ଦିଲ୍ଲୀ ଏକ୍ସାଇଜ୍ ପଲିସି ସ୍କାମ ସହିତ ଜଡିତ ଦୁର୍ନୀତି ଏବଂ ଅର୍ଥ ହେରଫେର ମାମଲାରେ ସୁପ୍ରିମକୋର୍ଟ ଶୁକ୍ରବାର (୯ ଅଗଷ୍ଟ ୨୦୨୪) ଆମ୍ ଆଦମୀ ପାର୍ଟି (ଏଏପି) ନେତା ମନୀଷ ସିସୋଡିଆଙ୍କୁ ଜାମିନ ପ୍ରଦାନ କରିଛନ୍ତି। ଜଷ୍ଟିସ୍ ବି.ଆର. ଗଭଇ ଏବଂ ଜଷ୍ଟିସ୍ କେ.ଭି.ବିଶ୍ୱନାଥନଙ୍କ ପୀଠ ଏହି ମାମଲାର ରାୟ ଦେଇଛନ୍ତି।
ଏହାପୂର୍ବରୁ ଅଗଷ୍ଟ ୬ ରେ ସିସୋଡିଆଙ୍କ ଆବେଦନ ଉପରେ କୋର୍ଟ ତାଙ୍କ ନିଷ୍ପତ୍ତି ସଂରକ୍ଷିତ ରଖିଥିଲେ। ବାତିଲ ହୋଇଥିବା ଦିଲ୍ଲୀ ଏକ୍ସାଇଜ୍ ପଲିସି ୨୦୨୧-୨୨ ର ପ୍ରଣୟନ ତଥା କାର୍ଯ୍ୟକାରୀ କରିବାରେ ଅନିୟମିତତା ଅଭିଯୋଗରେ ମନୀଷ ସିସୋଡିଆଙ୍କୁ ଫେବୃଆରୀ ୨୬,୨୦୨୩ ରେ ଗିରଫ କରାଯାଇଥିଲା।
ଢେଙ୍କାନାଳ ଜିଲ୍ଲା କାମାକ୍ଷାନଗର ଅବକାରୀ କାର୍ଯ୍ୟାଳୟ ପରିସରରେ ମଙ୍ଗଳବାର ବିଳମ୍ବିତ ରାତିରେ ଘଟିଥିବା ଭୟାବହ ଅଗ୍ନିକାଣ୍ଡରେ ଜଳିଗଲା ୧୩ରୁ ଅଧିକ ମୋଟର ସାଇକେଲ। ଜଳିଯାଇଥିବା ମୋଟର ସାଇକେଲ ଅବକାରୀ ବିଭାଗ ଦ୍ବାରା ଜବତ ଗାଡି ଥିଲା। ଏଥିସହ ବହୁ ପରିମାଣର ଅବକାରୀ ସାମଗ୍ରୀ ମଧ୍ୟ ଜଳି ପାଉଁଶ ହୋଇଯାଇଥିଲା। ଦୀର୍ଘ କସରତ ପରେ ନିଆଁକୁ ଆୟତ୍ତ କରିଥିଲା ଅଗ୍ନିଶମ ବିଭାଗ। ସୂଚନା ମୁତାବକ, ଗତ ବିଳମ୍ବିତ ରାତିରେ ଅବକାରୀ ବିଭାଗର ସମସ୍ତ କର୍ମଚାରୀ ପାଟ୍ରୋଲିଂରେ ଯାଇଥିଲେ। ହଠାତ୍ ନିଆଁ ଲାଗିଯାଇଥିଲା।
ଗୋଦାମରେ ଗଚ୍ଛିତ ଅବକାରୀ ସାମଗ୍ରୀ, ସ୍ପିରିଟ୍ ନିଆଁ ସଂସ୍ପର୍ଶରେ ଆସିବା ପରେ ହୁତୁହୁତୁ ହୋଇ ଜଳିଉଠିଥିଲା। ସମଗ୍ର ଅଞ୍ଚଳ ନିଆଁରେ ଆଲୋକିତ ହୋଇଉଠିଥିଲା। ନିଆଁର ଏହି ପ୍ରଖରତା ସ୍ପିରିଟ ପାଇଁ ହୋଇଥିବା କୁହାଯାଉଛି। କାମାକ୍ଷାନଗର ଅଗ୍ନିଶମ ବାହିନୀ ପହଞ୍ଚି ନିଆଁ କୁ ଆୟତ କଲାବେଳକୁ ଜବତ ହୋଇଥିବା ଗାଡିଗୁଡିକ ସମ୍ପୂର୍ଣ ପୋଡିଯାଇଥିବା ଦେଖିବାକୁ ମିଳିଛି। ଖବର ପାଇ ଢେଙ୍କାନାଳ ଜିଲ୍ଲା ଅବକାରୀ ବିଭାଗ ଅଧିକାରିଣୀ କ୍ରିଷ୍ଣା ନାୟକ ଇନ୍ସପେକ୍ଟର ପ୍ରକାଶ କୁମାର ସାହୁ , ଡେପୁଟି ସୁପରିଟେଣ୍ଡେଣ୍ଟ ସାବନ କୁମାର ଭୋଳ, ସୀତାରାଣୀ ପଟ୍ଟାୟତ, ଦୀପଦତ୍ତନ ବିଶ୍ୱାଳ ପ୍ରମୁଖ ପହଞ୍ଚି ତଦନ୍ତ କରିଥିଲେ। ତେବେ ଗୋଦାମରେ ଥିବା ବଲ୍ବ ଫାଟିବାରୁ ଏହି ଅଗ୍ନିକାଣ୍ଡ ହୋଇଥିବା ସୂଚନା ଦେଇଛନ୍ତି ସୁପରିଟେଣ୍ଡେଣ୍ଟ କ୍ରିଷ୍ଣା ନାୟକ ।