କେନ୍ଦୁଝର ସରକାରୀ ଯାନ୍ତ୍ରିକ ମହାବିଦ୍ୟାଳୟର ଘରୋଇକରଣ ପ୍ରସ୍ତାବ ତଥା ଟେଣ୍ଡର ପାଇଁ ସରକାର ପଦକ୍ଷେପ ନେଉଛନ୍ତି। କିନ୍ତୁ ଏହାକୁ ବିରୋଧ କରୁଛନ୍ତି କେନ୍ଦୁଝରବାସୀ। ଏହାକୁ ନେଇ କେନ୍ଦୁଝରର ବିଭିନ୍ନ ରାଜନୈତିକ ଦଳ, ବୁଦ୍ଧିଜୀବୀ, ଛାତ୍ର ଛାତ୍ରୀ, ଯୁବସମାଜ ତଥା ସାମାଜିକ ସଂଗଠନ ତାତିଛନ୍ତି। ଏହାକୁ ବିରୋଧ କରି ସୋମବାର ଦିନ ଏକ ବିରାଟ ପଟୁଆର କେନ୍ଦୁଝର ସହରର କାଳୀ ପଡିଆଠାରୁ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ସରକାରଙ୍କ ଘରୋଇକରଣ ନିଷ୍ପତିକୁ ବିରୋଧ କରିଥିଲେ ଓ ସରକାର ବିରୋଧରେ ନାରାବାଜି ଦେଇଥିଲେ ।
ଏହି ଘରୋଇକରଣ ନିଷ୍ପତିକୁ କାର୍ଯ୍ୟକାରୀ ନକରିବା ପାଇଁ ରାଜ୍ୟପାଳଙ୍କ ଉଦେଶ୍ୟରେ ଏକ ଦାବିପତ୍ର କେନ୍ଦୁଝର ଜିଲ୍ଲାପାଳଙ୍କୁ ଦେଇଥିଲେ ପ୍ରତିନିଧି ଦଳ। ଏହି ବିକ୍ଷୋଭ ପ୍ରଦର୍ଶନ କାର୍ଯ୍ୟକ୍ରମରେ ଜିଇସି ବଞ୍ଚାଅ ଆବାହକ ସୁନେଶ ଧିର,ବିଜେପି ନେତା ଦିଲ୍ଲୀପ ପଣ୍ଡା ପ୍ରମୁଖ ଏହି ଆନ୍ଦୋଳନର ପୁରୋଧା ସାଜିଥିଲେ।