କେନ୍ଦୁଝର ଜିଲ୍ଲା ଯୋଡ଼ା ଥାନା ଅନ୍ତର୍ଗତ ଏନଏଚ ୫୨୦ କଣ୍ଡ୍ରା ଟୋଲ ଗେଟ ନିକଟରେ ସୋମବାର ଅପରାହ୍ନରେ ଏକ ଚଳନ୍ତା ପଲସର ବାଇକରେ ହଠାତ ନିଆଁ ଲାଗି ସମ୍ପୂର୍ଣ୍ଣ ପୋଡ଼ି ପାଉଁଶ ହୋଇଯାଇଛି । ବାଇକରେ ନିଆଁ ଲାଗିବା ଦେଖି ବାଇକ ଚାଳକ ସେଠାରେ ବାଇକ ଛାଡ଼ି ଫେରାର ହୋଇଯାଇଥିବା କୁହାଯାଉଛି । ଟୋଲ ଗେଟରେ ଥିବା ଅଗ୍ନି ନିର୍ବାପକ ଯନ୍ତ୍ର ଆଣି ସେଠାକାର କର୍ମଚାରୀ ଲିଭାଇବାକୁ ଚେଷ୍ଟା କରିଥିଲେ, ମାତ୍ର ତାହା କାମ କରି ନଥିଲା ଏବଂ ଦେଖୁ ଦେଖୁ ହୁତୁ ହୁତୁ ଜଳି ଯାଇଥିଲା ବାଇକ। ଏମିତିରେ ସେଠାରେ ଉପସ୍ଥିତ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା ।
ଲୋକେ କିଛି ସମୟ ଧରି ଗାଡ଼ି ମୋଟର ଚଳାଚଳ ବନ୍ଦ କରିଦେଇଥିଲେ । ସୂଚନା ପାଇ ଯୋଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା କରିବା ପରେ ସ୍ଥିତି ସାମାନ୍ୟ ହୋଇଥିଲା । ବାଇକଟି ଯୋଡ଼ା ପଟୁ ଯାଉଥିଲା ବେଳେ, ଏହି ଘଟଣାକୁ ନେଇ ଏବେ ପୋଲିସ ତଦନ୍ତ ଆରମ୍ଭ କରିଛି ।
