Tag: #Farmer

ସରକାର ମନରେଗାକୁ ଉଚ୍ଛେଦ ଏବଂ ଗ୍ରାମୀଣ ନିଯୁକ୍ତି ଉପରେ ଏକ ନୂତନ ଆଇନ ପ୍ରଣୟନ

କେନ୍ଦ୍ର ସରକାର ମନରେଗାକୁ ଉଚ୍ଛେଦ କରିବା ଏବଂ ଗ୍ରାମୀଣ ନିଯୁକ୍ତି ପାଇଁ ଏକ ନୂତନ ଆଇନ ପ୍ରଣୟନ କରିବା ପାଇଁ ଲୋକସଭା ସଦସ୍ୟମାନଙ୍କ ମଧ୍ୟରେ ଏକ ବିଲ୍ ପ୍ରସାରିତ କରିଛନ୍ତି। “ବିକଶିତ ଭାରତ – ନିଯୁକ୍ତି ଏବଂ ଜୀବିକା ମିଶନ (ଗ୍ରାମୀଣ) ପାଇଁ ଗ୍ୟାରେଣ୍ଟି” ବିଲ୍, 2025, 125 ଦିନର ନିଯୁକ୍ତିର ଆଇନଗତ ଗ୍ୟାରେଣ୍ଟି ପ୍ରସ୍ତାବ ଦେଇଛି। କେନ୍ଦ୍ର ସରକାର ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଯୁକ୍ତି ଗ୍ୟାରେଣ୍ଟି ଆଇନ (MGNREGA) ରଦ୍ଦ କରିବା ଏବଂ ଗ୍ରାମୀଣ ନିଯୁକ୍ତି ପାଇଁ ଏକ ନୂତନ ଆଇନ ପ୍ରଣୟନ କରିବା ପାଇଁ ଲୋକସଭା ସଦସ୍ୟମାନଙ୍କ ମଧ୍ୟରେ ଏକ ବିଲ୍ ପ୍ରସାରିତ କରିଛନ୍ତି। ଏହି ନୂତନ ଆଇନକୁ ‘ବିକଶିତ ଭାରତ – ନିଯୁକ୍ତି ଏବଂ ଜୀବିକା ମିଶନ ପାଇଁ ଗ୍ୟାରେଣ୍ଟି (ଗ୍ରାମୀଣ) ବିଲ୍, 2025’ ବୋଲି କୁହାଯିବ। ଏହି ବିଲ୍ ଏକ ଗ୍ରାମୀଣ ବିକାଶ ଢାଞ୍ଚା ସ୍ଥାପନ କରିବାର ଲକ୍ଷ୍ୟ ରଖିଛି ଯାହା ବିକଶିତ ଭାରତ 2047 ର ଜାତୀୟ ଦୃଷ୍ଟିକୋଣ ସହିତ ସମାନ।ଏହି ବିଲ୍ ପ୍ରତ୍ୟେକ ଗ୍ରାମୀଣ ପରିବାରକୁ ପ୍ରତି ଆର୍ଥିକ ବର୍ଷରେ 125 ଦିନର ମଜୁରୀ ନିଯୁକ୍ତିର ସାମ୍ବିଧାନିକ ଗ୍ୟାରେଣ୍ଟି ପ୍ରଦାନ କରିବାକୁ ଲକ୍ଷ୍ୟ ରଖିଛି। ଏହି ଗ୍ୟାରେଣ୍ଟି ଗ୍ରାମୀଣ ପରିବାରଗୁଡ଼ିକୁ ବିସ୍ତାର କରାଯିବ ଯେଉଁଠାରେ ଯୁବ ସଦସ୍ୟମାନେ ସ୍ୱେଚ୍ଛାସେବୀ ଭାବରେ ଅଣକୁଶଳୀ ହସ୍ତକୃତ କାମ କରିବାକୁ ଆଗେଇ ଆସିବେ। ବର୍ତ୍ତମାନ, ମନରେଗା ଆଇନ 2005 100 ଦିନର ନିଯୁକ୍ତିର ଗ୍ୟାରେଣ୍ଟି ପ୍ରଦାନ କରିଛି। ନୂତନ ବିଲ୍ “ଏକ ସମୃଦ୍ଧ ଏବଂ ସ୍ଥିର ଗ୍ରାମୀଣ ଭାରତ ପାଇଁ ସଶକ୍ତିକରଣ, ବିକାଶ ଏବଂ ପ୍ରଗତିକୁ ପ୍ରୋତ୍ସାହିତ କରିବା” ମଧ୍ୟ ଲକ୍ଷ୍ୟ ରଖିଛି। ଏହି ନୂତନ ଆଇନକୁ “ବିକଶିତ ଭାରତ 2047” ର ଜାତୀୟ ଦୃଷ୍ଟିକୋଣ ସହିତ ଗ୍ରାମୀଣ ବିକାଶ ଢାଞ୍ଚାକୁ ସମନ୍ୱିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବରେ ବିବେଚନା କରାଯାଉଛି।
ବିଧାନସଭାରେ ଉଠିବ କଳାହାଣ୍ଡି ର କୃଷି ଓ କୃଷକ ପ୍ରସଙ୍ଗ

ସାରା ବିଶ୍ୱରେ ହଜାର ହଜାର ବର୍ଷ ପୂର୍ବରୁ ଧାନ ଉତ୍ପାଦନରେ ମୁଲସ୍ଥାନ ମଧ୍ୟରେ କଳାହାଣ୍ଡି ଅନ୍ତର୍ଭୁକ୍ତ | କଳାହାଣ୍ଡି ଜିଲ୍ଲାରେ ପାରମ୍ପରିକ ଉପାୟରେ ବନ୍ଧ, କଟା, ମୁଣ୍ଡା ଜରିଆରେ ଜମିକୁ ଜଳ ସେଚନ ବ୍ୟବସ୍ଥା ଥିଲା | କିନ୍ତୁ ଆଜିର ଦିନରେ ଜିଲ୍ଲାରେ କୃଷିଭିତ୍ତିକ ଶିଳ୍ପ ସ୍ଥାପନ ଓ କୃଷି ଉତ୍ପାଦନରେ ମୁଖ୍ୟ । ତେଣୁ ଏହି ପ୍ରସଙ୍ଗ ବିଧାନ ସଭାରେ ଉଠିବ ବୋଲି ଏହି କାର୍ଯ୍ୟକ୍ରମର ଆବାହକ ପୂର୍ବତ୍ତନ ମନ୍ତ୍ରୀ ତଥା ଜୁନାଗଡ଼ ବିଧାୟକ କ୍ୟାପଟେନ ଦିବ୍ୟଶଙ୍କର ମିଶ୍ର ନିଜର ମତବ୍ୟକ୍ତ ରଖିଥିଲେ |ସେହିପରି ଜିଲ୍ଲା ର ପ୍ରତ୍ୟେକ ଚାଷ, ପଶୁପାଳନ ଉପରେ ଅତିଥି ମାନେ ଭବାନୀପାଟଣା ସ୍ଥିତ ଏସ ଏନ ରେସିଡେନ୍ସି ରେ ନିଜର ମତବ୍ୟକ୍ତ କରିଥିଲେ |ଏଥିରେ ଜିଲ୍ଲା ର ସଫଳ ଚାଷୀ ଜିଲ୍ଲାର ସମସ୍ତ ସାମ୍ବାଦିକ ବୁଦ୍ଧିଜୀବି ପ୍ରମୁଖ ଉପସ୍ଥିତ ଥିଲେ |
ବିଲରେ କାମ କରୁଥିବା ବେଳେ ବଜ୍ରାଘାତ, ୨ ଆହତ

ଜଳେଶ୍ଵର ବ୍ଲକ୍ ରାଇବଣିଆ ଥାନା ଅର୍ନ୍ତଗତ ସର୍ଦ୍ଦାରବନ୍ଧ ପଞ୍ଚାୟତର ବଡଟିକାୟତପୁର ଗ୍ରାମରେ ବିଲରେ କାମ କରୁଥିବା ବେଳେ ପ୍ରାୟ ୩ ଘଟିକା ସମୟ ପାଖାପାଖି ପ୍ରବଳ ବର୍ଷା ଏଵଂ ଘଡଘଡି ହୋଇଥିଲା ଏହି ସମୟରେ ବୁଧିନି ହେମ୍ବ୍ରମ୍ (୫୦) ଏଵଂ ପାନ ମାରାଣ୍ଡି (୩୫) ଙ୍କୁ ମାରିଥିଲା ବଜ୍ରାଘାତ, ଫଳରେ ପାନ ମାରାଣ୍ଡିଙ୍କ ଡାହାଣ ଗୋଡଟି ଜଳି ଯାଇଥିଲା ଏବଂ ସେ ଚେତା ଶୂନ୍ୟ ହୋଇଯାଇଥିଲା ଏବଂ ବୁଧିନୀ ସାମାନ୍ୟ ଆହତ ହୋଇଥିଲେ ଏବଂ ପାଖରେ ଉପସ୍ଥିତ ଥିବା ଲୋକେ ତାଙ୍କୁ ହାତୀଗଡ଼ ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ।
ଟ୍ରାକ୍ଟର ଓଲଟି ଯୁବଚାଷୀ ମୃତ୍ୟୁ

ବିଲରେ ଚାଲିଗଲା ଜୀବନ। ଚାଷ କରୁଥିବା ବେଳେ ଚାଳକ ମୃତ । ଏଭଳି ଛାତିଥରା ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲାର ତାରାସିଙ୍ଗି ଥାନା ଅଧୀନ ନୂଆ ଟାଙ୍ଗଣ ଗ୍ରାମରେ। ବିଲରେ ଚାଷ କରୁଥିବା ବେଳେ ଓଲଟି ପଡ଼ିଥିଲା ଟ୍ରାକ୍ଟର ।

ଖବର ଅନୁଯାୟୀ ତାରାସିଙ୍ଗି ଗ୍ରାମର ମିଟୁ ପାତ୍ର(୪୦) ସନ୍ଧ୍ୟା ୦୬ ଟାରେ ବୋଇତା ଅଞ୍ଚଳରେ ଚାଷ କରୁଥିବା ବେଳେ, କୌଣସି କାରଣରୁ ଚଳାଉଥିବା ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡ଼ିଥିଲା ଫଳରେ ମିଟୁ ଶ୍ୱାସରୁଦ୍ଧ ହୋଇ ଚାପି ହୋଇଯାଇଥିଲେ ।

ଖବର ପାଇ ଗ୍ରାମବାସୀ ଘଟଣା ସ୍ଥଳରେ ପହଞ୍ଚି ପରିବାର ଲୋକଙ୍କୁ ଜଣାଇଥିଲେ ପରେ ଖବର ପାଇ ତାରାସୀଙ୍ଗୀ ପୋଲିସ୍ ଏବଂ ଭଞ୍ଜନଗର ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ବିଲ ମଝିରୁ ଟ୍ରାକ୍ଟର ସହ ଚାଳକଙ୍କୁ ଉଦ୍ଧାର କରି ଭଞ୍ଜନଗର ମେଡ଼ିକାଲକୁ ନେଇଥିଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରି ଶବ ବ୍ୟବଚ୍ଛେଦ ପାଇଁ ପଠାଇଥିଲେ

ମିଟୁ ଜଣେ ଭଲ ବ୍ୟକ୍ତି ସହ ପରୋପକାରୀ ଓ ମେଳାପି ହୋଇଥିବାରୁ ତାଙ୍କ ଦେହାନ୍ତ ଘଟଣା ଅଞ୍ଚଳରେ ଶୋକର ଛାୟା ଖେଳିଯାଇଛି ।
ମଣ୍ଡିରୁ ଉଠୁନି ଧାନ, ତାଲା ପକାଇଲେ ଚାଷୀ

ବରଗଡ଼ ଜିଲ୍ଲାରେ ଧାନ ସଂଗ୍ରହ ପ୍ରକ୍ରିୟାକୁ ନେଇ ଚାଷୀ ଅସନ୍ତୋଷ ଲାଗି ରହିଛି । ଚାଷୀମାନେ ବିକ୍ରି ପାଇଁ ମଣ୍ଡିକୁ ଧାନ ଆଣୁଛନ୍ତି। ମାତ୍ର ସେଠାରେ ସେହି ଧାନକୁ କ୍ରୟ ସଂସ୍ଥା କିଣୁ ନାହିଁ। ଫଳରେ ମଣ୍ଡିରେ ଧାନ ପକାଇ ଚାଷୀଙ୍କୁ ବହୁ ହଟହଟାର ସମ୍ମୁଖୀନ ହେବାକୁ ପଡୁଛି । ଏପରି ପରିସ୍ଥିତି ଦେଖିବାକୁ ମିଳିଛି ଅତାବିରା ମଣ୍ଡିରେ। ଚାଷୀ ସମସ୍ୟାର ପ୍ରତିବାଦରେ ଶନିବାର ଚାଷୀମାନେ ଅତାବିରା ମଣ୍ଡି କାର୍ଯ୍ୟାଳୟ ସମ୍ମୁଖରେ ଆଗରେ ଧାନ ପକାଇବା ସହ ମଣ୍ଡିରେ ତାଲା ପକାଇ ଦେଇଛନ୍ତି ଚାଷୀ । ଧାନ ବିକ୍ରିରେ ଦେଖା ଦେଇଥିବା ଅଚଳାବସ୍ଥା ଚାଷୀଙ୍କୁ ଚିନ୍ତାଗ୍ରସ୍ତ କରିଛି ।

ଦିନକୁ ଦିନ ମଣ୍ଡି ଗୁଡିକରେ ଧାନ ବଢିବାରେ ଲାଗିଛି ଲକ୍ଷାଧିକ ପ୍ୟାକେଟ ଧାନ ବିଭିନ୍ନ ମାର୍କେଟ ୟାର୍ଡ଼ରେ ପଡ଼ି ରହିଛି । କ୍ରୟ ସଂସ୍ଥା ମଣ୍ଡିରୁ ଧାନ ଉଠାଉ ନ ଥିବାରୁ ସମସ୍ୟା ବଢ଼ିବାରେ ଲାଗିଛି । ଅସନ୍ତୁଷ୍ଟ ଚାଷୀ ଅତାବିରା ମଣ୍ଡି କାର୍ଯ୍ୟାଳୟରେ ଶହ ଶହ ବସ୍ତା ଧାନ ପକାଇ ତାଲା ମାରି ଆନ୍ଦୋଳନ କରିଥିଲେ । ଖବରପାଇ ବରଗଡ଼ ଉପ ଜିଲ୍ଲାପାଳ ତଥା ନିୟନ୍ତ୍ରିତ ବଜାର କମିଟି ଅଧ୍ୟକ୍ଷ ପ୍ରସନ୍ନ କୁମାର ପାଣ୍ଡେ ଘଟଣାସ୍ଥଳକୁ ଆସି ଚାଷୀଙ୍କ ସହ ଆଲୋଚନା କରିଥିଲେ ।

ତେବେ ଚାଷୀ ଧାନ ଉଠାଇବାକୁ ଜିଦ ଧରିଥିଲେ । ପରେ ଅତାବିରା ବିଧାୟକ ନିହାର ରଞ୍ଜନ ମହାନନ୍ଦ ଆସି ଚାଷୀଙ୍କ ସହ ଆଲୋଚନା କରିଥିଲେ । ପ୍ରଶାସନିକ ଅଧିକାରୀ, ଚାଷୀ ଓ ବିଧାୟକ ତ୍ରୀପାକ୍ଷିକ ଆଲୋଚନା କରି ଧାନ ଉଠାଣକୁ ତ୍ୱରାନ୍ୱିତ କରିବା ପାଇଁ ବ୍ୟବସ୍ଥା କରିବାକୁ କହିଥିଲେ ।

୭ଟି ଟ୍ରକରେ କ୍ରୟ ସଂସ୍ଥା ଧାନ ଉଠାଇବାକୁ ପ୍ରତିଶ୍ରୁତି ଦେବା ପରେ ଚାଷୀ ଶାନ୍ତ ହୋଇଥିଲେ ତେବେ ଧାନ ଉଠାଣରେ ମନ୍ଥରତା ଦେଖା ଦେଲେ ପୁଣି ତାଲା ବନ୍ଦ ଆନ୍ଦୋଳନ କରାଯିବ ବୋଲି ଚାଷୀ ରୋକ୍ ଠୋକ୍ ଶୁଣାଇଛନ୍ତି ।
ବରଗଡ଼ରେ ବ୍ୟାପକ ଫସଲ କ୍ଷତି: ଜିଲ୍ଲାପାଳଙ୍କ ନିକଟରେ ବିଜେଡିର ଦାବିପତ୍ର

ବରଗଡ଼ ଜିଲ୍ଲାରେ ଅଦିନିଆ ବର୍ଷା କରିଛି ବ୍ୟାପକ କ୍ଷୟକ୍ଷତି, ଧାନ ଫସଲ ନଷ୍ଟ କରିବା ସଙ୍ଗେ ସଙ୍ଗେ ଭାଂଗିଛି ଚାଷୀର ମେରୁଦଣ୍ଡ । ବର୍ଷା ପ୍ରଭାବରୁ ମଣ୍ଡିରେ ପଡ଼ିଥିବା ଧାନ ଗୁଡ଼ିକ ଗଜା ହୋଇଯାଇଛି । ଚାଷଜମିରେ ଧାନ ଅମଳ ହେବା ଆଗରୁ ବର୍ଷାରେ ଭିଜି ଗଜା ହୋଇଯାଇଛି । ଏହି ଅବସରରେ ଚାଷୀଙ୍କ ପାଇଁ ଆଗେଇ ଆସିଛନ୍ତି ଜିଲ୍ଲା ବିଜେଡିର ସମସ୍ତ ବିଧାୟକ, ପୂର୍ବତନ ବିଧାୟକ, ବିଜେଡି ନେତା ଓ କର୍ମୀମାନେ । ସମସ୍ତେ ଏକାଠି ହୋଇ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି ।

ବିଜେଡି ଜିଲା ସଭାପତି ସୁଶାନ୍ତ ମହାପାତ୍ରଙ୍କ ନେତୃତ୍ୱରେ ଗତକାଲି ସକାଳ ପ୍ରାୟ ୧୦ଟାରେ ବରଗଡ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ପଦ୍ମପୁର ବିଧାୟିକା ବର୍ଷା ସିଂ ବରିହା, ପୂର୍ବତନ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ପୂର୍ବତନ ମନ୍ତ୍ରୀ ରୀତା ସାହୁ, ପୂର୍ବତନ ମନ୍ତ୍ରୀ ସ୍ନେହାଙ୍ଗିନୀ ଛୁରିଆଙ୍କ ସମେତ ଅନେକ ଦଳୀୟ କାର୍ଯ୍ୟକର୍ତ୍ତା, କର୍ମୀ ଦାବିପତ୍ର ପ୍ରଦାନ କରିବା ପାଇଁ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ।

ତେବେ ଦାବିପତ୍ର ଗ୍ରହଣ ପାଇଁ ଜିଲାପାଳ ନ ଆସିବାରୁ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା। ଦଳ ପକ୍ଷରୁ ୬ ଦଫା ଦାବି ନେଇ ଜିଲ୍ଲାପାଳଙ୍କ ଅଫିସ ସମ୍ମୁଖରେ ବସି ରହିଥିଲେ। ପରେ ଜିଲ୍ଲାପାଳ ଆସିବା ପରେ ଏସବୁକୁ ତୁରନ୍ତ ଗୋଟିଏ ଟିମ୍ ଜିଲ୍ଲାର ସମସ୍ତ ବ୍ଳକ ଅଞ୍ଚଳକୁ ପଠେଇ ଠିକ୍ ଭାବେ ସର୍ଭେ କରି ଚାଷୀଙ୍କୁ ଉଚିତ୍ କ୍ଷତିପୂରଣ ମିଳୁ ବୋଲି ଦାବି କରିଥିଲେ । ସେହିପରି ଚାଷୀର ଋଣ ସମ୍ପୂର୍ଣ୍ଣ ଛାଡ କରି ସମସ୍ତ କ୍ଷତିଗ୍ରସ୍ତ ଚାଷୀଙ୍କୁ ଇନପୁଟ ସବସିଡ଼ି ପ୍ରଦାନ କରିବା ସହ ସମସ୍ତ ମିଲର୍ ମାନେ ବିନା କଟନି ଛଟନିରେ ଧାନ କ୍ରୟ କରିବା ପାଇଁ ମିଲର ମାନଙ୍କୁ ଆଦେଶ ଦେବାକୁ ବିଧାୟିକା ବର୍ଷା କହିଥିଲେ ।

ସରକାରୀ କଳର ଉଦାସୀନତା ବିରୁଦ୍ଧରେ ଏବଂ ଚାଷୀମାନଙ୍କୁ ସଠିକ କ୍ଷତିପୁରଣ ଯଥାଶୀଘ୍ର ପ୍ରଦାନ ନିମନ୍ତେ ବିଜେଡି ପକ୍ଷରୁ ୬ ଦଫା ଦାବୀପତ୍ର ଜିଲ୍ଲାପାଳ ଆଦିତ୍ୟ ଗୋୟଲଙ୍କୁ ପ୍ରଦାନ କରିଥିଲେ ।
ଜିଲ୍ଲା ସ୍ତରୀୟ ରବି ଧାନ କ୍ରୟ କମିଟି ବୈଠକ, ୧୫ରୁ କ୍ରୟ ଆରମ୍ଭ

ସୁବର୍ଣ୍ଣପୁର ଜିଲ୍ଲାରେ ରବିଧାନ କ୍ରୟ ନିମନ୍ତେ ଜିଲ୍ଲା ସ୍ତରୀୟ କ୍ରୟ କମିଟି ବୈଠକ ଜିଲ୍ଲାପାଳ ଶ୍ରୀମତୀ ଅନ୍ୟା ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ଏହି ବୈଠକରେ ଚଳିତ ବର୍ଷ ଜିଲ୍ଲାରେ ମଇ ମାସ ୧୫ ତାରିଖରୁ ରବିଧାନ କ୍ରୟ ପ୍ରକ୍ରିୟା ଆରମ୍ଭ ହେବ ବୋଲି ସୂଚନା ଦିଆଯାଇଛି l ଏଥି ନିମନ୍ତେ ୬୭ ଗୋଟି ପ୍ୟାକ୍ସ ଓ ପରିବର୍ଦ୍ଧିତ ୦୨ ଗୋଟି କେନ୍ଦ୍ର ସହ ୬୯ ଗୋଟି ଏବଂ ୧୮ ଗୋଟି ମହିଳା ସ୍ୱୟଂ ସହାୟକ ଗୋଷ୍ଠୀ ସାମିଲ ରହିଥିବା ବେଳେ ସମୁଦାୟ ୮୭ ଗୋଟି ଧାନ କ୍ରୟ କେନ୍ଦ୍ର ଜରିଆରେ ଯୋଗାଣ ନିଗମ ଧାନ କ୍ରୟ କରିବ। ଚଳିତ ବର୍ଷ ସରକାରଙ୍କ ତରଫରୁ ଜିଲ୍ଲା ନିମନ୍ତେ ୧୬୨୫୮୮୦. ୦୦ କ୍ୟୁଣ୍ଟାଲ ଧାନ କ୍ରୟର ଲକ୍ଷ ଧାର୍ଯ୍ୟ ରହିଛି।ରବି ଧାନ କ୍ରୟ ପ୍ରକ୍ରିୟା ନିମନ୍ତେ ଟୋକନ ବ୍ୟବସ୍ଥା କରାଯିବ, ମାତ୍ର ଏକର ପ୍ରତି କେତେ ପରିମାଣରେ ଧାନ କିଣାଯିବ ସେଥିପାଇଁ ରାଜ୍ୟ ସ୍ତରୀୟ କ୍ରୟ କମିଟି ନିଷ୍ପତ୍ତି ଗ୍ରହଣ କଲାପରେ ଜଣାପଡିବ l

ଚଳିତ ବର୍ଷ ଧାନ କ୍ରୟ କେନ୍ଦ୍ର ଗୁଡିକରେ ସପ୍ତାହର ୬ ଦିନ ରବିବାର ବ୍ୟତୀତ ସକାଳ ୬. ୩୦ ଘଣ୍ଟା ରୁ ପୂର୍ବାହ୍ନ ୧୧ ଘଣ୍ଟା ପର୍ଯ୍ୟନ୍ତ ଧାନ କ୍ରୟ କରାଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି ପରିସ୍ଥିତିକୁ ଦେଖି ଯଦି ଆବଶ୍ୟକ ପଡେ ତେବେ ରବିବାର ଦିନ ମଧ୍ୟ ମଣ୍ଡି ଚାଲୁ ରହିବ ବୋଲି ସୂଚୀତ କରାଯାଇଛି। ଚଳିତ ବର୍ଷ ରବି ଧାନ ବିକ୍ରୟ କରିବା ପାଇଁ ଜିଲ୍ଲାର ୩୫୪୪୫ ଜଣ ଚାଷୀ ପଞ୍ଜିକରଣ ହୋଇଥିବା ବେଳେ ଗତ ରବିରେ ୩୫୫୭୯ ଜଣ ଚାଷୀ ପଂଜିକୃତ ହୋଇ ୨୦୩୨୩୪୯. ୦୬ କ୍ୱିଣ୍ଟାଲ ଧାନ କିଣାଯାଇଥିବା ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି l

ଗ୍ରୀଷ୍ମ ପ୍ରବାହ ଓ ପ୍ରାକ ମୌସୁମୀକୁ ଦୃଷ୍ଟିରେ ରଖି ସମସ୍ତ ଧାନ କ୍ରୟକେନ୍ଦ୍ର ଗୁଡିକରେ ଯେକୌଣସି ପ୍ରକାର ଆସନ୍ନ ସମସ୍ୟାକୁ ସମ୍ମୁଖୀନ ସହିତ ଉଚିତ ମୁକାବିଳା ନିମନ୍ତେ ପାନୀୟ ଜଳ, ବିଜୁଳି, ଟ୍ରପୋଲିନ ଓ ଚାଷୀଙ୍କ ପାଇଁ ଆଶ୍ରୟସ୍ଥଳି, ଗୋଦାମଘର, ଆନାଲେସିସ କିଟ, ମୋସ୍ଚାର ମିଟର, ତଥା ଅନ୍ୟାନ୍ୟ ଆନୁସଙ୍ଗିକ ବ୍ୟବସ୍ଥା ପ୍ରତି ବିଶେଷ ଗୁରୁତ୍ୱ ଦେବା ସହ ଚାଷୀ ଯେପରି ରବି ଧାନ ବିକ୍ରୟକୁ ସହଜ, ସୁବିଧା ଓ ସ୍ଵଛତାର ସହ କରିପାରିବ ସେଥିପ୍ରତି ବିଶେଷ ଯତ୍ନବାନ ହେବାକୁ ଜିଲ୍ଲାପାଳ ତଥା ଅଧ୍ୟକ୍ଷା ଶ୍ରୀମତୀ ଦାସ ନିର୍ଦେଶ ଦେଇଛନ୍ତି। ବୈଠକରେ ମାନନୀୟା ସାଂସଦ ବଲାଙ୍ଗୀର ଶ୍ରୀମତୀ ସଙ୍ଗୀତା କୁମାରୀ ସିଂହଦେଓ ଯୋଗଦାନ କରି ବିଭାଗୀୟ ସମ୍ପୃକ୍ତ ଅଧିକାରୀ ବୃନ୍ଦ ନିଜ ନିଜ ବିଭାଗ ମଧ୍ୟରେ ସୁସମନ୍ୱୟ ରକ୍ଷା ପୂର୍ବକ କାର୍ଯ୍ୟ କରିବାକୁ ପରାମର୍ଶ ଦେଇଛନ୍ତି। ପୁନଶ୍ଚ ଧାନ କ୍ରୟକୁ ସ୍ୱଚ୍ଛ ତଥା ବ୍ୟବସ୍ଥିତ ପରିଚାଳନା ନିମନ୍ତେ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଜିଲ୍ଲା ପ୍ରଶାସନକୁ ପରାମର୍ଶ ଦେଇଛନ୍ତି।

ବୈଠକରେ ଚାଷୀ ପ୍ରତିନିଧି ତଥା ମିଲର ସଂଘ ପ୍ରତିନିଧି ମାନଙ୍କ ଦ୍ୱାରା ଆଗତ ଗତ ବର୍ଷ ଧାନ କ୍ରୟ ସମୟରେ ଓ ପରେ ଉପୁଜିଥିବା ବିଭିନ୍ନ ସୁବିଧା ଅସୁବିଧା ଉପରେ ଆଲୋଚନା କରାଯାଇ ତ୍ରୁଟିର ସମାଧାନ ଦିଗରେ ଜିଲ୍ଲା ପ୍ରଶାସନ ଗୁରୁତ୍ବଦେଇ ଚଳିତ ବର୍ଷ ରବିଧାନ କ୍ରୟକୁ ସୁବ୍ୟବସ୍ଥିତ କରାଯିବ ବୋଲି ଜିଲ୍ଲାପାଳ ବୈଠକରେ ସୂଚନା ଦେଇଥିଲେ l ସମ୍ପୃକ୍ତ ସମସ୍ତଙ୍କ ମିଳିତ ସହଯୋଗରେ ଚଳିତ ବର୍ଷ ରବି ଧାନ କ୍ରୟ ଯେପରି ସୁରୁଖୁରୁରେ ସମ୍ପନ୍ନ ହେବ ସେଥିପାଇଁ ସମ୍ପୃକ୍ତ ଅଧିକାରୀ ମାନେ ଆଗୁଆ ପ୍ରସ୍ତୁତିର ସରଜମିନ ଯାଞ୍ଚ ସହ ତୃଣମୂଳ ସ୍ତରରେ ସୁ ସମନ୍ୱୟ ରକ୍ଷା ପୂର୍ବକ କାର୍ଯ୍ୟ କରିବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି l

ଧାନ କ୍ରୟକୁ ବ୍ୟବସ୍ଥିତ ତଥା ସୁଚାରୁ ପରିଚାଳନା ନିମନ୍ତେ ଜିଲ୍ଲାର ବରିଷ୍ଠ ଅଧିକାରୀଙ୍କୁ ଆବଶ୍ୟକ ଯାଞ୍ଚ ଓ ନିରୀକ୍ଷଣ ନିମନ୍ତେ ଦାୟିତ୍ୱ ପ୍ରଦାନ କରାଯିବା ଉପରେ ସୂଚୀତ କରାଯାଇଛି । ଅନୁଷ୍ଠିତ ଏହି ବୈଠକରେ ବୀରମହାରାଜପୁର ଉପଜିଲ୍ଲାପାଳ ଶ୍ରୀ ଲଲାଟେନ୍ଦୁ ସି , ମୁଖ୍ୟ ଖାଉଟି ଯୋଗାଣ ଅଧିକାରୀ ନିରଦ ରଞ୍ଜନ ଦାସ, ଜିଲ୍ଲା କୃଷି ଅଧିକାରୀ ଧୀରେନ୍ଦ୍ର ସିଂ ବରିହା, ସମ୍ପାଦକ ନିୟନ୍ତ୍ରିତ ବଜ଼ାର କମିଟି, ଜିଲ୍ଳା ସମବାୟ ଉପନିବନ୍ଧକ ସୁବର୍ଣ୍ଣପୁର, ଜିଲ୍ଲା ଚାଷୀ ସଂଗଠନ କର୍ମକର୍ତ୍ତା, ଜିଲ୍ଲା ମିଲର୍ସ ପ୍ରତିନିଧି, କମିଟି ସଦସ୍ୟ ସଦସ୍ୟା ସମେତ ଜିଲ୍ଲାସ୍ତରୀୟ ବିଭିନ୍ନ ଅଧିକାରୀ ଅଂଶ ଗ୍ରହଣ କରି ଆଲୋଚନାରେ ଭାଗ ନେଇଥିଲେ
ବାହାର ରାଜ୍ୟରୁ ନୁହେଁ ଏଣିକି ଆମ ରାଜ୍ୟରେ ମିଳିବ ଷ୍ଟ୍ରବେରୀ ଓ ଥାଇଲାଣ୍ଡ ବରକୋଳି

ଫଳିଛି ପେନ୍ଥା ପେନ୍ଥା ଷ୍ଟ୍ରବେରୀ ଓ ଥାଇଲାଣ୍ଡ ବରକୋଳି, ଏହି ଚାଷ ଦେଖିବାକୁ ଓ ଶିଖିବାକୁ ସ୍ଥାନୀୟ ଅଞ୍ଚଳର ଚାଷୀଙ୍କ ସମେତ ସାଧାରଣ ଲୋକମାନେ ଭିଡ଼ ଲଗାଉଛନ୍ତି। ଯେଉଁ ଚାଷ କରିବାକୁ କେହି କେବେ ଭାବି ନ ଥିଲେ, ସେହି ଚାଷ କରି ସଫଳ ହୋଇଛନ୍ତି। ଅସମ୍ଭବକୁ ସମ୍ଭବ କରି ଦେଖାଇଛନ୍ତି ଯାଜପୁର ଜିଲ୍ଲା ରସୁଲପୁର ବ୍ଲକ ବାରବାଟି ପଞ୍ଚାୟତ ବରଜ ଗାଁର ଚାଷୀ ନରେନ୍ଦ୍ର ଏକର ଏକର ଚାଷ ଜମିରେ ଷ୍ଟ୍ରବେରୀ ଓ ଥାଇଲାଣ୍ଡ କୋଳି ଚାଷ କରି ସଫଳ ହୋଇଛନ୍ତି ସେ, ଏହି ଚାଷରୁ ଭଲ ଦି ପଇସା ଆୟ କରୁଥିବା ସେ ପ୍ରକାଶ କରିଛନ୍ତି ।

କଟକ ଓ ଭୁବନେଶ୍ବରରେ ମିଳୁଥିବା କିମ୍ବା ବାହାର ରାଜ୍ୟରୁ ଏଠାକୁ ଆସୁଥିବା ଥାଇଲାଣ୍ଡ ବରକୋଳି ଏବଂ ଷ୍ଟ୍ରବେରୀକୁ ଦେଖି, ଚାଷୀ ନରେନ୍ଦ୍ର ଏହାକୁ ନିଜ ଅଞ୍ଚଳରେ କରିବାକୁ ଚେଷ୍ଟା କରିଥିଲେ, କିନ୍ତୁ କେମିତି କରିବେ, କଣ କଲେ ଏହି ଚାଷରୁ ସଫଳତା ମିଳିବ, ସେ ଜାଣି ନଥିଲେ, ଏମିତି ଭାବୁଥିବାବେଳେ ତାଙ୍କୁ ସରକାରୀ ସ୍ତରରେ କିଛି ତାଲିମ ମିଳିବାରୁ, ସେ ଆଜି ଜଣେ ସଫଳ ଚାଷୀ ଭାବେ ପରିଚିତି ଲାଭ କରିଛନ୍ତି, ନିଜ ଉଦ୍ୟମ ଓ ପ୍ରଚେଷ୍ଠାରେ ଏହି ଚାଷକୁ ସଫଳ କରାଇଥିବାରୁ ତାଙ୍କୁ ଚଳିତ ବର୍ଷର କୃଷି ଓଡ଼ିଶା ପୁରସ୍କାର ମଧ୍ୟ ମିଳିଛି। ଚାଷୀ ନରେନ୍ଦ୍ର ପ୍ରଧାନ ଆଜି ସମସ୍ତ ଚାଷୀଙ୍କ ପାଇଁ ଉଦାହରଣ ପାଲଟିଛନ୍ତି, ତେଣୁ ତାଙ୍କ ଠାରୁ ଏହି ଚାଷ ସମ୍ବନ୍ଧୀୟ ଶିକ୍ଷା ନେବାକୁ ଦୂର ଦୁରାନ୍ତରୁ ଚାଷୀମନେ ତାଙ୍କ ପାଖକୁ ଧାଇଁଆସୁଛନ୍ତି ।

କେବଳ ପାରମ୍ପରିକ ଚାଷ ଯେ ଚାଷୀଙ୍କୁ ସଫଳ କରିବ ତା ନୁହେଁ, ଚାଷୀ ନରେନ୍ଦ୍ର ପ୍ରଧାନଙ୍କ ପରି କିଛି ନୂଆ କରିବାର ଆଗ୍ରହ ଓ ସାହସ ଚାଷୀକୁ ଆଣିଦେବ ସଫଳତା, ତାଙ୍କ ସଫଳତା ଯୁବ ଚାଷୀଙ୍କୁ ଚାଷ ପ୍ରତି ଆଗ୍ରହ ବଢାଇବା ସଙ୍ଗେ ସଙ୍ଗେ ଆଜି ସମସ୍ତ ଚାଷୀଙ୍କ ପାଇଁ ସେ ପାଳତିଛନ୍ତି ପ୍ରେରଣାର ସ୍ରୋତ ।
ଚାଷି ପାଇଲେନି ବିହନ ସାର, ଆମେ ଚାଷୀ ନା ମୋଚି!

ରାୟଗଡା ଜିଲ୍ଲାର ଦୁର୍ଗମ ଅଞ୍ଚଳ ଭାବେ ଜଣାଶୁଣା ଚନ୍ଦ୍ରପୁର ବ୍ଲକ, ଏହି ବ୍ଲକର ୮ ଟି ପଂଚାୟତର ୫୦ ହଜାରରୁ ଉର୍ଦ୍ଧ୍ବ ଆଦିବାସୀ ଗରିବ ଲୋକମାନେ ପ୍ରାୟତଃ କୃଷିକାର୍ଯ ଉପରେ ନିର୍ଭର କରିଥାନ୍ତି, ଚାଷକୁ ଭରସା କରି ପେଟ ପୋଷୁଥିବା ଏହି ଗରିବ ଲୋକଙ୍କ ଉପରେ ଏବେ ଦାଉ ସାଧିଛି କୃଷି ବିଭାଗ, ହଁ ଆଜ୍ଞା, ରାଜ୍ୟ ସରକାର ଏଞ୍ଜିଓ ମାଧ୍ୟମରେ ଚାଷୀଙ୍କୁ ବିହନ ଓ ସାର ଯୋଗାଇ ଦେଉଛନ୍ତି, କିନ୍ତୁ ଚନ୍ଦ୍ରପୁର ବ୍ଲକରେ ଏହାର ଓଲଟା ଚିତ୍ର ଦେଖିବାକୁ ମିଳିଛି, ଏଞ୍ଜିଓ ଓ କୃଷି ବିଭାଗ ପକ୍ଷରୁ ଚାଷିଙ୍କ ପାଇଁ ବିହନ, ବିରି, ସୋରିଷ, ମାଣ୍ଡିଆ, ରାଶି ସହିତ ବିଭିନ୍ନ ରାସାୟନିକ ସାର ଯୋଗାଇଦେବାର ବ୍ୟବସ୍ଥା ଥିଲେ ମଧ୍ୟ ଚାଷୀଙ୍କୁ ପ୍ରତାରିତ କରୁଛି ସମ୍ପୃକ୍ତ ଆଇକାର୍ଡ ଏଞ୍ଜିଓ, ସେଥିଲାଗି ବଞ୍ଚିତ ଅଛନ୍ତି ଚନ୍ଦ୍ରପୁର ବ୍ଲକର ଚାଷୀମାନେ, ଆଇକାର୍ଡ ଏଞ୍ଜିଓ ହରିଲୁଟ କରୁଥିବା ନେଇ ଅଭିଯୋଗ କରିଛନ୍ତି ଚାଷୀ, ଆମକୁ କାହିଁକି ବିହନ ମିଳିବନି ବୋଲି ସମ୍ପୃକ୍ତ ଏଞ୍ଜିଓକୁ ଚାଷୀମାନେ ପଚାରିବାରୁ ସେ କହିଛନ୍ତି ଯେ ତମେ କିଏ ଚିହ୍ନିନୁ, ସମ୍ପୃକ୍ତ ଆଇକାର୍ଡ ଏଞ୍ଜିଓ ପ୍ରକୃତ ଚାଷୀଙ୍କୁ ବାଦ ଦେଇ ଅଣଚାଷୀଙ୍କୁ ବିହନ ଦେଉଥିବା କହିଛନ୍ତି ଚାଷୀ, ଏ ନେଇ କଣ କହୁଛନ୍ତି ଚାଷୀ ଶୁଣନ୍ତୁ ।

ଏଠାରେ ପ୍ରଶ୍ନ ଉଠୁଛି, ସମ୍ପୃକ୍ତ ଆଇକାର୍ଡ ଏଞ୍ଜିଓର ବିହନ ହେରଫେର ପଛରେ କାହାର ହାତ ରହିଛି କି? ଯଦି କୃଷି ବିଭାଗ ଚାଷୀ ଓ ଅଣଚାଷୀଙ୍କ ତଥ୍ୟ ସମ୍ପୃକ୍ତ ଆଇକାର୍ଡ ଏଞ୍ଜିଓକୁ ପ୍ରଦାନ କରି ବିହନ ବଣ୍ଟନର ଦାୟିତ୍ବ ଦେଇଛି, ତେବେ କାହିଁକି ଗରିବ ଚାଷୀଙ୍କୁ ହତାଦର କରୁଛି ଏଞ୍ଜିଓ ? ନା ରହିଛି ବଡ ଘୋଟାଲାର ଷଡଯନ୍ତ୍ର ? ଏ ନେଇ ସଂପୃକ୍ତ ଆଇକାର୍ଡ ଏଞ୍ଜିଓ ଚନ୍ଦ୍ରପୁର ଏବଂ କୃଷି ବିଭାଗର କର୍ମଚାରୀ ରଞ୍ଜିତ କୁମାର ଗମାଙ୍ଗଙ୍କୁ ପଚାରିବାରୁ ସେ କୈାଣସି ସଠିକ୍ ଉତ୍ତର ଦେଇ ପାରିନଥିଲେ।

ଏଥିରୁ ଯାହା ସ୍ପଷ୍ଟ ଜଣାପଡ଼ୁଛି କୃଷି ବିଭାଗ ଏବଂ ଆଇକାର୍ଡ ଏଞ୍ଜିଓର ଦୁର୍ନୀତି ଖୁବଶୀଘ୍ର ପର୍ଦ୍ଦାଫାସ୍ ହେବାକୁ ଯାଉଛି। ଚନ୍ଦ୍ରପୁର ବ୍ଲକର ନୀରୀହ ଗରୀବ ଆଦିବାସୀ ଚାଷିମାନଙ୍କ ପ୍ରତି ହୋଇଥିବା ଦୁର୍ନୀତି ସମ୍ପର୍କରେ ରାୟଗଡ଼ା ଜିଲ୍ଲାପାଳ ଏହାର ତଦନ୍ତ କରି ପଦକ୍ଷେପ ନେବା ପାଇଁ ଚାଷୀମାନେ ଅଭିଯୋଗ କରିଛନ୍ତି।
ଧାନର କଟନି-ଛଟନିକୁ ବିରୋଧ, ଚାଷୀ କଲେ ବାସୁଦେବପୁର ବ୍ଲକ ଘେରାଉ

ଭଦ୍ରକ ଜିଲ୍ଲା ବାସୁଦେବପୁର ବ୍ଲକରେ ଧାନ କିଣାରେ ଆଠ ପର୍ସେଣ୍ଟରୁ ଏଗାର ପର୍ସେଣ୍ଟ କଟନି ଛଟନି କୁ ନେଇ ଚାଷୀଙ୍କ ମଧ୍ଯରେ ତୀବ୍ର ଅସନ୍ତୋଷ ଦେଖାଦେଇଛି । ଏହାକୁ ବିରୋଧ କରି ଚାରି ଟି ସ୍ଥାନ ରେ ଚାଷୀ ମାନେ ରାସ୍ତା ରୋକ୍ କରିଛନ୍ତି। ବାସୁଦେବପୁର ବ୍ଲକ ର ବିଦେଇପୁର, ଏଡତାଳ, ନରସିଂହପୁର, ଇରମ ଠାରେ ମୁଖ୍ୟ ରାସ୍ତା ଅବରୋଧ କରି ଚାଷୀ ମାନେ ଦୀର୍ଘ ସମୟ ଧରି ରାସ୍ତା ରୋକ୍ କରିଛନ୍ତି।

ବିଦେଇପୂର୍ ଠାରେ ରମେଶ ଚନ୍ଦ୍ର ବଳ, ଉତ୍ତମ ପାତ୍ର, ବିଦ୍ୟାଧର ମୁଦୁଲି, କାହ୍ନୁ ଚରଣ ବେହେରା, ଆଦିତ୍ୟ ଗିରି, ଦୟାନିଧି ଦାସ, ତପନ କୁମାର ଭୂୟାଁ, ଶରତ ମିଶ୍ର, ରତ୍ନାକର ବାରିକ୍, ସୁବାସ ମାଝୀ ଙ୍କ ସହ ବହୁ ଚାଷୀ ସେହିପରି ଏଡତାଳ ଠାରେ ନିରଞ୍ଜନ ପଲାଇ, ହରିହର ବେହେରା, ଗୋପାଳ ଦାସ, ଅର୍ଜୁନ ମଲ୍ଲିକ, ବିଦ୍ୟାଧର ମଲିକ, ହିମାଂଶୁ ଜେନା, ଜଗବନ୍ଧୁ ନାୟକ, ହୃଷୀକେଶ ନାୟକ ଙ୍କ ସହ ବହୁ ଚାଷୀ ସେହିପରି ନରସିଂହପୁର ଠାରେ ଗୌରାଙ୍ଗ ପଣ୍ଡା, ପ୍ରଭାତ ବାରିକ୍, ଜଗନ୍ନାଥ ମିଶ୍ର, ପଦ୍ମ ଲୋଚନ ମହାରଣା, ଗଙ୍ଗାଧର ପରିଡ଼ା, ଭାଗିରଥି ମହାପାତ୍ର, ବିଭୂତି ଭୂଷଣ ପଣ୍ଡା ଙ୍କ ସହ ବହୁ ଚାଷୀ ସେହିପରି ଇରମ ଠାରେ ସୁବାସ ସନ୍ଧି ବିଗ୍ରହ, ଦେବ ଦତ୍ତ ବଳ, ଗୌରହରି ମଲିକ, ସୁନୀଲ ପାଢ଼ୀ, ଅମରେନ୍ଦ୍ର ପଣ୍ଡା, ରଘୁନାଥ ମଲିକ, ବଂଶୀ ଧର ସେଠୀ, ନିରଞ୍ଜନ ରାଉତ ଙ୍କ ସହ ବହୁ ଚାଷୀ ଉପସ୍ଥିତ ରହି ଦୀର୍ଘ ସମୟ ଧରି ବସି ରହି ଥିଲେ।