Tag: #mp

ଭିତ୍ତି ପସ୍ତର ଶୁଭାରମ୍ଭ କଲେ ସାଂସଦ

ରାଜେନ୍ଦ୍ରପୁର ପଞ୍ଚାୟତରେ ଯାଜପୁର ସାଂସଦ ଡ.ରବିନାରାୟଣ ବେହେରା ,ରାଜେନ୍ଦ୍ରପୁରର ଅଧିଷ୍ଠାତ୍ରୀ ଦେବୀ ମା ମଙ୍ଗଳା ମନ୍ଦିର ପହଞ୍ଚି ଯଜ୍ଞକୁଣ୍ଡ ଭିତ୍ତି ପସ୍ତର ଶୁଭାରମ୍ଭ କରିଥିଲେ। ଏହି ଆଧ୍ୟାତ୍ମିକ ଉତ୍ସବରେ ମନ୍ଦିରର ଉନ୍ନତି ଓ ରକ୍ଷଣ ଉପରେ ଆଲୋଚନା ହୋଇଥିଲା। ଏହି କାର୍ଯ୍ୟକ୍ରମରେ ତାଙ୍କ ସହିତ ପୂର୍ବତନ ମଣ୍ଡଳ ସଭାପତି ଶ୍ରୀଯୁକ୍ତ ଲକ୍ଷ୍ମୀଧର ପତି, ମଣ୍ଡଳ ସଭାପତି ମିଥୁନ କୁଣ୍ଡୁ, କୃଷକ ମୋର୍ଚ୍ଚା ସଭାପତି ବିଦ୍ୟାଧର କରଣ, ପୂର୍ବତନ ସରପଞ୍ଚ ଅଭି ମହାଳିକ, ୩୪ ନମ୍ୱର ମଣ୍ଡଳ ସଭାପତି ବିନୋଦ ମହାରଣା, ରାଜ୍ୟ ପରିଷଦ ସଭ୍ୟ ପ୍ରଫୁଲ୍ଲ ଗିରି, ୩୬ ନମ୍ୱର ମଣ୍ଡଳ ପୂର୍ବତନ ସଭାପତି ପ୍ରଶାନ୍ତ ମହାରଣା, ବରୀର ପୂର୍ବତନ ବିଧାୟିକା ସୁନନ୍ଦା ଦାସ,ଓ ବ୍ରହ୍ମପରଦା ମଣ୍ଡଳର ସମସ୍ତ ଆଗଧାଡିର କର୍ମୀ ଉପସ୍ଥିତ ରହି ସାଂସଦଙ୍କୁ ସମ୍ଭୋଦନ। ଜ୍ଞାପନ କରିଥିଲେ ।
ସାଂସଦଙ୍କ ପ୍ରୟାସରେ ଯାଜପୁର ବିକଶିତ

ଯାଜପୁରରେ ହେବ ଅର୍ଥନୈତିକ ବିକାଶ । ପୂର୍ବୋଦୟ ବିକାଶରେ ଓଡ଼ିଶା ଓ ଯାଜପୁରର ରହିବ ବିରାଟ ଅବଦାନ । କିଛି ଦିନ ପୂର୍ବରୁ ଯାଜପୁର ସାଂସଦ ଶ୍ରୀ ବେହେରା କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ,ପେଟ୍ରୋଲିୟମ୍ ମନ୍ତ୍ରୀ ଶ୍ରୀ ହରଦିପ୍ ସିଂହ ପୁରୀ ଓ ମୁଖ୍ୟମନ୍ତ୍ରୀ ଶ୍ରୀ ମୋହନ ମାଝୀଙ୍କୁ ସାକ୍ଷାତ କରି ଚଣ୍ଡିଖୋଲ ଡ଼ଙ୍କାରି ତୈଳ ପ୍ରକଳ୍ପର ଅଗ୍ରଗତି ବିଷୟରେ ବିସ୍ତୃତ ଆଲୋଚନା କରିଥିଲେ । ଆଜି ଯାଜପୁର ଚଣ୍ଡିଖୋଲ ନିକଟରେ ଡଙ୍କାରି ତୈଳପ୍ରକଳ୍ପ ଓ ପାରାଦୀପ ପେଟ୍ରୋ କେମିକାଲ ପ୍ରକଳ୍ପର MOU ଦିଲ୍ଲୀ ଠାରେ ମିଳିତ ଭାବେ ଓଡିଶା ଓ ଭାରତ ସରକାର ଇଣ୍ଡିଆନ ଅଏଲ ମଧ୍ୟରେ ଅନୁଷ୍ଠିତ ସଭାରେ କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଓ ଜଗତସିଂପୁର ସାଂସଦ ବିଭୁ ପ୍ରସାଦ ତରାଇଙ୍କ ସହ ଯୋଗ ଦେଇ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜି, କେନ୍ଦ୍ର ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ, ଶ୍ରୀ ହରଦିପ୍ ସିଂହ ପୁରୀ, ଓଡ଼ିଶାର ମୁଖ୍ୟମନ୍ତ୍ରୀ, ଇଣ୍ଡିଆନ ଅଏଲ ଓ ଅନ୍ୟାନ୍ୟ ସଂସ୍ଥାକୁ ଧନ୍ୟବାଦ୍ ଦେବା ସହ କୃତଜ୍ଞତା ଜ୍ଞାପନ କରିଛନ୍ତି।
କଳିଙ୍ଗ ହର୍ବାଲ୍ ମେଳା, ସାଂସଦ ଅନନ୍ତ ନାୟକଙ୍କ ଦ୍ୱାରା ଉଦଘାଟନ

କେନ୍ଦୁଝର କାଳୀପଡ଼ିଆରେ ୫ଦିନ ଧରି ଚାଲିବାକୁ ଥିବା ଆଞ୍ଚଳିକ କଳିଙ୍ଗ ହର୍ବାଲ୍ ମେଳା ଉଦଘାଟିତ ହୋଇଛି । କେନ୍ଦୁଝର ବନଖଣ୍ଡ ଓ ରାଜ୍ୟ ଔଷଧୀୟ ବୃକ୍ଷ ବୋର୍ଡ଼ ଦ୍ୱାରା ମିଳିତ ଭାବେ ଆୟୋଜିତ ଏହି ମେଳାକୁ କେନ୍ଦୁଝର ସାଂସଦ ଅନନ୍ତ ନାୟକ ଉଦଘାଟନ କରିଥିଲେ । ଏଠାରେ ଲୋକମାନଙ୍କୁ ବୈଦ୍ୟମାନଙ୍କ ଦ୍ୱାରା ମାଗଣାରେ ଚିକିତ୍ସା ପରାମର୍ଶ ଯୋଗାଇ ଦିଆଯିବ । ଏହି ମେଳାରେ ସମଗ୍ର ରାଜ୍ୟରୁ ଆସିଥିବା ବୈଦ୍ୟମାନଙ୍କୁ ୭୫ଟି ଷ୍ଟଲ୍ ମାଧ୍ୟମରେ ସେମାନଙ୍କର ଜଡ଼ିବୁଟି ଓ ବନୌଷଧିର ପ୍ରଦର୍ଶନୀ ଓ ବିକ୍ରି ସୁବିଧା ଯୋଗାଇ ଦିଆଯାଇଛି । ୨୮ ତାରିଖରେ ଏହି ମେଳାରେ ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମସିଂ ଖୁଣ୍ଟିଆ ଯୋଗଦେବାକୁ ଥିବା ବେଳେ, ଆସନ୍ତା ୨ତାରିଖରେ ମେଳାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେବେ ବୋଲି ସୂଚନା ମିଳିଛି । ଏହି ମେଳାରୁ ସହରବାସୀଙ୍କ ଠାରୁ ଆରମ୍ଭ କରି ଗ୍ରାମାଞ୍ଚଳରୁ ଆସୁଥିବା ଲୋକେ ଲାଭ ପାଇ ପାରିବେ ବୋଲି ସୂଚନା ଦେଇଛନ୍ତି କେନ୍ଦୁଝର ଡ଼ିଏଫଓ।
୨ ଡିସେମ୍ବରରୁ ବଲାଙ୍ଗିରରେ ଖରିଫ ଋତୁର ଧାନ କିଣା ଆରମ୍ଭ

ବଲାଙ୍ଗିର ଜିଲ୍ଲାରେ ଖରିଫ‌ ବର୍ଷ ୨୦୨୪ -୨୫ ପାଇଁ ଜିଲାସ୍ତରୀୟ ଧାନ ସଂଗ୍ରହ କମିଟି ବୈଠକ ବୁଧବାର ପୂର୍ବାହ୍ନରେ ଜିଲ୍ଲାପରିଷଦ ସ୍ଥିତ ସମ୍ମିଳନୀ କକ୍ଷଠାରେ ଅନୁଷ୍ଠିତ ହୋଇଛି । ଜିଲ୍ଲାପାଳ ଗୌରୱ ଶୀୱାଜୀ ଈସାଲୱାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ କ୍ୟାବିନେଟ ମନ୍ତ୍ରୀ ଡ଼ ମୁକେଶ ମହାଲିଙ୍ଗ, ବଲାଙ୍ଗିର ଲୋକସଭା ସାଂସଦ ସଙ୍ଗୀତା କୁମାରୀ ସିଂ ଦେଓ, ରାଜ୍ୟସଭା ସାଂସଦ ନିରଞ୍ଜନ ବିଶି, କଣ୍ଟାବାଞ୍ଜି ବିଧାୟକ ଲକ୍ଷଣ ବାଗ , ଟିଟିଲାଗଡ଼ ବିଧାୟକ ନବୀନ ଜୈନ, ଅତିରିକ୍ତ ଜିଲ୍ଲାପାଳ ଡ଼ ବିଜୟାନନ୍ଦ ସେଠୀ , ମୁଖ୍ୟ ନିର୍ବାହୀ ଅଧିକାରୀ ପ୍ରଭାତ ମହାପାତ୍ର , ଜିଲ୍ଲା ଯୋଗାଣ ଅଧିକାରୀ ଶ୍ରୀ ବେଣୁଧର ପାଣିଗ୍ରାହୀ ଉପସ୍ଥିତ ଥିଲେ ।

ଆସନ୍ତା ଡିସେମ୍ବର ୨ ତାରିଖରୁ ପର୍ଯ୍ୟାୟକ୍ରମେ ୯୫,୦୮୭ ପଞ୍ଜୀକୃତ ଚାଷୀ ମାନଙ୍କ ଠାରୁ ୧୭୬ ଗୋଟି ମଣ୍ଡି ମାଧ୍ୟମରେ (୧୫୮ ପେକ୍ସ ଏବଂ ୧୮ ଏସଏଚଜି ) ୩୪,୦୯,୦୭୩ କୁଇଣ୍ଟାଲ ଧାନ ସଂଗ୍ରହ କରାଯିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଜିଲ୍ଲାପାଳ ଚାଷୀମାନଙ୍କ ସୁବିଧା ପାଇଁ ମଣ୍ଡିରେ ପର୍ଯ୍ୟାପ୍ତ ସୁବିଧା, ଶୀଘ୍ର ଧାନ ଉଠିବା ପାଇଁ ନିଆଯାଉଥିବା ପଦକ୍ଷେପ ଓ ଚୋରା ଚାଲାଣ ହେଉଥିବା ଧାନ ଗାଡ଼ିକୁ ଜବତ କରିବା ସହ ଗତଥର ମଣ୍ଡିରେ ଉପୁଜିଥିବା ବିଭିନ୍ନ ସମସ୍ୟାର ପୁନରାବୃତ୍ତି ନଘଟିବା, ଚାଷୀମାନେ ଯେପରି କଟଣି ଛଟଣୀର ଶିକାର ନହେବେ ସେଥିପ୍ରତି ବିଶେଷ ଧ୍ୟାନ ଦେବା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ସମସ୍ତ ମଣ୍ଡି ମାନଙ୍କରେ ଜଣେ ଲେଖାଏ ନୋଡ଼ାଲ ଅଧିକାରୀ ଏବଂ ୪-୫ ଟି ମଣ୍ଡି ରେ ଜଣେ ଲେଖାଏ ସୁପରଭାଇଜିଙ୍ଗ ଅଧିକାରୀ ଙ୍କୁ ଦାୟୀତ୍ବ ଦିଆଯାଇଛି ।

ଝୋଟ ବସ୍ତାର ପର୍ଯ୍ୟାପ୍ତ ଯୋଗାଣ,ମଣ୍ଡିରେ ବିଜୁଳି, ଭିତ୍ତିଭୂମି,ଆଶ୍ରୟ ସ୍ଥଳ,ଟୋକନ୍ ସମୟ ସୀମା, ଓଜନ ମେସିନର ଉପଲବ୍ଧି ଉପରେ ଆଲୋଚନା କରିବା ସହ ଚାଷୀ ପ୍ରତିନିଧି, ମିଲର ତଥା ପ୍ରଶାସନିକ ସହଯୋଗରେ ଚଳିତ ଖରିଫ ଧାନ ସଂଗ୍ରହକୁ ବିନା କୌଣସି ଅସୁବିଧାରେ ସମ୍ପନ୍ନ କରିବାକୁ କହିଥିଲେ । ରାଜ୍ୟ ସରକାରଙ୍କ ନିଷ୍ପତ୍ତିକ୍ରମେ ଚଳିତ ବର୍ଷ ଏଫ୍.ଏ.କ୍ୟୁ ଧାନ ର ସର୍ବନିମ୍ନ ସହାୟକ ମୂଲ୍ୟ ପ୍ରତି କ୍ଵିଣ୍ଟାଲ ପିଛା ୨,୩୦୦/- ଟଙ୍କା ଏବଂ ଗ୍ରେଡ-ଏ ମୂଲ୍ୟ ପ୍ରତି କ୍ଵିଣ୍ଟାଲ ୨୩୨୦/- ଟଙ୍କା ରଖାଯାଇଛି । ଏହାବାଦ ରାଜ୍ୟ ସରକାରଙ୍କ ନିଷ୍ପତ୍ତି ଅନୁଯାୟୀ ସର୍ବନିମ୍ନ ସହାୟକ ମୂଲ୍ୟ ସମେତ ୮୦୦ ଟଙ୍କାର ଅତିରିକ୍ତ ଇନପୁଟ ଆସିଷ୍ଟାନ୍ସ ମଧ୍ୟ ଦିଆଯିବ ଯାହା ସର୍ବମୋଟ ୩,୧୦୦ ଟଙ୍କା ହେବ । ଧାନ ମିଳିବାର ୪୮ ଘଣ୍ଟା ମଧ୍ୟରେ ଯେପରି ଚାଷୀ ଟଙ୍କା ପାଇବ ସେ ବାବଦରେ ମଧ୍ୟ ଧ୍ୟାନ ଦେବାକୁ କହିଥିଲେ ।

ପ୍ରତ୍ୟେକ ଧାନ ମଣ୍ଡିରେ ଗୁଣାତ୍ମକ ମାନ ଯାଞ୍ଚ କରିବା ପାଇଁ ବ୍ୟବସ୍ଥା କରାଯିବ । ଏଥିନିମନ୍ତେ ରେଜିଷ୍ଟର ରଖାଯାଇ ମାନଯାଞ୍ଚ ତଥ୍ୟ ଓ କୃଷକ ମାନଙ୍କ ନାମ ଉଲ୍ଲେଖ ରହିବ । ଏଥିନିମନ୍ତେ ପ୍ରାଥମିକ କୃଷି ସମବାୟ ସମିତି ଓ ନିୟନ୍ତ୍ରଣ ବଜାର କମିଟି ସମ୍ପାଦକ ଆବଶ୍ୟକୀୟ ପଦକ୍ଷେପ ଗ୍ରହଣ କରିବେ । ସଂଗୃହୀତ ଧାନର ମାନ ନିରୀକ୍ଷଣ କରିବା ପାଇଁ ଯନ୍ତ୍ରର ବ୍ୟବହାର କରାଯିବ (ଗ୍ରେନ ଆନାଲାଇଜର ) ଏବଂ ଡିଜିଟାଲ ଆଦ୍ରତା ମାପ ଯନ୍ତ୍ର ଲଗାଯିବ ବୋଲି ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ସୂଚନା ଦେଇଥିଲେ । ଧାନର ଏଫଏକ୍ୟୁ ମାନ ବିଷୟରେ ଚାଷୀଙ୍କୁ ପୂର୍ବରୁ ସଚେତନ କରିବା, ମଣ୍ଡିକୁ ଧାନ ଆସିବାର ଯଥା ସମୟ ପୂର୍ବରୁ ଚାଷୀ ମାନଙ୍କୁ ଟୋକେନ୍ ଦେବା ବ୍ୟବସ୍ଥା କରିବା, କଳାବଜାରୀ ଭଳି ବେଆଇନ କାର୍ଯ୍ୟଗୁଡିକୁ ରୋକିବା ପାଇଁ ବୈଠକରେ ନିଷ୍ପତି ନିଆଯାଇଥିଲା । କୌଣସି ଟୋକନ ଯେପରି କ୍ଷତି ନ ହୁଏ ସେଥିପ୍ରତି ଜିଲ୍ଲାପାଳ ଙ୍କୁ ୭ ଦିନ ଅବଧି ବଢାଇବାକୁ ମଧ୍ୟ କ୍ଷମତା ଦିଆଯାଇଛି । ବାହାର ଜିଲାରୁ କିମ୍ବା ଆନ୍ତରାଜ୍ୟ ଧାନ ବିକ୍ରି ରୋକ ପାଇଁ ଆରକ୍ଷୀ ଅଧିକ୍ଷକ ବିଭିନ୍ନ ସ୍ଥାନରେ ନାକାବନ୍ଦୀ କରିବା ତଥା ସିସିଟିଭି ଦ୍ବାରା ପୋଲିସ ବିଭିନ୍ନ ସ୍ଥାନରେ ଜଗିବ ବୋଲି ସୂଚନା ଦେଇଥିଲେ ।
ଏକାକୀ ଉଡିଲେ ପାଣ୍ଡିଆନ,ପଛରେ ପଡିଲେ ନବୀନ

ରାଜ୍ୟରେ ହୁ ହୁ ହୋଇ ବଡୁଛି ବେକାରି ସମସ୍ୟା । ଚପରାସୀ ଚାକିରୀ ପାଇଁ ଲାଗୁଛି ଲମ୍ବା ଲାଇନ । ଏହାରୀ ଭିତରେ ନିର୍ବାଚନ କମିଶନଙ୍କ ତଥ୍ୟ ସମସ୍ତଙ୍କୁ ତାଜୁବ କରିଛି । ଜାତୀୟ ସର୍ଭେକ୍ଷଣ ୨୦୨୩-୨୪ ଅନୁସାରେ, ଓଡ଼ିଶାରେ ବେକାରି ହାର ୩.୯ ପ୍ରତିଶତ ରହିଥିବା ବେଳେ ସାରାଦେଶରେ ୨୧ ତମ ସ୍ଥାନରେ ରହିଛି ଓଡ଼ିଶା। ଓଡିଶାରୁ ପ୍ରାୟ ୨୦ ଲକ୍ଷରୁ ଉର୍ଦ୍ଧ ବେକାର ଯୁବକ ଯୁବତୀ ନିଜର କର୍ମସଂସ୍ଥାନ ପାଇଁ ଦେଶ କିମ୍ବା ବାହରକୁ ଦାଦନ ଯିଵାକୁ ବାଧ୍ୟ ହେଉଥିବା ବେଳେ ସରକାରୀ ଚାକିରୀ ପାଇଁ ଜିଲ୍ଲା ଦକ୍ଷତା ବିକାଶ ଓ ନିୟୋଜନ କାର୍ଯ୍ୟାଳୟରେ ନାମ ପଞ୍ଜିକରଣ କରିଛନ୍ତି, ୧୧ ଲକ୍ଷ ୪ ହଜାର ୨୨୯ ଯୁବକ ଯୁବତୀ। ଏମାନଙ୍କ ମଧ୍ୟରୁ ନିୟୋଜନ କାର୍ଯ୍ୟାଳୟ ମାଧ୍ୟମରେ ଗତ ୧୦ ବର୍ଷରେ ନିଯୁକ୍ତି ପାଇଛନ୍ତି ୮ ହଜାର ୪୦୧ ।

ଏପରି ସ୍ଥିତିରେ ଭୋଟ ପାଇଁ ଓଡିଶାରେ ହଜାର ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି ତିନି ପ୍ରମୁଖ ରାଜନୈତିକ ଦଳ। ୨୦୨୪ ଲୋକସଭା ଓ ବିଧାନସଭା ନିର୍ବାଚନରେ ୪୧୫ କୋଟି ୨୧ ଲକ୍ଷ ୨୫ ହଜାର ୧୬୪ ଟଙ୍କା ଖର୍ଚ୍ଚ କରିଛି ବିଜେଡି । ବିଜେଡି ଦଳୀୟ ମତ ପ୍ରଚାର ପାଇଁ ୨୭୭ କୋଟି ଏକ ଲକ୍ଷ ଟଙ୍କା ଖର୍ଚ୍ଚ କରିଥିବା ବେଳେ, ପ୍ରାର୍ଥୀଙ୍କ ନିର୍ବାଚନ ଖର୍ଚ୍ଚ ବାବଦରେ ୧୩୮ କୋଟି ୧୯ ଲକ୍ଷ ଟଙ୍କା ଖର୍ଚ୍ଚ କରିଛି । ସେହିପରି, ଗଣମାଧ୍ୟମରେ ବିଜ୍ଞାପନପାଇଁ ୪୭ କୋଟି ୧୪ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ନିର୍ବାଚନ ପ୍ରଚାର ଉପକରଣ ବାବଦରେ ୩୨ କୋଟି ୬୫ ଲକ୍ଷ ଟଙ୍କା ଏବଂ ତାରକା ପ୍ରଚାରକଙ୍କ ପାଇଁ ହେଲିକେପ୍ଟର ଓ ବିମାନ ଜରିଆରେ ଗସ୍ତ ବାବଦରେ ୨୫ କୋଟି ୪୬ ଲକ୍ଷ ଟଙ୍କା ଖର୍ଚ୍ଚ ହୋଇଛି।

ବିଜେଡିର ତାରକା ପ୍ରଚାରକ ନବୀନ, ଭି.କେ ପାଣ୍ଡିଆନଙ୍କ ସହ ଅନ୍ୟ ୩୮ ଜଣ ବରିଷ୍ଠ ବିଜେଡି ନେତା ୨୩୧ ଥର ହେଲିକେପ୍ଟର ଓ ବିମାନରେ ଗସ୍ତ କରିଥିଲେ। ନବୀନ ଏକାକା ୬ ଥର ହେଲିକପ୍‌ଟର ଓ ୫ ଥର ଏୟାରକ୍ରାଫ୍ଟରେ ଗସ୍ତ କରିଥିବା ବେଳେ, ପାଣ୍ଡିଆନ ୧୫୭ ଥର ଏକାକୀ ସର୍ବାଧିକ ଗସ୍ତ କରିଥିଲେ। ନବୀନ ଓ ପାଣ୍ଡିଆନ ମିଳିତଭାବେ ୫୫ ଥର ହେଲିକପ୍‌ଟରରେ ଯାଇ ନିର୍ବାଚନ ପ୍ରଚାରରେ ସାମିଲ ହୋଇଥିଲେ । ସେହି କ୍ରମରେ, ବିଜେଡି ନେତା ପ୍ରଣବ ପ୍ରକାଶ ଦାସ ୬ ଥର, ଅତୁନୁ ସବ୍ୟସାଚୀ ନାୟକ ୩ ଥର ଓ ପ୍ରଣବ ବଳବନ୍ତରାୟ ଥରେ ହେଲିକେପ୍ଟରରେ ଗସ୍ତ କରିଥିଲେ।

ରାଜ୍ୟ ସ୍ତରୀୟ ନେତାଙ୍କ ଗସ୍ତ ବାବଦରେ ୭୧ଲକ୍ଷ ୨୧ ହଜାର ଟଙ୍କା ଖର୍ଚ୍ଚ କରିବା ସହ ନିଜ ପାଖରେ ୬୨୫ କୋଟି ଟଙ୍କା ରଖିଥିବା ନେଇ ଭାରତୀୟ ନିର୍ବାଚନ ଆୟୋଗ (ଇସିଆଇ)ଙ୍କ ନିକଟରେ ଦାଖଲ ୬୦ ପୃଷ୍ଠା ସଂବଳିତ ବ୍ୟୟ ରିପୋର୍ଟ ଦାଖଲ କରିଛି ବିଜେଡି । ଯାହା ସାର୍ବଜନୀନ ହେବା ପରେ ଅନ୍ୟ ରାଜନୈତିକ ଦଳମାନଙ୍କ ମଧ୍ୟରେ ଛନକା ପଶିଛି । ଗୋଟେ ପଟେ ବିକାଶ ନାଁରେ ବିଜେଡି ୨୪ ବର୍ଷ ଧରି ଓଡିଶାର ଜଳ, ଜମି, ଜଙ୍ଗଲ, ଖଣିକୁ ବିଭିନ୍ନ -କର୍ପୋରେଟ୍ ସଂସ୍ଥାକୁ ଟେକି ଦେବାପରେ ସଂଗୃହିତ ଟଙ୍କାକୁ ଭୋଟ ନାଁରେ ପାଣି ପରି ଖର୍ଚ୍ଚ କରିଛି । ପୂର୍ବତନ ସରକାରଙ୍କ ଚିତ୍ର ଓ ଚରିତ୍ର ଏବେ ଦାଣ୍ଡରେ ପଡି ହାଟରେ ଗଡୁଛି ଯାହାକି ଭୋକିଲା ପେଟରେ ଲାତ ମାରିବା ସଦୃଶ୍ୟ । ସେହିପରି, ଅନ୍ୟ ଦଳମାନଙ୍କର ନିର୍ବାଚନୀ ଖର୍ଚ୍ଚ ସାର୍ବଜନୀନ ହେବାକୁ ସାଧାରଣରେ ଦାବି ହୋଇଛି ।
ବିଜେପିରେ ବିଲିନ ହେବକି ବିଜେଡି ?

ପ୍ରଥମେ ମମତା ମହାନ୍ତ, ଏବେ ସୁଜିତ କୁମାର, ଏହାପରେ ଆଉ କିଏ?

ଏକଦା ବିଜେଡି ଓ ପାଣ୍ଡିଆନଙ୍କର ବିଶ୍ବସ୍ତ ଥିବା ସୁଜିତ କୁମାର ସମସ୍ତଙ୍କୁ ଚକମା ଦେଇ ଦିଲ୍ଲୀରେ ଧରିଛନ୍ତି ପଦ୍ମ । ବିଜେଡିର ବଡ଼ ବଡ଼ ନେତା ଏକଥାର ଟେର ପାଇବା ପୂର୍ବରୁ ବିଜେପିରେ ସାମିଲ ହୋଇସାରିଥିଲେ ସୁଜିତ । ତେବେ, ପ୍ରଶ ଉଠୁଛି —
ସୁଜିତ ହଠାତ୍ ଏପରି ନିଷ୍ପତ୍ତି ନେଲେ ନା ଆଗରୁ ଖୋଜୁଥିଲେ ମଉକା ? ମଉକା ଦେଖି ଛକ୍କା ମାରିଲେ କି ସୁଜିତ ? …କୁହାଯାଏ, ସୁଜିତ କୁମାର ଜଣେ ଉଚ୍ଚ ଶିକ୍ଷିତ ବ୍ୟକ୍ତି ହୋଇଥିବା ବେଲେ ବିଦେଶରେ ରହୁଥିଲେ । ଓଡ଼ିଶାରେ ତାଙ୍କୁ କେହି ଜାଣି ନ ଥିବା ବେଳେ, ପାଣ୍ଡିଆନ ଭରସା କରି ବିଜେଡିରେ ସାମିଲ କରିଥିଲେ । ଏହାପରେ ସୁଜିତଙ୍କୁ ସ୍ବତନ୍ତ୍ର ଉନ୍ନୟନ ପରିଷଦର ଉପଦେଷ୍ଟା କରାଗଲା ଏବଂ ସିଧା ରାଜ୍ୟସଭା ପଠାଗଲା ! ହେଲେ ବିଜେଡି ଭିତରେ ଏମିତି କ’ଣ ହେଲା ଯେଉଁଥିପାଇଁ ସେ ରାଜ୍ୟ ସଭା ସଦସ୍ୟତା ପଦ ଛାଡି ବିଜେପିରେ ମିଶିଲେ ? ପାଣ୍ଡିଆନଙ୍କ ଖାସ୍ ଲୋକରୁ ଏବେ ଧର୍ମେନ୍ଦ୍ରଙ୍କ ପାଖଲୋକ ହୋଇଗଲେ ? ପାଣ୍ଡିଆନ ଓ ନବୀନଙ୍କ ଉପରେ ତାଙ୍କର ଭରସା ପାଇଲାନି କି ? ଅଚାନକ ବିଜେଡି ଛାଡି ବିଜେପିରେ ମିଶିଲେ, ଆଉ ଏବେ ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିପଡିଛନ୍ତି ।

ଯଦି ବିଧାନସଭା ପରର ବିଜେଡି କଥା ତର୍ଜମା କରିବା ତେବେ ଦଳର ଅନୁଶାସନ ସମ୍ପୂର୍ଣ୍ଣ ଭାବେ ଭୁଷୁଡି ପଡିଛି କହିଲେ କିଛି ଭୁଲ୍ ହେବନି । ଅବଶ୍ୟ ଏହା ଠିକ୍ ଯେ କିଛି ଲୋକଙ୍କୁ କେତେବେଳେ ଏ ପୋଖରୀ ଆଉ କେତେବେଳେ ସେ ପୋଖରୀରେ ଗାଧୋଇବାକୁ ଭଲ ଲାଗେ । ତଥାପି ବଜେଡିର ଯେଉଁ କେତେ ଜଣ ବଡବଡିଆ ଥିଲେ ସେମାନେ କରୁଥିଲେ କ’ଣ ? ବିଶେଷ କରି ଦଳର ପାଓ୍ବାର କରିଡର କୁହାଯାଉଥିବା ଭିକେ ପାଣ୍ଡିଆନ ଏବେ ନବୀନ ନିବାସରେ କରୁଛନ୍ତି କ’ଣ? ଦଳର ପରାଜୟ ହେଲା କି ନାହିଁ ତୁରନ୍ତ ନେତାଙ୍କ ଦଳଡିଆଁ ଆରମ୍ଭ ହୋଇଗଲା ! ନିର୍ବାଚନରେ ହାରିବା ପରେ ନବୀନଙ୍କ ନେତୃତ୍ୱରେ ନାହିଁ କି ଦମ ? ୨୪ ବର୍ଷ ଶାସନରେ ଥିବା ବେଳେ ସୁଜିତ ବିଜେଡିରେ ବଡ଼ ପଦ ପଦବୀରେ ରହିଲେ ଆଉ ଏବେ କିଛି ବି କାରଣ ଦର୍ଶାଇ ହାତ ଛାଡିଦେଲେ ! ତେବେ, ଘଟଣା ଯାହା ବି ହେଉ ନା କାହିଁକି, ବିଜେଡି ଦଳକୁ ନେଇ ଆଜି ଉଠୁଛି ଅନେକ ପ୍ରଶ୍ନ ।

ଦଳର ପରାଜୟ ପାଇଁ ପାଣ୍ଡିଆନଙ୍କୁ ଦାୟୀ କରିବା ବଦଳରେ ତାଙ୍କୁ ବାରମ୍ବାର ପ୍ରଶଂସା କରି ପୁଣି ଥରେ ଦଳର ହର୍ତ୍ତାକର୍ତ୍ତା ବୋଲି ବାର୍ତ୍ତା ଦେବାପରେ ନବୀନଙ୍କ ପ୍ରତି ତୁଟୁଛି କି ଭରସା ? ପରାଜୟର କାରଣ ନ ଖୋଜିବା କ’ଣ ବିଜେଡିର ଦୁର୍ବଳତା ? ଦିନ ଥିଲା ମାଳ ମାଳ ନେତା ଅନ୍ୟ ଦଳରୁ ଆସି ବିଜେଡିରେ ଯୋଗ ଦେଉଥିଲେ; ହେଲେ ଆଜି, ବିଜେଡିରୁ ନେତା ଆମଦାନୀ କରୁଛି ବିଜେପି । ସବୁ କର୍ମଫଳ । ବିଜେଡିରୁ ନେତା ଯେପରି ଭାବେ ବିଜେପିକୁ ଆସିବା ଆରମ୍ଭ କରିଛନ୍ତି, କୁହାଯାଉଛି ଆଉ ଅଳ୍ପ ଦିନ ଭିତରେ ବିଜେଡି, ବିଜପିରେ ବିଲିନ ହୋଇଯିବ । ସତ ହେବ ବିଜେପିର ‘ଅପରେସନ ଲୋଟସ’ ।
କଙ୍ଗନାଙ୍କୁ ହାଇକୋର୍ଟର ନୋଟିସ୍‌, ୨୧ ସୁଦ୍ଧା ଜବାର ରଖିବାକୁ ନିର୍ଦ୍ଦେଶ

ଏବେ ହିମାଚଳ ପ୍ରଦେଶର ମଣ୍ଡି ଲୋକସଭା ଆସନରୁ ବିଜୟୀ ହୋଇଥିବା ସାଂସଦ କଙ୍ଗନା ରାଣାଓ୍ୱତଙ୍କ ବଢିଛି ଅଡୁଆ । କେବେ ବି ସେ ହରାଇ ପାରନ୍ତି ସାଂସଦ ପଦ । କଙ୍ଗନାଙ୍କୁ ନେଇ ହାଇକୋର୍ଟରେ ଚ୍ୟାଲେଞ୍ଜ କରାଯାଇଛି । ସାଂସଦ ପଦ ରଦ୍ଦ ଦାବିରେ ପିଟିସନ ଦାଖଲ କରାଯାଇଥିବା ବେଳେ ହିମାଚଳ ପ୍ରଦେଶ ହାଇକୋର୍ଟ କଙ୍ଗନାଙ୍କୁ ନୋଟିସ ଜାରି କରିଛନ୍ତି ।

ତେବେ ତାଙ୍କ ବିରୁଦ୍ଦରେ କିଏ ଆଉ କାହିଁକି ହାଇକୋର୍ଟରେ ପିଟିସନ ଦାଖଲ କରିଛନ୍ତି । ବାସ୍ତବରେ ବନ ବିଭାଗର ଜଣେ ପୂର୍ବତନ କର୍ମଚାରୀ କିନ୍ନଉର# ନିବାସୀ ଲାୟକ ରାମ ନେଗି କଙ୍ଗନାଙ୍କ ନିର୍ବାଚନକୁ ବାତିଲ କରିବାକୁ ଦାବି କରିଛନ୍ତି । ନେଗି, ମଣ୍ଡିରୁ ନିର୍ବାଚନ ଲଢିବାକୁ ଚାହୁଁଥିଲେ । ହେଲେ ନିର୍ବାଚନ ଅଧିକାରୀ ଭୁଲ୍‌ ଉପାୟରେ ତାଙ୍କ ନାମାଙ୍କନ ପତ୍ର ପ୍ରତ୍ୟାଖ୍ୟାନ କରିଥିଲେ । ହେଲେ ସେ କହିଛିନ୍ତି, ଯଦି ତାଙ୍କ ନାମାଙ୍କନ ପତ୍ର ଗ୍ରହଣ କରାଯାଇଥାନ୍ତା ତେବେ ସେ ଜିତିଥାନ୍ତେ । ତେଣୁ, ପୁଣି ଥରେ ନିର୍ବାଚନ କରିବାକୁ ସେ ଦାବି କରିଛନ୍ତି । ତେବେ ଚଳିତ ନିର୍ବାଚନରେ ଡେବ୍ୟୁ କରି ବିଜୟୀ ହୋଇଥିବା କଙ୍ଗନାଙ୍କୁ ଆସନ୍ତା ଅଗଷ୍ଟ ୨୧ ସୁଦ୍ଧା ଜବାର ରଖିବାକୁ ହାଇକୋର୍ଟ ନୋଟିସ୍‌ ଜାରି କରିଛନ୍ତି ।
ସାଂସଦ ନୁହେଁ ସରପଞ୍ଚ ପରି ଲୋକଙ୍କ ସେବା କରିବି

ଯାଜପୁର ସାଂସଦ ଭାବେ ରବୀନ୍ଦ୍ର ନାରାୟଣ ବେହେରା ବିଜୟୀ ହେବା ପରେ ସେ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜା ମନ୍ଦିର ଦର୍ଶନ କରିଛନ୍ତି। ଭାରତୀୟ ଜନତା ପାର୍ଟି ପକ୍ଷରୁ ସେ ପ୍ରଥମ ଥର ବିଜୟୀ ହେବା ପରେ ସେ ଆଜି ଠାରୁ ନିଜ କାମ ଆରମ୍ଭ କରିଛନ୍ତି। ସେ ଜଣେ ସାଧାରଣ କର୍ମୀ ଭାବେ ଯାଜପୁର ବାସୀଙ୍କ ପାଇଁ କାମ କରିବେ ବୋଲି କହିଛନ୍ତି। ଜିଲ୍ଲାବାସୀଙ୍କ ପାଇଁ ସେ କାମ କରିବେ ବୋଲି ପ୍ରତିଶ୍ରୁତି ଦେଇଛନ୍ତି।

ଏହି ଅବସରରେ ବହୁ କର୍ମୀ ଓ ସମର୍ଥକ ମାନେ ଉପସ୍ଥିତ ରହି ରବୀନ୍ଦ୍ର ଶୁଭେଛା ଜଣାଇଥିଲେ।
ଇଣ୍ଡିଆ ମେଣ୍ଟ ଗଢ଼ିବ ସରକାର? ପ୍ରଶ୍ନର ଉତ୍ତରରେ ଅଖିଳେଶ ଯାଦବ ଦେଖାଇଦେଲେ ପ୍ରକୃତ ଚିତ୍ର, ଜାଣନ୍ତୁ କ’ଣ କହିଲେ

ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଗୁରୁବାର (ଜୁନ୍ ୬) ରେ ଭାରତ ମିଳିତ ସରକାର ଗଠନ କରିବାର ଆଶା ବ୍ୟକ୍ତ କରିଛନ୍ତି। ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଇ ସେ କହିଛନ୍ତି ଯେ ଗଣତନ୍ତ୍ରରେ ଯେତେବେଳେ ଗଣନା ହୁଏ, ଆଶା ଏବଂ ଇଛାଶକ୍ତି କେବେ ଶେଷ ହୁଏ ନାହିଁ। ଇଣ୍ଡିଆ ମେଣ୍ଟ ବହୁମତ ଠାରୁ ବହୁ ଦୂରରେ,କାହିଁକିନା ଏହାର ଖାତାରେ ୨୩୪ଟି ସିଟ୍ ଆସିଛି । ଲୋକସଭାରେ ସଂଖ୍ୟାଗରିଷ୍ଠତା ପାଇଁ୨୭୨ ଟି ଆସନ ଆବଶ୍ୟକ |
ଭାଜପାର ଶକ୍ତି ପ୍ରଦର୍ଶନ ମଇଦାନ କୁ ଓଲ୍ଲାଇଲେ ବିଜେପି ସାଂସଦ ଓ ବିଧାୟକ

ଭବାନୀପାଟଣା ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ପ୍ରଦୀପ୍ତ ନାଏକ ଓ ଲୋକସଭା ପ୍ରାର୍ଥୀ ମାଳବିକା ସିଂ ଦେଓଙ୍କ ପ୍ରଚାରର ଶ୍ରୀଗଣେଶ। ପ୍ରଚାର ପାଇଁ ଅମାଠ ଓ କେସିଙ୍ଗାରେ ମିଳିତ ପ୍ରଚାର କରିବାକୁ ପହଞ୍ଚିବା ପରେ ଉଭୟଙ୍କୁ ସ୍ଥାନୀୟ ବିଜେପି କର୍ମୀ ଙ୍କ ଦ୍ଵାରା ଭବ୍ୟ ସ୍ୱାଗତ କରାଯାଇଛି। ସ୍ୱାସ୍ଥ୍ୟ ଗତ ସମସ୍ୟା ଯୋଗୁଁ ବିଧାୟକ ପ୍ରଦୀପ୍ତ ନାଏକ ଗତ ଚାରି ବର୍ଷ ହେଲା ଅସୁସ୍ଥତା ଯୋଗୁଁ କୌଣସି ଅଞ୍ଚଳ ଯାଇନଥିବା ବେଳେ ଚଳିତ ନିର୍ବାଚନ ପାଇଁ ଆଜି ପ୍ରଥମ ରାଜନୈତିକ ଶୋଭାଯାତ୍ରା ରେ ସାମିଲ ହୋଇଛନ୍ତି l ତେବେ ଏହି ପ୍ରଚାର ପୂର୍ବରୁ ଉଭୟ ବିଜେପି କର୍ମୀଙ୍କ ସହ ମା ଅମ୍ବାଜୀ ମନ୍ଦିରରେ ଦର୍ଶନ କରିଥିଲେ l

କେସିଙ୍ଗା ନୁଆଁ ବସଟାଣ୍ଟ ରୁ 35 କିଲୋମିଟର ଭବାନୀ ପାଟଣା ପର୍ଯ୍ୟନ୍ତ ମଟର ସାଇକେଲ ଶୋଭାଯାତ୍ରାରେ ରାଣୀ ମାଳବିକା ଓ ପ୍ରଦୀପ୍ତ ନାଏକ ସାମିଲ ହୋଇ ନିର୍ବାଚନୀ ପ୍ରଚାର କରିଛନ୍ତି। ଏହି ଶୋଭାଯାତ୍ରା ରେ ପୂର୍ବତନ ସାଂସଦ ଅର୍କ କେଶରୀ ଦେଓ, ଅନାମ ନାଏକ, କେସିଙ୍ଗା ନଗର ବିଜେପି ସଭାପତି ମଗନ ସିନ୍ଦୁର ପ୍ରମୁଖ ସାମିଲ ହୋଇଥିଲେ। ବିରାଟ ରାଲି ସହ ବିଭିନ୍ନ ସ୍ଥାନରେ ପଦଯାତ୍ରା କରି ରାଣୀ ମାଳବିକା ମୋଦିଙ୍କ ଡବଲ ଇଞ୍ଜିନ ସରକାର ଗଠନରେ ସହାୟତା କରି ରାଜ୍ୟ ତଥା ଦେଶ ବିକାଶରେ ସହଭାଗୀ ହେବାକୁ ଆହ୍ବାନ ଦେଇଛନ୍ତି ସାଂସଦ ପ୍ରାର୍ଥୀ ତଥା ସ୍ଥାନୀୟ ବିଜେପି କର୍ମକର୍ତ୍ତା

ଏହି ବିଜେପି ରାଲିରେ ବହୁ ସଂଖ୍ଯାରେ ବିଜେପି କର୍ମୀ ଯୋଗଦେଇଥିଲେ। ସମସ୍ତଙ୍କ ମଧ୍ୟରେ ଥିଲା ପୁଣି ପ୍ରଦୀପଙ୍କୁ ଜିତାଇବାର ଝୁଙ୍କ ଓ ମାଳବିକାଙ୍କୁ ସାଂସଦ କରିବାର ପ୍ରତିଶ୍ରୁତି ବଦ୍ଧତା।