Tag: #Investigation

ସିଙ୍ଗାପୁରରୁ ଖାଲି ହାତେ ଫେରିଲେ ପରିବାର, ନିଖୋଜ ମର୍ଚ୍ଚାଣ୍ଟ ନାଭି କ୍ୟାଡେଟ୍ ସାର୍ଥକ ମହାପାତ୍ରଙ୍କ ଖୋଜ ମିଳୁନି

ନିଖୋଜ ଓଡିଆ ମର୍ଚ୍ଚାଣ୍ଟ ନାଭି କ୍ୟାଡେଟ୍ ସାର୍ଥକ ମହାପାତ୍ର। ସାର୍ଥକଙ୍କର ଖୋଜଖବର ଏପର୍ଯ୍ୟନ୍ତ ମିଳିନଥିବାବେଳେ ପରିବାର ଲୋକେ ନିରାଶାରେ ସିଙ୍ଗାପୁରରୁ ଓଡ଼ିଶାକୁ ଫେରିଆସିଛନ୍ତି। ସିଙ୍ଗାପୁରରୁ ଖାଲି ହାତେ ଫେରିଲେ ପରିବାର। ସାର୍ଥକଙ୍କ ମାଆ ଓ ମାମୁ ତାଙ୍କୁ ଖୋଜିବା ପାଇଁ ସିଙ୍ଗାପୁର ଯାଇଥିଲେ। କିନ୍ତୁ ସେଠାରେ କୌଣସି ସୁତ୍ର ମିଳିନଥିବାରୁ ସେମାନେ ଆଜି ଓଡ଼ିଶାକୁ ଫେରିଛନ୍ତି। Biju Patnaik International Airportରେ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ପରିବାର ଲୋକଙ୍କ ଆଖିରେ ଥିଲା ଅଶ୍ରୁ ଓ ଅନିଶ୍ଚିତତାର ଛାୟା।

ଜାହାଜରେ ମିଳିଲା ନାହିଁ କୌଣସି ସନ୍ଦେଶ

ଗତ ୧୫ ତାରିଖରେ ସାର୍ଥକ କାମ କରୁଥିବା ‘ଏମ୍.ଭି. ଇ.ଏ. ଜର୍ସି’ ନାମକ ଜାହାଜ ସିଙ୍ଗାପୁର ବନ୍ଦରରେ ଲାଗିବା ପରେ ପରିବାର ଲୋକେ ସେଠାକୁ ପହଞ୍ଚିଥିଲେ। ଡିଜି ସିପିଂର ଦୁଇ ଅଧିକାରୀଙ୍କ ସହଯୋଗରେ ଜାହାଜ ଭିତରେ ଯାଞ୍ଚ କରାଯାଇଥିଲା। କିନ୍ତୁ ସାର୍ଥକଙ୍କ ରୁମ୍‌ ବ୍ୟତୀତ ଅନ୍ୟ କୌଣସି ସ୍ଥାନ ଯାଞ୍ଚ କରିବାକୁ ଅନୁମତି ମିଳିନଥିବା ଅଭିଯୋଗ ହୋଇଛି। ପରିବାର ପକ୍ଷରୁ କୁହାଯାଇଛି ଯେ, ଜାହାଜ କର୍ତ୍ତୃପକ୍ଷ ସିସିଟିଭି ଫୁଟେଜ୍ କିମ୍ବା ଭଏଜ୍ ଡାଟା ରେକର୍ଡର (VDR) ସମ୍ବନ୍ଧୀୟ ତଥ୍ୟ ମଧ୍ୟ ଯୋଗାଇ ନଥିଲେ। ଏହା ଘଟଣାକୁ ନେଇ ସନ୍ଦେହକୁ ଆହୁରି ଗଭୀର କରିଛି।

ଓଡ଼ିଶାର ଧାମନଗର ବ୍ଲକ ଅନ୍ତର୍ଗତ କେଶପୁର ଗାଁ ର ସାର୍ଥକ ମହାପାତ୍ର ଗତ ଫେବ୍ରୁୟାରୀ ୩ତାରିଖରୁ ଜାହାଜରୁ ନିଖୋଜ ଅଛନ୍ତି। ଦୀର୍ଘ ସମୟ ହେଉଥିଲେ ମଧ୍ୟ ତାଙ୍କ ସନ୍ଦର୍ଭରେ କୌଣସି ପ୍ରମାଣିକ ସୂଚନା ମିଳିନାହିଁ। ସିଙ୍ଗାପୁରରେ କୌଣସି ସଫଳତା ନ ମିଳିବାରୁ ପରିବାର ଲୋକେ ଏବେ କେନ୍ଦ୍ର ଓ ରାଜ୍ୟ ସରକାରଙ୍କ ହସ୍ତକ୍ଷେପ ଦାବି କରୁଛନ୍ତି। ସେମାନଙ୍କ ଅନୁରୋଧ ଘଟଣାର ଉଚ୍ଚସ୍ତରୀୟ ଓ ସ୍ବତନ୍ତ୍ର ତଦନ୍ତ କରାଯାଇ ସାର୍ଥକଙ୍କ ଖୋଜଖବର ଶୀଘ୍ର ମିଳିବାକୁ ବ୍ୟବସ୍ତା କରାଯାଉ।

ପରିବାର ଏପର୍ଯ୍ୟନ୍ତ ଆଶା ଛାଡ଼ିନାହାନ୍ତି, କିନ୍ତୁ ସମୟ ବିତିବା ସହ ସେମାନଙ୍କ ଚିନ୍ତା ଆହୁରି ବଢ଼ିଚାଲିଛି।
ଏପଷ୍ଟାଇନଙ୍କ ‘ରେଡ୍ ରୁମ୍’ର ରହସ୍ୟ… ଯେଉଁଠାରେ ସେ ମହିଳାଙ୍କୁ ବ୍ୟକ୍ତିଗତ ନୃତ୍ୟ କରାଇଥିଲେ

ଜେଫ୍ରି ଏପଷ୍ଟାଇନ୍ ବ୍ୟଭିଚାର ପାଇଁ ଅନେକ ଗୁମ୍ଫା ସ୍ଥାପନ କରିଥିଲେ। ଏଥିମଧ୍ୟରୁ ଗୋଟିଏ ଥିଲା ତାଙ୍କର “ରେଡ୍ ରୁମ୍”, ଯେଉଁଠାରେ ସେ ମହିଳା ଏବଂ ବିଶ୍ୱର ସବୁଠାରୁ ପ୍ରଭାବଶାଳୀ ବ୍ୟକ୍ତିତ୍ୱଙ୍କ ସହିତ ବ୍ୟକ୍ତିଗତ ନୃତ୍ୟର ବ୍ୟବସ୍ଥା କରୁଥିଲେ। ଜେଫ୍ରି ଏପଷ୍ଟାଇନ୍ ଅସଦାଚରଣ ପାଇଁ ଏକ ଭୟଙ୍କର “ଲାଲ କୋଠରୀ” ବଜାୟ ରଖିଥିଲେ। ଏହି କୋଠରୀରେ ମହିଳାମାନେ ବ୍ୟକ୍ତିଗତ ନୃତ୍ୟ ପରିବେଷଣ କରୁଥିଲେ, ଏବଂ ଏପଷ୍ଟାଇନ୍‌ଙ୍କ ଧନୀ ଅତିଥିମାନଙ୍କ ପାଇଁ ଏପରି କାର୍ଯ୍ୟକଳାପ ଆୟୋଜନ କରାଯାଉଥିଲା। ଦୋଷୀ ସାବ୍ୟସ୍ତ ଶିଶୁ ଯୌନ ନିର୍ଯାତନାକାରୀ ଜେଫ୍ରି ଏପଷ୍ଟାଇନ୍‌ଙ୍କ ପ୍ୟାରିସ୍ ଘରେ ଏହି “ଲାଲ କୋଠରୀ” ଥିଲା। ଏହି ଗୁପ୍ତ କୋଠରୀ ଭିତରେ ମହିଳାମାନଙ୍କୁ “ବ୍ୟକ୍ତିଗତ ନୃତ୍ୟ” କରୁଥିବାର ଦେଖାଯାଇଥିଲା। ମିରର ଅନୁଯାୟୀ, ଏହା ସେହି ଫ୍ଲାଟ୍ ଯେଉଁଠାରେ କୁଖ୍ୟାତ ପିଟର ମାଣ୍ଡେଲସନଙ୍କ ଅନ୍ତଃବସ୍ତ୍ର ପିନ୍ଧି ଫଟୋ ଉଠାଯାଇଥିଲା।

ଜେଫ୍ରି ଏପଷ୍ଟାଇନଙ୍କ ପ୍ୟାରିସ ଫ୍ଲାଟ୍, ଯେଉଁଠାରେ “ରେଡ୍ ରୁମ୍” ନିର୍ମିତ ହୋଇଥିଲା, ତାହାକୁ “ପାପର ଘର” ଭାବରେ ଜଣାଶୁଣା ଥିଲା। ଏହି କୋଠରୀରେ ପ୍ରମୁଖ ମହିଳାମାନେ ମଧ୍ୟ ଉଲଗ୍ନ ନୃତ୍ୟ କରିଛନ୍ତି। ଏପଷ୍ଟାଇନ ସେଠାରେ ତାଙ୍କର କିଛି ଘୃଣ୍ୟ ଯୌନ ଅପରାଧ ମଧ୍ୟ କରିଥିଲେ। ଆର୍କ ଡି ଟ୍ରାୟୋମ୍ଫ ନିକଟରେ ଅବସ୍ଥିତ ଏହି ବିଳାସପୂର୍ଣ୍ଣ ପ୍ୟାରିସ ସମ୍ପତ୍ତିରେ ଏପଷ୍ଟାଇନ୍ ଏହିପରି ଅନେକ ଘୃଣ୍ୟ କାର୍ଯ୍ୟ କରିଥିଲେ। ଜଣେ ଦୋଷୀ ପେଡୋଫାଇଲ୍ ଥିବା ଏହି କୋଟିପତି ଆଣ୍ଡ୍ରୁ ମାଉଣ୍ଟବ୍ୟାଟେନ୍-ୱିଣ୍ଡସରଙ୍କ ପରି ଲୋକଙ୍କ ମନୋରଞ୍ଜନ ପାଇଁ ସେଠାରେ ଏପରି କାର୍ଯ୍ୟକ୍ରମ ଆୟୋଜନ କରିଥିଲେ। ଗତ ସପ୍ତାହରେ ଆମେରିକାର ନ୍ୟାୟ ବିଭାଗ ଦ୍ୱାରା ପ୍ରକାଶିତ ଏକ ଡଜନରୁ ଅଧିକ ଭିଡିଓରେ ଏପଷ୍ଟାଇନ୍ ଫାଇଲର ସଦ୍ୟତମ ବ୍ୟାଚ୍‌ରେ ସମାନ ରେଡ୍ ରୁମ୍‌ରେ ଦେଖାଯାଇଛି।
ଗଣମାଧ୍ୟମ ମହାପ୍ରଭାବ,ଖବର ପ୍ରସାରଣ ପରେ ସିଡିପିଓ ଅଫିସରେ ତଦନ୍ତ ଆରମ୍ଭ

ଗଣମାଧ୍ୟମର ମହାପ୍ରଭାବ, ସିଡିପିଓ ଙ୍କ ଖବର ପ୍ରସାରଣ ପରେ ଜିଲ୍ଲା ସମାଜ ମଙ୍ଗଳ ଅଧିକାରୀ ଡେରାବିଶ ସିଡିପିଓ ଅଫିସ ରେ ପହଂଚି ତଦନ୍ତ ଆରମ୍ଭ କରିଛନ୍ତି.ଅନ୍ୟପଟେ ପୀଡିତା କ୍ଲର୍କଙ୍କ ବାପା ମା ବଖାଣିଲେ ସେଦିର ର ଲୋମ ହର୍ଷକ କଥା. ହେର୍ଡ କ୍ଲର୍କ ବର୍ଷା ପ୍ରିୟଦର୍ଶିନୀ ମହାପାତ୍ର ଗତ ପଚିଶ ତାରିଖ ଦିନ ଡେରାବିଶ ସିଡିପିଓ ଙ୍କ ଅଫିସ ଭିତରେ ଗର୍ଭ ଯନ୍ତ୍ରଣା ରେ ଛଟପଟ ହେଉଥିଲେ. କିନ୍ତୁ ଡେରାବିଶ ସିଡିପିଓ ସ୍ନେହଲତା ସାହୁ ତାଙ୍କୁ ମେଡିକାଲ ନେବା ତଥା ଆମ୍ବୁଲାନ୍ସ ଡାକିବା ପରିବର୍ତ୍ତେ ବର୍ଷା ଙ୍କୁ ମାନସିକ ନିର୍ଯାତନା ଦେଇଥିଲେ ଫଳରେ ସେ ଚେୟାର ରୁ ତଳେ ପଡିଯାଇଥିଲେ. ଖବର ପାଇଁ ବର୍ଷା ଙ୍କ ବାପା ଓ ପରିବାର ଲୋକେ ସେଠାରେ ପହଂଚି ଭିଡିଓ ଉତ୍ତୋଳନ କରିବା ପରେ ସିଡିପିଓ ଦୁର୍ବ୍ୟବହାର କରିଥିଲେ ଓ ଫୋନ ଛଡାଇ ଥିଲେ . ତେବେ ବର୍ଷା ଙ୍କୁ ପରିବାର ଲୋକେ ଉଦ୍ଧାର କରି ନିକଟସ୍ତ ସାଇ ହସ୍ପିଟାଲ କୁ ନେବା ବେଳେ ବିଳମ୍ବ ହୋଇଯାଇଥିଲା. ଫଳରେ ପେଟରେ ପିଲାଟି ନଷ୍ଟ ହୋଇଯାଇଥିଲା.

ତେବେ ସିଡିପିଓଙ୍କ ନିର୍ଯାତନାରେ ପିଲାଟି ନଷ୍ଟ ହୋଇଯାଅଥିବା ପରିବାର ଲୋକେ ଜିଲ୍ଲା ସମାଜ ମଙ୍ଗଳ ଅଧିକାରୀ ଅଭିଯୋଗ କରିଥିଲେ.ଏନେକ ସେଦିନ ର ଘଟଣାର ଏକ ଭିଡିଓ ଭାଇରଲ ହୋଇଥିଲା.ଏହି ବିଷୟରେ ଗଣମାଧ୍ୟମରେ ଖବର ପ୍ରସାରଣ ହେବା ପରେ ଆଜି ଜିଲ୍ଲା ସମାଜ ମଙ୍ଗଳ ଅଧିକାରିଣୀ ମନୋରମା ସ୍ୱାଇଁ ଡେରାବିଶ ସିଡିପିଓ ଙ୍କ ଅଫିସ ଚାମ୍ବର କୁ ଆସି ତଦନ୍ତ ଆରମ୍ଭ କରି ସାମ୍ବାଦିକ ସମିଳନି କରିଛନ୍ତି ଓ ଅନ୍ୟ ପଟେ ଅଭିଯୋଗ ସତ୍ୟତା ଥିଲେ ଖୁବ ଶୀଘ୍ର ସିଡିପିଓ ସ୍ନେହ ଲତା ସାହୁଙ୍କ ଉପରେ ଦୃଢପଦକ୍ଷେପ ନିଆଯିବ ବୋଲି ପ୍ରତିକ୍ରିୟା ରଖିଛନ୍ତି କେନ୍ଦ୍ରାପଡ଼ା ଜିଲ୍ଲପାଳ ସ୍ମୁତିରଞ୍ଜନ ପ୍ରଧାନ
କେଉଁ ଯାଏଁ ଲମ୍ବିଛି ମାଫିଆଙ୍କ ଚେର ,ତଦନ୍ତ କରୁଛି ବନବିଭାଗ

ଗଞ୍ଜାମ ଜିଲ୍ଲା ବୁଗୁଡା ବନାଞ୍ଚଳର ବନଖଣ୍ତ ଅଧିକାରୀଙ୍କୁ ବଡ ସଫଳତା, ଦକ୍ଷିଣ ଘୁମୁସର ବନଖଣ୍ତ ଅଧିକାରି ବିନୋଦ ଆଚାର୍ଯ୍ଯଙ୍କ ନିର୍ଦ୍ଦେଶ କ୍ରମେ ବୁଗୁଡା ବନାଞ୍ଚଳ ଅଧିକାରି ଙ୍କ ସମେତ ସମସ୍ତ ବନ କର୍ମଚାରିଙ୍କୁ ନେଇ ଦିନ ରାତି ପାଟ୍ରୋଲିଙ୍ଗ୍ ଚାଲିଥିଲା । ଏହା ପୂର୍ବରୁ ବୁଗୁଡା ବନାଞ୍ଚଳ ଇଲାକାରେ କାଠ ମାଫିଆ ମାନେ ସକ୍ରିୟ ରହିଥିବା ବେଳେ ଦିନକୁ ଦିନ ଜଙ୍ଗଲର ମଧ୍ୟ କ୍ଷୟ କ୍ଷତି ହେଉଥିଲା ।

ଏନେଇ ବୁଗୁଡା ବନବିଭାଗ ହାତରେ କାଠ ମାଫିଆ ମାନେ ଧରା ପଡୁନଥିବା ବଳେ ଚିନ୍ତାରେ ପଡିଥିଲା ବନବିଭାଗ । ସୂଚନା ଅନୁଯାୟୀ ଆଜି ବୁଗୁଡା ବନାଞ୍ଚଳ ଇଲାକାର ମୋଟାବାଡି ହାଇସ୍କୁଲ ଛକ ଠାରେ ଏକ ଛ ଚକିଆ ଟ୍ରକରେ ଜରିପାଲ ବାନ୍ଧି କାଠ ବୋଝେଇ ହୋଇ ଓଡିଶାରୁ ଆନ୍ଧ୍ରପ୍ରଦେଶ କୁ ଚୋରା ଚାଲାଣ କରାଯାଉଥିଲା, ଉକ୍ତ ଗାଡିକୁ ଜବତ କରିବା ସହ ପ୍ରାୟ ଅନୁମାନିକ ୪ ଲକ୍ଷ ଟଙ୍କା ପାଖାପାଖି କାଠ ଜବତ କରିବା ସହ ଇଛାପୁର ଗ୍ରାମର ଦୁଇ ଜଣ କାଠମାଫିଆ ଙ୍କୁ ବନବିଭାଗ ନିଜ ହେପାଜତରେ ରଖି ଜେରା କରୁଛି।
”ମୋ ଉପକାରୀ ବଗିଚା”ର ତଦନ୍ତ କଲେ ଲୋକଯୟୁକ୍ତ

ଆର୍ଥିକ ଅନିୟମିତତାକୁ ନେଇ ଲୋକାୟୁକ୍ତଙ୍କ ତଦନ୍ତ । ସୂଚନା ମୁତାବକ, ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ୍ ଅନ୍ତର୍ଗତ ବାଂଶଡା ଥାନା ଅଧିନ ବାଲିପଦା ଗ୍ରାମରେ ହୋଇଥିବା ”ମୋ ଉପକାରୀ ବଗିଚା”ରେ ଆର୍ଥିକ ଅନିୟମିତତା ହୋଇଥିବା ନେଇ ଲୋକାୟୁକ୍ତଙ୍କ ପାଖରେ ସେହି ପଞ୍ଚାୟତର ଶରତ ସେନାପତି ଲିଖିତ ଅଭିଯୋଗ କରିଥିଲେ । ସମସ୍ତ ତଥ୍ୟକୁ ଆଧାର କରି ଲୋକାୟୁକ୍ତଙ୍କ ପକ୍ଷରୁ ଡେପୁଟି ଡାଇରେକ୍ଟର ସସ୍ମିତା ଲେଙ୍କା ପହଞ୍ଚି ଏହି ଯୋଜନାରେ ହୋଇଥିବା ସମସ୍ତ ଅନିୟମିତତା ଉପରେ ତଦନ୍ତ କରିଥିଲେ ।

ଏହି ତଦନ୍ତ ସମୟରେ ଚାନ୍ଦବାଲି ବ୍ଲକର ପୂର୍ବତନ ବିଡିଓ ଜ୍ୟୋତିବିକାଶ ଦାସ ଅନୁପସ୍ଥିତ ଥିବା ବେଳେ କନିଷ୍ଠ ଯନ୍ତ୍ରୀ ପ୍ରଭାତ କୁମାର ବେହେରା, ଚାନ୍ଦବାଲି ବ୍ଲକ ମନରେଗା ସହକାରୀ ସନ୍ତୋଷ କୁମାର ନାୟକ, ସହକାରୀ ଯନ୍ତ୍ରୀ ସ୍ମୃତିରଞ୍ଜନ ତରାଇ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଧିରେନ୍ଦ୍ର ନାୟକ, ବିପିଏମ୍ ଷ୍ଟାଲିନ ନାୟକ, ଜିଆରଏସ ରୀତାରାଣୀ ମୁଦୁଲି, ପୂର୍ବତନ ଜିଆର୍‌ଏସ ପୁରୁଷୋତ୍ତମ ବାରିକ ଏବଂ ଗୋପିନାଥପୁର ପଞ୍ଚାୟତର ସରପଞ୍ଚ ବାପୁନ ବାରିକ ପ୍ରମୁଖ ସଂପୃକ୍ତ ସ୍ଥାନରେ ଉପସ୍ଥିତ ରହି ଲୋକାଯୁକ୍ତଙ୍କୁ ସହଯୋଗ କରିଥିଲେ ।
ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ହତ୍ୟାକାଣ୍ଡ ମାମଲା: ସିବିଆଇ ତଦନ୍ତ ସମ୍ପର୍କରେ ସରକାରଙ୍କ ଠାରୁ ଜବାବ ତଲବ କଲେ ହାଇକୋର୍ଟ

କନ୍ଧମାଳ ଜିଲ୍ଲା ଜଳେଶପଟ୍ଟା ଆଶ୍ରମ ପ୍ରତିଷ୍ଠାତା ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ହତ୍ୟାର ୧୫ ବର୍ଷ ପରେ ହାଇକୋର୍ଟ ରାଜ୍ୟ ସରକାରଙ୍କୁ କାହିଁକି ସିବିଆଇ ତଦନ୍ତ ହେବ ନାହିଁ ପଚାରିଛନ୍ତି । ଏହାକୁ ନେଇ ଆରମ୍ଭ ହୋଇଛି ବୟାନବାଜି। କୋର୍ଟ ରାଜ୍ୟ ସରକାରଙ୍କୁ ସ୍ପଷ୍ଟୀକରଣ ମାଗିବା ଯଥାର୍ଥ । ଯଦି ସତ୍ ସାହସ ଅଛି, ତେବେ ସିବିଆଇ ତଦନ୍ତ ପାଇଁ ମୁଖ୍ୟମନ୍ତ୍ରୀ ଆଗ୍ରହପ୍ରକାଶ କରନ୍ତୁ ବୋଲି କହିଛି ବିଜେପି। ରାଜ୍ୟ ସରକାରଙ୍କ ଅବହେଳା କାରଣରୁ ଧର୍ମ ଏବଂ ଜନଜାତିଙ୍କ ସୁରକ୍ଷା ପାଇଁ କାମ କରୁଥିବା ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ଭଳି ସନ୍ଥଙ୍କୁ ଜଘନ୍ୟ ଭାବେ ହତ୍ୟା କରାଗଲା । ଆଉ ଘଟଣାକୁ ଚପେଇ ଦେବା ପାଇଁ ୧୫ ବର୍ଷ ହେଲା କୌଣସି ପ୍ରଶ୍ନର ଉତ୍ତର ଦେଉନାହାନ୍ତି ରାଜ୍ୟ ସରକାର । କାହିଁକି ହତ୍ୟା କରାଗଲା, କିଏ ହତ୍ୟା କଲା ତାହା ଉପରେ ମଧ୍ୟ ଆଜି ଯାଏଁ ସରକାର ଚୁପ। ଏହାର ଅର୍ଥ ହେଉଛି, ହତ୍ୟାକାଣ୍ଡରେ ରାଜ୍ୟ ସରକାରଙ୍କ ସଂପୃକ୍ତି ଅଛି ବୋଲି କହିଛି ବିଜେପି। ହେଲେ କଂଗ୍ରେସ ଏହି ଘଟଣାରେ ଉଭୟ କେନ୍ଦ୍ର ଓ ରାଜ୍ୟସରକାରକୁ କଟାକ୍ଷ କରିଛି। ଦୁଇ ଦଳ ନ୍ୟାୟପାଳିକାକୁ ବେଖାତିର କରିଚାଲିଛନ୍ତି। ରାଜ୍ୟରେ ଜଗନ୍ନାଥ ଜମି ବିବାଦରେ କୋର୍ଟଙ୍କ ନିର୍ଦ୍ଦେଶକୁ ଫୁ କରିଦେଲେ। ଯେତେ କମିଶନ ରିପୋର୍ଟ ଦେଇଛନ୍ତି ସେଥିରେ କଣ ଫଳାଫଳ ବୋଲି କଂଗ୍ରେସ ପ୍ରଶ୍ନ କରିଛି।

ସେପଟେ ବିଜେଡି କହୁଛି କୋର୍ଟ ନିଷ୍ପତ୍ତି କୁ ମାନିବା ଅମର ଧର୍ମ। କୋର୍ଟ ସବୁବେଳେ ନିରପେକ୍ଷ। ତେଣୁ କୋର୍ଟଙ୍କ ନିର୍ଦ୍ଦେଶ ମାନିବାକୁ ଆମେ ବାଧ୍ୟ ବୋଲି କହିଛି ବିଜେଡି।

ତେବେ ସ୍ବାମୀ ଲକ୍ଷ୍ମଣାନନ୍ଦ ହତ୍ୟା ଘଟଣାର ତଦନ୍ତ ସିବିଆଇ ଦ୍ବାରା କରାଇବାକୁ ପ୍ରଥମରୁ ଦାବି ହେଉଥିବା ବେଳେ କିନ୍ତୁ ରାଜ୍ୟସରକାର ଏହାକୁ ଆଡେଇ ଚାଲିଛନ୍ତି। ସିବିଆଇ ତଦନ୍ତ ବଦଳରେ କ୍ରାଇମ ବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଥିଲେ ରାଜ୍ୟ ସରକାର। ହେଲେ ୧୫ ବର୍ଷ ପରେ ମଧ୍ୟ କୌଣସି ସ୍ପଷ୍ଟତା ଆସୁନି ଘଟଣାରେ। ତେଣୁ ସିବିଆଇ ଦ୍ବାରା ତଦନ୍ତ କରାଇବାକୁ ଏକ ଯାଚିକାର ଶୁଣାଣି କରି ରାଜ୍ୟ ସରକାରଙ୍କୁ ମାର୍ଚ୍ଚ ୫ ସୁଦ୍ଧା ସିବିଆଇ ତଦନ୍ତ ନ କରାଇବା ଉପରେ ଜବାବ ତଲବ କରିଛନ୍ତି।
ମେକ୍ସିକୋ: ଉହାକାରେ ଘାଟି ଉପରୁ ଖସିଲା ବସ୍, ଚାଲିଗଲା ୨୭ ଜୀବନ

ଆମେରିକା ମେକ୍ସିକୋରେ ବଡ଼ ଧରଣର ସଡ଼କ ଦୁର୍ଘଟଣା । ଘାଟିରୁ ଭାରମାସ୍ୟ ହରାଇ ଏକ ଯାତ୍ରୀବାହୀ ବସ୍ ଖାଇକୁ ଖସିପଡ଼ିଛି । ମେକ୍ସିକ‌ୋ ସିଟିରୁ ସାଣ୍ଟିଆଗୋ ଡି ୟୋ‌ସୋଣ୍ଡୁଆ ନଗରୀ ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଛି ।

ମେକ୍ସିକୋ ଉହାକା ପାହାଡ଼ି ରାସ୍ତାରେ ଯାତ୍ରୀବାହୀ ବସ୍ ଦୁର୍ଘଟଣା ଘଟି ୨୭ ଜଣଙ୍କ ମୃତ୍ୟୁ ହୋଇଛି । ଘଟଣାରେ ୧୭ ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୦ ଜଣ ଗୁରୁତର ଅଛନ୍ତି । ଘଟଣାସ୍ଥଳରେ ଉଦ୍ଧାରକାରୀ ଟିମ୍‌ ପହଞ୍ଚି ସେମାନଙ୍କୁ ମେଡିକାଲ ନେଇଥିଲେ । ତେବେ ମୃତ୍ୟୁ ସଂଖ୍ୟା ବଢ଼ିବା ନେଇ ଆଶଙ୍କା ରହିଛି । ମୃତକଙ୍କ ମଧ୍ୟରେ ୧୩ ଜଣ ପୁରୁଷ ଥିବାବେଳେ ୧୩ ଜଣ ମହିଳା ଏବଂ ଜଣେ ଶିଶୁ ଅଛନ୍ତି ।

ସେପଟେ ସୂଚନା ଅନୁସାରେ, ଘଟଣାସ୍ଥଳରୁ ଯେଉଁ ଫଟୋ ମିଳିଛି ସେଥିରେ ବସଟି ଭାଙ୍ଗିରୁଜି ଚେପା ହୋଇଯାଇଛି । ବସ୍‌ଟି ପାହାଡ଼ ତଳେ କଡ଼େଇ ହୋଇ ପଡ଼ିଥିବା ବେଳେ ଉଦ୍ଧାରକାରୀମାନେ ଉଦ୍ଧାର ଅଭିଯାନ ଚଳାଇଥିଲେ । ଖାଇରେ ପଡ଼ିଥିବା ବସଟିକୁ କ୍ରେନ୍ ସାହାଯ୍ୟରେ ବସଟିକୁ ଉଠାଯାଇଥିଲା । ବସଟି ପାହାଡ଼ିଆ ଉଚ୍ଚା ରାସ୍ତାରେ ଯାଉଥିବା ବେଳେ ଭାରସାମ୍ୟ ହରାଇ ଖାଇକୁ ଖସିପଡ଼ିଥିଲା । ଯାନ୍ତ୍ରିକ ତ୍ରୁଟି ଯୋଗୁଁ ଦୁର୍ଘଟଣା ଘଟିଛି ବୋଲି କେହି କେହି ସନ୍ଦେହ କରୁଥିବା ବେଳେ ଦୁର୍ଘଟଣାର ପ୍ରକୃତ କାରଣ ଜାଣିବା ଲାଗି ତଦନ୍ତ ଜାରି ରହିଛି ।
ଭିଜିଲାନ୍ସ ଜାଲରେ ୩ ଅଧିକାରୀ, ଲାଞ୍ଚ ନେବାବେଳେ ଧରିଲା ଟିମ୍

ଭିଜିଲାନ୍ସ ଜାଲରେ ବ୍ୟାଙ୍କ ଅଧିକାରୀ । ବ୍ୟାଙ୍କିଂ ଆସିଷ୍ଟାଣ୍ଟ ପ୍ରଦୀପ କୁମାର ଚନ୍ଦ୍ରାକରଙ୍କୁ ଧରିଛି ଭିଜିଲାନ୍ସ । ଭବାନୀପାଟଣା ସେଣ୍ଟ୍ରାଲ କୋଅପରେଟିଭ୍ ବ୍ୟାଙ୍କ କୋମନା ବ୍ରାଞ୍ଚର ବ୍ୟାଙ୍କିଂ ଆସିଷ୍ଟାଣ୍ଟ ପ୍ରଦୀପ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ ହୋଇଛି । ଏକକାଳୀନ ୪ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ ଟିମ୍ । ନୂଆପଡ଼ା ବେଲଟୁକୁରିରେ ଥିବା ୨ ମହଲା କୋଠା ସହ ଆଉ ଏକ ଦୁଇ ମହଲା କୋଠାରେ ରେଡ୍ କରିଛନ୍ତି ଭିଜିଲାନ୍ସ ଅଧିକାରୀ । ସେହପରି ବେଲଟୁକୁରିର ଆଉ ଏକ ସ୍ଥାନରେ ୩ ହଜାର ବର୍ଗଫୁଟ ଜମିରେ ଘର ନିର୍ମାଣ ଚାଲିଛି । ଅଫିସ ଚାମ୍ବରରେ ଛାନବିନ କରିଛି ଭିଜିଲାନ୍ସ ବିଭାଗ । ରେଡରେ ୩ ଡିଏସପି,୩ ଇନ୍ସପେକ୍ଟର ଓ ଅନ୍ୟ କର୍ମଚାରୀମାନେ ସାମିଲ ହୋଇଥିଲେ ।

ସେପଟେ ଭିଜିଲାନ୍ସ ଜାଲରେ ଆଉ ଜଣେ ସରକାରୀ କର୍ମଚାରୀ । ୧୦ ହଜାର ଟଙ୍କା ଲାଞ୍ଚ ନେଇ ଧରାପଡ଼ିଛନ୍ତି ନୂଆପଡ଼ା ଜିଲ୍ଲା ଖରିଆର NAC କାର୍ଯ୍ୟାଳୟର ଜୁନିଅର୍ ଇଞ୍ଜିନିୟର ଦେବ ଚନ୍ଦନ ରାଉତ । ଟେକ୍ନିକାଲ କନସଲଣ୍ଟାଣ୍ଟ ଭାବେ କାର୍ଯ୍ୟ କରୁଛନ୍ତି କନିଷ୍ଠ ଯନ୍ତ୍ରୀ ଦେବଚନ୍ଦନ ରାଉତ । ପ୍ରଧାନମନ୍ତ୍ରୀ ଆବାସ ଯୋଜନାରେ ନିର୍ମାଣ ସାର୍ଟିଫିକେଟ୍ ଓ ଫାଇନାଲ୍ ବିଲ୍ ରିଲିଜ୍ ପାଇଁ ଲାଞ୍ଚ ନେଇ ଧରାପଡ଼ିଛନ୍ତି ଜେଇ । ଏଥିସହ ତାଙ୍କ ଘରୁ ହୀରା ହାର ଜବତ କରିଛି ଟିମ୍ । ଦେବଚନ୍ଦନଙ୍କ ଠାରୁ ଲାଞ୍ଚ ଟଙ୍କା ଜବତ ସହ ଆୟ ବହିର୍ଭୂତ ସମ୍ପତ୍ତି ଠୁଳ ଦିଗରେ ବି ଭିଜିଲାନ୍ସ ତଦନ୍ତ ଜାରି ରଖିଛି ।

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କଟକ ସଦର ବ୍ଲକ୍ ସହକାରୀ ଯନ୍ତ୍ରୀ ବିକାଶ ଚନ୍ଦ୍ର ଭୂୟାଁଙ୍କ ଘରେ ରେଡ୍ କରିଛି ଭିଜିଲାନ୍ସ ଟିମ୍ । କଟକ ଅଫିସ ଓ ବାସଭବନ ସମେତ ଏକକାଳୀନ ବିଭିନ୍ନ ସ୍ଥାନରେ ଚଢ଼ାଉ କରିଛି ଭିଜିଲାନ୍ସ ବିଭାଗ । ଭୁବନେଶ୍ୱର ସୌଭାଗ୍ୟନଗରରେ ଥିବା ଘର,ଚକେଇସିଆଣିରେ ଥିବା ସମ୍ପର୍କୀୟଙ୍କ ଘର, ନରସିଂହପୁର ଲେହେଙ୍ଗାରେ ଥିବା ପୈତୃକ ଘରେ ଚଢ଼ାଉ ହୋଇଛି ।

ପୁଅକୁ ଇଞ୍ଜିନିୟର ଓ ଝିଅକୁ ଡାକ୍ତରୀ ପାଠ ପଢ଼ାଇବା ପାଇଁ ସେ ପ୍ରାୟ ୧ କୋଟି ଟଙ୍କା ଖର୍ଚ୍ଚ କରିଛନ୍ତି ବୋଲି ତଦନ୍ତରୁ ସ୍ପଷ୍ଟ ହୋଇଛି । ଏଥିସହ ବ୍ୟାଙ୍କରେ ୧୨ ଲକ୍ଷ ୬୨ ହଜାର ଟଙ୍କା ଡିପୋଜିଟ୍ ରଖିଛନ୍ତି । କ୍ରିପ୍ଟୋ କରେନ୍ସିରେ ୧ ଲକ୍ଷ ୨୩ ହଜାର ଟଙ୍କା ନିବେଶ କରିଛନ୍ତି ବିକାଶ ଚନ୍ଦ୍ର ଭୂୟାଁ । ତାଙ୍କ ଘରୁ ୩୮ ଲକ୍ଷ ଟଙ୍କାର ସୁନା ଏବଂ ରୁପା ଗହଣା ଜବତ କରାଯାଇଛି । ଗୋଟିଏ ୪ ଚକିଆ ଗାଡ଼ି,୩ଟି ୨ ଚକିଆ ଗାଡ଼ି ମିଳିଛି ଯାହାର ମୂଲ୍ୟ ୧୩ ଲକ୍ଷ ୪୦ ହଜାର ବୋଲି କହିଛି ଭିଜିଲାନ୍ସ ଟିମ୍ ।

କିଛି ଦିନ ହେଲା ଭିଜିଲାନ୍ସ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ ହେଉଛି । ଅଭିଯୋଗ ପରେ ଅଧିକାରୀମାନଙ୍କ ଘର ରେଡ୍ କରୁଛି ଟିମ୍ । ଏଯାଏ ବହୁ ଅଧିକାରୀ ଭିଜିଲାନ୍ସ ଜାଲରେ ଫସିଲେଣି । ଆସନ୍ତା ଦିନରେ ଭିଜିଲାନ୍ସ ପକ୍ଷରୁ ଏହି ଅଭିଯାନ ଜାରି ରହିବ ।
ନନ୍ଦପୁର: ଗଞ୍ଜେଇ ଭର୍ତ୍ତି ଟାଟା ଇଣ୍ଡିଗୋକୁ ଧରିଲା ପୋଲିସ

କୋରାପୁଟ ଜିଲ୍ଲା ନନ୍ଦପୁର ବ୍ଲକ୍ ପାଡୁଆ ପୋଲିସ ଗଞ୍ଜେଇ ଚାଲାଣକାରୀ ଗାଡ଼ି ଏବଂ ଗଞ୍ଜେଇ ଜବତ କରିଛି । ଘଟଣାସ୍ଥଳରୁ ଚୋରାଚାଲାଣକାରୀ ଫେରାର ହୋଇଯାଇଛି । ଅଭିଯୁକ୍ତମାନେ ଚମ୍ପଟ ମାରିଥିବା ନେଇ ସୂଚନା ଦେଇଛନ୍ତି ଏସଡିପିଓ ସଞ୍ଜୟ ମହାପାତ୍ର ।

ବିଶେଷ ସୂତ୍ରରୁ ଖବର ପାଇ ଗେମେଲାପୁଟ ଗାଁ ନିକଟରେ ଚଢ଼ାଉ କରିଥିଲା ପୋଲିସ । ପାଡୁଆ ଥାନା ଆଇଆଇସିଙ୍କ ନେତୃତ୍ୱରେ ଏକ ଟିମ୍ ହଠାତ୍ ରେଡ୍ କରିଥିଲେ । ଘଟଣାସ୍ଥଳରେ ଥିବା ଲାଲ ରଙ୍ଗର ଟାଟା ଇଣ୍ଡିଗୋ କାର୍ ଯାଞ୍ଚ କରିଥିଲେ ଥିଲେ । ପୋଲିସକୁ ଦେଖି ଚାଲାଣକାରୀମାନେ ସେଠାରୁ ଖସି ପଳାଇଥିଲେ । ଗାଡ଼ି ଯାଞ୍ଚବେଳେ ୫ ବସ୍ତା ଗଞ୍ଜେଇ ସହ ଗାଡ଼ି ଜବତ କରାଯାଇଥିଲା । ଜବତ ଗଞ୍ଜେଇର ଓଜନ ଥିଲା ୧୩୫ କେଜି । ଘଟଣାର ତଦନ୍ତ କରୁଛନ୍ତି ଏସଆଇ ଡି.କେ.ବାରିକ ।

ସେପଟେ ଦୁଇଦିନ ପୂର୍ବେ ଚିତ୍ରକୋଣ୍ଡା ପୋଲିସ ବିପୁଳ ପରିମାଣର ଗଞ୍ଜେଇ ଜବତ କରିଥିଲା । ଚିତ୍ରକୋଣ୍ଡା ବ୍ଲକ୍ ବଡ଼ପଦର ପଞ୍ଚାୟତ ଅଞ୍ଚଳରୁ ୮୫ଟି ବସ୍ତାରେ ଭର୍ତ୍ତି ଗଞ୍ଜେଇ ଜବତ ହୋଇଥିଲା । ଜଙ୍ଗଲରେ ରେଡ୍ କରି ଏତେ ପରିମାଣର ଗଞ୍ଜେଇ ଜବତ କରାଯାଇଥିଲା ଯାହାର ମୂଲ୍ୟ ୨ କୋଟି ୧୫ ଲକ୍ଷ ଥିଲା । ତେବେ ଘଟଣାରେ କୌଣସି ଅଭିଯୁକ୍ତ ଧରାପଡ଼ିନଥିଲେ । ପୋଲିସ ପହଞ୍ଚିବା ପୂର୍ବରୁ ଚୋରା ଚାଲାଣକାରୀ ଅନ୍ଧାର ଓ ଜଙ୍ଗଲର ସୁବିଧା ନେଇ ଫେରାର୍ ହୋଇଯାଇଛନ୍ତି । ଏତେ ପରିମାଣର ଗଞ୍ଜେଇ କେଉଁଠି ଆସିଲା, କାହାର ସଂପୃକ୍ତି ସେ ନେଇ ତଦନ୍ତ ଜାରି ରହିଛି । ଖୁବଶୀଘ୍ର ଅଭିଯୁକ୍ତମାନଙ୍କୁ ଧରିଯିବ ବୋଲି ପୋଲିସ କହିଛି ।
କଟକ : ଯୋବ୍ରା ବ୍ୟାରେଜ ଗେଟରୁ ଯୁବକଙ୍କ ମୃତଦେହ ଠାବ

କଟକ ଯୋବ୍ରା ବ୍ୟାରେଜ୍ ଗେଟରୁ ମୃତଦେହ ଠାବ । ଜଣେ ଯୁବକଙ୍କ ମୃତଦେହ ଭାସିଭାସି ଗେଟରେ ଲାଗିଥିଲା । ମୃତଦେହ ଦେଖିବା ପରେ ପୋଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ ସ୍ଥାନୀୟ ଲୋକେ । ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ମୃତଦେହ ଉଦ୍ଧାର କରିଛି । ମୃତ ଯୁବକଙ୍କ କୌଣସି ପରିଚୟ ମିଳିପାରି ନାହିଁ ।

ସୂଚନା ଅନୁସାରେ ମୃତ ଯୁବକଙ୍କ ବୟସ ୨୫ରୁ ୩୦ ବର୍ଷ ହେବ । ଘଟଣାକୁ ନେଇ ଜଗତପୁର ଥାନା ପୋଲିସ ତଦନ୍ତ ଆରମ୍ଭ କରିଛି । ମୃତ ଶରୀରକୁ ବ୍ୟବଚ୍ଛେଦ ପାଇଁ କଟକ ଏସସିବି ପଠାଯାଇଛି । କାରଣ କଣ ସେ ନେଇ କୌଣସି ସ୍ପଷ୍ଟ ସୂଚନା ନାହିଁ । କିଏ ହତ୍ୟା କରିଛି ନା ନିଜେ ଆତ୍ମହତ୍ୟା କରିଛନ୍ତି ସେଇ ନେଇ ଖୋଳତାଡ଼ ଜାରି ରଖିଛି ପୋଲିସ । ସମସ୍ତଙ୍କ ଉପସ୍ଥିତିରେ ମୃତଦେହ ଉଦ୍ଧାର କରାଯାଇଥିଲା । ଏହା ପ୍ରଥମ ଘଟଣା ନୁହେଁ, ଅନେକ ଥର ଏଭଳି ଅଘଟଣ ଘଟିଲାଣି । ତେବେ, ଲୋକଙ୍କ ସୁରକ୍ଷା ଦିଗରେ ସମସ୍ତେ ଯତ୍ନବାନ ହେବାର ଆବଶ୍ୟକତା ରହିଛି ।

Tag: #Investigation

ଜାହାଜରେ ମିଳିଲା ନାହିଁ କୌଣସି ସନ୍ଦେଶ