ମଧ୍ୟପ୍ରାଚ୍ୟରେ ସ୍ଥିତି ଅତ୍ୟନ୍ତ ସଂଘାତିକ ରୂପ ନେଇଛି। ଇରାନ, ଇସ୍ରାଏଲ ଏବଂ ଆମେରିକା ମଧ୍ୟରେ ଚାଲିଥିବା ଏହି ଯୁଦ୍ଧ ଏବେ ୧୮ ଦିନରେ ପହଞ୍ଚିଥିବା ବେଳେ ଆକ୍ରମଣର ତୀବ୍ରତା ବଢ଼ିବାରେ ଲାଗିଛି। ଇରାନ ପକ୍ଷରୁ କେବଳ ଇସ୍ରାଏଲ ନୁହେଁ, ବରଂ କୁଏତ୍ ଏବଂ ସାଉଦି ଆରବ ଉପରେ ମଧ୍ୟ ମିସାଇଲ ଓ ଡ୍ରୋନ୍ ମାଡ଼ କରାଯାଇଛି। ସାଉଦି ଆରବର ଏୟାର ଡିଫେନ୍ସ ସିଷ୍ଟମ ୬ଟି ଡ୍ରୋନକୁ ଖସାଇବାରେ ସଫଳ ହୋଇଥିବା ବେଳେ କୁଏତ୍ ମଧ୍ୟ ଅନେକ ହମଲାକୁ ରୋକିବାରେ ସଫଳ ହୋଇଛି।
ବାଗଦାଦରେ ଥିବା ଆମେରିକା ଦୂତାବାସ ଉପରେ ଇରାନ ଡ୍ରୋନ୍ ଆକ୍ରମଣ କରିବା ଫଳରେ ଯୁଦ୍ଧରେ ଆମେରିକାର ସିଧାସଳଖ ସମ୍ପୃକ୍ତି ଆହୁରି ଗଭୀର ହୋଇଛି। ତେହରାନର ଆକ୍ରମଣରେ ଇସ୍ରାଏଲରେ ୨ ଜଣଙ୍କ ମୃତ୍ୟୁ ଘଟିଛି। ଏହାର ଜବାବରେ ଇସ୍ରାଏଲ ପକ୍ଷରୁ କରାଯାଇଥିବା ମିସାଇଲ ମାଡ଼ରେ ଇରାନର ସୁରକ୍ଷା ମୁଖ୍ୟ ଲାରିଜାନିଙ୍କ ମୃତ୍ୟୁ ହୋଇଛି। ଏଥିସହ ପଶ୍ଚିମ ଇରାନର ବୁଶେହର ପରମାଣୁ ବିଦ୍ୟୁତ୍ କେନ୍ଦ୍ର ଉପରେ ଇସ୍ରାଏଲ ବୋମା ବର୍ଷଣ କରିଛି। ବଙ୍କର ବ୍ଲଷ୍ଟର ମିସାଇଲ: ଆମେରିକା ଏହି ଅଞ୍ଚଳରେ ଥିବା ଇରାନର ମିସାଇଲ ସାଇଟ୍ ଉପରେ ୫୦ ହଜାର ପାଉଣ୍ଡର ଶକ୍ତିଶାଳୀ ବଙ୍କର ବ୍ଲଷ୍ଟର ମିସାଇଲ ମାଡ଼ କରିଛି। ତୈଳ ଦର ବୃଦ୍ଧି: ଏହି ଜଳପଥରେ ଯାତାୟାତ ବାଧାପ୍ରାପ୍ତ ହେବା ଫଳରେ ଆନ୍ତର୍ଜାତୀୟ ବଜାରରେ ତେଲ ଦର ଆକାଶଛୁଆଁ ହୋଇଛି।
