Tag: #Odisha

ସପ୍ତାହରେ ୧୦ ହଜାର କମିଲା ସୁନା-ରୁପା ଦାମ୍, କିଣିବାକୁ ସୁଯୋଗ

ସୁନା ଓ ରୁପା ଏହି ଦୁଇଟି ମୂଲ୍ୟବାନ ଧାତୁ ସଦାରଣତଃ ଭାରତୀୟ ପରିବାରମାନଙ୍କ ଜୀବନରେ ବିଶେଷ ସ୍ଥାନ ରଖିଛି। ବିଶେଷ କରି ଝିଅର ବାହାଘର, ପର୍ବପର୍ବାଣୀ, ଓ ବିଭିନ୍ନ ଆଚାର-ବିଚାରରେ ସୁନା-ରୁପାର ଗହଣା ଅତ୍ୟାବଶ୍ୟକ ମନାଯାଏ। ଏହି କାରଣରୁ ଏହାର ଦାମ୍ ବଢ଼ିଲେ ସାଧାରଣ ଲୋକଙ୍କ ମଧ୍ୟରେ ଚିନ୍ତା ଓ ଦାମ୍ କମିଲେ ଆନନ୍ଦର ଲହରୀ ଦେଖାଯାଏ।

ଗତ କିଛି ଦିନ ଧରି ସୁନା ଓ ରୁପାର ଦାମ୍ ଲଗାତାର ବଢ଼ୁଥିବାରୁ ଲୋକମାନେ ଅସୁବିଧାରେ ପଡ଼ିଥିଲେ। ବିଶେଷକରି ବିବାହ ସୂଚୀରେ ଥିବା ପରିବାରମାନଙ୍କ ପାଇଁ ଏହା ଏକ ବଡ଼ ଚିନ୍ତାର କାରଣ ହୋଇଥିଲା। କିନ୍ତୁ ଚଳିତ ସପ୍ତାହରେ ଏହି ଧାତୁମାନଙ୍କ ଦାମ୍ ହଠାତ୍ ହ୍ରାସ ପାଇଥିବାରୁ ବଜାରରେ ନୂତନ ପରିସ୍ଥିତି ଦେଖାଯାଇଛି। ଖବର ଅନୁସାରେ, ସପ୍ତାହ ମଧ୍ୟରେ ସୁନାର ଦାମ୍ ପ୍ରାୟ ୧୦,୦୦୦ ଟଙ୍କା ପର୍ଯ୍ୟନ୍ତ କମିଛି, ଯାହା ଗ୍ରାହକମାନଙ୍କୁ ଆଶ୍ଚର୍ଯ୍ୟ ଓ ଖୁସି ଦେଇଛି।

ଏହି ଦାମ୍ କମିବାର ପଛରେ ଅନେକ ଆନ୍ତର୍ଜାତୀୟ କାରଣ ରହିଛି। ଆମେରିକୀୟ ଡଲାର ଶକ୍ତିଶାଳୀ ହେବା ସହିତ ସେଠାରେ କଠୋର ମୁଦ୍ରା ନୀତିର ସଙ୍କେତ ମିଳିଛି। ସାଧାରଣତଃ, ଡଲାର ଶକ୍ତିଶାଳୀ ହେଲେ ସୁନାର ଆକର୍ଷଣ କମିଯାଏ, କାରଣ ନିବେଶକମାନେ ଡଲାର ଦିଗକୁ ଅଧିକ ଆକର୍ଷିତ ହୁଅନ୍ତି। ତେଣୁ ସୁନା ଓ ରୁପାର ଦାମ୍ ଉପରେ ଚାପ ପଡ଼େ। ଏହାସହିତ, ବିଶ୍ୱ ଅର୍ଥନୀତିର ଅସ୍ଥିରତା କିଛି ହାରେ କମିଥିବାରୁ ମଧ୍ୟ ସୁନାର ଚାହିଦା ହ୍ରାସ ପାଇଛି। ସାଧାରଣତଃ ଅସ୍ଥିର ସମୟରେ ଲୋକମାନେ ସୁନାକୁ ସୁରକ୍ଷିତ ନିବେଶ ଭାବରେ ଦେଖନ୍ତି। କିନ୍ତୁ ଏବେ ସେହି ଆବଶ୍ୟକତା କମିଥିବାରୁ ଦାମ୍ ମଧ୍ୟ କମିଛି।

ଏହି ପରିସ୍ଥିତିରେ ଦୁଇ ପ୍ରକାର ଭାବନା ଦେଖାଯାଉଛି। ଏକ ପଟେ ସାଧାରଣ ଗ୍ରାହକ, ବିଶେଷ କରି ବିବାହ ଓ ପର୍ବପର୍ବାଣୀ ପାଇଁ ଗହଣା କିଣିବାକୁ ଯୋଜନା କରୁଥିବା ଲୋକମାନେ ଏହାକୁ ସୁନା ସୁଯୋଗ ଭାବେ ନେଉଛନ୍ତି। ସେମାନେ ଏହି ସମୟରେ କମ ଦାମ୍ରେ ଗହଣା କିଣିବାକୁ ଆଗ୍ରହୀ।

ଅନ୍ୟପଟେ, ନିବେଶକମାନେ ଏହାକୁ ଚିନ୍ତାର କାରଣ ଭାବେ ଦେଖୁଛନ୍ତି। ଯେମାନେ ଉଚ୍ଚ ଦାମ୍ରେ ସୁନା ଓ ରୁପା କିଣିଥିଲେ, ସେମାନେ ଏବେ କ୍ଷତିର ଭୟରେ ରହିଛନ୍ତି। ଏହି ହ୍ରାସ ଆଗକୁ ଆଉ ବଢ଼ିପାରେ କି ନାହିଁ, ସେଥି ପ୍ରତି ମଧ୍ୟ ଅନିଶ୍ଚିତତା ରହିଛି।

ସାରକଥାରେ, ସୁନା ଓ ରୁପାର ଦାମ୍ କମିବା ଏକ ଦୁଇମୁଖୀ ପରିସ୍ଥିତି ସୃଷ୍ଟି କରିଛି—ଏହା ଗ୍ରାହକମାନଙ୍କ ପାଇଁ ଆନନ୍ଦ ଓ ନିବେଶକମାନଙ୍କ ପାଇଁ ଆତଙ୍କର କାରଣ ହୋଇଛି। ଆଗାମୀ ଦିନରେ ବଜାରର ଚଳଚଳନ କେମିତି ହେବ, ସେଥିପାଇଁ ସମସ୍ତଙ୍କ ଦୃଷ୍ଟି ରହିଛି।
ଟମାଟୋ ଦର ପତନରେ ଚାଷୀଙ୍କ ଦୁର୍ଦଶା: ଜମିରେ ପଚୁଛି ଫସଲ

ଟମାଟୋ ଚିନ୍ତାରେ ଚାଷୀ। ଆସିକା ବ୍ଳକର କର୍ଣ୍ଣଳି ଗ୍ରାମରେ ଟମାଟୋ ଚାଷୀମାନେ ଗଭୀର ସଙ୍କଟରେ ପଡ଼ିଛନ୍ତି। ବଜାରରେ ଟମାଟୋର ଦର ଏତେ କମିଯାଇଛି ଯେ କିଲୋ ପ୍ରତି ୧ ଟଙ୍କାକୁ ମଧ୍ୟ ବେପାରୀମାନେ କିଣିବାକୁ ଇଚ୍ଛୁକ ନୁହନ୍ତି। ଫଳରେ ଚାଷୀମାନେ ନିଜ ଫସଲ ତୁଳିବାକୁ ମଧ୍ୟ ଆଗ୍ରହୀ ନୁହନ୍ତି।

ଗ୍ରାମର ପ୍ରାୟ ୧୫୦ ଏକର ଜମିରେ ଟମାଟୋ ଚାଷ କରାଯାଇଥିଲା। କିନ୍ତୁ ଠିକ ଦର ନ ମିଳିବାରୁ ଏବେ ସେହି ଟମାଟୋ ଜମିରେ ପଡ଼ି ପଚିଯାଉଛି। ଚାଷୀମାନେ ଏହାରେ ବିପୁଳ ଆର୍ଥିକ କ୍ଷତି ଭୋଗୁଛନ୍ତି। ବିଆ, ସାର, ଔଷଧ ଓ ଶ୍ରମ ଖର୍ଚ୍ଚ ମିଶି ବହୁତ ଟଙ୍କା ଲାଗିଥିବା ସତ୍ତ୍ୱେ, ସେଥିରୁ କୌଣସି ଫଳ ମିଳୁନାହିଁ।

ଚାଷୀମାନଙ୍କ କହିବା ଅନୁସାରେ, ବଜାର ବ୍ୟବସ୍ଥା ଓ ସଂରକ୍ଷଣ ସୁବିଧା ନଥିବାରୁ ସେମାନେ ବାଧ୍ୟ ହୋଇ ଏଭଳି କ୍ଷତି ସହିବାକୁ ପଡ଼ୁଛି। ସରକାରଙ୍କ ପକ୍ଷରୁ ଯଦି ନ୍ୟୁନତମ ସମର୍ଥନ ମୂଲ୍ୟ, ଶୀତଗାର ଓ ସଠିକ ବଜାର ବ୍ୟବସ୍ଥା କରାଯାଏ, ତେବେ ଏହି ସମସ୍ୟାରୁ ମୁକ୍ତି ମିଳିପାରେ।

ସ୍ଥାନୀୟ ଚାଷୀମାନେ ଶୀଘ୍ର ସରକାରୀ ହସ୍ତକ୍ଷେପ ଓ ସହାୟତା ଦାବି କରୁଛନ୍ତି, ନହେଲେ ଏହି ପରିସ୍ଥିତି ସେମାନଙ୍କୁ ଅଧିକ ଆର୍ଥିକ ସଙ୍କଟରେ ପକାଇଦେବ।
ରାଜଧାନୀରେ ଖୋଲିଲା ‘ଜଳ ସେବା କେନ୍ଦ୍ର’! ମାର୍ଚ୍ଚରୁ ରଜ ପର୍ଯ୍ୟନ୍ତ ମିଳିବ ମାଗଣା ଥଣ୍ଡା ପାଣି।

ମାର୍ଚ୍ଚ ୨୨, ବିଶ୍ୱ ଜଳ ଦିବସ ଅବସରରେ ରାଜଧାନୀରେ ପୁଣି ଥରେ ମାନବିକତାର ସେବା ଆରମ୍ଭ ହୋଇଛି। ସ୍ଥାନୀୟ ମହାତ୍ମା ଗାନ୍ଧୀ ମାର୍ଗଠାରେ ସାମାଜିକ ଅନୁଷ୍ଠାନ ‘ଜନମଙ୍ଗଳ ପରିଷଦ’ ପକ୍ଷରୁ ଏକ ଭବ୍ୟ ଜଳଦାନ କେନ୍ଦ୍ରର ଶୁଭାରମ୍ଭ କରାଯାଇଛି। ଆଗାମୀ ପ୍ରଚଣ୍ଡ ଗ୍ରୀଷ୍ମ ପ୍ରବାହରୁ ପଥଚାରୀଙ୍କୁ ରକ୍ଷା କରିବା ପାଇଁ ପରିଷଦ ପକ୍ଷରୁ ଏହି ନିରନ୍ତର ସେବା ଚଳିତ ବର୍ଷ ୧୪ ବର୍ଷରେ ପଦାର୍ପଣ କରିଛି।

ଏହି ଶୁଭାରମ୍ଭ କାର୍ଯ୍ୟକ୍ରମରେ କମିଶନରେଟ୍ ପୋଲିସ ଜୋନ୍-୧ ର ଏସିପି ଶ୍ରୀଯୁକ୍ତ ରମେଶ ଚନ୍ଦ୍ର ବିଶୋଇ ମୁଖ୍ୟ ଅତିଥି ଭାବେ ଯୋଗଦେଇ ଜଳଦାନ କେନ୍ଦ୍ରକୁ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବେ କ୍ୟାପିଟାଲ ଥାନା ଭାରପ୍ରାପ୍ତ ଅଧିକାରୀ ଶ୍ରୀଯୁକ୍ତ ରାଧାକାନ୍ତ ସାହୁ ଉପସ୍ଥିତ ରହି ପରିଷଦର ଏହି ଜନହିତକର କାର୍ଯ୍ୟକୁ ପ୍ରଶଂସା କରିଥିଲେ।

ବିଶ୍ୱ ଜଳ ଦିବସ ମାର୍ଚ୍ଚ ୨୨ ଆରମ୍ଭ ହୋଇଛି | ଆସନ୍ତା ରଜ ସଂକ୍ରାନ୍ତି ପର୍ଯ୍ୟନ୍ତ ଏହି କେନ୍ଦ୍ର କାର୍ଯ୍ୟକ୍ଷମ ରହିବ। ଖରାରେ ଯାଉଥିବା ପଥଚାରୀଙ୍କୁ ପ୍ରତ୍ୟେହ ସ୍ଵଚ୍ଛ ଓ ଶୀତଳ ପାନୀୟ ଜଳ ଯୋଗାଇଦେବା। ପରିଷଦର ଅଧ୍ୟକ୍ଷ ଅଲେଖ ଚନ୍ଦ୍ର ଜେନାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମକୁ ସଫଳ କରିବାରେ ବରିଷ୍ଠ ସଦସ୍ୟ ଲକ୍ଷ୍ମଣ ଦାଶ, ନିରଞ୍ଜନ ସାହୁ, ଅରୁଣ କୁମାର ସ୍ୱାଇଁ, ସୁକାନ୍ତ ମହାନ୍ତି, ବୈଲୋଚନ ସାହୁ, ମାନସ ରଞ୍ଜନ ବସ୍ତିଆ ଓ ଅନ୍ୟାନ୍ୟ କର୍ମକର୍ତ୍ତାମାନେ ପ୍ରମୁଖ ସହଯୋଗ କରିଥିଲେ।

ଜଳ ହିଁ ଜୀବନ ଏହି ମନ୍ତ୍ରକୁ ପାଥେୟ କରି ଜନମଙ୍ଗଳ ପରିଷଦ ଗତ ୧୪ ବର୍ଷ ଧରି ରାଜଧାନୀବାସୀଙ୍କ ସେବା କରିଆସୁଛି।
ନର୍ସିଂ ଅଫିସରଙ୍କ ଜୋସ୍‌! ଜୟଦେବ ବିହାରରେ ଶୁଭିଲା ସେବା ଓ ସମର୍ପଣର ସ୍ୱର!

ସେବା ହିଁ ପରମ ଧର୍ମ! ଏହି ମନ୍ତ୍ରକୁ ଆଧାର କରି କଳିଙ୍ଗ ନର୍ସିଂ କଲେଜର ନୂତନ ଛାତ୍ରଛାତ୍ରୀମାନେ ଏକ ନୂଆ ଯାତ୍ରା ଆରମ୍ଭ କରିଛନ୍ତି। ବିଏସ୍‌ସି ନର୍ସିଂ ଏବଂ ଜିଏନ୍‌ଏମ୍‌ର ପ୍ରଥମ ବର୍ଷର ଛାତ୍ରଛାତ୍ରୀମାନେ ହାତରେ ଜଳନ୍ତା ପ୍ରଦୀପ ଧରି ମାନବ ସେବା ପାଇଁ ସଂକଳ୍ପ ନେଇଛନ୍ତି। ଏହି ଭବ୍ୟ ଉତ୍ସବରେ ବ୍ରହ୍ମଗିରିର ଲୋକପ୍ରିୟ ବିଧାୟିକା ଶ୍ରୀମତି ଉପାସନା ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ନୂତନ ପିଢ଼ିକୁ ଉତ୍ସାହିତ କରିଥିଲେ। ତାଙ୍କ ସହ କଳିଙ୍ଗ ହସପିଟାଲ ଫାଉଣ୍ଡେସନର ଟ୍ରଷ୍ଟି ଶ୍ରୀ ସୁବାସ ଚନ୍ଦ୍ର ଚୌଧୁରୀ, ନାଲ୍‌କୋର ପୂର୍ବତନ ସିଏମଡି ଡ: ତପନ କୁମାର ଚାନ୍ଦ ଏବଂ ପ୍ରସିଦ୍ଧ ଲେଖକ ବିରଜା ପ୍ରସାଦ ମିଶ୍ରଙ୍କ ଉପସ୍ଥିତି କାର୍ଯ୍ୟକ୍ରମରେ ଚାର୍‌ଚାନ୍ଦ ଲଗାଇଥିଲା।

ଅଧ୍ୟକ୍ଷା ପ୍ରଫେସର ସୁଜାତା ସ୍ୱାଇଁ ନୂତନ ଛାତ୍ରଛାତ୍ରୀଙ୍କୁ ଶପଥ ପାଠ କରାଇଥିବା ବେଳେ ଅତିଥିମାନେ କହିଥିଲେ, ଆପଣମାନେ ଆଜିର ଫ୍ଲୋରେନସ୍ ନାଇଟଆଙ୍ଗେଲ୍‌ | କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯିବ ସହ ଶେଷରେ ରଙ୍ଗାରଙ୍ଗୀ ସାଂସ୍କୃତିକ କାର୍ଯ୍ୟକ୍ରମର ମଜା ନେଇଥିଲେ ଉପସ୍ଥିତ ଥିବା ସମସ୍ତ ଦର୍ଶକ |

ଏହି ସମସ୍ତ କାର୍ଯ୍ୟକ୍ରମକୁ ରଶ୍ମିରଞ୍ଜିତା ଅଧିକାରୀ, ସସ୍ମିତା ରାଉତ ଏବଂ କଳ୍ପନା ପୃଷ୍ଟିଙ୍କ ସୂଚାରୁ ପରିଚାଳନା ଏକ ନୂଆ ସଫଳତା ମିଳିଛି |
ବିଜେପିର ମାଷ୍ଟରଷ୍ଟ୍ରୋକ, ମହିଳା ମୋର୍ଚ୍ଚାରେ ଆସିବ ନୂଆ ଜୋସ!

ରାଜ୍ୟ ରାଜନୀତିରେ ଏବେ ଜଣେ ଯୁବ ଓ ପ୍ରତିଭାଶାଳୀ ନାରୀ ନେତ୍ରୀଙ୍କୁ ନେଇ ଜୋରଦାର ଚର୍ଚ୍ଚା ଧରିଛି । ସେ ହେଉଛନ୍ତି କେନ୍ଦ୍ରାପଡ଼ାର ଲୋକପ୍ରିୟ ନେତ୍ରୀ ଶ୍ରୀମତୀ ରାଜଲକ୍ଷ୍ମୀ ଦାସ। ଦଳ ପ୍ରତି ତାଙ୍କର ନିଷ୍ଠା ଏବଂ ଗରିବଙ୍କ ସେବା ପାଇଁ ତାଙ୍କୁ ମିଳିଛି ବଡ଼ ସଫଳତା। ଓଡ଼ିଶା ବିଜେପି ମହିଳା ମୋର୍ଚ୍ଚାର ରାଜ୍ୟ ସମ୍ପାଦିକା ଭାବେ ତାଙ୍କୁ ନିଯୁକ୍ତି ମିଳିବା ପରେ ଏବେ ସାରା ଜିଲ୍ଲାରେ ଖୁସିର ଲହରୀ ଖେଳିଯାଇଛି।

କେନ୍ଦ୍ରାପଡ଼ାର ପ୍ରତିଟି ନିର୍ବାଚନ ମଣ୍ଡଳୀରେ ରାଜଲକ୍ଷ୍ମୀଙ୍କର ରହିଛି ବହୁତ ଜନପ୍ରିୟତା। ବିଶେଷ କରି ଅସହାୟ ଲୋକଙ୍କ ସମସ୍ୟା ସମାଧାନ କରିବାରେ ସେ ସବୁବେଳେ ଆଗରେ ରହିଥାନ୍ତି। ତାଙ୍କର ଏହି ସେବା ମନୋଭାବ ହିଁ ତାଙ୍କୁ ଆଜି ରାଜ୍ୟ ସ୍ତରୀୟ ନେତ୍ରୀ ଭାବେ ଛିଡ଼ା କରିଛି।

ଏହି ନୂତନ ଦାୟିତ୍ୱ ପାଇବା ପରେ ରାଜଲକ୍ଷ୍ମୀ କହିଛନ୍ତି ଯେ , ମୋ ଉପରେ ବିଶ୍ବାସ କରିଥିବାରୁ ମୁଁ ରାଜ୍ୟ ସଭାପତି ଶ୍ରୀ ମନମୋହନ ସାମଲ , ସଂଗଠନ ସମ୍ପାଦକ ଶ୍ରୀ ମାନସ ମହାନ୍ତି , ମାନ୍ୟବର ସାଂସଦ ଶ୍ରୀ ବୈଜୟନ୍ତ ପଣ୍ଡା ଏବଂ ମହିଳା ମୋର୍ଚ୍ଚା ସଭାନେତ୍ରୀ ଡ଼ା. ଐଶ୍ୱର୍ଯ୍ୟା ବିଶ୍ୱାଳଙ୍କୁ ଆନ୍ତରିକତା ଧନ୍ୟବାଦ ଜଣାଉଛି | ଦଳର ବିଶ୍ବାସକୁ ସମ୍ମାନ ଦେଇ ମୁଁ ନିଷ୍ଠ।ର ସହ କାମ କରିବି |

ରାଜନୈତିକ ସମୀକ୍ଷକଙ୍କ ମତରେ, ରାଜଲକ୍ଷ୍ମୀଙ୍କର ଏହି ନିଯୁକ୍ତି ଆଗାମୀ ଦିନରେ ମହିଳାମାନଙ୍କ ପାଇଁ ଏକ ନୂତନ ପ୍ରେରଣା ସାଜିବ। ତାଙ୍କର ନିଷ୍ଠାପର ମନଭାବ ତାଙ୍କ ଆଗାମୀ ରାଜନୈତିକ ପଥକୁ ଆହୁରି ସରଳ ଏବଂ ସଫଳ କରିବ ବୋଲି ଜନସାଧାରଣ ମଧ୍ୟରେ ରେ ଆଲୋଚନା ହେଉଛି।
କେନ୍ଦ୍ରାପଡାର ଯୁବ ନେତ୍ରୀଙ୍କୁ ରାଜ୍ୟସ୍ତରୀୟ ଦାୟିତ୍ୱ

କେନ୍ଦ୍ରାପଡା ଜିଲ୍ଲାର ଯୁବ ଓ ପ୍ରତିଭାଶାଳୀ ନାରୀ ନେତ୍ରୀ ଶ୍ରୀମତୀ ରାଜଲକ୍ଷ୍ମୀ ଦାସଙ୍କୁ ଓଡ଼ିଶା ଭାଜପା ମହିଳା ମୋର୍ଚ୍ଚାର ସମ୍ପାଦିକା ଭାବେ ନିଯୁକ୍ତି ମିଳିଛି । ଜିଲ୍ଲାର ଅନେକ ନିର୍ବାଚନ ମଣ୍ଡଳୀ ରେ ତାଙ୍କର ଲୋକପ୍ରିୟତା ଥିବା ବଳେ ତାଙ୍କ ନେତୃତ୍ବରେ ଅନେକ ଗରିବ ଅସହ୍ୟ ଲୋକମାନଙ୍କର ସମସ୍ୟାର ସମାଧାନ ହେଉଥିବା ଲୋକଲୋଚନକୁ ଆସିଛି।

ଶ୍ରୀମତୀ ଦାସଙ୍କୁ ମହିଳା ମୋର୍ଚ୍ଚାର ସମ୍ପାଦିକା ଭାବେ ଦାୟିତ୍ୱ ମିଳିବା ପରେ ସେ ତାଙ୍କ ମନ୍ତବ୍ୟରେ କହିଛନ୍ତି ଯେ, ମୋ ଉପରେ ଆସ୍ଥା ପ୍ରକଟ କରି ମୋତେ ଓଡ଼ିଶା ପ୍ରଦେଶ ମହିଳା ମୋର୍ଚ୍ଚାର ସମ୍ପାଦିକା ଭାବେ ଦାୟିତ୍ୱ ପ୍ରଦାନ କରିଥିବାରୁ ମୁଁ ଆମ ଦଳର ସଭାପତି ତଥା ନବ ନିର୍ବାଚିତ ରାଜ୍ୟସଭା ସାଂସଦ ଶ୍ରୀ ମନମୋହନ ସାମଲ ମହୋଦୟ, ମାନନୀୟ ସଂଗଠନ ମହାମନ୍ତ୍ରୀ ଶ୍ରୀ ମାନସ ମହାନ୍ତି ମହୋଦୟ, ମାନ୍ୟବର ସାଂସଦ ଶ୍ରୀ ବୈଜୟନ୍ତ ଜୟ ପଣ୍ଡା ମହୋଦୟ ଏବଂ ରାଜ୍ୟ ମହିଳା ମୋର୍ଚ୍ଚା ସଭାନେତ୍ରୀ ଡ଼ା. ଐଶ୍ୱର୍ଯ୍ୟା ବିଶ୍ୱାଳ ମହୋଦୟା ଏବଂ ସମସ୍ତ ଶୀର୍ଷ ନେତୃବୃନ୍ଦଙ୍କୁ ମୋର ଆନ୍ତରିକତାରୁ ଧନ୍ୟବାଦ ଜଣାଉଛି। ମୋ ପ୍ରତି ରଖାଯାଇଥିବା ଏହି ବିଶ୍ୱାସକୁ ସଦା ସମ୍ମାନ ଦେଇ ଦଳ ଓ ସଂଗଠନ ପାଇଁ ମୁଁ ନିଷ୍ଠାର ସହିତ କାମ କରିବି। ଶ୍ରୀମତୀ ଦାସଙ୍କ ନିଷ୍ଠାପର ମନଭାବ ସର୍ବଦା ସମାଜ ପ୍ରତି ସମର୍ପଣ ଭାବ ତାଙ୍କ ଲୋକ ପ୍ରିୟତାକୁ ବଢ଼ାଉଛି। ଯାହା ତାଙ୍କ ଆଗାମୀ ରାଜନୈତିକ ପଥକୁ ଆହୁରି ସରଳ କରିବ ବୋଲି ସାଧାରଣରେ ଚର୍ଚ୍ଚା ହେଉଛି।
ତାଙ୍କର ନେତୃତ୍ୱ ଓ ସମର୍ପଣ ଆଗାମୀ ଦିନରେ ମହିଳା ମାନଙ୍କ ପାଇଁ ନୂତନ ପ୍ରେରଣା ଦେବ ବୋଲି ଜନସାଧାରଣରେ ଆସା ପ୍ରକୋଷ୍ଠ କରାଯାଉଛି।
କମର୍ସିଆଲ୍ ଗ୍ୟାସ୍ ସଙ୍କଟରେ ଖାଇବା ଥାଳି ମହଙ୍ଗା, ଟିଫିନ୍-ଲଞ୍ଚ ଦାମ୍ ବୃଦ୍ଧି

କମର୍ସିଆଲ୍ ଗ୍ୟାସ୍ ସଙ୍କଟର ପ୍ରଭାବରେ ଖାଇବା ଥାଳି ଦାମ୍ ବଢିଯାଇଛି। Middle Eastରେ ଚାଲିଥିବା ଯୁଦ୍ଧ ପରିସ୍ଥିତି ଯୋଗୁଁ କମର୍ସିଆଲ୍ ଗ୍ୟାସ୍ ଯୋଗାଣରେ ବାଧା ସୃଷ୍ଟି ହୋଇଛି। ଏହାର ସିଧା ପ୍ରଭାବ ହୋଟେଲ୍ ଓ ଟିଫିନ୍ ବ୍ୟବସାୟରେ ପଡ଼ିଛି, ଯାହା ଟିଫିନ୍, ଲଞ୍ଚ ଓ ଡିନର ଥାଳି ସବୁର ଦାମ୍ ବୃଦ୍ଧି ପାଇଛି।

ପୂର୍ବରୁ ଯେଉଁ ଟିଫିନ୍ ୨୦ ଟଙ୍କାରେ ମିଳୁଥିଲା, ଏବେ ତାହା ୩୦ ଟଙ୍କାକୁ ପହଞ୍ଚିଛି। ସେହିପରି ଲଞ୍ଚ ଥାଳି ଯାହା ୮୦ ଟଙ୍କା ଥିଲା, ଏବେ ୧୦୦ ଟଙ୍କା ପର୍ଯ୍ୟନ୍ତ ହୋଇଯାଇଛି। ଗ୍ୟାସ୍ ଦାମ୍ ବୃଦ୍ଧି ଓ ଯୋଗାଣ ସଙ୍କଟର ପ୍ରଭାବରେ ଛୋଟ ହୋଟେଲ୍ ଠାରୁ ବଡ଼ ହୋଟେଲ୍ ପର୍ଯ୍ୟନ୍ତ ସମସ୍ତେ ଦାମ୍ ବଢାଇବାକୁ ବାଧ୍ୟ ହୋଇଛନ୍ତି।

ଏହି ଦାମ୍ ବୃଦ୍ଧି ନେଇ ସାଧାରଣ ଖାଉଟିଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଦୈନିକ ଜୀବନରେ ଖାଦ୍ୟ ଖର୍ଚ୍ଚ ବଢିଯିବାରୁ ମଧ୍ୟବର୍ଗ ଓ ନିମ୍ନମଧ୍ୟବର୍ଗ ପରିବାରଗୁଡ଼ିକ ସବୁଠାରୁ ଅଧିକ ପ୍ରଭାବିତ ହେଉଛନ୍ତି।
ଅଦାଲତରେ AIର ସୀମା: ଶେଷ ନ୍ୟାୟ ମଣିଷଙ୍କ ହାତରେ ଜଷ୍ଟିସ ସୂର୍ଯ୍ୟକାନ୍ତ

ନ୍ୟାୟପାଳିକାରେ କୃତ୍ରିମ ବୁଦ୍ଧିମତା (AI) ବ୍ୟବହାରକୁ ନେଇ ଗୁରୁତ୍ୱପୂର୍ଣ୍ଣ ମତ ପ୍ରକାଶ କରିଛନ୍ତି ସୁପ୍ରିମ କୋର୍ଟ ଅଫ୍ ଇଣ୍ଡିଆର ବରିଷ୍ଠ ବିଚାରପତି ସୂର୍ଯ୍ୟକାନ୍ତ। ସେ ସ୍ପଷ୍ଟ କରିଛନ୍ତି ଯେ, AI ଅଦାଲତର କାମକୁ ସହଜ କରିପାରେ, କିନ୍ତୁ ଏହା କେବେ ମଧ୍ୟ ନ୍ୟାୟିକ ନିଷ୍ପତ୍ତିର ସ୍ଥାନ ନେଇପାରିବ ନାହିଁ।

ବେଙ୍ଗାଲୁରୁରେ ଆୟୋଜିତ “Artificial Intelligence and Courts & Tribunals” ବିଷୟକ ସେମିନାରରେ ଯୋଗ ଦେଇ ସେ କହିଥିଲେ ଯେ, ଟେକ୍ନୋଲୋଜି ନ୍ୟାୟପ୍ରଦାନ ପ୍ରକ୍ରିୟାକୁ ଦ୍ରୁତ ଏବଂ କ୍ଷମତାଶୀଳ କରିପାରେ। କିନ୍ତୁ ଶେଷ ନିଷ୍ପତ୍ତି ନେବାରେ ମଣିଷର ବିବେକ, ଅନୁଭବ ଓ ନୈତିକତା ଅତ୍ୟନ୍ତ ଆବଶ୍ୟକ।

ସେ ଆଉ କହିଛନ୍ତି ଯେ, AI ଉପରେ ଅଧିକ ନିର୍ଭରଶୀଳତା ନ୍ୟାୟପାଳିକା ପାଇଁ ବିପଦ ସୃଷ୍ଟି କରିପାରେ। ଏହିକାରଣରୁ, ଏହାକୁ କେବଳ ସହାୟକ ଉପକରଣ ଭାବେ ବ୍ୟବହାର କରିବା ଉଚିତ, ନାହିଁ କି ନିଷ୍ପତ୍ତିକାରୀ ଭାବେ।

ଏହି ବକ୍ତବ୍ୟ ଆଗାମୀ ଦିନରେ ନ୍ୟାୟପାଳିକାରେ AI ବ୍ୟବହାର ନେଇ ଚାଲିଥିବା ଚର୍ଚ୍ଚାକୁ ଆଉ ଗତି ଦେବ ବୋଲି ମନେ କରାଯାଉଛି।
ଲିଙ୍ଗରାଜଙ୍କ ରୁକୁଣା ରଥଯାତ୍ରା ପାଇଁ ତୀବ୍ର ଗତିରେ ରଥ ନିର୍ମାଣ, ୨୫ରେ ସମ୍ପୂର୍ଣ୍ଣ ଲକ୍ଷ୍ୟ

ଭୁବନେଶ୍ୱରର ପବିତ୍ର ମାଟିରେ ପୁନିଥରେ ଆସୁଛି ଭକ୍ତିର ମହାପର୍ବ। ଲିଙ୍ଗରାଜ ମନ୍ଦିରଙ୍କ ପ୍ରସିଦ୍ଧ ରୁକୁଣା ରଥଯାତ୍ରାକୁ ନେଇ ସହର ଜୁଗୁଳି ଉତ୍ସାହର ଲହରୀ।

ମାତ୍ର ତିନି ଦିନ ପରେ, ଅର୍ଥାତ୍ ମାର୍ଚ୍ଚ ୨୬ ତାରିଖରେ ହେବାକୁ ଯାଉଛି ଏହି ଐତିହ୍ୟବାହୀ ଯାତ୍ରା। ଏଥିପାଇଁ ରଥଖଳାରେ ଚାଲିଛି ରଥ ନିର୍ମାଣ କାର୍ଯ୍ୟ ଜୋରଦାର ଭାବେ। ପ୍ରାୟ ୪୫ ଫୁଟ ଉଚ୍ଚ ଏବଂ ୨୭ ଫୁଟ ଓସାରର ଏହି ବିଶାଳ ରଥ ତିଆରି କାମରେ ୬୧ ଜଣ ପରିଶ୍ରମୀ କାରିଗର ଦିନରାତି ଲାଗିରହିଛନ୍ତି।

ଆସନ୍ତା ୨୫ ତାରିଖ ସନ୍ଧ୍ୟା, ଯାହାକୁ ନେତ୍ରୋତ୍ସବ ପୂର୍ବ ସନ୍ଧ୍ୟା ବୋଲି କୁହାଯାଏ, ସେଥିପୂର୍ବରୁ ସମସ୍ତ ରଥ ନିର୍ମାଣ କାମ ସରିବା ଲକ୍ଷ୍ୟ ରହିଛି। ସମୟ ଅତ୍ୟନ୍ତ ସୀମିତ ଥିବାରୁ, କାରିଗରମାନେ ଯୁଦ୍ଧକାଳୀନ ଭିତ୍ତିରେ କାମ କରୁଛନ୍ତି, ଯାହା ଏହି ପରମ୍ପରା ପ୍ରତି ତାଙ୍କର ଅଦମ୍ୟ ଭକ୍ତି ଓ ନିଷ୍ଠାକୁ ପ୍ରକାଶ କରୁଛି।

ରୁକୁଣା ରଥଯାତ୍ରା କେବଳ ଗୋଟିଏ ଉତ୍ସବ ନୁହେଁ, ଏହା ଓଡ଼ିଶାର ସଂସ୍କୃତି, ଐତିହ୍ୟ ଓ ଆସ୍ଥାର ଜୀବନ୍ତ ପ୍ରତୀକ। ହଜାର ହଜାର ଭକ୍ତ ଏହି ଦିନ ପାଇଁ ଅପେକ୍ଷା କରୁଛନ୍ତି, ପ୍ରଭୁଙ୍କ ଦର୍ଶନ ପାଇଁ ଓ ଏହି ମହାନ ଯାତ୍ରାର ସାକ୍ଷୀ ହେବା ପାଇଁ।
ନୀଳଗିରିରେ ଖରା ଆରମ୍ଭରୁ ଜଳକଷ୍ଟ: ଗରା ବାଲ୍ଟି ଧରି ରାସ୍ତାରେ ଗ୍ରାମବାସୀଙ୍କ ଆନ୍ଦୋଳନ

ପାଣି ବିନା ହଇରାଣ ହେଉଛନ୍ତି ଲୋକେ। ଗରା ବାଲ୍ଟି ଧରି ରାସ୍ତା କୁ ଓଲ୍ହେଇଲେ ଗ୍ରାମବାସୀ । ନୀଳଗିରି ଅଞ୍ଚଳରେ ଖରା ଆରମ୍ଭ ହେବା ସହିତ ପାନୀୟ ଜଳ ସମସ୍ୟା ଭୟାବହ ରୂପ ଧାରଣ କରିଛି।

ବାଲେଶ୍ୱର ଜିଲ୍ଲାର ନୀଳଗିରି ବ୍ଲକ ଅନ୍ତର୍ଗତ ନରସିଂହପୁର ପଞ୍ଚାୟତର ଆଡିଆଖୁଣ୍ଟା ଗାଁରେ ଲୋକମାନେ ଜଳକଷ୍ଟରେ ଜୀବନଯାପନ କରୁଛନ୍ତି। ବିଶେଷ କରି ମହିଳାମାନେ ଗରା ଓ ବାଲ୍ଟି ଧରି ରାସ୍ତାକୁ ଓହ୍ଲାଇ ଆନ୍ଦୋଳନ କରିବାକୁ ବାଧ୍ୟ ହୋଇଛନ୍ତି।

ଗାଁରେ ସରକାରଙ୍କ ବସୁଧା ଯୋଜନା ରହିଥିଲେ ମଧ୍ୟ ଲୋକମାନେ ଶୁଦ୍ଧ ପିଇବା ପାଣି ପାଉନଥିବା ଅଭିଯୋଗ କରିଛନ୍ତି। ନଳ ଯୋଗାଣ ବ୍ୟବସ୍ଥା କାଗଜରେ ସୀମିତ ରହିଥିବା ବେଳେ, ପ୍ରାୟୋଗିକ ଭାବେ ଗାଁରେ ପାଣି ଆସୁନାହିଁ। ଏହାର ପ୍ରତିବାଦରେ ଶତାଧିକ ମହିଳା ଓ ଗ୍ରାମବାସୀ ଆଡିଆଖୁଣ୍ଟା ଛକରେ ମାଟିଆଳୀ ନରସିଂହପୁର ରାସ୍ତାକୁ ଅବରୋଧ କରି ଧାରଣା ଦେଇଛନ୍ତି।

ଆନ୍ଦୋଳନକାରୀମାନଙ୍କ କହିବା ଅନୁସାରେ, ପ୍ରତିଦିନ ପାଣି ପାଇଁ ଦୂର ଦୂରନ୍ତ ଯିବାକୁ ପଡୁଛି, ଯାହାରୁ ଦୈନିକ ଜୀବନ ଅସୁବିଧାରେ ପଡୁଛି। ଖରା ଦିନ ଆରମ୍ଭ ହେବା ସହିତ ସମସ୍ୟା ଆଉ ବେଶି ଗୁରୁତର ହୋଇଯାଇଛି।

ଗ୍ରାମବାସୀ ଶୀଘ୍ର ସ୍ଥାୟୀ ସମାଧାନ ଦାବି କରିଥିବା ବେଳେ, ସ୍ଥାନୀୟ ପ୍ରଶାସନ ଏହି ସମସ୍ୟାକୁ ଗମ୍ଭୀରତାର ସହ ନେଇ ତୁରନ୍ତ ପଦକ୍ଷେପ ନେବେ କି ନାହିଁ, ସେଥିପାଇଁ ସମସ୍ତଙ୍କ ଦୃଷ୍ଟି ରହିଛି।