Tag: #minor girl

ପୁଣି ଆସିଲା ଗଣଦୁଷ୍କର୍ମର ଅଭିଯୋଗ

ବର୍ତ୍ତମାନର ସବୁଠାରୁ ବଡ ଖବର, ପୁଣି ଆସିଲା ଗଣଦୁଷ୍କର୍ମର ଅଭିଯୋଗ । ସମ୍ବଲପୁର ଯୁଯୁମୁରା ଥାନା ଅଞ୍ଚଳରେ ଗଣଦୁଷ୍କର୍ମର ଅଭିଯୋଗ ହୋଇଛି । ଜଣେ ନାବାଳିକା ଗଣଦୁଷ୍କର୍ମର ଶିକାର ହୋଇଥିବା ନେଇ ଯୁଯୁମୁରା ଥାନାରେ ଅଭିଯୋଗ ହେବା ରାଜ୍ୟରେ ଚାଞ୍ଚଲ୍ୟ ଖେଳିଯାଇଛି | ରାଜ୍ୟରେ ପ୍ରତିଦିନ କେଉଁଠି ନା କେଉଁଠି ଏପରି ଖବର ଦେଖିବାକୁ ମିଳୁଛି | ଯାହା ଆପଣ ଦେଖୁଛନ୍ତି,ବର୍ତ୍ତମାନ ଏକ ବଡ ଖବର ଆସି ପହଞ୍ଚିଛି, ପୁଣି ଜଣେ ନାବାଳିକା ଶିକାର ହୋଇଛନ୍ତି ଗଣଦୁଷ୍କର୍ମର | ଏହି ଘଟଣାରେ ୫ଜଣ ସମ୍ପୃକ୍ତ ଥିବାବେଳେ ୪ ଜଣକୁ ପୁଲିସ ଉଠାଇନେଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । ତେବେ ଏହି ଘଟଣାରେ ଅନ୍ୟ ଜଣେ ଫେରାର ରହିଛି । ପୁଲିସ ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ।
ପୁଣି ଆଉ ଜଣେ ନାବାଳିକା…

ରାଜ୍ୟରେ ଅସୁରକ୍ଷିତ ମହିଳା … ଘରକୁ ଫେରିବା ବାଟରେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ….ଓଡିଶାରେର ଢେଙ୍କାନାଳରେ ଟପିଗଲା ସବୁ ସୀମା …. ସବୁ ସୀମା ପାର କରି ଭିଅଉଛନ୍ତି ନାରକୀୟ କାଣ୍ଡ, ନା ଅଛି ପୋଲିସ ର ଭୟ, ନା ମାନୁଛନ୍ତି ଆଇନ କାନୁନ, ହଁ ଦର୍ଶକବନ୍ଧୁ.ଢେଙ୍କାନାଳ ସଦର ଥାନା ତରଭା ଫାଣ୍ଡି ଅଞ୍ଚଳରେ ଘଟିଛି ଏଭଳି ଘଟଣା।ଘରକୁ ଫେରିବା ବାଟରେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗ।ପିଡିତା ଛାତ୍ରୀ ଜଣଙ୍କ ପାଟି କରି ଚିଲେଇବାରୁ ଘରୁ ଧାଇଁ ଆସିଥିଲେ ମାଆ। ଘଟଣାସ୍ଥଳରୁ ଚମ୍ପଟ ମାରିଥିଲେ ତିନି ଜଣ।ଫାଣ୍ଡିରେ ଏତଲା ପରେ ସଦରଥାନ ପୋଲିସ ତିନିଜଣଙ୍କୁ ଅଟକ ରଖି ଛାନଭିନ ଆରମ୍ଭ କରିଛି।

ଛାତ୍ରୀଙ୍କୁ ଡାକ୍ତରୀମାଇନା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଛି।ଘଟଣାକୁ ଚପାଇ ଦେବାକୁ ପୋଲିସ ଉଦ୍ୟମ କରୁଥିବା ଅଭିଯୋଗ କରିଛନ୍ତି ପିଡିତା ଛାତ୍ରୀ ଙ୍କ ମାଆ। ଏ ସମ୍ପର୍କରେ ପୋଲିସ୍ ର ପ୍ରତିକ୍ରିୟା ମିଳିପାରିନାହିଁ । ଢେଙ୍କାନାଳ ରେ ଦୁଇ ଟୀ ଘଟଣା ଘଟି ଲାଣି ଛାତ୍ରୀ ମାନଙ୍କ ସହ ଏଇଭଳି ଘଟଣା ନିନ୍ଦା କରୁଛନ୍ତି ସାଧାରଣ ଲୋକମାନେ
ଚପଲ କିଣିବାକୁ ଯାଇ ଆଉ ଫେରିଲାନି…

ବଜାରକୁ ଚପଲ କିଣିବାକୁ ଯାଇ ନାବାଳିକା ନିଖୋଜ । ଦୀର୍ଘ ଏକ ମାସରୁ ଉର୍ଦ୍ଧ୍ୱ ହେବ ନିଖୋଜ ନାବାଳିକାର ଟେର ପାଉନି ପୋଲିସ । ସେପଟେ ପରିବାର ଲୋକେ ଅସନ୍ତୋଷ ପ୍ରକାଶ କରିଛନ୍ତି । ଏଭଳି ଦୁଖଃଦ ଘଟଣା ପିରହାଟ ଥାନା ଅଧିନ ଖଡିଜାଣ ଗ୍ରାମରେ ଦେଖିବାକୁ ମିଳିଛି । ସୂଚନା ମୁତାବକ ଉକ୍ତ ଗ୍ରାମର ବିଦ୍ୟାଧର ଦାସଙ୍କ ନାବାଳିକା ଝିଅ ନିକଟସ୍ଥ ଗଦି ବଜାରକୁ ଜୁନ ମାସ ୨୫ ତାରିଖ ଦିନ ଚପଲ କିଣିବାକୁ ଯାଇ କେଉଁ ଆଡେ ନିଖୋଜ ହୋଇ ଯାଇଥିଲେ।

ଝିଅ ଘରକୁ ନ ଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ ହେଲେ ଝିଅକୁ ପାଇନଥିଲେ। ନିରାଶ ହୋଇ ଫେରିବା ପରେ ଜାଣିବାକୁ ପାଇଥିଲେ ଯେ ତିହିଡି ଥାନା ଅଧିନ କାଁପଡା ଗ୍ରାମର ବାଦଲ ମଳିକ ଓ ମଳୟ ମଳିକ ତାଙ୍କ ଝିଅକୁ ଅପହରଣ କରି ନେଇଛନ୍ତି । ଯାହାକୁ ନେଇ ବିଦ୍ୟାଧର ପିରହାଟ ଥାନାରେ ପରିବାର ଲୋକ ଏକ ଲିଖିତ ଅଭିଯୋଗ କରିଥିଲେ ।

ଆଭିଯୋଗ କରିବାର ପ୍ରାୟଏକ ମାସରୁ ଉର୍ଦ୍ଧ୍ୱ ସମୟ ବିତି ଯାଇଥିଲେ ମଧ୍ୟ ପୋଲିସର ହାତ ଖାଲି। ନିଜ ଝିଅକୁ ଫେରି ପାଇବା ପାଇଁ ବାରମ୍ବାର ଥାନାକୁ ଦୌଡ଼ି ନିରାଶ ହେବା ପରେ ପରିବାର ଲୋକେ ଭଦ୍ରକ ଏସପିଙ୍କ ଦ୍ୱାରସ୍ଥ ହୋଇଥିଲେ ଓ ଅଭିଯୋଗ କରିଥିଲେ ମଧ୍ୟ କିଛି ସୁଫଳ ମିଳି ନଥିଲା।

ଅପହରଣକାରୀ ଖୁଲମ-ଖୁଲା ବୁଲୁଥିଲେ ମଧ୍ୟ ତାଙ୍କ ବିରୁଦ୍ଧରେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବାରୁ ଅସନ୍ତୋଷ ପ୍ରକାଶ କରିଛନ୍ତି ପରିବାର ଲୋକେ । ଅନ୍ୟ ପଟେ ପିରହାଟ ଥାନାଧିକାରିଣୀଙ୍କୁ ଏ ବିଷୟରେ ପଚାରିବାରୁ ତଦନ୍ତ ଚାଲିଛି ,ଆମେ ନାବାଳିକାକୁ ଉଦ୍ଧାର କରିବାକୁ ଚେଷ୍ଟା ଜାରି ରଖିଛୁ ବୋଲି ଜଣାଇଛନ୍ତି ।
ଦୁଷ୍କର୍ମ ପରେ ହତ୍ୟା:ପରିବାର ଲୋକେ ଆଣିଲେ ଅଭିଯୋଗ

ଚାରି ଦିନ ପୂର୍ବରୁ ଝିଅ ଯାଇଥିଲା ମାମୁ ଘରକୁ, ସେଠାରୁ ପ୍ରଥମେ ନିଖୋଜ ଏବଂ ଗତକାଲି ବରଗଡ଼ ଜିଲ୍ଲା ସୋହେଲା ଡାକ୍ତରଖାନାରେ ମୃତ୍ୟୁ ହେବା ପରେ ସ୍ଥାନୀୟ ଅଞ୍ଚଳରେ ଖେଳିଯାଇଛି ଶୋକର ଛାୟା। ମୃତା ନାବାଳିକା ଜଣକ ବରଗଡ଼ ସଦର ଥାନା ଅଞ୍ଚଳର ବୋଲି ଜଣାପଡିଛି ।

ମାମୁ ଘରକୁ ଯାଇ ଜଣେ ନାବାଳିକା ନିଖୋଜ ଥିବା ଜଣେ ନାବାଳିକାଙ୍କ ଆଜି ବରଗଡ ଜିଲ୍ଲା ସୋହେଲା ଡାକ୍ତରଖାନାରେ ମୃତ୍ୟୁ ହୋଇଛି । ଗତ ୨୮ ତାରିଖରୁ ନାବାଳିକା ଜଣକ ନିଖୋଜ ଥିବା ନେଇ ଥାନାରେ ଅଭିଯୋଗ କରିଥିଲେ ପରିବାର । ଆଜି ଜଣେ ଯୁବକ ସୋହେଲା ସ୍ୱାସ୍ଥ୍ୟକେନ୍ଦ୍ରକୁ ତାଙ୍କୁ ଚିକିତ୍ସା କରିବାକୁ ଆଣିବା ବେଳେ ଡାକ୍ତର ନାବାଳିକାର ମୃତ୍ୟୁ ହୋଇଥିବା କହିଥିଲେ । ନାବାଳିକା ବଲାଙ୍ଗୀର ଜିଲ୍ଲା ଲୋଇସିଂହା ଅଞ୍ଚଳ ମାମୁ ଘରକୁ ଯାଇ ନିଖୋଜ ହୋଇଥିଲେ। ଏହାକୁ ନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ। ତେବେ ନାବାଳିକାକୁ ଦୁଷ୍କର୍ମ ପରେ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିବା ସହ ନ୍ୟାୟ ଦେବା ପାଇଁ ଦାବି କରିଛନ୍ତି।

ଅନ୍ୟପଟେ ନାବାଳିକାଙ୍କୁ ହସ୍ପିଟାଲ ଆଣିଥିବା ଯୁବକ ସଂଜୀବ ମହାନନ୍ଦକୁ ସଦର ଥାନା ପୋଲିସ ଅଟକ ରଖି ପଚରାଉଚରା କରିଵା ସହ ଘଟଣାର ଅଧିକ ତଦନ୍ତ କରୁଛି ଏବଂ ଶବକୁ ବ୍ୟବଚ୍ଛେଦ ପାଇଁ ବରଗଡ ମୁଖ୍ୟ ଚିକିତ୍ସାଲୟକୁ ପଠାଇ ଦେଇଛି ।
ଯାଜପୁରରେ କୁନି ପିଲାଙ୍କ ରଜ ଅଡିସନ ଆରମ୍ଭ

ଯାଜପୁର ରୋଡ ଚନ୍ଦନ ଜୁଏଲାର୍ସ ତରଫରୁ କୁନି କୁନି ପିଲାମାନଙ୍କୁ ନେଇ ରଜ ଅଡିସନର ଆୟୋଜନ କରାଯାଇଅଛି। ଶେଷ ରଜ ଦିନ ଏହାର ମେଗା ଅଡିସନ ହେଉଥବା ବେଳେ କୃତୀତ୍ବ ଅର୍ଜନ କରିଥିବା ପିଲା ମାନଙ୍କୁ ଅନୁଷ୍ଠାନ ତରଫରୁ ପୁରସ୍କୃତ କରାଯିବାର କାର୍ଯ୍ୟକ୍ରମ ରହିଥିବା ଅନୁଷ୍ଠାନ ର ସ୍ୱତାଧିକାରୀ ରଞ୍ଜନ କୁମାର କର୍ମେକର ସୂଚନା ଦେଇଛନ୍ତି।

କୁନି କୁନି ପିଲାମାନଙ୍କ ଭିତରେ ରହିଥିବା ଲୁକାୟିତ ପ୍ରତିଭା କୁ ଲୋକଲୋଚନ କୁ ଆଣିବା ପାଇଁ ଚନ୍ଦନ ଜୁୟେଲର୍ସ ର ଏଭଳି ଏକ ପ୍ରୟାସ କୁ ସହରବାସୀ ପ୍ରଶଂସା କରିଛନ୍ତି। ଛୋଟ ଛୋଟ ପିଲାମାନଙ୍କ ପ୍ରତିଭା ଙ୍କୁ ନେଇ ଏଭଳି ଏକ ଆୟୋଜନ କରିଥିବା ଚନ୍ଦନ ଜୁଏଲାର୍ସ ଆଗାମୀ ଦିନରେ ସମାଜ ପାଇଁ ଏକ ଉଦାହରଣ ବୋଲି ମ୍ୟାନେଜର ପ୍ରକାଶ ସାହୁ କହିଛନ୍ତି।
ରଙ୍ଗ ନମ୍ବର ପ୍ରେମିକରୁ ପିଶାଚ ପିତା!

ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା କଣ୍ଟାପାଳ ୪ ନଂ କଲୋନୀ ଅନ୍ତର୍ଗତ ନୋଟାରୀପଶିରେ ପାରିବାରିକ କଳହରୁ ବିଭତ୍ସ ହତ୍ୟାକାଣ୍ଡ । ମାତ୍ର ୭ ମାସର ଶିଶୁ କନ୍ୟାକୁ କଚାଡି ମାରିଲା ପିଶାଚ ବାପ। ସୂଚନା ଅନୁସାରେ, ସାମାନ୍ୟ ଘରୋଇ କଳି ଯୋଗୁ କ୍ରୋଧରେ ଅଜ୍ଞାନ ହୋଇ ଶିଶୁ କନ୍ୟାକୁ ହତ୍ୟା କରିଛି ଅଭିଯୁକ୍ତ ବାପା ସଞ୍ଜୟ ଚାତାର।

ତେବେ, ଘଟଣା ସ୍ଥଳରେ ଅଭିଯୁକ୍ତ ସଞ୍ଜୟକୁ ବହେ ଛେଚିଛନ୍ତି ସ୍ଥାନୀୟ ବାସିନ୍ଦା। ସଞ୍ଜୟକୁ ଗୁରୁତର ଅବସ୍ଥାରେ ପ୍ରଥମେ କାମାକ୍ଷାନଗର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ ସଞ୍ଜୟଙ୍କ ଘର ମୟୁରଭଞ୍ଜ ଜିଲ୍ଲାରେ ହୋଇଥିବା ସୂଚନା। ଯାଜପୁର ଡ଼ୁବୁରୀରେ ଲେବର କାମ କରୁଥିବା ବେଳେ ରଙ୍ଗ ନମ୍ବରରୁ କଣ୍ଟାପାଳ ୪ ନଂ କଲୋନୀର ଜନନୀ ମୁଣ୍ଡା ସହ ପ୍ରେମ ବିବାହ କରିଥିଲେ ସଞ୍ଜୟ । ସେ ଦୁଇ ବର୍ଷ ହେବ ଶ୍ୱଶୁର ଘର ନୋଟାରୀପଶିରେ ରହି ଟ୍ରାକ୍ଟର ଗାଡିରେ ଲେବର କାମ କରୁଥିଲେ। ବାହାଘର ପରଠାରୁ ଜନନୀଙ୍କୁ ସଞ୍ଜୟ ମାଡ ମାରିବା ସହ ନିର୍ଯାତନା ଦେଇ ଆସୁଥିଲେ।

ଗତ କାଲି ଚାଉଳ କିଣିବା ପାଇଁ ବଜାରକୁ ଯାଇ ସେଠାରେ ସ୍ୱାମୀ, ସ୍ତ୍ରୀଙ୍କ ମଧ୍ୟରେ ଝଗଡା ହୋଇଥିଲା। ଯାହାକୁ ନେଇ ପ୍ରେମ ସମ୍ପର୍କର ସନ୍ତକକୁ ସବୁ ଦିନ ପାଇଁ ରାସ୍ତାରୁ ହଟେଇ ଦେବି ବୋଲି କହି ଶିଶୁକୁ କଚାଡି ମାରିଥିଲା ପିଶାଚ ବାପା। ଏ ଖବର ପାଇ କଙ୍କଡ଼ାହାଡ଼ ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
ଥମୁନି ଦୁଷ୍କର୍ମ ଓ ହତ୍ୟା,ଆଖିବୁଝିଲେ ଆଉ ଜଣେ ନାବାଳିକା

ବାଲେଶ୍ୱର ଜିଲା ଭୋଗରାଇ ଥାନା ଅଧୀନ ଜନୈକା ୧୭ ବର୍ଷୟା କଲେଜ ପଢୁଆ ନାବାଳିକା ଛାତ୍ରୀ ବଳତ୍କାରର ଶିକାର ହୋଇ ତାଙ୍କୁ ହତ୍ୟାକାରାଯାଇଥିବାର ଭୋଗରାଇ ଥାନାରେ ମୃତା ଛାତ୍ରୀଙ୍କ ଭାଇ ଗତ କାଲି ସନ୍ଧ୍ୟାରେ ଅଭିଯୋଗ କରିଛନ୍ତି lଅଭିଯୋଗ ମୂଳେ ଭୋଗରାଇ ଥାନା ପୋଲିସ ଘଟଣା ସ୍ଥଳକୁ ଯାଇ ମୃତ ନାବାଳିକାଙ୍କ ମୃତ ଦେହ ଘରଭିତରୁ ଉଦ୍ଧାର କରି ୧ ୭ ୪ / ୨ ୫ ରେ ମାମଲା ୠଜୁକରିବା ସହିତ ସନ୍ଦେହରେ ବସନ୍ତ ମଝିନାମକ ଜଣେ ଯୁବକକୁ ଅଟକ ରଖି ଅଧିକ ତଦନ୍ତ ଜାରି ରଖିଛନ୍ତି l

ସୂଚନା ଅନୁଯାୟୀ, ମୃତା ଛାତ୍ରୀଙ୍କ ଭାଇ ଏତଲାରେ ଦର୍ଶାଇଛନ୍ତି ଯେ ଗତ ମଙ୍ଗଳବାର ଦିନ ଦିନ ୧୧ଟା୩୦ ମିନିଟ୍ ସମୟରେ ଭୋଗରାଇ ବ୍ଲକ ଲକ୍ଷ୍ମୀପାଟଣା ଗ୍ରାମର ଯୁବକ ବସନ୍ତ ମାଝୀ (ବାଣ୍ଟୁ) ଓ ତାଙ୍କର କିଛି ସହଯୋଗୀ ଘରେ କେହି ନଥିବା ବେଳେ ଏହି ସୁଯୋଗରେ ବଳତ୍କାର କରିବା ସହିତ ଜୀବନରୁ ମାରି ଦେଇ ଆତ୍ମହତ୍ୟାର ରୁପ ଦେବା ପାଇଁ ଘର ଭିତରେ ବେକରେ ରସି ଦେଇ ଝୁଲାଇ ଦେଇଥିବା ମୃତୁ୍କଙ୍କ ଭାଇ ଭାସ୍କର ମାଝୀ ଥାନାରେ ଲିଖିତ ଅଭିଯୋଗ କରିଛନ୍ତି l ଭୋଗରାଇ ଥାନା ଅଧିକାରୀ ଶ୍ରୀବଲ୍ଲଭ ସାହୁଙ୍କ ନେତୃତ୍ୱରେ ଭୋଗରାଇ ପୋଲିସ ମୃତା ଛାତ୍ରୀଙ୍କ ଶରୀରକୁ ବେବଛେଦ କରିବା ପାଇଁ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିବାର ସୂଚନା ମିଳିଛି ।ଏ ସମ୍ପର୍କ ରେ ପୋଲିସ ର ପ୍ରତି କ୍ରିୟା ମିଳି ପାରି ନାହିଁ
ଧମକାଉଛି ପୋଲିସ, ଏସପିଙ୍କୁ ଭେଟିଲେ ପୀଡିତା

ଦୁଷ୍କର୍ମ ପୀଡିତାଙ୍କ ଉପରେ ପୋଲିସ କର୍ମଚାରୀଙ୍କ ନିର୍ଯାତନା ଓ ପ୍ରମାଣ ନଷ୍ଟ ଘଟଣା; ପୋଲିସ ଉପରେ କାର୍ଯ୍ୟାନୁଷ୍ଠାନ ପାଇଁ ଏସପିଙ୍କୁ ଭେଟିଲେ ପୀଡିତା

କେନ୍ଦ୍ରାପଡ଼ା ଜିଲ୍ଲାରେ ଆଇନଶୃଙ୍ଖଳା ବ୍ୟବସ୍ଥା ଭୁଷୁଡିପଡ଼ିଛି | ପୋଲିସ ହାତବାନ୍ଧି ବସିଛି | ଆସାମୀ ଘଟଣା ଘଟାଇ ଖୁଲମଖୁଲା ବାହାରେ ବୁଲୁଛି |କେନ୍ଦ୍ରାପଡ଼ାରେ ପ୍ରତ୍ଯେକ ଥାନାଞ୍ଚଳରେ ଦୁଷ୍କର୍ମକାରୀ ବାହାରେ ବୁଲୁଛି ପୀଡ଼ିତା ନ୍ୟାୟ ପାଇଁ ପୋଲିସ ପାଖରେ ଗୁହାରି କରି କରି ଥକିପଡୁଛି | ହେଲେ ନ୍ୟାୟ ପାଇବା ତ ଦୂରର କଥା, ପୀଡ଼ିତାକୁ ଡରାଇ ଧମକାଇ କୋର୍ଟ ପର୍ଯନ୍ତ ଯେମିତି ନ ପହଞ୍ଚିବ ସେ ବ୍ୟବସ୍ଥା କରାଯାଉଛି | ଏହି ପରି ଏକ ଘଟଣା କେନ୍ଦ୍ରପଡା ଜିଲ୍ଲା ଡେରାବିଶ ଥାନା ଖମଳ ଅଞ୍ଚଳରେ ଘଟିଯାଇଛି |

କିଛି ଦିନ ତଳେ ପିଉସୀ ଓ ତାଙ୍କ ନାବାଳିକା ଝିଆରୀଙ୍କୁ ଦୁଇ ଅଭିଯୁକ୍ତ ଭାଇ ଦୁଷ୍କର୍ମ କରିଥିବା ଘଟଣାରେ ଡେରାବିଶ ଥାନା ପୋଲିସ ଦୁଇ ଭାଇ ସୁଜିତ ସେଠି ଓ ରାଜକିସୋର ସେଠିଙ୍କୁ ଗିରଫ କରି କୋର୍ଟ ଚଲାଣ କରିଛି | ହେଲେ ଡେରାବିଶ ଥାନା କର୍ମଚାରୀ ଶିଖା ପାତ୍ର ଘଟଣାକୁ ଚପାଇ ଦେବା ପାଇଁ ଦୁଇ ପୀଡିତାଙ୍କୁ ମେଡିକାଲ ଟେଷ୍ଟ ପାଇଁ ଜବରଦସ୍ତୀ ମନା କରିଦେଇଥିଲେ| ଘଟଣା ସମୟରେ ପୀଡିତା ଜଣଙ୍କ ହାତ ଯୋଡି ପୋଲିସ ପାଖରେ କାକୁତି ମିନତୀ ହେବା ସହ ଯୁକ୍ତିତର୍କ ହୋଇଥିଲା | ଶୁଣନ୍ତୁ କଣ କହୁଛନ୍ତି ପୀଡ଼ିତା |

ମହିଳାଙ୍କୁ ଦୁଷ୍କର୍ମ ଘଟଣାରେ କେନ୍ଦ୍ରାପଡ଼ା ଜିଲ୍ଲାର ପୋଲିସ ମେଡ଼ିକାଲ ଟେଷ୍ଟ ଗଲେ ତମକୁ ବସୁଧାକୁ ପଠେଇଦବୁ, ତମେ ଘରକୁ ଯିବ ନାହିଁ, ତମର ଲାଇଫ ରିସ୍କ ହେଇଯିବ ଆଦି କହି ତାଙ୍କୁ ଭୟଭୀତ କରାଯାଉଛି | ପୋଲିସ ଆସାମୀକୁ ଘଣ୍ଟ ଘୋଡାଇବା ପାଇଁ ପ୍ରଲୋଭିତ ହୋଇ ପ୍ରଭାବିତ ହୋଇ ଭିତିରି ବୁଝାମଣା କରି କେସକୁ ଚାପି ଦେଉଛି | ତେଣୁ ଥାନାରୁ ନେଇ କୋର୍ଟ ପର୍ଯନ୍ତ ନ୍ୟାୟ ପାଉ ପାଉ ପୀଡ଼ିତାମାନଙ୍କୁ ଭୟଭୀତ କରାଯାଉଛି | ସାକ୍ଷୀକୁ ପ୍ରଭାବିତ କରୁଥିବା ମହିଳା କନଷ୍ଟେବଳ ଶିଖା ପାତ୍ରଙ୍କୁ ତୁରନ୍ତ ସସପେଣ୍ଡ କରିବା ପାଇଁ ଦାବି କରିଛନ୍ତି | ଏ ନେଇ ମୂଳନିବାସୀ ୟୁନାଇଟେଡ଼ ଫୋରମ ପକ୍ଷରୁ ଏସପିଙ୍କୁ ଭେଟି ୭ ଦିନର ସମୟ ଦିଆଯାଇଥିବା କହିଛନ୍ତି ରାଜ୍ୟ ଅଧ୍ୟକ୍ଷ |

ଘଟଣା ସମୟର ଭିଡିଓ ଭାଇରଲ ହେବା ପରେ ପୋଲିସ କର୍ମଚାରୀ ଶିଖା ପାତ୍ରଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ହୋଇ ନଥିବା ବେଳେ ଗତକାଲି ପୀଡିତା ଯୁବତୀଙ୍କ ସହ ମୂଳନିବାସୀ ଇଉନାଇଟେଡ଼ ଫୋରମର କର୍ମକର୍ତା କେନ୍ଦ୍ରାପଡ଼ା ଏସପିଙ୍କୁ ଭେଟି ଉକ୍ତ ପ୍ରମାଣ ନଷ୍ଟ ପାଇଁ ଚେଷ୍ଟା କରୁଥିବା ପୋଲିସ କର୍ମଚାରୀ ଶିଖା ପାତ୍ରଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି | ଏ ନେଇ କଣ କହିଛନ୍ତି ମୂଳ ନିବାସି ଇଉନାଇଟେଡ଼ ଫୋରମ ମହିଳା ରାଜ୍ୟ ସଭାପତି ସୁପ୍ରଭା ମଲ୍ଲିକ ଶୁଣନ୍ତୁ |

ତେବେ ପୋଲିସ ଜାଣିଶୁଣି ଦୁଷ୍କର୍ମ ପୀଡିତାଙ୍କୁ ଡରାଇ ମେଡିକାଲ ଟେଷ୍ଟ ପାଇଁ ମନା କରିବାକୁ ବାଧ୍ୟ କରୁଥିବା କେନ୍ଦ୍ରାପଡ଼ାର ଏକାଧିକ ଥାନାରେ ଦେଖିବାକୁ ମିଳୁଛି | ପୋଲିସ କର୍ମଚାରି ଶିଖା ପାତ୍ରଙ୍କ ଉପରେ ଦୃଢ଼ କାର୍ଯାନୁଷ୍ଠାନ ପାଇଁ ପୀଡିତା ଯୁବତୀ ଦାବି ରଖିଛନ୍ତି | ଦାବିପୂରଣ ନ ହେଲେ ଆନ୍ଦୋଳନର ଚେତାବନୀ ଦେଇଛନ୍ତି ମୂଳ ନିବାସୀ ଇଉନାଇଟେଡ଼ ଫୋରମ ମହିଳା ରାଜ୍ୟ ସଭାପତି ସୁପ୍ରଭା ମଲ୍ଲିକ |
ପଦ୍ମପୁରରେ ଲଜ୍ଜା,ନାବାଳିକାକୁ ଦୁଷ୍କର୍ମ ପରେ ହତ୍ୟା !

ବରଗଡ଼ ଜିଲା ପାଇକମାଳ ଥାନା ଅଞ୍ଚଳରେ ସାମ୍ନାକୁ ଆସିଲା ଲଜ୍ଜା ଜନକ ଘଟଣା । ମଛମାରିବାକୁ ଘରୁ ଡାକି ନେଇ ୪ ବର୍ଷର ନାବାଳିକା ଝିଅକୁ ଦୁଷ୍କର୍ମ ପରେ ହତ୍ୟା କଲା ଅଭିଯୁକ୍ତ । ମିଳିଥିବା ସୂଚନା ଅନୁଯାୟୀ ଗତକାଲି ଅପରାହ୍ନ ସମୟରେ ସୋଢା ଗ୍ରାମର ପ୍ରଶାନ୍ତ ନାମକ ଜଣେ ଯୁବକ ନାବାଳିକାଙ୍କୁ ମାଛମାରିଯିବା ପାଇଁ କହି ସାଙ୍ଗରେ ନେଇଯାଇଥିଲା । ନିକଟରେ ଥିବା ଡୁଙ୍ଗୁରି ଜଙ୍ଗଲକୁ ନେଇ ଉକ୍ତ ନାବାଳିକାଙ୍କୁ ବଳାତ୍କାର କରିଥିଲା ଅଭିଯୁକ୍ତ । ଘଟଣା ପ୍ରଘଟ ହେବା ଭୟରେ ନାବାଳିକା ଝିଅଟିର ମୁଣ୍ଡକୁ ପଥରରେ ଛେଚି ହତ୍ୟା କରିବା ପରେ ଜଙ୍ଗଲରେ ଫିଙ୍ଗି ଦେଇଥିଲା । ଅନ୍ୟପକ୍ଷେ ଘରେ ଝିଅ ନ ଥିବା ଦେଖି ପରିବାର ଲୋକେ ଖୋଜାଖୋଜି କରି ପାଇ ନ ଥିଲେ। ପରେ ପ୍ରଶାନ୍ତ ତାଙ୍କ ଝିଅଙ୍କୁ ମାଛ ମାରିଯିବା କହି ନେଇଯାଇଥିବା ଜଣାପଡିବାରୁ ଗ୍ରାମର ଯୁବକମାନେ ପ୍ରଶାନ୍ତଙ୍କୁ ଧରି ପଚରାଉଚରା କରିଥିଲେ। ଏହାପରେ ପ୍ରଶାନ୍ତ ଉକ୍ତ ନାବାଳିକାଙ୍କୁ ବଳାତ୍କାର କରି ଜଙ୍ଗଲରେ ଫିଙ୍ଗି ଦେଇଥିବା ସ୍ବୀକାର କରିଥିଲେ ବୋଲି ପୋଲିସ କହିଛି। ଘଟଣାର ଅଭିଯୁକ୍ତଙ୍କୁ ଗିରଫ କରାଯିବା ସହ ତଦନ୍ତ ଚାଲିଛି ବୋଲି ପାଇକମାଳ ଥାନାଧିକାରୀ ସୁଶାନ୍ତ କୁମାର ପ୍ରଧାନ ଜଣାଇଛନ୍ତି।
ପିଉସୀ ଘରକୁ ପାଳିବାକୁ ଯାଉଥିଲେ ଦିପାବଳୀ, ଅଧା ବାଟରେ ଲିଭିଗଲା ଜୀବନ ଦୀପ

କେନ୍ଦୁଝର ଜିଲ୍ଲା ଚମ୍ପୁଆ ନିକଟସ୍ଥ ରାମଲା ଆମ୍ବବଗିଚା ନିକଟରେ ଏକ ସଡ଼କ ଦୁର୍ଘଟଣାରେ ଜଣେ ନାବାଳିକାଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି। ଘଟଣା ଅନୁସାରେ ଚମ୍ପୁଆ ନିକଟସ୍ଥ ଅଙ୍ଗାରପଦା ଗ୍ରାମର ମଧୁସୂଦନ ମହାନ୍ତ ବାଇକ୍ ରେ ନାବାଳିକା ଝିଅ ଖୁସିରାଣୀ ମହାନ୍ତଙ୍କୁ ନେ଼ଇ ରିମୁଳି ନିକଟସ୍ଥ ରାମଚନ୍ଦ୍ରପୁର ଗ୍ରାମରେ ଥିବା ଭଉଣୀ ଘରକୁ ଯାଉଥିଲେ । ସେଠାରେ ଦିପାବଳୀ ପାଇଁ ଝିଅକୁ ଛାଡ଼ି ଘରକୁ ଫେରିଥାନ୍ତେ । ହେଲେ ଦଇବ ସହିଲା ନାହିଁ। ଏକ ବେପରୁଆ ବାଇକ୍ ଚାଳକଙ୍କ ଯୋଗୁ ଦୁର୍ଘଟଣାରେ ନାବାଳିକା ଝିଅ ର ଜୀବନ ଦୀପ ଅକାଳରେ ଲିଭିଗଲା ।

ରାମଲା ଆମ୍ବ ବଗିଚା ନିକଟରେ ଆଗରେ ଯାଉଥିବା ଏକ ଟ୍ରେଲରକୁ ଓଭରଟେକ୍ କରୁଥିବା ବେଳେ ବିପରୀତ ଦିଗରୁ ଦୃତ ଗତିରେ ଆସୁଥିବା ଏକ ବାଇକ୍ ଧକ୍କା ରେ ମଧୁସୂଦନ ଓ ଖୁସିରାଣୀ ଛିଟିକି ପଡି ଟ୍ରଲରରେ ବାଡେଇ ହୋଇଯାଇଥିଲେ । ଗୁରୁତର ଅବସ୍ଥା ରେ ଆହତ ମାନଙ୍କୁ ଉଦ୍ଧାର କରାଯାଇ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲେ ମାତ୍ର ସେଠାରେ ଡାକ୍ତର ଖୁସିରାଣୀଙ୍କୁ ମୃତ ଘୋଷଣା କରିଥିଲେ। ମଧୁସୂଦନ ଙ୍କ ଅବସ୍ଥା ଗୁରୁତର ରହିଛି। ସେହିପରି ବେପରୁଆ ଗାଡ଼ି ଚାଳନା କରି ମଧୁସୂଦନଙ୍କ ବାଇକ୍ କୁ ଧକ୍କା ଦେଇଥିବା ଡେଣୁଆ ଗ୍ରାମର କୁଶଧ୍ଵଜ ହେସା କୁ ମଧ୍ୟ ଗୁରୁତର ଆହତ ଅବସ୍ଥାରେ ଚମ୍ପୁଆ ଡାକ୍ତରଖାନା ରେ ଭର୍ତ୍ତି କରାଯାଇଛି। ମୃତ ଖୁସିରାଣୀ ସପ୍ତମ ଶ୍ରେଣୀ ରେ ପାଠ ପଢୁଥିବା ଜଣାପଡିଛି।।