମାଡ ଖାଇ ବନ୍ଧା ହେଲେ

ମିଟର ଦେଖିବ କହି ଘରେ ପଶିଲା, ମହିଳାଙ୍କୁ ଏକୁଟିଆ ଦେଖି ବଳାତ୍କାର ଉଦ୍ୟମ କଲା, ମହିଳାଙ୍କ ପାଟି ଶୁଣି ଗାଁ ଓ ପରିବାର ଲୋକେ ଦୌଡ଼ି ଆସିଲେ, ବିଦ୍ୟୁତ କର୍ମଚାରୀକୁ ବାନ୍ଧିବା ସହ ଉତ୍ତମ ମଧ୍ୟମ ମଧ୍ୟ୍ୟ ଦେଲେ, ଏ କଥା ଆମେ କହୁନୁ, ଗଣମାଧ୍ୟମ ଆଗରେ ପ୍ରକାଶ କରିଛନ୍ତି ଅଭିଯୋଗ କାରିଣୀ ମହିଳା।

ଖବର ପାଇ ଘଟଣା ସ୍ଥଳରେ ତିର୍ତୋଲ ପୋଲିସ ପହଂଚି ବିଦ୍ୟୁତ କର୍ମଚାରୀକୁ ଉଦ୍ଧାର କରି ଥାନାକୁ ଆଣିଥିଲେ। ଅଭିଯୋଗ କାରିଣୀ ମଧ୍ୟ ଥାନାରେ ପହଞ୍ଚିଥିଲେ, ଅଭିଯୋଗ କାରିଣୀ ଓ ତାଙ୍କ ସ୍ୱାମୀ ଅଭିଯୋଗ ପାଇଁ ଥାନାର ଦ୍ୱାରସ୍ତ ହୋଇଥିବା ବେଳେ ଥାନାରେ ତାଙ୍କୁ ସାଧା ପୋଷାକ ରେ ଥିବା ଜଣେ ଥାନା ବାବୁ ନାଲି ଆଖି ଦେଖାଇ କହିଲେ ହେ ତୁ କୁଆଡେ ଆସିଛୁ, ୟାକୁ ଭିତରେ ପୁରାଇ ଦିଅ,କହି ଧମକାଇ ଦୁର୍ବ୍ୟବହାର କରିଥିଲେ। ପୀଡିତା ମହିଳା ଜଣକ ନ୍ୟାୟ ପାଇଁ ଥାନାରେ ଦ୍ଵାରସ୍ତ ହୋଇଥିବା ବେଳେ ଥାନା କର୍ମଚାରୀ ଙ୍କ ଦୁର୍ବ୍ୟବହାର କେତେ ଦୂର ଯଥାର୍ଥ, ଏଠି ପ୍ରଶ୍ନ ଉଠୁଛି ଯଦି ମହିଳା ମାନେ ନ୍ୟାୟ ପାଇଁ ଥାନାକୁ ଆସି ଦୁର୍ବ୍ୟବହାର ର ଶିକାର ହେବେ ତେବେ ସେମାନେ ପ୍ରାଥମିକ ଅଭିଯୋଗ ଫର୍ଦ କାହାକୁ ଦେଵେ ?

ଏଭଳି ଘଟଣା ଘଟିଛି ଜଗତସିଂହପୁର ଜିଲ୍ଲା ତିର୍ତୋଲ ଥାନା ଅନ୍ତର୍ଗତ ପୋତା ନଈ ପଞ୍ଚାୟତ ପୋତା ନଈ ପଡା ଗ୍ରାମ କୋଠିଆ ସାହିରେ। ସୂଚନା ଅନୁଯାୟୀ, ତିର୍ତୋଲ ବ୍ଲକ ଅଧୀନ ଓଳଗଦା ଗ୍ରାମର ପ୍ରଶାନ୍ତ ମଲ୍ଲିକ ଆଖଣ୍ଡଳମଣି ଠିକା ସଂସ୍ଥାର ରାହାମା ବିଦ୍ୟୁତ ଉପଖଣ୍ଡ ଅଧୀନରେ ଥିବା ବାଇଳୋ କାର୍ଯ୍ୟାଳୟରେ ବିଦ୍ୟୁତ କର୍ମଚାରୀ ଭାବେ କାର୍ଯ୍ୟ କରନ୍ତି। ମଧ୍ୟାହ୍ନ ସମୟରେ ମହିଳାଙ୍କ ଘରେ କେହି ନ ଥିବାର ସୁଯୋଗ ନେଇ ମିଟର ଦେଖିବା ଆଳରେ ବିଦ୍ୟୁତ କର୍ମଚାରୀ ଜଣକ ଘରେ ପଶି ବଳାତ୍କାର ଉଦ୍ୟମ କରୁଥିବା ବେଳେ ପାଟି ଶୁଣି ଗାଁ ଓ ପରିବାର ଲୋକେ ପହଂଚି ବିଦ୍ୟୁତ କର୍ମଚାରିକୁ ଅଟକ ରଖିବା ସହ ପୋଲିସ କୁ ଖବର ଦେଇଥିଲେ। ପୋଲିସ ଉଭୟଙ୍କୁ ଥାନାକୁ ଡକାଇ ଡାକ୍ତରୀ ପରୀକ୍ଷା କରାଇ ତଦନ୍ତ ଜାରି ରଖିଛି।

ଅନ୍ୟ ପକ୍ଷରେ ବିଦ୍ୟୁତ ବିଭାଗର ଅଧିକାରୀଙ୍କ ସହ କର୍ମଚାରୀ ମାନେ ଥାନାରେ ପହଂଚି ଅଭିଯୋଗ କାରିଣୀ ମହିଳା ଓ ତାଙ୍କ ସ୍ୱାମୀଙ୍କ ନାଁରେ ପ୍ରଥମେ ଅଭିଯୋଗ କରିଥିବା ଜଣା ପଡିଛି। ବିଦ୍ୟୁତ ବିଭାଗ ଅଧିକାରୀ ଗଣମାଧ୍ୟମକୁ ପ୍ରତିକ୍ରିୟା ଦେବାକୁ ମନା କରି ଦେଇଥିବା ବେଳେ ଶୁଣିବାକୁ ମିଳୁଛି କି ମିଟର ଟ୍ୟାମ୍ପରିଂ ଯୋଗୁଁ ପୂର୍ଵରୁ ଫାଇନ କରାଯାଇଥିଲା, ପୂର୍ବ ଆକ୍ରୋଶ ରଖି ମହିଳା ଜଣକ ଘରକୁ ଡକାଇ ମିଥ୍ୟା ଆରୋପ ଲଗାଇ ବାନ୍ଧି ମାଡ ମାରିଛନ୍ତି। ଦେଖିବାକୁ ବାକି ରହିଲା ଘଟଣାକୁ ବାଟବଣା ନ କରି ପୋଲିସ କି ନ୍ୟାୟ ଦେଉଛି।
ଚର୍ଚ୍ଚାରେ ଜେଜେ,ସାଜିଲେ ନାତୁଣୀର ଭିଲେନ

ପୁଣି ଜଣେ ବୁଢା ଜେଜେର କଳା କାରନାମା କୁ ନେଇ କେନ୍ଦ୍ରାପଡାରେ ଚର୍ଚ୍ଚା । ଘରେ କେହି ନଥିବାର ସୁଯୋଗ ନେଇ ନାତୁଣୀ ସହ ଦୁଷ୍କର୍ମ ଉଦ୍ୟମ । ସୁଚନା ମୁତାବକ, କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ବାସିନ୍ଦା ୬୩ ବର୍ଷୀୟ ବଟକୃଷ୍ଣ ସାହୁଙ୍କ ନାଁରେ ଅ।ସିଛି ସଂଗୀନ ଅଭିଯୋଗ। ବଟକୃଷ୍ଣ ଜନୈକ ନଅ ବର୍ଷର ନାବାଳିକାଙ୍କ ଘରେ ବାପ-ମା’ ନଥିବା ଜାଣି ଝିଅକୁ ଶାଗ ମାଗିଥିଲେ । ଝିଅଟି ମା’ ନାହିଁ ଦେଇ ପାରିବିନି ବୋଲି କହି ସଫା ସଫା ମନା କରିବା ପରେ ଚତୁର ବଟକୃଷ୍ଣ ତତ୍ କ୍ଷଣାତ୍ ଅ।ଉ ଏକ ସୁତ୍ର ଅ।ପଣେଇଲା । ଝିଅଟିକୁ ପାଣି ପିଇବାକୁ ମାଗିଥିଲା …. ଝିଅ ଘର ଭିତରକୁ ଯାଇ ପାଣି ଆଣିବା ସମୟରେ ବଟକୃଷ୍ଣ ଘର ଭିତରକୁ ଜୋର ଜବରଦସ୍ତ ପଶିଯାଇ ଦାଣ୍ଡ କବାଟ ବନ୍ଦ୍ କରି ଦେଲା । ନାବାଳିକା ଜଣକ ବଟକୃଷ୍ଣ କବଳରୁ ନିଜକୁ ବଂଚାଇବାକୁ ଚେଷ୍ଟା କରୁଥିବା ବେଳେ ଅଭିଯୁକ୍ତ ଜଣକ ଜୋର ଜବର ଦସ୍ତ ନାବାଳିକାକୁ ଦୁଷ୍କର୍ମ କରିଥିଲା ।

ଏନେଇ, ଗାଁ ଲୋକେ ବଟକୃଷ୍ଣଙ୍କୁ ପଚାରିବାରୁ ସେ ସିଧା ମନା କରିଥିଲା ।ଏହାପରେ ପିଡିତା ନାବାଳିକାର ମା’ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରିବା ପରେ ଗ୍ରାମାଞ୍ଚଳ ପୋଲିସ ଘଟଣାସ୍ଥଳରେ ପହଂଚି ବଟକୃଷ୍ଣ ସାହୁଙ୍କୁ ଗିରଫ କରିଛି । ନାବାଳିକା ଝିଅର ଡାକ୍ତରୀ ମାଇନା କରିବା ସହ ଅଭିଯୁକ୍ତ ବଟକୃଷ୍ଣର ଡାକ୍ତରୀ ମାଇନା ପରେ ତାକୁ କୋର୍ଟ ଚାଲାଣ କରାଯାଇଛି । ଅଭିଯୁକ୍ତ ବଟକୃଷ୍ଣଙ୍କୁ କଠୋର ଦଣ୍ଡ ମିଳୁ ବୋଲି ଦାବି କରିଛନ୍ତି ପିଡିତା ପରିବାର । ଅନ୍ୟପଟେ, ଅଭିଯୁକ୍ତ କହିଛନ୍ତି ମୁଁ କିଛି ଖରାପ କାର୍ଯ୍ୟ କରିନି ମୋ ନାତୁଣୀ ହିସାବରେ ମଜାରେ ମୁଁ ତାସହ ଲାଗିଥିଲି ।

ତେବେ ଦର୍ଶକ ବନ୍ଧୁ, ଅ।ମ ସମାଜରେ ହୁ ହୁ ହୋଇ ବଢିବାରେ ଲାଗିଛି ମହିଳାଙ୍କ ଉପରେ ହିଂସା । କିଏ ଜଳି ପୋଡି ପାଉଁଶ ହୋଇ ଯାଉଛି ତ ଅ।ଉ କିଏ ଜୀବନ ସାରା ଜଳି ଜଳି ଜିଇଁବାକୁ ସଂଘର୍ଷ କରୁଛି । ଏ ପୁରୁଷ ପ୍ରାଧାନ୍ୟ ସମାଜରେ ମହିଳା ଉପରେ ଘରୋଇ ହିଂସା ଯେପରୀ ବ୍ୟାଧୀ ଭଳି ବ୍ୟାପିବାରେ ଲାଗିଛି , ସେହିପରି କୋମଳ ମୋତି ଶିଶୁଙ୍କୁ ମଧ୍ୟ ନିଜ ପ୍ରିୟ ଜନଙ୍କ ଦ୍ବାରା ଦୁଷ୍କର୍ମର ଶିକାର ହେବାକୁ ପଡିଛି ।

ତେବେ ଅ।ଗାମୀର ପୀଢି, ଏ ନିଷ୍ପାପ ଶିଶୁମାନଙ୍କ ଅଜାଣରେ ହେଉଥିବା ଦୁଷ୍କର୍ମ କିମ୍ବ ଦୁଷ୍କର୍ମ ଭଳି ଅଚରଣ ପଦର୍ଶନ କରୁଥିବା ମଣିଷ ରୂପୀ ରାକ୍ଷସଙ୍କ ବିରୋଧରେ ସ୍ବର ଉଠାନ୍ତୁ । ନିରିହ ନିଷ୍ପାପ ଶିଶୁଙ୍କ ଜୀବନ ବଞ୍ଚାନ୍ତୁ ।
ପଦ୍ମପୁରରେ ଲଜ୍ଜା,ନାବାଳିକାକୁ ଦୁଷ୍କର୍ମ ପରେ ହତ୍ୟା !

ବରଗଡ଼ ଜିଲା ପାଇକମାଳ ଥାନା ଅଞ୍ଚଳରେ ସାମ୍ନାକୁ ଆସିଲା ଲଜ୍ଜା ଜନକ ଘଟଣା । ମଛମାରିବାକୁ ଘରୁ ଡାକି ନେଇ ୪ ବର୍ଷର ନାବାଳିକା ଝିଅକୁ ଦୁଷ୍କର୍ମ ପରେ ହତ୍ୟା କଲା ଅଭିଯୁକ୍ତ । ମିଳିଥିବା ସୂଚନା ଅନୁଯାୟୀ ଗତକାଲି ଅପରାହ୍ନ ସମୟରେ ସୋଢା ଗ୍ରାମର ପ୍ରଶାନ୍ତ ନାମକ ଜଣେ ଯୁବକ ନାବାଳିକାଙ୍କୁ ମାଛମାରିଯିବା ପାଇଁ କହି ସାଙ୍ଗରେ ନେଇଯାଇଥିଲା । ନିକଟରେ ଥିବା ଡୁଙ୍ଗୁରି ଜଙ୍ଗଲକୁ ନେଇ ଉକ୍ତ ନାବାଳିକାଙ୍କୁ ବଳାତ୍କାର କରିଥିଲା ଅଭିଯୁକ୍ତ । ଘଟଣା ପ୍ରଘଟ ହେବା ଭୟରେ ନାବାଳିକା ଝିଅଟିର ମୁଣ୍ଡକୁ ପଥରରେ ଛେଚି ହତ୍ୟା କରିବା ପରେ ଜଙ୍ଗଲରେ ଫିଙ୍ଗି ଦେଇଥିଲା । ଅନ୍ୟପକ୍ଷେ ଘରେ ଝିଅ ନ ଥିବା ଦେଖି ପରିବାର ଲୋକେ ଖୋଜାଖୋଜି କରି ପାଇ ନ ଥିଲେ। ପରେ ପ୍ରଶାନ୍ତ ତାଙ୍କ ଝିଅଙ୍କୁ ମାଛ ମାରିଯିବା କହି ନେଇଯାଇଥିବା ଜଣାପଡିବାରୁ ଗ୍ରାମର ଯୁବକମାନେ ପ୍ରଶାନ୍ତଙ୍କୁ ଧରି ପଚରାଉଚରା କରିଥିଲେ। ଏହାପରେ ପ୍ରଶାନ୍ତ ଉକ୍ତ ନାବାଳିକାଙ୍କୁ ବଳାତ୍କାର କରି ଜଙ୍ଗଲରେ ଫିଙ୍ଗି ଦେଇଥିବା ସ୍ବୀକାର କରିଥିଲେ ବୋଲି ପୋଲିସ କହିଛି। ଘଟଣାର ଅଭିଯୁକ୍ତଙ୍କୁ ଗିରଫ କରାଯିବା ସହ ତଦନ୍ତ ଚାଲିଛି ବୋଲି ପାଇକମାଳ ଥାନାଧିକାରୀ ସୁଶାନ୍ତ କୁମାର ପ୍ରଧାନ ଜଣାଇଛନ୍ତି।
ଅର୍କେଷ୍ଟ୍ରା ନୃତ୍ୟଶିଳ୍ପୀଙ୍କୁ ଗଣଦୁଷ୍କର୍ମ, ୨ ଗିରଫ

ଝାଡଖଣ୍ଡରେ ଜଣେ ସ୍ପେନୀୟ ମହିଳାଙ୍କୁ ଦୁଷ୍କର୍ମ ମାମଲା ବିଚାର ନସରୁଣୁ ରାଜ୍ୟର ପାଲାମୁ ଜିଲ୍ଲାରୁ ଗଣଦୁଷ୍କର୍ମ ର ଏକ ଘଟଣା ସାମ୍ନାକୁ ଆସିଛି। ଗତକାଲି ଏଠାରେ ଥିବା ବିଶ୍ରାମପୁର ଅଞ୍ଚଳରେ ଜଣେ ଅର୍କେଷ୍ଟ୍ରା ନୃତ୍ୟଶିଳ୍ପୀ ପୋଲିସକୁ ଯାଇ ଗଣ ଦୁଷ୍କର୍ମ ମାମଲା ରୁଜୁ କରିଥିଲେ। ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ପୀଡିତା ଛତିଶଗଡର ବାସିନ୍ଦା ଏବଂ ଜଣେ ଅର୍କେଷ୍ଟ୍ରା ନୃତ୍ୟଶିଳ୍ପୀ ଭାବରେ କାର୍ଯ୍ୟ କରନ୍ତି। ପୋଲିସ ଏହି ମାମଲାରେ ଏକ ମାମଲା ରୁଜୁ କରି କାର୍ଯ୍ୟାନୁଷ୍ଠାନ ଆରମ୍ଭ କରିଛି।

ପାଲାମୁ ପୋଲିସ ଦେଇଥିବା ସୂଚନା ଅନୁଯାୟୀ ପାଲାମୁ ଜିଲ୍ଲାର ବିଶ୍ରାମପୁର ଅଞ୍ଚଳରେ ସୋମବାର ଦିନ ଜଣେ ଅର୍କେଷ୍ଟ୍ରା ନୃତ୍ୟଶିଳ୍ପୀଙ୍କଠାରୁ ଗଣଦୁଷ୍କର୍ମ ମାମଲା ରୁଜୁ କରାଯାଇଛି। ଏହି ତିନି ଅଭିଯୁକ୍ତଙ୍କ ମଧ୍ୟରୁ ଦୁଇଜଣଙ୍କୁ ଗିରଫ କରାଯାଇଛି। ପୀଡିତାଙ୍କ ବୟସ ୨୧ ବର୍ଷ ଏବଂ ସେ ଛତିଶଗଡର ବାସିନ୍ଦା। ପୋଲିସ କହିଛି ଯେ ଅଭିଯୁକ୍ତ ବ୍ୟକ୍ତି ଏବଂ ପୀଡିତା ପରସ୍ପରକୁ ଜାଣନ୍ତି ଏବଂ ଗୋଟିଏ ଅର୍କେଷ୍ଟ୍ରା ଗ୍ରୁପରେ ଏକାଠି କାମ କରନ୍ତି। ତୃତୀୟ ଅଭିଯୁକ୍ତକୁ ଗିରଫ କରିବା ପାଇଁ ପୋଲିସ ଉଦ୍ୟମ ଜାରି ରଖିଛି।

ସୋମବାର ଝାଡଖଣ୍ଡ ହାଇକୋର୍ଟ ଦୁମକା ଜିଲ୍ଲାର ଜଣେ ସ୍ପେନୀୟ ମହିଳାଙ୍କ ଉପରେ ହୋଇଥିବା ବଳାତ୍କାର ଘଟଣାର ଯାଞ୍ଚ କରି ରାଜ୍ୟ ସରକାରଙ୍କୁ ଏ ସମ୍ପର୍କରେ ରିପୋର୍ଟ ଦାଖଲ କରିବାକୁ କହିଛି । ଏହି ମାମଲାରେ ମାନ୍ୟବର କୋର୍ଟ ପୋଲିସ ମହାନିର୍ଦ୍ଦେଶକ (ଡିଜିପି), ମୁଖ୍ୟ ସଚିବ ତଥା ପୋଲିସ ଅଧୀକ୍ଷକ (ଏସପି)ଙ୍କୁ ଏହାର ରିପୋର୍ଟ ଦାଖଲ କରିବାକୁ କହିଛନ୍ତି।

ସୋମବାର ଦିନ ଦୁମକା ପ୍ରଶାସନ ଏହି ଗଣଦୁଷ୍କର୍ମର ପୀଡିତାଙ୍କ ସ୍ୱାମୀଙ୍କୁ କ୍ଷତିପୂରଣ ବାବଦରେ ୧୦ ଲକ୍ଷ ଟଙ୍କା ଚେକ୍ ପ୍ରଦାନ କରିଛି ବୋଲି ଜଣେ ଅଧିକାରୀ କହିଛନ୍ତି। ଶୁକ୍ରବାର ଦିନ ରାଜ୍ୟ ରାଜଧାନୀ ରାଞ୍ଚିଠାରୁ ପ୍ରାୟ ୩୦୦ କିଲୋମିଟର ଦୂରରେ ଥିବା ହାନସଡିହା ପୋଲିସ ଷ୍ଟେସନ ଅନ୍ତର୍ଗତ କୁରୁମାହାଟରେ ଏହି ବିଦେଶୀ ପର୍ଯ୍ୟଟକଙ୍କୁ ଗଣଦୁଷ୍କର୍ମ କରାଯାଇଥିଲା,ସେତେବେଳେ ସେ ତାଙ୍କ ସ୍ୱାମୀଙ୍କ ସହ ଏକ ତମ୍ବୁରେ ରାତି କଟାଉଥିଲେ।
କୁଦାନଗରୀ ନାବାଳିକା ଛାତ୍ରୀ ଗଣଦୁଷ୍କର୍ମ ମାମଲା, ୩ ଗିରଫ

କେନ୍ଦ୍ରାପଡା କୁଦାନଗରୀ ନାବାଳିକା ଛାତ୍ରୀ ଦୁଷ୍କର୍ମ ଘଟଣାରେ ୩ ଗିରଫ। ଗିରଫ ଅଭିଯୁକ୍ତମାନେ ହେଲେ ଘଟଣାର ମାଷ୍ଟରମାଇଣ୍ଡ ଆଠଗଡ଼ର ସୂର୍ଯ୍ୟକାନ୍ତ ସାହୁ, କଟକ ଲାଲବାଗ ଅଞ୍ଚଳର ସତ୍ୟରଞ୍ଜନ ସାହୁ ଏବଂ କଟକ ସିଡିଏ ସ୍ଥିତ ଓୟୋ ହୋଟେଲ ମ୍ୟାନେଜର ରଂଜିତ ସ୍ବାଇଁ ଗିରଫ । କେନ୍ଦ୍ରାପଡା ସ୍ପେସିଆଲ ସ୍କ୍ବାର୍ଡ ଘଟଣାର ତଦନ୍ତ କରି ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅନ୍ୟପଟେ ଏହି ମାମଲାରେ ପୂର୍ବରୁ ଛାତ୍ରୀଙ୍କ ଜଣେ ନାବାଳକ ସାଙ୍ଗଙ୍କୁ ଜୁଭେନାଇଲ କୋର୍ଟରେ ହାଜର କରିଥିଲା ପୋଲିସ। ଏଥିରେ ସମ୍ପୃକ୍ତି ନେଇ ୨ ଅଧ୍ୟାପକଙ୍କ ଉପରେ ମଧ୍ୟ ତଦନ୍ତ ପରିସରଭୁକ୍ତ କରାଯାଇଛି। ଏଠାରେ ସୂଚନା ଯୋଗ୍ୟ ଗତ ୧୭ ତାରିଖରେ ସ୍ଥାନୀୟ ଏକ ମହାବିଦ୍ୟାଳୟର ଯୁକ୍ତ ୨ ଛାତ୍ରୀଙ୍କୁ କଲେଜ ବାର୍ଷିକ ଉତ୍ସବ କାଳରେ କୋଲ୍ଡଡ୍ରିଙ୍କରେ ନିଶା ଦେଇ କିଛି ଦୁର୍ବୃତ୍ତ ଅପହରଣ କରିନେଇ ଗଣଦୁଷ୍କର୍ମ କରି ଥିଲେ। ଏନେଇ ଛାତ୍ରୀ ଜଣକ କୁଦାନଗରୀ ଥାନାରେ ଅଭିଯୋଗ କରିଥିଲେ। ପୋଲିସ ନାବାଳିକାଙ୍କ ଡାକ୍ତରୀ ମାଇନା କରାଇ ଏକ ଗଣଦୁଷ୍କର୍ମ ମାମଲା ରୁଜୁ କରିଥିଲା।
ନାବାଳିକା ଦୁଷ୍କର୍ମ ଅଭିଯୋଗରେ ବନ୍ଧା ହେଲେ ଯୁବକ

କିଛି ଦିନ ତଳେ ଦୁଇ ନାବାଳିକାଙ୍କୁ ଦୁଷ୍କର୍ମ ଘଟଣା ମନରୁ ନ ଲିଭୁଣୁ ଆଉ ଏକ ଦୁଷ୍କର୍ମ ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଏଭଳି ଅଭାବନୀୟ ଘଟଣା ଘଟିଛି । ମୟୂରଭଞ୍ଜ ଜିଲ୍ଲା ବାବନଘାଟି ଉପଖଣ୍ଡର ଜାମଦା ଅଞ୍ଚଳରେ । ଦିନକୁ ଦିନ ଜାମଦା ଅଞ୍ଚଳରେ ଏଭଳି ଘଟଣା ଘଟୁଥିବାକୁ ନେଇ ଝିଅ ବୋହୁ ମାନେ ନିଜକୁ ସୁରକ୍ଷିତ ମଣୁନାହାନ୍ତି । ଦଶ ଦିନ ପୂର୍ବରୁ ୨ଜଣ ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ୨ ଜଣଙ୍କୁ ପୋଲିସ ଗିରଫ କରିଥିଲା । ପୁଣି ଆଉ ଜଣେ ନାବାଳିକା ଙ୍କୁ ଦୁଷ୍କର୍ମ ଅଭିଯୋଗରେ ଜଣେ ଯୁବକ ଗିରଫ କରିଛି ପୋଲିସ । ସୂଚନା ଅନୁଯାୟୀ, ଜାମଦା ଥାନା ଅଞ୍ଚଳର ଜଣେ ସପ୍ତମ ଶ୍ରେଣୀରେ ପଢୁଥିବା ଛାତ୍ରୀ ସକାଳୁ ଶୈାଚ କରିବାକୁ ଯାଇଥବା ସମୟରେ ଉକ୍ତ ଗ୍ରମାର ମଧୁସୂଦନ ବାଗେ (୨୮) ନାମକ ଜଣେଆଦିବାସୀ ଯୁବକ ତାକୁ ଟେକି ନେଇ ଦୁଷ୍କର୍ମ କରିଥିବା ନେଇ ଏନେଇ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ କରିଥିଲେ।ଘଟଣାରେ ପୋଲିସ ମଧୁସୂଦନକୁ ଗିରଫ କରିଥିବା ବେଳେ ଅନ୍ୟ ଜଣେ ସହଯୋଗୀ ଫେରାର ଥିବା ଜଣାପଡିଛି।

ମୟୂରଭଞ୍ଜ ଜିଲ୍ଲା ବାବନଘାଟି ଉପଖଣ୍ଡର ଜାମଦା ଅଞ୍ଚଳରେ ଦୁଷ୍କର୍ମ ବଢୁଥିବା ବେଳେ ଭୟଭୀତ ଲୋକେ । ଦଶ ଦିନ ପୂର୍ବରୁ ୨ ଜଣ ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ୨ ଜଣଙ୍କୁ ପୋଲିସ ଗିରଫ କରିଥିଲା । ପୁଣି ଆଉ ଜଣେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ଜଣେ ଯୁବକ ଗିରଫ କରିଛି ।
ଛାତ୍ରୀ ଦୁଷ୍କର୍ମ ମାମଲା: କଲେଜ ଅଧ୍ୟାପକଙ୍କ ସମ୍ପୃକ୍ତି ଆଣିଲା ବିଜେପି

କେନ୍ଦ୍ରାପଡା ଛାତ୍ରୀ ଦୁଷ୍କର୍ମ ମାମଲାକୁ ବିତିଲାଣି ଏକ ସପ୍ତାହରୁ ଅଧିକ ଦିନ। ଏଯାଏଁ ପୋଲିସ ହାତ ଖାଲି। ସେପଟେ ଘଟଣାକୁ ନେଇ ଆରମ୍ଭ ହୋଇଛି ରାଜନୀତି। ପୋଲିସର ସ୍ଥାଣୁତା ଉପରେ ପ୍ରଶ୍ନ ଉଠାଇଛି ବିଜେପି। ଯାହାକୁ ନେଇ ଗତ ୨୧ ତାରିଖରେ ପାଟକୁରା ବେଜେପି ନେତା ତେଜେଶ୍ବର ପରିଡାଙ୍କ ନେତୃତ୍ବରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଛାତ୍ରୀ ପଢୁଥିବା କଲେଜର ଜନୈକ ଅଧ୍ୟାପକ ଏହି ଘଟଣାରେ ସମ୍ପୃକ୍ତ ଥିବା ସହ ତଦନ୍ତକୁ ଦିଗହରା କରିବାକୁ ମସୁଧା କରୁଥିବା ଅଭିଯୋଗ ଆଣୁଛି ବିଜେପି। ତେଣୁ ଉକ୍ତ ଅଧ୍ୟାପକଙ୍କୁ ତଦନ୍ତ ପରିସରଭୁକ୍ତ କରିବାକୁ ବିଜେପି ପକ୍ଷରୁ ଦାବି ହୋଇଛି। ପୋଲିସ ମାମଲାରେ କାହାରିକୁ ଗିରଫ କରିନଥିବାକୁ ନେଇ ବିଜେପି ଅସନ୍ତୋଷ ବ୍ୟକ୍ତ କରିବା ସହ ଏହି ଘଟଣାକୁ ଚାପି ଦେବାକୁ ପ୍ରଶାସନ ତଥା ସରକାର ଚେଷ୍ଟା କରୁଛନ୍ତି ବୋଲି ଅଭିଯୋଗ ହେଉଛି। ଏହା ବ୍ୟତୀତ କଲେଜ ପରିସର ଛାତ୍ରୀଙ୍କ ପାଇଁ ସୁରକ୍ଷିତ ନ ଥିବା ତଥା ଅସାମାଜିକ ତତ୍ତ୍ବଙ୍କ ଆଡ୍ଡାସ୍ଥଳୀ ପାଲଟିଥିବା ଅଭିଯୋଗ କରିଥିଲା ବିଜେପି। ଏଥିସହ ପରିସରରୁ ମଦ ବୋତଲ ଉଦ୍ଧାର କରି ବିକ୍ଷୋଭରେ ପ୍ରଦର୍ଶନ କରି ସରକାର ବିରୋଧରେ ବିଜେପି ପକ୍ଷରୁ ନାରା ଦିଆଯାଇଥିବା ଅଭିଯୋଗ ହୋଇଛି।

ଏହି ଘଟଣାକୁ ନେଇ କଲେଜ ଅଧ୍ୟକ୍ଷଙ୍କୁ ଭେଟି ଆଲୋଚନା କରିଥିଲା ବିଜେପି। ସେପଟେ ଦୁଷ୍କର୍ମ ଅଭିଯୋଗକୁ ଖଣ୍ଡନ କରିଛନ୍ତି କଲେଜ ଅଧ୍ୟକ୍ଷ। ଏହାକୁ ଏକ କପୋଳକଳ୍ପିତ ପ୍ରସଙ୍ଗ କହିବା ସହ ସେହି ଦିନ ଉକ୍ତ ଛାତ୍ରୀ କଲେଜକୁ ଆସିନଥିବା ତଥା କଲେଜରେ +୩ର ସେମିନାର ଚାଲିଥିବା କହିଛନ୍ତି ଅଧ୍ୟକ୍ଷ। ତେବେ କଲେଜରେ ବହୁ ସମସ୍ୟା ଥିବା ମଧ୍ୟ କହିବାକୁ ଭୁଲି ନାହାନ୍ତି।

ଏଠାରେ କହିରଖୁ କି, କେନ୍ଦ୍ରାପଡା ପାଟକୁରାର ଏକ କଲେଜରେ ଗତ ୧୭ ତାରିଖରେ ଫ୍ରେସର୍ସ ପାର୍ଟି ହୋଇଥିଲା। ଏଥିରେ ମୃଦ୍ୟୁ ପାନୀୟରେ ନିଶା ମିଶାଇ ଜଣେ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରୀଙ୍କୁ ଜଙ୍ଗଲକୁ ନେଇ ଦୁଷ୍କର୍ମ କରାଯାଇଥିବା ଛାତ୍ରୀଙ୍କ ପରିବାର ପକ୍ଷରୁ କୁଦାନଗରୀ ଥାନାରେ ଅଭିଯୋଗ ହୋଇଥିଲା। ଏହି ଘଟଣାରେ ପୋଲିସ ସମ୍ପୃକ୍ତ ଛାତ୍ରୀଙ୍କ ମେଡିକାଲ ମାଇନା ମଧ୍ୟ କରିଥିଲା। ତେବେ ଏହି ଘଟଣାରେ ବିଜେପି ନେତା ତେଜେଶ୍ବରଙ୍କ ଏଣ୍ଟ୍ରୀକୁ ଶସ୍ତା ଲୋକପ୍ରିୟତା ପାଇଁ ପ୍ରୟାସ ବୋଲି କୁହାଯାଉଛି।