ରାଜଧାନୀରେ ହୋର୍ଡିଂକୁ ନେଇ ତେଜିଲା ରାଜନୀତି । ବିଏମସି କମିଶନର, ପୋଲିସ କମିଶନରଙ୍କୁ ଚିଠି ଲେଖିଲେ ସାଂସଦ ଅପରାଜିତା ଷଡଙ୍ଗୀ । ହୋର୍ଡିଂ ଉଠାଇବାରେ ପାତରଅନ୍ତର କାହିଁକି ବୋଲି ସେ ପ୍ରଶ୍ନ କରିଛନ୍ତି ।
ସହରରେ କେବଳ ଶାସକ ଦଳର ହୋର୍ଡିଂ ଲାଗିଥିବା ଅଭିଯୋଗ ଆଣି ଚିଠି ଲେଖିଛନ୍ତି ଅପରାଜିତା ।ଅପରାଜିତା ଅଭିଯୋଗ କରିଛନ୍ତି, ନୂଆବର୍ଷ ପରଦିନ ତାଙ୍କର ସମସ୍ତ ହୋର୍ଡିଂ ବିଏମ୍ସିର ଏନଫୋର୍ସମେଣ୍ଟ ସ୍କ୍ୱାର୍ଡ ହଟାଇ ଦେଇଥିଲା ।
ହେଲେ ଏପର୍ଯ୍ୟନ୍ତ ଶାସକ ଦଳର ହୋର୍ଡିଂ ହଟାଯାଇନାହିଁ କାହିଁକି ବୋଲି ପ୍ରଶ୍ନ କରିଛନ୍ତି
ସରକାରଙ୍କ ଜାଗା ମିଶନ ହୋଡିଂ ହଟିବା ପରେ ଅଞ୍ଚଳରେ ଅସନ୍ତୋଷ। ହୋଡିଂ ହଟାଇଥିବା କର୍ତ୍ତୃପକ୍ଷଙ୍କ ବିରୋଧରେ ହୋଇଛି ଥାନାରେ ଅଭିଯୋଗ। ଶହ ଶହ ସଂଖ୍ୟାରେ ମହିଳା ଓ ପୁରୁଷ ଥାନା ଆଗରେ ଏକତ୍ରୀତ ହୋଇ ସମ୍ପୃକ୍ତ ଅଧିକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି। ଜଗତସିଂହପୁର ପାରାଦୀପ ପୋର୍ଟ ଅଧୀନରେ ଥିବା ପିପିଏଲ ପୋଲିସ ଷ୍ଟେସନରେ ପିପିଏଲ କର୍ତ୍ତୃପକ୍ଷଙ୍କ ବିରୋଧରେ ହୋଇଛି ଅଭିଯୋଗ ।
ସୂଚନା ମୁତାବକ ପାରାଦ୍ୱୀପ ପୌରପାଳିକାର ୭ ନମ୍ବର ୱାର୍ଡ ଶାରଳା କଲୋନୀରେ ପୌରପାଳିକା ତରଫରୁ ଲଗାଯାଇଥିଲା ଜାଗା ମିଶନ ବୋର୍ଡ । ହେଲେ ଏହାକୁ ପିପିଏଲର ମାନବ ସମ୍ବଳ ଅଧିକାରୀ ସୁଧୀ ରଞ୍ଜନ ମିଶ୍ର କମ୍ପାନୀର ସିକ୍ୟୁରିଟି ଗାର୍ଡମାନଙ୍କୁ ଲଗାଇ ବାହାର କରିଥିଲେ। ଏହାକୁ ନେଇ ତେଜିଛି ଅସନ୍ତୋଷ। ପିରିଏଲ ଅଧିକାରୀ ବୋର୍ଡ ହଟାଇବା ସହ ଅଶ୍ଳୀଳ ଅଶ୍ଳୀଳ ଭାଷାରେ ମୁଖ୍ୟମନ୍ତ୍ରୀଙ୍କୁ ଗାଳି ଗୁଲଜ କରିଥିବା ଅଭିଯୋଗ କରାଯାଉଛି।
ଏଥିସହ ୭ ନମ୍ବର ୱାର୍ଡର ପରିଷଦ ସରୋଜିନୀ ସାହୁଙ୍କ ସମେତ ଶତାଧିକ ଲୋକ ପିପିଏଲ ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି । ନବୀନ ପଟ୍ଟନାୟକ ସାଧାରଣ ଲୋକଙ୍କ ବିକାଶର ସ୍ବପ୍ନ ଦେଖୁଥିବା ବେଳେ ପିପିଏଲ ସାର କାରଖାନାର ର ଜଣେ ବରିଷ୍ଠ ଅଧିକାରୀ ସରକାରଙ୍କ ଯୋଜନାର ବୋର୍ଡକୁ ଫୋପାଡିବାକୁ ନିନ୍ଦା କରାଯିବା ସହ ତୁରନ୍ତ ଗିରଫ କରିବାକୁ ଦାବି ହୋଇଛି।
୭ ନମ୍ବର ୱାର୍ଡର ଶତାଧିକ ୱାର୍ଡ ବାସିନ୍ଦା ପୋଲିସରେ ଲିଖିତ ଅଭିଯୋଗ କରିବା ସହ ନିରପେକ୍ଷ ତଦନ୍ତ କରିବାକୁ ଦାବି କରିଛନ୍ତି। ଯଥାଶୀଘ୍ର ଦୋଷୀ କୁ ଦଣ୍ଡବିଧାନ ଦାବି କରିଛନ୍ତି l ଯଦି ଏହି ଘଟଣା ରେ ଟାଳଟୁଳ ନୀତି ଅବଲମ୍ବନ କରାଯାଏ ତେବେ ଆଗାମୀ ଦିନରେ ୭ ନମ୍ବର ୱାର୍ଡ ବାସିନ୍ଦା ରାଜରାସ୍ତା କୁ ଓହ୍ଲାଇବାକୁ ଚେତାବନୀ ଦେଇଛନ୍ତି l