Tag: #Murder

ଅଧୁରା ରହିଗଲା ମା’ର ସ୍ଵପ୍ନ

ଆଖି ବୁଜିଲେ ପୀଡ଼ିତା। ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଆଉ ଜଣେ ନାବାଳିକା। ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁରର ଲାଞ୍ଜିବେର୍ଣ୍ଣା ଅଞ୍ଚଳରେ ଆତ୍ମାହୁତି ଉଦ୍ୟମ କରିଥିଲେ ଯୁକ୍ତଦୁଇ ଛାତ୍ରୀ। ୯୦ ପ୍ରତିଶତ ଜଳି ଯାଇଥିଲା ଶରୀର ତାପରେ ତାଙ୍କୁ ଗୁରତର ଅବସ୍ଥାରେ ଉଦ୍ଧାର କରି ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା ।

ପ୍ରଥମେ ପ୍ରାଥମିକ ଚିକିତ୍ସା ଦିଆଯାଇଥିଲା । ପରବର୍ତ୍ତୀ ସମୟରେ ତାଙ୍କୁ ରାଉଲକେଲ ସ୍ଥିତ ଇସ୍ପାତ ଜେନେରାଲ ହସପିଟାଲର(IGH) ବର୍ଣ୍ଣ ସେଣ୍ଟର କୁ ଚିକିତ୍ସା ପାଇଁ ପଠା ଯାଇଥିଲା।ଗତକାଲି ସ୍ଵାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ହସପିଟାଲକୁ ଯାଇ ପୀଡ଼ିତାଙ୍କୁ ଭେଟିଥିଲେ । ପୀଡ଼ିତାଙ୍କୁ ଦିଲ୍ଲୀ ଏମ୍ସ ନିଆଯାଉ ବୋଲି ପରିବାର ଲୋକ ଦାବି କରିଥିଲେ ଯାହାକୁ ନେଇ ସ୍ଵାସ୍ଥ୍ୟମନ୍ତ୍ରୀ ପ୍ରତିଶୃତି ଦେଇଥିଲେ । କିନ୍ତୁ ଏୟାରଲିଫ୍ଟ ପୂର୍ବରୁ ପୀଡ଼ିତା ଆଖି ବୁଜିଦେଲା

ସୂତ୍ରରୁ ଜଣ ପଡିଛି ଯେ ତାଙ୍କୁ ଜଣେ ଯୁବକ ବ୍ଲାକ ମେଲ କରିଥିଲେ ସେଥିପାଇଁ ପୀଡ଼ିତା ଜଣକ ଗତ ଶନିବାର ରେ କିରୋସିନ ଢଳି ହରେ ନିଆଁ ଲାଗାଇଥିଲେ । ଯୁବକ ଜଣକ ଙ୍କୁ ଗିରଫ କରାଯାଇଥିଲା କିନ୍ତୁ କିଛିବି ଏପର୍ଯ୍ୟନ୍ତ କୌଣସି ତଥ୍ୟ ସମନ୍ନାକୁ ଆସି ନାହିଁ । ସେପଟେ IGH ରେ ପୀଡ଼ିତାଙ୍କ ମୃତଦେହକୁ ଉଠାଇବା ପାଇଁ ୫୦ଲକ୍ଷ୍ୟ ଟଙ୍କାର ଦବି କରିଥିଲେ ପରିବାର ଲୋକ ।
ବାପାର ଅପମାନ ବଦଳରେ ଗଡିଲା ମୁଣ୍ତ

ବାପାର ପ୍ରତିଶୋଧ ନେବା ପାଇଁ ପୁଅ ପାଲଟିଲା ରାକ୍ଷସ … ମାତ୍ର ଚଉଦ ବରଷ ବୟସରେ ହାତରେ ଧରିଲା … ମାରଣା ଅସ୍ତ୍ର …ପ୍ରତିଶୋଧ ନିଆଁରେ ଜାଳିଲା ପାଞ୍ଚ ବରଷର ବାଳକକୁ …ନା ଆଗ ଦେଖିଲା ନା ପଛ ବେକରେ ଲଗାଇଲା ମାରଣା ଅସ୍ତ୍ର ….ଦର୍ଶକବନ୍ଧୁ ଏହି ଭଳି ଆଭାବନିୟ ଘଟଣା ଦେଖିବାକୁ ମିଳିଛି ..ଓଡ଼ିଶାର ନବରଙ୍ଗପୁର ଜିଲ୍ଲାରୁ ଏକ ଅତ୍ୟନ୍ତ ଦୁଃଖଦ ଖବର ଆସିଛି। ପାପଡାହାଣ୍ଡି ଥାନା ଅଞ୍ଚଳର କୃଷ୍ଣଗୁଡ଼ା ଗାଁରେ, ଜଣେ ୧୪ ବର୍ଷୀୟ ବାଳକ ଜଣେ ୫ ବର୍ଷୀୟ ବାଳକକୁ ନିର୍ମମ ଭାବରେ ହତ୍ୟା କରିଛି। କୁହାଯାଉଛି ଯେ ତାଙ୍କ ବାପାଙ୍କ ଅପମାନର ପ୍ରତିଶୋଧ ନେବା ପାଇଁ ଏହି ହତ୍ୟାକାଣ୍ଡ କରାଯାଇଥିଲା। ସମଗ୍ର ଗାଁ ଆଶ୍ଚର୍ଯ୍ୟରେ ଅଛି।

ଶୁକ୍ରବାର ସକାଳେ, ୫ ବର୍ଷୀୟ ବାଳକ ମଜେଶ ମହୁରିଆ ଖେଳିବାକୁ ବାହାରକୁ ଯାଇଥିଲା। ଯେତେବେଳେ ସେ ବହୁତ ସମୟ ପର୍ଯ୍ୟନ୍ତ ଫେରି ନଥିଲା, ତାଙ୍କ ପରିବାର ତାଙ୍କୁ ଖୋଜାଖୋଜି ଆରମ୍ଭ କରିଥିଲେ। ଗାଁ ଲୋକମାନେ ମଧ୍ୟ ଖୋଜାଖୋଜିରେ ସାମିଲ ହୋଇଥିଲେ। ଏହି ସମୟରେ, ଗାଁ ଲୋକ ଦେଖିଲେ ଯେ ପାଖରେ ଥିବା ଏକ ପରିତ୍ୟକ୍ତ ପୁରୁଣା ଘରର ଦ୍ୱାର ବନ୍ଦ ଥିଲା ଏବଂ ଘରୁ ଦୁର୍ଗନ୍ଧ ବାହାରୁଥିଲା।ପରିବାର ଏବଂ ଗାଁ ଲୋକ ଘର ପାଖକୁ ପହଞ୍ଚିବା ପରେ, ଦ୍ୱାର ଭିତରୁ ବନ୍ଦ ଥିଲା। ଯେତେବେଳେ ଲୋକମାନେ ସନ୍ଦେହ କଲେ, ସେମାନେ ଦ୍ୱାର ଭାଙ୍ଗି ଭିତରର ଦୃଶ୍ୟ ଦେଖି ଆଶ୍ଚର୍ଯ୍ୟ ହୋଇଗଲେ। ସାନ ପୁଅ ମଜେଶର ମୃତଦେହ ବନ୍ଦ ଘର ଭିତରେ ପଡ଼ିଥିଲା ଏବଂ ଅଭିଯୁକ୍ତ ପୁଅଟି ମଧ୍ୟ ଭିତରେ ଉପସ୍ଥିତ ଥିଲା। ପ୍ରଥମେ ସେ କୌଣସି ସୂଚନା ନ ଥିବା କଥା ମନା କରିଥିଲା, କିନ୍ତୁ ଗାଁ ଲୋକଙ୍କ ଦ୍ୱାରା ପଚରାଯିବାରୁ ସେ ଖସିଯିବାକୁ ଚେଷ୍ଟା କରିଥିଲା। କ୍ରୋଧିତ ହୋଇ ଗାଁ ଲୋକମାନେ ତାକୁ ଧରି ପିଟିଥିଲେ।

ସୂଚନା ପାଇବା ପରେ ପାପଡାହାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚିଥିଲା। ସେମାନେ ଅଭିଯୁକ୍ତକୁ ଭିଡ଼ରୁ ଉଦ୍ଧାର କରି ସୁରକ୍ଷା ପାଇଁ ହେପାଜତକୁ ନେଇଥିଲେ। ଏହାପରେ ପୋଲିସ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିଲା ଏବଂ ଏକ ବୈଜ୍ଞାନିକ ତଦନ୍ତ ଦଳକୁ ଘଟଣାସ୍ଥଳକୁ ଡକାଇଥିଲା।ପୋଲିସର ପ୍ରାରମ୍ଭିକ ତଦନ୍ତରୁ ଜଣାପଡ଼ିଥିଲା ଯେ ହତ୍ୟା ଏକ ପ୍ରତିଶୋଧମୂଳକ ଅପରାଧ। କିଛି ଦିନ ପୂର୍ବରୁ ଗାଁରେ ବିବାଦ ହୋଇଥିଲା। ମଜେଶର ବାପା ଶିବ ମହୁରିଆଙ୍କ ₹୪,୦୦୦ ନିଖୋଜ ହୋଇଯାଇଥିଲା। ଚୋରି ସନ୍ଦେହ କରି, ଗାଁ ଲୋକମାନେ ଅଭିଯୁକ୍ତ ପୁଅକୁ ଡାକି ପଚରାଉଚରା କରିଥିଲେ। ପିଲାଟିକୁ ଏକ ଗ୍ରାମ ସଭାରେ ସର୍ବସାଧାରଣରେ ଭର୍ତ୍ସନା କରାଯାଇଥିଲା, ଯାହା ଫଳରେ ତାଙ୍କ ପରିବାର ଗଭୀର ଅପମାନିତ ଅନୁଭବ କରିଥିଲେ।

ଏହି ଘଟଣା ଦ୍ୱାରା କ୍ରୋଧିତ ହୋଇ ଅଭିଯୁକ୍ତ ପୁଅ ପ୍ରତିଶୋଧ ନେବାକୁ ନିଷ୍ପତ୍ତି ନେଇଥିଲା ଏବଂ ସୁଯୋଗ ଖୋଜୁଥିଲା ବୋଲି ଜଣାପଡିଛି। ଶୁକ୍ରବାର ଦିନ, ଯେତେବେଳେ ସେ ନିର୍ଦ୍ଦୋଷ ମାଜେଶକୁ ଏକୁଟିଆ ପାଇଲେ, ସେ ତାକୁ ହତ୍ୟା କଲେ।ଘଟଣା ପରେ, ଏକ ବୈଜ୍ଞାନିକ ତଦନ୍ତ ଦଳକୁ ଡକାଯାଇଥିଲା। ଦଳ ଘଟଣାସ୍ଥଳକୁ ଯାଇ ପ୍ରମାଣ ସଂଗ୍ରହ କରିଥିଲା।ପୋଲିସ କହିଛି ଯେ ଏହି ମାମଲା ଅତ୍ୟନ୍ତ ସମ୍ବେଦନଶୀଳ କାରଣ ଅଭିଯୁକ୍ତ ଏବଂ ପୀଡିତା ଉଭୟ ନାବାଳକ।ପାପଡାହାଣ୍ଡି ଥାନା ଅଧିକାରୀ ଦୀପକ ଜେନା କହିଛନ୍ତି, “ଉଭୟ ପିଲା ନାବାଳକ। କିଶୋର ନ୍ୟାୟ ଆଇନ ଅନୁଯାୟୀ ମାମଲାର ତଦନ୍ତ କରାଯାଉଛି। ବୈଜ୍ଞାନିକ ଦଳ ତଦନ୍ତ ଆରମ୍ଭ କରିଛି ଏବଂ ସମସ୍ତ ଆଇନଗତ ପ୍ରକ୍ରିୟା ଅନୁସରଣ କରାଯାଉଛି।”

ଏହି ବିଭତ୍ସ ହତ୍ୟା ପରେ, ସମଗ୍ର କୃଷ୍ଣଗୁଡ଼ା ଗାଁ ନୀରବ ହୋଇଯାଇଛି। ଗାଁ ଲୋକେ କେବେ କଳ୍ପନା କରିନଥିଲେ ଯେ ଦୁଇଟି ପରିବାର ମଧ୍ୟରେ ଏକ ଛୋଟ ଆର୍ଥିକ ବିବାଦ ଏତେ ଭୟଙ୍କର ପରିଣାମ ଆଣିବ।ଜଣେ 14 ବର୍ଷୀୟ ନାବାଳକ କିପରି ଏତେ କଠୋର ପଦକ୍ଷେପ ନେଇପାରେ ତାହା ଭାବି ସମସ୍ତେ ଭୟଭୀତ।ଏହି ଘଟଣା ସମାଜ ପାଇଁ ପ୍ରଶ୍ନ ଉଠାଏ: ପିଲାମାନଙ୍କ ମଧ୍ୟରେ ବୃଦ୍ଧି ପାଉଥିବା ହିଂସା ଏବଂ ପ୍ରତିଶୋଧ ନେବା ପଛରେ କ’ଣ କାରଣ ଅଛି? ପୁଅଟି ଏକା ଏହି ପଦକ୍ଷେପ ନେଇଛି ନା କେହି ପ୍ରରୋଚିତ ହୋଇଛି ତାହା ନିର୍ଣ୍ଣୟ କରିବା ପାଇଁ ପୋଲିସ ଏବଂ ପ୍ରଶାସନ ଏବେ ପୁଙ୍ଖାନୁପୁଙ୍ଖ ତଦନ୍ତ କରୁଛନ୍ତି।ଏହି ଭୟଙ୍କର ଘଟଣା କେବଳ ନବରଙ୍ଗପୁର ଜିଲ୍ଲାକୁ ନୁହେଁ ବରଂ ସମଗ୍ର ଓଡ଼ିଶା ରାଜ୍ୟକୁ ଥରାଇ ଦେଇଛି। ଗୋଟିଏ ପଟେ ଜଣେ ୫ ବର୍ଷର ବାଳକ ନିଜ ଜୀବନ ହରାଇଲା, ଅନ୍ୟପଟେ ଜଣେ ୧୪ ବର୍ଷର ବାଳକ ତା’ର ଶୈଶବ ଏବଂ ଭବିଷ୍ୟତ ଉଭୟ ହରାଇଲା।
ସତ୍ୟବାନ ସାଜିଲା ସୈତାନ!

ବୀଭତ୍ସ,ଅମାନୁଷିକତାର ,ଏବଂ ମଣିଷତ୍ବର ସବୁ ସୀମା ଟିପିଲା ଜଲ୍ଲାଦ ସ୍ବାମୀ … ରାଗରେ ଗର୍ଭବତୀସ୍ତ୍ରୀକୁ କଲା ଖଣ୍ତ ଖଣ୍ତ …ଜୀବନରୁ ମାରିବା ପରେ ରଚିଥିଲା ସାଇତାନି ଷଡଯନ୍ତ୍ର…ସ୍ତ୍ରୀକୁ ମାରିବା ପରେ ଫୋନ କରି କରିଥିଲା ମିଛ ନାଟକ … ଫୋନ୍ କରି ଭଉଣୀକୁ କହିଲେ, ସ୍ତ୍ରୀ କୁଆଡ଼େ ନିଖୋଜ ହୋଇ ଯାଇଛି । ଆଉ ଭାଇ ଉପରେ ହେଲା ଭଉଣୀର ସନ୍ଦେହ । ସମ୍ପର୍କୀୟଙ୍କୁ ଜଣାଇ ଭାଇକୁ ଥାନାକୁ ନେଇଗଲେ । ଆଉ ଥାନାରେ ସେ ଯାହା କହିଲା, ପୋଲିସ ଗୋଡ଼ ତଳୁ ବି ମାଟି ଖସିଗଲା । ନିଖୋଜ ନାଟକ ରଚିଥିବା ସ୍ଵାମୀ ହିଁ ଗର୍ଭବତୀ ସ୍ତ୍ରୀକୁ ହତ୍ୟା ପରେ କରି ଦେଇଥିଲା ଖଣ୍ଡ ଖଣ୍ଡ ।

ଏତିକିରେ ବୁଝି ନଥିଲା ମନ । ସ୍ତ୍ରୀର ମୁଣ୍ଡ, ହାଥ ଓ ଗୋଡ଼କୁ ନଦୀରେ ଫିଙ୍ଗି ଦେଇଥିବା ବେଳେ ଘରେ ସାଇତି ରଖିଥିଲା ଅବଶିଷ୍ଟ ଶରୀର ।ଏଭଳି ବୀଭତ୍ସ, ଲୋମଟାଙ୍କୁରା, ଛାତିଥରା ହତ୍ୟାକାଣ୍ଡ ଘଟିଛି ତେଲଙ୍ଗାନାରେ । ଯାହା ସମଗ୍ର ଅଞ୍ଚଳକୁ ସ୍ତବ୍ଧ କରି ଦେଇଛି । ହାଇଦ୍ରାବାଦ ମେଡିପଲ୍ଲୀର ବାଲାଜୀ ହିଲ୍ସରେ ଜଣେ ବ୍ୟକ୍ତି ତାଙ୍କ ଗର୍ଭବତୀ ସ୍ତ୍ରୀକୁ ହତ୍ୟା କରିବା ପରେ ଶରୀରର ବିଭିନ୍ନ ଅଙ୍ଗକୁ ଫିଙ୍ଗି ଧରା ପଡ଼ିଛନ୍ତି ।ପୋଲିସ ଅନୁସାରେ, ଅଭିଯୁକ୍ତ ପତ୍ନୀର ମୁଣ୍ଡ, ହାଥ ଓ ଗୋଡ଼ ମୁସି ନଦୀରେ ଫିଙ୍ଗି ଦେଇଥିବା ବେଳେ ଘରୁ ଅବଶିଷ୍ଟ ଶରୀର ଜବତ କରାଯାଇଛି । ମୃତ ୨୧ ବର୍ଷର ସ୍ଵାତୀ ୫ ମାସର ଗର୍ଭବତୀ ଥିଲେ । ଶନିବାର ଦିନ ୪ଟା ୩୦ରେ ସ୍ଵାତୀଙ୍କୁ ହତ୍ୟା କରିଥିଲା ସ୍ଵାମୀ । ପେଶାରେ ଡ୍ରାଇଭର ଥିବା ଅଭିଯୁକ୍ତ ସ୍ଵାମୀ, ସ୍ତ୍ରୀକୁ ହତ୍ୟା ପରେ ଶବକୁ ଖଣ୍ଡ ଖଣ୍ଡ କରି କାଟି କିଛି ଅଂଶକୁ ନଦୀରେ ଫିଙ୍ଗି ଦେଇଥିଲା ।

ସ୍ତ୍ରୀକୁ ହତ୍ୟା ପରେ ଭଉଣୀକୁ ଫୋନ୍ କରି କହିଥିଲା, ପତ୍ନୀ କେଉଁ ଆଡ଼େ ପଳାଇଛି । କିନ୍ତୁ ଭାଇ ଉପରେ ଭଉଣୀର ସନ୍ଦେହ ହୋଇଥିଲା । ଆଉ ଭଉଣୀ ଏନେଇ ସମ୍ପର୍କୀୟଙ୍କୁ ଜଣାଇବା ପରେ ଥାନାରେ ଭାଇ କହିଥିଲା ସ୍ତ୍ରୀକୁ ହତ୍ୟାର ସବୁସତ । ପୋଲିସର ପଚରାଉଚରା ବେଳେ ଅଭିଯୁକ୍ତ ମହେନ୍ଦ୍ର ସ୍ତ୍ରୀକୁ ହତ୍ୟା କରିଥିବା ମାନି ଯାଇଥିଲା । ଆଉ ମୃତଦେହକୁ ଖଣ୍ଡ ଖଣ୍ଡ କରି ନଦୀରେ ଫିଙ୍ଗିଥିବା ବି କହିଥିଲା । ତେବେ ପୋଲିସ ନଦୀରେ ଖୋଜାଖୋଜି କରିଥିଲେ ବି ସଫଳତା ମିଳିନି । ଫରେନସିକ୍ ଟିମ୍ ମହିଳାଙ୍କ ମୃତଦେହର ଅବଶିଷ୍ଟ ଅଂଶରୁ ସାକ୍ଷ୍ୟ ଏକତ୍ର କରି ଡିଏନଏ ପରୀକ୍ଷା ପାଇଁ ପଠାଇଛି । ମୃତ ସ୍ଵାତୀଙ୍କ ପିତାଙ୍କ ଅନୁସାରେ, ମହେନ୍ଦ୍ରଙ୍କ ସହ ତାଙ୍କ ପରିବାରର ସମ୍ପର୍କ ଖରାପ ରହିଥିଲା । ଏପରିକି ଝିଅ ସ୍ଵାତୀକୁ ବାରମ୍ବାର ପ୍ରତାରିକ କରି ଆସୁଥିଲା ମହେନ୍ଦ୍ର । ଏବେ ଝିଅକୁ ହତ୍ୟା ପରେ ପରିବାର ଜ୍ଵାଇଁ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ବହୁ ଚର୍ଚ୍ଚିତ ଶେରଗଡ ଗୁଳିକାଣ୍ଡ ଘଟଣାର ପର୍ଦ୍ଦାଫାସ!

ଗଞ୍ଜାମ ଜିଲ୍ଲା ଶେରଗଡ଼ ଥାନା ଅନ୍ତର୍ଗତ ଧନନ୍ତର ପଞ୍ଚାୟତ ସୁନାନ୍ତର ଗାଁର ନିରଞ୍ଜନ ଜେନା ଓରଫ କାଳିଆ ଜେନାଙ୍କୁ ବୋମା ଓ ଗୁଳିମାଡ଼ ଘଟଣାରେ ୬ ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ଗିରଫ ଅଭିଯୁକ୍ତଙ୍କ ଠାରୁ ୬ଟି ପିସ୍ତଲ, ୪୦ ଟି ଜୀବନ୍ତ ଗୁଳି, ୭ଟି ମଗାଜିନ, ୭ଟି ମୋବାଇଲ ସହ ଗୋଟିଏ ହୋଣ୍ଡା ବାଇକ୍ ଜବତ କରିଛି ପୋଲିସ । ସୂଚନା ଅନୁଯାୟୀ, ଜୁଲାଇ ୨୫ ତାରିଖ ସନ୍ଧ୍ୟାରେ ହୋଇଥିବା ଗୁଳିକାଣ୍ଡର ପର୍ଦ୍ଧାଫାଶ କରିଛି ଗଞ୍ଜାମ ପୋଲିସ ।

୬ ଜଣ ଅଭିଯୁକ୍ତ ଙ୍କ ସହ ୬ଟି ବନ୍ଧୁକ ଓ ଜୀବନ୍ତ ଗୁଳି ଜବତ । ହତ୍ୟାକାଣ୍ଡ ପଛରେ ଛପି ରହିଥିଲା ଲକ୍ଷାଧିକ ଟଙ୍କାର ସୁପାରି । ତେବେ୨୫ ଜୁଲାଇ ସନ୍ଧ୍ୟାରେ ହୋଇଥିବା ଗୁଳିକାଣ୍ଡର ସମସ୍ତ କାହାଣୀର ଖୁଲାସା କରିଛି ଗଞ୍ଜାମ ପୋଲିସ । ଏକ ସାମ୍ବାଦିକ ସମିଳନୀରେ ଏହି ସୂଚନା ଦେଇଛନ୍ତି ଆସିକା ଏସଡ଼ିପିଓ(SDPO) ସନ୍ତୋଷ କୁମାର ଜେନା ।

ଅନ୍ୟପଟେ ଗିରଫ ସଂଖ୍ୟା ବଢିବା ନେଇ ସମ୍ଭାବନା ବୋଲି ଜଣା ପଡ଼ିଛି । ରାଜନୈତିକ ଆକ୍ରୋଶ ଓ ବ୍ୟବସାୟ କାରଣରୁ ସୁପାରୀ କିଲର କୁ ୨୦ ଲକ୍ଷ ଟଙ୍କା ଡିଲ୍ ରେ ହତ୍ୟା ପାଇଁ ରଚାଯାଇଥିଲା ଷଡ଼ଯନ୍ତ୍ର । ଗଞ୍ଜାମ ହିଞ୍ଜିଳି ନିର୍ବାଚନ ମଣ୍ଡଳୀର ଶେରଗଡ଼ ବ୍ଲକ ଧନନ୍ତର ପଞ୍ଚାୟତର ନିରଞ୍ଜନ ଜେନା ଓରଫ କାଳିଆ ଜେନାଙ୍କୁ ହତ୍ୟା ପାଇଁ ହୋଇଥିଲା ବଡ଼ ଯୋଜନା । ଗିରଫ ଅଭିଯୁକ୍ତ ମାନେ ଶେରଗଡ଼ ବ୍ଲକ ଅଲାରିଗଡ ଗ୍ରାମର ଅମିତାଭ୍ ବିଷୋୟୀ ,ବାଦଗଡ଼ ଗ୍ରାମର କୃଷ୍ଣ ଚନ୍ଦ୍ର ସେଠୀ,କୁଲାଗଡ ଗ୍ରାମର କାମେଶ୍ଵର ଗୌଡ,ବାଲିଗଡ଼ ସୀମାଞ୍ଚଳ ବିଷୋୟୀ, ବାଲିପଡାର ବଂଶୀଧର ବିଷୋୟୀ, ଧରାକୋଟର ସୂର୍ଯ୍ୟ ନାଏକ।

ଏହି ଦୁର୍ବୃତ୍ତଙ୍କ ଠାରୁ ୬ ବନ୍ଧୁକ, ୪୦ ରାଉଣ୍ଡ ଜୀବନ୍ତ ଗୁଳି ଜବତ କରାଯାଇଛି। ଶେରଗଡ଼ ବ୍ଲକ ବିଜେଡିର ବହୁ ତୁଙ୍ଗ ନେତାଙ୍କ ନାମ ମଧ୍ୟ FIR ରେ ଅଭିଯୋଗ ରହିଥିବା ଖବର ମିଳିଛି ।
ଦେଢ଼ଶୁର ସାଜିଲା ଅସୁର

ଦେଢ଼ଶୁରଙ୍କ କୋଦାଳ ଚୋଟରେ ANM ଥିବା ଭାଇବୋହୂଙ୍କ ମୃତ୍ୟୁ ହୋଇଛି । ରାୟଗଡ଼ା ଜିଲା କଲ୍ୟାଣିସଂପୁର ଥାନା ଅନ୍ତର୍ଗତ ଡେପାଗୁଡ଼ା ଗାଁରେ ଘଟିଛି ଏହି ଘଟଣା । ତେବେ ମୃତ ଭାଇବୋହୂ ହେଉଛନ୍ତି ସୁରେନ୍ଦ୍ରୀ ସାରକା ବୋଲି ଜଣା ପଡିଛି ।

ସୂଚନାନୁସାରେ, ପୂର୍ବ ଜମିଜମାକୁ ନେଇ ଉଭୟ ପରିବାର ମଧ୍ୟରେ କଳହ ଲାଗି ରହିଥିଲା । କଳହକୁ ନେଇ ଶୁକ୍ରବାର ସକାଳେ ସୁରେନ୍ଦ୍ରୀ ସାରକା ରୋଷେଇ କରୁଥିବା ସମୟରେ ତାଙ୍କୁ ଏକ କୋଦାଳ ସାହାଯ୍ୟରେ ମୁଣ୍ଡକୁ ଆକ୍ରମଣ କରିଥିଲେ ଦେଢ଼ଶୁର ପ୍ରେପାକା ଲତରା । ଏନେଇ ଖବର ପାଇ ସୁରେନ୍ଦ୍ରୀଙ୍କ ସ୍ବାମୀ ପ୍ରେପାକା ବୋଇ ମାଝୀ ତାଙ୍କୁ କଲ୍ୟାଣସିଂପୁର ମେଡିକାଲରେ ଭର୍ତ୍ତି କରିଥିଲେ । ପରେ ସେଠାରୁ ତାଙ୍କୁ ରାୟଗଡ଼ା ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ପହଂଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ସେ କଲ୍ୟାଣସିଂପୁର ଚିକିତ୍ସାଳୟରେ ଦୀର୍ଘ ୮ବର୍ଷ ହେବ ଏଏନ୍‌ଏମ୍‌ ଭାବେ କାର୍ଯ୍ୟ କରୁଥିଲେ । ଅନ୍ୟପଟେ ଅଭିଯୁକ୍ତ ପ୍ରେପାକା ଲତରା କଲ୍ୟାଣସିଂପୁର ଥାନାରେ ଆତ୍ମସମର୍ପଣ କରିଥିବା ସୂଚନା ମିଳିଛି । ଗାଁରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏ ସମ୍ପର୍କରେ ପୋଲିସର ପ୍ରତିକ୍ରିୟା ମିଳିପାରି ନାହିଁ ।
ବେଟି ବଚାଅ ବେଟି ପଢାଅ, ଖାଲି ନାଁକୁ, ଝିଅ ଜନ୍ମ ମା’ ପାଇଁ ସାଜିଲା କାଳ

ଜଳେଶ୍ୱର ପୌରପରିଷଦର ଭାଇସ ଚେୟାରମାନ ପୁଷ୍ପ ପ୍ରିୟା କାମିଳାଙ୍କର ତୃତୀୟ ପୁତ୍ର ରିତେଶ କାମିଳାଙ୍କୁ ଚକ ବିଷ୍ଣୁ ଗ୍ରାମର ଜଳନ୍ଧର ପ୍ରଧାନଙ୍କର ଝିଅ ନମିତାଙ୍କ ସହିତ ଦୀର୍ଘ ୩ ବର୍ଷ ତଳେ ବିବାହ ହୋଇଥିଲା । ଗତ ୧୦ ଦିନ ତଳେ ନମିତାଙ୍କର ଏକ ଘରୋଇ ନର୍ସିହେମ୍‌ରେ ପ୍ରଥମ କନ୍ୟା ସନ୍ତାନ ଜନ୍ମ ହୋଇଥିଲା । କନ୍ୟା ଜନ୍ମ ହେବା ପରେ ଘରେ ସମସ୍ତେ ନମିତାଙ୍କ ଉପରେ ଅତ୍ୟାଚାର ଆରମ୍ଭ କରିଦେଇଥିଲେ ।

ଏନେଇ ନମିତା ବାପଘର ମଧ୍ୟ ଜଣାଇଥିଲେ । ଆଜି ସକାଳୁ ନମିତା ଘରେ ରଶିରେ ଝୁଲୁଥିବା ବେଳେ ପରିବାର ଲୋକେ ଉଦ୍ଧାର କରି ଜଳେଶ୍ଵର ଜିକେ ଭଟ୍ଟର ହସ୍ପିଟାଲକୁ ନେଇଥିଲେ । ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ନମିତା ବେକରେ ରଶିଦେଇ ଆତ୍ମହତ୍ୟା କରିଥିବା କଥା ଶାଶୁ ଘର ଲୋକ କହୁଥିଲା ବେଳେ ନମିତା ଝିଅ ଜନ୍ମ କରିଥିବାରୁ ତାକୁ ଶାଶୁ ଘର ଲୋକ ନିର୍ଯାତନା ଦେଇ ମାରିଥିବା ନେଇ ବାପ ଘର ଲୋକ ଅଭିଯୋଗ ଆଣିଛନ୍ତି।

ଖବର ପାଇ ଜଳେଶ୍ୱର ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରିବା ସହ ସ୍ୱାମୀ ଜଳନ୍ଧର ଓ କକା ଶଶୁର ବସନ୍ତ କାମିଳାଙ୍କୁ ଅଟକ ରଖି ତଦନ୍ତ ଜାରି ରଖିଛନ୍ତି । ସେପଟେ ଝିଅ ଘର ପରିବାର ପକ୍ଷରୁ ସାଇଣ୍ଟିଫିକ ଟିମକୁ ଖବର ଦେଇଛନ୍ତି। ତେବେ ତଦନ୍ତ ପରେ ଗୁମର ଫିଟିବ ବୋଲି କୁହାଯାଇଛି ।
ରକ୍ତମୁଖା ପିତା, ସହ ଧର୍ମଣୀ ସହ ଦୁଇ ସନ୍ତାନଙ୍କୁ ମାରି ଫେରାର

ଜନ୍ମିତ ସନ୍ତାନ ସହ ରୋଗୀଣା ପତ୍ନୀଙ୍କୁ କ୍ରୋଧ ଜର୍ଜରିତ ସହ ରକ୍ତ ମୁଖ। ପାଲୋଟି ବର୍ବ ରୋଚିତ କାଣ୍ଡ ଘଟାଇ (ଟାଙ୍ଗିଆରେ ହାଣି) ନିଜେ ଫେରାର୍ ହେବା ଘଟଣା ଚର୍ଚ୍ଚାର ବିଷୟ ହୋଇଛି । ଏଭଳି ଏକ ଲୋମ ହର୍ଷଣକାରୀ ଘଟଣା ଦେଖା ଦେଇଛି ଉତ୍ତର ଭୋଗରାଇ ଖରିଦ ପିପଳ ପଞ୍ଚାୟତ ଅନ୍ତର୍ଗତ ଦହମୁଣ୍ଡା ଗାଁରେ ।

ସୂଚନା ଅନୁସାରେ, ଏହିକି ଦହମୁଣ୍ଡା ଗ୍ରାମର ପଲ୍ଟୁ ଜେନା ନିଜ ପତ୍ନୀ ସହ ଆର୍ଥିକ ଦୁଃସ୍ଥିତି ନେଇ ଘରୋଇ ମନାନ୍ତରକୁ ନେଇ ରକ୍ତମୁଖା ପାଲଟିଥିବାର ଜଣାପଡ଼ିଛି । ଗତକାଲି ରାତ୍ରିରେ କ୍ରୋଧାନ୍ୱିତ ହୋଇ ଅଜ୍ଞାତ ଦୁଇ ସନ୍ତାନ ସହ ପତ୍ନୀଙ୍କୁ ଏକ ଧାରୁଆ ଟାଙ୍ଗିଆରେ ହାଣି ରକ୍ତାକ୍ତ କରିଛି । ତତ୍‌ସହ ଛୋଟ ସନ୍ତାନଟିକୁ କଚାଡ଼ି ମାରିବା ପ୍ରୟାସ କରିଛି । ଧାରୁଆ ଟାଙ୍ଗିଆ ଟିକୁ ପ୍ରତିବେଶୀମାନେ ଘରର ଅନତି ଦୂରରେ ପଡ଼ିଥିବାର ଦେଖି ଉଦ୍ଧାର କରିଛନ୍ତି । ଏଭଳି ଅଭାବନୀୟ ଘଟଣା ଜାଣି ପ୍ରତିବେଶୀସହ ଅଭିଯୁକ୍ତଙ୍କ ବାପା ମାଆ କୌଶଳ କ୍ରମେ ଆହତ ମାନଙ୍କୁ ନରହନ୍ତା ଠାରୁ ଉଦ୍ଧାର କରି ପ୍ରଥମେ କମର୍ଦ୍ଦା ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ମାତ୍ର ଅବସ୍ଥା ଅଣାୟତ୍ତ ହେବାରୁ ଜିଲ୍ଲା ସଦର ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା ।

ସେଠାରେ ପ୍ରାଥମିକ ଚିକିତ୍ସା ପରେ ଆହତ ମାନଙ୍କୁ କଟକ ବଡ଼ ଡ଼ାକ୍ତରଖାନା ନେବା ନେଇ ଖବର ମିଳିଛି । ମାତ୍ର ନରହନ୍ତା ପଲ୍ଟୁଜେନା ଏଭଳି ଅମାନବୀୟ କାର୍ଯ୍ୟକରି ଘଟଣା ସ୍ଥଳରୁ ଚମ୍ପଟ ମାରି, ଫେରାର ହୋଇଛି । ଘଟଣା ସ୍ଥଳରୁ କୌଣସୀ ସୂତ୍ରରୁ ଜଣା ପଡିଛି କି ଅଭିଯୁକ୍ତଙ୍କ ପତ୍ନୀ ଦୀର୍ଘଦିନୁ ମେରୁଦଣ୍ଡ କ୍ଷତ ଜନିତ ପୀଡ଼ିତ ଥାଇ ପ୍ରାୟତଃ ଅକ୍ଷମ ପାଲୋଟିଅଛନ୍ତି । ଏଣୁ ପତ୍ନୀଙ୍କ ଚିକିତ୍ସା ଜନିତ ବହୁ ଅର୍ଥ ଆବଶ୍ୟକତା ପୁରଣ କରିବା ପଲ୍ଟୁ ପକ୍ଷେ ଅସମ୍ଭବ ହୋଇ ପଡ଼ିଛି, ଏ ନେଇ ପରିବାର ସହ ସଦସର୍ବଦା କଳିତକରାଳ ହେବା ସହ ଦୀର୍ଘ ଦିନୁ ମାନସିକ ଚାପଗ୍ରସ୍ତ ଥାଇ ଏଭଳି ଘଟଣା ଭିଆଇବା ନେଇ ପଡ଼ୋଶୀଙ୍କ ଠlରୁ ଆପାତତଃ ସୂଚନା ମିଳିଛି । ଏପରିକି ଅଭିଯୁକ୍ତ ଜଣକ ଙ୍କର କୌଣସି ମନ୍ଦ ଅଭ୍ୟାସ ନଥିବା ସହ ସାଧାରଣ ଜୀବନ ଯାପନ କରିଥିବା ମଧ୍ୟ ଶୁଣାଯାଉଛି ।

ଏଥି ସହ ଅଭିଯୁକ୍ତ ଏଭଳି ଅମାନବୀୟ ଘଟଣା ଘଟାଇ ଫେରାର୍ ହୋଇ ନିଜେ ଜୀବନ ହାରିଛି କି ନାହିଁ ସମସ୍ତେ ସନ୍ଦେହ ଘେରରେ ଅଛନ୍ତି । କମର୍ଦ୍ଦା ପୋଲିସ ଘଟଣା ଜାଣି ଅଭିଯୁକ୍ତ ଙ୍କ ଘରେ ପହଞ୍ଚି ତଦନ୍ତ ଜାରୀ ରଖିଛି । ହାଣି ଥିବା ସନ୍ତାନ ଦୁଇଜଣଙ୍କ ବୟସ ଜଣେ ୮ ବର୍ଷର ଏବଂ ଅନ୍ୟଜଣେ ୬ ବର୍ଷ ର ଅଟନ୍ତି । ଅଭିଯୁକ୍ତଙ୍କ ମାଆ ଆହତଙ୍କ ସହ କଟକ ଯାଇଥିବା ବେଳେ ବାପା ଘରେ ଅଛନ୍ତି ।
ଟଙ୍କା ନଦେବାରୁ ନୃଶଂସ ସ୍ଵାମୀର ମାଡ଼ରେ ସ୍ତ୍ରୀର ମୃତ୍ୟୁ

ସ୍ତ୍ରୀକୁ ବାଡ଼ିରେ ପିଟି ପିଟି ମାରିଦେଲା ନୃଶଂସ ସ୍ଵାମୀ । ଗତ ରାତିରେ ବଡ଼ବିଲ ଗାଡ଼ାହଟିଂ ଅଞ୍ଚଳରେ ଏହି ଅଭାବନୀୟ ଘଟଣା ଘଟିଛି । ଖବର ପାଇ ବଡ଼ବିଲ ପୋଲିସ୍ ମୃତଦେହକୁ ଜବତ୍ କରିବା ସହ ଅଭିଯୁକ୍ତ ସ୍ଵାମୀ ଟାକଲୁ ସିଦ୍ଦୁକୁ ଥାନାରେ ଅଟକ ରଖି ପଚରାଉଚୁରା କରୁଛି । ସୂଚନା ଅନୁସାରେ, ଉଭୟ ସ୍ବାମୀ ସ୍ତ୍ରୀ ଦିନ ମଜୁରୀଆ ଭାବେ କାମକରନ୍ତି । ଗତ ରାତିରେ ମଦ ପିଇବା ପାଇଁ ସ୍ତ୍ରୀ ଜାନକୀକୁ ଟଙ୍କା ମାଗିଥିଲା ସ୍ଵାମୀ ଟାକଲୁ ସିଦ୍ଦୁ । ମାତ୍ର ସ୍ତ୍ରୀ ଟଙ୍କା ଦେବାକୁ ମନା କରିବାରୁ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସ୍ତ୍ରୀ ଜାନକୀର ମୁଣ୍ଡକୁ ଏକ ବାଡ଼ିରେ ପିଟି ଦେଇଥିଲା ସ୍ଵାମୀ ଟାକଲୁ ସିଦ୍ଦୁ । କିଛି ସମୟ ଭିତରେ ହିଁ ଜାନକୀଙ୍କ ପ୍ରାଣବାୟୁ ଉଡ଼ିଯାଇଥିଲ । ଏନେଇ ବଡ଼ବିଲ ପୋଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଚଳାଇଛି ।
ସ୍ତ୍ରୀର ଶିଳପୂଆ ମାଡରେ ଆଖିବୁଜିଲା ସ୍ୱାମୀ

କେନ୍ଦୁଝର ଜିଲ୍ଲା ଯୋଡା ସହରର ୱାର୍ଡ ନଂ ୧ର ତଲକ୍ ହାଟିଂ ରେ ସ୍ତ୍ରୀର ଶିଳପୁଆ ମାଡରେ ସ୍ବାମୀ ର ମୃତ୍ୟୁ ଘଟି ଥିବା ଘଟଣାରେ ପୋଲିସ ତଦନ୍ତ କରି ଅଭିଯୁକ୍ତ ସ୍ତ୍ରୀ କୁ ଗିରଫ କରିଛି । ସୂତ୍ରରୁ ମିଳିଥିବା ସୂଚନା ଅନୁଯାୟୀ,ଶନିବାର ସନ୍ଧ୍ୟା ସମୟରେ ସ୍ବାମୀ କେନ୍ଦୁଆ ଲୋହାର ତାଙ୍କ ସ୍ତ୍ରୀ ଲେମ୍ବ ଲୋହ।ର ସହିତ କଳହ ହୋଇଥିଲା ।ଏଥିରେ ଉତ୍କ୍ଷିପ୍ତ ହୋଇ ସ୍ତ୍ରୀ ଲେମ୍ବ ଘରେ ଥିବା ଶିଳପୂଆ ରେ ସ୍ବାମୀ ର ମୁଣ୍ଡକୁ ପ୍ରହ।ର କରିଥିଲ। ।ରକ୍ତ ଯୁଡୁବୁଡୁ ଅବସ୍ଥାରେ ରାତି ସମୟରେ ତାଙ୍କୁ ପ୍ରଥମେ କମାର ଯୋଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନିଆ ଯାଇଥିଲେ ।ଅବସ୍ଥା ସଙ୍କଟପନ୍ନ ହେବାରୁ ପରେ କେନ୍ଦୁଝର ଓ ସେଠାରୁ କଟକ ଡାକ୍ତର ଖାନ।କୁ ସ୍ଥାନାନ୍ତର କରାଯାଇଥିଲା ।

ତେବେ ସେଠାରେ ଚିକିତ୍ସାଧୀନ ଅବସ୍ଥାରେ ସ୍ବାମୀର ମୃତ୍ୟୁ ଘଟିଥିଲା । ଯୋଡା ପୋଲିସ ସୋମବାର ସାଇନ୍ଟିଫିକ ଟିମ୍ ସହିତ ଅଭିଯୁକ୍ତ ଘରକୁ ଯାଇ ଆକ୍ରମଣରେ ବ୍ୟବହୃତ ହୋଇଥିବା ଶିଳପୁଆ ଓ ଅନ୍ୟାନ୍ୟ ପ୍ରମାଣ ଓ ରକ୍ତ ନମୁନା ସଂଗ୍ରହ କରିବା ସହିତ ଅଭିଯୁକ୍ତ ସ୍ତ୍ରୀ ଲେମ୍ବ ଲୋହାରକୁ ଗିରଫ କରି କେସ ନଂ ୧୪୭/୨୫ ରେ ହତ୍ୟା ମାମଲା ରୁଜୁ କରି କୋର୍ଟଚାଲାଣ କରିଥିବା ଆଇଆଇସି ସୁଶାନ୍ତ ପ୍ରଧାନ ସୂଚନା ଦେଇଛନ୍ତି ।
ରଙ୍ଗ ନମ୍ବର ପ୍ରେମିକରୁ ପିଶାଚ ପିତା!

ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା କଣ୍ଟାପାଳ ୪ ନଂ କଲୋନୀ ଅନ୍ତର୍ଗତ ନୋଟାରୀପଶିରେ ପାରିବାରିକ କଳହରୁ ବିଭତ୍ସ ହତ୍ୟାକାଣ୍ଡ । ମାତ୍ର ୭ ମାସର ଶିଶୁ କନ୍ୟାକୁ କଚାଡି ମାରିଲା ପିଶାଚ ବାପ। ସୂଚନା ଅନୁସାରେ, ସାମାନ୍ୟ ଘରୋଇ କଳି ଯୋଗୁ କ୍ରୋଧରେ ଅଜ୍ଞାନ ହୋଇ ଶିଶୁ କନ୍ୟାକୁ ହତ୍ୟା କରିଛି ଅଭିଯୁକ୍ତ ବାପା ସଞ୍ଜୟ ଚାତାର।

ତେବେ, ଘଟଣା ସ୍ଥଳରେ ଅଭିଯୁକ୍ତ ସଞ୍ଜୟକୁ ବହେ ଛେଚିଛନ୍ତି ସ୍ଥାନୀୟ ବାସିନ୍ଦା। ସଞ୍ଜୟକୁ ଗୁରୁତର ଅବସ୍ଥାରେ ପ୍ରଥମେ କାମାକ୍ଷାନଗର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ ସଞ୍ଜୟଙ୍କ ଘର ମୟୁରଭଞ୍ଜ ଜିଲ୍ଲାରେ ହୋଇଥିବା ସୂଚନା। ଯାଜପୁର ଡ଼ୁବୁରୀରେ ଲେବର କାମ କରୁଥିବା ବେଳେ ରଙ୍ଗ ନମ୍ବରରୁ କଣ୍ଟାପାଳ ୪ ନଂ କଲୋନୀର ଜନନୀ ମୁଣ୍ଡା ସହ ପ୍ରେମ ବିବାହ କରିଥିଲେ ସଞ୍ଜୟ । ସେ ଦୁଇ ବର୍ଷ ହେବ ଶ୍ୱଶୁର ଘର ନୋଟାରୀପଶିରେ ରହି ଟ୍ରାକ୍ଟର ଗାଡିରେ ଲେବର କାମ କରୁଥିଲେ। ବାହାଘର ପରଠାରୁ ଜନନୀଙ୍କୁ ସଞ୍ଜୟ ମାଡ ମାରିବା ସହ ନିର୍ଯାତନା ଦେଇ ଆସୁଥିଲେ।

ଗତ କାଲି ଚାଉଳ କିଣିବା ପାଇଁ ବଜାରକୁ ଯାଇ ସେଠାରେ ସ୍ୱାମୀ, ସ୍ତ୍ରୀଙ୍କ ମଧ୍ୟରେ ଝଗଡା ହୋଇଥିଲା। ଯାହାକୁ ନେଇ ପ୍ରେମ ସମ୍ପର୍କର ସନ୍ତକକୁ ସବୁ ଦିନ ପାଇଁ ରାସ୍ତାରୁ ହଟେଇ ଦେବି ବୋଲି କହି ଶିଶୁକୁ କଚାଡି ମାରିଥିଲା ପିଶାଚ ବାପା। ଏ ଖବର ପାଇ କଙ୍କଡ଼ାହାଡ଼ ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।