Tag: #Murder

ଡାହାଣୀ ସନ୍ଦେହରେ ମହିଳାଙ୍କୁ ହତ୍ୟା

ଘଷିପୁରା ଥାନା ଖାଲପାଳ ପଞ୍ଚାୟତ ପାତନା ଗାଁରେ ଡାହାଣୀ ସନ୍ଦେହରେ ମହିଳାଙ୍କୁ ହତ୍ୟା କଲା ନିଜ ଦିଅର। ହତ୍ୟା ପରେ ଦୈତାରୀ ଥାନା ରେ ଆତ୍ମସମର୍ପଣ କଲା ଅଭିଯୁକ୍ତ। ସୂଚନା ଅନୁଯାୟୀ ପାତନା ଗାଁର ସିଦ୍ଧ ମୁର୍ମୁଙ୍କ ପତ୍ନୀଙ୍କୁ ସିଦ୍ଧ ଙ୍କ ସାନଭାଇ ଗଙ୍ଗା ଏକ ଟାଙ୍ଗିଆ ରେ ହାଣି ହତ୍ୟା କରିଛି।

କିଛି ଦିନ ତଳେ ଗଙ୍ଗାର ସ୍ତ୍ରୀ ମୃତ୍ୟୁ ବରଣ କରିଥିବା ବେଳେ ତା ଭାଉଜ ସୀତା ଗୁଣି ଗାରେଡି କରୁଥିବା ନେଇ ସନ୍ଦେହ ଘେରରେ ରହୁଥିଲା ଅଭିଯୁକ୍ତ । ଗଙ୍ଗାର ଛୁଆ ଙ୍କ ଦେହ ମଧ୍ୟ ଖରାପ ହେଉଥିବା ତେଣୁ ଭାଉଜକୁ ରାସ୍ତାରୁ ହଟାଇବାର ସୁଯୋଗ ଖୋଜୁଥିଲା ଅଭିଯୁକ୍ତ। ଘରେ କେହି ନଥିବାର ସୁଯୋଗ ନେଇ ଟାଙ୍ଗିଆରେ ହାଣି ହତ୍ୟା କରିଥିଲା ଗଙ୍ଗା।

ହତ୍ୟା ପରେ ଦୈତାରୀ ଥାନାରେ ଆତ୍ମସମର୍ପଣ କରିଥିଲା । ପରେ ଘଷିପୁରା ପୋଲିସ ଘଟଣା ସ୍ଥଳରେ ପହଞ୍ଚି ମ଼ତଦେହ ଜବଦ କରି ତଦନ୍ତ ଆରମ୍ବ କରିଛି।
ଆନ୍ଧ୍ରରେ ଓଡ଼ିଆ ଯୁବକଙ୍କୁ ହତ୍ୟା

ଆନ୍ଧ୍ର ପ୍ରଦେଶର ଏକ କମ୍ପାନୀରେ କାର୍ଯ୍ୟରତ ଓଡ଼ିଆ ଠିକାଦାରଙ୍କ ସନ୍ଦେହ ଜନକ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ । କେନ୍ଦ୍ରାପଡା ସଦରଥାନା ଅନ୍ତର୍ଗତ ବାହାକଣ୍ଡିଆ ଗ୍ରାମର ଜଗଦୀଶ ସ୍ବାଇଁ ନାମକ ଯୁବକ ମଧ୍ୟପ୍ରଦେଶ ଗୁଣ୍ଟୁରରେ ଏକ ଘରୋଇ କମ୍ପାନୀରେ ଠିକାଦାର ଭାବେ କାମକରୁଥିଲେ। ଜଗଦୀଶ ଘରକୁ ଆସିବା ପାଇଁ ଜୁଲାଇ ୩୧ ତାରଖ ଦିନ କମ୍ପାନୀରୁ ଟଙ୍କା ଉଠାଇ ପାଖରେ ରଖିଥିଲେ । ସେହିଦିନ ଆନ୍ଧ୍ରରେ ଜଣେ ଓଡ଼ିଆ ସାଙ୍ଗଙ୍କ ଘରେ ରହିଥିଲେ ।ମାତ୍ର ସକାଳୁ ସାଙ୍ଗମାନେ ଦେଖନ୍ତି ତ ଜଗଦୀଶ ସେଠାରେ ମରିପଡିଛନ୍ତି । ସାଙ୍ଗ ମାନେ ଜଗଦୀଶ କୁ ମେଡିକାଲକୁ ନେଇଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗାଁରୁ ଜଗଦୀଶଙ୍କ ବଡଭାଇ ଓ ଦୁଇ ସାଙ୍ଗ ମଧ୍ୟ ପ୍ରଦେଶରେ ପହଞ୍ଚି ମୃତ ଦେହକୁ ବ୍ୟବଛେଦ କରିବା ପରେ ଗୁଣ୍ଟୁର ଥାନାରେ ଏକ ଅଭିଯୋଗ କରିଛନ୍ତି । ପରିବାର ଲୋକଙ୍କ କହିବାକଥା ଜଗଦୀଶଙ୍କୁ ଏକ ଯୋଜନାବଧ ହତ୍ୟାକରାଯାଇଛି । ଟଙ୍କା ଲେଣଦେଣକୁ କେନ୍ଦ୍ର କରି ଜଗଦୀଶଙ୍କୁ ହତ୍ଯା କରାଯାଇଥିବା ଅଭିଯୋଗ ଆଣିଛନ୍ତି ସମ୍ପର୍କୀୟ।
ବେଙ୍ଗାଲୁରୁର ଏକ ହଷ୍ଟେଲରେ ଜଣେ ଯୁବତୀକୁ ଅତି ନିର୍ମମ ଭାବେ ହତ୍ୟା କରିଥିବା ଅଭିଯୁକ୍ତ ମଧ୍ୟପ୍ରଦେଶରୁ ଗିରଫ

ବେଙ୍ଗାଲୁରୁର ଏକ ହଷ୍ଟେଲରେ ୨୪ ବର୍ଷର ବାଳିକାକୁ ଅତି ନିର୍ମମ ଭାବେ ହତ୍ୟା କରିଥିବା ଅଭିଯୁକ୍ତଙ୍କୁ ମଧ୍ୟପ୍ରଦେଶରୁ ଗିରଫ କରାଯାଇଛି। ବେଙ୍ଗାଲୁରୁ ପୋଲିସ କମିଶନର ବି ଦୟାନନ୍ଦ ଏହି ଖବର ବିଷୟରେ ଗଣମାଧ୍ୟମକୁ ଜଣାଇଥିଲେ । ସୂଚନାନୁସାରେ, ମାମଲାର ତଦନ୍ତ ପାଇଁ ଅଭିଯୁକ୍ତଙ୍କୁ ସହରକୁ ଅଣାଯାଉଛି। ନିକଟରେ ବେଙ୍ଗାଲୁରୁର କୋରମଙ୍ଗାଲାସ୍ଥିତ ଏକ ‘ପେଇଙ୍ଗ ଗେଷ୍ଟ୍’ ଘରେ ରହୁଥିବା କ୍ରିତି କୁମାରୀଙ୍କୁ ତାଙ୍କ ଗଳା କାଟି ହତ୍ୟା କରାଯାଇଥିଲା। ପୋଲିସର ସୂଚନାନୁସାରେ, ମହିଳାଙ୍କୁ୨୩ ଜୁଲାଇ ରାତିରେ ହତ୍ୟା କରାଯାଇଥିଲା। ଆକ୍ରମଣକାରୀ କୋଠରୀ ଭିତରକୁ ଯାଇ କ୍ରିତି କୁମାରୀଙ୍କୁ ହତ୍ୟା କରିଥିଲା । କ୍ରିତି କୁମାରୀ ବିହାରର ବାସିନ୍ଦା ଏବଂ ସେ ସହରର ଏକ ଘରୋଇ କମ୍ପାନୀରେ କାମ କରୁଥିଲେ |

ହତ୍ୟା ସହ ଜଡିତ ଏକ ସିସିଟିଭି ଫୁଟେଜରେ ମଧ୍ୟ ଜଣେ ବ୍ୟକ୍ତି ଛୁରୀରେ ଆକ୍ରମଣ କରୁଥିବା ଦୃଶ୍ୟ ଦେଖିବାକୁ ମିଳିଥିଲା। ଭିଡିଓରେ, ଜଣେ ବ୍ୟକ୍ତି ପଲିଥିନ ବ୍ୟାଗ ଧରି ‘ପେଇଙ୍ଗ ଗେଷ୍ଟ୍’ ରୁମରେ ପଶି ଥିଲା | ସେ କବାଟ ବାଡେଇଥିଲା ତଥା କିଛି ସମୟ ପରେ ସେ ମହିଳାଙ୍କୁ ଟାଣି ନେଉଥିବାର ଦେଖିବାକୁ ମିଳିଥିଲା | ପୀଡିତା ଏହି ଆକ୍ରମଣକୁ ବିରୋଧ କରିଥିଲେ, କିନ୍ତୁ ହତ୍ୟାକାରୀ ତାଙ୍କୁ ଧରି ଗଳା କାଟି ପଳାଇ ଯାଇଥିଲା। ପାଟି ଶବ୍ଦ ଶୁଣି ବିଲ୍ଡିଂରେ ଉପସ୍ଥିତ ଥିବା ଅନ୍ୟ ମହିଳାମାନେ ଘଟଣାସ୍ଥଳରେ ପହଞ୍ଚିଥିଲେ କିନ୍ତୁ ତାଙ୍କୁ ବଞ୍ଚାଇବାରେ ଅସମର୍ଥ ହୋଇଥିଲେ। ପରେ ବିଲ୍ଡିଂଗର ଲୋକମାନେ ଏହି ଆକ୍ରମଣ ବିଷୟରେ ତୁରନ୍ତ ପୋଲିସକୁ ସୂଚନା ଦେଇଥିଲେ।
ପ୍ରେମରେ ଅନ୍ଧ ହୋଇ ନେଇଗଲା ୩ଟି ଜୀବନ,ଛୋଟ ପିଲାଙ୍କୁ ବି ଛାଡିଲାନି

ବିବାହିତା ମହିଳାଙ୍କୁ ପ୍ରେମ କଲା, ଆଉ ତାକୁ ପାଇବା ପାଇଁ ସବୁ ସୀମା ଡେଇଁଗଲା । ଶେଷରେ ମୃତ ପ୍ରେମିକାଙ୍କୁ ନଦୀକୁ ଫିଙ୍ଗିବା ସହିତ ତାଙ୍କର ଦୁଇ ପିଲାଙ୍କୁ ମଧ୍ୟ ଜୀବନ୍ତ ନଦୀକୁ ଫିଙ୍ଗି ଦେଇଛି । ଏମିତି ଏକ ଲୋମ ଟାଙ୍କୁରା ଘଟଣା ଆସିଛି ମହାରାଷ୍ଟ୍ର ପୁନେରୁ । ତେବେ ପୁଲିସ ସୂତ୍ରରୁ ଜଣାପଡିଛି ଯ, ୩୭ ବର୍ଷିୟ ଗଜେନ୍ଦ୍ର ଜଗନ୍ନାଥ ଦଗଦଖୈରଙ୍କ ପ୍ରେମରେ ଅନ୍ଧ ହୋଇଯାଇଥିଲେ ୨୫ ବର୍ଷିୟା ସମରୀନ ନିଶାର ନେଭେରେକର । ସମରୀନ ବିବାହିତା ହୋଇଥିବା ବେଳେ ତାଙ୍କର ମଧ୍ୟ ୨ ଜଣ ଛୋଟ ପିଲା ରହିଥିଲେ । ଏଥିସହିସ ସେ ପୁଣି ଥରେ ମଧ୍ୟ ବର୍ଭବତୀ ହୋଇଥିଲେ । ତଥାପି ସମରୀନ ଗଜେନ୍ଦ୍ରଙ୍କ ପ୍ରେମକୁ ଗ୍ରହଣ କରିନେଇଥିଲେ । ତେବେ ସମରୀନ ପୁନଶ୍ଚ ଗର୍ଭବତୀ ହୋଇଥିବା ଜାଣି ଗଜେନ୍ଦ୍ର ଗର୍ଭ ନଷ୍ଟ ପାଇଁ ନିଷ୍ପତ୍ତି ନେଇଥିଲେ । ‌ତେଣୁ, ‌ସେ ନିଜର ବିବାହିତା ଗର୍ଭବତୀ ପ୍ରେମିକାଙ୍କୁ ଧରି ମେଡିକାଲ ଯାଇଥିଲେ । ହେଲେ ଗର୍ଭନଷ୍ଟ ସମୟରେ ଡାକ୍ତରଙ୍କ ଅବହେଳା ଯୋଗୁଁ ମହିଳାଙ୍କ ମୃତ୍ୟୁ ହୋଇଯାଇଥିଲା । ଏହାପରେ ଗଜେନ୍ଦ୍ର ତାଙ୍କ ସାଙ୍ଗ ରବିକାନ୍ତଙ୍କ ସହ ପ୍ରେମିକାଙ୍କ ମୃତଦେହ ହସ୍ପିଟାଲରୁ ଆଣି ଇନ୍ଦ୍ରାୟନି ନଦୀରେ ଫିଙ୍ଗି ଦେଇଥି‌ଲେ । ସମରୀନଙ୍କ ମୃତଦେହ ନଦୀକୁ ଫିଙ୍ଗିବା ବେଳେ ଦେଖି ପାଖରେ ଥିବା ତାଙ୍କର ଦୁଇ ପିଲା କାନ୍ଦିବାକୁ ଆରମ୍ଭ କରିଥିଲେ । ଏହାପରେ ରାଗିଯାଇଥିଲା ପିଶାଚ ପ୍ରେମିକ ଗଜେନ୍ଦ୍ର । ପ୍ରେମିକାଙ୍କ ଦୁଇ ସନ୍ତାନଙ୍କୁ ମଧ୍ୟ ସେହି ନଦୀକୁ ଠେଲି ଦେଇଥିଲେ ।

କିଛିଦନ ଧରି ମହିଳାଙ୍କୁ ତାଙ୍କ ପରିବାର ଲୋକେ ଯୋଗାଯୋଗ କରିବାରୁ ଚେଷ୍ଟା କରୁଥିଲେ ସୁଦ୍ଧା ଯୋଗାଯୋଗ ହୋଇପାରିନଥିଲା । ବାଧ୍ୟ ହୋଇ ପରିବାର ଲୋକେ ତଲେଗାଁ ଦଭାଡେ ଥାନାରେ ସମରୀନ ଓ ୨ ପିଲାଙ୍କ ନିଖୋଜ ନେଇ ଏଫଆଇଆର କରିଥିଲେ । ଏହାପରେ ପୋଲିସ ତଦନ୍ତ ଆରମ୍ଭ କରିଥିବା ବେଳେ ଘଟଣାର ଚେର ଖୋଜି ପାଇବାରେ ସଫଳ ହୋଇଥିଲା । ଗଜେନ୍ଦ୍ରଙ୍କୁ କାବୁ କରି ସବୁ ସତ ତାଙ୍କ ପାଟିରୁ ବାହାର କରିଥିଲା । ଏହାପରେ ଘଟଣାର ସମସ୍ତ ବିବରଣୀ ଏକାଠି କରି ଅଭିଯୁକ୍ତ ଗଜେନ୍ଦ୍ର ଓ ତାଙ୍କ ବନ୍ଧୁ ରବିକାନ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ହୋଟେଲ ମାଲିକଙ୍କୁ ତଣ୍ଟିକାଟି ହତ୍ୟା

ନୂଆପଡ଼ା ସହରର ଜଣେ ହୋଟେଲ ମାଲିକଙ୍କୁ ତଣ୍ଟି କାଟି ହତ୍ୟା କରାଯାଇଛି। ମୃତକ ଜଣକ ହେଲେ ବରଗଡ଼ ଜିଲ୍ଲା ପାଇକମାଲ ଥାନା ମାଣ୍ଡୋସିଲ ଗାଁର ପିଙ୍କୁ ସାହୁ (୩୭)। ପିଙ୍କୁ ନୂଆପଡ଼ା ତହସିଲ ଅଫିସ ସମ୍ମୁଖରେ ଥିବା ଏକ ହୋଟେଲକୁ ଭଡ଼ାରେ ଚଳାଉଥିଲେ। ସେ ନିଜ ଘର ମାଣ୍ଡୋସିଲରୁ ଯିବାଆସିବା କରୁଥିଲେ। ଆଜି ରାତି ପ୍ରାୟ ୯ଟାରେ ମାଣ୍ଡୋସିଲ ଗାଁ ନିକଟ ଭୁତମୁଣ୍ଡା ରାସ୍ତାର ଏକ ଚାଷଜମିରେ କିଛି ଯୁବକ ପିଙ୍କୁଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରି ଚାଲି ଯାଇଥିଲେ। ସେ ଗୁରୁତର । ଅବସ୍ଥାରେ ସେଠାରେ ପଡ଼ି ରହିଥିଲେ | ରାତିରେ ପରିବାର ଲୋକେ ଖବରପାଇ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରି ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ । ନେଇଥିଲେ। ସେଠାରେ ଡାକ୍ତର ପିଙ୍କୁଙ୍କୁ ମୃତ ଘୋଷଣା କରିଥିଲେ। ତାଙ୍କ ମୁଁ ମୁଣ୍ଡ ଓ ତଣ୍ଟିରେ କ୍ଷତ ଚିହ୍ନ ରହିଛି। ଖବର ଲେଖାଯିବା ସମୟରେ ମୃତଦେହକୁ ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଛି। ଆସନ୍ତାକାଲି ବ୍ୟବଚ୍ଛେଦ ପରେ ଶବ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୁଲିସ ସୂଚନା ଦେଇଛି। ସୂଚନାଥାଉକି, ପୂର୍ବରୁ ପିଙ୍କୁ ଗଞ୍ଜେଇ ଚୋରାଚାଲାଣରେ ସମ୍ପୃକ୍ତ ଥିବା ଏବଂ ତାଙ୍କ ଗୋଷ୍ଠୀ ଦୁଇ ଭାଗ ହୋଇଥିବା ଜଣାଯାଇଛି। ଏହି ଗଞ୍ଜେଇ କାରବାରକୁ କେନ୍ଦ୍ର କରି ତାଙ୍କୁ ହତ୍ୟା କରାଯାଇଥିବା ପାଇକମାଲ ପୁଲିସ ସନ୍ଦେହ କରୁଛି।
ଝିଅର ଅସ୍ବାଭାବିକ ମୃତ୍ୟୁ ପରେ ପରିବାର ଲୋକ ଆଣିଲେ ହତ୍ୟା ଅଭିଯୋଗ

ନାଁଟି ଲକ୍ଷ୍ମୀପ୍ରିୟା, ଦେଖିବାକୁ ମଧ୍ୟ ସାକ୍ଷାତ ଲକ୍ଷ୍ମୀ ଠାକୁରାଣୀ ପରି। ତିନି ବର୍ଷ ତଳେ ଆଖିରେ ଆଖିଏ ସ୍ବପ୍ନ ନେଇ ବିବାହ କରିଥିଲେ ନୟାଗଡର ଲକ୍ଷ୍ମୀପ୍ରିୟା। ହେଲେ ବିବାହର ମାତ୍ର କେଇଟା ଦିନରେ ସ୍ବପ୍ନ ସବୁ ଆଖିର ଲୁହରେ ଧୂଆଳିଆ ହୋଇଗଲା। ଯେଉଁ ଲୋକଟିକୁ ଦେବତା ଭାବେ ଗ୍ରହଣ କରିଥିଲା ତା ମୁହଁରୁ ହଟିଗଲା ମୁଖୋଟା। ସାମ୍ନାକୁ ଆସିଲା ସ୍ବାମୀର ବିକଟାଳ ରୂପ ନିଶା ସେବନ ସହ ଅନ୍ୟ ଯୁବତୀଙ୍କ ସହ ରଖିଥିଲା ସମ୍ପର୍କ। ବିବାହର କିଛି ମାସ ପରେ ସ୍ତ୍ରୀ ଲକ୍ଷ୍ମୀପ୍ରିୟାକୁ ମାରଧର କରିବା ଆରମ୍ଭ କରିଦେଇଥିଲା। ଆଉ ଦିନ ଗଡିବା ସହ ଲକ୍ଷ୍ମୀପ୍ରିୟାଙ୍କ ଜୀବନ ହୋଇଗଲା ଦୁଃସହ। ଖାଲି ଅଗ୍ନିକୁ ସାକ୍ଷୀ ରଖି ବିବାହ କରିଥିବାରୁ ମୁଣ୍ଡପାତି ୩ ବର୍ଷ ହେଲା ସବୁ ସହୁଥିଲା। ହେଲେ ଆଉ ପାରିଲାନି। ଶେଷରେ ବୁଧବାର ଦିନ ମଞ୍ଚେଶ୍ବର ଥାନା ଅଧୀନ ତାଙ୍କ ଭଡା ଘରୁ ମିଳିଥିଲା ଲକ୍ଷ୍ମୀପ୍ରିୟାଙ୍କ ମୃତଦେହ। ଝିଅର ଏପରି ସନ୍ଦେହଜନକ ମୃତ୍ୟୁ ପରେ ବାପା ଭାଇ ଆଣିଛନ୍ତି ହତ୍ୟା ଅଭିଯୋଗ। ଏକ ଗଣମାଧ୍ୟମରେ କାମ କରୁଥିବା ତାଙ୍କ ଜ୍ବାଇଁ ସରୋଜ ବିଶ୍ବାଳ ଝିଅକୁ ମାରଧର କରିଆସୁଥିଲା। ତାର ବହୁ କୁଅଭ୍ୟାସ ଥିଲା ଓ ଶେଷରେ ଝିଅକୁ ମାରିଦେଇଥିବା ଥାନାରେ କରିଛନ୍ତି ଅଭିଯୋଗ। ତୁରନ୍ତ ହତ୍ୟାକାରୀ ଜ୍ବାଇଁକୁ ଗିରଫ କରିବାକୁ କରୁଛନ୍ତି ଦାବି

ଅନ୍ୟପଟେ ପୋଲିସ ମୃତଦେହର ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଦେଇଛି। ଏହି ଘଟଣାରେ ତଦନ୍ତ ଚଳାଇଛି। ସରୋଜକୁ ମଧ୍ୟ ଥାନାରେ ଅଟକ ରଖି ପଚରା ଉଚରା କରୁଛି।
କିଏ ବାବା ତାରସେମ୍ ସିଂହ? ଗୁଳି କରି ହତ୍ୟା, ଅନୁସନ୍ଧାନ ପାଇଁ ଗଠନ ହେଲା SIT

ଆଜି ସକାଳ ପ୍ରାୟ ୬ଟା ସମୟରେ ଉତ୍ତରାଖଣ୍ଡର ଉଦ୍ଧମ ସିଂ ନାଗରରେ ବାବା ତାରସେମ ସିଂଙ୍କୁ କେହି ଦୃବୁତ ହତ୍ୟା କରିଦେଇଛିନ୍ତି । ଘଟଣାର ଖବର ପାଇବା ମାତ୍ରେ ଆଲୋଡ଼ନ ସୃଷ୍ଟି ହୋଇଥିଲା। ବାବା ତାରସେମ ସିଂ ନାନକମତ୍ତା ସାହି ଗୁରୁଦ୍ୱାରରେ କାର ସେବାର ମୁଖ୍ୟ ଥିଲେ। ବାବା ସକାଳେ ଚେୟାରରେ ବସିଥିଲେ। ଠିକ ସେତିକିବେଳେ ବାଇକ୍ ରେ ଆସିଥିବା ଦୁଇଜଣ ଅଜ୍ଞାତ ବ୍ୟକ୍ତି ତାଙ୍କୁ ଗୁଳି କରି ପଳାଇ ଯାଇଥିଲେ। ଏହା ପରେ ତାଙ୍କୁ ଖାତିମା ଡାକ୍ତରଖାନାକୁ ନିଆଯାଇଥିଲା ସେଠାରେ ତାଙ୍କର ମୃତ୍ୟୁ ଘଟିଥିଲା। ଘଟଣାର ସମ୍ବେଦନଶୀଳତାକୁ ବିଚାର କରି ତୁରନ୍ତ ଅନୁସନ୍ଧାନ ପାଇଁ SIT ଗଠନ କରାଯାଇଥିଲା। ବାବାଙ୍କ ଉପରେ ହୋଇଥିବା ଆକ୍ରମଣ ଖବର ଶୁଣି ତୁରନ୍ତ ଗୁରୁଦ୍ୱାର ଆଡକୁ ସମସ୍ତେ ଦୌଡ଼ି ଆସିଥିଲେ ।

ଏହି ଘଟଣାର ଭିଡିଓ ସାମ୍ନାକୁ ଆସିଛି। ସିସିଟିଭି ଫୁଟେଜ ଅନୁସନ୍ଧାନ ପରେ ହତ୍ୟା ଅଭିଯୁକ୍ତକୁ ଯଥାଶୀଘ୍ର ଗିରଫ କରିବା ନେଇ ପୋଲିସ ତନାଘନା ଜାରି ରଖିଛି । ଭିଡିଓରେ ଦେଖିବାକୁ ମିଳେ ଯେ ବାବା ଏକ ଚେୟାରରେ ବସିଛନ୍ତି। ହଠାତ୍ ଦୁଇଜଣ ଲୋକ ବାଇକ୍ ରେ ଆସନ୍ତି | ବାଇକ୍ ଚଳାଉଥିବା ଯୁବକମାନେ ତାଙ୍କ ମୁହଁକୁ ଢାଙ୍କି ରଖିଥିଲେ । ସେମାନଙ୍କ ମଧ୍ୟରୁ ଜଣେ ବନ୍ଧୁକ ବାହାର କରି ଗୁଳି ଚଳାଇବା ଆରମ୍ଭ କରି ଦିଏ । ସେ ଉଠି ଦୌଡିବାକୁ ଚେଷ୍ଟା କରନ୍ତି | କିନ୍ତୁ ବାଇକ୍ ଚଲାଉଥିବା ବ୍ୟକ୍ତି ବାଇକ୍ କୁ ତାଙ୍କ ଚାରିପାଖରେ ବୁଲାଏ ଏବଂ ଅନ୍ୟ ଜଣକ ପୁଣି ଗୁଳି ଚଳାଇବା ଆରମ୍ଭ କରିଦିଏ ଏବଂ ସେ ସେଇଟି ତଳେ ପଡ଼ିଯାନ୍ତି |

ବାବା ତାରସେମ୍ ସିଂ ଦୀର୍ଘ ଦିନ ଧରି ଶ୍ରୀ ନାନକମତ୍ତା ଗୁରୁଦ୍ୱାରର କାର୍ ସେବା ମୁଖ୍ୟ ଥିଲେ। ସାମାଜିକ ସେବା ଏବଂ ଜନ କଲ୍ୟାଣ କାର୍ଯ୍ୟରେ ସେ ସର୍ବଦା ଆଗରେ ଥିଲେ | ସେ ସମସ୍ତଙ୍କୁ ସାହାଯ୍ୟ କରୁଥିଲେ | ସେ ତାଙ୍କର ପୁରା ଜୀବନକୁ ଏହି ଗୁରୁଦ୍ୱାରର ପୁନଃ ନିର୍ମାଣ ପାଇଁ ଉତ୍ସର୍ଗ କରିଥିଲେ | ବାବାଜୀ ଗୁରୁଦ୍ୱାର ନାନକମତ୍ତା ସାହେବରେ କାର ସେବାର ସମସ୍ତ ଦାୟିତ୍ୱ ଗ୍ରହଣ କରୁଥିଲେ। ବିଦ୍ୟାଳୟ ଏବଂ ଗୁରୁଦ୍ୱାରରେ ସେବା କରିବା ବ୍ୟତୀତ, ଯେଉଁ ଶିବିରରେ ସେ ମୁଖ୍ୟ ଥିଲେ, କୌଣସି ପ୍ରକାର ବିପର୍ଯ୍ୟୟ ସମୟରେ ଲଙ୍ଗର ଏବଂ ରିଲିଫ୍ ସାମଗ୍ରୀ ମଧ୍ୟ ପ୍ରଦାନ କରୁଥିଲେ | ତାଙ୍କର ସେବା କାର୍ଯ୍ୟ ଦିଲ୍ଲୀ ପର୍ଯ୍ୟନ୍ତ ଆଲୋଚନା କରାଯାଉଥିଲା।

ଗଣମାଧ୍ୟମ ରିପୋର୍ଟ ଅନୁଯାୟୀ, ଗୁରୁଦ୍ୱାର ବଙ୍ଗଳା ସାହେବ ଦିଲ୍ଲୀର ଡେରା କାର ସେବା ବାବା ବଚ୍ଚନ ସିଂଙ୍କ ମୁଖ୍ୟ ମଧ୍ୟ ନାନକମତ୍ତାରେ ପହଞ୍ଚିଛନ୍ତି। ଏବେ ବାବା ତାରସେମ ସିଂଙ୍କ ମୃତଶରୀର ପୋଷ୍ଟ ମର୍ଟମ କରାଯିବ। ନାନକମତ୍ତା ଗୁରୁଦ୍ୱାର କର ସେବା ମୁଖ୍ୟ ବାବା ତାରସେମ ସିଂଙ୍କ ହତ୍ୟା ଘଟଣାରେ ଉତ୍ତରପ୍ରଦେଶ ପୋଲିସର ଡିଜିପି ଅଭିନାଭ କୁମାର କହିଛନ୍ତି ଯେ ଆଜି ସକାଳେ ଏହି ସୂଚନା ଆସିଛି। ଏହି ହତ୍ୟାକାଣ୍ଡ ଚିନ୍ତାର ବିଷୟ, ବରିଷ୍ଠ ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଘଟଣା ସ୍ଥଳର ଯାଞ୍ଚ କରାଯାଉଛି ଏବଂ ସ୍ଥାନୀୟ ଜନସାଧାରଣଙ୍କ ସହ ପଚରାଉଚରା ଜାରି ରହିଛି । ଅନୁସନ୍ଧାନ ପାଇଁ SIT ଗଠନ କରାଯାଇଛି | ପ୍ରାଥମିକତା ଉପରେ ଏହି ଘଟଣାର ଅନୁସନ୍ଧାନ କରାଯାଉଛି। କେନ୍ଦ୍ରୀୟ ଏଜେନ୍ସି ସହିତ ମଧ୍ୟ ଯୋଗାଯୋଗ କରାଯାଇଛି। ଅଭିଯୁକ୍ତଙ୍କୁ ଶୀଘ୍ର ଧରାଯିବ ବୋଲି ଡିଜିପି ଅଭିନାଭ କୁମାର କହିଛନ୍ତି ।
କଲ୍ଲୋହୁଣ୍ଡୁଳା ନାବାଳକ ହତ୍ୟାକାଣ୍ଡର ପର୍ଦ୍ଦାଫାଶ

ଗତ ଜାନୁଆରୀ ୧୫ ତାରିଖରେ କୋହ୍ଲ ହୁଣ୍ଡୁଳାରେ ହୋଇଥିବା ନାବାଳକ ହତ୍ୟାକାଣ୍ଡର ପର୍ଦ୍ଦାଫାଶ କରିଛି ଯୋଡ଼ା ପୋଲିସ । ଘଟଣାରେ ସଂପୃକ୍ତ କୋହ୍ଲ ହୁଣ୍ଡୁଳା ଗାଁର ଦୁଇ ଭାଇଙ୍କୁ ଗିରଫ କରିଛି ପୋଲିସ୍ । ଏମାନେ ହେଲେ ମୃତ ନାବାଳକଙ୍କ ଭିଣୋଇ ରାମଜାନ ମୁଣ୍ଡା ଓ ତାଙ୍କ ଭାଇ ଜଙ୍କ ମୁଣ୍ଡା ।

ସୂଚନା ଅନୁଯାୟୀ, ରାମଜାନ ୪ ବର୍ଷ ତଳେ ଜାମୁକୁଣ୍ଡିଆର ଏହି ମୃତ ନାବାଳକଙ୍କ ବଡ଼ ଭଊଣୀ ସୁକ୍ରୁମଣିକୁ ବିବାହ କରିଥିଲେ ମଧ୍ୟ ପରେ ପତ୍ନୀଙ୍କ ଛାଡ଼ି ଦେଇଥିଲେ, ଯାହାକୁ ନେଇ ଉଭୟ ପରିବାର ମଧ୍ୟରେ ଅସନ୍ତୋଷ ଲାଗିରହିଥିଲା ।

ଗତ ୧୫ ତାରିଖ ସନ୍ଧ୍ୟାରେ ନାବାଳକ ନିକଟସ୍ଥ କୋହ୍ଲ ହୁଣ୍ଡୁଳା ଗାଁରେ ହେଉଥିବା ମକର ମେଳା ଦେଖିବାକୁ ଯାଇଥିଲେ। ସେଠାରେ ଭିଣୋଇ ରାମଜାନ ମୁଣ୍ଡାଙ୍କ ସହ ତାଙ୍କର ସାକ୍ଷାତ ହୋଇଥିଲା । ଉଭୟ ମିଶି ହାଣ୍ଡିଆ ମଧ୍ୟ ପିଇଥିଲେ । ହେଲେ ପରେ ରାମଜାନ ସୁକ୍ରୁମଣିଙ୍କୁ ଛାଡ଼ିଦେବାକୁ ନେଇ ଉଭୟଙ୍କ ମଧ୍ୟରେ ପାଟି ତୁଣ୍ଡ ହୋଇଥିଲା ।

ଏଥିରେ ଉତ୍କ୍ଷିପ୍ତ ହୋଇ ରାମଜାନ ସେଠାକୁ ସାନଭାଇ ଜଙ୍କ ମୁଣ୍ଡାକୁ ଡାକିଥିଲେ ଓ ଉଭୟ ଭାଇ ମିଶି ନାବାଳକଙ୍କୁ ଜୀବନରୁ ମାରି ପୋଲ ତଳେ ପକାଇଦେଇଥିବା ପୋଲିସ ତଦନ୍ତରୁ ଜାଣିବାକୁପାଇଛି । ଏହାପରେ ଅଭିଯୁକ୍ତ ଦୁଇ ଜଣଙ୍କୁ ଗିରଫ କୋର୍ଟ ଚାଲାଣ କରିଛି । ।
ବରଗଡ ଜିଲ୍ଲା ଅମ୍ବାଭୋନା ଥାନା ଅନ୍ତର୍ଗତ ସାନଦର୍ଲୀପାଲି ରାଜେଶ ବେହେରା ହତ୍ୟାକାଣ୍ଡର ପର୍ଦ୍ଦାଫାଶ, ଅଭିଯୁକ୍ତ ଗିରଫ

ବରଗଡ ଜିଲ୍ଲା ଅମ୍ବାଭୋନା ଥାନା ଅନ୍ତର୍ଗତ ସାନ ଦର୍ଲୀପାଲି ଗ୍ରାମର ରାଜେଶ ବେହେରା ହତ୍ୟାକାଣ୍ଡର ପର୍ଦ୍ଦାଫାଶ କଲା ଅମ୍ବାଭୋନା ପୋଲିସ ।କମେଣ୍ଟମରାରୁ ଏଭଳି ଏକ ବିଭତ୍ସ ହତ୍ଯା କରିଥିବା ମାନିଲା ନିଜେ ଅଭିଯୁକ୍ତ ।ଘଟଣାର ମୁଖ୍ୟ ଅଭିଯୁକ୍ତ ଅରୁଣ ଦାସ (୨୨ବର୍ଷ)କୁ ଅମ୍ବାଭୋନା ପୋଲିସ ଗିରଫ କରି ଘଟଣାର ସିନ ରିକ୍ରେସନ କରିଛି । ବରଗଡ଼ ଏସ.ଡି.ପି.ଓ ଏବଂ ଥାନାଧିକାରୀ ଙ୍କ ଉପସ୍ଥିତିରେ ସିନ ରିକ୍ରେସନ ବେଳେ ସବୁ ସତ ମାନିଥିଲା ଅଭିଯୁକ୍ତ।ମୃତକ ରାଜେଶ ବେହେରା ଙ୍କ ସହିତ ହତ୍ୟାକାରୀଙ୍କ ପୂର୍ବ ଶତ୍ରୁତା ରହିଥିଲା । ମୃତକ ରାଜେଶ ବାରମ୍ବାର ଅଭିଯୁକ୍ତ ଅରୁଣ ଏବଂ ତାଙ୍କ ପରିବାର ଲୋକଙ୍କୁ ଅନେକ ସମୟରେ କମେଣ୍ଟ ମାରୁଥିଲା । ଯାହାକୁ ନେଇ ଅତିଷ୍ଠ ହୋଇପଡିଥିଲେ ଅରୁଣ ଆଉ ଏ ହତ୍ୟାକାଣ୍ଡ ସେ ନିଜେ ଭିଆଇ ଥିବା ସ୍ବିକାର କରିଥିଲେ ।

ସୁଚନା ଅନୁଯାୟୀ ଗତ ଅକ୍ଟୋବର ୧୯ତାରିଖ ଦିନ ରାଜେଶ ବିଲରେ ପାଣି ମଡାଉଥିବା ବେଳେ ଏକ ୫ ଫୁଟିଆ ଲୁହା ପାଇପରେ ପଛଆଡୁ ମରଣାନ୍ତକ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ ଅରୁଣ ।ପରେ ରାଜେଶ ଙ୍କ ଅଜା ବିହାରୀ ବେହେରା ଘଟଣାସ୍ଥଳରୁ ଗୁରୁତର ଅବସ୍ଥାରେଉଦ୍ଧାର କରି ବୁର୍ଲାସ୍ଥିତ ଡାକ୍ତର ଖାନାକୁ ନେଇଥିଲେ।କିନ୍ତୁ ସେଠାରେ ରାଜେଶଙ୍କର ଚିକିତ୍ସିତ ଅବସ୍ଥାରେ ମୃତ୍ୟୁ ହୋଇଥିଲେ। ମୃତକ ରାଜେଶ ବେହେରା ଙ୍କ ମାଆ ଦୀପା ବେହେରା ଙ୍କ ଲିଖିତ ଅଭିଯୋଗ ଆଧାରରେ ଅମ୍ବାଭୋନା ପୋଲିସ ମାମଲା ରୁଜୁ କରିବା ସହ ଅଭିଯୁକ୍ତ ଅରୁଣ ଦାସ ଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଛନ୍ତି। ସେଠାରେ ତାଙ୍କ ଜାମିନ ନାମଞ୍ଜୁର ହେବାରୁ ତାଙ୍କୁ ବରଗଡ଼ ଉପକାରାଗାରକୁ ପଠାଇ ଦିଆଯାଇଛି।
ରକ୍ତ ଜୁଡୁବୁଡୁ ଅବସ୍ଥାରେ ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଏକ ବୁଦା ନିକଟରୁ ରକ୍ତ ଜୁଡୁବୁଡୁ ଅବସ୍ଥାରେ୍ ଜଣେ ବ୍ୟକ୍ତିଙ୍କ ମୃତ ଦେହ ଉଦ୍ଧାର । ହତ୍ୟା ସନ୍ଦେହ । ଘଟଣା ଘଟିଛି ମୟୂରଭଞ୍ଜ ଜିଲ୍ଲାର ବାଦାମ ପାହାଡ଼ ଥାନା ଅନ୍ତର୍ଗତ ଝଲଡୁଙ୍ଗୁରେ। ଏକ ପୋଲ ନିକଟ ବୁଦା ମୂଳରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି ବାଦାମ ପାହାଡ଼ ପୋଲିସ । ସମ୍ପୃକ୍ତ ବ୍ୟକ୍ତିଙ୍କୁ କେହି ଦୁବୃର୍ତ୍ତ ଧାରୁଆ ଅସ୍ତ୍ର ସାହାଯ୍ୟରେ ତଣ୍ଟି କାଟି ହତ୍ୟା କରି ଫିଙ୍ଗି ଦେଇଥିବା ପୋଲିସ ସନ୍ଦେହ କରୁଛି।ମୃତ ବ୍ୟକ୍ତି ଜଣକ ହେଲେ ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧୀନରେ ଥିବା ବଲତପୁର ଗ୍ରାମ ର ଉଦୟନାଥ କିସ୍କୁ । ତେବେ କିସ୍କୁଙ୍କୁ କିଏ ଏବଂ କାହିଁକି ଏଭଳି ହତ୍ୟା କରିଛି ସେନେଇ ରାଇରଙ୍ଗପୁର ଏସଡିପିଓ , ବାଦାମ ପାହାଡ଼ର ଥାନା ଅଧିକାରୀ ଏବଂ ସାଇଣ୍ଟିଫିକ୍ ଟିମ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣା ପଡିଛି । ବାଦାମ ପାହାଡ଼ ପୋଲିସ ମୃତଦେହ ଜବତ କରି ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ରାଇରଙ୍ଗପୁର ମେଡିକାଲ ପଠାଯାଇଛି।